<span id="Articleing">СО СРЕДСТВА НА ВЛАДАТА И ГРАДОТ</span>

<span id="ArticleSummary">Во најскоро
време ќе биде реализиран и проектот за нови живеалишта за лавот,
жирафата, фоките, кенгурите и фламенгата, животни кои ќе бидат набавени
веднаш по изградбата на локациите за нивно сместување</span>

Новите
живеалишта за тигри, два вида мајмуни, мечки рисови и волци, како и
целосна изградба на нова водоводна и канализациона инфраструктура која
треба да биде завршена најдоцна за еден месец, се само дел од
содржините кои се реализираат во скопската Зоолошка градина со помош на
средствата добиени од Владата, Градот, но и од донации. Според
директорот Анастас Петров, во најскоро време ќе биде реализиран и
проектот за нови живеалишта за лавот, жирафата, фоките, кенгурите и
фламенгата, животни кои ќе бидат набавени веднаш по изградбата на
локациите за нивно сместување. Скопската зоолошка градина секојдневно
добива нов лик, а меѓу новите содржини се најавува и изградба на
кафетерија, катче за деца и ветеринарна амбуланта со карантин за
животни.

- Парите за овие проекти се веќе обезбедени и градежните работи
течат. Сметаме дека сите овие проекти ќе можеме да ги реализираме до
крајот на годината, бидејќи имаме стручна помош и од експертите од
Европската асоцијација на зоолошките градини во која има над 300
членови. Оттаму очекуваме и донации во вид на животни, кои треба да
пристигнат штом ќе ги завршиме живеалиштата кои со новиот проект
целосно наликуваат на природната средина од која потекнуваат, вели
Петров.

Тој додава дека граѓаните треба да се стрпат, бидејќи со реализација
на овие проекти зоолошката ќе добие целосно нов европски лик, со
поголем фонд на животни.- Во план до крајот на годината е и
изградба на посебен оддел за едукација, центар во кој ќе биде сместена
и зоо-лабораторија. За овој објект е обезбедена донација од Кина.
Објектот во кој ќе биде сместена амбулантата и карантин центар за
животни, исто така се реновира, а наскоро ќе почне и изградба на
сервисна зона во која ќе се складира храната за животните, додава
Петров.Во изминатите месеци е забележан зголемен интерес на граѓаните за посета токму на Зоо-градината. Даниела ТРАЈКОВСКА

Зоолошката полека заличува на светска

Во минатата сабота Зоолошката ја посетиле 1.300 луѓе, не сметајќи ги децата

До јули Зоолошката градина ќе биде збогатена со детско игралиште, мал плоштад на влезот и фонтана над која ќе се изгради дрвено мовче, информираат градските власти. На влезот во градината ќе биде направено и едно кафуле, во кое посетителите ќе може да се освежат. Дотогаш се очекува да бидат комплетно готови и новите живеалишта за мајмуните, волците и за тигрите, со што градината ќе станува се' попривлечна за посетителите.Деновиве градината ја посети скопскиот градоначалник Трифун Костовски, кој се сретна со Жерард Баарс, советник на Европската асоцијација на зоолошки градини и аквариуми (ЕАЗА), кој и' помага на Зоолошката околу унапредувањето на условите за животните, согласно со светските стандарди. Баар го информирал Костовски за текот на реконструкцијата и за планираните активности. Освен уредувањето на влезниот дел од градината, во текот на јуни и јули ќе бидат комплетно готови и новите живеалишта за мајмуните, волците и за тигрите. Живеалиштето на волците ќе се гради спроти новите живеалишта на мечките и на рисот. Со тоа ќе се направи еден убав спој на животински видови кои и во природата живеат во иста средина - вели Баарс.Новите живеалишта за мечките и за рисот ќе бидат готови во текот на септември, а во октомври ќе биде довршена изградбата на новиот дом на гибонот и делот за животни што потекнуваат од Австралија.

- Годинава ќе почнеме со изработка на проектите за изградба на живеалишта за фламинго и за пеликани, како и за реконструкција на базенот за фоките. Се надеваме дека тие ќе бидат изградени во првите три месеци од 2009 година. Доколку сето ова се реализира, Зоолошката градина ќе може да стане економски независна, бидејќи бројот на посетители ќе се зголеми. Во минатата сабота Зоолошката ја посетија 1.300 лица, не сметајќи ги децата, што е многу голем напредок во однос на минатите години - вели Баарс.

Тој истакна дека особено важно за функционирање на градината е да има добро обучени луѓе што ќе работат со животните, оти без тоа нема да може да се достигнат европските стандарди. Баарс вели дека првпат во својата 40-годишна кариера гледа толку голема трансформација на една зоолошка градина, а во толку краток временски период и со ограничен буџет. Покрај проектите за изградба на живеалишта за жирафи и за лавови, кои наскоро ќе почнат да се градат, Баарс на Костовски му ги презентирал и идејните проекти за хортикултурно уредување на градината и идејата за изградба на македонска фарма, во која ќе бидат сместени животни од македонското поднебје. Со проектот за реконструкција на Зоолошката предвидена е и изградба на африканска савана, сервисна зона, живеалиште за нилски коњ, зоо-лабораторија, карантин, зелена куќа, куќа за диви мачки и азиски и јужноамерикански оддел.

Живеалиштата за мајмуните готови до јули

Градот стои зад проектот за реконструкција на Зоолошката градина

Активностите за реконструкција на Зоолошката градина се при крај и до јули се очекува да бидат готови живеалиштата за мајмуните, волците и тигрите, како и проектот за уредување на влезната партија. Новите живеалишта за рисот и мечките ќе бидат завршени до септември, а во октомври се очекува да финишира изградбата на живеалиштето на гибонот и делот наменет за животни кои потекнуваат од австралискиот континент. Истовремено, ќе се уреди детското игралиште, малиот плоштад, како и фонтаната над која ќе се изгради дрвено мовче. Проектот вклучува и изградба на африканска савана, сервисна зона, живеалиште за нилски коњ, зоо-лабораторија, карантин, зелена куќа, куќа за диви мачки, азиски и јужноамерикански оддел, во кој ќе се изгради и кафуле од кое посетителите ќе можат да ги набљудуваат животните.

Градот стои зад проектот за реконструкција на Зоолошката градина и дава целосна поддршка за едукација и стручно усовршување на млади луѓе кои ќе работат во неа. Целта е да се отворат нови работни места, како што е сектор за хортикулутра, технички оддел и оддел за маркетинг и комуникација, со што ЗОО ќе стане комплетно економски независна. (В.Д.)

Во Зоолошка градина ќе бидат поставени дваесетина информативни табли со исцртана карта на целиот локалитет, информираат одговорните од ЈП "Паркови и зеленило".
- Таблите се од природен материјал бор, пресувано дрво и шиндра, премачкани со заштитно средство за нивна долготрајност. Ги изработи екипа од Секторот за вонградско зеленило во соработка со Град Скопје. Во изминатиов период е изработен и еден рустик павилјон, поточно еко-училница на отворено која ќе служи за одмор и уживање на посетителите, како и за одржување на настава во природа за учениците - информираат од Паркови.
Исто така, направени се и маркирани повеќе патеки, поставени се корпи за отпадоци, а расчистен е дел од вегетацијата и зелената површина. Засадени се нови садници.

Деца каменуваа лавови

http://www.dnevnik.com.mk/?itemID=A231277B8E7E124493781C276D5D3115&arc=1 - Дневник - Јорданка Ивановска - 28.02.2008

...

Тој додаде дека идните планови на скопската Зоолошка градина се изградба на карантин и тропска куќа во која ќе има посебен дел за шимпанза, внатрешен и надворешен. Баарс нагласи дека скопската ЗОО градина има три цели: подобрување на Зоолошката, подобрување на услугите за посетителите и подобрување на квалитетот на вработените. Во моментов се врши обука на кадарот за новите стандардизирани начини на исхрана, вакцинирање, безбедност, прочистување на животните од паразити итн. Главната цел е скопската Зоолошка градина да се направи финансиски независна и преку целосната реконструкција на живеалиштата, збогатувањето на содржините и на животинските видови да се зголеми и бројот на посетители од 100.000 оваа година, на 150.000 идната година.

http://www.skopje.gov.mk/ShowAnnouncements.aspx?ItemID=1476&mid=24&tabId=1&tabindex=0 - [1] - 28.11.2007

Зоолошката во Битола плаче за реконструкција

n Кафезите се стари и руинирани, а хигиената на ниско ниво зашто градината нема ни канализациска ни водоводна мрежа

Битолската зоолошка градина стара половина век ќе се најде под клуч ако наскоро не се преземат посериозни зафати за нејзино осовременување. Таа не ги задоволува европските стандарди, бидејќи условите во неа одговараат само за одгледување домашни животни.

- Кафезите се стари повеќе од 50 години. Лани делегација од Асоцијацијата на европски зоолошки градини ги разгледа кафезите и оцени дека не одговараат на потребните стандарди и дека треба да се изградат нови. Просторот треба да биде многу поголем - објаснува Марика Димитриевска, вработена во установата. Најголем проблем е неповрзаноста на зоолошката со градска канализациска мрежа. Поради ова постои потенцијална опасност од ширење зарази.  Канализација воопшто немаме. Имаше канали, кои се стари и искршени. Отпадните води течат пред кафезите и смрди секаде. Зоолошката градина не е влезена во урбанистичкиот план на градот. Имавме поставено водоводна мрежа ама цевките се оштетија од ниските температури. Сега наводнуваме со црева - додава Димитриевска.

Министерството за култура годишно испраќа по 7 милиони денари за плати, трошоци и тековно одржување на Зоолошката. Општина Битола лани помогнала само со 100.000 денари. Овие пари не се доволни за поголеми реконструкциски зафати. Но, и покрај ваквите проблеми, директорот Пеце Калаповски со својата креативност и посветеност кон работата успева да ја разубави градината. Го зголеми животинскиот фонд, направи нови кафези за птиците, ги отстрани отпадоците од животинско потекло, спроведе дератизација. Почна и реконструкција на старата управна зграда, зашто сегашната во која се вработените, порано била кафез. Негова нова идеја е тука да ја направи единствената гробница на Балканот за домашни миленичиња. За спас на Зоолошката градина гласот го кренаа и битолските средношколци, кои вчера продефилираа низ Широк сокак облечени во костими на животни. Проектот на Локалната младинска иницијатива се одвиваше под мотото „Посети ме, спаси ме“ .  Младите апелираат до надлежните, до граѓаните и до бизнис-заедницата да ја искажат својата хуманост, купувајќи влезници или донирајќи пари за да ги подобрат условите во Зоолошката - вели Катерина Калешковска, координаторка на проектот.

Дали битолската Зоолошка ќе стане европски парк?

Повеќе европски асоцијации апелираа да се стави клуч на Зоолошката

БИТОЛА - Ќе стане ли Зоолошката градина во Битола европски зоо парк. Оваа установа која со децентрализацијата стана чедо на општината не располага со финансии за обновување. Сепак Министерството за култура отвори можност раководството на паркот со проект да аплицира за обновување на најмалата зоолошка во Европа.

Паркот под Тумбе кафе што се простира на скромни 2,21 хектари е грда слика за посетителите наместо бисер и гордост за битолчани. Таму и по педесет години од отворањето на паркот сликата не се менува. Единствено се намалува бројот на животните, а речиси и да нема од оние егзотичните. Животните се сместени во кафези со ниски стандарди. Тоа беше причина за строгите реакции на европски асоцијации кои апелираа да се стави клуч на зоолошката.

„За 2009 од Министерството за култура се одобрени седум милиони денари за зоолошката во Битола, како за плати, така за материјални трошоци и за тековно одржување на објектите. Но не се доволни за поголеми зафати“, вели Марика Димитриевска од раководството на Зоолошката градина во Битола.

Таа додава дека кафезите се многу стари и дека воопшто не одговараат на европските стандарди. Димитровска потсети дека лани била дојдена делегација од Европска асоцијација за Зоолошки градини и паркови. „Ги видоа кафезите и кажаа дека не одговараат на стандардите на Европа и дека треба да се градат нови. Не да се обновуваат постојните, туку се' она што е испустено да се замени со ново“, нагласи Димитриевска.

Најгорливиот проблем на Зоолошката е нерешената инфраструктура. Со тоа се зголемува опасноста од ширење на заразни болести и зиинози, не само меѓу вработените, туку и меѓу посетителите и населението од околните населби. Водата што се користи за чистење на кафезите наместо во канали се впива во земјата, а реата што се шири во жешките денови станува неподнослива.

„Канализација нема од формирањето на зоолошката пред пет децении. Имаше само некои канали направени со плочи. Сето тоа сега е старо, искршено и затнато. Водовод имавме, но цевките испукаа кога ги монтиравме бидејќи подолго време беа изложени на атмосферски влијанија. И пак немаме вода, се служиме со црева“, се жалат вработените.

Напластените проблеми единствено можат да се надминат со обнова на зоолошката за што треба да инвестира општината или државата. „На пример, проектот за канализација што го достави ЈП ‘Нискоградба‘ уште пред 10 години чинеше 100.000 евра. Тој зафат може да го покрие само општината. Ние сме културна установа, под ингеренции на општината“, нагласува Димитриевска.

Менаџерскиот тим на битолската зоолошка градина, со повеќе мерки и активности, одлучи да ја ребрендира оваа јавна установа и да ја направи атрактивна и попривлечна за посетителите, но и за донатори. Раководството на градината има куп проекти. Се планира научно образовен центар за заштита на флората и фауната, живеалиште за егзотични птици, воведување на туристички зоо автобус за транспорт на посетителите. А еден од најамбициозните проекти е да се направат гробишта за домашни миленичиња токму во паркот што би биле можеби единствени на Балканот.

„Нашата амбициозна програма, прифатена од Советот на општина Битола, предвидува ставање во функција на забавниот парк чија платформа од 500 квадратни метри е веќе изработена за да може непречено да се изведува куклен театар“, вели директорот Пецо Калаповски.

Нови живеалишта за тигарот и за гибонот, нова водоводна и канализациска мрежа, изградени нови тоалети и ветеринарна амбуланта за лекување на животните, се само дел од реализираните активности од проектот за целосна реконструкција на Скопската зоолошка градина. Надлежните велат дека затоа што обновата на зоолошката градина е посебен и сложен процес, и затоа што треба да се изградат специфични живеалишта што се изведуваат во согласност со посебни стандарди определени од европската асоцијација за зоолошки градини и за аквариуми, целата постапка оди етапно. Откако целиот проектот комплетно ќе се заврши, како што велат, Скопје ќе добие зоолошка градина по сите светски стандарди, а животните што ќе бидат сместени во неа ќе имаат многу подобри услови за живеење од сегашните. - Како дел од активностите за реконструкција на зоолошката градина, деновиве ќе се распише јавна набавка за изработка на проект за африканската савана. Покрај тоа, се изработува и техничката документација за конкретизирање јавни набавки за повеќе живеалишта во зоолошката градина. Дополнителна активност е и изработката на идејни решенија за тропската куќа, а во следната фаза од реализацијата на овој проект ќе бидат распишани и тендери за изработка на изведбени проекти - најавуваат од Одделението за односи со јавност на Град Скопје. Во моментов се работи и на проекти за заокружување на комплетната инфраструктура, како што се електроинсталациите, видеонадзорот, а се преиспитува можноста и за искористување на соларната енергија. За активностите што се предвидени за оваа година, од градскиот буџет има издвоено три милиони денари за проектирање и осум милиони денари за изградба на живеалишта и на инфраструктура во градината. Со реновирањето на зоолошката градина, кое почна минатата година, е предвидено тигрите, мајмуните, рисот и лавовите, како и белоглавите орли, да добијат комплетно нови живеалишта. Белоглавите орли ќе бидат сместени во волиера, која ќе биде висока 16 метри, широка 25 метри и долга некаде околу 20 метри. Моментно во Скопската зоолошка градина има осумнаесет белоглави орли, кои во природата се загрозен вид и нивниот број секојдневно драстично се намалува. Во австралискиот оддел, пак, се планира да живеат животните што се карактеристични за тој континент. Живеалиштето ќе се простира на површина од 1.500 квадратни метри, а во него ќе живеат кенгури, ему птици, црн лебед и птици лорикид. Во самото живеалиште ќе има и базен, ќе се засадат дрвја и ќе се монтираат две куќички, од кои во едната ќе живеат кенгурите а во другара ќе живеат птиците. Живеалиштето на гибонот ќе биде во вид на куќарка што ќе биде сместена веднаш до езерцето. Во водната површина, пак, ќе бидат поставени вештачки дрвца поврзани со јажиња, за гибонот од куќарката да може полесно да дојде до островчето во самото езерце. Според процените, целосната реконструкција на зоолошката градина би чинела некаде околу три милиони евра. Градината се простира на површина од 97.000 квадратни метри и располага со 503 животни, од кои 261 птица од 36 вида, 42 различни видови цицачи или вкупно 226 животни, како и 16 влечуги од осум вида.

Најдоцна за еден месец градината ќе добие триесетина нови станари, кенгури, антилопи, којоти...

Деспина Трајковска


Заштитни двојни огради, од кои едниот дел е струен, нови триесетина животни, ветеринарна амбуланта и едукативен центар за ученици и разгледување со вовче, се само дел од приоритетите на чија интензивна реализација неодамна работи именуваниот директор на Зоолошката градина, Дане Кузмановски. Иако е свесен дека во градината допрва треба да се преземаат големи чекори за да достигне достојно ниво, убеден е дека ентузијазмот и контактите кои веќе ги остварил со градините од регионот, во голема мера ќе му помогнат во реализација на идеите.

Заштитните огради веќе почнале да се монтираат на новоизградените живеалишта, како и на оние што се во финална фаза на изработка. Целта на оградите првенствено е да се загарантира безбедноста на животните, но и на посетителите, а бенефитите, како што вели Кузмановски, веќе се видливи.

„Едниот дел од двојната ограда е приклучен на струјно коло, така што сега е неизводливо некој несовесен посетител, на пример, да протнува шипки и да ги малтретира животните. Истовремено, некои од оградите се изведени и во комбинација со стакло, со што е оневозможено фрлање храна во живеалиштата, така што сега животните се речиси 100 отсто обезбедени од несовесни посетители кои во неколку наврати изминативе години предизвикаа несакани последици“, вели Кузмановски.

Среќен е што за кусо време откако е на функцијата обезбедил контакти со неколку ЗОО од регионов и пошироко, со кои веќе договорил збогатување на животинскиот фонд за нашата градина. Имено, најдоцна до јануари по дваесетина години Зоолошката ќе добие два кенгура, три антилопи, четири којоти, три ракуни, две зебри, пар црни лебеди, бел питон, пирани...Дел од животните ќе бидат донација од загрепската и од белградската ЗОО, од градината од Љубљана, како и од зоолошките градини од Белгија и од Холандија. Сите тие животни ќе се вселат во комплетно нови или адаптирани живеалишта. Во тој период Кузмановски очекува да завршат и постапките за избор на изведувач за изградба на живеалишта за лисици и ракуни, за мечки, за жирафа и слон, мал алигатор и пирани, кои иако се' уште ги нема во градината, директорот е во преговори за нивно обезбедување.

Паралелно со овие активности, новата „постава“ на ЗОО работи и на реализација на проектот за изградба на ветеринарна амбуланта за интерна употреба на градината како и изградба на едукативен центар. Се очекува и двата објекта да бидат комплетно изградени и функционални за помалку од половина година. Инаку, веќе завршено е живеалиштето за волците, во кое животните се веќе преселени, а привршува адаптацијата на живеалиштето за пауните и кокошките, како и на тоа за белоглавите орли.

„Практично, со овие живеалишта десниот дел од градината, гледано од влезот, ќе добие речиси 70 отсто ново руво, по што ќе се префрлиме на обнова на останатиот дел од градината“, додава Кузмановски и тврди дека само навидум животните во овие зимски услови се прегладнети и незатоплени. Вели дека веќе се применува зимскиот режим за живот и исхрана на сите станари во ЗОО и дека неодамна направените здравствени проверки потврдуваат дека животните се во добра здравствена кондиција.

Инаку, засега нема најави дека шимпанзото Коко, кој е на рехабилитација во Холандија, наскоро ќе се дружи со скопјани. Тој е одлично приспособен во новиот дом, иако се' уште не му е најдена партнерка и потребен му е уште извесен период на рехабилитација.

Пролет со мајмуни, којоти и кенгури во Зоолошка

Наскоро во градината ќе се отвори интерна амбуланта и едукативен центар

Деспина Трајковска

Пар лемури од Белгија, мајмуни со прстенести опашки се очекува задутре да пристигнат во Зоолошката градина. Овие мајмуни, кои ќе се сместат во новоизградено живеалиште, се само дел од листата животни кои треба да стасаат во ЗОО најдоцна за еден месец. Денови се одбројуваат кога нови жители на градината ќе станат и две зебри, три антилопи, црн лебед и четири гнуа (вид антилопа) од Загреб, како и два кенгура од Зоолошката од Љубљана и четири риса од Франција.

Директорот на ЗОО, Дане Кузмановски, временските услови и проблемите со транспортот ги наведува како причина за доцнењето на животните кои требаше во најголем дел да пристигнат уште пред еден месец. Во меѓувреме, надлежните преговараат во Зоолошката градина да се донесат новородени фоки, како и по еден пар слонови и жирафи, животни кои со децении ги нема во нашата ЗОО.

„Повеќе од сигурен сум дека ќе успееме да ги донесеме овие животни, особено што во моментов се работи на проекти за изградба на нивни живеалишта, со што ќе им обезбедиме соодветни услови за живот“, вели Кузмановски според кого, новите жители на градината, донесени од белградската ЗОО веќе се приспособиле на нашите услови. Речиси еден месец скопјани можат да ги видат волците, којотите, црниот лебед и питонот, донесени од северниот сосед.

Инаку, освен што во изминативе два месеца е збогатен животинскиот фонд, во ЗОО интензивно се работи на подобрување на условите за живот на животните. Се вршат санации на живеалиштата, но, генерално, се работи на изградба на нови живеалишта. При крај е изградбата на три катчиња за птици, привршува „домот“ за лисицата и мечките, а во тек на проектирање и изградба се живеалиштата за алигатори, пирани, слон и жирафи, кои според најавите, ќе стасаат до лето. Во завршна фаза е и проектот за отворање едукативен центар и интерна ветеринарна амбуланта, за која моментно се обезбедуваат соодветни дозволи за работа.

„Преговараме и за вработување ветеринар и едукатори, кои ќе бидат ангажирани во едукативниот центар. Најверојатно, во центарот ќе има организирани посети од училишта и градинки, но на предавањата ќе можат да присуствуваат сите заинтересирани посетители“, вели Кузмановски, кој е задоволен што во изминативе три месеци откако раководи со ЗОО не се забележани немили настани предизвикани од посетителите. Најверојатно, смета тој, тоа се должи на поставените заштитни двојни огради кај некои од живеалиштата, чекор што го направи Кузмановски веднаш по преземањето на директорската функција.

http://utrinski.com.mk/?ItemID=206D0B31545C0C43AA3FECBAB1C4353A

Конечно, кенгури во Зоолошка

За првпат од постоењето на Зоолошката градина посетителите ќе може да видат и кенгури. Животинскиот фонд ќе се збогати од четврток, кога се очекува пристигнувањето на овие егзотични животни. Од ЗОО потенцираат дека ова не е првоаприлска шега, туку остварување на најавите за подарок од Зоолошката градина од Љубљана. Станува збор за пар кенгури, мажјак и женка, стари 1,5 година од кои во наредниот период може да се очекуваат и принови. Кенгурите со директен авионски лет се очекува да слетаат во Скопје околу 14 часот. Нивното пристигнување во ЗОО, пак, е планирано за 16 часот. Надлежните ги повикуваат сите заинтересирани да присуствуваат на овој несекојдневен настан. Влезот за најмладите ќе биде бесплатен.

Дане Кузмановски, директор на ЗОО, вели дека за новите жители е изградено сосема ново живеалиште. Освен што ќе се пречекаат кенгурите, утре во ЗОО и симболично ќе биде предадена една донација. Фирмата „Тобако“ на градината ќе и' подари возило за достава на храна на животните.

Инаку, од вчера шесте лава се преселени во ново живеалиште. Токму поради дислокацијата, викендов посетителите на ЗОО не можеа да ги видат ѕверовите зашто, како што објаснуваат надлежните, биле успани заради безбедност при преселбата. (Дс.Т.)