Print Page | Close Window

Автопати и експресни патишта (општо)

Printed From: build.mk
Category: Главни теми
Forum Name: Патишта
Forum Discription: Автопатишта, магистрали, патарини, одморишта...
URL: http://www.build.mk/forum/forum_posts.asp?TID=1785
Printed Date: 29-Mar-2024 at 13:02


Topic: Автопати и експресни патишта (општо)
Posted By: Andrej_LJ
Subject: Автопати и експресни патишта (општо)
Date Posted: 21-Oct-2012 at 18:55
Прв пост, кој би сакал да го надополниме со сегашната ситуација на теренот во Македонија, како и една хронолошка слика кога се пуштани делниците кај нас. Супер би било да дојдеме до бројки за фрекфренцијата на возила, како и дискусија за идните проекти.

-------------
"Тaм, където глупостта е образец, разумът е безумие." Гьоте



Replies:
Posted By: Andrej_LJ
Date Posted: 21-Oct-2012 at 19:20


Продолжеток на дискусијата од овде:

http://www.build.mk/forum/forum_posts.asp?TID=598&PID=139087#139087 - http://www.build.mk/forum/forum_posts.asp?TID=598&PID=139087#139087



@ Clover
Многу глупаво се изразив затоа што бев фокусиран на глупоста што се прави во врска со карактеристиките на патов, не на неговата траса. Така што тој дел на дискусијата го испуштив!
Апсолутно се согласувамд ека не треба да се прават посериозни зафати или патишта од повисок ранг на Прилеп-Градско, туку автопатот да оди директно од Велес кон Прилеп и Битола. Велес географски се наметнува како главна (се разбира после Скопје) сообраќајна патна и железничка раскрсница на Македонија и сите поенти и идеи кои ги наведе Кловер се сосема верни и се согласувам со нив.

Сеедно не се согласувам дека овој автопат треба да биде приоритет пред Миладиновци - Штип заради следниве неколку факти:

-Источна Македонија е традиционално и долгогодишно запоставувана а се претвора во се поголе економски центар. Повторно Штип е географски, а со тоа и сообраќаен центар на Истокот, така што автопат од Скопје до Штип ќе обезбеди далеку побрза врска и со другите градови а) кон Кочани: Делчево, Виница, Берово, Пехчево, Мак. Каменица, како и кон Струмица: Радовиш.
-Патиштата во Источна Македонија се многу полоши од оние во Централна така што мислам дека под итно да се подобри инфраструктурата таму, особено преку изградба на автопат кон Штип.
-Како аргумент кој ја тангира приоритетноста при изградбата на автопатите е фактот што железницата во Источна Македонија е во далеку полоша состојба отколку онаа кон прилеп и Битола. Луѓето немаат никаква алтернатива при патничкиот превоз, затоа што освен Штип и Кочани, никој дргу град и нема железница.
-Автопат кон Штип преку Св. Николе, значително ја скратува сегашната делница преку Велес (поента која признавам е валидна и за автопат Велес-Прилеп).
-Делницата Миладиновци - Штип е доста полесна за градба отколку онаа кон Прилеп. Тоа претполага оваа делница да ја завршиме без поголеми напори, однопсно како побрзо така и поефтино.

Сепак признавам дека автопат од Велес до Прилеп треба да биде висок приоритет и да се изгради што побрзо. Во тој ред на мисли не се согласувам со Кловер околу полуавтопатот. Да, тоа би било прифатливо во некоја нромална земја, а не во нашата бидејќи патот така ќе остане со децении. Да не забораваме дека при изградба на едниот коловоз се завршуваат 80% од работата (засеци, мостови, тунели, израмнувања на теренот), така што за подоцна би останало само тампонирањето и асфалтирањето на вториот коловоз. Мислам дека ова не се исплати (повторно носење и ангажирање на техника, при поголеми зафати одеднаш цената паѓа итн) и дека треба да стегнеме заби да се изгради се одеднаш како што треба. Мислам дека ова би привлекло многу поголем сообраќај од сегашниот пат и ќе ја отвори Игуменица како алтернативно пристаниште на Солун и Драч за нашите фирми (Игуменица е крајот на коридорот 10Д).

Малку подоцна ќе направам една карта со моите приоритети и замисли за автопатската мрежа во Македонија, но сметам дека мора Владата конечно целосно да се посвети на развој на патната инфраструктура ( во последно време има некакво раздвижување во поглед на железничката, но патната останува дупка). Пред се мислам дека мора да престанат овие глупости и експерименти како додавање на трети или четврти ленти и тоа да ни се претставува како автопат или реална замена за експресен пат и мора да се почне со изработка на идејни и технички проекти, со што би имале проектна готовност и при прва можност да се обезбедат сретства и да се започне со градба!


Posted By: elnino
Date Posted: 21-Oct-2012 at 19:54
Не мислев одма да се вклучам тука но баш ме заинтригира патнава мрежа и еве јас што си правев замисли 





владава да сака сама може да ги направи дел од патиштава пример за капитални инвестиции беа одвоени околу 400милиони евра, еве за патишта да се 300 секоја година од буџет шо не се мали средства за период од 6 години би сде изградиле повеке од делнициве.....

да ги објаснам по боја

Лила бојата е автопатско решение кое е приоритет А (Куманово-Паланка и Другово_Охрид)
Другата розе боја е автопатско решение со евентуално Експресен пат од Висока категорија до Штип Приоритет А1  исто и Скопје Качаник

Темно зелено е Експресен пат во планински предел, целта е со помали трошоци да се дојде до сепак солидно решение приоритет А (Годтивар-Кичево и Паланка Граница Ѓуешево

Експресен пат од Високо ниво две ленти со една за застанување од 2,5 (Велес-Прилеп) Приоритет Б

Експресен пат Буково-Охрид со заобиколница во Ресен како тесно грло приритет Б1

експресен пат Прилеп-Раец   Б приоритет
Експресен пат Штип Струмица А1 приоритет

Експресен пат од пониска категорија РАЕЦ-КАвадарци-Неготино Б приоритет
(ова како алтернатива на владиниот Битола преку мариово до Демиркапија, зошто да се прескокне Кавадарци а д асе праве толку футуристички пат преку мариово и кожуф) беспотребно

Експрсен пат Штип=Кочани пониска категорија со по две ленти у коловоз и паркинг на секои 2км приоритет Б
Трета лента на патот Валандово струмица 

Експресен пат Повисока категорија велес-Штип А приоритет


Posted By: elnino
Date Posted: 21-Oct-2012 at 20:00
Целта ми беше во лесни делници и рамнини да има Автопатско решение бидејки трошоците се помали а во ридско планински предели со Експресен пат би се решил проблемот колку толку задоволително.......

прашање колку би чинел експресен пат во рамница, колку во ридски терен.....како што рековте со не поголем наклон од 6-7%

колку би чинел автопат без тунели и мостови во прилично рамне терен...

кога би ги знаеле овие окуларно многу полесно владата би ги градела овие со наши фирми со годишен план од околу 300 милиони


Posted By: Andrej_LJ
Date Posted: 21-Oct-2012 at 20:36
ЗЕЛЕНО - Делница во употреба
ЦРВЕНО - Делница во изградба
ДЕБЕЛА ЛИНИЈА - Автопат (2x2+1)
ТЕНКА ЛИНИЈА - Експресен пат (2x2)



http://www.makeagif.com/bPUsTr">

http://www.makeagif.com/rk1XPl">


-------------
"Тaм, където глупостта е образец, разумът е безумие." Гьоте


Posted By: FoSsiL
Date Posted: 21-Oct-2012 at 20:43

Thumbs%20Up Дефинитивно да! Одлично!

Само фали временска рамка... само како што знаеме како се движат работиве кај нас... поарно и да ја нема... ќе расипува одлична презентација... 

Само ме чуди зошто не сметаш дека би требало Куманово - Деве Баир да биде целосно автопат... јас сум повеќе за таа варијанта... Сепак се работи за најважниот патен правец кој не поврзува со Бугарија, и ги поврзува главните градови по најкратко растојание...



-------------
Македонија - Земја на чудата!


Posted By: Andrej_LJ
Date Posted: 21-Oct-2012 at 21:03
Го правам и тоа.
Него знае ли некој колку е точната должина на автопатите во Македонија? Итно ми треба!


-------------
"Тaм, където глупостта е образец, разумът е безумие." Гьоте


Posted By: FoSsiL
Date Posted: 21-Oct-2012 at 21:42

хмм... незнам точно... ~200км

Некои бројки од 197 до 216 километри и тоа без Тетово-Гостивар, Катланово - Велес, а со Табановце - Куманово и скопската обиколница... незнам каде се појавува таа разлика од 19 километри... најверојатно кај сврзувањето на коридорите... или евентуално ако некои го важат и... источниот влез на Скопје...

Како и да е.... бројката е приближно таа... 200км

ЕДИТ: моја грешка беше... 216 биле... не 206



-------------
Македонија - Земја на чудата!


Posted By: FoSsiL
Date Posted: 21-Oct-2012 at 21:50

Не... Сега проверив... тие 19 се уствари Тетово - Гостивар... Некои погрешно го сметаат за автопат.... 

Значи... Бројката е 197км.. ~ 200 заокружено.. пак испаѓа толку



-------------
Македонија - Земја на чудата!


Posted By: elnino
Date Posted: 21-Oct-2012 at 21:51
не заборавај Битола и Прилеп да ги поврзеш со Струмица и Гевгелија.....како големи економски центри.....


Posted By: Andrej_LJ
Date Posted: 26-Oct-2012 at 15:22
Еве го ветениот од мене план за изградба на автопатската мрежа во Македонија. Изградбата би била поделена во 2 фази, секоја од нив содржејќи по уште 3 подфази. Првата фаза го опфаќа периодот од 2013 до 2019 година во кој е предвидена изградба на најважните и најтешките делници во Македонија.

ФАЗА 1-1 (2013-2015), 3 години:





Тука нема потреба за многу објаснувања, но сепак да кажам зошто токму овие две делници. Првата од Миладиновци до Штип сметам дека е исклучително важна заради поврзувањето на буквално сите градови во Источна Македонија индиректно, како и директно на два - Штип и Св. Николе. Патот преку Св. Николе значително (20+ км) го скратува времето за патување до Штип, а со тоа и на југ кон Радовиш/Струмица и Кочани/Делчево. Замислете си Скопје - Штип за половина час, колку голем имплус ќе му даде на целиот регион.
Втората делница е дел од коридорот 8 и Е65, пат кој води до нашиот најголем туристички центар. Јас не ја замислувам Македонија без автопат до Охрид, а изградба на сериозен туризам во Охрид (каков што сега ниту од далеку нема) е невозможен без автопат до Скопје. Оваа траса од Гостивар до Осломеј е прва фаза од вкупно четирите за изградба на автопат до Охрид и Струга. Освен што се елиминира ужасно тешкиот превој на Стража, патот се скратува значително, додека Гостивар добива своја Обиколница (сегашниот пат дефакто минува низ Гостивар и создава проблеми и жртви). Автопатот би завршил кај Осломеј, а натаму по стариот магистрален кон Охрид.


ФАЗА 1-2 (2015-2016), 2 години:





Во оваа подфаза, предлагам изградба на повеќе пократки делници, сите со меѓународно значење со цел поврзување на земјата со соседните држави.

Пред се тоа е делницата од Скопската Обиколница до Блаце. Поврзувањето со Косово е многу важно од економска гледна точка (сите сакаме Скопје да биде болница, шопинг центар и центар за различни услуги за Косово), а потребата се засилува по најавата за изградба на автопат од Приштина кон нашата граница.
Втора делница е лесниот дел од трасата кај Охрид, односно рамничарската делница Охрид - Мешеишта. Нема потреба да објаснувам колку важна а лесна делница е ова.
Третата делница е всушност обиколницата на Кичево, по неговата источна страна. Започнува од селото Осломеј, па се до селото Пополжани, односно одвојувањето за Крушево и Битола по патот R416. Ова е сложна делница, бидејќи вклучува 3-4 километарски тунел, во делот каде што трасата го заобиколува Кичево.
Четвртиот дел на трасата е од Куманово до с. Војник. Обиколницата на Куманово би започнала кај селото Романовце и по југо-источната и источната страна би го заобиколила градот. Оваа делница е во претежно рамничарски терен и е релативно лесна за изградба. Со тоа освен што градот Куманово добива нова Обиколница, се скратува и олеснува патот за Бугарија, земја која е во топ 5 трговски партнери за Македонија.


ФАЗА 1-3 (2017-2019), 3 години:





Тука главен акцент е ставен на поврзувањето на Прилеп и Битола со патот Е75, Скопје и Источна Македонија. Оваа делница повторно на сите ни е јасно зошто е многу важна и мора да се изгради како автопат.
Тука е и една кратка и лесна делница помеѓу Охрид и Струга, пат кој целогодишно има голем сообраќај, кој кулминира во летните месеци. Исто така тоа е уште еден лот, со кој стануваме поблиску до комплетирање на К8 низ Македонија и поврзувањето со Албанија.
Трета делница е експресниот пат Охрид - Градиште по падините на Галичица, над езеото. Можеби многумина нема да се согласат или ќе се зачудат на мојот избор, но мислам дека под итно треба да се направи пат со високи параметри кој би ја опслужувал Охридската Ривиера. Сите знаеме какви гужви и неудобства има на овој пат во летните месеци, а крајбрежните населени места би живнале и земале воздух од опсадата на автомобили.


ФАЗА 1 (2013-2019), индикативни заокружени трошоци по години:



Со комплетирањето на оваа фаза 1, Македонија до почетокот на 2020 година ќе ја дуплира сегашната автопатска мрежа од околу 250 километри до околу 506 километри. Се дава акцент како на внатрешните потреби, така и на поврзувањето со соседите и исполување на модерни и брзи транспортни Пан-европски коридори.

-------------
"Тaм, където глупостта е образец, разумът е безумие." Гьоте


Posted By: FoSsiL
Date Posted: 26-Oct-2012 at 15:33

Реално... Само уште да се нафатат да потрошат милјарда и нешто милиони евра...

Вака на прв поглед навистина изгледаат многу... 

Ама потоа кога ќе се размисли поубаво... тоа се 7 државни годишни буџети.... иако ќе биде малце стегнато... мислам дека ќе можат да го издржат тој финансиски товар... 

За следната фаза и не е толку загрижувачки, со оглед на тоа дека ваљда до 2020 ќе бидеме влезени во ЕУ, ако се направи нешто со проблемот за името годинава како што се збори... па може делумно или целосно да се финансира со европските фондови... ама за тоа потоа... Што правиме сега... 2013 е на два месеци од сега... така да 2013 во секој случај ја пропуштаме...



-------------
Македонија - Земја на чудата!


Posted By: Denko
Date Posted: 26-Oct-2012 at 15:41
Edinstvena zamerka e toa sto edna od najrazvienite opstini ili region Strumica e ostaveno kako slepo crevo. Nitu avtopat, nitu zeleznica, nitu direktno povrzuvanje so zapadna t.e. jugozapadna Makedonija. Regionalniot pat kon Stip (65km od koi ca. 30km se rekonstruirani vo izminative 20 god.) ne gi zadovoluva standardite so sto znacajno go zabavuva tempoto na ekonomski razvoj koj moze da go ponudi ovoj kraj.


Posted By: <Fresno>
Date Posted: 26-Oct-2012 at 18:20
Originally posted by FoSsiL

Ама потоа кога ќе се размисли поубаво... тоа се 7 државни годишни буџети....

Буџетот за 2012 е околу 2,7 милијарди евра. Како и да е, никој не финансира изградба на инфраструктура од тековни средства. А сите овие желби што ги има Андреј наброено, некако и би можеле до 2020 да се реализираат само ако БДП оди нагоре, заборавиме на други капитални инвестиции и се решиме за поголем надворешен долг.

Инаку уште во старт не е точен планот бидејќи Демир Капија - Смоквица уште не е изградена, а Скопје - Блаце е планирана за 2012.


Posted By: FoSsiL
Date Posted: 26-Oct-2012 at 18:30

Знам знам... сакав само да направам споредба на финансиската моќ на Македонија да се нафати на вакво нешто... дека е можно и да се оди и само или делумно со државните буџети, да се исполни целта, но дека ќе биде стегнато.... доста стегнато... зашто 3*7 = 21 милијарда евра... еден да одат за автопатите... не е нешто што не може да се поднесе... излегува по 150 милиони евра годишно... 

Инаку сигурно ќе се оди со кредити кои ќе се исплаќаат најмалку 15 години.... па тоа ќе се распредели низ 15 државни буџети.... па да се намали на некои 80-100 милиона годишно зависно од камата и услови... а со кредити на подолг рок... да се намали уште повеќе... но вкупно ќе не чини повеќе секако.... 



-------------
Македонија - Земја на чудата!


Posted By: Andrej_LJ
Date Posted: 26-Oct-2012 at 20:42
Originally posted by <Fresno>

Originally posted by FoSsiL

Ама потоа кога ќе се размисли поубаво... тоа се 7 државни годишни буџети....

Буџетот за 2012 е околу 2,7 милијарди евра. Како и да е, никој не финансира изградба на инфраструктура од тековни средства. А сите овие желби што ги има Андреј наброено, некако и би можеле до 2020 да се реализираат само ако БДП оди нагоре, заборавиме на други капитални инвестиции и се решиме за поголем надворешен долг.

Инаку уште во старт не е точен планот бидејќи Демир Капија - Смоквица уште не е изградена, а Скопје - Блаце е планирана за 2012.


Според податоците до кои дојдов јас, буџетот на РМ (расходната страна) изнесувал 3,4 милјарди евра во 2011 година. Мислам дека секоја година има тенденција на зголемување, така што следната година мислам дека ќе биде околу 3,5 - 3,7 милјарди. Ако ја земеме средната бројка за сигурно (3 милјарди евра годишно), излегува дека тие 150 милиони евра се 5% од буџетските средства, под услов да се одлучиме да финансираме сами.
Со одот на годините, веројатно БДП ќе расте, а со тоа и издатоците за изградба на автопати, со што оваа бројка од 5% од сегашниот буџет ќе остане иста или ќе паѓа. Но, се разбира никој не е луд да финансира се од свој буџетски средства и според мене добра формула е 20% од буџетот и 80% од заеми или ЕУ фондови (кои и сега ни се достапни, но не ги користиме!).

Што се однесува до Демир Капија - Смоквица, таа делница намерно не ја имам земено во предвид, бидејќи веќе се гради, односно можеме да ја отпишеме од листата на делници за финансирање и изградба. Јас незнам кој кажал дека во 2012 година ќе се изгради автопат до Блаце, како што гледаш има само уште два месеци. Дури и за 2013 ова е невозможно бидејќи немаме ниту идејни и технички проекти, ниту средства, ниту тендери.

Да не забораваме дека за првите 7 години треба да се издвојат 1,06 милјарди евра, што не е некој голем трошок (затоа и ги имам распределено трошоците по години). За вторите 6 години пак треба да се издвојат 1,17 што повторно е неголем товар за буџетот, особено ако се земе во предвид временската рамка од 13 години. Во последните 10 години буџетот на Македонија е двојно зголемен, најмалку. И сето тоа во пример сами од буџетот да ги покриеме сите расходи, што е безумно.


-------------
"Тaм, където глупостта е образец, разумът е безумие." Гьоте


Posted By: FoSsiL
Date Posted: 26-Oct-2012 at 20:51

Да... Ама ќе треба да скратиме на споменици и други беспотребни глупости...



-------------
Македонија - Земја на чудата!


Posted By: Andrej_LJ
Date Posted: 26-Oct-2012 at 21:02
Originally posted by FoSsiL

Да... Ама ќе треба да скратиме на споменици и други беспотребни глупости...



Да де, пак случајно овие 150 милиони евра потребни на година за изградба на автопати, да не не ги даваме за Ск 2014?! Притоа без апсолутно никакви реални економски ефекти (само лаик може да го тврди спротивното)!


-------------
"Тaм, където глупостта е образец, разумът е безумие." Гьоте


Posted By: stratus
Date Posted: 26-Oct-2012 at 21:43
А да не забораваме дека овие патишта доколку се изградат би имале и патарини (иако не треба кога веќе се плаќа регистрација) што дополнително ќе ги намали трошоците


Posted By: Andrej_LJ
Date Posted: 26-Oct-2012 at 21:43
Фазата 2 би течела од 2020 до 2025 година вклучително. Исто така е разделена на 3 подфази, при што последните две се групирани како една поради малиот финансиски ресурс коишто го захтеваат. Целта е вкупната автопатска мрежа да се прошири од 506 километри во 2019, до 824 километри кон крајот на 2025 година, или 3,5 пати повеќе автопати од денеска.

ФАЗА 2-1 (2020-2022), 3 години:





Приоритет во оваа подфаза се дава на конечното сврзување на Охрид и Кичево, преку изградба на нов автопат. Теренот е тежок, но пак затоа се одвоени цели 3 години за изградба.

Втора делница, исто така по К8, но по Е871 е делницата од село Војник (Кумановско, онаму каде што завршува рамничарскиот предел и започнува ридско-планинскиот) до кривопаланечкото село Псача, од каде што почнува навистина многу тешка делница, која најверојатно ќе треба да ја градиме заедно со Бугарија заради потребата на тунел под Деве Баир/Ѓуешево. Со оваа делница на експресен пат,к значително ќе се забрза и олесни патувањето помеѓу Скопје и Софија, а низ села ќе се ослободат од транзитниот сообраќај.

Третата делница е Кочани - Штип - Радовиш (само до раскрсницата помеѓу патот М6 кон Струмица и R107 кон Градско/Неготино). Овој експресен пат ќе биде дел од идната автопатска мрежа во Источна Македонија, Кочани директно ќе го поврзе со националната патна мрежа, а Радовиш и Струмица стануваат поблиски. Со ова се скратува и патувањето кон сите 3 (Делчево, Берово, Ново Село) гранични премини кон Бугарија.


ФАЗА 2-2 (2023-2024), 2 години:





Тука главен акцент е поврзувањето помеѓу Прилеп и Битола со модерен и класичен автопат. Сите знаеме зошто, особено што теренот е рамничарски.

Втора голема делница е експресниот пат помеѓу раскрсницата на патиштата М6/R107, Струмица, се до гп Ново Село. Оваа делница освен што не сврзува со Струмица, важен регионален град, го поврзува и густо населеното Струмичко поле со градот. Исто така се добива модерен пат до Бугарија, а со тоа и излез на автопатот Струма, кон Солун или Софија.


ФАЗА 2-3 а/б (2023/2024 - 2025), 2-3 години:

А:




Тука се обрнува внимание на поврзување со соседните земји, преку 3 различни експресни патишта. Од нив најтешка е изградбата на експресниот пат кон Бугарија, во регионот на Деве Баир. Освен експресен пат, тука веројатно ќе мора да се изгради и преку-граничен тунел. Може да се направи и една цевка во прво време, со кое ќе се елиминира искачувањето до баирот.

Б:





Во оваа подфаза би се работело на изградба на експресниот пат Велес - Штип и продолжување на источниот крак, за некои 10 километри кон Истибања.


СУМИРАНИ ТРОШОЦИ ПО ГОДИНИ ФАЗА 2:



И крајниот резултат:



Со тоа Македонија добива автопатска мрежа од 824 километри (наместо сегашните под 250), како и дури 8 гранични пункта со соседните земји (со секоја по два) поврзани со автопат.


-------------
"Тaм, където глупостта е образец, разумът е безумие." Гьоте


Posted By: stratus
Date Posted: 26-Oct-2012 at 22:05
Мислам дека за делницата Битола-Прилеп се многу 120 милиони имајки во предвид дека постоечкиот пат може да се користи во едната насока. Наполно задоволува целата делница денес е 100-120км/ч. Исто така би напоменал дека задолжително е патно решение помеѓу Ресен-Охрид со обиколница на Ресен во поблиска иднина. Тој пат го користат Ресен, Битола, Прилеп, Велес, голем дел од источна Македонија. Сите овие се и почести посетители на Охрид од скопјани, Така што овој пат треба да е поголем приоритет. Експресен пат или дури и пат со три ленти но по нова траса би ја завршила работата.


Posted By: Denko
Date Posted: 26-Oct-2012 at 23:15
Andrej, se ubavo si prezentiral, samo ne kazuvas od kade pari za ovie avtopatista
Mislam deka Makedonija ja nema taa ekonomska sila za tolku kilometri avtopatista.


Posted By: gjoko
Date Posted: 27-Oct-2012 at 03:12
опцијата преку Осломеј е невозмжна, зошто ќе нашишам набргу


Posted By: <Fresno>
Date Posted: 27-Oct-2012 at 08:47
Originally posted by Andrej_LJ


Според податоците до кои дојдов јас, буџетот на РМ (расходната страна) изнесувал 3,4 милјарди евра во 2011 година. Мислам дека секоја година има тенденција на зголемување, така што следната година мислам дека ќе биде околу 3,5 - 3,7 милјарди. Ако ја земеме средната бројка за сигурно (3 милјарди евра годишно), излегува дека тие 150 милиони евра се 5% од буџетските средства, под услов да се одлучиме да финансираме сами. Со одот на годините, веројатно БДП ќе расте, а со тоа и издатоците за изградба на автопати, со што оваа бројка од 5% од сегашниот буџет ќе остане иста или ќе паѓа. Но, се разбира никој не е луд да финансира се од свој буџетски средства и според мене добра формула е 20% од буџетот и 80% од заеми или ЕУ фондови (кои и сега ни се достапни, но не ги користиме!).

2,6 милијарди евра за 2011 според CIA. Тенденцијата на зголемување прекина некаде кон средината на економскава криза и само со ребаланси се држиме на дефицит од 2,5%. За да се размрда економијава во 2013 дефицитот е проектиран на 3,5%, што значи зголемување на долгот. Во време кога оптимизам е да се очекува максимум 2-3% раст годишно во следниве 2-3 години, твојот план иако е одличен, може да има повеќе негативни ефекти отколку придобивки. Не се само патиштата, веќе се задолживме за железницата и Демир Капија - Смоквица, отплаќаме големи набавки од типот на автобусите и опрема за здравството, така што треба доста внимателно во тој поглед.

Originally posted by Andrej_LJ


Што се однесува до Демир Капија - Смоквица, таа делница намерно не ја имам земено во предвид, бидејќи веќе се гради, односно можеме да ја отпишеме од листата на делници за финансирање и изградба. Јас незнам кој кажал дека во 2012 година ќе се изгради автопат до Блаце, како што гледаш има само уште два месеци.


Грешка, 2013-та. Имаше пред некој ден најава дека на пролет ќе имало тендер за Скопје - Блаце. А пред месец дена Груевски најави дека во 2013 ќе почнат со изградба Скопје - Блаце и Гостивар - Кичево. Тешко веројатно, но сепак, очигледно овие два ќе бидат најскоро почнати. Инаку да, Демир Капија се гради, но плаќањето допрва почнува.


Posted By: elnino
Date Posted: 27-Oct-2012 at 10:41
Мора да се размислува во оваа насока со самофинансирање, Буџетот да речеме е стациониран на 2,5Милијарди, 300 Милиони да се за инфраструктура и точка тука мислам на главните делници автопатски и експресни патишта и железница, другите локални патишта од друго нека ги финансират кредити од светска бака европа и слично

и најдокрај ние сме тука да дискутираме и да даваме предлози за пред нас факти и цифри треба да се изнаесат за да држе муабетов

еднаш кажав и некој друг рече за Струмица и Кавадарци неможеш да ги исклучиш од тековите еконосми се силни може и најсилни после Скопјето

приоритетите за секого се различни......идеите секој си ги презентира како мисле и тоа е добро јас погоре напишав некои замисли и тука пак ке ги преточам

-За да се намали трошокот тешките рути можат да се изведуват со Експресни патишта вклучително мислам и за делот Гостивар-Другово
-Секаде каде е рамница на коридорот 8 треба со Автопат да се поврземе
-Некој спомна и важна работа обиколница Ресен, товарните камиони низ него губат 30Минути, а може да се одмини за 6минути
-Источна Македонија приоритети знаеме кои се Миладиновци-Штип со тоа делот Велес-Штип не би морал да се осовремени со автопат туку со Експресен пат, Продолжуваме со Штип-Струмица Експресен Пат, Штип-Кочани па и до Виница Експресен Пат и да не се заборави Струмица-Валандово _удово Експресен 

Велес Прилеп е тежок пат до Богомила може да е Автопат од таму продолжува Експесен, Прилеп Битола Ресен Охрид Експресен, Битола- Меџитлија Експресен

Прилеп-Дреново-Кавадарци_неготино Експресен, делот кон градско нека остане само за реконструкција...

Куманово-Паланка Автопат од паланка до граница Експресен

накарај ке останат Виница-делчево граница Експресен
и Неготино-лакавица Експресен, или само трета лента но со тоа малку само ке се убрза возењето...со Експресен и со нагорнини максиму 7% е друга прикаска...тоа се главните а Приоритите за секого се посебни.......
километар Експресен версус Километар автопат, километар автопат во рамно и во ридски терен не е исто...и така натаму


Posted By: Andrej_LJ
Date Posted: 27-Oct-2012 at 10:49
Според меѓународните и регионалните искуства километар експресен пат е поефтин за околу 20% од километар автопат во рамнински предели и околу 25% во планински. Ова мислам дека е жртва што не треба да ја направиме, освен за делници каде навистина нема доволно сообраќај. Иначе не сметам дека треба секој регионален пат да се претвори во автопат, дури и овие 842 километри се оптимистичка варијанта за Македонија. Толку автопати има во моментов Словенија (иста површина и популација со далеку пораспрснато население низ државата), а ако тоа ниво го достигнеме до 2025 треба да бидеме многу задоволни.
Втор проблем е што кај нас законски не е дефиниран терминот експресен пат и со него може да се манипулира, нешто што гледаме ни се случува со патот Градско-Прилеп.
Инаку баш според ЦИА, расходната страна на буџетот е 3,36 милјарди евра.
revenues: $3.103 billion
expenditures: $3.361 billion (2011 est.)



-------------
"Тaм, където глупостта е образец, разумът е безумие." Гьоте


Posted By: kultuzin
Date Posted: 27-Oct-2012 at 11:28
Андреј секоја чест за трудот. Но не сум сигурен дека е приоритет толкава енергија и средства да се вложи во изградба на патна инфраструктура. Секако убаво е да се има убави , брзи и безбедни патишта но Македонија има и други според мене многу поприоритетни прашања за решавање. Како приоритет број едене во Македонија  според мене е водоводната и канализациската инфраструктура, како и менаџирањето со отпадот. Ова се приоритети кои директно влијаат врз здравјето на луѓето, а во иднина ситуацијата ќе биде уште полоша. Незнам колку ви е познато но  огромни општини сеуште немат канализациски системи а да не зборувам за колектори и пречистителни станици. Целиот отпад се фрла во реки и на диви депонии или директно во почвата. Сето ова допринесува за контаминација на почвата што со тек на времето се одразува и на здравјето на луѓето. Денес е веќе лошо а во иднина ќе биде уште полошо. Друг приоритет на Македонија е инвестирање во енергетиката и овозможување на енергетска независнот, како и и нвестирање во обновливите извори на енергија и подобра енергетска ефикасност како на општествените така и на приватните објекти. Дури на трето место како приоритет би ја ставил железничката и патната инфраструктура најмногу затоа што реално гледано во Македонија нема толку интензивен сообраќај кој со себе би донел потреба од толку развиена пред се автопатска мрежа. Според мене сосема доволни се експресните патишта, а во планиските предели патиштата со 3 ленти. Она на кое можеби најмногу треба да се работи е концепирање на нови траси со што би се избегнало важни меѓународни патишта да поминуват низ населени места. Ова конкретно можам да го кажам за патот Струмица, Новосело , Граничен премин кој е меѓународен пат   а поминува низ населените места Дабиле, Босилово, Турново, Секирник, Новосело,Ново Коњарини, Граничен премин. Е тука има реална потреба од обиколница и проширување на овој пат зошто е преоптеретен со товарни возила , патнички возила, трактори, запрежни коли, велосипеди и што ли уште не. Згора на сето ова поминува низ села каде што има огромен број на пешаци, кучиња,мачиња, и што ли уште не , и најлошо од се овие селе немат по цела своја должина тротоари со што безбедноста на пешаците е сведена на 0. А верувам дека ваква ситуација не е само на делницата Струмица , Ново Село. Од друга страна фактот дека 8 патни правци беа понудени за концесија и не се јави ниту еден заинтересиран многу убаво говори дека сега за сега исплатливоста на автопатиштата во Македонија е рамна на 0. Да не зборувам дека не е само да ги изградиш треба и да ги одржуваш. Затоа треба многу добро да се размили и да се дефинират приоритетите пред да почнат да се проектират и реализират ваквите капитални инвестиции. За да не ни се случи она што се случи во Источна Германија автопатишта од А1 категорија а празни. 


Posted By: <Fresno>
Date Posted: 27-Oct-2012 at 11:56
3 361 000 000 US dollars = 2 599 178 935 euros


Posted By: FoSsiL
Date Posted: 27-Oct-2012 at 12:18

Па било најдобро кога законски би се оделувале 5% од државниот буџет годишно, за изградба на нова, реконструкција на стара и одржување на постојната патна инфраструктура...

Па така без разлика кој е на власт би морал да инвестира во патната инфраструктура бидејќи тоа е законска обрвска...

Истото би важеле и за железницата... 



-------------
Македонија - Земја на чудата!


Posted By: elnino
Date Posted: 28-Oct-2012 at 16:46
Ете отприлика добивме некоа средна цена за КМ експресен пат дека е 25% поефтина варијанта и точно е тоа дека не треба секаде да се откажем од автопат освен ако бројот на возилата е помал
фактот дека немаме законски дефинирано што е експресен пат, пример би го земал тетово гостивар, со по две ленти од 3,5метри би го зел како основа

така експресен пат со две ленти за возење во еден правец и на секои 2км паркиралиште би бил експресен пат од втора категорија (во рамници)

додека истотака експресен пат но со паркиралишта на секој километар во ридски терени и максимален наклон од 8% прва категорија експресен

Сепак јас сум за Експресен на делот Гостивар Другово иако би бил многу користен ама во догледно време, ке си ја врши функцијата, а бе заштедиле сепак доволно

исто така сум за Експресен пат на делот Богомила до прилеп, тука заштедата би била поголема, да ке има сообракај но возилата што доаѓаат од струмица, кавадарци гевгелија не би го користеле кога би се движеле кон прилеп битола и охрид оти тие би оделе преку Плетвар......затоа е таква мојата замислам

исто ако се направи Миладиновци штип, од Велес до штип би бил сосема доволен Експресен Пат.......

експресниот не би го занемарил и на Прилеп Кавадарци Неготино Лакавица
и според мене многу важен е Струмица кон делот Валандово удово или преку Богданци да се врзе Експресен со Е-75

струмица штип Експресен

останувам на мислата дека од Паланка до деве баир доволен е Експресен пат....... а до Куманово автопат.....



Posted By: Goran
Date Posted: 29-Oct-2012 at 04:18
Нема потрба државата да се заборчува за патна инфракструтура.
Под итно да се стават електроски патарини на Коридор 10 и на изградениот дел од Кор 8.
Да се добие прецизна бројка на проток на возила.
Да се даде на концисионер постечките автопати за возврат концисионер да го доизгради во целост на ниво на автопат Кор 8 Буг до АЛБ и А10 Велес до Грција и да воведи патарини.
А сите други патни правци спомнати погоре влада да ги самофинасира од будџет на ниво од ехспресен пат соема доволно.
Ако би ставил прериотет на државно задолжувајне на сектор Енергетика и Железница.
По мое ова е приоритет пред автопати сепак без енергија неможиш ништо а најевти начин на превоз е железница а во исто време си отварме две опции за пристаништа за де не бидеме зависни само од Грците.


Posted By: Denko
Date Posted: 29-Oct-2012 at 23:22

Goran, koncesioner ne mozea da najdat, imalo malku avtomobili pomakedonskite avtopatista, pa na koncesionerot ne mu se isplatelo da vlozuva tolku mnogu milioni.



Posted By: Goran
Date Posted: 30-Oct-2012 at 00:09

Знам за тоа дека пропаднаа тендерите за концесии затоа што ги даваа два посебни правци Кор 8 и Кор 10 и плус немаат веродостојна анализа за број на возила.

Затоа треба да се воведат електронски патарини за да се добие точна престава на собраќај по коридорите  а исто условите за концинерство да се подобрат тогаш ке биди поинаква слика .
Еден оператор да ги добие двата правци под концесија Кор 10 е во целост изграден а Коридор 8 е делумично ке има задача само да догради коридорт 8 во целост.
Под ваков услов и спрема и со точна статистика на проток на возила може да се продолжи векот на концесирајне ке се подобрат условите и ке стане атрактивен за инвестирајне.
А останите патишта спомнати во постовите државата да си ги гради со средства од буѓет и поволни кредити.
А под итнно да се вложува во сектор енергетика и железница ако за нешто треба државата да се забочи е во овие гранки да имаме капацитет да не увезваме ел енергија а исто да отвориме алтернатива за стопаството излези на две нови пристаништа до му воведеме конкуренција на Грците да не можат да не условуваат а железница е наекомичен и најеколошки вид на транспорт.


Posted By: gjoko
Date Posted: 18-Nov-2012 at 22:32
Недела, 18 Ноември 2012 18:13

Владата планира да гради три нови автопати во следнте пет до шест години. Како што дознава ekonomski.mk, инвестицијата e вредна од 600 до 800 милиони евра.

Изградбата на автопатиштата планирано е да се реализира преку јавно приватно партнерство со кинески компании.

Еден од автопатиштата треба да се гради на потегот Миладиновци-Свети Николе- Штип. За него според првичните анализи потребни се околу 250 милиони евра и се разгледува опцијата автопатот да биде со две или четири ленти.

Вториот автопат се планира да се гради од Гостивар до Кичево и да биде во две насоки. За третиот се уште се размислува но веројатно ќе биде во источниот дел на Македонија за да се поврзе со Коридорот 8.

Средства за најавените инфраструктурни проекти ако се реализраат ќе се обезбедат преку ЕКСИМ кинеската банка за поддршка.



Извор: ekonomski.mk


Posted By: Andrej_LJ
Date Posted: 18-Nov-2012 at 22:47
Ништо не ми е јасно од статијава! Едно нешто е јасно од друга страна, а тоа е целосното отсуство на политичка волја, знаење и далекувидност кога станува збор за изградбата на автопатската мрежа во Македонија. Видоа дека Србија склучува матни зделки со кинески компании за изградба на автопати и тие одма се наместија. Наместо да се оди со задолжување кај меѓународните финансиски институции и потоа на меѓународен тендер за изведувач, се форсира зделка во 4 очи и гарантирана работа за кинеските компании. Се разбира во двата случаја ќе се работи за кредит кој ќе треба да го враќаме. Сега за секој сегмент посебно:

1) Миладиновци-Штип: дали ова значи дека се размислува за изградба на еден коловоз кон Штип наместо автопат со полн профил?
2) Гостивар - Кичево: дали ова значи дека само еден коловоз би се градел по новата траса со автопатски карактеристики, а еден коловоз ќе се задржи постоечкиот пат преку Стража? Ова би значело слична ситуација како на делницата Катланово-Велес, но тука стариот коловоз ниту од даелку не ги задоволува автопатските стандарди (остри кривини, големи наклони, голем дел од патот има одрони во зима и две ленти...).
3) Која би можела да е оваа делница која би се надоврзувала на К8?


-------------
"Тaм, където глупостта е образец, разумът е безумие." Гьоте


Posted By: FoSsiL
Date Posted: 18-Nov-2012 at 23:29
3. Блаце де... 

-------------
Македонија - Земја на чудата!


Posted By: alexsend
Date Posted: 20-Nov-2012 at 11:49
Тројката може да е од Куманово накај Крива Паланка --> Бугарија

-------------
Јас Скопје никогаш не сум го замислувал вака.


Posted By: Andrej_LJ
Date Posted: 20-Jan-2013 at 15:22

Од крстосница на Балканот, станавме дупка на патот!

mailto%3cimg%20src=">ejan.azeski@kapital.mk">Дејан Азески
Од%20крстосница%20на%20Балканот,%20станавме%20дупка%20на%20патот!%20

Додека Македонија две децении инфраструктурно стагнира, соседите вложуваат милијарди евра во автопатишта. Сега земјата е заобиколена од алтернативните коридори на соседите, што драстично ја менуваат и нашата геостратешка позиција. Од земја со централна и стратешки важна позиција, станува дупка на мапата кој секој возач се обидува да ја заобиколи!

.......................................................

Иако Македонија ја има природно дадената привилегија да биде на локација во која се сечат два меѓународни патни и железнички коридори, нејзе денес сe почесто ја заобиколуваат и патниците и транспортерите. Повеќедецениското неинвестирање и незавршување на Коридорите 8 (Бургас-Драч) и 10 (Будимпешта–Пиреја) во комбинација со силните инфраструктурни инвестиции на соседите на алтернативни коридори кои ја заобиколуваат земјата, ја направи Македонија, 20 години по независноста, инфраструктурно слепо црево.

Нашата патна инфраструктура, споредено со сите соседни земји, е најлоша! Македонија во моментов располага со 259 километри автопатишта, од кои само 38 километри се изградени во последниве пет години. Од вкупно 911 километри магистрални патишта, дури 85 километри сe уште се земјени, што е незамисливо за 21 век. Состојбата со регионалните патишта е уште полоша. Од вкупно 3.772 километри, земјени или покриени само со макадам се 928 километри.Во меѓувреме, сите соседи на Македонија засилено, со десетици милијарди евра, вложуваат во инфраструктурата....

Реалната опасност Вардарско-моравската Долина
да го изгуби стратешкото значење!?

Неодамна започна со изградба последната делница од македонскиот дел на Коридорот 10 меѓу Демир Капија и Смоквица. Овој дел од 28 километри кој ќе чини 270 милиони евра треба да заврши до 2016 година. Со тоа од меѓународниот коридор 10 незавршен ќе остане само делот пеѓу Владичин Хан и Врање или т.н. Грделичка Клисура во соседна Србија. Сепак, експертите предупредуваат дека традиционално најкраткиот пат од Солун за Белград поради повеќедецениската негрижа и поради јасното оцртување на новите алтернативни коридори ќе го изгуби своето значење.

Според Зоран Арнаутов, оперативен директор на Фершпед, кој во бизнисот со шпедиција е повеќе децении, апсолутно е реална варијанта да бидеме инфраструктурно заобиколени и како балканско слепо црево нашите коридори да го изгубат своето значење. Коридорот 10 од низа причини е сe повеќе заобиколуван од транспортерите.

„Веќе гледаме што ни се случува со новиот автопат Истанбул-Игуменица кој го користат сите транспортери од Турција и Блискиот Исток кои порано поминувале преку Вардарско-моравската Долина. Коридорот 8 кој 20 години го немаме завршено ќе стане небитен кога ќе се завршат веќе започнатите алтернативни коридори преку Албанија и Бугарија. Ако транспортерите се навикнат на тие рути многу е тешко да се вратат назад. Никој не може да каже колкави се загубите за домашната економија од едноставна причина што се непресметливо големи“, вели Арнаутов.

И транспортерите ја потврдуваат оваа состојба. Според нив, состојбата со Коридорот 8 не вреди ни да се коментира, а и кај Коридорот 10, кој е во релативно добра состојба, постојат причини надвор од инфраструктурата кои ги бркаат нивните колеги од Македонија.

Биљана Муратовска, претседател на Макамтранс, смета дека иако поради кризата и општиот пад на бројките во транспортот не може точно да се одреди колкав е бројот на транспортерите и транзитните минувачи кои бараат алтернатива за Коридорот 10, но реално според сите факти е да се очекува дека нивниот број ќе се зголемува.

„Во моментов е многу реално да нe заобиколат соседите со нивните коридори и автопатишта. Конретно на Коридорот 10 немаме толку лоши патишта, но граничните премини се проблем. Не може да убедиш возач кој поминал 30 европски земји без граница да застане и да биде проверуван на четири царински контроли низ Македонија и на секоја да чека во просек минимум неколку часа. Точно е дека три до четири часа е пократко низ Македонија, но тоа не мора да значи ништо ако истото време се губи по граници“, вели Муратовска.

На прашањето колку воопшто е потребно и значајно Македонија да е главна транзитна земја и за тоа да вложи неколку милијарди евра кои реално се потребни за завршување на коридорите, Муратовска е децидна во одговорот.

„Генерално во кружниот тек на капиталот транспортот е главната алка. Тој е крвотокот. Многу е поважно парите кои ги даваме за субвенции да одат за инфраструктура за тој производ да може да стигне до крајната дестинација. Дури ни малите даноци не се толку важни, бидејќи има и земји во Африка со пониски даноци од нас каде што никој не инвестира, бидејќи нивната отсеченост оневозможува производите евтино да стигнат на пазарите“, тврди Муратовска.

Поранешниот амбасадор во соседна Албанија, Ристо Никовски, е единствениот оптимист околу незаменливото значење на Вардарско-моравската Долина. Тој смета дека во јавноста се пласираат лажни и непостоечки тези за да се прави сензација.

„Од аспект дека нашите коридори можат да го изгубат значењето мислам дека не е точно. Вардарско-моравската Долина е клучна артерија со децении и реално е најкраткиот пат од север за југ, а нашиот дел од Коридорот 10 речиси е завршен“, вели тој.

Според него, не треба постојано медиумски да се пропагира и да се избрза со вложувањето во коридорите кои сами по себе ако нема доволна фрекфенција на возила не прават никава разлика.

„Јас лично сум да се гради, но со план. Автопат кој не може самиот себеси да се одржува од патарини и плус да го враќа вложеното, е автопат-загубар. Точно е дека треба да го следиме хрватскиот пример, но кога автопатот Загреб-Сплит во должина од околу 400 км ќе ни изгледа фреквентно како улица Партизанска“, заклучува Никовски.

Автопатот Тирана –Приштина, критичен за Западна Македонија

Албанија денес е земја на Балканот која најактивно вложува во инфраструктурата. Веќе е изграден „Автопатот на нацијата“ како што најчесто се нарекува патното поврзување меѓу Тирана и Приштина. Изградени се исто така автопатиштата Тирана, Драч, Елбасан Валона, а во план е поврзување на градот Флора со Џирокастро со можност за продолжување до најјужиот албански град и туристички центар Саранда. Амбициозниот проект најавен пред десетина година за инфраструктурно препородување на земјата, кое наголемо се остварува, според првичните проценки требаше да чини околу 800 милиони евра, но неговата цена веројатно одамна надминала една милијарда со оглед на тоа што само двата тунели од по пет километри под планината Проклетија чинат по неколку стотици милиони евра поединечно.

Поранешниот македонски амбасадор во Тирана, Ристо Никовски, со неверување се сеќава каде била Албанија за време на неговиот престој таму непосредно по падот на комунизмот, а каде е сега.

„На почетокот на 90-тите години во Албанија се возеше буквално по козји патишта. Не беше ништо изградено од воената инфраструктура на Италијанците во Втората светска војна. Едноставно од ништо за 15 години направија модерна инфраструктура во која сe уште вложуваат. Само за автопатот од Тирана за Милет на косовската граница кој понатаму продолжува за Приштина направија два тунели подолги од по пет километри и вложија над петстотини милиони евра. Сепак, сметам дека одлуката е повеќе политичка, ако се знае дека автопатот сe уште има слаб проток на возила“, вели Никовски.

Изградбата на овој автопат наголемо се чувствува во Западна Македонија. Навиките на граѓаните на Косово, за Тирана, Драч и Валона да патуваат преку Струга и Ќафасан сега се сменети. Планината Проклетија како некогаш непремостлива пречка меѓу Албанија и Косово е победена и со тоа уште еднаш на штета на Македонија е смената конфигурацијата на теренот. Последиците се чувствуваат и во практика. Стојан Брчески, долгогодишен угостител од Струга, вели дека инфраструктурата е најтесно поврзано со туризмот и дека последиците најмногу се чувствуваат на терен.

„Конкретно во нашиот хотел бројот на косовски туристи е намален за 40% по изградбата на автопатот Приштина–Тирана. Од контактите со другите угостители дознавам дека и кај нив состојбата не е многу поразлична. Мое мислење, а и на повеќето од мојата фела е дека изградбата на Коридорот 8 е единствен начин да се повратат овие туристи и евентуално да се донесат нови“, вели Брчески.

Егнатиа одос ни ги однесе транспортерите за Игуменица

Грција е една од најзадолжените земји на светот, ако се смета според процентот на надворешниот долг како процент од БДП. Сепак, на граѓаните од овој луд период на енормно задолжување ќе им остане една бесценета работа како наследство, а тоа е автопатот Егнатиа Одос или Виа Игнација. Ова светско чудо на современото градежништво кое во должина 670 километри ја спојува најисточната точка на грчко-турската граница со јонското пристаниште Игуменица ја чинеше владата во Атина неверојатни шест милијарди евра. Дека сумата потрошена за периодот на градбата од 2003 до 2009 година е реална, сведок се 76 тунели со комбинирана должина од 99 километри и 1.650 вијадукти изградени по целата должина на трасата.

За многумина наши интелектуалци опседнати со конспирации енормните вложувања во овој автопат се токму за да се заобиколи Македонија и за да се направи Вардарската Долина неважна, но ние се задржавме на реални економски факти кои повторно одат против македонските интереси.Зоран Арнаутов од Фершпед ни потврдува дека овој автопат ја смени конфигурацијата на теренот на Балканот.

„Во минатото сите патници или транспортери кои доаѓаа од Ориентот преку Мала Азија имаа два избора. Или да возат по Вардарско-моравската Долина или да се качат на брод во Истанбул и да патуваат до Копер. По изградбата на автопатот Егнатиа одос секоја година поголем дел од камионџиите и патниците возат од Истанбул до Игуменица за 7-8 часа (во минатото се патувало и по 16 часа) и се качуваат на брод од Игуменица за Бриднизи, Бари или пак, за Венеција ако одат во Централна Европа. На овој начин Македонија е целосно заобиколена“, констатира Арнаутов.

Долината на Струма ја заменува Вардарската Долина

Бугарската власт уште на средината на минатата година најави дека до 2020 година земјата ќе има седум автопатишта и седум брзи патишта како дел од трансевропската патна мрежа. Изградбата на овие патишта од кои поголемиот дел веќе се започнати чини околу три милијарди евра, од кои Европската унија ќе обезбеди 80% или 2,5 милијарди евра. Во претходните 20 години во Бугарија се изградија 177 километри автопатишта, а во изминатите две години се изградени 52 километри, а во изградба се уште 132 километри. До крајот на 2012 ќе започне изградбата на уште 117 километри патишта. Најзначаен од овие патни правци кој најмногу ја тангира Македонија е оној кој од Софија, преку Благоевград, Кресна, Сандански се спојува со граничниот премин Кулата и оди кон Солун. Со оглед дека Бугарија работи и на автопат кој ќе ги спојува Софија и Ниш преку Босилевград (пат кој и така е многу користен од патниците на Балканот многу е веројатно дека Македонија и Вардарската Долина ќе бидат елегантно заобиколени.

Овие факти ги потврдува и Стевица Чарапиќ директор на бродската транспортна компанија МСЦ, според кого, има низа причини кои би ги натерале патниците и транспортерите кои одат за Солунското или за Истанбулското пристаниште да ја изберат Бугарија пред Македонија.

„Грција и Бугарија се во ЕУ, што значи ако транспортер кој вози од Западна Европа, од Ниш оди преку Бугарија за Грција ќе избегне две гранични, царински контроли и пет патарини во Македонија. Според нашите контакти, странците најмногу се жалат службите за опслужување на Македонските патишта не работат 24 часа“, вели Чарапиќ.

Kако влијае недовршената инфраструктура на македонското стопанство

Недоволниот пристап до железнички транспорт, автопатски пристап единствено до Солунското пристаниште го отежнуваат и го поскапуваат транспортот на македонските компании кои извезуваат македонски производи и на оние кои увезуваат суровини. Повеќето компании со коишто разговаравме, без разлика дали се мали или големи, се едногласни дека скапиот транспорт драстично ја поскапува цената на производите и ја намалува нивната конкурентност.

„Сметам дека инфраструктурата е клучен проблем, кој нe прави неконкурентни и со кој нема да издржиме на долг рок во битката со странските конкурентски компании. За илустрација, камионски превоз од Струмица до Бургас н$ чини 28 евра по тон, а доколку го има, железничкиот би нe чинел 12 евра по тон. За да бидам конкурентен во однос на некоја компанија од Пловдив или од Солун, кои имаат железница, мора да ги рационализирам трошоците до минимум, да барам работниците да работат повеќе и да смалувам трошоци каде што реално не може да се смалат“, вели Митко Шапковски, директор на Металопромет Струмица, производител и извозник на метални цевки.

Со сличен проблем се соочува и Славчо Буџаковски од компанијата Ариазоне Охрид, која произведува системи за електронско сервисирање на клима-уреди и ги извезува во околу 70 земји ширум светот. Тој пресметува дека еден резервен дел кој чини пет евра додека да стигне во некоја земја од ЕУ достигнува цена од 150 евра поради транспортните трошоци, шпедиторските услуги и царинските формалности.

„Тоа не е случај со резервните делови на италијанските машини, на пример, па затоа и тие имаат голема стартна предност пред нас“, вели Буџаковски.

Со проблеми од овој тип се соочуваат и малите и големите компании во земјава. Во зависност од тоа чија фабрика каде е лоцирана, проблемот доаѓа до израз во оние градови каде што нема пруга. За разлика од Фени, кој како голема компанија која увезува големи количини руда и се жали на недоволниот капацитет на железницата да одговори на нејзините потреби, струмички Металопромет, кој во голема мера извезува за Бугарија, тврди дека нема да издржи на долг рок во битката со странските конкурентски компании, затоа што камионскиот превоз од Струмица до Бургас ја чини компанијата 28 евра по тон, а со железнички транспорт, кој го нема кон Бугарија, би чинел 12 евра по тон. Отсуството на железница долж Коридорот 8 драстично ја намалува конкурентноста на оваа компанија, но и на целата македонска економија. Фактот дека железнички пристап имаме единствено до Солунското пристаниште, а штрајковите на грчката железница и на пристаништето во просек 120 дена во годината го прават овој транспортен коридор недостапен за македонските компании доволно зборува за слабите транспортни можности кои им стојат на располагање на македонските компании. Слична мака има Љупчо Иловски од компанијата Сигурносни појаси од Охрид. Отсуството на железница до Охрид и комплицираниот и поскап претовар на производите наменети за рускиот и за египетскиот пазар од камиони во воз во Скопје, Белград или во Ниш го прават поскап во однос на конкуренцијата, што исто така, на долг рок може сериозно да го загрози неговиот бизнис.

Големите компании не се во ништо подобра ситуација. Генералниот извршен директор на Фени, Константинос Даскалакис, објаснува дека железничките услуги за нив се тесно грло. „Иако нашата фабрика е директно поврзана со железничката мрежа, многу малку ја користиме железницата поради слабата инфраструктура, недостигот од локомотиви и специјализирани вагони. Од 9.000 тони материјал, колку што превезуваме секој ден, само 2.000 тони се превезуваат со железница, бидејќи тие немаат капацитет за повеќе“, објаснува Даскалакис.

.......................................................

Патниците ја претрчуваат Македонија

Покрај лошата патна структура и спорите гранични премини, македонските коридори се многу поразлични од оние во Западна Европа. Кај нас има многу малку брендирани бензински станици со сета дополнителна угостителска опрема, а со останати содржини кои би можеле да ги задржат случајните минувачи не се ни разговара.

Биљана Муратовска од Макамтранс смета дека и оние патници кои се верни на македонските патишта само протрчуваат низ земјава и беспотребно ни поминуваат потенцијално големи финансиски средства кои не знаеме да ги искористиме.

„Проблем е тоа што и тие патници кои идат кај нас само протрчуваат низ Македонија и не знаеме да ги задржиме. Покрај за бензин и за кафе, тие можат да бидат основа за бизнис од илјада различни категории од мотели и кампови покрај патот до големи логистички центри кои можат да значат навистина сериозен профит“, вели Муратовска.


http://www.kapital.mk/mk/magazin.aspx/91555/od_krstosnica_na_balkanot,_stanavme_dupka_na_patot!.aspx?iId=3004



-------------
"Тaм, където глупостта е образец, разумът е безумие." Гьоте


Posted By: Andrej_LJ
Date Posted: 16-Feb-2013 at 22:08
После вечерашнава средба помеѓу Борисов и Груевски, ми изгледа како Бугарија да пробува да постигне изградба на автопатот Скопје - Софија побрзо, како знак за подобрување на односите и интензивирање на комуникацијата. Во сите соопштенија се наведува автопатската врска (и жел.) дека се голем приоритет, но од друга страна вакви изјави служаме децении по ред.

Навистина се надевам дека оваа автопатска делница ќе се задвижи поскоро и ќе се искачи на листата на приоритетите на двете држави.


-------------
"Тaм, където глупостта е образец, разумът е безумие." Гьоте


Posted By: gjoko
Date Posted: 17-Feb-2013 at 11:32
за балкански прилики според мене експресен пат е оваа делница што се гради во јужна Албанија.Овојпат треба да се спои најјужно со автопатот во Грција Егнација Одос



Posted By: Andrej_LJ
Date Posted: 17-Feb-2013 at 11:38
Ова не е експресен пат ни за балкански прилики, ни за Киргистански, туку обичен 2-лентов пат. Експресен пат е 2+2, а во некои држави на Балканот (Цловенија, Хрватска, Бугарија и Грција) терминот е и правно-законски регулиран. 

-------------
"Тaм, където глупостта е образец, разумът е безумие." Гьоте


Posted By: daci92
Date Posted: 17-Feb-2013 at 12:19
и во Македонија мислам дека е регулиран бар кога читав за дозволените брзини видов дкеа има измени од 2010 година каде што е вметната некоја регулатива за експресен пат (така е декларирана и сегашната делница Куманово-Кратово од К8).


Posted By: Andrej_LJ
Date Posted: 17-Feb-2013 at 12:33
Значи уште полошо! Зошто е регулиран обичен пат (кој е толку застарен што не ги исполнува ни критериумите за магистрален пат), да биде категоризиран како експресен, упте помалку да биде па стандард или репер?
Експресен пат кај овие држави, а и многу други Европски е следниов пат (на кои најмногу наликува патот Тетово - Гостивар):

-по две ленти во секоја насока, меѓусебно одвоени во зависоност од насоката на движење
-габарит Г20, што значи напречен пресек на патот е 20 метри
-една лента за движење не е потесна од 3,50 метри, значи вкупно најмалку 4*3.50=14 метри само за лентите
-вкрстувања со останати форми на сообраќај само на различни нива (со помош на клучки, натпатници...)
-ограда по целата должина
-максимална брзина од 110-120 км/час во зависност од државата
-точно определени максимални радиуси на кривините и макс. допуштени наклони на патот
-....

Така што каде го класирале овој пат во било кој од овие критериуми мене не ми е јасно!

Всушност воопшто не сакам такви неточни квалификации како балкански прилики, затоа што еве ги точните балкански прилики! Значи ние мора да се водиме според сиот друг свет кој не опкружува и да се усогласуваме со него, не за секое нешто да си измислуваме свои стандарди. Ако нешто се покажало како ефикасно и добро решение, зошто да не се ископира и кај нас?


-------------
"Тaм, където глупостта е образец, разумът е безумие." Гьоте


Posted By: daci92
Date Posted: 17-Feb-2013 at 17:28
Андреј всушност таа делница ги исполнува скоро сите овие услови ,јас негледам каде е проблемот ако е класирана како таков пат, јас повтоно ќе кажам мислам дека прочитав така ,не сум сигурен 100%
И не се меѓународни стандарди ,да има такви но не важат за сите поради ситуацијата на терен ,неможе секој да изработи по тој терк ,всушност може но цената ќе биде 10 пати поголема него истата таа делница да се гради во друга држава и затоа има прописи кој не важат за сите земји ,особено за земја како Македонија , Црна Гора итн.


Posted By: Andrej_LJ
Date Posted: 17-Feb-2013 at 18:03
Прочитај повторно поубаво и ќе видиш дека оваа делница не исполунва ниту еден од овие критериуми. Јас од друга страна гледам огромен проблем затоа што последнава година се прават обиди за шпекулација со терминот експресен пат кој во сите нормални држави е регулиран. Така на пример ни се нуди проширен пат од 3 ленти вкупно и без никакви раскрсници на неколку нива или разграничителни бариери како експресен пат Прилеп-Градско и Велес-Штип! Тоа не личи на ништо и е вон сите утврдени стандарди во сите европски држави!

Сега ако сакаш да останеме во група со Црна Гора тоа е твое мислење, јас мислам дека мораме да ги усогласуваме сите норми и практики со Европа, каде што толку силно се трудиме да се интегрираме. Е, на ова подрачје интеграцијата значи применување на европските стандарди, а не своеволно измислување на свои (кои чинат многу, а никако не допринесуваат за поголема безбедност или брзина)! Затоа се и вонстандардни!


-------------
"Тaм, където глупостта е образец, разумът е безумие." Гьоте


Posted By: daci92
Date Posted: 17-Feb-2013 at 22:00
Моја грешка извини. Исполнува половично неколку услови.
Иначе тоа со шпекулациите го забележав и јас.
Е ајде де да бидеме во група со Германија, може? Ќе правиме автопати со по 6 ленти иако реално немаме ни доволно територија за да направиме неколку такви ? Реалноста е друга ,овој терен е тежок за работа и неможе сите тие стандарди да се имплементираат. За К8 (пругата) од физибилити студиото самите Шпанци и Германци имаат напишано дека премногу пари и време би чинело да се исполнат тие стандарди кој се пропишани низ ЕУ.

Црна Гора е побогата земја од нас (општо народот е побогат)  ,а од друга страна теренот е горе доле исти ,па не ме зезај за еден Е65 да се изгради на балканот од Хрватска до Грчка преку Босна,Црна Гора, Косово и Македонија чини повеќе од 6 Милијарди евра (оваа сума ја читав пред некоја година во некој весник) иако Хрватска има само малку за работа поради нивните патишта, а најголемата сума е низ Црна Гора и делумно Македонија.


Posted By: Goran
Date Posted: 25-Feb-2013 at 03:40

АВТОПАТ СО ШЕСТ ЛЕНТИ ЌЕ ГО СЕЧЕ ОВЧЕПОЛИЕТО

Од Штип до Скопје за половина час

Веќе е почната постапката за пренамена на земјоделското земјиште во делница која ќе овозможи брзо поврзување на цела источна и југоисточна Македонија со главниот град, а корист ќе имаат не само граѓаните туку и бизнис-секторот

Модерен автопат со шест ленти ќе го сече Овчеполието и ќе го сведе патувањето од Штип до Скопје на само половина час. Вкупната должина на новопроектираниот автопат ќе биде 53,5 километри и по него ќе може да се вози со брзини од 100 и 120 километри на час. Новиот пат од Миладиновци до Свети Николе ќе биде широк 29 метри, односно во двата правца ќе има по две ленти со широчина од 3,85 метри и уште една лента за забавување и за застанување, широка 2,5 метра. Вкупната широчина на коловозот за движење во еден правец ќе изнесува 10,75 метри. Помеѓу двата коловози ќе има и 4 метри заштитно зеленило и систем за зафаќање на атмосферски води од коловозот.

Новопроектираниот патен правец ќе почне со клучка кај селото Миладиновци и ќе навлезе во долината на реката Пчиња за преку месноста Блатски Ниви да излезе кај селото Средно Kоњаре каде што ќе се гради мост. Трасата е поставена покрај селото Сушица, па во сливот на Врњак и ќе продолжува по падините на кои се поставени селата Kрушице, Преод и Сопот. Потоа таа се спушта во Овчеполската Низина и се приближува до коритото на реката Периш, с` до градот Свети Николе, каде што ќе се гради клучка и заобиколница. Kај 40-тиот километар, автопатот ќе продолжува паралелно со постојниот регионален пат кон Штип, минувајќи низ месноста Андонова Воденица, ќе го сече потокот Немањица и покрај Kадрифаково и Kриви Дол ќе завршува во Штип. Постојниот коловоз на овој дел ќе се проширува за да се добијат три ленти за движење во еден правец, а ќе се изведе нова коловозна лента за одвивање на сообраќајот во спротивната насока. Новата коловозна лента во првите три километри ќе се води од левата (западната) страна, за да од таа пресечна точка, па до крајот на делницата, се води по десната (источната) страна.

- Овој автопат ќе овозможи брза комуникација за цела источна и југоисточна Македонија со главниот град. Од изградбата на автопатот Миладиновци-Штип корист ќе имаат граѓаните од овој дел на Македонија, но и бизнис-секторот, кој ќе добие брз транспорт на своите производи. Исто така, се очекува источниот регион на земјава да стане и поатрактивен за странските инвеститори, кои може да инвестираат во технолошко-индустриската развојна зона во близина на Штип. Добрата инфраструктура е еден од условите за добар бизнис и побрз и поевтин пристап до странските пазари - велат во Источниот плански регион.

Веќе е почната постапката за пренамена на земјоделското земјиште во градежно и за експропријација на приватните имоти во општините Свети Николе и Штип за изградба на автопатот Штип-Миладиновци. Но, поради распишувањето на локалните избори, привремено е запрена експропријацијата.

Студијата за влијанието на новиот пат врз животната средина што беше изработено по нарачка на Агенцијата за државни патишта покажа дека нема никакви еколошки пречки автопатот да почне да се гради. Според неа, на повеќе места на автопатот ќе има посебни премини за животните, со повеќе одводни канали и слично. Автопатот во дијапазон од 30 метри широчина од двете страни ќе биде обезбеден со ограда, а на повеќе места ќе има звучни и други сигнални уреди, особено во близина на населените местa.

Марjан Блажевски

http://www.dnevnik.com.mk/?ItemID=576CD7F74014EE4E904A81A2DA7AAE03 - http://www.dnevnik.com.mk/?ItemID=576CD7F74014EE4E904A81A2DA7AAE03


Posted By: Cloverstack
Date Posted: 25-Feb-2013 at 17:42



Добро е што малку подетално е опишана трасата. Но може ли некој да ми ги протолкува овие два дела:

по него ќе може да се вози со брзини од 100 и 120 километри на час
Епа сега со 100 или со 120? Всушност зошто воопшто би се спомнувала бројката 100 за автопат во 21 век?


во двата правца ќе има по две ленти со широчина од 3,85 метри и уште една лента за забавување и за застанување, широка 2,5 метра. Вкупната широчина на коловозот за движење во еден правец ќе изнесува 10,75 метри
  Confused


Posted By: gjoko
Date Posted: 25-Feb-2013 at 19:08
две различни брзини има на автопатот9ако можи така да се наречи) Гостивар-Тетово.На левата трака од двете што ги има во правец на движење брзината е 100(ако не е променета) ама таа трака служи само за претекнување,а десната трака е со брзина 80 и таа служи за нормално движење.

Ееее,тука собраќајците си ја вадат платата-ако се движиш со 100 а непрестигнуваш,добиваш казна за возење по трака за престигнување,а ако возиш по десната со 100 км/ч добиваш казна за прекорачување на брзината.

Ова најмногу се однесува на возила на фирми(комбиња,пикапи и слично) кои се редовни муштерии за казнување


Posted By: Cloverstack
Date Posted: 25-Feb-2013 at 20:26


Да ги оставиме настрана таквите македонски „изуми“. Во текстот очигледно се лицитира со проектираната брзина на патот, а не за ајдучките замки кои потоа може да ги измисли и постави сообраќајната полиција.


Posted By: gjoko
Date Posted: 25-Feb-2013 at 20:34
можеби се работи за истиот принцип,затоа се наведени две брзини,а можеби брзините се поделени на две делници.на пример каде е порамен теренот да се ограничи на 120,а ако има некои клисури на 100.ова се само претпоставки.

Иначе кога ја прочитав оваа вест не ја постирав од причина што не верувам дека ова ќе се направи.Мислам дека е мртво слово на хартија


Posted By: xaoc
Date Posted: 25-Feb-2013 at 21:39
народе има ли некој детална мапа за трасата на овој автопат? или кај би можело да се најде такво нешто?


Posted By: gjoko
Date Posted: 17-Apr-2013 at 22:39

ПРОЛЕТНА ЕКОЛОШКА АКЦИЈА


Со 5.000 садници ќе се разелени автопатот "Александар Велики"

Како дел од пролетната еколошка акција на ЈП "Македонски шуми", заменик министерот за животна средина, Стево Темелковски, заедно со генералниот директор на ЈП Македонски шумии, Жарко Караџоски, директорот на ЈП Државни патиштаа Љупчо Ѓорѓиевски и градоначалникот на опаштина Петровец, Борче Митевски, на локација покрај наплатната рампа Петровец, засадија садници со кој ќе се разелени автопатот Александар Велики.
- Задоволство е да се организира ваков тип на активност, со силен еколошки аспект. На овој начин зелениот појас ќе ја собира прашината и јаглеродниот диоксид, ублажувајќи ги негативните влијанија од издувните гасови и разубавувајќи го околниот крајолик - истакна заменик министерот Темелковски.

Во своето обраќање, директорот на ЈП "Македонсаки шуми" Жарко Караџоски информираше дека за активноста се обезбедени 5.000 садници, претежно од декоративни видови (аризонски чемпрес, јасен, каталпа, келерутерија, јавор, туја), кои во соработка со ЈП Државни патишта" ќе бидат засадени покрај автопатот Катланово-Хиподром, на клучката пред и после патарината кај Петровец.

Во однос на грижата за садниците, ЈП "Македонски шуми" има ангажирано свое возило - цистерна со кое ќе се врши полевање за да не дојде до сушење, додека ЈП Државни патишта" и Македонија пат", ќе се грижат за чување на садниците од физички оштетувања и корнење, како и за плевење и чистење на површината.

Планирано е со акцијата да се опфати должината на целиот автопат и на тој начин директно да се влијае на подобрување на квалитетот на амбиенталниот воздух на најфрекфентната сообраќајна делница во државата, како и на урбаните населби во нејзината близина. Активно учество во акцијата земаа и членовите на Сојузот на извидници на Македонија.

вечер


Posted By: Џоле
Date Posted: 29-Apr-2013 at 11:22
Од Скопје до Штип ќе се стигнува за половина час

Растојанието меѓу градовите на двете крајни точки на овој автопат ќе се скуси за триесетина километри, а временски ќе се мине за исто толку минути, со што тој ќе овозможи брзо поврзување на цела источна и југоисточна Македонија со главниот град



Наскоро нов автопат
Модерна сообраќајница на највисоко техничко ниво ќе биде новиот автопат што наскоро ќе ги поврзува Скопје и Штип, а преку нив северниот со источниот и југоисточниот дел на државата, со што растојанието меѓу двете крајни точки ќе се скуси за триесетина километри, а временски ќе се мине за исто толку минути. Притоа, како што посочуваат во Јавното претпријатие за државни патишта, овој автопат, чија вкупна должина на делницата Миладиновци - Свети Николе - Штип е 47 километри, ќе има шест ленти и по него ќе може да се вози со брзина од 120 километри на час. Новиот автопат ќе овозможи брза комуникација и поврзување на цела источна и југоисточна Македонија со главниот град, при што главните придобивки ќе ги имаат граѓаните од овој дел на државата, но и бизнис-секторот, кој ќе добие можност за побрз транспорт на своите производи од едно подрачје што претставува голем производител на храна во земјата.

Две делници

Во ЈП за државни патишта велат дека веќе е подготвена комплетна ревидирана проектна документација за изградба на автопатот, кој е поделен на две делници, првата: Миладиновци - Свети Николе во должина од 26 километри, која ќе се изведува на комплетно нова траса во две коловозни ленти. И втората: Свети Николе - Штип со должина од 21 километар, на која ќе се изведува еден комплетно нов коловоз, а постојниот ќе се реконструира и проширува на профил за автопат. Новиот пат ќе биде широк 27,5 метри, односно во двата правца ќе има по две ленти со широчина од 3,75 метри и уште една лента за забавување и за застанување, широка 2,5 метри. Вкупната широчина на коловозот за движење во еден правец ќе изнесува 10,7 метри, а меѓу двата коловози ќе има и четири метри разделен (зелен) појас, односно заштитно зеленило и систем за зафаќање атмосферски води од коловозот. Предвидено е на целата делница на новиот автопат да има седум патни јазли, и тоа: Миладиновци, Средно Коњаре, Преод, Свети Николе север, Свети Николе југоисток, Кадрифаково и Три Чешми. Автопатот практично ќе почне со клучка кај селото Миладиновци, по што навлегува во долината на реката Пчиња, а преку месноста Блатски Ниви излегува кај селото Средно Коњаре, каде што ќе се гради мост. Потоа трасата оди покрај селото Сушица, сливот на Врњак и продолжува по падините на кои се селата Крушице, Преод и Сопот, од каде што се спушта во Овчеполската низина и се приближува до коритото на реката Периш, па сѐ до Свети Николе, каде што ќе се градат клучка и заобиколница. Некаде кај 40-от километар автопатот продолжува паралелно со постојниот регионален пат кон Штип, минува низ месноста Андонова Воденица, го сече потокот Немањица и покрај Кадрифаково и Криви Дол завршува во Штип. На овој дел постојниот коловоз ќе се проширува за да се добијат три ленти за движење во една насока, а во спротивната насока ќе се изведе нова коловозна лента за одвивање на сообраќајот, која во првите три километри ќе се води од левата, односно западната страна, за од тој пресек, па сѐ до крајот на делницата, да се изведе по десната, односно источната страна.

Пренамена на земјиштето

На трасата на новиот автопат Штип - Миладиновци веќе е почната постапката за пренамена на земјоделското земјиште во градежно и за експропријација на приватните имоти во општините Свети Николе и Штип, која во последно време беше запрена поради распишувањето на локалните избори. Инаку, вообичаено, за влијанието на новиот пат врз животната средина е направена студија, која беше изработена по нарачка на поранешната агенција (сега ЈП) за државни патишта, и таа покажала дека нема никакви еколошки пречки да почне изградбата на автопатот. Истовремено, таа предвидува на повеќе места на оваа автопатска делница да има посебни премини за животните и повеќе одводни канали и слично. Исто така, на повеќе места ќе има звучни и други сигнални уреди (особено во близина на населените места), а автопатот ќе биде обезбеден и со ограда, во дијапазон од 30 метри широчина од двете страни.

http://www.novamakedonija.com.mk/NewsDetal.asp?vest=42913758159&id=10&prilog=0&setIzdanie=22868 - http://www.novamakedonija.com.mk/NewsDetal.asp?vest=42913758159&id=10&prilog=0&setIzdanie=22868

-------------
За сè има вторпат


Posted By: Cloverstack
Date Posted: 29-May-2013 at 10:52
Ќе се проектира експресен пат помеѓу Штип и Струмица

Нов експресен пат со четири коловозни ленти, по две со ширина од по 3,75 метри и од по 2,5 метри треба да ги спои Штип и Струмица најдоцна до 2020 година, проект што треба да се надоврзе на најавениот автопат од Скопје до Штип. Во насока на конечна реализација на ветените брзи патишта во источна Македонија, Агенцијата за државни патишта денеска распиша оглас за изработка на проектната документација за изградба на идниот пат А4, за делницата од Штип до Радовиш. Најпрвин ќе се избере понудувач за изготвување на документацијата за овој сегмент, а во наредниот период ќе следува и јавен повик за прибирање на понуди за подготовка на проект за делницата од Радовиш до Струмица. Субјектите кои се заинтересирани да учествуваат на огласот треба да ги достават своите понуди најдоцна до 15 јули. Рокот за изработка на неопходната проектна документација изнесува 17 месеци.

Агенцијата за државни патишта пред повеќе од една година ја изработи Студијата за оценка на влијанието врз животната средина од изградбата на експресниот пат од Штип до Струмица. Македонија засега нема обезбедено финансиски средства за остварување на овој проект, но очекувањата се дека странски финансиски институции би биле заинтересирале за негова реализација по завршувањето на постапката за проектирање. Во јануари годинава беше пуштена во употреба http://www.build.mk/?p=22367 - последната делница од магистралниот пат М-6 помеѓу Радовиш и Струмица во должина од 10 километри .


http://www.build.mk/?p=25569 - #
Објавено на 28.05.2013 во категорија http://www.build.mk/?cat=28 - Вести .

Тагови: http://www.build.mk/?tag=%d0%b8%d0%bd%d1%84%d1%80%d0%b0%d1%81%d1%82%d1%80%d1%83%d0%ba%d1%82%d1%83%d1%80%d0%b0 - Инфраструктура , http://www.build.mk/?tag=%d0%bf%d0%b0%d1%82%d0%b8%d1%88%d1%82%d0%b0 - Патишта , http://www.build.mk/?tag=%d1%80%d0%b0%d0%b4%d0%be%d0%b2%d0%b8%d1%88 - Радовиш , http://www.build.mk/?tag=%d1%81%d1%82%d1%80%d1%83%d0%bc%d0%b8%d1%86%d0%b0 - Струмица , http://www.build.mk/?tag=%d1%82%d0%b5%d0%bd%d0%b4%d0%b5%d1%80%d0%b8-%d0%b8-%d0%bb%d0%b8%d1%86%d0%b8%d1%82%d0%b0%d1%86%d0%b8%d0%b8 - Тендери и лицитации , http://www.build.mk/?tag=%d1%88%d1%82%d0%b8%d0%bf - Штип


http://www.build.mk/?tag=%d1%88%d1%82%d0%b8%d0%bf - http://www.build.mk/?p=25569




Кога ќе го види човек насловот, ќе се израдува, макар што се работи само за проектирање. Ама кога ќе се стигне до делот со профилот на коловозот... не знам што да кажам навистина... кој ги измислува овие бесмислени и апсурдни решенија? Зошто измислуваме топла вода? За што точно ќе служат тие ленти од по 2,5 метри???

Зарем за отприлика истата цена и маргинално поголемо искористување на земјиште не може да се направи класичен експресен пат со профил 2х2 каде што ширината на сите ленти би била 3,5 метри и би имало средишна бариера?

Таков класичен експресен пат без никаква дилема би можел да се справи со значително повеќе сообраќај, а во однос на безбедноста состојбата е неспоредлива. Онаква импровизација каква што замислиле ќе има многукратно поцрни статистики од безбедносен аспект. Која е воопшто логиката на таа чудна замисла и комбинација со лентите, каква придобивка ќе има од таквиот пристап? Има ли бре некој мозок во тие институции каде што се носат вакви крупни одлуки?

Единствена утеха ми е дека ова реално нема да се реализира уште минимум 7-8 години, па до тогаш има време да се опаметиме...


Posted By: Џоле
Date Posted: 05-Jul-2013 at 16:45
Автопатот до Охрид ќе се гради со кинески пари?

Македонија ќе гради два нови автопати со заем од Kина, пишува Дневник повикувајќи се на владини извори. Изградбата, според весникот ќе се финансира од фондот од 10 милијарди долари, кој кинеската влада го намени за вложување во земјите од Југоисточна Европа.

Вусшност, најавите дека со пари од кинеската ЕКСИМ банка ќе се градат два автопати во земјава и тоа делницата Штип – Миладиновци и Кичево – Охрид – Свети Наум се стари веќе неколку месеци, но за време на сегашната посета на владината делегација предводена од премиерот Груевски на Пекинг повторно се актуелизираат.

Тој за време на средбата со кинескиот колега истакна дека кај Република Македонија постои интерес за реализација на повеќе инфраструктурни проекти кои се од значење за државата.

Договорот со кој се создава правна рамка за кинеската ЕКСИМ банка да може да аплицира за овие проекти беше потпишан во ноември минатата година.

Освен Македонија и другите земји од регионот се заинтересирани за користење на дел од парите кои кинеската влада ги намени за финансирање прокети во Југоисточна Европа. Во Србија со кинески кредит се гради дел од Коридорот 11.

http://ekonomski.mk/?p=46190 - http://ekonomski.mk/?p=46190

-------------
За сè има вторпат


Posted By: Џоле
Date Posted: 14-Jul-2013 at 21:22
За состојбата на автопатот во целина... ТВ прилог од Телма

http://telma.com.mk/index.php?task=content&cat=1&rub=6&item=28825 - http://telma.com.mk/index.php?task=content&cat=1&rub=6&item=28825

-------------
За сè има вторпат


Posted By: Џоле
Date Posted: 14-Jul-2013 at 21:50
Инаку, вчера бев до Велешко езеро, и морам да кажам дека состојбата на делницата Скопје-Велес, со исклучок на еден дел веднаш при излезот од Скопје, е на задоволително ниво. Коловозот е обновен, а е поставена и нова патна сигнализација која ми остави добар впечаток. Исто така и тунелите се осветлени и малку потсредени.

Делницата Велес-Скопје е во очајна состојба, и моментално претставува еден голем срам за нашава земја.

-------------
За сè има вторпат


Posted By: Macedonicus
Date Posted: 15-Jul-2013 at 09:59
Има негде подетални мапи за планираниве патишта и за Демир Капиjа - Смоквица за да ги исцртам на Google Maps ?

-------------
ಠ_ಠ


Posted By: gorco
Date Posted: 15-Jul-2013 at 12:48


од build.mk е ова.

-------------


Posted By: alexsend
Date Posted: 18-Sep-2013 at 19:48
КОНЕЧНО добри вести

Добиени се кредити за автопатишта од Скопје до Штип и од Кичево до Охрид

Премиерот Никола Груевски информира дека Владата пред неколку дена добила информација оти Ексим банката на Народна Република Кина и Министерството за трговија одобриле заем за изградба на автопатот од Скопје преку Свети Николе до Штип од 50 километри со преференцијална камата од 2 отсто, како и дека е во завршна фаза на одобрување заемот за автопатот од Кичево до Охрид и Струга од 57 километри под истите поволни услови што ни беа образложени.

„Заемот ќе го земе Агенцијата за патишта со рок на отплата од 20 години, од кои 5 години грејс период. Се очекува патиштата да почнат да се градат 3 до 4 месеци по одобрување од македонското Собрание. Износот на инвестциијата во овие два автопати ќе изнесува 574 милиони евра без ДДВ, а рокот за изградба е три години од почетокот на градба“, изјави денеска Груевски на средбата со македонските стопанственици.

http://bukvar.mk/news/dobieni-se-krediti-za-avtopatishta-od-skopje-do-shtip-i-od-kichevo-do-ohrid?newsid=qsIb

-------------
Јас Скопје никогаш не сум го замислувал вака.


Posted By: gjoko
Date Posted: 18-Sep-2013 at 21:40
и јас ја слушнав оваа вест,но во принцип не постирам вести со ќе,а посебно ако не е врзано со прецизна дата и во многу блиска иднина.на пример ако кажеше во понеделник стартуваме со ......ќе беше друга приказна,вака..


Posted By: alexsend
Date Posted: 20-Sep-2013 at 18:18
Ако може некој да ми разјасни нешто, дали не моткаат или тоа е начин на кој се работи.

ОД ЕДНА СТРАНА
Од Владата објавија дека им е доделен кредит од кинеска банка за новиот автопат Миладиновци-Штип и дека истиот треба да почне да се гради од кога ќе биде изгласан во собрание за 2-3 месеци, па после тендер уште 2 и избор уште 1 (така обично одат работите). Значи пролет 2014-та, а рок на изградба ќе биде 3 години.

ОД ДРУГА СТРАНА
Денес на вести слушам дека е изгласан буџетот на РМ за 2014-та година и дека "најголем дел од нив" (според Сител секако) се издвоени за инфраструктурни проекти односно патишта и железници, издвоени се цели 55 милиони евра за оваа намена.
http://sitel.com.mk/node/97336 - ЛИНК ДО СТАТИЈАТА
Само да нагласам: Во земја со мизерна патна инфраструктура Владата за оваа намена издвојува ЦЕЛИ 2% од годишниот буџет! Чудни приоритети

Е сега, ако ви текнува на статијата која ја има на BUILD.MK која се однесува за делницата Демир Капија - Смоквица која е во изградба пишува дека Владата во 2014-та ќе треба да им исплати на компаниите кои работат на овој сегмет 55 милиони евра. Коинциденција нели?

Значи ништо од инвестиции во железничката инфраструктура или пак започнување со изградба на нов автопат во 2014? Дефакто сем Демиркапија-Смоквица нема ништо да видиме на ова поле догодина?

Или пак сум грешка? Т.е.кредитите земени од странски банки не влегуваат во проекција на буџет на држава што ми е чудно.

Ако може некој да објасни

-------------
Јас Скопје никогаш не сум го замислувал вака.


Posted By: gjoko
Date Posted: 20-Sep-2013 at 18:52
Ставрески на Канал 5 кажа дека и железницата кон Бугарија е опфатена со буџетот за 2014 година,и дека ќе се започне со градба


Posted By: ehrlich
Date Posted: 20-Sep-2013 at 19:00
Сите овие проекти не влегуваат во буџетот, бидејќи реално државата нема/не дала ни денар од буџетските пари, бидејќи сите овие се градат од кредити, земени посебно. Така на пример, носител на кредитот за Демир Капија-Смоквица е државата, додека за новиот автопат Миладиновци-Штип носител е Агенцијата за државни патишта, за пругата кон Бугарија, Македонски железници, така да државата освен со ослободување на ДДВ-то и по некој милион евра нема никакво учество во овие проекти, а буџетот повторно се сведува на плати и пензии.

Имено и новиот ребаланс се носи поради пуштање на инјекција на ПИОМ кој повторно мистериозно останал без пари. Лани дури 40% од целокупните исплати на пензиите се исплатија од буџетот. Тоа е недозволиво, но очигледно никој не говори за тоа.


Posted By: Џоле
Date Posted: 25-Sep-2013 at 07:33
ИСЦРТАНИ НОВИТЕ АВТОПАТСKИ ДЕЛНИЦИ

ЕДЕН ТУНЕЛ НА НОВИОТ АВТОПАТ ДО ОХРИД



Од Скопје до Штип во 2017 година ќе се вози со 120 километри на час, наместо со 60 како сега. Најавениот модерен автопат, кој ќе ги поврзе скопско Миладиновци со градот под Исарот, се очекува од идната пролет да почне да го добива реалниот лик. Истото важи и за автопатот од Kичево до Охрид, за кој кинеската „Ексим банка“ треба и официјално да одобри кредит, исто како што одлучи да го финансира патниот правец Миладиновци-Штип.

Според најавите на премиерот Никола Груевски, откако „Ексим банка“ ќе ги одобри кредитите во вкупен износ од 574 милиони евра без ДДВ тие треба да се ратификуваат во македонското Собрание. Се очекува изградбата да почне три-четири месеци по ратификацијата, односно во март или април, а двата автопати треба да бидат готови три години од почетокот на градбата.

Автопатското поврзување на метрополата со Штип е неопходно долго, имајќи предвид дека неколку илјади граѓани од источна Македонија секојдневно патуваат накај Скопје. Според анализите на Министерството за животна средина, постојниот регионален пат од Миладиновци до Штип дневно го користат од 1.500 до 2.500 возила, при што најмногу сообраќај има во текот на работното време. Со новиот автопат, растојанието меѓу двете места ќе се скрати за триесетина километри, а со возило ќе може да се помине за околу половина час.

Широк 27 метри

Постојниот проект за овој патен правец предвидува изградба на автопат во должина од 47,1 километри. Трасата почнува со приспособување на постојната клучка кај селото Миладиновци, од каде што ќе се поврзе со постојните автопати Kатланово-Велес и Петровец-Блаце. Трасата продолжува да се искачува на ридот Оџевица на 430 метри надморска височина, по што се спушта кон долината на реката Пчиња, во близина на селото Средно Kоњаре каде што ќе се гради мост. Оттаму трасата пак се искачува кон планинскиот премин Дервен по јужната страна и поминува низ напуштено земјоделско земјиште обиколувајќи го постоечкиот археолошки терен, по што се спушта кон овчеполската рамница во близина на реката Периш. Откако ќе го помине Овче Поле, трасата се поврзува со постојниот пат до Свети Николе, каде што ќе се градат клучка и обиколница. Понатаму автопатот продолжува паралелно со постојниот пат Kадрифаково-Штип, каде што и завршува.

Од Министерството за транспорт и врски информираат дека е планирано автопатот да има 2 кловозни ленти, плус една за застанување.

- Kоловозните ленти ќе бидат со вкупна ширина од 27 метри, а ќе има и 8 натпатници и 5 потпатници. На автопатот се предвидени клучки кај Миладиновци, Средно Kоњаре, Преод, Свети Николе-Север, Свети Николе-Југоисток, Kадрифаково и Три Чешми- велат од Министерството за транспорт.

Не поминува низ Маврово

Не помалку значајна за западниот дел на земјава е и изградбата на автопатот од Kичево до Охрид, која според најавите треба да почне во приближно исто време со патот Миладиновци-Штип. Се работи за автопатска делница од 56,7 километри, која почнува од Kичево, па преку местата Подвис, Пресека и Песочани стигнува до Требеништа. Оттука трасата преку Подмолје се поврзува со Охрид. На околу два километри од Kичево е предвидена клучката Kнежино со која е решено влегувањето и излегувањето од градот во и од правец на Гостивар и Охрид. Во состав на клучката е решен и патот во правец на Демир Хисар и Битола.

Според проектот, и овој автопат ќе има две ленти со вкупна ширина од 25,2 метри, а на трасата ќе има и 6 натпатници и 13 потпатници, како и тунел „Пресека“ со две цевки.

- Автопатот минува низ необработливи површини, составени од планински горски предели, ливади и суводолини, реки, како и низ терени наменети за земјоделско производство и одгледување на добиток и покрај населени места. Патот не поминува низ територијата на националниот парк Маврово и нема заштитени подрачја на самата траса - пишува во студијата на Министерството за животна средина.

Повеќе на
http://dnevnik.mk/?ItemID=E83D19904D053043B197A13320CF7180 - http://dnevnik.mk/?ItemID=E83D19904D053043B197A13320CF7180

-------------
За сè има вторпат


Posted By: Goran
Date Posted: 26-Sep-2013 at 03:47
Изградба на новите автопати од наредната пролет
Среда, 25 Септември 2013 12:14

Најавениот модерен автопат од Миладиновци до Штип кој се очекува од наредната пролет да почне да се реализира ќе овозможи во 2017 година да се вози со 120 километри на час, наместо со 60 како сега. Парите за изградбата на овој пат ги обезбеди кинеската „Ексим банка“, а се очекува истата да го одобри кредитот и за автопатот од Kичево до Охрид, пишува „Дневник“.
4E5B-500

Според најавите на премиерот Никола Груевски, откако „Ексим банка“ ќе ги одобри кредитите во вкупен износ од 574 милиони евра без ДДВ тие треба да се ратификуваат во македонското Собрание. Се очекува изградбата да почне три-четири месеци по ратификацијата, односно во март или април, а двата автопати треба да бидат готови три години од почетокот на градбата.

Автопатското поврзување на метрополата со Штип е неопходно имајќи предвид дека неколку илјади граѓани од источна Македонија секојдневно патуваат накај Скопје. Според анализите на Министерството за животна средина, постојниот регионален пат од Миладиновци до Штип дневно го користат од 1.500 до 2.500 возила, при што најмногу сообраќај има во текот на работното време. Со новиот автопат, растојанието меѓу двете места ќе се скрати за триесетина километри, а со возило ќе може да се помине за околу половина час.

Постојниот проект за овој патен правец предвидува изградба на автопат во должина од 47,1 километри. Трасата почнува со приспособување на постојната клучка кај селото Миладиновци, од каде што ќе се поврзе со постојните автопати Kатланово-Велес и Петровец-Блаце. Трасата продолжува да се искачува на ридот Оџевица на 430 метри надморска височина, по што се спушта кон долината на реката Пчиња, во близина на селото Средно Kоњаре каде што ќе се гради мост. Оттаму трасата пак се искачува кон планинскиот премин Дервен по јужната страна и поминува низ напуштено земјоделско земјиште обиколувајќи го постоечкиот археолошки терен, по што се спушта кон овчеполската рамница во близина на реката Периш. Откако ќе го помине Овче Поле, трасата се поврзува со постојниот пат до Свети Николе, каде што ќе се градат клучка и обиколница. Понатаму автопатот продолжува паралелно со постојниот пат Kадрифаково-Штип, каде што и завршува.

Од Министерството за транспорт и врски информираат дека е планирано автопатот да има 2 кловозни ленти, плус една за застанување.

Не помалку значајна за западниот дел на земјава е и изградбата на автопатот од Kичево до Охрид, која според најавите треба да почне во приближно исто време со патот Миладиновци-Штип. Се работи за автопатска делница од 56,7 километри, која почнува од Kичево, па преку местата Подвис, Пресека и Песочани стигнува до Требеништа. Оттука трасата преку Подмолје се поврзува со Охрид. На околу два километри од Kичево е предвидена клучката Kнежино со која е решено влегувањето и излегувањето од градот во и од правец на Гостивар и Охрид. Во состав на клучката е решен и патот во правец на Демир Хисар и Битола.

Според проектот, и овој автопат ќе има две ленти со вкупна ширина од 25,2 метри, а на трасата ќе има и 6 натпатници и 13 потпатници, како и тунел „Пресека“ со две цевки.
http://kurir.mk/makedonija/vesti/131218-Izgradba-na-novite-avtopati-od-narednata-prolet


Posted By: alexsend
Date Posted: 26-Sep-2013 at 17:43
Трасата на новите автопати во Македонија



-------------
Јас Скопје никогаш не сум го замислувал вака.


Posted By: Teglarot
Date Posted: 26-Sep-2013 at 18:51
Не разбирам, која е причината за вртењето на автопатот Скопје - Штип, на потегот од Миладиновци кон Средно Коњаре ?

Па полесно е, и претпоставувам пократко и поевтино, патот да оди од јужната клучка кај село Петровец.


Posted By: Macedonicus
Date Posted: 26-Sep-2013 at 19:09
Тоа гледам и јас, многу ми е вртењево безвезе. Можеби проблемот е во нерасчистени имотно-правни односи.

-------------
ಠ_ಠ


Posted By: alexsend
Date Posted: 26-Sep-2013 at 20:34
И мене тоа ми падна во очи. Очигледно го избегнуваат ридот т.е.изградбата на тунел.

-------------
Јас Скопје никогаш не сум го замислувал вака.


Posted By: Goran
Date Posted: 27-Sep-2013 at 02:00
Не сум запознат со потребите на источниот дел од Македонија за потребите на автопатот.
По мое мислејне ова не дел од никој меѓународен коридор.
Не спорам би било убаво секаде да се градат автопати сите регионални патови да прераснат во автопати ако се има пари!!!
Мое мислејне требаше да се форсира целосна изградба на коридор 8.
Парите да се пранасочеја за целосна изградба на коридор 8 ако небеја доволно да се пристапеше кон јавно приватно партерсво.


Posted By: alexsend
Date Posted: 27-Sep-2013 at 15:05
Источна Македонија е целосно отсечена од главниот град и мора да најдат сили во иднина да го избуткаат автопатот до Кочани. Од Скопје до Берово се патува 2 часа...

Коридорот 8 е неопходен да, се согласувам, но велат дека никој не е заинтересиран за него од причина што има неколку пати помал обем на сообраќај во однос на возилата кои доаѓаат од источна македонија, па во таа насока овој вториов е приоритет. Се надевам дека Владата ќе изнајде решение и за комплетирање на коридорот 8 барем до 2020-та.

-------------
Јас Скопје никогаш не сум го замислувал вака.


Posted By: gjoko
Date Posted: 27-Sep-2013 at 21:15
Од висок претставник на помалиот колиционен партнер во власта(случајно бевме соба до соба наодмор),разбрав дека Албанија и помалиот партнер во владата тежнеат да се гради автопатот од страната на Дебар,поточно Гостивар -Дебар.Албанија вели-ние изградивме автопат од пристаништето во Драч до границата со Македонија кај Дебар,и нема да градиме уште еден автопат преку Елбасан.

Имало и една (не)пристојна од инвеститорот на автопатот Тирана-Косовска граница,но не би ја образложувал тука


Posted By: Мартин
Date Posted: 28-Sep-2013 at 01:24
Не е точна информацијата дека Албанија има изградено автопат до Дебар, станува збор за најобичен магистрален пат, далеку од автопатските стандарди. Дури, ако не се лажам не е ни воопшто завршен.


Posted By: elnino
Date Posted: 28-Sep-2013 at 10:00
bla bla bla bla


tirana elbasan bla bla bla mi e muabetot

http://www.youtube.com/watch?v=lo5W2u6IMY8



Posted By: phenomenon
Date Posted: 28-Sep-2013 at 10:31
Причината за вртењето на автопатот Скопје- Штип кај Петровец, наместо да поминува кај Миладиновци, е тоа што овие наши дилетанти сакаат да го искористат веќе постоечкиот пат Петровец- Средно Коњари, т.е. сметаат дека едната коловозна лента од автопатот им е направена.




-------------
開始されていないだけの戦いが失われ、


Posted By: FoSsiL
Date Posted: 28-Sep-2013 at 10:42
Претпоставувам дека за Скопје - Штип најлесно и најевтино им е да го протнат низ тоа ‚‚клисурчето‘‘ кај Долно Коњари, што е во ред, но неможам да сфатам зошто во тој случај наместо на клучка Петровец да се закачи на клучка Миладиновци... Која е логика и потреба од тоа?

-------------
Македонија - Земја на чудата!


Posted By: phenomenon
Date Posted: 28-Sep-2013 at 10:53
Логиката е што на потегот Миладиновци-Горно Коњаре трасата би идела право преку рид, а ваму би морала беспотребно да врти околу селата преку ниви, плус многу повеќе пари би се дале за експропријација на земјиштето.

-------------
開始されていないだけの戦いが失われ、


Posted By: FoSsiL
Date Posted: 28-Sep-2013 at 11:08
Не за таа логика... туку логика да се поврзе до Миладиновци откако ќе се протне од кај Долно Коњари...

-------------
Македонија - Земја на чудата!


Posted By: FoSsiL
Date Posted: 28-Sep-2013 at 11:11
Патем... со поврзување на Петровец... можеме конечно јасно да ги обележиме патните правци во Македонија... секако М4 отпаѓа, се заменува со М2, а М4 на друго место... можеби Куманово - Крива Паланка... Битола - Штип, или Штип - Струмица...

М2 би било... Кочани - Ќафасан... Ќе цртнам и за ова... но сега за сега нека стои ситуацијава кај Скопје...

Едит: Добро де... мислам... А1, А2, А3, А4...



-------------
Македонија - Земја на чудата!


Posted By: Џоле
Date Posted: 30-Sep-2013 at 07:47
Овие малку се заборавиле во пишувањето, ама не е ни чудо кога ќе се види за кој весник станува збор

Македонија ги пробива своите патишта


Од следната година, па во наредните пет планирана е изградба на 11 автопати и магистрални патишта, при што како приоритетни се двата автопати - од Миладиновце до Штип и од Кичево до Охрид. Од 2008 година досега се изградени и рехабилитирани 418,8 километри автопат во вкупна вредност од 164 милиони евра



Во наредните пет години предвидено е да се изградат околу 300 километри автопатишта, експресни и магистрални патишта и околу 200 километри локални патишта. Со ова Владата најавува инвестициски бум во патната инфраструктура која ќе и даде нова слика на Македонија. Модернизацијата и изградбата на патиштата, којашто започна поинтензивно да се реализира во 2008 година, во наредните пет години ќе ја направи Македонија земја со најдобри патишта во регионот.

Според најавата на директорот на јавното претпријатие за државни патишта, Љупчо Георгиевски, интензивните инвестиции во патната инфраструктура преку изградба, реконструкција и модернизација на патиштата ќе значат придобивки и за граѓаните и за вкупниот економски развој на државата.
- Од следната година, па во наредните пет години планирана е изградба на 11 автопати и магистрални патишта, при што како приоритетни се двата автопати - од Миладиновце до Штип и од Кичево до Охрид. Во петгодишниот план на Јавното претпријатие за државни патишта, доставен до Владата, предвидена е изградба и реконструкција на магистралите од Велес до Кадрифаково, Штип - Радовиш, Смоквица - Гевгелија, Неготино - Демир Капија, Градско - Прилеп, Стенковец - Блаце, Миладиновци - Куманово и Велес - Кадрифаково, вели Георгиевски.
Од 2008 година досега се изградени и рехабилитирани 418,8 километри автопат во вкупна вредност од 164 милиони евра.

Според него, во моментов механизацијата на јавното претпријатие работи на изградба на патишта со вкупна должина од 116 километри. Само до крајот на годината е предвидена реконструкција, ревитализација, и проширување на нови седум регионални патишта во должина од околу 100 километри.
- Вкупната инвестиција за изградба на овие патишта изнесува 13 милиони евра, додека во делот на магистрални патишта се очекува да заврши изградбата на патот од Кочани до Виница со вкупна должина од 2 километри од Македонска Каменица до Делчево долг 7 километри и двата со вкупна вредност од 1,1 милиони евра, објаснува Георгиевски.

Во делот на изградбата на локалната инфраструктура, со заемите од Светска банка и Европската банка според динамиката, до крајот на годината предвидено е да биде завршена изградбата на 105 локални патишта во вкупна должина од 161,3 километри во вкупна вредност од 15,3 милиони евра.
- Во 2014 година и 2015 година очекуваме да изградиме иште 100 локални патишта со вкупна должина од 200 километри во вредност од 20 милиони евра, објаснува директорот на јавното претпријатие.

Од 2009 година, кога почна реализацијата на проектот за изградба и ревитализација на локални патишта, па заклучно со 2012 година, изградени се 203 локални патишта во вкупна должина од 440,8 километри и вкупна инвестиција од 31,7 милиони евра.

418,8 километри автопат се изградени и рехабилитирани од 2008 година до денес
11 нови автопати е предвидено да бидат изградени во наредните пет години
200 километри локални патишта се предвидени да се градат во наредните две години
Половина милијарда евра кинески кредит за изградба на автопатишта
Со кредити поголем од половина милијарда евра Владата ја започнува изградбата на две патни магистрали. На исток, патот Скопје - Свети Николе - Штип и на запад, патот Кичево - Охрид.
Премиерот Никола Груевски во обраќањето пред бизнис-заедницата минатата недела истакна дека со ова се продолжува владината политика на зголемување на капиталните инвестиции за реализација на крупни капитални инфраструктурни објекти.
- Овој мега инфраструктурен проект ќе се реализира со пари од Ексим банката на Народна Република Кина и на Министерството за трговија, кои потврдиле дека заемот во вредност од 574 милиони евра веќе е одобрен. Станува збор за изградба на автопатот од Скопје преку Свети Николе до Штип од 50 километри и автопатот од Кичево до Охрид и Струга во должина од 57 километри. Кредитното задолжување ќе биде со преференцијална камата од 2 отсто. Заемот ќе го земе Агенцијата за патишта, а ќе треба да се врати во рок од 20 години, од кои 5 години грејс период, изјави Груевски пред стопанствениците и најави дека градежната офанзива треба да почне 3 до 4 месеци по одобрување на заемот од македонското Собрание.
Македонија треба да добие два нови автопати три години по започнување на изградбата.

По новите автопати ќе се вози до 120 километри на час
Според проектното решение на Агенцијата за патишта, постојниот проект за автопатот од Миладиновце до Штип предвидува изградба на автопат во должина од 47,1 километри. Трасата ќе започне со приспособување на постојната клучка кај селото Миладиновци, од каде што ќе се поврзе со постојните автопати Катланово-Велес и Петровец-Блаце. Трасата продолжува да се искачува на ридот Оџевица на 430 метри надморска височина, по што се спушта кон долината на реката Пчиња, во близина на селото Средно Коњаре каде што ќе се гради мост. Оттаму трасата пак се искачува кон планинскиот премин Дервен по јужната страна и поминува низ напуштено земјоделско земјиште обиколувајќи го постоечкиот археолошки терен, по што се спушта кон овчеполската рамница во близина на реката Периш. Откако ќе го помине Овче Поле, трасата се поврзува со постојниот пат до Свети Николе, каде што ќе се градат клучка и обиколница. Понатаму автопатот продолжува паралелно со постојниот пат Кадрифаково-Штип, каде што и завршува.

Планирано автопатот да има 2 коловозни ленти, плус една за застанување.
Коловозните ленти ќе бидат со вкупна ширина од 27 метри, а ќе има и 8 натпатници и 5 потпатници. На автопатот се предвидени клучки кај Миладиновци, Средно Коњаре, Преод, Свети Николе-Север, Свети Николе-Југоисток, Кадрифаково и Три Чешми
Новиот автопат пак од Кичево до Охрид според проектното решение ќе биде долг 56,7 километри, која почнува од Кичево, па преку местата Подвис, Пресека и Песочани стигнува до Требеништа. Оттука трасата преку Подмолје се поврзува со Охрид. На околу два километри од Кичево е предвидена клучката Кнежино со која е решено влегувањето и излегувањето од градот во и од правец на Гостивар и Охрид. Во состав на клучката е решен и патот во правец на Демир Хисар и Битола.

Според проектот, и овој автопат ќе има две ленти со вкупна ширина од 25,2 метри, а на трасата ќе има и 6 натпатници и 13 потпатници, како и тунел Пресека" со две цевки.

По двата автопати ќе се вози по 120 километри на час, наместо 60 како сега.

http://www.vecer.com.mk/default.asp?ItemID=C0CB36144BD6714C8F8BEFE5EDDBFD9B - http://www.vecer.com.mk/default.asp?ItemID=C0CB36144BD6714C8F8BEFE5EDDBFD9B

-------------
За сè има вторпат


Posted By: Dexter26
Date Posted: 30-Sep-2013 at 10:27
Previous
 
Интересен е фактот дека и анимацијата за проектот Скопје 2014 за прв пат беше прикажана во 2008 година, а на тој проект досега се потрошени над официјални 207 милиони евра, односно над неофицијални 317 милиони евра.
 
Од друга страна, власта се фали со изградени и/или обновени 418.8 километри автопат во вкупна вредност од 164 милиони евра.
 
Може ли некој да направи пресметка колку километри автопат би се изградиле со тие официјални 207 милиони евра, пари фрлени на проектот Скопје 2014 ?


Posted By: Sashko
Date Posted: 30-Sep-2013 at 10:41
Ја има ли картата од оваа вест некаде во поголема резолуција?


Posted By: FoSsiL
Date Posted: 30-Sep-2013 at 12:22
Originally posted by Dexter26


Previous  Интересен е фактот дека и анимацијата за проектот Скопје 2014 за прв пат беше прикажана во 2008 година, а на тој проект досега се потрошени над официјални 207 милиони евра, односно над неофицијални 317 милиони евра.  Од друга страна, власта се фали со изградени и/или обновени 418.8 километри автопат во вкупна вредност од 164 милиони евра.  Може ли некој да направи пресметка колку километри автопат би се изградиле со тие официјални 207 милиони евра, пари фрлени на проектот Скопје 2014 ?




Многу важно е да се напомени болдираното... обновени/рехабилитирани не е исто што и изградени... а имајќи предвид дека 7 км Табановце - Куманово и препишаната Скопска обиколника... друго ништо не е изградено... аналогно на тоа... најголем дел од тие 418 км автопат што ги зборат... всушност не се автопат... немаме толку обновено... освен ако не бројат по насока и не ги вклучуваат регионалните патишта и ги прават автопати... бидејќи 418 км автопат во МК нема (М1 е околу 180 км, Скопска обиколница 25 км, Миладиновци - Скопје е 15 км, Петровец - Скопје е исто 15 км, и Скопје - Тетово - па еве и Гостивар е 61 км, или вкупно 296 нека се и 300 км автопат во Македонија)... а камо рехабилитиран...

Како и да е... поентата ми е... изградба на автопати е скапа работа... и ако навистина сакаш отприлика да знаеш колку автопат од типот на Куманово-Табановце би се изградило со 207 милиони евра... должината изнесува околу 100 км...

Така да... сѐ е чиста манипулација...

-------------
Македонија - Земја на чудата!


Posted By: Џоле
Date Posted: 30-Sep-2013 at 13:38
Originally posted by Sashko

Ја има ли картата од оваа вест некаде во поголема резолуција?


Јас ја барав, ама не ја најдов.

-------------
За сè има вторпат


Posted By: Denko
Date Posted: 30-Sep-2013 at 14:43
"Fossil", gi brojat i magistralite. Jas, pak, se prasuvam, kade tolku mnogu avtopat i magistrali se izgradi, odnosno obnovi?
Da ne mislat na lokalni patista?


Posted By: gorco
Date Posted: 30-Sep-2013 at 14:52
Да не навредувам никого, но ќе искоментирам, ова е вест за „благо“ ретардирани луѓе

Дај боже да ги направат, ама што да кажам 8-ма преродбенска година се на власт, ја колата уште си ја кршам по колските магистрали и накај Солун и накај Охрид ... а вестите од црната хроника доволно кажуваат за жал, скоро секој ден.

-------------


Posted By: Denko
Date Posted: 30-Sep-2013 at 15:31
Jas duri sega gledam deka "Vecer" sto zad tekstov... A koj bi mozel da objavi vakov tekst osven "Vecer"!?

Inaku, Aleksandra Spasevska izgleda nikogas go nema pominato patot Stip-Skopje, pa trese zeleni deka se vozi so 60km/h.


Posted By: phenomenon
Date Posted: 30-Sep-2013 at 17:16
Какви се овие глупости? Во наредните 5 години да изградат 11 автопати и магистрални патишта не верувам дека би можеле Луксембург и Сингапур, а не пак овие. Видовме колку време им требаше да изградат еден автопат кој веќе имаше траса и поминуваше низ рамен предел и благи ритчиња. Се работи за правецот Горно Којнаре - ГП Табановце.
Се молат колегите форумџии да не постираат вакви претенциозни текстови од хумористични весници.

-------------
開始されていないだけの戦いが失われ、


Posted By: 46&2
Date Posted: 30-Sep-2013 at 17:20
Гледам дека за Куманово-Крива Паланка не се планира ниту санација, ниту некакво проширување Ohno

-------------
I use public toilets and I piss on the seat.


Posted By: alexsend
Date Posted: 30-Sep-2013 at 18:48
За 5 години ќе изградат 11 автопати

Прашувам кои се тие 11 автопати? Миладиновци-Штип / Кичево-Охрид, кои се останатите 9?

Колку километри се тие 11 автопати? Со оглед на тоа што изминатве 5 години направија 1 автопат од 15км!

-------------
Јас Скопје никогаш не сум го замислувал вака.


Posted By: alexsend
Date Posted: 05-Oct-2013 at 07:48
Направив една компарација за тоа што имаме, што е најавено и како јас ја замислувам мрежата на автопати во државава. Чисто посликовито да видиме до каде сме.
*коридорот 10 го обележав како изграден затоа што се отпочнати активностите на терен.
*од коридорот 8 кој е со должина околу 300км, моментално имаме само 110км - 1/3







-------------
Јас Скопје никогаш не сум го замислувал вака.


Posted By: Џоле
Date Posted: 06-Oct-2013 at 14:14
Мислам дека би било фино и исплатливо да се поврзат Битола и Охрид со автопат, или барем со експресен пат.

-------------
За сè има вторпат


Posted By: stratus
Date Posted: 06-Oct-2013 at 16:37
Охрид со Ресен. Битола-Ресен е со 3ленти во поголемиот дел и не е така лош, треба само промена на асфалтот. Заборавен е патниот правец Велес-Прилеп преку Бабуна


Posted By: gjoko
Date Posted: 06-Oct-2013 at 17:34
не е заборавен,ставен е камен темелник со багери и камиони


Posted By: 46&2
Date Posted: 06-Oct-2013 at 18:03
За Градско-Прилеп нели имаше најава дека ќе го прават 2+2 ленти и широчина од 12метри, а за Прилеп-Битола мислам дека треба да се направи експресен пат, нешто како Тетово-Гостивар. За целосен профил на автопат ниту има потреба, ниту имаме пари како држава да се расфрламе

-------------
I use public toilets and I piss on the seat.


Posted By: FoSsiL
Date Posted: 06-Oct-2013 at 23:20
Битола - Прилеп станува збор за 44 км автопат, кој минува низ рамница, а следствено на тоа е и најефтин за изведба... Како скорешен пример за споредба ако се земе вредноста на Куманово - Табановце, тогаш вредноста на Битола - Прилеп би била некаде од 90 до најмногу 112 милиони евра... а можеби и поефтино, зависи... ова е само груба проценка...

-------------
Македонија - Земја на чудата!


Posted By: Cloverstack
Date Posted: 07-Oct-2013 at 01:39


Ако добро се сеќавам, во Бугарија (како земја од која според околностите не би требало да имаме големи отстапувања во однос на цената) неодамна беше договорена изградба на некоја рамничарска авопатска делница за цена која беше и помала од 2 милиони евра за 1 километар. Доколку се работи за изградба на комплетно нова автопатска делница (наспроти доградба на уште еден коловоз, што би бил случај со Прилеп - Битола), тогаш реалната цена во нашиов случај би можела да биде уште помала. Но за жал во атмосферата која моментално владее во Македонија, не можеме да се надеваме дека било каков градежен потфат би се извел по реална цена, или макар нешто приближно до тоа.


Posted By: daci92
Date Posted: 07-Oct-2013 at 02:09
Па градбата и можеби би чинела околу 2-3 милиони евра по км , но експропријацијата на земјиштето е макотрпна и скапа работа , а како што кажа кловер ,со нашата ситуација не верувам дека ќе испадне под 4 милиона за км.



Print Page | Close Window