Хотел Плаза - Скопје
Printed From: build.mk
Category: Главни теми
Forum Name: Хотели и одморалишта
Forum Discription: Хотели, хостели, одморалишта, кампови...
URL: http://www.build.mk/forum/forum_posts.asp?TID=3557
Printed Date: 16-Apr-2024 at 09:52
Topic: Хотел Плаза - Скопје
Posted By: axel
Subject: Хотел Плаза - Скопје
Date Posted: 18-Apr-2018 at 11:15
Се урива објектот ТЦЦ Плаза во центарот на СкопјеНовиот објект ќе биде Б градба за комерцијална и деловна намена. Намената и висината се според важечкиот ДУП. Пред повеќе од 20 дена уривањето беше стопирано од градежните инспектори на општина Центар откако било увидено дека била почната постапка за уривање без одобрение. |
Replies:
Posted By: stef4o
Date Posted: 25-May-2018 at 12:32
Уривањето на ТЦЦ Плаза-некако споро им оди со рушењето денес забележав дека донеле уште еден голем багер ама од заштитните завеси неможе баш да се направат некои добри фотки ама еве една од задната страна.
|
Posted By: stef4o
Date Posted: 31-May-2018 at 17:21
|
Богдановиќ.: ТЦЦ „Плаза“ има одобрение само за уривање, не и за градба
Досега инвеститорот не доставил барање за издавање одобрение за градба, но и да достави како што вели Богдановиќ тоа нема да се издаде додека не заврши мораториумот на градба. Дури откако ќе се изврши ревизија на плановите во овој случај на деталниот урбанистички план „Мал ринг“ ќе се знае колкава ќе биде дозволената висина на објектот. Според измените на ДУП-от „Мал ринг“ направени во времето на градоначалникот Владимир Тодоровиќ за објектот на ТЦЦ „Плаза“ маркичката е за станбено-деловен објект со приземје, мезанин и 5 ката. Инвеститорот добил дозвола од претходното раководство за доградба и надградба. Но во текот на надградбата му било речено дека темелите на објектот нема да ја издржат надградбата. Затоа побара дозвола за уривање, за одново да го гради објектот. На состанок со инвеститорот му кажав дека се врши ревизија на сите планови и дека се намалуваат висините на дел од објектите. Каква дозвола ќе добие, ќе видиме кога ќе заврши ревизијата на планот. Дотогаш нема да може да добие дозвола за градба оти на сила е мораториумот“, вели градоначалникот Богдановиќ. Објектот на ТЦЦ „Плаза“ поранешно „Беко“ во моментов е речиси целосно урнат а просторот е затрупан со земја. Сопственикот на објектот почна со уривање на 20 март, но работите на терен беа прекинати по налог на Општината оти немаше одобрение за уривање и соодветно не го заштитил просторот. Веднаш по тоа сопственикот побара дозвола од Општината по што продолжи со уривање. 
http://vesti.mk/read/news/15824375/5527334/bogdanovik-tcc-plaza-ima-odobrenie-samo-za-urivanje-ne-i-za-gradba |
Posted By: Cloverstack
Date Posted: 31-May-2018 at 18:51
Какви таленти! |
Posted By: <Fresno>
Date Posted: 01-Jun-2018 at 09:08
| Чудно ми е ова со мораториумот. Според кој закон смее општина мораториум да прогласи? Нели ако сите услови се исполнети општината е должна да издаде одобрение за градба? |
Posted By: Cloverstack
Date Posted: 01-Jun-2018 at 14:13
|
Навистина не сум упатен во правните аспекти на случајот и не знам ништо за тоа дали и каков основ има за мораториумот. Но во секој случај треба да му се честита на Богдановиќ за храброста и одлучнота да го направи тоа што беше неопходно. Особено што за случајов трпи напади и од својата партија. Сигурно ќе му беше најлесно и најпрофитабилно да постапи како што прави Златко Марин во Аеродром, да ги продолжи воспоставените лоши пракси и токму со легалистички флоскули да го брани криминалот. Но ако сакаме подобар град и подобра иднина, нема добра алтернатива на мораториумот и ревизијата на ДУП-овите. Се подразбира вистинска и темелна ревизија, а не некаква чисто формална ревизија без никакви резултати. Дали некој знае што се случува во Карпош и Кисела Вода? Има ли ревизија на ДУП-ови и доколку да, колку суштински се спроведува? |
Posted By: <Fresno>
Date Posted: 04-Jun-2018 at 12:14
|
Да, може да му честитам за храброста, но не се сложувам со 100% мораториум. Замисли ситуација со некој инвеститор што има ок проект, си има бизнис план и очекувања кога ќе изгради свој објект, но поради ваква мерка е спречен да го направи тоа. Не ми изгледа тоа на добра бизнис клима. Веројатно е законски покриено ова, во спротивност ќе имаше и тужби кон општината. Всушност и не му честитам, сега ми текна дека за објектот на ЗСФ кај железничка имаше прекршување на мораториумот. |
Posted By: stef4o
Date Posted: 14-Jun-2018 at 12:03
Од рушењето на ТЦЦ ПЛАЗА
|
Posted By: stef4o
Date Posted: 10-Aug-2018 at 14:02
| Што се случува на градилиштето кај бившо Беко. Последен пат кога минував беше веќе целосно урнато и немаше активност?? |
Posted By: Џоле
Date Posted: 23-Oct-2018 at 13:56
На местото на стоковната куќа БЕКО треба да се гради овој хотел, Хотел Плаза.
 ------------- За сè има вторпат |
Posted By: stef4o
Date Posted: 24-Oct-2018 at 13:22
|
Сметам дека би било добро одовено да ја следиме реализацијата на овој нов хотел кој треба да се издигне на местото на стоковната куќа Беко која ова лето беше срушена.
Еве малку инфо за почеток и по некоја фотка од уривањето,кога модераторите ќе имаат можност нека ги префрлат и сите оние фотки од нишката за деловни објекти поврзани со проектов. Богати финансиски моќници си дозволуваат луксуз на рушење“ вели проектантката Овие денови се прави уште еден „архитектонски геноцид“, наголемо се руши објектот ТЦЦ Плаза, поранешната стоковна куќа, култното „Беко“. Објектот е во приватна сопственост, а дозвола за рушење е издадена од Општина Центар, под изговор проблеми во конструкцијата. Со ДУП-от Мал Ринг од декември 2012 година, изработен од ИНПУМА, планери: Борисав Јосифов, Силвана Ванковска, Благоја Тагасовски и Блажунка Трпковска со кој се изврши класичен упад во центарот на Скопје со што се направи урбанизам кој го одзема јавниот простор на граѓаните “планиран“ е и објектот „Беко“ (мниогу пред проблемите со конструкцијата). На таа локација предвидана е поголема површина за градење од постоечката, градежната линаја е до улицата „Даме Груев“, односно во иста линија со катната гаража „Тодор Александров“, вкупната површина за изградба е 12.824 м2, а катноста е приземје, мезанин и шест ката. Класта на намени е Б, комерцијални деловни намени, без да биде прецизирано (како за останатите површини за градење од истиот ДУП), дали се однесува на мали или големи комерцијални деловни единици, угостителски единици, деловни простори, хотелски комплекси итн. (Б1, Б2, Б3; Б4, Б5). Се ова е позната пракса и спрега на локалните моќници, бизнис интересите и планерите за да се дојде до што поголема површина за градење, т.е. поголем профит, а се покриено со (не)планска докиментација. И не е прв пат, како стојат работите ни последен. Проектант на стоковната куќа „Беко“(1973 г.) е архитект Мимоза Несторова Томиќ, добитник на наградата „Андреја Дамјанов“ во 2011 година. Авторката револтирано и немоќно гледајќи што се случува со нејзиното дело за порталот МАРХ изјави: „Богати финансиски моќници си дозволуваат луксуз на рушење, а воопшто патриотски не делува деструктивниот став кој ни стана начин на размислување. Исплатливоста на рушење на ваков габарит како овој објект, веројатно е утростручување на површината и габаритот. Тоа е навистина непознато. Но каде ова води? Каков град сакаме? Скапо не чини немањето слух за почитување на претходните вредности. Сето тоа е историја на еден град. Цивилизациски е да ги почитуваме, сочуваме и да ги негуваме наследените вредности на градот.“ Објектот беше менуван и предходно. Во виорот на транзицијата стоковната куќа престана да постои, а во торнадото на приватизацијата објектот се пренаамени во хотел, деловен простор, му се доаде базен, стилска настрешница и што уште не. Иако проектантот ќе изјави дека предходните сопственици го почитувале правилото, стручна консултација со главниот проектант за евентуалните измени, рака на срце уште одтогаш објектот ја изгуби својата автентична и квалитетна архитектура. Доколку претендираме да станеме правна држава, каде постои систем и се негуваат вредности мораме конечно да регулираме што е дозволено,а што не и да научиме да разликуваме добро од лошо. Општина Центар задлабочена во својот мораториум за да спаси некои делови од центарот (ако остана што да се спасува) како да го подзаборави центарот на државата, ДУП Мал Ринг и издаде дозвола, секако во се според закони и ДУП. https://www.porta3.mk/bogati-finansiski-mokjnici-si-dozvoluvaat-luksuz-na-rushenje-veli-proektantkata/?fbclid=IwAR1FetHW3K21Sx5EBKTXTwLCNQkGb88WdbLzt_aD1C4TGIhyiVFzxRKKgHY Еве некои фотки
И локацијата каде веќе се гради 
|
Posted By: stef4o
Date Posted: 30-Oct-2018 at 19:23
Тука се работи на набивање бетонски столбови(шипови).Фоткава е со лош квалитет(од фб)
|
Posted By: stef4o
Date Posted: 10-Nov-2018 at 15:26
Од фб
 ------------- Carpe diem |
Posted By: Théoden
Date Posted: 10-Nov-2018 at 15:49
|
Навистина штета за парцелава. Кога веќе се урна објектот на С.К. Беко (а толку ретко гледаме уривање на вакви поголеми објекти) местово можеше да се уреди во парк, барем со нешто да се компензира за сиот изгубен простор во малиот ринг. |
Posted By: stef4o
Date Posted: 17-Dec-2018 at 14:20
Веќе отпочнале со ископ
https://nezavisen.mk/mk/vesti/2018/12/112390/?fbclid=IwAR19Gl0WK-S22rifOR0M-8zD7IW9iPbt8kUghR5L17S0RiSRwli0auLNyso |
Posted By: stef4o
Date Posted: 22-Jan-2019 at 09:18
Од фб
|
Posted By: BadBaby
Date Posted: 31-Jan-2019 at 15:11
|
А дали се знае веќе кој е изведувач на објектот или и тоа е во тајност? Ако треба да се гради хотел Плаза, дали тој останува поврзан со претходните сопственици и со оној Гранд Плаза? Тогаш фактички станува збор за инвестиција заради проширување на капацитетите, нели?
|
Posted By: stef4o
Date Posted: 21-Feb-2019 at 13:12
Еве една денешна
|
Posted By: stef4o
Date Posted: 08-Mar-2019 at 18:36
Некако тешко им оди,денес немаше активности изгледа проблеми им прават темелите од бившиот објект.
|
Posted By: stef4o
Date Posted: 12-Apr-2019 at 08:36
Веројатно веќе привршуваат со ископот штом вака багерот излегол на улица  (од фб) патем надвор од градилиштето имаат изнесено повеќе песок и прашина отколку внатре,слично е и зад Рамстор и кај уште многу градилишта ширум градов
|
Posted By: stef4o
Date Posted: 25-Apr-2019 at 12:30
Завршиле со ископ,сеуште се испумпуваат подземни води,еве една денешна
|
Posted By: stef4o
Date Posted: 18-May-2019 at 12:22
Веќе се поставува арматура за столбовите,се работи секојдневно дури до касно навечер накај 22h работат.
%20 - https://sdk.mk/index.php/dopisna-mrezha/moratoriumot-za-gradba-ne-vazhi-za-beko-gradonachalnikot-na-tsentar-veli-deka-ne-se-gradi-ama-izlegla-voda-pa-se-sanira/?fbclid=IwAR29XKxhnvGKzcS9frcCtYxJQKcEB-d_5mUAZwe3abo1Optc9lxJUHSnvPo |
Posted By: stef4o
Date Posted: 04-Jun-2019 at 13:39
Од фб
|
Posted By: stef4o
Date Posted: 12-Jun-2019 at 07:38
И ова ли се гради без дозвола...? 
-------------------------------------------------------------------------------- СРЕДЕ МОРАТОРИУМ „БЕКО“ ДОБИ ВТОРА ПЛОЧА, БОГДАНОВИЌ ВЕЛИ – ЌЕ ГО РУШАМ Зградата на поранешно „Беко“ и понатаму се гради иако во општина Центар на сила е мораториумот за градба. Сега објектот доби и втора плоча, а работници секој ден на големо работат на изградба иако немаат дозвола од Општината. На 16 мај САКАМДАКАЖАМ.МК објави дека се поплочува градилиштето и се поставува арматура за носечките столбови на објектот. Тогаш градоначалникот Саша Богдановиќ ни изјави дека инвеститорот не гради туку при уривањето и копањето на дупката се појавило вода па вршат заштита. Сега, три недели после оваа изјава на Богдановиќ на терен се гради постојано секој ден. Поставена е втора плоча односно изведени се подрумските простории на објектот, но Општината нема намера да ја стопира градбата иако постојано вели дека мораториумот важи и за овој објект и дека не издале дозвола за градба. Градоначалникот Саша Богдановиќ вели дека му издале на инвеститорот решение за престанок на градежни активности и тој не смее да гради. „Инвеститорот треба според решението да ја отстрани градбата. Доколку тоа не го стори тоа ќе го стори Општината односно ние ќе уриваме“, вели Богдановиќ. Зградата на поранешно „Беко“ почна да се урива лани во март. Инвеститорот тврдеше дека била нарушена статиката и затоа мора да се урне. Колкава ќе биде висината на објектот од Општината велат дека ќе се знае кога ќе се заврши изработката на новиот детален урбанистички план, но постојано уверуваат дека нема да добие поголема висина од претходната. https://sdk.mk/index.php/dopisna-mrezha/srede-moratorium-beko-dobi-vtora-plocha-bogdanovik-veli-ke-go-rusham/?fbclid=IwAR0pzv4EEEo1ZnuzrnE23YKHdiq3H5Zf9NZSQuTXE27B_irshEiP52eiXqA |
Posted By: stef4o
Date Posted: 20-Jun-2019 at 12:33
|
ОПШТИНА ЦЕНТАР ГО ЗАТВОРИ ГРАДИЛИШТЕТО НА „БЕКО“
Општина Центар го затвори градилиштето на зградата на поранешно „Беко“. Општината донесе решение за затворање на градилиштето и околу него постави ленти и знак ‘затворено од градежна инспекција‘. „Ние на инвеститорот пред три недели му издадовме решение за престанок со градба. Но, и покрај таквото решение во градилиштето постојано имаше работници. Со ова решение за забранува влез на објектот. Доколку биде прекршена оваа забрана инвеститорот и изведувачот ангажиран од него ќе добијат кривична пријава“, вели градоначалникот на Општина Центар Саша Богдановиќ. Зградата на поранешно „Беко“ иако нема дозвола од Општината досега се градеше. Откако беше урнат стариот објект бидејќи според инвеститорот била нарушена статиката, почна да се копа јама и да се ставаат носечки столбови во неа. Од Општина Центар тогаш за САКАМДАКАЖАМ.МК изјавија дека на терен не се гради туку се заштитува просторот од подземни води. Но, пред еден месец објектот доби и втора плоча, по што конечно Општината донесе решение за затворање на градилиштето. Модната куќа „Беко“ е изградена 1972 година. Во 1998 ја преземаа Тајванците, а потоа беше продадена на локален бизнисмен. Авторката на проектот на старата стоковна куќа „Беко“ 90-годишната архитектка Мимоза Несторова-Томиќ, една од најреномираните автори и урбанисти во Македонија, во април за САКАМДАКАЖАМ.МК рече дека воопшто не се издржани објаснувањата на инвеститорот дека имале проблеми со статиката, па затоа морале да го урнат објектот. „Ја урнаа со изговор дека имало проблем со конструкција, тотално не се во право, оти 4 месеци не можеа да ја срушат. Можеше само пренамена да се направи.“, реагира Несторова-Томиќ. Колкава висина ќе добие инвеститорот на објектот ќе се знае откако ќе биде изработен новиот Детален урбанистички план за овој дел. %20 - https://sdk.mk/index.php/dopisna-mrezha/opshtina-tsentar-go-zatvori-gradilishteto-na-beko/?fbclid=IwAR3RoLVCiveRgzTePkQAeU5xbuqZDq17PDvyZlC1v06NUu7aIkx_c_5m6s4 |
Posted By: stef4o
Date Posted: 07-Feb-2020 at 18:10
Градилиштето зјае отворено и е потенцијална опасност за минувачите
Градоначалникот на Општина Центар, Саша Богдановиќ одговори дека се запознаени со состојбата и дека градежната инспекција ќе ги преземе потребните мерки за да се огради градилиштето Дел од тарабите со кое е оградено градилиштето кај поранешна ТЦЦ „Плаза“ или познaто како „Беко“ се урнати, најверојатно од невремето што го зафати главниот град во вторникот вечерта. Како што се гледа од фотографиите што ги направи фоторепортерот на весникот „Вечер“, Ѕвонко Плавевски, отвореното градилиште претставува опасност за случајните минувачи да настрадаат поради пад од височина од пет метри. Од Општината Центар вчера ни одговорија дека се запознаени со тоа. – Пријавено е до градежната инспекција и таа ќе ги преземе потребните мерки и градилиштето повторно ќе биде оградено – изјави градоначалникот на општина Центар, Саша Богдановиќ. Според измените на ДУП „Мал ринг“ направени во времето на градоначалникот Владимир Тодоровиќ, овде требаше да никне станбено-деловен објект со приземје, мезанин и пет ката. Работите на градилиштето беа запрени на 20 јуни, минатата година. Градежната инспекција го затвори градилиштето, бидејќи објектот, кој е деловен простор, беше без одобрение за градба. Тогаш градоначалникот на општина Центар, Саша Богдановиќ објасни дека инвеститорот добил дозвола од претходното раководство за доградба и надградба. На инвеститорот прво му било издадено одобрение за уривање, бидејќи во текот на надградбата му било речено дека темелите на објектот нема тоа да го издржат. Откако завршило уривањето, инвеститорот бил задолжен да направи безбедносна јама. Откако се направи и таа, се утврди дека се изведуваат активности спротивно на она што му е дозволено, бидејќи тој почна да прави носечки столбови, еден вид надградба. – Заради тоа и беше донесено решение да се стопираат активностите, но тие продолжуваа и понатаму. Бевме присилени да го затворивме градилиштето, а поднесовме и пријава до полицијата и таа излезе на лице место – изјави тогаш Богдановиќ. На градилиштето не се одвиваат градежни активности. Деталниот урбанистички план е на ревизија, поради што е прогласен мораториум за градба. Колкава висина ќе добие инвеститорот на објектот ќе се знае откако ќе биде изработен новиот Детален урбанистички план за овој дел. (А.П.) https://www.vecer.press/градилиштето-зјае-отворено-и-е-потенц/ |
Posted By: stef4o
Date Posted: 06-Mar-2020 at 14:48
Падната ограда, необезбедено градилиште (ФОТО)
Во центарот на Скопје, градилиштето на плацот на поранешно БЕКО остана без дел од оградата. И така е веќе неколку дена. Нема реакција на инвеститорот, молчи инспекцијата, а и градежната компанија нема проблем и вака да ја изведува нарачката. Пешаците, немајќи каде од сите градби и огради во околината минуваат токму тука. А не е безбедно ни за возилата. Ама... https://www.mkd.mk/makedonija/skopje/padnata-ograda-neobezbedeno-gradilishte-foto ------------------------------------------- ФОТОВЕСТ: Силниот ветер го отвори градилиштето кај „Беко“ 
Силниот ветер кој минатата недела дуваше со над 70 километри на час и направи штети на објекти низ градот, ги турна на земја поголемиот дел од таблите со кои е оградено градилиштето кај поранешна ТЦЦ „Плаца“ или познато како „Беко“. Како што се гледа од фотографиите што ги направи фоторепортерот на весникот „Вечер“, Ѕвонко Плавевски, отвореното градилиште претставува опасност за случајните минувачи да настрадаат поради пад од височина од пет метри. На градилиштето не се одвиваат градежни активности. Деталниот урбанистички план е на ревизија, поради што е прогласен мораториум за градба. Според измените на ДУП „Мал ринг“ направени во времето на градоначалникот Владимир Тодоровиќ, овде требаше да никне станбено-деловен објект со приземје, мезанин и пет ката. Работите на градилиштето беа запрени на 20 јуни, минатата година. Градежната инспекција го затвори градилиштето, бидејќи објектот, кој е деловен простор, беше без одобрение за градба. https://www.vecer.press/фотовест-силниот-ветер-го-отвори-град/ |
Posted By: stef4o
Date Posted: 09-May-2020 at 10:51
ОПШТИНА ЦЕНТАР ПО ВТОР ПАТ ГО ЗАТВОРИ ГРАДИЛИШТЕТО НА „БЕКО“, ИНВЕСТИТОРОТ ПАК ПОЧНА ДА ГРАДИ БЕЗ ГРАДЕЖНА ДОЗВОЛА
Општина Центар по втор пат донесе решение за затворање на градилиштето на зградата на поранешно „Беко“. Исто решение за престанок со градба и враќање во првобитна состојба беше издадено од Општината и лани во јуни бидејќи инвеститорот без градежна дозвола градеше и на објектот беше поставена плоча. Цела недела на градилиштето се носеа градежни материјали за продолжување на градбата. Работниците ни рекоа дека продолжуваат да градат и до крајот на годинава објектот ќе биде готов. Од Општина Центар велат дека инвеститорот не смее да гради бидејќи на сила е мораториумот односно додека не се донесе новиот план за овој дел, не може да му се издаде градежна дозвола. „Колкава висина ќе добие инвеститорот на објектот ќе се знае откако ќе биде изработен новиот Детален урбанистички план за овој дел. Не смеат да градат бидејќи од минатото раководство добиле дозвола само за надградба. Но, тие го урнале цел објект и сега градат од почеток. За тоа е потребно да се даде нова градежна дозвола врз основа на приложениот проект за градба“, велат од Општина Центар. Стоковната куќа „Беко“ е изградена 1972 година. Во 1998 ја преземаа Тајванците, а потоа беше продадена на локален бизнисмен. Авторката на проектот на старата стоковна куќа „Беко“ 90-годишната архитектка Мимоза Несторова-Томиќ, една од најреномираните автори и урбанисти во Македонија, лани во април за САКАМДАКАЖАМ.МК рече дека воопшто не се издржани објаснувањата на инвеститорот дека имале проблеми со статиката, па затоа морале да го урнат објектот. „Ја урнаа со изговор дека имало проблем со конструкција, тотално не се во право, оти 4 месеци не можеа да ја срушат. Можеше само пренамена да се направи.“, рече Несторова-Томиќ. %20 - https://sdk.mk/index.php/dopisna-mrezha/opshtina-tsentar-po-vtor-pat-go-zatvori-gradilishteto-na-beko-investitorot-pak-pochna-da-gradat-bez-gradezhna-dozvola/ |
Posted By: ironm
Date Posted: 09-May-2020 at 18:28
|
Страшно е ова непочитување на институции, решенија, закони и немање страв од никого што се случува во нашава држава. Истите проблеми со дивоградби во Скопје, во Охрид, во Струга, ете на друга тема читаме во Тетово. Горе-долу сите градови го имаат истиот проблем само за некои читаме повеќе, за некои помалку. Ред се чини никогаш нема да успееме да постигнеме, но како би го пронашле балансот помеѓу ред и хаос за 15 години отсега? Понекогаш мислам дека е среќна околност тоа што некако успеваме да опстанеме како држава. |
Posted By: Staro Skopje
Date Posted: 09-May-2020 at 22:21
|
За жал со државава управуваат ќецароши (во материјална смисла) и бандити, од најгорен до најдолен ешалон. Истите произлегуваат од народот, а се поткрепени од администрацијата кои се исти како нив. Заедно со новопечените богаташи, како социјална категорија која не е дефинирана само по парите во апсолутна смисла, и криминалците се како масивно сидро врзано за Македонија. Кога и да се појави добар проект или политичар или се направи нешто добро во државава, тие настапуваат на сцена намалувајќи ги бенефитите - добар и актуелен пример се трудот на здравствените работници и добрите антипандемиски мерки наспроти нивното спроведување, почнувајќи од поп Оџаливер, па сѐ до граѓаните (за кои, сепак мора да се каже, воглавно се одговорни).
Најдобар политичар во државава ќе биде оној кој темелно ќе ја реформира јавната администрација; со силен, чесен и професионален јавен сектор, ослободен од партиски книшки, и да се појави некој ужасен политичар или инвеститор државата нема да пати. Втор најдобар политичар во државава ќе биде оној кој ќе го прераспредели богатството и ќе се справи со криминалната транзиција, а тоа ќе биде кога ќе тргне супер-брзиот воз по пругата кон Бугарија. И покрај капитализмот и нееднаквоста, не е исто ако 80% од богатството е кај 10% од луѓето, кои се збогатиле со инвентивност, развој и добро испланирани бизниси и потоа парите ги вложуваат во уште поголем напредок, личнен и општествен, и ако тие 10% се криминалци, олигарси и транзициски профитери кои ги бива само за мучки и крадење. Очигледни се ефектите и врз урбанизмот и архитектурата. ------------- Градот убав никна, но го откорнаа |
Posted By: stef4o
Date Posted: 10-May-2020 at 09:09
| Тука сметам дека мораториумот кој веќе долго време владее над делови од општината го навлече бесот на инвеститорите не само за овој објект туку општо за голем број други локации. Многу од проектите веќе 2-3 години чекаат за реализација.Според мене мораториумот не даде некој голем ефект само направи една шминка на маркиците и дел ги скрати за по 1 кат некои дури и ги зголеми во висина. Инаку секако дека не треба и не смее да се гради без дозвола ама не би било лошо тоа да важи за цела држава а не само среде центар на град. |
Posted By: Staro Skopje
Date Posted: 10-May-2020 at 18:11
Од колумната https://teodosievskiumetnost.wordpress.com/2020/05/09/%d0%b7%d0%b0%d1%81%d1%82%d1%80%d0%b0%d1%88%d1%83%d0%b2%d0%b0%d1%87%d0%ba%d0%b0-%d0%bd%d0%b5%d0%be%d0%b4%d0%b3%d0%be%d0%b2%d0%be%d1%80%d0%bd%d0%be%d1%81%d1%82/?fbclid=IwAR0qeraHCi1pfmCBBTCJ4aHyfilaoL3Ey715B6J6JRqMhdOVCDPnGC0AJBw - „Застрашувачка неодговорност“ на Теодосиевски. Конкретно се осврнува на ковидиотската будалаштина во Струхан, но важи и за сите сегменти на ффиромското општество, а може да се повзе и со веста погоре:
------------- Градот убав никна, но го откорнаа |
Posted By: stef4o
Date Posted: 21-Jul-2020 at 20:52
| Ако не грешам и хотелов спаѓа под Мал Ринг,неможам да видам колкава катност му дозволија,ќе има ли потреба од менување на проектот или ќе се продолжи по старо.? |
Posted By: Staro Skopje
Date Posted: 21-Jul-2020 at 23:24
П+7 H=28
 ------------- Градот убав никна, но го откорнаа |
Posted By: stef4o
Date Posted: 22-Jul-2020 at 08:58
| Значи секаде каде заврши мораториумот наместо кратење се добива плус катност и маркици типичен пример е Ново Маало а еве и тука хотелов требаше да биде прво П+6 сега е П+7 а збореа дека немало да дозволат многу да се оди во висина. Така да џабе е целиот процес кога нема некое подобрување во поглед на планирање на просторот. |
Posted By: stef4o
Date Posted: 25-Jul-2020 at 14:07
|
Полиција во центарот на Скопје ги избрка градежните работници, екс министер за финансии се скара со полицајците, тврди дека има документи и дека му бараат мито од 1 милион евра
[tube]z_DlyR7VCNs&feature[/tube] https://tv21.tv/mk/izbrkani-gradezhni-rabotnitsi-od-tsentar-sopstvenikot-tvrdi-deka-hotelot-ne-e-divogradba-i-obvini-za-barane-mito-od-1-milion-evra/ |
Posted By: stef4o
Date Posted: 25-Jul-2020 at 14:11
|
Денеска овластен градежен инспектор на Општина Центар, заедно со раководителот на Сектор за инспекциски работи во присуство на овластени лица од ПС Центар, согласно член 136 од Законот за градење, излегоа на терен и констатираа дека инвеститорот ДРУШТВО ЗА ЕКОНОМСКИ КОНСАЛТИНГ – ЕКОНОМСКО БИРО ДОО Скопје не го почитува Решението од 26.02.2020 година за отстранување на градбата – Деловен простор – објект од втора категорија со димензии 61,00 м x 34,50 м, кој се гради од армиранобетонска конструкција на улица Даме Груев бр.35А и службениот знак за затворање на градилиштето.
Инвеститорот не поседува одобрение за градење на градбата. Во определените три дена инвеститорот не ја остранил градбата и затоа, на 28.04.2020 година овластениот градежен инспектор носи заклучок со кое решението е извршно. Инвеститорот со заклучокот требал сам да ја отстрани градбата во спротивно, тоа ќе се стори по административен пат на сметка на инвеститорот. На 08.05.2020 година со записник од извршен инспекциски надзор, градежна инспекција на Општина Центар го затвора градилиштето кое е оградено, поставена е лента за спречување на натамошна изградба и на јавно место е истакнато дека е затворено од градежна инспекција, а инвеститорот има рок од 30 дена да ја усогласи натамошната изградба или да ја отстрани градбата. Овој заклучок е поради фактот дека инвеститорот и покрај претходно донесените заклучок и решенија продолжил со градба на објектот. И покрај се инвеститорот, самоволно, ја отстранил лентата за заградување на објектот и служебниот знак со кој е затворено градилиштето и продолжил со градба. Инвеститорот и покрај тоа што е донесено решение и заклучок за уривање, и затворање на градилиштето по член 136 од Законот за градење, на насилен начин го отстранил знакот за затворање на градилиштето. Поради тоа во присуство на полиција денеска од градилиштето се отстранети затекнатите работници и согласно Закон, против инвеститорот ќе се поведе постапка пред надлежните органи. 
https://www.facebook.com/sasha.bogdanovikj/ |
Posted By: stef4o
Date Posted: 25-Jul-2020 at 14:17
ИНЦИДЕНТ НА ГРАДИЛИШТЕТО НА „БЕКО“, ИНВЕСТИТОРОТ СТОЈМЕНОВ СЕ КАРАШЕ СО ИНСПЕКТОРИТЕ ОТИ ГРАДИ БЕЗ ДОЗВОЛА
Инспектори заедно со полиција утрово интервенираа на градилиштето на ТЦЦ „Плаза“ поранешно „Беко“ во центарот на Скопје, за да ја стопираат градбата на објектот. Веќе неколку недели, работници за време на викендите изведуваат градежни работи за хотелот иако инвеститорот Борис Стојменов нема дозвола за градба од Општина Центар, бидејќи на сила е мораториумот. Откако полицијата ги запре градежните работи, на градилиштето дојде Стојменов кој се караше со инспекторите, велејќи им дека немаат право да ги стопираат работите и обвинувајќи дека Општината му барала мито од еден милион евра и затоа не му се дава да гради. Градоначалникот на Општина Центар Саша Богдановиќ за САКАМДАКАЖАМ.МК вели дека ваквите обвинувања на Стојменов се целосно навистинити. „Веќе неколку пати му е издадено решение за стопирање на градежните работи, но и покрај тоа се гради. Повикувам Обвинителството да излезе на терен и да поведе постапка. Додека не се донесе новиот план Мал ринг не смее да се гради”, вели Богдановиќ. Граѓани кои пријавуваат во медиумите и во инспекцијата, како и околните жители, велат дека инвеститорот не ја почитува забраната за градба и во градилиштето се изведуваат градежни работи за викенд кога нема инспекција. Објектот на ТЦЦ „Плаза“ сопственикот го урна пред две години, бидејќи од претходното раководство на Општина Центар на чело со градоначалникот Андреј Жерновски добил дозвола за доградба и надградба на објектот. Но при почетокот на градежните работи му било кажало дека темелите на објектот нема да ја издржат надградбата, па затоа го урна објектот, со намера да го гради одново. За да гради нов објект од темел, треба да добие нова дозвола за градба. Но, бидејќи Општина Центар го воведе мораториумот за градба инвеститорот не смееше да гради и немаше добиено градежна дозвола. И покрај тоа, во мај лани почна со градежни работи, беше поставена дури и втора плоча, а беа поставени и арматури за носечките столбови. По пишувањата на САКАМДАКАЖАМ.МК, Општина Центар во јуни 2019 му достави решение за стопирање на градбата. Градоначалникот Богдановиќ вели дека градежна дозвола ќе добие откако ќе се донесе новиот план за Мал ринг, но инвеститорот не попушта и си гради велејќи дека има дозвола од Жерновски дадена пред мораториумот. За планот Мал ринг во тек е јавната анкета, а во средата имаше јавна презентација. Колкава ќе биде висината на објектот од Општината велат дека ќе се знае кога ќе се заврши изработката на новиот детален урбанистички план, но постојано уверуваат дека нема да добие поголема висина од претходната. %20 - https://sdk.mk/index.php/dopisna-mrezha/intsident-na-gradilishteto-na-beko-investitorot-stojmenov-se-karashe-so-inspektorite-oti-gradi-bez-dozvola/ |
Posted By: user8642
Date Posted: 25-Jul-2020 at 16:10
| Лажна загриженост кобајаги за дивоградбите. Заради немоќта институциите да се справат во дивоградбата во Маквровка сега ќе се обидат да си исперат рацете преку овој објект. Губите гласови, џабе ви е обидов, дури е контрапродуктивен! |
Posted By: ehrlich
Date Posted: 25-Jul-2020 at 16:40
|
оДстрани бе
Остана ли некој писмен во државава |
Posted By: stef4o
Date Posted: 26-Jul-2020 at 11:23
|
Борис Стојменов ја обвини Општина Центар дека му бара мито за ТЗЗ „Плаза“, Богдановиќ бара извинување
Инцидент во строгиот центар на Скопје се случи денес откако на градилиштето кај ТЗЗ „Плаза“ (поранешно „Беко“), интервенираа полиција и градежен инспектор на Општина Центар кои спречија градежни работници да продолжат со градба на објектот за кој општината тврди дека нема соодветна документација. На градилиштето беше присутен и сопственикот на локацијата екс министерот за финансии Борис Стојменов, кој ја обвини Општина Центар дека му барала мито од еден милион евра за да продолжи со работа на локацијата на која е предвидено да се гради деловен објект. „Четири години со платени комуналии, платено сѐ, не може да градиме затоа што бараат милион евра мито. Не им давам мито“, изјави тој за ТВ21. „Ние имаме одобрение од 2016 година, ни правеа проблеми имаме судска пресуда каде е докажано дека е во ред да се гради од Управен суд. И сега тука упаѓаат надвор од закон надвор од сѐ. Ова само го има во Македонија. Полиција да се меша во градење, тоа е нонсенс“, додаде Стојменов. Градоначалникот на Општина Центар, Саша Богдановиќ, во реакцијата вели дека доколку некој му побарал мито на Стојменов и има докази за тоа, случајот треба да го пријави во јавното обвинителство. Истовремено, како што додава, бара од Стојменов јавно извинување за изнесените тенденциозни тврдења, а во спротивно ќе поднесе соодветни пријави. Богдановиќ преку Фејсбук истакна дека денешната акција на надлежните институции била поради тоа што инвеститорот не го почитувал решението за отстранување на градба кое било донесено уште на 26 февруари годинава. „Инвеститорот не поседува одобрение за градење на градбата. Во определените три дена инвеститорот не ја остранил градбата и затоа, на 28.04.2020 година овластениот градежен инспектор носи заклучок со кое решението е извршно. Инвеститорот со заклучокот требал сам да ја отстрани градбата во спротивно, тоа ќе се стори по административен пат на сметка на инвеститорот“, вели Богдановиќ. Тој додава дека на 08.05.2020 година со записник од извршен инспекциски надзор, градежна инспекција на Општина Центар го затвора градилиштето кое е оградено, поставена е лента за спречување на натамошна изградба и на јавно место е истакнато дека е затворено од градежна инспекција, а инвеститорот има рок од 30 дена да ја усогласи натамошната изградба или да ја отстрани градбата. Овој заклучок е поради фактот дека инвеститорот и покрај претходно донесените заклучок и решенија продолжил со градба на објектот. И покрај сѐ, инвеститорот самоволно ја отстранил лентата за заградување на објектот и служебниот знак со кој е затворено градилиштето и продолжил со градба, наведува Богдановиќ. Инвеститорот и покрај тоа што е донесено решение и заклучок за уривање, и затворање на градилиштето по член 136 од Законот за градење, на насилен начин го отстранил знакот за затворање на градилиштето. Поради тоа во присуство на полиција денеска од градилиштето се отстранети затекнатите работници и согласно закон, против инвеститорот ќе се поведе постапка пред надлежните органи, вели Богдановиќ на Фејсбук. Инвеститор е Друштво за економски консалтинг – „Економско биро“ ДОО Скопје, кој на местото на некогашнагта стоковна куќа „Беко“ гради деловен простор – објект од втора категорија со димензии 61 на 34,5 метри. (Н.В.) https://nezavisen.mk/boris-stojmenov-ja-obvini-opshtina-centar-deka-mu-bara-mito-za-tzz-plaza-bogdanovikj-bara-izvinuvanje/ |
Posted By: stef4o
Date Posted: 26-Aug-2020 at 15:52
Општина Центар допрва ќе бара фирма за уривање дивоградба што требаше да се урне во февруари
Се сеќавате на одговорот на Општина Чаир за дивоградбата кај ТЦ Мавровка? И таму се распишува тендер за фирма за уривање не само на оваа дивоградба, туку и за други дивоградби на територијата на општината. Ова изгледа им е некаков модел во одговорите на општините за наводното уривање на дивоградбите. Општина Центар на 26 февруари издаде решение за уривање на дивоградбата со габарит 61х34,5 метри. Рокот за уривање беше три дена. Цели 6 месеци потоа, Општина Центар ни одговори дека допрва ќе бара фирма за уривање. Што се чека? Се чека предлог-планот за Мал Ринг, за да може некако оваа дивоградба да стане легална. Меѓутоа, ако сè оди според законот, во предлог-планот Мал Ринг оваа градба и не треба да постои затоа што би требало веќе да е урната. Затоа што, според решението на истиот тој оддел на урбанизам во Општина Центар, рокот за уривање во февруари бил три дена и инвеститорот морал да постапи без никакви одлагања. Инвеститор на градбата на улицата Даме Груев 35а, поранешно БЕКО, или локацијата каде што беше хотелот ТЦЦ Плаза, е Борис Стојменов, поранешен министер за финансии и сопственик на „Економско биро“. Тој за време на последната интервенција на инспекторите во придружба на полицијата на 25 јули годинава изјави дека општинарите му барале мито од 1 милион евра. Тој ден овластен градежен инспектор на Општина Центар констатирал дека инвеститорот не го почитува решението за уривање. На 28 април овластениот градежен инспектор носи заклучок со кое решението е извршно. На 8 мај со записник од извршен инспекциски надзор, градежна инспекција на Центар го затвора градилиштето, кое е оградено, поставена е лента за спречување на натамошна изградба и на јавно место е истакнато дека е затворено од градежна инспекција, а инвеститорот има рок од 30 дена да ја усогласи натамошната изградба или да ја отстрани градбата. „Да ја усогласи натамошната изградба“? Значи веќе нема рок за уривање, туку се остава простор за некакво усогласување. И сега почнува лавиринтот на уште едно озаконување дивоградба. Уривањето на стариот објект БЕКО беше образложено со проблеми во статиката на објектот. Откако се реши статиката, се урна стариот објект, се доби на габаритот на новиот објект, многу поголем од веќе урнатиот објект. И во висина - приземје плус 7 ката. Во планот за Мал Ринг, кој допрва треба да се усвојува, пишува дека „во границите на планскиот опфат за кој се работи предметнава планска документација има изведено бесправна градба, односно градби без соодветна техничка документација. Согласно член 14 од Законот за просторно и урбанистичко планирање (Сл. Весник на РМ бр. 51/05, 137/07, 24/08, 91/09, 124/10, 18/11, 53/11) во тие површини не се утврдуваат услови за идна градба. Површината каде има изведено бесправна градба изнесува 381м2“. Скопската општина Центар уште во февруари годинава на инвеститорот на објектот кај БEKO му издаде решение за отстранување на дивоградбата, со рок од три дена сам да ја отстрани. Тоа, се разбира, не е сторено, а денеска Општината на прашање на МКД.мк одговори дека „во наредниот период ќе распише јавна набавка за избор на соодветна фирма за уривање, која ќе постапува не само во однос на таа дивоградба, туку и по други решенија за отстранување на други дивоградби“. Што се чекаше цели 6 месеци, за време на кои инвеститорот, со прекини, си продолжи со градењето? https://www.mkd.mk/makedonija/skopje/opshtina-centar-doprva-kje-bara-firma-za-urivanje-divogradba-shto-trebashe-da-se#1 |
Posted By: stef4o
Date Posted: 12-Nov-2020 at 12:47
Тука пак почнале...се надевам ќе се сетат да истакнат табла и да не прекинуваат веќе
|
Posted By: Théoden
Date Posted: 22-Nov-2020 at 15:33
|
Од Твитер:    Од рушењето на ТЦЦ Плаза:    |
Posted By: stef4o
Date Posted: 22-Nov-2020 at 22:11
|
Пак излегоа со реакција од Општина Центар и пак ќе го стопираат градењето.Незнам што е поентата објектот од месец на месец си добива по една плоча а во меѓувреме е стопиран.
Да не беше денешното бетонирање на плоча можеби немаше ни да реагираат,а изминативе две недели интензивно се армираше. Срамота среде град неможат да се справат со едно градилиште... |
Posted By: Џоле
Date Posted: 22-Nov-2020 at 22:13
|
А што е проблемот тука, имаат дозвола за градба или немаат? ------------- За сè има вторпат |
Posted By: stef4o
Date Posted: 22-Nov-2020 at 22:19
Додека рушеше го фати мораториумот за Мал Ринг што сеуште не е усвоен и имаше дозвола само да го сруши Беко и да направи ископ,дозвола за градба нема и затоа неможе да истакне рендери ниту било какво инфо. На 3-4 пати пробува да почне па го прекинуваат ама скоро до приземје ќе стигне. Незнам што се случува со ревидираниот план и колкава катност му дозволуваат. |
Posted By: Џоле
Date Posted: 22-Nov-2020 at 22:24
|
Па, сигурно колку што беше и БЕКО (за висина зборам), само не знам што го дрват, тука треба хотел да никне, има наназад во темава рендери, модерна зграда ќе биде, инвеститорот е во трошоци, секој ден застој е негова загуба, не знам зошто се заебаваат вака, да ми простите. ------------- За сè има вторпат |
Posted By: stef4o
Date Posted: 23-Nov-2020 at 14:33
|
Почитувани,
Би сакале да ги известиме граѓаните дека по пријава на граѓани, Секторот за инспекциски надзор на Општина Центар, веднаш испрати овластен градежен инспектор на терен, каде е констатирано дека се прекршени законските одредби согласно Законот. Општина Центар, денешното незаконско делување од страна на сторителите, ќе го надополни во претходната кривична пријава и ќе ги преземе сите мерки до надлежните институции, поради недозволени градежни активности кои се одвиваат на територијата на Центар, на поранешниот објект на Хотел Плаза. 
https://www.instagram.com/opstinacentar/ |
Posted By: stef4o
Date Posted: 23-Nov-2020 at 15:07
|
ПО КОЈ ЗНАЕ КОЈ ПАТ ПРЕКИНАТО ДИВОТО ГРАДЕЊЕ НА ХОТЕЛОТ КАЈ ПОРАНЕШНО „БЕКО“, ОПШТИНА ЦЕНТАР ПОДНЕСЕ КРИВИЧНА ПРИЈАВА
Хотелот ТЦЦ „Плаза“ на местото на поранешно „Беко“ не престанува да се гради. Градежна механизација и работници и викендов го градеа хотелот иако немаат градежна дозвола за градба од Општина Центар бидејќи на сила е мораториумот. „Запознаени сме дека инвеститорот пак гради. Досега десетина пати ја прекинуваме градбата, ама џабе нема разбирачка. Овластен градежен инспектор кој беше на терен констатира дека се прекршени законските одредби согласно Законот за градба. Незаконско делување од страна на сторителите, ќе го надополни во претходната кривична пријава и ќе ги преземе сите мерки до надлежните институции, поради недозволени градежни активности кои се одвиваат на територијата на Центар“, вели градоначалникот на Општина Центар Саша Богдановиќ. На градилиштето, во јули годинава дојде до инцидент меѓу сопственикот Борис Стојменов и инспекторите од Општина Центар. Откако испекторите изрекоа една од многуте забрани за градбa, Стојменов се караше, велејќи им дека немаат право да ги стопираат работите и обвинувајќи дека Општината му барала мито од еден милион евра и затоа не му се дава да гради. Објектот на ТЦЦ „Плаза“ сопственикот го урна во март 2018, бидејќи од претходното раководство на Општина Центар на чело со градоначалникот Андреј Жерновски добил дозвола за доградба и надградба. Но при почетокот на градежните работи му било кажало дека темелите на објектот нема да ја издржат надградбата, па затоа го урна објектот, со намера да го гради одново. За да гради нов објект од темел, треба да добие нова дозвола за градба. Но, бидејќи Општина Центар го воведе мораториумот за градба инвеститорот не смееше да гради и немаше добиено градежна дозвола. И покрај тоа, во мај лани почна со градежни работи и оттогаш не престанува да гради. %20 - https://sdk.mk/index.php/dopisna-mrezha/po-koj-znae-koj-pat-prekinato-divoto-gradene-na-hotelot-kaj-poraneshno-beko-opshtina-tsentar-podnese-krivichna-prijava/ |
Posted By: Џоле
Date Posted: 23-Nov-2020 at 16:17
|
Е, супер, сега ми е појасно зошто не смее да гради, последниот пасус убаво си објаснува. ------------- За сè има вторпат |
Posted By: ehrlich
Date Posted: 23-Nov-2020 at 16:54
|
Ауууу, каков заеб
|
Posted By: <Fresno>
Date Posted: 23-Nov-2020 at 20:50
| Во време на „режимот“ само со еден се договараа работите, сега малку покомплицирано е. Многу рачиња има. |
Posted By: stef4o
Date Posted: 12-Jan-2021 at 12:45
|
Ова изгледа и понатаму се гради без дозвола,веќе можеби се и над тарабите
Еве неколку извадоци од твитер видео од 17.12.2020 
|
Posted By: MKDSTRUGA
Date Posted: 12-Jan-2021 at 13:54
| Mislam deka ima politichki dogovor da se odblokiraat gradbite niz centarot vo gradot. Vladata bara spas od uzasniot pad na BDP vo gradeznistvoto. Ocekuvam mnogu novi markici za kutii niz skopje a nisto cudno i nekoe novo zdanie od tipot na visoko katnici sproti holiday inn ili nesto slicno... Sea go delat ili grabaat kolachot... |
Posted By: stef4o
Date Posted: 12-Jan-2021 at 22:16
| Ми дојде чудно бидејќи на крајот од ноември бетонираа приземна плоча па беа казнети и затворени,можеби продолжувањето со градба е поврзано со укинувањето на мораториумот ако искористиле прилика по стариот план да извадат дозвола. |
Posted By: stef4o
Date Posted: 16-Feb-2021 at 10:52
|
Posted By: stef4o
Date Posted: 17-Sep-2021 at 07:04
Повторно почнале со градба(од твитер)
|
Posted By: stef4o
Date Posted: 26-Sep-2021 at 09:08
|
Среде ноќ интензивно се бетонираат столбови на градилиштето кај „Беко“
Среде ноќ и во викенд интензивно се работи на градилиштето кај поранешниот ТЦ „Беко“, за министерството за правда. Моментално у Центар Стојменови Канал 5 си бетонираат стубови во 21.30 ноќе во очи на Локални избори 2021 – реагираат корисници на социјалните мрежи. 
https://republika.mk/vesti/skopje/srede-nokj-intenzivno-se-betoniraat-stolbovi-na-gradilishteto-kaj-beko/ - https://republika.mk/vesti/skopje/srede-nokj-intenzivno-se-betoniraat-stolbovi-na-gradilishteto-kaj-beko/ |
Posted By: stef4o
Date Posted: 02-Oct-2021 at 10:46
Тука пак се работи турбо до доцна навечер се полнат столбови
а деновиве се урива и еден бетонски постамент на самиот влез на градилиштето од лева страна 
повеќе на видеото од твитер https://twitter.com/Janakija/status/1444216338390601729 - https://twitter.com/Janakija/status/1444216338390601729 |
Posted By: stef4o
Date Posted: 02-Oct-2021 at 10:52
Уште фотки(твитер)
|
Posted By: stef4o
Date Posted: 07-Oct-2021 at 08:30
---------------------------------- „БЕКО“ ПАК СЕ ГРАДИ БЕЗ ДОЗВОЛА, ОД ЦЕНТАР ВЕЛАТ ДЕКА СЕ НЕМОЌНИ, УШТЕ ЛАНИ ПОДНЕЛЕ КРИВИЧНА ПРИЈАВА ПРОТИВ ИНВЕСТИТОРОТ СТОЈМЕНОВ, А ОБВИНИТЕЛСТВОТО ЧЕКА ВЕШТАЧЕЊЕ 
Хотелот ТЦЦ „Плаза“, кај поранешно „Беко“ во строгиот центар на Скопје, повторно се гради на диво. Без градежна дозвола, работници веќе десетина дена со механизација работат на објектот на кој веќе темелите се поставени, изведен е подрумот и ставена е плочата на приземјето, а сега, како што велат работниците на терен, ќе работат на кревање на зградата. Градоначалникот Саша Богдановиќ вели дека инвеститорот нема дозвола за градба и дека тие како Општина не можат ништо повеќе да сторат, бидејќи уште пред една година поднеле кривична пријава пријава против Борислав Стојменов и фирмата „БС Консалтинг“ во Обвинителството, од каде уште не е постапено. „Во август лани е поднесена крвична пријава за нелегална градба. Повторно е поднесена пријава и годинава во април, а јас дадов исказ во Обвинителството. Ние неколку пати издадовме решенија на инвеститорот да се престане со градба и го затворивме градилиштето, но и покрај тоа се гради. Затоа го повикувам Обвинителството да постапи“, вели Богдановиќ. Од Основното јавно обвинителство велат предметот за зградата кај „Беко“ е во предистражна постапка и во моментов се чека извештајот од вештачењето. Објектот на ТЦЦ „Плаза“ сопственикот го урна пред три години, бидејќи од претходното раководство на Општина Центар на чело со градоначалникот Андреј Жерновски добил дозвола за доградба и надградба. Но, при почетокот на градежните работи му било кажало дека темелите на објектот нема да ја издржат надградбата, па затоа го урна, со намера да го гради одново од темели. За да гради нов објект од темел, треба да добие нова дозвола за градба. Но, бидејќи Општина Центар го воведе мораториумот за градба, инвеститорот не смееше да гради и немаше добиено градежна дозвола. И покрај тоа, во мај 2019 почнаа градежни работи, кои иако неколку пати беа прекинува од Општина Центар повторно продолжуваа, па сега објектот е стасан до приземје и се поставуваат арматурите за кревање на катовите. Инвеститорот Стојменов во меѓувреме поднел до Општината идејно решение за да добие дозвола за градба, но како што велат од Општината, тоа е одбиено бидејќи според законот не може да се даде дозвола за објект што веќе во дел е изграден. Тоа значи дека инвеститорот може да добие градежна дозвола само ако го урне досега изграденото и потоа поднесе ново барање. https://sdk.mk/index.php/dopisna-mrezha/poraneshno-beko-pak-se-gradi-bez-dozvola-od-opshtina-tsentar-velat-ushte-lani-podnele-krivichna-prijava-i-chekaat-obvinitelstvoto-da-postapi/ - https://sdk.mk/index.php/dopisna-mrezha/poraneshno-beko-pak-se-gradi-bez-dozvola-od-opshtina-tsentar-velat-ushte-lani-podnele-krivichna-prijava-i-chekaat-obvinitelstvoto-da-postapi/ |
Posted By: stef4o
Date Posted: 07-Oct-2021 at 17:14
Среде локални избори без дозвола пак почнува да се гради кај ТЦЦ Плаза во центарот на Скопје
Пред неколку дена градежната машинерија пак влезе во оградената парцела во центарот на Скопје, поранешниот објект ТЦЦ Плаза, каде не се гради повеќе од една година, и градежните активности продолжија – без дозвола за градба. Инвеститорот на овој објект, бизнисменот Борис Стојменов продолжува да гради, против него Општина Центар има поднесено и кривична пријава, обвинителството чека вештачење, но булдожерите и работниците се веќе на терен. Градењето на овој објект во центарот на Скопје беше прекинато уште лани во јули. Она што е изградено како основа требаше да се урне уште лани во февруари, а во агвуст 2020 година Општина Центар почна да бара фирма тоа да го направи. Инвеститорот „БС Консалтинг“ има решение за отстранување на дивоградбата. Во август лани Општина Центар на прашање на МКД.мк одговори дека „во наредниот период ќе распише јавна набавка за избор на соодветна фирма за уривање, која ќе постапува не само во однос на таа дивоградба, туку и по други решенија за отстранување на други дивоградби https://www.mkd.mk/makedonija/skopje/srede-lokalni-izbori-bez-dovola-pak-pochnuva-da-se-gradi-kaj-tcc-plaza-vo-centarot - https://www.mkd.mk/makedonija/skopje/srede-lokalni-izbori-bez-dovola-pak-pochnuva-da-se-gradi-kaj-tcc-plaza-vo-centarot |
Posted By: stef4o
Date Posted: 22-Oct-2021 at 17:20
https://www.facebook.com/ShansaZaCentar/ |
Posted By: stef4o
Date Posted: 23-Oct-2021 at 14:02
Без дозвола и денес се гради кај ТЦЦ Плаза во центарот на Скопје (ФОТО
Без дозвола и денес се гради кај ТЦЦ Плаза во центарот на Скопје (ФОТО) И денес за време на викенд и со забрана за градење, се работи и се гради на поранешниот објект кај ТЦЦ Плаза. Редакцијата на МКД.мк на почетокот на октомври објави дека градежната машинерија пак влезе во оградената парцела во центарот на Скопје, каде не се гради повеќе од една година, и градежните активности продолжија, без дозвола за градба Инвеститорот на овој објект, бизнисменот Борис Стојменов продолжува да гради, против него Општина Центар има поднесено и кривична пријава, обвинителството чека вештачење, но булдожерите и работниците веќе неколку пати се на терен. Градењето на овој објект во центарот на Скопје беше прекинато уште лани во јули. Она што е изградено како основа требаше да се урне уште лани во февруари, а во агвуст 2020 година Општина Центар почна да бара фирма тоа да го направи. Инвеститорот „БС Консалтинг" има решение за отстранување на дивоградбата. Во август лани Општина Центар на прашање на МКД.мк одговори дека „во наредниот период ќе распише јавна набавка за избор на соодветна фирма за уривање, која ќе постапува не само во однос на таа дивоградба, туку и по други решенија за отстранување на други дивоградби". Пред неколку дена изградбата непречено продолжи. И повторно на диво, без дозвола. По поднесената кривична пријава од Општина Центар против Борис Стојменов, од Основното јавно обвинителство велат овој предмет е во предистражна постапка и се чека извештајот од вештачењето. https://www.mkd.mk/makedonija/skopje/bez-dozvola-i-denes-se-gradi-kaj-tcc-plaza-vo-centarot-na-skopje - https://www.mkd.mk/makedonija/skopje/bez-dozvola-i-denes-se-gradi-kaj-tcc-plaza-vo-centarot-na-skopje |
Posted By: stef4o
Date Posted: 23-Oct-2021 at 15:18
|
Само со одобрение за рушење на БЕКО стигнаа до приземје без дозвола за градба.Многупати пробаа па запираа но очигледно сега користат период околу избориве за да продолжат со кревање на карабината.Да имаа дозовола и правосилно решение требаше да постават табла на градилиште.
од твитер 
|
Posted By: stef4o
Date Posted: 26-Oct-2021 at 08:50
https://twitter.com/ShansaZaCentar/status/1452891760921829377 - https://twitter.com/ShansaZaCentar/status/1452891760921829377 |
Posted By: stef4o
Date Posted: 01-Nov-2021 at 17:53
Припрема на плоча на приземје(твитер)
|
Posted By: stef4o
Date Posted: 26-Nov-2021 at 14:58
Армирана приземна плоча(од твитер)
|
Posted By: stef4o
Date Posted: 27-Nov-2021 at 18:12
Денес веќе бетонирале(твитер) 
|
Posted By: stef4o
Date Posted: 08-Dec-2021 at 14:37
|
Забрана за градење кај „Беко“ има, ама нема волја да се спроведе
Според „Шанса за Центар“, останува нејасно зошто се дозволува продолжувањето на градењето и зошто обвинителството не носи мерка за запирање на работите, ниту дали Општината или која било друга институција можат да запрат недозволено градење кога инвеститорите тоа го прават на своја рака. Тие сметаат дека ова е уште еден пример дека граѓаните се оставени на милост и немилост на моќниците и на немоќта или намерното непостапување на институциите Дали има забрана за градење на парцелата на ТЦЦ „Плаза“ (старо „Беко“), откако таму со денови непречено се одвиваа градежни активности, јавно прашаа од „Шанса за Центар“. Оттаму велат дека до советниците во Советот на Општина Центар на последната седница имало информација дека на посочената локација сè уште има забрана за градење и покрај тврдењата на инвеститорот Друштво за економски консалтинг, услуги и трговија „Економско биро“ ДОО Скопје, дека таквите решенија на инспекцијата се поништени од второстепената комисија. – Секторот за инспекциски надзор на општината одговoри дека последната жалба која ја поднел инвеститорот Економско биро ДОО Скопје до второстепената комисија е одбиена како неоснована – нагласуваат од „Шанса за Центар“. Притоа додаваат дека последен пат градежен инспектор донел Решение за отстранување на 30 декември 2020 година кога при увид констатирал дека таму наместо дозволеното едно, инвеститорот си пробил две нивоа под земја. Во информацијата се вели дека и покрај затворањето на градилиштето, решението за отстранување и Заклучок за дозвола за извршување, инвеститорот си продолжил со градба. Според „Шанса за Центар“, останува нејасно зошто се дозволува да продолжи градењето и зошто обвинителството не носи мерка за запирање на работите, ниту дали Општината или која било друга институција можат да запрат недозволено градење кога инвеститорите тоа го прават на своја рака. Тие сметаат дека ова е уште еден пример дека граѓаните се оставени на милост и немилост на моќниците и на немоќта или на намерното непостапување на институциите. Инспекторите на Општина Центар повеќе пати интервенираа за да ја сопрат незаконската градба на објектот кај поранешно „Беко“ и повеќе пати на инвеститорот му беше издавано решение за стопирање на градежните работи. Објектот на ТЦЦ „Плаза“ сопственикот го урна пред три години, бидејќи од раководството на Општина Центар, кога на чело беше градоначалникот Андреј Жерновски добил дозвола за доградба и надградба на објектот. Но, при почетокот на градежните работи му било кажало дека темелите на објектот нема да ја издржат надградбата, па затоа го урна објектот, со намера да го гради одново. За да гради нов објект од темел, треба да добие нова дозвола за градба, но затоа што Општина Центар го воведе мораториумот за градење на нејзина територија инвеститорот не смееше да гради и немаше добиено градежна дозвола. И покрај тоа, во мај 2019 година почна со градежни работи, беше поставена дури и втора плоча, како и арматури за носечките столбови. https://www.vecer.press/забрана-за-градење-кај-беко-има-ама/ - https://www.vecer.press/забрана-за-градење-кај-беко-има-ама/ |
Posted By: stef4o
Date Posted: 29-Dec-2021 at 17:39
Дивоградбата кај „Беко“ им се насмеа на институциите во Македонија
Македонија веројатно е единствена земја во светот кадешто државните институциите толерират изградба на хотел и покрај изречени забрани за градба и судски пресуди со коишто се потврдува градењето на диво. Таков е примерот со изградбата на хотелот „ТЦЦ Плаза“ во центарот на Скопје во близина на полициската станица „Беко“. И покрај тоа што овластен инспектор при општина Центар и Државната комисија за одлучување во втор степен констатирале дека фактичката состојба на терен отстапува од дозволата, односно дека наместо доградба и надградба се гради целосно нов објект, нешто кое потоа го потврдува и Управниот суд со првостепена пресуда, градежните работи на хотелот „ТЦЦ Плаза“ не запираат. Институциите се немоќни да го спроведат она што самите го донеле како одлука – инвеститорот во рок од три дена да ја отстрани градбата (Решение на инспекторот од Центар од 30.11.2020 година), а доколку тоа не го направи, да се пристапи кон присилно административно извршување. Уште еден парадокс е тоа што во самото Решение на градежниот инспектор од Центар е наведено дека жалбата против истото не го одлага извршувањето. Управен суд – објектот бил отстранет и немало на што да се надградува и доградува Податоците до коишто дојде „Само прашај“ со помош на Законот за слободен пристап до информации од јавен карактер покажуваат дека Управниот суд на 5 октомври пресудил против инвеститорот Борис Стојменов, односно, неговата жалба ја одбил како неоснована. Инвеститорот „Друштвото за економски консалтинг, услуги и трговија ЕКОНОМСКО БИРО ДОО – Скопје“ барал поништување на Решението на Државната комисија за одлучување во втор степен, којашто се согласила со инспекторот од Центар дека наместо доградба и надградба, во реалноста се гради нов објект и тоа со зголемен габарит. Судот констатира дека тужбата на Стојменов е неоснована, бидејќи, како што е наведено во пресудата – инвеститорот поседувал одобрение за надградба и доградба на објект кој бил отстранет и немал на што да се надградува и доградува, туку се градело целосно нов објект. Стојменов на јавната расправа во Управен, којашто се одржала на 28 септември изјавил дека кога се правела надградбата со метална конструкција се покажало дека конструкцијата нема да може да издржи и затоа морале да интервенираат, а со димензиите за градежната јама сакале да ги заштитат објектот и околината. Инвеститорот се жалел дека фактичката состојба била погрешно и нецелосно утврдена, но Управниот суд сметал дека овие наводи на Стојменов се неосновани. Во моментов е во тек жалбена постапка, откако Стојменов на 17 ноември поднел жалба против пресудата до Вишиот Управен суд. „Само прашај“ побара мислење од правници што значи ваквата пресуда на Управен. Од Здружението на млади правници појаснуваат дека со ова, Судот потврдил дека градежниот инспектор на Центар донел правилно и законито решение. Какви одлуки носеа институциите? Пред целиот случај да заврши во Управниот суд, инвеститорот ја загубил битката и во Државната комисија за одлучување во втор степен. Таа, иако еднаш предметот го вратила на повторно одлучување, сепак, втората жалба на инвеститорот против постапувањето на инспекторот од Центар ја отфрлила како неоснована. Такво решение, Комисијата донела на 25 февруари годинава. „При повторен увид на лица место и дадени упатствија од Државната комисија за одлучување во втор степен во областа на инспекцискиот надзор и прекршочната постапка, овластен градежен инспектор со записник констатира дека се гради нов објект со димензии 61м x 34,5м, но со зголемен габарит и целосно нова армирано бетонска конструкција, се гради две нивоа под ниво на терен, а согласно стариот и постоечки објект на лице место беше само едно ниво под ниво на терен и во моментот на увидот се бетонираше армирано бетонска плоча над минус второ ниво во подрум и поради тоа што на увид не се доставија правосилно одобрение за градење и ревидиран проект, договор со изведувач, надзор и останата техничка документација се донесе Решение за отстранување, како и Заклучок за дозвола за извршување“, констатираат од Секторот за инспекциски надзор во Општина Центар. Општината потврдува дека Стојменов имал одобрение издадено на 7 септември 2016 година, но за доградба и за надградба на хотелски комплекс од втора категорија. Потоа е констатирано дека на терен се гради нов објект со зголемен габарит, што е спротивно на дозволата за доградба и надградба, па градилиштето било затворено. Но, и тука не запреа градежните активности. Општината реагираше дека инвеститорот сам ги отстранил знакот и поставената лента и продолжил со градба, иако локацијата се наоѓа на само неколку метри од полициска станица, па му поднесе кривична пријава. Според последните информации од Обвинителството, предметот е сè уште во фаза на предистрага. Шанса за Центар“ и бизнисменот во клинч, Стојменов се закани со кривични пријави Целиот случај со поранешно „Беко“ деновиве донесе бура од реакции меѓу иницијативата „Шанса за Центар“, којашто има тројца советници во Советот на локалната самоуправа и бизнисменот Стојменов. За „Шанса за Центар“ е нејасно како градежните работи продолжуваат да се одвиваат. „Останува нејасно зошто се дозволува продолжувањето на градењето и зошто Обвинителството не носи мерка за запирање на работите, ниту дали Општината или која било друга институција можат да запрат недозволено градење кога инвеститорите тоа го прават на своја рака. Ова е уште еден пример дека граѓаните се оставени на милост и немилост на моќниците и на немоќта или намерното непостапување на институциите!“, велат од Шанса за Центар. Стојменов, кој неодамна за „Само прашај“ тврдеше дека ги поседува сите потребни документи, и во одговорот до „Шанса за Центар“ остана на ставот дека нема законски пречки да гради. На локацијата на поранешно „Беко“ е предвидено да никне хотелот „ТЦЦ Плаза“ на површина од 20 илјади квадрати, 7 ката плус 3 подземја. Додека надлежните институции постапат по решенијата за прекин на градбата, инвеститорот продолжува со градење и покрај тоа што се констатирани неправилности и има судска пресуда којашто ја потврдува незаконитоста. Тоа само покажува дека државните институции се немоќни или не сакаат да спречат градење на диво во строгиот центар на Скопје. https://samoprasaj.mk/naacik/2237-divogradbata-kaj-beko-im-se-nasmea-na-instituciite-vo-makedonija - https://samoprasaj.mk/naacik/2237-divogradbata-kaj-beko-im-se-nasmea-na-instituciite-vo-makedonija |
Posted By: stef4o
Date Posted: 04-May-2022 at 17:23
|
ОБВИНИТЕЛСТВОТО ПОДНЕСЕ ОБВИНЕНИЕ ЗА СТОЈМЕНОВ ОТИ СО ГОДИНИ ГО ГРАДИ НА ДИВО ПОРАНЕШНО „БЕКО“
Основното јавно обвинителство поднесе обвинение за градењето на диво на хотелот „ТЦЦ Плаза“ или поранешно „Беко“ во најстрогиот центар на Скопје. Речиси 4 години, инвеститорот без одобрение за градба од Општина Центар постави темели и го крева објектот. Општина Центар пред две години поднесе кривична пријава против Борислав Стојменов и фирмата „БС Консалтинг“ во Обвинителството, од каде конечно е поднесено обвинение. Како што стои во соопштението од Обвинителството, поднесен е Обвинителен акт против едно физичко и едно правно лице, кои се товарат дека сториле кривично дело – Бесправно градење од член 244 – а од Кривичниот законик. „Обвинетиот, како одговорно лице – управител во правното лице, почнувајќи од 2018 година, без правосилно одобрение за градење издадено од надлежен орган, во име и за сметка на правното лице како инвеститор градел деловен објект на сопствено земјиште на улицата Даме Груев, Општина Центар“, велат од Обвинителството. За предметните две катастарски парцели, обвинетиот во 2016 добил Одобрение за градење, кое се однесува на доградба и надградба на тогаш постоечкиот објект поранешна стоковна куќа „Беко“ со ширина од 28,5 метри и должина од 42,5 метри. „Со стручно мислење за неисполнување на карактеристиките за носивост на доградбата и надградбата, во 2018 година тој обезбедил Одобрение од Општина Центар за отстранување на постоечкиот деловен објект. Откако го урнал објектот, без да добие ново одобрение за градење, на лице место започнал и градел нов објект со димензии од ширина 61 метар и должина 34,5 метри. Од градбата со нови димензии, која била проектирана како деловен објект со намена Б-5 хотелски комплекси од втора категорија на градби, без соодветно одобрение биле изградени две подземни нивоа“, се вели во обвинението. Објектот на ТЦЦ „Плаза“ во времето на екградоначалникот Андреј Жерновски добил дозвола за доградба и надградба на објектот. Но, при почетокот на градежните работи му било кажало дека темелите на објектот нема да ја издржат надградбата, па затоа го урна, со намера да го гради одново од темели. За да гради нов објект од темел, треба да добие нова дозвола за градба. Но, бидејќи Општина Центар во меѓувреме го воведе мораториумот за градба, инвеститорот не смееше да гради и немаше добиено градежна дозвола. И покрај тоа, во мај 2019 почнаа градежни работи, кои иако неколку пати беа прекинувани од Општина Центар повторно продолжуваа, па сега објектот е стасан до приземје и се поставуваат арматурите за кревање на катовите. Инвеститорот Стојменов во меѓувреме поднел до Општината идејно решение за да добие дозвола за градба, но како што велат од Општината, тоа е одбиено бидејќи според законот не може да се даде дозвола за објект што веќе во дел е изграден. Тоа значи дека инвеститорот може да добие градежна дозвола само ако го урне досега изграденото и потоа поднесе ново барање. https://sdk.mk/index.php/naslovna/obvinitelstvoto-podnese-obvinenie-za-stojmenov-oti-so-godini-go-gradi-na-divo-poraneshno-beko/ - https://sdk.mk/index.php/naslovna/obvinitelstvoto-podnese-obvinenie-za-stojmenov-oti-so-godini-go-gradi-na-divo-poraneshno-beko/ ------------- Carpe diem |
Posted By: stef4o
Date Posted: 06-May-2022 at 06:59
|
Стојменов: Заев стои зад блокадата на градилиштето „Беко“, притисокот беше да го продадам евтино
[tube]X01rv1XkV_0[/tube] https://a1on.mk/istrazjuvanja/video-stojmenov-zaev-stoi-zad-blokadata-na-gradilishteto-beko-pritisokot-beshe-da-go-prodadam-evtino/ - https://a1on.mk/istrazjuvanja/video-stojmenov-zaev-stoi-zad-blokadata-na-gradilishteto-beko-pritisokot-beshe-da-go-prodadam-evtino/ ------------- Carpe diem |
Posted By: stef4o
Date Posted: 06-May-2022 at 11:36
Беко – терен за борба меѓу моќта и законот
Две години му требаше на Јавното обвинителство за да поднесе обвинение против бизнисменот Борис Стојменов по кривичната пријава од Општина Центар доставена во јули 2020 година, поради бесправно градење на местото на поранешната стоковна куќа Беко. А додека обвинителите го градеа случајот против поранешниот пратеник и министер, градеше и самиот Стојменов. Иако градилиштето му е формално затворено од 26 јули 2020 година, тој во меѓувреме направи две подземни нивоа на својот нов објект и ги почна надземните работи. Сликите од теренот и историските сателитски снимки покажуваат дека како што се множеа решенијата за запирање и за уривање на објектот од локалните власти, така се зголемуваа и неговите димензии. Дури и додека траеше мораториумот за градење што го воведе претходната општинска управа. „Постојано ги гледаме како доаѓаат, ги кинат лентите за затворање на градилиштето и продолжуваат да градат“, ни кажаа соседите што живеат и работат во близина, кога го посетивме објектот. Иако пред година и пол, од обвинителството, за БИРН, изјавија дека „јавен обвинител прибира вербални и материјални докази со цел утврдување на фактичката состојба“, во обвинителниот акт објавен на 4 мај е наведено единствено тоа што поранешниот градоначалник на Центар, Саша Богдановиќ, постојано го повторуваше – дека Стојменов во 2016 година добил градежна дозвола за да го реновира и да го надгради стариот објект Беко, но во 2018 обезбедил стручно мислење дека градбата е нестабилна и добил дозвола да ја урне, а откако го расчистил теренот, почнал да гради без да побара ново одобрение. Земјиштето каде што се гради е регистрирано на име на компанијата Економско биро, во сопственост на неговото семејство, а управувана лично од него. Според обвинителството, со старата дозвола за реновирање требало да направи објект со димензии 28,5 на 42,5 метри, а откако ја урнал стоковната, почнал да гради зграда од 61 на 34,5 метри. Поточно, ја зголемил основата на градбата за речиси 60 проценти, од 1.200 на 2.100 квадрати. Колку нивоа сака да изгради нагоре, знае само инвеститорот. Според деталниот урбанистички план изработен од Ин-пума во 2012 година, кој може да се најде на веб-страницата на Општина Центар, тој има право да направи деловен објект со приземје, мезанин и девет ката, со вкупна површина од над 16 илјади квадратни метри. Ако се изгради, вредноста на таквата зграда во строгиот центар би се пресметувала со осум цифри во евра. Како се дестабилизираше објектот среде мораториум Стоковната куќа Беко, објект ценет од многу архитекти и граѓани како еден од симболите на постземјотресното Скопје, е проектирана во 1969, градена од 1970, а отворена во1972 година, според податоците на МАРХ. Набргу целиот простор околу неа станал познат како „Беко“, назив што и натаму е во употреба, иако објектот не постои (на пример така неформално се нарекува и полициската станица Центар отспротива, каде што се издаваат и лични документи). Затоа нејзиното уривање предизвика многу реакции. Во времето на транзицијата, објектот преминува во сопственост на семејството Стојменови, кои го реновираат и го пренаменуваат во хотел, со име ТЦЦ Плаза. Во 2016 почнува нова реконструкција со монтажна надградба. Првичната идеја била тој да добие нови нивоа нагоре и да се преоблече во барок, но тоа никогаш не се случи. По локалните избори, во декември 2017 година, Општина Центар носи одлука за мораториум на градењето за да се ревидираат урбанистичките планови. Следната година напролет беше побарана и добиена дозвола за уривање на Беко, со образложение дека објектот имал проблем со статиката. Колку неубедливо изгледаше тоа образложение покажуваше големиот број коментари дека работниците одвај ги извадиле неброените тони железна арматура од зграда прогласена за нестабилна. И самата авторка Мимоза Несторова Томиќ, во разговор за порталот СДК, забележа дека Беко го уривале четири месеци, а велеле дека има проблем со статиката. Една од нејаснотиите поврзани со случајот е и како првично инвеститорот добил дозвола за надградба ако статиката била проблематична и како го открил тоа во текот на градбата, токму кога стапи во сила мораториумот и се отвори можност за ревизија на Деталниот урбанистички план. Тоа беше период кога се зголеми притисокот за намалување на површините за градба во Центарот, па со мораториумот постоеше можност да го загуби правото некогаш да го изгради објектот со максималните предвидени димензии. „Не може некој однапред да знае дали и по ревизијата на планот ќе ги добие истите параметри за градба. Димензиите може да се променат, и тоа се случи на повеќе локации“, рече советничката од Општина Центар, Јана Белчева Андреевска, поранешна претседателка на општинскиот совет, која со помош на здружението „Здравје пред профит во Центар“ своевремено го иницираше ревидирањето на урбанистичките планови на општината. Затворање врз затворање врз затворање на градилиштето Поради мораториумот, Стојменов не можел да добие ниту градежна дозвола според актуелниот план, па решил да се повика на старата, на таа за реновирање од 2016 и да почне да гради. Оттогаш трае борбата меѓу инвеститорот и локалните власти. „Многупати имаме носено одлуки за запирање на градбата или за нејзино отстранување, веќе не можам да се сетам колку“, рече за БИРН поранешниот градоначалник Богдановиќ во 2020 година. На 20 јуни 2019 година, општината го затвори градилиштето. Инвеститорот Стојменов продолжи да гради. Решение за отстранување на градбата доби на 26 февруари 2020. Објектот продолжи да расте. На 8 мај уште еднаш е затворено градилиштето, и повторно е отворено на своја волја од инвеститорот. Тоа се повторува и на 25 јули 2020. Ова се само неколку датуми споменати во соопштенијата на општината до јавноста, а разликите на теренот може да се видат и на сателитските снимки на Гугл. При едно затворање на градилиштето, Стојменов за ТВ 21 изјави дека има право да гради зашто своевремено платил и комуналии и ја обвини општината дека му барала мито од еден милион евра. „Не им давам мито“, вознемирено извикуваше Стојменов тогаш пред камерите. Тој го повтори ставот дека еднаш добил градежна дозвола и не му треба нова и во интервју за А1 Он, во кое, пак, го обвини поранешниот премиер Зоран Заев дека стои зад блокадите на градилиштето. За овие изјави има тужба за клевета од Богдановиќ и предупредување за тужба од Заев. Во Законот за градење се предвидува дека реконструкција се прави исклучиво во габаритот на постојниот објект, без никаква можност за зголемување на димензиите. Обидите да се прават нови и поголеми градби зад параванот на реконструкција се познати и од порано. Делумно поради овие причини веќе две децении стои затворено градилиштето на објектот Кермес во градскиот парк во Скопје, кој со својата недовршена бетонска конструкција веќе почнува да наликува на археолошки локалитет. Ќе гради ли Стојменов легално? 
Во моментов не постои мораториум за градење во Центар. Уставниот суд го укина во декември 2020, а новата општинска власт досега не покажала интерес да обнови една таква мерка. Градежни дозволи се издаваат слободно. Во меѓувреме, се подготвува и нов закон за легализација на дивоградби, откако минатата година во мај се изгласа еден, па претседателот Стево Пендаровски не го потпиша. Ова се две околности што може да ги искористи инвеститорот Стојменов. Од друга страна, пак, има решение за уривање и обвинение дека не го испочитувал, па следно останува на судот да одлучи дали ќе дозволи да се искористат „дупките“ низ кои може да се протне оваа зграда во центарот на градот. https://prizma.mk/beko-teren-za-borba-megu-mokta-i-zakonot/ - https://prizma.mk/beko-teren-za-borba-megu-mokta-i-zakonot/ ------------- Carpe diem |
Posted By: stef4o
Date Posted: 10-May-2022 at 14:04
|
Стојменов изгуби, клевета е тврдењето дека Општината му побарала мито од милион евра
[tube]dBU4PRM2xUg[/tube] https://a1on.mk/macedonia/video-stojmenov-izgubi-kleveta-e-tvrdenjeto-deka-opshtinata-mu-pobarala-mito-od-milion-evra-za-da-gradi-kaj-beko/ - https://a1on.mk/macedonia/video-stojmenov-izgubi-kleveta-e-tvrdenjeto-deka-opshtinata-mu-pobarala-mito-od-milion-evra-za-da-gradi-kaj-beko/ ------------- Carpe diem |
Posted By: stef4o
Date Posted: 24-Sep-2022 at 13:39
СТОЈМЕНОВ ПОЧНА САМ ДА ГИ УРИВА СТОЛБОВИТЕ ЗА ХОТЕЛОТ НА ПОРАНЕШНО „БЕКО“ ВО ЦЕНТАРОТ НА СКОПЈЕ КАДЕ 4 ГОДИНИ ГРАДЕШЕ БЕЗ ДОЗВОЛА
Фирмата „БС Консалтинг“ почна сама да го урива она што досега на диво го изгради за хотелот „ТЦЦ Плаза“. Откако 4 години објектот на поранешно „Беко“ се градеше без дозвола, деновиве со багер почнаа да се уриваат бетонските столбови кои се кренати. „Од инвеститорот е добиено известување дека во наредниот период ќе се врши уривање“, велат од Општина Центар. Откако ќе се урне дивоградбата, градежникот може да поднесе барање за градба и откако ќе плати комуналии на Општината може да го гради хотелот бидејќи според Деталниот урбанистички план (ДУП) кој е на сила, на тоа место постои маркичка за хотел. За досегашното градење Основното јавно обвинителство во мај годинава поднесе обвинение за градењето на диво на хотелот „ТЦЦ Плаза“ против Борислав Стојменов и фирмата „БС Консалтинг“. Обвинението беше поднесено две години откако Општина Центар поднесе кривична пријава против градежникот. На градилиштето пред две години дојде до инцидент меѓу сопственикот Стојменов и инспекторите од Општина Центар. Откако испекторите изрекоа една од многуте забрани за градбa, Стојменов се караше, велејќи им дека немаат право да ги стопираат работите и обвинувајќи дека Општината му барала мито од еден милион евра и затоа не му се дава да гради. Објектот на ТЦЦ „Плаза“ сопственикот го урна во март 2018, бидејќи од претходното раководство на Општина Центар на чело со градоначалникот Андреј Жерновски добил дозвола за доградба и надградба. Но, при почетокот на градежните работи му било кажало дека темелите на објектот нема да ја издржат надградбата, па затоа го урна објектот, со намера да го гради одново. За да гради нов објект од темел, треба да добие нова дозвола за градба. Но, бидејќи Општина Центар го воведе мораториумот за градба инвеститорот не смееше да гради и немаше добиено градежна дозвола. Но и покрај тоа, постојано со прекини се градеше. https://sdk.mk/index.php/naslovna/stojmenov-pochna-sam-da-gi-uriva-stolbovite-za-hotelot-na-poraneshno-beko-vo-tsentarot-na-skopje-kade-4-godini-gradeshe-bez-dozvola/ - https://sdk.mk/index.php/naslovna/stojmenov-pochna-sam-da-gi-uriva-stolbovite-za-hotelot-na-poraneshno-beko-vo-tsentarot-na-skopje-kade-4-godini-gradeshe-bez-dozvola/ ------------- Carpe diem |
Posted By: Théoden
Date Posted: 24-Sep-2022 at 16:11
|
Овде се испушти можност со новиот ДУП да се измени оваа маркичка (во поглед на површината, не на висината). Или пак, уште подобро, целосно да се избрише. Овој простор едно што се пренатрупа со објекти, па не се ни вклопуваат никако. Барем да продолжеше со оној скалест распоред од Палома Бјанка. А зад него се планира уште една зграда. Иако очигледно постои некој договор, се прашувам дали ако заглави работата изградениот подрум би можел да се искористи како подземен паркинг.
|
Posted By: skopskodete
Date Posted: 24-Sep-2022 at 16:38
| Плоштад „ВМРО“ може да се продолжи до самата улица или да се направи мини-парк на самата маркичка, а под плоштадот или мини-паркот (на местото на маркичкава) да има подземен паркинг на неколку нивоа, со тоа што првото подземно ниво би било за кратко паркирање (до 30 минути) и не би се наплаќало -- оваа идеја би била добра, со оглед на тоа што преку работен ден во текот на работните часови има еден куп кратки застанувања по улицата. |
Posted By: stef4o
Date Posted: 28-Sep-2022 at 17:41
ВИДЕО: Стојменов вторпат се самоурива кај „Беко“, ќе поднесе ново барање за градба
Центарот на Скопје трет ден татни од багер што ги урива дивоизградените столбови на поранешниот хотел ТЦЦ „Плаза“ на местото на некогашната стоковна куќа „Беко“. Борислав Стојменов, инвеститор на објектот, вторпат сам го урива изграденото на местото на поранешната стоковна куќа. Овој пат, од неговата правна служба велат дека уриваат за да можат да поднесат ново барање за градење и да го изградат планираниот објект. „Постапуваме по последното решение за уривање што ни го издаде градежната инспекција. Ќе се урне сè што е надвор од градежната јама. Не сакаме и за ова решение да одиме по судови. Штом заврши уривањето ќе поднесеме ново барање за одобрение за градба и ќе градиме, не се откажуваме од објектот“, објаснува правната служба на Друштвото за економски консалтинг, услуги и трговија – Економско биро, сопственост на Стојменов, за „А1он“. Општина Центар пред два месеца добила известување дека Стојменов сам ќе ја урне дивоградбата Првото самоуривање на објектот на местото на поранешната стоковна куќа Стојменов го направи пред четири години откако статичари, на негово барање, утврдиле дека потпокривот направен од метална конструкција пропушта вода и тече насекаде. Урнати се столбовите изградени над земја По уривањето Стојменов почна да гради нов објект, на местото на стариот, но со поголем габарит, повикувајќи се на одобрение за градење од 2016 година, а Општина Центар му издаде неколку решенија за уривање, неколкупати го запечати градилиштето, но и покрај тоа објектот излезе од темели, а пролетва беа изградени и столбови над земја. И сегашното уривање Стојменов го пријавил во Општина Центар. „Пред околу два месеца добивме известување дека инвеститорот сам ќе се урива“, велат од Општина Центар. Правната служба на Стојменов најави дека ќе бара ново одобрение за градење откако ќе заврши уривањето Општината не го урна изграденото и покрај многуте решенија за уривање. Последното објаснување за тоа што не уриваат од мај годинава беше дека нема да чепкаат на градилиштето сè додека не се изјасни Обвинителството. Истиот месец Обвинителството одлучи да го гони Стојменов за бесправно градење, а тој, пак, најави дека судењата ќе откријат афера како „Рекет“ и посочи дека зад блокадите на градилиштето стои поранешниот премиер Зоран Заев и дека му се вршел притисок хотелот да го продаде евтино. Од правната служба на Стојменов велат дека ново одобрение за градење ќе бараат независно од постапките во Обвинителството и очекуваат дека токму тие постапки ќе покажат дали Стојменов бил во право. Кривични пријави за бесправно градење и за искината пломба на градилиштето против Стојменов поднесе поранешниот градоначалник на Општина Центар Саша Богдановиќ. Во јуни годинава, пак, кривични против Богдановиќ и градежните инспектори од Општина Центар поднесе Стојменов. Од Обвинителството известија дека кривичните пријави од Стојменов се во предистражна постапка. https://sitevesti.com/video-stoјmenov-vtorpat-se-samouriva-kaј-beko-ќe-podnese-novo-baraњe-za-gradba - https://sitevesti.com/video-stoјmenov-vtorpat-se-samouriva-kaј-beko-ќe-podnese-novo-baraњe-za-gradba ------------- Carpe diem |
Posted By: stef4o
Date Posted: 18-Apr-2023 at 16:50
СТОЈМЕНОВ ПАК ГО УРИВА ОНА ШТО ГО ИЗГРАДИ НА ДИВО НА ПОРАНЕШНО „БЕКО“ ВО СКОПЈЕ, НЕ МОЖЕ ДА ГРАДИ ДОДЕКА ИМА СУДСКА ПОСТАПКА
Фирмата „БС Консалтинг“ од викендов продолжи со уривање на она што досега го изгради на диво на локацијта на поранешно „Беко“ во строгиот центар на Скопје. Со багери се уриваат бетонските столбови кои се кренати. Уривањето почна уште лани во септември, но траеше кратко време, по што работите беа стопирани. „За постојниот објект има издадено одобрение за уривање. Дозвола за градба на нов објект нема издадено и не може да се даде додека се води постапка пред Управен суд, бидејќи инвеститорот во минатато градеше без дозвола за градба“, велат од Општина Центар. Основното јавно обвинителство лани поднесе обвинение за градењето на диво на хотелот „ТЦЦ Плаза“ против Борислав Стојменов и фирмата „БС Консалтинг“. Обвинението беше поднесено две години откако Општина Центар поднесе кривична пријава против градежникот. Фирмата „БС Консалтинг“ во времето на градоначалникот Андреј Жерновски доби дозвола за доградба и надградба на постојниот објект кој со години работеше како хотел. На почетокот на градежните работи им било кажало дека темелите на објектот нема да ја издржат надградбата, па затоа сопственикот го урна објектот, со намера да го гради одново. За да гради нов објект од темел, треба да добие нова дозвола за градба. Но, бидејќи Општина Центар го воведе мораториумот за градба, градителот не смееше да гради и немаше добиено градежна дозвола. Но и покрај тоа, постојано со прекини се градеше. https://sdk.mk/index.php/dopisna-mrezha/stojmenov-pak-go-uriva-ona-shto-go-izgradi-na-divo-na-poraneshno-beko-vo-skopje-ne-mozhe-da-gradi-dodeka-ima-sudska-postapka/ - https://sdk.mk/index.php/dopisna-mrezha/stojmenov-pak-go-uriva-ona-shto-go-izgradi-na-divo-na-poraneshno-beko-vo-skopje-ne-mozhe-da-gradi-dodeka-ima-sudska-postapka/ ------------- Carpe diem |
Posted By: mr bombastic
Date Posted: 22-Apr-2023 at 01:13
| Невиден циркуз е ова, у сред центар со години гради руши, гради руши...хотелот ќе го биде за некоја декада... |
Posted By: stef4o
Date Posted: 19-Mar-2024 at 19:31
ЛЕТААТ ЛИМОВИ И ДАСКИ ОД ГРАДИЛИШТЕТО НА ПОРАНЕШНО „БЕКО“ ВО ЦЕНТАРОТ НА СКОПЈЕ КОЕ СО МЕСЕЦИ Е НЕЗАШТИТЕНО
Градилиштето на поранешно „Беко“ во строгиот центар на Скопје со месеци стои со урната лимена оргада и од него висат даски. Кога дува ветер лимовите летаат на пешачката патека и Плоштадот ВМРО. Околу градилиштето, кое стои разурнато со години, се наоѓаат повеќе државни интституции и секојдневно вработени и граѓани минуваат покрај него, но никој не реагираа. Ги нема ниту инспекторите на Општина Центар да го казнат инвеститорот „БС Консалтинг“. Фирмата „БС Консалтинг“ во времето на градоначалникот Андреј Жерновски доби дозвола за доградба и надградба на постојниот објект кој со години работеше како хотел. На почетокот на градежните работи им било кажало дека темелите на објектот нема да ја издржат надградбата, па затоа сопственикот го урна објектот, со намера да го гради одново. За да гради нов објект од темел, треба да добие нова дозвола за градба. Но, бидејќи Општина Центар го воведе мораториумот за градба, градителот не смееше да гради и немаше добиено градежна дозвола. Но и покрај тоа, постојано со прекини се градеше и добиваше казни од Општина Центар. Во времето на ексградоначалникот Саша Богдановиќ беше поднесена и кривична пријава против сопственикот на фирмата Борис Стојменов, а две години потоа Обвинителството поднесе обвинение за градење на диво. Инвеститорот лани почна да го урива она што го изгради на диво, односно беа урнати столбовите. Оттогаш таму нема никаква активност ниту некој го обезбедува градилиштето. Архитектката Мимоза Несторова-Томиќ која е авторка на поранешно „Беко“, една од најреномираните автори и урбанисти во Македонија, неколку пати реагираше за тоа како ја срушија зградата без да ја консултираат и без фелата да ја одбрани. Несторова-Томиќ како авторка на проектот рече дека воопшто не се издржани објаснувањата на инвеститорот дека имале проблеми со статиката, па затоа морале да го урнат објектот. „Ја урнаа со изговор дека имало проблем со конструкција, тотално не се во право, оти 4 месеци не можеа да ја срушат. Можеше само пренамена да се направи“, реагираше Несторова-Томиќ кога зградата беше урната. „Ако има потреба за реновирање на фасадата може да помогне архитектот, но не можете да му го рушите објектот и да го негирате објектот затоа што не го сакате архитектот. Од една страна ние сме први сеирџии, а од друга страна тој антагонизам е многу присутен . Колегијалноста ја нема“, ни рече Несторова-Томиќ. https://sdk.mk/index.php/dopisna-mrezha/letaat-limovi-i-daski-od-gradilishteto-na-poraneshno-beko-vo-tsentarot-na-skopje-koe-so-mesetsi-e-nezashtiteno/ - https://sdk.mk/index.php/dopisna-mrezha/letaat-limovi-i-daski-od-gradilishteto-na-poraneshno-beko-vo-tsentarot-na-skopje-koe-so-mesetsi-e-nezashtiteno/ ------------- Carpe diem |