Нереализирани проекти/концепти

Printed From: build.mk
Category: Главни теми
Forum Name: Проекти
Forum Discription: Административни, станбени, резиденцијални...
URL: http://www.build.mk/forum/forum_posts.asp?TID=278
Printed Date: 20-Apr-2024 at 02:59

Topic: Нереализирани проекти/концепти

Posted By: pbanks
Subject: Нереализирани проекти/концепти
Date Posted: 15-Dec-2007 at 17:04

Една мала обзервација. На страницата на Маврово имаат секција Running projects. Страницата е очигледно апдејтувана, тука се спортската сала, Џонсон контролс и уште некои други актуелни проекти. На стари проекти не налетав освен на еден.

Деловната зграда на Неоком (кај што е Космофон). Незнам колку сте запознаени со случајот но таа зграда е само половично изградена. Требаше да биде дупло поголема. Немам информации дали проектот го ревидираа да биде ваков каков што е или едонставно комплетирањето го оставија за подобри времиња. Живо ме интересира дали се работи за техничка грешка на сајтот или има надеж оваа работа да се дотурка до крај (јас одавна се имам откажано од таа опција но...).

Еве го линкот до сајтот.

http://www.mavrovo.com.mk/Running/glavna.htm - http://www.mavrovo.com.mk/Running/glavna.htm

Или преку главната страна Running Projects>Building Design and Construction бидејќи вака ви се отвара само еден фрејм.

Изгледот сега

Оригиналниот план

П.С. Сега приметив дека има некои постари проекти но во делот Хидро инженеринг. Другите секции се горе доле скроз апдејтирани.

Replies:

Posted By: kire85
Date Posted: 15-Dec-2007 at 17:41

според планот, ако се доградеше ќе беше една од поубавите деловни згради во Скопје. Штета што заради идиотски причини ја стопираа изградбата, баш пред да се изгради најубавиот елемент од зградата - покривот со стаклената кугла.

Искрено се надевам дека лимениот покрив е привремено решение.....

Posted By: gotsomekicks
Date Posted: 16-Dec-2007 at 17:55

Сега откако некој квази-универзитет се всели на најгорниот кат можеби има шанси да се догради!?!?

Posted By: dejan
Date Posted: 18-Dec-2007 at 14:36

Da ne otvaram nov topik poshto mozhebi nema nishto novo za ova, ama shto se sluchi so toa 'Skopje IT centre'?? Se setiv na toa http://www.skyscrapercity.com/showthread.php?t=283225&page=11 - tuka

Posted By: pbanks
Date Posted: 18-Dec-2007 at 14:45

Originally posted by dejan

Da ne otvaram nov topik poshto mozhebi nema nishto novo za ova, ama shto se sluchi so toa 'Skopje IT centre'?? Se setiv na toa http://www.skyscrapercity.com/showthread.php?t=283225&page=11 - tuka

abe nisto toa e samo nekoj koncept, mislam deka ni nikogas ne bil predviden za gradba...

inaku prasanjeto e vo OK topic

Posted By: dejan
Date Posted: 18-Dec-2007 at 14:49

Aa ok togash...dobra idea inace, fala.

Posted By: pbanks
Date Posted: 09-Jun-2008 at 14:02

Несудениот Радисон САС Палас Охрид. За жал Палас е сеуште запустен (мислам веќе 7 години) а се наоѓа на толку ексклузивна локација. Истовремено со овој проект пропадна и Радисон САС Скопје кој требаше да биде на плоштад Македонија (маркицата 5.2 веднаш до Магос).

Еве информација од 2004 година.

Radisson SAS Hotels & Resorts Signs Management Contract
for $30 million Radisson SAS Palace Hotel Located in
Ohrid, Macedonia, To Open in 2006

Brussels, June 2004…. Radisson SAS Hotels & Resorts, the first class hotel brand of Rezidor SAS Hospitality, has signed an agreement to manage its first hotel in Macedonia. The 25 million Euro (approx. $30 million U.S.) Radisson SAS Palace Hotel will be located in the city center of Ohrid on the northeastern coast of Lake Ohrid, and is slated to open in March 2006.

The hotel is being designed by WAT&G and will offer 140 guest rooms including 12 penthouse suites with scenic views of the lake. The hotel will offer its guests a choice of two restaurants – one featuring international cuisine and one specializing in Macedonian cuisine. The conference center offers a business center as well as six meeting rooms. Other facilities include an indoor pool, an outdoor pool, a health & fitness center, a spa with treatment rooms and several retail outlets.
.

.
Kurt Ritter, president & CEO of Rezidor SAS Hospitality, comments: “I am excited to add yet another country to our rapidly expanding portfolio. Rezidor SAS acknowledges the potential of the southeastern European tourism industry and foresees continued expansion in this region.”

Rezidor SAS is the sole franchisor in Europe, the Middle East and Africa for the Carlson brands: Radisson, Park Inn, Country Inn and Regent. Rezidor SAS currently includes 220 hotels in operation and under development in 40 countries.

Radisson SAS Hotels & Resorts, part of Rezidor SAS Hospitality, currently operates 132 hotels in 37 countries in Europe, the Middle East and Africa, with another 30 projects under development.

http://www.hotel-online.com/News/PR2004_2nd/June04_MacedoniaRadisson.html - http://www.hotel-online.com/News/PR2004_2nd/June04_MacedoniaRadisson.html

Posted By: pbanks
Date Posted: 08-Nov-2008 at 12:45

Идејно решение на http://www.stonedesign.com.mk/ - Stone Design за Плоштад Македонија. Ова е повеќе "архивски материјал" отколку било што друго. Плоштадот е таков каков што е...

1

Posted By: pbanks
Date Posted: 08-Nov-2008 at 14:25

Во продолжение повторно од Stone Design, уредување на делот пред и околу Лумикс (Сквер Мајка Тереза)

1

Posted By: maestro
Date Posted: 09-Nov-2008 at 13:55

Originally posted by pbanks

Една мала обзервација. На страницата на Маврово имаат секција Running projects. Страницата е очигледно апдејтувана, тука се спортската сала, Џонсон контролс и уште некои други актуелни проекти. На стари проекти не налетав освен на еден.Деловната зграда на Неоком (кај што е Космофон). Незнам колку сте запознаени со случајот но таа зграда е само половично изградена. Требаше да биде дупло поголема. Немам информации дали проектот го ревидираа да биде ваков каков што е или едонставно комплетирањето го оставија за подобри времиња. Живо ме интересира дали се работи за техничка грешка на сајтот или има надеж оваа работа да се дотурка до крај (јас одавна се имам откажано од таа опција но...).Еве го линкот до сајтот. http://www.mavrovo.com.mk/Running/glavna.htm - http://www.mavrovo.com.mk/Running/glavna.htm Или преку главната страна Running Projects>Building Design and Construction бидејќи вака ви се отвара само еден фрејм. Изгледот сега

Оригиналниот план

Мене и вака ми се допаѓа зградата

Со оглед на тоа што никогаш не сум ни помислил дека не е изградена до крај, ни вака не ми пречи.
Иако убаво ќе беше да имаше убави погледи кон булевар К. Ј. Питу и Железничката станица.
Се на се, ова е еден од подобрите објекти во Скопје.

-------------

Posted By: zabegan
Date Posted: 10-Nov-2008 at 00:06

дефинитивно stone design ми се омилени, ми се допаѓа решението за плоштадчето на мајка тереза, но незнам со што друго ќе се вклопеше освен со лумикс Dunno

П.С. 1 денар хаха, не ми се допаѓа многу проектот за фонтаната, но дефинитивно интересно и креативно, ми се допаѓа како размислуваат

Posted By: shyes
Date Posted: 15-Dec-2008 at 11:07

Топ идеја за просоторот околу Лумикс ако може така да се нарече. Многу ми се допаѓа. Нешто каотично личи но многу смирувачки специално со таа плоча на Мајка Тереза и тие неколку тревни делови. Супер, штета што не е реализирано.

Posted By: Б.Ѓ.Т
Date Posted: 15-Dec-2008 at 13:21

toa okolu lumiks e dobro zamisleno a za denarot na ploshtadot ne trebal ama ic,ne ja svakam poentata sto im bila,drugoto e intersno.

Posted By: maestro
Date Posted: 22-Jan-2009 at 17:42

Оригиналниот план

СТАНАРИТЕ НА УЛИЦА БОЈМИЈА ПРОТИВ ДУП-ОТ "СКОПЈАНКА"
Доградбата на "Неоком" ќе ни го земе сонцето
Станарите на кулата, која се граничи со зградата на "Неоком", тврдат дека ако над "Неоком" се изградат уште 5 ката, ним ќе им се одземе светлината и ќе им се намали циркулацијата на воздух

Станарите на кулата на улица Бојмија бр.4 во Општина Аеродром бараат да се стопира донесувањето на деталниот урбанистички план "Скопјанка", урбана единица- А, согласно кој се дозволува доградба и надградба на "Неоком", со што директно ќе им се загради излезот од засолништето и ќе им се одземе светлината.
Станарите на кулата, која се граничи со зградата на "Неоком", тврдат дека ако над "Неоком" се изградат уште 5 ката, ним ќе им се одземе инсолацијата и ќе се намали циркулацијата на воздух. Тие велат дека сите згради од двете страни на булеварот Кузман Јосифовски - Питу имаат по 7 ката, па надградбата на "Неоком" ќе стрчи над сите и ќе го наруши изгледот на булеварот.
Согласно нацрт-деталниот урбанистички план, ќе се гради и подземна гаража, со што на околу 1.000 жители во сите четири кули од овој регион ќе им се уништи единственото зеленило.
"Не се согласуваме со предвиденото решение и бараме и доградбата и надградбата да се изземат од деталниот план, кој Советот ќе го гласа на следната седница, закажана за в петок. Во кулата живееме од 1981 година, а "Неоком" е тука 7 години, па мислиме дека не е во ред да му се дозволи толкаво проширување на зградата и подземни гаражи кои ќе ни го узурпираат дворот и ќе ни го одземат воздухот", загрижено велат жителите.
Сашо Петковски, претседател на Советот на Општина Аеродром вели дека ДУП-от е легален и за него дале согласност и Министерството за транспорт и врски и Градот Скопје.
"Ги имаме сите согласности за носење на планот и тука нема ништо сомнително. На следната седница ќе се презентираат потребните документи и ДУП-от ќе го ставиме на гласање. Дали ќе се усвои или не зависи како ќе гласа монозинството", изјави Сашо Петковски, претседателот на Советот на Аеродром.

http://vest.com.mk/default.asp?id=162427&idg=9&idb=2579&rubrika=Skopje

Posted By: beTon
Date Posted: 21-Mar-2009 at 20:40

Originally posted by pbanks

од Маврово... на стари проекти не налетав освен на еден. Деловната зграда на Неоком (кај што е Космофон). Незнам колку сте запознаени со случајот но таа зграда е само половично изградена. Требаше да биде дупло поголема. Немам информации дали проектот го ревидираа да биде ваков каков што е или едонставно комплетирањето го оставија за подобри времиња. Живо ме интересира дали се работи за техничка грешка на сајтот или има надеж оваа работа да се дотурка до крај (јас одавна се имам откажано од таа опција но...)

...

зградава ја градеше маврово, но најверојатно проектот е на пелагонија, бидејќи има рендер и на сајтот на пелагонија. инаку подначув еден куп муабети зошто е запрена градбата на пола, од протести на времето во очи изградбата (комшиите во кулите) па се до лоши карактеристики на тлото, најверојатно ова второто е причината, но без официјална потврда не можам да тврдам дека и навистина е тоа е така. инаку од неодамна има иницијатива за враќање на старите позиции, но исто неофицијално најверојатно ќе се оди само три спрата нагоре, наместо целосно да се затвори проектот!? инаку дупот скопјанка падна па и ова со трите спрата најверојатно ќе биде и компромисот околу неоком.

ДУП-от Скопјанка не пројде
Деталниот урбанистички план за Скопјанка актуелен изминативе денови околу неговата контроверзност според жителите на аеродром кај Неоком, вчера не ја доби советничката поддршка. Причината за ваквата одлука, според советниците се многубројните приговори на граѓаните од тој реон во врска со трговскиот центар и катната гаража која треба таму да се гради. Тие тврдат со оваа одлука не наштетиле на граѓаните на Аеродром, напротв со ова оставиле повеќе време да се разгледаат забелешките на граѓаните.
http://www.vecer.com.mk/?ItemID=904848CCEECA4E4D8705CC6671AF3CAF - Вечер - Дејан Србиновски - 03.02.2009

еве го и рендерот од пелагонија

Posted By: beTon
Date Posted: 21-Mar-2009 at 21:32

КОГА НЕ Не БИВА ЗА ИНВЕСТИЦИИ
http://star.dnevnik.com.mk/default.aspx?pbroj=2317&stID=25954&pdate=20031129 - Странците сакаат голф и рагби, ама ние ги дрибламе - 29.11.2003

Австралиско-македонска фирма сака да гради терени за голф, американската амбасада сака игралиште за рагби, а Фудбалскиот сојуз на Македонија е заинтересиран да гради стадион на кејот на реката Вардар во Скопје, на потегот од новата железничка станица до населбата Ново Лисиче.

Мешовитата фирма ЗАП и американската амбасада уште пред една година побарале да им се одобри локација за инвестициите. За изградба на терените за голф би се вложиле милион долари и би се вработиле дваесетина луѓе. Градоначалникот на општината Кисела Вода, Љупчо Димов, вели дека се заинтересирани повеќе фирми што би граделе разни спортски објекти.

- Сепак, потенцијалните странски и домашни инвеститори не можат да почнат да градат, зашто деталниот урбанистички план за тој простор веќе една година е заглавен во Министерството за транспорт и врски - вели Димов.

Според Генералниот урбанистички план за Скопје, тој потег во должина од 6,5 километри е предвиден за спортско-рекреативна зона.

Градоначалникот Димов и пратеникот од СДСМ, Есад Рахиќ, инсистираат надлежното министерство што поскоро да се изјасни за урбанистичкиот план за да може за него да се распише јавна анкета, па да се усвои во Советот на општината.

Мешовитата фирма ЗАП лани побарала од надлежното министерство 30-годишен закуп на локацијата Стара депонија во населбата Ново Лисиче, за да изгради спортски терени за голф. Терените за голф би се простирале од насипот на Вардар до селото Лисиче и од трафостаницата на ЕСМ на булеварот Србија до булеварот АСНОМ.

Подрачната единица на Министерството за транспорт и врски во Кисела Вода во април годинава го одбила барањето на ЗАП со образложение дека се уште не е донесен деталниот план за тој дел од градот.

- Не треба да чекаме прво да се подобри безбедносната состојба во земјава, па потоа да се инвестира. Веднаш треба да се обезбеди влегување на странски капитал во земјава, зашто само така ќе се отворат нови работни места - вели Рахиќ.

http://star.dnevnik.com.mk/default.aspx?pbroj=2317&stID=25954&pdate=20031129 - Дневник - Мариела Трајковска - 29.11.2003

дупот го бидна но дали сеуште ќе постои заинтересираност за странски инвестиции, ова тогаш реално и ќе им беше од корист безбедносно на америте заради нато чекпоинтот во газела и управната зграда на жтп, од каде се вршеше претовар на војска и опрема од косово за солун и обратно. значи овие терени ги барале на безбедно место, а кои ќе им бидат од полза на викендашите од трупите на косово како и оние кои беа стационирани во МКД.

истото се случуваше и со најавите за голф терени во петровец кои требаше да им бидат од полза меѓудругото и на оние стационирани во нато базата на аеродром.

но можеби и навистина мотивот им бил инвестирање во рекративно туристички проекти кои ќе им бидат од полза пред се на скопјани а сетне на сите останати Stern%20Smile

Posted By: beTon
Date Posted: 22-Mar-2009 at 20:30

ИНВЕСТИЦИЈА ОД 60 МИЛИОНИ ЕВРА ЧЕКА ДОЗВОЛА

http://www.dnevnik.com.mk/?itemID=7639AB8FC7766043933C359ED12C7869&arc=1 - Англиски принцови ќе играат голф во Петровец - 05.12.2006

Проектот на британската компанија „Екоспортс интернешнел“ е доведен во прашање поради ставот на Министерството за транспорт и врски дека земјиштето во Петровец ќе се продава на конкурс, а не со непосредна спогодба

Елитни голф-терени и ексклузивен хотелски комплекс за европскиот џет-сет ќе се гради во месноста Чојлија во близина на аеродромот Петровец, ако Министерството за транспорт и врски реши да им го продаде државното земјиште на потенцијалните англиски инвеститори. Фирмата „Екоспортс интернешнел“ веќе осум месеци се обидува да се договори со македонските власти за пикираната локација на територијата на Општина Петровец, на која се подготвени да инвестираат 60 милиони евра. Локалните власти велат дека работата тапка во место бидејќи министерот Миле Јанакиески не сака да го продаде земјиштето со непосредна спогодба и подготвува јавен конкурс за заинтересираните купувачи.

- Министерството за транспорт и врски ги поттикнува странските инвеститори да вложуваат во Македонија и во таа насока веќе ја подготвуваме документацијата за продажба на државното земјиште во Петровец. Ќе распишеме јавен конкурс и ќе ги повикаме сите што се заинтересирани за купување на таа локација. Тогаш и англиската компанија ќе може да лицитира. Но, целата постапка мора да се одвива јавно и во согласност со законите, бидејќи трајна определба на оваа влада е дека нема да има продажба на земјиште со непосредни спогодби - велат од Министерството за транспорт и врски.

„Екоспортс интернешнел“, во соработка со Општина Петровец, изработи нацрт-план за мултифункционалната зона во Чојлија. Според планот, на вкупна површина од 250 хектари, покрај голф-терени, ќе се градат и тениски игралишта, базени, четири вештачки езера, терен за јавање коњи и објекти од комерцијално-угостителски карактер. Од Петровец велат дека за потребите на видните гости, инвеститорот има намера да изгради и четири хотели од највисока класа - два од синџирот „Хилтон“ и два од „Шератон“.

Експерти за голф-терени веќе биле во Чојлија и испитувале примероци од почвата. Неофицијално, тие се презадоволни од квалитетот на земјата и сакаат што поскоро да ја засадат тревата. Според најавите, комплексот ќе има богата клиентела од европските земји, како и дипломати и парајлии од Македонија. Градоначалникот на Петровец, Ѕвонко Цветковски, има сознанија дека, кога ќе биде готов, на првиот македонски голф-терен ќе доаѓаат и членови на англиското кралско семејство.

- При контактите со „Екоспортс“ ни беше речено дека на отворањето ќе дојдат пет члена на кралското семејство од Англија. Тоа најдобро зборува колку се заинтересирани да вложат во Петровец. Разгледувале локации во Визбегово и во Бардовци, но беа импресионирани кога видоа какви можности нуди Чојлија. Ако земјиштето беше на Општината, луѓето досега ќе ја насадеа тревата и ќе почнеа да го градат комплексот. Но, Министерството за транспорт и врски ја забави работата и сака да отвори јавен конкурс, а тоа е процедура што трае многу долго. Се плашиме дека ќе го загубиме инвеститорот поради административните сопки, а со тоа и огромните пари што би ни ги донеле - вели Цветковски.

Општина Петровец очекува економски бум од спортско-хотелскиот комплекс. Соочени со безработицата и отсуството на поголеми стопански субјекти во Скопско Поле, општинарите сметаат дека инвестицијата од 60 милиони евра ќе го заживее целиот регион. Според проекциите на „Екоспортс“, за три години би се вработиле 750 лица од месното население, кои ќе се ангажираат преку отворање регионален регрутен центар за невработени.

Кај Чојлија ќе никне филмски град

Во мултифункционалната зона, освен спорт, туризам и рекреација, урбанистичкиот план предвидува и две парцели за изградба на филмски град. Според градоначалникот на Општина Петровец, веќе има и заинтересиран инвеститор.

- Продукцијата „К-15“ и уште неколку нивни партнери сериозно се „запалени“ да градат филмски град. Но, и за нив важи истото како и за „Екоспортс“. Ќе мора да чекаат Министерството да реши што ќе прави со земјиштето, а со губењето време се губат и пари - вели Цветковски.

http://www.dnevnik.com.mk/?itemID=7639AB8FC7766043933C359ED12C7869&arc=1 - Дневник - Петар Чулев - 05.12.2006

УРБАНИЗИРАН ПРОСТОРОТ ОКОЛУ АЕРОДРОМОТ АЛЕКСАНДАР ВЕЛИКИ
http://74.125.77.132/search?q=cache:S2348HcPApIJ:www.vest.com.mk/default.asp%3Fid%3D133160%26idg%3D7%26idb%3D2030%26rubrika%3DMakedonija+www.vest.com.mk/default.asp%3Fid%3D133160%26idg%3D7%26idb%3D2030%26rubrika%3DMakedonija&cd=1&hl=mk&ct=clnk - Голф терени, хотели и филмски град кај Ќојлија - 26.03.2007

Британската фирма "Еко спорт" е заинтересирана за изградба на голф терени вредни 16 милиони евра, а имало заинтересирани и за изградба на хотели од брендовите Хилтон и Шератон

Голф терени, луксузни хотели, филмски град ќе се градат близу Ќојлија, во Петровец. Советот на Општина Петровец, во петокот вечерта, донесе урбанистички план со кој ќе се дозволи урбанизација на слободното земјиште кај Скопскиот аеродром. На седницата присуствуваа заинтересираните странски инвеститори од британската фирма "Еко спорт" кои сакаат да ги градат голф терените, присуствуваа и хумористите од продукција К-15, кои во Ќојлија планираат да прават филмски град.
"Конечно, по голем број превирања, успеавме да го донесеме генералниот урбанистички план за ненаселеното место Ќојлија. Освен интересот за изградба на голф терени, во близина на аеродромот Александар Велики, според планот, се предвидени и 4 луксузни хотели, по два од светски познатите брендови Шератон и Хилтон", изјави Sвонко Цветковски, градоначалник на Општина Петровец.
Според Цветковски, само Британците од "Еко спорт", во изградбата на голф терените планираат да инвестираат околу 16 милиони евра. Големи инвестиции се очекуваат и во хотелите и во филмскиот град. Според градоначалникот на Петровец, иако има заинтересирани инвеститори за изградба на голф терени и хотели, сепак, после 10 април Министерството за транспорт и врски ќе распише меѓународен тендер на кој ќе се одбира најповолна понуда. Луксузниот спортско-угостителски комплекс ќе се гради во Ќојлија, поради близината на скопскиот аеродром Александар Велики. Гостите коишто ќе пристигнуваат во Македонија ќе може да преноќат во хотелите коишто ќе бидат од висока категорија, а и да се рекреираат на спортските терени.

http://74.125.77.132/search?q=cache:S2348HcPApIJ:www.vest.com.mk/default.asp%3Fid%3D133160%26idg%3D7%26idb%3D2030%26rubrika%3DMakedonija+www.vest.com.mk/default.asp%3Fid%3D133160%26idg%3D7%26idb%3D2030%26rubrika%3DMakedonija&cd=1&hl=mk&ct=clnk - Вест - 26.03.2007

http://www.vecer.com.mk/?ItemID=18B2A0A9C30427429E983A3ACAEB398E - ВО ПЕТРОВЕЦ ЌЕ СЕ ГРАДИ ПРВАТА МУЛТИФУНКЦИОНАЛНА ЗОНА ЌОЈЛИЈА - 30.03.2007
Сместено на атрактивна локација во близина на аеродромот и на главниот град, тоа веќе станува мета на интерес на неколку потенцијални инвеститори. Во средината на април се очекува да биде распишан меѓународен тендер за содржините што ќе бидат дел од мултифункционалната зона, а целата инвестиција е вредна над 50 милиони евра
Голф терен од светски калибар, хотели од типот "Шератон" и "Хилтон" и филмски град ќе бидат содржините што ќе го разубават местото Ќојлија во општината Петровец. Сместено на атрактивна локација во близина на аеродромот и на главниот град, тоа веќе станува мета на интерес на неколку потенцијални инвеститори. Во средината на април се очекува да биде распишан меѓународен тендер за содржините што ќе бидат дел од мултифункционалната зона Ќојлија, а целата инвестиција е вредна над 50 милиони евра. Просторот од 203 хектари ќе биде оттуѓен на подолготраен закуп, дури и на 99 години.
Земјоделското земјиште, каде сега има приватни имоти со усвојувањето на Деталниот урбанистички план од страна на општинските советници, стана градежно.
- Мултифункционална зона се формира првпат во земјата и е од интерес не само за Република Македонија, туку и пошироко. Имаме голем број потенцијални инвеститори од светот. Целта е да им се понуди на граѓаните шареноликост на содржини во просторот. Голф терените ќе бидат со 19 дупки што претставува максимумот што се однесува на ваквите терени. Тоа ќе биде терен од светски ранг, што ќе чини 16 милиони евра, вели Панче Ковачев, раководител на секторот за урбанизам во Општина Петровец.
За изградба на четирите хотели по два во ланецот на "Хилтон" и "Шератон" се планирани 15 хектари. Хотелите ќе имаат банкет сали, сали за состаноци, сауни и сето она што го нема во другите хотели во Македонија, а ќе отворат можност за 600 вработувања. Ќе има и индустриски дел со капацитети од лесната индустрија, односно блок за производство дистрибуција и сервиси.
На два блока ќе биде изграден филмски град сличен како оној во Чешка, за што биле заинтересирани 17 продукциски куќи во земјава здружени во "Колаборатив груп", во кои е и К-15 продукцијата. Во филмскиот град се очекува да се отвори можност за вработување на стотина лица, а во зависност од проектите и повеќе.
Приватните сопственици за отстапување на својот имот ќе добијат обесштетување од инвеститорите.
http://www.vecer.com.mk/?ItemID=18B2A0A9C30427429E983A3ACAEB398E - Вечер - Милена Георгиевска - 30.03.2007

http://www.kapital.com.mk/DesktopDefault.aspx?tabindex=3&tabid=65&EditionID=573&ArticleID=13078 - 10 голф терени ќе гради Британската бизнис група (BBG) во Македонија - 26.08.2007

Британската бизнис група (BBG) планира да изгради 10 голф игралишта во Македонија, за што ќе инвестира 350 милиони евра. Ова за бугарскиот портал SeeNews го изјавил Реј Пауер, директор на Британската бизнис група.

“Нашата идеја е да изградиме синџир од 10 голф игралишта низ целата земја. Најверојатно проектот ќе го почнеме со изградба на првото изгралиште во близина на скопскиот аеродром“, изјави Пауер за SeeNews.

Инвестицијата, според бугарскиот портал е проценета на 35 милиони евра.

-Пауер во изјавата за SeeNews вели дека се надева дека Владата ќе распише меѓународен тендер до крајот од јули, на кој очекуваат да купат државно земјиште.

Директорот на Британската бизнис група Реј Пауер за бугасркиот медиум изјавил дека со нивната инвестиција ќе ја претворат Македонија во една од најпосакуваните голф дестинации.

http://www.kapital.com.mk/DesktopDefault.aspx?tabindex=3&tabid=65&EditionID=573&ArticleID=13078 - Тотал - бр.401 - 28.06.2007

Posted By: pbanks
Date Posted: 22-Mar-2009 at 20:33

Драго ми е што ја архивираше легендарната вест за изградба на ни помалку ни повеќе 2 хотела Хилтон и 2 Шератон во Петровец LOL

Posted By: beTon
Date Posted: 22-Mar-2009 at 20:52

чекај не завршила приказната сеуште

http://opstina-petrovec.gov.mk/opstinapetrovec/images/stories/videos/Golf%20teren.wmv - http://opstina-petrovec.gov.mk/opstinapetrovec/images/stories/videos/Golf teren.wmv

http://vesti.alfatv.com.mk/default.aspx?mId=37&eventId=709&egId=2 - Алфа - Британците заинтересирани за инвестиции во Македонија - 29.09.2008

http://www.kanal5.com.mk/ShowNews.aspx?ItemID=47042&mid=1500&tabId=1&tabindex=2 - Голф туризмот не е пропаднат проект, тврди претседателот на Британската бизнис групација, Реј Пауер - 25.02.2009

Голф туризмот не е пропаднат проект, тврди креаторот на оваа идеја во земјава, претседателот на Британската бизнис групација, Реј Пауер. Иако речиси две години проектот е заглавена во лавиринтите на нерешените имотно правни односи, тој е оптимист дека до година ова време ќе има можност да игра голф.

„Генерално мислам дека годинава ќе има резултати и ако имаме среќа ќе играме голф наредната пролет. Изминатите години беше комплицирано со проблемите што ги имавме со сопственоста на земјиштето, движејќи се од катастар до централен регистар, мислам дека тоа сега е завршено и може да продолжиме“, вели Реј Пауер од ББГ.

Сепак, надежите на британскиот бизнисмен се косат со најновите анализи за индексот на заштита на правата на сопственоста на земјава за 2009-тата. Македонија ниту годинава не покажала напредок во заштита на сопственост. Од 115 држави на листата, нашата земја е рангирана на ниската 97 позиција, што е исто како и лани. Анализата убедливо покажува дека сопственичките права во Македонија најмногу ги засегнува судската независност и тешкиот пристап до кредити.

Во однос на регионот Македонија е пред Србија(100) и Албанија(104), Босна и Херцеговина (108). Пред нас е Хрватска која се наоѓа на високото 60 место и Бугарија на 59-тото. Најголеми сопственички права трета години по ред уживаат граѓаните на скандинавските земји, Финска, Данска и Холандија.

http://www.kanal5.com.mk/ShowNews.aspx?ItemID=47042&mid=1500&tabId=1&tabindex=2 - Канал5 - Сања Костадиновска - 25.02.2009

Posted By: my Macedonia
Date Posted: 30-May-2009 at 12:05

ova mislam deka ne e realizirano

od webstranicata.:

http://en.multicon-engineering.com/?cat=4 - http://en.multicon-engineering.com/?cat=4

Posted By: Cloverstack
Date Posted: 20-Nov-2009 at 17:51

Првонаграден труд од конкурсот за „Универзитет за информатички технологии“

Автори:
Јован Ивановски
Горан Мицковски
Дејан Ивановски
Ристо Аврамовски
Ана Бораниева

Визуелизации:
Ненад Живковиќ
Диме Пашовски

Материјалите во полна резолуција можете да ги најдете на сајтот на SCArS (во делот „изложба“):

http://www.scars.mk/default_mk.html - http://www.scars.mk/default_mk.html

1

Posted By: Cloverstack
Date Posted: 20-Nov-2009 at 17:56

За жал морам да го постирам тука бидејќи проектов изгледа е напуштен, а „универзитетот“ е префрлен во Охрид каде што го сместиле во некои бараки Unhappy

Проектов е прва лига и лично се надевам дека сепак ќе го огрее сонце, без разлика на локацијата.

Posted By: pbanks
Date Posted: 21-Nov-2009 at 11:04

Одличен проект, браво за Јован Applause

Зошто еднашка не пропадне некој објект од типот на МНР туку секогаш се откажуваат ваквите. Навистина штета.

Posted By: lslcrew
Date Posted: 11-Jan-2010 at 17:26

Информатичката „еурека“ на улицата Архимедова затрупана во шут

Зградата што требаше да биде информатички центар на ПМФ никогаш не се догради, а градилиштето се распаѓа бидејќи пред половина деценија централните и локалните власти не можеле да се договорат за наплатата на комуналиите

Наместо современ информатички центар што ќе ги задоволува потребите и за настава и за научни истражувања, под Природно-математичкиот факултет во близина на студентскиот дом „Стив Наумов“ со години стои полураспаднатиот објект што ја имал несреќата да почне да се гради и никогаш да не заврши. Да биде парадоксот уште поголем, градилиштето се наоѓа до уличката Архимедова, посветена на човекот што имал огромен придонес за науката воопшто. Но Архимед ја открил својата „еурека“, а информатичката „еурека“ за студентите на ПМФ останува затрупана под пропаднати и испукани бетонски плочи, ‘рѓосани железни шипки, диви треви и расфрлан отпад на сите страни.

ДРЖАВНА ДИВОГРАДБА

Иницијативата да се изгради еден ваков објект била на професорите Смиле Марковски, Маријан Гушев и на Данило Глигоровски, кои предаваат на институтот по информатика на ПМФ. Тие дошле до оваа идеја бидејќи постојано се зголемувал бројот на студенти по информатика, а немало доволно услови да се одржува наставата. Во 2000 година Владата донесе одлука да се направи современ информатички центар со површина од осум илјади квадратни метри, а изградбата почна во 2001 година.

- Доставивме елаборат до Владата за да се направи центарот и тој беше прифатен. Оттогаш се сменија неколку влади и ниту една не се ангажираше да го догради. Целата работа се заглави во некои необјасниви релации и останаа само ветувања. А сега се зголеми и квотата на студенти по информатика, значи нашите проблеми наместо да се намалат, се зголемија - вели професорот Смиле Марковски.

Откако се поставил камен-темелникот, се направиле темелите и приземјето, се поставила првата бетонска плоча, но почнале проблемите. Тогашните локални власти, скопскиот градоначалник Ристо Пенов и неговиот колега од Гази Баба Борче Стефановски не сакале да ја ослободат Владата од обврската да плати комуналии, практика што денес редовно се применува за објектите што ги гради државата. Тие барале да се исплатат планираните 750 илјади евра за оваа намена, од кои 450 илјади требало да му припаднат на градот, а 300 илјади на општината. Вредноста на целиот проект била проценета на пет милиони евра.

По долгите расправии на релација Влада-град-општина, локалните власти решиле веќе да не го толерираат градењето без платени комуналии и во 2004 година пратиле инспектори да ја запрат изградбата. Пенов тогаш објаснувал дека градот не е во состојба да ја прости или да ја намали сумата што требало да се плати и дека само ако биде извршена уплатата на градската сметка објектот ќе може да се легализира. Градежните работи ги изведувала фирмата „Евроинженеринг“, која не одговарала дали имала удел во запирањето на изградбата.

УШТЕ ЕДНО ВЕТУВАЊЕ ЗА ДОИЗГРАДБА

Општинарите од Гази Баба минатата недела изјавија само дека за изградбата на информатичкиот центар постои маркичка во деталниот урбанистички план за тој локалитет, но дека причината зошто објектот долго време не се гради треба да се бара кај инвеститорот.

Од Министерството за образование и наука објаснуваат дека иако овој проект бил почнат во време на поранешни министри и Влади, сепак, ќе се обидат да ја обноват иницијативата за изградбата на информатичкиот центар.

- Се надеваме дека оваа година ќе ги решиме имотно-правните проблеми и несогласувањата што настанале со фирмата-изведувач и дека ќе го изградиме центарот - вели Никола Тодоров, министерот за образование и наука.

Според неофицијални информации, еден од поголемите проблеми за престанокот на изградбата на центарот биле и нерешени прашања со денационализација, за што се водел и судски спор.

Лична карта

објект: Информатички центар како дел од ПМФ
инвеститор: Министерство за образование и наука
почеток на градба: 2001 година
прекин на градба: 2004 година
изграденост: темел и приземје
проблем: неплатени комуналии и немање пари

http://novamakedonija.com.mk/NewsDetal.asp?vest=111101053302&id=14&prilog=0&setIzdanie=21881

Posted By: lslcrew
Date Posted: 18-Jan-2010 at 12:24

„Панорама“ ја расипува панорамата на Водно

Упропастувањето на еден од најпознатите скопски хотели почна во 2004 година, кога турската компанија „Јуниверзал хоспитал груп“ го разурна за да прави болница, но се повлече поради многубројните административни и имотноправни проблеми

Елитни станбени и резиденцијални комплекси во кои цената на еден квадратен метар достигнува и до просечната македонска годишна плата сé повеќе се градат во подножјето на Водно, на самата граница со парк-шумата. Луксузот да се живее ем во природа ем речиси во центарот на градот привлече многу инвеститори, кои го претворија тој простор во големо градилиште. Се гради насекаде, освен на едно место, во стариот хотел „Панорама“. Откако пропадна обидот на турската компанија „Јуниверзал хоспитал груп“ да отвори модерна болница во објектот, тој половина деценија остана полуразурнат, а нема ниту најави дека тоа наскоро ќе се смени.

БОЛНА ПРИКАЗНА ЗА БОЛНИЦАТА

Упропастувањето на еден од најубавите и најпознатите скопски хотели почна во 2004 година, кога Владата и го продаде земјиштето заедно со објектот на турската компанија за да прави болница. Но уште во стартот биле утврдени големи пропусти, бидејќи дел од дворното земјиште било приватна сопственост, а на самата локација не било дозволено да се изгради здравствен објект ниту со урбанистичките планови, туку само хотелско-резиденцијален комплекс. Па така, турските инвеститори, кои имаа план да вложат 35 милиони евра во овој проект и да вработат повеќе од 800 граѓани, прво не можеа да си ја остварат замислата, бидејќи за типот болница што сакале да ја направат им требале два влеза, еден за итни случаи, а тоа било невозможно ако го немале целото земјиште. Сомнителен им бил и потпорниот ѕид под хотелот, бидејќи до него имало градежни работи.

Сепак, почнаа да работат. Изнесоа сé од хотелот, го соголеа целосно, ја извадија и последната плочка од ѕидовите и го оставија така. Најголемиот проблем беше што не можеа да извадат градежна дозвола од општината Центар. Тогашната градоначалничка Виолета Аларова не сакаше да издаде таков документ бидејќи тоа не било во согласност со деталниот урбанистички план Тасино чешмиче 1, во чиј опфат влегува објектот. Но не сакаше ниту да го смени планот бидејќи, како што тврдеше, ниту во генералниот план, кој е законска основа за изработката на деталните, за тој реон од градот не е предвидена здравствена намена. На крајот се заврши со префрлање на вината меѓу градот и општината за тоа кој треба да овозможи да се изгради болницата. Владата им понуди да изградат елитна болница во населбата Пролет, но Турците се спакуваа и рекоа дека имале понуда да го направат овој проект во Албанија, а договорот за купопродажба на земјиштето беше поништен.

НЕИЗВЕСНА ИДНИНА

Откако турската компанија се откажа од планот да направи болница на Водно, земјиштето го купил скопски бизнисмен, кој таму планирал да направи туристичко-деловни објекти, кои ќе бидат високи колку што беше хотелот „Панорама“, што би било во согласност со деталниот урбанистички план за Тасино чешмиче 1, каде што влегува и локацијата за поранешниот хотел. Од општината Центар кажаа дека веќе се сретнале со новиот сопственик, кој им најавил дека на местото на „Панорама“ сака да изгради луксузен хотел со пет ѕвезди. Во рамките на хотелот ќе се направат базен и спа-центар, кој ќе можат да го користат посетителите и жителите на комплексот.

Лична карта

објект: објект: хотел „Панорама“
инвеститор: „Јуниверзал хоспитал груп“
почеток на градба: подготвителни работи, односно уривање во 2004 година
прекин на градба: веднаш по уривањето во 2004 година
изграденост: полуразурната карабина
проблем: неусогласеност меѓу урбанистичките планови

http://novamakedonija.com.mk/NewsDetal.asp?vest=118101044404&id=14&prilog=0&setIzdanie=21887

Posted By: axel
Date Posted: 16-Apr-2010 at 13:07

Сите наши неуспешни проекти

Македонија досега требаше да има луксузен туристички центар во Отешево, хотел „Шератон“, голф-терени во Скопје, луксузен станбено-деловен центар на локацијата на фабриката „Алумина“ и низа други градежни објекти, од кои некои пропаднаа, а некои се под знак прашалник.

Луксузен туристички комплекс во Отешево

Португалска „Аквапура“ во јуни 2006 година најави дека во Отешево, во периодот од 2007 до 2011 година, ќе изгради луксузен хотел, скијачки и ловечки центар, педесетина вили и други луксузни објекти, кои се очекува да чинат и до 50 милиони евра. Меѓутоа, по извесен период актуелната влада најави дека ќе се испитува целата инвестиција, бидејќи имало непочитување на законските процедури при склучување на договорот.

- Договорот што го имаат потпишано од страна на „Аквапура“ има одредени елементи што укажуваат дека не е во целост и во согласност со процедурите што важеле во тој момент. Од друга страна, „Аквапура“ и инвеститорите што стојат зад неа се сериозни инвеститори, компанијата е сериозна и ние не би сакале да се добие впечаток дека не сакаат да инвестираат во Македонија - рече вицепремиерот Владимир Пешевски.

Голф терени крај Скопје

Долг период откако беше најавувана инвестицијата за изградба на голф-терени кај Чојлија, близу Скопје, пропадна откако инвеститорот, англиската фирма „Екоспорт“, најави дека си заминува од земјава и дека плановите ги сели во Бугарија. Тогаш, Ѕвонко Цветковски, градоначалник на Петровец, за пропаѓањето на овој проект го обвини Министерството за транспорт и врски.

- Јавно се откажувам од проектот, немам сили веќе со глава ѕид да рушам. Се гледа опструкцијата од Владата дека е насочена против сите оние градоначалници што не се во владејачката партија. Јас се борам со Министерството - изјави тогаш Цветковски.

Министерството, пак, вината за пропаѓањето на инвестицијата ја лоцира во локалните власти. Инвестицијата на „Екоспорт“ беше на 80 хектари во местото Чојлија близу Скопје да се изградат професионален голф-терен и хотел „Шератон“.

Деловно-станбен центар на местото на „Алумина“

Израелската компанија „Газит глоб“ на местото на фабриката „Алумина“ во Скопје требаше да гради луксузен станбено-трговски центар. Израелците во 2008 година на заедничка прес-конференција со министерот за странски инвестиции Глигор Ташковиќ најавија дека со градежните работи почнуваат за три-четири месеци, а почетната инвестиција според нив требаше да биде од 100 до 120 милиони евра. Израелците за „Алумина“ платија околу 20 милиони евра. На оваа локација до денес нема никакви градежни активности.

Хотел „Шератон“ на местото на печатницата „Гоце Делчев“

Фирмата „Настел“ пред повеќе од три години ја купи зградата на поранешната печатница „Гоце Делчев“ во центарот на Скопје и најави дека планира изградба на хотел „Шератон“ на оваа локација. Меѓутоа, најпрво како проблем во реализацијата на инвестицијата беше ДУП на Центар, кој на оваа локација предвидувал изградба на катна гаража. Потоа се испостави дека зградата на печатницата била ставена под неколку хипотеки што ја одложи купопродажбата сé до завршување на судските спорови поврзани со хипотеките.

- Побаравме објектот да биде расчистен од долгови и од хипотеките, за да можеме да имаме валиден имотен лист. Планираме да правиме хотел на површина од 3.000 квадратни метри, деловен објект со иста површина и катна гаража на 4.000 квадратни метри. Но додека не го добиеме решението од стечајниот совет, ништо не може со сигурност да се тврди - изјави тогаш Љупчо Попјорданов, управител на „Настел“.

http://www.novamakedonija.com.mk/NewsDetal.asp?vest=416101045338&id=9&prilog=0&setIzdanie=21960

-------------

Posted By: axel
Date Posted: 06-May-2010 at 15:02

ne znaev kade pa postirav tuka

Барок на 21 век

ЃОКО РАДОВАНОВИЌ, дипл.инж.арх. и НИКОЛА СТРЕЗОВСКИ, апсолвент на арх. факултет

Барокот на нашето подрачје присутен во свеста на архитектите и инвеститорите, станува на почетокот на 21 век.

За да одговори на барањата на новата свест „Бирото на еволуција на нов концепт“ чии учесници се Ѓоко Радовановиќ, Никола Стрезовски, Caixiaoshan, Mace24DE, D_Monet, Duduman, изработија проект за центар на градот надвор од градот како административен објект кој во себе може да ги обедини сите барања за работен простор на постојните министерства и институции кои сé уште не се вдомени.

Објектот е лоциран на површина 220х260 метри или вкупно 57200м2. Целиот комплекс располага со 84720м2 активен административен простор. Централната кула 35х35 метри, со висина на слеме 192 метри, со можност за поставување на антена со што би се зголемила висината на 226 метри, и така би станала највисоката зграда на овој дел на Европа.

Поседува паркинг простор за 2200 возила или 4400 м2, на 6 подземни нивоа. Проектирана е да ги задоволи сите позитивни прописи и стандарди кои владеат кај нас и во исто време да ги исполни во потполност сите желби на инвеститорот. Сложените форми, како и динамичното спротивставување и интерпретацијата на просторни целини избиваат во прв план како средство за интензивирање на чувството за барок во нашето време.

http://www.porta3.com.mk/index.php?option=com_content&task=view&id=2033&Itemid=94

Posted By: lslcrew
Date Posted: 21-Nov-2010 at 04:52

Центар за музика кај црквата Света Богородица. Architectonica www.arh.com.mk - www.arh.com.mk

Posted By: Zelenikovo
Date Posted: 01-Oct-2018 at 00:30

вреди за во оваа нишка да се сеќаваме како не возат д'оговорено, иако вожњата се уште трае, ако знаеме дека старото во Лунапарк го турнаа а новото над Вардар не го кренаа

https://netpress.com.mk/vo-2019-skopje-kje-dobie-panoramsko-trkalo/ - https://netpress.com.mk/vo-2019-skopje-kje-dobie-panoramsko-trkalo/

може да го беа зацртале ко панорамско врз ГТЦ та и да се стркалаше муабетов, но со преамбициозни политичари добро е што има Народ акал со време да каже НЕ