- Милениумскиот крст е едно од најсилните обележја во Република Македонија, туристичка и верска атракција. Ние како Влада работиме и на следниот проект поврзан со Крстот, а тоа е изградба на жичарница, иницијатива којашто започна уште пред неколку месеци. 

Некаде од јануари следната година, најдоцна до март, ќе започне изградба на жичарница од средно Водно до врвот на Водно, а подоцна 2010, од Средно Водно до Рамстор. Целта е на овој начин што повеќе граѓани да можат да дојдат и да го посетат овој дел на Скопје, особено стари и изнемоштени лица кои не можат да си дозволат да пешачат, изјави вчера Груевски.

http://www.vecer.com.mk/?ItemID=34ECE5218F66E64BB993ACA99ABE6B0B - Вечер - 09.09.2008

Почетната станица на жичарницата до Милениумскиот крст на Водно, која веќе неколку години ја најавува Фондацијата "Милениумски крст", ќе биде кај "Рамстор", односно на просторот меѓу трговскиот центар и катната гаража која е во изградба. Од Фондацијата велат дека се во преговори со домашна фирма која е заинтересирана да ја изгради жичарницата и да стопанисува со неа.
"Австриската фирма 'Лаитнер' го изработи проектот за жичарницата. Со него се предвидува нејзината траса да биде од трговскиот центар 'Рамстор' до Крстот, а на Средно Водно да има попатна станица. Кабините ќе бидат затворени и во една кабина ќе можат да се возат осум луѓе. За целосната изградба на жичарницата, според проектот на 'Лаитнер', ќе бидат потребни 8 милиони евра", вели Благоја Дојчиновски, претседател на Фондацијата "Милениумски крст".
Од Фондацијата објаснуваат дека до крајот на месецов ќе се знае дали ќе биде постигнат договор со фирмата која сака да ја гради и да стопанисува со жичницата. Во моментов сопственикот на фирмата бил на службен пат во странство и веднаш штом се врати, Фондацијата ќе ги почне разговорите за склучување договор.
Покрај изградбата на жичарницата, фирмата концесионер ќе изгради и ресторан кај Милениумскиот крст со кој, исто така, ќе стопанисува на одредено време.

http://www.vest.com.mk/default.asp?id=149240&idg=8&idb=2333&rubrika=Skopje - Vest -  3/26/2008

Фирмата „Лајтнер“ сака жичарницата да ја земе под концесија

Претставници од австриската фирма „Лајтнер“, заинтересирана да ја гради и да ја добие под концесија жичарницата до Милениумскиот крст, начелно се согласиле со проектот што го изработува скопската проектантска куќа ИНПУМА. Тие на средбата со проектантите се интересирале за трасата по која ќе се стигнува до крстот. Немале ништо против жичарницата да тргнува во близина на „Рамстор“, па преку поранешниот хотел „Панорама“ да продолжи до крстот на Водно. Вкупната должина на трасата изнесува околу 4,5 километри и ќе се гради во две фази. Австријците побарале мали попрецизни корекции на поставеноста на носечките столбови.

Благоја Дојчиновски, претседател на Фондацијата „Милениумски крст“, треба исто така, да се сретне со претставниците на „Лајтнер“ и да му ја соопштат цената за изведување на проектот. Според него, ако претходно изведбата чинела околу 5 милиони евра, кога проектот предвидуваше жичарницата да тргнува од „Панорама“, сега веројатно ќе чини многу повеќе.

Тој додава дека во Фондацијата веќе се обратиле двајца инвеститори кои сакаат да вложат во жичарницата. Дојчиновски не ги открива нивните имиња се' додека не се дефинира дали тие ќе ја прифатат цената за реализација на проектот што треба да му се соопшти „Лајтнер“. Сепак, и двајцата се изјасниле дека во проектот ќе бидат вложени осум милиони евра. Едниот од инвеститорите е повратник од Австралија, а другиот сопственик на кафеана.

http://www.utrinski.com.mk/?ItemID=11EEDD38B07DBF4589E2C5369AA5FE51 - Utrinski -  07 март 2008

Ако се изгради во еден потег жичарницата би имала должина од 3.300 метри

Во ИНПУМА привршуваат анализите за изградба на жичарница до Милениумскиот крст. Тим од десетина стручни лица, проектанти и машински инженери разгледувале две можности за трасата, односно патот на движење на жичарницата од затворен тип.

Првата можна траса е жичарницата да тргнува од Стара железничка станица, а втората од пред некогашниот хотел „Панорама“. Но, имајќи предвид дека во првиот случај жичарницата би минувала над населено место, што ќе предизвика реакции од жителите, проектантите се повеќе за втората идеја. Проект-менаџерот Благоја Тагасоски вели дека се водело сметка за пристапноста, еколошката заштита и за финансискиот ефект при изведбата.

Идејата за изградба на жичарница била разгледувана уште пред изградбата на Милениумскиот крст, кога покрај замислата жичарницата да тргнува од Стара железничка станица, имало и друг предлог за нејзин почеток од улицата „Брадфордска“ кај фабриката „Алумина“.

„Ја разгледуваме и варијантата жичарницата да тргнува од пред ’Панорама’ и во смисла дали трасата да се изведува во еден или во два дела, бидејќи и тоа е врзано за финансии. Сметаме дека таму веќе постои паркингот, односно дел од инфраструктурата пред стариот хотел. Потоа втора станица би била на Средно Водно, од каде што трасата би продолжила до крстот“, вели Тагасоски и додава дека доколку жичарницата се изгради во еден потег, би имала должина од 3.300 метри. Таа би се движела на надморска височина од 500 до 1.066 метри.

Од страна на градоначалникот на Скопје, Трифун Костовски, вчера беше промовирана идеја за изградба на жичарница од Крстот на Водно до Матка. Според Костовски, идејата произлегла од завчерашната средба со Министерката за култура.
- На средбата беше разговарано за надминување на проблемите поврзани со Водно, како да се зачува планината и да се направи жичарница од Средно Водно до Крстот и таа да продолжи до Матка, каде ќе има места за качување на жичарницата од двете страни. Со тоа Градот би добил фантастична можност за промоција на туризмот. Предложивме и да се направи еден заеднички проект меѓу Владата и Градот, за возобновување на сите 76 манастари, за кои постојат темели. Истовремено би се промовирале и трите пештери на Матка, изјави вчера Костовски.

http://vecer.com.mk/?ItemID=91C4103AE35DFD4587AEBD5E09862F25

Иницијативата на Град Скопје за изградба на жичарница на релација Средно Водно - Милениумски Крст - Кањон Матка, експертите ја оцениле како визионерска мисија, но и како амбициозен проект кој бара сериозен пристап и повеќеслојно решение. На средбата на која освен градоначалникот Трифун Костовски и претставници од градската администрација, присуствуваа и професори од Архитектонскиот, од Градежниот, Машинскиот факултет и претставник од Министерството за транспорт и врски.

Експертите сметаат дека жичарницата претставува најсоодветно решение за достапност до природните убавини на Матка, бидејќи како сообраќајно решение најмалку го нарушува природниот амбиент. Тие нагласиле дека конфигурацијата на теренот овозможува поставување на систем на жичарници.

Градоначалникот Костовски пред експертите ја презентирал идејата за изработка на комплетен проект за изградба на жичарницата Средно Водно - Милениумски крст - Кањон Матка, нагласувајќи дека проектот ќе овозможи промоција и достапност на уникатната убавина на Матка и возобновување на кањонот во духовно светилиште преку реконструкција на бројните манастири и на инфраструктурата. Тој потенцирал дека посебно внимание во идејното решение ќе биде посветено на заштитата на флората и на фауната во овој реон.

Претставникот на Министерството за транспорт и врски рекол дека идеите за изградбата на жичарницата на Градот и на Владата се поклопуваат и дека проектот на Владата за изградба на жичарница на релација Средно Водно - Милениумски крст е во напредна фаза и дека наскоро ќе биде распишан тендер. Тој најавил финансиска поддршка од Владата за продолжување на жичарницата до кањонот Матка ако постои добар проект.

http://vecer.com.mk/?ItemID=7B3DA7E4F175BB41AFD70EB95198A3E6

За кусо време ќе биде распишан тендер за изградба на жичарница до Милениумскиот крст, а од Министерството најавуваат помош и за жичарница до Матка, ако се направи добар проект

Жичарницата до Милениумски крст ќе ја гради Владата

Фондацијата „Милениумски крст“ е исклучена од проектот

Снежана Калабакова

Министерството за транспорт и врски ќе ја гради жичарницата до Милениумскиот крст. Колку проекти се доставени и колкумина изведувачи се јавиле на тендерот за изградба на жичарница, од Министерството нема одговор. Тендерот беше распишан на 25 ноември минатата година, а 11 февруари годинава бил крајниот рок до кога можеле да се јават заинтересираните за доставување проект, како и фирмите-изведувачи.

Тендерот предвидувал доставување проекти за кабинска еднојажна жичарница за превоз на лица, со кружен тек. На веб-страницата за јавни набавки на Министерството за финансии не е прецизирано дали трасата за жичарницата ќе води од ТЦ „Рамстор“, или можеби ќе тргнува од старата железничка станица до крстот. Нејзината релација е посочена само како Скопје-Водно и ќе се изведува во три секции. За другите детали околу овој проект побаравме информација од Министерството за транспорт и врски. Но, и по неколку дена инсистирање, не добивме одговор на нашето прашање. Портпаролот Драган Симоновски не се потруди воопшто да одговори на нашите телефонски јавувања, ниту, пак, се обиде да даде одговор на прашањата доставени по електронска пошта.

До каде се работите по објавениот тендер не знаат ниту во Фондацијата „Милениумски крст“ од каде што тврдат дека се наполно исклучени од проектот. И покрај финансиските тешкотии што ги има Фондацијата, таа правеше напори да најде изведувач за изградба на жичарницата. Од проектантската куќа ИНПУМА доби бесплатен проект, а со австриската фирма „Лајтнер“ речиси беше пред потпишување договор за изградба и за земање на жичарницата под концесија.

„Министерството за транспорт и врски не' стави настрана од изградбата на жичарницата до Миленумскиот крст. Како Фондација веќе не учествуваме во реализацијата на проектот, бидејќи сега ќе го реализира Владата. Министерството распишаа тендер и веројатно веќе е избран најповолниот изведувач, но не сме информирани“, вели Благоја Дојчиновски, претседател на Фондацијата „Милениумски крст“.

Според проектот на ИНПУМА, на чија анализа работеа десетина експерти, должината на жичарницата изнесуваше 1.900 метри. Една од варијантите беше таа да тргнува од „Панорама“ и да оди до Средно Водно.

Нов тендер на Mинистерството за транспорт за жичарница на Водно

сабота, 23 мај 2009, 18:20

Од црквата „Свети Јован Крстител“ во Капиштец до Милениумскиот крст на Водно е релацијата на која ќе се протега жичарницата што Владата најавува дека ќе ја гради подолго време. Според последниот јавен повик на Министерството за транспорт и врски, распишан минатиот месец, жичарницата ќе има три дела “ од паркингот на црквата до Институтот за белодробни заболувања кај деца во Козле, од таму до средно Водно и од средно до врвот. Со конкурсот, кој истекува на први јули, е предвидено да се изработи техничка документација за целата траса и да се изгради и пробно да се пушти во употреба првата секција од средно Водно до Милениумски крст, која ќе биде и најдолга. - Во соработка со Министерството за транспорт и врски ја почнавме постапката за проектот и во тек е јавната набавка за проектирање кабинска еднојажна жичарница со кружен тек на трасата Скопје - Водно. Откако ќе измине рокот за доставување на пријавите, ќе се определи датум за електронска аукција која ќе се одржи во просториите на Министерството “ велат од Град Скопје, кои, исто така, се вклучени во проектот. Проектот жичарница е вклучен и во програмата на градоначалникот Коце Трајановски. Таму е наведено дека изградбата ќе почне овој месец, а треба да заврши во септември идната година, но од кабинетот на градоначалникот не одговорија зошто е одложен дадениот рок. Од Министерството, исто така, не образложија што се случи со тендерот кој го распишаа лани. За трасата на жичарницата досега се даваа повеќе варијанти. Прво имаше најави дека ќе ја гради Фондацијата „Милениумски крст“, а за можен инвеститор се споменуваше австриска фирма. Како предлози за почетната станица се спомнуваа трговскиот центар „Рамстор“, Старата железничка станица, „Панорама“, фабриката „Алумина“. Минатата година поранешниот градоначалник на Скопје, Трифун Костовски, побара трасата да се продолжи од крстот до Матка, но не доби јасна поддршка од власта дека тоа ќе се случи. Експертите од Градот и Министерството, кои тогаш ја разгледуваа идејата, тврдеа дека станува збор за амбициозен проект и дека жичницата е најсоодветен начин за достапност до наведените локации, бидејќи како сообраќајно решение најмалку навлегува во природниот амбиент и самата конфигурацијата на теренот овозможува поставување на таков систем. Идејата за жичарница на Водно е стара и се промовираше и пред седум години, во мандатот на градоначалникот Ристо Пенов.

Австријци ќе градат жичница на Водно

Жичницата која ќе оди од Средно Водно до врвот на планината ќе биде долга три километри, а фирмата „Допел маер“ треба да ја изгради за 15 месеци

Австриската фирма „Допел маер“ за 6,7 милиони евра ќе ја гради жичницата од Средно Водно до Милениумскиот крст на врвот на планината. Министерството за транспорт и врски на електронска аукција ја избра оваа фирма како најповолен изведувач. Ова Министерство јавниот повик за избор на изведувач го објави на 15 мај, откако Владата реши проектот за жичницата да го земе во свои раце.

На јавниот повик, на кој понудите можеа да се достават до 1 јули, се јавиле три фирми. Од нив, Австријците имале најповолна понуда, односно се обврзале да ја завршат работата за цена од околу 408 милиони денари, односно 6, 7 милиони евра. За овие пари тие се должни да ги проектираат сите три секции од трасата на жичницата Скопје-Водно, да ги изградат и пробно да ги пуштат во употреба до издавање на употребната дозвола.

- Ќе се проектираат три секции од жичницата кои сами по себе претставуваат техничко-технолошки целини, кои можат да функционираат како посебни објекти, но ќе имаат можност да бидат поврзани и во една целина. Вкупната должина на трасата на жичницата е околу 3.000 метри. Станува збор за кабинска еднојажна жичница за превоз на лица, со кружен ток, која Австријците треба да ја изградат во период од 15 месеци - објаснуваат во Министерството за транспорт и врски.

Минатата година и претседателот на Фондацијата за изградба на Милениумскиот крст, Благоја Дојчиновски, најавуваше дека ќе се гради жичница до врвот на Водно, но со почеток зад трговскиот центар „Рамстор“. Фондацијата сериозно преговараше со австриската фирма „Лаинтер“ која беше заинтересирана веднаш да го изгради објектот.

Дојчиновски најавуваше дека таа ќе биде готова за многу кус период бидејќи австриската фирма „Лаинтер“ за неа веќе имала изработен проект. Според проектот, жичницата требаше да почнува меѓу „Рамстор“ и Старата железничка станица и би водела до Милениумскиот крст, во должина од 3.700 метри воздушна линија. На тој простор, според важечкиот урбанистички план, има градежна маркичка за ваков објект. Оваа жичница требаше да биде со затворени кабини со осум седишта, а Дојчиновски најавуваше дека би можела да се даде и под концесија.

Од друга страна, поранешниот скопски градоначалник Трифун Костовски и министерката за култура Елизабета Канческа-Милевска лани во ноември договорија изградба на жичница од Водно до Матка. Според проектот, кој тие заедно го претставија, жичницата треба да се гради во две насоки: од Средно Водно до Милениумскиот крст, а оттаму да продолжува до кањонот на Матка. На тој начин, скопјани и туристите требаше да ги видат убавините на градот од една поинаква перспектива.

Роза Петкова

Австриска компанија ќе го изработи проектот за жичница во Скопје и ќе ја гради првата траса од Средно Водно до Милениумскиот крст. Од Министерството за транспорт и врски велат дека ја избрале „Допелмајр“ од Австрија за најповолен понудувач. Компанијата понудила цена од 407,8 милиони денари, а од Министерството не дадоа одговор кои биле другите пријавени фирми и колкави понуди доставиле. - За учество во аукцијата за избор на најповолен понудувач кој ќе проектира кабинска еднојажна жичница на траса Скопје и“8211; Водно беа доставени три понуди. Беше избран операторот „Допелмајр“ од Австрија. Во определениот рок добивме една жалба, која комисијата за спроведување на постапката по јавната набавка почна да ја разгледува и за која ќе се донесе одлука во најкус временски период и“8211; велат од Министерството за транспорт и врски. Како ќе почне да се реализира изградбата не е јасно зашто во годинашниот државен буџет се предвидени само 60.000 денари за проектот „Жичница“. За буџетот во 2010 година се проектирани 200.000 денари, а за 2011 година 240.000 денари. Од Министерството за транспорт и врски немаа информација кога ќе почнат изградбата на жичницата, ниту, пак, одговорија колку ќе чини изградбата на целата траса. - Времетраењето на договорот е 15 месеци. Инвеститор на проектот е Владата, во соработка со Град Скопје и“8211; кратко одговорија надлежните. Во буџетот на државата стои дека годинава ќе биде опфатена само првата фаза од реализацијата на проектот „Жичница“. Од Град Скопје, пак, велат дека изградбата наскоро ќе почне, а иако проектот е дел и од програмата на градоначалникот Коце Трајановски, властите велат дека нивната улога била само логистичка и избегнуваат да одговорат дали ќе предвидат пари во градскиот буџет за негова реализација. - Град Скопје ќе даде комплетна логистичка поддршка на овој проект. Според наши сознанија, изградбата на првата траса од жичницата треба да почне наскоро и“8211; велат одговорните за односи со јавност. Со вториот јавен повик кој Министерството за транспорт и врски го распиша во мај се бараше понудувач кој ќе изработи техничката документација за целата траса и ќе ја изгради и пробно ќе се пушти во употреба најдолгата секција од Средно Водно до Милениумски крст. Жичницата би се протегала од црквата „Свети Јован Крстител“ во Капиштец до Милениумскиот крст на Водно. Таа ќе има три дела и“8211; од паркингот на црквата до Институтот за белодробни заболувања кај деца во Козле, од таму до Средно Водно и од средно до врвот. Вкупната висинска разлика на трасата е 814 метри, а должината 3,5 километри. На интернет-страницата на компанијата е наведено дека таа има производствени капацитети и продажни единици во повеќе од 33 земји во светот и досега изградила повеќе од 13.970 инсталации околу 80 земји. Тие изработиле патнички транспортен систем за летни и зимски туристички капацитети, како и во урбана средина, потоа аеродроми, трговски центри, спортски комплекси, забавни паркови, саеми и други содржини, заедно со соодветен транспорт за нив.

Темел за жичницата во февруари

Австриската компанија „Допелмаер“ го подготвува идејниот проект со кој ќе се одреди видот на опремата што ќе се користи, како и динамиката на изведбата на работите

Изградбата на жичницата од средно Водно до Милениумскиот крст, долга три километри, ќе почне во февруари. Ќе ја гради австриската фирма „Допелмаер“, која треба да ја заврши работата за 15 месеци. Еднојажната жичница со кабини ќе чини 407.800.000 денари, односно околу 6,7 милиони евра, а парите ќе ги обезбеди Министерството за транспорт и врски.

Раководителот на проектот за изведба на жичницата, Андреја Кочовски, вели дека зимава ќе се искористи за довршување на идејниот проект.

- Кога надворешната температура е под нулата не може да се врши бетонирање. Но, ако постојат поволни временски услови, со изведбата може да се почне и во февруари. Дел од градежните работи околу долната и средната станица ќе може да почнат и порано, нема да се чека пролетта - вели Кочовски.

Моментно во австриската фирма се работи идејниот проект со кој ќе се утврди видот на опремата што ќе биде потребна и динамиката на изведбата на работите. Сето тоа ќе се утврди врз основа на конфигурацијата на планинскиот терен.

Кочовски открива дека градежните работи за „Допелмаер“ ќе ги врши исто така австриска фирма, „Трабак“.

Од Министерството за транспорт и врски потврдуваат дека се во тек активности за изработка на основниот проект за изградба на жичницата до врвот на Водно.

- По подготовката на проектот, Министерството за транспорт и врски ќе изврши негова ревизија, во согласност со тендерската документација - информираат од Министерството.

Компанијата „Допелмаер“ беше избрана за најповолен понудувач по пат на јавна електронска аукција, а договорот за изградба на жичницата е потпишан на 2 октомври. Вредноста на склучениот договор изнесува околу 6,7 милиони евра, согласно постигнатата цена на електронската аукција.

Раководителот на проектот Кочовски не сакаше да открие како ќе се врши исплатата за завршените обврски, со оглед на тоа што во ребалансот на годинашниот буџет беа скратени предвидените пари за таа намена.

- Не би сакал сега да коментирам за начинот на исплатата. Сметам дека тоа е деловна тајна - вели Кочовски.

Ниту од Министерството за транспорт и врски не ја прецизираат постапката за исплата. Оттаму одговорија дека парите за имплементација на овој проект се обезбедени во буџетот на Министерството за транспорт и врски за 2009 година, а ќе бидат предвидени пари и во буџетот за 2010 година.

Според условите во јавната набавка, австриската компанија е должна да подготви основна документација за кабинска еднојажна жичница за превоз на лица со кружен тек на трасата средно Водно-Милениумски крст во три секции, да ја изгради и пробно да ја пушти во употреба до издавањето на употребна дозвола.

Трите секции од жичницата сами по себе ќе претставуваат техничко-технолошки целини кои ќе можат да функционираат и како посебни објекти. Вкупната должина на трасата на жичницата е околу 3.000 метри.

http://dnevnik.com.mk/?ItemID=904F94875FC9EB40B62B87D9D9F441F1

Министерството за транспорт и врски објави оглас за вршење на надзор над изградбата на жичарницата на сегментот Средно Водно – Милениумски Крст, кој претставува прва фаза на проектот за жичарница на Водно. Понудите треба да се достават најдоцна до 02.03.2010, а почетокот на изградбата од претходната најава за овој месец е одложен за март.

Жичарницата ќе ја реализира австриската компанија Допелмаер (Doppelmayr) која беше прогласена за најдобар понудувач во јули минатата година. Допелмаер во 2007 го изгради и шестоседот на Кожуф. За Водно е планирана еднојажна кабинска жичарница со кружен тек. Кабините ќе собираат по 8 патници, додека вкупниот капацитет на системот ќе биде 1.200 патници на час. Како почетна точка се најавува црквата Св. Јован Крстител во Капиштец, а крајната е Милениумскиот Крст, со висинска разлика од 814 метри и должина на трасата од 3,5 километри. Сегментите на жичарницата ќе претставуваат функционална и техничка целина, но ќе можат да функционираат и како посебни објекти. Првиот сегмент се најавува да биде готов за 5 до 6 месеци, а целиот проект за 15 месеци. Вкупната инвестиција изнесува околу 6,6 милиони евра. Постои и идеја во иднина да се изгради жичарница и до Матка.

Вчера почна сечењето на дрвјата и грмушките во близина на Планинарскиот дом на Црвениот крст "Даре Бомбол". Токму на ова место ќе биде сместена базната станица на жичарницата што ќе води до Милениумскиот крст

Со механизација на ЈП "Паркови и зеленило", вчера на Средно Водно, почна расчистувањето на трасата за жичарницата што ќе води до Милениумскиот крст. Се сечеа дрвјата и грмушките во близина на Планинарскиот дом на Црвениот крст "Даре Бомбол". Токму на ова место ќе биде сместена базната станица на жичарницата. Одговорните од Паркови и зеленило", но и од Градот Скопје, кои се задолжени да обезбедат услови за почеток на градежните работи, вчера не сакаа да ни дадат подетални информации за динамиката со која ќе се спроведува акцијата, ниту пак сакаа да го објават точниот термин кога ќе почне изградбата на жичарницата.
- Расчистувањето ќе зависи од временските услови. Ќе се отстранува мал дел од дрвјата и грмушките кои се наоѓаат на локацијата каде што ќе треба да се постават бетонските столбови за жичарницата. За други информации обратете се во Министерството за транспорт и врски, информираше Неделчо Крстевски, портпарол во Град Скопје.

Како што веќе информиравме, реализацијата на овој долгонајавуван проект ќе почне следниот месец. Според информациите од Министерство за транспорт и врски најпрво ќе се гради жичарницата на потегот од Средно Водно до Милениумскиот крст, а во втората фаза, која ќе следува по комлетирањето на првата, се предвидува продолжување на жичарницата од Средно Водно до локацијата која се наоѓа во близина на црквата Св. Јован" во Капиштец. Изградбата на првата етапа во должина од околу 2000 метри е планирано да заврши за 15 месеци.

Проектот за жицарницата како и целосната изведба ќе го врши реномираната австриска компанија Допелмаер", која беше избрана на тендерот што го спроведе Министерството за транспорт и врски. Ќе се гради кабинска еднојажна жичарница, со затворен тип на гондоли, а секоја од гондолите треба да има капацитет да превезе 8 патници. Таа ќе има капацитет за превезување на 1.200 патници на час. Оваа инвестиција ќе ја чини Владата околу 407.800.000 денари или околу 6,7 милиони евра.

Шумата на Водно и отстапува место на жичницата

Звуците од десетина моторни пили вчера ги вознемирија планинарите што се рекреираа на Водно. Во близина на рампата кај Средно Водно стотици дрвја и грмушки паѓаа пред машините, особено боровите стебла засадени пред неколку децении