ЌЕ ГО ДОГРАДИ ВЛАДАТА И ЌЕ ГИ ОБЕСШТЕТИ СТАНАРИТЕ

Југобанка нема да падне!

Зградата убиец, односно поранешна "Југобанка", во строгиот центар на Скопје, спроти Лотарија на Македонија повторно е опасна по живот. Поради невремето кое настана викендов од покривот паѓаа греди, огради, камења, и летаа на сите страни, а имало и огромни штици кои биле исковани со шајки, кои скоро 20 години висат од запуштениот објект. Станарите видно потресени од настанатиот чин и од настанатата штета побараа помош од Министерството за финансии. Тие напоменаа дека според градежниците кои направиле проценка штетата се проценува некаде околу 4 илјади евра.
- Од ветерот, на 27 февруари околу 10 часот и 30 минути падна покривот врз нашиот, но дел падна и на улицата и позади во дворот. Во тој миг, за среќа, немаше мунувачи па никој не е повреден. Веднаш преземавме мерки за санирање на кровот. Санацијата е речиси комплетно завршена, истакна Раде Димовски, еден од станарите.

Министерот Зоран Ставревски, вчера беше на лице место за да ги види настанатите штети и да разговара со станарите.
-Денешната посета е да се видам со станарите на зградата каде што настанало оштетувањето од паѓањето на дел од кровната конструкција и да видиме што можеме да санираме, како и долгорочно да го решиме проблемот. На краток рок она што можам да им го ветам на станарите на зградата е дека Владата ќе ги обесштети за отштетата што е настаната на покривот на зградата и првиот и вториот пат, ќе најдеме начин да обезбедиме обесштетување за она што е направено како финансиска штета и ќе го исплатиме она што тие го платиле - изјави министерот Ставревски.
Тој додаде дека ќе преземат мерки да го санираат кровот, за да не се повтори истата работа повторно и дека Министерството за финансии конечно ќе ја обнови оваа зграда, односно ќе ја доизгради.
- Тендерот е веќе објавен за изградба на зградата и проектирање. На почетокот на април ќе биде завршен тендерот, а четири-пет месеци ќе трае проктирањето, некаде септември-октомври најверојатно ќе биде завршено, додаде Ставревски.                                                                                                                                        http://www.vecer.com.mk/?ItemID=C5A7DDEF281A1D4BBF0B5520DF11B561 

Зградата-убиец им го одзема мирот

Станарите од Градски ѕид бараат надлежните да преземат мерки и да ги заштитат од бучавата, загадувањето и од недоличното однесување на многубројните бездомници и зависници што редовно го заземаат објектот

Недоизградената зграда на поранешна Југобанка, спроти зградата на Лотарија на Македонија, деновиве повторно им го загорчува животот на жителите од околните згради, откако таму се вселило четиричлено ромско семејство. Станарите од зградата во Градски ѕид на „Даме Груев“, која е веднаш спроти недоизградената зграда, реагираат до надлежните со барање да се преземат соодветни мерки за нивната заштита, односно да го заградат просторот на приземјето. Тие велат дека зградата постојано им претставува проблем и се прашуваат како е можно во строгиот центар на метрополата објект во сопственост на државата толку години да остане недовршен.

- Оваа недоизградена и напуштена зграда 20 години наназад претставува проблем. Овде паѓаа луѓе, имаше убиства, внатре се вселуваат бездомници и зависници, а воедно зградата служи и како јавен тоалет. Во секое време од денот и ноќта сме изложени на малтретирање. Принудени сме да трпиме бучава, викање, а сме биле сведоци и на палење огнови во зградата, посебно во зимскиот период, како и на недолично однесување. Околината е загадена, се шири непријатна миризба, со што ни е оневозможено нормалното живеење - се жали Владо Трајчевски, станар во зградата број 5, блок 3 во Градски ѕид.

Тој објаснува дека иако надлежните го заѕидаа влезот на приземјето, натрапници повторно си направиле дупка, доволно голема да се проврат низ неа и да влезат внатре. Трајчевски вели дека сега кај зградата, веднаш до влезот, е населено четиричлено ромско семејство.

- Таткото е алкохоличар и собира другари со кои постојано се пијанчат и вреват, а децата и неговата сопруга немаат што да јадат. Редно е веќе надлежните институции да преземат мерки - реагира Трајчевски.

Тој вели дека за наведените проблеми се обраќале до инспекциските служби на Општината Центар, пред два месеца доставиле допис до градоначалникот Владимир Тодоровиќ, но досега не добиле одговор од никаде.

Од Општина Центар велат дека вчера ја испратиле комуналната инспекција на терен за да ја утврди фактичката состојба.

- На посочената локација, кај недовршената и напуштена зграда на Југобанка, беше направен увид и констатирано е дека таму има семејство од ромска националност што направило депонија од картони и од пластични амбалажи. На лицата што биле затекнати на посочената локација им е издадена опомена да ја расчистат депонијата и да го напуштат просторот што го користеле како свој дом - вели Јовица Ацковски, портпарол во Општината Центар.

Од Министерството за финансии вчера не добивме одговор до каде е реализацијата на планот за обнова и за доградба на зградата што пред три месеци ја најави министерот за финансии, Зоран Ставревски, кога поради невреме паднаа штици од недоизградениот објект и го оштетија покривот од зградата на улицата „Луј Пастер“. Тогаш тој вети дека во септември или октомври конечно ќе почне нејзината доизградба, а во неа ќе се вселат државни институции, бидејќи објектот е во државна сопственост.

Десеткатната грдосија повторно е дом на скопските питачи, скитници, проститутки, бездомници...

Недоградената зграда на некогашна "Југобанка", што се наоѓа на најатрактивна локација во центарот на градот до Лотарија на Македонија, повторно е дом на скопските питачи, скитници, проститутки, бездомници... Таму се вселени и сите оние кои до неодамна беа сместени во магацините спроти Макпетрол" (кои ги урна Општина Центар заради расчистување и продажба на државното градежно земјиште).

Во една соба од зградата живее петчлено ромско семејство. Жената со штотуку родено бебе во рацете не молеше да не пишуваме за нив плашејќи се дека ќе останат без покрив над главата. Таа ни потврди дека навечер во десеткатната грдосија се собираат многу луѓе и има многу врева, поради што неколкупати реагирала полицијата.

Вревата им пречи и на станарите од околните згради. Реагираат, се плашат.
- Врие од проститутки, тука се продаваат, врескаат.  Еве некни запалија оган, се исплашивме дека ќе избие пожар. Се караат, се тепаат, ги тепаат децата, вршат нужда. Немаме мирен сон.

Пријавуваме в полиција, некогаш доаѓаат и ги растеруваат. Ама не е тоа работа, треба да се најде трајно решение - се жалат станарите од Даме Груев" од соседството. Тие со месеци безуспешно ги информираат надлежните институции, но откако не успеале да ги натераат да издејствуваат решавање на нивниот проблем, деновиве вниманието на јавноста ќе се обидат да го свртат со петиција која веќе ја испратија до медиумите, а ќе пристигне и на адресата на највисоките инстанци.
- Целото ѓубриште од контејнерите се носи овде. Среде центар смрди на мрши, на урина. Ако не се реши проблемот веднаш, ќе почнат да се шират и болести, се плашат станарите.

Оваа десеткатна грдосија цели 20 години стои запуштена поради распад и затворање на Југобанка, по што сопственоста на објектот ја презеде Министерството за финансии. Таа е позната како зграда-убиец, епитет кој го доби поради неколкуте смртни случаи и самоубиства што се случија во неизградените подруми, а зимава од невремето и силниот ветер од покривот се откорнаа греди, тараби кои паднаа на улицата Даме Груев", ја оштетија фасадата и искршија прозорци на неколку станови. По немилиот настан од Министерството за финансии ветија дека есенва ќе почнат со доизградба на објектот кој треба да прерасне во деловен центар каде што ќе се сместат неколку државни институции.

Југобанка ќе се доградува со 10,5 милиони евра

Финансиер е Министерството за финансии, кое потоа ќе ја користи зградата за сопствени потреби

Деспина Трајковска

По неколкугодишни најави, државата, конечно, презеде мерки за доизградба на зградата на некогашна Југобанка, позната во јавноста како зграда-убиец.

На терен веќе се подготвува градилиштето за доизградба на објектот, во кој ќе се инвестираат 10,5 милиони евра. Парите ќе ги обезбеди Министерството за финансии, кое потоа ќе ја користи зградата за сопствени потреби и во неа ќе ја смести администрацијата што сега користи работни простории под кирија во неколку објекти. Од Министерството информираат дека објектот треба да стане функционален 12 месеци од почетокот на градежните работи.

„Министерството за финансии има добиено одобрение за подготвителни работи, односно, има согласност да формира градилиште и да го подготви теренот за градба. Истовремено сме во постапка на добивање дозвола за градба“, информираат надлежните, кои за изведувач лани летото ја одбраа словенечката фирма „Енергоплан“. Таа има обврска да ја доизгради и да ја реконструира зградата до фаза „клуч на рака“. Градежниот институт „Македонија“, пак, е ангажиран да врши надзор на градежните работи. За сработеното ќе добие речиси 30.000 евра.

Ставањето во функција на зградата не само што ќе ги реши просторните проблеми на Министерството за финансии туку истовремено и ќе стави крај на големите издатоци за високите кирии што ги плаќа веќе неколку години. Дефинитивно, ќе станат минато и немилите настани што се случуваа во недоизградениот објект. Бездомниците што се засолнуваа неколкупати предизвикуваа пожари, а зградата истовремено претставуваше и дувло на зависниците на наркотични средства и на кучињата-скитници.

Инаку, висококатницата почна да ја гради Југобанка во 1991 година, но по распадот на бившата држава, работите беа запрени. Во 2001 година беше најавена доизградба на објектот, за што државата издвои пет милиони евра, меѓутоа, поради воениот конфликт, парите беа пренаменети за други цели.

Zoshto preoptimistichki, ako ne se lazham celata karabina e gotova ostanuva samo da se namestata instalaciite, da se sozida vnatreshnosta i da da se napravai fasadata.

Апсолвирани се работиве што веќе сите ги тапиме во круг.

Се што во последниве декади почна да се гради во мојов град убав /Скопје радост ти ке бидеш/...ваљда, а беше од модерна природа, беше убаво само во карабина, т.е. додека структурата му беше гола и недоречена. Како се привршуваа објектите, срањето излегуваше на површина, со чест на неколку исклучоци. Чисто поради оваа побуда некој  би побарал склониште во некои други стилови, во моменталниот случај на со декоративни мотиви, наречен по модерно -Барок . Сево ова одзема голема енергија во погрешна насока.

Ајдеее, среде центар коски черепи.. језиво. 

Него, зградава не бајадера (ко што спомна некој) ами торта има да биде.