Македонската Црква “Свето Преобажение“ е долгоочекувана црква којашто месното население и верниците од населбата Железара одамна ја посакува. За нејзина изградба, од месното население во населбата Железара, во 1974 година формирано е Здружение “Бадникова вечер“ за организација на бадниковата вечер. Тоа здружение, чии основачи се Часлав Бошков, Андреја Ивановски и Данило Даниловски, вреди да се спомнат нивните имиња бидејќи заслужуваат голема благодарност, иницира изградба на црква на платото пред кулите до парк шумата Гази Баба.

Во 2003 година по инцијатива на ова здружение од сега покоен прота Коста Станоевски местото е осветено за изградба на црквата “Свети Константин и Елена“.

Во 2006 година формиран е иницијативен одбор за изградба на Македонската црква “Свети Константин и Елена“ во Железара, со следните задачи: да собира и домаќински располага со средства за изградба на црквата, и да ги врши сите подготовки за отпочнување на градба и изградба на црквата.

Иницијативниот одбор, заедно со општинската администрација помогнаа за уредување на имотно-правните односи, во градежната парцела се избришаа сите кориснички права и правата по основ на денационализација на поранешни сопственици.

Иницијативниот одбор за изградба на црквата упати благодарност на Пенчо Јанев, Викен Јаневски, Илија Јанев со фамилијата, Слободан Јанев со фамилијата, Богданка Дукова со фамилијата, Десанка Мачевелова со фамилијата и Аце Ѓошевски со фамилијата, кои ќе бидат запишани во книгата на ктиторите на црквата, поради откажувањето од корисничкото право на градежната парцела за изградба на црквата.

На 5 декември 2013 година во Договор за отуѓување на градежно земјиште со непосредна спогодба со општината Гази Баба, Македонската Православна Црква - Охридска Архиепископија го откупи земјиштето во вкупна површина од 6.228 м2.

Поради тоа што во Скопје има неколку цркви “Свети Константин и Елена“, едната се гради пред Домот на Армијата на Македонија, а другата се реконструира во општина Илинден, со благослов на дедото Стефан утврдено е црквата да го носи името “Свето Преобажение“, единствена со тоа име во Скопската епархија, со метох односно место во неа и за Светите Константин и Елена, така што ќе се одбележуваат и двата празника и Свето Преображение на 19 август и Свети Константин и Елена на 3 јуни.

Црквата и конаците ќе ги гради Македонската Православна Црква - Охридска Архиепископија, но секако ќе помогнат и верниците со донации според можностите, за што Иницијативниот одбор ќе спроведе широка кампања меѓу жителите и верниците во оваа населба и пошироко.

Камен темелник на црквата и конаците ќе се постави штом се издаде одобрението за градење од општина Гази Баба.

За изградбата на црквата и конаците ќе се грижи и Иницијативен одбор за изградба на црквата, во состав: Ацо Петрушев, претседател на Одборот, Марјан Калимановски, заменик претседател на Одборот, Тони Трајковски, Тодор Петров, Елизабета Стојменова, Благородна Дулиќ, Митко Ќосев, Јован Распашковски, д-р Иван Илиевски, Зоран Јовановиќ, Сашо Коцевски, Ѓорѓи Aндонов, отец Ванчо Умленски и старешината на црквата.

Како што Светиот Цар Константин дава пример како се победува надмоќта на непријателот со крстот Господов, а неговата мајка царицата Елена подучува дека треба постојано и упорно да се бара Господ, верниците во Железара се решени да го дочекаат осветувањето на црковниот комплекс во најбрз рок. Прославувајќи го преображението на Исус Христ на гората Тавор, кога Господ се појави во сета Негова слава пред апостолите Петар, Јаков и Јован, така и Железарци, со овој велелепен храм и конаците ќе ја препородат населбата Железара.

Македонската црква “Свето Преображение“ се простира на градежна парцела од 6.228 метри со вкупна градежна површина од 4.500 м2, П+2 и П+3, црква во руски стил со две позлатени турбиња и камбанарија со девет камбани висока 30 метри. Црквата “Свето Преображение“ ќе претставува единствен црковен комплекс од ваков вид во Македонија, затоа што во конаците ќе бидат сместени старски дом, детска градинка, центар за дневен престој на стари, центар за дневен престој на деца со игротека, амбуланта, хотел, кујна, ресторан, млечен ресторан, сувенирница, резиденција на скопскиот викарен епископ, дом на руската култура, фонтана и споменик на упокоените Руси во Македонија од 1917 година. Црквниот комплекс ќе располага со повеќе игралишта.

Се очекува осветувањето на камен темелникот да се изврши и градежните работи да започнат на почетокот на идната 2015 година.

Фото: Нова црква "Свето Преображение" ќе се издигне во Скопје

Пред неколку стотини верници, со благослов на Неговото Блаженство г.г. Стефан Архиепископ Охридски и Македонски, денеска во населба Железара, општина Гази Баба, беше презентиран идејниот проект на православната црква "Свето Преображение“, објави Вечер.

Црквата и конаците ќе ги гради Македонската Православна Црква - Охридска Архиепископија, а секако за најзината изградба средства ќе можат да донираат и верниците, за што Иницијативниот одбор ќе спроведе широка кампања меѓу жителите и верниците во оваа населба и пошироко.

Камен темелник на црквата и конаците ќе се постави штом се издаде одобрението за градење од општина Гази Баба, а се очекува осветувањето на темелите да се изврши и градежните работи да започнат на почетокот на иднатата година.

http://www.skopjeinfo.mk/gradot/767322469/foto-nova-crkva-sveto-preobrazenie-ke-se-izdigne-vo-skopje