ови инвестиции најавени за првото тримесечје од годинавата

Е вакви вести сакам да читам! 

Ако се оствари, да се надеваме дека ке повлече нога да и други големи компани влезат во МК

nekoj spomna bosch,jas tipuvam na basf

Кој сè снабдува делови за Мерцедес Ц Класа

За сите оние што мислеа дека Мерцедес ќе дојде во Македонија (а особено за градоначаникот на Велес, кој, очигледно немал поим кој му дошол во општината да му бара локација за фабрика - за да се потсети), овде ја објавуваме листата на снабдувачи на делови за Мерцедес Ц Класа.

Сигурно не станува збор за комплетна листа. Имено, во автомобилите на Мерцедес има илјадници делови (во Џамбо Џет – Боинг 747 има 2,5 милиони делови) и, како што може да се види од списоков, огромен број од нив не ги произведува компанијата, туку нејзините снабдувачи. А, уште поголем број не ги произведуваат ниту тие, туку нивните снабдувачи (подснабдувачите).

Исто така, табелава можеби не е и ни најточна зашто е од пред 3 години, па некои од снабдувачите можеби се сменети.

Во секој случај, останува фактот дека Мерцедес сигурно не произведува кабли и електрични инсталации/системи за своите автомобили од Ц класа, делови што треба да ги работи оваа фамозна фабрика.

Така што, ако ве интересира, побарајте, можеби компанијата која треба да дојде во земјава е меѓу овие 59 долунаведени. А, можеби и не е.

Плусинфо.мк Бизнис се извинува што не можеше да обезбеди превод – терминологијата е убиствена.

Наш избор е „Hirschmann Automotive“ под број 28, иако немаме никакви илузии дека сме во право. (извор: mbworld.org)

Ќе се прават ли делови за „Мерцедес“ во Кавадарци?

Германски инвеститор е заинтересиран да гради фабрика за автоделови во Македонија

Ангел Данов


Кавадарци - Кавадарци, по се' изгледа, ќе ја добие битката со Велес околу привлекување на германскиот инвеститор заинтересиран во Македонија да изгради фабрика за производство на автоделови. Висока делегација од германската компанија „Дрекслер Мајер“, која е сестринска фирма на „Мерцедес“, деновиве беше во Кавадарци и се сретна со градоначалникот Александар Панов. Германците биле пријатно изненадени од брзата реакција на Општината и градоначалникот во смисла на овозможување поволности за странските инвеститори заинтересирани за вложување во Македонија.

„Централна тема на средбата беа неодамна донесените поволности кои Општината им ги нуди на странските компании кои имаат намера да вложуваат во Кавадарци, како и сместувачките угостителски капацитети, но и расположливиот деловен простор“, информираа од Општина Кавадарци.

Гостите од Германија пројавиле дополнителен интерес за потенцијалот на едуциран кадар од сите профили што би бил ангажиран во идната фабрика. Домаќинот Панов одговорил на сите нивни прашања и дилеми и ги информирал за можноста кавадаречките компании кои се занимаваат со превоз на патници и со угостителска дејност да понудат субвенционирана цена на своите услуги за време на престојот на стручните кадри во првата фаза од скенирањето, како и во финалната при стартот на фабриката.

Гостите направиле обиколка на сите локации за кои биле заинтересирани, а ги посетиле и двете водечки компании во Македонија со седиште во Кавадарци, „ИГМ трејд“ и „ФЕНИ индустри“ при што се сретнале со менаџерските тимови.

Кавадарчани се' погласно коментираат дека ако станат вистинити најавите за отворање фабрика за автоделови, тогаш за младите невработени кавадарчани има иднина во овој крај. Засега Кавадарци живее од „Фени“, „ИГМ трејд“ и „Алајанс уан“ како компании во кои се вработени најголемиот дел кавадарчани. Според неофицијални информации што кружат низ Кавадарци, во првата фаза од проектот ќе бидат вработени 400 лица, а потоа фабриката би вработила уште 4.000, што ќе ја направи најголем работодавец во Македонија.

„Дрeкслмајер“ објави конкурс за фабриката во Кавадарци

http://www.makdenes.org/content/news/24522581.html">

Кавадарци ќе извезува за Мерцедес од април 2013

http://www.kapital.com.mk/clientControls/dimitrov@kapital.com.mk - Петре Димитров

Дури 1.000 лица веќе се пријавиле за работа во фабриката на германската компанија Дрекслмаер, партнер на автомобилската компанија Мерцедес, која е најголемата инвестиција во историјата на Кавадарци. „Капитал“ ексклузивно објавува како Кавадарци се подготвува за оваа инвестиција. Поголема репортажа ќе може да прочитате во утрешното издание на магазинот „Капитал“

За помалку од една година Кавадарци треба да добие уште една голема извозна компанија – фабриката на германскиот производител на автоделови Дрекслмаер, кој ќе произведува директно за автомобилскиот гигант Мерцедес. Во градот сите до детали се информирани за најголемата инвестиција во историјата на Кавадарци и се надеваат дека со отворањето на фабриката, која ќе произведува делови за моделите од Мерцедес Ц-класа, ќе порасне цената на работната рака и ќе се најде подобра работа. Во наредните неколку години во неколку фази во оваа фабрика треба да се вработат околу 4.000 лица.

И во општината сериозно се посветени на најавената инвестиција во вредност од 20 милиони евра. Веќе се работи на промени и усогласувања на градежните планови, бидејќи по изградбата и стартувањето со работа на фабриката се очекува зголемување на бројот на жители во градот.

„Очекуваме бројот на жители да ни се зголеми за околу 10.000. Во градот веќе се градат неколку нови станбени објекти, во план е изградба и на нови, а наскоро планираме изградба и на градинка“, вели градоначалникот Александар Панов.

Моментално општината има 42.000 жители, од кои како невработени се водат околу 5.000 лица.

Пред да ја донесе финалната одлука, Дрекслмаер како опција за градење на фабриката ги имаше и Египет и Бугарија, но по една година преговарање беше донесена конечна одлука да се инвестира во Македонија. На почетокот во игра беа и Велес и Тетово, но на крајот се избра Кавадарци.

„Кавадарци го победи Велес бидејќи понудивме подобри услови. Германците целосно ги ослободивме од комунална такса. Од општината добија четири милиони денари субвенции за изнајмување деловни простории (до декември 2012 година) за сместување на менаџерскиот тим додека се изгради фабриката. Со кавадаречките хотели склучивме договор за нивно ослободување од туристичка такса, а тие се согласија за сместување на 50 лица од компанијата Дрекслмаер и за грижа за нивна исхрана. Германците добиваат и субвенционирана цена за превоз. Кавадарци и урбанистички беше поподготвен од Велес. Веднаш на располагање имаме локација, лоцирана во третата индустриска зона во градот“, објаснува градоначалникот Панов.

Чистата заработка за општината од оваа инвестиција е 200.000 евра, а за државата 50.000 евра.

Фабриката на Дрекслмаер, е лоцирана на самиот влез на Кавадарци и ќе се протега на пет хектари. Моментално таму се врши порамнување на теренот и се прават подготвителни работи. Изгледот на фабриката треба да биде сличен како на фабриката на германската компанија во Балти, Молдавија.

Во неа, освен кавадарчани, можност за вработување ќе имаат и жителите на соседните Велес и Прилеп. Според очекувањата, од Кавадарци и од околината треба да се вработат околу 2.500 лица, а остатокот од други места во овој дел на земјата.    

Компанијата Дрекслмаер моментално има распишано оглас за вработување на 23 лица кои ќе бидат дел од менаџерскиот тим на фабриката. Огласот е меѓународен и е распишан во седум земји. На него се јавиле повеќе од 1.000 лица.

Германците претежно бараат луѓе со искуство во приватниот сектор од производните сектори, индустријата, а поволност е искуството во автомобилската индустрија. Примарно е и знаењето англиски јазик. Се бара знаење и германски јазик, но не е пресудно за сите позиции.

Веќе финализира изборот на технички менаџер на фабриката, комерцијален менаџер, асистент на менаџментот, менаџер за човечки ресурси и финансиски менаџер...

http://www.kapital.com.mk/mk/makedonija/85918/kavadarci_kje_izvezuva_za_mercedes_od_april_2013.aspx

Тргна извозот од германската фабрика во Кавадарци

Тргна извозот од германската фабрика на “Дрекслермаер” во Кавадарци која произведува  електрични кабли за мерцедес “це” класа, информира претседателот на кавадаречкиот општински Совет, Илија Тренчев. Првите количини  од околу дваесетина  тони вредни околу 30 до  40 илјади евра деновиве веќе ја поминале границата.

- Најголемо наше задоволство кое заслужува многу големо внимание оти токму во Кавадарци дојде оваа германска инвестиција при што засега се вработија над 300 работници а во неколку фази ќе се вработат околу 4 илјади работници. Владата на Република Македонија има голема заслуга  за тоа што германскиот инвеститор дојде во градот на виното. Менаџерскиот тим на компанијата исто така има голема засуга затоа што создаде  добар тим на работници кои успешно го реализираа првото производство по највисоки стандарди. Ова е голем успех за сите нас и јас посакувам тој извоз постојано да расте. Морам да нагласам дека нашите работници се вредни и со првото производство потврдија дека знаат да произведат квалитет - вели Тренчев.

Братучетка ми живееше со мажот во еден друг град во Македонија иако мажот и е кавадарчанец бидејќи таа имаше доста добра и солидно платена работа. Кога се отвори драксел мајер се преселија во Кавадарци зошто мажот и  најде работа мислам дека и таа бара и најверојатно до сега и она се вработила во драксел мајер. 

Таа ми кажуваше дека се планира да се носат работници од околните градови зошто Кавадарци неможе да одговори на работните места како со број на работници така и со квалификуван кадар. 

Што се однесува до тоа колку вработувања носи една фирма мислам дека тоа е многу јасна работа со оглед дека сите тие фирми најчесто имат потреба од доставувачи како на материјали, така и на резервни делови и слични услуги. Прашањето е само колку нашите фирми се способни да одговорат на потребите на овие производители. Мислам дека сепак огромен дел од потребните суровини и делови за работа сепак ќе доаѓат од увоз. Но тоа не значи дека оваа ситуација нема да се смени во иднина.