Print Page | Close Window

Сончева енергија

Printed From: build.mk
Category: Главни теми
Forum Name: Енергетика
Forum Discription: Електростопанство, гасификација, топлани, алтернативни извори...
URL: http://www.build.mk/forum/forum_posts.asp?TID=256
Printed Date: 30-Jul-2014 at 00:51


Topic: Сончева енергија
Posted By: гитардемон
Subject: Сончева енергија
Date Posted: 28-Apr-2008 at 19:14

ЌЕ СЕ ГРАДАТ СОЛАРНИ ЕЛЕКТРАНИ ВО МАКЕДОНИЈА


Соларни електроцентрали ќе се градат во Македонија Во Регулаторната комисија е веќе во тек изработка на ценовник за струјата произведена од сончева енергија. Ценовникот треба да стапи на сила од почетокот на јули оваа година.
Претседателот на Регулаторната комисија за енергетика, Славе Ивановски вели дека ценовникот е во подготовка, бидејќи веќе има голем број заинтересирани инвеститори.
- Интересот за вложување во овој извор на енергија е поврзан со откупната цена на струјата произведена од соларна енергија која е највисока од сите алтернативни извори на енергија. Очекуваме за два месеци ценовникот да биде готов, бидејќи тој е предуслов за доаѓање на инвеститорите - вели Ивановски.
Примената на соларната енергија во европските земји бележи пораст од 35 отсто годишно. Во моментов во Европа се инсталирани 115 гигавати во соларните колектори.
Најголемата соларна електроцентрала се наоѓа во Португалија, која произведува струја за 8.000 семејства, а за да се изгради беше потребна инвестиција од 60 милиони евра.
Доколку во Македонија оптимално се користи соларната енергија, емисијата на јаглерод диоксид во воздухот би се намалил за 375 илјади тони годишно. Македонија има 270 сончеви дена во годината, односно голем потенцијал за изградба на соларни електроцентрали.

ИВАНА БИЛБИЛОВСКА

преземено од: http://sitel.com.mk/vesti_det.asp?ID=25787&kategorija=%C5%EA%EE%ED%EE%EC%E8%BC%E0 - http://sitel.com.mk/vesti_det.asp?ID=25787&kategorija=%C5%EA%EE%ED%EE%EC%E8%BC%E0


-------------



Replies:
Posted By: Vladimir P
Date Posted: 28-Apr-2008 at 20:58
Кога би го направиле ова би било прекрасно, но секогаш кај нас има едо НО ....

Иначе сега е падната цената на панелите 1W =1$, тоа и за нас е чак е приступачно, ако владата го исфрли уште и ддв-то и царината, па тогаш секој ке постави дома, и сите среќно ќе живееме.

линк за пад на цената на панелите

http://solveclimate.com/blog/20071219/1-watt-itunes-solar-energy-has-arrived - http://solveclimate.com/blog/20071219/1-watt-itunes-solar-energy-has-arrived


-------------

Поздрав, Владимир http://mz-rail.atwebpages.com/ - http://mz-rail.atwebpages.com/


Posted By: shyes
Date Posted: 17-Sep-2008 at 20:00

An Israeli company will construct the first solar power plant worth 1 billion euros in the vicinity of Sveti Nikole that will solve the chronic problem with lack of electricity in the country. 
Ovce Pole, where there are 319 sunny days in the year will be the first solar valley in Europe where the solar energy will be maximally used. The signing of this agreement between Sveti Nikole Mayor and the leading people of the Israeli multinational company AIG for construction of 90 windmills that took place in June heralded the construction of the solar valley. From within the Israeli company they promised that the windmills will be finished in six months and the power plant in three years.
Sources: Spic; Kanal5

качено од http://www.skopjediem.com/assets/pages/sub_news2.html

ApplauseBanana
RollinEeek

Ова ако дојде реалност ќе биде па супер.

Брз превод, се планира да се гради Соларна станица за енергија и 90 ветерници.

1 милјарда евра за Соларната а преку други вести милам околу 360 м евра за Ветерниците.

АИГ ветува дека ветерниците ќе се доизградат за 6 месеци, а соларната станица за 3 години.

п.с Море остарев 100ти пост Cheers



Posted By: lslcrew
Date Posted: 25-Nov-2008 at 09:40

Производство на столбови за сончеви колектори во Прилеп

ПРИЛЕП - Столбови за ветерници и сончеви колектори ќе произведува словенечкиот, а не израелскиот партнер, како што претходно беше најавувано. Вака реши Собранието на акционери на прилепската фабрика за челични конструкции „Металец“.

„Акционерите не прифатија докапитализација на фирмата што ќе се случеше доколку израелската компанија од Тел Авив беше инвеститор на капацитетите за алтернативна енергија“, рече Јандре Здравески, директор на „Металец“.

http://utrinski.com.mk/?ItemID=4C4B65E00090AD48894423573CB561EF




Posted By: La Linea
Date Posted: 24-Jan-2009 at 01:44

ВО СКОПСКАТА НАСЕЛБА ИЛИНДЕН


Централа од сончева енергија ќе прави струја


Централата ќе биде готова за два и пол месеци, а во неа 70.000 инвестираше скопската фирма Сиесто, која ја изградил првата еколошки и енергетски независна куќа во земјава


За два и пол месеци во скопската населба Илинден ќе почне со работа првата, комерцијална, сончева, електрична централа во земјава. Централата ќе ја преработува сончевата енергија во електрична и ќе ја продава на дистрибутивната компанија ЕВН - Македонија. Според Звонко Марковски, директор на скопската фирма "Сиесто", инвеститор на централата, таа веќе се гради на локација во селото Кадино, а струјата што ќе биде произведена ќе биде за 11 отсто поевтина од онаа што сега потрошувачите ја плаќаат на дистрибутивната компанија.
- Цената на струјата ќе изнесува 46 евроценти по киловатчас -вели Марковски.

Тој додава дека Централата ќе биде со капацитет од приближно 11 киловолти, а на годишно ниво ќе произведува околу 22 мегаватчасови струја. Инвестицијата е вредна 100.000 евра, од кои 70 проценти ги покрива самата компанија, а 30 отсто од парите се обезбедени од програмата на Светска банка за поддршка на обновливи извори на енергија.

Марковски се пофали дека Сиесто пред три години ја изградил првата еколошки и енергетски независна куќа во земјава, којашто своите потреби за електрична енергија и топла вода исклучиво ги задоволува со искористување на сончевата енергија. Дел од струјата што тие ја произвеле како вишок им останала неискористена, бидејќи немало соодветен закон за да ја купи некој. Ситуацијата сега е изменета, донесена е посебна тарифа и законска регулатива со што веќе има можност струјата да биде откупена.

Во земјава има огромен потенцијал за користење на обновливи извори на енергија, смета Љиљана Поповска, претседател на ДОМ. Таа на вчерашната трибина "Обновливи извори на енергија - излез од енергетската криза "укажа дека сонцето, ветерот, биомасата и геотермалните води ги има во доволни количини во земјава, а многу малку се користат и смета дека треба да се поучиме од земјите каде што овие извори максимално се искористени.
- Во Португалија над 40 проценти од вкупната енергија се добиваат од обновливи извори на енергија. Класичен пример е градот Барселона каде што над 50 проценти од вкупната енергија се добива со преработка на отпадот, укажува Поповска.

Таа вели дека слична е состојбата во Словенија, каде што топлинската енергија најчесто се добива од обновливи извори на енергија. Според Поповска, градот Скопје исфрла огромни тони на ѓубре, коишто можат да се искористат како енергија. Таа предлага да се направи едно обединување на науката со економијата, бидејќи има голем број инвеститори коишто можат на тој начин да се реализираат.

Новиот претседател на САД, Барак Обама, веќе најави дека над 500 милијарди долари ќе бидат потрошени за обновливи извори на енергија.

Од биомаса струја за цела Македонија
Од биомаса може да се обезбедат целокупните потреби на електрична енергија во земјава. Според Јасна Иванова- Давидовиќ, директор за развој и инвестиции во Електрани на Македонија, во биомасата има теоретски потенцијал за околу 8.800 гигават-часови годишно или онолку колку што земјава троши на годишно ниво. Македонија е увозно зависна од струја, бидејќи 30 отсто од потребите за електрична енергија на годишно ниво ги задоволува од надворешни производители.
Во домашните производствени капацитети обновливите извори учествуваат со 20 проценти од вкупното производство на електрична енергија. Токму поради тоа, смета Иванова-Давидовиќ, треба да се интензивира градбата на вакви објекти.



http://www.vecer.com.mk/?ItemID=3FE13E94B136544FA3C482DA6320B0D3


-------------
Помогнете во Македонската Википедија - Слободна енциклопедија!


Posted By: lslcrew
Date Posted: 24-Jan-2009 at 03:39
Ме зачудуваат податоциве за Португалија и сличните! У секој случај браво за инвестицијава.


Posted By: lslcrew
Date Posted: 27-Apr-2009 at 10:26

Сонцето не го трошиме

Поради нискиот животен стандард, изградбата на соларни колектори е прескапа инвестиција за граѓаните, иако земјава има 270 сончеви денa во годината

Македонија има голем потенцијал за искористување на сончевата енергија, но поради нискиот животен стандард изградбата на сончеви колектори е прескапа инвестиција за граѓаните. Вложувањето во сончеви панели за топла вода во просек се враќа за 5 до 6 години што ги прави поисплатливи за инвестирање во споредба со фотоволтажните панели за производство на електрична енергија за што се потребни 20 до 25 години. Искористувањето на сончевата енергија како највисока примена на енергетската ефикасност најдобро се остварува преку изградба на пасивни куќи кои се вистински штедачи на енергија.

- Македонија има 270 сончеви денa, но сончевите колектори не се застапени зашто основната инвестиција е многу скапа - вели Милан Неделковски од невладината организација „Проактива“.

Цената на фотоволтажните панели зависи од потребите за енергија и се движи од 500 евра за производство на струја само за осветлување мали викендички, па до 10.000- 15.000 евра за задоволување на потребите од струја за цела куќа. Директорот на фирмата за производство на специјална индустриска електроника „Сието“, Ѕвонко Марковски, објаснува дека цената најмногу зависи од тоа дали употребувате апарати во домаќинството со висока или со ниска потрошувачка на енергија.

Според генералниот секретар на Македонскиот центарот за енергетска ефикасност (МАЦЕФ), Македонка Димитрова - Андонова, во Македонија најраспространети се термалните колектори за загревање на санитарна вода.

- Поради високата цена, фотоволтажните панели многу малку се употребуваат. Најголема употреба на сончеви колектори има во угостителските објекти, а по градови во Гевгелија и Кочани, меѓу другото и поради постоење на фабрички погони за склопување на уредите за претворање на сончева енергија - вели Димитрова- Андонова.

Пасивната куќа е градба со максимална топлинска изолација на ѕидовите, која користи обновливи извори на енергија. За пасивна куќа во Европа годишно се потребни само 15 киловати на квадратен метар дополнителна надворешна енергија.

- Пасивната куќа всушност самата ги загрева и лади внатрешните простории - објаснува Димитрова-Андонова.

За разлика од Македонија, во светот се градат цели населби со пасивни куќи. Најмногу пасивните куќи во Европа се застапени во Германија, Австрија и Шпанија.

- Германија е отидена најнапред во регулативата за имплементирање на енергетската ефикасност. Високиот стандард на населението овозможува градење пасивни куќи кои одржуваат доволно ниво на топлина за да не им требаат дополнителни извори на енергија- вели генералниот секретар на МАЦЕФ.

Македонија е прва земја на Балканот што има воведено соларен тест центар во рамки на Републичкиот хидрометеоролошки завод.

- Тест-центарот ја мери искористливоста на сончевото зрачење на сончевите колектори и издава сертификати за панелите произведени во земјава- вели Владимир Карчицки, претседател на „Проактива“.

За да се поттикне искористувањето на сончевата енергија, која е обновлива и не ја загадува животната средина, Владата две години по ред одобрува 500 субвенции од по 300 евра за инсталиран систем. Воведени се и повластени тарифи за производство на енергија од обновливи извори кои вклучуваат намалување на данокот на додадената вредност на 5 отсто за делови од системите за искористување на сончевата енергија.

http://www.dnevnik.com.mk/?ItemID=55CDA23678460E48BAB88B6645B1CAEF



Posted By: Vladimir P
Date Posted: 27-Apr-2009 at 22:47
Сето ова е прекрасно но кој во МК може да одвои тие илјадници евра !!??

А владата ја имаше таа акција за топлотни панели кој се исто со илјада евра, а добиваш 300, што за мене е промашена работа бидејќи подобро да ги стимулира нашите произведувачи да цената падне на можностите на населението, па подоцна со намалена потрошувачка на енергија да ги поврати „вложените“ средствата


-------------

Поздрав, Владимир http://mz-rail.atwebpages.com/ - http://mz-rail.atwebpages.com/


Posted By: lslcrew
Date Posted: 11-May-2009 at 10:24
Сонцето го користиме помалку од еден отсто
Бадијала имаме најсилно сонце во Европа, кога не знаеме да го користиме.

Австрија што има 35 отсто помалку сончево зрачење од Македонија, има над 100 пати поголема искористеност на оваа енергија. На Македонија како држава и се потребни измени и допрецизирања на законските и подзаконските акти за да се зголеми употребата на сончевата енергија, е заклучокот на вчерашната експертска трибина во организација на ДОМ за поголема примена на сончевата енергија.

Една од мерките што можат да помогнат во постигнувањето на целта е државата да обезбеди финансиски средства, кои би им биле позајмени на комерцијалните банки за инвестиции во сончеви колектори.

- Овие средства би им биле доделувани на заинтересираните со поволна каматна стапка не повисока од 3 отсто. На овој начин овие средства ќе обезбедат нови мали енергетски капацитети и би се отвориле нови зелени работни места – изјави Златко Чулев, сопственик на „Етерна Солар“.

Звонко Марковски од „Сието“ препорача намалување на ДДВ од 18 отсто на 5 отсто, за фотонапонските системи, исто како кај сончевите термални колектори и овозможување физички лица да произведуваат и продаваат струја.

http://www.novamakedonija.com.mk/DesktopDefault.aspx?tabindex=7&tabid=2&fCat=1&top=1&EditionID=389&ArticleID=24181


Posted By: lslcrew
Date Posted: 02-Jun-2009 at 13:10
Сонцето од Кадино ќе н? внесе во Европа
Економија
Македонија од утре ќе фати чекор со Европа. Со пуштањето во употреба на првата сончева централа во Кадино државата ќе се вброи во редот на високоразвиените земји како Австрија, Германија, Грција или Словенија кои одамна имаат вакви централи. Иницијатор и носител на проектот за изградба на сончевата централа е Звонко Марковски од фирмата „Сието“ каде што се произведени и голем дел од материјалите потребни за централата.

- Централата почна со пробна работа од пред 2-3 недели. Сета произведена струја е наменета за продажба, а се добива со помош на фотонапонски панели (таканаречени фотоволтаици). Нејзината моќност е 10,2 киловати, а годишното производство околу 22 мегават часови. Лиценцата за работа ја добивме минатиот четврток од Регулаторната комисија за енергетика, а во следните 2-3 дена треба да се потпише и Договорот со МЕПСО - ни изјави Марковски. Произведената струја ќе се предава на нисконапонската мрежа на ЕВН- Македонија, а плаќањето на предадената струја ќе оди преку МЕПСО, бидејќи според законската регулатива државата преку привилегирани тарифи ја откупува струјата произведена од сонце, ветер и биомаса.

Инвестицијата е околу 100.000 евра, од кои 70 отсто се сопствен капитал, а 30 отсто од кредитна линија на ГЕФ, програма на Светска банка.

Но, Марковски не застанува тука. Тој очекува ваквиот проект за изградба на сончеви централи да добие поширока примена во целата држава и веќе ја промовира идејата за 10.000 сончеви покриви во Македонија. Целта е преку една ваква инвестиција, која ќе ја поддржи државата, со поволни кредити граѓаните сами да произведуваат струја.

-На тој начин и парите и струјата ќе останат во Македонија. Доколку има странски инвеститор струјата ќе остане тука, но парите ќе отидат надвор. Освен тоа Македонија ќе добие една огромна соларна централа од 40 мегавати, која ќе произведува чиста зелена струја во наредните 50 години, а ќе се отворат и нови работни места - вели Марковски.

http://www.novamakedonija.com.mk/DesktopDefault.aspx?tabindex=4&tabid=2&fCat=1&top=1&EditionID=408&ArticleID=25818


Posted By: гитардемон
Date Posted: 02-Jun-2009 at 13:56
Е го споредија човекот што си прави сам струја на покривот и му останува малку вишок, со централите во Германија и САД. Абе да се чуди чоек.

Инаку за поздравување е ова, барем некому му текнало дека не мора да плаќа за струја, туку може и да му плаќаат.


-------------


Posted By: Cloverstack
Date Posted: 02-Jun-2009 at 19:19
Готово, влегуваме во развиениот свет... Стварно бе што е ова, иронично е напишано или во тек е некој натпревар за најглуп новинарски напис?

Туку нели има субвенции за ова? Ме буни тоа 70% сопствен капитал и 30% кредит.


Posted By: гитардемон
Date Posted: 02-Jun-2009 at 19:41
Тие да не беа за соларни колектори, онакви обични за бојлери, бидејќи мислам дека не се истите. Тие навистина се фотоволтаични ќелии, но мора да е поинаков системот. Ама како и да е, и тие субвенциите за бојлери, и тие завршија пред веќе година дена и повеќе.


-------------


Posted By: Cloverstack
Date Posted: 02-Jun-2009 at 19:43
Да дефинитивно не се истите, можеби ми се испомешало за што се субвенциите.


Posted By: lslcrew
Date Posted: 02-Jun-2009 at 22:28
Бе зразлика какви се, колкушто се сеќавам мислам дека беше за соларни панели, без разлика дали се фотоволтаични или оние со флуид (најчесто нафтен дериват) кои се стриктно за затоплување вода.


Posted By: Vladimir P
Date Posted: 02-Jun-2009 at 23:39
Previous За сончеви панели за топла вода
Државата лани за првите 500 колектори во Македонија даде субвенции од 30 проценти од нивната вредност

Втора стимулативна мерка се директните субвенции за домаќинства кои ќе постават сончеви колекторски системи за загревање на топла вода. На почетокот од 2009 година беше објавен јавен оглас за покривање на дел од трошоците на првите 500 баратели за субвенции за поставување на сончеви колекторски системи, но постапката е прекината по укажување на Државната комисија за спречување на корупцијата. Постапката ќе продолжи по завршување на претседателските и локалните избори. Сончевите колекторски системи и компоненти се ослободени од царина, а даночната стапка е 5 отсто.


-------------

Поздрав, Владимир http://mz-rail.atwebpages.com/ - http://mz-rail.atwebpages.com/


Posted By: Dragan
Date Posted: 03-Jun-2009 at 00:06
Gledav pred nekoj den na discoveri ili na nekoja druga tv program bese deka vo egiped se postaveni solarni elktran na prostor od 5h(hektari) vkupno solarni elk. imas okolu 400 deka tie 400 se dovolno da go osvetlat luksor i industrijata sto se naoga vo luksor  a mie ovde ne mozem da izgradime ne 10 od tie 400Dunno vo sto e rabotava dali naselenieto e naviknato na nafta i gas i rudni bogastva 


Posted By: lslcrew
Date Posted: 03-Jun-2009 at 00:57
Алтернативните (природно обнивливи) извори на енергија и методите со кои се добива таа енергија прават да таа енергија е во просек четири пати поскапа од онаа енергија добиена од фосилни извори. Тука е главната поента. Све додека не ги исцицаме фосилните горива на земјинава топка, односно све додека тие фосилни горива не се сведат на минимални резерви и нивната цена додека не се дигне за четири пати и да се доведат на исто компетитивно ниво со обновливите извори, се дотогаш алтернавните енергетски извори ќе се сведуваат на некоја нго-фарса, на фризирани акции, субвенции и слично и тоа све поради економската логика која владее со човештвото. Пааа незнам и во кој крајно анти-капиталистички систем да преминиме пак економската логика е двигателот на економијата (во спротивно и не постои економија него вегетативно задоволување на основни човекови потреби) и повторно се враќаме на она погоре кажаното во мојот пост дека све додека фосилните горива се поефтини, до тогаш алтернативите ќе се на ова ниво коешто се.


Posted By: Cloverstack
Date Posted: 03-Jun-2009 at 01:16
Плус тоа едно е соларна енергија во Египет, друго во Македонија, трето во Ирска на пример. Затоа пак Ирска која има малку сонце има многу ветар. Ние за жал изгледа сме во некоја средина - имаме и од едното и од другото, но сепак недоволно за да биде поисплатлив некаков позначаен удел во производството, барем засега.


Posted By: гитардемон
Date Posted: 03-Jun-2009 at 12:18
Затоа имаш најмногу производство на алтернативна енергија и најмала зависност од фосилни горива во скандинавските земји. Не знаат што да прават со парите владите, можат комотно да ги продаваат бакнотите и како тоалетна хартија за сиромашните. Затоа се тие толку напредни. Ние, а камоли Руанди и Замбија, немаме пари за обични централи, патишта и за пруги (па и за леб), а не за ваква работа. Плус, тие земји на север се толку мали што ем не е тешко да се снабдуваат од обновливи извори, ем не му боди очи никому ако престанат да откупуваат нафта и јаглен. Да речи САД не користиме повеќе нафта од утре, ќе видите Shell, Exxo, BP и уште 20000 фирми во светот како ќе се раздрмаат, и ќе почнат одма во конгресот милијарди долари за поткуп да се плаќаат. Затоа не оди, не сум хипик, ама хипиците во право се кога викаат the big corporations rule the world man!


-------------


Posted By: lslcrew
Date Posted: 03-Jun-2009 at 12:48
Хипиците на страна. Освен патетика и пиво за друго не ги бива. Една паметна реченица не кажале.

Види големите компании станале големи зашто се прошириле низ нови држави. Зашто се прошириле?! Погрешно е да се верува дека во потрага на нови пазари. Новите пазари се снабдуваат и преку застапнци, преку дистрибутери. Главната поента во ширењето е потрагата по нови ресурси, зашто воглавном големите компнании се базирани на готови ресусрси затоа и бележат таков рапиден напредок. Човештвото во последниов век се наоќа во некое многу чудно бунило. Еве ќе направам споредба, значи тоа е исто како ти од дедо од прадедо да имаш оставено цела визба сортни вина и сите твои предци го користеле виното разумно, односно отварале само по една-две флаши годишно, исто времено дотурале вино во визбата и слично. И сега  доаѓаш ти и во една вечер да ја локнеш целата визба. Човештвото денеска има една лоша пракса, а тоа е да долгогодишните производи да ги користи како моментално добро. Е сега големите компании се баш тие кои локаат готово вино и ич не им е гајле за понатака. Затоа и ќе ги гледаме сега како паѓаат една по една "како лисја у есен". Ако некогаш се војуваше за идеологии, после тоа за пари, сега битката е за енергија. Енергетскиот сектор веќе почнува да преовладува над другите. Јас искрено сметам дека додека не се исцицаат сите ресурси нема да имаме реално помрднување ниту во real-economy ниту во енергетските обновливи ресурси. Некои може би на тоа гледаат конспиративно како демек ете сега незнам кој сакал да се исцицаат сите ресурси на рабските држави, за да после тоа промовирал незнам како в си концепт. Не! Све се врти околу цената на енергијата. Сите економски анализатори и слајд-ераши почнаа од resource-based economy да зборуваат за real-economy и за обновливи ресурси зашто почнаа на време барем да ги сваќчаат овите концепти кои доста брзо ќе треба да ги примениме.


Posted By: lslcrew
Date Posted: 04-Jun-2009 at 16:08
Да не се повторуваме со текстот еве ја само сликата од она во Кадино...


www.novamakedonija.com.mk


Posted By: Vladimir P
Date Posted: 08-Jun-2009 at 18:44
Започна реализацијата на субвенциите за сончеви колекторски системи
Скопје, 08.06.2009

Министерот за економија Фатмир Бесими, заменик министерот Методиј Хаџи-Васков и државниот секретар Катерина Костеска денеска имаа средба со новинарите за да го најават почетокот на реализацијата на субвенциите за сончеви колекторски системи.

Имено, со цел за стимулурање на користењето на сончевата енергија во домаќинствата во Република Македонија, Министерството за економија објави јавен оглас на 16.01.2009 година, кој беше прекинат на 31.01.2009 година поради изборниот процес и повторно објавен на 13.05.2009 година. Огласот е објавен во дневните весници „Дневник“, „Вечер“ и „Лајм“ и на веб страната на министерството.

Определени се буџетски средства во износ од 9.000.000 денари за субвенции за првите 500 купувачи на сончеви термални колекторски системи (колектори, резервоар за топла вода и потребна инсталација), кои ќе ги вградат во своите домови.

Сувбенциите се директни, односно на првите 500 домаќинства ќе им се обезбеди поврат на дел од средствата кои ги потрошиле за обезбедување на сончеви термални колекторски системи до 30 %, но не повеќе од 300 евра во денарска противредност по домаќинство.

Купувачите на соларен колекторски систем беа должни да ги исполнат следните критериуми за добивање на субвенција:

-     да поднесат барање до Министерството за економија, во кое ќе приложат и доказ дека е извршено купувањето на соларен колекторски систем (фискална сметка или копија фактура со извод од банка);
-     системот да биде соодветно инсталиран и ставен во функција, за што се бараше изјава пополнета од барателот и изјава за вграден сончев колекторски систем од фирмата која го вградила и
-     еден купувач на соларен колекторски систем има право да поднесе само едно барање за остварување на правото на субвенција.

Во Министерството за економија формирани се три комисии со цел да извршат увид, по случаен избор кај околу 100 домаќинства  на лице место, за тоа дали сончевиот колекторски систем е соодветно вграден по што ќе следи исплата на субвенциите на приложените броеви на трансакциски сметки. Вршењето увид од страна на комисиите ќе трае околу 10 дена по што ќе следи исплатата на субвенциите.

Поради тоа што предвидените средства за субвенции се за првите 500 купувачи, сите оние барања кои се примени во архивата на Министерството за економија по исполнувањето на бројката од 500 брања, ќе бидат вратени на подносителите.

Со користење на сончеви колекторски системи за загревање на топла вода  кај домаќинатвата, осум месеци во годината, може да се постигнат заштеди на еклектрилчна енергија од околу 180 kWh месечно, што значи финансиска заштеда од скоро 900 денари месечно. На годишно ниво може да се постигнат околу 1500 kWh заштеда на електрична енергија или околу 7000 денари заштеда на финансиски средства.

Просечната цена на чинење на еден сончев термален колекторски систем во Република Македонуија за едно домаќинство изнесува од 40.000 – 65.000 денари, што значи дека, со неговото користење инвестицијата би се вратила за 6 – 8 години, а со субвенцијата, инвестицијата би се вратила за 4 – 5 години. Еден сончев колекторски систем би можел да се користи и 20 години, од што можат да се видат ефектите од неговото користење.

Со ова субвенција се поттикнува искористувањето на сончевата енргија што во наредниот период ќе придонесе за остварување на енергетски заштеди, посебно заштеда на електрична енергија, со што ќе се постигнат и позитивни ефекти за заштита на животната средина преку намалување на емисите на CO2 кои го предизвикуваат ефектот на стаклена градина, главна причина за климатските промени. Оценето е дека во Република Македонија користењето на 1 m2 површина на сончев колектор е еквивалентно на намалување на 208 kg годишно CO2. Со што поголемо користење на сончевата енегија, како најголем извор на обновлива и неограничена енергија, се постигнува ефктот на спречување на климатските промени.

Извор: Министерство за економија http://www.economy.gov.mk/?ItemID=9822B4B7B6455D45850BBA4656DEF4BA - http://www.economy.gov.mk/?ItemID=9822B4B7B6455D45850BBA4656DEF4BA



-------------

Поздрав, Владимир http://mz-rail.atwebpages.com/ - http://mz-rail.atwebpages.com/


Posted By: lslcrew
Date Posted: 05-Aug-2009 at 15:34

Земјата на сонцето не го користи сонцето

Анализите покажуваат дека со користење на сончевата енергија годишно може да се заштедат 32 милиони евра, колку што чинат и давачките за отворање на 6.874 нови работни места годишно

%20

Единствена стопанска гранка, во светски рамки, која се покажа отпорна на глобалната економска криза е индустријата за соларна енергија.

И не само што е имуна на кризата туку оваа гранка ја намалува невработеноста и генерира економски пораст. Најновите податоци на Европската федерација за соларна и термална енергија (ЕСТИФ) покажуваат рапиден пораст од над 60 отсто на пазарот на ЕУ во оваа област.

Сите други стопански гранки бележат драматични падови. Само лани обртот на финансиски средства во соларната индустрија изнесува повеќе од три милијарди евра, со над 40.000 вработени со полно работно време.

Во услови на криза и рецесија токму соларната индустрија станува најсилниот и најбрз економски стимулатор за земјите од Европа, велат од ЕСТИФ. Со доаѓањето на Барак Обама, и САД своите приоритети ги пренасочија кон зелената опција и обновливите извори на енергија.

Каде е тука Македонија? На опашката на Европа.

Земјата на сонцето не го користи сонцето

Иако се декларираме како земја на сонцето, сé уште не знаеме да ја користиме неговата сила, која ја има во изобилство и е бесплатна. Во Македонија искористеноста на сончевата енергија е помала од 1 отсто, или илјадници пати помалку од другите европски земји. Бројот на постојано вработени лица во соларниот сектор исто така е многу низок и тие безмалку може да се избројат на прсти. Единствена комерцијална соларна централа во Македонија со моќност од 10,2 киловати и годишно производство од околу 22 мегават-часа беше пуштена неодамна и се наоѓа во селото Кадино.

Нејзиниот сопственик Звонко Марковски очекува ваквиот проект за изградба на сончеви централи наскоро да добие поширока примена во целата држава и ја промовира идејата за 10.000 сончеви покриви во Македонија.

- На тој начин и парите и струјата ќе останат во државата. Доколку има странски инвеститор, струјата ќе остане тука, но парите ќе отидат надвор. На ваков начин Македонија ќе добие една огромна соларна централа од 40 мегавати, која ќе произведува чиста зелена струја во наредните 50 години, а ќе се отворат и нови работни места - вели Марковски.

За помасовно користење на сончевата енергија се залага и МАНУ во Стратегијата за енергетика. Навистина е жално Македонија со над 270 сончеви дена во годината да има толку ниско ниво на искористеност на соларната енергија, порачуваат екологистите. За надминување на ваквите состојби Министерството за економија втора година по ред промовира кампањи за инсталирање сончеви колекторски системи, нудејќи субвенции до 300 евра на првите 500 семејства што ќе се јават.

Панели и по ридови

Според заменик-министерот за економија Методиј Хаџи-Васков, едно домаќинство може да заштеди околу 900 денари месечно на сметките за електрична енергија со примена на сончевите колектори.

Голите ридови и запуштени краеви во Македонија треба да се прекријат со сончеви панели. Тоа ќе биде и естетски поубаво и економски поисплатливо, сметаат експертите. Неодамна во пустината Сахара почна реализацијата на мегапроектот „Десертец“, со учество на 20 најголеми светски енергетски компании за поставување сончеви панели, кои треба да ја снабдуваат со струја цела Европа. Од здружението „Солар“ апелираат на јакнење на свеста и засилени институционални мерки за поголема искористеноста на соларната енергија.

- Потребно е да се обезбедат и директни грантови, кредити без или со ниска каматна стапка, како и намалување на даноците. Законите за градба треба да наметнат обврска од постоење на сончеви системи во секоја нова или темелно реновирана зграда - вели Сања Поповска Василевска од „Солар“. Светот веќе одамна сфати дека гасот, нафтата и струјата не се долгорочни опции, бидејќи се премногу скапи. Кај секоја од овие опции зависиш од волјата на снабдувачот, за што најдобар показател е и последната гасна криза во Европа. Најсигурниот снабдувач со енергија останува единствено сонцето. Тоа изгрева секој ден.




Како е во Европа

Барањата за соларно-термална технологија лани во Шпанија пораснале за 58 отсто, во Италија за 28 отсто,Франција за 18 отсто, но најголем чекор има во Германија, каде што пазарот е повеќе од дуплиран, со пораст од 120 отсто.

- Во 2008 година солуциите за соларно термално греење и ладење станаа примамливи во сé повеќе и повеќе земји - вели Оливер Друк, претседател на ЕСТИФ. Токму на ладењето и на греењето отпаѓаат над 50 отсто од вкупните потреби за енергија.




Секоја година се губат по 6.874 нови работни места

Сонцето, освен што грее, може и да вработува. Македонија секоја година за увоз на енергија троши стотици милиони евра. Анализите покажуваат дека со користење на сончевата енергија годишно може да заштедат 32 милиони евра. Претворено во број на работни места оваа заштеда значи 6.874 нови работни места годишно, со плаќање на сите давачки кон државата. Годишниот просек на издатоци што ги плаќа работодавецот по вработен изнесува 283.974 денари или 4.655 евра.





Повластени цени за енергијата добиена од обновливи извори

Искористеноста на обновливите извори на енергија, во кои спаѓа и сонцето, е спомената како една од клучните цели и во Националната стратегија за енергетика со важност до 2020 година. Министерот за економија Фатмир Бесими вели дека МАНУ до крајот на годината треба да подготви посебна стратегија за обновливите извори на енергија. За стимулирање на искористеноста на овие извори, Регулаторната комисија за енергетика усвои четири правилници за купопродажба на енергија произведена од хидроцентрали, ветерни електроцентрали, биогас и фотоволтаични системи. Во согласност со членот 141 од Законот за енергетика операторот на пазарот на електрична енергија е должен да ја откупи произведената енергија од овие извори по повластени таканаречени фидинг-тарифи. За енергијата добиена од сонцето цената е 46 евроценти по киловат-час. Сончевите колекторски системи и компоненти се ослободени од царина, а даночната стапка за нив изнесува 5 отсто. Државните стимулации од 300 евра по семејство за инсталирање сончеви колектори се исто така една од мерките за поголемо искористување на соларната енергија. За жал, онаму каде што сонцето најсилно грее, во Струмица и во Гевгелија, има и најмала заинтересираност за примена на вакви системи. На последниот оглас за субвенционирање најмалку кандидати имаше токму од овие места. Владо Костески, експерт, смета дека за неколку години може да се постигне покриеност од 20 до 30 отсто со колекторски системи на ниво на цела држава.

- Има системи со природна циркулација, кога и колекторот и бојлерот се поставени на таванот, и системи со принудна циркулација, кога колекторот е горе, а бојлерот долу во просторијата. Комплетна инсталација на еден ваков систем со набавка и монтажа чини околу 1.200 евра и во целост ги покрива потребите од топла вода за едно семејно домаќинство во текот на целата година - ни изјави Костески. Вложената инвестиција се враќа брзо преку намалените сметки за струја, тврдат познавачите.

Неодамна и Светската банка сугерираше Македонија да ја зголеми својата енергетска ефикасност.


http://www.novamakedonija.com.mk/NewsDetal.asp?vest=85994847&id=9&prilog=0&setIzdanie=21755


Posted By: Cloverstack
Date Posted: 29-Oct-2009 at 16:19

Во Струмичко нова инвестиција од 15 милиони евра





 

Се продлабочува македонско словенечката економска соработка. Според статистичките податоци, Словенија за минатата година е втор најголем инвеститор во земјата. Ова беше потенцирано на вчерашниот отворен бизнис-ден, во трговскиот центар „Глобал“ во Струмица, каде што се претставија словенечки и македонски фирми, членови на македонско-словенечкиот бизнис клуб

 

 
%20  
- Има голем интерес за соработка, словенечките претпријатија се добро примени во Македонија - рече амбасадорот на Словенија, Алан Брајан Бергант.

Овој бизнис-клуб постои пет години и има 90 члена, од кои половината се од Македонија. Од годинава, има и веб-страница на која фирмите можат полесно да воспоставуваат контакти.

Градоначалникот Зоран Заев, пак, најави и нова инвестиција со словенечко потекло, тешка 15 милиони евра. Се работи за изградба на компанија за поставување сончеви колектори, за што инвеститорите ја посетиле индустриската зона кај Сачево. Поставувањето сончеви колектори на површина од 100 илјади квадратни метри се очекува за започне напролет, како енергетски извор кој ќе произведува струја со јачина од 4 мегавати.
 
   
Автор: С.Џ.


http://www.novamakedonija.com.mk/NewsDetal.asp?vest=10299104287&id=10&prilog=0&setIzdanie=21823


Posted By: Cloverstack
Date Posted: 17-Nov-2009 at 15:37

Имаме сонце, немаме „соларен“ кадар





 

Првите 16 специјалисти земјата ќе ги добие во февруари идната година по нивна неколкумесечна обука кај нас и во Германија

 
 
%20  
Покрај толку факултети, дипломирани инженери, организации и здруженија за енергетика, Македонија нема стручен кадар за монтирање соларни инсталации. Првите специјалисти за оваа проблематика земјата ќе ги добие во февруари идната година кога ќе заврши обуката на 16 лица. Обуката ја организира Балканската канцеларија за мало стопанство и занаетчиство при Занаетчиската комора Кобленц во рамките на проектот за економска соработка помеѓу германската покраина Рајланд Фалц со југоисточна Европа.

- Професори и инженери има многу, но кога треба да се качи некој на покрив на зграда и да инсталира вакви елементи, тогаш нема никој. Има луѓе што досега го правеле тоа, но тие се самоуки - изјави Борис Парванов, проект-координатор.

Тој вели дека како професија сé уште нема струка специјалисти за соларни инсталации и целта на обуката е да се создаде почетен кадар, кој понатаму ќе обучува и други лица. Освен за монтажата овие луѓе ќе биде задолжени и за контрола и одржување на ваквите соларни системи.

Нивниот избор бил направен по предлог на Занаетчиската комора на Македонија, Занаетчиската комора на Скопје и регионалните комори на Куманово и Штип.

- Од контактите со нив разбравме дека нема обучен кадар за оваа работа и затоа беше потребно да се спроведе обука. Од друга страна, и самиот проект е насочен кон занаетчиството - ни изјави Оливија Штерјова, раководителка на проект биро. Обуката ја финансира германската Влада и доколку има интерес во иднина ќе се спроведуваат и други вакви курсеви за биомаса и геотермална енергија.

Курсистите се особено горди што ќе бидат првите квалификувани кадри во Македонија од овој тип. Според Жарко Кузмановски од Прилеп, би било добро во иднина државата повеќе да се вклучи преку субвенции за инсталирање на вакви системи.

Единствениот соларен парк во Македонија, каде што енергијата од сонцето се трансформира директно во струја, беше пуштен неодамна во Кадино и е дело на Звонко Марковски од фирмата „Сието“.

Со преку 260 сончеви дена во текот на годината Македонија има огромен потенцијал за користење на сончевата енергија, што всушност е и една од директивите на ЕУ.
 
   
Автор: А.С.Д .

http://www.novamakedonija.com.mk/NewsDetal.asp?vest=111791027436&id=10&prilog=0&setIzdanie=21839


Posted By: La Linea
Date Posted: 10-Jan-2010 at 14:39
 

   

Македонија пред Финска, но зад Албанија по искористеноста на соларната енергија



Нашата земја се наоѓа на 42-то место од вкупно анализираните 49 земји од целиот свет според капацитетот на инсталираните соларни и термални системи  
 
%20  
Искористеноста на соларната енергија во земјата е на релативно ниско ниво, покажува последниот извештај на Меѓународната агенција за енергија (ИЕА). Според инсталираниот капацитет на соларни и термални системи, Македонија се наоѓа на 42-то место, од вкупно анализираните 49 земји од целиот свет. Зад нас се уште Луксембург, Финска, Норвешка, Намибија. Латвија. Литванија и Естонија. На речиси исто ниво со нашата земја е Луксембург (со капацитет од 13,2 мегават-часа), додека на последното место е Естонија (1,0 мегават-часа).

Од земјите во регионот подобри од нас се Албанија (35,2 мегават-часа) и Бугарија (19,3 мегават-часа). Водечката тројка каде што најмногу се користат овие системи ја сочинуваа Кина (79.898 мегават-часа), Турција (7.105 мегават-часа) и Германија (6.053 мегават-часа), а во самиот врв е и нашиот јужен сосед Грција, на седмото место, со (2.500 мегават-часа). Експертите сметаат дека една од причините за ваквата неповолна состојба лежи во тоа што Македонија досега немаше стручен кадар за монтирање соларни инсталации. Првите специјалисти земјата ќе ги добие дури во февруари, кога ќе заврши обуката на 16 лица, која ја организира Балканската канцеларија за мало стопанство. Според извештајот на (ИЕА), нешто подобра е состојбата од аспект на бројот на инсталирани сончеви и термални системи на 1.000 жители. Тука Македонија е „подобро рангирана“ дури и од САД, со капацитет од 6,6 киловат-часа на 1.000 жители, во споредба со најмоќната држава на светот, која има 5,7 киловат-часа на 1.000 жители. Но ваквата споредба секако не може да ни послужи како „утеха“, со оглед на фактот што во САД живеат 298 милиони луѓе, додека овој параметар (број на жители) кај нас е речиси 150 пати помал.

Целта на извештајот, како што велат неговите автори Вернер Веис, Ирене Бергман и Роман Штелзер од Институтот АЕЕ - ИНТЕК од Австрија, е да се документираат областите каде што се инсталирани вакви системи, што ќе придонесе за намалување на емисиите на јаглерод диоксид, како резултат на работата на овие постројки. Податоците за Македонија, врз кои е направен извештајот, се добиени од Министерството за економија, Секторот за енергетика, како и од асоцијацијата за соларна енергија „Солар Македонија“. Во извештајот се опфатени 49 земји, кои вклучуваат над 4 милијарди жители, или околу 60 проценти од светската популација. Се проценува дека инсталираните капацитети во овие земји претставуваат 85-90 проценти од соларно-термалниот пазар низ светот, сметаат авторите. Според нивните анализи, од 1999 до 2007 година е забележан пораст од 20 проценти во сектор на соларната енергија во Европа. Со над 260 сончеви дена во текот на годината, Македонија има огромен потенцијал за користење на оваа енергија.
 
   

 
 http://www.novamakedonija.com.mk/NewsDetal.asp?vest=1910109299&id=10&setIzdanie=21880


-------------
Помогнете во Македонската Википедија - Слободна енциклопедија!


Posted By: гитардемон
Date Posted: 10-Jan-2010 at 19:28
Е нека нè споредат и со Гренланд и Фарските Острови, тие сигурно исто сончеви денови колку нас па сме понапред од нив. Достигнување! Абе ненормални.

-------------


Posted By: axel
Date Posted: 19-Jan-2010 at 23:23

Прилепските бизнисмени целат кон Сонцето

Прилеп има околу 300 сончеви дена во годината, ресурс што ни минимално не е искористен. Прилепските стопанственици бараат државата да ја поттикне експлоатацијата на богатството од сончевата енергија во нивниот град

Општина Прилеп да стане центар за научноистражувачки институции и за капацитети за производство на опрема за обновливи извори на енергија. Ова го бараат прилепските стопанственици од надлежните државни органи, бидејќи според некои податоци, Прилеп има најмногу сончеви денови во Македонија. Според податоците, градот под Марковите кули го грее сонце околу 300 дена во годината. Тоа е ресурс што ни минимално не е искористен и е нужно да се поттикнува експлоатацијата на богатството од сончевата енергија.

- Сончевиот природен дар да се искористи и за стопански цели. Градот да стане центар за иницијативи и научни проекти за експлоатација на сонцето. Прилеп треба да предничи, а државата да го стави во приоритетните проекти за развој на оваа гранка, која допрва ќе ги дава ефектите. Нужно е да се поттикнат претприемачите на производство на опрема за обновлива енергија со посебни услови за инвестиции во изградба на сончеви фарми во село Лагово и на подрачјето на Мариово. Производството на опремата е хит во светот. Ползување на сончевата енергија е симболично, а светот постепено ги супституира класичните со обновливи и еколошки чисти енергенси. Само две фирми произведуваат колекторски системи во Прилеп. Тоа е недоволно. Државата треба да го даде својот придонес со одредени преференцијални мерки - вели Ристо Најдоски, извршен директор на регионалната стопанска комора.

Стопанствениците и граѓаните ги поддржуваат властите во субвенционирање на сончевите системи за греење вода во индивидуални објекти. Државата неколкупати надоместуваше дел од инвестициите за системите со 300 евра.

Прилепчанецот Кирил Ристески, кој неодамна постави систем за користење на сонцето во загревањето вода за домашни потреби, вели дека потрошувачката на струја му се намалила за две третини.

- Властите треба да им помагаат и да ги поттикнуваат граѓаните и стопанството во поставување сончеви системи. Достапноста на богатството на сонцето не е евтина инвестиција за македонскиот џеб. Со системите штедам струја за себе, штедам и за државата, која може да ја насочува за стопанските цели. Затоа субвенциите да не се под 70 отсто од поставен колекторски систем. Со слични мерки да се охрабрат и бизнисмените - предлага Ристески.

Неколку прилепски фирми веќе произведуваат системи за експлоатација на сончевата енергија, а уште една фабрика е во завршна фаза.

- Секоја година расте продукцијата на колектори. Инсталираме нови решенија за подобрување на ефикасноста - велат од прилепската фирма што произведува колектори.

Според согледувањата на Друштвото за наука и уметност од Прилеп, во градот се поставени околу илјада колекторски системи за користење на сончевата енергија. Сопствениците на хотелско-угостителски објекти се' помасовно инсталираат системи за користење на енергијата на сонцето.                                                                                                                                           http://www.dnevnik.com.mk/?ItemID=5BBFB4897908524F95E8F3981C7A8B98



Posted By: гитардемон
Date Posted: 20-Jan-2010 at 00:02
Со 300 сончеви дена ни субвенција ќе треба ни ништо. Сè повеќе се нервирам во последно време бидејќи cè повеќе будали се појавуваат што мислат дека државата е задолжена да финансира нивни проекти за приватни профити. Секако дека цела држава би имала придобивка од воведување на соларна енергија, ама измислени се веќе премногу различни технологии за користење на придобивките на сончевата енергија, така што бизнисмените (не научници) во Прилеп единствено сакаат пари, а не „да измислат нешто ново“. Нека аплицираат за ИПАРД фондови, ама ИПАРД не дава пари за глупости.

-------------


Posted By: La Linea
Date Posted: 24-Jan-2010 at 14:09

Во Прилеп ќе се гради прва соларна централа

  • http://www.sitel.com.mk/dnevnik/biznis - Бизнис
  • Општинскиот совет во Прилеп ја одобри парцелата, на која во Прилеп ќе се гради првата соларна центарла, каде скопската фирма „Труст“ ќе поставува колектори на три хектари за годишно производство од еден мегават електрична енергија.
     

    Бранко Нешкоски раководител на Одделението за урбанистичко планирање, од алтернативни извори, вели дека Прилеп сака да биде лидер во иницијативата за производството на електрична енергија.

    - Станува збор за парцела од околу три хектари или 30.000 метри квадратни. Се работи за приватен инвеститор кој дојде до идеја за да ги користи сите благодети на природата. Се надеваме дека изградбата на овој комплекс ќе биде во текот на оваа година и во скоро време овој извор на енергија ќе биде вклопен во енергетскиот систем на нашава држава, објаснува Нешкоски.

    Локацијата е на излезот на Прилеп спроти селото Старо Лагово каде ќе бидат поставени сончевите колектори кои ќе произведуваат електрична енергија.

    - Има економска оправданост, ова е скапа инвестиција, но со одлуката на Владата секој произведен киловат на електрична енергија од  кој било вид извор, МЕПСО е должен да го откупи и при откупот има повластена повисока цена. Таа енергија се вклопува во целокупниот енергетски систем, вели Нешкоски.

    Општинскиот совет веќе даде виза да никне првата соларна централа. Смета дека ги има сите предности со преку 250 сончеви денови во годината. Советот ја усвои урбанистичката документација и ја одреди парцелата.

    Инвеститорот, фирмата „Труст“ од Скопје доставила проект и финансиски план. Од одделението за урбанизам и животна средина објаснуваат дека метеоролошките мерења во деведесеттите покажале дека оваа локација бележи просечна годишна сончева инсолација од 1.566 ватчасови на метар квадратен што е над македонскиот просек и блиску до просекот на Шпанија.

    Според планската програма на одделението, оваа соларна централа ќе биде со моќност од 900 киловати со годишно производство на еден мегават електрична енергија.

    Нешкоски нагласува дека ова е чиста енергија без загадување и е тренд во Европа. - Многу е добро што се иницира ваков вид стопанство. Во Европа е тренд искористувањето на алтернативните извори на енергија. Се добива чиста енергија без загадување. Општината има намера и лично да ја искористува природната благодет од сонцето. Со новото идејно решение за споменикот Карпалак што ќе се гради, дел од фасадата на ова високо обележје ќе биде од транспарентен материјал, односно од сончеви колектори. Така споменикот сам ќе си произведува енергија која соодветно ќе се искористи, додаде Нешковски.


    http://www.sitel.com.mk/dnevnik/biznis/vo-prilep-ke-se-gradi-prva-solarna-centrala



    -------------
    Помогнете во Македонската Википедија - Слободна енциклопедија!


    Posted By: Cloverstack
    Date Posted: 19-Mar-2010 at 17:09

    Регулаторот ја „гаси“ струјата од сонцето






     

    Со одлуката за намалување на цената на повластените тарифи за 17 проценти се доведуваат во прашање инвестиции од стотина милиони евра, како и изградбата и исплатливоста на четири веќе почнати сончеви централи во земјата

     
     
    %20  
    Регулаторната комисија за енергетика денес ќе ги намали за 17 отсто повластените тарифи за производство на електрична енергија од сонцето, преку таканаречените фотоволтаични системи. Ваквата одлука ги изненади експертите, кои велат дека намалените цени ќе ги одвратат потенцијалните инвеститори. Од регулаторната комисија сметаат дека тоа нема да се случи. Со правилникот за повластени тарифи, државата им гарантира на сите што ќе изградат сончева, ветерна, хидроцентрала или постројка за биогас и биомаса дека ќе им го откупи целото производство во следните 20 години, по повисоки цени од пазарните.

    - Намалувањето на цените ќе влијае лошо од неколку аспекти. Со политиката на менување на законите се губи довербата во сигурноста на правниот систем. Од друга страна, компаниите што веќе ги почнале инвестициите во изградба на вакви централи ќе бидат и финансиски погодени. Во тек се постапки за изградба на четири централи од домашни инвеститори, кои ги обезбедија потребните дозволи и се задолжија во банките - ни изјави Звонко Марковски, сопственик на првата соларна централа во Македонија.

    Со одлуката, освен што се намалува цената за 17 проценти, се скратува и гарантираниот период за откуп на произведената струја од 20 на 15 години. И Томе Костадиновски, експерт, смета дека се доведени во прашање инвестиции од околу 260 милиони евра. Во Македонија има неколку компании (домашни и странски) што сакаат да инвестираат во обновливи извори на енергија, вели Костадиновски. Од регулаторната комисија за енергетика ни изјавија дека одлуката ја донеле за да ги заштитат сите потрошувачи што досега ја плаќале разликата за поскапата струја од фотоволтаични системи.

    - За добиена енергија од фотоволтаични системи се плаќаше од 410 до 460 евра по мегават-час, што е пет пати поскапо од произведената енергија од хидроцентралите и термоцентралите. Соларните централи не се атрактивни и досега е изградена само една. Од оваа енергија земјата не може да опстане, ниту пак продуцира нови вработувања. Не се ангажираат ниту индустријата, ниту пак градежништвото - ни изјави Влатко Гаврилов од регулаторната комисија за енергетика.
     
       
    Автор: Александар С. Димковски
    http://www.novamakedonija.com.mk/NewsDetal.asp?vest=319101024538&id=10&prilog=0&setIzdanie=21938


    Posted By: axel
    Date Posted: 27-Apr-2010 at 12:39

    Словенци ќе градат сончеви колектори во Струмица

    Струмица - Општина Струмица и една словенечка фирма потпишаа прелиминарен договор за долгорочна соработка и за инвестирање во изградба на енергетски и други стопански капацитети во Струмица.

    Дел од договорот е и намерата словенечката фирма, чие што име засега не се соопштува, пролетва да почне со изградба на сончеви колектори во индустриската зона "Сачево" кај Струмица.

    "По консултациите со надлежните министерства и институции, ќе преминеме на конкретна реализација на овој обемен проект за изградба на капацитет за обновливи извори на енергија чија што моќност ќе изнесува четири мегавати. Во Струмица постојат речиси идеални услови за еден ваков енергетски капацитет, бидејќи во југоисточниот регион од државата во просек има дури 270 сончеви денови во годината", изјави градоначалникот на Струмица, Зоран Заев.

    Тој најави дека вкупната инвестиција ќе изнесува над 15 милиони евра и изрази надеж дека ова е само почеток на една многу послоевита и долгорочна соработка не само со енергетскиот сектор, туку и со другите економски чинители од Словенија. Како резултат на се' поуспешните економски релации меѓу Македонија и Словенија, неколку струмички компании веќе се присутни на словенечкиот пазар, а од струмичкиот регион покрај пласманот на свежи градинарски и други земјоделски производи во Словенија се извезуваат и конзервиран зеленчук, тутун, мебел и друго. (МИА)


    http://www.utrinski.com.mk/?ItemID=AD6D4475201A0542AB18A67816E2FA12


    Posted By: axel
    Date Posted: 27-Apr-2010 at 20:00
    Германците заинтересирани за градба на фотонапонски електрани и соларни колектори во Македонија Скопје, 27 април - Шест компании од Германија и еден претставник на германското Министерство за економија во наредните три дена ќе ги испитуваат можностите за инвестирање во фотонапонски и соларни колектори во Македонија.
    За евентуалната изградба на капацитети од обновливи извори на енергија германските компании бараат транспарентност и ефикасно одобрување на проектите, среднорочна и долгорочна перспектива за развој на проектите од соларна и фотоволтаична енергија, како и поддршка преку повластени тарифи.
    Како што беше истакнато на германско-македонската Конференција за фотонапонска и соларна термија, што денеска се одржува во Скопје, според некои истражувања,Македонија просечно има 270 сончеви денови годишно. Тоа претставува одлична можност за производство на електрична енергија од фотонапонски колектори и производство на топла вода од сончеви колектори.

    http://www.porta3.com.mk/index.php?option=com_content&task=view&id=1997


    Posted By: axel
    Date Posted: 05-May-2010 at 07:16

    Струја од сончеви колектори

    Штипската фирма „Актива“ ќе инсталира фотоволтаични колектори на деловната зграда на „Мавис“

    Иван Бојаџиски

    ШТИП - Првите фотоволтаични колектори за производство на струја од енергијата на сонцето ќе ги поставува штипската фирма за производство и монтажа на челични конструкции „Актива“. Колекторите ќе бидат поставени на деловната зграда на една од најголемите штипски конфекции „Мавис“, лоцирана во индустрискиот дел на Штип. Идејата е „Мавис“ на ваков начин да ги обезбедува своите потреби од електрична енергија.

    „Сега изготвуваме техничка документација за инсталирање на вакви колектори. Со тоа сакаме да дадеме придонес во цивилизациските тенденции за искористување на енергијата на сонцето како обновлива, еколошки чиста. Убедени сме дека откако ќе се видат ефектите од зелената енергија поголем број фирми во државава ќе се определат за вакви рационални и економски решенија“, вели Иле Николов, директор на „Актива“.

    Оваа штипска фирма што на највпечатлив начин се обидува да ја промени сликата за локалната штипска економија, на пазарот се проби со квалитетна работа. И за тековната деловна година „Актива“ ги обезбедила своите капацитети.

    „Првите два месеца од оваа година беа загрижувачки. Но, од март наваму работите значително се подобрија. Се отворија можности, па забрзано произведуваме челични конструкции во нашите хали и ги монтираме на десетина објекти низ Македонија. Работиме на новиот автосалон на ‘Фолксваген‘, на фирмата ‘Старт‘ во Демир Капија, на бензинската пумпа во близина на селото Стојаково, на автопатот кај Гевгелија, на новата производна хала на фабриката за кабли во Неготино. Потоа на центарот ‘Веро‘ во Скопје, на казиното ‘Принцес‘ во Гевгелија, на хотелот со казино и на импозантната купола на влезната порта во хотелскиот комплекс“, потенцира директорот Николов.

    За оваа штипска компанија најголем проблем во моментот е неликвидноста на поголем дел од фирмите со кои соработува, а што ги бараат нејзините услуги. Поради тоа, во „Актива“ стравуваат од можни проблеми со наплатата што ќе влијае на нивните добавувачи.

    „Најголемиот проблем на стопанството се ограничените можности за добивање поволни кредити од нашите банки. Многу компании не располагаат со слободни средства и не се во состојба да ги остваруваат своите планови што се од значење за македонската економија. Тоа е голем проблем и на тоа прашање во државава мора да се поработи“, коментира Николов.

    http://www.utrinski.com.mk/?ItemID=C56B2541850213469AC7323C1EDA90EB


    Posted By: Cloverstack
    Date Posted: 16-May-2010 at 20:26
    ЗА ДА СЕ НАМАЛАТ СМЕТКИТЕ ЗА СТРУЈА
    Државата да помага за сончеви колектори


    Силвана Јовановска

    Со користење на енергијата од сончевите колектори и со поставување внатрешна изолација во домовите сметките за струја можат да бидат поевтини и за 70 проценти, сметаат енергетски стручњаци, кои присуствуваа на работилницата насловена „Како до поевтини сметката за струја“, во организација на партијата ДОМ. 
    - Со поставување сончеви системи домаќинствата можат да заштедат годишно 30 отсто од потрошувачката на струја. Според нашите истражувања, едно четиричлено домаќинство во просек троши 52 киловатчасови дневно, а тоа е 1.500 киловатчасови месечно, или од 15.000 до 18.000 киловтчасови годишно. Со користење на соларната енергија за затоплување на водата во бојлерите годишно можат да се заштедат 6 000 киловатчасови струја - вели Златко Чулев, сопственик на „Етерна солар“. 
    Тој изјави дека во Македонија се поставени 4.000 сончеви колектори. Корисници се индивидуални куќи и хотели, а според Чулев, колекторите можат да се постават и во болници, училишта и други јавни установи, како и во индустријата. 
    - Проблемот е во парите. Во време на криза ниту едно домаќинство не се решава да даде повеќе илјади евра наеднаш за да постави сончеви колектори, и покрај тоа што инвестицијата ќе му се врати за пет години и потоа ќе види ќар од заштедата на струја - вели Чулев. Тој прецизира дека за да се постават сончеви колектори во зграда од 30 стана, секој станар треба да плати 1.500 евра. 
    Енергија може да се заштеди и со внатрешна изолација на станбените објекти, сметаат енергетичарите од Центарот за енергетска ефикасност. 
    - Со надворешна изолација на ѕидовите на објектот, со изолација на таванот и на прозорците може да се заштеди 40 отсто од потрошувачката на енергија - вели Игор Петрушевски од МАЦЕФ. 
    Лилјана Поповска, претседателка на ДОМ, нагласи дека ќе се заложи државата да формира Фонд за заштита на животната средина и за енергетска ефикасност, а со средствата собрани од најголемите загадувачи во земјава да се субвенционираат оние домаќинства, кои ќе градат сончеви колектори и ќе постават изолација во домовите. 
    - Секаде во светот државите се грижат да произведуваат што повеќе еколошка енергија од обновливи извори – сонце и ветер, кои не ја загадуваат околината и врз основа на тоа имаат право да користат зелени кредити од ЕУ. Овие кредити преку банките треба да стигнат до граѓаните и тоа со евтина камата од три до пет отсто на годишно ниво - вели Поповска. Таа нагласи дека државата мора во законските прописи да определи просечно количество струја кое ќе може да го потроши едно четиричлено домаќинство. Сите оние кои ќе трошат повеќе од законски утврдениот лимит на киловатчасови, треба да бидат санкционирани со поскапа тарифа на струја, а оние кои ќе потрошат помалку енергија, да ги субвенционира со енергетски ваучери.

    http://vreme.com.mk/DesktopDefault.aspx?tabindex=1&tabid=1&EditionID=2022&ArticleID=140824



    Posted By: Cloverstack
    Date Posted: 19-May-2010 at 22:13
    Државата штеди на сонцето



     
    Годинава само преку ребаланс на буџетот може да продолжи акцијата за стимулирање на вградувањето на сончевите колектори, што е тренд секаде во светот  
     
    %20  
    За сончевите колектори за домаќинствата, еден од најуспешните проекти на Владата, годинава нема пари. Субвенциите не се предвидени во буџетот на Министерството за економија. Токму ова Министерство пред три години ја почна и успешно ја спроведуваше акцијата, доделувајќи им по 300 евра на 500 семејства што во своите домови ќе инсталираат сончеви колектори. Со вградување на овие системи значително се намалува потрошувачката на електрична енергија и се заштитува животната средина од загадување. На поголемо искористување на сонцето, како обновлив и еколошки чист извор на енергија, апелира и Европската Унија. Таа на своите членки и кандидати за членство дури и со закон им наложи до 2020 година најмалку 20 проценти од потребите за енергија да обезбедат од обновливи извори на енергија. Во таа насока изненадува одлуката на Владата да стисне кочница и да штеди на нешто што е тренд во целиот свет. Дека мерката беше широкоприфатена покажува и огромниот интерес на граѓаните од цела Македонија што аплицираа на огласите.

    - Владината кампања за вградување сончеви колектори во домовите беше повеќе поттик граѓаните сами да размислуваат и да инсталираат вакви системи и да не чекаат само на Владата. Од друга страна, поради кризата буџетот на Министерството годинава е скратен, поради што и оваа мерка не е предвидена. Но тоа не значи дека Владата и Министерството за економија се откажуваат од неа. Понатаму или во случај на ребаланс на буџетот сосема е извесно повторно да се даваат субвенции за оваа намена - ни изјави Селвет Барути, портпарол во Министерството за економија.

    И од Македонскиот центар за енергетска ефикасност (МАЦЕФ) сметаат дека причината за укинувањето на субвенциите е поради глобалната економска криза.

    - Ова е катастрофа. Тамам почнаа луѓето да се привикнуваат и акцијата да зема сé поголем замав, државата ја укина. Веројатно поради немање пари во буџетот - ни изјави Игор Петрушевски, експерт од МАЦЕФ.

    Сепак, како што вели тој, во тек се преговори со Европската банка за обнова и развој и со Светската банка за обезбедување меки кредитни линии, со ниски каматни стапки за граѓаните, токму за оваа намена. Формирање државен фонд за енергетска ефикасност и зелени кредити со ниски камати, преку комерцијалните банки бараат и компаниите што се занимаваат со производство и вградување соларни системи. Златко Чулев, сопственик на „Етерна солар“, смета дека државата, во име на граѓаните, може да зема поволни кредити за ова намена.

    - Мерката за субвенции за сончеви колектори требаше да се прошири и да важи за сите заинтересирани апликанти, а не само за првите 500, што ќе се јават на огласот, како што беше досега. Но наместо тоа, државата годинава ја укина целата мерка, што е неприфатливо - смета Чулев.

    Според него, користењето на сончевата енергија и помага на земјата да ги заштеди фосилните горива, кои ги има во ограничени количества.




    Заштеди од 97,5 милиони евра годишно

    Доколку 500.000 домаќинства вградат сончеви колекторски системи, годишниот енергетски ефект би бил 2.400.000 магавати заштедена електрична енергија. Економскиот ефект, пак, би бил заштеда од околу шест милијарди денари (97,5 милиони евра). Значаен е и еколошкиот ефект, бидејќи би се намалила емисијата на јаглероден диоксид за цели 750.000 тони годишно. Просечната цена на чинење на еден сончев колекторски систем за едно домаќинство изнесува околу 650 евра, инвестиција што се враќа преку заштедите на сметките за струја.

    Хаваи е првата држава во светот што со закон го регулира искористувањето на сончевата енергија. Таму е задолжително вградување сончеви колектори во секој нов дом, односно се забранува издавање градежни дозволи за куќи што немаат предвидено поставување соларни колектори за загревање вода. Во Израел во 90 отсто од домовите се инсталирани вакви системи. Државите од ЕУ користат различни мерки за стимулирање на граѓаните и најчесто тоа се грантовите, како директна поддршка, поволни кредити, но и разни даночни олеснувања, намалување на персоналниот и данокот на додадена вредност.
    http://www.novamakedonija.com.mk/NewsDetal.asp?vest=519101032278&id=10&prilog=0&setIzdanie=21987


    Posted By: La Linea
    Date Posted: 20-May-2010 at 03:11

    Сончеви колектори во „Видое Подгорец“

    Струмица – Основното училиште „Видое Подгорец“ од Колешино прво во регионот ќе добие систем од сончеви колектори за осветлување на спортското игралиште, училниците и на работните простории. „Воведувањето и користењето на алтернативни извори на енергија е приоритет на сите европски фондации. Училиштето во Колешино е меѓу првите во државата и прво во регионот во кое ќе бидат инсталирани сончеви колектори и за нас тоа претставува особена гордост“, вели градоначалникот на општина Ново Село, Петар Спасов. Инаку, преку ПЕП-програмата на УСАИД, годинава за реконструкција на ова училиште се обезбедени околу 1,6 милиони денари. Со овие средства веќе се заменети старите врати и прозорци со алуминиумски, изградени се преградни ѕидови меѓу некои училници и во други делови од ентериерот. (МИА)


    http://www.utrinski.com.mk/?ItemID=1CB51F639C27B941BC316B863DF3DA51


    -------------
    Помогнете во Македонската Википедија - Слободна енциклопедија!


    Posted By: La Linea
    Date Posted: 03-Jun-2010 at 13:10

    Инвеститорите се вртат кон македонското сонце


    Во општината Илинден никна нова сончева централа на компанијата „Петро М“, вредна над 200.000 евра

    %20

    По повеќе децениски застој, соларната опција станува реалност и во Македонија. Компанијата „Петро М“ доцна синоќа ја промовираше изградбата на првата „Сан пауер“ фотоволтаична централа за производство на струја на сончева енергија, инвестиција вредна над 200.000 евра. Преку „Петро М“, на македонскиот пазар влегува и американската компанија „Сан пауер“, која е во самиот светски врв во производство на ПВ-панели, со годишен обрт од 1,5 милијарда долари. Од друга страна, општината Илинден останува на врвот на енергетски и еколошки најефикасни општини, која покрај соларната куќа и централа на „Сието“ во Кадино, сега добива уште еден таков објект.

    - Досега имавме два наши проекта, а централата во Илинден е една од нив. Централата е со моќност од 50 киловати и ќе ги користи најмоќните соларни панели од САД. Нејзината изградба е целосно завршена и останува уште МЕПСО да го направи приклучокот кон мрежата - ни изјави Славица Куљеван од „Петро М“.

    Експертите велат дека интересот за изградба на соларни централи во земјата е огромен, и покрај тоа што Владата ги намали цените по кои се откупува струјата добиена од сонцето. Неодамна и на компанијата „Траст“ и беше одобрена локација за соларна централа на излезот од Прилеп, спроти селото Старо Лагово. Очигледно, во споредба со другите енергенси, кои ги има помалку и стануваат сé поскапи, инвеститорите одлучиле да се свртат кон македонското сонце, кое освен што трае бесконечно, го добиваат и бесплатно.

    - Во Македонија има исплатливост и покрај намалените цени за откуп на произведената енергија. Во другите земји овие цени се пониски, но пак се градат вакви објекти. Соларните централи ја користат светлината и производство има преку целата година. За околу 6 години се враќа вложената инвестиција - нагласува Куљеван.

    Со над 270 сончеви денови во текот на годината, Македонија е високо рангирана во Европа, според потенцијалите за искористување на соларната енергија. Во насока на стимулирање на добивање енергија од обновливи извори, Владата донесе и посебни фидингтарифи, со кои на сите што ќе произведат ваква енергија им се гарантира откупот по претходно договорени цени. Моментално цената за енергијата добиена од сонцето изнесува 38 центи во киловат-час, за разлика од претходно кога беше 46 евроценти. Сончевите колекторски системи и компоненти се ослободени од царина, а даночната стапка за нив изнесува 5 отсто. Според експертските анализи, со користење на сончевата енергија во земјата, годишно може да се заштедат минимум 32 милиони евра, колку што чинат и давачките за отворање 6.874 нови работни места.

     
    Автор: А.С.Д


    http://www.novamakedonija.com.mk/NewsDetal.asp?vest=63101039412&id=10&setIzdanie=21998


    -------------
    Помогнете во Македонската Википедија - Слободна енциклопедија!


    Posted By: axel
    Date Posted: 27-Jul-2010 at 17:37

    Странците сé позаинтересирани за македонското сонце



    Во Агенцијата за енергетика пристигнале 57 барања на потенцијални инвеститори за изградба на соларни централи

     
     
    %20  
    Во отсуство на големи надворешни инвестиции во индустриските зони, сонцето станува нашиот најатрактивен извозен продукт. Интересот за изградба на сончеви централи драстично е зголемен во последно време, особено кај странските инвеститори, иако и домашните не се за потценување. Ако до пред една година имавме само една соларна централа во државата, сега ги има десетина, од кои некои се изградени, а некои сé уште во градба. Од Агенцијата за енергетика на Република Македонија потврдуваат дека интересот е огромен и досега евидентирале 57 потенцијални инвеститори, кои во Агенцијата доставиле барање за изградба на соларна централа. Повеќето од нив (35) се странски инвеститори или мешани домашно-странски фирми, кои сакаат да градат централи со поголема моќност.

    - Бројката е огромна, иако не може да се каже дека се сите сериозни, со претпроект и друга документација. Наша заложба е овој предрегистар на поднесени барања да прерасне во вистински регистар. Без тоа не може да се регулира пазарот - ни изјави Владимир Сарач од Агенцијата за енергетика.

    Лиценци за производство на електрична енергија од сонцето веќе имаат добиено „Сието“, „Петро-М“, „Гео линк груп“ од Скопје, како и „Мавис“ од Штип, „АБ солар“ од Битола, „Алфа инженеринг“ од Радовиш, „Фотон“ од Босилово. Производството на електрична енергија од обновливи извори е стимулирано и од државата преку повластени тарифи и гарантиран откуп на произведената струја. Неодамна Регулаторната комисија за енергетика ја намали оваа повластена тарифа за енергија од сонцето од 46 на 38 евроценти по киловат-час произведена струја. Сепак, и покрај намалените цени интересот за изградба на сончеви централи воопшто не е намален, туку постојано расте.

    Стојан Велкоски од истражувачкиот центар „Сончев зрак“ вели дека Македонија е интересно подрачје за инвестирање во соларна енергија поради големиот број сончеви денови во текот на годината.

    - Во моментов има заинтересирани инвеститори за вложување кај нас, преку еден европски проект кој оди преку Бугарија. Се работи за изградба на колектори кои ќе произведуваат и струја и топла вода и ќе работат во комбинирана состојба заедно со ветерници, бидејќи така е најисплатливо - вели Велкоски.


    %20


    Тој нагласува дека и грчки компании се заинтересирани за искористување на соларната енергија и термалните води. Енергијата добиена од сонцето е еколошки чиста и претставува тренд во светски рамки. Деновиве интерес за изградба на колекторски системи за производство на електрична и топлинска енергија во Струмица доставила и една шпанска компанија. Претставници на компанијата ја посетиле општината и се интересирале за условите за добивање на земјишна парцела од околу 100 хектари во индустриската зона меѓу селата Сачево и Градско Балтовци, велат од општината. Оттаму додават дека интерес има и кај фирми од Словенија, Чешка и од други европски земји.

    И додека странците се туркаат да влезат во Македонија, домашните експерти со доза на резерва гледаат на ваквите состојби.

    - Јас сум против тоа. Странците доаѓаат со готова технологија и нема голем ќар за домашната економија. Парите исто така ќе отидат надвор од државата. Затоа многу подобро е да има повеќе мали домашни соларни централи, отколку една поголема странска - смета Звонко Марковски, директор на „Сието“ и сопственик на првата соларна централа во Кадино.

    Тој е поборник и на идејата за 10.000 сончеви покриви, каде што исто толку семејства ќе добијат можност да произведуваат и да продаваат струја со инсталирање сончеви системи на своите куќи.
     
     
    http://www.novamakedonija.com.mk/NewsDetal.asp?vest=726101013171&id=9&prilog=0&setIzdanie=22043



    Posted By: axel
    Date Posted: 27-Jul-2010 at 19:06

    Шпанци сакаат да градат сончеви колектори во Струмица

    Шпанска компанија е заинтересирана за изградба на колекторски системи за производство на електрична и топлинска енергија во Струмица. Претставници на компанијата, која веќе била присутна на енергетскиот пазар во нашава земја неколкупати ја посетиле општина Струмица и се интересирале за условите за добивање земјишна парцела од околу 100 хектари во индустриската зона лоцирана меѓу селата Сачево и Градско Балтовци.

    На таа тема се разговарало и за време на неодамнешната средба меѓу градоначалникот Зоран Заев со шпанскиот амбасадор во земјава Хозе Мануел Паз Агерас.

    За парцелата кај Сачево, која се протега на околу 400 хектари, порано беше заинтересирана и грчката мултинационална компанија „Стијафилко“ за изградба на четири фабрики во кои требаше да се вработат околу 1.500 лица, но поради високите цени таа се откажала од овој проект. За изградба на сончеви колектори беа заинтересирани и компании од Словенија и од други европски земји.

    http://www.dnevnik.com.mk/?itemID=970C478A261EBE47BD2F5FD3A52F85E9&arc=1


    Posted By: axel
    Date Posted: 23-Aug-2010 at 12:24

    Во услови на криза пораст од над 100 проценти


    Во Македонија има потенцијал за отворање 3.000 нови работни места само во секторот на сончевата енергија, тврдат експертите

     
     
    %20  
    Додека глобалната економија е срушена на колена поради рецесијата, една индустриска гранка бележи енормен пораст и над 100 проценти во светски рамки. Во најновиот извештај на АЕЕ, германски институт за одржливи технологии, обновливите извори на енергија се посочуваат како најперспективна гранка на која очигледно економската кризата не и може ништо. Трендот на пораст во оваа дејност се зголемува од година во година, и освен во развиените земји, значителен пораст е забележан и во најсиромашните земји, како Кенија, Танзанија, Коста Рика, се вели во извештајот.

    - Само минатата кризна 2009 година соларниот сектор бележи пораст од 53 проценти, ветерната енергија 32 проценти, колекторите за топла вода 21 процент, геотермалната енергија 4 проценти, хидроенергијата 3 проценти.

    И финансиските институции го открија својот интерес и ги зголемија средствата за вакви проекти од 2 милијарди долари во 2008, на 5 милијарди долари во 2009 година- вели Вернер Веис од АЕЕ. Каде е Македонија во целата оваа приказна и каква е состојбата кај нас? Експертите се поделени. За дел од нив воопшто не заостануваме зад ваквите светски трендови, додека други пак сметаат дека сме сé уште далеку. Искористувањето на соларната енергија и кај нас бележи огромен пораст за што доказ се поднесените 57 барања за изградба на сончеви централи. Претежно се работи за странски инвеститори (35), но има и мешано домашно странски фирми, велат од Агенцијата за енергетика. До пред некоја година во земјава немаше ниту една сончева централа. Македонија, како и останатите развиени земји, има донесено повластени тарифи за производство на енергија од обновливи извори. Во земјава значително е зголемен и бројот на доделени локации за изградба на мали хидроцентрали.

    - Во овој сегмент сме лидери во регионот и советодавна помош веќе побара Косово - вели министерот за економија Фатмир Бесими. Од ЕЛЕМ велат дека работат и на изградба на првиот ветерен парк во Богданци за што се извршени сите испитувања и анализи. Според Сања Поповска Василевска од здружението „Солар“ податоците за порастот не се однесуваат и за Македонија.

    - Кај нас прво нема официјални податоци за оваа индустрија. Овие порасти во светот се резултат на финансиската поддршка за обновливата енергија. Во Македонија единствено постои интерес за фотонапонски централи за производство на струја, меѓутоа тој капацитет е веќе пополнет, што значи има ограничување на капацитетите. Ветерници досега нема инсталирано - нагласува Василевска. Таа смета дека во Македонија има потенцијал за отворање 3.000 нови работни места само во секторот на сончевата енергија. За ова треба поволни кредити, како и да се одземе од данокот на профит до 30 проценти, како на пример во Франција, додава таа. Потребна е и база за проверка и мерење на енергетската добивка. Таков систем не постои кај нас, појаснува Василевска. Наспроти поборниците на соларната и ветерната енергија, не е мал и бројот на оние што сметаат дека со поддршка на овие сектори државата троши народни пари за бадијала.

    - Со субвенционирање си правиме лоша услуга. Тие пари ќе мора да се дадат од џебот на граѓаните, што ќе повлече и поскапување на струјата.

    Кој ќе ја плати таа енергија што тие ќе ја произведат? Државата од џебот на граѓаните. Цената на произведен час енергија од сонце или ветер е доста поскапа во споредба со енергијата добиена од РЕК „Битола“ на пример - вели нашиот соговорник, кој преферира да остане анонимен. Државата во последните неколку месеци двапати ја намали повластената тарифа за добивање енергија од сонцето.
     
     

    http://www.novamakedonija.com.mk/NewsDetal.asp?vest=82310109194&id=10&prilog=0&setIzdanie=22066


    Posted By: axel
    Date Posted: 07-Sep-2010 at 13:36

    Почеток на градежни работи на централа на соларна енергија во Демир Хисар

    Автор: http://www.makfax.com.mk/_user/1/profile -
    07 септември 2010, 13:34
    Извор: Макфакс
    Демир Хисар

    Фотоволтаична централа што ќе произведува еден мегават на електрична енергија ќе биде изградена за неколку месеци во месноста Суводол, Демир Хисар. Денеска беше поставен камен темелникот на новата централа, инвестицијата вредна околу 5 милиони евра.

    ,,Изградбата на една ваква инвестиција, и воедно стимулирање на енергија од обновливи извори, е нешто кое во другите земји се практикува со години. Со над 300 сончеви дена во текот на годината, Демир Хисар е исклучителен регион за искористување на сончевата енергија. Тоа е одличен податок што оди во прилог на изградба на централа на електрична енергија. Секако она што е најголемиот бенефит, е секако заштитата на човековата околина, која е неминовен и значаен фактор за целата држава’’ – изјави претставник на Компанијата АБ Солар.

    Зад инвестицијата се неколку македонски бизнисмени кои во производство на енергија од обновливи извори гледаат предизвик. Општината Демир Хисар, со оваа нова инвестиција станува енергетски и еколошки  центар, кој освен што ќе произведува енергија, ќе се грижи за  заштита на човековата околина.

    ,,Повеќе од задоволни сме дека токму во Демир Хисар, е местото каде се прави една значајна инвестиција, како што е изградба на централа на соларна енергија. Суводол е местото, и точната локација на оваа инвестиција. Место, за кое сметаме дека е идеално пред се заради временските услови, што значи  претежно сончеви периоди во текот на цела година. Заштитата на човековата околина, е воедно најголемата придобивка во која гледаме голем позитивен ефект’’ – изјави Градоначалникот на Демир Хисар Г-дин Тони Ангелевски.

    Македонија е една од земјите што е високо рангирана во Европа, според потенцијалите за искористување на соларната енергија. Иднината на производство на електрична енергија , преку обновливи извори на енергија, допрва доаѓа. Експертите велат дека интересот за изградба на соларни централи во земјата е огромен и во споредба со другите енергенси, кои ги има помалку и стануваат сé поскапи, инвеститорите одлучија да се свртат кон македонското сонце, кое освен што трае бесконечно, го добиваат и бесплатно.

    Македонија котира високо со користењето обновливи извори на енергија. Сончевата енергија е нова технологија која допрва ќе започне да го опслужува пазарот на енергија. Според  Проектот  20 - 20- 20 на ЕУ и Стратегијата за развој на енергетиката, до 2020 година дури 20 проценти од потребите за електрична енергија треба да се произведуваат од обновливи извори на енергија.

    Според експертските анализи, со користење на сончевата енергија во земјата, годишно може да се заштедат минимум 32 милиони евра, колку што чинат и давачките за отворање 6.874 нови работни места./крај/со

    http://www.makfax.com.mk/_home/home#115588



    Posted By: axel
    Date Posted: 07-Sep-2010 at 13:38



    Posted By: axel
    Date Posted: 15-Sep-2010 at 21:36
    Во Радовиш се гради фотонапонска централа fotonaponska-centrala.jpgРадовиш - Фирмата „Алфа инжињеринг“ од Радовиш почна со изградба на фотонапонска централа, која годишно ќе произведува од 70 до 80 мегаватчасови електрична енергија, инвестиција вредна 240.000 евра. Сопственикот на фирмата Ацо Ристов изјави дека во моментов се поставува металната конструкција над постоечкиот објект на фирмата. На покривот ќе бидат поставени 256 сончеви панели.

     

    - Идејата за изградба на фотонапонска централа е резултат на новите текови и примената на алтернативната енергија. Сметам дека оваа инвестиција ќе биде исплатлива, рече Ристов. Тој додаде дека обезбедени се сите документи за привремена лиценца, а по изградбата на фотонапонската централа ќе следи и добивање на трајна лиценца за производство на електрична енергија.

    - Придобивките од изградбата на централата се намалување на СО2, а со продажбата на електричната енергија, фирмата „Алфа инжињеринг“ инвестицијата ќе може да ја исплати за шест години, истакна Ристов и потенцираше дека фотонапонската централа ќе произведува електрична енергија, која годишно ќе може да ги покрие потребите на градот за уличното осветлување. (МИА)

    http://www.porta3.com.mk/index.php?option=com_content&task=view&id=2586&Itemid=125


    Posted By: axel
    Date Posted: 25-Sep-2010 at 19:14

    Голем интерес за инвестирање во соларна енергија

  • http://sitel.com.mk/dnevnik/biznis - Бизнис
  • Иако правилникот за повластени производители на електрична енергија предвидува изградба на соларни станици до максимум 8 мегавати, од регулаторна издадени се дозволи за капацитети од 8,7 мегавати.

    Според директорот на Агенцијата за енергетика интерес за вложување во секторот има и веќе се надминати предвидените квоти.

    Но незнае што ќе се случи со оние што веќе вложуваат по околу 3 милиони евра за изградба на соларна електрана, а на крај нема да влезат во регистарот и ќе останат без лиценца за повластен производител.

    Гечевски вели дека потребно е да се направи предрегистар за да се знае кој воопшто ќе може да започне со градба.

    И од советот за евроинтеграции велат иако декларативно се барат инвеститори, онаму каде што сакат да вложат не им се дозволува. Загарантираната цена неколкупати се намалува што делува демотивирачки врз бизнисот.

    Од започнатите 8, шест се градат со домашен а останатите две со странски капитал. Според елаборатите кога започнале имале загарантирана цена од 460 евра за мегават час во наредните 20 години при што инвестицијата ќе била вратена за 5 до 7 години.

    Сега цената е намалена на 260 евра и 15 години гаранција за повластен производител со што периодот за повратокот на средствата е двојно зголемен при што изградбата на соларни станици ја прави неатрактивна.

    http://www.time.mk/read/NONE/f503ec2f82/index.html


    Posted By: axel
    Date Posted: 10-Jan-2011 at 17:42

    Сонцето се враќа во македонските домови


    Експертите бараат субвенциите за соларни колектори да се прошират и на другите извори на обновлива енергија

     
     
    %20  
    По едногодишна пауза Министерството за економија ги враќа субвенциите од 300 евра за граѓаните што ќе вградат сончеви колектори во своите домови. Оваа мерка беше окарактеризирана како една од најуспешните досега бидејќи побуди и најголем интерес меѓу граѓаните. Поради рецесијата, субвенциите лани беа укинати.
    - За 2011 година се предвидени 6 милиони денари со кои треба да се опфатат над 300 семејства. Во моментот се работи на условите на јавниот оглас, според кој нема да може да конкурираат лицата што претходно добиле субвенција по оваа основа - ни изјави Селвет Барути, портпарол во Министерството за економија. Таа потврдува дека има многу заинтересирани граѓани од целата држава за користење на оваа мерка. Сепак, за разлика од 2009 година, кога беа одобрени 9 милиони денари, годинава субвенциите се намалени на 6 милиони денари. Со вградување на овие системи значително се намалува потрошувачката на електрична енергија и се заштитува животната средина од загадување. ЕУ веќе им наложи на своите членки и кандидати за членство до 2020 година најмалку 20 проценти од потребите за енергија да обезбедат од обновливи извори на енергија. Експертите ја поздравуваат одлуката на власта, но бараат нејзино проширување и на другите обновливи извори на енергија.

    - Треба да се вклучат и другите извори на енергија. Зошто да се онеправда термалната енергија, каде што со геотермалните топлински пумпи може да се добие и поголем коефициент на искористување на енергијата - смета Константин Димитров, од Центарот за енергетска ефикасност.

    Оттаму нагласуваат дека е потребна поголема едукација на стопанските субјекти за користење на поволните кредитни линии од меѓународните институции. Да се вложи еден денар во енергетска ефикасност е исто како да се вложат два или три денари во производство на енергија, тврдат од МАЦЕФ. Компаниите што се занимаваат со вградување на сончеви колектори предлагаат субвенции да добијат сите граѓани што ќе се јаваат на огласот, а не само првите 500, како што беше досега. Просечната цена на чинење на еден сончев колекторски систем за едно домаќинство изнесува околу 650 евра, инвестиција што се враќа преку заштедите на сметките за струја. Според стручните анализи, доколку 500.000 домаќинства во Македонија вградат сончеви колекторски системи би се заштедиле близу 97 милиони евра годишно. Хаваи е првата држава во светот каде што со закон е регулирано искористувањето на сончевата енергија и секој новоизграден дом мора да има сончев колектор. Во Израел во 90 отсто од домовите се инсталирани вакви системи. Државите од ЕУ, пак, користат различни мерки за стимулирање на граѓаните и најчесто тоа се грантовите, поволни кредити, даночни олеснувања итн.
     

    http://www.novamakedonija.com.mk/NewsDetal.asp?vest=1101191077&id=10&prilog=0&setIzdanie=22177


    Posted By: axel
    Date Posted: 18-Feb-2011 at 14:58

    Наскоро соларна централа во Илинден


    Фирмата „Алтернатив енерџи-М“, која е дел од германската „Блунергс АГ“, наскоро, во општината Илинден ќе почне да ја гради првата соларна централа со моќност од еден мегават

     

     
    %20  
    Централата ќе биде лоцирана во селото Ајвотовци, на површина од два хектара. Реализацијата на овој проект е од големо значење за општината, затоа што станува збор за чиста и алтернативна енергија. Со централата ќе се подобри и енергетската состојба во општината, а ќе се отвори и можност за тргување со „зелената енергија“, како што налагаат европските стандарди. Овој проект е дел од напорите на општината Илинден за заштита на животната средина, намалување на емисијата на штетни гасови, со примена на алтернативни обновливи извори на енергија.

    http://www.novamakedonija.com.mk/NewsDetal.asp?vest=21811921444&id=14&prilog=0&setIzdanie=22210


    Posted By: OCB
    Date Posted: 21-May-2011 at 14:41
    Италијански фирми ќе ги користат сончевите зраци во Кочанско

    Во Кочани во тек се подготовките на теренот меѓу селата Горни и Долни Подлог каде треба да биде инсталирана опрема за искористување на сончевата енергија. Од сончевите зраци се планира производство на електрична енергија.

    Проектот е на неколку италијански фирми кои се подготвени за експериментално производство на електрична енергија од сончеви колектори, при што за кратко време се очекува да се сумираат остварените резултати за да можат да се изготват соодветни проекти за континуирано производство. Доколку се исполнат очекувањата, Италијанците најавуваат изградба на фабрика за сончеви колектори во Кочани.

    Ова е втор проект на општина Кочани за алтернативна енергија, по заокружениот систем за искористување на геотермалните води.

    Доколку очекувањата бидат исполнети, по забрзана постапка ќе следува потпишување на неопходните договори со општината, а потоа и со изградба на капацитетот за производство на сончеви колектори.

    Покрај Италијанците во овој проект е вклучена и домашна фирма која соработува со соодветни партнери во Украина од оваа област.

    Градоначалникот на Кочани, Ратко Димитровски изјави дека општината забрзано ја работи постапката околу урбанизацијата на просторот меѓу Макпетрол и село Тркање каде се предвидува изградба на фабриката за сончеви колектори.

    http://sitel.com.mk/dnevnik/biznis/italijanski-firmi-ke-gi-koristat-sonchevite-zraci-vo-kochansko


    Posted By: axel
    Date Posted: 18-Jul-2011 at 08:59

    Инвеститорите најзагреани за вложување во соларната енергија

    18.07.2011 | Автор: Сител
    Инвеститорите%20најзагреани%20за%20вложување%20во%20соларната%20енергија

    Од Агенцијата за енергетика велат дека досега во предрегистарот влегле компании кои сакаат да градат електрани со вкупен капацитет од 44 мегавати.



    Но според Лазар Гечевски со правилникот предвидени се лиценци за повластени производители на струја за само 8 мегавати. Тој очекува новата влада да ја зголеми квотата, бидејќи само досега издадени се решенија на 16 фирми кои веќе стартувале со градба.

    Најголем дел од заинтересираните се странски инвеститори. Но Гечевски додава дека во последниот период и домашните компании сакаат да инвестираат во обновливите извори на енергија.

    Од започнатите 16, дури 10 сончеви електрани се градат со странски, а останатите шест со домашен капитал. Според елаборатите кога започнале имале загарантирана цена од 460 евра за мегават час во наредните 20 години при што инвестицијата би била вратена за 5 до 7 години.

    Сега цената е намалена на 260 евра и 15 години гаранција за повластен производител со што периодот за повратокот на средствата е двојно зголемен при што изградбата на соларни станици според оваа математика ја прави неатрактивна.

    http://www.time.mk/read/NONE/69577c1a9f/index.html


    Posted By: axel
    Date Posted: 25-Jul-2011 at 19:33

    Штип ја чека првата централа на сончева енергија

    Привршува монтажата на фотоволтаичните ќелии на површина од 9.000 квадратни метри

    Иван Бојаџиски


    Штип – Првата поголема фотоволтаична централа во Македонија, која сончевата енергија ја претвора во електрична, ќе почне со работа во текот на август. Штипската фирма „Актива“, чие проектантско студио го изработи проектот, ја привршува монтажата на фотоволтаичните ќелии на површина од 9.000 квадратни метри. Централата е лоцирана во близина на Штип на девет километри од патот кон Радовиш. Инвеститор е штипската компанија „Мавис“, која има разгранета стопанска дејност.

    „На проектот и монтажата на челичната конструкција, а подоцна и на монтажата на фотоволтаичните ќелии, со мали прекини, работиме од август минатата година. Тоа е една новост кај нас што започна да предизвикува внимание во еден дел од бизнис-заедницата. Кај нас доаѓаа и бизнисмени од соседна Бугарија, земја што е отидена многу понапред во искористувањето на енергијата на сонцето за производство на електрична енергија. Тие пројавија интерес на ова поле да работиме и кај нив. Треба да се има на ум дека нашиот сосед веќе има инсталирано електрични централи на сончева енергија од кои добива сто мегавати и дека во тек на изградба се сончеви централи за производство на уште 200 мегавати електрична енергија“, вели Зоран Николовски од „Актива“.

    Штипската централа на сончева енергија е со моќност од еден мегават. Таа ќе биде вклучена во државниот електроенергетски систем. Според договорот на инвеститорот со МЕПСО, ако централата биде пуштена до крајот на септември инвеститорот ќе добива цена од 0,38 центи по киловат произведена струја, а ако централата проработи по тој период цената се намалува на 0,26 центи.

    „Македонија има над 260 сончеви дена во годината, што е огромен, но неискористен природен потенцијал. Како држава имаме обврска со влезот во ЕУ, најмалку 20 проценти од домашните потреби на електрична енергија да ги обезбедуваме од алтернативни обновливи извори. Тука, пред се', се мисли на сонцето, ветерот, биогасот и геотермалните води. Сонцето е нашиот најголем потенцијал и ние упорно работиме на проекти од оваа област бидејќи сме убедени дека еден близок ден многу наши бизнисмени ќе инвестираат во овој сектор и од тоа ќе профитираат“, вели Николовски.

    Штипски „Мавис“ пред две години на покривот од својата деловна зграда постави фотоволтаици од кои сега добива 250 киловат-часа електрична енергија.

    Во источниот дел на Македонија, од 2006 година наваму доаѓаа многу бизнисмени од петнаесетина европски држави со идеја за искористување на алтернативните, обновливи еколошки извори на електрична енергија. Најголем интерес имаше за инсталирање полиња на ветерници. Најголемото ветување дојде од израелско–англиската компанија ЕИЏ, чиј прв човек Дејвид Браун во 2008 година во Свети Николе изјави дека на потегот од Свети Николе, преку Штип, Радовиш, Струмица, па се' до Богданци ќе вложат една милијарда евра. Браун и тогашниот градоначалник Слободан Даневски дури и потпишаа преддоговор за инсталирање на 90 ветерници во атарот на Овчеполието, кои, според Браун, ќе обезбедувале 200 мегавати електрична енергија. За ветерниците беше речено дека ќе бидат готови за шест месеци, но оттогаш досега не се случи ништо, а нема никакви најави ниту за инвестицијата од милијарда евра за која зборуваше Браун.

    Според извор, кој во изминатите пет години имал многу контакти со странците за инсталирање ветерници и фотоволтаици во овој регион, странците нема да инвестираат поради законската нерегулираност на оваа област. „Кај нас не се знае ништо. Ниту на колку години се добива концесија бидејќи мислењата се менуваат дневно, ниту по која цена ќе се откупува електричната енергија од алтернативните извори каде што постојано се кажуваат различни бројки“, вели нашиот извор.

    http://www.utrinski.com.mk/?ItemID=F3DA91C614054B45B3C1708C052FE76B


    Posted By: build.mk
    Date Posted: 03-Aug-2011 at 23:45
    ОСВРТ: Интересот за сончеви електрани огромен, готовите проекти малку


    Странски и домашни инвеститори пројавуваат голем интерес за изградба на сончеви електрани, но многу мал дел од најавените ветувања се остваруваат преку готови проекти во Македонија. Земјава се наоѓа на последното место од регионот според искористеноста на соларната енергија, иако метеоролошките податоци покажуваат дека Македонија има од 250 до 300 сончеви денови во текот на годината со што сме на самиот европски врв според потенцијалот за искористување на овој вид енергија. Наспроти пионерските инвестиции во Македонија, според податоците на Меѓународната агенција за енергија соседните Турција и Грција се наоѓаат на самиот врв во светот во однос на користењето на обновливата енергија од сонцето.

     

    *инсталираните фотонапонски панели во сончевата електрана  „Алфа парк“ во Радовиш

     

     

    Агенцијата за енергетика на Република Македонија во Регистерот на постројки за производство на електрична енергија од обновливи извори на енергија (ОИЕ) има вметнато 8 фотоволтаични постројки со вкупна инсталирана моќност од 1.468 kW и планирано годишно производство од 2.016 MWh. Во извештаите на Регулаторната комисија за енергетика на Република Македонија се објавени барањата за одобрување на користење на повластена тарифа за продажба на електрична енергија од компаниите Фотон – Босилово, Интеграл – Тетово, Мега Солар – Скопје, Алфа Инженеринг – Радовиш, Петро М – Скопје и Мавис – Штип поднесени во последните неколку месеци, додека во истиот период единствено компанијата БТФ – Солар од Кичево поднела барање за лиценца за производство на електрична енергија од обновливи извори на енергија.

     

    *Сончевата електрана „Алфа парк“ изведена на покрив од производна сала

     

     

    Наспроти малиот број завршени проекти, најавите за изградба на сончеви електрани се неколкукратно поголеми, но голем дел од нив останаа нереализирани, особено оние што беа ветени од странските инвеститори. Домашните инвеститори сметаат дека гломазната администрација и приклучувањето на овие објекти од ЕВН се главните проблеми за премалиот број инвестиции во оваа област. „Технички овие проекти се многу едноставни и се градат во рок од еден месец, ако претходно сте ја нарачале сета потребна опрема, но административно барем досега беше ноќна мора“, истакнува сопственикот на „Алфа инжинеринг“ Ацо Ристов. Според електроинженерот Ристов, најголем проблем за сончевите електрани останува ЕВН, која треба да даде приклучок на овие објекти, а не е регулирана со никакви рокови. „Едноставно може да ви пропадне инвестицијата заради нивната монополска позиција и нерегулираност со рокови на нивниот дел од обврските“, вели за „Билд“ Ацо Ристов.

     

    Во земјава постојат неколку позитивни примери за успешно завршени проекти за искористување на сонцето како обновлив извор на енергија. Еден од нив е „Алфа парк“ во Радовиш на инвеститорот „Алфа Инженеринг“, чија што инсталирана моќност изнесува 49,7 MWp и максимално годишно производство на енергија од 80 MWh. Сончевата електрана е составена од 255 фотонапонски модули со поединечна моќност од 195 Wp и трифазни мрежни инвертори секој со поединечна моќност од 15,6 KW. Фотонапонската електрана изведена на покрив од производна хала придонесува и за намалување на штетните емисии на јаглерод диоксид во атмосферата за 70.238 килограми годишно.

     

    Спротивно на големите инвестиции во соседните држави, првата сончева електрана во Македонија беше изградена дури во 2009 година во скопското село Кадино од страна на компанијата „Сието“. „Сончев парк – Кадино“ е пионерски исчекор во искористувањето на сончевата енергија преку инсталираните 120 фотонапонски панели со поединечна моќност од 85 Wp.

     

    Причината за малиот број изградени соларни електрани лежи и во државата, која дури во септември 2008 година создаде предуслови за изградба на вакви објекти преку утврдување на повластена откупна цена за струја произведена од фотонапонски панели, иако до денес цената по киловат час континуирано се намалува од страна на Регулаторната комисија за енергетика.  Сепак, за македонските претприемачи и ентузијасти пристигна позитивна вест од неодамнешната конференција „Бизнис – планирање на проекти за енергетска ефикасност и обновливи извори на енергија на земјите од Југоисточна Европа“ оддржана во Скопје. Фонд од 250 милиони евра ќе им биде ставен на располагање на 12 земји од Југоисточна Европа, меѓу кои е и Македонија за проекти од енергетска ефикасност и обновливи извори на енергија. Искористувањето на странските финансиски фондови е еден од начините за зголемен процент на остварување на планираните проекти за искористување на сончевата енергија.


     

     

    Бојан Блажевски



    ../?p=8634 - #
    Објавено на 03.08.2011 во категорија  ../?cat=28 - Вести . 

    Тагови:  ../?tag=%d0%b0%d0%bb%d1%84%d0%b0-%d0%b8%d0%bd%d0%b6%d0%b5%d0%bd%d0%b5%d1%80%d0%b8%d0%bd%d0%b3-%d1%80%d0%b0%d0%b4%d0%be%d0%b2%d0%b8%d1%88 - Алфа Инженеринг ,  ../?tag=%d0%b5%d0%b2%d0%bd - ЕВН ,  ../?tag=%d0%b5%d0%bd%d0%b5%d1%80%d0%b3%d0%b5%d1%82%d0%b8%d0%ba%d0%b0 - Енергетика ,  ../?tag=%d0%b8%d0%bd%d1%84%d1%80%d0%b0%d1%81%d1%82%d1%80%d1%83%d0%ba%d1%82%d1%83%d1%80%d0%b0 - Инфраструктура ,  ../?tag=%d0%ba%d0%b0%d0%b4%d0%b8%d0%bd%d0%be - Кадино ,  ../?tag=%d0%be%d0%bf%d1%88%d1%82%d0%b8%d0%bd%d0%b0-%d0%b8%d0%bb%d0%b8%d0%bd%d0%b4%d0%b5%d0%bd - Општина Илинден ,  ../?tag=%d1%80%d0%b0%d0%b4%d0%be%d0%b2%d0%b8%d1%88 - Радовиш ,  ../?tag=%d1%81%d0%b8%d0%b5%d1%82%d0%be-%d1%81%d0%ba%d0%be%d0%bf%d1%98%d0%b5 - Сието ,  ../?tag=%d1%81%d0%be%d0%bb%d0%b0%d1%80%d0%bd%d0%b8-%d0%b5%d0%bb%d0%b5%d0%ba%d1%82%d1%80%d0%b0%d0%bd%d0%b8 - Соларни електрани



    Posted By: axel
    Date Posted: 19-Aug-2011 at 15:52

    http://kurir.mk/republika/opstini/39751-Vo-kocansko-ke-se-proizveduva-struja-od-Sonce- - Во кочанско ќе се произведува струја од Сонце

    Петок, 19 Август 2011 14:56
    http://www.facebook.com/sharer.php?u=http%3A%2F%2Fkurir.mk%2Frepublika%2Fopstini%2F39751-Vo-kocansko-ke-se-proizveduva-struja-od-Sonce-&t=%D0%92%D0%BE%20%D0%BA%D0%BE%D1%87%D0%B0%D0%BD%D1%81%D0%BA%D0%BE%20%D1%9C%D0%B5%20%D1%81%D0%B5%20%D0%BF%D1%80%D0%BE%D0%B8%D0%B7%D0%B2%D0%B5%D0%B4%D1%83%D0%B2%D0%B0%20%D1%81%D1%82%D1%80%D1%83%D1%98%D0%B0%20%D0%BE%D0%B4%20%D0%A1%D0%BE%D0%BD%D1%86%D0%B5&src=sp - - - Сподели - - - 16
    Споделете ја веста со Вашите пријатели

    Во атарот на кочанското село Соколарци започна инсталирањето на системот за производство на електрична енергија. Се стартува со две единици со моќност од по 50 киловат часови електрична енергија.

    struja-sonce-500

    - Прво ја подготвуваме површината и ги изградивме бетонските подлоги. Тие ќе служат како основа или фундаменти на кои ќе се постават фотоволтажните рамки и ќе се инсталира системот кој практично ќе функционира автоматски. ќе стартуваме со две единици со моќност од по 50 киловат часови електрична енергија. Предностите се во тоа што струјата ќе се произведува во Соколарци, во непосредна близина на потрошувачите и ќе се избегне преносот и скапите далноводи. Освен тоа изобилството сончева енергија ќе се ефектуира на најнепосреден и профитабилен начин, вели Горанчо Јованов, еден од инвеститорите.

    Иако нема официјални податоци за пројавен интерес за нови вакви инвестиции, неколку локални бизнисмени се подготвуваат да ги вложат своите средства токму во вакви проекти. Според пресметките, вложеното се враќа за три до пет години, а потоа над десетина години се остварува солиден профит.

    http://kurir.mk/republika/opstini/39751-Vo-kocansko-ke-se-proizveduva-struja-od-Sonce-


    Posted By: Cloverstack
    Date Posted: 29-Aug-2011 at 18:33
    @ Makedon PV

    Добредојде
    Оваа секција на форумот е за енергетскиот сектор, а со тоа и нишкава е за соларни електрани и слично. За искористување на сончевата енергија во индивидуални куќи, посоодветна е следнава нишка:

    http://www.build.mk/forum/forum_posts.asp?TID=342 - http://www.build.mk/forum/forum_posts.asp?TID=342

    Твоите постови и репликите кои следеа ги префрлив таму  Smile


    Posted By: axel
    Date Posted: 01-Sep-2011 at 08:50

    АндреЈ Мласко, сопственик и директор на „М-ЛАН СловениЈа“

    Инвестирајте во сонцето

    Македонија има 1.400 сончеви часа годишно, односно има 50 отсто подобри услови во однос на Словенија или други земји на поранешна Југославија за инвестиции во алтернативни извори на енергија, вели Мласко

    Македонија не произведува ниту еден мегават електрична енергија од соларни централи, а има поголем потенцијал од многу земји во регионот. Вашата земја има 1.400 сончеви часа годишно, односно има 50 отсто подобри услови во однос на Словенија или други земји на поранешна Југославија за инвестиции во алтернативни извори на енергија - објаснува Андреј Мласко, сопственик и директор на „М-ЛАН Словенија“ која планира да инвестира во соларни централи во земјава.

    l Има ли интерес за соларни централи ?

    - Во Словенија постои огромен интерес за алтернативни извори на енергија. Заради тоа, државата направи феед-ин тарифа, која постои во многу европски земји. Се разликуваат само цените и условите. Германија е земја со најдобар систем, бидејќи има најмалку сонце. Шпанија има повеќе сонце и има добар феед-ин систем, но проблем е квотата, оти многу е изградено. Во Словенија, на годишно ниво, се намалува квотата за овој систем за 10 проценти, но тоа оди многу бавно. По исполнувањето одредени квоти, не ќе може да се градат соларни централи.

    l Зошто се одлучивте да инвестирате во земјава и кои се потенцијалите на Македонија во однос на алтернативните извори на енергија?

    - Вашата земја има многу сончеви денови. Постојат добри услови. Работите по феед-ин системот, имате непотполнета квота. Ние сакаме да го пренесеме нашето знаење и искуства на тукашните партнери за правење и користење на вакви централи. Во Македонија годинава планираме да изградиме референтен дизајн, од 30 до 50 киловати на Скопскиот саем. Таа инвестиција чини околу 150 илјади евра. Македонија има голем неискористен потенцијал на ова поле. Вашата земја има 1.400 сончеви часови годишно, во зависност од регионот. Најдобро е на југ и на запад. Направена е соларна мапа на која најдобро може да се видат сончевите региони, места со најмногу сончеви часови енергија. Споредбено, Србија има помал потенцијал, Македонија е слично како во Далмација и на некои острови во Хрватска. Словенија има најмалку сончеви часови, од 1.050 до 1.150 годишно. Споредувањето покажува дека Македонија има 50 отсто подобри услови во однос на Словенија или други земји на поранешна Југославија.

    l Дали „М-ЛАН“ инвестирал во други земји од регионот?

    - Размислуваме за Хрватска, но огромната бирократска процедура ја закочува идејата за инвестирање. Кај вас, иако немаме практично искуство, сознанијата велат дека работите одат многу побрзо. Нормално е документите за работење да се обезбедат за околу половина година и тоа е поволно за инвеститорите. Дотогаш може да работите на идејата за прва соларна електрана паралелно со развојот на проектната документација. Може, и доколу се дозволи, да почне градбата на централа. Ова го договоривме во Словенија, иако на почетокот беше неопходно да се добие дозвола за вклучување во дистрибуциската мрежа или да се добие информација дека следните градби може да се вклучат во мрежата, односно дека се исполнети техничките услови.

    l Кои се вашите потенцијални клиенти. Достапни ли се системите за индивидуални корисници?

    - Според нас, во Македонија постојат три категории кои може да го спроведат овој систем. Едни се земјоделците-сопственици на фарми или стакленици. На покривите може да постават панели за производство на електрична енергија. Другиот сегмент е индустријата и многу важниот сегмент, домаќинствата. Вашето законодавство не прави разлика во монтирањето на панелите на покриви или на земја. Во Словенија тоа е поинаку, тешко е да се добие дозвола за монтирање на земја. Потребно е да се инвестира и да се гради. Тогаш кога ќе имате производство на електрична енергија, државата ќе ве субвенционира. Доколку во Словенија вложувате во земјоделство, може да добиете и до 70 проценти неповратни средства, но со смалена феед-ин тарифа. Меѓутоа, многумина изградија со земање about:blank - кредит од инвестициска банка и примаат полни субвенции. И во Македонија постојат субвенции.

    l Доколку некој вложува, значи дека очекува корист и заработка. Кои се предностите и времето за враќање на инвестицијата?

    - Предноста, пред с`, значи добар бизнис. Парите се вложуваат за изградба на мали системи во Македонија и просечен период за поврат на инвестицијата е околу 8 до 9 години. Тие, со производството на ваква енергија, стануваат независен објект. Доколку произведуваат повеќе од што им е потребно, тие може вишокот да го продаваат во системот. Ноќе, кога нема сонце, може да користат акумулирана енергија од денот или да купат струја од системот. Секако, намалувањето на нивната сметка за потрошена електрична енергија и продавањето на вишок струја значи добивка. Трето, тоа значи дека нема дополнителни државни инвестиции во постојниот систем доколку напојувањето се обезбедува од алтернативни извори. Најголема корист е во областа на екологијата бидејќи се чуваат необновливите извори и не се произведува штетен јаглероден диоксид. Изразено во бројки, една куќа за свои потреби, троши до 5 киловати, а стан околу 3,5 киловати. На покрив од 60 квадратни метри може да се посават панели за производство на 7 киловати инсталирана снага, доколку работи, просечно, со 60 отсто од капацитетот. Доколку имате куќа од 150 квадратни метри, а сакате да е независна од енергетскиот систем на државата преку производство на 5 киловати, ќе биде потребно да се вложи околу 17.000 евра.

    l Ваши очекувања од инвестицијата во Македонија?

    - Направивме неколку стратегии. Како инвеститор, ќе почнеме да градиме своја фабрика како референца. Ќе ја направиме во Скопје, а потоа и некаде во Македонија. Потоа, ќе работиме со комерцијални клиенти - партнери. Знам дека досега се земени дозволи за градење, но малку е изградено. Во Словенија, лани, се изградија 35 мегавати, а само оваа година се направени уште 15 мегавати. Македонија не произведува ниту еден мегават. Споредбено, Германија, минатата година, од вакви извори произведе 30 гигавати, а Италија нешто помалку.

    http://www.dnevnik.com.mk/?ItemID=AC4BB6799A80CC40A3FF83BB74B987D7


    Posted By: ATC@LWSK
    Date Posted: 04-Sep-2011 at 20:02

    Два огромни соларни проекти се договараат северно и јужно од Македонија


    http://plusinfo.cfd.mk/large_pics/2011/09/03/Vrawe%20Kozani.JPG

    Северно и јужно од Македонија, во Србија и Грција, и тоа во двата случаи прилично блиску до нашата северна и јужна граница, се подготвуваат два огромни проекти за изградба на енергетски капацитети за искористување на сончевата енергија.


    И двата проекти се големи и долгорочни инвестиции при што се спомнуваат суми од стотици милиони до милијарди евра.


    Во првиот проект, на југот на Србија, голема кинеска компанија ќе прави соларна електрана, а потоа и фабрика за производство на соларни панели за потребите на европскиот континент. Во вториот случај, кој се уште е во почетна фаза, во Грција, со германски пари ќе се гради толку голем соларен капацитет што се очекува да ја замени изгубената енергија на Германија откако оваа земја се откажа од своите нуклеарки по јапонскиот земјотрес и инцидентот во атомската централа Фукушима.


    Најголема инвестиција во историјата на југот од Србија


    Голема кинеска приватна компанија планира во период од 10 години да го претвори Врање во еден од неколкуте големи центри за соларна енергија во Европа.


    Челниците на градот го држат во тајност името на компанијата, но тврдат дека инвестицијата е сигурна.


    Минатата недела, без присуство на јавноста, за оваа зделка беше потпишан протокол за намери од страна на градоначалникот Мирољуб Стојчиќ и претставникот Стивен Хоу, менаџер на кинеската компанија.


    Повеќе детали ќе бидат познати на 12 септември, јавуваат српските медиуми, кога во градот е договорено официјално потпишување на договор за зделката во која, само во првата фаза, ќе бидат инвестирани дури 300 милиони евра. Тогаш во Врање треба да пристигнат челниците на компанијата од Кина, претставници на Кинеската развојна банка, која ќе го финансира проектот, и претставници на Кинеската амбасада во Белград.


    - Ова ќе биде најголема инвестиција во историјата на Врање, која треба од темел да ја измени неговата стопанска структура и значително да влијае врз развојот на југот на Србија – изјави градоначалникот Стојчиќ по повод потпишувањето на меморандумот.


    Градоначалникот истакна и дека за српски поимања, станува збор за многу голема компанија, која вакви проекти успешно спроведува во Европа и светот.


    - Оваа компанија денес во неколку големи електрани произведува повеќе соларна енергија, отколку што Србија произведува електрична енергија – вели Стојчиќ.


    Тој додаде и дека иако самата вест, а особено сумата како бомба одекнале кога биле објавени, сепак, зделката со кинескиот партнер е подготвувана далеку од очите на јавноста во период од 15 месеци. Кинезите се заинтересирале за Врање откако откриле дека регионот има 276 сончеви денови годишно.


    - Во првата фаза, во следните 5 години, во Врање ќе биде изградена соларна електрана со вкупна моќ од 105 мегавати, која ќе ја сочинуваат соларни инсталации на површина од 500 хектари – изјави Бобан Станковиќ, помошник на градоначалникот за економски прашања за српските медиуми.


    Тој дополни и дека на изградбата на соларната електрана ќе работат 500 лица, а ќе ја градат српски градежни компании.


    Во втората фаза, која треба да започне веднаш откако соларната електрана ќе биде вклучена во енергетскиот систем, Кинезите во Врање треба да изградат голема фабрика за фото напонски панели, рече Станковиќ, додавајќи дека капацитетите на таа фабрика, бројот на вработените и цената на инвестицијата се се уште тајна, но Кинезите планираат фабриката да ги снабдува европските купувачи на соларни панели.


    За потребите на оваа зделка, која треба да трае барем 10 години, кинеските партнери од Пекинг, во Белград регистрирале 2 компании со седиште во Врање.


    Проект распослан на 200 километри квадратни 


    И Грција гледа кон сонцето за да изнајде план кој би и помогнал да излезе од длабоките економски проблеми, а во ова би требало да и помогнат Германија и Европската унија.


    Дневниот весник „Та Неа“ објави дека огромен проект во вредност од дури 20 милијарди евра би можел да отвори неверојатни 60 илјади работни места во земјата преку искористување на насекаде достапната во Грција сончева енергија, која потоа би се се испраќала во Германија.


    Имено, на најголемата европска економија и се брза да ги замени изворите на енергија за своите потреби со оглед на одлуката за забрзано затворање на нуклеарните реактори по земјотресот во Јапонија и нуклеарната криза која следеше во тамошната атомска централа, „Фукушима.“


    Весникот пишува дека за планот наречен „Проект Хелиос“ расправале грчкиот министер за животна средина, Јоргос Папаконстантину и германскиот заменик министер за економија, Штефан Капферер, во Атина неделава.


    Од друга страна, „Интернешнл Хералд Трибјун“ (ИХТ) објави дека проектот цели кон достигнување на производен капацитет од 10 гигавати електрична енергија, што би претставувало исто количество на енергија како она што го произведува Јавната корпорација за електрична енергија, главната грчка енергетска компанија, а кое изнесува 10,2 гигавати. За проектот, според ИХТ, ќе бидат неопходни 200 километри квадратни јавно земјиште.


    И, покрај субвенционираните цени за соларната енергија, таа досега споро се развиваше во Грција, со оглед на тоа што земјата се справува со долгови и рецесија. Сепак, во јануари земјата објави планови за изградба на 200 мегаватен фотоволтаичен соларен парк, кој се очекува да чини 807 милиони долари и тоа врз искористените рудници на лигнит во Кожани, гратче на северот на Грција. Инаку, и РЕК Битола го користи истото наоѓалиште на лигнит за својата термоцентрала, но посеверно, на македонска територија.


    Според извештајот на Европската асоцијација на индустријата за производство на фотоволтаици, (ЕПИА), Грција во моментов има инсталирано соларни енергетски капацитети од 206 мегавати. Владата има поставено цели за достигнување на количество од 2,2 гигавати до 2020 година, од кои 1,27 гигавати треба да бидат инсталирани и вклучени во електричната мрежа до 2015 година.


    Од друга страна, Германија на крајот од 2010 година имаше инсталирано соларни капацитети од 7,4 гигавати, но планира оваа бројка да се зголеми до високите 51 гигавати до 2020 година.


    Германско-грчкиот проект се смета како еден од начините да се засили грчката економија преку нова индустрија, додека истовремено и би и се помогнало и на Германија да ја обезбеди својата енергетска иднина без нуклеарна енергија.


    Извор: http://www.plusinfo.mk/vest/14033/Dva-ogromni-solarni-proekti-se-dogovaraat-severno-i-juzhno-od-Makedonija





    Posted By: bojm
    Date Posted: 13-Sep-2011 at 19:19

    Навистина е трагично ѕа пасивна кука ( која сама се греела и се ладела !!!) да ѕборува лице кое нема нити стручно обраѕование нити познаванје за темата!! Од новини и телевиѕија читање и гледанје таква тема не се учи. Учте потрагично е нивни мисленја да се објавуваат и на тој начин погречните информаци да стигаат до ѕаинтересираните лица.



    Posted By: axel
    Date Posted: 29-Sep-2011 at 14:54

    http://www.biznis24.com.mk/node/17576 - Словенечка соларна електрана во Македонија

    Соларна енергија

    http://www.biznis24.com.mk/node/17575">сол
    Мариборската фотоволтажна фирма „М ЛАН“ наредната недела во управната зграда во скопскиот саем, пред почетокот на саемот „Технома“ ќе постави соларна електрана од пет киловати, вредна околу 15.000 евра.
    До крајот на годината претпријатието ќе опреми уште неколку објекти, а своето работење сакаат да го прошират и во другите држави на поранешна СФРЈ, најави директорот Андреј Мласко.

    „М ЛАН“ во Макдонија ја основа фирмата ќерка „М ЛАН СОЛАР“, низ која ќе се опремат и останатите згради на саемот со соларна енергија. Мласко појаснува дека Македонија годишно има 1.400 часа сонце со што  за периодот од 15 години е осигурана „фид-ин“ тарифата.

    http://www.time.mk/read/8819232903/2e14272b2a/index.html


    Posted By: axel
    Date Posted: 19-Oct-2011 at 12:05

    Десет инвеститори чекаат да ги огрее сонце


    Најмалку 10 инвеститори со месеци чекаат одобрение за производство на електрична енергија од обновливи извори

     

     
    %20  

    Правилници го кочат развојот на обновливите извори на енергија

    Дознаваме дека постапката заглавила во правните лавиринти, иако државата уште во почетокот на годинава го донесе новиот закон за енергетика и беше даден период до 30 јуни за приспособување. Сепак, и по истекот на рокот, подзаконските акти сé уште не се донесени. Од Агенцијата за енергетика појаснуваат дека станува збор за две уредби и еден правилник, и тоа уредбите за висината на повластените тарифи и за инсталираната моќност, како и правилникот за стекнување статус на повластен производител, кој треба да го изготви Регулаторната комисија за енергетика. Без нивно донесување не може да профункционира ниту новиот закон за енергетика, велат нашите извори.

    - Постои застој кога станува збор за обновливите извори на енергија. Има 10 компани што чекаат, но уредбата и подзаконските акти сé уште не се донесени. Затоа и дојде до оваа кочница и еден вид бел штрајк - велат од Агенцијата за енергетика. Оттаму уште додаваат дека се работи за суптилни прашања за што веројатно е потребно повеќе време. Со повластените тарифи државата се обврзува да ја откупи сета произведена енергија од обновливи извори по однапред договорена цена, која е повисока од пазарната. Според државната стратегија за обновлива енергија, цената на енергијата добиена од обновливи извори, во зависност од моментот кога се произведува, ќе биде од 1,4 до 3,4 проценти поголема од пазарната.

    Во Министерството за економија велат дека уредбата за повластени тарифи е изготвена, направени се компаративни анализи и таа е во владина процедура, од каде што најскоро треба да биде и усвоена. Дознавме дека и преостанатите подзаконски акти се веќе готови и само чекаат да бидат ставени на дневен ред. И од Регулаторната комисија за енергетика тврдат дека ги скратиле роковите за производство на струја од сончеви централи и биле потребни максимум 60 дена од аплицирањето до издавањето лиценца доколку инвеститорот достави уредна документација.

    Со усвојување на европските директиви, Македонија се обврза до 2020 година 20 проценти од потребите за енергија да добива од обновливи извори. Во моментов околу 14 проценти се од обновливи извори. Во Македонија учеството на сончевата енергија во вкупната потрошувачка на енергија изнесува 7,4 гигават-часа, или 0,04 проценти.


    http://www.novamakedonija.com.mk/NewsDetal.asp?vest=1018112130311&id=10&prilog=0&setIzdanie=22409


    Posted By: axel
    Date Posted: 09-Nov-2011 at 13:38

    Владата кочи изградба на приватни сончеви централи и ветерници

    mailto:poposka@kapital.com.mk - Катерина - поска
    Владата%20кочи%20изградба%20на%20приватни%20сончеви%20централи%20и%20ветерници

    Владата не дозволува да се инвестира во сончеви централи и ветерници затоа што девет месеци не носи уредба на Законот за енергетика, која треба да го стави новото законско решение во функција. Сега се стопирани сите инвестиции во оваа област. Подзаконските акти, кои ги носат Владата и Регулаторната комисија за енергетика, треба да прецизираат за колкава вкупна инсталирана моќност на соларни централи и ветерници државата ќе дозволи повластена тарифа за производителот.

     По донесувањето на Законот за енергетика во февруари годинава престанаа да важат старите правилници на Регулаторната комисија за енергетика, а нови не се донесени. Тоа значи дека новите инвеститори не може да градат енергетски објекти, а трите веќе изградени капацитети со вкупна инсталирана моќност од 2.300 киловати не може да станат повластени производители на струја од сончеви централи. Зошто надлежните државни институции создаваат ваков правен вакуум кога се знае дека домашното производство на струја е клучно за надминување на енергетската криза со која се соочува Македонија?

    По донесувањето на Законот за енергетика во февруари годинава престанаа да важат старите правилници на Регулаторната комисија, а нови не се донесени. Не се усвоени ни преодните одредби, кои ќе овозможат да продолжи изградбата на веќе почнатите енергетски капацитети, кои сега немаат лиценца за да бидат повластени производители.

    Новиот Закон за енергетика налага до 30 јуни годинава Владата да ги има донесено новите уредби за големината на инсталираните капацитети кои ќе произведуваат струја по повластена тарифа и за висината на фидинг-тарифата, која лани два пати се коригираше и се намали за дури 15 евроценти за инсталиран киловат.

    Откако ќе се донесе уредбата, РКЕ треба да донесе правилници за производство на струја од сончеви централи, ветерници и биомаса по повластена тарифа. Со нив секој инвеститор ќе знае колкава е субвенционирата цена од државата. Токму фидинг-тарифата е одлучувачка дали некој инвеститор ќе гради соларна централа или ветерница во Македонија или во странство, бидејќи со неа ја пресметува исплатливоста на проектот.

    Инвеститорите заглавени, парите заробени

    Проблеми поради кои е неатрактивно производството на струја од сончева енергија

     девет месеци Владата не носи подзаконски акти со кои ќе се утврди фидинг-тарифа и вкупен капацитет кој ќе добие повластена тарифа за производство на струја од обновливи извори;

     често се менува повластената тарифа, па инвеститорите не можат да ја измерат исплатливоста на проектот;

     ниска повластена тарифа од 26 евроценти за киловат-час струја, со што инвестицијата се враќа за најмалку девет години;

     административни лавиринти, наместо едношалтерски систем.

    Потенцијалните инвеститори кои сакаат да градат или веќе почнале постапка за добивање одобрение за градба негодуваат поради инертноста на државата. Се жалат дека веќе зеле кредит од банка, а инвестицијата им виси во воздух.

    “Владата вели дека ќе поттикнува искористување на обновливи извори на енергија, а нема повластена фидинг-тарифа за соларни централи. И сега целата инвестиција ни виси. Не знаеме дали ќе се коригираат квотите за вкупната инсталирана моќност за повластени производители, која досега беше ограничена на 10 мегавати. Не знаеме ни дали ќе се коригираат повластените тарифи. Потребен е правилник во кој ќе се каже која е постапката за еден инвеститор да почне да гради за да знаеме дали да влегуваме во проектот или не. До донесувањето на новиот Закон важеше стариот правилник, според кој со одобрението за градба се стекнуваш со фидинг-тарифа“, вели за “Капитал“ потенцијален инвеститор во електрана од обновливи извори на енергија.

    Кои услови треба да се исполнат за повластен производител на струја од обновливи извори?

     околу 20 документи;

     одобрение за градба од општината (за помал капацитет) или од Министерството за економија (за поголем капацитет);

     три лиценци од РКЕ - една за производител на струја, предлиценца и лиценца за повластен производител;

     употребна дозвола од Агенцијата за енергетика откако ќе се изгради централата;

     договор со МЕПСО за исплаќање повластена тарифа.

    Во септември 2008 година Регулаторната комисија одлучи за сончеви централи до 50 киловати да важи фидинг-тарифа од 46 евроценти за киловат-час предадена струја. За електрани до еден мегават важеше повластена тарифа од 41 евроцент.

    Лани двапати ја намали оваа тарифа на 26 евроценти за киловат-час за електрани до 50 киловати и на 30 евроценти до еден мегават. Со тоа ја намали атрактивноста на овие проекти.

    Доказ дека државата ги попречува инвеститорите стигнува и од Агенцијата за енергетика. Директорот, Лазар Гечевски, вели дека поради законските проблеми, тројца инвеститори се заглавени во државните административни лавиринти и не може да добијат лиценца за повластени производители на струја од сончеви централи.

    “Нема подзаконски акти, а не се донесени од неколку субјективни и објективни причини. Инвеститорите се доведуваат во заблуда. Со несреќно донесениот правилник од Министерството за економија и неносењето на подзаконските акти инвеститорите се спречуваат да инвестираат и не знаат која ќе биде повластената цена, со која за не повеќе од осум години треба да го вратат капиталот што го зеле од банка. Повластената тарифа неколку пати се намали, а има најави дека може уште да се намалува. Можно е со новите уредби новите повластени тарифи да овозможуваат поврат на инвестицијата за 11-13 години. Фактот дека лиценцата за повластен производител се дава за 15 години покажува дека инвеститорот веќе е на прагот на рентабилност. Ова ќе значи и крај на влегувањето на нови инвеститори во обновливи извори на енергија“, вели Гечевски.

    Од министерството за економија велат дека со техничка помош од УСАИД изготвиле уредба за повластени тарифи за производителите на струја од обновливи извори и таа е во владина процедура. Немаат информација кога документот ќе помине на владина седница.

    http://www.kapital.com.mk/mk/dneven_vesnik.aspx/75932/vladata_kochi_izgradba_na_privatni_sonchevi_centrali_i_veternici.aspx?iId=2440


    Posted By: nenad
    Date Posted: 09-Nov-2011 at 14:25
    ne se fiding tarifi tuku fid-in, orginal angliski (feed-in). Zolcna diskusija se vodi vo vesnikot Economist dali subvenciite za obnovliva energija nosat benefit ili ne. Posebno e kontroverzna soncevata energija koja e i najskapa. Mislam deka se bara poveke od 26 evrocenti po kilogram, sto e ke se soglasite premnogu. NIe nemame industriaj za soncevi kolektori so subvenciite samo ke im pomogneme na stranskite kompanii. A mnogu struja i enma da se dobne


    Posted By: lslcrew
    Date Posted: 09-Nov-2011 at 15:14
    Kilowat?!


    Posted By: nenad
    Date Posted: 09-Nov-2011 at 15:33
    Da kilowat, se izvinuvam, pisauvam na pauzi


    Posted By: axel
    Date Posted: 10-Nov-2011 at 13:15

    Сончевите централи неисплатливи во Македонија

    mailto:poposka@kapital.com.mk - Катери

    Владата крои нова, најверојатно пониска повластена тарифа за откуп на струја од сончеви централи. Но, правилникот за повластени, односно фидинг-тарифи, кој го изготви Министерството за економија, сè уште не е усвоен од Владата.

    Последната фидинг-тарифа по која инвеститорите можеа да добијат субвенција од државата изнесуваше 26 евроценти за киловат-час за електраните до 50 киловати и 30 евроценти до еден мегават. Лани важеа други, повисоки повластени тарифи од 40 до 34 евроценти. Во септември 2008 година пак, повластената тарифа до 50 киловати изнесуваше 46 евроценти за киловат-час предадена струја, а до еден мегават 41 евроцент.

     Од Агенцијата за енергетика велат дека честото намалување на повластената тарифа за производство на струја од сонце ќе значи и крај на влегувањето на нови инвеститори во обновливите извори на енергија

    Потенцијалните инвеститори се сомневаат дека новата повластена тарифа ќе биде доволно атрактивна за да ги вложат парите во производство на струја од сонце. Негодуваат дека поради ниската откупна цена на енергијата од обновливи извори (сонце, ветер, вода и биомаса) и поради тоа што не се донесени подзаконски акти, веќе девет месеци ниту можат, ниту сакаат да инвестираат во соларни електрани.

    “Ако Владата, односно Регулаторната комисија повторно ја спушти фидинг-тарифата, никој нема да биде заинтересиран да вложува во фотоволтаични централи. Атрактивно беше да се гради со повластена тарифа од 40 евроценти, па и од 34. Но, со последните 26 евроценти за киловат-час не е поволно. До 34 евроценти требаше да заврши намалувањето на повластената тарифа. Секој инвеститор си ги планира парите и секако, профитот. Планираме според едни цени, вадиме документи, се молиме да не заглавиме во административните лавиринти за побрзо да ја реализираме инвестицијата и пред самата цел добиваме уште една сопка - пониска тарифа за откуп на струјата“, велат за “Капитал“ потенцијални инвеститори во сончеви централи.

    И од Агенцијата за енергетика, од каде што досега се издаваа употребните дозволи за инвеститорите, врз основа на кои Регулаторната комисија издаваше лиценца за повластен производител на струја, велат дека со намалувањето на фидинг-тарифите производството на струја од сончеви централи веќе не е исплатливо.

    “Со новата уредба на Владата можно е новите повластени тарифи да овозможуваат поврат на инвестицијата за 11-13 години, а самиот период од 15 години, на колку што се дава лиценца за повластен производител, покажува дека инвеститорот веќе е на прагот на рентабилност. Ова ќе значи и крај на влегувањето на нови инвеститори во обновливи извори на енергија”, вели директорот на Агенцијата, Лазар Гечевски.

    Државата ограничи дека ќе ја субвенционира цената на струјата од сончева енергија до вкупен капацитет од 10 мегавати. Во периодот 2007-2011 година се изградени само осум соларни централи со вкупен капацитет од само 1,4 мегавати. Регионот има различна политика од нашата. Инвеститорите велат дека Бугарија и Грција нудат најповолни услови за инвестирање.

    “Со Србија и со Грција дојдовме на исто ниво. Но, едно е да се изедначиш кога имаш инсталиран капацитет од еден мегават, а друго е кога имаш меѓу 50 и 100 мегавати, како што е примерот со Бугарија. Австрија пак, до лани немаше ограничување на вкупниот капацитет за фидинг-тарифа, која изнесуваше 40 евроценти. Германија ја укина фидинг-тарифата, но има производство на струја од 12 гигават-часови од обновливи извори на енергија“, велат потенцијални инвеститори.

    Од Соларната асоцијација на Македонија признаваат дека фидинг-тарифата е првата мамка, односно пречка за инвеститорот.

    “Целта на фидинг-тарифата е да се стимулира производството на соларни централи, оти вложените пари не можат да се вратат при продажба на струјата по пазарни цени“, вели претседателот на асоцијацијата, Илија Насов.

    Експертите коментираат дека со честото намалување на фидинг-тарифите државата само декларативно се залага за производство на струја од обновливи извори. Европската регулатива наложува до 2020 година 20% од вкупното производство на струја да биде токму од обновливи извори.

    http://www.kapital.com.mk/mk/dneven_vesnik.aspx/75965/sonchevite_centrali_neisplatlivi_vo_makedonija.aspx?iId=2441


    Posted By: nenad
    Date Posted: 10-Nov-2011 at 15:02
    БРАВО ЗА ВЛАДАТА!

    Иначе за појаснување, Европската регулатива наложува 20% вкупно за целата ЕУ, секоја земја посебно си го планира енергетскиот микс, ние ќе ги достигнеме со хидроенергија!

    Друга нетошност е дека во регионот ќе најдат поповолни услови! Никој веќе не дава над 20 центи.


    Posted By: axel
    Date Posted: 11-Nov-2011 at 17:15

    Ако се сака, може да се измисли и топла вода!

    mailto:milanovska@kapital.com.mk - В - ија М

    ЕУРОТЕРМ ПРИЛЕП

    ПРОИЗВОДИТЕЛ НА СОЧЕВИ КОЛЕКТОРИ

     

    Aко за некој во земјава може да се каже дека “измислил топла вода“, тоа дефинитивно е компанијата за производство на соларни колектори, Еуротерм од Прилеп. Со искуство кое влече корени уште од далечната 1986 година, денес триесетина вработени произведуваат, како што велат, македонска топла вода, од македонско сонце, во македонски сончеви колектори. Паралелно со напредокот на Еуротерм, низ годините растел и бројот на вработени, па почетниот тим од тројца луѓе, пред неколку години добил уште една нула од десно.

    Предок на Еуротерм е првата приватна фирма во Прилеп, Гром, од каде што сопственикот Горан Спиркоски извлекол непроценливо искуство.

    “Корен на Еуротерм е татко ми, кој до 1986 година работеше во фабриката за парни котли Димче Бањарот. Потоа започна приватен бизнис и новата фирма Гром беше прва и најголема приватна фирма за проектирање и монтажа на системи за греење и климатизација. Тимот на фирмата Гром која беше инженеринг-компанија без оддел трговија имаше огромно искуство во оваа област. По 2000 година ние почнавме одново, како Еуротерм. Знаејќи колкав недостаток е немањето оддел за трговија, уште на самиот почеток воведовме отсек за опрема за парно греење на мало и на големо. Секоја година напредувавме, стекнувавме сериозни клиенти, како Витаминка, хотел Дрим, Метропол, Белви и други. Паралелно ја зголемувавме и трговијата и во 2004 година се вселивме во свој објект“, раскажува Спиркоски.

    Иако инженерингот функционирал добро низ годините, а трговијата неприкосновено напредувала, уште од самиот почеток неостварен предизвик на тимот на Еуротерм било производството. По неколкумесечно двоумење што да произведуваат, веќе во 2007 година, оваа компанија почнува со производство на соларни колектори.

    “Направивме многу брза акција за што порано да почнеме да ја развиваме производната дејност. За кратко време знаевме и кој тип колектори ќе ги произведуваме и за шест месеци излеговме на саем со прототип. После тоа, со напорна работа успеавме за уште шест месеци да го завршиме оформувањето на машините и на технологијата. Интересно е што дури и самите машини се со македонско потекло. Направени се во погоните на фабриката Микросан и иако ниту тие не ја познаваа оваа технологија, сепак храбро влеговме во проектот, а од оваа дистанца можеме да кажеме дека ризикот ни се исплати“, објаснуваат од компанијата.

    Вкупната инвестиција во технологијата, чинела околу 600.000 евра, иако велат дека ваквите машини произведени надвор од Макеоднија би чинеле околу два милиони евра. Од Еуротерм велат дека развивањето на овој бизнис и усовршувањето на машините се напорна работа и големи трошоци, па затоа првите месеци работеле по 20 часа дневно.

    Колку повеќе конкуренција, толку поквалитетни производи

    Според сопственикот Спиркоски, конкуренцијата дефинитивно е поттик во работата, а поголемиот бројот производители, значи и повисоко ниво на квалитет кај производите. Тој раскажува дека неодамна амбасадата на Австрија ги поканила фирмите за соларни колектори од Македонија да посетат неколку австриски производители. Тогаш сфатиле дека Македонија полека станува сериозна земја за производство на соларни колектори во регионот. Доказ за тоа им е што ниту Србија, ниту Хрватска и Словенија имаат т.н. “фул плејт“ технологија за производство.

    Од Еуротерм велат дека во моментов се први и единствени производители со ваква технологија на територијата на бивша Југославија и иако Грција е многу развиена во делот на соларната енергија, сепак, таму тешко може да се најде спој на квалитет и естетика како македонскиот. Еуротерм во 2009 година доби сертификат од реномираниот СПФ институт во Швајцарија, што значи дека нивните сончевите колектори можат да продаваат во која било европска земја и пошироко.

    СОНЧЕВИТЕ КОЛЕКТОРИ БРЗО СЕ ИСПЛАТУВААТ

    Заштедите со сончевите колектори се различни во зависност од објектот и самата намена. Според есапот на Еуротерм, за домашна употреба со нивен колектор, на годишно ниво се добива околу 85% санитарна топла вода со бојлер. Една ваква инвестиција адаптирана на потребите на едно семејство, чини од 600 евра до 1.000 евра.

    “На пример, во луксузниот хотелски и спа-комплекс Аурора во Берово, загревањето на санитарната вода се реализира со колектори. Сега работиме и на проект за загревање на базенската вода со колекторите. Околу 60% од топлата вода се добива со колетори, а само 40% со дополнителни извори на енергија“, објаснува Спиркоски.

    Сепак, во домовите заштедите се поголеми, затоа што количината на потрошувачка на вода во хотелите е многу голема, а за да се направи правилен извор на експлоатациони и инвестициони трошоци, мора инвестицијата да се заокружи на одредена сума, советуваат од Еуротерм. За да не се претера со вложувањето се оди на оптимално ниво, кое ќе им ги врати средствата за три до пет години на помалите хотели, а на поголемите хотелски комплекси од пет до седум години.

    Како кризата може да биде и шанса

    Иако Еуротерм најмногу продава во Македонија, извезува и во Србија и во Бугарија, а веќе три години како компанија е присутна на најголемиот светски саем за соларни колектори, Интерсолар. Од компанијата велат дека иако звучи неверојатно, сепак кризата им помогнала да останат единствени со ваква технологија во регионот долго време.

    “Останатите компании немаа храброст во кризно време да влезат во инвестиции, а ние го фативме токму предкризниот период. Сега засега не сме презадоволни од извозот, но нè бодри тоа што на пазарите се пробиваме со квалитет. За големите компании сме ситна риба, па немаме некоја остварена соработка. На пример, најголемата компанија за производство на термални колектори во светски рамки, лоцирана во Австрија, има капацитет за производство до 3.000 колектори дневно. Тоа се осум или девет роботизирани, автоматизирани линии. Големите компании купуваат од такви фирми. Да не се залажуваме, ние направивме добар квалитет, во голем дел имаме автоматизирано производство, но не можеме да се споредуваме со тие компании. Сепак, во однос на регионот сме солидно конкурентни“, велат од Еуротерм.

    Компанијата во моментов се бори да влезе во Хрватска, Словенија, Црна Гора и во Романија. Велат, овие четири земји им се предизвик кој планираат да го реализирааат наредната година.

    Нареден предизвик на Еуротерм е да инвестира и во други технологии на соларни колектори, како, на пример, ласерско заварување и производство на професионални бојлери за соларни системи во комбинација со систем за греење.

    ДА ИМАМЕ ДОМАШНИ РЕПРОМАТЕРИЈАЛИ, ПРОИЗВОДИТЕ ЌЕ НИ БИДАТ 20% ПОЕВТИНИ

    Од Еуротерм објаснуваат дека целиот репроматеријал им е увозен, затоа што во Македонија реално нема што да се купи.

    “На времето Македонија имаше фабрика за алуминиумски профили, но веќе ја нема. Стакло воопшто немаме, изолација, бакарна фолија и силикон исто така. Единствено нешто што може да се купи од Македонија се пластичните и гумените делови. Ако ги имавме сите овие ресурси во земјава, на пазарот ќе настапувавме со 20% пониски цени. Работиме со термално стакло кое има многу мала содржина на олово и железо, го увезуваме од Германија и е калено, што пет до шест пати ја зголемува цврстината“, објаснуваат од компанијата.


    http://www.kapital.com.mk/mk/magazin/76081/ako_se_saka,_mozhe_da_se_izmisli_i_topla_voda!.aspx


    Posted By: Macedonicus
    Date Posted: 11-Nov-2011 at 18:29
    Како тоа сончевите централи биле неисплатливи во земја каде што 300 дена од годината е сончево?! Неисплатливи за нив или за нас граѓаните?

    -------------
    ಠ_ಠ


    Posted By: accipiter82
    Date Posted: 16-Nov-2011 at 11:57
    Првите македонски фотоволтаици


    Цената на струјата и останатите енергенси секојдневно расте во светски рамки. И во Македонија оваа година веќе поскапи, а се најавува ново поскапување од Нова година. Тоа е причина повеќе за луѓето да се свртат кон обновливите извори на енергија.

    Во Република Македонија од поодамна се продаваат соларни панели, односно фотоволтаици, кои сончевата енергија ја претвораат во електрична. Меѓутоа, тие се сите увeзeни бидејќи ние немавме домашно производство на соларни фотонапонски панели. Сè до неодамна, кога фирмата МФЦ-93 од Прилеп не се зафати со предизвикот „први македонски соларни панели“. По тој повод разговараме со г-динот Звонко Димески, сопственик и управител на фирмата и дизајнер на соларните панели.

    http://energetskaefikasnost.info/%D0%BF%D1%80%D0%B2%D0%B8%D1%82%D0%B5-%D0%BC%D0%B0%D0%BA%D0%B5%D0%B4%D0%BE%D0%BD%D1%81%D0%BA%D0%B8-%D1%84%D0%BE%D1%82%D0%BE%D0%B2%D0%BE%D0%BB%D1%82%D0%B0%D0%B8%D1%86%D0%B8/ - Повеќе...

    -------------
    http://energetskaefikasnost.info


    Posted By: nenad
    Date Posted: 16-Nov-2011 at 13:47
    Originally posted by Macedonicus

    Како тоа сончевите централи биле неисплатливи во земја каде што 300 дена од годината е сончево?! Неисплатливи за нив или за нас граѓаните?


    Цената на струја добиена од сончевите електрани е поскапа од таа добиена од јаглен на пример. Не е важно колку сончеви денови има, таа тазлика останува.Зависно од технологијата оди и над 1,2 евра по Киловат час. Причина за тоа е што технологијата е се уште скапа, треба да се иѕгради мрежа за дистрибуција, и не може да работи нон-стоп, кога е ноќ и облачно се намалува производството. Затоа треба таа цена да се сувенционира, т.е разликата од производствената и таа на пазарот. Во Германија таа субвенција е најдалеку отидена иаоко е северна земја, но идејата е така да се развива домашната индустрија за фото-колектори и со нејзин извоз да се надомести таа разлика.
    Ние какомала земја со незначително производство не сме заинтересирани за такви сбвенции, ако се сака да им се помогне на тие малку компании, подобро директно да им се даде поволен кредит или донација


    Posted By: dimeski
    Date Posted: 16-Nov-2011 at 22:40
    Поздрав од мене , како нов член
    Малку фалба , ако е дозволено ( се надевам дека ми е дозволено , а ќе видите и зошто)
    Во Македонија СЕ ПОЧНА СО ПРОИЗВОДСТВО на сончеви фотонапонски панели !!! Мојата фирма , односно јас почнав со нивно производство. Првичната идеја беше да се направи соларна фотонапонска централа во Прилеп со сопствено произведени панели .Но по неколку месечно талкање во потрага по локација за централата , пропратено со непремостливи бирократски пречки , јас сум на прагот да се откажам !!! А сега кога и повластената тарифа се симнува ( или е веќе симната ) , изгледа дека ќе се откажам потполно. Но сепак се надевам дека производството ќе продолжи , зошто ќе бидам  поефтин од увезените панели .Повеќе инфо на мојата страна ( која се' уште е во доработка ) www.mfc-solar.webs.com



    Posted By: Vladimir P
    Date Posted: 16-Nov-2011 at 23:12
    Дај боже да имаме вакви фалби повеќе, а не празни приказни.

    Секоја чест dimeski и се надевам дека ќе не информираш како напредува а воедно би било уваво и некоја практична едукација.

    -------------

    Поздрав, Владимир http://mz-rail.atwebpages.com/ - http://mz-rail.atwebpages.com/


    Posted By: lslcrew
    Date Posted: 17-Nov-2011 at 02:11
    Димески добредошол, Cheers почестени сме од твоето присуствона форумов! Деновиве се врти и реклама во ударни термини на ЕЛЕМ за овие обновливи еколошки извори на енергија, но праксата преку директен пример знае да покаже и вакво искуство. 


    Posted By: build.mk
    Date Posted: 14-Dec-2011 at 01:21
    ТЕМА: Соларните електрани се градат споро и со мноштво проблеми


    Иако сме последни по искористеноста на сончевата енергија во регионот, изградбата на фотоволтаични постројки во Македонија претставува тешко остварлив зафат поради бројните пречки на кои наидуваат потенцијалните инвеститори. Официјалните податоци од Регистерот на постројки на Агенцијата за енергетика се непроменливи, па така во делот за производство на електрична енергија од обновливи извори на енергија (ОИЕ) фигурираат 8 фотоволтаични електрани изградени на територијата на земјава со вкупно инсталирана моќност од 1.468 kW и планирано годишно производство од 2.016 MWh. Во последните неколку месеци до Регулаторната комисија за енергетика единствено 3 компании имаат поднесено барање за производство на електрична енергија од фотоволтаични електрани, и тоа „Енсол“ од Битола, „Солартек“ од Скопје и „Христов Електро“ од Скопје.

     

    Причината за малиот број завршени енергетски објекти од овој тип лежи во проблемите и недореченостите кои ја успоруваат или оневозможуваат изградбата од страна на  заинтересираните компании. Звонко Димески, сопственик на првата македонска компанија за производство на соларни панели „МФЦ – 93“, за интернет – порталот „Билд“ ги појаснува бројните пречки со кои се соочува при изградбата на планираната фотонапонска постројка. Главната причина за неотпочнување со градба на неговата електрана е проблемот со пронаоѓање на приватна фабрика или хала на која би се поставиле фотонапонските електрани. Сепак, по добивањето на идеална локација во кругот на компанијата „Еурокомпозит“, господинот Димески бил непријатно изненаден од страна на локалната самоуправа во Крушево. „При барањето да извадам градежна дозвола, ми беше кажано дека фабриката мора да побара ново урбанистичко решение за да може воопшто да гради нешто на своја земја. Такво решение се издава ако јас си ги сносам трошоците за неговото издавање, кои се во големина од 2.000 евра и минимум чекање од 6 месеци“, истакнува сопственикот на прилепската компанија.

     

    * Соларни панели на МФЦ-93

     

    Недореченостите во урбанистичките планови претставуваат огромна пречка при изградбата на соларна електрана. „Како јас да добијам градежна дозвола, кога во самите детални урбанистички планови никаде, ама баш никаде, не е предвидена градба на таков објект. Дури постои во нивните планови дека енергетски објект не може да се гради во индустриска зона“, вели Звонко Димески. Причината за малиот број изградени фотонапонски електрани ја гледа и во бавноста на издавањето на лиценци и дозволи, но и во монополската поставеност на ЕВН – Македонија во однос на приклучувањето на веќе изграден објект.

     

    Потенцијалните инвеститори се дополнително загрижени по информациите кои најавуваат намалување на повластената тарифа за откуп на електричната енергија од фотонапонски електрани. „Цената од 30 евроценти за киловат – час предадена електрична енергија е на прагот на рентабилност на ваков вид инвестирање. Јас, со 50 киловати сончева електрана можам да се надевам со оваа цена на враќање на инвестицијата за 7 – 8 години. Тоа и не е така долг период. Но ако, според најавите, таа цена се спушти на 25 или уште полошо на 20 евроценти за киловат – час, тогаш нема да се изгради ниту еден таков капацитет“, истакнува сопственикот на компанијата „МФЦ – 93“.

     

    * Соларни панели на МФЦ-93

     

    За бројните проблеми при изградбата на фотонапонска електрана порталот „Билд“ ../?p=8634 - -  веќе пишуваше во текот на август годинава . „Технички овие проекти се многу едноставни и се градат во рок од еден месец, ако претходно сте ја нарачале сета потребна опрема, но административно барем досега беше ноќна мора“, напомена тогаш Ацо Петров, сопственик на радовишката компанија „Алфа инженеринг“. За жал, пречките со кои се соочуваат потенцијалните инвеститори при изведбата на фотонапонски постројки остануваат актуелни до денешен ден.

     

     

    Локалните власти знаат и да помогнат

     

    Општина Новаци е една од ретките македонски општини која сериозно се вклучува во партнерство со потенцијалните приватни инвеститори за изградба на енергетски објекти кои произведуваат електрична енергија од соларни електрани. Во завршените проекти на локалната самоуправа е наведена и успешната соработка во поддршката за прибирање на потребната документација за изградба на фотонапонска електрана од скопската компанија „Мега Солар“. Инвестицијата вредна 3 милиони евра беше промовирана во текот на изминатово лето, а енергетските параметри на изградената соларна електрана го прикажуваат инсталираниот капацитет од 0,95 MW и инсталираната моќност од 996, 7 kW.

     

     

     

    Бојан Блажевски



    ../?p=10910 - #
    Објавено на 14.12.2011 во категорија  ../?cat=28 - Вести . 

    Тагови:  ../?tag=%d0%b0%d0%bb%d1%84%d0%b0-%d0%b8%d0%bd%d0%b6%d0%b5%d0%bd%d0%b5%d1%80%d0%b8%d0%bd%d0%b3-%d1%80%d0%b0%d0%b4%d0%be%d0%b2%d0%b8%d1%88 - Алфа Инженеринг ,  ../?tag=%d0%b5%d0%b2%d0%bd - ЕВН ,  ../?tag=%d0%b5%d0%bd%d0%b5%d1%80%d0%b3%d0%b5%d1%82%d0%b8%d0%ba%d0%b0 - Енергетика ,  ../?tag=%d0%b8%d0%bd%d1%84%d1%80%d0%b0%d1%81%d1%82%d1%80%d1%83%d0%ba%d1%82%d1%83%d1%80%d0%b0 - Инфраструктура ,  ../?tag=%d0%ba%d1%80%d1%83%d1%88%d0%b5%d0%b2%d0%be - Крушево ,  ../?tag=%d0%bc%d1%84%d1%86-93 - МФЦ - 93 , ../?tag=%d0%bd%d0%be%d0%b2%d0%b0%d1%86%d0%b8 - Новаци ,  ../?tag=%d0%bf%d1%80%d0%b8%d0%bb%d0%b5%d0%bf - Прилеп ,  ../?tag=%d1%81%d0%be%d0%bb%d0%b0%d1%80%d0%bd%d0%b8-%d0%b5%d0%bb%d0%b5%d0%ba%d1%82%d1%80%d0%b0%d0%bd%d0%b8 - Соларни електрани

    ../?p=10910 - http://www.build.mk/?p=10910


    Posted By: dimeski
    Date Posted: 05-Jan-2012 at 13:32
    На 13-12-2011 Министерството за економија на својот сајт ја објави старо-новата вест за повластената цена за откуп на ел.струја произведеа од соалрни фотонапоснки панели ..
    За централи до 50 Квати  е останата 0.3 евра/KWh  , а за централа над 50 Квати , цената е 0,26евра/KWh .


    Posted By: dimeski
    Date Posted: 05-Jan-2012 at 13:35
    Штета само што не ја поедноставија процедурата за станување на повластен производител на ел.енергија од фотонапонски панели .. Да можеше и обично приватно лице да инсталира неколку киловати панели  на својата куќа или во дворот и да продава струја на ЕВН , без притоа да вади еден куп документација , да потроши еден куп пари и месеци/години време.Пак заостануваме зад другите земји и тоа светлосни години. Па се чудиме оти тие имаат , а ние се давиме во сиромаштија..


    Posted By: axel
    Date Posted: 17-Jan-2012 at 14:31

    Во Илинден ќе се гради соларна електрана

    Во селото Ајватовци, во општина Илинден на парцела со површина од 20.000 метри квадратни ќе се гради соларна електрана со сила од еден мегават.
    „Илинден и натаму продолжува со реализација на еден од своите приоритети, а тоа е создавање на услови за примена на алтернативни и обновливи извори на енергија“, пишува во соопштението од Општината.
    Во тој контекст, во делот на образованието и културата се применуваат модели на енергетско ефикасни системи за греење и ладење со користење обновливи извори на енергија, кои придонесуваат за заштеда на енергијата, а со тоа и на парите.

    http://www.plusinfo.mk/vest/30010/Vo-Ilinden-kje-se-gradi-solarna-elektrana-



    Posted By: axel
    Date Posted: 20-Jan-2012 at 15:00

    Струјата ја менуваме со сонце

     
    %20  

    Постојаниот пораст на цената на струјата и на другите енергенти го зголеми интересот на граѓаните за системите за искористување на сончевата енергија. Фирмите што се занимаваат со оваа дејност велат дека почнале да монтираат соларни системи и во текот на зимата, а не како досега, само во пролет и во лето. Сепак, иако постои тренд на зголемен интерес за искористување на сончевата енергија, граѓаните сé уште не го користат доволно потенцијалот што го нуди географската положба на земјава.

    Соларните системи кај нас граѓаните најмногу ги користат за загревање на водата за домашна употреба и велат дека инвестицијата се исплати. Сопствениците на хотелот „Вила Силија“ веќе искусиле дека заштедата во летниот период е голема, за разлика од зимските месеци.
    - Минатово лето забележавме намалување на потрошувачката на струја за 50 отсто, што е навистина голем процент. Зимава, пак, водата мора да се догрева со електрична енергија, бидејќи сончевите системи не можат да постигнат - вели Силвана Коцева-Даскалова, сопственичка на хотелот.
    Поради намалените сметки за струја, задоволни се и другите корисници на сончеви колектори.
    - Презадоволен сум од ефектот. Откако го наместивме колекторот, бојлер за струја не е вклучен, а постојано имаме топла вода. Сметката за струја се движи меѓу 800 и 1.000 денари - вели Драгољуб Марковиќ, кој поставил колектори на својот дом во Кисела Вода.


    Познавачите велат дека интересот меѓу граѓаните за монтирање сончеви колектори во домот се интензивирал во последниве две години.
    - Интерес има дури и во текот на зимата. И сега имаме термини за монтирање, а во последниве две години инсталиравме рекорден број системи - вели Илија Чулев, сопственик на фирмата „Етерна солар“, кој смета дека интересот на граѓаните се должи на нивната поголема едуцираност.
    Ако системот е успешно димензиониран и според реалните потреби, вели тој, инвестицијата има економска и енергетска логика.
    - Намалувањето на потрошувачка на струја на годишно ниво може да биде и повеќе од 60 отсто - вели Чулев, кој нагласува дека во последниве месеци се јавува тренд соларен систем да се поставува уште при изградбата на нова куќа.

    Според сознанијата на наши соговорници што ја следат состојбата во оваа сфера, досега најголем дел или 90 проценти од монтираните системи се за затоплување вода за домашните потреби. За разлика од тоа, интересот за затоплување на домовите преку сончеви колектори е многу мал. Тие велат дека една од причините за ваквата состојба е потребата од идеална изолација на домот, како и малиот процент на намалување на трошоците, кои достигнуваат до 30 отсто од енергентот за греење. Математиката покажува дека инвестицијата во соларен систем за топла вода се враќа за четири-пет години.
    Географската позиција и климата во Македонија нудат многу добра перспектива за користење на сончевата енергија. Вкупното годишно сончево зрачење се движи од 1.250 киловат-часа на квадратен метар во северниот дел до 1.530 киловат-часа во југозападниот дел од земјава.

     

     


    Има интерес, нема реализација

    Законот за енергетика предвидува повластен статус за производителите на електрична енергија преку соларни системи или електроцентрали од обновливи извори. Досега во земјава осум компании произведуваат струја од обновливи извори на енергија, а нивното производство од јануари до октомври 2011 година изнесуваше 0,019 проценти од вкупното производство на електрична енергија во земјава. Во Регулаторната комисија за енергетика велат дека уште 12 компании побарале лиценца за производство на електрична енергија од соларни системи, но засега само една компанија има одобрение за употреба, другите сé уште се градат.
    Потврда дека интересот на светот се врти кон искористување на сонцето како производител на електрична енергија е и веста дека луксембуршка компанија ќе гради соларна централа во соседна Србија. Таа ќе зафати простор од 3.000 хектари и ќе има инсталирана моќност од 1.000 мегавати. Ова ќе биде најголема централа во светот и ќе биде дупло поголема од најголемата досега, во Калифорнија.

     


    Најмногу кредити за соларни централи

    Банкарскиот сектор има посебни кредитни линии за искористување на обновливите извори на енергија. Комерцијална банка има една кредитна линија за финансирање проекти од областа на енергетската ефикасност и обновливи извори на енергија во соработка со Македонска банка за поддршка на развојот (МБПР) и Светска банка, но и програма за кредитирање на развојот од Италијанската кредитна линија реализирана преку МБПР. Според претставниците на банката, проектите сé уште се новина, но стануваат сé поприфатливи за компаниите.
    - Најголем интерес има кај проектите за изградба на соларни централи, каде што еден проект е комплетно финансиран и завршен, а неколку се финансирани и во отплата - велат во Комерцијална банка.
    За проекти од оваа област одобрените средства се движат од 500 илјади, до максимални 4 милиони американски долари. Од програмата за кредитирање на развојот од Италијанската кредитна линија средствата што се одобруваат се од 50 до 400 илјади евра. Рокот на отплата е од шест до десет години со грејс-период од една до три години.


    http://www.novamakedonija.com.mk/NewsDetal.asp?vest=120121035584&id=10&prilog=0&setIzdanie=22484


    Posted By: axel
    Date Posted: 07-Mar-2012 at 22:38

    http://energymk.com.mk/index.php?option=com_content&view=article&id=351:2012-03-07-12-08-16&catid=54:2011-07-29-10-03-49&Itemid=88 - ТЕМА: Зошто Словенците сакаат да инвестираат во фотонапонски електроцентрали кај нас

    http://energymk.com.mk/index.php?view=article&catid=54%3A2011-07-29-10-03-49&id=351%3A2012-03-07-12-08-16&format=pdf&option=com_content&Itemid=88 - - http://energymk.com.mk/index.php?view=article&catid=54%3A2011-07-29-10-03-49&id=351%3A2012-03-07-12-08-16&tmpl=component&print=1&layout=default&page=&option=com_content&Itemid=88 - - http://energymk.com.mk/index.php?option=com_mailto&tmpl=component&link=aHR0cDovL2VuZXJneW1rLmNvbS5tay9pbmRleC5waHA/b3B0aW9uPWNvbV9jb250ZW50JnZpZXc9YXJ0aWNsZSZpZD0zNTE6MjAxMi0wMy0wNy0xMi0wOC0xNiZjYXRpZD01NDoyMDExLTA3LTI5LTEwLTAzLTQ5Jkl0ZW1pZD04OA== - -
    Среда, 07 Март 2012 12:58


    m-lan%20solar%20logoОдличните предуслови со кои располага нашата држава, географската положба, економските услови и вечниот извор Сонцето, ја донесоа словенечката компанија за изградба на фотонапонски електроцентрали „М-ЛАН“ од Словенија во Македонија.
     

    „Имате огромен потенцијал, но и потреба, како земја да изградите фотонапонски електроцентрали и да произведувате струја од природен ресурс. За разлика од Словенија, вашата земја има многу поголем број сончеви часови во текот на годината. Затоа, основавме ќерка-фирма во Македонија вели Андреј Мласко,

    сопственик на компанијата М-ЛАН.

    Огромниот потенцијал за кој зборуваат Мласко и институциите веќе е утврден како процент за учество на обновливите извори на енергија во вкупната потрошувачка на струја во 2020 година. Македонската влада одлучи тој процент на учество да е 21 отсто, објаснува Наташа Вељановска, стручен советник во техничко-енергетскиот сектор за електрична енергија во Регулаторната комисија за енергетика на Република Македонија. Со ова како земја членка на Енергетската заедница и идна земја членка на Европската унија ќе ги исполниме обврските кои произлегуваат од ЕУ директивата. Вкупното годишно сончево зрачење во Македонија варира од минимум 1250 kWh/m2 во северниот дел до максимум 1530 kWh/m2 во југозападниот дел, што доведува до просечно годишно сончево зрачење од 1385 kWh/m2, објаснуваат од Регулаторна комисија за енергетика. Ова го потврдуваат и од Агенцијата за енергетика, додавајќи дека Македонија има квалитетно сонце за производство и на топлинска и на електрична енергија.

    Инвеститорот е задоволен од тимот со кој веќе работи на неколку актуелни проекти во Македонија, како и од огромната заинтересираност на луѓето да инвестираат или да разберат за придобивките од соларната енергија.

    solar-1

    „М-ЛАН Солар во своите развојни концепти за Македонија подеднакво се концентрира на проектирање на фотонапонски системи кои генерираат и ја предаваат електричната енергија во дистрибутивниот систем на операторот ЕВН и на фотонапонски системи кои генерираат електрична енергија која корисникот ја користи за сопствена потрошувачка (автономен систем)“, објаснува Цветанка Велкоска, дипломиран машински инжењер, технички консултант во компанијата.

    Од неколку месечното присуство и работа со заинтересирани потенцијални инвеститори од компанијата велат дека има интерес за поставување на фотонапонски системи на веќе постоечки објекти (кровови), како и за поставување на фотонапонски системи на земја со соодветна носечка конструкција. Станува збор за инвеститори кои сакаат да добијат статус на повластени производители на електрична енергија, со гарантиран откуп од Операторот на пазарот на електричната енергија.

    „Особено, изненадува фактот, што покрај интересот, општата јавност има доволно познавање за овој вид обновлив извор на енергија и придобивките од неговата употреба, што оди во прилог на зголемување на меѓусебната посветеност за користење на овој вид енергија, императив за земја со далеку повеќе сончево зрачење за разлика од Словенија“, објаснува Велкоска.

    При изведба на фотонапонски електроцентрали, ќе се користат модули со голема ефикасност особено за подрачја со повисоки температури како што е нашето поднебје, а постигнувајќи го тоа со ќелии од кристален силициум. Инверторите и останатата електро опрема е со познат и проверен eвропски квалитет, поткрепена со сертификати и гаранции за квалитет.

    http://www.time.mk/read/NONE/a870f35d44/index.html



    Posted By: Galileo
    Date Posted: 14-May-2012 at 17:25

    Bulgarian Holding Starts Regional Expansion with Solar Park in Macedonia



    Bulgarian company Solarpro Holding has signed its first contract for setting up a photovoltaic park in Macedonia, the company announced.

    The 1 MW solar park will be built near the southern Macedonian city of Bitola. Solarpro's Macedonian branch will be in charge of the complete EPC (Engineering, procurement and construction) servicing of the project.

    "The signing of this contract sets the start of the regional expansion of Solarpro Holding. The company's strategy is, after assuming a leadership position in Bulgaria's solar power sector, to taget the regional markets, with neighboring countries being the utmost priority," Solarpro said in a statement.

    Solapro Holding notes that it has become the largest system integrator of photovoltaic parks in Bulgaria with a total of 32 solar power facilities at different stages of competition, and a total capacity of almost 100 MWp
    http://novinite.com/view_news.php?id=139340 - novinite.com/view_news.php?id=139340


    Posted By: gjoko
    Date Posted: 19-May-2012 at 11:09
    Соларно дрво ќе никне до Јустинијан Први

    Дрвото ќе работи со помош на фотонапонски панели и од него граѓаните бесплатно ќе може да ги полнат батериите на сите видови мобилни телефони



    Најдоцна до крајот на месецов ќе се постави енергетското стебло
    Нов проект во центарот на градот
    Граѓаните веќе не треба да се грижат додека шетаат да останат без сигнал на мобилниот телефон поради празна батерија. Најдоцна до крајот на месецов, или почетокот на јуни, до споменикот на Јустинијан Први на кејот ќе се постави таканаречено енергетско стебло на кое граѓаните бесплатно ќе може да ги дополнат батериите на своите мобилни телефони. Носител на проектот е Агенцијата за енергетика во соработка со мобилниот оператор ВИП. Дрвото ќе работи со помош на фотонапонски панели и од него ќе може да се полнат батериите на сите видови мобилни телефони.

    - Објектот ќе биде во форма на печурка и во долниот дел ќе има клупи за 5-6 луѓе да може да седнат и да ги полнат мобилните телефони. Енергетското стебло ќе работи како фотоволтаик, односно ќе се напојува од сонцето, но ќе има и батерии како дополнителен извор на енергија - ни изјави Лазар Гечевски, директор на Агенцијата за енергетика.

    Тој вели дека со овој проект ќе избиеме меѓу првите во овој простор на регионот и Европа што имаат вакви инсталации во функција на граѓаните.

    Од агенцијата додаваат дека иницијатива ќе придонесе и за едукација и зголемување на јавната свест за начините на користење на обновливите извори во секојдневниот живот, а градот Скопје ќе покаже дека се грижи за своите еколошки свесни корисници во урбаните средини. Освен стеблото за мобилни телефони, дознаваме дека општината Центар и ЈП “Паркинзи&рдљуо; се во преговори со Агенцијата за енергетика и за поставување полнач за електрични возила и велосипеди на пет локации во центарот на градот. Меѓу првите локации на која ќе биде поставен полнач за електрични возила и велосипеди ќе биде монтажниот паркинг во Капиштец. Во моментов на територијата на градот Скопје има многу малку таканаречени еко или хибридни возила (околу 15 автомобили) што не ја загадуваат животната средина и се движат на електричен погон.

    Сепак, како што истакнуваат од Агенцијата за енергетика, мора да се размислува развојно и за странците што доаѓаат и го посетуваат градот. Оттаму додаваат дека почнале постапка за набавка на трицикл на електричен погон што ќе се користи за правење мали тури низ градот и за промоција на користење на новите технологии за намалување на емисијата на штетни издувни гасови.

    http://www.novamakedonija.com.mk/NewsDetal.asp?vest=51812918267&id=14&prilog=0&setIzdanie=22583 - http://www.novamakedonija.com.mk/NewsDetal.asp?vest=51812918267&id=14&prilog=0&setIzdanie=22583


    Posted By: gjoko
    Date Posted: 17-Jul-2012 at 23:27
    ЛЕМ ИНВЕСТИРА ВО ОБНОВЛИВИ ИЗВОРИ НА ЕНЕРГИЈА


    Струја ќе потече од соларна електрана во Пелагонија


    Овој енергетски објект практично ќе биде поврзан со РЕК Битола и ќе располага со моќност речиси колку еден блок од термоцентралата

    Во рамките на постојната термоелектрана на РЕК Битола", Електрани на Македонија ќе градат концентрирана соларна електрана, со што ќе се искористи сончевата енергија во битолскиот регион за производство на електрична енергија. Овој енергетски објект практично ќе биде поврзан со РЕК Битола и ќе располага со моќност речиси колку еден блок од термоцентралата. Со тоа ќе се добие нова комбинирана електрана која ќе работи и на јаглен и на сончева енергија.

    Како што велат од енергетската компанија истовремено ќе се зголеми производството на електрична енергија во услови кога количините на јаглен се лимитирани. Засега не се знае колкава ќе биде финансиската конструкција за овој енергетски проект и за колку време реално би можел да се изгради, но енергетските експерти посочуваат дека согласно светските стандарди изградбата на една 50 мегаватна соларна централа би чинела околу 230 милиони евра.

    Од ЕЛЕМ потврдуваат дека есенва треба да биде готова физибилити студијата за соларната централа на францускиот конзорциум составен од консултантски компании СОГРЕАХ и КАРБОНИУММ, кои што изминатиов период ги проверуваа потенцијалите и можностите за искористување на Сонцето за производство на електрична енергија во овој регион.

    Како што потсетуваат од ЕЛЕМ, тие се ангажирани да ја испитаат економската исплатливост и техничката физибилност на проектот, како и да го предвидат развивањето на проектот со помош на Механизмот за чист развој. За таа цел, пред речиси 18 месеци беше одобрен грант во износ од 495.000 евра од страна на француската влада за изработка на оваа студија која се очекува да ги предвиди најдобрите варијанти за изградба на соларна електрана - автономна и хибридна варијанта, како и одредување на најдобра местоположба за електраната.

    Со пилот-проектот покрај физибилити студија за соларна термодинамичка централа од 50 мегавати, треба да се подготви и тендерската документација за изведба на проектот по принципот клуч на ракаа. Исто така, ќе се определат можностите за финансирање преку јавно приватно партнерство, заеднички вложувања со ЕЛЕМ, и различните можности за експлоатација. Од стартот на поставување на темелите до клуч на рака и целосна изградба на објектот се потребни околу 20 месеци.

    Првиот човек на ЕЛЕМ, генералниот директор Влатко Чингоски веќе укажа дека 25% од сегашната потрошувачка на јаглен на РЕК Битола" би се заменил со соларна енергија.
    -Истовремено покрај намалување на емисијата на јаглероден диоксид најголемата придобивка од новата соларна електрана е продолжување на животниот век на термоелектраната Битола - смета Чингоски.

    Со овој проект, АД ЕЛЕМ очекува производство на 104 милиони киловат-часови годишно на чиста соларна енергија. Во ера кога светската наука е согласна дека соларната енергија претставува основа за чиста и здрава животна средина, Електраната ќе придонесе за заштита на околината, со анулирање на емисија од 94 милиони килограми јаглероден диоксид годишно.

    Од енергетската компанија укажуваат дека обновливите извори на енергија се многу важен дел од развојно-инвестициската стратегија на Електрани на Македонија, бидејќи географската позиција на нашата земја е со висок процент на сончеви денови во годината при што се овозможува ефикасно искористување на сончевата енергија.

    Невада Солар најголема соларна електрана во светот
    Најголемата соларна електрана во светот Невада Солар е лоцирана во американската држава Невада, поточно по должината на Елдорадо во пустината Мојаве. Таа е пуштена во употреба пред 5 години и нејзината моќност е 64 мегавати и годишно производство на електрична енергија од 134 милиони киловат часови. Инвестицијата достигнала 266 милиони денари, а заради нејзината исплатливост во план е да се градат уште вакви централи, при што САД е светски лидер во искористување на сончевата енергија. Поради големиот број на сончеви денови и Африка се очекува да стане голем светски производител на електрична енергија од сонце. Во Мароко, Либија и Тунис се подготвува изградба на вакви соларни централи. Во Европа пак, најголемата соларна централа се гради во Шпанија.


    (В.Ма.)


    јас лично не верувам дека државна фирма ова некогаш ќе го изгради


    Posted By: Cloverstack
    Date Posted: 15-Oct-2012 at 00:14
    ТЕМА: Инвеститорите во соларни електрани гневни, Регулаторната комисија ја префрла топката кај Владата

    Инвестирањето во капацитети за производство на електрична енергија преку искористување на обновливите енергетски извори во Македонија може да биде привремено прекинато, доколку владата во брзо време не донесе нова одлука за зголемување на инсталираната моќност на повластените производители на електрична енергија кои ги ползуваат благодетите на сонцето, водата, ветерот и био – масата. Последното решение на Регулаторната комисија за енергетика (РКЕ) за привремено http://www.build.mk/?p=18812 - прекинување на постапките за издавање на привремени решенија за стекнување на статус на повластен производител на електрична енергија од фотонапонски електрани ги разочара инвеститорите. Тие велат дека ваквата одлука може да донесе правна несигурност кај домашните и странските инвеститори во сигурноста на било какви идни вложувања во земјава. Иако на европско ниво се наоѓаме на самото дно според искористеноста на сонцето за добивање на електрична енергија, наместо да се зголемат постоечките капацитети, компаниите од овој сектор ќе претрпат финансиски штети поради тоа што веќе се одлучиле да вложат во соларните електрани.

     

     

     

     

    Според информациите од компанијата „Сието“ од Скопје, проблемите започнале кон крајот на јули годинава, кога сите фирми кои поднеле барање за доделување на статус за повластен производител добиле заклучоци од страна на РКЕ дека нивните постапки се прекинуваат. Од регуларното тело добиле образложение дека прекинот на постапката ќе трае до добивањето на мислење од Владата на Р.М., Министерството за економија и Државниот управен инспекторат за тоа дали спроведувањето на целокупната постапка е во согласност со Законот за енергетика и Правилникот за повластени производители на електрична енергија од обновливи извори на енергија. Иако со истиот правилник се опфатени сите обновливи извори на енергија, сепак постапката е прекината само за производителите на еден вид енергија. „Во пракса, РКЕ ја запре постапката за добивање статус на привремен повластен производител од фотонапонски панели, а продолжи да издава решенија за повластени производители на енергија од водата“, истакнува за „Билд“ Звонко Марковски од компанијата „Сието“.

     

     

     

     

    Од РКЕ објаснуваат дека заклучно со донесувањето на решението за привремен прекин на постапката на 24 септември, до нив се поднесени 90 барања за издавање на привремено решение за статус на повластен производител, од кои 10 барања се одбиени уште во текот на април 2012 година поради немање услови за поведување на постапката. „Од овие 80 барања, 62 барања се однесуваат за фотонапонски електрани со моќност помала или еднаква од 50 kW, а 18 барања се однесуваат за фотонапонски електрани со моќност поголема од 50 kW, а помала или еднаква на 1MW“, напоменуваат од РКЕ. Од таму додаваат дека изградените соларни електрани, оние коишто веќе поседуваат привремено решение и оние коишто поднеле барање за издавање на привремено решение имаат предвидена моќност која ја надминува вкупната инсталирана моќност за која се применуваат повластени тарифи за купопродажба на електрична енергија определена со „Одлуката за вкупна инсталирана моќност за повластени производители од обновливи извори“, донесена од македонската влада.

    Според информациите од регулаторното тело, вкупната моќност кај капацитетите со инсталирана моќност помала или еднаква на 50 kW, утврдена да изнесува максимум 2 MW, е надмината за околу 1 MW, додека истата кај фотонапонските електрани со инсталирана моќност поголема од 50 kW, а помала или еднаква на 1 MW, е надмината за околу 5 MW, наспроти определениот максимум од 8 MW. Компаниите од овој сектор констатираат дека вкупната инсталирана моќност од 10 MW е многу мала во однос на поттикнувањето на искористеноста на обновливите извори на енергија во Македонија. „Потребно е да се зголеми оваа квота и, според мене, новата квота за инсталирана моќност би требала да изнесува најмалку дополнителни 10 MW“, објаснува Звонко Марковски од компанијата „Сието“. Тој напоменува дека како инвеститори на новите соларни електрани треба да се јават правни лица од Македонија, бидејќи на тој начин произведената струја и парите од продажбата на истата ќе останат во нашата земја. Дополнително, со новите инвестиции во овие енергетски објекти би се поттикнал развитокот на домашните компании за инсталација на ваков тип на опрема. Од „Сието“ предлагаат инсталираната моќност на секоја електрана да биде ограничена до максимум 200 kW и на секој инвеститор да можат да му се доделат најмногу две лиценци за изградба во иста општина.

     

     

    Обновливите извори на енергија ја зголемуваат цената на струјата во Македонија?

    Особено важно прашање во целокупната состојба е и определувањето на крајната цена на електричната енергија во Македонија. Од РКЕ велат дека повластените тарифи за електрична енергија имаат директно влијание врз тарифата за пренос на електрична енергија, но и врз цената на електричната енергија која ја плаќаат македонските потрошувачи. Компаниите кои се заинтересирани за вложување во изградба на новите фотоволтаични електрани велат дека инсталирањето на новите енергетски објекти ќе доведе до минорно поскапување на електричната енергија во земјава, наспроти поволностите за развој, како што се приливот на финансиски средства преку инвестиции, поттикнувањето на домашната економија и зголемувањето на исклучително ниската искористеност на обновливите извори на енергија.

     

    Бојан Блажевски


    http://www.build.mk/?p=19267 - #
    Објавено на 14.10.2012 во категорија http://www.build.mk/?cat=28 - Вести .

    Тагови: http://www.build.mk/?tag=%d0%b5%d0%bd%d0%b5%d1%80%d0%b3%d0%b5%d1%82%d0%b8%d0%ba%d0%b0 - Енергетика , http://www.build.mk/?tag=%d0%b8%d0%bd%d1%84%d1%80%d0%b0%d1%81%d1%82%d1%80%d1%83%d0%ba%d1%82%d1%83%d1%80%d0%b0 - Инфраструктура , http://www.build.mk/?tag=%d0%bb%d0%b5%d0%b3%d0%b8%d1%81%d0%bb%d0%b0%d1%82%d0%b8%d0%b2%d0%b0 - Легислатива , http://www.build.mk/?tag=%d0%bc%d0%b5%d0%bf%d1%81%d0%be - МЕПСО , http://www.build.mk/?tag=%d0%be%d0%b1%d0%bd%d0%be%d0%b2%d0%bb%d0%b8%d0%b2%d0%b0-%d0%b5%d0%bd%d0%b5%d1%80%d0%b3%d0%b8%d1%98%d0%b0 - Обновлива енергија , http://www.build.mk/?tag=%d1%81%d0%b8%d0%b5%d1%82%d0%be-%d1%81%d0%ba%d0%be%d0%bf%d1%98%d0%b5 - Сието , http://www.build.mk/?tag=%d1%81%d0%be%d0%bb%d0%b0%d1%80%d0%bd%d0%b8-%d0%b5%d0%bb%d0%b5%d0%ba%d1%82%d1%80%d0%b0%d0%bd%d0%b8 - Соларни електрани

    http://www.build.mk/?p=19267


    Posted By: Ines
    Date Posted: 16-Oct-2012 at 15:39
    Во контекст на темава, денес се одржа конференција во Александар Палас, во организација на Германската стопанска комора.
    Иако темата на конференцијата беше со наслов МАЛИ ХИДРОЕЛЕКТРАНИ, осврт беше направен и за сончевите централи, односно сите ОИЕ (Обновливи извори на енергија-ветер, биомаси итн.). Конференцијата накратко ја опфати регулативата во Германија, нејзините искуства, можноста за финансирање како и презентации на неколку нивни фирми.


    Posted By: accipiter82
    Date Posted: 20-Nov-2012 at 15:35
    http://energetskaefikasnost.info/skladiranje-na-sonceva-energija/ - Складирање на сончевата енергија

    -------------
    http://energetskaefikasnost.info


    Posted By: BOJAN
    Date Posted: 21-Nov-2012 at 13:07
    Проработе втората соларна електрана во битолскиот регион

    Во битолското село Егри денеска беше ставена во функција втората соларна електрана со инсталирана моќност од 993,6 kW. Реализираната инвестиција на компанијата „Торпедо Солар ГТ“ од Битола претставува еден од поголемите енергетски објекти за производство на електрична енергија преку искористување на сончевите зраци во Македонија и воедно е втората соларна електрана со моќност од околу 1 MW во битолскиот регион. Изведбените работи на проектот ги изврши „Соларпро холдинг“ од Бугарија, додека финансиските средства за негова реализација се обезбедени од страна на Капитал банка од Скопје. Произведената електрична енергија преку инверторски систем и трансформаторски постројки ќе биде предавана на дистрибутивниот систем во земјава.

     

    Во Македонија во изминатиов период се реализираа неколку поголеми фотоволтаични електрани за искористување на сончевата енергија како обновлив извор. Соларната електрана на „Мега Солар“ од Скопје повеќе од една година успешно функционира во битолското село Гермијан, при што за овој енергетски објект со моќност од 1 MW беа вложени 3 милиони евра. Покрупен енергетски капацитет од овој тип е ../?p=11891 - планирано да се гради и во скопското село Ајватовци . Единствена пречка за позначаен исчекор во изградбата на вакви објекти е Одлуката за вкупна инсталирана моќност на повластените производители на електрична енергија кои ги ползуваат обновливите извори на енергија, бидејќи пропишаните моќности се веќе надминати.  Според податоците на Регулаторната комисија за енергетика, исцрпени се понудените капацитети за купопродажба на електричната енергија по повластени тарифи од соларните електрани со моќност до 1 MW, чија вкупна инсталирана моќност е ограничена на 10 MW.


    http://www.build.mk/?p=20517



    Posted By: axel
    Date Posted: 12-Jan-2013 at 14:06

    Во Порече ќе се градат четири соларни електрани

    Во наредните две години кај селото Инче бродско е најавена изградба на четири соларни електрани, кои ќе имаат вкупно инсталирана сила од четири мегавати или поединечно секоја електрана ќе има капацитет од еден мегават

    -На површина од 100 000 метри квадратни во реонот на село Инче, наскоро ќе почне изградбата на четири соларни електрани со вкупен капацитет од четири мегавати. Идниот концесионер  со земјиштето ќе управува во наредните 99 години по цена од 25 денари за еден квадрат. Планирано е изградбата на овие електрани да заврши за две години, а за што ќе бидат ангажирани околу 80 работници од нашиот регион, додека 40 лица ќе добијат постојана работа по завршувањето на изградбата - вели Милосим Војнески, првиот човек на бродската администрација.

    Електраните ќе бидат повеќенаменски.

    - Освен за производство на електрична енергија, соларните електрани ќе можат дополнително да се користат за затоплување на вода за оранжерии за цвеќиња или за производство на зеленчук, што ќе биде од дополнителна корист од изградбата на овие електрани - додава Војнески.

    Засега две странски компании пријавија за добивање на овој тендер. Една е полската „Екоенерџи“, додека другата компанија е од Израел со доминантен американски капитал.

    http://www.novamakedonija.com.mk/DetalNewsInstant.asp?vestInstant=12443



    Posted By: gec
    Date Posted: 15-Jan-2013 at 23:51
    mozebi interesen podatok, posebno okolu prethodnite diskusii dali Germanija stvarno gi zatvara ili KE gi zatvori atomskite centrali :
    > vo 2012 postignat nov rekord, samo vo ovaa godina vo Germanija se ugradeni fotovoltaicni postrojki so instalirana moknost od 7.600 MW ! Samo vo 2012 god. Ako eden blok na atomskite centrali ima moknost od 1.000MW , znaci vo 2012 instalirani se "otpisani"  7,6 atomski bloka...


    Posted By: +Protagorist
    Date Posted: 16-Jan-2013 at 16:24

    ако германија како најбогата во еу волку споро напредува тогаш процентуално по број на население утре комотно може да ги надминеме доколку власта кај нас реши наместо во нуклеарка да вложува во сончарка само нека ги усовршат и направат час поскоро 100%-ефикасните келии што подостапни

    -------------
    HaјсилнoтoOpужјe http://oregonstate.edu/instruct/phl201/modules/Philosophers/Protagoras/protagoras_plato_knowledge.htm - е вo caмитeHac cинaпoвo3pнo co НaдeжВepaЉубoв


    Posted By: nenad
    Date Posted: 16-Jan-2013 at 20:03
    Моментално најдобрите фотокелии немаат искористеност над 12 %. така да до 100%...
    во моментов инвестициите во обновливи извори е во надолна линија. Јагленот се врака на голема врата. Во оваа криза која ја зафати Европа се бара ефтина струја. Во САД на пр. струјата е дупло поефтина одколку во Европа. И индустријата таму за дупло е покомпетитивна, нивните прозиводи се поефтини. Во Германија станува се повеке присутно мислењето дека прерано се откажуваат од нуклеарните централи, кои се заменуваат со ТЦ на јаглен! Со тоа емисиите на ЦО2 растат, така да нисто од поставените (преоптимситицки) цели за намалување на нивотот на ЦО2
    МИслам дека ерата на скапи субвенции полека поминува. На компаниите што произведиваат ветерници и фотокелии им останува уште малку време да станат компетитивни на пазарот, бидејќи никој нема да ги купува нивните производи кога државата нема да ја плака разликата во струјата.

    уште еднаш, за МАкедонија енергијата од обновливи извори не е опција. Барем воовој момент.
    мора се уште да се потпираме на јагленот, делумно гасот и заштедата на енергија


    Posted By: BOJAN
    Date Posted: 16-Jan-2013 at 20:29

    Отворена првата електронска продавница за соларни колектори



    Македонија станува извозник на системи за соларна опрема во повеќе земји во светот. На пазарот се нудат исклучиво висококвалитетни производи, а речиси 95 отсто од производството на соларни колектори е од Македонија. 

    Токму ова ја поттикна идејата за отворање на електронска продавница на приватната фирма “Еко-Солар“ од Штип, субвенционирана од страна на македонската влада преку Министерството за информатичко општество и администрација.

    На денешното отворање на е-продавницата, министерот Иво Ивановски истакна дека промоцијата е дел од владиниот проект за субвенционирање на 30 електронски продавници, како најдобри бизнис планови. 

    “Цел на продавницата е продажбата да биде активна 24 часа во денот, да се понудат пониски цени од вообичаеното, како и можност за купување на производи од страна на купувачи надвор од Македонија“, рече сопственикот на фирмата “Еко-Солар“, Зоран Трајков.

    Министерот Ивановски најави и продолжување на рокот за вториот конкурс за е-продавници за дополнителни 15 дена и ќе трае до 31 јануари. 

    “Сите кои се заинтересирани треба да достават бизнис план до Министерството за информатичко општество и администрација. Оние кои ќе бидат одбрани ќе добијат едногодишно бесплатно хостирање, а најдобрите пет веб-продавници што ќе остварат најголем профит, односно оние кои ќе бидат најдобро менаџирани, ќе добијат уште една година субвенционирано хостирање од страна на македонската влада“, рече министерот Ивановски.

    Извор: Нетпрес, http://www.netpress.com.mk/mk/vest.asp?id=118131&kategorija=2


    Posted By: +Protagorist
    Date Posted: 16-Jan-2013 at 21:22

    @ nenad

    имаш во пост #69 инфо за 100%-еф.келии http://build.mk/forum/forum_posts.asp?TID=342&PID=128140#128140 - http://build.mk/forum/forum_posts.asp?TID=342&PID=128140#128140

    е сега ова нема да го видиме на пазар одма,прво ќе извадат 50% ефикасни келии (абер неколку поста претходно од #69) но сепак и во таков случај долгорочно поисплатливо би било да се размислува за соларна електрана наспроти нуклеарна

    времето на фотоволтаиците допрва доаѓа,проблемот е што тајфата западни концерни имаат предетерминирано многу што во светската економија заради одржување во живот на потрошувачкиот менталитет [ http://en.wikipedia.org/wiki/Planned_obsolescence - 1 ] заради што се додека лично немаат интерес истите тие нема ни да дозволат ефтина и секаде достапна струја,која не само што ќе биде буст за нивните конкуренти туку и ќе предизвика стагнација заради преголемата понуда и нелојална конкуренција итн.




    Posted By: gec
    Date Posted: 17-Jan-2013 at 23:04

    “sporo napreduvanje” e mnogu relativen poim. Od FV-proizvodstvo okolu 0 MWh vo 2004 , po samo 8 godini,  vo 2012 Germanija SAMO od fotovoltaik proizvede 22.000.000 MWh.

    “komotnoto nadminuvanje” e isto taka mnogu relativen poim ako se zeme vo obzir deka vo 2012 vo Makedonija se proizvedeni VKUPNO 7.000.000 MWh

    Inaku VKUPNOTO proizvodstvo na struja vo Germanija vo 2012 e 630.000.000 MWh

    Edinstven poim sto ne e relativen se brojkite. Samo pa tie mnogu go ogranicuvaat muabetot.



    Posted By: gec
    Date Posted: 17-Jan-2013 at 23:06

    “sporo napreduvanje” e mnogu relativen poim. Od proizvodstvo okolu 0 MWh vo 2004 , vo 2012 Germanija SAMO od fotovoltaik proizvede 22.000.000 MWh.

    “komotnoto nadminuvanje” e isto taka mnogu relative poim ako se zeme vo obzir deka vo 2012 vo Makedonija se proizvedeni VKUPNO 7.000.000 MWh

    Inaku VKUPNOTO proizvodstvo na struja vo Germanija vo 2012 e 630.000.000 MWh

    Edinstven poim sto ne e relativen se brojkite. Samo pa tie mnogu go ogranicuvaat muabetot.



    Posted By: gec
    Date Posted: 17-Jan-2013 at 23:23

    Poim „iskoristenost na fotokeliite“ ne postoi. Ako se misli na stepen na dejstvo ( ili efikasnost, razlika na vlezenata sonceva energija i izlezenata elektricna energija) toa e vekje drugo. Slabite fv-kelii tuka imaat efikasnost okolu 10-15%, podobrite 15-25% a najnovite duri i preku 30-40%. Ova ne zavisi samo od kelijata tuku i od nadvoresni uslovi, na primer. kolku e nadvoresnata temperatura povisoka, tolku e stepenot na korisno dejstvo na fv-kelijata pomal. ( moze da se vidi od literaturata na www.gec.mk) . Po ovaa definicija korisno dejstvo 100% nitu ima nekoj ured nitu moze da ima.

    Navodite za mislenjata vo Germanija okolu preranoto isklucuvanje na nuklearkite ne se tocni. Germanija i pokraj isklucuvanjeto na nuklearkite ostana izvoznik na struja.

    Postavenite celi za reduciranje na CO2 so sigurnost ke bidat postignati, nema nikakva dilema.

    Subvencii na FV-struja vo Germanija NEMA i drzavata ne plakja razliki, nikakvi.

    Sto e opcija za Makedonija , moze i uste ednas, moze i  uste dvas i tris…



    Posted By: gec
    Date Posted: 17-Jan-2013 at 23:30
    mozebi interesen podatok, posebno okolu prethodnite diskusii dali Germanija stvarno gi zatvara ili KE gi zatvori atomskite centrali :
    > vo 2012 postignat nov rekord, samo vo ovaa godina vo Germanija se ugradeni fotovoltaicni postrojki so instalirana moknost od 7.600 MW ! Samo vo 2012 god. Ako eden blok na atomskite centrali ima moknost od 1.000MW , znaci vo 2012 instalirani se "otpisani"  7,6 atomski bloka...


    Posted By: accipiter82
    Date Posted: 18-Jan-2013 at 17:50
    Изградена уште една , овај пат во Ресен http://energetskaefikasnost.info/nova-soncheva-centrala-vo-resen/ - сончева централа

    -------------
    http://energetskaefikasnost.info


    Posted By: axel
    Date Posted: 31-Jan-2013 at 21:47

    Макошпед ќе произведува електрична енергија

    31/01/2013  //  Пред 5 часа  //  http://faktor.mk/archives/category/economy - ЕКОНОМИЈА  //  http://faktor.mk/archives/25553#respond - Коментирај

    struja

    Објавувајќи го планот за работа за годинава, транспортно- шпедитерската компанија Макошпед најави дека планира да купи земјиште во Склад Маџари на кое ќе изгради фотоволтаична централа за производство на електрична енергија од обновливи извори.

    Во известувањето до Македонската берза, од Макошпед наведуваат дека ниту годинава нема да има посериозни промени во транспортно – логистичката дејност поради, како што велат, ниската економска активност, слабата наплата, слабата инфраструктурна поврзаност, но и неквалитетниот возен парк.

    Макошпед за годинава планира да понуди квалитетни и интегрирани услуги, пристап кој на компаниите ќе им заштеди време, пари, кадар и потреба од голема организација. Очекуваат обемот на работа да остане на исто ниво како и лани при што планираат да ја преземат дистрибуцијата на производите на нивните коминтенти . Приходите од кирии се предвидува да се намалат за 25% поради завршување на некои договори за закуп, додека останатите приходи се предвидува да се движат на исто ниво како и лани.

    Се очекуваат вкупни приходи од 880 илјади евра, додека во делот на расходите, и годинава, најмногу пари Макошпед ќе потроши на исплата на плати за вработените, вкупно 322 илјади евра, додека за материјални трошоци ќе потроши 190 илјади евра.  Вкупните трошоци од редовно работење ќе изнесуваат 818 илјади евра. Добивката пред оданочување е проектирана на  61 илјади евра.

    http://faktor.mk/archives/25553?utm_source=rss&utm_medium=rss&utm_campaign=%25d0%25bc%25d0%25b0%25d0%25ba%25d0%25be%25d1%2588%25d0%25bf%25d0%25b5%25d0%25b4-%25d1%259c%25d0%25b5-%25d0%25bf%25d1%2580%25d0%25be%25d0%25b8%25d0%25b7%25d0%25b2%25d0%25b5%25d0%25b4%25d1%2583%25d0%25b2%25d0%25b0-%25d0%25b5%25d0%25bb%25d0%25b5%25d0%25ba%25d1%2582%25d1%2580%25d0%25b8%25d1%2587%25d0%25bd%25d0%25b0-%25d0%25b5



    Posted By: SolarTech
    Date Posted: 07-Feb-2013 at 22:15
    Здраво, јас сум студент на постдипломски студии насока Соларна технологија на ФЕИТ.Имам завршено додипломски студии насока електроника и телекомуникации на ФЕИТ и сум невработен.Многу ја сакам оваа област Соларна Технологија и сакам да работам во фирма во Скопје што се занимава со тоа (фотоволтаици).Но не можам да најдам фирми од оваа област.Па доколку некој знае веб страни на фирми од Скопје за Солана Енергија(фотоволтаици) или конкретно имиња на фирми по можност странски ќе го замолам да ме информира.

    Поздрав до сите


    Posted By: gjoko
    Date Posted: 06-Mar-2013 at 19:57
    За ова соларна електрана не сум знаел иако ми е познат тој крај-близу с.лешани,општина Дебраца-Охридско.Сликано е во движење и со мобилен,па квалитетот не е нешто






    Posted By: disapointed investor
    Date Posted: 15-Mar-2013 at 21:16
    E da taa elektrana e celosno izgradena so pari od bankarski krediti i nasata mila vlada i tie pottrckovci okolu nea cekaa nasite potencijalni investitori da gi vlozat nivnite pari pa "odnenades" da ukinat so izdavanje na licenci za proizvodstvo na el. energija. megjutoa nivnoto odnenadez za mene ne bese nikakva novost zatoa sto uste od prviot den koga resiv i jas da vlozuvam vo ovoj sektor uvidov kolku e casot i sega mi e milo sto sum prekinal so investicijata pred da navlezam uste podlaboko kako ovoj covek. site tie subvencionirani tarifi bea nameneti za prethodno opredeleni lujge i kompanii bliski do vlasta koi ponataka se dolzni preku donacii da ja finansiraat vladeackata nasa mila i patriotska Vmro Dpmn. zatoa site vie koi ste navlezeni vo toj sistem na perenje na mozoci od VMRO mozete da proverite kade najgolem del od makedonskite kompanii koi ne se bliski do vlasta gi vlozuvaat svoite visok pari vo solarni centrali, kako mene vo hrvatska i ne se kaam i nikogas nema da se kaam se dodeka kaj nas sve se sveduva kako ke resi eden covek ili edna grupa.
    pozdrav.




    Print Page | Close Window