Автопат Велес - Прилеп
Printed From: build.mk
Category: Главни теми
Forum Name: Патишта
Forum Discription: Автопатишта, магистрали, патарини, одморишта...
URL: http://www.build.mk/forum/forum_posts.asp?TID=3868
Printed Date: 12-Jul-2025 at 14:35
Topic: Автопат Велес - Прилеп
Posted By: The Wild Boy
Subject: Автопат Велес - Прилеп
Date Posted: 13-Feb-2021 at 02:02
|
Гледам посебна тема за овој проект немаше, а гледам и доста се дискутира па еве јас да направам една тема и за овој проект. Знам дека нема да биде во скоро време, најмалку 7 - 8 години од сега ако сме реални. Правев истражување на теренот со Google Earth, и ќе ви кажам дека за неколку мостови, виадукти и тунели негледам зошто толку го одлагаат проектов. Секако не ме чуди глупото размислување на политичарите. Сликите ги имам поставено подоле. На некои од сликите имам обележано каде би можеле да поминуваат виадуктите, и како што гледам овде може да се применат неколку варијанти. Мојата варијанта е да има искачување над Чашка, па после со неколку виадукти директно во планина, и од другата страна уште еден виадукт и тунел за спуштање према Прилеп. Како што воочив, спуштањето према Прилеп и нема да е толку нагло, бидејки ако не се грешам Прилеп географски е на повисока надморкса височина, па така да би имало само искачувања од страната на Велес пред самата планина. https://ibb.co/nQhqcBP">  https://ibb.co/Jkr2K6z">  https://ibb.co/6yKPm4p">  https://ibb.co/HXQJ5f9">  https://ibb.co/xS0Bckp">  https://ibb.co/RNCYD0b">  https://ibb.co/b6dTRCD">  https://ibb.co/KyHfh0N">  https://ibb.co/cXNyzcN">  Е сега, се обидов да направам некоја си рута, ама тешко а и баш не се разбирам многу и не сум прецизен, па тоа би го оставил на другите (секако ако некој се нафати). Како што приметувате на сликите, делот од Велес до некаде пред планината е претежно ридчест - рамничарски, а делот точно пред планината е потежок. Мислам дека овде полесно и побрзо би се завршило работа, неголи тоа што изгубивме 5 години и повеќе со правење патишта низ дреновската клисура која што е далеку потешка, а и самата рута преку дреновската клисура е далеку подолга. Еве ви слика, да си видите за споредба делот плетвар и дреновска клисура: https://ibb.co/Csvz2ZF">  https://ibb.co/V0GyTmt">  https://ibb.co/5rDthV4">  Овде ако се гради нешто, ќе треба доста искачувања и спуштања, а да не зборам за кривините. За споредба автопат преку бабуна само би имал повеќе виадукти, неколку тунели и само неколку нагли искачувања, и толку. Мислам дека овој проект си заслужува своја тема, и најарно ќе биде да си размениме дополнителни мислења во врска со овој проект. Има тука многу што да се збори. Инаку од тој патот што требал да поминува преку планината, немаат некој проект направено, некоја студија вака достапна за да видиме што им било во план? Можеби и од тоа ќе може нешто да извлечеме. |
Replies:
Posted By: The Wild Boy
Date Posted: 13-Feb-2021 at 02:07
|
Edit: И како што гледам, од овде би
поминувале најголемите и највисоките виадукти. Друго решение барем јас
не гледам како би се искачиле на таа надморска височина, или пак едино
ако тунелот е така направен со благи искачувања. Не се разбирам баш во
ова па не ми замерувајте, може некој по - упатен во ова поле да појасни,
бидејки како што знам Приелп е на повисока надморска височина од Велес. Инаку ако ви пречи темата, ако мислите дека не е соодветно сега да се објави, или сакате некој друг да објави можете слободно да ми ја трнете темата. |
Posted By: гитардемон
Date Posted: 13-Feb-2021 at 09:38
|
Дечки, вакви романтичарски идеи отсекогаш го палеле гласачкото тело во Битола и Прилеп уште од првата лопата фрлена од страна на Бранко во 90-тите, ама дури и како битолчанец сметам дека автопатот нема никаква економска исплатливост иако значајно би ни го скратил патувањето кон Скопје.
Е сега од друга страна, пак како битолчанец, многу пати сум кажал дека кога можел Грујо на своето село да му изгради автопат (и универзитет и аеродром) кој поминува низ пустелија и е паралелен со сегашниот, тогаш и нам нека ни изградат овие другите автопат преку Бабуна... Ако имало пари за првото, има и за ова (неправдата е надокнадена со фактот дека автопатиштата околу Битола ќе бидат финансирани од парите што TAV требаше да ги „инвестира“ во штипскиот аеродром). Но, назад на темата - реалноста е дека регионот низ кој треба да поминува е мртов. Името Азот му прилега и тоа како. Исто како Овче Поле, така и тука едвај има една шака селца со по неколку стотини жители на кои ни пругата ни автопатот им менува нешто. Секако, економските теории викаат дека со изградбата на патишта и пруги се стимулира економијата на еден регион и со тоа и неговиот раст и развој, но да бидеме реални, со ваква демографска слика како кај нас, и spaceport не помага во битката со белата чума. Јас искрено сакам да го видам автопатот да прерасне во реалност, но како што реков, постојниот пат барем поминува близу Росоман, Кавадарци и Неготино, додека пак новиот автопат ќе поминува низ пуста пустелија. Е сега ако ништо друго, може да се надеваме дека луѓето од остатокот од државата ќе патуваат малку повеќе до Македонски Брод, Богомила и другите села (а битолчани и прилепчани ќе стигаат четириесетина минути побрзо до Скопје), но со оглед на тоа дека државата не се помачила да го отвори патот низ Јасен толку години, не верувам дека благосостојбата на Азот ќе биде примарен фактор при изградбата на автопатов. ------------- Arguing on the internet is like running at the special olympics. Even if you win, you're still retarded. |
Posted By: Vasilij
Date Posted: 13-Feb-2021 at 12:36
|
Со добар дел од кажаното се согласувам ама никако не се согласувам со овие работи: - Прво не го изгреди Грујо, туку го почна и во моментот на заминување од функцијата беше 43% завршен а во моментот на промена на гарнитурите (владата) беше 54% завршен. - Второ за таа рута (Миладиновци - Свети Николе) имало проект уште во 80тите години за време на СРМ/СФРЈ, значи не му текнало на грујо да прави автопат до своето село, патем Грујо колку што знам е роден во Скопје и цел живот (се до фамозното бегство) живеел во Скопје. - Трето ајде и да те сфатам Штип - село како пола шала пола вистина, а што правиме со: Радовиш, Струмица, Кочани, Пробиштип, Виница, Делчево, Пехчево, Берово, Мк. Каменица и уште 6-7 рурални општини (Василево, Босилово, Ново Село, Чешиново-Облешево, Карбинци, Зрновци, Конче) односно 250 до 300 000 луѓе. За тие луѓе т.е. цел Источен регион ова е единственото нешто направено во 40 години (фала богу сега и експресните до Кочани и Радовиш кои се во напредни фази, некои и завршни) и четврто - колку што знам терминот паралело во геометриска смисла означува најмалку две линии/отсечки итн. да не се сечат и аголот меѓу нив да биде 180 степени +/-. Како мислиш паралелни?! едниот од Куманово преку Миладиновци, Петровец оди кон Велес. Другиот од Илинден -Миладиновци оди кон св.Николе - Штип. Не што не се паралелни туку поблиску се т.нормални односно аголот меѓу нив е поблиску до 90 степени одошто до 180. Со едниот одиш во Велес а со другиот во Штип а истите се 40 километри воздушна линија оддалечени (45-50 по фамозниот пат Велес-Сарамзалино-Кардифаково-Штип)
|
Posted By: гитардемон
Date Posted: 13-Feb-2021 at 13:17
|
Значи како и многу други членови на форумот (и многу други луѓе во државава би додал), јас сметам дека требаше да се работи на автопатско решение Штип-Велес, нешто кое ќе го поврзеше Штип и со југозападна Македонија (Прилеп-Битола-Охрид), и со Грција на југ, а и со Скопје (и патувањето ќе траеше цели 10 минути подолго). Сега, со автопатот кој поминува низ ништо и никаде, имаме паралелна трака на онаа од Скопје до Велес, и бескорисен автопат кој го плативме многу пари. Таа траса можеби требало да постои, ама после 2050 година, бидејќи е некаде последна на листата на приоритетни делници во државава.
Пред да спориме дека не биле само 10 минути, или дека ќе била голема разликата во километри, имаше нацртано некој (Cloverstack ако не се лажам) на google maps дека разликата би била толку минимална, што е скоро занемарлива. Токму затоа шегата дека е автопат кон своето село. Не дека имам нешто против источна Македонија, ама автопат преку Овче Поле наместо до Велес беше нешто сосем непотребно - исто како автопатов преку Бабуна. Патем, патот преку Бабуна би скратил многу повеќе време од Скопје до Прилеп-Битола (регион поголем од Штип-Радовиш) отколку автопатот преку Овче Поле, па сепак го сметам за непотребен во моментов. ------------- Arguing on the internet is like running at the special olympics. Even if you win, you're still retarded. |
Posted By: The Wild Boy
Date Posted: 13-Feb-2021 at 14:27
|
Дечки вака, алтернатива на A1 мора да има, а тоа се A4 и A3.
Ќе се надоврзам на A3 првин. Прво да тој регион изгледа мртов на прв поглед, и можеби ~220,000 жители се малце, но сепак оваа патна делница има голема важност. Да, знам дека од Прилеп до Битола нема многу коли, и дека и експресен пат би било премногу, но ајде да бидеме реални. За време на летна сезона нели сите чекаме по граничните премини и наплатните станици кога србите ќе направат гужви оти во голем број одат према Грција, нели? Да имаш алтернатива на A1 преку тој регион, Прилеп - Битола - Меџитлија значи дека во голема мера транзитниот сообраќај према Грција, и туристичкиот сообраќај ќе се растерети и значително ќе се намалат гужвите на A1. Замисли автопат Велес - Прилеп - Битола па после експресен пат до граничен премин. Од таму е поблиску да се оди до островот Крф, до Ксамил (Албанија), до пристаништето Игуменица, од каде што транзитниот сообраќај оди према Италија. Значи овде станува збор за голем и значаен коридор. Можеби нема да биде толку значајно за жителите до Прилеп и Битола, но секако ќе биде за транзитниот сообраќај и за туристите. Еве од Грчка страна имаат до граница 2+2 раздвоен експресен пат, или они како што си го водат, автопат. Во наредните 5 - 10години како што слушам ќе се доградува преостанатото, ќе се прошируваат патишта и слично. Последно како што знам е дека поголемиот дел од автопатиштата им е даден на приватни компании под концесија. Инаку, вака како што стојат работите од Велес до Штип нема многу сообраќај, очигледно е тоа бидејки веќе не се оди преку Велес. Да, ќе се сложам дека треба Југоистокот да има подобро поврзување према Велес, Прилеп и Битола но за сега "експресниот пат" од Велес до Кадрифаково е сосема доволен за овој сообраќај. Можеби во иднина ќе треба автопат или експресен пат по нова траса да, ама за сега не. Да се изградеше Велес - Штип Автопат, сообраќајот према Штип ќе требаше да оди од Скопје - Велес па до Штип. И замисли да имаш автопат Велес - Штип, Велес - Прилеп - Битола, и Велес - Неготино - Гевгелија (A1), тоа ќе значи дека цел тој сообраќај ќе мора да оди Скопје - Велес и Велес да биде една голема делница. Нема со тоа да се зголеми сообраќајот на A1 од Скопје до Велес? Нема тоа да ја намали безбедноста? Вака сега од Скопје до Штип се оди према Куманово, а не према Велес и од Скопје - Велес се намалува сообраќајот. Плус да не збориме дека од Скопје до Велес имаме пат со остри кривини, одрони, свлечишта и што не. Ако од Велес имаше автопат до Штип, и автопат до Прилеп, нема ли тоа да ја зголеми потребата за трета лента. Значи автопат во 4+4 формација (3 ленти + 1 за застанување). Мислам дека за сега е ОК, само во догледна иднина Алтернатива на А1 ќе мора да има, и автопат преку Бабуна исто така. Еве сега гледаме ќе се гради и експресен пат од Битола до Меџитлија. Сето тоа укажува и го потврдува тоа што цело време го зборувам. A3 ќе го олесни сообраќајот на A1. Исто и A4, особено за делот Скопје - Велес. Но во иднина секако мора и Југоистокот да биде добро поврзан со Прилеп - Битола. Да не заборавам исто така дека A3 е и алтернатива за Охрид. Тие што живеат во Штип, Радовиш, Делчево, тој крај ако сакаат да отидат до Охрид нема сигурно преку Скопје - Тетово да одат, туку секој ќе отиде преку Прилеп - Битола, Ресен па Охрид. Овде гледам има и план за обиколница кај Ресен. Кога тогаш ќе мора да има и подобро патно поврзување преку Ресен до Охрид, а првиот чекор е обиколница на Ресен. На овој дел има и доста камиони кои што одат и доаѓаат од Албанија. Не е оваа делница (А3) за заменарување и кога тогаш автопат од Скопје до Битола - Меџитлија преку Велес (Бабуна) мора да има. Него ајде сега да позборуваме од технички аспект. Може некој да се обиде да нацрта рута од Велес до Прилеп. Да видиме како би изгледало. Или пак ако го имате проектот, или студијата од тој брз пат што го прекинале пратете го па да видиме. |
Posted By: user8642
Date Posted: 13-Feb-2021 at 15:59
 @TheWildBoy Ова е валиден аргумент! Трасата е дел од кракот на коридорот 10, односно ова крак е 10-Д. Така да ПГДС-от на овој пат не е максималниот потенцијален што го има сега за разликла од тој што би го привлекол кога би бил на ниво на автопат/експресен. Може сериозно да одвлече сообраќај од кружењето Велес-Солун-Кожани.
|
Posted By: FiLo
Date Posted: 13-Feb-2021 at 18:34
|
И да не е преку Чашка и Богомила, ете автопатот нека е паралелно со постоечкиот Градско-Прилеп, битно автопат до Прилеп треба да има.
Цитрони ми се прават кога треба да се извози постоечкиот Градско-Прилеп, со тоа глупите ограничувања од 50, 60, па камион, па колона возила, па превојот, па џандари пецаат на знак 50, а може да се вози 90 комотно. |
Posted By: Vasilij
Date Posted: 13-Feb-2021 at 19:03
Не сакам да бидам погрешно разбран ама од сето ова сфаќам дека за тебе Свети Николе е нигде и ништо а Лозово е сегде и сешто. Толку. На нас од Истокот што повеќето работиме и живееме во Скопје а патуваме почесто ни треба квалитетна врска со Скопје и Куманово/Србија/Европа а не со Прилеп. Едно треба да ни е јасно на сите, почитувам сегде од кај што потекнува дека си го сака и цени крајот ама извинете ама Прилеп не е Скопје. 90% од луѓето од Штип и се на Исток и Југоисток од Штип патуваат кон Скопје односно Куманово и Србија а не кон Прилеп.
|
Posted By: Cloverstack
Date Posted: 13-Feb-2021 at 19:18
Упорно одбиваш да се соочиш со фактот дека и преку Отовица таа врска ќе беше практично подеднакво квалитетна, ама во тој случај ќе имаше и дополнителни бенефити, а и голема финансиска заштеда. |
Posted By: Vasilij
Date Posted: 13-Feb-2021 at 19:26
|
Која финансиска заштеда кога од Штип до Свети Николе практично се изгради паралелен коловоз а стариот само се реконструираше односно се надгради магистралниот пат кој и претходно беше широк 7,5 метри односно лентите беа по 3.75. Каде би одела трасата на тој фамозен автопат Штип - Велес - Прилеп во сред Лозово или пак обиколница на Лозово, Сарамзалино. Настрана од се во Отовица двете траси (коловози/правци) од А1 се раздвоени со цел рид и 2 километри. Како би била таа клучка, како би изгледала...? Ова сакам да се сфати само како размена на аргументи не како некаков тип на расправии...
|
Posted By: Cloverstack
Date Posted: 13-Feb-2021 at 19:54
Сето ова веќе ти беше детално објаснето од повеќе форумаши, во претходни дискусии во други нишки. И не само објаснето, туку ти беше и нацртано, буквално. Но ти не прифаќаш аргументи и сега треба постојано да отвораме веќе апсолвирани прашања, бидејќи твоите 3 минути заштеда ти се поважни од многу поголеми придобивки кои не би биле директно твои. |
Posted By: Vasilij
Date Posted: 13-Feb-2021 at 20:00
|
Во ред, ете да не ја киднапираме дискусјата макар аргументирана (по мое мислење на едната страна повеќе аргументи) ќе го кажам само следното. "Tие 3 минути" (јас би рекол 25 минути и 20 километри и безбедност пред се) не се "мои". На 250 000 луѓе (народ) се. Јас знам колку сум патувал преку Сарамзалино и Лозово и колку сега, не треба прилепчанец со лејнир да ми црта. Најлошиот пат беше со 10 црни точки. И да, тој пат не е слеп, има ГП Делчево и ГП Ново Село ако одиш до крај по краците спрема Кочани/Делчево односно Радовиш/Струмица/Ново Село.
|
Posted By: гитардемон
Date Posted: 13-Feb-2021 at 20:16
|
Па како е тоа релевантно? Зборуваме да прераснел во автопат! Автопат кој ќе се спојувал со Е-75/А-1 некаде пред Велес. Каква врска имаат црните точки? ------------- Arguing on the internet is like running at the special olympics. Even if you win, you're still retarded. |
Posted By: Cloverstack
Date Posted: 13-Feb-2021 at 20:46
Разликата на делница Скопје - Штип со автопат преку Миладиновци наспроти автопат преку Отовица е ~ 5 километри. Тоа е една од работите што веќе беше апсолвирана. При брзина од 120 km/h (33 метри во секунда) таа дистанца се поминува за помалку од 3 минути (нешто повеќе од две и пол минути) Се надевам мнозинството од тие 250.000 луѓе на кои се повикуваш не размислуваат како тебе, бидејќи наместо тие 3 минути заштеда можевме да имаме далеку поевтин автопат преку Отовица, со редица поголеми придобивки. |
Posted By: Vasilij
Date Posted: 13-Feb-2021 at 22:31
|
Ама дајте да бидеме искрени и кон себе и меѓу себе. Половина автопат беше готов. Штип - Свети Николе беше моторен пат со двонивовски клучки со 7.5 метри ширина со благи кривини. Целиот Автопат чини 176.4 милиони евра. Па кон Охрид е 600+ милиони евра. Греота е тие 170 милиони евра да ги збориме а отидоа 600 во дизниленд проект во Скопје. Ви ја сфаќам поентата ќе бил пократок 5 километри епа ајде објаснете како ќе бил поефтин ако јас ви тврдам (лесно проверливо фала богу) дека од тие 46 километири за 26-7 автопатот веќе половина беше изграден, ја гледав градбата барем еднаш - два пати месечно, се изгради паралелен коловоз на веќе постоечкиот, да беше скроз нова траса ќе беше 50 милиони евра повеќе. За Велес би морало да биде по нова траса освен ако не мислите да има автопат низ селата или со кривини како постојниот таканаречен експресен кој има барем 20 диви приклучоци од сред ниви.
|
Posted By: Cloverstack
Date Posted: 13-Feb-2021 at 23:14
Ќе беше многу поевтин затоа што преку Отовица: - Вкупната должина на нов автопат за изградба е значително пократка (ова исто така се однесува и на трошоците за тековно одржување). - Теренот е исклучително поволен, за разлика од планинскиот терен меѓу Миладиновци и Преод. - Ќе се заштедеа дополнителни 15 милиони евра кои се дадоа за надградба на Велес - Кадрифаково во „експресен пат“.
Не е точно. Баш преку Отовица скоро и да немаше целосно нови делници за изградба. Стариот пат Велес - Кадрифаково во најголем процент можеше да се искористи за надградба во автопат. Нова траса ќе требаше само кај Отовица и за заедничка обиколница на Лозово и Сарамзалино. Од Кадрифаково до Штип, стариот пат ќе беше надграден идентично како што е сега случајот. |
Posted By: FiLo
Date Posted: 14-Feb-2021 at 00:32
| Од друга страна добро е што го има постоечкиот автопат Миладиновци-Штип на тој начин се намалува оптеретеноста на е-75, особено на патарината Отовица. |
Posted By: Marxentric
Date Posted: 14-Feb-2021 at 00:47
Василиј не попушта на темава, цврст борец е  Го правевме муабетот, иако често го користам новиот автопат (направен благодарение на Грујо), очигледно е дека е непотребен и има многу подобри варијанти. Во многу поразвиени држави нема ваква делта од автопати кои поврзуваат градови со едвај 30.000 жители. Најлогичка варијанта е наместо 47 км автопат Миладиновци-Штип, да имаше некои 40 км Штип-Отовица, па потоа да се работеше на поврзување со Прилеп (преку Бабуна или Градско). Ќе имавме супер крстосница на сред држава, исток-запад, север-југ и секако со паралелно доградување и овозможување на 3 возни ленти од Велес до Скопје.
|
Posted By: Vasilij
Date Posted: 14-Feb-2021 at 09:29
|
Ви ги почитувам мислењата, таков сум респектирам туѓо мислиење ако има макар еден аргумент а имате, иако мислам помалку од мене. Цената е таа. https://sdk.mk/index.php/makedonija/avtopatot-miladinovtsi-shtip-pushten-vo-upotreba-nema-da-ima-svecheno-otvorane/ Вкупната должина на автопатот Миладиновци-Штип изнесува 47 километри.
Автопатот е со ширина од 21,4 метри со две возни ленти и лента за
застанување и со разделен појас од 4 метри помеѓу двата коловоза.
Вкупната дебелина на асфалтниот слој изнесува 19 сантиметри. Овој
автопат има седум клучки, а вкупната инвестицијата е 177,3 милиони евра. https://vlada.mk/node/18481 ИЗВОР: ВЛАДА
|
Posted By: <Fresno>
Date Posted: 14-Feb-2021 at 11:42
| Чудно како ги игнорирате придобивките и предностите во однос на другите решенија. Сумава ако е точна, стварно е незначајна (мислев дека околу 250м е). Помалата дистанца и време создава заштеди, како кај граѓани така и кај компании, кога огромен процент тој источен регион се движи кон Скопје или на север. И упорно ги игнорирате потенцијалите за развој на Свети Николе и цела област на потег кон Скопје. Со таква врска и неколку бунарџици покрај сам автопат се намалува и потребата за миграција на работна сила кон Скопје. |
Posted By: Marxentric
Date Posted: 14-Feb-2021 at 11:48
|
Не ја гледаш поголемата слика, а многу ти е слаб аргументот дека Струмица и Виница ќе стигаат до Скопје 5-10 минути побрзо, а на сметка на тоа да нема автопат Штип-Велес-Прилеп, па подоцна и кон Меџитлија. Треба да гледаш од точка на економска исплатливост, но и на покривање што е можно повеќе региони и население кое би имало корист од тој пат.
Џабе има бенефит Југоистокот, кога Пелагонија се потполно изостава, а би можеле двата региона да имаат корист со малку повеќе средства од ова што е потрошено. Плус би добиле модерна патна врска со Јонско Море која ќе ја користат странци, но и побрзо поврзување на Источна Македонија со Охрид, но наместо тоа, ете некој исфорсирал да има речиси паралелен автопат на Е-75... Посликовито, ова му доаѓа како ти да си директор во Тораница, но живееш во Кочани, па форсираш да се направи автопат Кочани-К.Паланка, што би било своевиден апсурд. |
Posted By: <Fresno>
Date Posted: 14-Feb-2021 at 11:59
| Ок, ја разбирам големата слика. Но тука веќе збориш за како требало парите да се потрошат, како да дошло баш до тие 170м. Па ни секоја година милијарди фрламе на секакви глупости од типот на субвенции, социјални трансфери, администрација итн. Еден релативно ефтин автопат плус минус не менува ништо. Затоа ми е чудно што сте се фатиле за автопатов, како цела сообраќајна иднина на државава да ја упропастил. Далеку од тоа. |
Posted By: Vasilij
Date Posted: 14-Feb-2021 at 12:11
Целосно се согласувам. Секоја чест за кажаното.
 |
Posted By: Cloverstack
Date Posted: 14-Feb-2021 at 14:54
Не е точна бројката. Тоа е уште една работа за која веќе било дискутирано: http://www.build.mk/forum/forum_posts.asp?TID=1785&PID=240773#240773 - http://www.build.mk/forum/forum_posts.asp?TID=1785&PID=240773#240773 Ама Василиј не се секирај. Трасата преку Миладиновци сега не може да се од-изгради и допрва да ја поправиме таа грешка. Тие 3 минути заштеда накај Скопје ти остануваат како трајна придобивка
|
Posted By: Cloverstack
Date Posted: 14-Feb-2021 at 14:59
По оваа логика не треба да се намали фрлањето пари во ветар, туку треба да се зголеми. А инаку „релативно ефтиниот“ автопат е 100-тина милиони евра поскап од автопатот што беше планиран преку Отовица. Ако е тоа сума што не менува ништо, тогаш океј. Но има уште еден огромен проблем во целиов случај, а тоа е самоволието и простаклукот со кој Просторниот план на РМ го претворија во тоалетна хартија. Не може бе траси да се менуваат како ќе му прдне на тој што е моментално премиер и на тесен круг луѓе што имаат пристап и влијание врз него. Ако треба да се изврши измена во Просторниот план, најмалку што би очекувал е претходно да се извршела стручна компаративна анализа, па да видевме кои би биле аргументите во полза на Миладиновци. Но кога можеше еден психопат да си црта градежни маркички низ Скопје како ќе му текне, да си нарачува градски автобуси по личен вкус, и ред такви работи, тогаш нормално дека идиотот може самоволно да си нацрта и автопатот да му поминува од кај што му е него ќејф. Батали анализи, батали факти, батали логика, батали математика, батали географија, батали здрав разум... Ете така се срозува целиот систем и не останува ни „д“ од држава. Не знам како може сето тоа да ти е прифатливо, а потоа да се чудиш и да се буниш за проблемите. |
Posted By: user8642
Date Posted: 14-Feb-2021 at 15:25
|
Јас незнам зашто оваа држава се мачи да поставува индуктивни јамки, да брои ПГДС возила, зашто анализи, зашто студии, кога на крајот пак политички се бираат приоритетите и политички се вцртуваат трасите?! Барем да не се залажуваме, да баталиме мерења и анализи ако имаме овакви паметњаковиќи кои знаат подобро од реалноста. Како уопште системот на одлучување за овакви работи дозволува да може human-factor-от да носи одлуки целосно надвор од техничката логика. Па една Кина почна со проект пред десетина години за пренасочување на судењата од прв степен да бидат судени од artificial-intelligence компјутери, со тренажен модел од илјадници пресуди и огромна судска пракса дотогашна, со цел да добијал максимално објективно судство. Светов уште не знаеше што е тоа artificial-intelligence. Ние не можеме проста бројка ПГДС да испочитуваме. Не знаеме колку ни е дневна/месечна/годишна миграција од-кон секој до секој град. Па тие работи можеме од Google на тацна да ги добиеме како студија. Ама не... си имаме ние функционери што носат одлуки по принципот "село мое, лепше од Париза".
@Clover Прашањето треба да се постави на поинаков начинза да те разбере Василиј. @Vasilij Зошто истокот заслужил да има два автопата еден пред према Скопје директно и еден преку Велес, а другите региони во државава не заслужиле ниту еден?! |
Posted By: Vasilij
Date Posted: 14-Feb-2021 at 15:33
Е сега ова е интересно, се согласувам со кажаното во делот на неговото владеење ако сакаш и неговото наследство меѓутоа траса имало предвидено уште во 80тите, ќе се сетите дека во друга нишка приложив и слики. Не е баш така како што го симплифицирате да не речам вулгаризирате на грујо му текнало. Основниот (не деталниот) проект е од владата на Владо Бучковски во 2006.Само грујо во 2008 ја имаше легендарната изјава дека на луѓето им требаат локални патишта а не автопатишта за во 2013 да го смени мислењето за 180 степени и во 2014 да фрли лопати на 2 автопатишта, еден во источниот еден во западниот дел, во источниот 3 пати помалку тежеше инвестицијата. И сега гледам, никој збор не кажа како од 375 станаа 650 милиони евра за Кичево Охрид, како грујопидите не предвиделе жива клучка (надзород од градежен потврди) па се препроектираше па целата сума стана вртоглава, како од 4 години се гради веќе 7ма година а прашање е дали во 8мата ќе биде завршен. Тоа се главните прашања а не 170те милиони со кои се поврзаа 2 региони (исток и југоисток) со кои се реши прашањето на Св.Николе со кои се крена безбедноста итн итн.
|
Posted By: Denko
Date Posted: 14-Feb-2021 at 15:54
|
Posted By: Vasilij
Date Posted: 14-Feb-2021 at 16:01
|
Струмица - Радовиш - Штип - Скопје/Куманово. ако треба и ќе нацртам  Го поврзува струмичко-радовишкиот регион со главиот град и со Куманово/Србија.
|
Posted By: Denko
Date Posted: 14-Feb-2021 at 16:13
|
Posted By: Vasilij
Date Posted: 14-Feb-2021 at 16:17
|
Те сфатив. Тогаш можеби е добро да се потсети дека 30 од 42 километри од експресниот пат меѓу Штип и Радовиш се во завршна фаза односно пред пуштање (најавено е начелно од премиерот и министерот за транспорт и врски за март (за време на последната обиколка во Јануари))..
|
Posted By: Vasilij
Date Posted: 14-Feb-2021 at 16:18
|
Патем државата ни е поделена во 8 плански региони. РАДОВИШ Е ВО ЈУГОИСТИЧНИОТ. https://mk.wikipedia.org/wiki/%D0%A0%D0%B5%D0%B3%D0%B8%D0%BE%D0%BD%D0%B8_%D0%BD%D0%B0_%D0%9C%D0%B0%D0%BA%D0%B5%D0%B4%D0%BE%D0%BD%D0%B8%D1%98%D0%B0
|
Posted By: Denko
Date Posted: 14-Feb-2021 at 16:32
|
Posted By: Staro Skopje
Date Posted: 14-Feb-2021 at 16:58
|
Регионите се уште од СФРЈ, а како такви се формализирани во 2009 (со промена во однос на Свети Николе).
Скржавтијата и непланлукот секогаш чинат пари, а со оглед на целокупната состојба во Македонија, доволен ќе беше магистрален пат Миладиновци-Кадрифаково за подобро поврзување на СН со СК и ШТ и алтернатива за СК-ШТ. Приоритет е целосна изградба на А1 во првокласен автопат од Табановце до Богородица, а потоа изградба на Тетово-Ќафасан и Штип-Меџитлија, битни внатре и надвор (вториов како побрза конекција на Патра, Игуменица и Јанина со Европа). Мил-Кад можеше да биде магистрала така изградена да во иднина лесно да може да да се надогради во автопат ако има потреба. Истотото важи и за експресните ТЕ-Јажинце, КУ-Деве Баир, ШТ-КО и ШТ-Ново Село. Автопатов ќе имаше огромна исплатливост да го преселеа главниот град во Малино, ама не го преселија. ------------- Градот убав никна, но го откорнаа |
Posted By: The Wild Boy
Date Posted: 15-Feb-2021 at 03:45
|
Вака сега. Ќе се сложам со повеќето од вас. Да, ќе беше полесно и поевтино да се изгради автопат кон Штип од кај Велес, но сепак и тоа би ги имало своите "последици".
https://ibb.co/kKLxmxL"> 
https://ibb.co/f41qY99"> 
Па еве на сликите подоле, особено на првата слика имам обрлазложено кој е моменталнот правец на движење. 1 оди према Куманово и према штип. Да упростам 1б е правец на движење од Скопје, или од друг град од А1 / А2 према куманово а 1а е движење на правец од истите делови ама према штип. 2 е движење од истите делови према Крива Паланка и Бугарска Граница, а 3 е према Србска Граница. На другата слика се гледа делот кај Велес. Овде има помалку правци, и имам нацртано отприлика (не ми е целта да биде скрос точно) каде би поминувал автопат Велес Штип и Велес - Прилеп. Овде имаме 1, 2 и 3. Логично број 1 оди према Прилеп, по "планиран" автопат од Велес до Прилеп, 2 исто така автопат од Велес кон Штип, а 3 према Неготино, Гевгелија, Грчка Граница. Ако од Велес до Штип се изградеше автопат, тогаш повеќето автомобили од 1а на првата слика ќе гравитираа кон број 2 на втората слика. Тоа би го олеснил сообраќајот од Скопје до клучката кај Миладиновци но генерално тој дел од Скопје до Табановце, до Куманово и до клучка Миладиновци е далеку помал за разлика од Скопје до Велес и другите градови после Велес, бидејки тој регион према Велес опслужува повеќе поважни градови и таму (особено летниот период) гравитираат повеќе возила, особено према грчка граница. Па на сето тоа, ако додадеме автопатот до Штип да оди преку Велес, нели би ја зголемила потребата за проширување на A1 од Скопје до Велес од 3 ленти на 4 ленти (3 ленти за возење и 1 лента за застанување), и градење на нова траса Катланово - Велес. Нема сигурно да го оставиме тоа така, ако сакаме Велес да биде главна делница, и ќе мора да се извршат доста надоградби и проширувања на тој дел од А1, инаку сите коли што одат кон тој регион, плус оние што би оделе до Штип према Велес, и према Прилеп по нов автопат, сите тие би поминувале преку Скопје - Велес, а вака барем имаме автопат до Штип од другата страна према Куманово, каде сообраќајот е далеку помал. Ако навистина, сосе проширување на Велес Скопје во 4 ленти, Скопје - Катланово проширување на 4 ленти, и нов автопат Катланово - Велес кој од старт ќе биде со 4 ленти, испадне дека цената е помала од автопатот Миладиновци - Штип, тогаш тоа би вредело навистина и направена е голема грешка што добивме автопат према Миладиновци, а не према Велес. Сепак, не е морално тоа надоградување во 4 ленти, но кога ќе се зголеми сообраќајот према Велес, а и плус со моменталниот пат безбедноста далеку се намалува. Замисли да имаше автопат Велес - Штип, тоа уште повеќе ќе стимулираше и ќе го зголемеше сообраќајот, оптеретувајки го А1 од Скопје до Велес. А вака сега барем тие што одат до Штип одат од другата страна, и за сега барем Скопје - Велес е спасен. Бројките покажуваат околу 13,000 AADT но со автопат Велес - Штип и / или со Автопат Велес - Прилеп тие бројки би се зголемиле, и мислам дека веќепостоечкиот "Автопат" од Катланово до Велес, а и од Скопје до Велес на тие зголемени бројки ќе му биде потребно проширување. Е сега јас не сум експерт, но еве за пример Романија ќе ја земам. Романија како држава нема многу автопат, особено за таа големина. И нормално во Романија се градат доста автопатишта, и самото тоа стимулира и го зголемува бројот на возила. Еве заради тоа сега околу Букурешт градат автопатска обиколница (Autostrada A0). Се градат и многу други автопатишта, околу Букурешт исто така, и доста се имаат изградено. Па затоа од Букурешт до Питешти има зголемен број на возила, и тој дел од автопатот е во потреба од проширување. Од другата страна према морето го имаат A2 и некоја обиколница на Констанца. Бидејки А2 е еден од најстарите автопатишта, таму исто така се нема многу изменето, немаат многу нови автопатишта изградено према Констанца освен обиколница, па заради тоа таму сообраќајот е соодветен за веќепостоечкиот 3+3 автопат, но бидејки од другата стана Букурешт према Питешти, према планините и од другата страна на планините (према Унгарија) се градат повеќе автопатишта, тоа има влијание и сообраќајот се стимулира и зголемува. Истото и кај нас. Да имаше автопат Велес - Штип, Велес - Прилеп, и како што Грција е главен магнет за туристи, и повеќето од транзитниот сообраќај оди према Грција (во случајот на Романија тоа е Унгарија), ќе требаше како што кажав погоре и A1 да го прошируваме. Но сепак кога тогаш Катланово - Велес ќе мора да се изгради, и автопат преку Бабуна кон Прилеп ќе мора да има. Ако се актуелизира повторно автопат према Делчево како што планирале, тогаш можеби ќе се размислува за автопат од Велес кон Штип. Но сепак и едното и другото си ги има своите плусеви и минуси. Без разлика на што Скопје - Солун секогаш ќе има повеќе сообраќај него Скопје - Белград. Статистиките исто така покажуваат дека Србите за да отидат до Бугарија, Турција (и понекогаш Грција), одат преку Ниш до граничен премин Католина. Србите за да отидат до Грција, највеќе го користат граничниот премин Богородица, Граничниот премин Дојран, па на последно место е Граничниот премин Меџитлија, кој е најмалце користен од Србите. Ние Македонците највеќе ги користиме граничните премини Табановце, Богородица, Деве Баир, Дојран и останати гранични премини кои се користат помалце. За Бугарија највеќе се оди према Деве Баир. Да би се изградел тој автопат према Делчево ситуацијата сигурно ќе била поразлична и можеби граничниот премин кај Делчево би се користел повеќе и од оној кај Деве Баир. Со ова можеме да заклучиме дека, ако навистина вредело требало автопат преку Велес до Штип, проширување на A1, и нов Катланово - Велес автопат, за да Велес стане главна делница. Ако навистина не вредело, тогаш се спасивме, барем за сега, добивме автопат преку Свети - Николе, и се намали бројот од возилата што гравитираа кон Штип према Велес. Значи тоа е тоа, обете си имаат и плусеви и минуси. Мене не ми пречи ни овој A4 што го добивме преку Свети - Николе, нит би ми пречел да имало автопат преку Велес до Штип. Дека ова за жал беше правено по политички план, да. Тоа нема врска што за време на Југославија планирале брз пат. Многу проекти има што се градени по плановите уште од тогашна Југославија, а многу има кои што се градени и по сосема нови планови. Да не заборавиме дека A3 е исто така алтернатива и на Охрид, а не само на друг граничен премин према Грција. Автопатско поврзување Скопје - Битола и те како е од огромна важност, но голема улога играат и веќепостоечките патишта кои што водат према тие идни патишта. Ако тие не се средат, работите ќе тргнат на лошо. Само незнам до кога ќе им текне на политичариве дека Катланово - Велес не е автопат, и дека треба сосема нов автопат да се изгради. Ама не ме чуди ништо, нив ги боли таквото. Само они да си лапаат од патарини, парите ќе одат кон луксузни возила, скапа облека, накит и што е најважно ќе си кркаат 2 тони месо годишно. Од мене толку, кажано што е кажано. Него ајде сега техничкиот дел, сакам да видам кои варијанти се можни, каде би поминувала трасата, јас погоре предложив да оди над Чашка, ама тоа би резултирало со енормни искачувања. Но сепак џус не сум експерт па затоа кој, како и кога може нека се обиде да нарцта, чишто да имаме ретроспектива и да знаеме отприлика како. Јас како што можев да увидам: 1 тунел голем, или 1 голем тунел + 1 помал Дузина вијадукти, од кои еден би можел да биде најголемиот и најдолгиот во Македонија. Доста искачување??? Прилеп ако не се грешам е на поголема надморска височина. Трета лента за спори возила??? |
Posted By: GoranM
Date Posted: 15-Feb-2021 at 09:07
| Автопат Битола-Скопје би имал 8 патарини и би коштало 1000 денари само за патарини |
Posted By: Vasilij
Date Posted: 15-Feb-2021 at 09:14
|
The Wild Boy ок ти се анализите ама некако се е шта би било кад би било и планирање траси кои и кога би дошло време би биле поинакви (зависи од проектанскиот тим). Можеби подобро е да се сконцентрираме сите на деловите што се реални да бидат односно отпочнати се постапките. Градско - Прилеп (експресен пат) - во градба Прилеп - Битола (автопат) - најавен, почеток на работа 2021 (рок - до 2 години) Битола - Меџитлија (експресен пат) - готов проект, почеток на градба 2021 (рок 1.5 година) И ете би го додал делот от Катланово до Велес да се види има ли некои шанси за нешто во блиска иднина или вака би било. Реконструкциите на А1 си течат, од тоа што го знам пролетта ќе почнело реконструкција на Хиподром - Миладиновци, Миладиновци - Хиподром, Хиподром - Петровец и Петровец - Хиподром.
|
Posted By: Denko
Date Posted: 15-Feb-2021 at 12:33
|
Posted By: Vasilij
Date Posted: 15-Feb-2021 at 13:08
|
Во право си за нив, од А3 или А4 се дел. Колку што знам за Петровец - Миладиновци се додава трета лента и се реконструира, искрено не знам до кај е... |
Posted By: The Wild Boy
Date Posted: 15-Feb-2021 at 16:22
Ама трета лента за застанување, не трета за возење. Има разлика. Заради тоа и викам 4+4 формација (3+3 ленти за возење и по една за застанување). Инаку знам дека на крајта други ќе одлучуваат, и дека може да има повеќе траси или само една. Заради тоа си има проектанти и стручни лица. Но викав како што направивте за автопат преку езеро козјак, може пак да се направи да нацртате одприлика од каде би поминувал овој автопат преку Бабуна. Немора да е 100% точно, отприлика по нагаѓања и по поглед. Јас како што гледам една од трасите би одела над чашка и би имало доста виадукти, еден или два тунели. Јас се обидов да нацртам ама не ме бива. Ова чисто колку да видиме отприлика како би изгледало тој автопат преку Бабуна, знам дека на крајта други ќе одлучуваат. |
Posted By: user8642
Date Posted: 15-Feb-2021 at 17:38
| Трасата која е вцртана во просторниот план на Македонија и која ја има во некои патни карти е преку селата Ораов Дол и Габровник од велешка страна и Десово од прилепска страна. Тоа е непосредно пред Богомила. И тоа може би е најпогодната траса иако е подолга од таа која изгледа најкратка на мапа преку превојот Борула. Висинската разлика од велешка страна и Пелагонија е 150-200 м разлика и тоа би било голем проблем, но дури вамо од кај селото Габровник има некое приближување за да може да се изведе тунел и да излезе на разумна релативна надморска висина од двете страни, и мислам дека затоа е одбран овој терен. |
Posted By: Cloverstack
Date Posted: 15-Feb-2021 at 20:36
Ептен многу далеку е било кој автопат во Македонија од преоптовареност. Дури и во летните шпицови капацитетот е далеку поголем од сообраќајот што поминува по нив (патарините се проблематична точка, но тоа е сосема друго прашање). Фромулите за тоа кога треба некој рурален автопат да се надгради од профил 2х2 плус ленти за застанување, во 2х3 плус ленти за застанување, варираат од јурисдикција до јурисдикција, а исто така варираат во зависност од процентот на тешки возила, типот на теренот, интензитетот и фреквенцијата на шпицовите, и слични фактори. Но грубо земено 50.000 ПГДС е некоја најдолна граница и без барем толкав сообраќај е тотално нерационално да се размислува за додавање на трета лента за возење. Така да Скопје - Велес не е во никакава „опасност“ и немаше да има никакви последици ако другиве автопати природно се надоврзеа на него. На овој автопат во догледна иднина треба да му се доградат единствено тие 20-тина километри паралелен коловоз што недостасуваат.
Еве еден мој обид да ги претставам двете варијанти кои досега биле спомнувани во документи и низ медиуми. Северната половина од трасата е идентична за двете варијанти. Автопатот ќе почнува кај Отовица, а варијантите се двојат некаде во близина на Долно Врановци, после што едната варијанта продолжува најпрвин кон запад, а другата варијанта продолжува кон Извор и генерално се држи во близина на стариот пат Р1312. Тоа се токму двете варијанти што ги спомна и user8642. Западната е подолга, а најскап објект би бил тунел близу Десово со должина од отприлика 1,5 - 2 километри. Спојувањето со патот накај Битола е западно од Прилеп. Источната варијанта е пократка, а најскап објект би бил тунел меѓу Степанци и Присад, би рекол со должина од околу 3-4 километри. Со исклучок на тунелот, оваа варијанта делува дека е малку полесна за изведба. Се спојува со патот накај Битола источно од Прилеп. Локацијата на спомнатите тунели е обележана со црвена боја. Имај во предвид дека нема никаков проект за ниту една од варијантите, па целата траса, вклучително и должината на тунелите се мој "best guess" врз база на топографијата. 
|
Posted By: ehrlich
Date Posted: 15-Feb-2021 at 21:20
| Иако подолга, јас би ја одбрал западната траса. Некако овозможува блискост со северниот дел на Пелагонија (тука е и Крушево), се намалува на тој начин сообраќајот низ самиот град Прилеп за тие возила, имајќи предвид дека Прилеп нема обиколница. |
Posted By: The Wild Boy
Date Posted: 15-Feb-2021 at 21:21
Супер. Мене источната траса ми изгледа по реалистична, а и послесна како што кажа. Па ништо чудно и таа да ја одберат. Само би имало доста искачувања? Ако не се грешам како што спомнав до сега Прилеп е на повисока надморска височина од Велес. Би имало овде и големи виадукти? |
Posted By: Cloverstack
Date Posted: 15-Feb-2021 at 21:32
Има обиколница, само што тамо владее хаос и е многу небезбедна. Од секоја трета куќа и од секоја трета нива има направено див приклучок. На прилепската обиколница треба да се направат 2-3 надвозници, па да се направи ограда, па (веќе сум досаден со ова) да почне сообраќајна полиција нешто и да подработува таму. |
Posted By: ehrlich
Date Posted: 15-Feb-2021 at 21:50
|
Малку сум збунет, како има обиколница? Сум бил низ Прилеп и сум работел таму дури, и не памтам да имаше одвоена обиколница. |
Posted By: Cloverstack
Date Posted: 15-Feb-2021 at 21:58
|
41°20'7.68"N 21°34'5.07"E Вистина, многу луѓе ја третираат како селска улица, па не функционира како што треба. Ама тоа е јужната обиколница на Прилеп и секако може да се доведе во ред ако се сака, уште повеќе ако треба да се надгради во автопат заради источната варијанта. |
Posted By: user8642
Date Posted: 15-Feb-2021 at 22:26
| Прилеп нема алтернативен пристап до патот за Крушево и патот за Брод. Исто така цела индустриска зона западна околу Витаминка сите објекти имаат проблем со притап до магистралниот пат, камиони вртат низ градски улици што е голем проблем. А проблемот е многу лесно решлив со изградба на 1+1 пристап од само неколку километри на рамен терен преку клучката Лагово. Затоа лани го реновираа мостот и пристапот преку населба "Сточен Пазар" и тоа глуми некаква алтернативна врска на индустриската зона околу Витаминка со онаа околу бивша Партизанка. |
Posted By: Cloverstack
Date Posted: 15-Feb-2021 at 22:31
|
А да, erlich изгледа мислеше на западна обиколница. |
Posted By: Bistro
Date Posted: 15-Feb-2021 at 22:31
| Си има Прилеп обиколница одамна, сосем пристојна, освен како што кажа Кловер проблемот со дивите приклучоци кои тутунарите со приколичиња (застава стоединиците најчесто)со тутун ја сечат. Има добра ширина, нема остри свиоци и без проблем моше да биде надградена до автопатска обиколница, само да се има воља. |
Posted By: Théoden
Date Posted: 15-Feb-2021 at 23:03
|
Западната варијанта покрај врската со северна Пелагонија и Крушево, нуди можност и за некое идно поврзување со автопатот Кичево-Охрид преку Македонски Брод и превојот Барбарос. Ова сега засега е само една налудничава идеја, но со оглед на политичката нестабилност и неизвесната иднина треба да постојат вакви опции. Што се однесува до прилепската обиколница, таа би требало да се прерасне во автопат на ист начин како и магистралниот пат Прилеп-Битола и кога би се реализирал автопат Велес-Прилеп во својата источна варијанта, би требало да завршува со голема клучка на источниот влез на градот, можеби од тип детелина со што источниот излез би бил експресен пат кон Градско.
|
Posted By: ehrlich
Date Posted: 15-Feb-2021 at 23:39
Да, затоа и се збунив. Јас мислев за делот кон Крушево или Долнени, затоа и се помешав
|
Posted By: Realistic88
Date Posted: 02-Mar-2021 at 06:49
|
Ima golem potencijal za izgradba na ovoj avtopat no neznam kolku bi mozelo da bide finansiski izvodlivo.
|
Posted By: The Wild Boy
Date Posted: 02-Mar-2021 at 13:39
Од каде заклучи дека не би можело да биде финансиски изводливо? |
Posted By: гитардемон
Date Posted: 02-Mar-2021 at 15:01
|
Не е исплатливо, а изводливо е. Штом Штип-Св. Николе-Скопје беше изводливо, изводливо ќе биде и ова. ------------- Arguing on the internet is like running at the special olympics. Even if you win, you're still retarded. |
Posted By: The Wild Boy
Date Posted: 02-Mar-2021 at 16:37
Ако не прочита, цело ова време од кога сум на форумот зборам дека проектов е изводлив, а е и исплатив. Прочитај што имам пишувано. A3 = Алтернатива на A1. |