Проблем со диви депонии
Printed From: build.mk
Category: Главни теми
Forum Name: Урбани прашања
Forum Discription: Урбанизам, урбана опрема, урбана мафија...
URL: http://www.build.mk/forum/forum_posts.asp?TID=3753
Printed Date: 18-Apr-2024 at 02:39
Topic: Проблем со диви депонии
Posted By: stef4o
Subject: Проблем со диви депонии
Date Posted: 16-Feb-2020 at 13:01
|
Се расчистува дива депонија во Мичурин
Општина Аеродром и Град Скопје ја расчистуваат дивата депонија во населбата Мичурин, која се протега покрај Железничката станица. Оваа локација, која со години претставуваше запуштена депонија, планирано е да прерасне во парк, кој ќе биде заеднички проект на Општина Аеродром и Град Скопје. Паркот ќе понуди зелени површини, пешачки патеки, партерно уредување, како и детско игралиште. Ова е еден од неколкуте паркови што планира наскоро да ги изгради Општина Аеродром на повеќе локации. Стар Аеродром ќе добие два нови парка што ќе се протегаат покрај улиците „Методија Шаторов-Шарло“ и „Пандил Шишков“, а нов парк ќе се гради и меѓу булеварот „Трета македонска бригада“ и касарната „Гоце Делчев“. 
https://www.facebook.com/OpstinaAerodrom/ |
Replies:
Posted By: stef4o
Date Posted: 29-Jul-2020 at 06:41
|
Би издвоил и една посебна нишка за проблемот со диви депонии кој е доста присутен и околу Скопје и во останатите градови
------------------------------------------------------ Депонијата Русино сѐ уште гори – Таравари бара решение, но не е надлежен да преземе нешто [tube]G2b-9fpy-BI&feature[/tube] https://tv21.tv/mk/deponijata-rusino-se-ushte-gori-taravari-bara-reshenie-no-ne-e-nadlezhen-da-prezeme-neshto/ ... Јавна дебата: Од понеделник нема носење отпад на Русино, иднината ќе се одредува на референдум Општината ќе ја спушти рампата за камионите на комуналните претпријатие од другите општини кои носат отпад на регионалната депонија Русино. Оваа одлука ја соопшти градоначалникот на општина Гостивар, Арбен Таравари на јавната дебата која вечерва се одржа во летниот амфитеатар. На дебатата беше напоменато дека решението треба да биде по волја на народот, а за тоа може да се распише и референдум. Дебатата ја организираше локалната самоуправа по неколкуте пожари кои се случија изминативе два месеци и по протестот на Граѓанска иницијатива „Стоп Русино – чист воздух за Гостивар“. Покрај граѓани, еко активисти, во расправата учествуваа и претставници на повеќе државни и локални институции. Повеќето од граѓаните во дискусиите ги критикуваа властите дека недоволно се грижат за здравјето на луѓето и дека наметнуваат решенија кои се штетни и неодржливи на подолг рок. Повеќето беа недвосмислени во барањето, депонијата да се затвори. – Ова е многу значајно, бидејќи за работите кои се однесуваат на граѓаните јавно се дебатира. Тоа досега не се правело. Поканивме компетентни луѓе за да дадат одговори. Вечерва расчистивме и многу дилеми. По дебатата дојдовме до заклучок дека Русино ќе биде отворено само за отпадот од општина Гостивар. За ваквиот исход им најавив и на колегите од Врапчиште и Маврово Ростуше да не праќаат камиони со отпад, рече Таравари. Тој напомена дека во наредниве денови ќе се разгледаат можностите за да се организира и референдум на кој граѓаните ќе се изјаснат дали Русино и натаму ќе опстои како регионална депонија. Еко активистите и поддржувачите на Граѓанска иницијатива „Стоп Русино – чист воздух за Гостивар“ најавија од недела ќе го блокираат патот кон депонијата, а од локалната самоуправа побараа да преземат мерки да се изгасне огнот кој гори на депонијата и да се спречи повотрно палење. https://tv21.tv/mk/javna-debata-od-ponedelnik-nema-nosene-otpad-na-rusino-idninata-ke-se-odreduva-na-referendum/ |
Posted By: stef4o
Date Posted: 29-Jul-2020 at 06:43
|
Повторно потпалена градската депонија во ДебарАлсат
Повторно е потпалена градската депонија во Дебар, а чадот и тешката смрдеа од раните утрински часови се протегаат по целиот град. – До 20:00 часот синоќа немаше ништо, пожарот го забележавме денеска во утринските часови. Во гаснењето се вклученија Територијалната противпожарна единица и вработените во Јавното комунално претпријатие „Стандрад“ со сопствена механизација. Вклучени се и неколку фирми со багери,како и со камиони кои вршат дотур на земја, изјави за МИА Омер Цами, раководител на секорот за комунална хигиена во „Стандард“. На самото место пристигна и градоначалникот Хекуран Дука, кој не го криеше нездоволството кон несовесните граѓани. – До сега сме имале вакви случаи на потпалување на депонијата, но овој е до сега најголем по обем. Не можам да ги сватам оние кои не му посакуваат добро на градот и на неговите жители. Со максимални напори пожарот е ставен под контрола, вели револтирано Дука. https://alsat-m.tv/mk/повторно-потпалена-градската-депони/ |
Posted By: Влатко
Date Posted: 29-Jul-2020 at 07:51
|
Одлична нишка. Дивите депонии се крајно сериозен проблем во цела држава. Од она што приметувам и намерно ги палат за да се ослободи место за ново ѓубре. Подолу линк од дивата депонија во Визбегово која го труе цело Скопје. https://tv21.tv/mk/vo-zhivo-gori-deponijata-vo-shutka/?fbclid=IwAR2fyD-u_YJ1kWuVD1QWVs2bgEu_V3O6oy0_ieBzOJwOcIZCtVYGyR-S2fs
|
Posted By: stef4o
Date Posted: 29-Jul-2020 at 11:25
На нелегалната депонија во Тетово веќе четврти ден ноќе се фрла ѓубре и потоа се гори
Големи количини отпад вчера беа изгорени во близина на железничката станица во Тетово. Од страна на општинските власти ни беше кажано дека овој дел бил исчистен порано, но последните 3-4 дена повторно биле фрлени отпадоци. Од противпожарната единица на Тетово рекоа дека во текот на денот интервенирале два пати на тоа место и се сомневаат дека некој во текот на ноќта фрла и потоа го пали отпадокот, известува „Порталб.мк“. Иако пред еден месец општинските власти за „Порталб.мк“ рекоа дека ќе интервенираат со полиција и отпадот ќе го дислоцираат, сепак на истото место повторно се најдоа отпадоци, овој пат и изгорени. „Местото беше исчистено, меѓутоа во последните 3 или 4 дена некој фрлил отпадоци како што се гуми и друго и потоа ги запалил“, рекоа од Општина Тетово. Од Противпожарната единица на Тетово информираа дека тој ден, на тоа место интервенирале два пати. „Во текот на денот интервениравме два пати и го изгасивме пожарот, се креваше црн чад и се испушташе многу јака реа, ова не е праведно бидејќи ја загадуваат средината. Не се знае со сигурност кој ги фрла овие отпадоци, дали ги носат од надвор или не, но најверојатно се фрлаат во текот на ноќта бидејќи никој не може да ги види. Постои сомнеж за тоа дека неколку ромски семејства изградиле монтирани куќички и таму престојуваат, затоа има шанси и дека тие ги горат“ истакна Ука Алити, командир на противпожарната единица на Тетово. Алити исто така истакна дека се преземаат мерки ова место да биде под постојан надзор за проблемот да не се повтори. „Денес разговаравме и со директорот на ОЈП Тетово и се трудиме да координираме неколку работи за да дознаеме од каде доаѓаат и кој ги фрла овие отпадоци. Сега сме и во период кога температурите се многу високи и постои опасност пожарот да ја опфати и изгори тревата бидејќи таа е сува, а од друга страна во близина се наоѓа и една компанија. Што се однесува до чистењето, тоа место беше исчистено, но повторно се фрлени отпадоци и сега општината ќе преземе мерки и ќе го исчисти повторно местото, а и така добивме наредба од градоначалничката ова место да биде 24 часа под надзор“ рече Алити. Инаку, вакви случаи имало и порано како што се горењето на депонијата во Тетово, горењето на отпадоците во населбата „Блок 70“ и „Дарданија“, горењето на отпадоците во „Ромската населба“, како и многу други. https://meta.mk/na-nelegalnata-deponija-vo-tetovo-vekje-chetvrti-den-nokje-se-frla-gjubre-i-potoa-se-gori/ |
Posted By: stef4o
Date Posted: 29-Jul-2020 at 11:28
|
Многу честа појава во Аеродром...поточно Вардариште и некои други поситни депонии го држат во чад голем дел од Лисиче,џабе толку згради кога неможеш прозор да отвориш.
од фб 
|
Posted By: stef4o
Date Posted: 29-Jul-2020 at 11:49
|
(ВИДЕО) Пожар кај депонијата во Арачиново
Рано изутринава избувна пожар на депонијата лоцирана во близина на гробиштата кај скопското село Арачиново.Во моментов нема информации кој го предизвикал пожарот. Сепак, ова го загрижи локалното население заради големото ширење чад што предизвикува, меѓу другото и загадување на воздухот. 
https://alsat-m.tv/mk/видео-пожар-кај-депонијата-во-арачино/ |
Posted By: stef4o
Date Posted: 29-Jul-2020 at 11:52
Вардариште(26.07.2020)
https://www.facebook.com/groups/145337166272043 |
Posted By: stef4o
Date Posted: 29-Jul-2020 at 12:17
|
od fb
1.На ул.Џон Кенеди 
2.Спроти Вип Хотел во Центар,ова е веќе критично мора да се реши некако,се повеќе се трупа со ѓубре кое на секои 2 недели се спалува и за првпат оваа година и во Мичурин а верувам во Острово уште повеќе се чувствува смрдеата 
|
Posted By: T1
Date Posted: 29-Jul-2020 at 15:36
|
Стефчо за секој проблем има и решение. Проблемот со дивите депонии се рашава на многу ефикасен и едноставен начин кој западниот свет го решил пред едно 30тина години. Решението се вика Термоелектрана на сув отпад (читај ѓубре) која согорува апсолутно се освен градежен шут, и која прзведува електрична и топлинска енергија за околните градчиња или поголеми градови.
Ваквите проекти во моментов се финсирани и од ИПА програмите и од средства од самата ЕУ до 90% учество и само 10% наши пари. У превод 1 тава централа треба за Скопје, 1 за Штип, Радовиш, Струмица и Куманово. 1 ТЕ за Гостивар и Тетово и 1 за Охрид Стуга и Битола. Значи со 4 до 5 вакви централи ние нема да можеме да произведеме толку ѓубре колку што на нив ќе им биде потребно за изгорат за да произведат струја. И пази ќе си наплаќаат за подигање и согорување на смет, за производсто на топлинска енергија и за струја. У превод 3 пати ќе го наплатат подигнатиот смет и ќе си ја вратат инвестицијата за не повеќе од 8 години. А ќе работат 30+ год. Значи жив ќар за сите. АМАААААААААААААААА треба некој ова негде да го предложи и напише од нашиве надлежни. За што очигледно немаат време и нерви да го направат. Поздрав |
Posted By: stef4o
Date Posted: 29-Jul-2020 at 16:08
Знам дека постои решение за секој проблем ама институциите и инспекторатите не сакаат ниту да интервенираат да ги расчистат депониите а камо ли да се зафатат со некој поголем зафат па да прават фабрика.Лошо е што се дозволи среде центар да стојат ругла стари по 60-70 години и кои заради разноразни правни лавиринти никако неможат да бидат урнати и расчистени(постојано се чека некој инвеститор да ги земе и да направи зграда) само на тој начин до сега се работи.Конкретно Скопје има неколку критични точки од кои не се дише ни лете ни зиме(дивата населба спроти ПИОМ,делови под Кале спроти стадионот,под мостот кај Транспортен,Вардариште и сега во поново време Волково,Ново Село и Визбегово станаа критични точки каде се спалува отпад).Проблемиве се децениски и досега освен по некоја фб група и некое текстче по порталиве никој не се ангажирал да оди чекор понапред и да најде конкретно(по можност долгорочно) решение на проблемот. |
Posted By: stef4o
Date Posted: 30-Jul-2020 at 11:06
|
До конечното решавање „Русино“ ќе ја користи само Гостивар
[tube]tWccksFKaIU&feature[/tube] „Ние сме тука мала група граѓани и ние како општина можеме заедно да организираме референдум, да одлучиме дали Русино треба да постои, да функционира или не. Ќе почекаме уште еден месец додека не се формира новата влада и ќе гласаме како Гостиварци да одлучиме дали Русино треба да работи или не“, рече Арбен Таравари – Градоначалник на Гостивар. Невладините организации што учествуваа во оваа дебата се децидни дека депонијата Русино треба да биде преместена. Тие бараат истрага за тоа кој и зошто го пали отпадот во оваа депонија. „Нашите точки се многу јасни. Престанете со горење на отпадот во Русино каде се складира отпад затоа што не е депонија и второ, да се затвори депонијата Русино. Не можеме да правиме компромис со здравјето, затоа што компромис со здравјето не се прави. Барањата се децидни, стоиме зад овие точки“, изјави Бујар Креци – иницијалниот совет СТОП Русино. Иако претставници на Министерството за животна средина и претставници на Полошкиот регион учествуваа на јавната расправа, но не дадоа изјави за медиумите. https://alsat-m.tv/mk/до-конечното-решавање-русино-ќе-ја/ |
Posted By: stef4o
Date Posted: 31-Jul-2020 at 15:56
|
од 26.02.2019
Депониите крај Вардар за некои ќар, за сите загадување: „Гориме отпад да преживееме 
Густ сив чад се назира во далечина, од правецот на дивата населба под Кале, каде се упатуваме со екипата на Градскиот инспекторат. Тоа е локацијата од каде зимава во повеќе наврати се гледаше како нешто гори, а смрдеата на изгорена гума и пластика потоа се ширеше по течението на Вардар. Во студени денови и во услови на магла, миризбата на изгорен отпад стана дел од амбиентот на мачното секојдневие на скопјани. Додека се трускаме по нерамниот пат во лада нивата на тимот на градската инспекција, составен од комунален инспектор и комунален редар, тие ни објаснуваат како постапуваат на терен кога ги вршат редовните обиколки на бројните црни точки по градската периферија, во потрага по запалени огнови. „Одиме на терен и по пријави на граѓани на телефонот 193, а ова е едно од местата за кое почесто се пријавува дека нешто чади“, вели инспекторот Ацо Петрушев, кој додава дека честопати чадот потекнува од огништата во прикрпените трошни куќарки на Ромите, кои со години живеат во оваа дива населба, но инспекторите немаат право да интервенираат во таков случај иако се свесни дека во импровизираните печки се гори разновиден отпад, пластика, гума. Затекнати на дело Забележани сме оддалеку, нè пречекуваат и веднаш нè опкружуваат повеќемина жители на дивата населба, главно мажи. Има и деца од школска возраст, но ниту едно не оди на училиште, велат. „Еве, предмалку си заминаа тие што палат, како не дојдовте порано за да видите дека горат кабли за бакар и тоа веднаш до нашите куќи, децата ни ги отруја!“, им се обраќа на инспекторите Ќамуран, млад маж со негувана брадичка, светкава обетка и со смартфон кој ѕирка од џебот на тренерката. „Ние селектираме хартија и од тоа живееме, заработувачката е мала, по еден денар од килограм ама мора од нешто да се живее“, вели тој. На местото каде до пред десетина минути нешто гореше, сега се гледа свежо изгаснато огниште. Палењето кабли за да се дојде до бакарната жица, која е прекриена со пластика е еден од највносните бизниси во дивото селектирање на отпадот кое се одвива во градот. Кога ќе се запалат, овие кабли бргу горат, но произведуваат густ, темносив и тежок чад, исклучително токсичен и животнозагрозувачки доколку директно се вдишува. Еден килограм така добиен бакар на црниот пазар чини помеѓу 200 и 300 денари, а една тајфа диви „рециклатори“ на каблите можат на тој начин да заработат и до 2-3000 денари на ден. Се разбира, до каблите најчесто се доаѓа по нелегален пат, преку кражби, што е работа за полицијата. „Аа, ма каква полиција, па биле тука стопати полицајци, и ќе ги фатат на дело и само ќе им кажат-зимај бакарот и да те нема“, одмавнува со раката еден од младите на моето прашање зошто не викнат полиција ако навистина некој друг доаѓа и го пали отпадот кај нив. „Ги знаеме ние, тоа се тие од „Ранка Милановиќ“ (еден од објектите за сместување на ромски семејства од дивите населби, н.з.), доаѓаат со шипки, сакаат да се тепаат, ни прават проблеми“… Додека трае муабетот, зад нас, на 50тина метри се паркира едно комбе со гостиварски таблички. „Еве ги, сега ќе пробаме да ги изненадиме, влезете во кола“, дискретно ни се обрати инспектор Аце. Се поздравуваме набрзинка со соговорниците и продолжуваме по патот што води покрај Вардар, во насока на Момин Поток. Забрзуваме за да го свртиме кругот по булевар Никола Карев и да му дојдеме на комбето од зад грб. Од височинката под Амбасадата на САД веќе може да се види карактеристичниот сив чад долу покрај реката. Палачите на кабли ги изненадуваме среде „бизнисот“. Купот се уште не изгорел, но бакарот, усвитен, убаво се гледа. Смрдеата од палењето е леплива, а дишењето речиси невозможно. Истовремено, од спротивната страна на Вардар, на кејот, се гледаат луѓе како вежбаат на справите за рекреација, се разминуваат велосипедисти. Посебен круг на пеколот Најизненаден, се чини е токму Ќамуран, дечкото со обетката, кој нè убедуваше дека некој друг му пали отпад пред куќа и му ги труе децата. Посрамено се трга настрана и молчи. Жената која ја затекнавме крај запалените кабли, тргнува во офанзива. Вика по инспекторот и му се заканува, обидувајќи да ги зграпчи полуизгорените кабли, за да го спаси бакарот. „Тргни ми се, ќе те удрам!“, се заканува. „Што си мислиш, кој си ти?“. Пропаѓа обидот да биде легитимирана и таа и човекот со брада, кој и е, очигледно, соучесник. „Немаме лични карти, бегај од тука!“. „Во вакви случаи ја повикуваме полицијата да интервенира“, вели инспекторот. „Алфите“ ги сретнавме на враќање. Нè застануваат за да им објасниме што се случило. Им довикнуваме да побрзаат оти ќе ги затекнат сторителите, а ние се упатуваме кон некогашната градска депонија Вардариште. Ромската населба на работ на Вардариште се чини дека е неколку круга од пеколот подолу од очајната состојба во која живеат луѓето под Кале. Трошни, прикрпени куќарки и многу кал, помешан со отпад, не дочекуваат уште веднаш. Облеката на луѓето е изветвена, децата полуголи, со искинати обувки. Во населбата, сместена во близина на некогашна А1 ТВ има диво приклучени на струја, а пред неколку куќи се гледаат цевки од кои тече вода. Сепак, доминираат трошни импровизации од живеалишта, за кои зборот субстандард е грдо потценување на реалноста. Буричкањето по отпадот среде кој живеат понекогаш резултира со пластика или метал кој можат да го продадат. Остатокот што не им треба се гори. Доминира миризбата на изгорена пластика, но и друг отпад. Знаат ли дека тој чад ги труе и нив и децата, ги прашувам. Знаеме ама на што да се грееме? Треба да преживееме!, велат. „Ма, какво одење на училиште, ние немаме леб да се прехраниме“, гневно ми одговара еден средовечен маж кој се претставува како Зенун Чаколи и ми бара помош за своите пет деца, од кои едното е многу болно. Немоќно прашувам зошто не го однесат на лекар или да викнат Брза помош штом е толку лошо. Во накривената куќарка, на подот седат три дечиња на возраст од околу 5-6 години и гледаат телевизија. Во голема тава има остатоци од леб. Им оставам неколку чоколатца и кекс и посрамено заминувам. Темната зона на градот Некогашната депонија најпрвин била оградена со жица, но од оградата сега нема ниту трага, па буквално секој може да влезе и да се движи низ огромниот простор на никогаш неревитализираното и непокриено градско ѓубриште. Тоа и денес се користи за диво депонирање на секаков отпад, но, впечаток е дека државата нема речиси никаков увид во тоа што всушност се случува таму, и покрај редовните патроли на инспекциите. Едноставно, просторот е темната зона на предградието на Скопје. Инспекторите се поздравуваат со жителите на оваа населба, се познаваат со години. „Ја знам секоја педа од Вардариште и луѓето таму, бидејќи и самиот живеам во негова близина“, вели Аце. Неодамна, во соработка со општина Гази Баба, токму на Вардариште беше запленето поголемо количество на отпадни гуми, кои се горат, исто така за бакарни жици, но, вели, во нив го има малку, не им се исплаќа трудот. Често се работи за зависници, кои на секаков начин се обидуваат да дојдат до некој денар. Тогаш отпадот се гори и под железничкиот мост, подалеку од можни сведоци. Гумите, но и другиот отпад, кој не можат да го продадат, главно ги горат за да се згреат. „Еве, тука, на оној рид од чакал имавме ноќна заседа“, ни покажува инспекторот, но ризикот дека ќе ни биде искршено возилото е голем, додава. Патролирањето го заокружуваме покрај Вардар, чијшто брег, се чини, релативно скоро бил исчистен од смет и сега е, главно без диви депонии, со исклучок на еден поголем куп отпадна пластика, за кој инспекторите ни кажаа дека веќе, очигледно, поминала низ преса за преработка, но од некои причини непознат сторител ја истоварил токму на тоа место. Речиси на дофат се чинат зградите од Ново Лисиче во кои се палат првите светла, раздалечени едвај 400-500 метри, но како од сосема поинаков свет. https://meta.mk/deponiite-kraj-vardar-za-nekoi-kar-za-site-zagaduvane-gorime-otpad-da-prezhiveeme/ |
Posted By: stef4o
Date Posted: 03-Aug-2020 at 15:32
|
Дебар со години без решение за проблемот со дивата депонија
[tube]XMq62_1I8I0&feature[/tube] https://alsat-m.tv/mk/дебар-со-години-без-решение-за-проблем/ |
Posted By: stef4o
Date Posted: 04-Aug-2020 at 13:29
|
Остатоците од курбаните фрлени по улица - се шири лоша миризба, опасност од ширење болести
[tube]oGej7vlcHRg&feature[/tube] https://tv21.tv/mk/ostatotsite-od-kurbanite-frleni-po-ulitsa-se-shiri-losha-mirizba-opasnost-od-shirene-bolesti/ |
Posted By: stef4o
Date Posted: 06-Aug-2020 at 10:22
|
Депонијата Русино и понатаму блокирана – Таравари: Рационално и долготрајно решение
[tube]sdKpbTWYbUo&feature[/tube] https://tv21.tv/mk/deponijata-rusino-i-ponatamu-blokirana-taravari-ratsionalno-i-dolgotrajno-reshenie/ |
Posted By: stef4o
Date Posted: 11-Aug-2020 at 16:16
|
ТОА ШТО ЧАДИ НЕ Е ПРЕТОВАРНАТА СТАНИЦА, ТУКУ ГРАЃАНИ ЈА ПАЛАТ ДИВАТА ДЕПОНИЈА ВАРДАРИШТЕ, ВЕЛИ ДИРЕКТОРОТ НА „КОМУНАЛНА ХИГИЕНА“ ПО НАЈАВИТЕ ЗА ПРОТЕСТ
Претоварната станица кај Вардариште е според сите стандарди и таму не се пали ѓубре, туку несовесни граѓани постојано ја потпалуваат дивата депонија, вели директорот на ЈП „Комунална хигиена“ Абдусамед Шабани. Жители на скопската населба Маџари денеска најавија дека в петок ќе организираат протест бидејќи тие и околните населби се гушат од смрдеа од ѓубрето кое секој ден се пали во претоварната станица на „Комунална хигиена“. Жителите тврдат дека ѓубрето што се собира низ Скопје, од претоварната станица не се носи на депонија „Дрисла“ туку таму се пали и секоја вечер се шири непријатна миризба низ населбите Маџари, Четно, Хиподром и Керамидница. Директорот на „Комунална хигиена“ Абдусамед Шабани велат дека секој граѓанин има право да протестира, но во овој случај обвинувањата не биле вистините. „Претоварната станица е според сите стандарди. Таму како и во Карпош 3 се врши селекција на отпад, а потоа ѓубрето се депонира на ‘Дрисла‘. Не е точно дека се пали во претоварната станица, се пали дивата депонијата Вардариште која постои со години “, вели Шабани. Градоначалникот на Скопје Петре Шилегов постојано одговарајќи на новинарски прашања за проблемот со дивата депонија „Вардариште“, вели дека станува збор за сериозен проект и за чистењето на оваа депонија потребна е помош од централната власт бидејќи тоа чини многу %20 - https://sdk.mk/index.php/dopisna-mrezha/toa-shto-chadi-ne-e-pretovarnata-stanitsa-tuku-gragani-ja-palat-divata-deponija-vardarishte-veli-direktorot-na-komunalna-higiena-po-najavite-za-protest/ |
Posted By: stef4o
Date Posted: 13-Aug-2020 at 10:14
Граѓаните бараат спас од Вардариште
Во петок во 17 часот на рампата во населбата Маџари ќе се одржи протест против загадувањето од Вардариште. – Се повикуваат сите граѓани од Маџари, Триангла, Ченто, Хиподром, на протест против „претоварната станица“ во Вардариште, од којашто секојдневно се гушиме во смрдеа сите ние. Исто така протестираме против секојдневното неконтролирано палење секакви отпади поради продавање метал во дивите отпади! – пишуваат во својата објава група граѓани, кои се организатори на протестот. Тие бараат итно постапување во насока на расчистување на дивата депонија Вардариште и преземање мерки за надминување на проблемите со отпадите од секој вид. – Правото на чист воздух и здрава животна средина е основно човеково право и мора да се бориме до крај – велат во повикот организаторите. Од Општина Гази Баба, на чија територија се наоѓа старата депонија, нема одговор дали нешто преземаат за решавање на проблемот со кој се соочуваат граѓаните, особено во однос на дивите палења отпад и дали планираат чистење на Вардариште. Молчат и за тоа дали до нив стигнуваат реакции и жалби од граѓаните кои живеат близу депонијата. Претоварната станица, пак, која е лоцирана во Вардариште е во надлежност на јавното претпријатие „Комунална хигиена“. Тука секојдневно пристигнуваат помалите специјални комунални возила-камиони со капацитет до 8 метри кубни, од коишто комуналниот отпад собран во скопските општини се префрла директно во специјален затворен контејнер со капацитет од 15 тони. – Откако ќе се наполни овој контејнер, во текот на истиот ден, тој се транспортира во депонијата Дрисла, каде што се истовара отпадот. Дневно се транспортираат максимум до 5 вакви контејнери, но најчесто во просек имаме 4 контејнери, односно 60 тони комунален отпад што дневно од страна на ЈП „Комунална хигиена“ – Скопје се транспортира на депонијата Дрисла. Отпадот од помалите камиони воопшто во ниту еден момент не се одлага на земја, туку директно се префрла во контејнерот којшто е затворен и контејнерот секогаш се транспортира во текот на истиот ден – вели Ана-Марија Бранѓолица, раководител на Секторот за поддршка на менаџментот во „Комунална хигиена“. Таа додава дека во првата половина од годинава, во претпријатието не била пријавена ниту една поплака од граѓани поврзана со работењето на претоварната станица во Вардариште. Депонијата Вардариште е сериозен проблем на Скопје, за кој институциите не најдоа решение, бидејќи чистењето е зафат со кои досега ни градската ни општинската власт не се осмелиле да се фатат. Во меѓувреме, граѓаните постојано се жалат дека на овој простор се палат огнови и се гори отпад, дека во околината се шири смрдеа и се загрозува здравјето на граѓаните. %20 - https://www.slobodenpecat.mk/graganite-baraat-spas-od-vardarishte/ |
Posted By: stef4o
Date Posted: 13-Aug-2020 at 10:23
|
Видео и фотки од Вардариште и околината
https://www.facebook.com/735309725/videos/pcb.10158710336444726/10158710336219726 ... 
https://www.facebook.com/groups/vozduhsega |
Posted By: stef4o
Date Posted: 14-Aug-2020 at 16:45
|
Дивата депонија „Вардариште“ еколошка бомба во Скопје
[tube]v4PncOOgm6o&feature[/tube] %20 - https://telma.com.mk/2020/08/14/дивата-депонија-вардариште-еколо/ |
Posted By: stef4o
Date Posted: 14-Aug-2020 at 16:55
|
За средување на Вардариште требаат 40 милиони евра, за денеска закажан протест
Депонијата Вардариште била во интензивно користење за фрлање на комуналниот отпад на Град Скопје од 1997 година, кога се отвора капацитетот Дрисла, и тоа што де факто се случува таму сега е всушност распаѓање на тој депониран комунален отпад што е потенцијален сериозен еколошки проблем за Град Скопје. Градот и „Комунална хигиена“ тоа што во моментот го работат на Вардариште е дека таму има еден капацитет на претоварна станица каде се носи ѓубриштето во тој дел на градот, се врши примарна селекција, се истовара во возила и се носи во Дрисла, што значи дека нов комунален отпад не се генерира, туку се врши примарна негова обработка и се носи во Дрисла. Ова денеска во изјава за медиумите го нагласи градоначалникот на Град Скопје Петре Шилегов по брифингот со новинарите за поранешната депонија Вардариште и проблематиката што постои таму и со која се соочува Градот, но и граѓаните кои живеат во непосредна близина. – Проблемите настануваат од долгогодишното несоодветно место и несоодветен начин на депонирање повеќе децении на комуналниот отпад. Во непосредна близина на самата локација постојат три правни субјекти кои управуваат со отпади, а кои како институции се под исклучива надлежност на Министерството за животна средина и просторно планирање (МЖСПП) и Државниот инспекторат за животна средина, односно градот ја нема ингеренцијата да може да ги инспекторира или да изрече било каква санкција доколку истите несоодветно ја извршуваат својата дејност, иако ги мониторираме. Ги мониторираме од иста причина што нашите инспекциски служби се таму присутни заради постоењето на три диви населби, на неформални преработувачи на ѓубре, кои како такви ги санкционираме. Инспекцискиот надзор во последниве две години е зголемен за 300 проценти за разлика од минатото, посочи Шилегов. Информира дека Градот во меѓувреме има изработено студија за целосна санација на Вардаршите, за целосна заштита на тој локалитет. – Според таа студија која ја имаме направено да се изврши една примарна заштита на тој простор со технологиите кои се познати, потребно е за примарната некаде околу 25 милиони евра, а за целосна санација некаде околу 40 милиони евра средства кои Град Скопје за жал ги нема на располагање . Веќе имаме разговори со дел од претставниците на ЕУ тука, но мислам дека како проблем, како начин на решавање ќе мора и МЖСПП да партиципира со цел потенцијална опасност за животната средина во Скопје понатаму да нема. Тоа што ние го правиме е таму да се инсталирани т.н. подземни шипки, одводи, за метанските гасови кои се создаваат долу да не претставуваат евентуална еколошка опасност, додаде Шилегов. Инаку, за денеска најавен е протест поради загадувањето, неподносливата смрдеа и чадот кој се шири од скопско Вардариште . Протестот треба да почне во 17 часот, на рампата кај железничката пруга во населба Маџари. Протестот го организираат граѓани од Гази Баба кои живеат во близина на Вардариште и секојдневно се гушат од чадот од нелегалната депонија, кој се гледа и мириса и во соседната Општина Аеродром, за што сведочат фотографиите кои секојдневно се објавуваат на социјалните мрежи. https://nezavisen.mk/za-sreduvanje-na-vardarishte-trebaat-40-milioni-evra-za-deneska-zakazhan-protest/ |
Posted By: Staro Skopje
Date Posted: 16-Aug-2020 at 12:35
|
Нека го дадат земјиштето под концесија за изградба на голф и тениски терени, помали спортски терени и хотели, а барем 25% да биде јавен парк и 45% зеленило. И новата универзална може тука да се изгради, а мал дел да се продаде за станови.
Проблемот со бездомниците и дивите населби да се решава системски, со пружање можност за нормален живот и казни за оние кои ќе продолжат со депоништвото. ------------- Градот убав никна, но го откорнаа |
Posted By: stef4o
Date Posted: 17-Aug-2020 at 06:36
|
Вардариште никако да се исчисти – инспекторатот бара помош од полицијата, Шилегов од Владата
[tube]eoWyp0h42FA&feature[/tube] https://tv21.tv/mk/vardarishte-nikako-da-se-ischisti-inspektoratot-bara-pomosh-od-politsijata-shilegov-od-vladata/ |
Posted By: stef4o
Date Posted: 17-Aug-2020 at 07:11
|
Се уште е неизвесна иднината на депонијата Русино
[tube]9zc3Lw38zfE&feature[/tube] %20 - https://telma.com.mk/2020/08/16/се-уште-е-неизвесна-иднината-на-депони/ |
Posted By: stef4o
Date Posted: 19-Aug-2020 at 15:48
Под Транспортен во правец кон Ист Гејт
https://www.facebook.com/groups/192261398109214 |
Posted By: stef4o
Date Posted: 31-Aug-2020 at 09:51
|
Бетонски препреки на влезовите во Вардариште и 24-часовен мониторинг
Жители околу поранешната депонија му се пожалија на скопскиот градоначалник, Петре Шилегов за маките што ги имаат поради палежите и смрдеата што се шири од Вардариште. Побараа од Градот да постави препреки на влезовите во депонијата и 24-часовен мониторинг со цел да се спречи фрлање на градежен шут на тој простор, како и да се изнајде решение за диво населените лица кои секојдневно горат кабли и го загадуваат воздухот Затворање на сите пристапи до депонијата со бетонски препреки и 24-часовен физички мониторинг, се двете краткорочни барања на иницијативниот одбор за решавање на статусот на Вардариште, а кои произлегоа на средбата со градоначалникот на Град Скопје, Петре Шилегов. – На средбата беа доставени нашите барања. Имаше предлози и од страна на градоначалникот и договорена е повторна средба оваа недела – информира советникот на општина Гази Баба, Дејан Димитровски. Според него, од Шилегов било побарано како среднорочно решение депонијата да се дислоцира, како и решавање на статусот на дивонаселените граѓани кои секојдневно го загадуваат делот на општина Гази Баба и општина Аеродром. – На средбата со моите сограѓани од околината на Вардариште разговаравме за нивните проблеми со дивите населби што се формираат во нивното соседство и со претоварната станица за комунален отпад. На средбата разменивме мислења и предлози за решавање на овој горлив проблем. Сметам дека само во директна комуникација и соработка со граѓаните може да се дојде до најдобрите решенија за отворените урбани прашања – истакна Шилегов. Според Раде Денковски, “затворената” депонија Вардариште само заеднички може да успееме да ја затвориме. – За брзо време ќе стане проблем на цело Скопје. Затоа да бидеме сплотени и да ја затвориме веќе еднаш оваа депонија – вели Денковски. – Органите одлучуваат веќе со децении и никако да одлучат, а Вардаристе полека се враќа на нивото од пред 30 години (вистинска депонија). Затоа ние граѓаните кои сме најзасегнати од овој проблем се одлучивме на овој чекор. Едноставно не можеме повеќе да чекаме “на органите да одлучат – дециден е Далибор Коцевски. Вардариште и понатаму служи како депонија за одлагање на секаков отпад од каде се шири реа. Таму живеат околу сто жители – фантоми кои околу живеалиштата имаат направено депонии од пластика, картони, отпадно железо и разноразни кабли кои ги горат. Жителите на општините Аеродром и Гази Баба и репризно секоја година ги чувствуваат последиците од неконтролираните пожари од Вардариште. Советници од општина Гази Баба велат дека Министерството за труд и социјална политика треба, а не го решава, проблемот со фантомите и во изминативе години само го става под тепих. Тие лица им прават проблеми на жителите од населбата „Кирил Петрушевски“ бидејќи ги крадат и им провалуваат во нивните куќи. Од иницијативниот одбор бараат како долгорочно решение да се направи ремедијација на депонијата која официјално е затворена пред 25 години, во соработка со Министерството за животна средина и пристапни фондови. Таму се натрупани милиони килограми отпадоци од скопските домаќинства, а тоа продолжи да се провлекува до ден-денес. Градот Скопје може да го искористи искуството на градот Чачак во соседна Србија. Властите на овој град во август 2019 година почнаа со рекултивација на тамошната депонија која е со приближна површина како „Вардариште“. Согласно дебелината на слоевите со отпад, тие просторот го поделиле во две зони со различни методи на санација. Пониските слоеви од 0 до 4 метри ги решаваат со контролирано отстранување на гасовите и рекултивација, додека подебелите слоеви со поставување на канали, водонепропусни фолии за спречување на течењето на исцедокот од отпадот и Биотрнови за евакуација на депониските гасови. По завршување на овој тежок и скап процес, градските власти планираат таму да направат спортски игралишта и паркови. https://www.vecer.press/бетонски-препреки-на-влезовите-во-вар/ |
Posted By: stef4o
Date Posted: 03-Sep-2020 at 12:02
Под Нова Железничка кон Саем...катастрофа никој не сака со прст да мрдне и да превземе нешто
https://www.facebook.com/jassumodopstinaaerodrom/ |
Posted By: stef4o
Date Posted: 06-Sep-2020 at 09:31
На Лепенец(од фб)
|
Posted By: stef4o
Date Posted: 14-Sep-2020 at 12:31
СТО ПАТИ ЧИСТЕВМЕ И ПАК ПРАВАТ ДЕПОНИИ, ВЕЛИ ГРАДОНАЧАЛНИКОТ БОГОЕВ ЗА ПОЖАРОТ КАЈ САЛАТА „БОРИС ТРАЈКОВСКИ“
Пожарот кој утрово изби во близина на салата „Борис Трајковски“ е запален шут и отпад. Депонијата е зад делот кој што лани гореше, покрај кејот на реката Вардар и беше исчистен од Општина Карпош и Град Скопје за да се прави парк. Но, повторно во овој дел се создаваат нови диви депонии, а градоначалникот на Општина Карпош Стефан Богоев вели дека не може да се излезе на крај со граѓаните. „Влезот во близина на аква паркот од каде влегуваа камиони го затворивме откако ја исчистивме депонијата, но сега си направиле друг пат и од таму влегуваат и прават депонии. Сто пати чистевме, стававме препреки, но џабе, пак се прават депонии. Депонии се прават и во Карпош 4, во делот кој го расчистува и рамни земјиштето за новиот парк“, вели градоначалникот Богоев. Богоев вели дека инспекторите од Општината постојано биле на терен, но граѓани истураат камиони со шут и во 5 часот наутро во недела. Пожар на големата депонија долж кејот на реката Вардар изби и лани во април. По пожарот Град Скопје и Општина Карпош започнаа со чистење на големата депонија, а беше најавено дека на тој потег на површина од 60.000 метри квадратни ќе се прави нов парк. Од Град Скопје велат дека се работи на паркот односно станува збор за голема површина, која во моментов се расчистува и се рамни земјиштето. %20 - https://sdk.mk/index.php/dopisna-mrezha/sto-pati-chistevme-i-pak-pravat-deponii-veli-gradonachalnikot-bogoev-za-pozharot-kaj-sts-boris-trajkovski/ |
Posted By: stef4o
Date Posted: 14-Sep-2020 at 12:33
Од пожарот на депонијата утринава(од фб)
|
Posted By: stef4o
Date Posted: 14-Sep-2020 at 12:36
(ФОТО) Гори дивата депонија кај „Борис Трајковски“
https://alsat-m.tv/mk/фото-гори-дивата-депонија-кај-борис/ |
Posted By: stef4o
Date Posted: 14-Sep-2020 at 14:56
|
Чад и смрдеа ги гуши скопјани, пожар во дива депонија до салата „Борис Трајковски“
[tube]tZ_WU6hJZAQ&feature[/tube] https://tv21.tv/mk/chad-i-smrdea-gi-gushi-skopjani-pozhar-vo-diva-deponija-do-salata-boris-trajkovski/ |
Posted By: stef4o
Date Posted: 18-Sep-2020 at 06:43
ЧЕТВРТИ ДЕН ГОРИ ДЕПОНИЈАТА КАЈ „БОРИС ТРАЈКОВСКИ“, КАРПОШАНИ СЕ ГУШАТ ВО ЧАД
Дивата депонија покрај кејот на реката Вардар во Скопје, во близина на салата „Борис Трајковски“, гори и вечерва. Непријатна миризба се чувствува низ цела Општина Карпош. Од Пожарната велат дека брзо ќе го локализираат пожарот, но дека поради ветрот чадот се шири низ населбата. На мирис на чад се жалат граѓани секоја вечер откако пред три дена беше запалена депонијата, но надлежните велеа дека немаат пријава. Истата депонија беше запалена во април 2019, а од март годинава почнаа градежните работи за изградба на парк на на површина од 60.000 метри квадратни. Покрај зеленило и дрвја, ќе биде изведена и ботаничка градина, како и содржини за спорт и рекреација. Градоначалникот на Општина Карпош Стефан Богоев на 14 септември, кога почнаа пожарите на депонијата, кажа дека не може да се излезе на крај со граѓаните. „Влезот во близина на аква паркот од каде влегуваа камиони го затворивме откако ја исчистивме депонијата, но сега си направиле друг пат и од таму влегуваат и прават депонии. Сто пати чистевме, стававме препреки, но џабе, пак се прават депонии. Депонии се прават и во Карпош 4, во делот кој го расчистува и рамни земјиштето за новиот парк“, вели градоначалникот Богоев. Богоев вели дека инспекторите од Општината постојано биле на терен, но граѓани истураат камиони со шут и во 5 часот наутро во недела. %20 - https://sdk.mk/index.php/dopisna-mrezha/chetvrti-den-gori-deponijata-kaj-boris-trajkovski-karposhani-se-gushat-vo-chad/ |
Posted By: stef4o
Date Posted: 18-Sep-2020 at 13:28
|
Депонијата Вардариште физички ќе се затвора затоа што следува црвен картон од ЕУ
Заврши времето на ставање под тепих на проблемите со депониите. Ако надлежните набрзо не почнат со решавање на депониите една по една, на земјава ќе и биде испорачан црвен картон за преговори со Европската Унија. На ова предупредува Дејан Димитровски, советник во општина Гази Баба од редот на зелената партија ДОМ во пресрет на попладневниот протест на жители од Маџари, Автокоманда, Лисиче и Аеродром пред рампата во Мацџари, а кои се засегнати од палежите на депонијата Вардариште и од реата на горена пластика и ѓубре што секоја вечер се шири од депонијата. – Триесет и пет години откако депонијата е затворена не е извршена никаква интервенција на истата. Сегасната состојба е на критично ниво со испарување на гасови и други штетни материи. Доколку сега не се реши ремедијацијата на депонијата имаме во наскоро време проблем за две работи – здравјето на граѓаните и црвен картон за преговори со Европа. Затоа заврши времето на ставање под тепих на проблемите со депониите и редно е сите граѓани на протестот да си ги побараме нашите права – вели Димитровски. Според него, вчера во обиколка на депонијата Вардариште биле претставници од кабинетот на градоначалникот ан Град Скопје. – Се договараше стратегија за физичко затворање на депонијата. Тоа е првото барање за депонијата на жителите на општина Гази Баба – вели Димитровски. На вториот еколошки протест кај рампата во Маџари кој се организира поради „долгогодишната незаинтересираност на градските и општинските за власти за решавање на основните проблеми во нашата населба“ ќе бидат кажани веќе добро познатите барања. –Бараме затворање на претоварната станица во Вардариште и на сите пристапни патишта кои водат до депонијата. Депортација на граѓаните без документи, кои што секојдневно носат и палат ѓубре на депонијата (која што официјално е затворена). Бараме 24-часовна контрола од страна на МВР на рампата во Маџари, како и контрола на работењето на отпадите. Да излеземе сите, тука нема политика, се бориме за основни права – стои во повикот на организаторите. https://www.vecer.press/депонијата-вардариште-физички-ќе-се-з/ |
Posted By: stef4o
Date Posted: 18-Sep-2020 at 13:31
|
Општина Карпош започна со чистење на теренот во близина на Спортскиот центар „Борис Трајковски”, кој изминатава недела гореше во два наврати.
Oд утринава, на терен, интензивно се работи со соодветна тешка механизација, (гасеничари, камиони и сл.) а во акцијата ќе се вклучат и комуналните служби на општината. Исто така, од 16:00 часот, на овој дел ќе дежураат двајца комунални редари на локалната самоуправа. Градоначалникот на Општина Карпош, Стефан Богоев се обрати и до СВР Скопје, со барање за зголемени полициски патроли на овој предел и за дежурства во текот на викендот и претстојните денови. Општина Карпош, изминативе три години континуирано работи на чистење на депониите. Затворена е децениската депонија кај хотелот „Александар Палас”, во Злокуќани (кај фудбалското игралиште), како и во Бардовци (долж Лепенец). Исто така, целосно се исчисти и се израмни теренот кај мостот „Газела”, кој прераснува во нов парк. [tube]JL7VBH1Z3EQ&fbclid[/tube] https://www.facebook.com/OpstinaKarpos |
Posted By: stef4o
Date Posted: 18-Sep-2020 at 16:27
|
ПАЛЕЊЕТО ДЕПОНИИ Е КРИВИЧНО ДЕЛО И МОРА ДА ИМА ОДГОВОРНОСТ, РЕЧЕ МИНИСТЕРОТ НУРЕДИНИ
Палење депонии е кривично дело, ги повикувам општините да ги спречат ваквите појави, полицијата и Обвинителството да поведат постапки, рече министерот за животна средина и просторно планирање Насер Нуредини за случаите со палење на депониите кај салата „Борис Трајковски“, во Вардариште и во Визбегово во Скопје. Неделава четири дена гореше депонијата кај салата „Борис Трајковски“ и цел Карпош смрдеше на ѓубре. За денеска, протест поради палење на депонијата Вардариште и трупање ново ѓубре од што се шири непријатна миризба најавија жителите на скопската населба Маџари. Министерот Нуредини рече дека за ваквите проблеми општините се тие кои што треба да реагираат и да спречат палење на депоните и неконтролирано фрлање ѓубре. За решавање на децинскиот проблем со депонијата Вардариште и онаа во Визбегово рече дека се бара решение. „Кривично дело е да се запали ѓубре, а за палење депонија вината е уште поголема. Затоа, треба институциите да постапуваат, Обвинителството да поведе постапки, а Општините да спречат создавање нови депонии и нивно палење. Знам дека Град Скопје нема толку средства за решавање на депониите во Вардариште и Визбегово, за нив е потребно многу пари. Но, и буџетот на Министерството не е многу голем. Ќе работиме и бараме начин како да го решиме проблемот со големите депонии во Скопје“, рече Нуредини. Нуредини на денешната прес-конференција најавувајќи ги проектите во 4-годишниот мандат најави засилување на инспекциите, зголемување на казните за загадување на животната средина и донесување нови закони кои ќе овозможат имплементирање на политики за здрава животна средина. „Од аспект на аерозагадувањето, ќе го зголемиме бројот на мерни станици. За подобар пристап на граѓаните до овие податоци, ќе изработиме нов лесен и транспарентен софтер за употреба. Започнавме активности за координација со другите надлежни институции за подобра контрола на цврстите горива за греење, односно воведување стандард за пелети. Ги повикувам инспекциските служби од сите области, и во рамките на Владата ќе барам засилување на капацитетите, за соодветна контрола на теренот и казнување на секаков вид на загадување. Ќе се заложам за подобра координација и кооперација на овие служби. Заедно со Владата, ќе се обезбедат средства за подобрување на енергетската ефикасност на јавните објекти и замена на нееколошките начини на греење до 2024. Можам да споделам дека веќе имаме изработено иницијално мапирање на државните установи кои се греат на мазут и се работи на програмирање на средствата“, рече Нуредини. Најави дека ќе притиска во Владата при креирање на буџетот за 2021 година, повеќе пари да добие Министерството за реализиција на повеќе проекти за здрава и чиста животна средина. А. АНТЕВСКА %20 - https://sdk.mk/index.php/makedonija/paleneto-deponii-e-krivichno-delo-i-mora-da-ima-odgovornost-reche-ministerot-nuredini/ |
Posted By: stef4o
Date Posted: 18-Sep-2020 at 16:43
|
ПРОТЕСТИ ПРЕД ДЕПОНИЈАТА ВАРДАРИШТЕ
[tube]AtRDz6_gB6Q&feature[/tube] https://24.mk/details/protesti-pred-deponijata-vardarishte |
Posted By: stef4o
Date Posted: 19-Sep-2020 at 10:21
|
Владата ќе ги преземе ингеренциите на општините кои не можат да раководат со отпадот
[tube]_tCeL1h9Ahc&feature[/tube] %20 - https://telma.com.mk/2020/09/18/владата-ќе-ги-преземе-ингеренциите-на/ |
Posted By: stef4o
Date Posted: 22-Sep-2020 at 07:19
|
Депонијата кај Вардариште ќе се чистела кога ќе сме почнеле преговори со ЕУ, „Лајка“ ќе се отворела другата недела
[tube]TnpHeqkXQ0Q&feature[/tube] https://alfa.mk/deponijata-kaj-vardarishte-ke-se-chistela-koga-ke-sme-pochnele-pregovori-so-eu-lajka-ke-se-otvorela-drugata-nedela/ |
Posted By: stef4o
Date Posted: 24-Sep-2020 at 12:22
|
Постигнат договор за издавање на градежната дозвола од општина Гостивар за санација на Русино
Министерот за животна средина и просторно планирање Насер Нуредини, денеска ги прими на консултативна средба претставниците на граѓанската иницијатива „Стоп Русино“ и градоначалникот на општина Гостивар, Арбен Таравари. При тоа, на средбата присуствувале и претставници од Швајцарскиот секретаријат за економски прашања и од проектот за воспоставување на Интегриран регионален систем за управување со отпад во Полошкиот регион. На средбата присутните, изразиле подготвеност за заедничко решавање на проблемот и се согласиле градоначалникот Таравари веднаш да ја потпише градежната дозвола за започнување на имплементацијата на брзите мерки за санација и подобрување на инфраструктурата во Русино. Засегнатите страни исто така се согласиле за Регионалниот план за управување со отпад во Полошкиот Регион, дополнет со план за изнаоѓање на нова локација во рок од пет години, да биде одобрен од сите општини во Регионот. „При тоа е нагласена суштинската важност на усвојување на Регионален план за управување со отпад во Полошкиот Регион кој веќе е одобрен од Министерството за животна средина и просторно планирање и кој се очекува да биде усвоен од советите на секоја од општините во регионот, вклучувајќи ја и Општина Гостивар што е предуслов за обезбедување на финансиски средства потребни за реализација на инвестициите планирани во втората фаза од проектот. Втората фаза опфаќа изградба на стандардна депонија со постројка за третман на отпадот, изградба на претоварни станици, набавка на камиони за собирање и транспорт на отпадот, набавка на контејнери за селекција на отпадот и комплетно затварање на постоечките 74 диви депонии и сметишта во регионот,“ се вели во соопштението на МЖСПП. https://meta.mk/postignat-dogovor-za-izdavane-na-gradezhnata-dozvola-od-opshtina-gostivar-za-sanaczija-na-rusino/ |
Posted By: stef4o
Date Posted: 25-Sep-2020 at 06:53
|
Кичево мака мачи со отпадот - стадионот во Зајас сега е депонија
[tube]m4QvOaS5puc&feature[/tube] https://tv21.tv/mk/kichevo-maka-machi-so-otpadot-stadionot-vo-zajas-sega-e-deponija-2/ |
Posted By: stef4o
Date Posted: 27-Sep-2020 at 11:19
|
Ништо од ветената дислокација на дивата депонија кај Струга
[tube]liFZxbPyXgQ&feature[/tube] https://alsat.mk/mk/ништо-од-ветената-дислокација-на-дива/ |
Posted By: stef4o
Date Posted: 09-Nov-2020 at 17:52
Во Аеродром(од твитер)
|
Posted By: stef4o
Date Posted: 09-Nov-2020 at 18:03
|
ЌЕ СЕ ЧИСТИ ДЕПОНИЈАТА ВО СКОПСКО ВИЗБЕГОВО, ОБЕЗБЕДЕНИ СЕ 325.000 ЕВРА СО РЕБАЛАНСОТ НА БУЏЕТОТ, ВЕЛИ МИНИСТЕРОТ НУРЕДИНИ
Со ребалансот на државниот буџет на Министерството за животна средина и просторно планирање му беа доделени 20 милиони денари (325.000 евра) за чистење на депонијата во близина на скопската населба Визбегово. Со тоа конечно ќе почне решавањето на проблемот со депонијата во Општина Шуто Оризари, која покрај тоа што се трупа со секаков вид на отпад и ѓубре, секојдневно се пали и со денови гори. Жителите на околните населби Чаир, Бутел и Визбегово постојано се жалат дека дишат чад и воздух што мириса на изгорена пластика од депонијата. Министерот за животна средина и просторно планирање Насер Нуредини вели дека преку ребалансот успеале да обезбедат средства за решавање на овој проблем, со што ќе се придонесе до намалување на загадувањето во овој дел од градот, нешто на што секоја зима се жалат жителите кои живеат во близина на депонијата. „Ќе ѝ предложам на Владата да не се ангажира приватна фирма и да се одолговлекува со тендерски постапки туку работите за чистење на депонијата да ги врши ЈП ‘Комунална хигиена“ на Град Скопје, кое располага со соодветна механизација, вели министерот за животна средина Насер Нуредини. Тој вели дека оваа одлука треба да се донесе утре. Откако просторот ќе биде исчистен, Град Скопје ќе треба да го загради и обезбеди. Градоначалникот Петре Шилегов вели дека на тој начин ќе се спречи повторно да се создаде депонија во овој дел од градот. Со ребалансот на буџетот Министерството за животна средина доби вкупно 165 милиони денари за реализација на проекти од областа на заштитата на животната средина. Од нив 49 милиони денари се за завршување на секундарната мрежа за вода за пиење во селата Липково и Оризаре, 39 милиони денари за колекторски систем во Општина Струга, а пари за изградба на водоводна мрежа се предвидени за општините Чаир, Сарај, Крушево, Тетово, Пробиштип, Ресен. Пари се предвидени и за чистење на дивите депонии во Маврово и Ростуше. %20 - https://sdk.mk/index.php/dopisna-mrezha/ke-se-chisti-deponijata-vo-skopsko-vizbegovo-obezbedeni-se-325-000-evra-so-rebalansot-na-budhetot-veli-ministerot-nuredini/ |
Posted By: stef4o
Date Posted: 09-Nov-2020 at 18:29
Од спалувањето отпад на Вардариште изминативе денови
https://www.facebook.com/groups/vozduhsega |
Posted By: Влатко
Date Posted: 10-Nov-2020 at 08:52
|
https://sdk.mk/index.php/dopisna-mrezha/ke-se-chisti-deponijata-vo-skopsko-vizbegovo-obezbedeni-se-325-000-evra-so-rebalansot-na-budhetot-veli-ministerot-nuredini/ Ќе го следам ова во чекор
|
Posted By: stef4o
Date Posted: 01-Dec-2020 at 18:23
|
ДЕПОНИЈАТА РУСИНО ЌЕ БИДЕ ЗАТВОРЕНА ПО ПЕТ ГОДИНИ ОТКАКО БЕА ПРИФАТЕНИ БАРАЊАТА НА ЕКОЛОГИСТИТЕ
Регионалната депонија Русино кај Гостивар ќе биде затворена и дислоцирана после пет години. На ова со потпис се обврзаа градоначалниците од Полошкиот плански регион на состанокот кој денеска се одржа во Општина Желино. Поради енормното загадување на воздухот и почвата кое доаѓаше од Русино, екологистите и невладините организации од летоска го блокираа одложувањето на сметот на депонијата и до градоначалниците од Полошкиот регион доставија 19 барања, меѓу кои најважно беше нејзина дислокација. „На состанокот во Министерството за животна средина, на кој беа и претставници од организацијата ‘Стоп Русино‘, невладината организација ‘Двеко‘, Општина Гостивар и од сите политички партии од регионов, консензуално донесовме одлука депонијата Русино после пет години да се дислоцира од зоната и да се најде друга депонија која ќе биде за цел Полошки регион. Градоначалниците од Полошкиот регион се согласија со сите 19 точки и денеска ги потпишавме, за да се почне со спроведување на швајцарскиот проект, со кој треба да се изврши рехабилитација на Русино. Се надевам дека после пет години Министерството ќе најде друга локација која ќе биде координирана со други општини и ќе ги исполнува условите да биде регионална депонија. Нѐ радува тоа што по пет години Русино ќе биде комплетно средена и исчистена и ќе стане зелена површина. Верувам дека сите сериозно ќе се придржуваме до она што го потпишавме“, изјави градоначалникот на Општина Гостивар, Арбер Таравари. Оптимизам владее и кај претставниците од Полошкиот плански регион, кои се најзасегнати со проблемот на депонијата Русино. Дел од деветте општини во Полошкиот регион веќе ги потпишале барањата од невладиниот сектор, а останатите се очекува да го направат тоа во наредниот период. „Ние постигнавме договор со организацијата ‘Стоп Русино‘, нивните барања веќе се прифатени и потпишани од градоначалниците на општините Тетово и Брвеница, а денеска ќе им биде дадена и на другите градоначалници. Друг битен момент за деблокирање на Русино е да се формира регионално претпријатие за управување со отпад. И таа одлука ја имаат донесено четири општини. Сите членови на управни и надзорни одбори поминуваат на советите на сите општини. Чекаме сите да потпишат, па да свикаме седница на управен одбор и да назначиме директор“, изјави Фатмир Саити, директорот на Полошкиот плански регион. Депонијата Русино се наоѓа на неколку километри од Гостивар и досега нејзината работа, односно одложувањето на сметот, повеќе пати беше блокирана, како од месното население, така и од еколошките организации од Гостивар. %20 - https://sdk.mk/index.php/dopisna-mrezha/deponijata-rusino-ke-bide-zatvorena-po-pet-godini-otkako-bea-prifateni-baranata-na-ekologistite/ |
Posted By: stef4o
Date Posted: 02-Dec-2020 at 12:30
|
Македонските депонии - од места за фрлање отпад до фабрики за рециклирање?
[tube]Dl8ve_q57lo&feature[/tube] https://meta.mk |
Posted By: stef4o
Date Posted: 03-Dec-2020 at 11:49
Порталб: После многу години ветувања, конечно се чисти депонијата во тетовската „Ромска населба“
Една од најголемите депонии во Тетово, кoja се наоѓа во „Ромската населба“ после неколку години конечно ќе се отстрани. Општинските власти известуваат дека веќе шест дена се одвиваат работи и, како што велат, ќе се исчисти и целото речно корито на Пена. „Порталб.мк“ постојано информираше за опасноста што ја носи оваа депонија за граѓаните, особено за жителите од околината, пишува Порталб.мк. „Веќе 6 дена трае чистењето на речното корито, а акцијата ќе заврши зависно од работите на терен. Отпадот оди во депонијата „Дрисла“, велат од општина Тетово. Потсетуваме дека во оваа населба се создаде преполна депонија. Таму може да се најдат килими, мебел, телевизори и многу други апарати за домаќинство што се фрлени од несовесни граѓани а реата што се испушта е одвратна. „Порталб.мк“ постојано информираше за оваа депонија, поради тоа што често пати експертите од оваа област истакнуваа дека ваквите депонии претставуваат реален ризик од ширење на разни епидемии, ниту една институција било на локално или централно ниво нема преземено мерки за решавање на оваа проблематика, барем не за градот Тетово. Депонијата се наоѓа 700 метри воздушна линија од Општина Тетово, при што во оваа населба живеат десетици жители, кои од ден на ден се сѐ позагрозени од разни болести што може да се предизвикаат како последица на депонијата. Инспекторатот за животна средина – бескорисен „Порталб.мк“ со години пишува за феноменот на ненаоѓање на лицата што ги палат отпадоците во Тетово, и за создавањето депонии како оваа. Бројот на лица кои се задолжени да ги најдат и санкционираат прекршителите е 4, што е многу мал број за еден град со околу 70,000 жители. Неколку од случаите за кои прекршителите останаа неоткриени, како последица на неспособноста на инспекторатот за животна средина е палењето на депонијата во Тетово, палењето отпадоци во населбите „Блок 70“ и „Дарданија“, палењето отпадоци во „Ромската населба“, како и многу други кои граѓаните ги пријавуваат на „E-репорт” бидејќи бројот даден на веб страницата на општината (0800-55-043) за пријавување на вакви случаи, не работи. Инаку, иако декларативно, надлежните постојано ги обвинуваа граѓаните за создавањето на депониите, а тие никогаш не презедоа било каква мерка за санкционирање или превенција со цел такви случаи да не се повторуваат повеќе. А за една година, Инспекторатот за животна средина во Тетово има изречено само 15 казни. https://meta.mk/portalb-posle-mnogu-godini-vetuvanja-konechno-se-chisti-deponijata-vo-tetovskata-romska-naselba/?fbclid=IwAR2ZHvuSVcjiN3NzS3M0aSKbePCsXHa19PZIZEiJyD2_Ncr5wpjO4vSJutY |
Posted By: Влатко
Date Posted: 24-Dec-2020 at 12:49
Тука сме https://makfax.com.mk/makedonija/%D0%B4%D0%B5%D0%BF%D0%BE%D0%BD%D0%B8%D1%98%D0%B0%D1%82%D0%B0-%D0%B2%D0%BE-%D0%B2%D0%B8%D0%B7%D0%B1%D0%B5%D0%B3%D0%BE%D0%B2%D0%BE-%D1%81%D0%B5-%D0%BF%D0%BE%D0%BB%D0%BD%D0%B8-%D0%B3%D1%80%D0%B0%D0%B4/
|
Posted By: stef4o
Date Posted: 24-Dec-2020 at 14:55
Итни мерки за расчистување на депонијата во Визбегово ќе побара Државниот инспекторат за животна средина
Државниот инспекторат за животна средина (ДИЖС) ќе испрати барање до градоначалниците на Општина Шуто Оризари и Град Скопје, со цел да преземат итни мерки за расчистување на депонијата во Визбегово, но и за соодветно да се уреди земјиштето, информираат оттаму. Од ДИЖС потенцираат дека на 23 декември утврдиле прекршување на законот за управување со отпад, откако извршиле вонреден инспекциски надзор на депонијата, по претставки од граѓани. Дополнително, тие информирааат дека депонијата постојано гори и нелегално се полни со отпад, ослободувајќи гасови кои ги дразнат грлото и очите. „До депонијата се пристапува преку земјен пат што се одвојува од патот Визбегово – Шуто Оризари, а пристапот се контролира преку капија што се заклучува. Во моментот на надзорот капијата беше отворена, за да се пропушти камион кипер од општина Шуто Оризари да исфрли отпад. Инспекторите утврдија дека од двете страни на пристапниот пат се депонира градежен шут, комерцијален и индустриски отпад, додека на крајот од патот депонијата се проширува и завршува во огромна дупка што се исполнува со различни видови отпад, вклучително и комунален. Долж патот, а особено на проширувањето на депонијата, беа видливи траги од опожарување. Отпадот депониран покрај дупката тлееше на повеќе места“, се посочува во соопштението на Инспекторатот. Тие додаваат дека возачот на камионот и лицето кое ја отвориле капијата ги информирале дека била исфрлена земја за да се прекрие отпадот што се пали, но, од ДИЖС посочуваат дека инспекторите утврдиле дека земјата била истурена покрај дупката. „Инспекторите одржаа состанок со Градоначалникот на Општината Шуто Оризари, за да му укажат за обврските на општината што произлегуваат од членот 41 од Законот за управување со отпад. Имено, градоначалникот е должен да ја одржува јавната чистота и да постапува со напуштениот отпад во неурбанизираниот дел од општината. Градоначалникот извести дека депонирањето на отпад нелегално го вршат правни и физички лица и дека општината е немоќна тоа да го спречи“, се додава во нивното соопштение. Од ДИЖС порачаа дека депонијата во Визбегово „не смее да гори и мора да се исчисти“. https://www.radiomof.mk/itni-merki-za-raschistuvanje-na-deponijata-vo-vizbegovo-kje-pobara-drzhavniot-inspektorat-za-zhivotna-sredina |
Posted By: alexsend
Date Posted: 24-Dec-2020 at 18:56
|
Нема решение...со таков народ живееме, да не вреѓам сега и навлагам во стереотипи...
Ама единствено решение е поголема мобилност на Градот и тековно решавање на депонииве како се пронаоѓаат. А имаат дронови и се знае во кој дел на градот се најчесто... ------------- Јас Скопје никогаш не сум го замислувал вака. |
Posted By: stef4o
Date Posted: 25-Dec-2020 at 17:21
|
СЕ РАСЧИСТУВА ДЕПОНИЈАТА СО ГОЛЕМИНА ОД 10 ФУДБАЛСКИ ИГРАЛИШТА ВО ВИЗБЕГОВО
Градот Скопје денеска почна голема акција за расчистување на дивата депонија во Визбегово, која претставува повеќедецениски еколошки проблем за Скопје, а особено за жителите на околните општини Шуто Оризари, Бутел и Чучер Сандево. Од оваа депонија која се протега на површина од 10 хектари (околу 10 фудбалски игралишта) ќе бидат расчистени околу 50.000 кубни метри шут и комунален отпад. - Овој проблем овде постои повеќе децении и директно влијаеше врз квалитетот на воздухот зашто депонијата често беше предмет или на самозапалување или пак ја палеа несовесни граѓани. Денешната акција е доволен доказ дека извонредната соработка меѓу локалната и централната власт може да резултира со конечно решавање на ваквите проблеми. Голема благодарност до Владата, а особено до министерот за животна средина за неговиот личен ангажман за одвоените средства од страна на Министерството за животна средина за да може да ја реализираме оваа акција. Јас очекувам во наредните 30-на дена да ја исчистиме оваа површина од околу 10 хектари или околу 10 фудбалски игралишта од која ќе бидат подигнати 50.000 кубни метри комунален смет и шут, да се израмни и да се заштити подрачјето, за овој простор од депонија да прерасне во зелена оаза - рече градоначалникот Петре Шилегов, на почетокот на големата акција за расчистување на депонијата во Визбегово. Градот Скопје, додаде тој, во текот на оваа година ја решава четвртата невралгична повеќедецениска точка - акции за расчистување беа спроведени и веќе се зазеленети депонијата во Ѓорче Петров, депонијата во Мичурин и депонијата во Кисела Вода кои прераснаа во паркови. - Очекувам и бизнис заедницата од зоната Визбегово да придонесе овој дел од градот да го заштитиме што е можно повеќе. Да го чуваме нашиот град како што го чуваме нашиот дом. Како што сакаме дома да ни биде чисто, така да се однесуваме и кон нашиот град. Посакувам овој простор во иднина да стане еден убав парк и убаво шеталиште за скопјани – рече Шилегов. Тој напомена дека веќе дојде до здружување на инспекциските служби на Градот Скопје и на скопските општини и дека повеќе нема да се толерира несовесното постапување од страна на поединци кои на вакви точки фрлаат отпад. Тој упати апел до граѓаните одговорно да се однесуваат кон животната средина и отпадот што го создаваат. На денешната акција присуствуваа и министерот за животна средина и просторно планирање, Насер Нуредини и градоначалниците на општините Бутел и Шуто Оризари, Велимир Смилевски и Курто Дудуш. 
https://www.facebook.com/CityofSkopje |
Posted By: ehrlich
Date Posted: 25-Dec-2020 at 17:44
|
Првин, малку е неточен фактот за депонијата во Ѓорче Петров во нас. место Ново Село, покрај реката Лепенец, која не е зазеленета. Додуша тоа цело крајбрежје не е ни очистено, ама добро изгледа за ПР добро делува набројување.
Потоа, баш ме интересира дали ќе го исчистат земјениот пат под Обиколницата и подвозникот, кој реално е дел од оваа депонија (се гледа на последната фотографија) или ќе речат толку за сега, не можеме се. |
Posted By: FT
Date Posted: 25-Dec-2020 at 17:50
| А каде се носи сето ова ѓубре? |
Posted By: stef4o
Date Posted: 27-Dec-2020 at 18:39
Вардариште
https://www.facebook.com/groups/145337166272043 |
Posted By: stef4o
Date Posted: 09-Jan-2021 at 17:54
Поред патот што ги поврзува Брњарци и Стајковци
https://www.facebook.com/groups/145337166272043 |
Posted By: stef4o
Date Posted: 16-Jan-2021 at 16:06
|
Годинава ќе почне чистењето на сите несоодветни депонии и ѓубришта во Источен и Североисточен регион
Чистењето и затворањето на несоодветните депонии и ѓубришта во Источниот и Североисточниот регион на земјава ќе чини 9 милиони евра. Со овие финансиски средства ќе се чисти натрупаното ѓубре на нестандардните депонии од јавните комунални претпријатија, како и фрлањето на отпадот од несовесните граѓани на забранети локации. Од Министерството за животна средина и просторно планирање за „Мета.мк“ информираат дека избрани се две компании од Германија и Турција, кои во наредниот период ќе работат одделно во Источниот и Североисточниот регион од земјава. До крајот на февруари ќе се изберат и двете компании што ќе го вршат надзорот над работите, по што сложената постапка ќе треба да почне. Затворањето на депониите и ѓубриштата ќе се одвива во две фази. Во Источниот регион се регистрирани 12 несоодветни депонии и 72 диви ѓубришта, додека во Североисточниот регион има определено шест депонии за чистење и 32 диви ѓубришта. Со обезбедените средства, во наредните месеци ќе се исчистат сите 104 идентификувани ѓубришта во двата региона. Воедно, комплетно ќе се исчистат несоодветните депонии создадени на териториите на Општина Чешиново-Облешево, Зрновци, Карбинци и Старо Нагоричане, а предвидено е комплетно затворање на депониите во Кратово, Крива Паланка, Пробиштип, Виница, Берово и Македонска Каменица. Првата фаза опфаќа расчистување на ѓубриштата и затворање на помалите депонии и депониите кои претставуваат висок ризик кон животната средина што е можно поскоро и парцијално затворање на останатите депонии. Во вторава група на делумно затворање на депониите, влегуваат постојните несоодветни локации во Куманово, Ранковце, Липково, Штип, Кочани, Делчево, Пехчево и Свети Николе. Во втората фаза, откако би се воспоставил регионалниот систем за управување со отпад (вклучувајќи ја и изградбата на идната регионална депонија во Општина Свети Николе), предвидено е комплетно затворање на сите други оперативни депонии во Источен и Североисточен плански регион. Инаку, депониите и ѓубриштата ќе се затвораат по три модели. Сите оние локации на кои е депониран отпад помал од 3.000 метри кубни, ангажираните компании ќе ги исчистат локациите, додека ѓубрето ќе се премести на постојните несоодветни депонии. Останатите локации на кои е напластен отпад во количества до 10.000 метри кубни, планирано е затворање и покривање на депониите без систем за собирање на биогасот. За поголемите депонии со над 10.000 метри кубни отпад, работите опфаќаат нивно затворање, стабилизирање и покривање со систем за собирање на биогасот. https://meta.mk/godinava-kje-pochne-chistenjeto-na-site-nesoodvetni-deponii-i-gjubrishta-vo-istochen-i-severoistochen-region/ |
Posted By: stef4o
Date Posted: 20-Jan-2021 at 12:19
|
УНЕСКО: Властите за три години да го решат проблемот со дивите депонии во Југозападниот регион
Во последниот Нацрт-извештај на УНЕСКО за состојбата со природното и културното наследство на Охридскиот регион стои дека во временски период од три години, државата, Југозападниот плански регион и општините мора да ги затворат нелегалните депонии како Буково и Мауцкер во Охрид, депониите кај Струга, но и помалите, многу побројни ѓубришта во регионот, а просторот соодветно да го исчистат и оплеменат. Според претходниот извештај, охридската депонија во Буково требаше да биде затворена до крајот на 2020 година и повеќе на таа локација да не се одлага отпад, но во најновиот извештај, за оваа препорака се вели дека треба да се исполни во временска рамка од три години. Откако отпадна идејата за изградба на регионална депонија во Општина Дебрца, оваа година Југозападниот плански регион мора да изнајде решение за изградба на регионална депонија. Кога станува збор за депонијата за инертен шут на влезот на Охрид, кај Мауцкер, пред помалку од една година директорот на ЈП „Охридски комуналец“ кажа дека Мауцкер засега е единственото решение за граѓаните да го одлагаат градежниот шут, а истиот се депонира на Мауцкер по принципот на депонијата Буково со зарамнување. Помалите и многу бројни диви депонии во Охридското сливно подрачје, во рамките на своите можности ги расчистуваат јавните комунални претпријатија и еко ентузијастите. Најновиот Нацрт-извештај на УНЕСКО претставува своевиден резултат на реактивната мониторинг-мисија од месец февруари 2020 година и е сублимат на забелешките од сите претходни мониторинг мисии кои биле реализирани во овој регион. https://meta.mk/unesko-vlastite-za-tri-godini-da-go-reshat-problemot-so-divite-deponii-vo-jugozapadniot-region |
Posted By: stef4o
Date Posted: 09-Feb-2021 at 14:33
|
Расчистувањето на депонијата во Визбегово трае подолго од очекуваното
Иако градските и општинските влaсти најавија дека една од најголемите диви депонии во Скопскиот регион, депонијата во Визбегово, ќе биде расчистена за триесетина дена, сепак работите на терен се одвиваат многу побавно од очекуваното. Расчистувањето на депонијата во Визбегово стартуваше на 25 декември минатата година, но поради огромните количества складиран отпад на посочената локација, четири товарни возила се уште исфрлаат најразличен шут и отпад кој таму се складирал повеќе децении. – Градот Скопје работи на расчистување на дивата депонија во Визбегово, која претставува повеќедецениски еколошки проблем за Скопје, а особено за жителите на околните општини Шуто Оризари, Бутел и Чучер Сандево. Од оваа депонија која се протега на површина од 10 хектари (околу 10 фудбалски игралишта) ќе бидат расчистени околу 50.000 кубни метри шут и комунален отпад. Ова е финансирано со 20 милиони денари од страна на Министерството за заштита на животната средина. Од почетокот до денес постојано на терен се работи со четири товарни возила и голем дел од депонијата е исчистен. Навистина е тешко да се предвидат рокови за чистење на ваков вид на депонии, бидејќи ова не е градежен зафат туку процес и активност за која има непредвидливи фактори кои се појавуваат во текот на чистењето – ја објаснуваат работата на терен од Град Скопје. Насобраното ѓубре старo неколку децении претставуваше „жешка еколошка точка“ во oвој дел на градот. На посочената локација, честопати се палеа поголеми количества ѓубре поради што концентрацијата на канцерогените ПМ10 честички континуирано растеше во тој дел на градот, притоа загрозувајќи го здравјето на локалното население поради континуираното вдишување на чад. На стартот на чистењето на депонијата во Визбегово, од страна на надлежните институции беше најавено дека откако ќе заврши процесот на исфрлање на складираниот отпад, местото целосно ќе се израмни, ќе биде донесена нова и чиста земја, а потоа целиот простор ќе се преуреди и на него ќе биде посадено зеленило. Покрај расчистувањето на депонијата во Визбегово, досега на територија на Град Скопје се исчистени и три други исто така поголеми депонии, кои значително многу придонесуваа кон влошување на квалитетот на амбиенталниот воздух кој го дишат скопјани, поради нивно често спалување од страна на несовесни граѓани. Станува збор за депониите во Мичурин, Кисела Вода и Ѓорче Петров. Сепак, депонијата на Вардариште сѐ уште останува нерасчистена, а со тоа и можноста за спалување на огромни количества на отпад од страна на несовесни граѓани и понатаму продолжува. – Во однос на Вардариште, станува збор за повеќедецениски проблем за чие надминување е потребен ангажман на повеќе институции, а според процените од неколку стручни студии, за санација на депонијата се потребни 26 милиони евра. Во моментов се прават дополнителни анализи и студии, како и подготвување на финансиска рамка за дефинитивно и системско решавање на проблемот – објаснуваат од Град Скопје. %20 - https://www.slobodenpecat.mk/raschistuvaneto-na-deponijata-vo-vizbegovo-trae-podolgo-od-ochekuvanoto/ |
Posted By: Влатко
Date Posted: 10-Feb-2021 at 07:44
| Какви лажговци. Се силеа пред новата година дека за еден месец се ќе е готово а сега им требаат дополнителни студии за расчистување. Потребни биле 26 милиони евра. Да не потенцирам дека за оваа депонија, од страна на жителите на Визбегово е апелирано со години наназад и нема институција која не е информирана. Тотална немоќ на надлежните. |
Posted By: ehrlich
Date Posted: 10-Feb-2021 at 18:46
| Само да напоменам дека земјениот пат помеѓу Горно Оризари под самата Обиколница е исто толкава депонија и само се шири, така што јас навистина не знам какво е тоа парцијално чистење. |
Posted By: stef4o
Date Posted: 27-Feb-2021 at 15:05
|
Дивите депонии во земјава бавно се чистат
[tube]kbDk9f_uqb4&feature[/tube] https://alsat.mk/mk/divite-deponii-vo-zemjava-bavno-se-chistat/ |
Posted By: stef4o
Date Posted: 08-Mar-2021 at 08:14
|
Некогаш стадион на ФК Зајас, денес депонија – диви депонии никнуваат насекаде низ кичевските села
[tube]mydSRdTTtek[/tube] https://mk.tv21.tv/nekogash-stadion-na-fk-zajas-denes-deponija-divi-deponii-niknuvaat-nasekade-niz-kichevskite-sela/ |
Posted By: stef4o
Date Posted: 10-Mar-2021 at 17:56
ГОРАТ ДИВИ ДЕПОНИИ И КАБЛИ НА БИТОЛСКОТО МААЛО БАИР
Откако се ставени заштитни огради на обиколницата над Битола, смет не се пали на патот, туку низ дивите депонии во неурбанизираната населба Баир. Од Пожарната велат дека скоро секој ден добиваат повици да гаснат запалено ѓубре. На 8 март, беа повикани два пати во една вечер да гаснат ист пожар на крајот од улицата Дебарска, под мостот до каде не води асфалтен пат. „Пожарникарите само што го изгаснаа пожарот на дивата депонија и се вратија, повторно добивме повик дека гори на истото место, по што екипата пак гаснеше таму. Постојат индиции дека некој потпалува. Интервенцијата е отежната, зашто до местото каде што се наоѓа депонијата нема асфалтен пат. Мора да одиме по околниот, да спуштиме црева за вода, па да се симнеме. Скоро секој ден имаме повици за запалено ѓубре на Баирот. Палат дури и зад оградите на обиколницата“, велат од Битолската пожарна. Освен ѓубре и гуми, се палат и кабли. Само за да се дојде до некој грам бакар, цела населба дише црни чадови. Пред осум години имаше забарана за откуп, но траеше кратко. Денес, социјалните мрежи се преполни со огласи за откуп на старо железо, алуминимум, бакар, месинг. Цена по договор, а го подигаат и од дома. Низ улиците во Битола секое утро како будилник минува возило кое на разглас емитува реклама за откуп на старо железо. „Не е дека не знаеме оти е опасно, ама ова го правиме за егзистенција. Заработиме 220 денари за килограм, ако собираме шишиња заработката е помала. Во откупните центри не откупуваат кабли, па сами да го вадат бакарот, туку бараат готов производ“, вели жител на Баирот. Местото е неурбанизирано и никнуваат кривулести, тесни, калливи патеки според потребите на жителите. Организираното собирањето на сметот тука е ограничено зашто има делови до кои не можат да допрат камионите на „Комуналец“. Дел од жителите се ослободуваат од ѓубрето фрлајќи го по дивите депонии и така се загадуваат едни со други. Според истражувањето на „Геосфера“ Битола, во однос на подигањето на отпадот, само 18 проценти е достапен простор во населбата, а останатата територија е недостапна за организирано собирање на смет. Таму 369 метри од улиците се асфалтирани, а 1.591 метар останува неасфалтиран. „Не можеме ѓубрето да го влечкаме во градот. Кога ќе се собере, го палиме. Ама има и други битолчани кои знаат дека овдешните жители се социјално загрозени и наместо ‘Комуналец’ бараат некој од тука да им фрли гломазен отпад. Ќе му дадат 200 денари и не прашуваат каде ќе го носи , а тие ќе го донесат тука“, кажуваат жители од Баирот. Од Јавното претпријатие „Комуналец“ велат дека се собира редовно смет каде што има техничка можност, но онаму каде нема услови за тоа, не влегува возило, нема пат, не можат. За дивите депонии, велат дека во неколку наврати ги чистеле и пак се создаваат. Од Здружението „Геосфера“ пред неколку месеци на најсиромашното население на Баирот им поделиле триесетина алатки за да не ги палат каблите, со што ќе се намали аерозагадувањето и побарале да се организира откуп на ПВЦ гумата од каблите за да ги стимулираат луѓето за селекција на отпад, но не наишле на интерес. %20 - https://sdk.mk/index.php/dopisna-mrezha/gorat-divi-deponii-i-kabli-na-bitolskoto-maalo-bair/ |
Posted By: stef4o
Date Posted: 21-Mar-2021 at 18:34
Нема решение за депониите во Арачиново и Липково
Ридови отпад на дивите депонии низ земјата.Општините тврдат дека ги чистат но на терен отпадот e насекаде. И по повеќе од дваесет години на иста локација стојат двете диви депонии во општините Арачиново и Липково. Првата депонија се наоѓа на самиот излез од Арачиново на магистралниот пат Скопје-Куманово, втората на еден километар од првата. „Дивите депонии во овие општини се вистинска еколошка бомба.Тука може да се најде речиси се од градежен шут,пластични и стаклени шишиња,непотребни играчки па дури и остатоци од храна. Страшно е што овие депонии често знаат да се запалат, а чадот штети по здравјето на жителите од околните населени места.“ Актуелниот градоначалник на Липково Еркан Арифи во првите шест месеци од својот мандат ветуваше решение за најголемата дива депонија во оваa општина. “Депонијата во село Никуштак да ја оградиме со ѕид за да не м пречиме на нивите и луѓето кои поминуват од таму ” Четири години после ова изјава, на терен иста слика. Сега решението го гледаат ви изградбата на регионалната депонија. „Имаме проблеми со општина Арачиново и Куманово кои фрлаат отпадоци, дури и работниците кои одат на работа во Скопје од Куманово и тука фрлаат отпад. “ Од друга страна предизборно ветување за другата депонија во Арачиново, имаше и актуелната градоначалничка Миликија Халими. „Како можеме да живееме достоинствено кога секојдневно се соочуваме со ѓубре на нашите улици.Дивата депонија гори секој ден, и непотребно ги труе сите жители. Ние сме луѓе кои живееме во 21 век, не заслужуваме услови како во средниот век.“ „Од општина Арачинов ниту градоначалничката ниту вработените задолжени за овој проблем не сакаа да коментираат кога граѓаните на Арачиново ќе добијат решение за дивата депонија.“ Од друга страна жителите на општините мака мачат со отпадот, велат дека се гушат од лошата миризба. „Проблемот е кај општитана ние го чистиме губрето во селото. Од нова година само четири пати биле да го соберат отпадот од селото,го палат отпадот неможеме да поминеме низ патот.“ „Неможам да спијат од миризбата куќата ми е блиску до депонијата десет метри. Целото село пати од ѓубрето,никогаш вака не било. Дали имаме или немаме општина по се изгледа дека немаме. “ Дивите депонии и наттаму ќе останат на исто место се додека не се изгради ветената регионална депонија во Свети Николe за да се собира целиот отпад од овие општини. Дел од граѓаните и понатаму ќе фрлаат отпад во дивите депонии, а дел во нив ќе бараат извор за дополнителен приход собирајќи старо железо. https://alsat.mk/mk/nema-reshenie-za-deponiite-vo-arachinovo-i-lipkovo/ |
Posted By: stef4o
Date Posted: 22-Mar-2021 at 07:55
|
Диви депонии долж реките, корита полни со отпад – состојбата на реките од година во година е сѐ позагрижувачка
[tube]T8iuW8KWvSA[/tube] %20 - https://mk.tv21.tv/divi-deponii-dolzh-rekite-korita-polni-so-otpad-sostojbata-na-rekite-od-godina-vo-godina-e-s-pozagrizhuvachka/ |
Posted By: stef4o
Date Posted: 04-Apr-2021 at 16:48
кај црквата во Маџари
https://www.facebook.com/groups/145337166272043 |
Posted By: stef4o
Date Posted: 11-Apr-2021 at 15:14
|
СТРУМИЦА СО МЕСЕЦИ МАКА МАЧИ СО ДИВИ ДЕПОНИИ
[tube]Hj5Lz5kQHBc&t[/tube] Изминатава недела седум физички и правни лица се фотографирани како фрлаат отпад на забранети локации по ридовите над Струмица од страна на граѓани и еко активисти. Фотографиите се доставени до „Комуналец“ кој ги лоцираше загадувачите и во соработка со комуналната инспекција покрена постапка. Паралелно сите тие се натерани сами да го соберат отпадот. Бранко Ѓеоргиев од „Комуналец“ вели дека тоа е резултат на соработката на граѓанскиот сектор. Од февруари досега струмички „Комуналец“ има исчистено 30-тина диви депонии во општината. Но на дел од локациите повторно се натрупани со отпад. Освен по околните ридови отпад се фрла и во периферијата на Струмица. Најизразено е на локациите каде што се гради. Од струмички „Комуналец“ велат дека со пролетната акција ќе бидат опфатени и депониите со градежен шут и во периферните делови при што очекуваат да се вклучи и механизација на градежни фирми. Струмица секоја година се соочува со диви депонии иако во сите населени места има воведено систем на организирано собирање на отпадот. Паралелно воведе и бесплатно подигање до два кубни метри градежен шут од домовите на струмичани. https://24.mk/details/strumica-so-meseci-maka-machi-so-divi-deponii |
Posted By: stef4o
Date Posted: 27-Apr-2021 at 14:14
|
Неколку месеци по интервенцијата на Град Скопје, кејот на Вардар кај Трубарево пак е дива депонија [галерија]
Само неколку месеци откако Градот Скопје интервенираше кај поранешната депонија Вардариште за рушење на дивите рампи пробиени кон коритото на реката Вардар, кејот од Вардариште во правец кон Трубарево повторно е претворен во огромна депонија. Камиони, колски коли и комбиња пристапуваат по земјени патишта во правец од населбата Лисиче, го минуваат железничкиот мост и преку дивите рампи, го истураат отпадот директно во мајор коритото на Вардар. Станува збор за локацијата на која треба да се гради идната пречистителна станица за отпадни води во Скопје, која во моментов е преполнета со секаков вид на отпад, од градежен шут и вреќи со непознат отпад, преку остатоци од облека и мебел, до кеси со ѓубре од домаќинства. Отпадот е расфрлан насекаде, а нови нелегални тури непрестано се носат на ова место. Бидејќи е натрупано поголемо количество на отпад, на терен може да се забележи дека делови од дивата депонија биле запалени. Градот Скопје на почетокот од ноември минатата година, информираше дека ЈП „Улици и патишта“ работеле на рушење на диво пробиените рампи на кејот на Вардар кај Вардариште. Тогаш тие ветија дека ќе ги затворат и северните пристапи кон депонијата, но и дека градскиот инспекторат за животна средина заедно со полицијата и пожарникарите ќе ја засилат контролата и ќе го спречат сузбивањето на огновите на отворено. Скопскиот градоначалник Петре Шилегов тогаш изјави дека Вардариште генерира смрдеа и загадување во населбите Ново Лисиче и Лисиче, посочувајќи дека за целосна санација на локацијата се потребни 26 милиони евра. „Мета.мк“ во изминатиов период во неколку наврати пишуваше за нелегалното трупање на отпад по течението на реката Вардар, во правецот од Вардариште и Лисиче преку Трубарево и Јурумлери кон останатите населби на излезот од Скопје, каде има десетици диви депонии. Пишувавме и за дивата депонија во Визбегово, која Градот Скопје кон крајот на минатата година се обврза да ја исчисти. 
https://meta.mk/nekolku-meseczi-po-intervenczijata-na-grad-skopje-kejot-na-vardar-kaj-trubarevo-pak-e-diva-deponija-galerija/ |
Posted By: stef4o
Date Posted: 29-Apr-2021 at 14:18
ИСЧИСТЕНИ ДВЕ ДИВИ ДЕПОНИИ ВО ОПШТИНА ЧАИР
Екипите на ЈП Комунална хигиена денеска расчистија две големи диви депонии во општина Чаир, односно во Топаана (кај Арена Петрол) и во близина на стадионот во Чаир. На депониите несовесни граѓани имаа фрлено градежен и кабаст отпад, како и мешан комунален отпад. Екипите на ЈП Комунална хигиена бележат драстично зголемување на количеството отпад што го расчистуваат од диви депонии, а во изминатите три години отстраниле дури десет пати повеќе отпад од јавни површини низ градот. Градот Скопје упатува апел до своите граѓани да се однесуваат одговорно со својот отпад, да не го фрлаат на јавни површини, бидејќи само доколку сите се однесуваме совесно и правилно го одлагаме отпадот ќе создадеме услови за подобар и поквалитетен живот и ќе имаме почиста и поубава животна средина. Акцијата којашто денеска ја реализираше ЈП Комунална хигиена-Скопје беше во координација со Општината Чаир https://www.facebook.com/CityofSkopje |
Posted By: stef4o
Date Posted: 04-May-2021 at 15:48
СЕ РАСЧИСТУВА ГОЛЕМА ДИВА ДЕПОНИЈА ВО ДРАЧЕВО
Градот Скопје во соработка со Општина Кисела Вода денеска почна акција за расчистување голема дива депонија во Драчево. На почетокот на активностите за расчистување на ова сметиште присуствуваа градоначалниците на Град Скопје и на општина Кисела Вода, Петре Шилегов и Филип Темелковски, како и директорот на ЈП „Комунална хигиена“, Абдусамед Шабани. - Во општината Кисела Вода, во населеното место Драчево, преку јавните претпријатија на Град Скопје денеска започнуваме со расчистување на една огромна дива депонија создавана во изминатиот период, а која негативно влијае врз животната средина. Спроведуваме континуирана акција во Скопје, во изминатиов период расчистивме повеќедецениски депонии, како депонијата во Мичурин и депонијата во Визбегово, и секаде каде што просторните услови ни дозволуваа, наместо депонии сега на тие места имаме паркови во кои уживаат граѓаните. За десетина дена овде ќе бидеме целосно готови, овој простор ќе биде израмнет и ќе настапи системот кој што го воведовме во соработка со општините, а тоа е системот на засилен инспекциски надзор со цел радикално да ги казниме создавачите на вакви депонии и да не дозволиме животната средина да биде загрозена – рече денеска градоначалникот Шилегов. Тој упати апел до граѓаните да ја чуваат животната средина и да не создаваат диви депонии, зашто, како што рече, кон Скопје треба да се однесуваме како да е наш дом. - Грижата за животната средина треба да е повеќестрана - од нас како институции од една страна преку чистење и засилен инспекциски надзор, но и од страна на граѓаните кои можат да придонесат за зачувување на животната средина – нагласи Шилегов. https://www.facebook.com/CityofSkopje |
Posted By: stef4o
Date Posted: 09-May-2021 at 11:04
|
Депонијата во Никуштак сѐ уште без решение, регионалната депонија до никаде!
[tube]-38OnJ70YP8[/tube] %20 - https://mk.tv21.tv/deponijata-vo-nikushtak-s-ushte-bez-reshenie-regionalnata-deponija-do-nikade/ |
Posted By: stef4o
Date Posted: 14-May-2021 at 17:22
Еколошка „бомба“ покрај Лепенец: Граѓаните очекуваат итно чистење на дивата депонија во Ново Село
За катастрофата која се случува на почвата и водата поради депонијата во Ново Село, покрај Лепенец, во Општина Ѓорче Петров, алармираат жителите и граѓанските здруженија, но нема конкретен одговор што ќе се преземе од оние чија одговорност е да се грижат за градот. Огромната дива депонија во Ново Село покрај реката Лепенец е уште една од неколкуте во Скопје кои со години претставува еколошка „бомба“ и ги уништуваат почвата, водата, воздухот и здравјето на граѓаните, за кои надлежните не можат да најдат решение и покрај најавите дека депониите ќе се исчистат и раззеленат. За еколошката катастрофа која се случува поради депонијата во Ново Село во Општина Ѓорче Петров, алармираат жителите и граѓанските здруженија, но нема конкретен одговор што ќе се преземе од оние чија одговорност е да се грижат за градот. Донесени се и локални еколошки планови, но на терен малку се гледа од она што е зацртано во нив. Од Општина Ѓорче Петров тврдат дека и порано преземале мерки за расчистување на депонијата, а тоа ќе го прават и во иднина согласно дадените услови и можности, како на локално така и на централно ниво. – Преземени се низа конкретни чекори, како што беше заградувањето и нивелирањето на просторот на депонијата. За понатаму е подготвен план за зазеленување и реанимирање на просторот со засадување на високостеблести садници и украсни растенија, за што веќе е постигнат договор со ЈП „Македонски шуми“ и е направена селекција на бројот и видовите на садници – објаснуваат од Општината. Оттаму велат дека за конечно решавање на статусот на депонијата, односно нејзино расчистување и одлагање на отпадот на соодветна легална депонија, Општината има изготвено анализа и соодветна студија, при што приближната вредност на оваа операција надминува сума од еден милион евра. – Ова би било прашање за кое општината ќе мора да побара помош од централната власт или донатор, за што се надеваме дека во скоро време ќе биде реализирано. Општината исто така планира во многу брзо време целосно затворање на двата влеза на депонијата, со пропуштање само на жителите-сопственици на околните ниви – велат од Ѓорче Петров. Сепак, оттаму нема прецизен одговор дали Општината има капацитет да ја исчисти депонијата во Ново Село и како воопшто се дозволило депонијата да стане огромна и да ја загрози целата околина. Нема одговор ниту на обвинувањата на тамошните жители дека на депонијата се забележени и општински камиони како, наместо на Дрисла, на овој простор исфрлаат отпад. Молчат и од Град Скопје за тоа дали и што ќе преземат со депонијата, но тврдат дека лани ја исчистиле. Сепак, нејасно е, доколку ја исчистиле, како можело за една година повторно да се создаде огромна депонија. -Град Скопје со соработка со Општина Ѓорче Петров во текот на мината година ја расчисти оваа стара децениска дива депонија покрај реката Лепенец во Ново Село. Во текот на изминатиот период инспекторите и комуналните редари на Град Скопје вршеа засилени контроли на терен, но сепак не е можна секојдневна контрола на оваа локација. Борбата за поздрава и почиста средина е процес во којшто треба да бидат вклучени сите надлежни институции, но и граѓаните со своето одговорно однесување – одговорија од Град Скопје. На својот фесјбук профил за овој проблем се огласи и граѓанската активистка и советничка во Советот на Град Скопје, Драгана Велковска, која посочи дека дивата депонија во Ново Село не е сама и дека помали или поголеми слични вакви локации имаме безмалку на секој чекор. – Главната вина е на институциите со носењето на шупливи законски решенија, со неспроведување на и тие лабави законски одредби што постојат, со селективно казнување, неовозможување начини за редуцирање на отпадот итн. Делувањето вака однадвор како граѓански сектор и обидите да ги принудиме институциите да работат во полза на граѓаните, на оние кои ги плаќаат за да постојат – не се речиси никакво решение. Решението е да се влезе внатре во институциите, да се врати моќта на одлучување кај граѓаните. На тоа ние веќе работиме. Оваа седмица официјално ја пуштивме во употреба платформата „МојГрад“, тоа е една иновативна алатка за директна демократија со чија помош граѓаните може да вршат притисок врз институциите, да поднесуваат предлози за подобрување на квалитетот на нивниот живот и најважно, тоа е форум кој очекуваме да прерасне во механизам за отфрлање на сегашното вертикално управување со општините и премин на хоризонтално самопуправување засновано на принципите на одржлив развој и солидарност – напиша Велковска. %20 - https://www.slobodenpecat.mk/ekoloshka-bomba-pokraj-lepenecz-graganite-ochekuvaat-itno-chistene-na-divata-deponija-vo-novo-selo/ |
Posted By: stef4o
Date Posted: 14-May-2021 at 17:26
Милиони тони ѓубре, шут и смет повторно со камиони се носат во дивата депонија
Преземени се низа конкретни чекори, како што беше заградувањето и нивелирањето на просторот на депонијата. За понатаму е подготвен план за зазеленување и реанимирање на просторот со засадување на високостеблести садници и украсни растенија, за што веќе е постигнат договор со ЈП „Македонски шуми“ и е направена селекција на бројот и видовите на садници – потенцираат општинските власти и додаваат дека планираат во многу брзо време целосно затворање на двата влеза на депонијата, со пропуштање само на жителите -сопственици на околните ниви Жители на Ново Село, кое се наоѓа на територијата на Општина Ѓорче Петров, реагираат на социјалните мрежи, споделувајќи и фотографии од траорни сцени од еколошката катастрофа што и се случува на река Лепенец во ова населено место. Тие велат дека на оваа локација е создадена најголемата, најужасната дива депонија во Македонија која во четвртокот повторно горела и прашуваат: „Зошто мора да ни се случува токму ова кај нас“. -Зарем се поважни нечии црни бизниси од она што значи живот за сите нас. Зарем немаме доволно еколошка свест за да си кажеме стоп, крај, нема повеќе да го дозволиме ова – револтирани се жителите. Славчо Мисајлески, советник во Општина Ѓорче Петров, кој живее во Ново Село, го потврдува тоа и за ВЕЧЕР изјави дека покрај коритото на реката Лепенец во атарот на Ново Село се случува невидена еколошка катастрофа. -Милиони тони ѓубре, шут и смет буквално се слеваат во самата река. Нема зборови со кои може да се опише целиот ужас освен истиот да се види на лице место со сопствени очи. Уништена е целата еко-флора, почвата е целосно загадена а контаминирани се и подземните води. Самата големина на депонијата е колку 15 фудбалски игралишта или близу 11 хектари земјиште. Појасот на којшто се наоѓа дивата депонија е во втората заштитна зона на бунарите покрај река Лепенец од кои градот Скопје се напојува со 30 проценти од пивката вода за пиење. Вакво нешто во овој појас е незамисливо да се случува, но за жал, тука депонијата секојдневно ги надминува своите граници и тоа со амин на локалната власт – истакна Мисајлески. Тој додава дека депонијата ескалирала изминативе неколку години. -Пристапот кон депонијата е возможен само од две страни, оградена е од сите страни, а самите влезови се заштитени со рампи и поставени се чувари на нив. Невозможно некој да влезе на неа, а да нема дозвола од Општина Ѓорче Петров. Честопати реагирав да се прекине депонирањето на ѓубрето во река Лепенец, чуварските и инспекциските служби да си ја вршат законски својата работа и да се престане со пуштање на тешки камиони да влегуваат на тој појас. Имаше бројни новинарски прилози, протести од граѓани, но за жал сето тоа не допираше до надлежните служби – тврди Мисајлески. Тој вели дека по дојава од загрижени жители бил лично да ја увиди состојбата со депонијата, а на самото место сретнал камиони како влегуваат и излегуваат и на прашање со која дозвола тие го депонираат отпадот му било одговорено дека немаат писмена дозвола, но имаат усмена од градоначалникот Александар Наумоски. Истото му го потврдил и самиот чувар. -Градоначалникот што им давал умени согласности за нелегално депонирање отпад заедно со градоначалникот на Град Скопје Петре Шилегов даваше изјави дека депонијата е санирана со средства од градот во висина од 10 милиони денари, дека истата ќе биде затворена, дека земјиштето ќе биде култивизирано и на истото ќе направеле зелени парковни содржини. Даваа изјави оние кои ја создадоа депонијата и ги лажеа граѓаните. Завршуваа пресовите и веднаш после неколку дена се си се одвиваше исто како што си беше претходно. И денес повторно влегуваат десетици и десетици тешки камиони на дневна основа кои депонираат градежен шут, ѓубре и отпад во самата река и ја создаваат најголемата дива депонија во градот Скопје а можеби и во цела Македонија. Еколошката катастрофа што се создаде на самата река Лепенец во Ново Село е од апокалиптичен карактер, а штетите се ненадоместливи – вели Мисајлески. Тој повторно упати апел до Наумоски и до Шилегов да го прекинат протокот на нелегално депонирање на отпад во реката, ѓубрето покрај коритото да го отстранат, да се исчисти почвата и конечно вистински да се култивизира и зазелени просторот кој беше уништен изминативе години наназад, но и да се стави крај на еколошкиот помор кој што и се случува на реката Лепенец, во атарот на Ново Село. Од Општина Ѓорче Петров вчера одговорија дека преземале во минатото, а ќе преземаат и во иднина мерки за расчистување на депонијата, согласно дадените услови и можности, како на локално така и на централно ниво. -Преземени се низа конкретни чекори, како што беше заградувањето и нивелирањето на просторот на депонијата. За понатаму е подготвен план за зазеленување и реанимирање на просторот со засадување на високостеблести садници и украсни растенија, за што веќе е постигнат договор со ЈП „Македонски шуми“ и е направена селекција на бројот и видовите на садници-потенцираат општинските власти. Тие додаваат дека за конечно решавање на статусот на депонијата, односно нејзино расчистување и одлагање на депонираниот отпад на соодветна легална депонија, Општина Ѓорче Петров има изготвено анализа и соодветна студија, при што апроксимативната вредност на оваа операција надминува сума од еден милион евра. -Ова би било прашање за кое Општината ќе мора да побара помош од централната власт или донатор, за што се надеваме дека во скоро време ќе биде реализирано. Исто така, Општината планира во многу брзо време целосно затворање на двата влеза на депонијата, со пропуштање само на жителите-сопственици на околните ниви – најавија од Општина Ѓорче Петров. Од Град Скопје велат дека во соработка со Општина Ѓорче Петров во текот на мината година ја расчистиле оваа стара децениска дива депонија покрај реката Лепенец во Ново Село. -Во текот на изминатиот период инспекторите и комуналните редари на Град Скопје вршеа засилени контроли на терен, но сепак не е можна секојдневна контрола на оваа локација. Борбата за поздрава и почиста средина е процес во којшто треба да бидат вклучени сите надлежни институции, но и граѓаните со своето одговорно однесување- одговорија градските власти, апелирајќи, граѓаните да ја чуваат животната средина и да не создаваат диви депонии. https://www.vecer.press/милиони-тони-ѓубре-шут-и-смет-повторно/ |
Posted By: stef4o
Date Posted: 27-May-2021 at 14:18
|
Огромните количества на отпад го пролонгираа рокот за чистење на депонијата во Визбегово
Дивата депонија во Ново Село покрај реката Лепенец е уште една од неколкуте во Скопје кои со години претставува еколошка „бомба“ и ги уништуваат почвата, водата, воздухот и здравјето на граѓаните. Иако градските и општинските влaсти најавија дека една од најголемите диви депонии во Скопскиот регион, депонијата во Визбегово, ќе биде расчистена за триесетина дена, сепак работите на терен се одвиваат многу побавно од очекуваното. Расчистувањето на депонијата во Визбегово стартуваше на 25 декември минатата година и истото сеуште трае поради огромните количества шут и отпад кои со децении наназад биле складирани од страна на несовесните граѓани. – Град Скопје привршува со големата акција за расчистување на повеќедецениската дива депонија во Визбегово. На расчистувањето работат екипи на ЈП „Улици и патиша“. Со расчистувањето на оваа огромна дива депонија, Град Скопје реши повеќедецениски еколошки проблем за Скопје, а особено за жителите на околните општини Шуто Оризари, Бутел и Чучер Сандево. Натамошното уредување на овој простор е прашање за надлежните општини за оваа локација. Во наредниот период најважно е да биде спречен пристапот до оваа локација, како би се оневозможило нејзино повторно создавање. Во нејзината околина е можно создавање на сметилишта, но тие полесно се отстрануваат и општините треба веднаш да реагираат доколку се забележи ваква појава – објаснуваат од Град Скопје. Инаку, станува збор за една од најголемите диви депонии во Скопскиот регион која се простира на 10 хектари, односно на 100 илјади метри квадратни. Насобраното ѓубре старo неколку децении претставуваше „жешка еколошка точка“ во oвој дел на градот. На посочената локација, честопати се палеа поголеми количества ѓубре поради што концентрацијата на канцерогените ПМ10 честички континуирано растеше во тој дел на градот, притоа загрозувајќи го здравјето на локалното население поради континуираното вдишување на чад. Инаку, освен депонијата во Визбегово, огромната дива депонија во Ново Село покрај реката Лепенец е уште една од неколкуте во Скопје кои со години претставува еколошка „бомба“ и ги уништуваат почвата, водата, воздухот и здравјето на граѓаните, за кои надлежните не можат да најдат решение и покрај најавите дека депониите ќе се исчистат и раззеленат. Градските власти информираат дека, минатата година се реализирала акција за расчистување на посочениот простор, но од тогаш до сега, на тоа место повторно има расфрлано огромно количество на шут и отпад. – Град Скопје со соработка со општина Ѓорче Петров во текот на мината година ја расчисти оваа стара децениска дива депонија покрај реката Лепенец во Ново Село. Во текот на изминатиот период инспекторите и комуналните редари на Град Скопје вршеа засилени контроли на терен, но сепак не е можна секојдневна контрола на овој голем простор. Исто така, во овој случај станува збор за ограден простор со влезна врата и тој што го контролира влезот на оваа локација треба да објасни како повторно се создава. Борбата за поздрава и почиста средина е процес во којшто треба да бидат вклучени сите надлежни институции, но и граѓаните со своето одговорно однесување. Апелираме до граѓаните да ја чуваат животната средина и да не создаваат диви депонии – децидни се од Град Скопје. %20 - https://www.slobodenpecat.mk/ogromnite-kolichestva-na-otpad-go-prolongiraa-rokot-za-chistene-na-deponijata-vo-vizbegovo/ |
Posted By: stef4o
Date Posted: 29-May-2021 at 17:12
|
Дивата депонија кај Струга се полни со смет, регионална депонија се ветува здравје за догодина
[tube]YZipb5d7qa0[/tube] https://alsat.mk/mk/divata-deponija-kaj-struga-se-polni-so-smet-regionalna-deponija-se-vetuva-zdravje-za-dogodina/ |
Posted By: stef4o
Date Posted: 07-Jun-2021 at 13:50
|
Депонија среде Центар, градоначалникот се правда дека проблемот ќе се реши
[tube]dN6d3cQ4I40[/tube] Градежениот шут запоставен неколку месеци, се претворил во депонија каде што граѓаните си го исфрлаат домашниот смет, а топлото време дополнително ја влошува ситуацијата, па граѓаните кои што живеат во околината на дивата депонија на Ул. Христо Смирнински, во близина на Универзална сала, ниту можат да прозори да отворат, ниту пак на терасите и во дворовите кафето да си го испијат. -Сега како што доаѓа се потопло време, веќе почнува да се чувстува таа непријатна миризба, да не речам смрдеа. Освен градежниот шут полека почнува да се фрла обично комунално ѓубре на ова исто место, така што едноставно се претвора во едно ѓубриште кое никој не го расчистува. Револтираните граѓани неколку наврати испратиле жалби до општина Центар, но решение, а ниту одговор од оваа институција не добиле. Слична е приказната и со комуналната хигиена. -Со инвеститорот не бидејќи тоа не е наша обврска и ние немаме никакви релации со инвеститорот, туку различни соседи реагираа на страницата на општина центар, на пријави проблем повеќе пати е пријавувано, меѓутоа до сега нема добиено никаква реакција. Канал 5 стапи во контакт со градоначалникот на Богдановиќ, кој порача дека од општина имало реакција до инвеститорите да се исчисти местото, доколку проблемот не се реши општината тоа ќе стори на сметка на инвеститорите. -Ние таму преземавме неколку мерки и изрекоа инспекциските служби неколку санкции и им дадовме рок на тие луѓе да го отстранат, а ако не го отстранат ќе го остраниме ние, тоа ќе биде за два три дена, нормално на терет на самите инвеститори, вели Богдановиќ. Жителите на Христо Смирнински се надеваат дека ситуацијата ќе има разрешница, во спротивно кажаа дека ќе продолжат да протестираат се до решавање на проблемот. https://kanal5.com.mk/deponija-srede-centar-gradonachalnikot-se-pravda-deka-problemot-kje-se-reshi/a478209 |
Posted By: stef4o
Date Posted: 08-Jun-2021 at 07:08
|
30 години по ред, никој не ги чисти депониите, многу ѓубре што гори во Слатине – Теарце-Ова ли е зелена програма?
[tube]0_KvqnKshb0[/tube] ликите покажуваат дека тука нема само ѓубре, туку планина од ѓубре. За жал, тие се изгорени за да се намалат, додека оваа депонија се наоѓа во Слатина, општина Теарце. Градоначалникот на месната заедница на селото Слатиница, Даут Имери за ТВ21 изјави дека оваа депонија таму е веќе 30 години. „Тој отпад таму се фрлаше приближно 30 години затоа што нема каде да го фрлаат. Се што гори се меша, го загадуваше воздухот. „Загаден воздух излегува од паркот, има чад, кој не гори“, рече Даут Имери, претседател на МЗ Слатина. Според жителите, отпадот се фрла затоа што општина Теарце нема компанија за собирање отпад, но има распишано тендер.Во моментов има компанија што доаѓа еднаш на секои две или три недели да го собере отпадот , а притоа никој не може да го чува отпад толку долго дома. „Тоа е претпријатие кое има општински тендер, мислам дека е од Боговиње и се случува да не дојдат со месеци. Две ,три недели, обично не доаѓаат да го подигнат сметот .Ние исто така се пожаливме и на општинскиот инспекторат. Ни велат дека не можеме и немаме услови. „Тие немаат каде да го фрлат и населението не е виновно додека редовно си плаќаат за подигање на сметот“, додаде Имери. Контактиравме и со градоначалникот на Теарце, Исен Асани, кој во телефонски разговор рече дека во моментот не е во општината, додека за прашањето на отпадот предложи да го презентираат случајот до општинскиот инспекторат, без да ни даде никакво објаснување дали планира да преземе какви било активности за расчистување на отпадот. %20 - https://mk.tv21.tv/30-godini-po-red-nikoj-ne-gi-chisti-deponiite-mnogu-gubre-shto-gori-vo-slatine-teartse-ova-li-e-zelena-programa/ |
Posted By: stef4o
Date Posted: 11-Jun-2021 at 06:53
|
ПАТОТ ОД МАКЕДОНСКА КАМЕНИЦА КОН БУГАРИЈА ЗАТРУПАН СО ЃУБРЕ, ОД ОПШТИНАТА ВЕЛАТ ПРОБЛЕМОТ ЌЕ СЕ РЕШИ СО РЕГИОНАЛНАТА ДЕПОНИЈА
На излезот од Македонска Каменица покрај патот што води за Делчево и Бугарија се наоѓа депонијата каде се собира ѓубрето од цела општина и истата е на видик на сите оние кои минуваат по овој меѓународен пат. Десетици километри понатаму пред Делчево од левата страна исто така покрај патот има дива депонија за шут. Посебно е опасна депонијата која е на првиот рид над Македонска Каменица која како да се надвиснала над овој град и браната Калиманци. Некогаш се случува чадот од ѓубрето кое се пали да се спушта кон градот, а од дождовите отпадните и опасни материи да се сливаат во браната. Општинските комуналци и еко друштвата во Македонска Каменица велат дека депонијата покрај патот за Бугарија времено ќе се дислоцира и нема да биде на видик. Сè додека не се изгради регионалната депонија ќе се помести од главниот регионален пат, но пак нема да има идеално место оти ќе била поблиску до браната Калиманци и градот. Од Општина Македонска каменица најавуваат дека вакви глетки повеќе нема да има затоа што во фаза е реализација на регионален проект помогнат од Швајцарската влада за покривање на постојните диви депонии и нивна дислокација, а ѓубрето и сиот отпад од двете општини да се транспортира во регионалната депонија кај Свети Николе. „Општина Македонска Каменица ќе го прифаќа и отпадот од Делчево и како претоварна станица сиот отпад и од двата града ќе се транспортира во регионалната депонија за рециклирање на отпад кај Свети Николе“, вели градоначалничката на Македонска Каменица, Соња Стаменковска. Сашо Велковски градоначалник на Свети Николе за време на својот мандат се обидува да го реализира регионалниот проект за заедничка депонија иако од некои еколошки друштва има отпор. Затоа тој не може да каже кога ќе биде завршен овој проект. „Регионалната депонија којa се финансира од европските фондови не ја замислуваме како депонија која ќе ја загадува околината, туку напротив, да го рециклира ѓубрето на начин што ќе претставува еко фабрика за обработка на сметот и негово претворање во енергенси“ вели Велковски. Советот на Општина Свети Николе веќе донел одлука за основање на заедничко јавно претпријатие за регионално управување со отпад. Тоа треба да го собира ѓубрето од 18 општини од Кумановско–паланечкиот регион и од Источна Македонија. Во план се 6 помали претоварни станици за отпад како што се Македонска Каменица и Рамковци и неколку поголеми отпадни станици како што се Кочани и Штип од Источниот регион, а и од Североисточниот крај Куманово од каде сиот смет, отпад и ѓубре ќе се носи во Регионалната фабрика за отпад кај Светиниколското село Мечкуевци. Кумановско-североисточниот регион располага со 5 нестандардни депонии и 36 други диви ѓубришта, а Источна Македонија со 70 диви ѓубришта и 11 нестандардни депонии што практично значи дека сите општини и во двата региони имаат буквално диви депонии. За да може сиот смет од 18 општини да се рециклира, ЕУ прифати проект и ќе инвестира од 35-40 милиони евра за изградба на Регионална депонија за обработка на ѓубрето. Против овој проект се повеќе еколошки друштва кои сметаат дека Регионалната депонија негативно ќе влијае на органското земјоделство кое е мошне специфично за Овчеполието и значително ќе го деградира автохтониот растителен и животински свет, пред сè на уникатните жалфија и царскиот орел. %20 - https://sdk.mk/index.php/dopisna-mrezha/patot-od-makedonska-kamenitsa-kon-bugarija-zatrupan-so-gubre-od-opshtinata-velat-problemot-ke-se-reshi-so-regionalnata-deponija/ |
Posted By: stef4o
Date Posted: 14-Jun-2021 at 16:50
Градот Скопје од денеска ја расчистува големата дива депонија на влезот во село Рашче. Од ова сметиште ќе бидат подигнати над 2.000 кубни метри отпад.
https://www.facebook.com/photo?fbid=350901269737605&set=pcb.350902259737506 |
Posted By: stef4o
Date Posted: 15-Jun-2021 at 07:00
|
По втор пат се чисти депонијата во Рашче, дали функционира општинскиот инспекторат на Сарај?
[tube]Y668k5fs5jc[/tube] Со изградбата на новата улица која води од Сарај до село Рашче, се создаде поголем проблем. Овој дел од улицата освен за поминување, се користи и како депонија. А ова е втор пат како општина Сарај заедно со Комунална хигиена го чистат. Доколку не се подобри состојбата од оваа страна, дали тоа ќе значи дека општинскиот инспекторат не си ја врши работата како што треба? „Не би рекол така, нашите информации говорат дека тоа се прави во доцните часови или раните утрински часови, не се прави во работно време, реално треба да разбереме дека без покревање на свеста на граѓаните и институционалната соработка, невозможно е ние да бидеме дежурни и да имаме 24 часа луѓе овде“, рече Блерим Беџети, градоначалник на Сарај. А дали имало казни за лицата кои фрлале отпад и шут на овој дел, Беџети вели дека имало. „Имало казни оваа година? Да, имало и сега со функционирањето на инспекциите на сите општини во рамки на Град Скопје, верувам дека и ефикасноста ќе биде поголема“, додаде Беџети. И градоначалникот на Град Скопје рече дека ќе има казни за тие кои фрлаат отпад овде и дека ќе има интензивни контроли. „На оваа депонија овде, Град Скопје и општина Сарај ќе ги зголемат инспекциските контроли за да може да се спречи ова“, истакна Петре Шилегов. Вакво нешто започнало да се прави и во делот на Кондово каде во близина на реката Вардар се создаваат диви депонии. За овој дел, градоначалникот на Сарај рече дека се работи со цел и тој дел да се исчисти. %20 - https://mk.tv21.tv/po-vtor-pat-se-chisti-deponijata-vo-rashche-dali-funktsionira-opshtinskiot-inspektorat-na-saraj/ |
Posted By: stef4o
Date Posted: 15-Jun-2021 at 07:04
|
Ова со чистењето диви депонии нема крај,незнам кое би било решението на долг рок.Само надзор,камери и казни за тие што го одлагаат отпадот.Мора активно да се вклучат инспекции и само така да се стави крај на проблемот.
Моменталното решение е всушност трошење пари до недоглед со ангажирање механизација и луѓе за расчистување а не е само тука купишта отпад има и по Маџари,Чаир и ред други населби.Исто така е лоша политиката на КХС која за поддигање кабаст отпад од домовите наплатува по 50-тина евра па луѓето оставаат поред контејнери,во тревници,во реки...има и опција со сопствено возило да го донесеш отпадот на Вардариште и Дрисла но и тоа ретко кој го прави. |
Posted By: stef4o
Date Posted: 11-Jul-2021 at 10:52
ПОКРАЈ ГРАДСКИТЕ ПРАВОСЛАВНИ ГРОБИШТА ВО ТЕТОВО СЕКОЈДНЕВНО РАСНЕ ГОЛЕМА ДИВА ДЕПОНИЈА
Најавуваната зелена агенда никако да профункционира во Тетово. Несовесноста на граѓаните кои фрлаат смет на секаде е голема, но голема е и неефикасноста на Јавното претпријатие од Тетово навремено да го собира сметот од сите контејнери. Една од најболните точки на градот е таа кај Градските православни гробишта. Тука, по којзнае кој пат е создадена дива депонија, сега долга десетици метри и преполна со најразновиден смет, од коски од животни, па сè до мебел од домаќинствата и градежен шут. Тетовските комуналци повремено ќе ја исчистат оваа депонија, но за кратко време таа брзо се полни. „Ваквата слика од ова место се повторува па дури и предизборните месеци не се доволен мотив оваа депонија навреме да се сервисира. Крајно време е тој што ќе управува со Општината во следниот мандат конечно да најде место каде ќе се одложува кабастиот отпад од домаќинствата и посебно градежниот шут“, вели Валентин Тасевски, кој живее во близината на оваа депонија. Ваквата слика покрај Православните гробишта е со години наназад. Жителите на Тетово од православна вероисповест често пати се бунат бидејќи е крајно недостоинствено да се погребуваат починатите покрај една ваква депонија од која се шири неподнослива миризба. Тетовските комуналци и не се премногу загрижени за ваквата состојба. Од време на време ќе испратат по некој камион да го собере сметот, но тоа не се прави редовно. Најавуваат дека тука ќе ставеле подземни контејнери но не успеавме да дознаеме дали и кога ќе се реализира тоа. Деновиве ЈП Тетово доби и нов директор, но и тој остана недостапен за информации кога ќе се среди состојбата со сметот и на оваа депонија, но и во целиот град. %20 - https://sdk.mk/index.php/dopisna-mrezha/pokraj-gradskite-pravoslavni-grobishta-vo-tetovo-sekojdnevno-rasne-golema-diva-deponija/ |
Posted By: stef4o
Date Posted: 18-Jul-2021 at 09:06
Порталб.мк: Никако да се исчисти дивата депонија кај село Одри, Општина Теарце се правда со недостиг на регионална депонија
Несовесните жители создаваат диви депонии покрај автопатот што ја поврзува Северна Македонија со Косово. Оваа состојба се должи на недостиг на стандардизирана депонија во Полошкиот регион каде би се собирал отпадот. Порталб.мк ја сликаше депонијата на влезот од селото Одри, општина Теарце, чии жотели бараат од Општина Теарце почесто да го чисти отпадот. Од општината велат дека депонијата ќе биде исчистена наскоро. На влезот од селото Одри, кое припаѓа на Општина Теарце, долж патот Тетово-Јажинце, постојано се собира смет. Оваа депонија се создава поради тоа што отпадот не се чисти редовно од страна на одговорните, како и поради несоодветното казнување на несовесните жители кои фрлаат отпадоци, не почитувајќи го знакот „забрането фрлање отпад“. Жителите на село Одри се загрижени. Според нив, дивата депонија е исчистена неколку пати, но проблемот не е решен. „Овој проблем постои веќе неколку години, од време на време депонијата се чисти, но ситуацијата е сè уште иста“, вели жителот Ј.Џ. „Сликите не лош впечаток за селото, особено за време на летниот период кога повеќето од иселениците се враќаат дома, ова не е изгледа на пат што ги поврзува Македонија и Косово“, вели А.Е. Претседателот на месната заедница Одри, Наим Џелили, вели дека скоро целиот отпад го фрлаат жителите од соседните села Доброшт и Нераште, иако ова место му припаѓа на селото Одри. Според него, отпадоци се фрлаат дури и во приватните имоти. „Општината има должност да го исчисти отпадот и вети дека ќе го стори тоа, но ништо не е преземено и нема никакви конкретни активности“, рече Наим Џелили. Тој вели дека Месната заедница – Одри има поднесено жалба во Општината, но и во Месната заедница на Доброшт. Контактиравме и со Месната заедница на Доброшт, но не добивме одговор. Од општината велат дека ќе го исчистат местото и се правдаат со недостиг на регионална депонија. Од општина Теарце за Порталб.мк рекоа дека оваа депонија е исчистена пред неколку години, но дека жителите повторно ја наполниле“, вели Џелили. „Знакот за забрана беше поставен по расчистувањето на просторот, со цел да се известат граѓаните дека депонијата е затворена, но не се почитува“, велат од општина Теарце. Од Општината информираат дека се изречени казнени мерки за пет лица за фрлање отпад; еден жител ја платил глобата, а другите ја компензирале казната со општа работа. Општина Теарце Но, од Општината не одговорија: 1. За кој временски период се казнети овие лица? 2. Колкав е износот на платената казна и кога е таа платена? 3. Што точно значи „општа работа“? Исто така одговорија дека „наскоро депонијата во Одри ќе се исчисти“, но не прецизираа кога. Сепак, според Општината, конечното решение со управувањето со отпадот ќе биде кога ќе се реши проблемот со регионалната депонија. Полог нема регионални депонии со соодветни стандарди Во полошкиот регион во моментот има само една депонија во Гостивар, депонијата „Русино“, која не исполнува никакви стандарди. Локалните жители неколку пати протестираа за овој проблем и го блокираа фрлањето ѓубре. Владата во 2018 година обезбеди 1,5 милиони швајцарски франци за модернизација на „Русино“. На крајот на 2020 година, 9 градоначалници и Владата одлучија „Русино“ да се затвори додека не се модернизира и додека општините не обезбедат пари за кофинансирање за основање на регионално јавно претпријатие „Русино-Полог“. Првата фаза од модернизацијата е спроведување на физибилити студија, да се обезбеди проектната документација и да се спроведат „брзи мерки” за санирање на последиците по животната средина предизвикани од отпадоците. Според Министерството за животна средина и просторно планирање (МЖСПП), првата фаза од проектот е завршена и во моментов се спроведуваат активности за спречување на понатамошно загадување и санирање на локацијата каде во минатото се фрлаше отпад. Следната фаза е целосна стандардизација на депонијата, за што ќе се добие заем од ЕБОР. Владата побара заем до Европската банка за обнова и развој (ЕБОР) кој, откако ќе биде одобрен, ќе биде избрана и компанија што ќе ги врши работите. „Се очекува изградбата да започне во втората половина од 2022 година. Владата е одговорна за динамиката на изградбата“, рекоа за Порталб.мк од МЖСПП. Од ЕБОР се бара заем од 17 милиони евра За новата стандардизирана депонија „Русино-Полог“ сè уште не е избрана локација, а и сите општини не уплатиле по 2.200 евра како основачка влог, иако имаат потпишано договори. „Обврските ги имаат платено општините Гостивар, Тетово, Теарце и Јегуновце“, рекоа од МЖСПП. Според Планот за управување со отпад на ниво на Полошкиот регион, по изградбата на новата депонија, отпадот мора да се собере, транспортира и отстрани од 9 општини во Полог. „Откако депонијата ќе профункционира, сите домаќинства ќе се задолжат да се снабдат со контејнери и сите ќе треба самите да го носат отпадот на депонијата“, рекоа од општина Теарце. %20 - https://meta.mk/portalb-mk-nikako-da-se-ischisti-divata-deponija-kaj-selo-odri-opshtina-tearcze-se-pravda-so-nedostig-na-regionalna-deponija/ |
Posted By: stef4o
Date Posted: 28-Jul-2021 at 16:56
ФОТО: Жителите на Шутка бараат спас од смрдеата од кожи и остатоци од заклани животни
Од Општината не одговорија на нашите прашања дали локалната власт има намера да го реши проблемот на граѓаните и да го исчисти просторот или доколку е приватен имот да му наложи на сопственикот да го направи тоа, ниту одговорија на тоа дали навистина и општински камиони таму го истураат отпадот. Жители на населбата Шуто Оризари една недела се обидуваат да издејствуваат од нивната Општина да исчисти дива депонија на улица Клисурска. Според кажувањата на мештаните, на тој запуштен простор на улицата, во чија непосредна близина има семејни куќи, освен што несовесни граѓани фрлаат ѓубре, дури, како што велат, и општински камиони истураат отпад. Уште поголем проблем се случил по Курбан Бајрам, кога на оваа депонија завршиле кожи и други остатоци од закланите животни, поради што во околината се шири ужасна смрдеа, а жителите стравуваат и од зараза. Оттогаш е помината една недела, но и покрај пријавите на граѓаните до Општина Шуто Оризари, до денеска дивата депонија не е исчистена. Значи не се живее од смрдеа! Не можеме ни прозорец да отвориме ни во двор да поседиме. Ужасно е. Имаше поставено голем контејнер за на празникот таму да се фрлаат кожите и другите работи од животните што се колеа, но народ како народ, некои тука си фрлаа. И не само тоа, камиони од Општината истураат тука ѓубре. Зараза некоја ќе фатиме и никој не се грижи, раскажува еден од жителите од куќите што се во близина на дивата депонија. Од Општина Шуто Оризари не одговорија на нашите прашања дали локалната власт има намера да го реши проблемот на граѓаните и да го исчисти просторот или доколку е приватен имот да му наложи на сопственикот да го направи тоа, ниту одговорија на тоа дали навистина и општински камиони таму го истураат отпадот. Нашиот соговорник раскажува дека во неделата вечерта, по многуте нивни пријави до Општината, на локацијата дошол градоначалникот Курто Дудуш на средба со загрижените граѓани. Тој им препорачал сами да се спротивстават на оние кои тука фрлаат отпад, но како што вели, им ветил и дека Општината ќе ја исчисти депонијата. – Нас нѐ обвини дека сме требале да го чуваме просторот и ако треба и да се тепаме со тие што се обидуваат да фрлат тука ѓубре. Па, тоа не е наша работа. Нека исчисти Општината, нека стави огради, чувар ако треба. Ние тука живееме, имаме право и ние на нормален живот, вели соговорникот. Во близина на овој простор Општина Шуто Оризари поставила камера за да се контролира кои се тие што на дивата депонија фрлаат ѓубре, но камерата не е во функција. %20 - https://www.slobodenpecat.mk/foto-zhitelite-na-shutka-baraat-spas-od-smrdeata-od-kozhi-i-ostatoci-od-zaklani-zhivotni/ |
Posted By: stef4o
Date Posted: 15-Aug-2021 at 08:25
(ФОТО) Среде летни горештини и пандемија, тетовци се задушуваат во смет
Куповите смет оставени на земја околу преполните контејнери, кои се карактеристична слика за Тетово, особено годинава и во летниот период со високи температури, претставуваат голема опасност за здравјето на граѓаните, алармираат стручните лица од областа на здравствената екологија. Дополнително, Тетово се бори и со пандемијата на ковид. Тој во моментов е втор град во земјава според активни случаи на ковид-19. Комуналната општинска служба секојдневно го собира сметот од контејнерите, но постојат и голем број места каде што нема садови за одлагање отпад, па се создаваат мини-депонии. Сето тоа се распаѓа и станува извор на бактерии и вируси. Не само месото, туку и лубеница, на пример. Сѐ што е органско се распаѓа и овозможува да се развиваат многу бактерии. Имаме спектар бактерии, од кои најчести се некои како ешерихија коли, ентеро бактерии, полиформни бактерии, салмонела, клостридиум, нема бактерија што не е присутна на таа температура“, објаснува д-р Давидовски. Така оставениот смет на земјата и високите температури се лошата комбинација, што доведува до развој на бактериите. „Безбедна температура да нема развој на бактерии е до 5 степени и над 65 степени. Од 5 до 65 степени народски кажано „оро играат бактериите“. Кога има температура на воздухот 40 степени, на асфалт е 50 степени, па експоненцијално ако се развиваат и се делат за дваесет минути, сега за пет минути се размножуваат бактериите од кои можат да се заболат луѓето“, објаснува докторот. Веќе втор мандат тетовската градоначалничка Теута Арифи најавува дека се работи на долгорочното решение за справување со отпадот – формирање заедничко комунално претпријатие на полошките општини, кои ќе имаат и регионална депонија со крајна фаза за третман и рециклирање на отпадот. %20 - https://360stepeni.mk/foto-srede-letni-goreshtini-i-pandemija-tetovtsi-se-zadushuvaat-vo-smet/ |
Posted By: Denko
Date Posted: 15-Aug-2021 at 11:55
Naslovot ne e sosem korekter. Ne samo Tetovci tuku cela Makedonija e zatrupana vo smet. |
Posted By: stef4o
Date Posted: 24-Aug-2021 at 17:01
Депонијата во Долно Лисиче се шири и смрди, Марин знае, но не одговара оти тешко му стасуваат мејлови (ФОТО+ВИДЕО)
[tube]jFJb-J-Legs[/tube] Наместо да биде исчистена, депонијата во Долно Лисиче се полни. За ѓубрето што со години го „краси" ова место редакцијата на МКД.мк пишува веќе втора година, но и покрај ветувањата на градоначалникот на општина Аеродром, Златко Марин, дека проблемот со оваа депонија ќе се реши, сликата на терен е поинаква. Огромната депонија е полна со кабест отпад, пцовисани животни, кожи од домашни животни, стаклени шишиња, јоргани, скапано овошје и зеленчук... Меѓу останатиот отпад има и азбест, кој незаштитен и расфрлен стои на ова место, што е опасност за животната средина. Според Правилникот за начинот на постапување со отпад од азбест и со отпад од производи што содржат азбест, отпадот од азбест треба да се собира и отстранува колку што е можно поскоро во соодветно запечатено пакување и обележано на начин што укажува дека содржи азбест. Отпадот од азбест се пакува во непропустливи затворени вреќи, при што споевите на ткаенината, односно фолијата, мора да бидат целосно заварени или залепени, а оној отпад со лабаво врзан азбест се пакува во вреќи од ткаенина за да се спречи емисијата на азбестни влакна во животната средина. Овде многу често се палат гуми, а се истураат и цистерни полни со измет. Неподнослива реа и смрдеа се шири околу Вардар на мостот што ги поврзува Долно Лисиче и Јурумлери, а ѓубре има и на едната и на другата страна на реката. Очигледно е дека кога ќе се спои несовесноста на граѓаните, но и негрижата на надлежните, резултатот неминовно е депонија и одвратна смрдеа каква што е оваа во Долно Лисиче. Неодамна близу ова место изби пожар и зафати дел од депонијата. Последниот обид да исконтактираме и да добиеме официјален одговор од градоначалникот Марин ни беше на 5 август преку мејл испратен до општината. По ова нашата редакција телефонски се слушна до пиар-службата на општината, од каде што ни беше кажано дека прашањата се стасани и дека ќе ни биде доставен одговор, а прашањата беа препратени и на друга мејл адреса, која води директно до градоначалникот. Градоначалникот е запознаен со проблемот, кажано му е. За Вашите прашања му е кажано и на Владимир, шефот на кабинетот на градоначалникот, кој ни појасни дека и граѓаните треба да си бидат одговорни и да не трупаат ѓубре на местото, бидејќи нема кој нив 24/7 да ги контролира. Ќе ви доставиме за кратко и писмен одговор од сето ова", ни одговори во телефонски разговор женски глас и ни се претстави дека се вика Дијана. По ова нашата редакција трпеливо чекаше, а во меѓувреме се обидовме повторно да исконтактираме телефонски, но безуспешно. Откако не добивме одговор и ништо не ни стаса на службениот мејл, повторно се обративме до општината, а го побаравме и Владимир, шефот на кабинетот на градоначалникот, за кого ни беше кажано дека периодов не користи одмор, доаѓа на работа и знае за овој проблем. Но од него не добивме одговор ниту на телефонските повици, ниту на пораката на вибер во која детално појаснивме за што ни треба одговор. Повторно по ова се јавивме во општината и друг женски глас ни кажа дека такви прашања воопшто не се стасани и дека ќе треба да ги пратиме повторно. Кога мислевме дека сме ја завршиле работата и дека општината, која е должна да им одговори на медиумите, ќе излезе со став за овој сериозен и долготраен проблем, кој претставува опасност и извор на зараза, всушност нѐ вратија на почеток. Но и покрај тоа што по трет пат ги праќавме прашањата за конечно да стасаат до градоначалникот Марин и да добиеме одговор, од таму повторно нѐ извисија. Чекавме уште два-три дена и повторно се јавивме телефонски во општината и го добивме следниот одговор: „Не знам што да ви кажам. Дадени се прашањата онаму каде треба, но зошто не одговараат не би знаела да ви кажам. Не знам дали некој ќе одговори. Запознаен е и градоначалникот, и шефот на кабинетот, и кажано им е, но не одговараат, а јас без нивна согласност не можам да ви праќам одговори. Ве разбирам дека имаме обврска да ви одговориме, како и дека чекавте за одговор на овие прашања, но не можам да помогнам и на вас останува што ќе објавите“, ни одговори женски глас во телефонскиот разговор претставувајќи се како замена во канцеларијата за односи со јавност поради одмор на колешката. Според Законот за локална самоуправа, Општината е должна на граѓаните да им даде пристап до информации за услугите кои им ги обезбедува, а исто така е должна и да ја заштити животната средина и природата. Кога и да поминете со автомобил на ова прометно место на кое реката Вардар ги поврзува двете општини, од една страна општина Аеродром, од другата општина Гази Баба, не можете да не ги забележите купиштата ѓубре. Ако возите со отворен прозорец ќе ја почувствувате и смрдеата која се шири околу ова место. Во близина на депонијата која со години се полни, се наоѓа и паркот во Долно Лисиче кој е полн со деца. Ова место во зимските денови е меѓу најзагадените во главниот град. https://www.mkd.mk/makedonija/skopje/deponijata-vo-dolno-lisiche-se-shiri-i-smrdi-marin-znae-za-problemot-no-ne |
Posted By: гитардемон
Date Posted: 24-Aug-2021 at 18:24
|
Наместо да ја чистат, да стават редари во три смени (45000 денари месечно). Поефективно ќе биде. ------------- Arguing on the internet is like running at the special olympics. Even if you win, you're still retarded. |
Posted By: <Fresno>
Date Posted: 24-Aug-2021 at 18:51
| Комунална/еко полиција само. Не знам зашто уште не мрда од мртва точка таа работа. И тоа под државна капа, со добар буџет, вработени, опрема итн. Може и шумска полиција да се спои со нив. Овластувања целосни, од казнување за пикавец во Капиштец до апсење за палење гуми во Липково. Уште па и бонуси ако им даваат од напишани казни на вработените, има државава Швајцарија да стане за 6 месеци. |
Posted By: stef4o
Date Posted: 02-Sep-2021 at 14:25
|
СЕ РАСЧИСТУВААТ ЧЕТИРИ ДИВИ ДЕПОНИИ ВО ОПШТИНА БУТЕЛ
Екипи на ЈП Комунална хигиена денеска почнаа со расчистување на четири диви депонии во општина Бутел. Депониите, составени од мешан комунален, кабаст и градежен отпад, се лоцирани на улицата Бетовенова, како и улиците Александар Урдаревски и Лазо Трпевски, во непосредна близина на гробиштата. 
https://www.facebook.com/CityofSkopje |
Posted By: stef4o
Date Posted: 07-Sep-2021 at 07:05
Скоро низ цело Маџир Маало има вакви депонии(од твитер)
|
Posted By: skopskodete
Date Posted: 07-Sep-2021 at 15:10
| Неверојатно нечист е градов. Не знам што се случува. |
Posted By: stef4o
Date Posted: 08-Sep-2021 at 13:41
Дива депонија на влезот/излезот на Скопје кај полициските бараки
На самиот излез/влез на Скопје, кај полициските бараки во Ѓорче Петров 2, никнува уште една градска дива депонија. Жителите на општина Ѓорче Петров реагираат дека нивната општина станала дива депонија и оти нема населено место во кое нема незаконски оформена локација каде се фрла се и сешто. Покрај тоа што сме далеку познати по најголемата градска дива депонија во Ново Село, која се трупа и пали секој ден, дивата депонија во Волково и дивата депонија во село Орман, кои со брзината на депонирање на отпад на овие три депонии, кои се наоѓаат по течението на реката Лепенец, во блиско време би се поврзале меѓусебно по целото течение се до вливот на реката Лепенец во реката Вардар – реагираат тие на социјалните мрежи. За ваквата состојба бараат одговорност од градските власти и решение на овој проблем додека сè уште не е доцна, а не да се премолчува како досега. Како доказ за ваквата состојба тие приложиле фотографии од кои се гледа дека на несоодветно место е истурен пред сè градежен шут. https://www.vecer.press/дива-депонија-на-влезот-излезот-на-ск/ |
Posted By: stef4o
Date Posted: 08-Sep-2021 at 16:32
|
ПОВТОРНО ДЕБАКЛ НА ГРАДЕЊЕТО НА РЕГИОНАЛНА ДЕПОНИЈА
[tube]1oLrKTd5ZKs[/tube] Регионалната депонија кај Мечкуевци наменета за 18-те општини од истокот и североистокот од државата ќе го почека крајот на локалните избори. Најавата беше дека до крајот на годината ќе биде распишан тендерот за изведба на депонијата и фабриката за отпад. Но, сеуште актуелните градоначалници не успеаја да се договорат за изборот на ве-де директор на заедничкото јавно претпријатие поради спор за тоа која општина треба да го делегира директорот: онаа на чија површина се наоѓа депонијата или онаа што произведува најмногу ѓубре. „Постапката за избор на раководно лице со јавното претпријатие е почната, но поради локалните избори одлуката е замрзната. Веднаш штом ќе дозволи Законот, изборот ќе биде направен“ велат од Комисијата за избор. Месецов треба да започне и чистењето на 70-ина диви и затворањето и култивирањето на помалите нестандардни депонии во овие 18 општини. Овој дел од проектот чини 10 милиони евра. Изведувачите се избрани пред неколку месеци. Само Пробиштип ќе го носи ѓубрето директно во Мечкуевци, за останатите ќе има претоварни станици. Првичните проценки беа дека депонијата со работа ќе почне во 2023-та година, но тоа веројатно нема да се случи. Проектот за регионалната депонија за овој дел од државата е почнат уште пред 12 години. По целосното завршување ќе чини 46 милиони евра, грант од Европската унија преку програмата за регионален развој. https://24.mk/details/povtorno-debakl-na-gradenjeto-na-regionalna-deponija - https://24.mk/details/povtorno-debakl-na-gradenjeto-na-regionalna-deponija |
Posted By: stef4o
Date Posted: 11-Sep-2021 at 11:32
|
10.09.2021
Црн чад над Ново Лисиче, гори Вардариште Црн чад се издига над Ново Лисиче од огнот што го зафатил Вардариште. Од Протипожарната единица за МКД.мк потврдија дека гори Вардариште и дека веќе е испратено едно противпожарно возило да интервенира. 
https://www.mkd.mk/makedonija/skopje/crn-chad-nad-novo-lisiche-gori-vardarishte - https://www.mkd.mk/makedonija/skopje/crn-chad-nad-novo-lisiche-gori-vardarishte |
Posted By: stef4o
Date Posted: 12-Sep-2021 at 10:58
Депонијата во Дексион двапати чистена и повторно полна
Граѓани од Општина Ѓорче Петров алармираат дека на самиот излез од Скопје кон Тетово е формирана дива депонија преполна со градежен шут. Според фотографиите што ги споделуваат, дивото ѓубриште е формирано на просторот покрај полициските бараки покрај Вардар во населбата Ѓорче Петров 2, односно Дексион. Ѓорче Петров стана општина дива депонија, нема населено место во општина кое нема дива депонија – реагираат жители на оваа општина. Тие бараат решение за овој проблем додека, како што велат, сѐ уште не е доцна, но и одговорност од градските и општинските власти затоа што дозволиле да дојде до оваа состојба. Покрај тоа, познати сме по најголемата градска дива депонија во Ново Село, која се трупа и пали секој ден, дивата депонија во Волково и дивата депонија во село Орман, кои со брзината на депонирање отпад на овие три депонии што се наоѓаат по течението на реката Лепенец во блиско време би се поврзале меѓусебно по целото течение сѐ до вливот на реката Лепенец во реката Вардар! – информираат за својот проблем во фејсбук-групата „Ѓорче Петров“. Од Општина Ѓорче Петров велат дека се информирани за проблемот и дека Одделението за инспекциски работи редовно врши контроли на територијата на целата општина, па и на депонијата на излезот од Скопје која, како што тврдат, досега двапати темелно е чистена. Контролите се постојани и се спроведуваат и после работното време и во деновите на викендот. Општина Ѓорче Петров во континуитет во рамките на своите можности и капацитети ги расчистува депониите и отпадот на своја територија. Депонијата во Дексион кај полициските бараки во изминатите три години, во соработка со Град Скопје, односно со механизација на ЈП „Комунална хигиена“ е двапати темелно исчистена – објаснуваат од локалната власт. Оттаму додаваат дека со оглед на тоа дека Општината не располага со механизација за самостојно расчистување на депониите, комуналната служба е во постојана координација со Град Скопје и имаат заеднички ингеренции околу расчистувањето на депониите. На жителите голем проблем им е и депонијата во Ново Село, која и покрај тоа што се расчистуваше мината година, повторно е полна со ѓубре, што укажува дека несовесното однесување на дел од граѓаните и некои фирми продолжува и понатаму. Од „02 иницијатива“ летово предупредија дека „дивата депонија кај Ново Село секојдневно си работи, топење кабли на отворено, преработка на отпад, циркуларна економија – некој се прави слеп, некој заработува на наше здравје, некој прави голем профит“, но дека ситуацијата не се решава. Во јуни минатата година екипи на Град Скопје на терен со механизација повторно го расчистуваат просторот, иако старата децениска дива депонија покрај реката Лепенец веќе беше исчистена шест месеци претходно, но во меѓувреме повторно се наполни со отпад. Надлежните тврдат дека инспекторите и комуналните редари редовно се на терен, но досега не најдоа начин да ја решат ситуацијата и да го спречат фрлањето отпад на просторот кај Ново Село. https://www.slobodenpecat.mk/deponijata-vo-deksion-dvapati-chistena-i-povtorno-polna/ - https://www.slobodenpecat.mk/deponijata-vo-deksion-dvapati-chistena-i-povtorno-polna/ |
Posted By: stef4o
Date Posted: 14-Sep-2021 at 16:42
Палеле кабли и кревети за да ги продадат бакарот и железото
Смрдеа и чад како последица на спалување секаков вид отпад во Вардариште е причина жителите што живеат во околните населби, во овој период од годината, особено навечер, седат дома со затворени прозорци за да се заштитат себеси и своите најблиски од вдишување загаден воздух. Едно од најопасните места или т.н. „црна точка“ во Скопската Котлина кога станува збор за загадувањето на воздухот, депонијата Вардариште, и понатаму останува место каде што најчесто се палат огнови на отворено со што се загадува амбиенталниот воздух во Скопје. Купиштата ѓубре честопати се спалуваат од несовесни граѓани, а има и такви што за ситна заработувачка, речиси секојдневно на посочената локација палат кабли или стари автомобилски гуми за да го извадат металот од нив, кој подоцна го препродаваат и на тој начин имаат дополнителна заработувачка. Со тоа значително се загадува амбиенталниот воздух во Скопје, а непријатната смрдеа најмногу ја чувствуваат жителите што имаат домови во непосредна близина на Вардариште. Состојбата на терен со години наназад е иста, иако од Инспекторатот на Град Скопје редовно вршат контроли во овој дел на градот за да затекнат на самото место несовесни граѓани што спалуваат отпад и соодветно да ги казнат. Само викендов Инспекторите на Град Скопје на депонијата Вардариште затекнале несовесни граѓани што спалуваат кабаст отпад и кабли за струја за понатаму да ги продадат добиеното железо и бакар и дополнително да заработат, притоа не водејќи грижа за загадувањето на воздухот што го предизвикуваат од ваквото несовесно однесување. Во првиот случај, дежурните комунални редари на Град Скопје на локацијата Вардариште затекнале лица што палеле кабли. Според информации добиени од Инспекторатот на Град Скопје, тие веднаш повикале полициски службеници и им биле земени податоци на затекнатите граѓани што палеле отпад. Според властите, против нив ќе биде поднесена соодветна прекршочна пријава. Во вториот случај, пак, Градските инспектори на терен затекнале малолетно лице како спалува кабаст отпад на Вардариште. – Комуналните редари на Град Скопје на локација Вардариште затекнаа малолетно лице што спалувало кабаст отпад. Повикани се службеници од МВР, кои веднаш постапија според своите надлежности. Продолжуваат засилените контроли на Инспекторатот на Град Скопје – информираат од Инспекторатот на Град Скопје. Градските власти велат проблемот со поранешната депонија Вардариште е комплексен и тоа од повеќе аспекти. – Од аспект на самата депонија, станува збор за проблем што е стар повеќе од 30 години, од нејзиното затворање. Депонијата е извор на загадување, каде што несовесни граѓани палат ѓубре и кабли, и нашиот Инспекторат, во соработка со другите институции, работи на надминување на оваа состојба. Во насока на пронаоѓање системско решение, кое би подразбирало целосна санација и рекултивизација на овој простор, Град Скопје изработи детална студија, а за нејзината реализација би биле потребни околу 26 милиони евра. Оттаму, Град Скопје во наредниот период преку Министерството за животна средина и просторно планирање ќе направи напори за обезбедување на овие средства преку европските фондови – велат од Град Скопје. Според нив, кога станува збор за инспекцискиот надзор, од нивна страна во континуитет се работи на сузбивање на појавата на лица што горат кабли и отпад на ова подрачје. – Како еден од најголемите проблеми со кои се соочуваме е немањето конкретни ингеренции поради што Град Скопје со години наназад инсистира и апелира да се променат законите и да се формира Комунална полиција, со што би се надминале проблемите. Во моментов доколку затекнат некое лице кое нелегално фрла отпад, нашите инспектори и редари немаат можност за легитимирање, спроведување и задржување – децидни се од Град Скопје. https://www.slobodenpecat.mk/palele-kabli-i-kreveti-za-da-gi-prodadat-bakarot-i-zhelezoto/ - https://www.slobodenpecat.mk/palele-kabli-i-kreveti-za-da-gi-prodadat-bakarot-i-zhelezoto/ |
Posted By: user8642
Date Posted: 14-Sep-2021 at 20:53
| Абре ова е за ставање во камп за преваспитавање у кинески стил! Губи право на глас и одлучување за себе, работи работа што државата ќе му ја додели, му ја зима цела плата и му ја распределува како да ја троши со задолжителна заштеда. На сила го школува, го описменува, го застанува на нозе финансиски и после неколку години го пушта на улица у самостоен живот повторно. Ахх бре, касарни така седат за џабе празни. Колку сака нека звучи фашистички или диктаторски, ама јас друго ефикасно и темелно решение не гледам за овакви слоеви од население. Мора да се стават под некаков патронат, и заради наше добро и заради нивно добро. |