Објектот е градежно готов и деновиве се врши партерно уредување. Отстранета е оградата и се асфалтира околу 1000 метри квадратни простор. Останува ентериерно уредување во самиот објект, велат од фирмата "Лумикс"

Трговско-деловниот објект "Лумикс", кој е лоциран на плоштадот пред Градскиот трговски центар, се очекува да биде пуштен во употреба на 1 септември. Ова е последна информација од страна на надлежните во фирмата која работи на довршување на објектот. Деновиве беше отстранета оградата, а се асфалтираше и просторот околу Лумикс.
- Објектот е градежно готов и деновиве се вршеше партерно уредување, односно беше отстранета ограда и се асфалтираше околу 1000 метри квадратни околен простор. Деновиве ќе биде завршено асфалтирање и спојување со останатиот дел од плоштадот. Потоа останува внатрешно уредување, но тоа е работа на сопствениците на објектот, но и на дуќанџиите кои тука ќе имаат свои простории. Во секој случај, се очекува и внатрешното уредување да биде завршено до 1 септември и објектот да биде пуштен во употреба, објаснува Крста Марковиќ, директор на фирмата Лумикс, која е сопственик на земјиштето и инвеститор на овој деловно трговски центар.

Иако се најавуваше изградба на фонтана и уредување на поширок простор околу Лумикс, тоа засега нема да се случи. Според Марковиќ тие се подготвени да донираат ако со деталниот урбанистички план биде решено да се направи фонтана и да се уредува просторот со гранитни плочи.
- Во моментот не можеме да поставуваме гранит околу објектот иако беше предвидено поради нивелацијата. Затоа доколку се одлучи со ДУП целиот околен простор да биде решен на тој начин и пред Лумикс ќе поставиме гранитни плочи. Што се однесува до осветлувањето, на самиот објект има надворешни светла, а осветлен е и самиот влез на Лумикс како и скалите, додава Марковиќ.

се е ок после толку чекање со отворена дупкам вака и не е толку страшно да почекаме уште малку, па треба ли да се крене малку маркетинг пред промоција и нормално како е најефтино ако не преку црна хроника или верувале или не скопски рубрики...

туку денес повеќе ми паднаа в око страничните претопи на стопената фасада која е прилично таман но ова прелазите посебо гледано од јужната страна од кај блу кафе дефинитивно ја кршат и искривуваат цела слика на објектот, тие инаку се и зацртани во проектот, но вака денес на виделина тотално одскокнуваат па голем дел од впечатокот го земаат на себе, дури на прв поглед делува ептен импровизирано, штета по мое мислење доколку ги беа заоблиле работите ќе изгледаа поинаку, што е тука е ќе се навикнеме...!

ех што панкерско сврталиште беше порано лумикс, поздрав од коцка "А зошто да молчиме" последниот поздрав на СХ од коцка 16 октомври 2006

http://www.vest.com.mk/images/%7B943081D0-BA33-4C80-B0AB-9EFAE3391082%7D_cigance%20na%20concert%202=3.jpg - http://www.vest.com.mk/images/%7B943081D0-BA33-4C80-B0AB-9EFAE3391082%7D_cigance%20na%20concert%202=3.jpg

Од мене 10,затоа што знам дека ќе биде доста озборувано по регионов и ќе стане место од кое сите ќе се гордееме,а особено скопјани  

очекувајте го скоро ова

првиот лицензиран дуќан на Вики outside US 

еве еден интересен текст кој подетално го проследува патешествието на лумикс.....

http://www.makedonskosonce.com/broevis/2003/sonce480/Tekst24.htm - ЗБИЕНА "ИДИЛА" ВО ГЛАВНИОТ ГРАД - МС - 12.09.2003 По многу перипетии на 10 септември беше одлучено градбата во центарот на Скопје да се стопира. Сепак, изведувачот поседува дозвола за градба и останува нејасно каква ќе биде крајната разврска. Изградбата на комплексот може да биде спречена само ако се најдат недоследности во техничката документација и со искажување граѓанска непослушност. Поговорката вели "Село гори, баба се чешла", а токму тоа му се случи на градот Скопје, каде во централното градско подрачје никнува споровозен комплекс кој ги вчудоневидува граѓаните со неговата апсурдност за одбраната местоположба. И додека граѓаните се чудат, а надлежните фактори си ја префрлаат вината еден на друг, градот Скопје ќе стане село од збиен тип, каде што кислородот луѓето ќе треба да го апсорбираат од боци. Иако изградбата на новиот спорен комплекс, започна неколку дена пред почетокот на реконструкцијата на главниот плоштад "Македонија" во Скопје, приказната за ваквата градба датира од пред три години. Тогашниот министер за урбанизам Душко Кадиевски ја дал престижната локација на централниот плоштад за цена од 200 германски марки за квадратен метар на австриската фирма "Лумикс, Драгиша и други". Потоа Кадиевски беше сменет. Хронологијата со доаѓањето на неговиот наследник и сопартиец од редовите на ВМРО-ДПМНЕ, Љупчо Балковски, се одвиваше во насока на запирање на подготвителните работи за објектот и судско обжалување на решението за локацијата. Тогашниот портпарол на владата на Георгиевски, Антонио Милошоски, тврдеше дека иако на таа локација според урбанистичкиот план е предвиден таков објект, ниеден министер пред Кадиевски не се осмелил да дозволи да се гради на плоштадот, поради неговото значење и за Скопје и за целата држава. Потоа беше сменет и началникот на Подрачната единица на Министерството за урбанизам на Општината Центар. Актуелниот државен инспекторат за градежништво и урбанизам потенцира дека е немоќен да ја запре изградбата. Инспекторите, пак, велат дека случајот со "Лумикс" може само "да им служи на чест на тогашниот состав на Министерството за урбанизам, на локалните власти на Центар и на судството". ПРОЦЕС Колку и да е градбата нелогична, апсурдна и спорна, сепак, правдата е на страната на "Лумикс" кој воопшто не е виновен за тоа што некој му доделил таква локација за градба. Иако оваа градба била предвидена во урбанистичкиот план, никој не нашол за сходно да го смени. Она што предизвикува главна критика е како во урбанистичкиот план Малиот ринг и за 3 години се уште не е избришана маркичката за градење, иако Општината најави дека ќе го стори тоа. Градоначалничката на Општина Центар, Виолета Аларова, тврди дека ќе направела измена на урбанистичкиот план и досега, но дека не можела, бидејќи скапо ја чинела ревизијата. Она што е интересно е фактот дека просторот на централното градско подрачје е најмало од сите други населби во Центар. За нив Општината знае да прави и по неколку ревизии. Се ова ќе беше во ред, доколку комплексот се градеше на друга локација каде што немаше да им "боде очи" на граѓаните, чии реакции се најгласни и најоправдани. Просторот каде се гради спорниот објект Зоран Трошански, директор на државниот инспекторат за урбанизам, вели дека во април Врховниот суд пресудил во корист на "Лумикс, Драгиша и други". Судското решение станало правосилно на 20 мај. Локацијата со маркица е вцртана во деталниот урбанистички план за Малиот ринг во 1997 година. Деталниот план ја поминал процедурата и е одобрен од Министерството за транспорт и врски. Врз основа на таа маркица, Кадиевски во 2000 година & ја доделил парцелата на фирмата "Лумикс, Драгиша и други", вели Трошански.Изградбата може да биде спречена само ако се најдат недоследности во техничката документација. Тогаш може да се поништи градежната дозвола и веројатно ќе следува нов судски процес. Исто така, како еден од начините да се избегне градењето на оваа "урбанистичка катастрофа" е искажувањето на граѓанска непослушност. РЕАКЦИИ Скопјани се разочарани од неспособноста и неажурноста на надлежните органи, поради тоа што не го имаат земено предвид интересот на граѓаните, а освен тоа воопшто не внимавале на сликата на градот кој со новата градба би се огрдел. На платото пред ЕСМ треба да никне висока зграда со два ката под земја за паркиралишта, а над земја ќе има уште два ката и поткровје. Може само да се претпостави како ќе им биде на вработените од ЕСМ кога видикот ќе им биде блокиран со ново здание. Нивната желба да вдишат свеж воздух, ќе биде скратена. Но, можеби ќе можат да си порачаат од прозор нешто за јадење од соседниот угостителски комплекс и да бидат услужени повторно преку прозорец. Спорната зграда на плоштадот Македонија, на чекор од зградата на ЕСМ, што започна да ја гради странската фирма "Лумикс", и покрај се, продолжува да се гради. Според урбанистичкото решение, во оваа градба се предвидени дуќани, угостителство, хотели. Она што е страшно е сообраќајното решение во овој дел, кое воопшто и не е решено во се уште важечкиот урбанистички план. Луксузниот трговско-угостителски објект ќе има висина од околу 14 метри. Изведувач е градежното претпријатие "Маврово". Нарачател на градбата, со која плоштадот ќе се скуси цели 500 квадратни метри, е Трговското друштво за градежништво, трговија и услуги "Лумикс, Драгиша и други" ДОО. Според информациите кои кружат во јавноста, сопственик на фирмата "Лумикс" е Драгиша Лукиќ од Клагенфурт, Австрија, со негов партнер, бизнисмен од Истанбул, Турција. Повеќето архитекти коментираат дека новиот објект "ќе го убие" и ќе го задуши централниот простор во градот, чиј изглед опстојува половина век. На тој простор не треба да се гради ништо. Просторот веќе е димензиониран. Изградбата на новиот објект ќе го нагрди просторот и при евентуални непогоди ќе ја загрози безбедноста на корисниците на околните објекти. Ако скопјани имаат граѓанска свест и ако го љубат градот, не смеат да дозволат да се изгради објектот. Преку граѓанска непослушност тие не треба да дозволат да се изгради зградата. Со тоа ќе го одбранат и достоинството на градот, вели архитектот Живко Поповски. Никола Велковски, поранешен градски архитект, објаснува дека "малиот ринг" и сега е презаситен со административни и со деловни објекти. Според него, решение има ако државата се трампа со инвеститорот за локација во "големиот ринг". Тој вели дека има исто толку атрактивни локации наспроти комплексот банки или кај олимпискиот базен. Велковски потенцира дека државата може да ги понуди тие локации зашто сега се прават деталните планови за тие реони. За архитектот Мирослав Грчев, кој е автор на последниот урбанистички план за тој дел од градот, нема никаков спор. Тој во 1997 година како градоначалник на скопската Општина Центар ја зацртал маркичката во деталниот план за новиот објект и вели дека по урбоморфолошката анализа со коавторот Влатко Коробар заклучиле дека една зграда со помала катност ќе го заокружи ликот на просторот како плоштад меѓу "Дал метфу" и стоковната куќа "Типо". Во тоа време Општина Центар, наместо да распише меѓународен конкурс за централното градско подрачје, го протурка на мала врата планот на Грчев кој, освен оваа локација, има уште многу други спорни и скандалозни. Просторот пред ЕСМ, според Грчев, сега е само неоформен градски простор. И покрај неговите коментари, факт е дека ваквата градба целосно ќе го обезличи и онака "мртвиот" плоштад и за навек ќе му ја запечати судбината. Градоначалникот на Скопје, Ристо Пенов, долго време не најде за сходно да & го каже на јавноста ставот на Градот во врска со спорниот комплекс пред ЕСМ, иако деновиве и тој го образложи своето мислење. Наместо Пенов, неговиот портапорол, Среќко Поповски, изјави: Пенов протестира, и како градоначалник и како граѓанин, против оваа градба. Тој ќе ги искористи сите механизми што му стојат на располагање за да ја спречи, но ингеренциите за тоа смета дека се целосно во рацете на Општина Центар, која и го донесува планот за Малиот ринг. Градот не беше информиран за градбата на овој објект и поради тоа влезе во обнова на фонтаната пред ЕСМ. Ние имавме податоци дека спорниот објект е на Врховен суд и дека Општина Центар со измена на планот, ќе го избрише објектот. Според него, Пенов не може директно да иницира ревизија на планот, но дека ќе настојува од главниот архитект да се направат измени. Сите институции коментираат дека фирмата "Лумикс, Драгиша и други" гради со легална документација. Според нив, државата го изгубила спорот и сега на фирмата практично и важи старата дозвола од пред три години, односно пред да започне судскиот процес. Можеби ова е еден од многуте скандали на урбана мафија. Којзнае уште колку вакви слични малверзации не очекуваат во иднина. Иако изградбата на новиот спорен комплекс започна неколку дена пред почетокот на реконструкцијата на главниот плоштад "Македонија" во Скопје, приказната за ваквата градба датира од пред три години. Тогашниот министер за урбанизам Душко Кадиевски ја дал престижната локација на централниот плоштад за цена од 200 германски марки за квадратен метар на австриската фирма "Лумикс, Драгиша и други", со непосредна спогодба меѓу Владата и фирмата, неколку дена пред да биде сменет од тогашниот премиер. Хронологијата со доаѓањето на неговиот наследник и сопартиец од редовите на ВМРО-ДПМНЕ, Љупчо Балковски, се одвиваше во насока на запирање на подготвителните работи за објектот и судско обжалување на решението за локацијата. _____________________________________________________________________ Пенов конечно прозборе! Скопскиот градоначалник Ристо Пенов по неколку дена, под притисок на медиумите, со соопштение и се обрати на јавноста: Ќе сториме се што во оваа поодмината фаза може да се стори за да ја спречиме натамошната градба, со тоа што на сопствениците на земјиштето ќе им понудиме соодветна замена или обесштетување. Со нив се уште немаме директен контакт, но ги испитуваме сите правни можност и последици преку комуникацијата со сите надлежни институции проблемот да го решиме на најадекватен начин. http://www.makedonskosonce.com/broevis/2003/sonce480/Tekst24.htm - Македонско Сонце - Рената Матевска - Жаклина Митевска - 12.09.2003

еј Linea можеш ли истиов кадар да го фатиш од лумикс (што е тука на горнава слика), чисто да споредиме кава е промената. објектов е освежување, и стакларникот е квалитетен и стопената фасада интересна, но како проект во целост е промашување, заради повеќе аспекти т.е. она што го имав споменато претходно со прекршените претопи, како и намената на објектот прават од лумикс грда приказна за нашата реалност! можеби доколку се беше ликвид - стопено и доколку навистина беше мултимедијален центар - галерија, ова навистина ќе беше место каде би сакал секој да влезе, не дека и сега нема да влезе, но без шопинг инспирација истово место ќе биде што ми треба да одам таму?! 

незнам само дали идејата МиткоХП ја имал уште пред да го проектира лумикс но за некој голем објект, па кога веќе му се укажала прилика само ја материјализирал, на петсто квадрати... доколку ова беше бар едно 2000м2 некаде кај олимписки ова како објект ќе држеше вода т.е. тоа искршените претопи и тераси ќе беа полични па и целиов муабет поинаку ќе го терав, вака нафрлено-натрупани заоблувања и ивици не само што не се целина туку истите се истурени на едно прилично атрактивно место, ај можеби ќе стават знамиња по тоа ќошињата па ќе ја развеат(разводнат) оваа аномалија! незнам дали можеше пример споменикот наместо на плоштад туку евентуално да го зацртаа, но и вака се пополни некогашниот панкерски чекпоинт. 

инаку и овој пат од сесрце ќе му дозволам на роднината да гласа, а може и комшијата да го викнам за подршка  абе толку е очајна архитектурата во центарот што нормално дека ќе се напали народ на алуминизираниов стакларник, јасно е дека сакаат луѓево малку футуризам после толку многу филмови изџвакано, но за малку фалеше за кога некој од страна ќе дојде да каже е ова е извондредно. кепаса што ќе ни сервираат !

Вбрутен спомна во Магос дека Митко и ко. биле нешто посебно, само затоа што имал можност да биде нивни студент! ова пријателе не само што е смешно, но само нивни студент може да го констатира. лично јас а и цела Европа луѓево како Митко  (не би се трудел да ги наречам архитекти) ги доживува како современи каубојци кои имаат осет доволно за на хартија, но истиот не можат да го пресликаат квалитетно и во реалноста.

зошто го пишувам ова тука, еве еден проект кој колку што можам да видам ај што отворен  беше касапана (странично), па сега и со ова стакларникот го доотепаа! многу веројатно е за ова да се криви изведувачите но ќе разберев на тоа да се вади доколку државата била инвеститор, но со приватни пари волку да ја оплескаат тоа ми е нелогично! сепак она стопената фасада им е добра но истата е нарачана од надвор, незнам како ќе изгледаше доколку тука некој ја штанцаше...

значи филозофијата која ја фураат Митко и Минас тука не само што изгледа лошо туку нема ни кој да ја претопи во реалноста како што треба! сепак мора да се признае дека вакви градби односно футуризам во градов фали но истиот во недостаток на професионална педандност до ситни детали, на крај изведува изроди кои незнам дали некаде на друго место во европа можат да се сретнат!   

футуризам е генерализирана фраза во однос на сите нови стилови како  folded, morphed, contemplated  или contorted, а дека ова е фолд тоа не би се сложил, донекаде да но повеќе е можеби збир помеѓу фолд и морф, па затоа и јас акцентот го ставам на "стопена фасада".

инаку ако си чул ниеден архитект кој е доволно свесен не би дозволил некој да си поигрува со неговите решенија, макар навистина нешто тешко се наоѓало или било комплицирано за изведба посебно не кога станува збор за приватен капитал, а особено не доколку држи до сопственото достоинство! што значи овој резултат сега на лумикс е аминуван од самите проектанти, па затоа немам ни најмалку разбирање за ваквиот краен резултат!инаку дека изведувачите треба да најдат начин нешто да изведат тоа е точно но повторно за се се консултира проектантот, па не може мене да ми текне туку така нешто да вклопам а за тоа да незнае никој...

а дека архитектите во капитализмот се маргинализирани тоа воопшто не се сложувам, ако сам не дозволиш да ти ја скршат кичмата односно ако не им се наместиш, нема ни да ти ја скршат! но во нашиов случај ајде ќе ја обвиниме транзицијата во која како и сите учени т.е. стручни луѓе во државава надоместокот е доволен колку човек да покрие скромна живејачка, па затоа и ова ни се случува, ако јас не ја земам работата ќе ја земе друг, а ако ја земе друг ионака ќе ја искасапи па ајде и јас ќе направам компромис само колку да се помине и нешто отпојќе да задржам в џеб, без разлика што моето дело некој ќе го сотре итн.

инаку дека плукам тоа не се сложувам, но дека немам разбирање за ниски футуристички страсти тоа е точно, ова во една крајност е ист пристап како и на Вангел, само што тука импровизацијата е во различен стил! значи на хартија може да биде илјада пати издржано во контекст на нарачката или стилот, но на дело тотален калабалак, трчи трчи сопни се, а уште повеќе збунува тоа што некој кој се решил за футуристичка градба да не внимава на материјалите или склепувањата.

инаку кло ова со европа се однесува за онаму каде гостувале нашите футуристички архитекти,  каде според оние информации што ги имам чуено пријатно биле исмевани, ајде на културен начин ги тапшале по рамо, но не по своја вина. види а ако размислам подобро од ова постарава фела нема некој кој би го издвоил како достоен интерпретатор на футуризам во МКД, можеби помладите допрва ќе се докажуваат со поинвентивни и посмели идеи кои докрај ќе ги истераат како што треба! но со ова економскиве кризи и тоа е дискутабилно.         

 ајде можеби ќе поверуваш и ти ако ги видиш сите дела на продеканов, меѓу другото во венеција го обрале бостанот со "Метаморфозата: Од хипертело до инверзна(обратна) перспектива" но велам не по своја вина бидејќи државата застана зад нив и ги испушти како единствени наши раритети  патем ова лумиксот е проектот со кој излетаа таму,  навистина го скршиле мразот но од своја глава http://217.16.70.245/default.aspx?pbroj=1567&stID=21875&pdate=20040903 - Архитектите Митко Хаџи Пуља и Минас БакалЧев го кршат мразот во Венеција - Утринсски - 03.09.2004

кажими по што заклучи дека јас измислувам дефиниции, футуризам e футуризам, означува иднина тоа можеби ти што се држиш фиксно дека тој термин мора да     означува стил од дваесетиот век тогаш имаш проблем со семантика! значи пак ќе повторам јас ги сметам за футуристички  ерекции новиве стилови во однос на стандардизираната  наменска (appropriated arch.) архитектура од минатиот век. јасно гледано стилски футуризмот  е дефинаран во сосем друг и различен правец, односно бетониран е за своето време како нешто идно итн. http://en.wikipedia.org/wiki/Futurist_architecture - en.wikipedia.org/wiki/Futurist_architecture но истиот како појава продолжува да се надополнува  со новите теории на млака вода и весела математика!       

ок ако на возот се закачи нов вагон тоа според тебе ја нарушува концепцијата на возот, абе тоа е и проблемот кај нас шаблони од кои не се ни осмелуваме да излеземе а се со цел да ги поедноставиме работите, ние попрво ќе се заплеткуваме во теории за млака вода отколку реално да бараме решенија, и постојано ќе се оправдуваме со тоа дека некој е подобар од нас заради ова или она, сите луѓе во светов имаат исти услуви, само треба напорна работа и помалку егоизам. кај нас мене не ми пречи импровизацијата бидејќи и за тоа има лек, туку попрво глумењето перфекционизам преку недоквакани решенија и имплементација на истите, заради кој  нормално после ни се смејат. 

патем не треба да имаш многу средства за да излезеш со нешто единствено и долгорочно оправдано и функционално и естетски, но добро и за пинг понг треба маса, која кај нас е прилично расклинкана, гледано институционално, а воедно е и недефинирана, гледано културно и општествено! затоа и вакви половични резултати на секој чекор, кои како што реков се нус ефект од транзицијата, но тоа мора веќе еднаш да престане.

инаку ова со оризот, не го знаев или ми се има провлечено, баш качи ја статијата да видиме за што ги имаат пофалено! 

http://www.metamak.mk - www.metamak.mk

вака кога ќе го погледнам проектов навистина е фолдед, и мене лично ми се допаѓа како концепт но како истиот докрај го испроектирале и капак извеле сега не само што нема абер од ролната туку и она ликвид фасадата како појава е осакатена, според мене ова страничните стакларници воопшто не им требаа или евентуално тие да ги направеја баш фолдед да можеа да се склопат-повлечат работата ќе беше сосем друга но повторно во тој случај ќе останат она грубите претопи-споеви на линијата од кожурецот  кои сега со стакларникот бар ги скрија, но она што  го имаме сега е дамбетер!

http://www.365.com.mk/forum/index.php?action=printpage;topic=3540.0 - www.365.com.mk/forum/index.php?action=printpage;topic=3540.0

http://www.porta3.com.mk/index.php?option=com_content&task=view&id=1016&Itemid=46 - www.porta3.com.mk/index.php?option=com_content&task=view&id=1016&Itemid=46