Print Page | Close Window

Нов објект на АДСДП

Printed From: build.mk
Category: Главни теми
Forum Name: Административни
Forum Discription: Државни органи и јавни институции...
URL: http://www.build.mk/forum/forum_posts.asp?TID=3214
Printed Date: 29-Mar-2024 at 14:28


Topic: Нов објект на АДСДП
Posted By: gjoko
Subject: Нов објект на АДСДП
Date Posted: 07-Sep-2015 at 20:08
Пошто се во мода критички кометари, и никој не пренесува позитивни вести, ќе ставам само линк на информацијата за почетокот на градбата на новиот административен објект



http://republika.mk/?p=477599 - http://republika.mk/?p=477599



Replies:
Posted By: Џоле
Date Posted: 07-Sep-2015 at 21:02
Не знам колку ова е позитивна вест, ама за тука е...

ФОТО ВЕСТ: Се сечат дрвја кај МОБ, нов „барокен“ објект на повидок

Без никаква најава, викендов започнаa подготовки за изградба на нова „барокна“ зграда во паркот кај Македонската опера и балет. На терен се сечат дрвјата на една од малкуте преостанати зелени површини во Мал Ринг, додека градежните машини ги вршат подготвителните работи за претстојниот ископ. Новото административно здание ќе обезбеди канцелариски простор од 10.179 метри квадратни за вработените во државните институции, а како инвеститор се јавува Акционерското друштво за стопанисување со станбен и деловен простор (АДСДП). Објектот ќе има приземје, седум ката и поткровје.













Почетокот на изградбата на овој „барокен“ објект од проектот „Скопје 2014“ го следи целосен молк од инвеститорот. На веб-страницата на Бирото за јавни набавки не е објавен договорот со изведувачот на градежните активности, иако на градилиштето веќе се работи. До денешен ден пред македонската јавност не е претставено победничкото идејно решение на авторот Жарко Чаушевски, ниту пак основниот проект изработен од студиото „Архитектоника“ од Скопје. Без никакви информации е оставена македонската јавност и во однос на прашањето зошто мора целосно да се огради еден од последните симболи на пост-земјотресно Скопје, објектот на Македонската опера и балет.

Огласот за изградба на „барокната“ зграда на АДСДП беше публикуван на почетокот од јуни годинава. Инвеститорот во тендерската постапка проценуваше дека објектот ќе чини 7 милиони евра, но нема никакви информации колкава е финалната сума за овој проект. На терен денеска работеа градежни екипи на фирмата „Декон-Ком“ од Скопје, која претходно работеше на изведба на зградата на Агенцијата за аудио и аудиовизуелни медиумски услуги кај хотел „Бристол“.

Текст, фото: Бојан Блажевски
bojan.blazevski@build.mk

http://www.build.mk/?p=46091 - http://www.build.mk/?p=46091

-------------
За сè има вторпат


Posted By: gjoko
Date Posted: 07-Sep-2015 at 21:09
Sekogaš rušenjeto(Kosmos) moži da se pretstavi kako dobra rabota i gradenjeto(kako ovoj objekt) da se pretstavi kako loša, no ne e taka. Taka e samo vo politikata


Posted By: Staro Skopje
Date Posted: 07-Sep-2015 at 21:23
Ќе им дојде крајот и на околинозадушувачиве

-------------
Градот убав никна, но го откорнаа


Posted By: gjoko
Date Posted: 07-Sep-2015 at 21:32
На жалост се лажиш, иднината сигурно носи све повеќе завземање на централниот простор без оглед кој ќе биди на власт на централно и локално ниво. Се кладам со било кој дека за 10 години ќе бидат завземени скоро сите слободни површини за градба/ Ќе се завземаат паркинзи со образложение за подземни и катни гаражи како надокнада, зелени површини а надокнада ``садење на други дрва``, Маџир Маало ќе го снајде судбината на дебар маало....


Posted By: fichot
Date Posted: 08-Sep-2015 at 00:23
Originally posted by gjoko

Sekogaš rušenjeto(Kosmos) moži da se pretstavi kako dobra rabota i gradenjeto(kako ovoj objekt) da se pretstavi kako loša, no ne e taka. Taka e samo vo politikata




Ајдеее? Која е добрата страна на овој објект? Освен што ќе го доскрие МОБ нели.


Posted By: Џоле
Date Posted: 08-Sep-2015 at 08:15
Равенка со многу непознати е новиот „барокен“ објект на АДСДП

Македонскиот премиер Никола Груевски и директорот на АД за изградба и стопанисување со станбен и деловен простор Цветко Грозданов денеска го поставија камен – темелникот на новата административна зграда на ова акционерско друштво, која ќе се гради на просторот на паркот кај објектот на Македонска опера и балет. За изградба на новата зграда од проектот „Скопје 2014“ ќе се потрошат 520 милиони денари во наредните две години. Зградата со шест ката и површина од 6.400 метри квадратни треба да обезбеди канцелариски простор за 180 вработени на АДСДП. Дополнително, предвидени се девет деловни простории од 408 метри квадратни наменети за давање под закуп на приватни субјекти.



„Проектите како овој се одличен чекор напред кон модернизација на државниот апарат. Во таа насока од година во година го намалувамe бројот на институции за кои се плаќа кирија, сместени во дотраени објекти од времен карактер и во кои е тешко да се обезбедат добри услови за работа“, истакна во својот говор премиерот Груевски. Директорот Цветко Грозданов рече дека изградбата на објектот ќе претставува оправдано економско вложување на подолг временски период.

Но, дали тврдењата за надминување на проблемот со кирии и проблемот со енергетска ефикасност се вистинската причина за изградба на овој објект? Според важечката регулатива, секое ново здание на територијата на земјава мора да ги испочитува пропишаните барања за енергетска ефикасност, за што на крајот од изградбата треба да добие и енергетски пасош. А токму такви објекти требаше да бидат двата новопланирани објекти, на местото на некогашните бараки на АДСДП во населбата Дебар Маало. На оваа исклучително атрактивна локација од 5.675 метри квадратни е лоцирано градежно земјиште за подигање на две згради со приземје, четири ката и поткровје, со намена за комерцијални и деловни дејности.

Од целокупниот канцелариски простор со површина од 19.395 метри квадратни, АДСДП можеше да обезбеди бесплатни канцеларии преку јавно – приватно партнерство со домашен или странски партнер. Кон крајот на ноември 2012 година за оваа цел беше распишан оглас за продажба на примамливото земјиште, со кое акционерското друштво требаше да добие без пари дури 4.000 метри квадратни за сместување на вработените. Засега никој од надлежните институции не излегува со информации зошто не е реализиран овој проект.

На денешниот настан со своја реакција се јавија и од опозициската партија СДСМ. Тие велат дека премиерот Никола Груевски се занимава со луксуз и раскош на барокни згради, наместо со реалните потреби на граѓаните. „За канцеларии на 180 административци воопшто нема потреба да се потрошат над 8 милиони евра, пари на граѓаните. Нови простории за АД за изградба и стопанисување со станбен и деловен простор може да се обезбедат со многу помалку пари, преку поскромен објект, современ и енергетски ефикасен, согласно најновите стандарди“, истакнуваат од СДСМ.

Новата административна зграда на АДСДП ќе ја гради фирмата „Декон-Ком“ од Скопје, врз основа на изготвеното идејно решение на авторот Жарко Чаушевски и по основен проект на студиото „Архитектоника“ од Скопје. До денешен ден пред македонската јавност не е претставен архитектонскиот труд за идниот објект, ниту пак е образложено од кои причини мора од сите страни да се огради објектот на Македонската опера и балет.

Бојан Блажевски
bojan.blazevski@build.mk

http://www.build.mk/?p=46101 - http://www.build.mk/?p=46101

-------------
За сè има вторпат


Posted By: gjoko
Date Posted: 08-Sep-2015 at 11:31
Originally posted by fichot

Originally posted by gjoko

Sekogaš rušenjeto(Kosmos) moži da se pretstavi kako dobra rabota i gradenjeto(kako ovoj objekt) da se pretstavi kako loša, no ne e taka. Taka e samo vo politikata




Ајдеее? Која е добрата страна на овој објект? Освен што ќе го доскрие МОБ нели.


Кога ќе ви шлапнат некои тајкуни приватни објекти на секој слободен простор во Скопје, ќе сватиш што ти зборувам.

Што мислиш, кој ги финансира во кампањата кандидатите? Па оние кои меркаат некои маркици. Зарем бензиската во Буњаковец не Ви ги отвори очите што планираат градоначалниците од ДВЕТЕ страни?

Затоа секогаш ќе подржам градење на државен објект. Има разлика, а на плацот и онака му нема спас( погледни надолу тоа црвеното ќе ти стане јасно)


Posted By: fichot
Date Posted: 08-Sep-2015 at 12:22
Работата е што тоа до пред некоја година (заедно со сите тие околу него покрај вардар) не беше плац, туку зеленило/пешачка зона. А добро е познато која власт ги направи тие промени (и сеуште ги прави).




Posted By: King
Date Posted: 08-Sep-2015 at 12:30
Originally posted by gjoko

Originally posted by fichot

Originally posted by gjoko

Sekogaš rušenjeto(Kosmos) moži da se pretstavi kako dobra rabota i gradenjeto(kako ovoj objekt) da se pretstavi kako loša, no ne e taka. Taka e samo vo politikata




Ајдеее? Која е добрата страна на овој објект? Освен што ќе го доскрие МОБ нели.


Кога ќе ви шлапнат некои тајкуни приватни објекти на секој слободен простор во Скопје, ќе сватиш што ти зборувам.

Што мислиш, кој ги финансира во кампањата кандидатите? Па оние кои меркаат некои маркици. Зарем бензиската во Буњаковец не Ви ги отвори очите што планираат градоначалниците од ДВЕТЕ страни?

Затоа секогаш ќе подржам градење на државен објект. Има разлика, а на плацот и онака му нема спас( погледни надолу тоа црвеното ќе ти стане јасно)

Потполно си во право.


Posted By: Navigator
Date Posted: 08-Sep-2015 at 13:27
Не разбрав, кои се непознатите за објектот во текстот на Бојан од погоре?


Posted By: fichot
Date Posted: 08-Sep-2015 at 13:57
Па еве на пример изгледот на објектот. Како и изгледот на останатите (ако ги имало) предлози на конкурсот.


Posted By: BOJAN
Date Posted: 08-Sep-2015 at 17:14
Originally posted by fichot

Па еве на пример изгледот на објектот. Како и изгледот на останатите (ако ги имало) предлози на конкурсот.


Navigator, сакам прво УРБАНИСТИЧКО ОБРАЗЛОЖЕНИЕ, зошто до една зграда, без разлика колку е значаен симбол на Скопје, се лепи друга зграда?
Второ, сакам АРХИТЕКТОНСКО ОБРАЗЛОЖЕНИЕ на авторот на трудот за изгледот на зградата, контактот на неговото решение со непосредната околина
Трето, сакам да знам зошто немаше архитектонска изложба од Конкурсот за овој проект. Да видиме колку е добар Чаушевски, а колку се добри другите трудови на авторите.
Четврто, сакам да знам зошто АДСДП гради токму на оваа локација. Си имаат атрактивна локација од неколку илјади квадратни метри, можат во соработка со Министерството за транспорт и врски да најдат приватен инвеститор без пари да го изградат објектот преку јавно-приватно партнерство.
Петто, зошто се шират разни невистини од страна на власта. На пример, дека АДСДП плаќа кирии, па дека енергетска ефикасност на објектот ќе се спровела врз зградата.
Шесто, зошто им е потребен простор од над 6.000 метри квадратни на 180 вработени? Што ќе прават во објектот, пинг-понг и хокеј ли ќе изграат?
Седмо, осум милиони евра за една зграда е богами голема сума на пари. Образложение барам за висината на оваа сума.
...
Има уште доста, ми се чини дека е доволно за Навигатор.


Posted By: gjoko
Date Posted: 08-Sep-2015 at 17:57
Кажа премиерот дека дел од просториите ќе се даваат под наем, и од ќиријаши ќе станат станоиздаватели. Од плус во минус.

И плус за нешто што е премиерот СИГУРНО во право, најголемо крештење на опозицијата(и овде и таму) се прави кога владата започнува со градба на нов објект....

како да урива со багери и динамит


Posted By: BOJAN
Date Posted: 08-Sep-2015 at 19:05
Originally posted by gjoko

Кажа премиерот дека дел од просториите ќе се даваат под наем, и од ќиријаши ќе станат станоиздаватели. Од плус во минус.

И плус за нешто што е премиерот СИГУРНО во право, најголемо крештење на опозицијата(и овде и таму) се прави кога владата започнува со градба на нов објект....

како да урива со багери и динамит


Gjoko, владата веќе неколку години наназад се обидува да ги уништи сите водечки објекти од постземјотресно Скопје. МОБ е еден од најрепрезентативните градби во Скопје, објект по чиј пример се градени слични објекти во Париз и Осло. Објект кој е дело на мошне познати словенечки архитекти, и здание по кое луѓето однадвор ни се восхитуваа.

И сега премиерот сака да го загради од сите страни. Тоа е проблемот Ѓоко, многу е едноставен. Оваа зграда на АДСДП можеше да биде изградена на милион други локации во Скопје.


Posted By: gjoko
Date Posted: 08-Sep-2015 at 20:06
Се согласувам дека требаше МНТ да има видик барем од некоја страна. Вероватно нешто пробале со оние столбовите, но е малку.

Ако е утеха,пак ќе повторам-во следните 10-20 години со сигурност секоја педа ќе биде завземена, и тоа на подрзок начин него сега-од тајкуни правејќи свои кули со кои ќе си ја докажуваат моќта9со сигурност со хелиодроми на крововите).

ПС:Љ.Г. замина во таборот на А.Ж. баш со ветување на некојси маркици од другата страна на Вардар, но овие му понудиле ``нешто што неможи да го одбие``


Posted By: fichot
Date Posted: 09-Sep-2015 at 00:37
А на кого му плаќаат кирија моментално АДСДП? Чии се бараките во ДебарМаало? Ѓоко?

---------

Патем, ова е некоја нова финта, оправдување за СК014 кое до сега барем не било употребено - да потрошиме милијарда евра народни пари во изградба на секој можен агол, да не случајно некој не му текне да дојде да вложи приватен капитал.. абе вие потешки комуњари сте и од комуњарите.



Posted By: King
Date Posted: 09-Sep-2015 at 07:30
Originally posted by fichot

А на кого му плаќаат кирија моментално АДСДП? Чии се бараките во ДебарМаало? Ѓоко?

---------

Патем, ова е некоја нова финта, оправдување за СК014 кое до сега барем не било употребено - да потрошиме милијарда евра народни пари во изградба на секој можен агол, да не случајно некој не му текне да дојде да вложи приватен капитал.. абе вие потешки комуњари сте и од комуњарите.



Убав говор, а фактите се следни, на местото на сегашните бараки ќе се градат згради кои што АДСДП ќе ги продаде, вработените нема да работат во голубарници со азбестен покрив, претпријатието ке има нови деловни простории, а на место на старите ке направи профит преку новоизградените згради. Комуњарски пристап.


Posted By: JovanOdGjorche
Date Posted: 09-Sep-2015 at 09:36
Уште од иамам пречуство дека 9 катново чудо ќе испадне многу слично на палатана кај музеј на град Скопје, но тоа е... Има некој рендер како ќе изгледа зградичево?

-------------
And something, somewhere was lost in 1938...


Posted By: BOJAN
Date Posted: 09-Sep-2015 at 09:53
Originally posted by JovanOdGjorche

Уште од иамам пречуство дека 9 катново чудо ќе испадне многу слично на палатана кај музеј на град Скопје, но тоа е... Има некој рендер како ќе изгледа зградичево?


Друже, нема рендер за овој објект, тоа е актуелна состојба што се влече едно 2-3 години наназад за сето она што се гради од Скопје 2014. И не можеме да очекуваме нормалност од целата оваа работа, кога станува збор за проект што е одраз на личните фрустрации и омраза на премиерот. Да се разбереме, целокупниот проект не се гради од љубов према градот, туку од омраза кон сето она што е направено од `63 па наваму.


Posted By: fichot
Date Posted: 09-Sep-2015 at 17:51
Originally posted by King

Originally posted by fichot

А на кого му плаќаат кирија моментално АДСДП? Чии се бараките во ДебарМаало? Ѓоко?

---------

Патем, ова е некоја нова финта, оправдување за СК014 кое до сега барем не било употребено - да потрошиме милијарда евра народни пари во изградба на секој можен агол, да не случајно некој не му текне да дојде да вложи приватен капитал.. абе вие потешки комуњари сте и од комуњарите.



Убав говор, а фактите се следни, на местото на сегашните бараки ќе се градат згради кои што АДСДП ќе ги продаде, вработените нема да работат во голубарници со азбестен покрив, претпријатието ке има нови деловни простории, а на место на старите ке направи профит преку новоизградените згради. Комуњарски пристап.



Да ама за кириите не чув ништо? Башка може тој инвеститор да отстапи дел од тоа што ќе гради на АДСДП. Многу едноставно и некомуњарски. А овде нека си седи неопходното за градот зеленило.


Posted By: my Macedonia
Date Posted: 05-Aug-2016 at 17:23


Posted By: jyvation
Date Posted: 10-Aug-2016 at 07:42
ФОТО ВЕСТ: Се издигнува „барокниот“ објект на АДСДП кај МОБ

На просторот на некогашниот парк кај Македонската опера и балет, АДСДП веќе една година забрзано работи на издигнување на нов „барокен“ објект. Зданието со шест ката и површина од 6.400 метри квадратни треба да обезбеди канцелариски простории за 180 вработени од ова претпријатие. Екипите на градежната фирма „Декон-Ком“ успеаја да издигнат пет ката од бетонската конструкција на објектот, чија изградба во моментов ја чини државата над 10,1 милиони евра. Зошто се гради овој објект на маркичка залепена до МОБ засега никој не открива, но од АДСДП подолг период не кријат дека се во потрага по нов административен простор како замена за бараките на улица „Орце Николов“.

1.


2.


3.


4.


Активностите за изградба на административното седиште на АДСДП се очекува да завршат во наредните 12 месеци. Дел од објектот е наменет и за деловни простории, кои е предвидено да зафатат 408 метри квадратни. Новата зграда се извишува според победничкото идејно решение на Жарко Чаушевски и основниот проект изработен од „Архитектоника“ од Скопје. Со издигнувањето на овој објект од „Скопје 2014“, заедно со идната зграда на Народната банка до неа, Македонската опера и балет ќе биде целосно оградена и невидлива под напливот на владини објекти околу неа.

http://www.build.mk/?p=51588 - http://www.build.mk/?p=51588


Posted By: Џоле
Date Posted: 10-Aug-2016 at 08:56
Уште една накинџурена кулиса, ништо повеќе.

-------------
За сè има вторпат


Posted By: BOJAN
Date Posted: 10-Aug-2016 at 10:54
Кога ќе се погледне зградава од страна кај платото на МОБ, објектот изгледа сосема пристојно. Но, кога ќе го погледнете од главната улица, мене ми изгледа навистина габаритно, во форма на кулиса што треба да го затскрие МОБ.


Posted By: stef4o
Date Posted: 28-Oct-2016 at 13:12
Еве една денешна фотка


Posted By: Bojan10
Date Posted: 18-Jan-2017 at 09:07
Штанц машина

Барем нека ја направат бело, као МОБ.





-------------
Од чаламот си патиме!


Posted By: Gradinarot
Date Posted: 20-Jan-2017 at 14:25
Иако ова што се гради по Скопје нема ни Б од Барок, сепак ако вака се продолжи, Барокот ќе стане најомразен стил во матрицата на неговите граѓани...

-------------
.....   .......


Posted By: Џоле
Date Posted: 19-Mar-2017 at 22:51
https://flic.kr/p/St8ocj"> https://flic.kr/p/St8ocj - 2017-03-18_01-46-33 by https://www.flickr.com/photos/127234209@N02/ - pavel skuta , on Flickr

-------------
За сè има вторпат


Posted By: Џоле
Date Posted: 25-Apr-2017 at 08:37


https://www.flickr.com/photos/89977387@N07/33856124050/in/photostream/ - https://www.flickr.com/photos/89977387@N07/33856124050/in/photostream/

-------------
За сè има вторпат


Posted By: stef4o
Date Posted: 21-May-2017 at 16:18
Ovde postavile i skulpturi.


Posted By: Џоле
Date Posted: 21-May-2017 at 17:30
Не гледам ништо чудно во тоа.

(сарказам)

Еве и видео за скулптурите. Се разбира, се поставуваат ноќе, во тајност.

[tube]blO00gLk2s4[/tube]

-------------
За сè има вторпат


Posted By: Cloverstack
Date Posted: 29-May-2017 at 20:53

1


2


3


4





Posted By: stef4o
Date Posted: 14-Jul-2017 at 12:41
Еве две денешни фотки.Видов дека веќе поставиле кран кај НБРМ но нема некој позначаен напредок.Кај зградава нема некоја голема промена.









Posted By: HugoGoulding
Date Posted: 15-Jul-2017 at 00:40
А ѓубрево на тревников.


Posted By: Staro Skopje
Date Posted: 15-Jul-2017 at 14:13
Тоа ќе се исчисти, мене повеќе ме загрижува ѓубриштето до МОБ.

-------------
Градот убав никна, но го откорнаа


Posted By: Џоле
Date Posted: 20-Jul-2017 at 08:53


фото: tom c (flickr)

-------------
За сè има вторпат


Posted By: mr bombastic
Date Posted: 09-Sep-2017 at 02:26
Се работи на објектов или во мирување е?


Posted By: stef4o
Date Posted: 09-Sep-2017 at 13:36
Jas koga pominav pred dve-tri nedeli primetiv nekolku rabotnici koi rabotea na fasadata. Neznam dali vo meguvreme ima nekakov zastoj.


Posted By: Џоле
Date Posted: 09-Sep-2017 at 15:46
Има нови скулптури на покривот со некакви ореоли над главите. Еве една фотка од Срѓан Адамовиќ од македонскиот дел на форумот skyscrapercity.



-------------
За сè има вторпат


Posted By: my Macedonia
Date Posted: 10-Oct-2017 at 19:01


Posted By: JovanOdGjorche
Date Posted: 04-Nov-2017 at 13:55
Преземено од:

https://sdk.mk/index.php/makedonija/isus-apostolite-stojat-na-drzhavnata-zgrada-za-stanben-deloven-prostor/

1. http://s817.photobucket.com/user/_Jovan__2010/media/puig-zgrada-328932893289.jpg.html">

2. http://s817.photobucket.com/user/_Jovan__2010/media/puig-zgrada-238932898932.jpg.html">



-------------
And something, somewhere was lost in 1938...


Posted By: my Macedonia
Date Posted: 04-Nov-2017 at 17:14
Мешање се и сешто без никаква основа. Што бара овај споменик таму? Објектот нема врска со религијата. Ако, последниот беше барем за 4 години.


Posted By: macedonia
Date Posted: 04-Nov-2017 at 17:50
Originally posted by my Macedonia

Мешање се и сешто без никаква основа. Што бара овај споменик таму? Објектот нема врска со религијата. Ако, последниот беше барем за 4 години.


Da, prvo shto bara vakvi spomenici tamu,
Vtoro, zoshto se pravi statui na Isus Hristos i drugi svetci koga Pravoslavnata Crkva jasno ne dozvoluva statui?


Posted By: Џоле
Date Posted: 24-Nov-2017 at 22:58
Денешна...



-------------
За сè има вторпат


Posted By: Џоле
Date Posted: 15-Feb-2018 at 22:31
Вчерашни фотки:











-------------
За сè има вторпат


Posted By: stef4o
Date Posted: 16-Feb-2018 at 07:29

Se raboti li na objektov? Mnogu nekako se zavlecka rabotava so fasadata. Patem ima li aktivnosti na sosednoto gradiliste za NBRM?


Posted By: Џоле
Date Posted: 16-Feb-2018 at 09:58
Се работи, баш кога поминував ги лепеа овалните декоративни елементи што се гледаат на последната фотографија.

Има градежни активности и на соседното градилиште, но не сликав зашто се стигнати до нулта ниво и би се гледале само жици од арматура.

-------------
За сè има вторпат


Posted By: stef4o
Date Posted: 27-Apr-2018 at 12:01
Тука уште се работи нешто на долниот дел на фасадата каде што е скелето





Posted By: kiriOK
Date Posted: 27-Apr-2018 at 18:45
Само коа ќе ми текне на ова и се ежам











Posted By: stef4o
Date Posted: 22-Aug-2018 at 12:19
Една денешна,веројатно работат во внатрешноста,скелињата од фасадата се целосно отстранети



Posted By: гитардемон
Date Posted: 22-Aug-2018 at 15:19
Ова изгледа најдобро од сите стиропори досега. Таман се усовршија, затвор заминаа. Аман вратете се, простено ви е.

-------------
Arguing on the internet is like running at the special olympics. Even if you win, you're still retarded.


Posted By: Џоле
Date Posted: 22-Aug-2018 at 18:42
Се надевам дека се шегуваш. Инаку, дел од столбовите (оние помалите на балконите) почнуваат од никаде и завршуваат никаде, а одозгора се покриени со лим (заштита од дожд?). Импровизација level 9000.

-------------
За сè има вторпат


Posted By: Џоле
Date Posted: 28-Sep-2018 at 22:22












-------------
За сè има вторпат


Posted By: stef4o
Date Posted: 14-Dec-2018 at 13:12
Тука изгледа сеуште се работи во внатрешноста бидејќи однадвор веќе делува завршено.



Posted By: Џоле
Date Posted: 26-Jan-2019 at 20:02
Денес поминував оттука, па сликнав некои детали...

https://ibb.co/JRnPDk4">

https://ibb.co/yqB6Dzr">

https://ibb.co/zVqd054">



https://ibb.co/98DgJZg">

https://ibb.co/pKq2Zrj">

главниот влез

https://ibb.co/0fvhbt1">

-------------
За сè има вторпат


Posted By: Staro Skopje
Date Posted: 26-Jan-2019 at 20:20
Што е тоа сивото над цевките што глумат столбови? Прекрасно изгледа.

-------------
Градот убав никна, но го откорнаа


Posted By: hcitrS
Date Posted: 27-Jan-2019 at 00:13
Ламарина мислам.


Posted By: alexsend
Date Posted: 27-Jan-2019 at 00:26
Постоља за саксии


Ваљда лим некој.

-------------
Јас Скопје никогаш не сум го замислувал вака.


Posted By: xnx
Date Posted: 27-Jan-2019 at 11:56
Ovoj objekt, tie karsi nego na fdu i vip i min. za finansii mi se daleku podobri vo proporcii, boi i materijali od ostanatite od sk 2014.


Posted By: stef4o
Date Posted: 03-Feb-2020 at 17:40
Таман сакав да прашам што ќе биде со објектов...

----------------------------------------------------------------
АДСДП ќе му ја продаде на Владата својата зграда за 8,3 милиони евра



Владата за 8,3 милиони евра реши да ја купи зградата на Акционерско друштво за изградба и стопанисување со станбен и деловен простор во која ова претпријатие никогаш не се всели и истата ќе ја даде на користење на некоја друга институција. Претпријатието ги очекува овие средства за да си ја олесни финансиската ситуација, а покрај тоа, деловни простории од зградата која е во нејзина сопственост ќе бидат издавани како комерцијален простор и на АДСДП ќе му носи месечен приход од кирија.

Набавката треба да ја направи Службата за општи и заеднички работи на Владата со непосредна спогодба. Зградата која се наоѓаат на улица „Филип Втори Македонски“ во центарот на Скопје има вкупна површина од 4.194 метри квадратни на шест ката, а Бирото за судски вештачења процени дека нејзината вредност изнесува 8.308.463,00 евра.

„Објектот кој што е лоциран на ул. „Филип Втори Македонски’’бр.11 Скопје, инаку сопственост на Ад за изградба и стопанисување со станбен простор и со деловен простор од значење за Републиката – Скопје, изграден е со сопствени средства на Друштвото. Проценетата вредност утврдена од страна на Бирото за судски вештачења се однесува на дел од вкупната вредност на зградата“, гласи одговорот од претпријатието.

Од таму додаваат дека зградата е соодветна за вселување на три јавни институции кои би можеле да работат под условите кои ги овозможува објектот, или пак покажале интерес до сега.

„ Согласно досегашните преговори, како и барањата доставени до Акционерското друштво, предметните деловни простории одговараат на потребите на Управата за финансиска полиција и Државната комисија за спречување на корупцијата, а интерес за сместување изрази и ЈП Службен весник на РСМ“, дополнуваат од АДСДП.

Претходно зградата од административниот деловен простор со измена во програмата стана комерцијален деловен простор наменет за продажба и издавање под закуп за законски да биде овозможена нејзина продажба.

„На одлуката на Владата претходеше одлука на Одборот на директори на АДСДП, донесена на состанок одржан на 19.03.2019 година со која административниот деловен простор „Државни институции-објект за АДСДП, се пренаменува во комерцијален деловен простор наменет за продажба и издавање под закуп.Ваквата пренамена е во согласност со последните измени на Законот за продажба и давање под закуп на деловни згради и деловни простории и Законот за користење и располагање со стварите во државна сопственост и со стварите во општествена сопственост, а со кои им се дозволува на државните институции кои имаат потреба од деловен простор да го купат по пат на непосредна спогодба“, појаснуваат од таму.

Изградбата започна во 2015 а беше предвидено 180 вработени во акционерското друштво да добијат нови простории за работа, наместо постоечките бараки на улицата „Орце Николов“. Изградбата на објектот кој е непосредно до Министерството за надворешни работи заврши во 2018, но и натаму е празна.

Александар Кузмановски

https://www.faktor.mk/adsdp-kje-mu-ja-prodade-na-vladata-svojata-zgrada-za-83-milioni-evra?fbclid=IwAR08lKq8YRYH_MJN8C_jGVlQjjFxl5VmpDtER-Fmww_4wRQS4DUparlzGPw


Posted By: Staro Skopje
Date Posted: 03-Feb-2020 at 23:10
Бедна копија на Opera Garnier, мада пораскошно личи од останатиот стиропор.

-------------
Градот убав никна, но го откорнаа


Posted By: mr bombastic
Date Posted: 04-Feb-2020 at 02:25
Зошто уопште го изградија објектов ако не планирале од АДСДП да се преместат тука...мислам многу глупо излегува вака, направено е за нив а уствари не е за нив


Posted By: Џоле
Date Posted: 04-Feb-2020 at 10:07
Ми се чини дека во вториот дел од реченицата ја улови суштината на проектот Скопје 2014

-------------
За сè има вторпат


Posted By: stef4o
Date Posted: 04-Feb-2020 at 13:11
Ми беше успат па еве направив една фотка,градежни работи веќе нема просторот околу е уреден па сметам дека објектот може да се означи како завршен,е сега ќе видиме кој ќе се всели и за каква намена ќе се користи...



Posted By: JovanOdGjorche
Date Posted: 04-Feb-2020 at 14:37
Originally posted by Staro Skopje

Бедна копија на Opera Garnier, мада пораскошно личи од останатиот стиропор.


Леле сега погледнав, во право сте, навистина бедно...

И сега откако АДСДП ќе го продаде на владата, агенцијава пак нов овјект ќе прави?

-------------
And something, somewhere was lost in 1938...


Posted By: <Fresno>
Date Posted: 04-Jul-2020 at 12:12


Posted By: гитардемон
Date Posted: 04-Jul-2020 at 14:01
Дограмата ќе ме умри

-------------
Arguing on the internet is like running at the special olympics. Even if you win, you're still retarded.


Posted By: zabegan
Date Posted: 06-Jul-2020 at 01:25
сите други дебилштини на страна, една од ретките фасади на објекти што барем ја направија достоинствена на било каква реална класика со реална историја, без окна од лифтови, сегменти на скалила, еден прозор-два спрата глупости, сервисни простори, вентилации и слично

-------------
Architects create dreams...politicians create nightmares


Posted By: stef4o
Date Posted: 10-Sep-2020 at 12:45
Денешни







Posted By: JovanOdGjorche
Date Posted: 10-Sep-2020 at 13:06
Сѐ уште не се всели ниту една институција тука? Да не има некој информации за што ја „чуваат“?

-------------
And something, somewhere was lost in 1938...


Posted By: stef4o
Date Posted: 11-Sep-2020 at 12:29
Еве ја рентаат,едно време рекоа ќе ја продаваат.....

-------------------------------------------------------------
Објава 4/2020-СК за издавање на деловен простор под закуп во Скопје по пат на електронско јавно наддавање (02.09.2020)
Деловниот простор со кој што стопанисува Акционерското друштво за изградба и стопанисување со станбен простор и со деловен простор од значење за Републиката – Скопје, подружница Скопје може да биде издаден под закуп на правни и физички лица (домашни и странски) на определено време до 5 (пет) години. Деловниот простор се издава во видена состојба. За подетални информации за објавата, преземете го интегралниот текст. Пријавувањето за учество на јавното наддавање се врши на http://www.deloven-prostor.mk Објавата трае од 02.09.2020 до 16.09.2020











https://www.facebook.com/adsdp.makedonija


Posted By: <Fresno>
Date Posted: 22-Sep-2020 at 20:45
Чудна работа, има толку институции што се под кирија или во супстандарни услови, а решаваат зградава да ја рентаат.


Posted By: skopskodete
Date Posted: 22-Sep-2020 at 23:44
Можеби направиле некоја финансиска анализа, па излегло вака повеќе да им одговара на долгорочен план, но чисто се сомневам...


Posted By: Џоле
Date Posted: 23-Sep-2020 at 08:25
Идеолошки се причините, т.е. одбиваат да се сместат во грозотиите на Скопје 2014, зашто, нели, као се бореа против проектот итн. итн.

-------------
За сè има вторпат


Posted By: stef4o
Date Posted: 23-Sep-2020 at 09:28
Можно е и тоа да е причината но многу глупав резон завршеното не го користат ново не градат. Барем ова што се доврши да се искористи има доста институции кои дремат во скапани бараки а за сметка на тоа си допуштаме вакви згради да стојат празни. Тотално без логика.


Posted By: stef4o
Date Posted: 23-Sep-2020 at 12:39
АД ЗА СТАНБЕН И ДЕЛОВЕН ПРОСТОР ЈА ПРОДАВА БАРОКНАТА ЗГРАДА ОД 8,5 МИЛИОНИ ЕВРА, ВРАБОТЕНИТЕ ЌЕ ОСТАНАТ ВО БАРАКИТЕ ОД ЗЕМЈОТРЕСОТ



Акционерското друштво за изградба и стопанисување со станбен простор и деловен простор (АДСДП) поранешно ПУИГ нема да се сели во барокната зграда од 8,5 милиони евра кај Министерството за надворешни работи. Раководството на претпријатието одлучило дека е поисплатливо зградата да се продаде, а вработените ќе продолжат да работат во бараките на улицата Орце Николов изградени по скопскиот земјотрес.

„Заради поголема економска исплатливост, Одборот на директори на АДСДП на состанок одржан на 19 март 2019 донесе одлука со која административниот деловен простор се пренаменува во комерцијален деловен простор наменет за продажба и издавање под закуп. Поради изборниот период и коронакризата просторот сè уште не е продаден“, велат од Акционерското друштво за изградба и стопанисување со станбен простор и деловен простор.

Од АДСДП велат дека за дел од деловниот простор во зградата интерес пројавиле Финансиската полиција, Антикорупциска комисија и Службен весник. Доколку овие продажби не се реализираат, ќе следи комерцијална продажба на зградата.

„Деловниот простор во приземниот дел останува во наша сопственост и тој ќе се издава. Огласот за издавање на деловен простор под закуп во предметниот објект беше објавен на 2 септември. Постапката за електронско јавно наддавање е во тек. Закупците ќе бидат познати по нејзиното завршување“, велат од АДСДП.

Дали вработените ќе останат во старите бараки од акционерското друштво велат дека во моментов се разгледуваат неколку опции за селење, но најсоодветното решение ќе зависи од низа фактори, меѓу кои економските ќе бидат основни.

Барокната зграда во центарот на Скопје почна да се гради во септември 2015 година.

А. АНТЕВСКА

%20 - https://sdk.mk/index.php/dopisna-mrezha/ad-za-stanben-i-deloven-prostor-ja-prodava-baroknata-zgrada-od-8-5-milioni-evra-vrabotenite-ke-ostanat-vo-barakite-od-zemjotresot/


Posted By: kiriOK
Date Posted: 23-Sep-2020 at 14:46
Буџетот е со дупка, ќе крпат сега кај стигнат...


Posted By: stef4o
Date Posted: 21-Dec-2020 at 14:52
Владата ќе купува зграда што вреди 14 милиони евра за да заштеди државата на кирии

Проценетатата вредност на зградата на Акционерско друштво за изградба и стопанисување со станбен и деловен простор во која ова претпријатие никогаш не се всели е 13.937.448, а Владата ќе ја купи за таму да смести служби кои сега плаќаат кирија на приватни сопственици.

Парите се обезбедуваат од средствата од пренамената во буџетот за годинава кој инаку е во вкупен износ од 1,3 милијарди денари,а минатата недела беше одобрена од страна на Собранието. Меѓудругото, дел од парите се и за купување на зградата од ПУИГ.

„Обезбедени се и 620 милиони денари за купување зграда од акционерското друштво за стопанисување со станбен простор-ПУИГ, а со цел да се избегнат трошоците за закупнини и да се реши проблемот со сместување на вработените од државните органи“, гласи одговорот од Министерството за финансии.

Владата на седницата одржана на 10 декември 2020 година донесе одлуката за оваа набавка со непосредна согласност, а Бирото за судски вештачења ма 9 декември дало одговор дека зградата од проектот „Скопје 2014“ вреди 864.121.805 денари со пресметан 18 отсто ДДВ, според она што е подоцна објавено во одлуката во Службен весник. Зградата која треба да ја купи Службата за општи и заеднички работи на Владата е во вкупна површина од 6.770 метри квадратни.

Претпријатието наедно ги очекува овие средства за да си ја олесни финансиската ситуација, а покрај тоа, деловни простории од зградата која е во нејзина сопственост ќе бидат издавани како комерцијален простор и на АДСДП ќе му носи месечен приход од кирија.

Зградата која се наоѓа на улица „Филип Втори Македонски“ изградена е од сопствени средства на претпријатието. Во моментов е соодветна за вселување на неколку јавни институции кои би можеле да работат под условите кои ги овозможува објектот.

Изградбата започна во 2015 а беше предвидено 180 вработени во акционерското друштво да добијат нови простории за работа, наместо постоечките бараки на улицата „Орце Николов“. Изградбата на објектот кој е непосредно до Министерството за надворешни работи заврши во 2018, но и натаму е празна.

https://faktor.mk/vladata-kje-kupuva-zgrada-shto-vredi-14-milioni-evra-za-da-zashtedi-drzavata-na-kirii


Posted By: stef4o
Date Posted: 29-Dec-2020 at 16:31
Владата купи нова зграда, ПРВ ЌЕ СЕ ВСЕЛИ АРТАН ГРУБИ!

Владата купи нова зграда за свои потреби, наводно за да не се плаќала кирија за изнајмување од приватни фирми. Како што дознаваме во новата зграда прв, или меѓу првите, ќе се всели потпретседателот на владата Артан Груби за кого е предвиден најмлаку еден кат од севкупниот простор.

Продавач на зградата е АД за изградба и стопанисување со станбен и деловен простор, државна компанија која работи во бараки на улица Орце Николов, блиску до Министерството за одбрана. Плацот на кој сега се наоѓаат е продаден на приватен инвеститор. По продажбата на нивната нова зграда тие не можат да се отселат од бараките, а купецот не може да располага со плацот кој го купил за градба.

Проценетатата вредност на зградата на АД за изградба и стопанисување со станбен и деловен простор во која ова претпријатие никогаш не се всели е 13.937.448 евра.

Парите се обезбедуваат од средствата од пренамената во буџетот за годинава кој инаку е во вкупен износ од 1,3 милијарди денари, а минатата недела беше одобрена од страна на Собранието. Меѓудругото, дел од парите се и за купување на зградата од ПУИГ.

Обезбедени се и 620 милиони денари за купување зграда од акционерското друштво за стопанисување со станбен простор-ПУИГ, а со цел да се избегнат трошоците за закупнини и да се реши проблемот со сместување на вработените од државните органи“, гласи одговорот од Министерството за финансии.

Зградата која треба да ја купи Службата за општи и заеднички работи на Владата е во вкупна површина од 6.770 метри квадратни.

Зградата која се наоѓа на улица „Филип Втори Македонски“, кај Филхармонија, изградена е од сопствени средства на претпријатието. Изградбата започна во 2015 а беше предвидено 180 вработени во акционерското друштво да добијат нови простории за работа, наместо постоечките бараки на улицата „Орце Николов“.

https://vecer.mk


Posted By: stef4o
Date Posted: 04-Jan-2021 at 18:20
Од денес тука официјално се сместија Министерство за политички систем











https://www.facebook.com/ArtanGrubi


Posted By: <Fresno>
Date Posted: 04-Jan-2021 at 19:02
Министерство за политички систем нема да биде единствен корисник на барокната зграда. Таму ќе се сместат и Агенцијата за остварување на правата на заедниците, Управата за афирмирање на културата на припадниците на заедниците, Националниот Албански Ансамбл.

Паметно изигра Груби додека другиве си препродаваат објекти.


Posted By: David
Date Posted: 04-Jan-2021 at 20:00
Е мој Грујо да знаеше за кого го градиш бароков

а "урбаните" уште по бараки и влезови   


Posted By: Théoden
Date Posted: 04-Jan-2021 at 20:18
Originally posted by stef4o

Од денес тука официјално се сместија Министерство за политички систем



Скендербег е тоа на сликата? Big%20smile


Posted By: my Macedonia
Date Posted: 04-Jan-2021 at 20:27
Уууу грдоо од внатре... Грујо ќе падне во несвест кога ќе виде за кого градел.


Posted By: my Macedonia
Date Posted: 04-Jan-2021 at 20:33
Originally posted by Théoden


Originally posted by stef4o

Од денес тука официјално се сместија Министерство за политички систем


Скендербег е тоа на сликата? Big%20smile


Така изгледа, на Александар или Делчев не личи


Posted By: kiriOK
Date Posted: 05-Jan-2021 at 06:42
Цела зграда е со кипови на православни светци а министерството е министерство на Албанија и ДУИ...ова само кај нас може да се деси


Posted By: my Macedonia
Date Posted: 05-Jan-2021 at 09:13
Министерство на Албанија? Или сум пропуштал нешто?


Posted By: JovanOdGjorche
Date Posted: 05-Jan-2021 at 11:20
Министерство на „Косоварите“ во Северна Македонија, со 1000+ вработени кои седат дома! Паралелна Влада на Артан Груби! Како сакаш наречи го! Влада на Зајас! Влада на БДИ! Исто му дојде = криминал и корупција предводена од СДСМ/ВМРО/ДУИ

-------------
And something, somewhere was lost in 1938...


Posted By: user8642
Date Posted: 05-Jan-2021 at 12:32
Можеби треба да помине под надлежност на министерство за здравство... од аспект на тоа дека ова е чисто само "болница" за лечење на фрустрациите на дуи дека Македонија сеуште е унитарна држава а груби сеуште сака да си игра паралелен премиер, па ова е некој утешен day-care-facility.

Неможеле поголема заебанција да му сместат, несакајќи, од тоа што го ставиле во барокна жута-куќа.


Posted By: Staro Skopje
Date Posted: 05-Jan-2021 at 13:01
Алтернативна Влада за зацврстување на ДУИ преку продолжување на #Жуметничката традиција. Т.е. збир на негативни појави е отворањето на оваа зграда.


-------------
Градот убав никна, но го откорнаа


Posted By: <Fresno>
Date Posted: 11-Jun-2023 at 17:22


Posted By: Vire
Date Posted: 12-Jun-2023 at 08:26
Овај и министерство за финансии најубо излегоја од сите шо се изградија во то време.


Posted By: kiriOK
Date Posted: 20-Nov-2023 at 02:30



Print Page | Close Window