Дали некој знае да ми каже до каде е проектот "населба расадник"? Нели беа планирани неколку стотици станбени единици, црква, трговски, школо и што уште не.... Ако имате на лагер слики ептен би било супер....а може и нов тред за тоа да се отвори...

ПОДЗЕМНАТА ИНФРАСТРУКТУРА ИЗГРАДЕНА, ПОЧНУВА ИЗГРАДБАТА НА НАДЗЕМНАТА

Расадник конечно со струја, парно и улици

Општината деновиве започна со поставување на топлификациона мрежа, што велат е и последна фаза од изградба на подземната инфраструктура. Од Градот, пак, стартуваат со активности за изградба на улиците. Веќе за два до три месеци ќе продолжи и издавање на градежни дозволи за нови станбени објекти

Во населбата Расадник викендов почна изградбата на топлификационата мрежа. Според надлежните во Општината, ова е и последната фаза од потребната подземна инфраструктура за неколкуте згради што веќе се изградени, но и за оние кои допрва ќе се градат. Од Градот, пак, велат дека се започнати и активностите за изградба на улиците, така што за два до три месеци општинските власти ќе можат да продолжат и со издавање на градежни дозволи за изградба на нови станбени објекти.

-Пред две години во оваа населба затекнавме неколку веќе изградени и вселени згради кои немаа ниту приклучоци за вода и струја, ниту пак асфалтирани пристапни улици. Затоа стопиравме издавање на нови градежни дозволи и почнавме со изградба на инфраструктурна мрежа. Притоа беше договорено Општината да ја изгради подземната, а Градот надземната инфраструктура, односно улици и паркиралишта. Нашата интенција е инвеститорите кои ќе градат таму да имаат пристапен пат и потребна улична мрежа, а становите сите потребни приклучоци, а не станарите допрва да чекаат да се градат улици, паркиралишта или водоводна и канализациона мрежа, вели Тони Чуповски, портпарол на Општина Кисела Вода. Тој додава дека во план е годинава да биде завршена и гасификационата мрежа.

И од Општината и од Градот, велат дека решавањето на спорните имотно-правни односи беа главната причина за одолговлекување на градежните работи за оваа населба. Инаку, за да може во моментот од веќе вселените згради да се изнесува сметот, општината финансираше изградба на пристапен пат кој е тампониран.

http://dnevnik.com.mk/?ItemID=5B1D2DB03D1A8E4DB63388439981FB3D

Роза Петкова

Десетината станбени згради начичкани една до друга се единствената содржина која се изгради последниве години во стариот расадник во Кисела Вода, иако досега ова место требаше да прерасне во вистинска населба. Жителите што ги населија новите згради велат дека во Расадник не е изграден ниту еден парк, постојат само неколку кафулиња и филијали на банки, а нема ни мал трговски центар со продавници. Тие се жалат дека имаат потреба од нова градинка бидејќи доселените жители се претежно млади брачни парови, а единствената градинка во околината веќе е полна. Пред да почне изградбата, се најавуваше населба која ќе вдоми 10.000 жители, клинички центар, аквапарк, студентски град, хотел за спортисти, трговско-деловни објекти, црква, а ништо од тоа не се изгради, разочарано велат тие.
- Направени се повеќе од десетина згради во последните неколку години. Но, треба уште да се гради и да се направи пристап од страната на Првомајска. Исто така, паркинг-просторот не е предвиден како што треба. На пример, пред мојата зграда има паркиралиште, а на приземјето се отворени кафуле и банка, па луѓето што доаѓаат по работа се паркираат на местата на станарите. Не е далеку времето кога и ние ќе го имаме истиот проблем со паркирањето како што го има и Центар - вели Мирјана П. жител од Расадник. Проблем е и такси-станицата која го отежнува влезот во станбените згради и создава метеж во сообраќајот. Граѓаните велат дека во сервисната уличка се паркираат по неколку такси-возила, па нема простор каде да се разминат два автомобила кога се движат во спротивна насока.
- Добро е да имаме такси-станица, тоа секако најмногу ни користи нам, но треба некако да се организира. Да се најде соодветна локација, а надлежните треба да се погрижат за тоа - велат жителите. Во општина Кисела Вода не одговорија уште колку станбени згради треба да се градат на поранешното земјоделско земјиште, ниту дали има инвеститори за другите предвидени објекти.
- Освен станбени објекти, со ДУП „Расадник“ се предвидени и содржини со намена образование (основно и средно училиште и факултет), студентски и ученички домови, здравствен дом и објекти за спорт и рекреација. Инаку, секоја зграда во тој дел, според Правилникот, има планирано соодветен број паркинг-места во градежна парцела, но практиката и навиката на граѓаните е да не ги користат подземните гаражи, со што предизвикуваат проблем со паркинг-местата. Како и да е, Општина Кисела Вода во иднина ќе се потруди при измената на ДУП, во делот на спорт и рекреација да предвиди и простор за јавно паркиралиште - вели Марјан Спасески, портпарол на Општината.

Расадник сè уште е далеку од елитна населба

http://plusinfo.cfd.mk/large_gal/2011/10/20/rasadnik2.jpg">