Print Page | Close Window

Основно училиште „Киро Глигоров“ - Капиштец

Printed From: build.mk
Category: Главни теми
Forum Name: Образовни
Forum Discription: Училишта, универзитети, институти, библиотеки...
URL: http://www.build.mk/forum/forum_posts.asp?TID=2985
Printed Date: 29-Mar-2024 at 23:08


Topic: Основно училиште „Киро Глигоров“ - Капиштец
Posted By: alexsend
Subject: Основно училиште „Киро Глигоров“ - Капиштец
Date Posted: 15-Jan-2014 at 10:53
Токму вакви објекти треба да се градат во 21ви век. Визионерски.
Доколку ова се оствари според мене ќе биде дефинитивно најубавото основно училиште во државава и на Капиштец како најблиска станбена населба до Водно му прилега. Видете ги само другите училишта кои се градат или изградија минативе години...sve mi boje lepo stoje, страшно.



Replies:
Posted By: zabegan
Date Posted: 15-Jan-2014 at 21:48
точно... ова е уште еден пример за тоа како треба да се проектира еден објект Thumbs%20Up
се надевам ќе останат доследни на овој проект и дека ќе имаме повеќе вакви светли точки во градов


-------------
Architects create dreams...politicians create nightmares


Posted By: Еден Дечко
Date Posted: 15-Jan-2014 at 22:27
Убаво изгледа, се надевам нема да направат утки при изведбата.


Posted By: Z|evzek
Date Posted: 15-Jan-2014 at 23:43








Posted By: Џоле
Date Posted: 02-Feb-2014 at 22:08
Веројатно станува збор за истото училиште...



skopjeinfo.mk

-------------
За сè има вторпат


Posted By: fichot
Date Posted: 02-Feb-2014 at 23:39






преземени од сајтот на О.Центар.



Posted By: fichot
Date Posted: 02-Feb-2014 at 23:45
уште неколку рендери од добитничкиот проект (преземени од behance профилот на авторот)











Posted By: СК
Date Posted: 03-Feb-2014 at 02:05
оооо незнаев дека ќе имаме сфера на Помодоро пред школово!


Posted By: antigona
Date Posted: 04-Feb-2014 at 00:38
која е точната локација на училиштево? Инаку конечно се работи за објект со современа архитектура!


Posted By: fichot
Date Posted: 04-Feb-2014 at 01:31
мене ми личи како дијагонално спроти стариот ТЦ Капиштец да е.



Posted By: zabegan
Date Posted: 04-Feb-2014 at 02:53
Originally posted by fichot

мене ми личи како спроти стариот ТЦ Капиштец да е.

за ориентација за оние што не знаат кај е агенцијата за вработување, тенкото објектче лево од зградата која е лево од школото е Дилајла, а позади е заводот за физикална терапија Козле


-------------
Architects create dreams...politicians create nightmares


Posted By: Bojan10
Date Posted: 04-Feb-2014 at 09:31
Нека потврди некој архитект дека ова не е барок, па да почнеме да ја славиме иновативноста и величината на македонските архитекти.


-------------
Од чаламот си патиме!


Posted By: BOJAN
Date Posted: 04-Feb-2014 at 10:12
Originally posted by Bojan10

Нека потврди некој архитект дека ова не е барок, па да почнеме да ја славиме иновативноста и величината на македонските архитекти.


Ах македонските архитекти создаваат толку грозни дела што мора грандиозните политичари да учествуваат во корекции на истите. Демек, кога веќе се разбираме во водоснабдителни системи, трето дете, светски заговори и остали теми, мора сезнајковците да се експерти и во архитектурата.


Posted By: гитардемон
Date Posted: 21-Sep-2014 at 21:25


Темава ми се виде како најсоодветна да прашам што ќе никне на местото на градинкава што се рушеше последните 4-5 месеци? Прво си мислев да не е за училиштето, меѓутоа не било тоа. Да не е нова градинка?

Срушената градинка се наоѓа https://maps.google.mk/maps?q=Skopje&hl=ru&ie=UTF8&ll=41.991793,21.419201&spn=0.001677,0.002411&sll=41.025803,21.328585&sspn=0.108913,0.154324&oq=Skopje&t=h&hnear=%D0%A1%D0%BA%D0%BE%D0%BF%D1%81%D0%BA%D0%B8%D0%B9+%D1%80%D0%B5%D0%B3%D0%B8%D0%BE%D0%BD,+%D0%A1%D0%BA%D0%BE%D0%BFj%D0%B5&z=19 - тука .

-------------
Arguing on the internet is like running at the special olympics. Even if you win, you're still retarded.


Posted By: gjoko
Date Posted: 21-Sep-2014 at 22:58
Владата и поклони на општина Центар плац за изградба на градинка со се платени некои давачки,ама незнам дали се работи за истата локација.

ПС:Мислам дека му увалуваат жежок костен за да има со што да се расправа следните години и парите да ги троши тука,наместо по кампањи и слични работи


Posted By: zabegan
Date Posted: 22-Sep-2014 at 00:17
училиштето не беше најавено за таа локација, туку е малку подоле по улицата, лево од дилајла 

-------------
Architects create dreams...politicians create nightmares


Posted By: Z|evzek
Date Posted: 01-Feb-2015 at 00:56
ОПШТИНА ЦЕНТАР ЌЕ ГРАДИ НОВО ОСНОВНО ОПШТИНСКО УЧИЛИШТЕ ВО КАПИШТЕЦ

Градоначалникот на општина Центар ќе го реализира предизборното ветување за изградба на ново основно општинско училиште во населбата Капиштец.
Општината испраќа допис до Владата на РМ и бара мислење и согласност за основање вакво училиште. Ја известува Владата дека согледувајќи ја потребата на родителите и учениците, во населба Капиштец и околината, одлучи да започне со изградба на училиштето кое треба да ги задоволи стандардите за современо образование на деца од 6 – 15 годишна возраст.
Планирано е училиштето да има капацитет до 500-тини ученици, распределени во 18 паралелки од 1-во до 9-то одделение.
Идејното решение на новото училиште беше избрано на конкурс распишан во 2014-та година, а основниот проект, во сите фази, е избран на тендер во август, истата година.
Изградбата делумно ќе биде покриена од буџетот на општина Центар, а дел од донации и кредити.
Средствата за основање и почеток со работа на новото основно училиште ќе се обезбедат од буџетот на општина Центар и буџетот на Република Македонија (преку блок дотации).
Минатата недела, Советот на општина Центар, на предлог на градоначалникот Жерновски, едногласно го раскина договорот за кредит за изградба на катна гаража кај поранешната НИП Нова Македонија. Средствата наменети за катна гаража ќе бидат пренасочени за изградба на новото училиште и довршување на изградбата на новата градинка Кочо Рацин.
Во овој дел на Центар е исполнет условот за изградба на ново училиште, бидејќи има доволен број на ученици за формирање најмалку по две паралелки од 1-во до 9-то одделение.



Posted By: jyvation
Date Posted: 01-Feb-2015 at 13:54
Не е лошо, само чекаме уште рендери


Posted By: Bojan10
Date Posted: 02-Feb-2015 at 11:19
Ме интересира зошто се градат нови училишта во држава во која на годишно ниво се затвараат по неколку заради мал наталитет?

Дали е во прашање политика.

Зошто во центар?

-------------
Од чаламот си патиме!


Posted By: martind
Date Posted: 02-Feb-2015 at 13:41
Originally posted by Bojan10

Ме интересира зошто се градат нови училишта во држава во која на годишно ниво се затвараат по неколку заради мал наталитет?

Дали е во прашање политика.

Зошто во центар?


Ќе додадам дека и при тоа се вработуваат постојано професори и наставници,иако се намалува бројот на ученици....Ова второто ќе да е политика, а за првото... не знам


Posted By: Bojan10
Date Posted: 02-Feb-2015 at 17:21
WOW Изградил училиштеееее...
Следниот кога ќе дојде, ќе сака и нему да му кажат WOW, и тој ќе изгради училиште, и следниот, и следниот,..., и која е поентата?

Без врска се трупа енергијата во Центар. Треба да им се забрани на родителите да ги носат своите деца во училиштата во Центар со оправдание дека таму работат, а не се од општина Центар. Градоначалник кој ќе донесе таква одлука, ќе му кажам WOW браво, секоја чест.

Со ова се создаваат проблеми, а не се решаваат. Чист популизам...

-------------
Од чаламот си патиме!


Posted By: Teglarot
Date Posted: 02-Feb-2015 at 19:32
Originally posted by Bojan10

Ме интересира зошто се градат нови училишта во држава во која на годишно ниво се затвараат по неколку заради мал наталитет?

Дали е во прашање политика.

Зошто во центар?


Зошто во Центар ? Зошто има потреба и барање од родителите, затоа.

И те молам посочи ми едно училиште во СКОПЈЕ што е затворено поради немање доволно ученици.

И дај прекини да тролаш, го отупе.


Posted By: phenomenon
Date Posted: 02-Feb-2015 at 20:06
Originally posted by Z|evzek

ОПШТИНА ЦЕНТАР ЌЕ ГРАДИ НОВО ОСНОВНО ОПШТИНСКО УЧИЛИШТЕ ВО КАПИШТЕЦ

Планирано е училиштето да има капацитет до 500-тини ученици, распределени во 18 паралелки од 1-во до 9-то одделение.


Да планираш училиште во Центар кое ќе има одвај две паралелки по одделение е крајно неодговорно и дилетантски, бидејќи воопшто не е земено в предвид дека бројот на жители на Скопје нагло ќе се зголемува наредните години.

-------------
開始されていないだけの戦いが失われ、


Posted By: alexsend
Date Posted: 02-Feb-2015 at 20:48
Проверете колку луѓе живеат во населба Капиштец. Во населбата нема училште па најголем број од нас кои живееме во оваа област одевме во Војдан во Тафталиџе (Карпош) или во некои подалечни училишта во Центар.
На Капиштец му треба основно училиште и реновирана градинка (на кој се работи).
На Капиштец само не му треба Агенција за вработување! Тоа може да се пресели онаму каде има соодветен паркинг простор за тоа.

-------------
Јас Скопје никогаш не сум го замислувал вака.


Posted By: Bojan10
Date Posted: 02-Feb-2015 at 21:10
Originally posted by Teglarot

Originally posted by Bojan10

Ме интересира зошто се градат нови училишта во држава во која на годишно ниво се затвараат по неколку заради мал наталитет?

Дали е во прашање политика.

Зошто во центар?


Зошто во Центар ? Зошто има потреба и барање од родителите, затоа.

И те молам посочи ми едно училиште во СКОПЈЕ што е затворено поради немање доволно ученици.

И дај прекини да тролаш, го отупе.

Добро, немаат сите ист интелектуален капацитет, кој разбрал разбрал...
Нормално дека нема ниедно затворено училиште во Скопје кога целата енергија државата ја насочува на Скопје и се пресели цела држава во Скопје. Не се секирај уште малце и јас сум Скопјанец


-------------
Од чаламот си патиме!


Posted By: zabegan
Date Posted: 02-Feb-2015 at 23:56
Bojan10, alexend убаво објасни погоре... преброј колку основни училишта има во Капиштец, а колку жители има... а таа штета со тоа луѓе да живеат во толкави броеви во центарот на градот, е одамна направена, и без изградба на нови станови си го имаме проблемот

ако веќе го правиме муабетот за тоа како на други места се затворале училишта, не е за све крива државата, нити пак Скопје е ветената земја во која се инвестира и се остваруваат соништата, како што мисли секој оној, на кој на крај државата му е крива...


-------------
Architects create dreams...politicians create nightmares


Posted By: fichot
Date Posted: 10-Dec-2015 at 21:24
http://www.porta3.mk/se-chisti-lokacijata-za-pochetok-na-izgradbata-na-osnovnoto-uchilishte-vo-kapishtec/ - http://www.porta3.mk/se-chisti-lokacijata-za-pochetok-na-izgradbata-na-osnovnoto-uchilishte-vo-kapishtec/


Posted By: jyvation
Date Posted: 05-Oct-2016 at 23:03
Ставен камен темелник за изградба на основно училиште во Капиштец

Општина Центар стави камен темелник за изградба на основно училиште во Капиштец.
„Денеска ја почнуваме изградбата на новото основно училиште ‘Капиштец’. Во нашата изборна програма се обврзавме дека ќе изградиме нова градинка и ново училиште. Градинката, која е на 267 метри од овде, е најголема и најсовремена. Последното училиште ‘Јохан Хајнрих Песталоци’ во Центар е изградено 1969 година, а последната градинка пред 41 година“, рече на поставувањето на камен темелникот градоначалникот на општина Центар, Андреј Жерновски.



При проектирањето се водеше сметка училиштето да биде прилагодено на новата “Кембриџ“ образовна програма. За секој ученик е планиран минимум простор од 5 м2, а во секоја паралелка ќе има од 25 – 28 ученици, со што се исполнуваат меѓународните стандарди. Новото, современо училиште “Капиштец“ ќе биде едно од најубавите на Балканот, со капацитет од 500 ученици.

Вкупна површина на објектот ќе биде 11.886 м2, ќе има 20 училници, осум кабинети, спортска сала, сала за гимнастика, аула со трибини, кујна со трпезарија, два лифта, спортски терени за футбал, одбојка и ракомет, ботаничка градина и подземен паркинг, со 95 паркинг места.

Објектот ќе биде изведен во армирано-бетонски систем кој нуди високо ниво на сеизмичка заштита, ќе се користат за изградба природни материјали кои не се штетни за здравјето и за околината. Кабинетите ќе бидат модерно опремени, со интерактивни табли и таблет-компјутери. Подовите ќе бидат од винил, со антибактериски и анти-алергени особини. Во сите тоалети и во целиот објект ќе има подно греење кое ќе овозможува идеална температура низ просториите.

Енергетско ефикасната фасада ќе спречува сончеви и други атмосферски влијанија.
На конкурсот за идејниот изглед имаше 21 пријавен труд, а како најдобар беше избран оној на младиот архитект Бесијан Мехмети.

http://www.porta3.mk/staven-kamen-temelnik-za-izgradba-na-osnovno-uchilishte-vo-kapishtec/ - http://www.porta3.mk/staven-kamen-temelnik-za-izgradba-na-osnovno-uchilishte-vo-kapishtec/


Posted By: stef4o
Date Posted: 02-Jun-2017 at 12:48
Еве до каде стигнале со изградба-фотката е превземена од фб



Posted By: stef4o
Date Posted: 23-Aug-2017 at 12:42
Превземено од фб



Posted By: alexsend
Date Posted: 23-Aug-2017 at 16:45
Подземните паркинг места би било многу паметно да ги изнајмуваат со картичка на жителите од карши. И така паркинг места фалат ептен, плус од затворен тип. За 1000-1500 ден месечно ќе биде одличен приход за училиштето.

-------------
Јас Скопје никогаш не сум го замислувал вака.


Posted By: alexsend
Date Posted: 21-Feb-2018 at 15:17




-------------
Јас Скопје никогаш не сум го замислувал вака.


Posted By: Џоле
Date Posted: 21-Feb-2018 at 20:15
Конечно едно училиште што не личи на соц творба од 1980-те Едвај чекам да видам како ќе испадне на крајот.

-------------
За сè има вторпат


Posted By: Џоле
Date Posted: 20-Apr-2018 at 18:25


-------------
За сè има вторпат


Posted By: zabegan
Date Posted: 26-Apr-2018 at 23:13
како и обично, рендерите се една голема шарена лага, а објектот личи на приградски фабрички погон/магацин за шпедиција... поарно воопшто да не трошат пари на рендери


-------------
Architects create dreams...politicians create nightmares


Posted By: Џоле
Date Posted: 28-Aug-2018 at 12:40




-------------
За сè има вторпат


Posted By: skopskodete
Date Posted: 28-Aug-2018 at 13:15
Нема врска со рендерот. Срамота!


Posted By: Џоле
Date Posted: 29-Dec-2018 at 17:06








-------------
За сè има вторпат


Posted By: alexsend
Date Posted: 30-Dec-2018 at 09:03
Ќе мора да смислат некое сообраќајно решение тука, лента плус за привремено застанување како автобуските макар и од 1м како би можеле возила да поминуваат. Ќе биде хаос, нека мислат на време, за се има решение само да сатат на време од Општина Ценатар.

-------------
Јас Скопје никогаш не сум го замислувал вака.


Posted By: Џоле
Date Posted: 14-Mar-2019 at 17:14






https://www.facebook.com/sasha.bogdanovikj/ - https://www.facebook.com/sasha.bogdanovikj/

-------------
За сè има вторпат


Posted By: stef4o
Date Posted: 02-Jul-2019 at 16:29
Се бара име за новото училиште во Капиштец

На почетната страница на веб страницата на Општина Центар е активна анкета за името на новото училиште што ќе се отвори во Капиштец.

Како што информира на својата фејсбук-страница градоначалникот на општина Центар, Саша Богдановиќ, тие сакаат да го слушнат мислењето на граѓаните во врска со името на училиштето.

Тој додаде дека можноста за предлози за име на новото училиште ќе биде отворена пет дена, а потоа, наредните седум дена имињата што ќе бидат повеќе пати предложени, ќе бидат ставени на јавна анкета.

Од општина Центар информираат дека изградбата на основното училиште Капиштец е во третата, завршна фаза. Зафаќа бруто површина од 9.428 квадратни метри квадратни, а може да прими од 500 до 600 деца.

– Во училиштето има 20 училници и кабинети за физика, хемија, биологија, музичко образование, историја, географија, а има и ботаничка градина. Училиштето ќе има и фискултурна, но и гимнастичка сала – велат општинските власти.

Училиштето се планира да започне со работа на први септември со тоа што сите простории нема да бидат пуштени оваа година, затоа што се почнува со одделенска настава (од прво до петто одделение), а останатите ќе се пуштаат во употреба тековно.

Изградбата на училиштето започна во октомври 2016 година, уште кога градоначалник на општината беше Андреј Жерновски. Тој изградбата ја најави уште на почетокот на декември 2015 година.

(А.П.)

%20 - https://www.vecer.press/се-бара-име-за-новото-училиште-во-капиш/


Posted By: alexsend
Date Posted: 02-Jul-2019 at 18:09
Како се конкурира за наставен кадар?

Ако веќе градиме најмодерно улилиште во центар на главен град на држава сакам да знам кој и по кои критериуми ќе предава таму.

Како до вработување на најдобриот кадар?

-------------
Јас Скопје никогаш не сум го замислувал вака.


Posted By: stef4o
Date Posted: 24-Jul-2019 at 10:06
Внатрешниот двор(од фб)



Posted By: stef4o
Date Posted: 24-Jul-2019 at 15:37
ЦЕНТАРЦИ ПРЕДЛАГААТ: Новото училиште во Капиштец да се вика Киро Глигоров

При крај е изградбата на новото основно училиште кое се гради во населбата Капиштец. Денеска во обиколка на објектот беше градоначалникот на општина Центар, Саша Богдановиќ заедно со министерката за труд и социјална политика, Мила Царовска и најавија дека училиштето ќе почне со работа со почетокот на новата училишна година. Кон почетокот на август ќе започне опремувањето на училиштето.
За првпат по 47 години општина Центар добива ново основно училиште. Со современ изглед и капацитет за 500 ученици, ова е првото училиште во регионот кое е целосно адаптирано за лица со попреченост – истакна Богдановиќ.

Ова училиште сè уште нема име. На почетокот на овој месец на веб-страницата на општина Центар активна е анкета преку која надлежните сакаат да го слушнат мислењето на граѓаните во врска со името на училиштето.

Богдановиќ вели дека најголем процент од граѓаните го предложиле името на Киро Глигоров, првиот претседател на независна Македонија. Сепак, кое име ќе добие училиштето ќе одлучат советниците на општина Центар.

Новиот објект зафаќа бруто површина од 9.428 квадратни метри, а може да прими од 500 до 600 деца. Во училиштето има 20 училници и кабинети за физика, хемија, биологија, музичко образование, историја, географија, а има и ботаничка градина. Училиштето ќе има и фискултурна, но и гимнастичка сала.

Од септември нема да бидат пуштени сите простории затоа што се почнува со одделенска настава (од прво до петто одделение), а останатите ќе се пуштаат во употреба тековно.

Изградбата на училиштето започна во октомври 2016 година и чини околу 5 милиони евра.                            (С.Бл.)

https://www.vecer.press/центарци-предлагаат-новото-училиште/


Posted By: Enzo
Date Posted: 24-Jul-2019 at 15:54
бахахаха па нормално ЦЕНТАРЦИ дека ќе предложат да се вика Киро Глигоров....нормално


Posted By: ironm
Date Posted: 24-Jul-2019 at 16:17
А што е проблемот или смешното во тоа да се вика Киро Глигоров? Smile


Posted By: Џоле
Date Posted: 02-Aug-2019 at 22:17








-------------
За сè има вторпат


Posted By: alexsend
Date Posted: 03-Aug-2019 at 16:52
Само требало да им текне да направат и пола лента за застанување...

-------------
Јас Скопје никогаш не сум го замислувал вака.


Posted By: kiriOK
Date Posted: 04-Aug-2019 at 04:41
Основна школа градеа два и пол градоначанички мандата ејјјјј...да не правиме муабет за локацијава...место да бараат што повеќе зеленило и разтеретеност од сообраќај они го тутнаа тука...Иначе треба да се прекине со праксата (оставштина на комунизмот) основните училишта да носат имиња на било која личност и да се премине кон западниот модел на именување кој е присутен дури и во соседна Грција...


Posted By: alexsend
Date Posted: 04-Aug-2019 at 14:16
Основно училиште "Капиштец", "Капиштец Парк" такво име треба

-------------
Јас Скопје никогаш не сум го замислувал вака.


Posted By: stef4o
Date Posted: 21-Aug-2019 at 16:37
Може да се додаде името во насловот на нишкава......

--------------------------------------------------------------------------

Новото училиште во Капиштец се вика „Киро Глигоров“

На предлог на Министерството за образование и наука, Владата, на вчерашната седница усвои информација и даде позитивно мислење за основање на ново општинско основно училиште „Киро Глигоров“ во Општина Центар.

Првите генерации ученици новото училиште ќе ги прими во текот на претстојната учебна 2019/2020 година.

Инаку, ова е прво училиште што се изгради во Центар, по „J.X.Песталоци“ изградено во 1969 година, како донација на швајцарската Влада по катастрофалниот земјотрес. Иако со своите 12.000 жители е најголема населба во Центар, Капиштец немаше свое училиште.

Поради тоа, голем број деца се принудени да одат во училиштата што се наоѓаат далеку од населбата.
За да стигнат до најблиските училишта децата мораат да поминуваат повеќе сообраќајници, со што е загрозена нивната безбедност.

Со изградбата на новото основно училиште, конечно Капиштец доби своја модерна образовна установа за 500 ученици.

%20 - https://nezavisen.mk/novoto-uchilishte-vo-kapishtec-se-vika-kiro-gligorov/


Posted By: stef4o
Date Posted: 22-Aug-2019 at 13:54
Капиштец ќе се поднови со „Киро Глигоров“ – Модерно училиште за модерни генерации





Околу 250 ученици од прво до петто одделение од септември ќе учат во новоизграденото основно училиште во Општина Центар, „Киро Глигоров“.

Ова е прво новоизградено училиште од 1969 година во скопската Општина Центар, кога со донација од швајцарската влада по катастрофалниот земјотрес било изградено училиштето „J.X. Песталоци“.

Иако со своите 12.000 жители е најголема населба во Центар, Капиштец немаше свое училиште. Поради тоа, голем број деца се принудени да одат во училиштата што се наоѓаат далеку од населбата. За да стигнат до најблиските училишта, мораат да поминуваат повеќе сообраќајници, со што е загрозена нивната безбедност.

Со изградбата на новото основно училиште, Капиштец добива модерна образовна установа на површина од 12.000 квадратни метри за 500 ученици, а новата учебна година во него ќе ја почнат 250 ученици, од кои најголемиот дел се првоодделенци. Другите се преместени од неколку училишта во Центар, затоа што им е поблиску до дома.

Околу 250 ученици од прво до петто одделение од септември ќе учат во новоизграденото основно училиште во Општина Центар, „Киро Глигоров“.

Ова е прво новоизградено училиште од 1969 година во скопската Општина Центар, кога со донација од швајцарската влада по катастрофалниот земјотрес било изградено училиштето „J.X. Песталоци“.

Иако со своите 12.000 жители е најголема населба во Центар, Капиштец немаше свое училиште. Поради тоа, голем број деца се принудени да одат во училиштата што се наоѓаат далеку од населбата. За да стигнат до најблиските училишта, мораат да поминуваат повеќе сообраќајници, со што е загрозена нивната безбедност.

Со изградбата на новото основно училиште, Капиштец добива модерна образовна установа на површина од 12.000 квадратни метри за 500 ученици, а новата учебна година во него ќе ја почнат 250 ученици, од кои најголемиот дел се првоодделенци. Другите се преместени од неколку училишта во Центар, затоа што им е поблиску до дома.

Во очекување сме на согласности од Министерството за образование за техничкиот персонал, стручната служба и администрација. Од следната учебна 2020-2021 година ќе се вработат и наставници по предметна настава, во зависност од бројот на запишани ученици – додаваат од Центар.

Греењето на училиштето е централно и во основа ќе биде подно греење.

Анкетата за името на училиштето ја спроведе Општина Центар, при што граѓаните што гласаа одлучија тоа да се вика „Киро Глигоров“, а на предлог на МОН, Владата усвои информација и даде позитивно мислење за основање на ново општинско основно училиште во Општина Центар. Финансирањето на изградбата на училиштето е целосно покриено од Општина Центар. Дел од средствата се сопствени, а дел од средствата се со кредит од Европската банка за обнова и развој и чини нешто повеќе од 5,5 милиони евра.

Училиштето во Капиштец почна да се гради во октомври 2016 година, кога градоначалник беше Андреј Жерновски.

%20 - https://nezavisen.mk/kapishtec-kje-se-podnovi-so-kiro-gligorov-moderno-uchilishte-za-moderni-generacii/


Posted By: skopskodete
Date Posted: 22-Aug-2019 at 15:13
Се надевам дека внатре испланирале паркинг со обележани паркинг места, а не вака без ред испаркирани внатре... Прегрдо.


Posted By: Џоле
Date Posted: 27-Aug-2019 at 19:20


од фб профилот на Саша Богдановиќ

-------------
За сè има вторпат


Posted By: stef4o
Date Posted: 27-Aug-2019 at 20:56
Kolku sto mozam da vidam od slikive skolovo voopsto nema zelenilo ili greska sum? Nekako mnogu asfalt po dvorot. Samo od prednata strana ima nekolku drva.


Posted By: alexsend
Date Posted: 28-Aug-2019 at 11:09
Дефинитивно фалат дрва, но фали и лента за кратко застанување со возила кои неминовно ќе направат хаос. И најбитно од се фали образложение на кој начин ќе ги изберат најдобрите и најсоодветни професори за најдоброто училиште во градот убав? Објектот не значи ништо за процес на образование, кадарот е!

-------------
Јас Скопје никогаш не сум го замислувал вака.


Posted By: stef4o
Date Posted: 31-Aug-2019 at 10:39
Од фб на градот поставена е заштитна ограда поред тротоарот за поголема безбедност









Posted By: xnx
Date Posted: 31-Aug-2019 at 10:42
seriozno u 2019ta uste se pravat pesacki so trotoar sto moze samo so skok da se pomine? dali se normalni?

Originally posted by stef4o







Posted By: alexsend
Date Posted: 31-Aug-2019 at 16:46
Училиштето е 10ка.
Но само после 1 недела се избришани новите пешачки и натписот "Школо"...!!!
И пак ќе пишам, како ќе ги изберат најдобрите наставници за најдоброто училиште? Кога знаеме дека 90% од наставниците се брука сама за себе, и 90% од оние кои завршиле педагошка се исто така брука сама за себе.

-------------
Јас Скопје никогаш не сум го замислувал вака.


Posted By: ironm
Date Posted: 02-Sep-2019 at 09:18
Со партиска книшка - како поинаку?


Posted By: MKDSTRUGA
Date Posted: 02-Sep-2019 at 09:39
Ucilisteto e super. No sepak treba da ima standard za ucilista, nemoze do tolku da sme centralizirano opstestvo, kade edni deca ucat vo vakvo skolo, a drugi (vo istoto skopje) seuste ucat vo baraki (Dimo Hadzi Dimov vo Vlae).
Uste od mali deca so partiska kniska na mama i tato ke se upisuvaat vo skolo izgleda...

Sosema dovolni i ubavi a sigurno i mn poevtini se obnovenite ucilista vo Zelezara, ili Kisela Voda (Nevena Georgieva- Dunja). Ako ne se lazam i vo Hipodrom po toj standard e sredeno skoloto. Ne gledam pricina za vakov elitizam i klasna razlika vo ucilistata. Sepak vakvo uciliste ke recam da ako site se takvi ako ne so parite od ova mozea da sredat use drugi 2 ucilista na nivoto od gore spomenatite.


Posted By: <Fresno>
Date Posted: 02-Sep-2019 at 13:36

Не можам да најдам информација колку е блок дотацијата од централниот буџет. Ако е повисока од стандардно, тогаш е нефер пристап. Но доколку е како и за училиште во Кисела Вода на пример, тогаш нема проблем. Освен што граѓаните на Кисела Вода континуирано гласаат неспособни градоначалници...


Posted By: MKDSTRUGA
Date Posted: 02-Sep-2019 at 13:55
Затоа е и нај крш општина по мене. Сепак мислам дека треба училиштата за децата да се еднакви и да не зависат од општината. На пример сигурно Општина Битола или Гостивар неможат да обезбедат вакви училишта за своите ученици. Би требало да се изнајде системско решение преку кое рамномерно ќе се вложува во условите во кои децата ќе учат.


Posted By: stef4o
Date Posted: 02-Sep-2019 at 16:47
Од фб профилот на Саша Богдановиќ













Posted By: fichot
Date Posted: 02-Sep-2019 at 22:19
Убаво изгледа на последниов сет „појачани“ (фотошопирани) фотки. На другите ми е некако сиво и депре.


Posted By: daci92
Date Posted: 03-Sep-2019 at 01:11
Дали е тоа ламинат на втората слика ? Ако е - страшно!!!


Posted By: ironm
Date Posted: 03-Sep-2019 at 08:04
Мислам дека е линолеум со изглед на дрво, не мислам дека се толку забегани.


Posted By: Blagh
Date Posted: 03-Sep-2019 at 09:00
http://https://www.youtube.com/watch?v=Nwl6qWuVhP - https://www.youtube.com/watch?v=Nwl6qWuVhP

[TUBE]Nwl6qWuVhPk[/TUBE]

Училиштево искрено изгледа одлично, со внатрешен хол за приредби, сала, опремени училни, подземен паркинг, се надевам и изведбата е квалитетна. Во Македонија треба да се работи и со наставничкиот кадар и да се инвестира во дополнително нивно обучување за како да го потикнат потенцијалот кај децата, само тоа ваљда не е тема на раговор тука.




Posted By: vladegf
Date Posted: 03-Sep-2019 at 10:12
Школото е супер.
али во однос на организација веч видено уште пред 35 години во Аеродром (Кардељ, Бато и сл.). Полигон за велосипеди (своевремено со семафори), игралишта за кошарка и фудбал во рамките на дворот.
подрумси простории за посебен вид на настава, амбуланта, кујна, хол за приредби, опремени кабинети за хемија и физика и сл.


Posted By: Џоле
Date Posted: 06-Sep-2019 at 11:57


http://marh.mk/osnovno-ucilishte-kiro-gligorov/?fbclid=IwAR0g30fWBc1uYHxS0HChyFm9e1tokI_fGIvI9VlO3S2YdxS5TBzs3ucaZYk - http://marh.mk/osnovno-ucilishte-kiro-gligorov/?fbclid=IwAR0g30fWBc1uYHxS0HChyFm9e1tokI_fGIvI9VlO3S2YdxS5TBzs3ucaZYk

-------------
За сè има вторпат


Posted By: stef4o
Date Posted: 01-Oct-2019 at 07:40
















www.facebook.com/ИНКОМ-ИНЖЕНЕРИНГ


Posted By: Џоле
Date Posted: 29-Dec-2019 at 18:46
Некои досега невидени фотки од училиштево...









повеќе на http://bma.mk/kps/?fbclid=IwAR0TwyGek2qr833PZC3YSM09Uv3mShEOe8FzHiBdDZUoAMnbAlM4gjzs0jQ

-------------
За сè има вторпат


Posted By: kiriOK
Date Posted: 10-Apr-2020 at 22:08
Прокиснал кровот



Posted By: David
Date Posted: 11-Apr-2020 at 08:21
Аее сеа шупрајме,ќе си одговараат Шилегов и Бугданович ??




Posted By: alexsend
Date Posted: 11-Apr-2020 at 10:48
Ќе си одговра фирмата изведувач која дала гаранција, како што гледаш веќе одговориле.

-------------
Јас Скопје никогаш не сум го замислувал вака.


Posted By: stef4o
Date Posted: 11-Feb-2021 at 13:29
ПРИВАТНА ГИМНАЗИЈА БАРА ДА ГО ИЗНАЈМИ НОВОТО ШКОЛО „КИРО ГЛИГОРОВ“, РОДИТЕЛИТЕ ГНЕВНИ, А БОГДАНОВИЌ ВЕЛИ ДЕКА ТОЈ НЕ ОДЛУЧУВА

Приватното средно училиште „Арс студио“ бара да го изнајми новото основното училиште „Киро Глигоров“ во населбата Капиштец во скопската општина Центар. На 24 ноември лани до училиштето е поднесено барање, по што директорката ги запознала членовите на училишниот одбор. Минатиот месец за идејата средношколци од приватно училиште да учат заедно со основнци во новото училиште биле известени и родителите кои остро реагирале и побарале иницијативата веднаш да се отфрли.

Родителите до сега испратиле неколку петиции кои ги доставиле до училиштето, до градоначалникот на општина Центар, до Советот на општина Центар и до Министерстото за образование.

„Педесет години чекавме да се изгради школо во Капиштец, таман го добивме и сме горди што е најмодерно во државата, сега сакаат да го изнајмат на приватна гимназија. Неприфатливо е ваквото барање бидејќи ќе доведе до мешање на деца од различни возрасни групи со различен емотивен, физички и социјален развој. Тое е несоодветно, дури помалку и скандалозно. Од овие причини постојат посебни објекти за осново, средно и високо образование. Вакви важни одлуки кои е однесуваат на нашите деца и на нашето училиште, кое е изградено со наши пари, не смее и е недозволиво да се носат без општ консензус на сите засегнати страни. Ниту училиштето, ниту Општината, ниту пак Министерството за образование не смеат да имаат ексклузивност во носење на одлуката. Училиштето ‘Киро Глигоров‘, треба да остане училиште за основно образование, во кое нашите деца непречено ќе бидат образувани и воспитувани од наставниот кадар и ќе се дружат со своите врсници како што им прилега на нивната возраст“, велат родителите кои до редакцијата на САКАМДАКАЖАМ. МК ги доставија петициите поднесени против барањето.

Тие велат дека имале состанок и со градоначалникот на Општина Центар Саша Богдановиќ кој ја прифатил иницијативата да се изнајми училиштето ако децата учат во различни смени.

Богдановиќ за САКАМДАКАЖАМ.МК вели дека тој не одлучува за овој предлог туку училишниот одбор. Во училишниот одбор членуваат наставници од училиштето, советници од неговата партија во Советот на Општина Центар и претставници на родителите. Директорката на училиштето ја назнаува Општина Центар и тој како градоначалник.

„Нема потребна од никакви петиции. Ако училишниот одбор одлучи да не се прифати ова барање така и ќе биде. Мојот став е дека не треба да има мешање на децата. И сега некои училишта се издаваат на приватни школи по странски јазик по два часа неколку дена во неделата по завршување на наставата“, вели Богдановиќ.

На нашето прашање што значи тоа дека за него е неприфатливо децата да се мешаат, дали смета дека е во ред да се издаде доколку во една смена одат основците а во втора средношколците, Богдановиќ уште еднаш повторуваше дека не одлучува тој дали ќе се издаде или не, но смета дека ако има смени нема да има мешање на децата.

Родителите пак сметаат дека децата не смеат да учат во смени бидејќи целодневната настава од прво до трето одделение во 15 часот, а постои дежурна училница која работи до 17 часот.

„Училиштето како правен субјет е регистратирано исклучиво за основно-образовна дејност. Дозволени се самофинансирачки активности, само доколку не го нарушуваат редовниот образовен процес. Кој ќе ја понесе одговорноста за било какви непријатни настани кои може да се случат ако двете училишта функционираат заедно? Кој е бенефитот од отварање на паралелено приватно училиште за децата од Киро Глигоров?“, прашуваат родителите.

Училиштето „Киро Глигоров“ беше отворено во септември 2019 и чини 5,5 милиони евра.

%20 - https://sdk.mk/index.php/dopisna-mrezha/privatna-gimnazija-bara-da-go-iznajmi-novoto-shkolo-kiro-gligorov-roditelite-gnevni-a-bogdanovik-veli-deka-toj-ne-odluchuva/



Print Page | Close Window