Домови за стари лица
Printed From: build.mk
Category: Главни теми
Forum Name: Проекти
Forum Discription: Административни, станбени, резиденцијални...
URL: http://www.build.mk/forum/forum_posts.asp?TID=3827
Printed Date: 28-Apr-2024 at 02:29
Topic: Домови за стари лица
Posted By: Raisinloaf
Subject: Домови за стари лица
Date Posted: 21-Jun-2009 at 10:40
|
Ова првично беше наменето за старечки дом , но како одминува времето 80% е дека ке биде хотел-казино.
__________________
 
|
Replies:
Posted By: Cloverstack
Date Posted: 21-Jun-2009 at 12:06
| Ако невистина прошла таква пренамена во ДУП-от во текот на изградбата, тогаш не знам што да кажам... Си начул нешто или тебе така ти изгледа? |
Posted By: pbanks
Date Posted: 21-Jun-2009 at 12:29
Дали е ова тој старечки дом што со години се верглаше по медиуми?
Што и да е лошо изгледа, очекував многу повеќе од тој проект.  |
Posted By: Raisinloaf
Date Posted: 21-Jun-2009 at 12:59
| Само мачкаа очи со старечкиот дом , тогаш зошто низ цел град се расчу дека фирма која се бави со инсталирање на казино машини 3 дена работела во хотелот а и на конкурсот за вработување имало побарувања за чипери и сл.Сепак ке почекаме 1 месец додека го отворат па ке се види што ке биде. |
Posted By: pbanks
Date Posted: 21-Jun-2009 at 13:11
| Raisinloaf дали е тој објектот за кој зборува објавата погоре? Дали се гради на патот за Негорски бањи? Каде му е точно локацијата? |
Posted By: Raisinloaf
Date Posted: 21-Jun-2009 at 13:35
| Да тоа е објектот , на патот до негорски бањи е и е веднаш до новиот автосалон на Пежо |
Posted By: mladen_s
Date Posted: 20-Jan-2012 at 17:16
|
Битола добива нов старски дом
Градоначалникот на Битола, Владимир Талески и министерот за локална самоуправа Невзат Бејта, денес во Министерството за локална самоуправа, го потпишаа договорот за изградба на нов старски дом во Битола. Дефинитивно се завршени сите формалности околу користењето на парите од ИПА фондовите во висина од 850.549 евра, од кои од Министерството ќе издвои 672.211 евра, додека општината Битола, 178.337 евра за изградба на новиот старски дом. “Сју Рајдер”, во кој моментно претстојуваат над 140 стари лица ќе биде целосно срушен и ќе почне изграбата на новиот старски дом, кој според зборовите на првиот човек на Домот, Благој Илиевски ќе има капацитет од 190 легла. Новиот старски дом во Битола ќе биде изграден по најмодерни европски стандарди и ќе ги има сите услови за пристоен живот во Домот. Додека се гради новиот старски дом, старите лица, кои ги моментно ги користат услугите на “Сју Рајдер“ ќе престојуваат во пензионерскиот хотел “Битола”. Поради тие причини деновиве, според информации на раководството на “Сју Рајдер“ стопирана е и продажбата на хотелот. “Битола“ кој во изминатата година се продаваше во повеќе наврати, но за жал не се јави ниту еден купец. Со изградабата на новиот старски дом Битола конечно ќе добие нов и модерен старски дом, кој ќе ги задоволува сите стандарди. Изградбата на домот ќе ја изведува битолската градежна фирма “БВ инжинеринг”, која го доби тендерот за изградба на домот.(М.М.) http://dnevnik.com.mk/default.asp?ItemID=1F42F0BEE6DFAA4F8890F0FFFF85182F - http://dnevnik.com.mk/default.asp?ItemID=1F42F0BEE6DFAA4F8890F0FFFF85182F |
Posted By: OCB
Date Posted: 20-Jan-2012 at 17:30
| Да им ја оставиме неписменоста на новинарите. Насловот би требало да биде „Дом за постојан престој и нега на постари лица“. |
Posted By: mladen_s
Date Posted: 20-Jan-2012 at 17:36
|
Вообичено, општините ги излагаат проектите како готови решенија, па веројатно никогаш нема да дознаеме дали имало варијанти како да се изведе новиот дом во смисла на (дис)локација.
Морам да кажам дека постојнава http://maps.google.com/maps?q=41%C2%B0+21.18N,+21%C2%B0202.56E&hl=en&ie=UTF8&ll=41.036405,21.333282&spn=0.003379,0.006968&safe=off&hnear=0x135724ffacde35fb:0x8851fad2842a2ac0,%2B41%C2%B0+2+0.49,+%2B21%C2%B0+20+3.82&t=h&z=18&vpsrc=6 - локација е доста неприкладна и не овозможува никаков понатамошен развој, и е остаток од поранешни планови. Варијанта би била и адаптација на споменатиот хотел, кој инаку брзо ќе се претвори во руина. Но, не знам кои се барањата на ИПА фондовите (можеби бараат нов објект), а општина Битола сега располага со државното градежно земјиште. Добра локација може да се најде во делот околу Клиничката болница, а може и не е лошо да се издвои простор во рамки на поранешната касарна бидејќи и двете локации имаат многу подобра микроклима од оваа. Јасно ми е дека сега сакаат да го продадат секој квадрат земјиште, ама сепак има доволно за ова. Во секој случај, уште еден пример зошто општините би можеле да бидат транспарентни и во процесот на изработка на плановите. Мислам дека премногу се наметна некоја политичка култура на „испорачување готови проекти“, па можеби и ова што го пишувам ќе се протолкува како глас против. Затоа, пофалби за собраните средства, старечкиот дом е навистина во ужасна состојба, ама можело да се побара друга локација. |
Posted By: mladen_s
Date Posted: 20-Jan-2012 at 17:38
Точно, добра забелешка. Само, не знам како се менува наслов на тема? |
Posted By: Cloverstack
Date Posted: 20-Jan-2012 at 23:06
|
За жал толкав кириличен наслов платформава во моментов не дозволува, ќе мора компромис - „Нов дом за стари лица - Битола“ А локацијата навистина е катастрофа... |
Posted By: gjoko
Date Posted: 03-Mar-2014 at 20:59
|
Не е баш здравствен објект,ама незнаев каде да го постирам ова
(ФОТОГРАФИИ): Пуштен во употреба новиот дом за стари лица „Сју Рајдер“ Објавено во: Македонија Автор: Фаланга Датум: 03 Март, 2014 Во Битола пуштен во употреба новиот дом за стари лица „Сју Рајдер“. Министерот за труд и социјална политика, заменик министерот за локална самоуправа, градоначалникот на општина Битола, директорката на домот за стари лица „Сју Рајдер“ и голем број други гости, присуствуваа на денешната свеченост по повод пуштањето во употреба на новиот објект. Стариот објект изграден во 1967 година, со значително мал капацитет и скромни услови, веќе е минато, а на негово место изграден е комплетно нов објект по европски стандарди. „Ми претставува чест што денес ја имам можноста да присуствувам на отворањето на комплетно новиот дом за стари лица во Битола. Се работи за инвестиција вредна 850 000 евра реализирана во соработка на општината Битола и Владата на Република Македонија. Особено битна инвестиција која е во насока на подобрување и унапредување на постоечките капацитети за згрижување на старите лица. Овој нов и современ објект е изграден согласно сите модерни и европски стандарди за домови за стари лица и е вистински показател за грижата на Владата на Република Македонија за старите лица, како и вистински показател дека она што оваа Влада ќе го вети на граѓаните, ќе го започне и ќе го реализира. Овој објект е со значително зголемен капацитет. Имено, ако досега сместувачкиот капацитет беше за 90 лица, сега е за 150 стари лица, од кои што министерството за труд и социјална политика освен блок дотациите, го покрива и згрижувањето и сместувањето на околу 40 стари лица кои се материјално необезбедени и во тешка здравствена состојба“, изјави министерот за труд и социјална политика Диме Спасов. Секоја од собите згрижува најмногу 2 -3 лица, секоја соба има засебен тоалет, а на секој кат има трпезарија. Стручен и професионален кадар ќе им овозможи 24 часовна нега и грижа на сите лица кои се згрижени во овој старски дом. „И овој проект е резултат на заедничка поддршка и континуитет во соработката меѓу локалната самоуправа и Владата на РМ. Тука беа две стари бараки. Реконструкцијата е направена од чиста нула. Добивме два прекрасни објекти. Едниот е за лица кои што имаат потешки здравствени проблеми, а другиот е за луѓе кои можат да се движат. Околу 650 000 евра од проектот се финансирани преку ИПА фондовите, преку министерството за локална самоуправа, а 178 000 евра се платени од општина Битола и целата разлика која тековно се појави ја надополни општината. Придобивката е многу голема, затоа што денеска можеме да кажеме дека во општина Битола се даваат најповолните услови за сместување и според цената и според условите. Голема благодарност до Владата на РМ затоа што без нивна помош, немаше да можеме овој проект да го реализираме, изјави градоначалникот на општина Битола, д-р Владимир Талески. Министерот за труд и социјална политика најави и понатамошни вакви проекти, како и привлекување на приватни инвеститори со цел зголемување на капацитетите за сместување на старите лица. Во таа насока Владата веќе создаде повеќе поволности, како: намалување на цената на градежното земјиште на домови за стари лица во износ од 1 евро од метар квадратен почетна цена, намалени комунални такси за 95%, во соработка со единиците на локалната самоуправа дефинирани се повеќе слободни локации во кои се очекува наскоро да започнат директни инвестиции. Општина Битола, според заменик министерот за локална самоуправа е една од најуспешните општини во искористувањето на средствата од ИПА фондовите: „Ме радува фактот што општина Битола, е една успешна приказна во искористување на средствата од ИПА програмата. Покрај овој проект, општина Битола заедно со центарот за развој на пелагонискиот плански регион, невладините организации, има искористено 23 проекти за прекугранична соработка или во вкупна вредност од 2,5 милиони евра, средства донесени во општина Битола и во интерес на граѓаните на општината“, изјави заменик министерот за локална самоуправа, Ѓоргија Сајкоски. 
http://vesti.mk/read/news/904641/323864/fotografii-pushten-vo-upotreba-noviot-dom-za-stari-lica-sju-rajder - http://vesti.mk/read/news/904641/323864/fotografii-pushten-vo-upotreba-noviot-dom-za-stari-lica-sju-rajder |
Posted By: stratus
Date Posted: 03-Mar-2014 at 22:35
Камо еден студенски дом во Македонија вака да би изгледал. 
|
Posted By: daci92
Date Posted: 03-Mar-2014 at 22:39
|
Старите лица се секогаш верно гласачко тело, а студентите имаат долг живот пред нив и патешествие низ него, па често долго размислуваат пред да одберат за кого да гласаат секако освен оние бојосаните. Затоа и ниеден студентски дом нема да изгледа вака во брзо време. |
Posted By: gjoko
Date Posted: 03-Mar-2014 at 23:25
|
сум слушал дека ваквите пензионерски домови функционираат на принципот пензионерот да им ја отстапи со договор целосно пензијата(и тоа да е најмалку 300 евра),а тие да се грижат за него и кога оди во ВЦ.
Кај студентите нема што да земат |
Posted By: Danndy
Date Posted: 05-Mar-2014 at 22:16
Која пензија е 300 евра во Мк? хахаха 
___ American Horror Story: Asylum. ------------- Traveling. |
Posted By: stef4o
Date Posted: 22-Jan-2018 at 15:19
Еве фотки од тековната изградба на болницата превземни од фејсбук.
|
Posted By: ironm
Date Posted: 19-Apr-2019 at 17:45
|
Почна изградбата на Домот за стари лица во населба Далјан Во местото викано Галеш во населбата Далјан, денеска, беа поставени темели на Домот за стари лица. Местото предходно oд општината на лицитација го купи градежната фирма
„Илинден“ од Струга за околу 13 милиони денари, а Домот за стари лица ќе
го гради фирмата „Ха-Де“ формирана од компаниите „Еуро билдинг“ и
„Океанија“. Капацитетот на објектот ќе биде 400 легла и ќе има околу 17.000
метри квадратни корисна површина. Предвидено е изградбата да трае од две
и пол до три години, а вкупната инвестиција ќе изнесува околу 5 милиони
евра. – изјави за OhridNews Адријан Хасани, косопственик на фирмата „Ха-Де“. Домот за стари лица е приватна инвестиција на фирмите „Еуро билдинг“ и
„Океанија“, а во соработка со владата се водат преговори за
субвенционирање на проектот преку ИПА фондовите. Во Домот за стари лица ќе може да престојува секој којшто ќе има
можности за тоа. Објектот ќе биде изграден по европски стандарди, а
согласно урбанистичкиот план предвидено е во склоп на комплексот да има и
мала болница. Освен сместување, Домот за стари лица ќе нуди 24 часовна
нега и соодветен медицински третман. – истакна Хасани.
Домот за стари лица во Охрид беше долго најавуван, за конечно денеска да започне изградбата на овој капитален објект. https://www.ohridnews.com/foto-pochna-izgradbata-na-domot-za-stari-lica-vo-naselba-dal-an/ - https://www.ohridnews.com/foto-pochna-izgradbata-na-domot-za-stari-lica-vo-naselba-dal-an/ |
Posted By: ironm
Date Posted: 19-Apr-2019 at 17:47
   |
Posted By: ironm
Date Posted: 19-Apr-2019 at 22:11
  |
Posted By: stef4o
Date Posted: 24-Oct-2020 at 14:26
|
Ова беше најавено како приватна болница и еве дури сега на сајтот на Пелагонија најдов дека пишува Дом за стари лица.Согласно ова нишкава ќе ја преименувам и ќе ја префрлам во Проекти.
-------------------------------------------- Домот за стари во Гостивар полека го добива својот лик. Активно се работи на негова реализација, а се очекува да биде целосно завршен кон средината на 2020 година. Станува збор за нов модерен дом за стари лица кој ќе располага со сите потребни услуги, а ќе биде еден од технолошки најсофистицираните кај нас. Во градот Гостивар направени се повеќе инвестиции, но оваа инвестиција е посебна, бидејќи за првпат во Гостивар и пошироко во регионот се гради дом за стари лица, кој ќе им служи на граѓаните на целиот регион. 
http://pelagonijagv.com.mk |
Posted By: гитардемон
Date Posted: 24-Oct-2020 at 15:17
|
Дом за стари лица на 6 ката... Старите во лифтови и по скали ќе се качуваат? Има причина зошто се обично на еден или два ката максимум. ------------- Arguing on the internet is like running at the special olympics. Even if you win, you're still retarded. |
Posted By: my Macedonia
Date Posted: 24-Oct-2020 at 16:33
|
Треба да се каже дека Македонија нема никакво искуство со вакви домови. И во кичево се отвори таков дом- катастрофа. Не се зема во предвид дека се ептен стари и не можат да се качат како младите.
6 ката не е проблем, ако има лифт. Проблем е дека нема парк пред домот. |
Posted By: stef4o
Date Posted: 26-Nov-2020 at 16:59
|
Објектов сум го гледал стопати досега поред автопат но не сум знаел дека е предвиден за старски дом,со децении стои вака сега се продава
..... Ekskluzivno Astoria Nedviżnosti nudi za prodażba objekt-karabina ( Prizemje plus 2 kata so vkupna površina od 2.300m2 ) dodeka vkupniot plac e so površina od 29.000m2. Objektot e predviden za starski dom, so uredni dokumenti od objektot i zemjišteto-imoten list. 
https://www.facebook.com/astoria.real.estate |
Posted By: stef4o
Date Posted: 26-Nov-2020 at 18:18
|
Отворам една општа нишка за домови за стари лица,изградени или во градба што се и дел од веќе отворените нишки ќе ги преместам во оваа да ги имаме на едно место.
..................... Студио ЛЕЛЕЛЕЛЕ со Проект за ДОМ за СТАРИ лица, Илинден, Скопје, 2019-2020 
https://www.facebook.com/Studio-lelelele |
Posted By: Џоле
Date Posted: 29-Apr-2021 at 14:38
|
Во Битола се градат три домови за стари лица, инвестицијата е скоро 3 милиони евра
На просторот на поранешната касарна во Битола, во тек е изградба на три сместувачки капацитети за стари лица. Вкупната инвестиција изнесува 2.900.000 евра, а ќе обезбеди сместување на 210 лица и вработување на над 80 лица, медицински, помошен и друг персонал согласно планот за работа на инвеститорите. 
Како што информираат од Општина Битола, инвеститорот на првиот сместувачки капацитет за стари лица, чија градба е во напредна фаза, претставува и успешен пример за женско претприемништво. Овој објект вклучува изградба на приземје, два ката и потпокрив и истиот зафаќа површина од 2.500 квадратни метри. https://www.mkd.mk/makedonija/razno/vo-bitola-se-gradat-tri-domovi-za-stari-lica-investicijata-e-skoro-3-milioni-evra ------------- За сè има вторпат |
Posted By: stef4o
Date Posted: 11-Jul-2021 at 17:02
|
ВЕЛЕШАНИ ИМААТ ПОТРЕБА ОД СТАРЕЧКИ ДОМ, А НЕКОГАШНИОТ СТОИ ПРАЗЕН И ПУСТ
Велешани имаат потреба од пензионерски дом, бидејќи постојниот е со капацитет кој не може да ги задоволи барањата на највозрасна категорија граѓани. Затоа, во сега веќе далечната 1985 година беше изграден старечки дом, кој потоа се трансформираше во Хотел, а откако неговиот корисник го напушти, десетина години е пуст и празен а времето го руинира. Објектот со одлична архитектура е обележје на левата страна од градот, веднаш до Железниот мост. Во дел од зградата е сместен Техничко- технолошкиот факултет од Велес, како и неколкуте деловни простории во приземјето, кој му дават живот. „Ако се види колкав број на пензионери има во градот и колкумина живеат сами, оти нивните деца, внуци заминаа од градот, државата и нема кој да им купи храна, даде лекови, јасно е дека е неопходен“, велат велешани. Локалната власт се обиде во два наврати да го продаде објектот, откако претходно преку јавно-приватно партнерство, сакаше да го реактивира како Старечки дом, но неуспешно. Ниту за едното, ниту за другото нема интерес. Не доаѓаат охрабрувачки информации, дека објектот може да му се врати првобитната намена, преку Владата, откако општината не успеа. „Моделот како овие објекти да работат е тој да биде одржлив. Нешто што порано функционирало а денес не, значи дека моделот не бил одржлив. Не можеме да помагаме нешто, што за некоја година ќе го нема. Овој објект и сличните ќе се вратат во функција, само кога моделот за нивно работење, биде одржлив. За да не се случи, по пет години, Владата да дава нови народни пари и вложува, за да опстане. Владата јавните пари мора да ги користи на ефикасен и ефективен начин. Сакаме да се згрижи една категорија граѓани, но тоа да не биде на грбот на друга категорија“ – порача Фатмир Битиќи при неодамнешната посета на Велес. Објектот кога беше изграден имаше 60 соби со 160 кревети. Поголемиот дел од инвентарот денес е украден, подолго време не е во функција, па времето го оштетува и прокиснува вода од покривот. %20 - https://sdk.mk/index.php/dopisna-mrezha/veleshani-imaat-potreba-od-starechki-dom-a-nekogashniot-stoi-prazen-i-pust/ |
Posted By: stef4o
Date Posted: 31-Dec-2021 at 18:19
Објектов добил назив Пеламед,фотките се од пред 4 месеца 
https://pelagonijagv.com.mk/proekti/pelamed/ |
Posted By: stef4o
Date Posted: 01-Jan-2022 at 18:31
На 01.01.2022 официјално се отвара првиот дом за грижа и нега по светски стандарди, Пела Мед. Лоциран во центарот на Гостивар, со совршени услови и сеопфатна нега предводена од професионален тим кој ќе се погрижи за вас и заедно ќе креирате моменти на среќа, сигурност и чувство на љубов.
https://www.facebook.com/Пела-Мед-Pela-Med-110101634742995 - https://www.facebook.com/Пела-Мед-Pela-Med-110101634742995 |
Posted By: stef4o
Date Posted: 09-Jan-2022 at 11:36
ШТИПСКИОТ ДОМ ЗА СТАРИ ЛИЦА НЕ СЕ ГРАДИ ВЕЌЕ ОСУМ ГОДИНИ ОТКАКО БЕШЕ ПРОГЛАСЕН ЗА ДИВОГРАДБА
Штипскиот дом за сместување стари лица почна да се гради во 2014, но брзо доби статус на дивоградба зашто објектот ја немал комплетната документација. Место да се изврши адаптација на ресторанот што се наоѓаше на таа локација, се изгради зграда со четири ката. По две години судски рочишта, обвинителството го повлекло обвинението кога сите наоди говореле дека има чесна намера да се изгради дом за сместување на 100 пензионери, за кој веќе биле обезбедени пола милион евра. Судската постапка заврши, но зградата веќе осма година пропаѓа. Таа има готова карабина, без кровна конструкција, фасада и внатрешно уредување и опремување. Штипските пензионери сметаат дека и оваа година нема да продолжат работите на нивниот дом. Претседателот Стево Пендаровски не го потпиша последниот Закон за легализација на дивоградби во мај 2021, а Владата го поднесе во Собранието новиот, изменет закон, кој уште не е усвоен. „Новата верзија на Законот за легализација на дивоградби не ја знаеме, но се надеваме дека ќе нема законски пречки домот за стари лица да добие зелено светло за продолжување на изградбата. Тогаш ние настапуваме со нашите плански проекти за продолжување на изградбата“, велипретседателот на здружението на штипските пензионери, Ристе Нетков. Тој и другите членови на Здружението на пензионери во изминатите години имале неколку средби со штипските градоначалници и со министерот за транспорт и врски. Велат дека и новиот градоначалник Иван Јорданов им дал целосна поддршка за доизградба на домот. https://sdk.mk/index.php/dopisna-mrezha/shtipskiot-dom-za-stari-litsa-ne-se-gradi-veke-osum-godini-otkako-beshe-proglasen-za-divogradba/ - https://sdk.mk/index.php/dopisna-mrezha/shtipskiot-dom-za-stari-litsa-ne-se-gradi-veke-osum-godini-otkako-beshe-proglasen-za-divogradba/ |
Posted By: stef4o
Date Posted: 13-May-2022 at 17:12
|
Најсовремен, модерен и безбеден дом за стари лица Пела Mед
Домот за стари лица Пела Mед располага со 129 кревета, 45 апартмани, специјално наменети соби за постоперативна негасо медицински кревети и декубитис душеци, вип соби, специјални програми за социјализација, соодветна технологија за постојан надзор, медицински и стручен персонал 24/7 часа, чист воздух, рекреативни програми и излети. Пела Mед нуди достоен живот на луѓето во трето доба. Пела Mед е дом за стари лица кој има специјално опремени соби за лица со посебни потреби како деменција, алцхајмер, неподвижни или им треба друга специјална нега и грижа. Една од работите што не издвојува од другите резиденции е нашата филозофија за грижа на секој од вас, развиена за да создаде средина што не поврзува, средина за активно стареење со зголемена самодоверба, стабилна емоционална благосостојба, безбедност и сигурност, чувство на припадност, подобрено здравје и среќа. 
https://faktor.mk/najsovremen-moderen-i-bezbeden-dom-za-stari-lica-pela-med- - https://faktor.mk/najsovremen-moderen-i-bezbeden-dom-za-stari-lica-pela-med- ------------- Carpe diem |
Posted By: stef4o
Date Posted: 29-Jun-2022 at 08:49
ДОМ ЗА СТАРИ ЛИЦА - "ФИЛИП СТОИЧОВ" с. Тработивиште - ДЕЛЧЕВО.
https://www.facebook.com/gpaarchitecture - https://www.facebook.com/gpaarchitecture ------------- Carpe diem |
Posted By: hcitrS
Date Posted: 31-Jul-2022 at 22:35
|
Не знам во која нишка припаѓат домови за стари лица, ето овде ќе постирам па ако треба преместете.
Се отвори нов приватен старски дом во Битола, „Софија“, во Старата касарна. Објектот зафаќа површина од 1500 метри квадратни, со капацитет за згрижување на 60 корисници. Со отпочнувањето со работа, ПУСЗ „Дом Софија“ вработува 16 лица, а при полн капацитет ќе вработува 30 лица. 
https://apla.mk/direktno/item/11120-domot-sofija-go-prodolzhuva-zhivotot-vo-treto-doba - apla.mk и https://bitolanews.mk/2022/07/20/свечено-отворена-приватната-установ/ - bitolanews.mk |
Posted By: stef4o
Date Posted: 20-Aug-2023 at 17:07
Дом за стари лица "Филип Стоичов" - с. Тработивиште, Делчево
https://www.facebook.com/RingiKompani - https://www.facebook.com/RingiKompani ------------- Carpe diem |
Posted By: stef4o
Date Posted: 19-Nov-2023 at 18:04
|
Нов проект на компанијата Хантерс
ДОМ ЗА СТАРИ ЛИЦА – КАТЛАНОВО 
https://hanters.com.mk/p/45/dom-za-stari-lica--katlanovo - https://hanters.com.mk/p/45/dom-za-stari-lica--katlanovo ------------- Carpe diem |
Posted By: carver91
Date Posted: 19-Mar-2024 at 21:32
| дали има некаков напредок? |
Posted By: stef4o
Date Posted: 18-Apr-2024 at 19:10
|
Дом за стари лица во Крива Паланка
вреди 42.000.000 денари со вклучен ДДВ; со капацитет за 21 корисник, 15 еднокреветни и 3 двокреветни соби со сопствена бања; 
https://www.facebook.com/o.krivapalanka - https://www.facebook.com/o.krivapalanka ------------- Carpe diem |
Posted By: kiriOK
Date Posted: 18-Apr-2024 at 19:33
| И кај нас веќе почнаа многу западни текови, еден од нив е и овој со старските домови. Се повеќе се оставаат старците по домови, се помалце има луѓе да се грижат за нив. |