Free City of Dojran
Printed From: build.mk
Category: Останати теми
Forum Name: Ваши концепти
Forum Discription:
URL: http://www.build.mk/forum/forum_posts.asp?TID=3737
Printed Date: 19-Apr-2024 at 19:07
Topic: Free City of Dojran
Posted By: Staro Skopje
Subject: Free City of Dojran
Date Posted: 18-Jun-2020 at 00:00
|
Уште една луда идеја: претворање на Дојран во Слободен град. Би се состоел од два дела, внатрешна зона која би била независен и суверен ентитет, и надворешна зона, која би била составен дел од Македонија и Грција, но под посебен режим (charter city, т.е. charter area).
Слободниот град Дојран би бил економски привлечна зона, со развиен и слободен економски систем, владеење на правото и добра меѓународна соработка. Во него би се поканиле компании под поволни даночни услови, како и граѓани од странство - првенствено имигранти од Хонг Конг, кои тука би создале нов град. Би имал околу 750,000 жители, со потенцијал да стигне до милион. Оперативен би бил англискиот јазик, а службени, покрај него, и македонскиот и грчкиот. Албански, бугарски, српски и турски би имале широка примена поради голема имиграција на луѓе од овие земји и нивните малцинства во MK и GR, како и нивниот статус, особено во Македонија како земја која (неспоредливо повеќе) ги почитува правата на немнозинските заедници. Официјална валута би била еврото, а со членството на Република Северна Македонија и Република Грција во ЕУ, Шенген, Еврозона и НАТО голем број проблеми, поготово бирократски, практични и легислативни, би биле решени или намалени. Концептов е сѐ уште во рана фаза; пред некој ден ми текна, а сега го материјализирав. Со темно црвена линија е означена внатрешната зона, а со црвена надворешната. Портокалова линија е автопат, светло жолта друг важен пат, сино е езерото, темно сиво главниот град, сиво околни внатрешни градови, а светло сиво околни внатрешни села. Каки боја се надворешни градови. 
 ------------- Градот убав никна, но го откорнаа |
Replies:
Posted By: skopskodete
Date Posted: 19-Jun-2020 at 00:04
| Можеби во иднина, кога и Македонија би била во ЕУ, идејава не би била до толку луда. Инаку, интересно. |
Posted By: zabegan
Date Posted: 19-Jun-2020 at 18:33
|
Имај на ум дека Дојранскииот регион е природно богатство и детално треба да се работи на негова презервација и контрола
Со урбанизација, индустријализација и 750 000 жители, може комотно да го пресушат езерото, да го сменат цел терен и да се пресели или да испоумре цел биодиверзитет таму ------------- Architects create dreams...politicians create nightmares |
Posted By: Staro Skopje
Date Posted: 19-Jun-2020 at 18:38
|
Членство во ЕУ на FSD речиси сигурно не би било возможно зашто голем дел од легислативата во економскиот дел би бил спротивен на европската. Од Шенген, еврозона (макар и неформално а ла MNE и KOS) и Обединети Нации би бил дел. Од НАТО нема потреба, вистинска војска не би била одржлива, а FSD би се потпирал на државите-мајки.
Екологијата е најголем проблем на овој проект, ќе треба да се увиди дали и колкава урбанизација е возможна. ------------- Градот убав никна, но го откорнаа |