Индустриски парк ИГМ - Неготино
Printed From: build.mk
Category: Главни теми
Forum Name: Индустриски
Forum Discription: Индустриски зони, фабрики, лесна индустрија...
URL: http://www.build.mk/forum/forum_posts.asp?TID=3779
Printed Date: 20-Apr-2024 at 02:57
Topic: Индустриски парк ИГМ - Неготино
Posted By: stef4o
Subject: Индустриски парк ИГМ - Неготино
Date Posted: 14-Sep-2020 at 06:47
ЕКСКЛУЗИВНО: 20 индустриски хали ќе никнат во првиот приватен индустриски парк на „ИГМ Трејд“ во центарот на земјава
Речиси во центарот на земјава, во близина на Неготино, ќе никне нова технолошко-индустриска развојна зона. Но, неа не ја гради државата, ниту, пак, е според моделот на јавно-приватно партнерство, туку станува збор за чиста приватна гринфилд инвестиција. Оваа зона, прва од ваков тип во државава, или подобро речено приватен индустриски парк, е во целосна сопственост на компанијата „ИГМ Трејд“ од Кавадарци, која повеќе од две децении се покажа како исклучително успешен деловен и инвестициски играч во земјава, но веќе имаше и една аквизиција во Словенија, а бизнисот го проширува и во соседна Бугарија. За сите перформанси и предности на паркот, за плановите, за инвестициите и за можностите, Фактор ексклузивно разговараше со Александар Гечев, генерален менаџер на „ИГМ Трејд“ Кавадарци. Бидејќи и самите прераснавме во мултинационална компанија со фабрики во Македонија, Словенија и наскоро во Бугарија, сметам дека добро го разбираме ‘јазикот’ на странските инвеститори, па успеавме соработката со овие компании да ја претворивме во наш секундарен бизнис, градејќи портфолио на висококвалитетни индустриски недвижнини за долгорочен наем и продажба. Стратегија за во иднина ни е уште поголемо поврзување со странски мултионационални компании во секој аспект од нашиот бизнис“, вели за Фактор Александар Гечев. Странските инвеститори, нагласува овој млад бизнисмен, се исклучително значајни за домашните компании, и воедно за вкупниот економски развој на државава. Затоа за нив треба да се создадат услови за работа. Во новата зона „ИГМ Трејд“ веќе гради 20 индустриски хали, кои ќе бидат подеднакво достапни и за странските, и за домашните фирми. Тие халите ќе можат или да ги изнајмат, или да ги купат. ОГРОМНА ПОВРШИНА ОД НАД 312 ИЛЈАДИ МЕТРИ КВАДРАТНИ „Како компанија се одлучивме да инвестираме во приватен индустриски парк во близина на Неготино, гринфилд инвестиција целосно финансирана од сопствени средства и прва од ваков тип во државата. На површина од 312.900 м2, моментално во изградба се 20 нови индустриски објекти – хали достапни за странски и домашни компании за долгорочен наем и продажба, со вкупен покриен простор од 135.300 м2“, објаснува Гечев. За тоа колку овој индустриски парк има исклучително квалитетна локација, говорат неколку факти. Тој е лоциран на самиот автопат А1 со одалеченост од 5 километри до железничката станица во Криволак, 75 километри до аеродромот во Скопје и 128 километри до Солунскотот пристаниште во Грција. Паркот е опремен со сите помошни постројки од типот на трафостаници и станицa за природен гас, а поради високото осончување од 1.600 kWh / m2 , планирано е и поставување на кровни фотоволтачни централи со вкупна инсталирана моќ од 15 MW што ќе овозможи off-the-grid напојување и јаглеродна неутралност на фирмите во паркот (преку избегнување на емисии на јаглероден диоксид во износ од 12.942.000 кг/годишно) што е во согласност со Европскиот зелен договор и нашата корпоративна политика за заштита на животната средина“, нагласува генералниот менаџер на „ИГМ Трејд“. Со ова инвестиција, практично, компанијата ја обезбедува неопходната инфраструктура за странските инвеститори,и го подобрува логистичкиот капацитет долж Коридорот 10, овозможувајќи поголемо поврзување со новоприватизираното Солунско пристаниште и зголемувајќи ја атрактивноста на Македонија како инвестициска дестинација ТЕЧАТ ПРЕГОВОРИ СО РЕНОМИРАНИ СТРАНСКИ КОМПАНИИ „Веќе сме во преговори со странски реномирани компании од дејностите: assembly, логистички и дистрибутивни центри, суви контејнерски терминали итн“, открива Гечев. Токму во контекст на странските компании што работат во земјава, овој стопанственик сака да фрли поинаква светлина врз одредени табуа кои врска со нив постојат во земјава. „И покрај забелешките (главно на академската заедница) дека поврзувањето помеѓу домашните и странските компании е мало, и дека нето ефектот за домашната економија е незначителен, јас го тврдам спротивното и на терен гледам дека, се што ние како домашни компании имаме капацитет да го одработиме, го добиваме од нивна страна. Наместо ксенофобични тези за недостатоците на странските инвестиции, вината за слабата капацитетност треба да ја бараме кај самите себе и е поврзана со долгогодишната деиндустријализација на државата поради немарноста на многу претходни влади. Во минатото Македонија имаше домашна индустрија за репроматеријалот од типот: бакарни кабли, метални одлеаноци, топпловалани котури од челик итн. Во денешната ситуација нереално е да очекуваме да бидеме добавувач на репроматеријали за странските инвеститори, но сепак домашни градежни компании учествуваат во изградба, компании испорачуваат опрема и обезбедуваат најразлични услуги – што вбризгува голем износ на пари со сериозен мултипликативен ефект, особено во помалите градови како Кавадарци и други со уште поскромна извозно-индустриска историја“, објаснува Александар Гечев. КАКО ДРЖАВА МОРА ДА ПРОДОЛЖИМЕ СО АГРЕСИВНО ПРИВЛЕКУВАЊЕ НА СТРАНСКИТЕ ИНВЕСТИТОРИ Затоа, според него, заклучокот е дека странските инвеститори се корисни за државата, создаваат конкуренција на пазарот на трудот и со тоа придонесуваат кон природен раст на платите, кон реиндустријализација на државата, а се од особено значење за рамномерниот регионален развој. Затоа како држава мораме да продолжиме со нивно агресивно привлекување во натпревар со соседните држави кои го прават истото, особено Република Србија. Додатно, вели Гечев, поради прекинот на глобалните синџири на снабдување во Кина и други држави во Азија во екот на здраствената криза со Ковид-19, мултинационалните фирми се одлучуваат за враќање кон локализирано наспроти глобално производство, односно тренд познат како nearshoring. Уште пред почетокот на кризата многу компании размислуваа за re-shoring поради фактори како: раст на платите на пазарите во развој, флуктуација на трошоците, слаба заштита на интелектуална сопственост и технологија, трговски војни и зголемување на царините, трендови за брза испорака и општествен притисок за одржливост. „Near-shoring преставува одлична прилика за нашата држава во повеќе индустриски гранки: автомобилски делови, текстил, тутунска индустрија, фармација итн. Додатен катализатор за овој процес е и потпишувањето од страна на Македонија на ревидираната Пан-Евро-Медитеранската (ПЕМ) конвенцијата за потекло на стоки која се очекува да биде корисна за многу од македонските извозно-ориентирани компании“, потенцира овој бизнисмен. Токму тоа е идејата водилка на „ИГМ Трејд“ за новиот индустриски парк. Странските инвеститори кои работат во зоните се покажаа како клучни извозници и вработувачи во македонската индустрија, а од нив се очекува да изиграат и значајна улога во закрепнувањето кое го очекува домашната економија во третиот и особено во четвртиот квартал од годинава, по големиот пад кој поради корона кризата му се случи во вториот квартал на македонскиот бруто-домашен производ. https://faktor.mk/ekskluzivno-20-industriski-hali-kje-niknat-vo-prviot-privaten-industriski-park-na-igm-trejd-vo-centarot-na-zemjava |
Replies:
Posted By: stef4o
Date Posted: 14-Sep-2020 at 06:55
|
Огромна површина е,неколку пати сум ја видел поред самиот автопат е но не сум знаел за што поточно се работи,моментално поточно подолго време имаше некаков застој поточно беше изградена само една хала и ништо повеќе...
Еве извадок од Google Maps за да се види за колкав простор станува збор 
|
Posted By: гитардемон
Date Posted: 14-Sep-2020 at 13:57
|
Интересно е колку непотребно кружи железничката пруга во близина на местово. Да не го пратела текот на Вардар, туку да била поправа, би минувала веднаш до аеродромчето на сликата. ------------- Arguing on the internet is like running at the special olympics. Even if you win, you're still retarded. |
Posted By: stef4o
Date Posted: 30-Sep-2020 at 11:36
https://www.facebook.com/CeaCon |
Posted By: hcitrS
Date Posted: 08-Oct-2020 at 22:04
|
Текстов: https://izvoz.mk/александар-гечев-игм-трејд-трпи-голем/
е од неколку дена пред твојот пост. Зборуваат, меѓу другото, за пад на извозот на ИГМ ради увозни квоти за челик воведени од ЕУ. Можеби раздвижувањето во изградбата на индустрискиот парк има врска со тоа што на пример имаат големи челични залихи, кои се одлучија да не ги чуваат туку да ги пуштат во обрт преку сопствен градежен потфат? |
Posted By: stef4o
Date Posted: 30-Dec-2020 at 08:09
|
Одлучивте да инвестирате во сопствен индустриски парк во близина на Неготино… Објаснете малку повеќе околу овој проект, што се’ планирате да изградите, какво производство ќе се одвива во паркот, и што тоа ќе значи за локалната и македонската економија?
Неготино е одлична локација за развој на енергетиката, а со тоа и на индустријата во нашата држава. Ова нуди перспективи и за модерно производство на земјоделски култури во оранжерии, со помош на ЕУ фондови по примерот на Бугарија и Грција, или пак Холандија каде што постои највисок степен на усовршување на таканареченото “прецизно / научно земјоделство“. Со изградба на стратешки објекти од типот на ТЕЦ Неготино и воениот полигон Криволак, државата пред многу години го трасирала патот за развој на овој регион и не’ радува фактот што владејачката гарнитура ја задржува ова стратешка ориентација со најновите планови за изградба на интерконектор за гас, нафтовод и регионални дистрибутивен центар за нафтени производи и за приватизација, модернизација и пуштање во работа на ТЕЦ Неготино. Повикувајќи се на Законот за стратешки инвестиции, планираме и сопствени проекти во сегментот металургија и енергетика. Сметаме дека на долг рок развојот на горенаведените гранки ќе наложи потреба од придружна инфраструктура и логистика која ние планираме да ја обезбедиме преку индустрискиот парк. Во моментот работиме на поврзување на паркот со железница, по примерот на Алпос во Словенија, со што го заокружуваме замислениот концепт и ја зголемувавме атрактивноста за идни инвеститори. Во една друга прилика зборував за трендот на near – shoring (преселување на операциите од една земја во друга која е географски блиску) за кој сметам дека е една од причината за искажаниот интерес кај странските компании кои се додатно поттикнати од приклучувањето на земјата во НАТО. Со површина од 312.900 м2 и покриен простор од 135.300 м2 или вкупно 20 објекти (хали и администрација) ова е прв и единствен проект од ваков тип во државата. целото интервју на линкот долу https://kapital.mk/александар-гечев-со-планирани-вложув-2/ |
Posted By: UROS
Date Posted: 14-Apr-2023 at 12:10
|
IGM Trade Kavadarci gradi industrijski park vo Negotino https://m.facebook.com/story.php?story_fbid=pfbid02hco4wDBTf1kT8H2Guo1jF4rPByfC4jSzgjaJ2szUa82aa56MKuqt3BQiUJBxsJwEl&id=100057222408962&mibextid=wIhsxK https://m.facebook.com/story.php?story_fbid=pfbid0322m5P6jYBZxCFCP4zqPRDYcYP6mHPA55QLdQeoBu7DuwmaRNujNRC1PbCbwNkUsQl&id=100057222408962&mibextid=wIhsxK
|
Posted By: Џоле
Date Posted: 14-Apr-2023 at 16:47
Фоткиве се од декември 2022 г.
 ------------- За сè има вторпат |
Posted By: stef4o
Date Posted: 09-Dec-2023 at 18:21
09.12.2023
------------- Carpe diem |
Posted By: UROS
Date Posted: 09-Dec-2023 at 22:51
|
Niz Kavadarci se zboruva deka prva kompanija sto ke otvori svoja fabrika vo industriskiot park na IGM ke bide Kromberg i Shubert. |