ВО НАСЕЛБАТА АВТОКОМАНДА, ОПШТИНА ГАЗИ БАБА

Ќе се гради плоштад Филип Втори Македонски

Локацијата на плоштадот ќе биде помеѓу булеварот Александар Македонски" и улицата Трифун Хаџијанев", а ќе се гради на површина од 5 768 метри квадратни. Со проектот се предвидени и бина, фонтана и споменик

Општина Гази Баба ќе гради плоштад во населбата Авто Команда кој што ќе го носи името Филип Втори Македонски. Според градоначалникот Коце Трајановски, ова монументално централно плато ќе биде лоцирано помеѓу булеварот Александар Македонски" и улицата Трифун Хаџијанев", а ќе има површина од 5 768 метри квадратни

-Гази Баба конечно ќе добие свој плоштад, со бина, фонтана и споменик, кој ќе претставува нејзино основно обележје. Секоја општина треба да има место каде граѓаните ќе се собираат и каде што ќе се одржуваат манифестации од културен и забавен карактер, а такво место каде би можеле да се соберат над 1 000 граѓани, а притоа да не се наруши нормално живеење на граѓаните, досега немавме во општината. Градежните работи ќе почнат ова лето и се надеваме и ќе завршат до септември во делот на партерното уредување. Ова земјиште е на Република Македонија и ќе побараме да ни се препише, односно да стане сопственост на општината како би можеле да го уредиме со сите планирани содржини, објаснува градоначалникот Трајановски.

Започна изградбата на плоштадот во општина Гази Баба

Новиот плоштад ќе чини меѓу 25 и 27 милиони денари, со површина од 5.768 квадрати од гранитни плочи

Во паркот помеѓу улицата „Трифун Хаџи Јанев“ и булеварот „Александар Македонски“ во Автокоманда вчера почна изградбата на новиот плоштад во Гази Баба. Градоначалникот Коце Трајановски свечено го означи стартот на изградбата. Плоштадот ќе има површина од 5.768 квадратни метри и ќе биде изработен од гранитни плочи. Ќе биде збогатен со фонтана, бина и плато за споменик.

„Овој плоштад ќе биде од големо значење за општината, тука ќе се одржуваат културни манифестации, ќе има простор за одмор и рекреација и фонтана“, рече Трајановски, потенцирајќи дека просторот е на многу атрактивна локација.

Проектот за новиот плоштад, кој чини помеѓу 25 и 27 милиони денари, го изработи јавно претпријатие од Прилеп. Досега се собрани 90 отсто од потребните средства и во зависност од набавката на гранитот, се планира плоштадот да биде готов на Денот на општината 3 Ноември.

„АДГ ’Илинден‘ е една од најстарите фирми на територијата на оваа општина и ние со задоволство донираме во оваа и во сите други градби во општината“, рече Андреја Ошавков, директорот на „Илинден“, кој ќе учествува во изградбата.

Новиот плоштад, како што најави градоначалникот Трајановски, во почетокот ќе се вика плоштад „Општина Гази Баба“, а се разгледува предлогот на граѓаните за името „Филип Втори“. (В.Д.)

Донации за плоштадот во Гази Баба

Четири компании донираа средства во висина од три милиони денари за изградба на плоштадот во Гази Баба.

Фирмите „Макстил“, „Скопски легури“, „Технометал Вардар“ и „Арчелор митал“ ќе издвојат по 50.000 евра, донацијата во гранитни плочи со кои ќе се поплочува плоштадот во населбата Автокоманда.

„Ова што денеска се случи практично е круна на нашата досегашна соработка. Меѓутоа, нема да престанеме тука, нашата соработка ќе се продлабочува и понатака, преку донесувањето на деталните урбанистички планови“, изјави Коце Трајановски, градоначалник на општина Гази Баба.

Компаниите задоволни што ќе придонесат за изградба на ова место за рекреација на граѓаните. Според нив плоштадот ќе биде од заеднички интерес на и фирмите и на општината.

„Мислам дека претставува едно убаво катче во општината Гази Баба, но веројатно кога ќе се вметнат сите содржини ќе биде посебно интересно и за Градот“, рече Александар Панов, генерален директор на „Макстил“.

„Како идеен проект навистина е импозантен, и ни даде причина ние да учествуваме со една соодветна донација“, вели Ѓорѓи Дервенчи, „Технометал Вардар“.

Плоштадот во населбата Автокоманда почна со изградба. На површина од околу 6.000 метри квадратни ќе има голема бина, споменик фонтана, зеленило со цветни алеи, а за најмладите предвидени се две детски катчиња. Целиот простор ќе биде поплочен со гранитни плочи.

Изградбата на плоштадот без фонтаната и споменикот коњаник ќе треба да заврши до 3 ноември, на денот на општината кога и свечено ќе биде отворен. Целосен изглед ќе добие најдоцна до почетокот на 2010 година.

Вкупната вредност на овој проект изнесува 27 милиони денари, општината ќе учествува со два милиони, а останатите средства ќе се обезбедат од донации.

Гази Баба чека идејни решенија за коњаник и за фонтана на плоштадот

Почна поплочувањето на плоштадот во Автокоманда

Платото со површина од 5.768 квадрати се поплочува со гранитни плочи

Изградбата на плоштадот во населбата Автокоманда доцни поради набавката на црвениот гранит. Плоштадот се наоѓа меѓу булеварот Александар Македонски и улицата Трифун Хаџијанев. Неговата изградба почна на 18 јули, но работите, како што истакнуваат од Општината Гази Баба, ги забавило и дождливото време во септември, поради што беше прекинато бетонирањето. Оттаму се надеваат дека плоштадот ќе биде поплочен до средината или најдоцна до крајот на ноември. Засега комплетно е завршена целата подземна инфраструктура, поточно водоводната и хидрантната мрежа, атмосферските одводи, како и електричната инсталација и бетонирањето. По завршување на оваа фаза, ќе следи изградбата на фонтаната и споменикот Коњаник. На постаментот ќе биде изведена ѕвездата од Кутлеш. Општината објави конкурс за изработка на идеен проект за ова спомен-обележје. Изведбата на споменикот ќе трае околу две години.

Платото на плоштадот е со површина од 5.768 квадратни метри. Проектиран е како плато поплочено со гранитни плочки, пристапни патеки, зеленило со цветни алеи и високо и ниско зеленило, а ќе содржи и две забавни детски катчиња. Планирано е да биде поставена и урбана опрема, мини-бина на која ќе се одвиваат разни манифестации, како и плато за споменикот. На двете граници од плоштадот ќе бидат засадени 14 јасени.Иако беше најавено дека плоштадот ќе го носи името на Филип Втори Македонски, засега, тој сепак ќе биде само плоштад на општината Гази Баба.

http://dnevnik.com.mk/?ItemID=F3E69623452283489FE4FCEA07D081CF

Новиот плоштад во населбата Автокоманда, кој со своите 5.768 квадратни метри ќе биде втор по големина во нашата метропола веднаш по плоштадот Македонија, го добива својот лик. Според надлежните во Општина Гази Баба, во моментот се редат гранитните плочи, а во тек е и избор на идејното решение за фонтаната и споменикот.
-Местењето на гранитот е при крај, исто како и хортикултурното уредување на оваа површина. Се надеваме дека ако послужат временските услови, до крајот на годината кога се планира и пуштањето на плоштадот, ќе се реализира зацртаната прва фаза од овој проект. Односно, ќе биде поплочен просторот, изграден постаментот за споменикот, како и бината, а плоштадот ќе биде хортикултурно уреден и ќе биде поставена урбана опрема, велат во Општината.

Оттаму додаваат дека во втората и третата фаза од проектот , кој треба да се реализира наредните две години, ќе следува изградба на фонтаната и споменикот, за кои конкурсот за идејно решение е завршено, а деновиве се очекува да биде извршен и избор на најдобриот труд.
Целиот проект ќе чини 27 милиони денари, од кои 5 се издвоени од општинската каса, додека во останатиот дел преку материјал и работна рака, ќе се вклучат фирмите кои егзистираат на територија на општината. Во овие средства не е вклучен споменикот. Инаку, со проектот, е предвидено на плоштадот да има и цветни алеи, пристапни патеки, како и две забавни катчиња за најмладите.

http://vecer.com.mk/?ItemID=774DA292C7428A48AC9583A3205FD25B

Судир на два камиона и автомобил во скопска Автокоманда

Тешка сообраќајна несреќа, во која две лица се повредени, се случи вчераутро во скопската населба Автокоманда. Според МВР, околу 6,20 часот дошло до судир на два камиона и еден автомобил, при што едниот камион излетал од коловозната лента, удрил во дрво и завршил во оградата на градинката „Детска радост“. Возачот се здобил со сериозни повреди, поради што е пренесен во болница, додека неговиот сопатник поминал со полесни повреди. Во другите две возила е причинета само материјална штета. Полицијата ги истражува причините за судирот.

Плоштадот во Автокоманда предаден во употреба

Површината од 5.768 квадратни метри со гранитни плочи, со пристапни патеки, цветни алеи, зеленило

Од Гази Баба велат дека коњаникот не е ниту Филип Втори ниту Александар Македонски

ПЛОШТАДОТ ВО НАСЕЛБАТА АВТОКОМАНДА

Наскоро ќе се закити со склуптура коњаник

Од Општината Гази Баба велат дека постапката за поставување спомен-обележје - скулптура на коњаник на постамент, што треба да се постави на плоштадот во населбата Автокоманда, е започната уште во 2008 година


Плоштадот во населбата Автокоманда наскоро ќе се закити со споменик, информираат од Општината Гази Баба. Монументалната скулптура на коњаник на постамент треба да биде изведена во траен материјал и да се вклопува во зададениот архитектонски простор. Од таму велат дека постапката за спомен-обележјето - скулптура на коњаник на постамент, што треба да се постави на плоштадот во населбата Автокоманда, е започната уште во 2008 година. Инаку, спомен-обележјето ќе се постави во населбата Автокоманда, помеѓу воената кула и детската градинка "Детска радост", поточно меѓу улицата "Јани Лукровски" и булеварот "Александар Македонски".
- Од страна на Одборот за подигање на спомен-обележје, избран од Советот на Општина Гази Баба, се распиша Конкурс за изработка на идеен проект за спомен-обележје - коњаник. На конкурсот се пријави 21 автор со свои трудови. Но, сепак, по исцрпната анализа Одборот одлучи првата (изведбена) награда да ја додели на идејниот проект од авторот Валентина Стевановска, велат одговорните од Општина Гази Баба.
Инаку, Општина Гази Баба во ноември 2009 година распиша Меѓународен тендер за лиење на скулптурата - коњаник.
- Во јануари годинава Комисијата за спроведување на јавна набавка го спроведе јавното отворање на пристигнатите понуди - информираат од општината.
Тие додаваат дека до предвидениот рок (20 јануари 2010 год.) беа пристигнати понуди од двајца понудувачи. Поради тоа што не беше доставена ниту една прифатлива понуда, се донесе одлука за поништување на постапката и се распиша повторно Меѓународен тендер за лиење на скулптурата - коњаник, кој ќе трае до 26 мај 2010 година.