Булеварот Крушевска Република мора да остане во Генералниот урбанистички план на Скопје, во истата нацрт- идеја како досега. Идејата за преместување или бришење на оваа сообраќајница од планот, која би требало да поминува низ Маџар Маало не е во ред, велат во Институтот за урбанизам и просторно планирање-ИН-ПУМА. "Секоја замисла за отстапување од првобитното решение за изградба, не би функционирало", истакнува Александар Мешко, одговорен за сообраќајно проектирање во ИН-ПУМА.
Причините за ова укажување, според него, пред се, се поврзани со денешниот сообраќаен метеж во овој реон.
"Има неколку моменти битни за задржување на сообраќајницата. Доколку нацртот се помести за некои 100 метри, како што бараат од Општина Центар, ќе се блокира животот на Транспортниот центар. Од него, не треба да се заборави, дневно поаѓаат 800 автобуси , а тука е и Железничката станица, што е доволен доказ за големата концентрација на сообраќај. Се согласувам со желбата да се зачува Маџар Маало од уривање, но кога се работи за повисоки интереси за градот, уривањето е неминовно и го оправдувам", вели Мешко.
Наспроти ова барање, постои уште една идеја на градските власти за целосно отстранување на булеварот Крушевска Република од Генералниот урбанистички план. Пред некое време градоначалникот Ристо Пенов констатираше дека постои голема можност овој булевар целосно да се избрише, поради нецелисходноста за задоволување на потребите на скопјани и големите трошоци кои би се издвоиле за негова изградба. Мешко не се согласува со градските власти.
"Тоа е неприфатливо. Овој проект е од 1965 година и е изработен од тимот експерти од Обединетите нации. По правило не треба да се расипува еден модел. Секое отстапување од првобитната замисла не чини. Кога ќе се најдат пари, тогаш нека се изгради, но никако не треба да се размислува за негово непостоење", дециден е тој.
Ј.Ивановска

Клучката кај хотелот "Континентал" градските власти ја градат на диво, бидејќи не добиле одобрение за градба од Општина Центар. Изградбата на оваа сообраќајница почна во септември, а од Градот велат дека биле принудени да почнат со работа без согласност од Центар. Скопскиот градоначалник Трифун Костовски вели дека за да добие согласност од Центар, градоначалничката Виолета Аларова му барала противуслуга, односно барала градоначалникот да дозволи спроти хотелот "Холидеј ин"да се градат стокатници и заради нив да направи измена на Генералниот урбанистички план.
"Работата на клучката ја почнавме без согласност од Општина Центар. Тоа е така затоа што е поврзано, да не речам, со една дебела бирократија, која наместо да помага во решавањето на овие работи, максимално ги отежнува. Тоа е системот. Знаеш, јас ќе ти дадам, ама и ти мора да ми вратиш. Што бара Аларова за возврат? Па ги бара стокатниците да и ги дадам. Но, јас со тоа не можам да се согласам. Дадовме негативен одговор на измените на ДУП 'Голем ринг' и во него дадовме 15 причини поради кои не се согласуваме со предлогот во центарот да се градат стокатници", вели Костовски.
Општина Центар ги негираше обвинувањата од градоначалникот Костовски. Од таму велат дека не издале одобрение за изградба на клучката кај "Континентал", бидејќи таа не е предвидена во ГУП-от.
"Не се работи за реваншизам, туку затоа што во ГУП, кој е донесен во 2002 година, не е предвидена сообраќајна инсталација во вид на клучка во населбата Крњево во близина на улица Беласица за вклучување во сообраќај на булевар Александар Македонски. Со ГУП-от е предвидено вклучувањето на булевар Александар Македонски да оди преку неизградениот булевар Крушевска Република и од тие причини не е дадено одобрение за градба. Општина Центар ја очекува долгонајавуваната измена на ГУП-от, каде ќе биде ревидирано и решението за булевар Крушевска Република, што е приоритет во нашите барања за измени на планот", велат од Општина Центар. (Е.А.)

Значи планирана е и надвозница над јужниот булевар кај Нова Македонија.(„Климент Охридски“ ли се вика булеварот?) Во кој правец треба да биде еднонасочна Иво Лола?

hehe pbanks vo skopje privremenite resenija se vecni   i so toa se sozdavaat dopolnitelni problemi

Градските власти најавија дека следната година ќе го градат Јужниот булевар од улицата Адолф Циборовски во Ѓорче Петров до раскрсницата кај Тутунски комбинат. Според Алјоша Шопар, раководител на Секторот за планирање и уредување на просторот во Градот, проектот за проширување на улицата Иво Рибар Лола од Ѓорче до Тутунски комбинат веќе се работи и неговата реализација ќе почне следната година. Тој објасни дека во буџетот на Градот се предвидени 470 милиони денари за проширување на оваа сообраќајница со уште две сообраќајни ленти, со што таа, конечно, ќе добие булеварско решение.
Јован Христовски, раководител на Секторот за сообраќај во Градот, вели дека изградбата на Јужниот булевар ќе се одвива во неколку фази и дека планираат првин да се прошири потегот од Ѓорче Петров до раскрсницата со улицата Водњанска.
"Проширувањето ќе се прави од десната страна, во правецот од Ѓорче кон Центар, бидејќи оттаму има доволно простор", вели Христовски. (Е.А.)

Фирмата „Гема“ сака да изгради подземен дел од Јужниот булевар

ДУП на оваа локација предвидува уште три објекти, но за сите ќе има наддавање на тендер

Сања Наумовска

Градежната фирма „Гема“ му понудила на Градот Скопје да изгради дел од Јужниот булевар, на потегот од раскрсницата со „Водњанска“ до подвозникот во Кисела Вода. За возврат, фирмата која ги гради хотелот и трговскиот центар зад „Рамстор“, би требало да добие трета градежна парцела на таа локација. Станува збор за дел од булеварот, кој ќе се гради под земја и чија изградба е многу комплицирана и скапа, а Градот Скопје нема предвидено финансии за овој проект. Изведбата на булевар на ниво на постојните улици и објекти е невозможна поради големиот број новоизградени објекти во околината, но и поради комлицираната изведба на нова раскрсница со улицата „Водњанска“.

Неодамна, „Гема“ со градските власти потпишала и меморандум за соработка. Во Министерството за транспорт и врски, пак, не се запознати со идејата на градежната фирма. Оттаму велат дека на потегот од старата железничка станица до подвозникот, Деталниот урбанистички план предвидува уште три објекти, но за сите ќе има наддавање на тендер. Распределба со непосредна спогодба не е опција, категорични се во Министерството.

„Со оглед на тоа дека станува збор за проект кој е предвиден во Генералниот урбанистички план, а кој, од друга страна, би придонел многу за растоварувањето на сообраќајот во центарот, Градот нема ништо против фирмата да го направи делот од Јужен булевар. Тоа им беше кажано и на претставниците на ’Гема’, со кои потпишавме меморандум за соработка. Сепак, крајната реализација нема да зависи од Градот, со оглед на тоа дека станува збор за државно земјиште“, информираат градските власти.

Во Министерството за транспорт и врски се согласуваат дека сообраќајницата треба да се изгради во интерес на граѓаните на Скопје, но не под предложените услови. Најавуваат дека ќе има тендери за локациите на три објекти на овој потег: за затворен пазар на местото на цветниот, за катната гаража кај маркетот „Тинекс“ и за бизнис-центарот на почетокот на старата железничка станица.

„Пред седум, осум години имаше идеја да се најде инвеститор кој би го направил тој дел од Јужниот булевар, а би добил градежни локации. Сепак, таа идеја тогаш не се реализира, а денес веќе нема таква можност“, информираат од Министерството.