Градежните работници ја поставуваат новата атмосферска канализација на булеварот Гоце Делчев, со што продолжи неговата реконструкција. Булеварот ќе добие уште по една сообраќајна лента во двата правци, на потегот од Судската палата кон новиот мост на Вардар и од другата страна од “Скопски саем“ кон Универзитетот “Свети Кирил и Методиј“. Тие ќе бидат широки 3,5 метри, а долги 520 метри.

Ова е првиот од четирите капитални проекти што беа најавувани дека ќе се реализираат. За овој проект градските власти од Министерството за внатрешни работи добиле потврда за новото сообраќајно решение. Веќе завршија подготвителнитe работи, односно се преместија канделабрите од зелените површини на кои ќе се проширува булеварот, а се дислоцираа и билбордите. Исто така, се собираат податоци и за подземните инсталации што се наоѓаат на овој потег. За проширувањето на булеварот е ангажирана градежната компанија “Конструктор”. Од Градот велат дека прво ќе се работи на потегот од Сајмиштето кон Универзитетот. Сообраќајот ќе биде затворен на лентата до рабникот од тротоарот каде што ќе се работи и ќе се пренасочи само на една сообраќајна лента од булеварот.

http://www.porta3.com.mk/index.php?option=com_content&task=view&id=896&Itemid=54

Заврши поставувањето атмосферска канализација на булеварот „Гоце Делчев“

Деновиве започна изградбата на жардиниерата од средишното зеленило на булеварот, која ќе биде продолжена и во правец кон подвозникот до мостот „Гоце Делчев“

Поставувањето на атмосферската канализација на третата лента на булеварот „Гоце Делчев“ е завршена, а во моментов се работи на влезот и излезот на бензинската пумпа на „Макпетрол“. Во текот на следните денови ќе се проширува и раскрсницата меѓу влезот во МТВ и паркингот на Универзитетот „Свети Кирил и Методиј“.

Како што информираат од Градот Скопје, на оваа раскрсница во иднина ќе има семафори, бидејќи со проширувањето на булеварот со по три ленти од двете страни има опасност за возачите и минувачите ако сообраќајот не е регулиран. Поради тоа следните денови ќе треба да се премести оградата на паркингот, за што веќе Градот постигнал договор со Универзитетот.

„Задоволни сме од интензитетот со кој работи хрватската фирма ’Конструктор’ и, иако имаат 120 дена за реализација на проширувањето на ’Гоце Делчев‘, мислам дека ќе завршат побрзо“, вели Мичо Поповски од Секторот за урбанизам.

Истовремено, деновиве започна и изградбата на жардиниерата од средишното зеленило на булеварот „Гоце Делчев“, која ќе биде продолжена и кон подвозникот до мостот „Гоце Делчев“. Времето на изградба на жардиниерата ќе зависи од густината на сообраќајот, заради обезбедување доволно простор на коловозот на булеварот за возилата.

http://utrinski.com.mk/?ItemID=67FEB9EBF646324AB4378E45EE5DB8A9

Роза Петкова


Проширувањето на булеварот Гоце Делчев ќе продолжи со реконструкција на крстосницата кај Судска палата, најавуваат надлежните од Град Скопје. Пешачките острови ќе се стеснат за да може да се опфатат трите коловозни ленти од проширениот булевар. Градежните работи на крстосницата ќе почнат околу 15 март. Целта на реконструкцијата е да се исправи линијата на движење на таа крстосница и да се овозможи булеварите Гоце Делчев и Крсте Петков Мисирков да се вкрстат под прав агол. Со проектот е предвидено да се направи и дополнителен простор за автобусите на постојката пред влезот во трговскиот центар „Мавровка“, која со месеци остана раскопана поради претходни зафати на општинските власти. За да може да влегуваат по два автобуси, станицата ќе се прошири за 2,5 метри, а потоа на овој потег ќе се направат нови тротоари и велосипедска патека. Според надлежните од Општина Чаир, овој проект на градот е причината зошто тие се уште не го завршиле поплочувањето и уредувањето на партерот пред Мавровка, каде што планираат да постават и фонтана. Од Градот не прецизираа кога точно ќе ги спроведат своите најави. - Уредувањето на сообраќајницата во делот на пешачките зони ќе се реализира на крајот од реконструктивниот зафат на булеварот и тие ќе бидат приспособени за поголема проточност на сообраќајот - одговорија градските власти. За другите три градежни проекти, кои градот уште лани ги најави како капитални инвестиции, надлежните велат дека се одвиваат како што планирале, а два од нив очекуваат да ги почнат во секој момент. - Клучката „Детелинка“ кај надвозникот по Бит-пазар се реализира според предвидената динамика со планот за изградба. Досега се трасирани три од четирите лака за приклучување и исклучување од булеварот Цветан Димов и, доколку овозможат временските услови, работите на клучката со целосната реконструкција на коловозот преку мостот треба да завршат до почетокот на пролетта - информираа од Град Скопје. За проширувањето на крстосницата кај „Тутунски комбинат“ властите велат дека ги прават последните подготовки, а од неодамна градот добил и привремено сообраќајно решение за периодот на изградбата.
Проектот по кој ќе се изведува реконструкцијата и фирмата веќе се избрани, а одобрени се и средства. Проблемот со проширувањето на Илинденска во булевар се уште не е решен, но градските власти тврдат дека решението е на повидок.

http://www.netpress.com.mk/vestiimages/57567/asfalt%20Goce%20Delcev%20%281%29.JPG">

Екипи на градот Скопје деновиве ја асфалтираат крстосницата на булеварот Гоце Делчев, пред зградата на Македонската радио-телевизија. Од планираниот потег до крајот на неделава вкупно ќе бидат асфалтирани 2.000 квадратни метри.

Минатите два месеци екипите работеа на проширување на булеварот и на улицата во делот на паркингот на Ректоратот при Универзитетот „Свети Кирил и Методиј” и на улицата кон влезот во зградата на МРТВ.

При проширувањето се извршија повеќе активности: земјени работи, тампонирање и асфалтирање. Поставена е комплетна семафорска инсталација, соопштуваат од град Скопје.