ТИРЗ Струмица
Printed From: build.mk
Category: Главни теми
Forum Name: Индустриски
Forum Discription: Индустриски зони, фабрики, лесна индустрија...
URL: http://www.build.mk/forum/forum_posts.asp?TID=2933
Printed Date: 23-Apr-2024 at 19:50
Topic: ТИРЗ Струмица
Posted By: gjoko
Subject: ТИРЗ Струмица
Date Posted: 21-Sep-2013 at 21:39
|
Камен темелник за ТИРЗ „Струмица“, регионот економски ќе заживее
Сабота, 21 Септември 2013 14:51 Со поставување камен-темелник денеска беше означен почетокот на изградба на инфраструктурата на Технолошко-индустриската развојна зона „Струмица", една од досега основаните девет ТИРЗ ширум Македонија. 
ТИРЗ „Струмица" ќе има вкупна површина од 25 хектари и ќе се гради во катастарската општина Свидовица. Зоната е лоцирана на 50 километри од граничниот премин „Богородица" кон Грција и на 23 километри од граничниот премин Ново Село кон Бугарија. - За изградбата на комплетната инфраструктура во зоната планираме да инвестираме околу 300 милиони денари со кои ќе се изгради сообраќајница, водоводна инсталација, атмосферска и фекална канализација, електроенергетска мрежа, телекомуникациска инфраструктура, како и улично осветлување. Со тоа ТИРЗ „Струмица" ќе стане функционална целина која со своите карактеристики ќе може да им посака добредојде на сите потенцијални инвеститори во овој регион, рече премиерот Никола Груевски по поставувањето на камен-темелникот. Тој посочи дека местото на кое е лоцирана зоната на потенцијалните инвеститори ќе им овозможи добра комуникација со двете соседни земји, но и со меѓународниот пазар. Нагласи дека развојот на Македонија е комплексен процес исполнет со многу работа, ентузијазам, одговорност, инвентивност и исполнителност. Како Влада рече дека во изминатите години континуирано и напорно работат на сите полиња и во сите сегменти кои можат да донесат позитивни трендови и добри резултати во македонската економија. - Да се отвори само едно ново работно место, една нова фабрика, да се намали само еден процент од нивото на невработеноста во земјата потребно е вклучување на многу органи на државната управа, но и вклучување и координација на повеќе чинители од различни сфери во општеството. Потребно е совесно и посветено да се изработат задачите за постигнување на зададените цели, истакна Груевски. Рече дека една од областите во која Владата ја препознала можноста за отворање нови работни места и привлекување нови инвеститори е постојаното инвестирање во ТИРЗ-овите во државата. Истакна дека како резултат на нивните залагања наскоро странски инвеститор во Струмичко ќе отвори лабораторија за производство на семенски материјал за цвеќиња во која ќе се вработат од 250 до 300 луѓе и додаде дека очекува во наредните неколку години, кога зоната ќе биде готова, да дојдат значајни странски инвеститори. Вицепремиерот и министер за финансии Зоран Ставрески посочи дека поставувањето на камен-темелник на ТИРЗ „Струмица" претставува реализација на уште едно ветување на Владата. - Ова е голем проект кој ќе значи економско заживување за регионот на Струмица. ТИРЗ-от е дел од политиките на Владата на Република Македонија за нови инвестиции за отворање работни места. Само со отворање работни места може да се подобри животот на граѓаните, рече Ставрески. Тој нагласи дека во буџетот за наредната година се обезбедени средства за изградба на ТИРЗ „Струмица" и додаде дека Струмица како регион е еден од приоритетите на Владата за привлекување странски инвеститори. Директорот на Дирекцијата за ТИРЗ Виктор Мизо истакна дека изградбата на ТИРЗ „Струмица" заедно со другите ТИРЗ-ови во Македонија претставува реализација на визијата на Владата за изградба на зони со целосно изградена и развиена инфраструктура кои ќе можат да ги понудат сите потребни услови и поволности за производителите. - Во високотехнолошките преработувачки капатцитети во ТИРЗ „Скопје 1", „Скопје 2" и „Штип" во текот на 2012 година инвестирани се 62 милиони евра. Оваа година само во постоечките капацитети ќе се реализираат вкупни инвестиции од над 70 милиони евра, рече Мизо. Нагласи дека извозот од ТИРЗ-овите во 2012 година изнесувал над 20 отсто од вкупниот извоз во земјава, а годинава се очекува тој удел да се зголеми на над 25 отсто. - Во 2012 година за потребите на компаниите лоцирани во зоните домашните компании доставиле стоки и услуги во вредност од околу 40 милиони евра. Досега во зоните се вработени 2.270 лица, а до крајот на годинава се очекува бројот на вработени да биде над 2.500, додаде Мизо. ТИРЗ „Струмица" со основната патна мрежа ќе биде поврзана со крстосница на ниво со која ќе се овозможи безбедно вклучување и исклучување кон регионалниот пат Куклиш - Банско - Ново Коњарево. Во зоната ќе има два влезни коловоза со широчина од 3,75 и два излезни коловоза со иста широчина, како и тротоари од двете страни на коловозите од по 2,5 метра. Во Македонија вкупно е предвидено изградба на 14 ТИРЗ-ови и градбата на сите треба да започне најдоцна до март или април следната година. Во моментов во функција се зоните ТИРЗ „Скопје 1", „Скопје 2" и „Штип", а во тек се градежните работи во ТИРЗ „Кичево", „Гевгелија" и „Прилеп". За останатите зони во моментов се изработува техничката документација. Премиерот Груевски, кој денеска е во посета на струмичкиот регион, претходно го пушти во употреба новоизградениот локален пат што ги поврзува Струмица и селото Попчево и околните села Рич и Белотино. вј/хс/ 14:38 http://www.kurir.mk/makedonija/vesti/130784-Kamen-temelnik-za-TIRZ-Strumica-regionot-ekonomski-ke-zazivee - http://www.kurir.mk/makedonija/vesti/130784-Kamen-temelnik-za-TIRZ-Strumica-regionot-ekonomski-ke-zazivee |
Replies:
Posted By: Navigator
Date Posted: 03-Nov-2015 at 14:56
Нова фабрика на Џонсон Контролс во Струмица, ќе отвори 1.500 работни места
По успешноста на фабриката во Штип, Џонсон Контролс отвора нов капацитет во Струмица. Станува збор за инвестиција вредна 20 милиони долари која ќе отвори 1.500 нови работни места. Како што соопштија денеска директорот во „Џонсон Контролс“, Вили Ван Лои и директорот на Дирекцијата за Технолошко индустриски развојни зони Виктор Мизо по средбата со премиерот Никола Груевски, инвестицијата ќе стартува како браунфилд, во постоечка зграда, а потоа ќе прерасне во гринфилд. - Се соочувавме со капацитетски предизвици во Европа поради што направивме опсежни анализи и заклучивме дека треба да инвестираме тука, рече Ван Лои. Според Мизо, фактот дека Џонсон Контролс реинвестира во Македонија е потврда за успешноста на владините политики за креирање поволна бизнис клима. - Џонсон Контролс трипати инвестира во Македонија, прво во Скопје во 2006 година, потоа во Штип во 2011, а сега и во Струмица, истакна Мизо и додаде дека веднаш ќе се пристапи кон активностите за адаптирање на индустриската зона во Струмица. Инвестицискиот план предвидува првите вработувања да бидат до крајот на годинава. http://www.kurir.mk/makedonija/vesti/219325-Nova-fabrika-na-Dzonson-Kontrols-vo-Strumica-ke-otvori-1500-rabotni-mesta - Извор |
Posted By: kultuzin
Date Posted: 03-Nov-2015 at 16:11
Konecno sansa strumicani da pocnat da ziveat od rabota mesto od "goli saltanati" 
|
Posted By: Denko
Date Posted: 03-Nov-2015 at 16:28
|
Posted By: kultuzin
Date Posted: 03-Nov-2015 at 16:31
Vo Strumica nema nitu eden silen industriski pogon. Gradot zivee od selata i dijasporata, ako ne se tie Strumica moze slobodno da stavi kluc. Se pukame samo vo gradi deka sme mnogu jaki i mnogu evropski no seto toa e napumpano i vestacki.Ovoj pogon barem ke otvori realni rabotni mesta vo prerabotuvacka industrija. |
Posted By: Denko
Date Posted: 03-Nov-2015 at 16:38
|
Posted By: Navigator
Date Posted: 03-Nov-2015 at 16:52
|
Posted By: mackomk
Date Posted: 03-Nov-2015 at 16:56
| Што ќе произведуваат во оваа фабрика? не најдов податок. |
Posted By: Denko
Date Posted: 03-Nov-2015 at 17:05
|
Posted By: kultuzin
Date Posted: 03-Nov-2015 at 17:11
Denko "goli saltanati" zatoa sto vo gradot nema "realni" rabotni mesta se e svedeno na trgovija i drugi usluzni dejnosti a site tie rabotat vrz grbot na selanite koi na grb zaedno so dijasporata ja nosat ekonomijata na gradot Strumica. Srumica e grad vo koj skoro i da nema rabita za visoko obrazoven inzenerski Kadar zatoa sto nema skoro nikakvi pogoni, nikakva industrija. Slikata se menuva vo posledno vreme so aktivnosti okolu rudnikot ilovica a eve verojatno i ovaa Firma ke ja razdvizi rabotata. |
Posted By: Navigator
Date Posted: 03-Nov-2015 at 17:22
|
Posted By: Denko
Date Posted: 03-Nov-2015 at 17:24
|
Posted By: kultuzin
Date Posted: 03-Nov-2015 at 17:33
Imalo firmi vo gradot. Sankeram, metaloplast, nemetali ograzden, ZIK Strumica, Grozd, imalo golema predilnica (predara) i drugi firmi koi vo tranzicijata bea ili unisteni ili dovedeni do minimalna egzistencija. Zatoa vo 60, 70, 80 tite ima golema migracija selo - grad. |
Posted By: Denko
Date Posted: 03-Nov-2015 at 17:41
|
Posted By: Obedineta Makedonija
Date Posted: 03-Nov-2015 at 18:15
Да си жив и здрав, потпис и печат имаш за реченицата - џабе те кртикуваат другите, од а до ш се ти е точно во реченицата во една реченица го опиша начинот на кој функционирааат Струмичани! ------------- Создаваме за да имаме, а и тоа што го имаме треба да го чуваме такво какво што е !!!! |
Posted By: Denko
Date Posted: 03-Nov-2015 at 18:46
PS: Koga prasuvavme i se cudevme zosto ne moze online da se chekira karta na Wizzair na skopskiot aerodrom nigde te nemase. Zatoa prv si so komentar koga nikoj nisto ne te prasuva! |
Posted By: Navigator
Date Posted: 27-Jan-2016 at 14:06
|
„Џонсон контролс“ се проширува во Струмица
Американската компанија „Џонсон контролс“ денеска потпишува нов договор за изградба на втора фабрика во Република Македонија, објави денеска претседателот на ВМРО-ДПМНЕ, Никола Груевски. Новиот капацитет на „Џонсон контролс“ ќе произведува навлаки за седишта за автомобилската индустрија, а инвестицијата е во вредност од најмалку 20 милиони долари и ќе се реализира ТИРЗ Струмица. 
Нашата програма за привлекување странски инвестиции и отворање нови работни места дава резултати и ќе продолжи да дава уште повеќе. Нека е со среќа, објави Груевски на Фејсбук. "Изградбата на фабриката треба да започне во април годинава, а во погоните е предвидено да се вработат околу 1.500 наши сограѓани од Струмица и Струмичко. Тоа ќе значи и поголем број индиректни нови вработувања во владината слободна економска зона во Струмица. Денешното потпишување е практична потврда на тоа што го најавив уште во август во Струмица. Тоа е практична потврда и на напорите што ги вложувавме за подобрување на бизнис-климата. Потврда дека тоа што го ветуваме и говориме, навистина го остваруваме. „Џонсон контролс“ знаат зошто одлучуваат да одат со втора инвестиција во Република Македонија.Со оваа инвестиција во „Џонсон контролс“ ќе се вработат вкупно околу 3000 лица. Разговорите со американската компанија не беа ниту кратки ниту едноставни и се водеа од април до октомври. Еден од круцијалните моменти веројатно беше состанокот кој заедно со Виктор Мизо и нивните претставници го остваривме на почетокот на мај минатата година. Нашата програма за привлекување странски инвестиции и отворање нови работни места дава резултати и ќе продолжи да дава уште повеќе. Нека е со среќа." http://www.telegraf.mk/aktuelno/ekonomija/339878-nova-fabrika-dzonson-kontrols-se-prosiruva-vo-strumica - Извор |
Posted By: Navigator
Date Posted: 19-May-2016 at 14:02
|
Почна изградбата на новата фабрика на Џонсон Контролс во ТИРЗ Струмица
Американската компанија „Џонсон Контролс“ почна да ја гради својата нова фабрика во ТИРЗ Струмица. По Штип, американската компанија лоцира производствен погон во Струмица. Инвестицијата е тешка 20 милиони долари, ќе донесе нови 1.500 работни места. Дејноста останува иста, производство на покривки за автомобилски седишта. -Отворањето на новата фабрика е важен настан. Ова не е само значајна инвестиција од 20 милиони долари, туку истовремено и можност за нови вработувања, кои заедно со оние во фабриката во Штип изнесуваат над 3.000 работни места, вели директорот во „Џонсон Контролс“, Питер Хајфт. На поставувањето на камен темелникот присуствуваа претседателот на Владата Емил Димитрев, вицепремиерот Владимир Пешевски и лидерот на ВМРО-ДПМНЕ Никола Груевски. 
|
Posted By: hcitrS
Date Posted: 19-May-2016 at 17:41
Па добро, им текнало дека е „новата фабрика“, бидејќи не може баш да се нарече „третата“ 
|
Posted By: Navigator
Date Posted: 20-May-2016 at 09:10
| Слободно може да се нарече третиот проект на Johnson Controls во Македонија. Ама добро, штом именувањето на третите фабрики на една компанија е главната замерка, на коњ сме. |
Posted By: Navigator
Date Posted: 10-Apr-2017 at 11:37
|
Фабриката „Адиент“ во Струмица стартува со произвотство во јуни
Фабриката за производство на навлаки за автомобилски седишта на американската компанија Адиент (поранешен Џонсон Контролс) во ТИРЗ во Струмица треба да биде готова до јуни годинава. За две недели во новиот капацитет, што почна да се гради пред околу 10 месеци, треба да бидат монтирани машините и опремата, информира денеска директорот на дирекцијата Виктор Мизо. https://www.youtube.com/watch?v=ORsj6ggVJJA - https://www.youtube.com/watch?v=ORsj6ggVJJA http://tvnova.mk/vesti/biznis/fabrikata-adient-vo-strumica-startuva-so-proizvotstvo-vo-juni/ - Извор |
Posted By: Navigator
Date Posted: 15-Jun-2017 at 15:53
„Адиент“ ја отвори својата нова фарбика во ТИРЗ Струмица
„Адиент“, глобалниот лидер во областа на производство на автомобилски седишта, денес официјално го најави отворањето на својата нова фабрика за производство на навлаки за автомобилски седишта, сместена во технолошко-индустриската развојна зона во Струмица. Новата фабрика се простира на површина од 12.500 м2 и е опремена со врвна технологија за производство на навлаки за автомобилски седишта, првично наменети за потребите на клиентите на европскиот пазар. Заедно со иницијалната инвестиција од повеќе од 20 милиони американски долари за изградба на оваа „гринфилд“ инвестиција, „Адиент“ ќе вработи повеќе од 1.300 лица, дополнително потврдувајќи ја својата силна заложба за инвестирање во македонската економија. -Mи претставува особено задоволство што пред една година ја најавивме изградбата на нашата нова фабрика, а денес гордо стоиме пред неа ‒ една од најголемите и најмодерни фабрики за производство на автомобилски компоненти во регионот. Оваа инвестиција е уште еден јасен доказ за нашите намери да инвестираме во македонската економија и претставува уште еден важен чекор кон проширувањето на нашата производна мрежа во Европа, што, пак, дополнително ќе придонесе кон обезбедување на нашите клиенти, односно автомобилските компании, со диференцирани производи базирани на квалитет, технологија и перформанси, изјави г. Владимир Теплик, Потпретседател на операции на „Адиент“. На официјалната церемонија за отворањето беа присутни високи владини претставници, амбасадори, претставници од институциите, како и многубројни партнери и соработници на „Адиент“. На настанот, покрај г. Теплик, се обрати и г. Зоран Заев, Претседател на Владата на Република Македонија, г. Џес Л. Бејли, амбасадор на САД во Македонија, како и г. Виктор Мизо, директор на Дирекцијата за технолошко-индустриски развојни зони, нагласувајќи ја важноста на ваквите инвестиции за македонската економија, како и за позиционирањето на Македонија на глобалната производна карта. „Адиент“ е глобален лидер во производството на автомобилски седишта. Со 75.000 вработени и 230 производни фабрики/фабрики за склопување во 33 земји насекаде во светот, произведуваме и испорачуваме автомобилски седишта за сите класи на возила и сите големи ОЕМ производители. Од комплетни системи за седење, до поединечни компоненти, нашата експертиза се протега во рамките на секој чекор од процесот на производство на автомобилски седишта. Нашите интегрирани вештини што ги поседуваме внатрешно ни овозможуваат да го опфатиме целиот процес, почнувајќи од истражување и дизајн, па сè до инженеринг и производство, а сето тоа стигнува во повеќе од 25 милиони возила годишно. Согледувајќи ги потребите за флексибилност на растот во и надвор од автомобилската индустрија, од 7 јули 2016 година, „Адиент“ се оддели од „Џонсон Контролс“ како одделен бренд со свои средства, системи, фабрики и вработени. Од 31 октомври 2016 година, „Адиент“ котира на Њујоршката берза како посебна организација. http://republika.mk/789474 - Извор |
Posted By: Џоле
Date Posted: 17-Jun-2017 at 12:36
фото: mia.mk ------------- За сè има вторпат |