http://www.netpress.com.mk/vestiimages/39889/stopanska_komora.jpg">

Стопанската комора на Македонија организираше трибина на тема приватизација на градежно земјиште во државна сопственост, на која присуствуваа претставници на Министерството за финансии, професорката на првен факултет Родна Живковска како и претставници од голем број македонски фирми. Присутните ја искористија трибината аргументирано да ги образложат проблемите поради кои процесот на приватизација на државното земјиште се одвива многу бавно.

Како причини за застојот во процесот се наведуваат неколку аргументи. Како прво неможноста да се обезбедат бараните документи бидејќи не може да се обезбеди имотен лист од катастарот, потоа незавршениот процес на денационализацијата или спорната денационализација на дел од парцела на градежно земјиште, недонесените детални урбанистички планови со кои е условена парцелизацијата на градежното земјиште на повеќе правни субјекти и високиот износ на финансиската обврска.

Професорката Родна Живковска потенцираше дека во Македонија се случи обратен процес односно прво се приватизираа фирмите а потоа се премина на приватизацијата на земјиштето, споменувајќи дека во Европската унија земјата е главната работа а се друго е споредно. Како експерт  за оваа проблематика таа кажа дека и физичките и правните лица треба да плаќаат иста цена за земјиштето што го откупуваат бидејќи тие се еднакви пред уставот на Македонија.

“Не може цената за земјиштето да биде различна за физичките и за правните лица, тоа е моето толкување а мислам дека и уставниот суд би се согласил. Исто така во неправедна положба се ставени и оние стопанственици кои земјиштето го откупуваат по 2003 година затоа што тие го откупуваат по повисока цена од оние што го откупиле до 2003 година. Треба да се прави разлика меѓу изградено и неизградено градежно земјиште, неизграденото градежно земјиште секогаш треба да има повисока цена од изграденото градежно земјиште“ кажа Живковска.

Стопанствениците ја подржаа оваа трибина и се согласија дека откупните цени се премногу високи односно 40 евра за квадрат, како и тоа дека треба да се изедначат со цените кои ги плаќаат физичките лица за откуп на земјата која се движи од 10 до 12 евра за квадрат.

Се донесе заклучок дека Законот за приватизација на градежното земјиштето во државна сопственост треба да се продолжи за уште две години.

Бизнисмените побараа продолжување на рокот од најмалку две години додека државата смета дека е доволна една година за тој процес да се заокружи

Владата и бизнис заедницата се согласија дека е потребно да се продолжи рокот за приватизација на градежно изградено земјиште. На вчерашната трибина на тема "Приватизацијата, односно закупот на градежното земјиште во државна сопственост", организирана од Стопанската комора на Македонија, бизнисмените побараа продолжување на рокот од најмалку две години додека државата смета дека е доволна една година за тој процес да се заокружи.

Како причини за продолжување на рокот, по веќе утврдениот законски рок од четири години што истекува во јануари 2009 година, Стојмирка Тасевска од Стопанската комора на Македонија ги посочи проблемите со неможноста да се обезбедат потребните документи, односно имотен лист, незавршениот процес на денационализација, недонесените детални урбанистички планови, немањето на подзаконски акти, јави МИА.

Како проблем во реализирање на овој процес, професорката од Правниот факултет Родна Живковска го наведе и тоа што во Македонија се направил обратен процес, прво се приватизирале објектите, а потоа земјиштето.

Таа порача дека треба да се заврши процесот на денационализација, да се донесат деталните урбанистички планови, кои беа лоцирани како проблем во реализација на овој процес, но и да се преиспита цената по која се продава изграденото градежно земјиште. Според неа, цената треба да биде иста и за правните и за физичките лица, а треба да се направи разлика во цената на изграденото и неизграденото земјиште.

Учесниците на трибината се согласија дека приватизацијата на градежното земјиште е важно и за натамошни инвестиции, бидејќи сега, како што појасни Живковска, оние што го немаат откупено земјиштето не може да инвестираат затоа што законски е утврдено оти е потребно земјата да е во приватна сопственост или под долготраен закуп.

Снежана Костадиновска, државен секретар во Министерството за финансии, потенцира дека приватизацијата на градежното земјиште е суштински процес, за кој, како што истакна се прават напори да се одблокира.
- Овој процес долги години беше закочен. Имавме проблеми со катастарот, денационализацијата, како и слабата покриеност со детални урбанистички планови- рече Костадиновска. Според неа, главен хендикеп во спроведувањето на овој процес е и тоа што за него се задолжени многу органи.

абе ова бизнисмениве ептен глумеле наивност, или колку да се најдат во муабет па ќе истресат и по некоја зелена, како може за некој што прави профит и некој што си го откупува земјиштето на кое живее да се има ист аршин.

во контекст имам чуено и за еден прилично глуп куриозитет, државата што продала државно земјиште а претходно за истото земјиште правобранителот дал согласност  за продажба и утврдил дека за истото нема никаков товар во моментот на продажба, подоцна заради пропуст во денационализацијата правобранителот утврдува дека сега има наследник на продаденото земјиште од државата па покренува тужба против новите сопственици - купувачите на државното земјиште, а во образложението во тужбата си го оспорува своето предходно решение, па така излегува дека државата се тужи самата себеси!  а да биде уште потрагично истиот тој правобранител дал согласност, а сега си ја оспорува истата, па бар да ставеја друг тужител вака е ептен трагикомично уште само можеби фали судот да ги прогласи утре новите сопственици за виновни и да им го земе земјиштето кое им е продадено и на кое веќе имаат инвестирано и пари а и време и  нерви. незнам дали во ваков случај може сега оштетените нови сопственици да бидат некако обештетени во случај да го изгубат спорот но по се изгледа дека освен извинување и поврат на откупнината нема да видат никаква оштета за изгубеното време и за дополнителните вложувања на купената земја.                

 И ова може тука да си најде место:

http://www.build.com.mk/forum/forum_posts.asp?TID=433&PID=47017#47017 - http://www.build.com.mk/forum/forum_posts.asp?TID=433&PID=47017#47017  

http://www.build.com.mk/forum/forum_posts.asp?TID=733&PID=47924#47924 - http://www.build.com.mk/forum/forum_posts.asp?TID=733&PID=47924#47924

Originally posted by pbanks Баш верувам дека ќе видиме катна гаража овдека

бадијала веруваш  ќе си го поврати државата назад продаденото! со секој договор за продажба на земјиште државата потпишува договор во кој стои обавезно клаузула дека договорот се раскинува доколку во рок од година дена не се отпочне со градба на локацијата т.е. обично станува збор за дозаокружување на маркица, во принцип порано доволно беше да стигнеш и до прва плоча со што условот за отпочнување на градба е исполнет, а потоа дреми и терај колку можеш и колку мислиш дека треба! но сега со новите предлог измени за градежните рокови односно завршување на градба во рок од две години, ваквото ескивирање е сведено на минимум...

единствено може да се извадат инвеститорите доколку превземената обврска од договорот за купопродажба  е опструирана од страна на општината при носење на нов дуп, па судот и да им го признае закаснување со отпочнување на градежните активности. имајќи предвид дека по измените на дупот веќе извадиле инвеститорите градежна дозвола може и навистина ќе куртулат!?
иако лично сметам дека ако нема член во договорот каде истиот се сторнира во случај оттуѓувачот на државното земјиште да неможе да го исполни договореното заради опструкција од некоја државна или локална институција, ваквата закаснета иницијатива сепак паѓа во вода!?!

ајде ако некој е адвокат нека ми објасни: што доколку договорот што е заклучен меѓу две лица, а го блокира или опструира трето лице заради кое неможат да се исполнат условите на продавачот, дали во тој случај судот би пресудил во полза на купувачот? со оглед дека и првото и второто лице се јавна институција кои не си ги усогласиле активностите!

според информациите што ги имам од општината може да се вадат на тоа дека инвеститорот можел и требал да поднесе барање за добивање градежна дозвола по стариот ДУП, без разлика што новиот бил во процедура на носење т.е. се додека не се изгласа новиот ДУП стариот важи и по него може да се проектира... незнам каков е законот и дали воопшто има некаков простор инвеститорот да заглави или се одглави, но очигледно е дека истиот го чекал донесувањето на новиот ДУП, за сега да отпочне со градба 

 мала надополна по купувањето на државното земјиште инвеститор е должен во рок од 6 месеци да обезбеди градежна дозвола т.е. да поднесе проект и барање за градежна дозвола до општината, а по добивањето на дозволата најдоцна во рок од 6 месци да отпочне со градба! засега треба да се изјаснат и самите инвеститори како би добиле појасен увид зошто 5 години одолговлекувале воопшто со вадење на градежна дозвола, следствено и со отпочнување на изведбата!

закаснета реакција, но дефинитивно државата сака да го врати продаденото земјиште по пат на секундарна облигација т.е. заради непочитување на договорот кој во случајов немал никакви правни или системски опструкции кои евентуално би го сторнирале истиот, или би оделе во прилог на одложување за негово извршување доколку се отвори судска постапка, која за случајов е веќе очигледна! несакам да преудицирам дека тука станува збор за партиско натегање, со оглед дека купопродажниот договор е склучен во 2003, па затоа и интервенцијата на институциите да е поведена, но ова не треба да се користи како оправдување од инвеститорот, особено не доколку навистина 5 години тапкал во место... 

во случајов доколку инвеститорот го изгуби купеното земјиште, вложените пари му пропаѓаат, исто како што е предвидено и во случајот со ИБЦ и Сончев Град во Сопиште па и со секој останат договор за отуѓување на држвано земјиште, но разликата е што промашување на странски инвеститор е нелогична и невозможна, а доколку тоа и се случи ќе биде катастрофално за кампањата Инвестирајте во МКД, затоа и се сомневам дека со ист аршин обврските би важеле обвските за домашните и странските инвеститори, иако ИБЦ во моментов имаат добро оправдување заради системско-инфраструктурните куршлуси кои и го сторнираат договорот за купопродажба на државно земјиште во Сопиште http://www.build.com.mk/forum/forum_posts.asp?TID=60&PID=18970#18970 - www.build.com.mk/forum/forum_posts.asp?TID=60&PID=18970#18970 попрво не ме чуди заради ова доколку ја дадат на суд, државата на крај и пенали да плаќа, него инеститорот да крене раце и во бунар да фрли 3,6 милиони евра колку што уплатија израелците за 64-Ха земја на Водно со ветување дека ќе вложат за возврат 100 милиони евра...

дворното место на зградите од секогаш го користеле сите станари, би требало да е на приземјашите, но бидејќи тоа законски беше регулирано само со договор за користење на тие дворови но не и за соптвеност, доколку тој на призмје не си го средеше и оградеше дворот пред неговиот стан секој можеше да го користи што и во доста слуачаи беше реалност односно секој од другите станари можеше пример да го уреди истиот тој двор како нему што му се сака!

не е нешто опасна работава, но правно истата е недоречена, сепак за да се заведе станот во катастар треба да има имотен лист за одредена локација што е возможно да се додели доколку за истото се направи купо-продажба со државата, најверојатно ова го третираат сега законски како појава бидејќи во централниот депозитар каде се депонираат хипотеки и слични товари врз објекти тоа се мора да е објект кој има и поседовен лист што е возможно само во ваков случај! односно објектот во случајов станот доколку нема откупено земја имаме ситуација каде зградата односно станот е дивоградба... 

сепак би сакал да видам како ќе помине ова на уставен и која е адекватна алтернатива старите згради да останат дивоградба!?

земјиштето досега беше општествено а за многу згради од минатото нема ни градежна дозвола, најверојатно за ова да се испегла во општина станарите треба овој процес да го поминат, не е нешто скапо ниту невозможно тешко, но исто мислам дека со ова и се отвора простор зградите односно граѓаните во нив да понесат одговорност за фасадите пример и евентуално пеналите штоби следеле доколку истите не се одржуваат, тука исто се и надградбите и проширувањата... просто не е мозможно само заради полнење буџет оваа улсуга да е достапна, особено не доколку еден квадрат чини 1 евро, ајде да беше како што е за класичен откуп каде во зависност од местоположбата и категоризацијата муабетот тера и над 3000 ден квадрат па да рече човек целта е полнење буџет но со едно евро за вкупно 5000 стана тоа е смешен изговор

според изјаваите на премиерот станува збор само за можност за стопанисување со земјата околу своите онјекти кои за тоа имаат услови, во основа ова значи да можеш односно имаш право дворот да си оградиш, уредиш или го користиш за некоја активност, приимер правење скара абез притоа да ти дојде комунална инспекција, добро карикирам незнам дали воопшто е дозволено некој во близина на згради за колективно домување да прави пикник муабети но тоа е поентата, а следствено и си ги превзема како граѓанин сите обврски кои доаѓаат со тоа право за сопственост на дворно место, кое сепак во иднина доколку стопанот од него ќе може да профитира, во случај државата или некој приватник да се реши нешто да гради... 

можност за злоупотреби нема и сопственоста се префрла од продавачот на купувачите, односно сите имаат учество во катастарската евиденција и врз основа на таа добиваат имотен лист, со кој потоа можат да бркаат хипотеки, надградби, доградби итн., http://www.utrinski.com.mk/?ItemID=596C625C81050F43A3A0BF18B54D90E3 - досега ова беше покривано само со поседовен лист и врз основа на него се подигаше хипотека но од друга страна обврските кон општината квалитетно изостануваа и само колективно имаа одговорност станарите односно куќниот совет

е сега како оди цел овој процес и мене не ми е познато, односно како точно оди записот во катастар, дали секој стан си има поединечен упис или тоа оди на заеднички лист тоа незнам!

јасно долгорочно земено и тоа е случај, но пред се доколку решат пример дотраен објект да му продадат на некој инвеститор кој на тоа место ќе изгради нешто ново и подобро, а со тоа и тие ќе бидат квалитетно ситуирано

но пред се ваквиот посед значи и поголема одговорност за сопствениците, од чистење снег и канализација па се до партерно уредување и фасадирање, досега ова беа обврски на општината и ЈП-ата бидејќи стануваше збор за општествено земјиште што значи сега истите ќе се грижат само за главните водови пример или само за јавните пвршини но не и за самите згради кои ќе мора сами да се снаоѓаат, што и досега беше случај, но сега тоа е и правно регулирано 

за рушење тешко но и тоа е поентата, да бидеш правно осигуран дека никој нема да може да те заобиколи, на некој начин убаво кажа досега пример во случај на некаква експропријација на тоа земјиште станарите може само спогодбено нешто да издејствуваат (да им го поправат плочникот пред влез) додека сега комотно можат да се пазарат со оној кој сака да го користи или откупи тоа земјиште!

е сега јасно се знае дека без можност во дуп  и согласност на повеќето станари пример ни зградата не може да се доградува, па и дискутабилно е колку веднаш ваквата инвестиција е исплатлива, но како што наведува премиерот може да се третира како залог за идните генерации, иако реално и сега може да се експлоатира како земјиште на кое ќе се изнајмува пример простор за рекламни паноа, а може да и од привремени објекти да се профитира доколку за тоа некој има интерес и воедно истата појава е дозволена во општината, киосци, тезги итн. така и општината топ и станарите камен за одржување фасади...              

Државното градежно земјиште ќе биде во сопственост на општините

На лицитација 20 илјади квадрати неизградено државно земјиште

Најголем дел од земјиштето наменет за комерцијално-деловни објекти
Министерството за транспорт и врски за овој месец најавува навистина жешко време, ако се суди според бројот на закажаните јавни наддавања на кои ќе бидат понудени многу атрактивни парцели државно неизградено земјиште. На продажба се нудат вкупно 17.924 метри квадратни државно неизградено градежно земјиште во неколку скопски општини, а почетната цена на земјата во зависност од локацијата ќе се движи од 1.800 до 6.600 денари за квадрат. Најголем дел од предвидените објекти што ќе се градат на ова земјиште се од комерцијално-деловен карактер. Во општината Центар државата ја нуди на продажба локацијата спроти Домот за деца без родители на улицата Васил Ѓоргов бб. Според Деталниот урбанистички план за овој дел од населбата Капиштец од 2004 година, на просторот е предвидено да се гради деловен објект, катна гаража. Плацот има површина од 1.735 метри квадратни, а за градење се дозволени 1.017 квадрати. Почетната цена за квадрат е 6.600 денари, а пријавите за учество треба да стасаат во Министерството најдоцна до 16 јули. Јавното наддавање е закажано за 23 овој месец. Најголемиот плац што ќе биде продаден во текот на месецов се наоѓа во општината Аеродром, каде што според ДУП за „Јане Сандански“ на површина од 11.972 квадратни метри се предвидува изградба на хотел. Наддавањето е закажано за 6 јули, а почетната цена е 6.000 денари. Во општината Гази Баба, ќе се лицитира плац за изградба на семејна куќа. Градежната парцела има вкупна површина од 213 квадрати, а се наоѓа во населбата Маџари, урбан блок 3. Почетната цена за квадратот е 1.800 денари. Право за лицитирање имаат и физички и правни лица. Во Гази Баба се нуди и државно земјиште наменето за изградба на големи трговски единици. Според Деталниот урбанистички план, како и одлуката од советот на општината, се предвидува овие 4.004 квадратни метри да се претворат во трговски објекти. Површината за градење е 1.949 квадрати со висина на објектите од девет до 13 метри од заштитниот тротоар до венецот на врвот. Почетната цена на земјиштето е 6.000 денари за метар кавадратен. Пријавите за учество на јавното наддавање може за да се доставуваат најдоцна до 14 јули, во Министерството за транспорт и врски.

Општините ќе располагаат со државното земјиште

Милијарди евра или трошки за општините

Во Агенцијата за катастар на недвижности се евидентирани 90.330 парцели на државно градежно земјиште со кои во иднина ќе управува локалната самоуправа
Капитал тежок од неколку стотици до неколку милијарди евра ќе добијат општините како наследство од државата со новиот закон за управување со градежното земјиште, кој најскоро треба да биде изгласан од Собранието. До денеска се очекуваат забелешките од страна на релевантните институции, по што законот ќе биде доставен до Владата, велат од Министерството за транспорт и врски. Со трансферот на надлежностите за управување со градежното земјиште, општините се надеваат да привлечат повеќе инвеститори и да изградат цели нови станбени и бизнис-квартови, со што целосно ќе се смени ликот на населените места. И додека дел од градоначалниците задоволно тријат раце, други изразуваат сомнение дека до стапување во сила на новиот закон (една година по донесувањето) централната власт ќе го распродаде најатрактивното земјиште и за нив ќе останат само непривлечните локации. - Може ќе се опариме, а може и да се попариме - додаваат тие. Од Агенцијата за катастар на недвижности ни изјавија дека во нивната база на податоци се евидентирани вкупно 90.330 парцели на државно градежно земјиште со вкупна површина од 148782916 квадратни метри или 14878 хектари. Со новиот закон целото ова градежно земјиште ќе премине во надлежност на општините. Ако овие површини се претворат во пари, според пазарните услови, се добиваат суми од неколку десетици милијарди евра. Произлегува дека градежното земјиште во моментов е најсилниот економски адут со кој располага државата. Така, доколку целокупното државно градежно земјиште се продаде по симболична цена од само 10 евра за квадратен метар, општините ќе инкасираат 1,4 милијарда евра. Кога пак продажната цена би била 100 евра за метар, се добиваат фантастични 14,8 милијарди евра. За некои од атрактивните локации во главниот град досега беше постигната цена и од над 500 евра за квадратен метар, што значи и многу повеќе пари за општините. Сепак, се чини дека најразвиените општини и најмногу ќе заработат, бидејќи во руралните области или нема значителни површини на државно градежно земјиште или неговата цена е многу ниска. Во Министерството за транспорт и врски истакнуваат дека во првите шест месеци од годинава се објавени 106 огласи за отуѓување на неизградено градежно земјиште, сопственост на Република Македонија, по пат на јавно наддавање, од што во државната каса влегле 169.555.280 денари или 2,7 милиони евра. Од овие средства 80 отсто се слеваат во буџетот на општините, каде што се наоѓа земјиштето, а 20 отсто во буџетот на државата. - До крајот на 2010 година предвидено е да бидат распишани јавни објави за отуѓување на неизградено градежно земјиште. Меѓу нив поатрактивни локации се земјиштата предвидени за изградба на бензинска пумпа и хотел во општината Штип, хотели во општината Аеродром, Охрид и Крушево, како и хотелски комплекс во Битола, на граничниот премин Меџитлија - велат од Министерството за транспорт и врски. Од локалната самоуправа сметаат дека е неприфатливо законот да стапи во сила речиси една година по усвојувањето, бидејќи во тој временски период централната власт ќе ги продаде сите атрактивни локации и за нив нема да остане многу. - Не се согласувам по една година да се спроведува законот. Рокот треба да се скрати - вели Изет Меџити, градоначалник на Чаир. Градоначалникот на градот Скопје, Коце Трајановски, проблемот со градежното земјиште не го гледа во одземањето на овластувањата една година по усвојувањето на законот, туку во неподготвеноста на општините да управуваат со него. - И во 2005 година кога беше децентрализацијата, не бевме подготвени за тој процес, но сепак влеговме. Можеби ќе ни требаат 5-6 месеци за усовршување на администрацијата, но веруваме дека успешно ќе менаџираме со оваа надлежност - смета Трајановски. Од ЗЕЛС нагласуваат дека иако барале право на сопственост над земјиштето, добиле само право да управуваат со него. За дел од единиците на локалната самоуправа проблем е и немањето детални урбанистички планови, што го поврзуваат со недостигот на финансиски средства. Од Министерството за транспорт и врски нагласуваат дека откако општините ќе почнат да управуваат со неизграденото градежно земјиште ќе се воведе принципот на извршување на сите административни активности на едно место, што претставува огромна придобивка.

Државно градежно земјиште ќе се продава по почетна цена од едно евро за квадрат

- Мерката на многу граѓани во иднина ќе им овозможи полесно и поевтино да можат да купат земјиште на кое ќе изградат куќи, а на многу инвеститори, кои досега се двоумеле поради високата цена на земјиштето или исплатливоста, да изградат катни гаражи со кои во значајна мерка ќе го решат проблемот со паркирањето, изјави премиерот Никола Груевски по давање во употреба на резервен систем на Централниот регистар во Штип.

Според премиерот, особено важно е што желбата на многу граѓани за изградба на сопствена куќа која не можела да се оствари поради немање средства сега ќе стане реалност.

- Веќе испративме порака до многу градоначалници, а се надевам дека ова мое излагање ќе го чујат сите градоначалници да почнат да урбанизираат се поголем број парцели во нивните општини за изградба на куќи на земјиште кое е во сопственост на Република Македонија. Штом тоа ќе го направат општините, Министерството за транспрот и врски и Владата ќе објават огласи за јавно наддавање за да може секој граѓанин да лицитира земјиште со почетна цена од едно евро за метар квадратен, рече премиерот Груевски.

Тој додаде дека овие мерки заедно со мерките за продажба на земјиште по истата цена за хотели, откуп на дистрибутивни центри, за земјоделски производи и фарми, индустриски објекти, ќе овозможи голем напредок и раздвижување на економијата.

- Веќе се продадени многу парцели, се продаваат се повеќе локации за индустриски капацитети што значи дека ваквите одлуки се поттик граѓаните и фирмите да инвестираат да градат и создаваат, додаде Груевски.

Тој, како што рече, верува дека ќе има противници на оваа одлука, но додаде дека ним ќе им порача дека државата има поголема добивка доколку се гради и создава, бидејќи така се создаваат нови вредности, а со тоа и нови работни места.

Државното земјиште се продава десетпати поевтино од приватното

Министерството за транспорт ќе продава уште 400 атрактивни парцели

mailto:spasevska@kapital.com.mk - Александра Спасевска

Формално, општините од 1. јули управуваат со државното земјиште на нивна територија, фактички - немаат дозвола од Министерството за транспорт и врски зашто не ги исполниле условите. Дел од градоначалниците се револтирани

Министерството за транспорт и врски во наредниот перид планира да продаде 400 парцели државно градежно земјиште. Во тек е продажба на 174, а се подготвуваат огласи за продажба на уште 230 парцели. Само во последните два дена се дадени на продажба десетина локации во повеќе градови, претежно атрактивно државно земјиште наменето за викенд-населби, за хотелски комплекси и катни гаражи. Со ваквата практика на Министерството практички паѓаат во вода бомбастичните најави дека од 1. јули продажбата на државно градежно земјиште ќе премине во надлежност на општините. Законот предвидува така, но Министерството за транспорт и врски сега се правда дека ниедна општина не ги исполнува потребните услови за да може да управува со земјиштето. Велат дека 48 од вкупно 85 општини го исполниле условот за електронско спроведување на јавно наддавање, но на ниту една општина не и е пренесено правото да управува со државно земјиште поради непотполна документација.

Досега шест општини, Гевгелија, Карпош, Кочани, Струмица, Велес и Демир Капија, поднеле барање до Комитетот за градежно земјиште, но биле вратени поради некомплетна документација.

Градоначалникот на општина Струмица, Зоран Заев, револтиран од пролонгирањето, вели дека Министерството со банални барања од општините купува време за да може да ги продаде останатите атрактивни парцели. Тврди дека и покрај исполнетите услови, сега се бараат дополнителни документи.

“Општина Струмица ги исполнува сите услови. Ја изготвивме Годишната програма за управување со градежно земјиште и ја доставивме до Министерството за транспорт и врски, но сепак, ги вратија документитте со образложение дека не е потполна документацијата“, објаснува Заев.

Тврди дека Министерството има банални барања со цел да го пролонгира процесот.

“Бараа од нас на секоја страница од програмата за управување со државно градежно земјиште, која има 650 страници, да има печат од општината, да доставиме последна платена сметка од Интернет, како и М1, М2 образец за службениците кои се стекнале со сертификат за електронско наддавање, документи кои веќе се доставени до Министерството. Со тоа само се купува време за да може да ги даде парцелите на веќе договорени инвеститори“, вели Заев.

Градоначалникот на општина Гевгелија, Иван Франгов, се надева дека најдоцна за 15 дена ќе добие одобрение од Министерството за транспорт и врски, кога планираат да ги објават првите огласи за продажба на државно земјиште.

“Доставивме барање до Министерството за транспорт и врски, но треба да дополниме дел од документацијата за да можеме да почнеме да продаваме државно градежно земјиште. Очекувам дека најдоцна за 15 дена ќе заврши таа процедура и ќе ги имаме исполнето сите услови за да почнеме да продаваме“, објаснува Франгов.

Првите парцели што ќе ги огласи општината се за згради за домување, за хотел и за деловен центар. А тоа што Министерството за транспорт и врски веќе почна да продава земјиште, според Франгов, е за да не се забави процесот и да се продолжи со продажба на државно земјиште.

Склучен 331 договор за отуѓување на земјиште во 2010 година

Со добивањето на правото за самостојно менаџирање со државното неизградено земјиште, Општина Гевгелија започна постапка за продажба на седум градежни локации, со вкупна површина од 53.346 метри квадратни.

Почетната продажна цена за еден метар квадратен простор изнесува 61 денар за парцелите наменети за инвивидуално домување, во месноста „Караорман“, за парцелите наменети за времено сместување (хотел) кој треба да се гради на просторот на поранешна Касарна и за мултинаменски стопански комплекс во месноста „Смрека“,  додека почетната цена на електронското јавно наддавање за градежната парцели во м.в „Милци “ кај преминот Богородица наменети за големи трговски единици изнесува 600 денари од метар квадратен.

Пријавите за учество на јавното наддавање треба да се достават најдоцна до 12 декември, за парцелите на Караорман и истиот ден ќе се одржи и јавната лицитација.

Рокот за поднесување пријави за поранешна Касарна и месноста „Милци“ е заклучно со 14 декември, а лицитацијата ќе следува после десет дена, на 23-ти истиот месец. Заклучно со 15 декември завршува рокот за поднесување пријави за купување на атрактивната локација во месноста „Смрека“ што се наоѓа во катастарската општина Богородица, наменета за хотелски комплекс, а јавното наддавање ќе се одржи на 26 декември.

Продажбата на градежните парцели ќе се врши преку електронско јавно наддавање кое ќе се изведе на наведените датуми, со почеток во 12 часот и ќе трае еден час, на интернет страната  http://www.gradezno-zemjiste.mk/ - www.gradezno-zemjiste.mk , кога ќе биде утврдена највисоката понудена цена и купувачот на огласените градежни парцели.

Депозитот за учество на јавната лицитација изнесува соодветно на почетната продажна цена според големината на парцелата од 7.296 денари за градежните парцели наменети за домување, до еден милион 910.940 денари за комплексот големи трговски единици во месноста „Милци“.

http://gevgelija.gov.mk/mk/index.php?option=com_content&view=article&id=846:2011-12-12-23-24-44&catid=8:actual&Itemid=1 - Продадени првите - парцели

Три градежни парцели во Аеродром понудени на наддавање

Министерството за транспорт и врски распиша објава за отуѓување на градежно неизградено земјиште сопственост на Република Македонија по пат на електронско јавно наддавање со намена за изградба на мали комерцијални и деловни единици во општина Аеродром.

Станува збор за три градежни парцели кои со површини од 760, 930 и 950 метри квадратни, чија почетната цена на јавно наддавање изнесува 5.000 денари од метар квадратен.

Пријави за учество во јавното наддавање можат да се достават најдоцна до 3-ти април.

Во текот на следната недела министерството ќе распише јавни објави за отуѓување на локации во повеќе општини во Македонија. Предвидено е распишување на јавни објави за земјиште наменето за изградба на откупно-дистрибутивен центар во Ресен, откупен центар во Чешиново-Облешево, лесна и незагадувачка индустрија во Василево, колективно домување во Кичево и викенд куќи во Дојран.

http://www.kumanovonews.com/vesti/ekonomija/fabriki-i-hotel-vo-gorno-kojnare-i-bedinje.html - Фабрики и хотел во Горно Којнаре и Бедиње

http://www.kumanovonews.com/vesti/ekonomija/fabriki-i-hotel-vo-gorno-kojnare-i-bedinje.html">

Градежното земјиште ќе биде понудено на јавно наддавање на заинтереираните граѓани кои сакаат да инвестираат во лесна индустија и изградба на хотел.

Во Горно Којнаре се понудени девет градежни парцели со површина од 10.000 метри квадратни. Секоја парцела поединечно е наменета за леснозагадувачка индустрија и една парцела е за изградба на хотелски комплекс. Во касарната сите седум локации се со леснозагадувачка индустрија и нивната површина изнесува до 5.000 метри квадратни. Во месноста Новине во селото Којнаре се работи за градежно неуредено земјиште, додека во касарната е уредено земјиште. На територија на Општината Куманово има уште локации кои што се во сопственост на државата Република Македонија. Луѓето кои работат на оваа проблематика ги истражуваат да не се оптоварени со денационализации, хипотеки и ќе им бидат понудени на граѓаните во наредниот период - вели Лидија Ланг од Секторот за урбанизам во Општината.

Во електронските и печатените медиуми ќе биде објавен оглас за јавно наддавање. Преку софтвер добиен од Министерство за транспорт и врски ќе се врши јавното наддавање. Доколку се работи за парцели за индивидуално домување рокот за доставување документи е од 20 до 40 дена,а другите процедури ќе траат од 30 до 60 дена.

http://www.kumanovonews.com/vesti/ekonomija/fabriki-i-hotel-vo-gorno-kojnare-i-bedinje.html

На првото електронско наддавање по преземањето на надлежностите за управување со градежно земјиште, Општина Гостивар ја продаде првата градежна парцела ГП бр.17/10-4 со површина 1888 м2, од кои 500 м2 градежна површина во седум ката, продажната цена за метар квадратен достигна 7.000 денари

„Благодарение на коректноста, конзистентноста и непокорувањето пред разни притисоци кои биле карактеристика при купопродажба на земјиште, беше достигната рекордна цена која е речиси за три ипол пати повисока од цената кога парцелата во близина се продаде по цена од 2.400 денари за метар квадратен, кога надлежностите ги имаше Министерството за транспорт и врски", истакна градоначалникот Руфи Османи, подвлекувајќи дека од ова Општина Гостивар ќе има извонредна фискална и финансиска полза.