Print Page | Close Window

Нов Клинички центар кај Бардовци

Printed From: build.mk
Category: Главни теми
Forum Name: Здравствени
Forum Discription: Болници, клиники...
URL: http://www.build.mk/forum/forum_posts.asp?TID=1938
Printed Date: 29-Mar-2024 at 08:54


Topic: Нов Клинички центар кај Бардовци
Posted By: ovaj_stariov
Subject: Нов Клинички центар кај Бардовци
Date Posted: 25-Oct-2010 at 23:17
Ова е навистина огромен проект за кој веќе беше време.Сепак 10 години ми се гледаат многу,но нека почнат па со тек на време можи ќе забрзаат.
Има ли некој претстава за точното место.

Новиот клинички во Бардовци ќе тежи до 200 милиони евра



Новиот клинички центар во Скопје е капитален зафат, чија изградба ќе се одвива во следните десетина години, а инвестицијата треба да чини помеѓу 100 и 200 милиони евра. За тоа е обезбеден грант од Европската банка за обнова и развој, изјави министерот за здравство, Бујар Османи, вчера во Тетово.

Помеѓу двете варијанти за местоположбата на новиот вентар - Бардовци или постојната касарна Илинден во Скопје, Владата се решила за Бардовци, поради подобрата пристапност преку регионалните патишта, а преку обиколницата околу Скопје пациентите од повеќе страни ќе имаат директен пристап.

- Новиот центар треба да ги исполнува најсовремените стандарди во поглед на потребната медицинска опрема. Сите клиники ќе бидат интегрирани во еден објект, со што ќе има рационално користење на ресурсите и комодитет во работата на здравствените работници и пациентите. Според планот, повеќе од 50 отсто од болничките соби треба да бидат еднокреветни, другите двокреветни - рече Османи.

Повеќе детали за новиот клинички центар ќе бидат обелоденети на денешната прес-конференција на која освен Османи, ќе присуствува и министерот за транспорт и врски, Миле Јанакиески.

Изградбата на новиот клинички центар треба да заврши во 2017-2018 година.

- Ние не можеме да дозволиме акутните инфраструктурни проблеми, кои ги има постојниот клинички центар да чекаат. Таму носиме нова опрема, ги реновираме санитарните јазли, прозорците, ја менуваме големината на собите од повеќекреветни во еднокреветни и двокреветни заради приватност на пациентите. Не смееме да дозволиме пациентите да бидат заложници на еден проект што ќе трае 10 години - рече Османи, кој присуствуваше на отворањето на едукативниот центар како нов дел од Клиничката болница-Тетово.

Овој центар е наменет, пред се', за студентите на Медицинскиот факултет при Државниот универзитет во Тетово, а изграден е со донација вредна 600 илјади американски долари од Исламската банка за развој (ИБР). Според претставникот на ИБР, Мохамед Ахмед Салем, тие досега во Македонија во проекти од здравството и образованието донирале околу 2,1 милиона долари.

Според најавите, оваа инвестиција е дел од поголемиот проект за нов Ургентно-дијагностички центар во Тетово за кој Владата определила над 10 милиони евра. Од нив 4 милиони се за новата зграда, која треба да има 5.000 квадратни метри површина, а 3,5 милиони евра се наменети за најсовремена медицинска опрема, која треба да пристигне во втората половина на ноември. Дополнителни 3 милиони евра се предвидени за обнова на постојните објекти на клиничката болница во Тетово.


http://www.dnevnik.com.mk/default.asp?ItemID=24304885A13C5A49998D6234F84D4F2E - http://www.dnevnik.com.mk/default.asp?ItemID=24304885A13C5A49998D6234F84D4F2E

-------------
build.mk, гради форумска историја



Replies:
Posted By: lslcrew
Date Posted: 25-Oct-2010 at 23:49
Најпрво поздрав за проектот. Ова мислам дека е битно пред се од две причини. Едната е топли ходници, втората е со поврзаноста со влезовите на Скопје, зашто пред се се работи за државна клиника што значи многу пациенти од другите градови каде што времето живот значи. Е сегашниот клинички во плановите е сместен до јужен булевар, само што од јужен булевар сме далеку, а на новава локација поврзаноста е на тацна.

А во однос на тоа што планираат со стариот, сеуште е многу многу рано воопшто и да се размислува и планира. Ќе биде тоа етапно споро преселување со години додека се се премести. Сигурно нешто може би и ќе остане на стара локација, како средно медицинско, како забна клиника. Но овој простор и овие згради се совршени за некоја трансформација слична на она што се направи со касарните. Само што тука постоечките згради може лесно да се пренаменуваат во деловни и да се градат нови стамбени. Алумбуланта може да има од некој од сегашните објекти, црква има, сопствена топлана има, парк има, што треба повеќе. Совршени услови има и отскочна даска за некое ново маало.


Posted By: OKA
Date Posted: 26-Oct-2010 at 00:00
Originally posted by lslcrew

Најпрво поздрав за проектот...
ЛСЛ, ти навистина мислиш дека некогаш ќе изградиме вакво чудо!? Па ние едноставно немаме капацитет за такво нешто. Не барем додека е оваа рокобарокоадминистрација.


-------------
Врзи два поста без СК2014 и освој трет гратис!!!


Posted By: lslcrew
Date Posted: 26-Oct-2010 at 00:15
Да не беше трагично ќе беше смешно. Не ми доаѓа ни да се насмеам на зафрканцијава!


Posted By: Plugger
Date Posted: 26-Oct-2010 at 03:28

A zosto da bide smesno i nerealno? Pa 200 miljoni evra sigurno barem nekoj po mal del ke bide vrz osnova na nekakov kredit taka da ke mora da se napravi proektot a i zosto da ne se napravi? I mene me chudi za 10 godini pa toa e pregolem period, da rechat 2-3 godini aj mada i toa e mnogu. Da pravat kineski zid nema 10 godini da im zeme, izgleda financiskite sredstva se vo prasanje ali vo narednite nekolku godini koga ke pocnat da se razviva ekonomijata, drzavata ke ima poveke sredstva.


Posted By: build.mk
Date Posted: 26-Oct-2010 at 22:00
Презентирана физибилити студија за дислокација на Клиничкиот центар


Министерот за здравство, Бујар Османи, денес ја претстави физибилити студијата за дислокација на Универзитетскиот клинички центар – Скопје. На студијата била ангажирана консултантска куќа од Франција, а изработката била под покровителство на Европската инвестициска банка. Локацијата за новиот комплекс се наоѓа на територија на општината Карпош, во близина на Психијатриската болница Бардовци, на јужната страна од пругата кон Тетово. Се простира на 93 хектари и е предвидена со Генералниот урбанистички план од 2002 година. Најголем дел од земјиштето е во државна сопственост. Со оглед на близината на северната обиколница и планираниот внатрешен булеварски полупрстен, новата локација треба да овозможи добро патно поврзување и брз пристап. Исто така се планира и железничка станица.

Постоечкиот Клинички центар е фргментиран во голем број објекти и мобилноста на пациентите претставува сериозен проблем. Исто така постои нерационално користење на ресурсите, има дуплирање на капацитети и опрема, преголем број болнички кревети и слично. Новиот центар ќе биде сместен во еден објект и ќе биде димензиониран и организиран според современите барања за овој тип институции. Вкупната површина ќе изнесува најмалку 195.000 метри квадратни. Половина од болничките соби ќе бидат еднокреветни, а другата половина двокреветни. Се планира и интеграција на наставата и истражувачката работа.

Според замисленото, реализацијата на проектот би траела до 2017-2018 година. Инвестицијата за изградба на комплексот се проценува дека ќе достигне и до половина милијарда евра, а само за опрема се предвидува дека ќе биде потребно околу 100 милиони евра. Засега е нејасно од каде се планира да се обезбедат толкави средства, но се најавува дека дел од финансиите би дошле од продажба на земјиште во постоечкиот Клинички центар под Водно.


http://www.build.com.mk/?p=5413 - http://www.build.com.mk/?p=5413



Posted By: Plugger
Date Posted: 27-Oct-2010 at 03:56
Od 200 miljoni do pola miljarda evra, kaj i da e ke stigne i do miljarda evra ako produzime vaka.
 
http://sitel.com.mk/video/makedonija/polovina-milijarda-evra-za-noviot-klinichki-centar - http://sitel.com.mk/video/makedonija/polovina-milijarda-evra-za-noviot-klinichki-centar


Posted By: Cloverstack
Date Posted: 27-Oct-2010 at 19:05
Тешко е да се коментира со толку многу непознати во равенкава. Допрва треба да слушнеме цел куп суштински работи во врска со планов. Во секој случај, сегашниов клинички центар е затрупан со проблеми во однос на тоа како е испланиран, па секако дека нешто коренито треба да се смени. Дали комплетна дислокација е подобро решение отколку изградба на ист таков комплекс каков што е планиран, ама на старава локација, тоа ваљда добро процениле. Ја спомнувам старава локација затоа што преселбата прави најмногу логика ради сообраќајните врски, а ако се земе во предвид Јужен Булевар, старава локација воопшто не е лоша. Е сега lslcrew ова го рационализираше со тоа дека сме биле далеку од реализација на Јужен Булевар, но со таа логика никако не можам да се сложам. Оптимистичка варијанта е дека новиот комплекс би се реализирал за 7-8 години, па дури и да нема доцнење, неприфатливо е и тогаш уште да тапкаме во место со Јужен. На крај краева по таа логика и сообраќајните врски за новиот клинички се сеуште многу далеку од реализација.

Друго прашање што се поставува е што и колку од сегашниов клинички центар би останало на старава локација. Можеби прави логика да остане една општа болница. Претпоставувам дека за таа намена и по големината и по организацијата на внатрешноста, најдобар би бил релативно новиот објект на хируршките клиники. Ова на некој начин би било и неопходно, доколку се планира средното медицинско да си ја задржи намената, за да има каде да се изведува практичната настава. Но треба да се мисли и на „големата слика“... Долгорочната иднина на Воена болница е сигурна на таа локација, но што со Градска болница, и што со источните делови на градот? И како ќе ги распоредиме ургентните центри. Големава преселба на клинички би требало да ги опфати и таквите прашања. Исто така треба добро да се размисли и извага што со големиот број прилично нови објекти, покрај хирушката исто така и кардиологија, инфективната клиника, детската клиника, стоматолошката клиника, судска медицина, новата кујна, и ганц новата гинеколошка клиника и деканатот на медицински факултет.

Друго прашање што се наметнува во врска со сегашната локација и распродажбата на тоа атрактивно земјиште е со што точно ќе се пополни тој голем простор. Урбана мафија, станбени згради ала оние на улица железничка и слични опции се за жал реално сценарио. Тоа би повлекло и ново пренатрупување на центарот на градот. На оваа локација не ни требаат нови 20-30 илјади жители, а и воопшто на Скопје не му треба бескрајна експанзија на населението. Веќе се планираат нови големи станбени населби на други (подобри) локации, па сметам дека доколку оваа стане уште една во низата, тоа ќе биде тотален промашај и ќе служи единствено на корумпирани интереси. Јас голем дел од оваа површина би оставил под зеленило. Мислам некој спомна во некоја нишка, би било пожелно и почетната точка на жичарницата да се помести на овој простор, ама проблем е што така втората фаза на жичарницата (од градот до средно Водно) ќе треба прилично да се одложи.

Инаку точната локација на новиот клинички е овде:
42° 1'17.20"N  21°22'42.40"E

Површината е 93 хектари (скоро километар квадратен), па дури и зграда со минимум 195.000 квадрати е минорна во однос на толкава површина. Ваљда се планира голем болнички парк околу објектот. Не ми текнува со што друго би можело да се пополни. Што се однесува до добрата сообраќајна поврзаност, денес ситуацијата е токму спротивна. Допрва треба да се доизградат врските, пред се булеварите Словенија и Црна Гора, како и Илинденска комплет до обиколницата. А железничката станица ваљда не е терминал како што пишува во веста на Дневник, туку проточна станица на постоечката пруга. Ваљда како станица на приградска железница или интегриран ЛРТ, инаку не ми е јасна логиката со класична железница.


Се изнапишував, ама за главното прашање не знам што да кажам. Дали нашето општество е доволно економски моќно и исто толку битно, доволно зрело за да работи посветено на ваков проект, ќе покаже времето. Седум-осум години не се малку и целта е сепак достижна, ама останува простор за голема скепса. Особено ме багира проектот кој штотуку започна - помеѓу 130 и 150 милиони евра (најголем дел од кои ќе бидат обезбедени преку задолжување), за темелно реновирање на здравствени објекти низ земјава, од кои добар дел од средствата сигурно се наменети за сегашниов клинички центар. Додека тој проект се дореализира, испаѓа дека веќе на големо ќе треба да го градиме новиот клинички центар. Не би земал ништо здраво за готово, особено не рокот 2017-2018. Иако рокот сам по себе не е проблем, мислам дека тој рок може да стане жртва на постојани поместувања, ради други околности. Во секој случај, времето ќе покаже колку се сериозни најавите. Во меѓувреме, би било добро министерството за здравство да ја постави студијата на својата веб страна!




Posted By: mitatos
Date Posted: 27-Oct-2010 at 19:18
Јас лично го лоцирам проблемот во друго нешто ,како што знаеме сите локацијата на клиничкиот центар многу вреден, куќите во тој дел достигнуваат и до 2-3 милиони евра од 500 м2, т.е за амбасади , богата елита и др. , нормално дека тие 200 милиони ке се ќарат од продажбата на тој простор, па после ке градат друг центар и ке испадне еј ние го направивме да не навлегувам во политика...
обично тој простор е далеку многу вреден ,и вреди многу повеке од 200 милиони евра.



-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: lslcrew
Date Posted: 27-Oct-2010 at 19:35
Originally posted by mitatos

... па после ке градат друг центар и ке испадне еј ние го направивме да не навлегувам во политика...
обично тој простор е далеку многу вреден ,и вреди многу повеке од 200 милиони евра.
Што има врска тоа, ние како граѓани го оценуваме вкупното менаџирање, не делови од него или па критериум да ни биде кој донел најмногу кеш пара. Не е тоа ништо необично што некој би излегол со таква пофалба, дека го направил со продавање на старите згради. А како што гледаш ова е тримандатен проект, така да е многу повеќе од некој да каже ние го направивме, освен нели ако следните три мандата не ги владее некој ист, без разлика кој.

А до сообраќајната поврзаност. Новата локација немора да чека комплетна реализација на Словенија и Црна Гора. Доволно е Илинденска до крај што ќе го поврзе и автопатски за пациенти од другите градови и со градот преку Илинденска. Сепак Клинички центар не подразбира и првостепана мрдицинска помош иако тоа кај нас е така со некоја стара организација поставено. Неодамна се воведоа 4 степени каде што последниот степен е оваа државна болница и е единствена. На Скопје му требаат неколку дисперзирани градски болници. Секако дека од стариов клинички центар може да остане да функционира некоја градска болница, но мислам дека би се преклопувале со досегашната градска.  Зборот ми е дека клиничкиот центар може, практично е, но не мора по секоја цена да биде цврство врзан со градот.


Posted By: pbanks
Date Posted: 27-Oct-2010 at 20:35
Ако го земам во предвид мизерното ниво на здравството во Македонија, начинот на кој тоа се менаџира, правецот во кој се движи како и промена на генерациите каде што „мамини и татини“ кадри доаѓаат во прв план заменувајќи го релативно стручниот кадар од постар ков, целиов муабет ми е смешен а уште повеќе тажен...

Ако треба да ја искоментирам идејава од чисто „билдерска“ перспектива без да ја земам во предвид состојбата на македонското здравство... На кратко...

Иако клиничкиот центар е добро замислен и со малку подобра организација може да биде многу убав дел  од градот, иницијативава ми се допаѓа.

Како прво, воопшто не гледам нешто лошо во она што го вели Митатос, т.е. да се пренамени и ослободи многу атрактивно земјиште во центарот на Скопје. Напротив ваква динамика не е непозната во многу градови во светот. Нешто што можеби имало логика пред неколку децении денеска нема. Најблизок пример ни е иницијативата во Белград за дислокација на пругите и железничката станица со што би се ослободил многу атрактивен простор покрај реките.

Самиот клинички центар е веќе прилично наполнет со објекти и многу тешко може да се овозможи овозможи негов понатамошен развој на оваа локација.

Независно од јужниот булевар, факт е  дека клиничкиот центар влече голем број на луѓе од другите градови па и држави во самиот центар на Скопје и директно придонесува зголемување на метежот во градот. Алтернативната локација која се предлага е навистина добра и ми се допаѓа што е релативно блиску до други здравствени институции (Воена болница, Систина итн) а е одлично поврзана инфраструктурно.


Posted By: Cloverstack
Date Posted: 27-Oct-2010 at 22:01
Originally posted by pbanks

ми се допаѓа што е релативно блиску до други здравствени институции (Воена болница, Систина итн) а е одлично поврзана инфраструктурно.

Кои предности поконкретно ги имаш на ум во врска со ова?

Исто така треба да имаме во предвид дека и дисперзираноста на болничките капацитети носи многу битни поволности.



Posted By: pbanks
Date Posted: 27-Oct-2010 at 22:29
Дисперзираност на болнички капацитети сметам дека може да ја има за поосновни медицински услуги (а тоа секако ќе го има преку помалите болници, поликлиники и амбуланти низ градот). Специјлизарианите дејности пак треба да бидат интегрирани во еден центар спрема мене. Дисперзирање на клинички центар сметам дека не треба да има.

Поволноста во блискоста со болниците кои ги набројав е што колку и да е Систина чиста и фенси, сепак тешко е да го има портфолиото на услуги кои ги има (т.е. би требало да ги има) еден универзитетски клинички центар. Причината за ова е многу едноставна, не е така мал бројот на услуги кои комерцијално не се исплатливи а сепак мора да се на располагање. На ова ниво и досега имало соработка меѓу болниците а и понатаму ќе ја има. На пример, можеби Систина има развиена гинекологија но при породување покрај „занаетчискиот“ дел може да има мал милион компликации со родилката или детето за кои не верувам дека на една приватна болница би и било исплатливо да ги третира.

Во тој контекст, географската близина на поголемите болнички центри можеби не е неопходна, но дефинитивно ја гледам како предност.


Posted By: Cloverstack
Date Posted: 27-Oct-2010 at 22:35
Originally posted by pbanks

Дисперзирање на клинички центар сметам дека не треба да има.
Воопшто не зборував за дисперзија на клиничкиот центар, туку баш за болничките капацитети од понизок ранг.


Posted By: lslcrew
Date Posted: 27-Oct-2010 at 23:50
Па јас повеќе би употребил фраза атрактивен простор, отколку само земјиште. Има објекти кои може либерално да се транформираат без некакви предходни замисли за стриктно деловен или стрикно стамбен или студентски или било каков кварт. Тие згради се нумизматичка вредност врз тоа земјиште и вон здрава логика е да срамни булдожер и да се продава атрактивно земјиште. Глупо е. Едноставно на во ДУП да се внесат широк опсег на намени за кои може да се користат објектите (освен нели за тешка металургија ) и да идат на јавна лецитација. па кој сака нека бутне и нека направи нов објект, кој сака нека пренаменува, едноставно слободен избор.


Posted By: FoSsiL
Date Posted: 28-Oct-2010 at 22:33
Мене би ми било многу мило да се реализира проектот. Поготово поради пренамената на старите клиники - објекти. Кои би можеле да бидат: приватни болници, приватни училишта и факултети, деловни објекти, седишта на некои мали компании, па и поголемки зошто да не, работни простории, и слично.


Posted By: Zelenikovo
Date Posted: 18-Nov-2017 at 13:41

ова е проект за кој дпмне требаше ко и за Ск14 да обезбеди консезус со тогашната опозиција, бидејќи сега колку и да е неопходен сдс нема да го промовира, а овие пак денес од опозиција ќе си свиткаат опашката и нема нит телевизиски да потсетуваат за ова, нели случајно да не им избега утре шансата пак да си ја терат по свое ...

можеби попаметно би било еден ваков нов Клинички Центар да го насадат кај Касарната Илинден, а да го врзат за предлогот за тамошен нов станбен реон, наместо последната идеја на дпмне таму да истурат офшор банкарска зона, но прва заврзлама во овој контекст што би требало да се реши е инфраструктурната гачка околу пластичарска улица, но и проточноста кај Мавровка, што е во најава, а пред се новиот мост од Владата до Калето заради тунелот под него, заради што би требало и една клучка меѓу Кале и кас.Илинден наместо раскрницата кај Ам.ам., бар тунелот и предизборно им беше на сдс во најава, па во овој контекст не е лошо конечно и вака да се дума ...

Бардовци колку и да е поедноставно секогаш ќе биде некако отсечено од градот, бар во догледно време ...


Posted By: Zelenikovo
Date Posted: 18-Nov-2017 at 22:33

би било фер дпмне да предочеше од каде ќе обезбедеше средства за ваква новина, ко што не обзнани ни за Ск'14 а сепак ја истера оваа идеја иако не до крај, почнувајки од 200 мил.евра а завршувајќи на 1 милијарда ... а и сега не е касно новинарски да ги тимарат за ова, белки за Нов Клинички нема да завози муабетот слично, но да речеме на мојов предлог горе за локација кај касарната Илинден, а ако се додадат тунелот под Кале, мостот кај Влада, но и клучка кај Ам.амбасада како пристапот до еден ваков комплекс би бил проточен, на крај ќе му дојде речиси блиску до оваа цена на Ск'14-та ...

... вака видено јас би го жртвувал тунелот под Кале колку и тој да е норма во ГУП-от или пак предизборен адут на сдсм како власт, а за сметка на ова би зацртал три клучки и мост кај Влада, една кај Ам.ам., втора на Партизанска и трета кај Но.Ма., но и да се стори булевар ул.Лазар Личеновски сега речиси сервисната улица под калето, која пак преку клучката би се продолжила кон бул.Џон Кенеди и со тоа би се добил нов урбан автопат кој освен зан нов клинички кај кас.Илинден би бил потенцијално најбрза конекција меѓу северот и југот на метрополата ... но јас како и секој еден друг македонец ќе бидам чуен само ако сум во партија полтрон или имам своја, во спротивно кучината ке си лаат а карвано и натака ке си оит по паметот на болшевичката жабокречина и сите нејзини денешни рецидиви ..

да е посмешно и возобновата на постојниот Клинички т.е. Државна Болница не чувме како инфраструктурно ќе ја оправат, а ако и сдсм тераат по тој акал, најнапред нека думаат за катна гаража во близина [ http://www.build.mk/forum/forum_posts.asp?TID=587&PID=33782#33782 - 1 ][ http://www.build.mk/forum/forum_posts.asp?TID=295&PID=222809#222809 - 2 ][ http://www.build.mk/Forum/forum_posts.asp?TID=1343&PID=188102#188102 - 3 ] а посетне за нова зграда за Хирургија ...

03.12.2016 - https://web.archive.org/web/20170928081805/http://vistinomer.mk/vmro-dpmne-tretpat-vetuva-nov-klinichki-tsentar-vo-skopje-i-nova-bolnitsa-vo-shtip/ - http://vistinomer.mk/vmro-dpmne-tretpat-vetuva-nov-klinichki-tsentar-vo-skopje-i-nova-bolnitsa-vo-shtip/


Posted By: Џоле
Date Posted: 16-Nov-2018 at 16:10
Шпанската серија продолжува...

Скопје Север, Ѓорче и Петровец можни локации за новиот клинички центар

Скопје Север, Петровец и Ѓорче Петров се трите локации меѓу кои ќе се избира каде ќе се гради новиот Клинички центар.

Премиерот Зоран Заев денеска соопшти дека во Комсијата во Владата е завршена постапката и дека следува дебата на Собранието на идната седница.

– Предностите при изборот ќе бидат немањето потреба да се решаваат имотно-правни работи, односно локација на која најмногу земјиште има во сопственост на РМ, најлесна урбанизација и лесна адаптибилна проектна документација на главен дизајн или главен проект, рече премиерот на денешната прес-конференција на која беше претставен Предлог-буџетот за 2019 година.

Тој потенцира дека доколку се заврши се до првата половина од 2019 година може да се пристапи кон тендер за избор на изведувач.

Оцени дека се работи на огромен проект проектиран на 450 милиони евра.

https://sitel.com.mk/skopje-sever-gjorche-i-petrovec-mozhni-lokacii-za-noviot-klinichki-centar - https://sitel.com.mk/skopje-sever-gjorche-i-petrovec-mozhni-lokacii-za-noviot-klinichki-centar

-------------
За сè има вторпат


Posted By: BOJAN
Date Posted: 16-Nov-2018 at 17:24
Да си играа со Google Maps, посериозни предлози ќе даваа. Мене пак не ми е јасно како ќе ја почнат постапката без измени во Генералниот урбанистички план, каде што јасно стои локацијата Бардовци. А зошто е избрана Бардовци како локација? Затоа што од сите делови на Скопје се патува речиси поеднакво во минутажа, што значи еднакво право на сите граѓани за здравствена заштита.


Posted By: alexsend
Date Posted: 16-Nov-2018 at 22:40
Бардовци според мене е најдобра локација, подеднакво пристапна од било каде и со најдобар потенцијал за развој на сообраќајната инфраструктура на Скопје како и потенцијал за изградба на нова станбена населба.
Штета ако се смести на некој крај од градот...

-------------
Јас Скопје никогаш не сум го замислувал вака.


Posted By: Џоле
Date Posted: 01-Dec-2018 at 19:50
Предлог локација за изградба на новиот Универзитетски Клинички Кампус (има видео на линкот).

Мене ми изгледа преамбициозно. На рендер изгледа убаво, но што ќе добиеме во реалноста е сосем друго прашање.

https://www.facebook.com/AleksandarNaumoskizaGorce/videos/307481263310678/UzpfSTEwMDAwMDQ4NzQ1Mjk1NzoyODgyNDE5NjgxNzg0MjUy/ - https://www.facebook.com/AleksandarNaumoskizaGorce/videos/307481263310678/UzpfSTEwMDAwMDQ4NzQ1Mjk1NzoyODgyNDE5NjgxNzg0MjUy/

-------------
За сè има вторпат


Posted By: Graditelot
Date Posted: 01-Dec-2018 at 21:33
Следниот пат Агим Красниќи од Кондово нема да се двоуми многу, многу. Ќе има гулаб на дланка да го пука,


Posted By: Graditelot
Date Posted: 01-Dec-2018 at 21:35
Најдобра локација за новиот клинички, кој можда ќе се изгради 2055 година е клучката кај Хиподром.


Posted By: Влатко
Date Posted: 03-Dec-2018 at 09:27
Originally posted by Џоле

Предлог локација за изградба на новиот Универзитетски Клинички Кампус (има видео на линкот).

Мене ми изгледа преамбициозно. На рендер изгледа убаво, но што ќе добиеме во реалноста е сосем друго прашање.

https://www.facebook.com/AleksandarNaumoskizaGorce/videos/307481263310678/UzpfSTEwMDAwMDQ4NzQ1Mjk1NzoyODgyNDE5NjgxNzg0MjUy/ - https://www.facebook.com/AleksandarNaumoskizaGorce/videos/307481263310678/UzpfSTEwMDAwMDQ4NzQ1Mjk1NzoyODgyNDE5NjgxNzg0MjUy/


Фино изгледа но според мене локацијата е утка. Инаку имам неофицијално инфо дека најверојатно ќе биде таа локација. Хиподром исто така не се сложувам а првенствената во Бардовци мислам дека е нај ок затоа што е средишно за било кого од каде и да доаѓа.


Posted By: ironm
Date Posted: 03-Dec-2018 at 09:49
Идејното решение изгледа убаво, но кога ќе направат проект и ќе увидат дека вредноста на вакво нешто е милијарда евра ќе ја почнат одново процедурата (како и многупати досега) Crazy


Posted By: BOJAN
Date Posted: 03-Dec-2018 at 12:12
Не заборавајте дека освен пристапен пат (обиколница), до новата локација за Универзитетски клинички центар МОРА да задоволува барем уште два други услови. Прво, мора да има локален пат по кој ќе се движат автобусите од јавниот градски превоз на Скопје, бидејќи во моментов автобусите на ЈСП по закон не смеат да се движат на автопат, што значи не и на скопската обиколница. Како второ, мора да биде локацијата во близина на пруга од скопскиот железнички чвор, за во иднина овој здравствен комплекс да се поврзе со градско-приградска железница.


Posted By: ehrlich
Date Posted: 03-Dec-2018 at 19:12
Без гајле дечки, локацијава ќе ја бараме уште некои 2-3 години, па после ќе правиме идеен проект, па ќе сфатиме дека многу кошта тоа, па ќе бараме нешто друго, па ќе ставиме камен-темелник, па ќе се смени власта, па ќе го откажеме претходново, па пак ќе бараме локација, па пак ќе правиме проект, и така. Да се случува нешто


Posted By: Влатко
Date Posted: 04-Dec-2018 at 09:24
По она јас што го имам како инфо многу брзо ќе се започне.


Posted By: hcitrS
Date Posted: 04-Dec-2018 at 19:15
Јас викам да му платиме на косово 300 милиони за во иднина што и да градат да ни дозволат пристап до услугите по косовски цени, така барем некакви изгледи има дека некогаш ќе имаме пристап до болница.

За проект од милјарда евра главен услов е земјиштето да било државно оти мн скапо ќе ги фатело... а бе домаќинлук невиден, алал да им е! Само напред!


Posted By: Zelenikovo
Date Posted: 17-Jun-2020 at 22:07

да не беше така ни грувеци немаше да го тераат тргни застани! туку рендери од новиот кај Бардовци имет ли, ова ново-старата верзија што ја думаа за на Водно некако ептен чудно-терсене естетски за во овој век, навидум модерно, но и поисплатливо би било да оделе со коцка, ем и внатре ќе добиеле Атриум, онака да може Персонал Пациенти и Народ да подизлезат одма на Тераса, евентуално да се пуштат и топли мостови за брза интерклиничка соработка, но потенцијално корисни и како помошни пожарни излези така т.е. да се има повеќе опции за евакуација итн. инт.

беа думале за нов клинички на истата локација но никаде абер за катна гаража ...

[tube]6_tJniP3UnM[/tube]


Posted By: Zelenikovo
Date Posted: 18-Jun-2020 at 09:16

еве новиов имет интересни атриуми, но погрешно разгранет комплексот, ќе речеш работа на вкус, но најмалку што им треба на болните скоцкуење, си земаш бројче и бараш комплексот, мислам ќе разберев со ваков проект да одат во густо населена локација ама да се фрлат милијарда евра а од тоа да се добие просечна лего разиграност тоа е мислам греота, не сум паметен дали и колку вака развиен проектот е ергономски, но знам дека овалноста смирува а неа ја има само во приемниот централен дел, претпоставувам и административна зграда, додека пациентите реди ги скоцкано, бреј дури ни Клинички постојно не е толку скоцкан, иако за таа локација и во тоа време кога е кренат токму лего требит, па пак не ет доколку се види поубо како се е расфрлано, ова баш ко во фабрика да треба да одиш, функционалност подобна за бројлерлук, ајт може само така ми се чини!?

[tube]uQqNbgNeI-c[/tube]


можеби паметно е, а во костец најавите за мега светска рецесија наскоро, да се дума Новиот Клинички во добар дел да се склепа по примерот на http://www.build.mk/forum/forum_posts.asp?TID=587&PID=237824#237824 - оној во Вухан т.е. да биде Модуларен , а врзнего само да се лепне некоја фенси цнц-фасада која пример би ја штанцала од Микросам купена машина, а потоа комотно сонеа и другите клиники низ земјава соодветно нека ги освежуваат, така потенцијално би се добило и вентилирачка фасада ... не дека не треба да има Цврсти Сегменти како Операциони Сали Интензивна и сл. кои и при земјотреС и при нуклеарнА катастрофа би биле топтан во функција, но Страничните Крила каде престојуваат Пациенти за Скрининг или пак на подолга рехабилитација тие комотно мжат да ги склепаат модуларно, та и со можност за брза дислокација ...

еве подоле примери каде може да се забележи дека сега кај новите универзитетски клинички центри Овалноста во некаква мера е присутна, просто смирува, не дека тоа треба да биде меур до меур, логично се што е премногу како крајност е напорно, но мислам на ваков буџет комотно може да се испроектира нешто уникатно а тоа да е лесно-смирувачки, доволно и во планот заоблени да се блоковите, на некој начин така да се бара нзс во однос дневното осветлување, конекциите во однос функцијата и формата, а таквата скулптуралност да не е ниту пренатрупана ниту одбивна, можеби терасесто разиграна со зелени кровои за да и Пациентите и Докторите не излегуваат од објектот а да се опуштат сред паркче, со еден збор треба да се дума кон http://www.build.mk/forum/forum_posts.asp?TID=506&PID=241345#241345 - Пејсажен Урбанизам во кој фракталноста не е апстрактна туку строго предетерминирана за да се постигне што попријатна атмосфера за прстој и работа, дури и кога тоа е минималистички истерано а осигурано преку овалноста ... Докторе Помогај, а како кога првио чекор на работа му ет скоцкан, ем за да се олабаи на 5 минути мора да оди 10 минути на задна врата до парко ... ех, некои Архитекти и пред векои думале оригинално, а ние и ден денес тераме просечно!

http://archive.is/MM1RD#selection-513.0-513.236 - https://pgpneuromarketing.wordpress.com/sabia-que/smart-buildings-architects-using-brain-science-for-design-guidance/

не дека денес архитектите се вишок, туку елитите терсене
може и тие да имаа овални канцеларии поинаку ќе думаа
веројатно се тешат со тркалата по службените аута

[tube]NuMaDbWNlCk[/tube]

[tube]Zj16ymoU8ls[/tube]

[tube]Ox9Q1BwTpOY[/tube]


друга битна работа е што нашио нов логично УКЦ е тргнат од брза конекција до факултето, та прашање е колку ќе им биде подобен на студентите за Практична Настава ... евентуално да врви таму кај Бардовци Брз ЛРТ натака но тоа тешко веројатно, та може ако навистина ет зацртан кај касарната Илинден да бидне за Сите поатрактивен, мислам на Скопјани и Студенти пред се’, а во однос другите би рекол не се опуштајте, што мислат нашиве долгорочно во Косово нема ли да никне Современ Клинички Центар, илити тука ќе запре налетот на приватните Болници, конечно што помасивен објект толку и поскап за одржување, а со пола од тие пари за изградабата комотно можат да инвестираат во нова медицинска апаратура и за другите Градои, што е побитно шминката или функцијата!? А Ако Веќе Одат Шминкерски Тоа Нека Го Сторат Докрај Футуристички, но пак поефективно и за одржување ќе биде идејата за вентилирачка цнц-фасада, комотно истата по потреба да се извади и од неа да се склепа брзо и нов привремен прифатен центар ако натака гргнуваат економски мигранти кај нас, демек нив нема да ги лечиме оперираме или сервисираме, просто ако веќе се фрлаат големи пари тоа нека е обмислено Оштроумно!

sds ветуваа дебати по сите страни, за отворено општество не говореа, но гледаме тоа било само шминка, та повторно во недоглед куршлу до куршлус, битно ќе си поделат тендерите на потпросечни изведувачи, а на крај оди бркај вештерки зошто осветлувањто потфрлило! можам да замислам тоа ако уште сега проектно е затворен муабетов колку повеќе изведбено, камо некој да го извадеше до сега на астал топтан концептот ако не проектот, камо архитекти да думаат јавно понего. нели се бунеа за Ск’14 Плоштад Слобода нека им се с’снат и сега на властите со време да им прават пр. за ова притисок, или пак закаснето илити ретроактивно ќе пееме жалопојки!? зар Студентскиот Сојуз при Градежен во недоглед ќе останува нем!? зар ААМ неможат да огранизираат Трибини ако не еФорум за Народ да ги чуе нивните експертски мислења!?


Posted By: Max
Date Posted: 16-Mar-2024 at 00:01


2o18

[tube]y9--n7rr1K8[/tube]

~

2o22

[tube]XY3v8depu_U[/tube]



Print Page | Close Window