Улица Железничка
Printed From: build.mk
Category: Главни теми
Forum Name: Градска инфраструктура
Forum Discription: Улици, булевари, сигнализација, јавен превоз...
URL: http://www.build.mk/forum/forum_posts.asp?TID=2271
Printed Date: 01-May-2025 at 08:12
Topic: Улица Железничка
Posted By: pbanks
Subject: Улица Железничка
Date Posted: 28-Mar-2013 at 22:37
|
Денеска видов информација (која сега неможам да ја најдам) дека ул. Железничка ќе се проширува во следниот мандат на Коце. Генерално проектите со проширување/реконструкција на улици му се во ред но овој сосема ме збуни. Каква е потребата за проширување на оваа улица? Токму оваа улица е една од најпроточните во центарот на градот и редовно ја користам за транзит кон бул. Кочо Рацин или кон Кисела Вода. Освен делот со вртење кон Јужен булевар нема никаква проблематична точка а повремените гужви на раскрсницата кај подвозникот е поради слабата проточност на Огњан прица (една лента за право) а не поради некоја друга причина. Асфалтот е во одлична кондиција. Последната реконструкција беше во времето на Пенов (мислам во првиот мандат) и е еден од подобро сработените проекти што може да се види на терен. И на крајот. Што викаат урбанистичките планови (ги прашувам ДУП/ГУП енциклопедиите како Кловер). Дали воопшто тука имаме зацртано улица 2х2? |
Replies:
Posted By: daci92
Date Posted: 28-Mar-2013 at 22:55
|
Барајќи го ГУПот да видам за што пбанкс спомна наидов на ова http://skopje.gov.mk/images/Image/Podzemna%20soobrakajnica.pdf и ме интересира дали само јас неможам да прочитам ништо во документот или кај сите е така ? |
Posted By: pbanks
Date Posted: 28-Mar-2013 at 23:12
| Јас го читам нормално |
Posted By: daci92
Date Posted: 28-Mar-2013 at 23:16
Добро еве и кај мене сега се оправи. Иначе на ГУПот неможев да забележам дали има предвидено 2х2 но мислам дека нема. ПС: по ново ул.Железничка се вика Јордан Мијалков? |
Posted By: mr bombastic
Date Posted: 29-Mar-2013 at 02:41
 Да Даци, новото име на "Железничка" е "Јордан Мијалков"  |
Posted By: Cloverstack
Date Posted: 30-Mar-2013 at 15:26
Според последните планови, предвидена е сообраќајница со 3+2 ленти, со одвоени коловози. Очигледно концептот е за еднонасочна улица, каде тие две дополнителни ленти всушност претставуваат колекторска улица. Арно ама самата улица Железничка е колекторска улица (за Јужен булевар), така што овој колектор за колекторот е само уште една капка во океанот глупости кој го удави рационалното планирање на градот. На господата „планери“ очигледно не им е јасно која треба да биде улогата и како треба да функционира улицата Железничка. Но како што кажав, ова е само една капка... Каква прекрасна основа за оптимален инфраструктурен развој имаше овој град (благодарение на просторот што го создаде земјотресот и квалитетното постземјотресно инфраструктурно планирање), а каква колосална и непоправлива штета му се прави во последниве години, тоа е ужасно! BTW во правец од Водњанска кон Бихачка, вклучувајќи го јужен булевар, вака би имало 8 или повеќе ленти во еден правец, сконцентрирани во практично еден сообраќаен систем. Како со секира да ги делкаат урбанистичкиве планови... Се надевам дека е јасен извадокот од ДУП-ов:  |
Posted By: mirko
Date Posted: 30-Mar-2013 at 17:05
| jas mislam deka ova go pravat kako resenie pred da se zatvori juzen bilevar poradi podzemnoto resenie na istiot , pa se dodeka se raboti tami ( sigurno 2-3 ) godini da moze soobrakajot vo toj reon da ne trpi |
Posted By: pbanks
Date Posted: 03-Apr-2013 at 11:01
|
Ова е можеби разумно објаснување, но сепак сум скептик дека мотивите се тие. Исто така сметам дека ефектот би се постигнал со. - расчистување на најлевата лента која моментално се користи за паркинг - проширувањето на раскрсницата кај подвозникот која е фактички тесното грло |
Posted By: vlatko.mk
Date Posted: 09-Jun-2013 at 11:29
|
Мислам дека реконструкцијата на улицата Јордан Мијалков е приоритетен проект и ќе мора брзо да се заврши - односно пред почетокот на работите на Jужен бидејќи оваа сообраќајница ќе биде алтернитива на јужен во насока центар - кисела вода
Незнам каков е проектот во основа но важно е ако улицата остане со 2 ленти истите цело време да бидат проодни и асфалтот да биде во добра состојба. Нешто што ме интересира е дали ќе изведат некаква привремена врска со јужен пред крстосницата со цел сообраќајот кој оди кон кисела вода да може да се насочи кон скоро проширената Првомајска наместо кон Огњан прица??? 
|
Posted By: alexsend
Date Posted: 25-Jun-2013 at 19:45
|
ОГЛАС ЗА ДОДЕЛУВАЊЕ НА ДОГОВОР ЗА ЈАВНА НАБАВКА
Реконструкција и проширување на ул. Јордан Мијалков (Железничка) од раскрсница со бул. Мајка Тереза до ул. Павел Шатев Јавното отворање на понудите ќе се одржи на денот и во часот определен како краен рок за доставување на понудите и на следното место: 08.07.2013 во 13.00 часот Место: Град Скопје, барака бр.13 Понудата важи 90 дена, значи доколку се е во ред можно е да се започне со работа пред нова година (со оглед на искуството со Првомајска каде зимото иако со добри услови два месеци ништо не се работеше подобро да остават за март.) ------------- Јас Скопје никогаш не сум го замислувал вака. |
Posted By: гитардемон
Date Posted: 28-Sep-2014 at 19:03
Знае некој од кога е узурпиран тротоарот и дрвјата се исечени?
 ------------- Arguing on the internet is like running at the special olympics. Even if you win, you're still retarded. |
Posted By: gjoko
Date Posted: 28-Sep-2014 at 23:18
| тука тебаше нели трета трака да се прави |
Posted By: Cloverstack
Date Posted: 30-Sep-2014 at 21:50
|
Тука трета лента веќе си имаше - две ленти се користеа за возење, а една за паркирање. Инаку ситуацијата беше невообичаена затоа што паркирањето се вршеше на левата лента (бидејќи од десната страна паркирање се практикува на тротоарите). Проектот што сега се реализира опфаќа дополнителен коловоз со сервисна коловозна лента и со паркинг лента (вкупна ширина од 6 метри) и разделна жардиниера поставена помеѓу ул. Железничка и новиот коловоз. |
Posted By: alexsend
Date Posted: 01-Oct-2014 at 07:28
| Којзнае дали се извршуваат градежни работи зад тарабите... |
Posted By: Cloverstack
Date Posted: 07-Jan-2015 at 02:11
|
Зад тарабите ништо особено... Не знам зошто им требаше оградувањето на лентата за паркирање и сечењето на дрвјата кога веќе не почнаа веднаш со работа. И едното и другото можеше сите овие месеци да си ја врши улогата и да биде оставено за ден-два пред вистински да почнат со работа. 1  2  |
Posted By: ehrlich
Date Posted: 07-Jan-2015 at 12:56
Ама така не оддава дека ко божем се работи нешто низ градов 
Исто како што Митрополитет Теодосиј веќе седум месеци со цела потребна механизација покрај него стои раскопан. |
Posted By: jyvation
Date Posted: 01-Apr-2015 at 23:10
|
Четири месеци доцни проширувањето на улицата „Јордан Мијалков“
Започнат со изведба на почетокот од јули 2014 година, проектот за реконструкција и проширување на улицата „Јордан Мијалков“ во центарот на Скопје сè уште не е комплетиран. Реализацијата на овој инфраструктурен објект доцни веќе четири месеци, со што е пролонгирано и надминувањето на постоечкиот сообраќаен метеж што секојдневно се создава на оваа сообраќајница во близина на Клиничкиот центар. Од Градот Скопје за „Билд“ велат дека одолговлекувањето со градежните работи е поради временските услови кои влијаат врз намалување на интензитетот на планираните активности. 
Градските власти се надеваат дека реконструкцијата и проширувањето на улицата „Јордан Мијалков“ ќе заврши до крајот на мај. Периодов паралелно се работи на реконструкција на комплетната водоводна мрежа со сите постојни приклучоци и на дел од канализационата мрежа. Во претстојните месеци ќе се изврши изградбата на трета коловозна лента со улично осветлување, но и на сервисна коловозна лента со паркинг. Коловозот на оваа скопска сообраќајница се проширува на потегот од крстосницата со улицата Герман до пред крстосницата со улицата Павел Шатев, во должина од 750 метри. 
Финансиската конструкција за проширување на улицата „Јордан Мијалков“ изнесува 47 милиони денари. Изведувач на градежните работи е фирмата „Пелагонија“ од Гостивар, додека јавното осветлување ќе го постави фирмата „Дигитал“ од Струмица. http://www.build.mk/?p=43911 - http://www.build.mk/?p=43911 |
Posted By: alexsend
Date Posted: 05-Jun-2015 at 17:25
Да не претераат со проширување само
 ------------- Јас Скопје никогаш не сум го замислувал вака. |
Posted By: jyvation
Date Posted: 12-Jun-2015 at 10:14
|
Нова лента на улицата Јордан Мијалков
Се подготвува теренот за асфалтирање нова лента на улицата Јордан Мијалков, поранешна Железничка. 
http://www.skopjeinfo.mk/gradot/894136872/nova-lenta-na-ulicata-jordan-mijalkov-foto- - http://www.skopjeinfo.mk/gradot/894136872/nova-lenta-na-ulicata-jordan-mijalkov-foto- |
Posted By: fichot
Date Posted: 12-Jun-2015 at 11:28
хахаха 
|
Posted By: Џоле
Date Posted: 21-Jun-2015 at 22:20
 ------------- За сè има вторпат |
Posted By: fichot
Date Posted: 22-Jun-2015 at 06:31
|
Тоа одделеното велосипедска патека е?
|
Posted By: Џоле
Date Posted: 22-Jun-2015 at 09:11
|
Тешко дека ќе да е за тоа... Повеќе ми личи на средишен „остров“ за одделување на сообраќајните ленти. ------------- За сè има вторпат |
Posted By: гитардемон
Date Posted: 22-Jun-2015 at 09:51
|
Си викам пристапна улица ќе биде за паркинзите/трговските итн, бидејќи Железничка е едносмерна, па некако да се овозможи движењето во спротивен правец. ------------- Arguing on the internet is like running at the special olympics. Even if you win, you're still retarded. |
Posted By: <Fresno>
Date Posted: 22-Jun-2015 at 13:03
| Двосмерна ќе биде, поради затварањето на Јужен. Ми изгледа како 2+3. |
Posted By: alexsend
Date Posted: 22-Jun-2015 at 15:03
|
Мене ми личи на пристапна улица. ------------- Јас Скопје никогаш не сум го замислувал вака. |
Posted By: daci92
Date Posted: 22-Jun-2015 at 18:30
| Пристапна е за објектите кој треба да се изградат. |
Posted By: Џоле
Date Posted: 28-Jun-2015 at 22:44
Улицава е асфалтирана. Има три ленти. Другата улица за која зборувавме погоре ќе биде пристапна/сервисна улица, како што веќе спомена Даци.
 ------------- За сè има вторпат |
Posted By: FCB
Date Posted: 29-Jun-2015 at 01:52
| Зошто во Скопје не се практикува паралелно паркирање? Нели е подобро од вака испопаркирани коли по тротоари кој кај ке стигне. Кога се прават вакви проекти треба да се мисли и за паркирањето. Улиците не се само за возење туку се и за паркирање. Според сликите гледам имале простор да го изведат. |
Posted By: stratus
Date Posted: 29-Jun-2015 at 09:47
| И јас истото го помислив. Патем со оглед на проблемите за паркирање низ цело Скопе, мислам дека тој е наједноставниот начин, едноставно од некои улици една лента да биде за паралелно паркирање. Тоа го има низ доста градови низ Европа, најблизок пример Солун. |
Posted By: Staro Skopje
Date Posted: 29-Jun-2015 at 10:20
|
На дел од пошироките улици во постземјотресните населби се практикува паралелно паркирање +1 лента во секој правец, како и паралелно паркирање од двете страни +1 лента во еден правец, а има уште многу улици каде што би можело тоа да се изведе, се надевам ќе биде наскоро. ------------- Градот убав никна, но го откорнаа |
Posted By: jyvation
Date Posted: 02-Jul-2015 at 14:41
|
И официјално заврши реконструкцијата..
ЈОРДАН МИЈАЛКОВ ДВОНАСОЧНА КОГА ЌЕ СЕ ГРАДИ ЈУЖЕН БУЛЕВАР Кога ќе почнат градежните работи на Јужниот булевар, за да се надмине тесното грло кое би се јавило во овој дел од градот, Јордан Мијалков ќе стане двонасочна, тоа значи со две ленти во еден правец и една во другиот" велат од кабинетот на градоначалникот Коце Трајановски. Улицата Јордан Мијалков останува еднонасочна. Град Скопје заврши со реконструкција на оваа сообраќјница, која сега има три ленти во правец кон Кисела Вода. Од Град Скопје велат дека засега на улицата останува истиот сообраќаен режим како пред реконструкцијата, се додека не почне да се гради јужниот булевар под земја. "Кога ќе почнат градежните работи на јужниот булевар, за да се надмине тесното грло кое би се јавило во овој дел од градот, Јордан Мијалков ќе стане двонасочна, тоа значи со две ленти во еден правец и една во другиот", велат од кабинетот на градоначалникот Коце Трајановски. Од Град Скопје не добивме одговор кога ќе старува изградбата на јужниот булевар. Минаа три година откако Градот потпиша договор со турската фирмата "Лимак Холдинг", која треба да ја гради сообраќајницата, но на терен нема никакви активности. 
При потпишувањето на договорот во март 2012 година, со кој се прецизираа меѓусебните права и обврски, Градот им го отстапи земјиштето за изградба на булеварот, а турците се обврзаа дека најдоцна за една година ќе стартуваат со градежни работи. Турската фирма "Лимак" за околу 2 милиони евра купи државно земјиште со површина од 31.929 метри квадратни. Според договорот со Град фирмата има обврска на свој трошок да ја изгради подземната сообраќајница, како што е предвидено со Деталниот урбанистички план "Стара железничка станица". Потоа над сообраќајницата може да гради згради, трговски центри, деловни објекти и хотели, со максимална висина од 20 ката плус приземје. Новата сообраќајница треба да биде 6 метри под земја, долга 800 метри и со по три коловозни ленти во двата правци. http://www.vest.mk/default.asp?ItemID=E42B8E7DB53178459F7B7F9638E708AF - http://www.vest.mk/default.asp?ItemID=E42B8E7DB53178459F7B7F9638E708AF |
Posted By: jyvation
Date Posted: 13-Jul-2015 at 00:41
|
Улицата „Јордан Мијалков“ реконструирана во должина од 550 метри, доби и сервисна лента со паркинг
Скопската улица Јордан Мијалков (поранешна улица Железничка), која во изминатиов период се прошируваше и реконструираше на потегот од крстосницата со улицата Герман до пред крстосницата со улицата Павел Шатев, денеска беше свечено отворена за сообраќај од страна на премиерот Никола Груевски и градоначалникот Коце Трајановски. Должината на опфатениот сегмент изнесува околу 550 метри. Сообраќајница сега има три коловозни ленти со ширина од по 3,25 метри (претходно имаше три коловозни ленти широки по 3 метри, од кои едната се користеше за паркирање), но и сервисна коловозна лента со паркинг, со широчина од 6 метри и со должина од 200 метри. Од едната страна е изведен нов тротоар, поплочен со бехатон плочки. 
Реконструкцијата беше искористена за да се постави нова атмосферска канализација, а се изврши и реконструкција на постојната водоводна (Ф-200) и фекална (Ф-300) мрежа. Осветлувањето се состои од 19 столбови на кои се поставени 32 натриумови светилки. На осветлувањето работеа екипите на фирмата „Дигитал“ од Струмица, а Градот Скопје за оваа намена потроши околу 2 милиони денари. Самите градежни работи на улицата ги изведе градежната компанија „Пелагонија“ од Гостивар, за што ѝ беа исплатени 43 милиони денари. Реализацијата на проектот доцнеше повеќе од половина година. http://www.build.mk/?p=45336 - http://www.build.mk/?p=45336 |
Posted By: fichot
Date Posted: 13-Jul-2015 at 01:00
|
"сега има три коловозни ленти со ширина од по 3,25 метри (претходно имаше три коловозни ленти широки по 3 метри, од кои едната се користеше за паркирање)"
|
Posted By: Petar Skopje
Date Posted: 13-Jul-2015 at 08:49
| Димензиите на тротоарот се смешни.Ама пешаците и онака не се битни. |
Posted By: zabegan
Date Posted: 15-Jul-2015 at 05:05
------------- Architects create dreams...politicians create nightmares |
Posted By: N23
Date Posted: 16-Jul-2015 at 15:20
------------- 23ka.wordpress.com |
Posted By: Џоле
Date Posted: 16-Jul-2015 at 16:06
Една воздушна снимка:
преземена од фејсбук профилот на Град Скопје ------------- За сè има вторпат |
Posted By: kultuzin
Date Posted: 16-Jul-2015 at 22:48
| Sreka sto napravija strategija za velosipedi inaku kaj ke ni bese krajot. |
Posted By: xnx
Date Posted: 17-Jul-2015 at 08:23
| skopje velograd na delo. znaev deka lik kako koce ednostavno nema kapacitet za vakvo nesto |
Posted By: Staki
Date Posted: 17-Jul-2015 at 09:19
| Колку време се збореше дека ќе биде со 4 ленти реконструирана улицава. Па сега излезе ај ќе ја прошириме кога ќе ја направиме подземната улица. Улицата ги има истите димензии како и претходно, само што веќе нема паркирани коли од левата страна и е ставен нов асфалт. Тоа е од реконструкцијата и наводното проширување на улицата. Се направи и дополнителна сервисна уличка која зема дел од Урбан парк и нема никаква улога во моментов, освен паркинг за 10-тина коли. Плус да се спомене и дека оваа улица влегува во улиците од мастер планот за велосипедска патека, а нема нигде простор велосипедска патека да се стави во моментов. Само не ми е јасно зашто требаше толку долг период да помине за да се стави нов асфалт. Ова е тотална дезорганизација и конфузија од страна на Град Скопје. |
Posted By: Glava
Date Posted: 17-Jul-2015 at 09:20
| Наместо 3 ленти подобро ќе беше да ја направеја со 2 ленти за автомобили и по 2 ленти (од двете страни) за велосипеди. |
Posted By: kultuzin
Date Posted: 17-Jul-2015 at 09:33
A koj ima. Glupo e da se okrivuvat poedinci ili partii. AKO Nisto drugo KOCE barem se obiduva da napravi nesto STO pred toj da dojde na vlast voopsto ne ni bilo TEMA na razmisluvanje vo gradot. Toa sto vo drzavata nema KAPACITET za seriozno ravnopravno vklucuvanje na velosipedot vo soobrakajot e kolektiven a ne Problem na poedinec. |
Posted By: kultuzin
Date Posted: 17-Jul-2015 at 09:35
Tocno taka. Fakt e deka velosipedot seuste ne se zima SERIOZNO pri proektiranjeto na ulicite i bulevarite. No dobro e sto se gradi a koga ke dojde vreme lesno e da se nacrtat crveni pateki i da se prosirat velosipedskite pateki. |
Posted By: Petar Skopje
Date Posted: 18-Jul-2015 at 23:36
| Skopje velo grad- in your dreams.. |
Posted By: Petar Skopje
Date Posted: 08-Dec-2015 at 19:41
Вчера поминав тука и за жал не фотографирав. Овок микро тротоар сега се користи како паркинг за возила воглавном она вработени во МВР. Така што мора да се оди по коловоз. |
Posted By: Petar Skopje
Date Posted: 25-Dec-2015 at 16:58
Еве како изгледа тротоарот на улица Железничка. Кога Коце прави улица ова е резулатот. Ако сте пешак, жалам откажете се..
|
Posted By: СК
Date Posted: 27-Dec-2015 at 10:48
| па шо е коце тука крив?? тука е крив само страотно длабокиот простотилук на мк-шоферот, па после полицијата шо не залепуе казни као летки... на 20 метра има бре гаража шо зјае празна....и плус не ви е барокна.... оооооофф мукооо моја македонска.... |
Posted By: fichot
Date Posted: 27-Dec-2015 at 11:50
| ех, кој ќе оди со полн мев од кафана до катната. :P |
Posted By: stef4o
Date Posted: 27-Dec-2015 at 14:05
| Ovakva e i ulicata Simeon Kavrakirov vo Micurin,no tuka vo blizina nema katna garaza nitu nekoj pogolem parking. Samo se gradat nekoi novi zgradi pa posle toa epten ke nema kade da se parkira. |
Posted By: Glava
Date Posted: 27-Dec-2015 at 20:47
|
Во услови кога очигледно полицијата не е доволно ефикасна против паркирањето на тротоар, не разбирам зошто градските власти не градат високи тротоари на кои обичен автомобил нема да може да се искачи без сериозно оштетување.
Ако не се лажам во Струга поголем дел од тротоарите се токму така направени за да превенираат паркирање на автомобили. |
Posted By: stef4o
Date Posted: 19-Apr-2021 at 12:30
Улица „Железничка“ си го врати старото име, ама доби нови дупки
Една од најпрометните улици во градот „Железничка“ со бранот на преименувања што го направија градските власти пак си го носи старото име откако повеќе години беше означена како улица „Јордан Мијалков“. Но, враќањето на старото име не значеше дека улицата ќе биде во подобра состојба, а што им е најважно на граѓаните кои со свои возила поминуваат по неа. Напротив, на улицата секојдневно се појавуваат нови и нови дупки во асфалтот, посебно на нејзиниот почеток, кај крстосницата со булеварот „Водњанска“. Па така, деновиве се појави уште една голема дупка која претставува голема опасност возилата да бидат оштетени. Така е веќе неколку дена, а надлежните се уште не реагираат. Којзнае, можеби во ваква состојба улицата ќе дочека и ново преименување, што пак ќе се пропагира како големо достигнување. https://skopskoeho.mk/ulitsa-zheleznichka-si-go-vrati-staroto-ime-ama-dobi-novi-dupki/ |