Бремен е еден од трите град-држави во Германија (покрај Берлин и Хамбург) и тоа доволно зборува за значењето на Бремен во Германија, а и пошироко во Европа. Еден од најзначајните индуструски центри, па затоа и познат како град на работничката класа.

Втората по големина фабрика на Airbus во Германија се наоѓа тука со околу 3.500 работници, Mercedes-Benz во својата фабрика вработува околу 13.000 работници, се разбира таму е и Beck & Co's - производителот на Beck's  и St. Pauli Girl, а потоа и ред други големи производители.

Инаку градот лежи на реката Везер (ја има подоли на една-две слики) на којашто се наоѓа и големо индустриско пристаниште.

Повеќето од сликите подолу се од Altstadt (стариот дел на градот), вклучувајќи ги Marktplatz, Rathaus, Bremer Dom, итн., но ја има и статуата на градските музиканти ако сте ја прочитале како мали (или сте им ја прочитале на вашите деца) сказната од браќата Грим за Градските музиканти, тогаш ќе знаете за што зборувам. Малку оффтопик - некогаш можам да направам репортажа и од Ханау, родното место на браќата Грим.

И се разбира, Бремен е седиште на еден од најголемите фудбалски клубови во Германија - Вердер Бремен.