ТИРЗ Прилеп
Printed From: build.mk
Category: Главни теми
Forum Name: Индустриски
Forum Discription: Индустриски зони, фабрики, лесна индустрија...
URL: http://www.build.mk/forum/forum_posts.asp?TID=1980
Printed Date: 20-Apr-2024 at 00:50
Topic: ТИРЗ Прилеп
Posted By: gjoko
Subject: ТИРЗ Прилеп
Date Posted: 15-Dec-2012 at 20:04
|
Технолошко-индустриска развојна зона се гради кај Прилеп
Сабота, 15 Декември 2012 16:18 Во месноста Алинци кај Прилеп денеска е поставен камен-темелникот за изградбата на новата Технолошко-индустриска развојна зона. 
Означувајќи го симболично почетокот на изградбата на современата инфраструктура според сите светски стандарди, премиерот Никола Груевски нагласи дека студеното време може да ги забави, но нема да ги запре владините намери да направат што повеќе за изградбата на технолошко- индустриските развојни зони во државава. - Ваквото темпо е особено важно и потребно со цел повеќе региони во државава што поскоро да комплетираат инфраструктура соодветна на интересите на странските и домашните инвеститори, рече Груевски. Претседателот на Владата нагласи дека посебно го радува тоа што општина Прилеп со брзо темпо ја оформува индустриската зона „Прилеп 1“, за мали и средни претпријатија каде се распродадени парцелите и наскоро ќе почне изградбата на капацитетите и ќе се отворат нови работни места. Воедно општината работи на три нови индустриски зони, а таа во Алдинци, смета Груевски, е предвидено да прими инвеститори од поголем калибар. - Големите инвеститори во оваа зона ќе отворат и голем број работни места. Зоната има плански опфат од 67 хектари со можност за проширување на уште 35 и ќе биде поврзана со патна, водоводна, електрична и канализациска мрежа. Со ова и со условите во зоната Прилеп, Битола, Ресен, и околните населени места ќе добијат простор кој верувам дека ќе привлече голем број заинтересирани инвеститори, рече Груевски. Истакна дека паралелно со уредувањето на технолошко- индустриските развојни зони во државава и бројните економски мерки и стимулации, владините тимови задолжени за промоција на инвестициските можности за Македонија, продолжуваат со бројни презентации и промоции во многу светски земји. - Таквата пракса веќе привлече голем број ивнеститори во земјава. Дел од нив изградија фабрики и работат, дел покрај првата инвестиција влегоа и во втора, како што е примерот со „Џонсон Контролс“ и „Џонсон Мети“. Дел од инвеститорите во моментов градат фабрики, дел се во почетен стадиум на инвестиција, а со многу од нив се уште разговараме и ги убедуваме да го вложат својот капитал во Македонија, посочи Груевски. Премиерот го нагласи огромното значење на технолошко- индустриските развојни зони во земјава, истакнувајќи дека токму затоа треба што поскоро да се изградат сите зони низ Македонија. - Верувам дека на оваа зона и претстои добра иднина, а таква иднина го очекува и регионот и сите оние домаќинства од Прилеп и околината кои ќе имаат по некој член од семејството вработен во некоја од фабриките во Технолошко-индустриската развојна зона кај Алинци, рече Груевски. Според директорот на Дирекцијата за технолошко индустриски развојни зони Виктор Мизо, оваа зона е една од 11-те во државава кои даваат резултати. - Доказ за тоа се „Џонсон Контролс“ и „Џонсон Мети“ кои лани во вкупниот извоз на Македонија учествуваа со 16,3 проценти, а годинава се очекува нивното учество во извозот да биде 20 отсто, нагласи Мизо. За министерот за странски инвестиции Веле Самак, пак, ова е посебен ден затоа што се активира зоната кај Прилеп. - Се надевам дека ова ќе помогне да се најдат дополнителни проекти за оваа зона не само за странските инвеститори, туку своето место да го најдат и домашните фирми за да отворат капацитети и да вработат нови луѓе, истакна Самак. Според градоначалникот на Прилеп, Марјан Ристески, со изградбата на оваа Технолошко-индустриска развојна зона и со индустриската зона „Прилеп 1“, каде сите парцели се распродадени, а и со подготовката на нови три, Прилеп се промовира како вистинска дестинација за привлекување на странски гринфилд инвестиции, но и за развој на домашните фирми. - Прилеп направи многу за да понуди добри услови за развој на индустријата и економијата. За една година го изготви Генералниот урбанистички план, донесе детални урбанистички планови и овозможи атрактивни локации не само за развој на економијата, туку и за нов станбен и деловен простор. Дваесетинта локации во индустриската зона „Прилеп 1“ се продадени, се прави целосната инфраструктура и наскоро ќе се градат новите капацитети на претежно прилепските фирми со што ќе се обезбедат близу 2.000 нови вработувања, рече Ристески, нагласувајќи дека веќе се подготвува и другата иднустриска зона „Прилеп 2“ за малото стопанство и лесната индустрија со можност за нови 1.000 вработувања. Со продажба на парцели на повеќе локации во градот, додаде, се отвора можност за понуда за 300 станбени единици, а тука е и новата современа европска населба Градина каде за парцелите постои огромен интерес. http://kurir.mk/republika/opstini/95870-Tehnolosko-industriska-razvojna-zona-se-gradi-kaj-Prilep- - http://kurir.mk/republika/opstini/95870-Tehnolosko-industriska-razvojna-zona-se-gradi-kaj-Prilep- |
Replies:
Posted By: S.P.Q.R.
Date Posted: 18-Aug-2013 at 09:21
|
Еве ја моменталната состојба, вака е веќе подолго време. Иначе еве координати за зонава: 41°17'6.89"N 21°29'49.22"E
01. http://s945.photobucket.com/user/Davormkd/media/IMG_0082.jpg.html"> 
02. http://s945.photobucket.com/user/Davormkd/media/IMG_0077.jpg.html">  ------------- Македонија е во дилема дали да одбере ужас без крај или ужасен крај |
Posted By: Џоле
Date Posted: 10-Apr-2014 at 19:44
Во Индустриската зона Прилеп 1 се гради новиот погон на „Донија“
Комплетното поставување на инфраструктурните можности во Индустриската Зона Прилеп 1 овозможи сопсвениците на ДОО „Донија“ да започнат со градежните активности за изградба на новиот производствен погон кој ќе се простира на површина од 2000 м2. За оваа инвестиција за која се издвоени средства во висина од 500 000 евра менаџерскиот тим на оваа реномирана прехранбена индустрија најавува амбицозен раст на производствената линија и освојување на нови пазари. Новиот простор и современата технологија ќе придонесат да се остварат предизвиците, а производствениот процес се очекува да отпочне до крајот на летото. Воедно најавени се и нови 50 вработувања со кои оваа кондиторска индустрија го потенцира својот успешен стопански рејтинг во регионот. 
Прехранбената индустрија Донија со својот растеж и успешен подем е потврда за стопанско-економските текови во нашата општина, која со развојот на индустриските зони и нивната функционалност ја оправда визионерската и партнерска определба. http://prilep.gov.mk/news/mk/vo-industriskata-zona-prilep-1-se-gradi-noviot-pogon-na-donija/ - http://prilep.gov.mk/news/mk/vo-industriskata-zona-prilep-1-se-gradi-noviot-pogon-na-donija/ ------------- За сè има вторпат |
Posted By: Navigator
Date Posted: 18-Dec-2014 at 00:24
|
Нова инвестиција во Прилеп!
Премиерот Груевски најави влез на нова Американска компанија, која во Прилеп ќе отвори 1.000 нови работни места... 
Македонија е следната бизнис дестинација на американската компанија „Гентерм“. Одлуката за инвестирање ја најавија на својата интернет страна. Планираат да вработат 1.000 луѓе во фабриката што ќе ја градат во Прилеп. Влегувањето на Гентерм во Македонија, денеска го потврди и Премиерот Груевски од Белград. Вели дека ова е една од побрзите инвестиции. Договорена е за шест месеци, а во преговорите со американската компанија учествувале неговиот советник за странски инвестиции Алек Никовски, Директорот на ДТИРЗ Виктор Мизо и економските промотори. „Седиштето на компанијата е во Детроит, имаат европско седиште и во Минхен и е мултинационална компанија, има фабрики на повеќе континенти. Вработува огромен број на луѓе, има над 8.000. Така што, по разговорите што ги имавме со нив, одлучија да градат фабрика во Прилеп, фабрика за грејачи на седишта за автомобили и волани на автомобили“, изјави премиерот Груевски. Американската компанија Гентерм е лидер на светскиот пазар и развивач на иновативни технологии за термален менаџмент. За почеток ќе изградат објект од 6 илјади квадратни метри. Со работа планираат да почнат кон крајот на 2015. „Македонија ни обезбедува конкурентна средина и понатаму да ги извршуваме нашите амбициозни планови за раст во Европа и на други места во светот“, вели Даниел Кокер, претседател на компанијата, во соопштението објавено на веб страницата на компанијата. Убавата вест за прилепчани Премиерот ја најави и на својот Фејсбук профил. Во објавата вели дека работата и упорноста на Владата дадоа резултати. http://mrt.com.mk/node/18372 - http://mrt.com.mk/node/18372 |
Posted By: Navigator
Date Posted: 24-Feb-2015 at 17:04
|
Фабриката на Гентерм готова до октомври, почнуваат првите вработувања!
Американската компанија „Гентерм“ со амбициозни планови за Македонија. Ставен е потпис на договорот кој предвидува новата фабрика во Прилеп да стане оперативна веќе во октомври. За да се запази рокот, градежните работи почнуваат веднаш, а со тоа и првите вработувања. „Денес и утре почнува процесот за избор на менаџерскиот тим и на вработените кои ќе заминат на обука во нивната фабрика во Украина. Ова значи дека многу брзо ќе прави регрутацијата и обуката на работната сила. Веќе се разгледуваат и можностите што е можно поголем број на добавувачи од Прилеп и од цела Македонија да бидат вклучени во нивниот процес на производство“, изјави Виктор Мизо, директор на слободните економски зони. 
Паралелно со изградбата на фабриката ќе се работи и на самата инфраструктура во слободната зона во Прилеп. Предвидено е во почетокот погоните да се простираат на 6.500 квадратни метри, за потоа новиот инвеститор да се прошири за повеќе од трипати. Директорот на компанијата за Европа вели дека при носењето на финалната одлука за инвестирање во игра биле пет држави од ЈИЕ и од Северна Африка. На крајот, конечниот избор паднал на Македонија. „Најважните причини да инвестираме во Македонија беа достапната и добро образована работна сила, како и инвестициски можности кои ни ги понуди Владата. Сакаме да прозиводствениот капацитет да биде готов до октомври. Немаме многу време, но сметаме дека со поддршката од Владата ќе можеме да ја постигнеме оваа цел“, нагласи Јорг Еверс, директор на компанијата за Европа. Производството од Македонија е предвидено да се пласира на европскиот пазар, што дополнително ќе го зголеми извозот од земјава. Побарувачката за нивните производи ќе го диктира и бројот на вработени во прилепскиот капацитет. „Се работи за инвестиција од околу 20 милиони евра. Во првата фаза ќе се отворат 1.000 работни места, а компанијата на информираше дека е предвидено бројот на вработени постепено двојно да се зголеми“ – изјави Алек Никовски, советник за привлекување странски инвестици „Гентерм“ е американска компанија за производство на грејачи за автомобили. На глобално ниво вработува 9.000 луѓе. Клиенти и се најголемите играчи од автомобилскиот бизнис, од рангот на Ферари, Порше, Дајмлер, Бентли, Рено, БМВ, а лани продажбата достигнала 800 милиони долари. http://mrt.com.mk/node/20820 - http://mrt.com.mk/node/20820 |
Posted By: Navigator
Date Posted: 05-Jul-2015 at 21:53
Од пред некој ден:
|
Posted By: Navigator
Date Posted: 14-Jan-2016 at 10:46
 Инаку оваа компанија во Прилеп, за разлика од велешката и скопската деновиве е во понапредна фаза, бидејќи денес ќе е ставањето на камен темелник. Се работи за германската Accomplast.
|
Posted By: Navigator
Date Posted: 14-Jan-2016 at 15:16
|
Германската „Акомпласт“ гради фабрика во Прилеп, 150 нови вработувања
Во Технолошко-индустриската развојна зона Алинци денеска е поставен камен-темелник за изградба на фабрика на германската компанија „Акомпласт“. Станува збор за инвестиција вредна три милиони евра која ќе овозможи 150 вработувања. Во објектот, кој треба да биде завршен на лето, ќе се произведуваат делови за автомобили по најсовремена технологија кои ќе бидат наменети за европскиот пазар и големите автомобилски брендови како што се „БМВ“, „дајмлер“, „ауди“,„фолксваген“, „мерцедес“, „бентли“, „јагуар“. 
На отпочнувањето на градбата присуствуваше премиерот Никола Груевски кој истакна дека ова е петта инвестиција во државата која се промовира за само пет дена и изрази надеж дека свое вработување ќе најдат голем број млади од техничките струки од Прилеп и околината. Претставникот на Акомпласт и управител на нивната компанија формирана во Македонија „Инџекшн холдинг Прилеп“ Инес Андре истакна дека одлуката за инвестирање во Прилеп ја донеле бидејќи тука им биле понудени најдобри услови и поддршка од Општината, поради добро обучениот кадар, како и отвореноста за соработка на Владата. Обраќајки се на македонски јазик истакна дека првите информации за можностите за инвестирање во Македонија ги добиле во мај 2014 година од нашиот економски промотор, а веќе во март 2015 година ја формирале компанијата „Инџекшн холдинг Прилеп“. http://denesen.mk/web/?p=392962 - Цел текст |
Posted By: Navigator
Date Posted: 16-Feb-2016 at 13:12
Гентерм во ТИРЗ Прилеп од пред некој ден
|
Posted By: Navigator
Date Posted: 29-Feb-2016 at 10:48
Вчерашни
|
Posted By: Navigator
Date Posted: 12-Jul-2016 at 19:01
Accomplast
Gentherm 
|
Posted By: Џоле
Date Posted: 21-Jul-2016 at 17:14
Отворена фабриката на „Гентерм“ во ТИРЗ „Прилеп“
фото: mia.mk ------------- За сè има вторпат |
Posted By: hcitrS
Date Posted: 21-Jul-2016 at 18:09
 Покрај бенефициите за комуналии, инфрастркутура, изградба на хала, разбрав дека државата им враќа 50% од вредноста на секоја машина која ќе ја купат.
@Navigator, колку е ова вистина? |
Posted By: Navigator
Date Posted: 22-Jul-2016 at 08:27
|
Извини за малку подолгиот одговор, но мислам дека треба подетално да се објасни...
Инвеститорите во ТИРЗ-овите добиваат државна помош најмногу до 50% од инвестицијата. Тоа е ЕУ правило и сите земји што привлекуваат странски инвеститори мораат да се придржуваат до тоа. Во таа инвестиција влегуваат градба, проектирање, купување на машини, опрема, други платени услуги, итн. Се ова се предвидува во бизнис планот на компанијата. Да кажеме дека вкупната инвестиција е 20 милиони евра. Државата смее да додели најмногу до 10 милиони евра државна помош. Тие 10 милиони изгледаат многу, нели? Еве во што е трикот: Најголем дел од овие 10 милиони, најчесто над 90%, е ослободување од даноци. Добрата страна кај даночното ослободување е тоа што, кога државата ослободува од данок новоформирана компанија, таа се откажува од потенцијален приход што до тој момент го немала. А најверојатно би го немала и во иднина ако не ја дозволела таа поволност, бидејќи компанијата не би инвестирала во земјата. Тоа во економијата се вика опортунитетен трошок. Или поедноставно, "што би било кога би било" type of thing. Вака, државата би се откажала од данокот во првите 10 години, но би заработила после тој период. Важно да се знае дека ослободувањата се однесуваат на данокот на добивка (која компаниите што вложуваат силни милиони ионака не го прават во првите 2-3-4 години) и персоналниот данок на доход (кога исплаќаат плата, таа е пониска за 10% бидејќи не го плаќаат ПДД). Значи, здравствените, пензиските и сите други придонеси се плаќаат и за нив не постои ослободување. Останатиот дел од државната помош се исплаќа во кеш. Тука влегуваат грантот од 500,000 евра помош за градбата на објектот и грантот за креирани работни места, кој не е фиксен. Да одговорам конкретно на твоето прашање: Ослободување за комуналии не постои, инфраструктурата во зоната ја прави државата (иако тоа не е бенефит затоа што и во обичните индустриски зони државата гради, не компаниите), во изградбата на хала учествува државата со најмногу пола милиони евра, а вредноста на машините и другите инвестиции се враќа во најголем дел преку даночно ослободување. |
Posted By: Navigator
Date Posted: 15-Aug-2016 at 09:17
Accomplast
|
Posted By: Џоле
Date Posted: 21-Nov-2016 at 07:33
|
ОТВОРЕН НОВ ПОГОН ВО ИНДУСТРИСКАТА ЗОНА „ПРИЛЕП 1“
Во индустриската зона „Прилеп 1“ кај фабриката „Металец“ денеска е отворен нов погон на прилепската фирма „Стара фурна“. Владимир Апостолоски, еден од тројцата сопственици, истакна дека фирмата почнала со работа пред четири години со тројца, а сега има 39 вработени. - Почнавме точно пред четири години. Преку програмата на Владата за самовработување, почнавме со тројца вработени, а денеска имаме 39, а во иднина да стигнеме до 100 вработени. Планираме да отвориме млчечен ресторан овде, за потребите на индустриската зона. Добитници сме на наградата газели како најбрзорастечка фирма и сме во првите 20 во медитеранот. Го отвораме овој погон во зоната на 6.000 метри квадратни. Инвестицијата е околу 500 000 евра. Ни беше потребно да го прошириме капацитетот зошто имаме се поголема побарувачка на леб во Кавадарци, Велес, а се надеваме дека наскоро ќе пласираме и во Скопје, истакна Апостолоски. Според прилепскиот градоначалник Марјан Ристески, фирмата „Стара фурна“ е успешна приказна на успешен бизнис. - Ова е еден од 10-те објекти кои се градат во индустриската зона „Прилеп 1“. Ова е вториот готов објект, по погонот на фирмата „Дониа“. Локалната самоуправа вложи околу еден милион евра за уредување на инфраструктурата во индустриската зона. Зоната треба да донесе нови 1.500 до 2.000 нови вработувања, рече Ристески. http://www.utrinski.mk/?ItemID=238B3F547DBB94478A1D45B69355BFD6 - http://www.utrinski.mk/?ItemID=238B3F547DBB94478A1D45B69355BFD6 ------------- За сè има вторпат |
Posted By: Navigator
Date Posted: 11-Jul-2017 at 16:04
Започна изградбата на германската фабрика „ВИК“ во Прилеп
Германската компанија „ВИК“, што се занимава со производство на апарати за домаќинството, започна со изградба на фабрика во Технолошко-индустриската зона ТИРЗ во Прилеп. Инвестицијата тежи 12 милиони евра, а фабриката ќе се гради на вкупна површина од 10 илјади метри квадратни. Реализацијата, според првите луѓе на ВИК, ќе биде во две фази- првата од пет милиони евра, а во втората фаза се планирани седум милиони евра и дополнителни 6,5 илјади метри квадратни. На почетокот планирани се вработувања на 50 луѓе, за да конечната бројка на вработени изнесува 1.000 граѓани. Првата фаза од изградбата се очекува да заврши во првото тромесечие на следната година. Ова е трета инвестиција во ТИРЗ Прилеп, за што изградбата на инфраструктурата успешно ја заврши општина Прилеп. Првата фабрика е „Гентерм“ во која работат стотици прилепчани, а наскоро со работа треба да започне и фирмата „Акомпласт“, која исто така е германска инвестиција. http://novamakedonija.com.mk/NewsDetail?title=%D0%97%D0%B0%D0%BF%D0%BE%D1%87%D0%BD%D0%B0-%D0%B8%D0%B7%D0%B3%D1%80%D0%B0%D0%B4%D0%B1%D0%B0%D1%82%D0%B0-%D0%BD%D0%B0-%D0%B3%D0%B5%D1%80%D0%BC%D0%B0%D0%BD%D1%81%D0%BA%D0%B0%D1%82%D0%B0-%D1%84%D0%B0%D0%B1%D1%80%D0%B8%D0%BA%D0%B0-%D0%92%D0%98%D0%9A-%D0%B2%D0%BE-%D0%9F%D1%80%D0%B8%D0%BB%D0%B5%D0%BF&id=ac534025-6129-48d3-9f48-87fa0f025c1c - Извор |
Posted By: kultuzin
Date Posted: 11-Jul-2017 at 17:01
| Ќе се испоотворат сега по инерција уште неколку фирми и после може да ги затвориме овие нишки за нови инвестиции. |
Posted By: Kid_A
Date Posted: 11-Jul-2017 at 18:37
|
Прилеп прерасна во една од најатрактивните општини за инвестирање на домашните и странски компании
Прилеп полека но сигурно станува привлечна мета за странски и домашни инвеститори. Од град со затворени фабрики, илјадници невработени кои беа оставени на улица, уништена економија и болна транзиција, денес Прилеп е град каде инвеститорите наоѓаат привлечно место за развој на своите бизниси. Главен предуслов за ова се секако добрите услови за инвестирање и бизнис клима која ги воспостави претходната Влада, одличниот однос со странските и домашни компании, бројните поволности кои се нудат преку АВРМ, но и поволностите кои ги нуди локалната самоуправа. За прв пат во историјата на своето постоење Прилеп во 2016 година доби Технолошко Индустриска Развојна Зона - ТИРЗ Прилеп. Изградбата на зоната беше инвестиција на Дирекцијата за технолошко индустриски зони и Владата на РМ, тешка 147.600.000 денари. Со што се изградија асфалтни улици, се постави водоводна и канализациона мрежа, се донесе електрична енергија, оптички кабли за интернет и се она што е потребно за нормално функционирање на зоната. Поради добрата локација и предностите кои ги нуди зоната, ТИРЗ Прилеп стана атрактивно место за инвестирање на странските компании. Таму веќе работи мултинационалната компанија, американскиот гигант во автомобилската индустрија „Гентерм“, инвестиција од 20 милиони евра и каде во моментов работат над 1.000 работници. Со отворањето на уште 2 нови хали, кои што ги планира компанијата, тенденцијата е тука да бидат вработени околу 2.000 луѓе. „Гентерм“ произведува делови за најпознатите светски брендови на автомобили. Во 2016 во ТИРЗ Прилеп се изгради и објектот на германската компанија „Акомпласт“ која веќе започна со работа. Вкупната инвестиција изнесува 3 милиони евра. Во оваа фабрика треба да се вработат околу 250 лица. Исто и „Акомпласт“ планира да гради уште 2 нови хали. Третиот странски инвеститор кој најави влез во ТИРЗ Прилеп е германскиот гигант ВИК и кој наскоро ќе постави камен темелник на својот објект. Во првата година би се вработиле 400 лица, со тенденција во период од 2 години таа бројка да се искачи на 1.000. Тоа ќе биде првата еколошка или „зелена фабрика“ во Македонија, прва од ваков вид во земјава. Капацитетот ќе се простира на 10.000 м2, а почетната инвестиција ќе изнесува околу 12 милиони евра. Во Прилеп освен ТИРЗ-от се започна со изградба и на нови индустриски зони и комплекси, каде главни инвеститори се домашните компании. Во моментов изграден е поголем дел од инфраструктурата во Индустриската зона Прилеп 1 со средства обезбедени од буџетот на локалната самоуправа во висина од 27 милиони денари како и гранд од Светска банка во висина од 124 илјади евра. Во оваа зона претходно беа продадени 21 локација. Во зоната моментално со работа се започнати две компании, а уште десетина се во изградба. Оваа зона во иднина се очекува да обезбеди над 1.500 вработувања. Локалната самоуправа изработи и нов ДУП за Индустриската зона Прилеп 2 каде од 12 локации предвидени за продажба, досега се продадени 5, а моментално во тек е објавата за продажба на уште 4 локации кои се наменети за лесна и незагадувачка индустрија, производство, стоваришта и магацини. Почетната цена е 61 денар за метар квадратен, а наддавањето ќе се врши чекорно со 100 денари минимум за метар квадратен. Комплетно целиот процес на јавно наддавање и аплицирање е електронски. Рокот за аплицирање е до 24 јули до 12 часот, додека пак јавната аукција ќе се одржи на 26 јули со почеток во 12 часот. Од секторот за урбaнизам комунални работи и заштита на животната средина истакнуваат дека преку своите одделенија ќе продолжат со донесување на урбанистичко планска документација за формирање на индустриски зони со цел да се задоволи интересот на приватниците, стопанствениците, малите, средни и големи индустриските капацитети, со понуда на градежни парцели каде би поставиле свои нови објекти или прошириле своите дејности. Исто така од секторот за урбaнизам потенцираат дека Индустриската зона - Прилеп 1 (Металец) беше прав погодок во право време, Таму останати се само уште две доста атрактивни градежни парцели со површина од 30.000 м2 кои поради нерасчистени имотно правни работи не можеле во овој момент да се дадат на тендер, но и тоа било во фаза на расчитување. Во тек е донесување и на ДУП за УАЕ 19-дел ( кај фабриките Комфи Ангел и Црн Бор) каде ќе се обезбедат нови 25 локации, кои поради веќе изведената на дел комунална инфраструктура, се доста атрактивни, а посебно има интерес за поголемите ГП затоа што во оваа зона ќе има парцели со големина од 1.300 до 35.000 м2. Во наредниот период ќе се продолжи со детални разработки на ИЗ на патот за Македонски Брод на патот за Крушево и на стариот пат за Битола каде што исто така е присутен се поголем интерес за поставување на ваков вид на објекти. Значи во 2016 година започна имлементацијата на измените и дополнувањата на Генералниот урбанистички план со кого опфатот на градот е зголемен за 388 хектари. Со новиот ГУП се обезбедени поголеми површини во зоните за домување и индустрија со што се нуди поголема развојна урбанизација на Прилеп според потребите на граѓаните и бизнис секторот. Со овие нови Детални урбанистички планови освен индустриските зони Прилеп 1, Прилеп 2 и Прилеп 3, се планираат уште две нови зони Прилеп 4 и Прилеп 5. Општината има исто така одлична соработка со домашните инвеститори кои се столбот на прилепската економија. Локалната самоуправа претставува сервис и поддршка домашните компании за реализацијата на нивните бизнис планови, преку брза изработката на деталните урбанистички планови, брзо спроведување на барањата за легализација, заедничка промоција на потенцијалите и реализација на бизнис средби. Сите овие инвестиции како и мерките од АВРМ и Владата придонесоа во периодот од 2005 до 2017 година во Прилеп да се случи рекордно намалување на невработеноста. Во 2005 година биле регистрирани 25.033 невработени лица, а во 2017 се регистрирани 13.835 невработени лица. Што значи невработеноста за периодот од 2005 до 2017 година е намалена за 11.198 лица. Дополнителен мотив за влез на нови странски и домашни инвеститори ќе биде изградбата на гасоводот Неготино – Прилеп и експресниот пат Прилеп – Градско преку Плетвар, инвестиции со кои ќе се зголеми конкурентноста не само на Прилеп туку и на целиот Пелагониски регион. Гасоводот веќе се гради во Тројачката котлина, во близина на Прилеп. Овој гасовод, чија првична изградба започна во јануари оваа година, ќе биде со должина од 92 км., а инвестицијата е вредна 36 милиони евра. Изградбата на гасоводот треба да заврши во 2019 година, а во втората половина од 2018 година се очекува да помине покрај Прилеп. Гасификацијата за градот ќе значи многу за подобрувањето на квалитетот на живот на сите граѓани, намалување на трошоците за енергенси, подобрување на економијата во градот и заштита на животната средина. Должината пак на експресниот пат Прилеп-Градско ќе изнесува 33,5 км. Проценетата вредност на буџетот за инвестицијата изнесува 80,7 милиони евра. Предвидениот рок за изградба е 2016 – 2019 година, а изградбата на патот е поделена во три фази. Моментално се гради втората фаза од овој пат во должина од 10 км. која се протега од селото Фариш до Дреновската клисура, делница која чини околу 31,4 милиони евра. |
Posted By: Navigator
Date Posted: 12-Jul-2017 at 08:24
|
Posted By: kultuzin
Date Posted: 12-Jul-2017 at 09:39
Дoвoлнo е дa им се види екипaтa зaдoлженa зa инвестиции. Нo и oнaкa тaa гaрнитурa не верува вo отварање нa рaбoтни местa вo идустријата и приватниот сектoр. Тие се децa учени нa фoтељa и ништo другo не ги интересирa. Фирмите кaде штo требa дa се работи и прoизведувa им се aпстрaктен пoим. |
Posted By: pbanks
Date Posted: 12-Jul-2017 at 10:00
|
Што убава политикантска дискусија. Нема поголем непријател на приватниот сектор од претходната гарнитура. ТИРЗовите се убава приказна, на тоа секако стојам, но тие се капка во море. Такво превработување во јавен сектор, такво бескрупулозно трошење на јавни пари за социјален мир, такво спроведување на клиентелизам е без преседан. Особено би се задржал на првите две точки кои се одлика на комунистички економски систем а не на политики кои би ги очекувал од десничарска партија. Јавниот сектор требаше да се преполови во однос на 2006 не да се мултиплицира. Културата на „чекање решение во државно како доживотно решение“ требаше да се сузбие не да се негува и надгради. Инаку ме зачудува зошто Култузин не го применува принципот „почекајте да видиме како ќе искочи па после критикувајте“ и „секој што критикува не е патриот“ повеќе. |
Posted By: pbanks
Date Posted: 12-Jul-2017 at 10:03
Ако добро памтам ти работиш во некоја од институтициите задолжени за привлекување инвестиции. Можеш ли да го доловиш подобро амбиентот, ова што го кажа е дефинитивно лузерски муабет и нема да резултира со ништо, но дали е муабет останат од кампањата или нешто што веќе се спроведува како пристап кон нови инвестиции? Дали воопшто се има нешто променето во институциите за привлекување на странски инвестиции, бидејќи мислам дека беа под радарот од кога се смени власта, колку што знам нема ниту нови кадровски решенија на клучни позиции. |
Posted By: <Fresno>
Date Posted: 12-Jul-2017 at 11:24
| Ако се паметни ќе задржат некои клучни луѓе во тој сектор. Добра слика беше да се види како Заев и Мизо заедно сечат лента. |
Posted By: pbanks
Date Posted: 12-Jul-2017 at 11:35
|
Реално, треба да го задржат и импулсот не само луѓето. Видов дека доста се скратиле буџетите токму за овие неколку агенции за странски инвестиции. Во ред, не треба да бидат бунари без дно, но мора да се задржи квалитетно функционирање и развој на зоните. Иако реално се отворија веќе 8-9 зони во кои имаме барем по една активна фабрика, факт е дека не повеќе од 4 зони може да се наречат такви, другите се обични ливади и немаат основна инфраструктура за нормално функционирање (патишта, пристап до енергенси, телекомуникациски пристап итн....) |
Posted By: Kid_A
Date Posted: 12-Jul-2017 at 12:06
|
Реално гледано ТИРЗовите можат да профункционираат во поголеми градови каде што демографски не се пустош и има колку толку млада популација. Не можеш да развиваш економски зони во градови/села каде што само старци останале да живеат.
|
Posted By: pbanks
Date Posted: 12-Jul-2017 at 12:36
|
Па и не може секое село да има свој ТИРЗ. Мислам дека и вака е прилично амбициозен планот со ТИРЗови иако искуството кажува дека кога ќе се пробие мразот со една фабрика, порано или подоцна другите ќе дојдат. А тоа е добар резултат. - Скопје - Штип - Прилеп - Струмица - Струга - Кичево - Тетово |
Posted By: iGi_PoP
Date Posted: 12-Jul-2017 at 17:42
Ke se skinam od smeenje... Zaev i Mizo... Mizo od promoviranje na noknji klubovi otide da brka stranski investicii... covekot e izguben slucaj  ... |
Posted By: Navigator
Date Posted: 13-Jul-2017 at 09:18
Со надеж дека ова сега нема да биде лузерски, ќе ти го кажам следново: Не работам во таква институција, иако бев директно инволвиран во тој процес. Од тоа што го знам можам да ти кажам дека претходната влада имаше конкретни цели и стратегија за привлекување на СДИ. Се работеше кампањски на (1) повисоко ниво (премиер, вице-премиери), (2) регуларно на ниво на министри, советници и (3) теренски на ниво на економски промотори, амбасадори, итн.
Патот кој го изоде РМ беше многу тежок и релативно долг заради неколку работи. Немањето свест и познавања кај инвеститорите за Македонија, големата конкуренција од државите од регионот, нивното претходно искуство, големината на пазарот (во конзумерска смисла и во смисла на пазар на труд), политички предрасуди, итн. Тимот за СДИ работеше на одговори на овие предизвици и успеа да убеди, според мене, убав број на компании да почнат со работа тука. Еден од неуспесите на тој тим беше неотворањето на барем една фабрика во секој формиран ТИРЗ, пред се мислам на Гевгелија и Радовиш. Ако зборуваме за новата влада и нивната визија за процесот, мое мислење, изградено врз фидбек од внатре од институциите е дека сеуште не им е јасен процесот и како се прави тоа. Тие се пред дилема дали на инвеститорите "да им се покажат заби" или да ги продолжат почнатите проекти. Вице-премиерот кокетира со двете опции, од една страна јавно порачува дека инвеститорите се добредојдени и ќе ја имаат целосната поддршка, а од друга најавува отворање на секој договор поединечно и наметнување на нови услови. Условите што ги најавува звучат супер и разумно, особено за електоратот, за луѓето кои не го разбираат процесот. Ама за компаниите тоа ќе биде deal breaker. Немој да мислиш дека странските фирми не сакаат да соработуваат со домашните. Напротив, повеќе им одговара и има смисла за нив, пред се од логистички аспект. Проблемот е што за еден куп работи тие немаат со кого да соработуваат и од кого да набавуваат. И не е проблем само условот за соработка со домашни фирми. Тука е и декласифицирањето на договорите. Не сум сигурен дека 1 од 10 компании ќе се сложи нивната државна помош да биде јавно познат износ. Тука има 2 проблема: конкуренција и тензија меѓу инвеститорите во иста зона или ист регион и притисокот од купувачите на корисникот на државна помош за поефитини производи заради добиената помош. Впрочем, која земја ги објавува договорите со компании кои вложуваат 10-20-30 милиони евра. Се објавуваат само оние големи пакети на помош, на пример за производител на возила, и тоа по неколку години откако ќе заврши проектот и после многу, многу притисок најчесто од ЕК. И уште во однос на кадровските решенија. Точно е дека засега нема смена во институциите надлежни за СДИ, иако во Агенцијата за СДИ директорот е од ДУИ и не очекувам промена. Единствено останува решение за Мизо. Јас лично мислам дека Мизо е одличен кадар со долго искуство на ова поле и ќе биде загуба за процесот и за државата ако се случи промена. И тука е веројатно дилемата на новата власт. Во однос на министрите, што да кажам, доволно е да се видат нивните биографии. Тоа може сериозно да го закочи процесот. Од она што го имам како инфо, сите претходни министри и ги предале активните проекти на министерката Апостолска, затоа што веројатно не виделе ни грам надеж кај Мерко и Ќахил. Во секој случај, несреќни решенија кои немаат директна врска со кадровски менаџмент, туку се чисто политички одлуки. |
Posted By: pbanks
Date Posted: 13-Jul-2017 at 10:36
|
Мојот коментар беше во правец дека надоврзавте неколку паушални пост-а кои може да се толкуваат исклучиво политички и кои не генерираат продуктивна дискусија. Особено не сакам двојни стандарди каде до вчера критиката беше предавнички чин (колку и да беше аргументирана) а од денеска е нормална работа. Но тој дел јасно го адресирав и не беше до тебе.. А те прашав бидејќи мислам дека имаш што да кажеш. Еве овој пост е навистина содржаен и неможам да кажам дека е политикантски. Сите аргументи ми звучат разумни и во најголема мерка се согласувам. Ако во 2006 година (основано) се плашев што ќе стане со евроинтегративните процеси, и сето она што се случи ги оправда моите стравови, со оваа смена на власт се плашам што ќе стане токму со овој сегмент на развојот. Сепак се надевам дека основата од 7 (или административно 8) активни развојни зони, ќе и олесни на новата власт да продолжи со привлекување на инвестициите. Пред се како капитал при убедувањето во врска со подолу цитираните проблеми кои ги наброја.
|
Posted By: Navigator
Date Posted: 13-Jul-2017 at 12:20
|
Ако ги прочиташ уште еднаш двата коментари ќе видиш дека истото го кажав и во "политикантскиот" и во "содржајниот" коментар, а тоа е дека ова е еден од послените заокружени СДИ проекти од старата власт и дека не се сложувам што новата планира да воведе (ригорозни) услови за странците.
Околу зоните, колку и да звучи чудно и непоимливо за широката јавност (заради купот поволности, нели), тие не се компаративна предност за РМ. Такви зони, во нешто поразлична форма, постојат во сите држави конкуренти на Македонија во овој процес. Така што, да се има зона со фискални поволности е задолжително за држава која решила да привелкува инвеститори. Други се факторите што носат инвестиции. Пред се, чувството на поддршка од страна на највисоките претставници на владата кон компанијата. И тоа е нормално, затоа што се работи за комплетно непозната средина за странската компанија и за одлуки од најчесто десетици милиони евра. Затоа односот на претхнодната власт се чинише како премногу близок со инвеститорите. Јас се надевам дека, за доброто на државата, и новата власт ќе го разбере тоа и ќе се однесува слично. Во спротивно би им било повеќе од тешко да реализираат проекти од ваков обем. |
Posted By: Navigator
Date Posted: 21-Sep-2017 at 15:33
Германската компанија „Акомпласт“ започна со работа во ТИРЗ Прилеп
Денеска свечено беше отворен погонот на германската компанија „Акомпласт“, која преку својата фирма ќерка „Инџекшн Молдинг Прилеп“, започна со работа во ТИРЗ Прилеп. Станува збор за реномирана германска компанија која што е специјализиран производител за пластично моделирани делови за автомобили. Ова е единствена фабрика од ваков вид во Западен Балкан. Погонот се простира на околу 1.000 м2, а „Инџекшн Молдинг Прилеп“ произведува делови за најпознатите брендови на автомобили како : Јагуар, Бентли, Волво, Волксваген, Шкода, Крајслер и други. Инвестицијата треба да изнесува неколку милиони евра. „Од поставувањето на камен темелникот поминаа скоро година и половина интензивна работа. Ни беше потребна многу сила за да се состават сите парчиња и во текот на работата стекнавме нови добри искуства. Тука се произведуваат делови од пластика и метал наменети за автомобилската индустрија. Во моментов се планира и отворање на уште една хала „Инџекшн Молдинг Прилеп“. Им благодариме на нашиот сопственик г-динот Алфред Штиглер и управителот Франк Штефан за отворањето на оваа фабрика. Исто така и благодариме на македонската Влада која отвори доста можности за нас како инвеститори. Исто така голема благодарност и до локалната самоуправа на Прилеп за постојаната поддршка и помош која што ја добивавме“, истакна Инес Андре, управител на „Инџекшн Молдинг Прилеп“. „Би сакале да им се заблагодариме на поранешниот министер за привлекување на странски инвестиции г-динот Бил Павлески и локалната самоуправа на Прилеп кои ни помогнаа со своите тимови. Со помош на Акомпласт групата и Прокредит банка која ја финансираше нашата опрема и со помош на нашите високо мотивирани вработени почетокот е успешен. Исто така сакам да изразам посебна благодарност на сите кои помогнаа и ќе продолжат да помагаат тука. Како што може да видите има доволно простор за нашите возбудливи идеи и ова е уште една пресвртница на нашата компанија во поновата историја на Македонија. Парите се инвестирани, вработените се обучени и направени се првите нарачки“, кажа Франк Михаелис управител на „Инџекшн Молдинг Прилеп“. Од германската стопанска комора истакнаа дека Германија е најголемиот трговски партнер на Македонија и дека германските инвестиции тука биле постојано во пораст. „Македонија е една од ретките земји со трговски суфицит со Германија, односот е 2 : 1. Минатата година обемот на трговија помеѓу Македонија и Германија изнесуваше 2,8 милијарди евра. Стока во вредност од 2,1 милијарди евра била извезена од Македонија во Германија, а стока во вредност од 750 милиони евра била извезена од Германија во Македонија. Бројот на германските инвеститори значително се зголеми во последните години. Многу германски компании го нашле својот пат во Македонија, односно во Македонија има повеќе од 200 компании со германски капитал, кои вработуваат опколу 15.000 лица“, изјави Патрик Мартинс, претставник на германската стопанска комора. На свеченото отворање присуствуваше и заменик амабасадорот на Германија во Македонија, Марко Акватичи, кој истакна дека Македонија е многу привлечна дестинација за германските инвеститори. „Ангажманот на „Акомпласт“ тука е само уште еден показател на позитивното мислење на германските компании за Македонија, како локација за инвестирање. Една анкета на деловната клима на германско-македонската стопанска комора покажа дека 85% од германските инвеститори повторно би инвестирале во Македонија. Не е тајна дека македонско-германските односи се добри на секое поле, не само во однос на економијата и некои статистики покажуваат дека околу 100.000 Македонци живеат во Германија“, изјави Марко Акватичи, заменик амабасадор на Германија во Македонија Инаку „Инџекшн Молдинг Прилеп“ е втора фабрика која веќе започнува со работа во ТИРЗ Прилеп, претходно тука започна да работи американскиот гигант во автомобилската индустрија „Гентерм“, каде работат околу 1.300 лица, а во тек на градба е и погонот на германскиот ВИК, кој со работа според планот треба да започне на почетокот од идната година. |
Posted By: Џоле
Date Posted: 08-Dec-2019 at 15:54
Нова клучка за поврзување на ТИРЗ Прилеп
од фб профилот на З. Заев ------------- За сè има вторпат |
Posted By: stef4o
Date Posted: 13-Dec-2019 at 14:35
|
[tube]h0JfClLO8ds&fbclid[/tube]
https://www.facebook.com/SugareskiGoran |
Posted By: Théoden
Date Posted: 13-Dec-2019 at 15:29
|
Бензиската малку ги изменила плановите.   |
Posted By: stef4o
Date Posted: 08-Jun-2020 at 11:47
|
Извадоци од видео
https://www.facebook.com/SugareskiGoran/videos/179827966794793/?__tn__=%2Cd%2CP-R&eid=ARCr5KTAFjgexyruHme48uBe26mzgf66Ywd02I8vZb6pz_YX3k029TPIykqwkybjcDwQtt9XvT4HPeE_ 
https://www.facebook.com/SugareskiGoran/ |
Posted By: stef4o
Date Posted: 26-Jun-2020 at 11:09
https://www.facebook.com/fabrikakarposh/ |
Posted By: stef4o
Date Posted: 02-Jul-2020 at 11:12
https://www.facebook.com/SugareskiGoran/ |
Posted By: stef4o
Date Posted: 20-Jul-2020 at 15:28
|
Со доизградбата на клучката кај ТИРЗ „Прилеп“ и понатаму се доцни
[tube]HGqbkxm_otY&feature[/tube] Кога конечно ќе биде готова клучката кај ТИРЗ „Прилеп“ со чија изградба се започна уште во јуни 2018-та година?! Тогашните најави беа дека овој капитален проект, со кој требаше да се забраза привлекувањето на нови странски инвестиции, треба да биде готов за 15 месеци. Меѓутоа, и по две години оттогаш, градежните работи се уште траат, а нема и ниту еден нов странски инвеститор. Министерот Горан Сугарески, вели дека во моментов немал конкретна информација зошто и понатаму се доцни, а не знаел и дали некој ќе сноси одговорност заради пробиените рокови. Инаку, изградбата на клучката кај ТИРЗ „Прилеп“, која чини околу 4 милиони евра, во изминативе две години, беше интересна за посета и фалба на безмалку цел државен врв, вклучително и на Зоран Заев. Во меѓувреме, се погласни стануваат и пелагониските стопанственици, кои реагираат на лошата патна инфраструктура во овој регион, нарекувајќи ја Пелагонија „слепо црево“. Тие бараат новата влада, ургентно да се зафатела со решавањето на овој проблем. Инаку, доцнење има и во изградбата на Експресниот пат Прилеп-Градско. Министерот Сугарески, за наредноиот месец најави распишување на два тендери за овој пат, иако во мај беше најавувано дека тендерите ќе бидат завршени најдоцна во јуни. https://alfa.mk/so-doizgradbata-na-kluchkata-kaj-tirz-prilep-i-ponatamu-se-docni/ |