Нови жардиниери на три булевари

Реализацијата, очекуваат во Градот, ќе започне за дваесетина дена

Град Скопје ќе започне со изградба на жардиниери во средишното зеленило на булеварите „Кочо Рацин“, „Крсте Мисирков“ и на дел од „Христијан Тодоровски - Карпош“. Деновиве заврши тендерот, на кој за изведувач на проектот е избрана градежната фирма „Карпош“. Реализацијата, очекуваат во Градот, ќе започне за дваесеттина дена, по потпишувањето на договорот со изведувачот и по добивањето на одоберенијата за сообраќајните решенија од Министерството за внатрешни работи.

За изградбата на жардиниерите на булеварите од градскиот буџет се одвоени 24 милиони денари. На булеварите ќе бидат изградени корита, исти како оние во средишното зеленило на „Партизанска“ и на „Александар Македонски“, во кои потоа јавното претпријатие „Паркови и зеленило“ ќе засади разновидно зеленило. Во жардиниерите ќе биде вграден и системот за полевање капка по капка.

„Во буџетот за годинава за изградба на жардиниери имаме издвоено 40 милиони денари. Во првата фаза објавивме тендер за 24 милиони денари, која ќе ги опфати овие три булевари. Сметаме дека за нив е најургентно да се подноват со ново зеленило, бидејќи постојното е доста уништено и лошо изгледа“, вели Мичо Поповски од Секторот за урбанизам. Тој додава дека веднаш по реализацијата на првата фаза, ќе биде распишан нов тендер за остатокот од средствата. Со нив ќе се уредува средишното зеленило на булеварот „Јане Сандански“ и на дел од „Партизанска“ во Општина Карпош. (С.Н.)

незнам дали жардињерите ќе ги рушат долж средината меѓу правците доколку се трасираат трамваите по среде но дека ќе мора нешто да се преземе околу претераната унифицираност на сите видови жардињери тоа е сигурно, станаа како главно обележје на градот, а воопшто и не се одржуваат како што треба, или се преплавени или обезглавени накитени само со грмушести растенија. за илуминација на истите не доаѓа во предвид според аршините на општините тие и вака им се скапи за одржување а камоли тој луксуз иако не е некој битен и примарен фактор во разубавувањето на скопските улици сепак таквиот додаток дава чувство на топлина, како некој урбан арт момент !

Ново зеленило на булеварот „Гоце Делчев“

Во жардиниерите на булеварот „Гоце Делчев“ екипи на „Паркови и зеленило“работат на засадување зимзелени и листопадни садници. Насадени се туја, каталпи, како и други мини-грмушки. Истовремено, екипи на „Паркови“ ќе работат и по должината на булеварот „Никола Карев“ и во општина Кисела Вода, во близина на „Тинекс“, каде што на површина од 7.000 квадратни метри ќе се направи реконструкција на тревникот и ќе се посадат разни видови садници, со што граѓаните ќе добијат ново зелено катче.

Град Скопје почна да ја гради жардиниерата во средишниот дел на булеварот Кузман Јосифовски Питу. Жардениерата ќе биде долга 920 метри, а ќе биде изработена од армирано-бетонски префабрикувани елементи, информираат градските власти.
Жардениери ќе добијат и булеварите Јане Сандански, 8 Септември и Партизански одреди. Јавната набавка за избор на најповолен изведувач е во завршна фаза.

Жардениерата на булеварот Јане Сандански ќе биде долга 800 метри и ќе се протега од почетокот на булеварот до крстосницата кај Мајчин Дом. Средишната ограда на булеварот Партизански одреди, на потегот од улицата Рузвелтова до мостот Обединети нации, ќе биде заменета со жардиниера во должина од 2,650 метри, а ќе се гради жардениера и на булеварот 8-ми Септември, на потегот од фабриката Алумина до улицата Илинден, и ќе биде долга 1.100 метри.

Увозни дрвја за жардиниерите

Јавното претпријатие „Паркови и зеленило“ се поднови за шестотини нови садници, набавени од Србија. Новите дрвја ќе се засадат во жардиниерите на неколку булевари во градот. Набавени се неколку вида листопадни дрвја, каламата, јасен, калемен вид јасен, од иглолисните јавор, туја, туја пликата, туја розенталис, а од зимзелените на булеварите ќе растат кипарис, ретиноспора и смрека. (С.Н.)

http://www.utrinski.com.mk/default.asp?ItemID=4B0AE08A6182E543B026EAE960007357

Застој во изградбата на булеварските жардиниери

Повеќе од десетина дена на булеварите не се одвиваат никакви градежни работи

Новите жардиниери со поевтино зеленило

Увозните садници тешко се одржуваат но и често се крадат

На булеварите 8 Септември и на Партизанска привршува изградбата на средишните бетонски жардиниери, на кои, за зеленилото, се поставува системот на полевање „капка по капка“. Надлежните информираат дека завршувањето на работите доцни затоа што сообраќајниците се многу фреквентни, па не можело навреме да се направи дотур на земјата со која жардиниерите треба да се наполнат.
Освен на овие два булевари, бетонски жардиниери се изградени и на Јане Сандански и на Кузман Јосифовски - Питу. За ова Град Скопје издвои 100 милиони денари.