Print Page | Close Window

Нова болница во Кичево

Printed From: build.mk
Category: Главни теми
Forum Name: Здравствени
Forum Discription: Болници, клиники...
URL: http://www.build.mk/forum/forum_posts.asp?TID=3223
Printed Date: 29-Mar-2024 at 02:07


Topic: Нова болница во Кичево
Posted By: gjoko
Subject: Нова болница во Кичево
Date Posted: 22-Oct-2014 at 19:16
после 30 години кичевската несудена болница,оставена во фаза на карабина,конечно тргна од мртвата точка.досега беше мета на крадци кои ја пустошеа безмилосно.се работи за доста голем објект со слична конструкција како битолската болница т.е. во форма на `Н`.преградните ѕидови се целосно срушени,како и се извадени прозорите кои иако беа нови беа со ужасен квалитет.внатрешниот распоред ќе биде целосно поинаков него иригиналниот.кога ќе ми дојди службено и проектот во раце ќе го претставам во ЈПГ формат

https://flic.kr/p/pLHuPZ">
https://flic.kr/p/pLHvH2">



Replies:
Posted By: Џоле
Date Posted: 23-Oct-2014 at 12:27
Ми се допаѓа фасадата. Мислам дека овој вид фасади (црвена или друга боја на тула) не застаруваат и речиси не се оштетуваат, па не им е потребна обнова како кај другите фасади.

-------------
За сè има вторпат


Posted By: software
Date Posted: 26-Sep-2015 at 16:42
Во полн ек се активностите на новата кичевска болница. Работите започнаа овој септември по цели 24 години пауза, време во кое и она што беше изградено пропаѓаше.

Новата кичевска болница се гради според сите најмодерни и современи стандарди и треба да опслужува над 80 000 жители од Кичево, Пласница и Македонски Брод и за гостите кои претстојуваат или транзитираат во овој регион.

Болницата се протега на 4500 квадратни метри и во неа ќе бидат сместени 5 одделенија за секундарна здравствствена заштита, 4 одделенија со дневна болница (ургентно, амбулантно, интерно и гинекологија), дел за дијализа и 10 специјалистички служби. Ќе располага со 65 кревети.

Кичевската болница започна да се гради во 1989 година, а работите целосно беа прекинати во 1991 година.Оттогаш имаше повеќе најави за нејзино доизградување кои никогаш не се остварија.

Конечно, во април минатата година министерот за здравство, Никола Тодоров при посета на медицинскиот центар кажа дека на владина седница е донесена одлука за конечно завршување на болницата. Истата информација пред точно 1 година и официјално беше потврдена од премиерот Никола Груевски кој тогаш го најави почетокот на изградбата на болницата за оваа година.

Тендерот за нејзината изградба беше распишан на 8 јануари годинава, а еден ден подоцна Тодоров на прес конеренција го презентираше конечниот изглед на болницата.

Кичевската болница изминативе неколку години од државни средства доби неколку современи апарати кои придонесоа во подобрување на квалитетот и услугите кои таа ги нуди, нејзините лекари во континуитет се дообучуваат во странски болници, а во моментов на специјализација се испратени 13 лекари.

Кичевската болница треба да биде готова во пролетта 2016-та година. За нејзината изградба ќе бидат вложени околу 200 милиони денари.











Posted By: gjoko
Date Posted: 26-Sep-2015 at 18:31
Болницата е форма на ``Н`` и во празниот простор на средината помеѓу крилата изградија дополнителни делови кои се гледаат на сликиве.

одлучија да ги остават само зидовите, друго све се ивади-внатрешните ѕидови се отстранети, сите прозори исто така..

Визуелно нема голем напредок од тие слики што ги поставив во темата ``здравствени институции`` пред некое време


Posted By: Џоле
Date Posted: 27-Nov-2016 at 16:58
Од ЅЅС форумот...

Originally posted by gjoko-mkd;136830421

There are new builded elements inside the ``H`` of old construction. They are completely new. New windows, and new termo fasade around the old bricks fasade. Now they are building insde the hospital, with the new layout of rooms





-------------
За сè има вторпат


Posted By: my Macedonia
Date Posted: 02-Apr-2017 at 13:16


Posted By: Zelenikovo
Date Posted: 02-Dec-2017 at 21:00

не може да се види од фотката кој е изведувач, а на нет освен ваков абер нема ништо друго ... сајтов е фора, а ако ние почнеме да го ажурираме, и на иселениците ќе им биде од полза ...

http://healthgrouper.com/en/profile/bolkicevo/General_Hospital_Kicevo#survey - http://healthgrouper.com/en/profile/bolkicevo/General_Hospital_Kicevo#survey [ http://www.hospitalby.de/mazedonien-krankenhaus/kicevo-krankenhaus/ - 1 ]

дали имаат и хелиодром? и колку ваква инфраструктура е задолжителна за болниците кај нас?


Posted By: hcitrS
Date Posted: 04-Dec-2017 at 23:48
Ова треба во учебниците по архитектура да влезе, како најефикасно за упропастиш пристоен проект


Posted By: stef4o
Date Posted: 20-Mar-2021 at 17:49
30 години ветувања – ниту една Влада не ја доврши кичевската болница

Прашањето за болницата во Кичево се отвора само за време на предизборни кампањи. Како што се чини, така ќе продолжи и на наредните изборни циклуси. Министерката за одбрана, Радмила Шекеринска, во јули 2020 година го посети Кичево поради изборни активности и најави старт на градежните активности и издвојување средства за оваа болница.

Но, до јануари годинава немаше никакво движење… На почетокот на годината, и министерот за здравство, Венко Филипче го посети Кичево, при што ја најави втората фаза од изградба. Тој ден, неколку работници од фирмата која го доби тендерот, го расчистија дворот на болницата.
Но, болницата сѐ уште е во иста состојба.





[tube]ApgYeSqL4A0[/tube]


%20 - https://mk.tv21.tv/30-godini-vetuvana-nitu-edna-vlada-ne-ja-dovrshi-kichevskata-bolnitsa/


Posted By: zabegan
Date Posted: 20-Mar-2021 at 22:03
настрана здравство и политика, штета што фасаднава цигла ја имаат заменето со некоја лоша сиво жолата шлаканица

-------------
Architects create dreams...politicians create nightmares


Posted By: my Macedonia
Date Posted: 29-Aug-2021 at 14:08
https://ibb.co/RQmdbcN">
https://ibb.co/BCgJYjw">
https://ibb.co/LCvgf8G">
https://ibb.co/cvDKRJf">
https://ibb.co/4Y4cLQ0">
https://ibb.co/swdGXvv">


Posted By: Џоле
Date Posted: 29-Aug-2021 at 15:13
Седум години се гради и никако да се изгради

-------------
За сè има вторпат


Posted By: stef4o
Date Posted: 18-Dec-2021 at 15:47
По 32 години, за 18 месеци треба да заврши изградбата на новата кичевска болница

Новата зграда на кичевската Општа болница, што почна да се гради пред 32 години сè уште не е целосно завршена и како што најави министерот за здравство, Венко Филипче, овој објект во наредните 18 месеци ќе биде целосно завршен и ќе им биде ставен на располагање на жителите од општините Кичево, Македонски Брод и Пласница.

– Започнаа работите на доизградбата на новата Општа болница во Кичево. Веќе имаме една ситуација целосно завршена и, јас верувам дека со вака интензивна работа со која започна втората фаза, за најмногу 18 месеци ќе биде целосно завршен новиот објект и тоа ќе значи зајакнување на целиот здравствен систем во Кичево и регионот во кој гравитираат над 60 000 жители од трите општини Кичево, Македонски Брод и Пласница, најави министерот Филипче.

Овој објект почна да се гради во далечната 1989 година. Во неколку наврати започнаа градежни работи за негова доизградба, но, ниту еднаш досега не завршија целосно. Последниот зафат на овој објект се случи во периодот помеѓу 2014-2015 година, и по прекинот на работите, сега се очекува конечно да се финализираат градежните работи на овој долгоочекуван објект за граѓаните на Кичево.

https://nezavisen.mk/po-32-godini-za-18-meseci-treba-da-zavrshi-izgradbata-na-novata-kichevska-bolnica/ - https://nezavisen.mk/po-32-godini-za-18-meseci-treba-da-zavrshi-izgradbata-na-novata-kichevska-bolnica/


Posted By: stef4o
Date Posted: 13-Mar-2022 at 12:46
Неверојатно, но вистинито, се случува во Кичево – пред 37 години почна изградба на болница, но сè уште не е завршена

[tube]JNZH2ZkfUl0[/tube]

Не е за верување, но за жал вистина е. Болницата која во Кичево почна да се гради пред речиси 40 години, сѐ уште не е довршена.

„Се наоѓаме во објектот на новата болница во Кичево, која почна да се гради пред речиси 40 години. Овој објект неколкупати почнуваше да се гради, но беше оставан во заборав. Стигна до втората фаза од изградбата. Втората фаза ја најави и поранешниот министер за здравство Венко Филипче минатата година кога го посети Кичево, а истото го најавува и сега новиот министер Беким Сали. Останува да видиме дали втората фаза од градежните активности ќе продолжи или ќе почне, па потоа ќе се стопира како вообичаено“, истакна репортерката на ТВ21.

Кон крајот на минатата година започна втората фаза од изградбата на болницата. Беа забележани како се движат камиони, беше отворен канал, беше поставен еден слој изолација околу новата зграда, а беа донесени и неколку цевки. Но, оттогаш не е преземено ништо друго, а каналот и понатаму стои отворен. Министрите се менуваат, но никој од нив не ја истурка оваа работа до крај.

Сега на чело на Министерството за здравство е Беким Сали. Се очекува тој да преземе нешто во однос на изградбата на болницата, која слободно може да влезе во Гинисовата книга на рекорди. Сали вели дека болницата ја гледа како свој предизвик.

„Моите информации велат дека таму се работи, но динамиката на градежните активности не е на потребното ниво. Јас сѐ уште не стигнав да ја посетам таа болница. Секако дека еден од моите приоритети е кичевската болница да ги запали светлата и да профункционира. Секако дека за мене тоа е предизвик“, посочи Беким Сали.

Болницата почна да се гради во 1985 година, но и по речиси 4 децении сѐ уште е само карабина. Секоја година политичките претставници ветуваат дека ќе ја довршат, но Кичево никако да добие нов болнички објект.

https://mk.tv21.tv/neverojatno-no-vistinito-se-sluchuva-vo-kichevo-pred-37-godini-pochna-izgradba-na-bolnitsa-no-se-ushte-ne-e-zavrshena/ - https://mk.tv21.tv/neverojatno-no-vistinito-se-sluchuva-vo-kichevo-pred-37-godini-pochna-izgradba-na-bolnitsa-no-se-ushte-ne-e-zavrshena/

-------------
Carpe diem


Posted By: my Macedonia
Date Posted: 25-Aug-2022 at 10:38
Ништо...
https://ibb.co/jhRzYzZ">
https://ibb.co/1G3HpHW">


Posted By: Џоле
Date Posted: 25-Aug-2022 at 16:49
Станаа осум години

Originally posted by Џоле

Седум години се гради и никако да се изгради


-------------
За сè има вторпат


Posted By: hcitrS
Date Posted: 29-Aug-2022 at 23:29
Јас не очекувам да се догради. Очекувам да легнат барем 2-3 говеда в затвор некок ден, нема што повеќе да се дискутира за овој криминал. А прв да легни генијалецот кој вцрта уште две коцки и успешно ја блокира цела светлина во зградата. Влегуваш да се лечиш од инфаркт, а излегуваш со клиничка депресија.


Posted By: my Macedonia
Date Posted: 30-Aug-2022 at 11:15
Фасадата веќе пропаѓа, не знам каков план направиле. Ова е веќе како автопатот Кичево-Охрид, се пропаѓа и тоа што е изградено (наскоро слики). Е сега да го реновираш веќе изграденото или да довршиш што останало?


Posted By: stef4o
Date Posted: 24-Oct-2022 at 13:49
Скоро 40 години се чека за нова болница – Кичевци кренаа раце, веќе не се надеваат

[tube]8U4fHAXwQZw[/tube]

https://mk.tv21.tv/skoro-40-godini-se-cheka-za-nova-bolnitsa-kichevtsi-krenaa-ratse-veke-ne-se-nadevaat/ - https://mk.tv21.tv/skoro-40-godini-se-cheka-za-nova-bolnitsa-kichevtsi-krenaa-ratse-veke-ne-se-nadevaat/

-------------
Carpe diem


Posted By: stef4o
Date Posted: 09-Feb-2023 at 18:28
Цели 37 години се гради новата болница во Кичево

[tube]8SHAK660p8o[/tube]

Кичевчани 37 години ја чекаат новата болница. Објектот започна да се гради во 1985 година и не е завршен до ден денес. Со години се добиваат нови ветувања од секоја власт и министерството за здравство,но и после три ипол децении објектот се уште е во изградба.

„Со доаѓањето на новиот министер, имавме посета и од министерот Сали во еден наврат имавме изјава дека се обезбедени 1 милион евра за изградба на новата болница но на терен за жал иако немаме ингеренции гледаме дека слабо се движат работите“ ,вели Станко Трпески директор на ЈЗУ општа болница Кичево.

Менаџментот на болницата нема информации на што се должи стагнацијата на изградбата, ниту знаат дали и кога ќе биде готов новиот објект со оптимални услови за лекување на бројните пациенти.

„Заедно со градоначалникот во неколку средби се ангажираме да влеземе во нови современи услови кои што ќе бидат оптимални за работа на медицинскиот персонал. Меѓутоа за жал немаме импликации за преселување во новата болница“, додава Трпески.

Во кичевската болница се лекуваат пациенти од целиот регион или истата опслужува околу 35 000 жители.

Министерот Сали денеска рече дека ги отстраниле сите правни и градежни пречки и со средства од 1 милион евра оваа година продолжуваат градежните работи на објектот кои според планот треба да завршат до 2024 година.

https://24.mk/details/celi-37-godini-se-gradi-novata-bolnica-vo-kichevo - https://24.mk/details/celi-37-godini-se-gradi-novata-bolnica-vo-kichevo

-------------
Carpe diem


Posted By: stef4o
Date Posted: 25-Feb-2023 at 18:12
СЕ РАСПАЃА БОЛНИЦАТА ВО КИЧЕВО, ДИРЕКТОРОТ ТРПЕСКИ МОЛИ ЗА ПОМОШ ЗА ДА СЕ ОБЕЗБЕДАТ ОСНОВНИ УСЛОВИ ЗА РАБОТА



Стара распадната зграда, дотраен инвентар, расипана медицинска опрема, ваква е сликата на болницата во Кичево каде бидејќи нема основни услови за работа пациентите најчесто се препраќаат по другите градови. Директорот на болницата Станко Трпески моли за помош, оти тука се лекуваат пациенти од целиот регион кој опфаќа околу 35.000 жители.

„Не можеме да им дадеме некогаш помош на пациентите кои што си ги бараат своите права. Спречени сме поради лошите услови, не поради нешто друго. Го молам Министерството за здравство, Фондот за здравствено осигурување и Владата за помош, да обезбедиме основни здравствени услови за работа за да можеме да ги опслужиме пациентите“, вели Трпески.

Имаме добра волја, имаме голем број на пациенти коишто поради неможност заминуваат во други градови, а сме способни да им дадеме не прва помош туку здравствена дејност како оперативен дел, акушерија, породување, имаме супспецијалисти кои можат да работат коронарен стрес-тест, можат да работат холтери, ехотомографии, но поради условите за работа не можеме да си ги покажеме сите способности“, кажува Трпески.

Во Кичевската болница со години не се извршуваат породувања оти е расипан автоклав апаратот за стерилизација на Одделот за гинекологија, па бремените жени се препраќаат во други градови.

„За жал, во моментов имаме распипан автоклав за стерилизација, кои што ги оневозможува работите во операционата сала. Голем дел од пацинетките за породување, голем дел од пациентите за оперативни третмани заминуваат во други градови. Нема можност за поправка на тој стар дотраен апарат, потребни ни се средства, ни треба помош за да можеме да функционираме“, вели директорот на Кичевската болница.

Старата болница во Кичево функционира во неколку објекти, а дел од нив се изградени пред околу еден век. Последната најава од Министерството за здравство е дека со милион евра оваа година ќе продолжат градежните работи на новата болница и според планот, ќе завршат до 2024.

Изградбата на новата болница во Кичево започна во 1985 , но и после 37 години објектот е сè уште во градба.

https://sdk.mk/index.php/dopisna-mrezha/se-raspaga-bolnitsata-vo-kichevo-direktorot-trpeski-moli-za-pomosh-za-da-se-obezbedat-osnovni-uslovi-za-rabota/ - https://sdk.mk/index.php/dopisna-mrezha/se-raspaga-bolnitsata-vo-kichevo-direktorot-trpeski-moli-za-pomosh-za-da-se-obezbedat-osnovni-uslovi-za-rabota/

-------------
Carpe diem


Posted By: stef4o
Date Posted: 29-Jul-2023 at 17:03
Од МЗ за ТВ 24: Еднострано раскинување на договорот за кичевската болница е во игра

Завршувањето на изградбата на новата кичевска болница која се гради повеќе од 30 години не е ниту на повидок. Иако лани беа одвоени 1 милион евра за да се доврши изградбата, од министерството за здравство сега велат дека во игра е еднострано раскинување на договорот со фирмата, бидејќи на терен не се работи ништо.

Министерството веќе побарало известување од фирмата дали ќе ја исполни обврската од договорот, кој предвидува болницата да биде изградена до април 2024. Ако фирмата не може да ги запази роковите, министерството ќе бара нова, на тендер.

„Изведувачот на ЈЗУ ОБ Кичево има важечки договор до април 2024 година. Бидејќи на објектот не се работи, Министерството за здравство побара и чека известување од изведувачот дали тој ќе го заврши објектот во рамки на потпишаниот договор. Доколку роковите не бидат запазени Министерството за здравство еднострано ќе го раскине договорот и ќе објави јавен оглас за завршување на објектот.“ - велат од Министерството за здравство.

https://24.mk/details/od-mz-za-tv-24-ednostrano-raskinuvanje-na-dogovorot-za-kichevskata-bolnica-e-vo-igra - https://24.mk/details/od-mz-za-tv-24-ednostrano-raskinuvanje-na-dogovorot-za-kichevskata-bolnica-e-vo-igra

-------------
Carpe diem


Posted By: hcitrS
Date Posted: 31-Jul-2023 at 16:56
Не постирајте вакви душегрижнички изјави од министерства, ми се јавува хронично пцуење и клетви фрлање.



Print Page | Close Window