3D реплика на Македонски град за комерцијални цели
Printed From: build.mk
Category: Останати теми
Forum Name: Виртуелна Македонија
Forum Discription: Работилница за мапирање на Македонија и 3D објекти во Google Earth
URL: http://www.build.mk/forum/forum_posts.asp?TID=3152
Printed Date: 19-Apr-2024 at 05:21
Topic: 3D реплика на Македонски град за комерцијални цели
Posted By: Incognito
Subject: 3D реплика на Македонски град за комерцијални цели
Date Posted: 20-Feb-2015 at 09:01
|
Поздрав членови на Build.MK. Работам 3D дизајн и графика +/- 14 години и еден куп слични работи и ме интересира колку е законски дозволиво да се изработи одреден македонски град како арена за одредена интерактивна видео игра? Прашањето не е дали е практично изводливо, туку кои се ограничувањата за такво нешто? Различни држави имаат различни закони за вакви работи. Гигантни студија реплицираат градови, или одредени сегменти од истите со солидна прецизност, додека од друга страна налетав на случај во Кореа, студент кој едноставно сакал да го внесе својот универзитет како мапа за Counter-Strike, изедол казна од 40.000€ и одреден временски период во затвор. За кај нас, паметам имаше реплика на АвтоКоманда и на одреден факултет, ама тие работи беа од пред повеќе од десет години. Кои работи се дозволени да се реплицираат, кои работи не се дозволени да се реплицираат, за кои работи треба да се бара дозвола или потпис, или нешто слично? По некоја си логика, и од тоа што имам читано од страна во други држави, екстериерот на јавни и деловни објекти може слободно да се реплицира, бидејќи е јавен објект и е видлив од сите страни. Случајот е ист за станбени објекти, секојдневни згради, значи само екстериерот. Што се однесува до куќите и дворното земјиште, различни места кажуваат различни приказни, и по-веројатно ми е дека реплицирање на такви работи или е строго забрането, или треба да се бара дозвола. Секако, за такви работи, ако не се добие дозвола, истите можат да се модифицираат да не изгледаат на имотот за кој станува збор (Ако не’ам дозвола од одредено семејство за реплика на нивниот имот, едноставно на нивниот плац ставам нешто сосема друго. Ќе ве молам за мислења и одговори во врска со легалноста и етиката на ваков проект. Благодарам  |
Replies:
Posted By: stratus
Date Posted: 20-Feb-2015 at 12:51
| Искренo и мене ме интересира оваа тема. |
Posted By: alexsend
Date Posted: 20-Feb-2015 at 14:56
Порано имаше мапа за кантер и од средното училиште во Скопје Орце Николо 
Би требало да е легално. Ако може Google да снима со камери по улици зошто да не... ------------- Јас Скопје никогаш не сум го замислувал вака. |
Posted By: Incognito
Date Posted: 21-Feb-2015 at 18:12
Муабет на место! Пролистав одредени документи на МВР, ама баш у нашава државичка нема детални информации за баш оваа тема, а пред нив да ги прашам, сакав да прашам луѓе кои се ентузијасти на темава. Направив многу контакти со текот на годините и различни луѓе ми рекоа различни работи. Американците ми кажуваат разно-разни приказни, одредени велат сосема ОК било, додека другите се напињаат до даска и врескаат за приватност. Од некоја си параноична си нивна перспектива, ги разбирам ш’о сакаат да кажат, но да не навлегувам у тоа. Еве од кај нив што испадна: http://yro.slashdot.org/story/07/05/02/1839251/student-arrested-for-making-videogame-map-of-school - линк Многумина ми го повторија истото, а секако дека и тоа ќе се случи: Важно е да се отстранат сите комерцијални ознаки и интериерот не би требало да се реплицира, за да не се експлоатира истиот за малициозни цели. |
Posted By: beTon
Date Posted: 07-Mar-2015 at 12:19
|
веројатно под забрана за снимање на воени објекти (но и за кои други и да постои ваквата забрана) сигурно може да те истаманат истоветно и за нивна 3д реплика, јасно доколку има кој да те пријави и каде да те најдат, а во најлош случај сигурно нема да заглавиш озбилно туку со некоја паушална глоба по оваа логика би можеле да те закачат и преку законот за заштита на лични податоци односно соодветнава забрана
|
Posted By: +Protagorist
Date Posted: 06-Mar-2016 at 01:30
|
https://web.archive.org/web/20110219024726/http://sites.duke.edu/tlge/2011/02/10/google-earth-accessibility-national-security/ - https://sites.duke.edu/tlge/2011/02/10/google-earth-accessibility-national-security постар текст но со добри поенти http://www.theguardian.com/technology/2009/jan/29/read-me-first-google-earth - http://www.theguardian.com/technology/2009/jan/29/read-me-first-google-earth https://www.schneier.com/blog/archives/2009/01/helping_the_ter.html - https://www.schneier.com/blog/archives/2009/01/helping_the_ter.html ------------- HaјсилнoтoOpужјe https://archive.is/Vu2G4 - е вo caмитeHac cинaпoвo3pнo co НaдeжВepaЉубoв |
Posted By: hcitrS
Date Posted: 09-Mar-2016 at 18:48
|
Воопшто не сум загрижен за мојата безбеност со тоа што мојата куќа е на Гугл. Загрижен сум за својата приватност и права со тоа што една (1!) светска корпорација ги ислика скоро сите градови на планетата без притоа да праша некого од засегнатите дали се согласуваат со тоа. И најјакото секако, кај не те прашуваат дали може да те сликаат па уште пари прават на твоја (наша) сметка, додека темата никогаш јавно не била ни споменатата.
А параноидалните приказни за се'присутните терорисити може слобондо да одат на отпад. |
Posted By: one1
Date Posted: 10-Mar-2016 at 14:30
Како прво, постои постапка со која можеш да се повикуваш на приватност и да доставиш до Гугл информации за твојот имот кој е јавно видлив и истиот може да се маскира. А на пример во Германија и Австрија снимки воопшто не се правеа, значи тоа веќе влегува на државно ниво на кое мислам дека за Македонија подобро е да биде на Гугл Мапс бидејќи тоа може да го зголеми туризмот на повисоко ниво, отколку што има негативни последици. ------------- Плав, не црвен. Масон, не комунист. Критичар, не поттрчко. |
Posted By: hcitrS
Date Posted: 10-Mar-2016 at 21:49
|
За Street View зборувам. На кој начин тоа ќе го зголеми туризмот? Сите специјалисти за туристички стратегии во државава, „да го зголеми туризмот“, ко да се работи за температура та да се зголеми.
И не се работи само за Мапс и СритВју. Сите на нозе се креваме дека државата не прислушкува, дека НСА прислушкувала во Америка и светот, мн камери по улица итн.. кога само на една (1!) единствена корпорација доброволно и широкоградо и ги предаваме сите можни детали за нашиот живот. Од слики, контакти, музика, видеа, хобија, порничи, патувања... буквално се. Дотаму се' ни „олеснија“, толку е све синхронизирано што немаме појма кој дел од твојот живот каде ни се наоѓа. Автоматски синк на сите инфоа од твојот мобилен, таблет, лаптоп... додека во нашите мозоци мрак. Во услови кога сите тие информации врвните алгоритми на Гугл ги користат за да создадат што е можно порелевантна реклама и понуда која идеално одговара на твојот ментален профил. А никаде на повидок нити закон, нити регулатива за Гуглверзумот... па нели е тоа доброволно. |