Света Лидија - нас. Ченто
Printed From: build.mk
Category: Главни теми
Forum Name: Верски
Forum Discription: Цркви, џамии, манастири...
URL: http://www.build.mk/forum/forum_posts.asp?TID=3127
Printed Date: 01-May-2025 at 20:39
Topic: Света Лидија - нас. Ченто
Posted By: Џоле
Subject: Света Лидија - нас. Ченто
Date Posted: 22-Nov-2014 at 12:45
|
Во Ченто почнува изградбата на црквата „Света Лидија Македонска“
Во населбата Ченто денеска ќе биде поставен камен-темелник за изградба на црквата „Света Лидија Македонска“. Осветувањето на камен-темелникот, како што е најавено, ќе го изврши Неговото Блаженство г.г. Стефан архиепископ Охридски и Македонски со повеќе епископи и свештенослужители на Македонската Православна Црква – Охридска Археипископија. Црквата ќе се гради на површина од 303 метри квадратни, а помошните простории на површина од 320 метри квадратни. Во склопот на црквата ќе има и камбанарија и крст од 25 метри. Во црковниот двор планирано е да се изгради и фонтана. Изградбата на црквата и помошните простории ќе биде финансирана од Македонската Православна Црква, приватни донатори и месното население. Ова е прва црква во Скопската епархија и втора во Македонија посветена на Света Лидија Македонска. http://republika.mk/?p=348627 - http://republika.mk/?p=348627 ------------- За сè има вторпат |
Replies:
Posted By: macedonia
Date Posted: 22-Nov-2014 at 16:29
Осветување на камен - темелник за нова црква во н. Ченто
На 22.11.2014, денот кога Православната црква ги празнува преподобна Матрона; св. Нектариј Егински; св. Јован Колов, Неговото блаженство Архиепископот охридски и македонски г.г. Стефан во сослужение на свештенослужители од Скопската православна епархија освети и постави камен-темелник за изградба на православен храм „Света Лидија“ во населбата Ченто, Општина Гази - Баба. Ктитор за изградба на храмот е благочестивото семејство на г. Ѓорѓи Вуков. 
|
Posted By: Џоле
Date Posted: 22-Nov-2014 at 22:00
извор на фотографиите: фејсбук профилот на Тодор Петров ------------- За сè има вторпат |
Posted By: macedonia
Date Posted: 06-Mar-2016 at 19:28
2015.12.19
|
Posted By: stef4o
Date Posted: 24-May-2016 at 13:25
| До каде е изградбата на црквава?Некоја фотка. |
Posted By: JovanOdGjorche
Date Posted: 24-May-2016 at 14:59
|
Иако не сум религиозен и некако сум против и од ветте страни за општата ексапнзија на верски објекти во Македонија, го подржувам ваквиот концепт на градење на религиозни центри кои си имаат и посебен објект и паркинг односно важат за една целина и не влијаат во околината. Односно не се во стилот на Општина Аеродром каде што ги расфрлаа религиозните мини објекти на секаде како демек си излегол на пазарење и набрзинка да запалиш една свеќа.
Но како и да е, ми се допѓа дизајнот и планот во целина. ------------- And something, somewhere was lost in 1938... |
Posted By: stef4o
Date Posted: 24-May-2016 at 17:23
| Da. Crkvava e mnogu ubava,a onie sto se pravat niz aerodrom na sekoe kose voopsto ne mi se dopagja. Isklucok se Sv. Ilija i Sv. Jovan Krstitel koi imaat poubavo uredena okolina. Neznam kolku ubavo ke ja uredat ovaa sto sega ja pravat vo Michurin. No ovaa vo Michurin e na epten losa lokacija. Mislev deka napustenata kuka koja se naogja vednas do crkvata ke ja srusat i so toa crkvata ke dobieshe moznost da ima pogolem dvor,no za zal takvo nesto ne se sluci. Ke vidime dali nesto ke se promeni koga ke ja zavrshat? |
Posted By: stef4o
Date Posted: 12-Aug-2016 at 18:43
| Sto bidna so crkvava. Nemame nikakva fotka. Se raboti li nesto. Dokolku nekoj znae neka napise ili neka stavi nekoja fotka. |
Posted By: macedonia
Date Posted: 13-Nov-2016 at 23:36
|
Posted By: stef4o
Date Posted: 22-Mar-2021 at 08:13
|
Знае ли некој дали е почната да се гради црквава воопшто?Ова го најдов како повик за донации за изградба..
-------------------------------------------------- ЗДРУЖЕНИЕ ЗА ИЗГРАДБА НА МАКЕДОНСКАТА ПРАВОСЛАВНА ЦРКВА “СВЕТA ЛИДИЈА МАКЕДОНКА“ НАСЕЛБА ЧЕНТО, СКОПЈЕ 
АПЕЛ ЗА ДОНАЦИИ ЗА ИЗГРАДБА НА МАКЕДОНСКАТА ПРАВОСЛАВНА ЦРКВА “СВЕТA ЛИДИЈА МАКЕДОНКА“ НАСЕЛБА ЧЕНТО, СКОПЈЕ 23 февруари 2021 година, Гази Баба, Скопје - На 22 ноември 2014 година, на старите гробишта до Домот на културата во населба Ченто, општина Гази Баба, Скопје, Неговото Блаженство г.г. Стефан Архиепископ Охридски и Македонски и на Јустинијана Прва со повеќе епископи и свештенослужители на Македонската Православна Црква - Охридска Архиепископија и Јустинијана Прва, го освети камен темелникот на православниот храм “Света Лидија Македонка“ во населба Ченто, општина Гази Баба, Скопје. Света Лидија Македонка од Филипи е првата покрстена христијанка во Европа! Црквата доби Одобрение за градење издадено од општина Гази Баба на вкупна површина од 4.109 м², на земјиште откупено на 25 септември 2013 година со Договор за отуѓување на градежно земјиште со непосредна спогодба меѓу општината Гази Баба и Македонската Православна Црква - Охридска Архиепископија и Јустинијана Прва. Храмот “Света Лидија Македонка“ е со вкупна површина од 303 м2. Камбанаријата е во основа 6 на 6 метри во висина од 25 метри со крстот. Неколкуте камбани ќе ги повикуваат верниците на богослужби, на молитва пред и со Господа, да го вратат животот и жагорот во македонските православни семејства. Конаците во црковниот двор како помошни простории се со вкупна површина од 320 м2. Црковниот двор ќе го краси прекрасна фонтана за водосвет, а радоста е уште поголема, затоа што ова е прва црква во Скопската епархија и втора во Македонија, покрај онаа во Свети Николе, посветена на Света Лидија Македонка. Проектант на храмот “Света Лидија Македонка“ во Ченто е проектантското биро СЛЕМЕПРОЕКТ ДОО ШТИП, во сопственост на дипломиран инжинер архитект Благој Здравев. Со благослов на Неговото Блаженство г.г. Стефан, на 17 декември 2020 година во Општина Гази Баба се регистрира Здружението за изградба на Македонската православна црква СВЕТА ЛИДИЈА МАКЕДОНКА - ЧЕНТО Скопје, со ембс 7485077 и едб 4043021529961, со седиште на улица “Маџари“ број 4/14-А, населба Инџиково, Гази Баба, МК-1000 Скопје, под претседателство на Тоне Димковски. Здружението апелира до сите верници во Македонската Православна Црква - Охридска Архиепископија и Јустинијана Прва и до сите добронамерници за парична за изградба на храмот СВЕТА ЛИДИЈА МАКЕДОНКА - ЧЕНТО Скопје на сметка: СВЕТА ЛИДИЈА МАКЕДОНКА - ЧЕНТО Скопје Сметка 270-0748507701-12 Халк банка АД Скопје За материјални донации дополнителни информации може да се добијат кај Тоне Димковски на мобилен 071358075. https://www.facebook.com/kukuzelMakedonija |
Posted By: stef4o
Date Posted: 22-Mar-2021 at 08:29
Камбанаријата
------------------------------- Еве уште еден рендер 
https://www.facebook.com/SlemeProekt |
Posted By: stef4o
Date Posted: 22-Mar-2021 at 08:32
Еве една google maps споредба,5-6 години ништо не се сменило освен минимален ископ за црквата веројатно 
|
Posted By: stef4o
Date Posted: 25-May-2021 at 08:29
|
Имало сепак минимален напредок па стагнација,активностите продолжиле на 20.04.2021 но сеуште е во рана фаза и оди преку донации
Еве малку повеќе фотки од активностите кои почнале декември 2020(од фб) 
|
Posted By: stef4o
Date Posted: 16-Jun-2021 at 07:27
https://www.facebook.com/GeorgievskiBoris/p |
Posted By: stef4o
Date Posted: 16-Jun-2021 at 07:33
и од Google Maps се приметува некој минимален напредок
|
Posted By: stef4o
Date Posted: 18-Sep-2021 at 17:15
11.09.2021(од фб)
|
Posted By: stef4o
Date Posted: 26-Dec-2021 at 18:05
|
Се гради прилично бавно,главно од донации нема ниту официјален изведувач туку се менуваат разни фирми согласно финансиите и потребите
Ова би требало да е состојба од пред 2 дена односно 24.12.2021 
https://www.facebook.com/groups/145337166272043 |
Posted By: stef4o
Date Posted: 26-Dec-2021 at 18:08
|
вест од 20.12.2021
----------------------------------------------------------------- За изградба на црквата Св.Лидија Македонка во Ченто се бараат донации и градежни работници Тоне Димковски бара донации за да продолжи да се гради црквата Света Лидија Македонка во населбата Ченто кај што беа старите гробишта. Тој за весникот ВЕЧЕР изјави дека во 2014 година кога беше поставен камен темелникот беа таксани златна, сребрена и бронзена лопата и со тие средства требаше да се почне со изградбата. – Тогаш беа таксани вкупно 10 илјади евра за купување на лопатите – 5.000 за златната, 3.000 за сребрената и 1.500 евра за бронзената лопата со кои беше поставен камен темелникот на црквата. Но, тие што ги купија лопатите до ден денеска не ги дадоа парите. Освен еден од нив кој вети дека бесплатно ќе го даде бетонот за градењето и ќе ја направи камбанаријата. Другите двајца ништо не дадоа – вели Димковски за весникот ВЕЧЕР. Тој сега јавно бара градежни работници: ѕидари, тесари за објекти и изградба на црква, како и донатори кои би донирале средства за изградба на црквата. – Ајде помогнете да најдеме мајстори, материјали имаме, но немаме кој да работи – потенцира тој. Осветувањето на камен темелникот на црквата во 2014 година го изврши Неговото Блаженство г.г. Стефан со повеќе епископи и свештенослужители на Македонската Православна Црква – Охридска Архиепископија. Црквата има дозвола издадена од општина Гази Баба на вкупна површина од 4.109 квадратни метри на земјиште откупено на 25 септември 2013 година со Договор за отуѓување на градежно земјиште со непосредна спогодба меѓу општината Гази Баба и Македонската Православна Црква – Охридска Архиепископија. https://www.vecer.press/за-изградба-на-црквата-св-лидуија-маке - https://www.vecer.press/за-изградба-на-црквата-св-лидуија-маке |
Posted By: JovanOdGjorche
Date Posted: 27-Dec-2021 at 13:27
|
А МПЦ кај е во приказнава? Ако можат да ми бараат 100 ден за влез во Канео секое лето, за оставнина од нашите предци, тогаш можат и за ова да дадат пари. Ако е глуп народот нека плаќа. ------------- And something, somewhere was lost in 1938... |
Posted By: stef4o
Date Posted: 29-Aug-2022 at 14:23
По подолг застој околу 20-ти август продоложиле со активности(од фб)
------------- Carpe diem |
Posted By: stef4o
Date Posted: 12-Nov-2022 at 18:16
08.11.2022 od fb
 ------------- Carpe diem |
Posted By: stef4o
Date Posted: 24-Feb-2023 at 18:07
|
Осум цркви во Скопје чекаат да бидат дозиградени
Здружението за изградба на македонската православна црква „Света Лидија Македонка“ во населбата Ченто објави апел за донации за нејзина доизградба. Нејзиниот ктитор, Тоне Димковски, кој е и претседател на здружението, вели дека од 2014 година, кога е поставен камен-темелникот, ниту една од институциите не нашла за потребно да ја помогне изградбата. – Го обезбедив целиот материјал, но немам поддршка од институциите за понатаму. Од претходниот градоначалник на Општина Гази Баба имав каква-таква помош, но од сегашното раководство на Општината немам, иако беше ветено. Се обидувам со сопствени сили и средства да направам нешто – изјави Димковски. Тој објасни дека се бетонирани полукруговите за иконостасите и оти сега треба да се бетонираат 16-метарските столбови, а потоа да се направи полукружната купола на која треба да се стави крстот. Вели дека склучил договор со фирма која ќе донира бетон, но не е доволно тоа. Камен-темелникот на оваа црква беше поставен на 22 ноември 2014 година, на старите гробишта до Домот на културата во населбата Ченто, Општина Гази Баба. Храмот „Света Лидија Македонка“ е со вкупна површина од 303 квадратни метри. https://www.vecer.press/осум-цркви-во-скопје-чекаат-да-бидат-до/ - https://www.vecer.press/осум-цркви-во-скопје-чекаат-да-бидат-до/ ------------- Carpe diem |
Posted By: stef4o
Date Posted: 03-May-2023 at 17:10
Proletna ofanziva iskop na zemja vo Crkva Sveta " LIDIJA " Makedonka ....pomos od firmata LENDI GRUP ....
https://www.facebook.com/groups/145337166272043 - https://www.facebook.com/groups/145337166272043 ------------- Carpe diem |
Posted By: stef4o
Date Posted: 15-Aug-2023 at 17:43
|
Во 2014 година беше поставен камен темелникот на црквата „Света Лидија Македонска“
[tube]YO57hFdPHBw[/tube] ------------- Carpe diem |
Posted By: stef4o
Date Posted: 22-Nov-2024 at 20:14
|
11.11.2024
Потребни се средства за фрескоживописот на црквата „Света Лидија Македонка“ Од здружението „Одбор на црквата „Света Лидија Македонка“ апелираат до верниците да донираат средства за фрескоживописот во цркват која се грди во населбат Ченто. Проектот ќе чини околу 55.000 евра и ќе се реализира во неколку фази, во зависност од средствата кои ќе се соберат. Доброволниот прилог може да се донира на сметка на храмот: Ж.С 270-0748507701.12, цел на дознака: донација за фрескоживопис или пак лично во храмот. Црквата „Света Лидија Македонка“ почна да се гради во 2013 година. Доизградбата продолжи во 2020 година, а во моментов ктитор е Тоне Димковски со здружението „Одбор на Света Лидија Македонка”. https://www.vecer.press/potrebni-se-sredstva-za-freskozivopisot/ - https://www.vecer.press/potrebni-se-sredstva-za-freskozivopisot/ ------------- Carpe diem |
Posted By: stef4o
Date Posted: 13-Mar-2025 at 16:46
|
Црквата „Света Лидија Македонска“ во Ченто десет години остана само на камен-темелник
Почетокот на изградбата на црквата беше означен во 2014 година со поставување камен-темелник, но изградбата оди многу бавно и главно со пари на верници и жители на населбата. Лимени огради, прашина и ѓубре можат да се забележат на просторот на поранешните христијански гробишта во населбата Ченто, каде што пред 11 години беше поставен камен-темелник за изградба на црквата „Света Лидија Македонска“. Проектот тогаш беше презентиран како заедничка иницијатива на Општина Гази Баба и на жителите на населба Ченто, а како изведувачи се пријавиле повеќе компании заинтересирани за изградба на овој храм, предвиден да биде распространет на површина од над 4000 квадратни метри. 
Од Македонската православна црква за изградбата на оваа црква посочија дека е прва во Скопската епархија, а втора во Македонија која е посветена на Света Лидија Македонска. Изградбата официјално започна на 22 ноември 2014 година, а камен-темелникот го освети архиепископот г. г. Стефан. Одлуката за изградба на оваа црква, според жителите, кај нив предизвикала измешани чувства и поделени ставови поради тоа што условот за почеток на нејзина изградба бил преместување на христијанските гробишта, сместени на таа територија повеќе од половина век. Сепак, амбициозниот проект наиде на „кочница“ при неговата изградба и е оставен на половина. Проблемот е повеќе од очигледен, нема доволно финансиски средства. 
Околу лимените огради на просторот лоциран на главната улица „Методија Андонов Ченто“ во непосредна близина на Домот на културата, наидовме на ѓубре, искршени гранки од дрвја и огромно количество прашина, но успеавме на ѕирнеме и внатре. Конструкцијата на црквата веќе е поставена и очигледно е дека почнала изградбата, но проектот не е ни близу наскоро да биде завршен. Ја забележавме и работната табла, високо поставена и видлива од главната улица, на која е претставен проектираниот изглед на оваа црква. Според прикажаното, треба да се изгради црковен објект, голема камбана, паркинг и зелена површина. – Вистина е дека идејата за изградба на црквата „Света Лидија Македонска“ датира 11 години. Тогашниот градоначалник на Гази Баба Тони Трајковски заедно со г. г. Стефан „фрлија лопата“ и го означија почетокот на изградбата, но за жал тоа беше единственото нешто кое го направија. По осветувањето, просторот со години остана пуст, со високо никнати треви и заграден, без никаков прогрес – вели еден од организаторите на изградбата на црквата Тоне Денковски за „Слободен печат“. Тој објасни дека во 2022 година, откако видел дека проектот нема никаков напредок и нема надеж за изградба на црквата, работата ја презел во свои раце. Најпрвин го оформил Здружението за изградба на Македонската православна црква „Света Лидија Македонска“ населба Ченто, а потоа добил и благослов од Г.Г. Стефан и продолжил со изградбата. – Финансирањето на овој проект е од мене и уште неколку луѓе верници, но исто така кој сака може и да донира на жиро-сметката за донации, која е на име на здружението – истакна Денковски. Според новиот план за изградба, храмот „Света Лидија Македонка“ е со вкупна површина од 303 квадратни метри. Камбанаријата е во висина од 25 метри заедно со крстот, а конаците во црковниот двор како помошни простории се со вкупна површина од 320 квадратни метри. Исто така, во црковниот двор е планирана фонтана за водосвет. Кога го прашавме дали постои рок до кога овој проект би бил завршен, тој одговори дека точен датум нема. – Проектот за изградба на црква може само да биде почнат, нема рокови и планови до кога би била завршена. За три години направивме многу повеќе од тоа што претходниците го направија за речиси една деценија. Работата оди бавно, но не запираме со изградбата – истакна организаторот и додаде дека само за проектирање на нов нацрт план за црквата биле потребни околу 20.000 евра. Денковски тврди дека во последниве години тој лично одделил средства и поставил камери околу објектот, барака за обезбедување и контејнери, со цел местото да не биде вандализирано или оштетено. Притоа, тој изрази незадоволство кон органите на власт, особено кон Општина Гази Баба, од каде што, според него, со доаѓањето на власт на актуелното раководство, секнала финансиската помош за овој проект. 
Општина Гази Баба на работната табла е претставена како еден од иницијаторите за изградба на оваа црква. На прашањето зошто не се во контакт со изведувачите што се одговорни за изградбата на црквата, одговор од нив не добивме. Можеби Општината навистина кренала раце од овој проект како што тврди организаторот, така што нејзината целосна изградба засега останува само на финансиската можност на жителите и на донаторите. https://www.slobodenpecat.mk/crkvata-sveta-lidija-makedonska-vo-chento-deset-godini-ostana-samo-na-kamen-temelnik/ - https://www.slobodenpecat.mk/crkvata-sveta-lidija-makedonska-vo-chento-deset-godini-ostana-samo-na-kamen-temelnik/ ------------- Carpe diem |