Print Page | Close Window

Геотермални води

Printed From: build.mk
Category: Главни теми
Forum Name: Енергетика
Forum Discription: Електростопанство, гасификација, топлани, алтернативни извори...
URL: http://www.build.mk/forum/forum_posts.asp?TID=385
Printed Date: 28-Mar-2024 at 12:14


Topic: Геотермални води
Posted By: La Linea
Subject: Геотермални води
Date Posted: 20-Jan-2008 at 00:21


 
Зошто не ги користиме геотермалните води за поевтино затоплување?

Напорите за обезбедување на доволни количини на електрична енергија, повторно во гевгелиско се актуелизира потребата од искористување на геотермалните води што ги има во изобилство во тој крај.

Oвие води кои со векови претекуваат пред нашите очи, можат да се искористат за затоплување на објекти, домови, оранжерии и друго. Како што информира нашиот дописник, посебно биле атрактивни извориштата на геотермални води во село Ново Коњско, откриени пред многу време од страна на експерти од Исланд, што можат да обезбедат топлина до 150 целзиусови степени.

Во близина на селото Смоквица, во реката Вардар има повеќе бунари со геотермална води со температура над 65 степени целзиусови. Тука биле и Негорските бањи со температура на вода од 80 степени, како и огромните количини на вода што се слева од Кожув планина и поминуваат низ грејните тела. Сите тие можат да обезбедат поевтино затоплување.


Автор на веста: Нетпрес
Објавена на 17.01.2008 13:43:36


Гевгелиско

Сепак е далеку од било каква реализација, ако се почне од сега, со нормален тек на работа, ќе бидат потребни барем 5-6 години додека да се изгради првата централа.  Јас сум повеќе за соларна енергија и ветерници, тие се далеку по буџет-friendly Smile


-------------
Помогнете во Македонската Википедија - Слободна енциклопедија!



Replies:
Posted By: lslcrew
Date Posted: 29-Jun-2008 at 17:02
Дека спомнавте регонов па сакам да го дадам како пример Велинград во Бугарија. Тамо има два паралелни водовода. едниот е за ладна, а другиот за природно топла вода. Исто така Унгарија е земја од регоинов со високо развиен бањски туризам.


Posted By: Cloverstack
Date Posted: 13-Jul-2008 at 21:49




Posted By: Cloverstack
Date Posted: 12-Sep-2008 at 23:52
Cheers Cheers Cheers

http://www.kanal5.com.mk/ShowNews.aspx?ItemID=37747&mid=1500&tabId=1&tabindex=0 - http://www.kanal5.com.mk/ShowNews.aspx?ItemID=37747&mid=1500&tabId=1&tabindex=0

Нов бунар за геотермална вода во Кочани

Нови 350.000 метри кубни геотермална вода годишно ќе добива Кочани, со експлоатацискиот бунар од системот Геотерма чие дупчење започна денеска. Водата со температура над 70 степени Целзиусови ќе се црпи од 550 метри длабочина. Инвестицијата од 1, 5 милион евра е донација на австриската влада во партнерство со општина Кочани и Министерството за животна средина. Добивката од проектот е двојна: финансиска и еколошка.

 

- Се врши експлоатација на 350 илјади метри кубни вода на годишно ниво, што имајќи го предвид односот на замена на еден метар кубен со 4,2 килограми мазут, ќе има евидентна заштеда во енергетскиот дел и целосен еколошки ефект со заштита на средината каде овој систем функционира - изјави Јордан Наунов, раководител на Геотерма, Кочани.

 

Со сегашните 1 милион и 300 илјади метри кубни топла вода што се користат за загревање на 4 јавни објекти и дваесетина хектари под оранжерии се заменуваат 5.500 тони мазут, што за корисниците значи шест пати пониски трошоци. Топлата вода од новиот бунар ќе донесе заштеда за загревање од 700.000 евра годишно.

 
Со реализацијата на проектот за искористување на геотермалната вода кочани стана енергетски најефикасна општина во државата.


Posted By: GreatMakedon
Date Posted: 13-Sep-2008 at 13:18
Bas na discovery gledav minatata nedela emisija za geothermal vodite vo island i kako taa zemja e naj "green" drzava na svetot. celata elektricna energija ja vagaat od zeskite vodi pod zemja.. toa e idninata za kako da se proizvede struja na "green" nacin/

-------------


Posted By: pbanks
Date Posted: 13-Sep-2008 at 13:27
Originally posted by GreatMakedon

Bas na discovery gledav minatata nedela emisija za geothermal vodite vo island i kako taa zemja e naj "green" drzava na svetot. celata elektricna energija ja vagaat od zeskite vodi pod zemja.. toa e idninata za kako da se proizvede struja na "green" nacin/


дефинитивно... во коминација со соларната енергија може да станеме далеку помалку енергетски зависни и дефинитивно по "green". Ако го до годадеме тука гасот потрошувачката на електрична енергија во домаќинствата навистина може да се сведе на минимум.


Posted By: Cloverstack
Date Posted: 29-Mar-2009 at 19:22
Уште добри вести од Кочанско

Производство на електрична енергија од геотермална вода

Енергетскиот потенцијал на топлата вода од кочанскиот геотермален систем ќе се искористува за производство на електрична енергија. Општина кочани потпиша договор со чешката форма „Карбон Редукс” за изработката на детална проектна документација во вредност од 100 илјади евра. Со длабински дупчења преку 1000 метри, се очекува добивање води со температура над 100 степени од кои ќе се добива електрична енергија.

- Овој проект ги поминува локалните граници има пошироко значење и отвора друг простор дека можат да се очекуваат многу повисоки температури на геотермалната вода која ќе даде предуслов за реализација на овој проект односно поставување на електрана на база на геотермалната енергија, со познатите технологии на бинарните системи, вели Јордан Наунов, раководител на „Геотерма” – Кочани.

Со можноста за тргување со гасови што ги нуди Кјото протоколот, придобивката е двојна. Геотермалната вода како обновлив енергенс го внесува овој проект во т.н. „чисти механизми” со кои се врши намалување на стакленичките гасови. Тоа ќе значи финансиска добивка за општината.

- Оние количини на гасови што ќе се намалат со производство на електрична енергија од класичните енергенси се продаваат во оние држави коишто имаат обврска за намалување на стакленичките гасови. Со продажбата на овие емисии од гасови, 80% од продажбата на тие емисии ќе оди во буџетот, вели Љубомир Јанев, градоначалник на општина Кочани.

Ова е прв обид на Балканот за добивање на електрична енергија од геотермални води. Есенва во Кочани започна изработката на нов геотермален бунар што носи нови 350 илјади кубни метри топла вода на годишно ниво која засега се користи за затоплување на неколку јавни објекти и во оранжериското производство.


(29.03.2009) Љубинка%20Ајтовска
Автор: Љубинка Ајтовска


http://www.kanal5.com.mk/ShowNews.aspx?ItemID=49101&mid=1500&tabId=1&tabindex=0


Posted By: Dragan
Date Posted: 30-Mar-2009 at 10:34
dobro e toa so geotermalnite vodi kolku sto znam jas nesto vo tetovo probuvaat da napravat centrala ama neznam do kadee so pregovorite Blahblah


Posted By: lslcrew
Date Posted: 15-Apr-2009 at 00:24


КОЧАНИ - Во атарот на село Горни Подлог, Кочанско, продолжуваат работите на изградбата на експлоатацискиот бунар за добивање нови количини геотермална вода. Изградбата на бунарот е дел од проектот Еколошка санација и енергетска рационализација на геотермалниот систем "Геотерма" од Кочани. Новиот бунар се наоѓа на длабочина од 550 метри при што се очекува да се добијат нови 50 литри геотермална вода во секунда. Со изградбата на комплетниот дублет систем на "Геотерма" ќе се овозможи експлоатција на 350 илјади литри геотермална вода годишно со температура од 75 Целзиусови степени, како и целосна еколошка санација и енергетска ефикасност на системот. Со новиот реинекциски бунар искористената геотермална вода, која достигнува и до 55 Целзиусови степени, повторно ќе се врати во утробата на земјата. Вкупната инвестиција изнесува еден милион и 560 илјади евра од кои најголемиот дел се донација на австриската Влада. Со свои средства во овој мошне значаен проект учествуваат и Министерството за животна средина на Република Македонија, локалната самоуправа и Комуналното јавно претпријатие "Водовод" од Кочани.

http://vecer.com.mk/?ItemID=59C8F4962FEC0D42A18642AAB0DACEDC


Posted By: lslcrew
Date Posted: 29-Jul-2009 at 02:49
Ќе се бара партнер за изградба на геотермални пумпи


Градоначалникот на Општина Карпош, Стевчо Јакимовски, и директорот на Фонко, Љупчо Трајковски, вчера потпишаа меморандум за соработка во рамките на реализација на програмата за енергетска ефикасност. Целта на оваа соработка е работењето на проекти во делот на енергетската инфраструктура, воведување на алтернативни системи на снабдување во подземната инфраструктура, односно нивна имплементација во деталните урбанистички планови на Општината и воведување на подземен катастар, стимулирање на користење на обновливи енергетски ресурси, намалување на трошоците на населението за електрична и топлинска енергија, со користење на системи изградени на принципите на енергетска ефикасност и слично.

Градоначалникот Јакимоски рече дека пронаоѓање на инвестициски средства, споделување на информации и обезбедување учество на сите проекти кои се поврзани со заштита на животната средина, овозможување и конструктивен однос кон новите идеи, совети и насоки понудени и од двете страни во духот на соработка и партнерство кое води кон успех се заедничките активности кои треба да бидат реализирани.

Во следната фаза на соработка ќе бидат склучени и конкретни договори за јавно приватно партнерство за градба на системи за греење со геотермални пумпи во зони со нови корисници во кој не постои постојна топлификациона мрежа.

http://www.vecer.com.mk/default.asp?ItemID=CD089575EFB2DF4290F20EE7313ECB18


Posted By: Max
Date Posted: 02-Dec-2009 at 06:18
Врз основа на член 14 од Правилникот за начин и услови за регулирање на цени за
геотермална енергија („Службен весник на РМ“ бр. 69/06), Регулаторната комисија за енергетика на Република Македонија го објавува следното 

ИЗВЕСТУВАЊЕ 

Се известуваат сите заинтересирани правни и физички лица дека Комуналното Јавно
Претпријатие „ВОДОВОД“ Кочани на 16.09.2009 година до Регулаторната Комисија за енергетика на Република Македонија поднесе Барање за одобрување на цена на геотермална вода, заведено во архивата на Регулаторната комисија за енергетика под број 08-2087/1. 
Барањето е поднесено согласно член 12 од Правилникот за начин и услови за регулирање на цени за геотермална енергија („Службен весник на Република Македонија“ бр. 69/06) и член 2 и член 3 од  Правилникот за изменување и дополнување на Правилникот за начин и услови за регулирање на цени за геотермална енергија („Службен весник на Република Македонија“ бр. 164/08). 
Комуналното Јавно Претпријатие „ВОДОВОД“ Кочани е носител на лиценци за вршење на
следните енергетски дејности: производство на геотермална енергија, дистрибуција на геотермална
енергија и снабдување со геотермална енергија.
Со поднесеното Барање, Комуналното Јавно Претпријатие „ВОДОВОД“ Кочани бара
регулираната максимална цена за вршење на дејностите производство на геотермална
енергија, дистрибуција на геотермална енергија и снабдување со геотермална енергија, во
2009 година да изнесува:

2009
Регулирана максимална цена (ден/m3) - 26,95 
Количина на испорачана геотермална вода на годишно ниво (m3) - 1.100.000 
Потребен приход (ден) - 29.600.000 

Заинтересираните правни и физички лица можат писмено да се обратат до Регулаторната
комисија за енергетика заради добивање на податоци или доставување на мислење во врска со
Барањето, во рок од 7 дена од денот на објавувањето на ова известување во дневниот печат, преку:

- Е-пошта: erc@erc.org.mk
- Факс: 02/32 33 586
- Адреса: Димитрие Чуповски 2/4, 1000 Скопје

РЕГУЛАТОРНА КОМИСИЈА ЗА ЕНЕРГЕТИКА НА РЕПУБЛИКА МАКЕДОНИЈА 
http://www.erc.org.mk/NovostiDetal.asp?novID=256 - http://www.erc.org.mk/NovostiDetal.asp?novID=256


Posted By: Cloverstack
Date Posted: 23-Apr-2010 at 18:40

Топлите води - иднина за Кочани

Со помош на овој природен енергенс се загреваат оранжерии, зградата на судот и училишта

Иван Бојаџиски

КОЧАНИ – Топлите води ќе бидат иднина за Кочани. Со реализацијата на проектот за инјектирање на геотермалните води се остварува заложбата за рационално стопанисување со овој природен благодет. Имено, водата од бунарите излегува со средна температура од 75 Целзиусови степени, па откако ќе ја заврши својата мисија во оранжериското производство и во загревањето на неколку јавни згради во Кочани, нејзината температура се намалува на околу 40 степени. Искористената вода со процесот на реинјектирање ќе се враќа повторно во утробата на земјата или, поточно, во големите топли подземни езра за кои хидрогеолозите одамна укажуваа дека се голем природен резервоар на оваа топлинска енергија.

Во атарот на селото Тркање кај Кочани вчера почна реализацијата на завршната фаза од проектот реинјектирање на геотермалните води од експлоатационите бунари кај селото Горни Подлог. За таа потреба почна изградба на цевковод во должина од 3,4 километри и со пропусна моќ од 50 лири топла вода во секунда.

Според Љупчо Папазов, директор на КЈП „Водовод“, инвестициите во овој зафат изнесуваат 340.000 евра од кои 200.000 евра се донација од Владата на Австрија, а останатата сума ја обезбедуваат Општина Кочани и КЈП „Водовод“ од овој град, кој стопанисува со геотермалните води.

„Станува збор за реализација на последната фаза од капиталниот проект за еколошка санација и енергетска рационализација на геотермалниот систем во Кочанската Котлина во што се вложени 1,7 милиони евра. Овој проект немаше да можеме да го реализираме ако австриската влада не го обезбедеше поголемиот дел од потребните финансиски средства, кон што се приклучија и министерствата за животна средина и за економија, Општина Кочани и нашето Јавно комунално претпријатие“, потенцира Тодор Кушевски, раководител на „Геотерма“ и главен координатор на проектот.

Кочани е општина што отиде најдалеку во искористувањето на геотермалните води. Последниве три години се направени две дупчења, за експлоатација и за реинјектирање, а вкупниот капацитет на геотермални води е 300 литри во секунда. Со помош на овој природен енергенс се загреваат 18 хектари оранжерии, зградата на Општинскиот суд и три училишта во Кочани. Одамна постои идеја за многу поголема употреба на топлите води во оваа општина, пред се', за загревање на илјадници станбени и деловни објекти во градот, но засега се остана на оранжериите и трите јавни објекти.

„Работиме на проект со кој треба точно да се утврди билансот на капацитетите на геотермалните води во нашата општина. Таа студија ќе даде суштински одговор за капацитетот, кој, пак, ќе ни послужи за изработка на развоен концепт на геотермалниот систем во општината. Очекуваме овие процеси да бидат завршени годинава, или, поточно, до оваа есен“, вели директорот Папазов.

Инаку, цевководот, на кој од вчера започнаа работите, минува низ срцето на оризовата Кочанска Котлина. Поради фактот што оризовата култура е пред сеидба, одговорните од „Водовод“ ги насочија сите капацитети работите да завршат што побргу за земјоделците да ги посеат своите ниви. Папазов вели дека селаните, низ чии ниви минува цевководот, ќе бидат обесштетени, а откако работата ќе биде завршена, нивите ќе бидат вратени во првобитната положба.

http://www.utrinski.com.mk/?ItemID=138AB16498A5E34F9F41C3DC2D64613B


Posted By: FT
Date Posted: 23-Jun-2010 at 01:51
imase i najava za akva park..ima i video prezentacija..ama toa go napravija za nekoj saem vo germanija i taka ostana..a kolku sakam da go napravat..BashBashBash


Posted By: FT
Date Posted: 23-Jun-2010 at 01:51
Originally posted by FT

imase i najava za akva park..ima i video prezentacija..ama toa go napravija za nekoj saem vo germanija i taka ostana..a kolku sakam da go napravat..BashBashBash

zboruvam za kocani..Big%20smileBig%20smileBig%20smile


Posted By: kultuzin
Date Posted: 22-Feb-2011 at 11:49
Од денеска во употреба дублет-системот на „Геотерма“

Кочани, 22. февруари 2011 (ИНПРЕС)
извор: Инпрес фото: архива

Кај Геотермалниот систем во Долни Подлог - Кочани, денеска свечено ќе биде пуштен во употреба реализираниот проект Еколошка санација и енергетска рационализација на „Геотерма“.



Со донација од Владата на Република Австрија, средства од Министерството за животна средина и на Општина Кочани, во изминативе четири години е реализирана инвестиција од 2 милиони евра. Со овој проект искористената геотермална вода повторно ќе се враќа во утробата на земјата.

Со овој проект е востановено решение за рационално користење на геотермалната енергија со обезбедување целосен баланс на подземните води и стабилна еколошка животна средина. Со директна експлоатација и реинјектирање на 350.000 м3 геотермална вода, со оддавање на топлинската енергија ќе се супституираат 1.600 тони нафта годишно за топлификација на оранжерискиот комплекс од 6 ха, со што се намалуваат емисиите на гасовите и другите штетни материи. Еколошките придобивки се огледаат и во чувањето на животната средина од неконтролираното термално загадување.

Водата од системот „Геотерма“ сега се користи за загревање на 18 хектари оранжерии во Кочанско Поле и за затоплување на три училишта, Основниот суд и Спортската сала.

http://www.time.mk/read/673052eb03/52238b43d3/index.html


Ваков систем би бил интересен и во Банско Струмичко каде што огромни количини на топла вода (околу 72 степени целзиуси)извират и одат во неповрат , пред неколку години таа вода ја користеа неколку земјоделци за загревање на оранжериите но секако степенот на искористеност беше катастрофален. Со оглед на тоа дека во непосредна близина на изворот има неколку села кои се занимават со оранжериско производство , организирано и контролирано користење на овој извор би бил многу користен.


Posted By: axel
Date Posted: 05-Mar-2011 at 01:04
Во Кочанско констатирани резерви на геотермална вода за производство на електрична енергија

Кочани, 4 март 2011 (МИА) -  Проектната документација со која се бара добивање  електрична енергија од геотермалната вода во Кочанско, со позитивни ефекти. На длабочина од над 2000 метри се констатирани резерви на геотермална вода со температура од 114 степени, која може да создаде доволен птритисок за активирање на турбини и за производство на струја со моќност помеѓу 3,2 и 5 мегавати или приближно колку што произведуваат  две мали македонски хидроцентрали.

Проектната документација за потребите на Комуналното јавно претпријатие „Водовод“ односно Работната единица „Геотерма“, ја изработи чешката фирма „Карбон редукс“ од Прага. кг/скс

http://www.mia.com.mk/default.aspx?vId=81721951&lId=1&pmId=


Posted By: Goran
Date Posted: 07-Mar-2011 at 04:31
Imam gledano dokumentarec za geotermalni vodi bese za USA se slucija
nesakani efekti celi izvori seknaa vo oklina zatoa sto mnogu poveke parea izleguvase nego voda sto se vrakse vo zemjata.Treba da se vnimava da ne se narusi ekoloskata stabilnost> Posedici mozat da bidat katosrofalni izvori da seknat a zemjotresi.


Posted By: axel
Date Posted: 01-Apr-2011 at 12:00

Иднината е во геотермалната енергија

КОЧАНИ - „Во Македонија се евидентирани над 25 природни извори на геотермални води со температура поголема од 21 степен. Нашиот геотермален потенцијал се' повеќе го подгрева интересот за негово искористување во производство на електрична енергија“. Ова го изјави вчера во Кочани претседателот Ѓорге Иванов под чие покровителство се одржа конференција „Геотермалната енергија во Македонија - кочанска депресија“ на која со свои научни трудови учествуваат професори - научни работници од Универзитетот „Кирил и Методиј“ и „Гоце Делчев“.

Стратегијата за искористување на обновливите извори на енергија во Македонија до 2020 година, предвидува од геотермалните води да се произведуваат од 400 до 440 гигават-часа електрична енергија.

„Недалеку од Кочани се наоѓа геотермалното лежиште Подлог - Бање со кое се загреваат оранжерии од 18 хектари, три училишта, судот и спортската сала. Верувам дека тоа се само дел од можностите кои ги дава геотермалната вода“, нагласи Иванов.

Зборувајќи за потенцијалот за развој на алтернативниот бањски туризам, шефот на државата го истакна постоењето на бањски комплекси во околината на Кочани, Гевгелија, Дебар, Струмица, Штип, Скопје, Куманово и Старо Нагоричане. Притоа констатира дека кај нас нема ниту еден геотермален спа-центар и тоа во време кога домашните, но, пред се', странските туристи имаат потреба од вакви центри. Затоа, рече Иванов, ги охрабрувам стопанствениците и градоначалниците да бидат инвентивни, да инвестираат и да бидат првите кои ќе го освојат овој пазарен простор кој го нуди алтернативниот туризам.

Според градоначалникот на Кочани, Ратко Димитровски, геотермалниот басен во општината е најиздашен на Балканот, со експлоатација на околу еден милион метри кубни годишно, со температура од 76 степени и заштеда на 4.000 тони мазут. „Ова потврдува дека има можности за развој на бањскиот туризам, агроберзата, но и за топлификација на градот и добивање електрична енергија“, потенцира Димитровски. (Д.Р.)

http://www.utrinski.com.mk/?ItemID=99BD8DD810E32A46BD356B40271C0241


Posted By: Cloverstack
Date Posted: 08-Nov-2011 at 01:01
Хмммм... според првава мапа, скопската котлина изобилува со геотермална енергија. За Кочани и за Гевгелија знаеме сите, ама Скопје за мене е изненадување...

1




2



Posted By: BOJAN
Date Posted: 08-Nov-2011 at 01:21
Скопската котлина е еден од регионите каде што има термални води, и токму поради тоа е и изградена Катлановска бања, за жал на друг начин не се користат овие води во скопскиот регион.


Posted By: mitatos
Date Posted: 08-Nov-2011 at 21:43
Интересен е фактот дека порано во скопската чаршија каде што се наога Чифте Амамот имало топла изворска вода ,затоа и токму тука се изградила таа бања до ден денес се знае каде е изворот,но тој извор е затрупен,доколку на некој му текне може да се направи нешто и со таа вода повеќето дуќани во чаршијата да добијат топла вода+греење во зимскиот период.

Или пак зошто да не се изгради една модерна бања ,па да се искористи таа вода.


-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: BOJAN
Date Posted: 09-Nov-2011 at 00:14
Подземните води од Старата скопска чаршија во моментов имаат друга „важна“ функција, а таа е да ги уништуваат предметите во депото на Музејот на Македонија.


Posted By: mitatos
Date Posted: 09-Nov-2011 at 16:21
Хммм ? А депото на музејот каде се наога?

-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: UrbanFreak
Date Posted: 09-Nov-2011 at 16:29
Previous
Куршумли Ан, веднаш до Музејот на Македонија.


-------------
אל תסתכל בקנקן, אלא במה שבתוכו


Posted By: mitatos
Date Posted: 09-Nov-2011 at 22:07
Од каде таа вода дошло до тука не ми е јасно,или имало некој канал?

-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: build.mk
Date Posted: 12-Nov-2011 at 00:03
ТЕМА: Термални води имаме, геотермална енергија не произведуваме

Македонија е подрачје на кое се наоѓаат големи количини на термални води кои воопшто не се искористуваат за добивање на геотермална енергија, вид на обновлив и еколошки извор на енергија кој значително се користи во развиените држави кои го имаат овој потенцијал. Според податоците на Регулаторната комисија за енергетика, во Македонија единствено Јавното претпријатие „Водовод“ од Кочани обезбедува производство, дистрибуција и снабдување со геотермална енергија преку работната единица  http://vodovodkocani.com.mk/geoterma.html - „Геотерма“ . Ова претпријатие го искористува лежиштето „Подлог – Бања“ со вкупен биланс на резерви од над 157 милиони метри кубни геотермална вода со температура од 70 степени целзиусови. Системот на „Геотерма“ овозможува користење на геотермална вода со средна температура од 75 степени, капацитет од 300 литри во секунда и годишна експлоатација од 1.4 милиони метри кубни геотермална вода. Сепак, искористеноста на овој капацитет се сведува на топлификација на оранжерискиот комплекс и загревање на спортската сала, судот и три училишта во Кочани.

 

*Исланд е светски лидер во производството на геотермална енергија

 

 

Во март оваа година е комплетирана документацијата од истражувањето во Кочанскиот регион која докажува дека на длабочина од 2.000 метри под земјата се наоѓаат резерви на геотермална вода со температура од 114 степени. Студијата покажува дека овој регион овозможува изградба на геотермална електрана за производство на струја со моќност помеѓу 3,2 и 5 мегавати. Сепак, досегашните податоци покажуваат дека Кочанската околија не е единствениот дел од државата кој овозможува обезбедување на електрична енергија од термалните води.

 

*систем за производство на електрична и топлинска енергија во геотермална електрана

 

 

Досега во Македонија се откриени повеќе од 25 природни извори на термални води со температура поголема од 21 степен. Архивските информации укажуваат дека долги години наназад се говори за можноста за производство на енергија во Гевгелискaта и Кратовско – злетовската област, каде се смета дека постојат извори на термални води со температура од над 100 степени со што се задоволува еден од критериумите за производство на електрична и топлинска енергија.  http://www.dojran-info.com/index.php?option=com_content&view=article&id=231%3A2011-09-21-22-00-16&catid=2%3A2009-05-12-16-07-09&lang=mk - Последната иницијатива и повик за инвестиции доаѓа од општина Дојран , која го претставува истражувањето на месноста Топлец на сопствениот интернет – портал.

 

*геотермална електрана за производство на електрична енергија во Лардарело, Италија

 

 

Иако имаме огромни ресурси за добивање на геотермална енергија, сепак инвестициите во овој сектор во последните години се сведуваат единствено на „Геотерма“ и овогодинешното пуштање во употреба на Дублет – системот за енергетска рационализација на геотермалниот систем во вредност од 2 милиона евра. Инвестицијата овозможува геотермалната вода по искористувањето повторно да се враќа под површината на земјата.

 

 

Државата предвидува користење на геотермалната енергија на подолг рок

 

Во документот „Стратегија за искористувањето на обновливите извори на енергија во Република Македонија до 2020 година“, Владата и Министерството за економија планираат силен развиток во производството на геотермална енергија, како финална, од 400 до 520 GWh до 2020 година. Во потрошувачката на финална енергија во 2020 година, геотермалната енергија ќе учествува со 440 – 570 GWh, а стратегијата за 2030 година предвидува ваквото производство на енергија да се зголеми за 30 – 40% во споредба со 2020 година.

 

 

Хрватска со значително помалку природни ресурси ќе гради геотермална електрана

 

Иако Македонија ги има еден од најголемите капацитети на овој природен енергетски ресурс, сепак значително заостанува од останатите балкански држави во насока на производството на енергија. Во Грција на островот Миконос функционира геотермална електрана со моќност од 20 мегавати која произведува електрична енергија, а во септември оваа година загребската компанија  http://www.geoen.hr/projekti.htm - „Геоен“  ја најави изградбата на првата геотермална електрана „Марија 1“ во близина на градот Бјеловар. Инвестицијата е во вредност помеѓу 20 и 30 милиони евра и ќе овозможи изградба на енергетски објект со моќност од 4,71 мегавати во првата фаза.

 

*предвидената геотермална електрана на локалитетот Велика Циглена во Хрватска

 

 

Целокупниот проект предвидува инвестирање на 120 милиони евра, така што во втората фаза се предвидува изградба на топлана и на 8 хектари стакленици, додека во третата фаза е планирано да се изгради постројка со моќност од 10 мегавати што целосно ќе го искористува геотермалното поле на локацијата Велика Циглена.

 

 

 

Бојан Блажевски



../?p=10263 - #
Објавено на 11.11.2011 во категорија  ../?cat=28 - Вести . 

Тагови:  ../?tag=%d0%b3%d0%b5%d0%be%d1%82%d0%b5%d1%80%d0%bc%d0%b0 - Геотерма ,  ../?tag=%d0%b3%d0%b5%d0%be%d1%82%d0%b5%d1%80%d0%bc%d0%b0%d0%bb%d0%bd%d0%b0-%d0%b5%d0%bd%d0%b5%d1%80%d0%b3%d0%b8%d1%98%d0%b0 - Геотермална енергија ,  ../?tag=%d0%b5%d0%bd%d0%b5%d1%80%d0%b3%d0%b5%d1%82%d0%b8%d0%ba%d0%b0 - Енергетика ,  ../?tag=%d0%b5%d0%bd%d0%b5%d1%80%d0%b3%d0%b5%d1%82%d1%81%d0%ba%d0%b0-%d0%b5%d1%84%d0%b8%d0%ba%d0%b0%d1%81%d0%bd%d0%be%d1%81%d1%82 - Енергетска ефикасност , ../?tag=%d0%b8%d0%bd%d1%84%d1%80%d0%b0%d1%81%d1%82%d1%80%d1%83%d0%ba%d1%82%d1%83%d1%80%d0%b0 - Инфраструктура ,  ../?tag=%d0%ba%d0%be%d1%87%d0%b0%d0%bd%d0%b8 - Кочани

../?p=10263 - http://www.build.mk/?p=10263


Posted By: tomi_z
Date Posted: 12-Nov-2011 at 00:39
Aуу, супер анализа. Браво за истражувањево! Thumbs%20Up

-------------


Posted By: build.mk
Date Posted: 26-Nov-2011 at 00:00
Кочани ќе ја искористува геотермалната енергија

Градоначалникот на општина Кочани Ратко Димитровски и претставниците на словенечката компанија „Терме Виват“ потпишаа договор за изработка на физибилити студија за искористување на геотермалните води од Кочанскиот регион и нивно ползување за загревање на градот. Планираната студија подразбира искористување на геотермалниот потенцијал за производство на електрична и топлинска енергија, но и за изградба на геотермален спа центар како прв од ваков вид во Македонија. Финансиските средства за изработка на документот се обезбедени од страна на словенечката влада.

 

Преку РЕ „Геотерма“ на комуналното јавно претпријатие, Кочани е единствениот град во Македонија кој од 1984 година го искористува потенцијалот на подземните геотермални води. Во моментов системот топлифицира 18 хектари оранжерии во Кочанскиот регион, како и спортската сала, судот и три основни училишта во градот. Иако има големи потенцијали, Македонија  ../?p=10263 - недоволно ги искористува геотермалните води како обновлив извор за производство на електрична и топлинска енергија.

 

 

Бојан Блажевски



../?p=10889 - #
Објавено на 25.11.2011 во категорија  ../?cat=28 - Вести . 

Тагови:  ../?tag=%d0%b3%d0%b5%d0%be%d1%82%d0%b5%d1%80%d0%bc%d0%b0 - Геотерма ,  ../?tag=%d0%b3%d0%b5%d0%be%d1%82%d0%b5%d1%80%d0%bc%d0%b0%d0%bb%d0%bd%d0%b0-%d0%b5%d0%bd%d0%b5%d1%80%d0%b3%d0%b8%d1%98%d0%b0 - Геотермална енергија ,  ../?tag=%d0%b5%d0%bd%d0%b5%d1%80%d0%b3%d0%b5%d1%82%d0%b8%d0%ba%d0%b0 - Енергетика ,  ../?tag=%d0%b5%d0%bd%d0%b5%d1%80%d0%b3%d0%b5%d1%82%d1%81%d0%ba%d0%b0-%d0%b5%d1%84%d0%b8%d0%ba%d0%b0%d1%81%d0%bd%d0%be%d1%81%d1%82 - Енергетска ефикасност , ../?tag=%d0%b8%d0%bd%d1%84%d1%80%d0%b0%d1%81%d1%82%d1%80%d1%83%d0%ba%d1%82%d1%83%d1%80%d0%b0 - Инфраструктура ,  ../?tag=%d0%ba%d0%be%d1%87%d0%b0%d0%bd%d0%b8 - Кочани ,  ../?tag=%d1%82%d0%b5%d1%80%d0%bc%d0%b5-%d0%b2%d0%b8%d0%b2%d0%b0%d1%82 - Терме Виват

../?p=10889 - http://www.build.mk/?p=10889


Posted By: axel
Date Posted: 19-Mar-2012 at 17:34
http://denesen.mk/web/2012/03/15/od-geotermalnite-vodi-makedonija-moze-da-dobie-nekolku-milijardi-evra/


Posted By: FoSsiL
Date Posted: 19-Mar-2012 at 18:10
Па не разбираат колку топлинска и електрична енергија може да се извади од геотермални води. Плус е бесплатно... Готова пареа, ни јаглен, ни гас, ни ураниум не е потребно за нејзино создавање... ја имаш од земјата... пробиј дупка, стај парен генератор и систем за пренос и ете ти бесплатна енергија...


Posted By: Gorco2
Date Posted: 01-Aug-2013 at 11:28
http://www.kapital.com.mk/mk/makedonija/86075/za_pet_pati_poskape_geotermalnata_voda_za_oranzheriite__ova_ne_e_antikrizna_merka!.aspx - КАПИТАЛ 5 ЈУЛИ 2012

ЗА ПЕТ ПАТИ ПОСКАПЕ ГЕОТЕРМАЛНАТА ВОДА ЗА ОРАНЖЕРИИТЕ. ОВА НЕ Е АНТИКРИЗНА МЕРКА!

Александра Спасевска
За пет пати поскапе геотермалната вода за оранжериите. Ова не е антикризна мерка!
Од 50% до 500% е зголемена цената на еден кубик геотермална вода од почетокот на годината. На 17 јануари со одлука на Владата е сменет тарифникот за висината на надоместот за концесија за експлоатирање геотермална вода, според кој преку нова формула се изедначува цената на топлата вода од геотермален извор со цената на мазутот потребен за загревање стакленици во оранжериското производство.

Менаџерите на пет оранжерии кои користат геотермална вода за загревање на стаклениците се избезумени. Велат дека ваквата одлука е катастрофална во услови кога растат цените на енергенсите и кога цел свет води борба за користење обновливи извори на енергија за намалување на трошоците. Негодуваат на одлуката, која според нив, е донесена без анализа на состојбите и бараат веднаш да се вратат старите цени, бидејќи со оваа мерка за повеќе од 50% им се зголемени трошоците за загревање на стаклениците.

Ѓорѓи Самандов, сопственик на оранжериите ЕКО Оаза Самандов од Штип, вели дека на 17 јануари добиле допис од Владата според кој цената на еден метар кубен геотермална вода во Виница е зголемена за 583%. Ова било голем шок за нив, со оглед на тоа што никој ниту најавил, ниту пак, направил анализа на терен за состојбата на изворите на геотермална вода.

„Со одлука на Владата цената за кубик испумпана геотермална вода е покачена за 583% за изворите со кои ние управуваме. ЕКО Оаза Самандов има под концесија четири извори во Виница, во кои сами инвестиравме. Ние сме и експлоататор, транспортер и корисник на термална вода и затоа, не може без најава и без консултација наеднаш да се донесе одлука за зголемување на цената. За еден метар кубен претходно плаќавме 1,60 денари, сега плаќаме 14 денари“, вели Самандов.

Според него, наместо да им помага на компаниите со намалување на трошоците, со што ќе произведуваат поконкурентни производи и ќе го зголемат извозот, Владата без анализа на потребите на стопанството носи мерки со кои го прави спротивното, односно дополнително му отежнува на бизнисот.
„Владата пресметала дека еден кубик геотермална вода која има 57 степени еднакво загрева колку четири килограми мазут и во согласност со тоа, сега ја зголемува цената за да биде еквивалентен трошокот од двата енергенси. Наместо да се стимулира производството, вака само се уништува“, вели Самандов. Тој истакнува дека ставката греење во целокупното производство на сите три оранжерии во сопственост на компанијата учествува со 40%-70% во вкупните трошоци.

Во Кочанско со геотермална вода се загреваат 20 хектари

Според анализите, во Кочанскиот регион има големи резерви на геотермална вода кои се неискористени, односно се проценува дека има извори кои имаат капацитет од 1.000 литри топла вода во секунда кои може да се користат како обновливи извори на енергија во производството. Еден од најголемите експлоататори на геотермална вода е кочанското јавно претпријатие Геотерма, од кое топла вода за загревање стакленици користат три оранжерии, кои се простираат на над 20 хектари.
Ванчо Симеонов, раководител на Геотерма, вели дека од почетокот на годината, во согласност со новиот тарифник, цената на еден метар кубен геотермална вода е зголемена за да се изедначи со количината на мазутот потребен за загревање.

Според него, цената на еден кубик топла вода која во Кочани се испумпува со топлина од 75 степени Целзиусови е еднаква на 5,35 килограми мазут и во согласност со тоа се зголемува и цената на водата за трошокот на вода да биде еквивалентен на трошокот за мазут.
„Наши корисници се две големи оранжерии во Кочанско, Зелена куќа и Добра, како и еден помал производител во стакленици, Томато лидер, кои од почетокот на годината плаќаат нова, поголема цена за топла вода за загревање на оранжериите“, вели Симеонов.

Во Кочанско годишно се испумпуваат над 350.000 кубни метри геотермална вода.
„Со зголемување на цената на топлата вода за 50% ни се зголемија трошоците за загревање, кои учествуваат со 80% во вкупните трошоци на компанијата. Ова е голем проблем за нашето работење, пред сe за профитабилноста на компанијата“, вели еден од менаџерите на оранжериите во Кочани кои користат топла вода од Геотерма. Тој потенцира дека со оглед на тоа што на крајот на минатата година склучиле годишен договор со јавното претпријатие за цената и количината на испорачаната топла вода, со поскапувањето практички, се прекршува договорот.

Се изедначуваат цената на чинење на геотермалната вода и на мазутот

Според одлуката која Владата ја донела на 17 јануари, а стапи на сила на 26 јануари, сменет е тарифникот за надоместот за концесии за експлоатација за минерални суровини. Во согласност со формулата, цената на метар кубен геотермална вода се пресметува во согласност со топлината на водата и количината на мазутот која се заменува со еден метар кубен геотермална вода и во согласност со тоа се формира нова цена. Во согласност со новиот тарифник, еден метар кубен топла вода од геотермален извор која има од 31 до 40 степени Целзиусови заменува 0,9 литри мазут. Еден метар кубен топла вода која има од 71 до 80 степени Целзиусови заменува 5,35 литри мазут. Во согласност со тоа се зголемува и цената на чинење, која сега е еквивалентна на цената на чинење на мазутот. Со стариот тарифник за експлоатација на геотермална вода во износ од 7% од вредноста на минералната суровина се плаќаше 21 денар за метар кубен.



Print Page | Close Window