Мајката на општината фрла 12.000 евра за сечење лента

Петоцифрена сума лани отишла само за свечено пуштање на паркот „Вера Јоциќ“ и за новите тротоари на улицата Орце Николов, a градоначалничката Аларова се уште не дава отчет

Кога општинарите од Центар ќе се одлучат да сечат црвена лента при отворање маалски парк или тротоари, тогаш буџетот се празни за 12.000 евра. Толку пари лани отишле за свечено пуштање на паркот „Вера Јоциќ“ и за новите тротоари на улицата Орце Николов во должина од околу 200 метри. Членовите на Советот, кога го видоа годишниот извештај за работата на општината, вчудоневидени прашаа за петоцифрената сума, но градоначалничката Виолета Аларова не ги удостои со одговор.

- Како е можно Општина Центар да потроши 12.000 евра за свечено отворање парк и за пуштање во употреба нови тротоари - праша тогаш Благородна Крстевска, член на Советот на Општина Центар, орган кој го контролира работењето на градоначалничката.

Девет месеци подоцна, Аларова, освен на Крстевска, не и' даде конкретен одговор ниту на јавноста за тоа на што се' ги трошела парите на даночните обврзници.

- На медиумската афирмација на Центар работеше фирмата „Панекс“, избрана на конкурс, која ги промовираше сите активности на Општината во 2006 година - изјави Аларова.

Во годишниот извештај имаше и други нелогичности за трошењето на парите, но сето тоа остана без отчет на градоначалничката. На пример, 47 милиони денари, односно околу 750 илјади евра, биле потрошени за изградба на тротоари , пешачки и велосипедски патеки. Со програмата за 2006 година за таа намена било предвидено да се потрошат само 15 милиони денари. Имајќи го предвид ваквото празнење на буџетот, некои членови на Советот отворено коментираа дека се сомневаат оти со тие пари се помагала нечија кампања за парламентарните избори.

Кога е во прашање Центар, најатрактивната општина во Македонија поради скапата цена на градежното земјиште, ваквите случаи не се реткост. Во изминативе шест години, колку што Аларова е на чело на општината, редовно ја следат урбанистички и други скандали. Пред пет години во Општината ги вработи двете снаи, а лани заборави на државата да го пријави новиот стан на синот.

- Тие се вработени во Општината уште пред да имам каква било роднинска врска со нив - е оправдувањето на градоначалничката во врска со обвинувањата за непотизам.

Двете снаи на Аларова работат во Секторот за финансии, онаму каде што, меѓу другото, се изработуваат и извештаите за тоа како и каде таа ги троши парите.

- Кога станува збор за реализација на буџетот, на секој налог за исплата има официјален потпис од раководителката на секторот за финансирање и буџет, која работи во Општината повеќе од 10 години - објаснува градоначалничката.

Интересно во врска со Аларова, која во предизборната кампања себеси се нарече мајка на општината, е нејзината семејна куќа во Маџир Маало. Оваа двокатница беше меѓу неколкуте што беа обновени пред шест-седум години. Во неа се наоѓа и сервисот за миење автомобили чиј назив е скратеница од нејзиното презиме - „Аларком“. Соседите се чудеа како таа си ја обнови куќата, а ним никој и до ден денес не им дава дозвола ниту за санација. Маџирмаалци се' уште живеат во влага и без канализација, бидејќи за оваа стара населба со стогодишни куќи Општина Центар никако да донесе урбанистички план.

Лани Министерството за внатрешни работи при една акција за уривање дивоградби коментираше дека Аларова е промотор на урбаната мафија, но градоначалничката не сака да и' се споменува овој епитет. Дека општината постојано ја тресат скандали доказ се и уништувањето на Дебар Маало, како и објектите „Кермес“ и таканаречениот „кинески ѕид“ во Градскиот парк. Изградбата на габаритниот „Кермес“ е прекината, што може да помине со последици на штета на даночните обврзници. За „кинески ѕид“ пред шест месеци беше почната истрага за седум поранешни вработени во Министерството, од кои некои сега се во Општина Центар, и за вработени во Јавното претпријатие за урбанистичко планирање. Но, и по толку време, Јавното обвинителство се' уште молчи дали и каква завршница ќе има истрагата.

И покрај тоа што градоначалничката беше во фокусот на многу сомнителни случувања, досега остана нечепната. За непријавениот стан на синот пред два месеца на државата и' плати неколку пати поголем данок, кој достигна до 100.000 евра. Сепак, за јавноста освен потеклото на парите за станот, остана тајна и потеклото на стоте илјади евра, имајќи предвид дека таа од Општина Центар месечно зема плата од околу 35 илјади денари.

Проекти преку семејни фирми

Одредени службеници што сега работат во Општина Центар, додека беа вработени во подрачната единица на Министерството за транспорт и врски, имаа проектантски бироа на име на членови од семејството. Додека беа под капата на Министерството, многу проекти на инвеститори поминаа низ нивните фирми. Една службеничка дури самата во писмена форма, на новинарско барање, призна дека 15-ина проекти поминале низ семејната фирма, но не кажа колку профит остварила на овој начин. Еден проект, во зависност од градбата, се плаќа и до 50.000 евра.

На прашањето дали службениците ја продолжуваат истата практика и во Центар, градоначалничката Виолета Аларова изјави дека им верува на зборот.

- Сите вработени во Секторот за урбанизам имаат потпишано изјави со кои под морална материјална одговорност изјавуваат дека немаат проектантски бироа и дека не ја злоупотребуваат положбата - вели таа.

Ревизорите откриле дека Аларова незаконски потрошила 160.000 евра

Парите се трошеле за премии и подароци, курсеви, телевизиски спотови, организирање свечености...

Деспина Трајковска

Незаконски и ненаменски околу 160.00 евра општински пари потрошила градоначалничката на Центар Виолета Аларова во текот на 2006 година, објави вчера Државниот завод за ревизија. Парите биле потрошени за премии и за подароци на вработените и на членовите на Советот, за курсеви по англиски на дел од администрацијата, како и за рекламирање на Општината и за организирање разни свечености.

Спротивно на Законот за локална самоуправа, според ревизорот, од општинскиот буџет се потрошиле околу 54 илјади евра, од кои повеќе од половината биле наменети за членовите на Советот за нивниот ангажман во комисиите и за други активности. Дел од парите, пак, околу 3.200 евра му биле исплатени на претседателот на Советот, а градоначалничката за своите активности во Советот зела 2.700 евра.

Од ДЗР во извештајот потенцираат дека не можеле да се уверат во оправданоста на потрошените 54.000 евра за разни стоки и услуги. Имено, ревизорите сметаат дека ненаменски се исплатиле 5.400 евра за курсеви по англиски јазик на дел од вработените и советниците, бидејќи според правилникот за систематизација на работните места, само за две од нив е предвидено познавање на англискиот јазик. Непотребно градоначалничката Аларова дозволила да се потрошат и околу 30.000 евра за организација, техничка поддршка и свечено отворање на паркот „Опатија“, паркот на улица „Вера Јоциќ“, како и за свеченоста по повод реконструираната улица „Орце Николов“. Ревизорите утврдиле дека Општината непотребно издвоила од буџетот и околу 16.000 евра за изработка на свој телевизиски спот наменет за рекламирање, а пак 2.000 евра искористила за подароци на членовите на Советот и вработените. Според извештајот на ДЗР, во текот на 2006 година дел од вработените во Општината добиле премии поради зголемен обем на работа, при што се исплатиле 16 илјади евра, но притоа без утврдени критериуми за наградување што за ревизорите е неоправдано.

Освен незаконско и ненаменско трошење на општинските пари, од ДЗР констатирале дека во Општина Центар во текот на 2006 година не се почитувал Правилникот за систематизација на работните места, ниту, пак, целосно се применувале и одредбите од Законот за јавни набавки.

„Поради значајноста на дел од констатираните работи, ДЗР укажува дека во Општината не е остварено законско и наменско користење на средствата во финансиските трансакции кои претставуваат државни расходи за 2006 година“ стои во извештајот. Инаку, ова не е прв пат ДЗР да објавува негативен извештај за финансиското работење во Општина Центар. Таа беше под лупа и во текот на 2004 година, при што мислењето за вистинитоста и објективноста на финансиските извештаи беше негативно, а пак во однос на законското и ненаменско користење на средствата надлежните останаа со резервирано мислење.

Стопирана градбата на објектот на Бојку

Струга /17/10/ 18:25

Инвеститорите заштитени и кога градбите доцнат

Со Законот не се пропишува рок за завршување на работите,
па купувачите или соинвеститорите никако да се вселат

Немаме каде да живееме веќе пет години. Плаќаме кирија, затоа што инвеститорот не можеме да го најдеме да ја доврши зградата за која плативме за да добиеме станови. Се крие, а кога ќе го најдеме ни вели дека нема пари да ја доврши градбата, се жалат граѓани што ја потрошиле последната заштеда за да си обезбедат дом.Недовршени и празни објекти во изградба изминатава деценија се главниот белег на Скопје. Инвеститорите што со години градат некој објект не можат да бидат казнети за вакво нешто бидејќи се заштитени со Законот за градбата. Можат да бидат предмет на судски спор, но само ако купувачите не заборавиле да внесат рок за довршување на работите во купопродажбениот договор. Досегашната практика покажа дека голем број од купувачите или соинвеститорите не воделе сметка за времетраењето на градежните работи при потпишувањето на договорите. Така го извлекуваат подебелиот крај, а не можат ни да тужат. Законот за градбата не предвидува гаранции за временскиот рок за завршување на изградбата на објектот. Иако избија многу градежни афери, досега никој ништо не презел тоа да се измени и да биде во корист на странките, а не на инвеститорите.

- Постојат недоречености во Законот за градбата. Неопходно е негово дополнување. Во постојниот закон е утврдено дека од издавањето на одобрението за градба до почетокот на градежните активности може да помине најмногу шест месеци до една година, но не е предвидено и во кој рок треба да заврши градењето - е вечниот одговор од Министерството за транспорт и врски. Архитекти коментираат дека Законот е скроен во прилог на градежните фирми поради добропозната спрега меѓу нив и власта.

- Да не е поддршката од високи структури, сигурна сум дека немаше ни да постои криминал во градежништвото. Тој не може да постои без власта -вели една архитектка, која сакаше да остане анонимна.Еден пример што говори за ваквата практика во Скопје е тој со граѓани од улицата Црвена Вода 15 во Дебар маало. Тие се жалат на соинвеститорот „Зам инженеринг“. Велат, според договорот, зградата требало да биде готова за вселување во 2005 година, но до ден-денес од инвеститорот слушаат само празни ветувања дека наскоро ќе биде завршена.

- Градбата почна во 2004 година, откако на локацијата беше урната стара куќа. Ние сме сопственици на урнатиот објект. Според договорот со инвеститорот, треба да ни припаднат пет стана во зградата што се гради. Поминаа три години од договорениот рок за вселување, но од сопственикот на „Зам инженеринг“ само слушаме: ќе завршам, но сега немам пари! Ќе го тужиме - објаснува еден од сопствениците на становите во изградба.

Зоран Мирковиќ, сопственик на „Зам инженеринг“, изјави дека тој е соинвеститор со неколкумина граѓани. Тврди дека сликата не е таква каква што ја прикажуваат граѓаните.

- Овој објект се води како заедничка градба, што значи дека ги делиме обврските. Тврдам дека соинвеститорите, според договорот, имаат средства за вложување, затоа и градбата не е завршена навреме. Надворешно е завршена 90 отсто, а внатрешно е 70 отсто. Доколку сметаат дека се во право, нека ме тужат. Во договорот се предвидени казнени пенали, па ако докажат на суд дека јас сум виновен, не бегам никаде, ќе им платам - објасни Мирковиќ.

Јорданка Ивановска

Ако постои некаква можност за вклопување на градбите во просторот ќе се овозможи нивно легализирање, по што сопствениците треба да ги платат комуналиите. Во спротивно, ќе добијат решение за уривање

Околу 300 илјади дивоградби е тежината што ја носат македонските градоначалници. Нема општина којашто нема од неколку бесправно изградени објекти, па дури до цели неформално изградени населби. Најголемиот дел од нив се изградени со миграцијата село-град, што се случила во 70-тите и 80-тите години на минатиот век. Само мал број се типичен пример на урбаната мафија којашто најголема експанзија достигна во последнава деценија, се вели во анализата на Заедницата на единиците на локална самоуправа (ЗЕЛС). За таа цел, ЗЕЛС подготви Нацрт-закон кој ќе овозможи да се легализираат дел од бесправно изградените објекти.

- Тоа ќе биде "шок-терапија закон", којшто ќе има еднократна употреба со почеток и крај. Тоа ќе значи дека во определен рок граѓаните ќе треба да ги пријават објектите во општината, по што ќе се идентификуваат, ќе се направи досие и потоа ќе се изготви урбанистичка ситуација. Ако постои некаква можност за вклопување на градбите во просторот ќе се овозможи нивно легализирање, по што сопствениците треба да ги платат комуналиите. Во спротивно, ќе добијат решение за уривање. Значи, целта на овој Закон не е да се легализира урбаната мафија, туку да им помогне на граѓаните кои имаат куќи стари по 10, 15 и 20 години, а немаат документи да можат да ги озаконат - појасни Слава Христов, претседател на комисијата за урбанизам про ЗЕЛС, на семинарот за новинари на тема "Урбанизмот - препреки и предизвици на локалните власти". Тој додаде дека заедно со законот ќе се донесат и Правилници за критериумите и за надоместокот за урбанизација што треба да се одреди, како и да се направи категоризација и да се разгледа социјалниот сегмент. Според Христов може да се очекува легализација на околу 90 отсто од дивоградбите.

- Уривање не може да се исклучи, но таму каде што навистина има основа за таква акција. Подобро е тие што граделе нелегално, да си платат комуналии и да се легализираат објектите - вели Христов.

На скопската урбана мафија и е дозволено да гради гаражи, а подоцна да ги продава како станови бидејќи никој не врши проверка на намената на просторот откако тој ќе се изгради. Речиси секој нов проект што го одобруваат подрачните единици на Министерството за транспорт и врски има гаражи, односно паркирањето е решено во рамки на објектот, но состојбата на теренот покажува дека во Скопје нема зграда во која гаражата навистина се користи за паркирање. Гаражите најчесто прераснуваат во деловни простории, кафеани или во станови, а нивните сопственици, лажејќи дека градат гаражи, остваруваат огромен профит.
Од Градежната инспекција велат дека тие не можат да реагираат против оваа појава откако ќе се изгради и пренамени објектот. Од таму велат дека нивна обврска е да донесат решение за уривање и да урнат некој дел од објектот, доколку при пренамената се направи измена со која ќе се отстапи од дозволениот габарит на објектот, и толку. Внатрешното преуредување, поставувањето на преградни sидови, што е неопходно една гаража да се приспособи во деловен простор или стан, никој не го контролира.
Упатените во оваа проблематика посочуваат дека најголем удел во криминалот со гражите кои се продаваат како деловнни простории или станови има комисијата, состваена од Санитарна, Трудова инспекција и инспекција од Министерството за економија кои издаваат ХТП одобренија и важат за битна алка во синџирот на урбаната мафија. Тие, како што велат нашите извори, не водат сметка за она што е предвидено во проектот за некој објект и, без да го проверат, издавааат одобренија за деловни простории во гаражите.
За да се надминат овие состојби, од Градежната инспекција велат дека треба во Законот за градба повтроно да се воведе употребната дозвола која се добива откако објкетот ќе се изгради.
"Употребната дозвола ги намалуваше можностите еден простор да добие пренамена. Ако еден кат од објектот е изграден по стандарди за кат, тој не може да се пријави како гаража за да се платат помали комуналии, а потоа да се пренамени во деловен простор. За да се добие употребаната дозвола, 15- члена комисија ги споредуваше документите за објектот со она што е изградено на терен и ризикот да се направи превид беше сосема мал. Затоа ние побаравме во новиот закон за градба повтроно да се врати употребаната дозвола и таа е вметната во Нацрт-законот", рече Зоран Трошански, директор на Државниот градежен инспекторат.
Употребна дозвола за еден објект се издаваше откако ќе се направеа сите можни проверки, не само споредбата на проектот со она што е изградено туку се земаа примероци од вградениот бетон, се водеше сметка за противпожарната заштита, за инсталациите и слично. Врз основа на издадената употребна дозвола во Катсатар се добиваа имотни листови. Сега имотни листови се издаваат само врз основа на одобрение за градба, заверен проект и премер што го прават службите на Катастарот.

http://www.vest.com.mk/default.asp?id=85325&idg=5&idb=1289&rubrika=Makedonija - Вест - 16.10.2004

http://www.uslugi.gov.mk/Prasanja.aspx?UslugaID=0edecc7a-3989-4c6b-9845-88b3d69c30ce - МТВ - uslugi.gov.mk

Се гради неплански, на места каде што не смее да има објекти, се менуваат цели урбанистички планови за лични интереси. Урбаната мафија во своја служба ги става законите и прописите.

Навлезена е во локалната и во централната власт. Очигледен пример за тоа е зградата која се гради кај Градскиот трговски центар.

Атрактивното земјиште на кое таа ќе се гради е продадено за смешни 25 евра од метар квадратен, во четири очи. Со измените на Деталниот урбанистички план за Малиот ринг, се зголемува висината од 21 на 29 метри.

Објектот ќе опфаќа делови од популарното скопско шеталиште. На графичкиот приказ на градежната парцела се гледа дека е заграден и дел од кејот „13. Ноември“, на местото каде под земја треба да се гради сообраќајницата.

Досега никој не направи ништо да се спаси пешачката зона во центарот на Скопје од уништување. Лимените паравани стојат, иако граѓаните повеќе од еден месец бараат да се тргнат.

Опозицијата само декларативно беше за тргање на оградата, но не се појави на протестите. Во борбата против урбаната мафија мора да се ангажираат граѓанските здруженија, но и власта, и на локално и на централно ниво.

Службеното возило на А1 Телевизија, кое се уште е паркирано на кејот, е оштетено. Откорнати се регистарските таблички, но тоа нема да биде тргнато од таму.

Засега е единствена пречка за камионите кои треба да носат градежен материјал за изградба на деловниот објект кај Градскиот трговски центар.

http://www.a1.com.mk/vesti/default.aspx?VestID=101274 - А1 -  Емилија Јовановска - 07.12.2008

Градоначалникот на општина Аеродром, Кирил Тодоровски неодамна беше осуден на казна затвор од три години заради примање поткуп од 100 илјади евра, кои што тој и неговата одбрана ги квалификуваат како донација за изградба на црквата Свети Пророк Илија. Тодоровски, впрочем како и сите други обвинети политичари, смета дека му е монтиран целиот случај. Тој уште на самиот старт на процесот изјави дека бил, наводно, рекетиран од партијата за дел од парите на општината да ги префрли на нивна сметка. Со други зборови, посочи дека така се полнела вмровската каса. Со оглед на тоа што финансирањето на партиите и изборните кампањи е најмистериозната тема, најстрого чуваната партиска и државна тајна, сметав дека осудениот градоначалник во очекување на правосилна пресуда, треба барем да добие шанса да ги дообјасни своите обвинувања за партиски рекет'. Во неговата верзија има и жиро-сметки во странство, надувани фактури, рекламирање, местени тендери - како начин на кој партијата доаѓа до пари

ФОКУС: Вашиот прв коментар откако сфативте дека сте осуден на три години затвор беше дека пресудата против Вас била донесена уште пред три години на партискиот Централен комитет во Струмица?
ТОДОРОВСКИ: Прво би сакал да објаснам како станав кандидат за градоначалник на ВМРО-ДПМНЕ. Јас бев директор на Агенцијата за вработување некаде пред конфликтот. И во тој период, на таа функција имав страшни притисоци. Ќе Ви наведам еден пример, за ЈП 'Аеродром' кога требаше да се вработат 100 лица и тоа сите Албанци. Тоа ми го побара тогашниот директор на Аеродромот, јас реагирав на тоа, бидејќи требаше да потпишам, во тоа време имаше таква пракса. И дојдов во конфликт со одредени луѓе. Во
тој момент, бев подготвен да дадам оставка, дека така не одат работите.
ФОКУС: Со кого влеговте во конфликт? Со Љубчо Георгиевски?
ТОДОРОВСКИ: Влегов во конфликт со сите кои не работеа во интерес на македонскиот народ, бидејќи кажав дека додека сум јас директор на Агенцијата за вработување, тоа нема да се случи. Бараа да се извинам за ова што го кажав. Тоа не го направив, ме сменија во помошник директор на Агенцијата за вработување, но веднаш си дадов оставка. Груевски го запомни тоа. Во тоа време многу соработував со него како министер за финансии. Му помагав во многу работи. На пример, тој сакаше државата да ги контролира вработувањата да не одат кој колку што ќе му текне во било кое министерство или државна институција. Јас смислив начин како: во Одлуката за спроведување на буџетот да влезе дека без согласност на министерот за финансии да не
може да се вработува никој. За тоа Груевски ми беше благодарен. Тоа беше во 2001 година, но во меѓувреме се сменија работите. Во 2002 година, ВМРО-ДПМНЕ катастрофално изгуби. Потоа и на претседателските избори доживеавме пораз и дојде до
препукување меѓу Георгиевски и Груевски. Јас застанав на страната на Груевски.

ПАРТИЈАТА ДАДЕ САМО ИЛЈАДА ЕВРА ВО КЕШ
ФОКУС: Зошто се определивте за Груевски?
ТОДОРОВСКИ: Георгиевски во тој момент беше 'аут'. А Груевски го почитував дека беше млад, амбициозен и упорен. Јас му се најдов и му помогнав и на еден начин ми остана должен. Во тој период, Груевски беше во судир и со Марјан Ѓорчев и Доста Димовска.
Мене ми падна задачата да ги исклучам од партијата. Сепак, тие беа најголеми авторитети во партијата, покрај Георгиевски. Јас се нафатив на таа работа, затоа што прво човекот ме молеше. состојбата беше многу сериозна и сакав на Груевски да му помогнам. Но, тој очигледно лошите работи многу повеќе ги помни, човекот е многу суетен. Во 2005 година, кога дојде време за кампањата за локални избори, од 11 предложени кандидати од општина Аеродром јас избив на прво место.

ФОКУС: Кој Ве избра? Груевски или базата?
ТОДОРОВСКИ: Прво во рамките на базата. Во тоа времево Аеродром имаше 12-13 месни комитети и требаше да бидеш предложен бар од еден комитет. Јас бев предложен од 3-4 месни комитети. Потоа, има комисија во која беа Сашо Мијалков, докторот Борче Георгиевски и меѓу сите предложени, поминав јас. После една година, прашав зошто. Ми
рекоа дека само јас сум имал програма. Но, не беше само тоа во прашање, туку имаше
и други работи. Се интересираа кој сте, што сте, дали доаѓате да се збогатите или не и
слично. Всушност, уште пред кампањата почна рекетирањето.
ФОКУС: Добро, кој ја финансираше Вашата кампања за градоначалник? Собиравте ли донации?
ТОДОРОВСКИ: Никогаш не сум собирал пари. Во животот сум работел разни работи и приватни и државни. Имав некое семејно наследство. Јас и за време на кампањата и
пред неа користев само мои пари.
ФОКУС: Кој износ го уплативте?
ТОДОРОВСКИ: Јас не уплатив, но ми се бараше. Јас платив за мојата кампања, почнувајќи од реклами, спотови, билборди, плакати, пенкала, запалки. Во тоа време, од
сите нас се бараше да платиме, бидејќи партијата беше во катастрофална состојба. Се
сеќавам од она што го слушав од Груевски во дадени моменти дека барем милион евра
беше партијата во минус, должеше пари на сите страни. За мојата кампања првично мис-
лев дека ќе потрошам околу 20 илјади евра, но, трошоците беа многу поголеми, не се
сеќавам точно колку. Во последните моменти плаќав на сите страни. Од 2002 до 2005 година партијата имаше доста неплатени сметки. Ме тераат сега мене наназад три години
да платам нешто што не било платено. Беше многу некоректно. Јас да си ја финансирам
мојата кампања, тоа е во ред, ама да финансирам трошоци за месните комитети во Аеродром неколку години наназад, не е во ред. Дел од моите пари беа и за плаќање
на тие трошоци. Мислам дека по илјада евра даде и партијата на секој кандидат, а од каде ги наЈде парите, не знам.
ФОКУС: Парите ви ги дадоа во кеш или на жиро-сметка?
ТОДОРОВСКИ: Во кеш, во евра. Еден партиски функционер ги делеше парите.
ФОКУС: Потпишувавте нешто?
ТОДОРОВСКИ: Јас не, туку претседателот на општинскиот комитет, бидејќи кај мене не
одеа парите.
ФОКУС: Во секој случај, Вашата партија Ве кандидираше без проблеми?
ТОДОРОВСКИ: Напротив! Ме кандидираа и на Централен комитет од 120 членови, 115
гласаа за мене, но противкандидатите веднаш почнаа да реагираат кај Груевски и да зборуваат дека божем сум лежел во затвор, дека кога сум бил во Агенцијата за вработување сум украл не знам колку пари и сл. Груевски во еден момент почна да се пишмани за мене. Се најде во една многу непријатна ситуација и една вечер во 18:00 часот ме викнаа во главниот штаб. Таму беа присутни Груевски, Миле Јанакиески, Гордана Јанкуловска. Борче Георгиевски, Сашо Мијалков и три часа ме убедуваа да се откажам од кандидатурата за градоначалник.

НА ЦК ВО СТРУМИЦА МЕ НАПРАВИЈА 'ПАРТАЛ'
ФОКУС: Кога би дошол некој да го прочешла периодот кога бевте сам вработен во општината, би нашол ли криминал?
ТОДОРОВСКИ: Јас сум економист и професор по математика, имам два факултета и многу добро си ја познавам работата. Знам дека кога и да е, некој ќе дојде и ќе ја исчепка работата, како што вели Заев. Но, дали и кога ќе дојде СДСМ, прашање е, ама технички и теоретски, тоа е така. Да ви кажам, на градоначалникот од Могила или на оној од Новаци свеста им се одземаше кога мораа да платат некоја фактура. А, износите беа колку што чини една свадба. Тоа може и во Скопје да се организира и да нема никаков трошок, но направиле тоа да биде на некое друго место, да се патува до таму. После тоа, ви даваат фактура, но ајде првиот пат проаѓа, вториот, третиот, но, четвртиот пат веќе луѓето почнуваат да се плашат. Некој одбива, некој не. Тој што не одбива, повторно сега ќе се кандидира со поддршка на Владата. Јас ги одбивав таквите работи и им кажував дека треба тоа да го скратат, дека не можам толку да платам. Е, во септември имаше Централен комитет во Струмица и ме направија 'партал' дека не и' помагам на партијата. Ме нападнаа сите со ред, а меѓу првите беше претседателот на Советот, Зибероски.
ФОКУС: Ве критикуваа само заради тоа што не давате пари или и дека не вработувате партиски кадри?
ТОДОРОВСКИ: За се'. Јас при вработувањата настојував да примиме млади и квалитетни
луѓе од Аеродром, да знаат јазици, компјутери. Тоа не одеше само преку мене, туку и преку Агенцијата за државни службеници. Возачите и хигиеничарките одеа преку мене. Во тој период, многу лесно ги пополнив тие технички работни места.
ФОКУС: Вработивте ли партиски кадри?
ТОДОРОВСКИ: Вработив, но сите беа квалитетни. Дел од оние што ми ги нудеа, не беа. Но, не ми даваа само луѓе од нашата партија, туку имаше и од коалиционите партнери. Знаев дека во иднина ќе си имам мака. Не само што некои од кадрите што се нудеа не беа квалитетни, туку беа и проблематични.
ФОКУС: Одговоривте ли Вие на критиките, на седницата во Струмица?
ТОДОРОВСКИ: Ме направија ренде'. Станав да се бранам, но колку можев да се одбранам, само Господ знае. Целта беше еден да се нападне од сите страни за да се попушти, бидејќи тие почувствуваа дека јас ќе им правам проблеми и дека тоа ќе биде поучно и за другите. Ако мене ме легнат, а јас сум најекспониран, тогаш со другите е полесно. Од Струмица почна да пука тиквата. Ме напаѓаа, на пример, зошто на Советот на општината не му давам пари колку што бараат. А советниците бараа по 40-50 илјади денари, што беше 4-5 пати поголем износ од вистинскиот. Тогаш имаа право на по 4 илјади денари од седница или 30 отсто од просечната плата во Македонија. Тие држеа по 4-5 седници без потреба, некогаш со по една точка. Но, јас интензивно работев во општината, технички ја стабилизирав и почнаа работите да одат на арно.
Првите месеци кога бев сам, заштедив некаде околу еден милион евра и сакав тие да влезат во инвестирање на општината, во детални урбанистички планови. Општината
ја поделив на 30 дела, имаше 30 планови и интензивно работев на плановите. Тие чинат
многу, ама еден проект да се реализира, еден хотел да се направи, ќе ги вади тие средства.
Груевски ме прашуваше што сум направил и бараше да се направи некоја клупа, паркче, но, јас одев на покрупни работи. Не можев ни клупи да ставам, немав вработени и не
можев да формирам комисија за јавни набавки. Еднаш ми рече да прекинам со тие ДУП-
ови, а сега ДУП-овите му се на прво место на премиерот. Да се вратам на советниците.
Како почна да се полни касата, така тие повеќе притискаа. Почнаа секој месец да измислуваат некои работи за да земат што повеќе пари. Освен тие пари за присуство на
седници, кои се земаат по основ на законот, формирале 15 комисии и секој е во 4-5 комисии, и за секоја комисија да се зема над 4-5 илјади денари без разлика дали се одржале седници или не.
ФОКУС: Колку пари му се собираа така на еден советник?
ТОДОРОВСКИ: Околу 40-50 илјади денари месечно. Сите тие одлуки ги оспорив на Уставен суд и кога Груевски стана премиер му дадов еден куп одлуки на Уставен суд и тогаш барав да се распушти Советот на општина Аеродром. Во законот стои дека ако советот донесе два пати една иста неуставнаодлука, тогаш се распушта. Овде не беше два пати, туку 15 пати донесоа исти вакви одлуки, а кои на моја иницијатива Уставниот суд ги поништуваше.
ФОКУС: Тука влеговте во конфликт со целиот Совет?
ТОДОРОВСКИ: И со Груевски, зашто тој не сакаше да го распушти Советот.[quote]Опасни игри
'ТРЕБАШЕ ДД УПЛАТИМЕ ПАРИ НА ЖИРО - СМЕТКА ВО СОфИЈА'
ФОКУС: Велите дека уште пред кампањата почнало рекетирањето? Како?
ТОДОРОВСКИ: Па, Ви даваат жиро-сметка и име на фирма во Софија за да уплатите
пари. А тоа не беа мали износи.
ФОКУС: Пред да почне официјално кампањата за локални избори?
ТОДОРОВСКИ: Пред да почне, јас бев одреден дека ќе бидам, ама уште не бев влезен
на список. Ни даваа образец да ги уплатиме парите на една фирма отворена во Софија.
ФОКУС: Фирмата е на Бугарин или на Македонец?
ТОДОРОВСКИ: Пополнувате нешто дека доброволно за некакви работи донирате пари некаде во Софија.
ФОКУС: Чија е таа сметка во Бугарија?
ТОДОРОВСКИ: Мислам дека сметката е на еден висок партиски функционер. Не верувам дека е на партија. Но, тоа е многу опасно за мене и не би сакал повеќе да кажувам.

'МЕ ПРИТИСКАА ДА НЕ РУШАМ'
ФОКУС: Значи, Кисела Вода му го издаде одобрението?
ТОДОРОВСКИ: Да, му го издаде, но во 2006 година, една година по изборите. Јас реагирав на сите страни за тоа, а за тоа Џорџе Арсов доби тужба. Реагирав во рамките на законот, не можам да реагирам поинаку.
Ги објавив сите диви колективни градби во весникот на општината и најавив нивно уривање. Тогаш ме повика премиерот и ме праша што мислам со тоа да правам. На Централен комитет на партијата, во Кочани или во Виница, Груевски се фаќал за челото и се прашувал 'Што си направив со овој човек?'.
Но, јас ништо не правев, само го спроведував законот. Очигледно дека го болеше нешто
околу тоа.
ФОКУС: Знаете ли што го болело?
ТОДОРОВСКИ: Го болеше ова. Најголемата индивидуална дивоградба - зграда во општината е на Томче Ѓуровски, а тој во тоа време беше претседател на Општинскиот
комитет на Аеродром. Во моментов, истиот е заменик-генерален директор на Фондот за пензиско и инвалидско осигурување, а јас зградата треба да ја рушам. Ме повикаа во Главниот штаб, премиерот со Томче Ѓуровски, седнат на работ на неговата фотелја, а јас спроти нив. Ме праша што ќе му правам на човекот, а јас одговорив дека ќе ја рушам неговата џиновска дивоградба. Ме праша како тоа јас да го рушам, кога тој бил наш човек, реков дека тоа нема врска дали е наш човек, тоа е по законот. Ако него не го
срушам, нема да рушам никого во општината.
Ми рекоа дека со вакви работи ќе си ја земам белјата. Почнаа да ме притискаат, да не рушам, да молчам, да кријам... Одев лудо храбро и со тоа се судрив со државата. За се'
бев во право по законот, ама според нив, не бев во право.
ФОКУС: Но, зошто да се урива ако може да се плати драстична казна?!
ТОДОРОВСКИ: Така е во Шведска, ама може и кај нас да биде така со Законот за легализација на дивоградбите. За оваа зграда (на 'Елинг', н.з.) ми подметнаа. Требаше да молчам се додека не се донесе Законот за легализација на дивите градби. А, знаете
дека Миле Јанакиески го најави тој закон уште пред две-три години и никако да излезе со него. Со тој закон ќе може ако еден објект се вклопува во деталниот урбанистички план да се легализира. Многу итро ја направија работата. Ми го пратија газдата на 'Елинг' на капија некаде во средината на јануари оваа година. Јас прв доаѓам и последен си одам и на излегување околу 17:00 часот, ме сопре тој на врата долу, за тоа имам сведок, возачот, којшто беше присутен, и тој сведочеше за тоа.
Го прашав кој е и што сака. Ми се претстави и кажа дека е подготвен да помогне за црк
вата. Му реков дека овој разговор не се прави ова време и го поканив утредента да дојде и го упатив да се види со Сашо Стојчески (второобвинетиот, н.з.). Инаку, приближно во исто време бев притиснат уште за еден случај. Ми рекоа дека ако не го направам 'тоа' ќе си ја земам белјата. Постојано и во континуитет ми се закануваа. Стануваше збор за многу богат Албанец, кој ги финансира сите албански партии, а јас дури во априлскиот број на општинскиот весник сакав да го објавам тоа, за сите закани кои ми се случуваа, но работата се сврте. Еве, тука ќе прочитате, но тоа не е објавено, затоа што ми се заканија да не го објавам (покажува на текстот, н.з.).
ФОКУС: Кој Ви се закани, од партијата или Албанецот?
ТОДОРОВСКИ: Еве ја целата работа како беше. Во јануари-февруари почувствуваа дека јас ќе ја пробијам оваа работа. Тогаш прво премиерот ме повика на еден состастанок на комитетот за експанзија во градежништвото. Инвеститорот не беше присутен, премиерот
беше внатре, а надвор беше министерот за просторно планирање и животна средина, од ДПА. Премиерот дојде со него, го седна лево од мене и јас сфатив што е работата, бидејќи во тој период доаѓаше министерот во општината и бараше за Албанецот да му
се определи маркица каде што немаше право за тоа. Јас и на Албанецот и на министерот им кажував дека нема шанси да се согласам со маркица за градење, додека јас сум тука, дека сакам и јас да живеам во општината, и дека подобро е да земам пиштол и да се отепам. Бараше на простор што е наменет за зеленило, за спорт и рекреација, да направи зграда во етнички чиста македонска средина на зелената површина во непосредна близина на мојот дом. Тогаш, премиерот ме праша зошто не се согласувам со маркицата, а јас се обидов да му кажам дека законски тоа не е во ред. На крајот, кога виде Груевски дека со мене не може да се разберат, министерот започна да ме навредува од страна. Реков дека ќе си станам и дека нема да ги слушам овие навреди. Тогаш ми рекоа во понеделник да бидам во 9:00 часот кај министерот Миле Јанакиески, иако тој беше тука до него.
Отидов на договореното и со мене беше второобвинетиот Сашо, но се повторија истите
разговори. Во летниот период, додека бев отсутен (во притвор, н.з.) имаше обиди да му
се даде маркица и се уште во програмата на Владата стои таква работа. Но, јас тука не
попуштив. Истиот тој Албанец доаѓаше кај мене неколку пати и ме прашуваше колку
пари сакам, но јас го одбивав.

'ЌЕ ГО ОБЈАВЕВ ТЕКСТОТ АМА МЕ УАПСИЈА'
ФОКУС: Значи, не подлегнавте на притисокот, но затоа подготвивте текст за Албанецот за општинскиот весник во април. Зошто не го објавивте?
ТОДОРОВСКИ: Затоа што премиерот разбра за работата и за извесен период го тргнав текстот, бидејќи ни беше тригодишнина на општината и не сакав да се крева врева, да биде циркус. Јас го имам сочувано текстот и сакав да го објавам во некој нареден број, но ме уапсија. Сепак, интересно е дека во истиот период, покрај донацијата за црквата
од 'Елинг', имаше уште една донација од 100 илјади евра од еден висок функционер на
ВМРО-ДПМНЕ.
ФОКУС: Тој Ви ја даде донацијата?
ТОДОРОВСКИ: Не, тој дојде заедно со уште еден човек. И за оваа донација потпишавме
договор заверен во 6 примероци, и парите влегоа на сметката на Здружението. На крајот од судскиот процес како последен сведок беше Коста Станоески, секретарот на скопската епархија, кој потврди дека овие донации биле уредно пријавени на Црквата. Тој пред судот спомена 200 илјади евра донации и никој не обрна внимание дека не се 100 туку 200 илјади евра. Никој не потпраша ако 'Елинг' дал 100 илјади, од каде се другите 100 илјади евра.
ФОКУС: Дали тој висок партиски функционер што ја дал донацијата имал некоја 'мака' со вашата општина?
ТОДОРОВСКИ: Тој првично ми криеше дека во тој период купил плац без маркица во општина Аеродром по багателна цена. Откако се дадоа парите за донација за црквата, тогаш тој почна да ми зборува дека таму сакаат да градат нешто и му реков да запре малку, дека кога ја даде донацијата, не ми спомена вакви работи. Му кажав дека ако сака да гради, ќе треба Миле Јанакиески да го праша. Но, кога го прашав министерот, тој ми кажа дека нема шанси, зашто Миле воопшто не го трпи него, не знам зошто. Зошто никој не ги споменува тие 100 илјади евра донација? Зошто не ме обвинија за нив? Кога бев на суд и во полиција кажав дека во тој период има уште 100.000 евра донација. Дајте еднаш осудете ме на 10 години, а не нон-стоп да ме малтретирате.
Другиве 100 илјади евра не се пипнати исто така, туку стојат на сметка. Во секој случај,
на човекот за кој Ви зборував во еден момент му реков дека ако сметаат опти донацијата ми ја даваат како поткуп, веднаш бев подготвен да ги вратам парите. Ме напаѓаа дека
сум лош менаџер и дека сите во светот така работат.
ФОКУС: Но, дали врвот на партијата знаеше за ова?
ТОДОРОВСКИ: Па и ова е дел од партијата. Мислите ли дека Миле не знаеше за ова?
ФОКУС: Дали во 2006 година, на парламентарните избори и помагавте финансиски на Вашата партија?
ТОДОРОВСКИ: Пред изборите, во јуни доаѓаа тука, но јас не сакав да помагам. Доаѓаше и претседателот на Советот на соседна општина и секогаш доаѓаше во група со двајца-тројца и бараа пари. Јас не сакав да соработувам и ми се закануваа.
ФОКУС: Во која смисла бараа пари? Од парите на општината?
ТОДОРОВСКИ: Од јавните набавки. Јас сега тука работам, на пример, асфалтирам некоја
улица и тоа чини 100 илјади евра. И од тие пари бараа дел. Не од мене директно, туку
бараа на тој да му се јавам и да му ја кажам работата, но, реков дека тоа нема да се случи.
Ме прашуваа кој е претседател на комисијата за јавни набавки и одеа кај него, кај оној што деновиве пишува во весниците дека сум го избркал, што формираше синдикат.
ФОКУС: Парите за кои Ве осудија биле донација за градба за црквата, што судот ги квалификува како поткуп. Од друга страна, скопската епархија за милиони евра купува хотели. Зарем не мислите дека и без Вашето Здружение, МПЦ има пари?
ТОДОРОВСКИ: Зошто дедо Стефан не застана зад мене? Јас го споменав и се заблагодарив на МПЦ, бидејќи на крај смогна сили да прати претставник да каже дека се' знаеле и дека дедо Стефан знаел за донацијата за која ме осудија. Значи, било транспарентно давањето пари.

АЕРОДРОМ ЗА НЕКОГО ЌЕ БИДЕ 'ЗЛАТНА КОКОШКА'
ФОКУС: Имате ли објаснување зошто откако господинот од Елинг' ги дава парите, донацијата или поткупот, сеедно, минуваат 40 дена до денот кога ќе Ве уапсат. Зошто чекале толку?
ТОДОРОВСКИ: Тие мислеа дека кога-тогаш ќе ги земам парите и тогаш ќе ме уапсат со пари во џеб. Ама дојдоа изборите и тие избрзаа поради тоа.
ФОКУС: Како пример дека се апсат и вмровци.
ТОДОРОВСКИ: Латас многу често го кажува истото. И уште манипулираат со таа работа.
Јас се' уште сум член на ВМРО ДПМНЕ, но сега после оваа пресуда, очекувам да ме
исклучат од партијата. Мартин Протоѓер веќе ме опомена.
ФОКУС: Кога? Каде?
ТОДОРОВСКИ: На 19-ти септември, во петок, ме пуштија од притвор. Следниот ден, се сеќавате, обив 4 брави за да можам да влезам во општината, бидејќи партијата ми подготвуваше отпор, лично да ме пречекаат пред вратата на општината и да не ми дозволат да влезам.
По една недела, ме повикаа на Комитетот за експанзија во градежништвото. Кога требаше да започне, ми пријде една девојка и ми шепна дека ме барал Мартин Протоѓер.
Станав и тргнав по неа. Знам дека тој не сака да ме види, а не пак да седне со мене да
разговара...
ФОКУС: Зошто?
ТОДОРОВСКИ: Бидејќи јас сум посебен карактер и поинаков човек. Ми кажа: 'Ти немаш поим колкава непроценлива штета правиш на партијата и не знам дали тоа го правиш свесно или несвесно. Да застанеш и да престанеш, зашто знаеш што ќе ти се случи'. Му реков дека што сака повеќе од она што ми го направија и дека и 100 години да бидам во затвор, ќе бидам истиот. Мартин повторно рече: 'Еве, застани, молчи, не зборувај и престани со таа работа'. Го прашав што ќе биде со Зибероски, па и со претседателот на Советот на Аеродром, рече дека и ним ќе им каже и почна да врти на телефонот. Сега пред неколку дена се јави и Роберто, тој му е на Протоѓер како заменик. Јас пуштив во јавноста едно соопштение во врска со синдикатот што го прават во општината, дека всушност тоа се членови од раководството од иста партија и почна да ме убедува да престанам веќе. А, Роберто ми кажа дека се јавува во име на Мартин.
ФОКУС: Значи, цело време сте биле во судир со Партијата?
ТОДОРОВСКИ: Една од причините што сум притворен е да не одам повторно на втор мандат, иако јас мислам дека ќе го добијам и вториот мандат. Сериозно размислував повторно да се кандидирам. Тие почувствуваа дека рејтингот ми расте кај граѓаните.
ФОКУС: Сепак. некои проекти сте ги прифаќале иако не сте верувале во нив?
ТОДОРОВСКИ: Висококатницата, на пример, не беше моја идеја, туку Груевски и Миле
Јанакиески сакаа да ја претстават Македонија како земја на облакодери, барем на хартија. Знам дека тоа е утопија и дека 500 метри - тоа го нема никаде во Европа. И Трифун Костовски велеше дека нема да потпише додека е жив, но како и јас и тој потпиша како попче за да има мир како градоначалник. На крајот обајцата го потпишавме планот.
ФОКУС: Зошто потпишавте, заради притисокот?
ТОДОРОВСКИ: Да. Не сакав за се' да влегувам во конфликт и ништо не пречи ако има
висококатница. Јас со ДУП-овите направив околу 10 милијарди евра инвестиции да влезат во општината и да се вработат 25.000 лица во наредните 10-15 години.
ФОКУС: Значи, за тој што ќе дојде сега на Вашето место овде, ќе се слева голема пара.
ТОДОРОВСКИ: Да, општина Аеродром ќе биде за некого 'златна кокошка'.

Фокус - Јадранка Костова - 25.12.2008

Оценувајќи ги обвинувањата на СДСМ како алузии, директорот на Центарот за комуникации на ВМРО-ДПМНЕ, Илија Димовски, изрази „разбирање за ситуацијата во која се наоѓа Тодоровски“.

- Тој е сепак човек, обвинет за тежок криминал слично како што пред неколку месеци беше обвинет и Зоран Заев. Ги повикуваме институциите, ако оценат дека има нешто сериозно во неговите изјави, максимално брзо да постапат по нив - рече тој.

http://www.dnevnik.com.mk/?itemID=B0596119B332524AB23C2AB8078FFCF5&arc=1 - Дневник - 27.12.2008

Надградбата на "Езерце" невидлива за инспекцијата

Од кабинетот на градоначалничката Виолета Аларова велат дека на пра­ша­ња­та за градбата треба да одговори градежниот инспектор Милан Пижула кој, пак, и вчера беше презафатен за да донесе решение дали градбата е ле­гал­на

"Езер­це" рас­те, Оп­шти­на Цен­тар ми­жи

До­де­ка ин­тен­зив­но се ра­бо­ти на ка­фе­а­на­та, и пок­рај тоа што има ре­ше­ние за заб­ра­на на гра­деж­ни­те ак­тив­нос­ти, од­го­вор­ни­те од Оп­шти­на­та ни­ка­де ги не­ма за да ка­жат што ќе пре­зе­мат

Се урива доградбата на ресторанот Езерце во Скопје

http://www.netpress.com.mk/vestiimages/53259/Naslovna.JPG">

Општина Центар денеска започна со уривање на доградбата на ресторанот Езерце, лоциран во Градскиот парк во Скопје.  Оваа мерка како што информираат од општината била преземана, бидејќи закупецот не престанал со градежните работи околу реконструкција на објектот.

“Градежниот инспекторат при општината испрати решение до закупецот да престане со реконструкција на објектот. Но, бидејќи од негова не беше прекината реконструкцијата вчера беше донесено ново решение да се извршено рушење“, изјави портпаролката на општина Центар, Лидија Неделковска.

Во лиферуваното соопштение стои дека со оваа постапка Општината го штити сопствениот имот, бидејќи овој деловен објект е во сопственост на Општина Центар. Наемопримателот по своја иницијатива без никакво одобрение неодамна започна да гради на општинскиот имот. Денешната акција треба да претставува порака дека во Општина  Центар не се толерираат било какви градби без дозволи и веднаш истите ќе бидат санкционирани од страна на Општината.

„Езерце“ бранува и срамнето со земја

Дивоградба не е само новиот објект на „Езерце“ туку и терасата што ја изградил некој претходен закупец

Иако има рок од 20 дена да го врати „Езерце“ во првобитна состојба, закупецот е се' уште на одмор во Шпанија

Кафеаната „Езерце“ во Градски парк веќе не постои. Останал само еден ѕид да сведочи дека на тоа место уште пред Првата светска војна имало стара зграда. Закупецот Иван Димитровски, сопственик на кафеаните „Ања“, без дозвола го урнал, па го преѕидал објектот, велат од општината Центар. Димитровски извесен период ќе престојува во Шпанија, а во негово отсуство од неговата фирма „Вени Види Вици“ не сакаат да коментираат ништо во врска со „Езерце“.

Општината Центар е сопственик на објектот и преку јавен повик ја избрала фирмата „Вени Види Вици“ како најповолен понудувач и и' го издала „Езерце“ под наем за месечна кирија од 10 илјади евра. Според градоначалничката Виолета Аларова, Димитровски платил само една месечна закупнина и почнал бесправно да гради. Во Центар велат дека кога ги забележале нелегалните зафати, инспекторот Милан Пижула издал решение да запрат сите градежни работи. Решението датира од 19 март годинава, а градежните зафати на објектот почнале дури пред два месеца.

- Овластениот градежен инспектор Милан Пижула на 19 март извршил увид на самото место и направил записник, по што издал решение да запрат интервенциите на објектот „Езерце“. На 31 март инспекторот повторно донел заклучок дека и покрај тоа што веќе издал решение за прекин на работите, на објектот продолжиле градежните активности. Затоа, утредента издал наредба градителот „Вени Види Вици“ веднаш сам да ја отстрани градбата или да допуштат присилно извршување - вели Лидија Неделковска, шеф на кабинетот на градоначалничката на Центар.Општината побарала од сопственикот на „Ања“ објектот да го врати во првобитната состојба.

- Ние ги презедовме сите законски мерки за да спречиме дивоградба. Градоначалничката Аларова побара и инсистира закупецот во рок од 20 дена да ја врати зградата во првобитната положба, ако не, општината ќе ги плати градежните зафати, но судски ќе им бидат наплатени на прекршителите. Покрај објектот, ќе биде урната и терасата, која исто така е дивоградба од некој претходен закупец - вели Неделковска. Речиси е невозможно за 20 дена објектот да биде вратен првобитната положба. Од општината велат дека дивоградбите што ја направил сопственикот на „Вени Види Вици“ го надминува габаритот на стариот објект, но не знаат за колку.

Овластениот градежен инспектор од општината центар Милан Пижула не сака да коментира зошто не реагирал пред работите во врска со „Езерце“ да кулминираат, односно порано да ја запре бесправната градба, уште кога кираџијата Димитровски почнал да го урива објектот. На само неколку стотици метри од „Езерце“ стојат урнатините од „Кермес“, случај што стаса и до Меѓународниот суд за човекови права во Стразбур. Реновирањето на овој објект од страна на Трифун Костовски беше стопирано, бидејќи е заштитен споменик на културата. Во Заводот велат дека „Езерце“ не спаѓа во таа категорија.Скопјани разочарани од градежните и комунални инспектори, но и од градоначалничката Виолета Аларова, која дозволила пред носот закупецот на „Езерце“ да го уништи објектот.

- Не знам дали е заштитен споменик или не, но таа зграда стари скопјани ја паметат како железничка станица на познатиот воз „Ќиро“ и им буди посебни спомени. Денес, кога со внуците шетам во Градскиот парк, не можам да поверувам дека пред мои очи се случуваше криминал - уривањето на кафената „Езерце“ на едно прекрасно место, што на скопјани треба да им носи чист воздух. Се прашувам како може пред очите на сите, па и на власта, локални кафеанџии да демонстрираат таква моќ. Уништено е едно прекрасно место со историја, но не верувам дека воопшто некој ќе одговара за овој срамен чин. Ова стана лудо време. Кој што сака прави, па уште имаат и поддршка од локални моќници, цел град е во нивни раце - вели Јован Димовски, стар скопјанец.

Балконот на соседите од зградата што е спроти нашата е во непосредна близина до нашиот. Кога ќе седнеме на терасата да се напиеме кафе со сопругот, се чувствувам дури непријатно зашто изгледа како да им ѕиркаме во станот. Всушност, тоа и не е далеку од вистината зашто гледаме директно во нивните прозорци. Затоа и се поретко, откако ја изградија соседната зграда, го користиме балконот, раскажува Наташа Мартиновска, која живее во централното градско подрачје. Голем дел од скопјани, особено тие што живеат во новоизградените згради подигнати на мали простори каде некогаш се наоѓале куќи, се соочуваат со овој проблем. Велат дека им е нарушена приватноста и интимноста на семејниот дом, па најчесто живеат со спуштени ролетни, скриени од погледите на соседите, а и за нивните комшии да го немаат истото чувство. - Најлошо е навечер кога ќе се запалат светлата зашто при секое поминување до прозорецот се гледа што прават соседите. Навистина е непријатно и не ми е јасно кој дозволува да се гради на ваков начин - револтирана е Наташа. Иако Законот за градба, за изградба на станбени згради една спроти друга има низа одредби за тоа како да не им се навлегува во домашната атмосфера на првите соседи, сепак во Скопје ретко кој ги почитува поради густото населување на просторот во Градот. Архитектот Никола Велковски вели дека при изградбата на станбен објект постојат многу прецизни правила за тоа како треба да изгледа една зграда, но и за тоа колкава оддалеченост треба да се наоѓаат еден од друг објект. - Според урбанистичките планови, една зграда од друга зграда треба да бидат оддалечени најмалку една и пол висина, односно ако едната зграда е висока десет метри, новата зграда којашто треба да се гради во нејзина непосредна близина треба да биде оддалечена најмалку 15 метри “ објаснува Велковски. Според него, ова треба да го почитува секој инвеститор за да се избегне создавањето вештачка сенка врз објектите, а со тоа и принудно да им се скратува сончевата светлина на станарите. Велковски вели дека доколку зградите се градат на такво растојание, нема да им се одзема ниту приватноста на станарите коишто живеат едни спроти други. - Сепак, кај нас ретко кога се почитува тоа растојание за градба поради малиот простор на кој се градат поголеми станбени објекти “ вели Велковски.

Покојници ќе градат надградба во Карпош

Станарите од Никола Тесла 8 дознале дека во времето на градоначалникот Сашо Димиќ било издадено решение за надградба на зграда на инвеститор што плаќал комуналии на име на луѓе што не му дале согласност

Во Карпош излегуваат на видело сомнителни градежни одобренија од времето на в.д. градоначалникот Сашо Димиќ. Служби и поединци потпишувале и издавале решенија за надградби на неколкудецениски стари згради, без да се запази целосно правна постапка, и тоа во време на избори. Освен одобрението за сомнителна надградба на зграда на улицата Даскал Камче од пред два месеца, кој го обелодени градоначалникот Стевчо Јакимовски и кое падна на Управен суд, сега има ист таков нов случај, на улицата Никола Тесла број 8 во Карпош 1. Заедничко за двата случаја е што како инвеститор се јавува извесен Тони Вељановски, потврдуваат во Општина Карпош. За случајот на улицата Никола Тесла информираат самите станари од зградата кои не ставиле потпис за градење надградба, а се водат како градители. Револтирани и гневни на ваквиот башибозук, изминатава недела се растрчани во Општината, со цел да истераат правдина и да се укине одобрението за надградба на нивната зграда, градена пред земјотресот.

- Зградата е нестабилна и тоне в земи. Тоа беше случај со многу згради во Карпош поради подземните води. Наместо да собереме пари и да ја зајакнеме зградата, дознавме дека за време на избори било издадено некакво одобрение за надградба, и тоа за еден кат, на кој ќе има 15 стана. Не го познаваме инвеститорот. Од надлежните добивме фотокопии за платени комуналии и останавме вџашени кога видовме дека тие се уплаќани на наше име, без ние да знаеме за такво нешто. Потписите на уплатниците не се наши и речиси сите се иницијали. На некои уплатници се водат како градители и починати лица, наши поранешни соседи - изјави И.К., еден од станарите на зградата на „Никола Тесла“. Тој објаснува дека она што ги плаши, освен нефункционирањето на правната држава, е и стабилноста на зградата. Таа е сериозно доведена во прашање, имајќи предвид дека објектот е веќе нестабилен поради тоа што станарите од првите катови пред некоја година пробиле влезови кај терасите, при што урнале носечки ѕидови. Од Општината изјавија дека целата постапка за издавање на ова одобрение е деликатна. Инвеститорот платил комуналии на име на оние што не му дале согласност, а под прашалник го ставаат и квалитетот на приложената сеизмичка студија.

- Студија за остварен квалитет на сеизмичка заштита на објектот нема. Има дадено некоја статика, но тоа не е тоа што треба да биде. Според нашите сознанија од Секторот за урбанизам, инвеститор на надградбата е Тони Вељановски, кој добил согласност од повеќе од 51 отсто од станарите, односно од 45 станари во три влеза, овластување му дале 28, а 17 станари не дале согласност, но тој платил комуналии и за тие што му дале и за тие што не му дале согласност - изјави Виолета Цветковска, портпарол во Општина Карпош. Во одобрението за градба, објаснуваат оттаму, стои дека на станарите од зградата им се одобрува доградба на тераси, а на инвеститорот Вељановски искористување на таванскиот простор за изградба на потпокривни станови.Сепак, она што е вистинска дупка во целата процедура и остава место одобрението да падне на Управен суд е зошто на станарите не им била оставена можност за жалба, туку станало правосилно неколку дена по издавањето.

- Решението станало правосилно на 3 април 2009 година. Тоа е во ред можеби за Тони Вељановски и тие што го овластиле, но не и за оние 17 луѓе што имаат право на жалба, а згора, не му дале овластување да гради и да уплаќа во нивно име. Токму тие сега со право реагираат - изјавија општинарите. Од таму тврдат дека Карпош нема да заличи на Кисела Вода, Дебар маало, Аеродром, Центар, каде што владее војна за профит и врие од корупциски скандали.  Нема да дозволиме да се повторат споменатите негативни искуства по скопските општини. Тоа дефинитивно е став и стратегија на новиот менаџмент и пред се' на градоначалникот на Општина Карпош, Стевче Јакимовски - изјави портпаролот Цветковска.

Јорданка Ивановска

Багери пак го нападнаа Водно

Се рамни теренот за изградба на станбени објекти во пошумениот појас, но од Кисела Вода велат дека мора да го почитуваме ДУП донесен во мандатот на градоначалник Љупчо Димов

Багери 20-ина дена го рамнат теренот во пошумениот појас на парк-шумата Водно, над Пржино. На потегот југозападно од Институтот за земјотресно инженерстрво се вршат подготовки за изградба на станбени објекти и за пробивање локален пат. Дел од просторот на брдото е веќе израмнет, а повеќе дрвја се безмилосно искршени и истуркани на земја.

Се обидовме да дознаеме нешто повеќе за инвеститорот и за тоа како ќе изгледаат објектите, бидејќи во општината тие информации не знаеја или не сакаа да ни ги кажат. Но, додека го разгледувавме теренот, багерот што работеше на самиот пат кон Горно Водно, во реонот наречен Маркова Стапалка, брзо замина кога ја виде екипата на „Дневник“.

Жителите од населбата се жалат дека ќе никне нова населба, веројатно слична на онаа околу хотелот „Панорама“. Тие обвинуваат дека Општина Кисела Вода незаконски дозволила да се уништува шумата од заштитениот појас на парк-шумата Водно, а со тоа и да им се загрозат нормалните услови за живеење.

- Со ваквото уништување на брдото ќе се загрози микроклимата на населбата, ќе се зголемат опасностите од поплави при силни и поројни дождови и ќе се интензивира лизгањето на земјиштето на голем дел од населбата, кое е видливо од многубројните дискретни пукнатини на голем број куќи. Веројатно дел од корумпираните општински моќници и нивните стручни советници не воделе сметка дека таквите населби во неколку случаи предизвикувале лизгање на земјиштето и рушење на многу објекти. Покрај другото, во оваа населба нема атмосферска канализација и има проблеми со водоснабдување и со обезбедување соодветен напон во електричната мрежа - потенцира Иван Тулевски од населбата Пржино, кој живее веднаш под брдото што се подготвува за голема градба.Тој смета дека граѓаните од оваа населба не се консултирани при донесувањето на Детаљниот урбанистички план.

- Веројатно известувањето е направено формално, со тоа што е ставено на некоја зафрлена огласна табла во некој темен ходник во Општина Кисела Вода - цени Тулевски и објаснува дека малку градови во светот само на два километра од својот центар имаат толку убава планина како планината Водно, која се пошумува со децении. Апелираше под итно да запре нејзиното уништување, бидејќи „нашите внуци еден ден ќе се дават во скопскиот смог и магла, а високи и грди згради големи како касарни ќе има и на врвот на Водно“.

- Дел од бездушните и корумпирани политички елити во државата и во градот, во спрега со таканаречената урбана мафија, со години ја уништуваат иднината на поколенијата што доаѓаат. Од Општина Кисела Вода не го негираат ДУП-от, но велат дека тој е донесен од советничката гарнитурата од 2003 година, кога градоначалник бил Љупчо Димов.

- Ние не сме донеле ДУП за Пржино. Тој веќе постоеше и законски сме обврзани да го почитуваме. Според ДУП, на тој потег се предвидени семејни куќи. Потребна е процедура за да се извршат измени. Прво треба да се измени Генералниот план на Градот, а потоа да се извршат и измените во детаљните планови по општини. Веќе постои и иницијатива за донесување на нов ГУП - вели Тони Чупоски, портпарол во Општината.

Жителите најавуваат дека за случајот ќе ги информираат министерот за транспорт и врски Миле Јанакиески, министерот за животна средина и просторно планирање Неџат Јакупи, министерот за земјоделство, шумарство и водостопанство Аце Спасеновски, како и скопскиот градоначалник Коце Трајановски.

Анела Петрова

Маркички има колку што сакаш, катни гаражи нема

Наместо катни гаражи, до ТЦ „Рамстор“, зад Универзална сала и спроти дирекцијата на „Жито лукс“ се градат делови објекти со минимум места за паркирање, што е спротивно на првичната утврдена намена

Повеќе продадени парцели или зјаат празни или на нив се градат објекти со сосем поинаква намена

Деспина Трајковска

На десетина локации во градов треба да никнат катни гаражи, но очигледно на само една од нив ќе биде изграден објект кој ќе има основна намена да го реши хроничниот недостаток од паркирање. Таков, барем засега, е објектот во изградба до ТЦ „Бисер“ во Аеродром, додека на парцелите кај „Рамстор“ и спроти дирекцијата на „Жито лукс“, иако првично беше планирана изградба на катни гаражи, маркичките се пренаменија во комбинирани објекти. Така, на овие локации, никнаа згради со деловни простории, а место за катно паркирање или воопшто нема или, пак, сосема малку. Сличен е случајот и со парцелата до Универзална сала, на која дури по четири години од продажбата на државното земјиште, почна да се гради објект во кој освен за паркирање, има поголем административен простор.

Никој не може да гарантира дека и веќе продадените парцели за катни гаражи и десетината кои допрва ќе се дадат на лицитација нема да ги снајде истата судбина, од катни гаражи маркичките да се претопат во деловни објекти.

Од Министерството за транспорт и врски неколкупати објаснуваа оти тие ги продаваат локациите со намена каква што е зацртана во урбанистичките планови и дека немаат обврска да вршат увид дали навистина инвеститорот ќе ја изгради предвидената катна гаража. Од Министерството укажаа дека пренамените се можни, но за тоа биле надлежни општините, по што виза давале и општинските совети.

По чие барање е извршена промена на маркичките на двете парцели во центарот на градот (деловниот објект на Тутунска банка и на „Тинекс“ во Капипштец, од Општина Центар никогаш не објаснија. Единствено во текот на изградбата и на двата објекта потенцираа оти „се гради според урбанистичкиот план“.

Деновиве свое видување за процедурите околу изградба на катните гаражи во Скопје даде и пратеникот Владо Бучковски. Тој не само што се сомнева во нивната изградба, туку и смета оти Владата сега, во економска криза, не смее да продава државна земја, бидејќи нејзината цена ќе биде помала, а истовремено, според Бучковски, и немало заинтересирани „вистински“ инвеститори.

„Од списокот што го имам, за 30 локации во Скопје е предвидено да се изградат 20 подземни и надземни катни гаражи. Планот е да се гради подземна гаража на плоштадот ’Македонија‘ и кај штабот на ВМРО-ДПМНЕ, катна гаража кај Министерството за финансии и зад Собрание, потоа кај ‘Нова Македонија‘, Стара железничка станица, Работнички дом, Судска палата, Музејот на холокаустот, во Маџир Маало, кај паркот ’Жена-борец‘ и на други локации. Ако сето ова почне да се гради, Скопје ќе биде како Берлин по Втората светска војна. Сите знаеме колку лесно катните гаражи стануваат трговски центри“, коментираше Бучковски на последната собраниска седница наменета за пратенички прашања. Премиерот Груевски накусо одговори дека катните гаражи му недостигаат на Скопје и дека политиката на Владата е да има повеќе градби. Токму таква програма промовираа и скопските градоначалници во изборната кампања. Иако општините не инвестираат во објектите, туку единствено имаат ингеренција да ги предвидат катните гаражи во урбанистичките планови, градоначалниците уверуваа дека наскоро во градот ќе се изградат неколку катни гаражи и тоа во Центар, во Аеродром, во Кисела Вода...

Реалноста досега е поинаква, иако Министерството за транспорт и врски уште пред повеќе од четири години продаде неколку локации за катни гаражи. Дел од нив се продадоа на јавно наддавање, а некои со непосредни спогодби. Речиси сите парцели се' уште зјаат празни. Такви се просторите до поликлиниката „Идадија“ и зад „Даре Џамбаз“, а неодамна неофицијални извори тврдеа оти се веќе продадени и локациите кај Сојузот на синдикати, просторот помеѓу ТЦ „Плаза“ и „Лотарија на Македонија“, како и една парцела спроти хотелот „Холидеј ин“. Кога и дали воопшто на овие парцели ќе почнат да се градат катни гаражи, ќе покаже времето, оти никој од надлежните структури не може да даде гаранции дека, конечно, Скопје ќе добие еден ваков објект. А, катни гаражи, според искуствата од големите градови и стручните анализи, се единственото решение за проблемот со паркирање во главниот град. Упатените велат дека катните гаражи се најефикасно решение за хроничниот недостаток на паркинг-места. Според анализите, во централното подрачје сега се регистрирани над 5 илјади места за паркирање, а утврдено е дека на центарот на Скопје му се потребни дури три пати повеќе паркиралишта.

"Нивата е наша и на неа ќе правиме што сакаме. Во моментов само ја расчистуваме за да може да си одмораме на свеж воздух", низ смеа вели Благица Лазарова, газдарица на имотот, по реакциите на жители на Пржино

Багерот, кој вчера израмнуваше нива под падините на Водно ги испаничи жителите на Пржино дека брдото ќе се одрони и ќе им ги затрупа куќите. Жителите се жалат дека речиси два месеца семејството Лазарови ја сече шумата на Водно и ја расчистува локацијата од дрвја и трње. Тие стравуваат дека на падините на Водно ќе никне уште едно шпанско село, а никој досега не излегол да провери што планираат да направат Лазарови во шумата.
"Два месеца багери и камиони копаат на Водно. Се плашиме да не изградат згради и да ни го урнат ридот врз глава, а надлежните абер немаат да проверат за што се подготвува теренот", реагираат жителите на Пржино.
Семејството Лазарови, пак, се изненадени од реакцијата на соседите. Тие велат дека не граделе никакви згради на Водно, туку само си ја расчистувале нивата од трње.
"Ова навистина е смешно. Нивата е наша. Таа припаѓала на мојот прадедо уште од 1905 година. Никогаш не сме ја продавале ниту препродавале. Имаме имотен лист и на неа ќе правиме што сакаме. Во моментов само ја расчистуваме за да може да си одмораме на свеж воздух", низ смеа вели Благица Лазарова, газдарица на имотот.
Лазарови велат дека соседите не треба да бидат загрижени оти багерот завршил со работа и веќе нема да им пречи вревата.
Од Општина Кисела Вода вчера не беа достапни да дадат изјава за случајот. (М.Ѓ.)

Дива градба ја урна питомата

Мајсторите што работеле на објектот за малку се спасиле да не бидат поклопени од носечкиот ѕид што се урнал

Подот под моите нозе почна да се движи. Целата куќа почна да ми се врти и потоа се открои потпорниот ѕид од мојот дом. Си помислив, каде ли е сега син ми Димитар?Вака преплашено раскажуваше Стојанка Јованова од Неготино откако завчера при градба на соседниот објект се урнал потпорниот ѕид на нивната куќа. Таа, малолетниот син и 86-годишната свекрва останаа на улица, но велат дека се среќни што останале живи.

- Снагата ми се тресеше, ама собрав сила да им подвикнам на моите и на мајсторите да бегаат затоа што куќата се урива. Тоа беше голем стрес за нас. Постојано ми е пред очи сликата како се урива ѕидот - вели Стојанка. Нејзината золва Сузана Малинкова реагираше што надлежните во локалната самоуправа во Неготино не сториле ништо за да ја спречат трагедијата, иако дивоградбата што ја урнала куќата на нејзините родители е на само неколку метри од Советот на општината. Таа повела управна постапка до нив пред еден месец, кога дознала дека соседите ќе ја уриваат куќата што била лепенка со онаа на нејзините родители.

- Ако сакаш и во Хаг тужи ме, не ми е гајле, ми рече инвеститорката кога се обидов да и' укажам да не го урива потпорниот ѕид од куќата. Немам ништо против да гради, ама нека се гради по прописи - вели таа. Изненадена е и од реакцијата на инвеститорката по трагедијата.

- Ми рече дека ова не е ништо. Тоа што мајка ми на 86 години остана без покрив над главата за неа „не е ништо“. Ќе бараме отштета и надомест за претрпениот страв - најави Малинкова.

Во куќата на нејзините родители има и два дуќана во приземјето. Една од продавачките рече дека избегната трагедија оти во тоа време била на пауза. Зора Јованова, 86-годишната сопственичка на куќата, е среќна што останала жива.

- Снаа ми ги спаси четворицата мајстори од сигурна смрт. Тие работеа токму таму каде што се урна ѕидот - вели таа. Поранешниот градоначалник Ѓорѓи Кимов нагласува дека објектот што се градел не бил во согласност со постојниот детален урбанистички план на градот и токму затоа во неговиот мандат не добил дозвола за градба.

- Излегува дека дивата градба ја урна питомата - коментира тој. Во Општината потврдуваат дека инвеститорите имале барање за дозвола од поодамна, но постапката била во тек и се' уште немале одобрение. Пред две недели стигнало известување од второстепена владина комисија да се врати предметот на повторно разгледување во општината.

- Инвеститорите прерано почнале со ископување. Местото не било обезбедено, куќата била стара и затоа паднала - велат во општината.Куќата се наоѓа во строгиот центар на Неготино. Инвеститорите до неодамна таму имаа бутик, а сега веројатно планирале да го обноват објектот. Тие не сакаа да даваат изјави додека екипа на МВР вршеше увид.

Со жив штит пред багери си го бранат имотот

Станарите велат дека од механизацијата напукнала плочата на пасажот кој е наменет само за лесни коли

Педесетина дена жителите од зградата на улицата Киро Крстевски Платник број 11, водат борба со Општината Центар и со градежната фирма „Вајт енд сол“, која сака да гради зграда зад нивната и притоа како единствен приод до градилиштето да го користи пасажот на нивниот објект. Тие велат дека земјиштето кај преминот е нивно и не дозволуваат оттаму да поминува тешката градежна механизација, оти стравуваат за стабилноста на нивната зграда. Дополнителен револт кај нив создава и тоа што Општина Центар „преку ноќ“ ја сменила маркичката за зградата што треба да се прави, и наместо двокатница предвидела петкатница, висока 18 метри.

Станарите, завчеравечер и вчераутро со жив ѕид го спречија багерот тежок 7,5 тони да помине низ преминот. Ни кородонот од 30 лица, од агенцијата за обезбедување „Комета“, повикани од инвеститорот, завчера не успеал да ги спречи во намерата, како што велат, да си го одбранат сопствениот имот. Откако вчера багерот повторно се обидел да мине низ преминот, жителите повикале и полиција, но велат дека „не им помогнала многу“.

За да може да влезе на градилиштето, инвеститорот деновиве поставил лимени паравани на преминот, а претходно насила ја извадил металната врата што ја монтирале станарите.

- Вчера насилно ги ставија параваните, не можевме да си излеземе од дома. Како мајмуни не' затворија овде. Сакаат со тешка градежна механизација да ни поминуваат низ пасажот, кој не е доволно висок за тоа и се оштетува. Тоа е типичен пример на самовластие и узурпација на приватен имот - вели Димче Јовановски, жител во зградата 11. Неговиот сосед Миле Груевски вели дека никако нема да дозволат низ преминот да минува багер.

- Сите имаме тапии, односно имотни листови дека сме го откупиле земјиштето - вели тој. Жителите велат дека маркицата за новата зграда незаконски ја доделила поранешната градоначалничка, Виолета Аларова, на заминување од функцијата. Првично на плацот бил предвиден деловен објект со два ката и приземје, а дел од местото бил наменет за паркинг. Потоа е доделена нова маркичка за петкатница, при што им е узурпирано предвиденото паркиралиште.

- Првиот криминал е што не се почитувани условите за градба, кои предвидуваат 1,2 паркинг-место за еден стан. Во подземните гаражи имаме само 13 паркинг-места, а ни недостасуваат уште 40, оти во зградата има 50 стана - вели Јовановски.

Станарите покажаа изјава потпишана од секретарот на Општината Центар, Ратко Савовски, кој ги убедува дека низ преминот ќе минува скип-машина за ископ на земја, а изнесувањето на земјата ќе се врши со рачни колички, за да не дојде до оштетувања на зградата.

- Доколку поминуваат тешки товарни возила и багери, ќе се доведе во прашање статиката на нашата зграда, бидејќи низ пасажот можат да поминуваат само возила до 1.600 килограми, односно лесни коли. Плочата на пасажот е веќе напукната, па стравуваме да не ни се урне зградата - велат станарите.

Тие се решени да одат до крај. Покренале управен спор, а најавуваат и кривични пријави за самовластие, повреда на приватна сопственост, злоупотреба на службена должност. Тие го повикаа и премиерот Никола Груевски да се заинтересира за нивниот случај, бидејќи сегашниот градоначалник Владимир Тодоровиќ, иако ги посетил, само кревал раменици и не презел ништо. Од друга страна, некои од нив веќе добиле кривични пријави од инвеститорот.

- Против мене инвеститорот веќе има поднесено 14 кривични пријави, оти не сум дозволувал да се гради зад зградата. А, јас сум сопственик на 95 отсто од парцелата. Направена е фалсификат изјава, која е заверена на нотар, дека сме се согласиле да добијат маркица. Нашите потписи се фалсификувани, залепени. На 29.07.2002 година јас направив трансформација на земјиште, еве го имотниот лист. Ако сум се согласил тогаш, не сум будала овде да стојам 50 дена - вели станарот Јорданче Крстевски.

И Државниот инспекторат за градежништво и урбанизам со допис од 29 мај констатирал неправилности во решението за локациски услови за спорниот објект. Од Општината Центар велат дека за нив случајот е завршена работа.  Што можам јас кога за конкретниот објект има одобрение за градба - изјави Милан Пижула, градежен инспектор во Општината.Вчера немаше претставник на инвеститорот „Вајт енд сол „ да даде изјава во врска со случајот. Оттаму добивме само писмено известување дека компанијата наидува на неразбирливи пречки во изградбата.

„Иако сите потребни аргументи, правни решенија и легални документи ни даваат право непречено да градиме, од неразбирливи причини соседите вршат бојкот и не му дозволуваат на нашиот изведувач да пристапи кон нашето земјиште. Со тоа се повредува нашето право на слободен пристап низ единствениот премин што го утврдила Општина Центар“, се вели во дописот на „Вајт енд сол“. Тие објаснуваат дека нивните адвокати и архитекти направиле детална проверка на земјиштето уште пред да го купат.

Анела Петрова

Власта кротка за дивите градби

Државниот завод за статистика објави фрапантна бројка дека само лани во Македонија се изградиле околу 2.000 дивоградби, а надлежните не признаваат и велат дека се работи за новоевидентирани бесправни објекти

Најголемиот дел од новите дивоградби се куќи, но дури 728 од нив се станбени згради, пишува во извештајот на Државниот завод за статистика

Три години откако Министерството за транспорт и врски бомбастично најави дека решително ќе стави крај на урбанистичкиот криминал што владее две децении, бесправната градба во земјава се' уште „цвета“. Според извештајот на Државниот завод за статистика (ДЗС), само минатата година во земјава биле изградени 1.946 нелегални објекти, од кои дури 728 се станбени згради.

- Најголем број бесправно изградени објекти има на територијата на општина Чаир - 276, потоа следува Охрид со 166 нови нелегални градби, па Карпош со 135. Во Прилеп има 100, во Куманово 95, а во Ѓорче Петров 78 бесправно изградени објекти - се вели во извештајот на ДЗС за 2008 година. Податоците покажуваат дека надлежните институции се занимаваат само со броење и со статистика на дивоградбите, а не со уривање и казнување на оние што градат и доградуваат без дозвола, што не ги почитуваат урбанистичките планови, не плаќаат комуналии и си градат по свое.
ОПШТИНИТЕ ГИ КРИЈАТ БЕСПРАВНИТЕ ОБЈЕКТИ

Од Заводот за статистика велат дека евиденцијата за дивоградбите ја ажурираат според податоците што ги добиваат од општинските градежни инспектори. Според нив, извештајот се однесува за новоизградени нелегални објекти во минатата година.

- Законски е инспекторите да ни ги даваат овие податоци. Тие податоците ги добиваат врз база на увид на теренот за тоа дали фактичката состојба одговара на онаа во издаденото одобрение. Ние како Завод не ги земаме овие бројки здраво за готово, односно проверуваме дали тие се вистинити или се работи за лажни податоци - велат во Државниот завод за статистика.Од Министерството за транспорт и врски го тврдат спротивното, односно дека во статистичките податоци за 2008 година се вброени новоевидентирани нелегални градби, а не новоизградени.  Овие нелегални градби се изградени претходно, но не биле пријавени како такви - изјавија од надлежното министерство.

Авни Калаба, портпарол во Општина Чаир, која со години е лидер по бројот на дивоградби, вели дека бројките на ДЗС се стари. Тој тврди дека бројката од 276 бесправни објекти се однесува на вкупниот број на дивоградбите во Чаир. Сепак, според извештаите на ДЗС, во последните три години во оваа општина се изградени вкупно 690 дивоградби.Портпаролот во Општина Ѓорче Петров, Момо Николовски, вели дека од 78 нови дивоградби, пет се доградби и надградби на куќи, а останатите се само шупи, гаражи и помошни објекти.

- Најмногу од дивоградбите се наоѓаат во населбите Даме Груев, Кисела Јабука и на булеварот Македонска војска. Но, сите се санкционирани, заради реализација на урбанистичките планови. Нашите инспектори редовно санкционираат кога објектите не се градат според прописите -тврди Николовски.Во Општина Карпош објаснуваат дека не се работи за појава на нови градби, туку за градби што се реализирани во поранешниот период. Најголем дел од нив се концентрирани во Криви Дол, односно ромската населба во Злокуќани и на локалитет над населбите Жданец и Нерези, (таканареченото „шпанско село“, н.з.). Таму се донесени два урбанистички плана, со што дел од дивоградбите се легализираа, а два се во постапка за донесување. Според претходните објаснувања од Општината, еден дел од дивоградбите на Водно не може да се легализираат затоа што се надвор од опфатот на Генералниот урбанистички план на Скопје.

- Нагласуваме дека нова појава на нелегални градби како цели објекти нема. Во нашата база на податоци во текот на 2008 година се евидентирани 62 предмета за бесправна градба, за кои се водат управни постапки кои завршиле со акти за санкционирање, односно решенија за отстранување - велат надлежните од Секторот за урбанизам во Карпош. Според извештаите на ДЗС, пак, во последните три години во Карпош се изградени вкупно 488 дивоградби.

НАМЕСТО ЛЕГАЛИЗАЦИЈА,ХАОС

Од Министерството за транспорт на прашањето за санкционирање на дивоградителите велат дека во изминатиот период Државниот инспекторат за градежништво и урбанизам ја зголемил контролата врз работата на локалната самоуправа. Тоа, според нив, дава пореална слика за состојбите во земјава.

- Токму поради засилените инспекциски контроли во изминатиот период, општинските власти мораа да ги пријават сите нелегални градби, со цел да се добие прегледност и понатаму да се преземат соодветни законски активности - информираат од одделението за односи со јавност при Министерството. Останува нејасно како Министерството, три години по најавата за сериозна борба со урбанистичката мафија, се' уште нема јасна слика за дивоградбите во Македонија. Министерството, за да го реши проблемот најавуваше дека многу брзо ќе донесе закон за легализација на дивоградбите, за што Македонија е обврзана со Виенската декларација за дивоградби. Сепак, законот не е донесен, а надлежните велат дека се' уште го подготвуваат.  Со законот детаљно ќе се регулира самата постапка околу можноста за легализација на бесправно изградените објекти и други прашања кои се од материјално, правно и формално-правно значење. Ќе бидат уредени и надлежностите на поединечните органи - велат од Министерството, не прецизирајќи кога овој закон ќе стапи на сила.

Со законот ќе се овозможи легализирање на старите дивоградби од пред неколку децении, но и на новите кои ќе можат да се вклопат во деталните планови. Кога пред две години Министерството го најави овој закон градоначалниците во голема мера се „охрабрија“ да ги остават на мир дивоградителите до неговото донесување. Пример за тоа се Општините Кисела Вода и Центар. Поранешниот градоначалник Џорџе Арсов со децентрализацијата наследи 500 решенија за уривање објекти во Кисела Вода, но се правдаше дека ќе го чека законот за да види што ќе се легализира, а што ќе се урива. Ексградоначалничката Виолета Аларова, пак, пријави дека со децентрализацијата добила 327 решенија за уривање, но не даде отчет по колку од нив постапила.

Јорданка Ивановска

СТАВ
Ни закон ни чекан

Државата не носи закон за легализација на дивоградби, а општините не ги санкционираат оние што градат без дозвола. Така, со години на урбанистичката мафија и' е оставен бришан простор да гради, надградува и пренаменува објекти без дозвола, во зависност од личните интереси на моќни поединци и групи. Општините не само што не ги казнуваат дивоградителите туку и не признаваат дека појавата е засилена. Да не беше Државниот завод за статистика, тие можеби и ќе продолжеа да ја замајуваат јавноста дека во нивните подрачја нема појава на нови бесправни градби. Цели нелегални згради се изградени пред очите на градежните инспектори, кои со години останаа имуни на оваа појава, чекајќи го фамозниот закон што нелегалното ќе го направи легално. Законот можеби еден ден и ќе се усвои, најверојатно пред следните парламентарни избори, за да донесе илјадници гласови од семејствата што живеат во децениските диви населби. Дотогаш големите дивоградители ќе си прават што сакаат, а градовите ќе ја губат можноста за развој, оти ќе останат без тротоари, паркинзи, катни гаражи и слободен простор за рекреативни содржини.

Претставниците на зелената партија најавија дека ќе иницираат политичка и граѓанска акција за стриктно почитување на сегашните граници на ГУП-от кој е донесен пред 7 години

Никој не смее да добие дозвола да ја сече и уништува шумата која е природен заштитник на Скопје, која го прочистува воздухот и го штити од поплави, ерозија и лизгање на земјиштето и на негово место да гради луксузни висококатници. За да се заштитат падините на Водно, Демократската обнова на Македонија - ДОМ ќе иницира политичка и граѓанска акција за стриктно почитување на сегашните граници на ГУП-от кој е донесен пред 7 години.
-Во соработка со надлежните општински органи ќе се заложиме за ревизија на сите злоупотреби на деталните урбанистички планови на општините Центар, Кисела Вода и Карпош, кои довеле до поместување на границите на градежното земјиште на штета на парк-шумата Водно. Сигурни сме дека во овие напори ќе бидеме поддржани од градоначалниците на овие општини, како и од Советот на град Скопје и градоначалникот Коце Трајановски, кој веќе даде поддршка за зелените општини како иницијатива на ДОМ - најави потпретседателот на партијата Антони Новотни. Тој потсети дека не смеело да се дозволи по узурпацијата на падините на Водно над Жданец и Трнодол, бездушно да се уништува и урбанизира дел од парк шумата над хотелот Панорама, "со изградба на грди огромни висококатници".
- Зарем се заборавени сите напори на бројни генерации скопјани кои не се штедеа себеси во работните акции за пошумувањето на белите дробови на Скопје, нашето Водно. Колку ќе ги чини скопјани профитот на неколкумина - кој тоа има право да ја нарушува еко-рамнотежата и да ни го одзема единствениот филтер од загадувањето на нашиот град, додаде Новотни и ја најави и иницијативата на ДОМ за претворање на парк-шумата Водно во заштитено подрачје како зелена екозона за идните генерации, "во подрачје во кое никогаш повеќе нема да биде дозволено да се подигаат бетонски бедеми".

Од Град Скопје каде веќе е отпочната процедурата за промена на Генералниот урбанистички план велат дека новиот план ќе постави реска граница меѓу парк шумата и градежниот дел. Оттаму најавуваат зголемена активност на градскиот инспекторат за заштита на животната средина со цел да се спречат сите обиди за нелегална деградација на земјиштето во заштитената зона.

http://www.vecer.com.mk/default.asp?ItemID=30997FE2CE740D4A90C1CA457790E80A

Градоначалниците бараат секоја дивоградба да стане легална

Градоначалниците од цела Македонија на средба со министерот за транспорт и врски Миле Јанакиевски побарале легализација на сите дивоградби во земјава. Тие предложиле да се легализираат и бесправните згради што не можат да се вметнат во урбанистичките планови.

На средбата што се одржа завчера попладне во ЗЕЛС, општинските челници побарале со новиот предлог-закон за легализација на дивоградбите да бидат опфатени не само станбените објекти со висина до 10,2 метри, туку и деловни простории, гаражи, помошни простории и други дивоградби. Ставот на градоначалниците е дека ако не се легализираат што поголем број дивоградби изградени во изминатите 15 години, проблемот би останал нерешен. Исто така упатиле и забелешки во однос на кусиот рок за поднесување барање за легализација на објектите, како и за начинот на легализација на дивоградбите што не постојат во урбанистичките планови. Министерот Јанакиески ветил дека Владата ќе ги разгледа предлозите. Според статистиката, лани во Македонија бесправно биле изградени речиси 2.000 објекти, од кои над една третина се згради.