Биомаса
Printed From: build.mk
Category: Главни теми
Forum Name: Енергетика
Forum Discription: Електростопанство, гасификација, топлани, алтернативни извори...
URL: http://www.build.mk/forum/forum_posts.asp?TID=2871
Printed Date: 14-May-2024 at 04:28
Topic: Биомаса
Posted By: axel
Subject: Биомаса
Date Posted: 21-May-2013 at 14:24
|
ВО ПЕЛАГОНИЈА ЌЕ НИKНАТ ТРИ БИОГАСНИ ЦЕНТРАЛИ Од силажа и од арско ѓубриво ќе се произведува струја  И Македонија ќе добие биогасни централи. Во Регулаторната комисија за енергетика веќе е пристигнато барање за добивање лиценца за изградба на биогасни централи, кои струја по повластени цени ќе произведуваат со искористување силажа и арско ѓубриво. Инвеститор на централите, од кои секоја ќе биде со инсталирана моќност од два мегавати, ќе биде нашиот најголем земјоделски комбинат „Пелагонија“, што истовремено ќе доведе до зголемување на бројот на молзните крави, поголемо производство на млеко, изградба на оранжерии и нови вработувања. - Идејата за изградба на биогасни централи кај нас постои веќе неколку години. Сакавме и ние да го примениме искуството од Европската Унија, но и од регионов каде што на краварски фарми задолжително има биогасни централи за производство на струја. Тоа, освен економски, има и еколошки ефект зашто се искористува арското ѓубриво, кое многу често претставува баласт на краварските фарми, кои не знаат што да прават со него, а кое ја загадува околината - вели Огнен Цубалевски, генерален директор на ЗK „Пелагонија“. Тој објаснува дека конкретно и кај нас ќе се искористат искуствата од ваква фарма во Хрватска, со која комбинатот имаше контакти, а во која, освен одгледување крави и добивање млеко, се произведува и струја за продажба, а како нуспроизвод се добива и топлинска енергија за затоплување оранжерии. Имено, покрај една ваква централа, со оглед дека се добива топлинска енергија, задолжително се градат оранжерии. И згора на тоа се добива и квалитетен компост. Биогасните централи за кои опремата ќе биде набавена од Германија ќе никнат на подрачјето на Пелагонија, односно во Новаци, Радобор и во Петилеб. - За работење на централите ќе ја искористиме силажата што ја добиваме од нашите земјоделски површини. Од 5.000 ха површина се добива силажа, која е доволна за задоволување на потребите како од добиточна храна за краварските фарми така и на силажа за работа на централите. Во нив истовремено ќе се користи и животинскиот отпад од сопствените краварски фарми, но и сурутка, а она што фали ќе се откупува од индивидуалните производители на млеко, како и другите органски отпади од регионот - објаснува Цубалевски. Со ова комбинатот многу ќе придонесе за чистење на Пелагонија од отпад од животинско потекло и од прехранбени производни капацитети. Но истовремено изградбата на централите ќе значи и нова инвестиција во поглед на зголемување на бројот на кравите и изградба на оранжерии зашто потребата од арско ѓубриво води кон зголемување на бројот на кравите за да можат да се задоволат потребите на централите од ѓубриво. Па, така, во ЗK „Пелагонија“ планираат набавка на 6.000 нови млечни крави, со кои ќе се добие производство од 200 тони млеко на ден, а со тоа ќе се намали недостигот од свежо млеко во земјава, односно ќе се намали увозот. Тоа ќе овозможи добивање и европски извозен број, што ќе значи девизен прилив. Истовремено ќе бидат подигнати 30 хектари стакленици за да се искористи топлинската енергија, а во нив се планира да се вработат 240 лица. - Инвестицијата е предвидено да почне во септември, а целосно ќе биде завршена, што значи со набавка на нови грла крави и изградба на оранжерии, во период од три години. Вредноста на целиот инвестиционен циклус е проценета на 70 милиони евра - вели Цубалевски. http://www.dnevnik.com.mk/?ItemID=31D30A90671A074D982B8BA2EFF0C7B9 |
Replies:
Posted By: Џоле
Date Posted: 24-Mar-2014 at 08:38
|
До септември ќе биде завршена првата македонска термоелектрана на биогас
Министерот за економија Ваљон Сарачини денеска ја посети локацијата во тетовското село Требош, каде во моментов се гради првата термоелектрана на биогас во Македонија. Со органските отпадоци од преработката на месните производи од компанијата „Везе Шари“ на годишно ниво ќе се произведуваат 7.950.000 киловат – часови електрична енергија. Изградбата на биогасната електрана со инсталирана моќност од 1 мегават ќе биде завршена до септември оваа година, по што истата ќе се приклучи на македонската електроенергетска мрежа. Фирмата „Електро Шари“ во овој проект треба да вложи вкупно 6 милиони евра, а досега се инвестирани околу третина од планираните средства. На реализацијата на енергетскиот објект работат околу 100 лица, а дополнителни 30 лица ќе бидат вработени со неговото официјално пуштање во употреба. Новата електрана на биогас ќе има двојна функција бидејќи ќе овозможи да се преработи отпадот од фармата за кокошки на „Везе Шари“ и да се зачува природната околина од овој тип на ѓубре, но и да се произведе електрична енергија што ќе ги задоволи потребите на нивната компанија. Изградбата на овој енергетски капацитет започна кон средината на август минатата година. http://www.build.mk/?p=33800 - http://www.build.mk/?p=33800 ------------- За сè има вторпат |
Posted By: Navigator
Date Posted: 22-Jan-2016 at 17:05
Отворена првата биогасна електрана во Новаци
Земјодлескиот комбинат „Пелагонија“ од Битола, денеска ја пушти во употреба најголемата биогасна централа во Македонија со капацитет од 3 мегавати на час. Централата е лоцирана во Новаци, а заедно со современа фарма наменета за 2000 молзни крави е инвестиција од 20 милиони евра. Станува збор за производство на зелена енергија од арско ѓубре и фуражна пченка, што е светски тренд. Од ЗК „Пелагонија“ најавуваат и втор капацитет во селото Породин, со што производството на струја ќе се заокружи на 6 мегавати на час. http://telma.com.mk/vesti/otvorena-prvata-biogasna-elektrana-vo-novaci - Извор |
Posted By: hcitrS
Date Posted: 22-Jan-2016 at 19:01
| Informacijata e za pozdrav. No ima li nekoj info dali, kako i kolku gi subvencionira drzhavata vakvite inicijativi? Samiot fakt deka kradonachalnikot e eden od lentosechachite, ja namaluva dobronamernosta na investitorite.. 20 milioni eur od ZK Pelagonija? Nekako ne mi soodvetstvuva obemot na pretprijatieto so visinata na investicijata. |
Posted By: Џоле
Date Posted: 23-Jan-2016 at 20:44
 ------------- За сè има вторпат |
Posted By: axel
Date Posted: 02-Jul-2016 at 11:59
| http://dnevnik.mk/?ItemID=706C62EF94702E41AEE9C219F7D4049B |
Posted By: hcitrS
Date Posted: 02-Jul-2016 at 13:58
"Од 1 семптември и втората биогасна централа ќе функционира комплетно – вели Цветан Панделески, претседател на Бордот на директори во ЗК „Пелагонија“." Cvetko e eden od najzasluzhnite grabachi za propasta na edna od najgolemite fabriki vo agroindustrijata - "Lozar" Bitola. Denes popoznata kako "Pelisterka" A.D. - Skopje. Edna ubava prikazna kako edna sitna gnida stanuva kultiviran, evropski inovativen pretpriemach. I ne mi jadete deka mn seram so politika. Dzabe e korata svezha, ako e srzhta trula. |
Posted By: Џоле
Date Posted: 12-Jul-2023 at 11:06
|
[tube]KYrQFcI2dWM[/tube]
Истото видео, со македонски текст: [tube]jn5isvHXZ3g[/tube] ------------- За сè има вторпат |