Влезот во Градска болница со три ленти

Градот Скопје деновиве ќе ги заврши градежните зафати за проширување на сообраќајниот пристап кај Градската болница, со што ќе се реши проблемот со метежот што се создава на овој простор и ќе се обезбеди полесен пристап на болничките возила. Според проектот, се проширува делот од пристапната сообраќајница, од страна ГТЦ за 1,5 метри, со што наместо досегашните две ленти за влез на паркингот и во Градската болница, се добиваат три ленти. Една лента води кон Градската болница, додека другите две ленти служат за излез и влез на паркингот. Лентата за влезот во болницата ќе биде физички одделена од другите две ленти со поставување многу високи рабници. По завршување на градежните работи, ќе биде поставена и нова сигнализација, а Градска болница треба да постави рампа во почетокот на улицата со дигитално управување. (С.Н.)

Од денеска во функција новата улица кај „Рамстор“

Денеска ќе биде ппредадена во употреба новата улица меѓу ТЦ „Рамстор“ и Музејот на Скопје. Улицата ќе биде единствената официјална привремена сообраќајна врска меѓу улицата „Мито Хаџивасилев Јасмин“ и Јужниот булевар. Со пробивањето на ова решение, возачите нема повеќе да ја користат уличката кој минува зад „Рамстор“ и се приклучува на „М.Х.Јасмин“, бидејќи таа ќе биде затворена за сообраќај. Со ова, сметаат во Градот Скопје, ќе се намали сообраќајниот метеж што се создаваше при приклучување на возилата од едната на другата фреквентна сообраќајница. Новата улица е долга околу 50 метри, а широка 5,5 метри и има две коловозни ленти. (С.Н.)

Државата го притисна Градот да го санира коловозот на улица „Македонија“

Коловозот мора да биде дотеран најдоцна до крајот на неделава

Градските власти минатиот викенд се зафатија со прередување на коцката на третата делница од улицата „Македонија“. Неофицијално дознаваме дека интервенцијата се должи на барањето на одредени државни институции кои веќе не можеле да поднесат службените возила да им минуваат низ „кратерите“ на улицата. Наедно, функционерите се срамеле пред гостите од странските делегации кои за да стасаат до Собранието, неретко ја користат и оваа сообраќајница преполна со дупки и оштетувања.

За да ја ублажат очајната состојба на улицата, која во изминатите месеци кога Општина Центар вршеше неколку градежни активности стана една од најруинираните, градските власти почнаа да ја отстрануваат уништената коцка, која потоа ја исфрлаат. Неоштетената коцка, пак, ја прередуваат, а за пополнување на дупките користат од резервите што останаа од коцката што беше извадена од плоштадот и од улицата „Македонија“.

Градот добил ултиматум да ја поправи улицата најдоцна до петок.

Од Општина Центар не се вклучени во оваа активност, бидејќи, како што велат, сообраќајницата е под надлежност на Градот. Во Центар вчера дури и не беа информирани што се работи таму, ниту дека работат градските власти, иако практично станува збор за општинско подрачје и улица на која сите досегашни интервенции, и на поплочување на пешачките делови и на тротоарите на третиот дел, ги правеше токму Општина Центар. Во тој период, токму од градежните машини настанаа и најголемите оштетувања на коловозот. (Дс.Т.)

Надвозникот „Дијамант“ ќе добие нова ограда

Ќе се менува старата метална ограда на надвозникот „Дијамант“, во населбата Автокоманда, информираат градските власти. Активноста ќе ја спроведат екипи на Јавното претпријатие „Улици и патишта“.

- Оградата ќе биде заменета со нова, бидејќи старата е во многу лоша состојба. Менувањето ќе се одвива во пет фази и ќе трае неколку дена - информираат од Градот.Поради градежните зафати, на надвозникот ќе биде воведен посебен привремен режим на сообраќајот. Возачите за тоа ќе бидат навремено информирани со соодветна сообраќајна сигнализација.Градските власти апелираат до граѓаните да возат во согласност со новиот режим и да ја приспособат брзината кон условите на патот.

ЗА ПРВПАТ ВО КИСЕЛА ВОДА И ВО МАКЕДОНИЈА

Пешачките премини со светлосни сензори

На три пешачки премини на улицата Првомајска во Општина Кисела Вода, каде што нема семафори, поставени се светлечки тела кои ќе се палат на сензор, а ќе служат како предупредување за возачите да ја намалат брзината. Светлосните уреди, кои според надлежните, се први од ваков вид поставени во Македонија, се вградени во коловозот, но светилки се поставени и на метален столб над знакот за пешачки премин.

- Овие светлосни тела реагират на сензор доколку пешаците тргнат да ја преминуваат улицата. Се работи за пилот-проект кој се реализира со донација од Републичкиот сојуз за безбедност во сообраќајот, наменета за Град Скопје. Инаку, ваквиот уред се поставува од причина што според показателите што ги имаат надлежните институции, токму на оваа сообраќајница се случуваат најголем број на сообраќајни незгоди во кои страдаат пешаците. Останува уште светлосните уреди да се поврзат на електрична мрежа и тие ќе бидат пуштени во функција, објаснуваат од Општината. Оттаму велат дека проектот е инициран од Општина Кисела Вода, а светлосните уреди ги поставува јавното градско претпријатие "Улици и патишта".

НА ПАТОТ ЦРЕШЕВО-ВИНИЧЕ

Сферно огледало за поголема безбедност

На локалниот пат од населеното место Црешево кон Виниче, Општина Гази Баба, деновиве е поставено сферно огледало заради непрегледност и повеќе сообраќајни незгоди кои тука речиси секојдневно се случуваат. Од Општината објаснуваат дека огледалото се наоѓа на излезот од населеното место Црешево кон Винице.

- Овој пат секојдневно го користат повеќе од 1000 жители. И во иднина се планираат да бидат поставени сферни огледала на сите критични точки на територијата на Гази Баба, со оглед дека зголемуванјето на безбедноста на локалните патишта е еден од приоритетите на општината, велат надлежните од Гази Баба.

www.skopje.gov.mk

Заради поголема безбедност во сообраќајот и поблаго свртување налево, екипи на Градот Скопје го скратија пешачкиот остров на раскрсницата на булеварот Свети Климент Охридски со улицата Железничка. Со скратувањето на пешачкиот остров проширена е коловозната лента на улицата Железничка.

  

На терен работеа екипите на ЈП „Улици и патишта“. Тие во изминативе денови ги пополнуваа и ударните дупки на булеварот Свети Климент Охридски во близина на Домот на печат при што е санирана површина од 200 квадратни метри. Обновени се и делови од тротоарот на површина од 26 квадратни метри.

http://www.skopje.gov.mk/images/Image/stolbcinja%2014.12.2011.jpg"> Заради зголемување на безбедноста на пешаците екипите на Градот Скопје и на ЈП „Улици и патишта“ изминативе денови поставија заштитни столпчиња по должината на неколку сообраќајници.

Деновиве се поставени 40 столпчиња на булеварот Крсте Мисирков, кај Поликлиниката „Битпазар“.

http://www.skopje.gov.mk/images/Image/stolbcinja%2014.12.2011%20-%202.jpg"> На крстосницата на булеварот Партизански одреди со булеварот Свети Климент Охридски се монтирани 6 столпчиња, а на булеварот ВМРО - 25 заштитни столпчиња.

Акцијата за поставување заштитни столпчиња ќе продолжи и во наредните денови, за да се зголеми безбедноста на пешаците и да се спречи недозволеното паркирање возила на јавните површини.

http://www.skopje.gov.mk/images/Image/Aco%20Sopov%20pateka%20%281%29.JPG"> Екипите на Градот Скопје и на ЈП „Улици и патишта“ изминатиов период ја уредија пристапната патека до спортските игралишта во дворот на ОУ „Ацо Шопов“ и го асфалтираа платото пред тениското игралиште.

Патеката води од тротоарот на улицата Радишанска до двете спортски игралишта, долга е 261 метар, а широка 3,5 метри. Покриена е со гребен асфалт на површина од 914 квадратни метри.

http://www.skopje.gov.mk/images/Image/Aco%20Sopov%20pateka%20%282%29.JPG"> За асфалтирање на платото пред тениското игралиште во дворот на училиштето се употребени 40 тони асфалт.

Градот Скопје за овој зафат потроши околу 500 000 денари.