Print Page | Close Window

Битолска чаршија

Printed From: build.mk
Category: Главни теми
Forum Name: Урбанистички целини
Forum Discription: Урбанистички планови и градски микролокации
URL: http://www.build.mk/forum/forum_posts.asp?TID=3555
Printed Date: 28-Mar-2024 at 13:21


Topic: Битолска чаршија
Posted By: hcitrS
Subject: Битолска чаршија
Date Posted: 11-Oct-2018 at 19:54
Ако скопската чаршија има своја нишка, секако дека и битолската заслужува една

За 38 излози на дуќани во старата битолска чаршија по 100 илјади денари

На 38 дуќани во Старата битолска чаршија ќе им бидат уредени излозите во рамките на роектот “Ревитализација на излозите старата чаршија“, а за секој дуќан ќе бидат доделени по 100 илјади денари.

Со проектот платичните и металните излози ќе бидат заменети со својот првична изглед да не изгубат од автентичноста. Натписите над дуќаните ќе бидат унифицирани на дрвена платформа, а тендите ќе бодат слични само со различна боја.



Договорите со претставниците на општините беа потпишани со министерот за економија Крешник Бектеши, а покрај Битола, се доделени средства и за Чаир, Центар и Охрид.

Целта на проектот за уредување на излозите во старите чаршии низ државата е враќање на автентичниот изглед на чаршиите, а воедно и нејзино разубавување и привлекување на што поголем број на посетители и туристи, а вкупниот буџет е 16,5 милиони денари.

Општина Битола имат рок од 1 година за имплементација на споменатите активности, а дуќанџиите немаат никаква обврска да партиципираат нивни средства, односно сите средства се обезбедени од страна на Министерството за економија, како и дозволите од надлежните институции одговорни за чаршиите, како што се Министерство за култура и конзерваторските центри.



https://bitolanews.mk/2018/10/11/за-38-излози-на-дуќани-во-старата-битолс/ - bitolanews.mk



Replies:
Posted By: stef4o
Date Posted: 15-Apr-2021 at 13:20
СЕ РЕСТАВРИРААТ 38 ИЗЛОЗИ ОД БИТОЛСКАТА СТАРА ЧАРШИЈА

Во тек е реставрација на 38 излози од 16 објекти со културно-историско значење во битолската Стара чаршија. Излозите кои беа дотраени и со години оставени на забот на времето, сега се заменуваат со нови, унифицирани за сите објекти, кои имаат автентичен изглед. Излозите се изработени од масивно дабово дрво и стакло. Реставрацијата се спроведува со средства обезбедени преку Министерството за економија.

„Навистина имавме мака со дограмата, дуваше од сите страни, особено во зима, кога во Битола темепратурите се многу ниски и со ништо не можевме да го затоплиме дуќанот. Сега, со новата дограма, разликата е веќе видлива и ја чувствуваме промената“, велат сопствениците на објектите сместени покрај реката Драгор во Чаршијата.

Од Општина Битола велат дека излозите на овие објекти конечно го добиваат изгледот кој го заслужува нивната историска вредност, во функција на создавање услови и нови можности за понатамошен развој и напредок од културен, туристички и економски аспект.

Проектот за конзервација и реставрација на излози во битолската Стара чаршија е во вредност од 3.800.000 денари (околу 62.000 евра), субвенциониран од Министерството за економија, согласно програмата за туризам за 2018 година. Општина Битола во изминатиот период ги заврши сите потребни процедури за реализација на проектот и промена на излозите на 16 значајни објекти кои се во сопственост на АД за изградба и стопанисување со станбен и деловен простор.

Досега се поставени 15 нови излози од предвидените 38, а активностите продолжуваат следните денови до комплетна реализација на проектот.

%20 - https://sdk.mk/index.php/dopisna-mrezha/se-restavriraat-38-izlozi-od-bitolskata-stara-charshija/



Print Page | Close Window