Print Page | Close Window

Лични документи/патни исправи

Printed From: build.mk
Category: Останати теми
Forum Name: Останати теми
Forum Discription:
URL: http://www.build.mk/forum/forum_posts.asp?TID=3945
Printed Date: 28-Mar-2024 at 17:47


Topic: Лични документи/патни исправи
Posted By: stef4o
Subject: Лични документи/патни исправи
Date Posted: 17-Aug-2021 at 17:28
БАНКИТЕ СЕ ПРИНУДЕНИ ДА ИМ ГИ БЛОКИРААТ СМЕТКИТЕ НА ГРАЃАНИТЕ БЕЗ НОВИ ЛИЧНИ КАРТИ, ЗАШТО ФИНАНСИСКОТО РАЗУЗНАВАЊЕ НЕ ГИ ПРИЗНАВА ЛИВЧИЊАТА ОД МВР

Хаос со блокирани сметки во банка, неможност да се подигнат средства од шалтер, да се направат трансакции… настана по банките со ливчињата од МВР место нови лични карти. Пратениците си заминаа на одмор, не го изгласаа новиот Закон за лични карти, кој е со Република Северна Македонија и со опција за двојазичност според Законот за употреба на јазиците.

МВР, сметајќи дека пратениците ќе го изгласаат новиот Закон за лични карти, си го надгради системот за лични документи и исправи и сега нема назад. Нови лични карти велат дека не смеат да даваат, 30-тина илјади граѓани кои поднеле барање за нова лична карта, останаа со ливчиња од МВР, кои не се лична исправа и не им важат никаде. Оваа бројка секојдневно расте, бидејќи МВР прима барања, но не издава нови лични карти.

„Со оглед на тоа дека ливчето што ми го дадоа од МВР не ми го призна банката како валидна исправа, јас не можев да ја исполнам законската обврска да ги ажурирам податоците. Како што налага законот, неажурирани податоци – блокирање на сметката. Мојата трансакциска сметка од денеска е блокирана!“, испрати скопјанка утринава допис до САКАМДАКАЖАМ.МК .

Бидејќи пратениците очигледно не им е гајле за прописите, затоа и не можеле да ги согледаат тешките последици за граѓаните, дел од опозицијата првин го блокираше законот со 1.500 амандмани, а остатокот спокојно си заминаа на одмор од 1 август и ги нема уште да се вратат.

Она за кое нашите пратеници не се заинтересирани, покрај другото, е дека постои Закон за спречување на перење пари и други приноси, кој е основата на Управата за финансиско разузнавање преку редовно ажурирање на податоците на граѓаните и на фирмите во банка, да контролира финансиски криминал. Банките се должни да работат под ваквата контрола на Управата, во спротивно вршат кривично дело.

Управата за финансиско разузнавање и да сака, не може ливче од МВР да го признае за лична карта, т.е. документ за идентификација место лична карта. Оттаму ни банките не смеат за ажурирање на податоците на граѓаните да им прифаќаат како документ за идентификација некое ливче место валидна лична карта, зашто ќе добијат кривична пријава од Управата, т.е. од Финансиската полиција.

Триаголникот: Управа за финансиско разузнавање – Народна банка на Македонија – МВР, бара решение за проблемот и веќе утре се очекува некаква солуција за хаосот што настана поради заглавениот закон. Се чека Управата да се изјасни дали тоа ливче од МВР ги содржи сите лични податоци што ги бара законот, за да може да служи место лична карта.

За секојдневните потреби на граѓаните, пак, место лична карта, банките примаат идентификација и со валидна патна исправа. Но, проблемот е што многу од граѓаните поради пандемијата и опасност од заразување, не ги обновија навреме своите пасоши. Најзагрозената група граѓани се пензионерите со истечени лични карти, кои средствата ги подигаат во готовина, од шалтер. На овие случаи, им нема помош. Од што живеат и како живеат, никој не се секира.

Народниот правобранител е преплавен со претставки од граѓани кои се соочуваат со проблемите и спас за блокираните сметки што воопшто не е по нивна вина, бараат таму. Уште пред да ескалира до овој степен проблемот, Народниот правобранител два пати алармираше, предупредуваше, но институциите не седнаа да најдат решение.

%20 - https://sdk.mk/index.php/naslovna/bankite-se-prinudeni-da-im-gi-blokiraat-smetkite-na-graganite-bez-novi-lichni-karti-zashto-finansiskoto-razuznavane-ne-gi-priznava-livchinata-od-mvr/



Replies:
Posted By: stef4o
Date Posted: 17-Aug-2021 at 17:30
Мислам дека сме немале нишка која би ги третирала овие теми а последниве неколку месеци навистина е хаос и со лични карти и со издавање возачки дозволи.
Во МТВ се чека и по 3-4 часа и на крај прашање е дали е готов документот или ќе речат дојди за неколку дена повторно.


Posted By: stef4o
Date Posted: 17-Aug-2021 at 17:32
Над 30 илјади граѓани не можат да добијат лични карти поради воведувањето етничка графа

Околу 30 илјади граѓани не можат да добијат нова лична карта, поради собраниските лавиринти во коишто заглави предлогот за етничката графа во документите. Бројката на неиздадени документи секојдневно расте, бидејќи граѓаните коишто имаат термин, аплицираат, се фотографиират, плаќаат за нови документи, а нови лични карти едноставно нема.

81-годишна скопјанка којашто пред месец и половина аплицирала за обновување на старата лична карта, изутринава се обидела да добие одговор дали во предвидениот рок од две недели по фотографирањето и поднесувањето на аликацијата, ќе го добие новиот документ. За ДВ вели дека од службите добила негативен одговор.

„Законот е во Собрание“, е одговорот којшто го добила од службениците во МВР. Таа е загрижена дали ќе може да ја подигне пензијата, со оглед дека банките бараат валиден документ за подигнување на пари, но стравува и од други проблеми коишто би можела да ги има, поради тоа што не поседува основен документ за идентификација. Многумина коишто планираа со лична карта да заминат некаде на одмор во околните земји, каде што е дозволено преминувањето на границата со овој документ, исто така се спречени да патуваат без валиден документ, пред се на одмор во Албанија.

Клучот е во Собранието

Како што дознаваме, од 05 до 31.07.2021 барање за лична карта поднеле 26.314 граѓани, додека од 01-06.08.2021 примени се 4.864 барања за лични карти од граѓаните.

ОД МВР велат дека целиот проблем се врти околу Законот за личните карти кој е блокиран во Собрание. „Ние неколкупати инсистиравме во однос на ова законско решение да се донесе, но истото е блокирано со 1.507 амандмани“, велат од МВР. Од амандманите коишто се поднесени за законот, еден е од парламентарното мнозинство, а 1,506 амандмани се поднесени од опозицијата.

„Ова законско решение, МВР преку Владата уште во март го достави во Собранието, се со цел да може да ги помине собраниски процедури и да можеме да отпочнеме со примена на ова законско решение од 1 јули 2021 година. Притоа, ова законско решение не прецизира ништо друго освен тоа дека и кај личните карти од 1 јули треба(ше) да се применува уставното име на државата и да се применуваат одредбите од законот за јазиците, односно сите заедници што живеат во државата имаат право на личен документ на сопствен јазик“, објаснуваат од МВР за ДВ. Тие апелираат до пратениците час поскоро да го донесат ова законско решение, во интерес на граѓаните.

Надлежните велат дека барањата на граѓаните за термин за фотографирање, односно аплицирање за издавање на лични карти редовно се примаат, од страна на МВР целата процедура се завршува, но дека не смеат да започнат со издавање на новите лични карти сѐ додека законот не биде на сила.

Личните карти со старото уставно име, од влегувањето во сила на новиот Закон за лични карти, ќе можат да се користат до 12 февруари 2024 година.

Проблемот со издавањето на новите документи трае веќе подолг период. Најпрво поради пандемијата службите беа затрупани со барања за нови лични карти и пасоши. На почетокот на летото, МВР го надградуваше системот, по што настана нов застој. Последната блокада започна со имплементацијата на законската обврска за менување на името на државата во документите - во Република Северна Македонија. Некои граѓани во текот на јуни и почетокот на јули, сепак успеаја да дојдат до своите документи. Останатите ќе мора да почекаат на милоста на пратениците.

%20 - https://www.dw.com/mk/над-30-илјади-граѓани-не-можат-да-добијат-лични-карти-поради-воведувањето-етничка-графа/a-58779832


Posted By: гитардемон
Date Posted: 17-Aug-2021 at 18:55
Замислете го вовеле новиот систем пред да го донесат законот, и сега немало како да се вратат на стариот софтвер. Е што ако никогаш не се изгласа законот?

Баш банана држава.

-------------
Arguing on the internet is like running at the special olympics. Even if you win, you're still retarded.


Posted By: Théoden
Date Posted: 17-Aug-2021 at 19:18
Се надевам на сите ви е јасно дека ова е уште една од придобивките од договорот. Thumbs%20Up


Posted By: гитардемон
Date Posted: 18-Aug-2021 at 15:52

Врска нема со договорот, има врска со неспособни полтрони кои се на власт од 1991 па наваму. Договорот сам по себе не е страшен, неспособноста на секој еден политичар во државава да го спроведе како што треба или да го користи како адут е тоа што е страшно.

Патем, се чека законот за „етничка припадност“ во личната карта. Таа лудост од шеријатските земји која и ВМРО и СДСМ немаат проблем да ја прифатат.

-------------
Arguing on the internet is like running at the special olympics. Even if you win, you're still retarded.


Posted By: stef4o
Date Posted: 18-Aug-2021 at 16:35
Стар закон, а нов софтвер – 40.000 граѓани останаа без лични карти

Околу 40.000 граѓани чекаат нови лични карти, а неважечките им прават проблеми. Ако имате истечена лична карта, а сте се фотографирале за нова, само со листот издаден од МВР, моментално во банка не можете да направите трансакција, а доколку треба да ажурирате податоци и не го сторите тоа, сметката може да ви ја блокираат. Ова следи откако МВР користи друг систем, а не може да ги изададе личните карти бидејќи Собранието сè уште го нема изгласано Законот за лични карти, со кој, во нив се впишува новото Уставно име – Република Северна Македонија

Бидејќи потврдата (исечокот од апликацијата) што граѓаните ја добиваат при поднесување на барањето за лична карта, како доказ дека постапката за издавање на нов документ е во процедура, не ги задоволува интерните политики на одредени деловни субјекти, МВР работи на изнаоѓање на процедурални решенија со кои што ќе им биде овозможено на граѓаните да ги остварат своите права низ институциите. МВР апелира до деловните субјекти, особено оние од банкарскиот сектор, да ги прифатат потврдите од граѓаните како доказ дека постапката за издавање на нов документ е во процедура, односно да им излезат во пресрет на своите клиенти, со цел навремено подигање на нивните исплатени месечни приходи – велат од МВР.

Според информации на Алсат, најверојатно од идната недела граѓаните кои имаат само потврда дека се во процедура за издавање на лична карта или пасош, ќе можат да направат трансакции во банките со приложување на листот од МВР и неважечкиот докумет. Со нив, исто така ќе можат и да ги ажурираат податоците. Но, ова, официјално ќе треба да го овозможи Управата за финансиско разузнавање. Оттаму за Алсат брифираат дека се наоѓа решение за граѓаните и го најавуваат до крајот на оваа недела. Премиерот Зоран Заев потврди дека се наоѓа решение за граѓаните за од банка да можат да ги подигнат пензиите и социјалната помош, но и да вршат било какви трансакции. Но, тој е загрижен и за друг проблем со истечените лични карти.

Го разгледуваме начинот како да ги најдеме решенијата како тие граѓани да гласаат. Ако има пасош ќе гласаат со посошот како друг документ за идентификација дозволен по изборниот законик, но ако немаат пасош, а веројатно еден дел немаат, а немаат валидна лична карта, истечената не важи. Министерството за правда бара решение заедно со ДИК за ова – рече Зоран Заев, премиер.

Законот за лични карти МВР во Собранието го испратило уште во март, со план законското решение да се пименува од 1 јули. Оттогаш се поминати месец и половина, а допрва пратениците треба да рагледуваат повеќе од 1.500 амандмани поднесени од Левица, иако на 1 август пратениците заминаа на одмор.

%20 - https://alsat.mk/mk/star-zakon-a-nov-softver-40-000-gragani-ostanaa-bez-lichni-karti/


Posted By: FT
Date Posted: 18-Aug-2021 at 17:13
Originally posted by гитардемон


Врска нема со договорот, има врска со неспособни полтрони кои се на власт од 1991 па наваму. Договорот сам по себе не е страшен, неспособноста на секој еден политичар во државава да го спроведе како што треба или да го користи како адут е тоа што е страшно.

Патем, се чека законот за „етничка припадност“ во личната карта. Таа лудост од шеријатските земји која и ВМРО и СДСМ немаат проблем да ја прифатат.


Тоа е најголем проблем во Македонија. Се изнаслушавме планови и имаме толку многу закони ама НИШТО не се спроведува!


Posted By: stef4o
Date Posted: 19-Aug-2021 at 13:19
ЗАЕВ ЌЕ БАРА НАЧИН ДА МОЖЕ ДА СЕ ГЛАСА СО ИСТЕЧЕНА ЛИЧНА КАРТА, НАД 40 ИЛЈАДИ ГРАЃАНИ НЕ МОЖАТ ДА ДОБИЈАТ НОВ ДОКУМЕНТ

Поради недонесувањето на измените на Законот за лични карти, заглавени се барањата на над 40 илјади граѓани за нова лична карта и на дел нив веќе им се блокирани трансакциските сметки, а ако не се реши проблемот до октомври, тие нема да може да гласаат на локалните избори.

Премиерот Зоран Заев вели дека решението на ова прашање треба да се бара со почетокот на работата на парламентот да се изгласаат законските измени во септември или со донесување соодветни одлуки или правилници да се овозможи гласање со истечени лични карти.

„Законот е блокиран од Левица со амандмани, иако политичката партија БЕСА беше доволно флексибилна амандманот за етничката определба на граѓаните во личните карти да го поднесе со одложено дејство од 2023 година, очекувајќи Европа да се изјасни за ова прашање. За мене ова е флексибилност на една сериозна партија како БЕСА, но Левица одлучи да го блокира законот. За жал поради ваквата блокада трпат граѓаните. Не се издадени преку 40.000 лични карти. Имајќи предвид дека вака е заглавено ова решение, првата можност е со работа на парламентот од 1 септември да се донесе законот и да се издадат тие лични карти. Втората работа е министерот за правда, заедно со другите надлежни ресори, да изнајдат начин, директно со одлуки, правилници или критериуми, да дадат можност и со истечена лична карта да се гласа. Верувам дека ќе се изнајде решение зошто и во минатото сме имале пракса, поради неможност да се издаде нова, да може да се гласа со личната карта со истечен рок. Но, проблемот не е само за изборите. Голем дел од банките не ги ставаат во функција трансакциските сметки на чии сопственици им е истечен рокот на личната карта па граѓаните не можат да земат пензија, социјална помош и други потреби“, изјави премиерот Зоран Заев.

Предложените измени на Законот за лични карти се со цел да почне да се користи уставното име Република Северна Македонија.

%20 - https://sdk.mk/index.php/makedonija/zaev-ke-bara-nachin-da-mozhe-da-se-glasa-so-istechena-lichna-karta-nad-40-iljadi-gragani-ne-mozhat-da-dobijat-nov-dokument/


Posted By: гитардемон
Date Posted: 19-Aug-2021 at 13:56

Од сите работи кои се нелегални, ова е апла нелегално. Како може „да се бара чаре“, а да не може да се врати стариот софтвер или старите лични карти? Запнал да не ги издава без „Северна Македонија“.

Левица се тотално антипатични, ама да се здрави и живи и да го блокираат законов до крајот на времето.

-------------
Arguing on the internet is like running at the special olympics. Even if you win, you're still retarded.


Posted By: user8642
Date Posted: 19-Aug-2021 at 14:12
Добро, ова е многу лесно правно решливо, само не се креативни во влада. Образецот е пропишан со подзаконски акт, а не со закон. Подзаконски акт е во надлежност на Министерство за Внатрешни.

Слободно нека пропишат образен на обичен А4 лист хартија, горе ќе пишува "Лична Карта", ќе има "Северна", доле ќе има печат. И готово! Ќе се шетаме со листови во новчаник со захефтана слика како да сме 95-та, ама битно правниот проблем ќе се заобиколи. Барем до нова година додека се разреши работава, а до тогаш ќе имаме полноважечки кобајаги "лични карти" на обична хартија. Но формално правно баш тоа што треба да бидат, лични карти. Рок на важење по 6 месеца и после одново ќе се издадат соодветни биометриски пластични. На избори сите ќе гласаат со важечки лични карти и тоа е тоа.


Posted By: гитардемон
Date Posted: 19-Aug-2021 at 15:10
Значи постои важечки закон, а одбиваат да го спроведат оти очекувале дека ќе се изгласа нов (како јасновидци да се, ја гледаат иднината). И сега опозицијата била крива Одма опозицијата да се симне од власт, протести против нив!

Еј ВМРО беа ненормални, ама овие па, овие...

-------------
Arguing on the internet is like running at the special olympics. Even if you win, you're still retarded.


Posted By: stef4o
Date Posted: 19-Aug-2021 at 15:13
СЕ ОГЛАСИЈА БАНКАРИТЕ: Надминат е проблемот со истечените лични карти, банките ќе прифаќаат и важечки пасош и потврдата од МВР

Македонската банкарска асоцијација ја известува јавноста дека согласно со мислењето добиено од Управата за финансиско разузнавање, а со заложби за изнаоѓање решение и од страна на Народната банка, надминат е проблемот во врска со непреченото користење на услугите и производите на банките и штедилниците од страна на граѓаните на коишто им е истечена важноста на личната карта.

„Имајќи го предвид добиеното мислење известуваме за следното: Согласно со Законот за спречување перење пари и финансирање на тероризам, како документ за идентификација на банкарските клиенти, покрај личната карта може да биде земена предвид и патната исправа (пасош). Оттука, граѓаните коишто имаат важечка патна исправа (пасош), а немаат важечка лична карта, услугите и производите од својата банка / штедилница може да ги користат со приложување на важечката патна исправа“, објаснуваат банкарите.

Притоа, како што велат, се имаат предвид и законските одредби, согласно со кои важноста на одредени патни исправи се продолжува до 31.12.2021 година.

„Во случаите кога граѓанинот – постоечки клиент на банка/штедилница не поседува ниту валидна патна исправа – пасош или патна исправа со важност продолжена до 31.12.2021 година, ниту валидна лична карта, за користење на услугите и производите на банката/штедилницата на којашто е клиент, ќе може својот идентитет да го потврди врз основ на увид во матичниот број на граѓанинот наведен во потврдата издадена од Министерството за внатрешни работи дека е поднесено барање за издавање на нова лична карта и дека постапката за издавање е во тек. Конкретно, станува збор за потврдата којашто редовно се издава при аплицирање (фотографирање) за нова лична карта“, објаснуваат од МБА.

Македонската банкарска асоцијација ја известува јавноста дека сите банки и штедилници веднаш започнуваат да го применуваат ваквиот начин на идентификување на клиентите коишто немаат валидна (важечка) лична карта, овозможувајќи им непречено користење на своите услуги и производи.

„Истовремено ја известуваме јавноста дека согласно со добиеното мислење од Управата за финансиско разузнавање, банките и штедилниците се должни за клиентите коишто во моментот немаат ниту валидна лична карта ниту валидна патна исправа, во најкус можен рок од моментот на добивањето на важечка лична карта или патна исправа, да направат ажурирање на документите и податоците за клиентот. Оттука, клиентите коишто во моментот немаат ниту важечка лична карта ниту важечка патна исправа (пасош), по добивањето на нов документ треба да ја контактираат својата банка / штедилница, со цел навремено ажурирање на податоците“, информираат од Македонската банкарска асоцијација.

https://faktor.mk/se-oglasija-bankarite-nadminat-e-problemot-so-istechenite-lichlni-karti-bankite-kje-prifakjaat-i-vazechki-pasosh-i-potvrdata-od-mvr


Posted By: гитардемон
Date Posted: 19-Aug-2021 at 15:41

Банките прифаќаа пасош отсекогаш!? Јас имав истечена лична карта со години (don't ask), ама бев пријавен со пасош и немав гајле.

-------------
Arguing on the internet is like running at the special olympics. Even if you win, you're still retarded.


Posted By: stef4o
Date Posted: 21-Aug-2021 at 07:48
ОД УТРЕ ЌЕ ПРОДОЛЖИ ИЗДАВАЊЕТО ЛИЧНИ КАРТИ, ВЛАДАТА НЕМА ДА ЧЕКА НА НОВИОТ ЗАКОН

Од утре продолжува печатењето и издавањето лични карти, соопштија од Владата по денешната владина седница. На седницата било одлучено да се донесе подзаконски акт за усогласување на Законот за лични карти со Законот за употреба на јазиците и на тој начин да продолжи издавањето лични карти, процес што беше закочен речиси два месеца и над 40 илјади македонски граѓани останаа со истечени лични карти, што им предизвика бројни проблеми, пред сè со банките.

„Соодветно на информацијата, Владата го задолжи министерот за внатрешни работи да ги преземе сите потребни активности за донесувањето на подзаконски пропис согласно овластувањето од Законот за лични карти и да го усогласи со одредбите од Законот за употреба на јазиците со што се овозможува непречено издавање на обрасците за барање за издавање на личната карта, образецот на потврдата за поднесено барање за издавање лична карта, образецот за личната карта, постапката за издавање и замена на личната карта, како и за начинот за водење на евиденцијата за издадени лични карти. Министерот за внатрешни работи Оливер Спасовски информираше дека подзаконскиот пропис ќе биде објавен уште во текот на денешниот ден во ‘Службен весник’, и со тоа ќе се овозможи веднаш да започне печатењето и издавањето на личните карти на граѓаните согласно нивните поднесени барања“, се вели во владиното соопштение.

Од МВР претходно кажаа дека издавањето лични карти застана бидејќи го надградиле системот да биде во согласност со Договорот од Преспа, кој предвидува од 1 јули годинава да почне да се употребува уставното име Република Северна Македонија на личните документи, како и во согласност со Законот за употреба на јазиците, кој предвидува двојазични лични карти за припадниците на малцинствата кои ќе го побараат тоа.

За таа цел беа предложени измени на Законот за лични карти, но тој е заглавен во Собранието поради 1.500 амандмани поднесени од Левица. Левица ги поднесе амандманите поради барањето на Беса во личните карти да стои и националноста.

%20 - https://sdk.mk/index.php/naslovna/od-utre-ke-prodolzhi-izdavaneto-lichni-karti-vladata-nema-da-cheka-na-noviot-zakon/


Posted By: stef4o
Date Posted: 23-Aug-2021 at 16:42
ОД ДЕНЕСКА СЕ ИЗДАВААТ ЛИЧНИТЕ КАРТИ СО НОВОТО УСТАВНО ИМЕ

Првите лични карти со новото име Република Северна Македонија започнаа да се издаваат од денеска.

Над 40.000 граѓани кои беа без лични карти последниве два месеци поради измените на Законот за лични карти кој е блокиран во Собранието со над 1.500 амандмани од опозицијата, од денеска можат да ги подигнат. Иако законот е заглавен во Законодавниот дом, Владата го одблокира со подзаконски акт.

Премиерот Зоран Заев, вели нема ништо ништо спорно.

„Креативноста на правните служби, пред сè од Министерството за внатрешни работи, заедно со законодавство, утврдија дека Законот за употребата на јазиците е доволна основа и самиот Устав на државата е доволен основ. На основа на членот 13, 14 и 23 од Законот за употреба на јазиците и Уставот на Република Северна Македонија се најде правната формулација и навистина за оваа креативност уште еднаш изразувам благодарност до стручните експертски служби во Министерство за внатрешни работи, овде во Владата, законодавство, сите коишто изнајдоа начин“ рече Заев.

За опозицијата регулирањето на ова прашање со подзаконски акт е кршење на Уставот и законите.

Левица ќе поднесе кривична пријава за министерот за внатрешни работи, Оливер Спасовски за злоупотреба на службената положба. Подготвуваат и преставка до Уставниот суд.

„Законските норми се јасни и истите предвидуваат дека додека не се донесе новиот закон, во сила е постоечкиот и актуелно важечки Закон за лични карти, по кој институциите се должни да постапуваат, без оглед на коалициските договори на владејачката клика! Бидејќи со незаконската измена на софтверот за издавање лични карти, без закон кој формално стапил во сила, извршено е флагрантно кривично дело кое се гони по службена должност, правниот тим на Левица во наредните денови ќе поднесе и соодветна кривична пријава против министерот за внатрешни работи – Оливер Спасовски за злоупотреба на својата службена положба, кој уште еднаш демонстрира дека неказнивоста“ велат од Левица.

Инаку личните карти на кои се уште не е истечен рокот, ќе важат до 12. февруари, 2024 година.

%20 - https://24.mk/details/od-deneska-se-izdavaat-lichnite-karti-so-novoto-ustavno-ime


Posted By: stef4o
Date Posted: 28-Sep-2021 at 16:38
Купишта изгубени лични документи високи како планина

ДАНОК ЗА НЕВНИМАНИЕ, КРАЖБИ И БРЗО ТЕМПО НА ЖИВОТ
Граѓаните често губат лични документи, свидетелства, лични карти, возачки дозволи, пасоши и друго, но најчесто минатата година се губеле личните карти. Од вкупно изгубени 32.849 документи, дури 14.316 граѓани минатата година, почнувајќи од 1 јануари заклучно со 31 декември, своите лични карти ги огласиле за загубени во „Службен весник“.
Еден од начините на кои граѓаните останале без некои од личните документи се и џебните кражби, кои на пример од почетоков на годинава досега најчесто се случувале во автобусите на јавниот превоз, на автобуските постојки и на пазарите.
Според бројот на огласите во „Службен весник“, веднаш по личните карти по бројот на загубени документи се пасошите, а лани без нив останале дури 1.689 граѓани. Од различни причини биле изгубени и свидетелства за завршено образование, а вакво искуство во 2020 година имале 4.777 граѓани. Нешто помалку биле изгубени возачки дозволи, односно 4.232, и 3.513 сообраќајни дозволи. Од вкупно 32.849 изгубени лични документи, 1.778 се изгубени дипломи, 478 картички за здравствено осигурување, 263 студентски индекси.
Граѓаните губат и мемориски картички, работни, воени и штедни книшки, потоа дозволи за оружја, студентски и воени легитимации, уверенија, девизни книшки и други документи. Личните документи граѓаните ги губат на различни начини, а многу често од невнимание или кражба на паричници, па крадците освен пленот со парите, остатокот не ги интересира. Искуството покажува дека тие ги фрлаат паричниците со сите лични документи што се наоѓаат во нив.

Но она што е посебно за обележување е фактот дека губењето документи граѓаните ги чини пари и време, а најмногу од сѐ – трчање по шалтери, што за многумина е како одење по жар. Огромните редици, нервозата, недисциплината – за многумина се доволна причина за губење на нервите, па често се случуваат и инциденти, а граѓаните се на работ да се откажат од целата постапка, бидејќи не може секој да ја издржи долгата процедура што го чека пред некои од шалтерите за вадење нови документи или продолжување на старите.
Сепак, оние што ќе се решат да ја почнат постапката, треба да знаат дека најпрвин мора да ги огласат во „Службен весник“, за потоа да започнат постапка за вадење нови документи.
Во „Службен весник“ личните документи се огласуваат за неважечки без оглед на тоа дали се изгубени, украдени, оштетени, издадени со печатна грешка итн. Од тие причини, немаме податоци по која основа се поднесуваат барањата за огласување неважечки документ – објаснија од „Службен весник“.
И во Министерството за внатрешни работи не можат да кажат какви документи најмногу губат граѓаните, односно колку од документите им се изгубени, колку украдени или колку им се најдени. Документите само ги одделуваат настрана од другите предмети при извршените џебни кражби.
Во периодот од јануари до април 2021 година се извршени 166 кривични дела џебни кражби, а од нив 56 биле извршени во јавен превоз – автобуси, 33 на автобуски постојки, 42 на зелените пазари, десет во објекти за услужна дејност (продавници, маркети, трговски центри), 18 на друг јавен простор, најчесто на улица, и седум биле во други објекти (болница, обложувачница и слично). Напоменуваме дека во согласност со начинот на водење на податоците, џебните кражби се расчленуваат на паричници, мобилни телефони, пари или банкарски картички и друго -велат од МВР.
Најмногу џебни кражби на паричници во кои имало и лични документи, за првите четири месеци од годинава, имало во Скопје, односно 70 биле пријавени во полициската станица во Центар, а 31 кражба биле евидентирани во полициската станица на Бит-пазар, во кои исто така граѓаните останале без своите лични документи. Во Гази Баба 23 граѓани, а во Карпош четиринаесетмина ги загубиле своите документи при кражба, а нешто помалку во другите општини.

https://www.novamakedonija.com.mk/makedonija/skopje/купишта-изгубени-лични-документи-вис/ - https://www.novamakedonija.com.mk/makedonija/skopje/купишта-изгубени-лични-документи-вис/


Posted By: stef4o
Date Posted: 29-Sep-2021 at 14:17
Македонија со најскапа зелена карта во регионот – од следната година поевтинува цената на зелената карта?



[tube]WrIGVZS039g[/tube]

https://mk.tv21.tv/makedonija-so-najskapa-zelena-karta-vo-regionot-od-slednata-godina-poevtinuva-tsenata-na-zelenata-karta/ - https://mk.tv21.tv/makedonija-so-najskapa-zelena-karta-vo-regionot-od-slednata-godina-poevtinuva-tsenata-na-zelenata-karta/


Posted By: Marxentric
Date Posted: 29-Sep-2021 at 22:03
Епа Северџаните се со зелен мозок, затоа и плаќаат скапо за зелена карта, таман си е, кроце ајде.


Posted By: user8642
Date Posted: 29-Sep-2021 at 22:53
Северџаните може плаќаат скап зелен картон, ама затоа за Античките Македонци и границите се затворени по свет па и не ни им треба зелен картон. Ќе биде брзо и ова ќе падне, не се секирај.


Posted By: Marxentric
Date Posted: 30-Sep-2021 at 22:50
И да биде, да видиме и ние античките нешто корисно од Северџганите, чунки ќе шетаме по свет бе!


Posted By: Cloverstack
Date Posted: 01-Oct-2021 at 08:24
Originally posted by Marxentric

Северџганите


Кои се тие Северџгани ?


Posted By: stef4o
Date Posted: 24-Mar-2023 at 17:33
ПОСКАПУВААТ ПАСОШИТЕ, ЛИЧНИТЕ КАРТИ И ВОЗАЧКИТЕ ДОЗВОЛИ Вадењето документи по итна постапка ќе ве чини цело богатство

Вадењето нова лична карта ќе чини 310 денари наместо сегашните 190 денари, новата возачка дозвола ќе чини 410 денари наместо сегашните 280 денари, новиот пасош за лица над 27 години ќе чини 2.000 денари наместо сегашните 1.500 денари, а единствениот личен документ кој нема да претрпи промена во цената ќе биде само пасошот за лица помлади од 27 години.

Оваа информација ја објави порталот Фактор, посочувајќи дека Владата го одобрила решението на Министерството за внатрешни работи (МВР) за поскапување на личните документи, а решението треба да стапи на сила откако ќе се објави во Службен весник.

Од МВР ја потврдуваат информацијата за поскапувањето:

– Обрасците во моментов се издаваат по цените кои важеа и до сега. МВР постапувајќи по заклучок донесен од Влада, спроведува постапка за изменување на решението за цените на обрасци. Со решението се вршат измени на цените, а ќе се применуваат кога решението ќе се објави во Службен весник и ќе влезе во сила. Имено, цената на пасош за лице до 27 години ќе остане непроменета и натаму ќе изнесува 1.500 денари, но пасошот за лице над 27 години ќе изнесува 2.000 денари, што е зголемување за 500 денари. Цената на личната карта ќе изнесува 310 денари, што е зголемување за 120 денари. Цената на возачката дозвола ќе изнесува 410 денари, што е зголемување за 130 денари – одговорија од МВР.

Оттаму велат дека многу повеќе ќе треба да се плати за обрасците за личните документи по итна постапка, кои и онака се неколкукратно поскапи.

– Ќе има промени на цените и на обрасците за итна постапка: Цената на пасош по итна постапка ќе изнесува 6.100 денари, што е зголемување за 1.600 денари. Цената на возачка дозвола по итна постапка ќе изнесува 1.230 денари, што е зголемување за 390 денари – велат од МВР.

Како причина за поскапувањето на оваа јавна услуга за граѓаните се наведуваат зголемените трошоци во изминатиот период.

– Промената на цените се прави поради зголемените набавни цени на увезени обрасци, зголемени трошоци за одржување на системот кој се врши од страна на странски економски оператор, како и набавка на нови машини поради укажана потреба од замена на веќе дотраени машини за персонализација итн“, велат од МВР.

Ваквото решение е донесено на една од претходните владини седници по разгледувањето на „информацијата во врска со потребата од зголемување на продажните цени на обрасците за лични документи на граѓаните (пасош, лична карта и возачка дозвола)“.

https://plusinfo.mk/poskapuvaat-pasoshite-lichnite-karti-i-vozachkite-dozvoli-vade-eto-dokumenti-po-itna-postapka-e-ve-chini-celo-bogatstvo/?fbclid=IwAR0OlllABAmk9NM1r5957ILLc2TJIAOPXdAmvP6YkQ5k2t5nANj_YswgU48 - https://plusinfo.mk/poskapuvaat-pasoshite-lichnite-karti-i-vozachkite-dozvoli-vade-eto-dokumenti-po-itna-postapka-e-ve-chini-celo-bogatstvo/?fbclid=IwAR0OlllABAmk9NM1r5957ILLc2TJIAOPXdAmvP6YkQ5k2t5nANj_YswgU48

-------------
Carpe diem


Posted By: stef4o
Date Posted: 29-Mar-2023 at 17:49
(ВИДЕО) Сите прашања и неколку одговори за менувањето на табличките и личните документи поради новото уставно име

[tube]rq5drqAImjA[/tube]

https://360stepeni.mk/video-site-prashana-i-nekolku-odgovori-za-menuvaneto-na-tablichkite-i-lichnite-dokumenti-poradi-novoto-ustavno-ime/ - https://360stepeni.mk/video-site-prashana-i-nekolku-odgovori-za-menuvaneto-na-tablichkite-i-lichnite-dokumenti-poradi-novoto-ustavno-ime/

-------------
Carpe diem


Posted By: stef4o
Date Posted: 08-Aug-2023 at 11:05
ЗА КРАЈ НА ОКТОМВРИ Е ПРВИОТ СЛОБОДЕН ТЕРМИН ЗА ЗАКАЖУВАЊЕ ЗА НОВИ ПАСОШИ, ЛИЧНИ КАРТИ И ВОЗАЧКИ СО „СЕВЕРНА“ ИЛИ „НМК“

Повикувачкиот центар на МВР за закажување термин за лични документи е пребукиран, но операторите се јавуваат по упорно вртење од неколку пати. Првиот слободен термин што можеше да се фати денеска, е околу 20 октомври. Во Министерството за внатрешни работи велат дека вака е секое лето, но додатно сега е и поради тоа што за 6 месеци истекува рокот на документите со името Република Македонија.

„Она што е факт е дека во овој летен период е драстично зголемен обемот за вадење лични документи, на кој дополнително влијае и назначениот рок за замена на постоечките лични документи, согласно уставните измени. Тој рок истекува во февруари 2024 година, до кога согласно законските прописи, мора да се променат личните документи (пасоши, лични карти, возачки дозволи) без оглед на роковите на нивна важност. Секој граѓанин може да закаже термин телефонски или електронски, а МВР максимално искористувајќи ги сите капацитети, работејќи и за викенди и за празници, ги презема сите мерки за граѓаните навремено да ги добијат своите документи“, уверуваат од МВР.

По три вртења на броевите за закажување на термини се јави телефонската операторка, која прво праша за колку лица се бараат термини и дали се од исто семејство. Тоа е важно за да сликањето да биде во исто време (еден по друг), а не членовите на едно семејство да доаѓаат секој во различни денови или часови. Потоа прашуваат каде сакате да ги вадите новите лични документи.

Натаму, следува прашање – кои видови на лични документи треба да ги замените, т. е. да извадите нови, бидејќи годинава оние што ваделе лични карти, возачки дозволи, пасоши, нови сообраќајни дозволи и нови регистарски таблички, веќе ја имаат додавката „Северна“ во името на земјата, односно ознаката „НМК“.

Потребно е уште пред да почнете да вртите на пребукираните телефонски линии да ги имате пред себе вашите лични документи, како и тие на децата, за да ги дадете на операторот името, презимето и матичниот број. Оттаму ви укажуваат прецизно да запишете: датум, час, кабина за фотографирање за секого поединечно, ако се јавувате за повеќе членови од семејството.

Во позадина гласно зборуваат уште 11 оператори, па треба внимателно да се сослушате со вашиот, кога ги зема податоците од вас.

Не функционира закажувањето преку електронска пошта.

Македонските граѓани од странство може да се јавуваат на економскиот оператор од надвор, а закажувањето е исто како преку овдешните линии. А ако не сакаат тука во Македонија да обновуваат лични документи, може тоа да го сторат во странство преку амбасадите кои имаат базни станици каде што може да се сликаат.

Вака ќе биде цело лето, ќе се работат и саботи и недели, и празници, вели МВР. Огромен е напливот за закажување термини за нови лични документи, граѓаните се исплашени дека нема да стасаат да ги сменат своите лични карти, пасоши, возачки, таблички, и оти ќе плаќаат казни, а без нови пасоши нема да мрднат од државава после февруари.

Во редакцијата САКАМДАКАЖАМ.МК се јавуваат или пишуваат е-пошта револтирани граѓани кои тврдат дека системот за закажување термини во МВР не работи. Дури се сомневаат дека во моментов може да се закаже само преку врски.

„За закажување термин за аплицирање за лични документи, а по направените проверки, ве информираме дека не постои застој во нормалното функционирање – ниту на економскиот оператор кој што за сметка на МВР го сервисира повикувачкиот центар, односно неговите 12 повикувачки линии, ниту пак во организационите единици при Одделот за граѓански работи, кои дневно примаат повеќе стотици апликации од граѓани за различни видови лични документи“, уверуваат од МВР.

До февруари 2024, граѓаните имаат законска обврска да ги сменат сите лични документи на кои наместо досегашното име Република Македонија, треба да стои новото име, кое произлегува од Преспанскиот договор со Грција, Република Северна Македонија.

https://sdk.mk/index.php/naslovna/za-kraj-na-oktomvri-e-prviot-sloboden-termin-za-zakazhuvane-za-novi-pasoshi-lichni-karti-i-vozachki-so-severna-ili-nmk/?fbclid=IwAR2_Gv2wPq-arn8Kfn1jVjR8lVpk9S1stzgBh-hds6ACLltG4HYijzKYnAk - https://sdk.mk/index.php/naslovna/za-kraj-na-oktomvri-e-prviot-sloboden-termin-za-zakazhuvane-za-novi-pasoshi-lichni-karti-i-vozachki-so-severna-ili-nmk/?fbclid=IwAR2_Gv2wPq-arn8Kfn1jVjR8lVpk9S1stzgBh-hds6ACLltG4HYijzKYnAk

-------------
Carpe diem


Posted By: hcitrS
Date Posted: 26-Sep-2023 at 13:56
Originally posted by stef4o

(ВИДЕО) Сите прашања и неколку одговори за менувањето на табличките и личните документи поради новото уставно име

[tube]rq5drqAImjA[/tube]

https://360stepeni.mk/video-site-prashana-i-nekolku-odgovori-za-menuvaneto-na-tablichkite-i-lichnite-dokumenti-poradi-novoto-ustavno-ime/ - https://360stepeni.mk/video-site-prashana-i-nekolku-odgovori-za-menuvaneto-na-tablichkite-i-lichnite-dokumenti-poradi-novoto-ustavno-ime/



Во минута 8.01/09 во видеото, или Член 1, став 10, во самиот договор:
https://vlada.mk/sites/default/files/dokumenti/konechna_spogodba_makedonija_grcija.pdf#Question - https://vlada.mk/sites/default/files/dokumenti/konechna_spogodba_makedonija_grcija.pdf#Question

знае ли некој на што точно се однесуваат документите од „Политичкиот преоден период“ исклучиво за внтарешна употреба кои не мора да се менуваат?

И има ли некој некаква идеја зошто не ги вметнале и личните документи во „Политчкиот преоден период“, а.к.а. зошто не ги врзале и промените на личните документи со прогресот на преговорите со ЕУ? Чиста неспособност (највероватно) или „Другата страна“ била свесна за недогледноста на нашиот Еу пат?

Второ, би сакал да прашам ако има некој упатен во МВР/СВР прашања и биометрички документи, зарем има начин меѓунардоно да не важи некој документ кога неговата важност не истекла во согласност со испечатениот рок на важење? На пример, патуваш некаде и ти го скенираат пасошот, и при скенирање им излегва еррор дека „упс овај пасош е канселиран оти му фали Северна“? Не знам оти ама сѐ ми се чини дека не постои таков механизам кој меѓународно би ти го „исклучил“ пасошот, возачката итн.
Па и на домашно ниво, освен што државното има на документот нема да соодветсвува со официјалното, не разбирам како автоматски сѐ ќе изгуби важност. Пример одиш во банка, и ако службеникот визуелно не забележи дека горе го пишува старото име, не вервуам дека има друг начин да избие неговата „невалидност“. Бидејќи секако не вервуам дека државата има капацитет да ги извади од некоја датабаза сите возачки кои немаат „Северна“ на нив, тоа би било квантна физика.

Јас не би имал проблем да сменам документи доколку тоа го покрие државата, но да се оддавам од пари ради неспособноста на нашите „лидери“ и „институции“ - не планирам.


Posted By: hcitrS
Date Posted: 27-Sep-2023 at 13:08


За документи без „Северна“ казни нема, во банка може, ама пасошот само за дома

Уште пет месеци остануваат за граѓаните да можат да ги променат личните документи и да ја испочитуваат обврската за промена до февруари 2024 година. Ова задолжение го наметна Преспанскиот договор потпишан меѓу Македонија и Грција на 17 јуни 2018 година и според него новите документи мора да бидат со уставното име Република Северна Македонија, а тоа ќе значи и дополнителни трошоци за граѓаните. Официјалниот одговор што МКД.мк го доби во врска со промена на документите е дека никој нема да е казнет ако не направи замена, а тие се уште се важечки. Со лична карта без „Северна“ во банка ќе може, ама со пасош со „Република Македонија“ нема да може да се патува.


Министерството за внатрешни работи нема да казнува, ама сепак патните исправи на граѓаните нема да важат ако сакате да излезете надвор од државата. Тоа значи дека ако не смените пасош до февруари 2024 година, од овој термин па натаму нема да може да поминете на ниту еден граничен премин и пасошот со „Република Македонија“ ќе ви биде буквално само за дома.

Според досегашните решенија со личната карта на која пишува „Република Македонија“, а не „Република Северна Македонија“, а која по датум е се уште валидна, ќе може да поминете на границите кон Албанија, Црна Гора и Босна и Херцеговина, освен ако во меѓувреме не се донесат поинакви решенија.

Редакцијата на МКД.мк контактираше и неколку банки од каде го добивме истиот одговор, дека за на шалтер во банките во земјава ќе може да ги добиете истите услуги како и досега, односно да си извадите пари, да аплицирате за кредит, да си префрлите пари... ако имате валидна лична карта со датум кој не е истечен, а на која пишува „Република Македонија“, а не „Северна“.

„За нас валидни документи се оние кои се издадени од МВР и кои имаат важечки датум. До сега нема никаква поинаква одлука или наложување од Народна банка и се додека е така за нас ќе важат оние документи кои граѓаните ги имаат, а на кои нема изминат датум на важност“, ни одговорија од неколку банки.

И од МВР за МКД.мк официјално одговорија дека казни за непроменет пасош, лична карта или возачка дозвола нема да има и додаваат дека се користат сите капацитети и граѓаните може да закажат и да си направат промена на документите.

„Со промената на името на Република Македонија во Република Северна Македонија Министерството за внатрешни работи отпочна со активности за усогласување на законските и подзаконските акти со Амандманските измени на Уставот, за да може да се изврши набавка на сите обрасци со новото уставно име. По завршувањето на процедурите се изврши набавка од страна на министерството и е отпочнато со издавање на нови лични документи. Што се однесува до Вашето прашање дали ќе има казни за оние кои нема да ги променат документите по февруари 2024 година Ве известуваме дека МВР ги користи сите капацитети за граѓаните да добијат документи, а доколку некои од граѓаните не ги променат документите нема да има казни за тоа“, одговорија од МВР за МКД.мк.

И министерот за внатрешни работи Оливер Спасовски неодамна изјави дека нема да има никакви казни за граѓаните кои до февруари 2024 нема да ги сменат личните документи со „Северна Македонија“.

„Секако дека фреквенцијата е зголемена, но тоа не е случај само оваа година, туку беше и минатата. Ако направиме споредба, до 2019 година најголемата побарувачка била во јуни, јули, август и таа не надминувала повеќе од 22-23 илјади барања за промена. Минатата година за истиот период имавме околу 50.000 барања за промена на лични документи. Како што наближи летото и годишните одмори, има и зголемена фреквенција. Во овие денови барањата опаѓаат. Никој нема да биде казнет ако до февруари не извади документи со новото име на државата“, рече Спасовски кон крајот на минатиот месец.

Обврската за промена на личните документи до февруари 2024 година со уставното име Република Северна Македонија произлегува од Преспанскиот договор потпишан меѓу Македонија и Грција на 17 јуни 2018 година.

Трошоците за промена на овие документи кои се зголемени, паѓаат на товар на граѓаните.

                                                                                                                                         Катерина Додевска

Извор: https://www.mkd.mk/node/526194 - https://www.mkd.mk/node/526194


Posted By: Џоле
Date Posted: 27-Sep-2023 at 15:20
Мене личната карта ми истекла во март, а забележав дури во јуни, кога вадев пари од банка. Извадив нова во август, а се пријавив на почетокот на јуни.

Возачката дозвола ми истекува април 2024.

Пасошот, за жал, ми е нов (пред 2-3 години), но ќе мора да сменам зашто секако планирам да шетам и догодина во странство.

-------------
За сè има вторпат


Posted By: beTon
Date Posted: 27-Sep-2023 at 16:25
Навистина не разбирам зошто ваква неодговорност!, единствено логично ко носталгија и до последен миг сочувување на она што ни било национален амблем од Државно Име ... но, реалноста ни ет таква каква ни ет, Секоја Чест за оние македонци кои од протест нов пасош нема да земат!, но оние пак кои сакаат мораат или треба некако од тука да излезат а ете склет им ет географски жигната Македонија в пасош логично ет да с направат навлака каде се' што е вишок бар за свои очи ќе маскираат подобно а при чекин на Табановце или Петровец ќе му остават на цариНикој да извади стаи футролата пред да помине документо на скенер!

не дека со ова сакам да ги амнестирам от неуставна одговорност удбалитичарите, но додека легалистички некогаш се испегла ваквата недоносеност от "државничко" самоволие а заради икс евроатланско пенетрирачки околности, навистина не гледам друг начин него самоцензура т.е. во случајов самокамуфлажа!,мислам која е поентата да се припаѓа во транс а не пак да се шириомраза бидејќи некој некако си ја истерал, дај веќе еднаш помирете се дека ова ет минлив свет и не е суштно да се фокусира Чоек на земни есхатони ко концепт нација небаре истите вечност ќе довлечкаат, особено што истите се енлајтмент (читај луциферијански) идеал от стандардизација [ https://historum.com/t/nationalism-and-its-goals.187222/ - 1 ][ http://www.build.mk/forum/forum_posts.asp?TID=4575 - 1 ] иако не треба ни да се бидне рамнодушен кон таквата реалност но да си изгориш душа колнејќи удбалитичари зошто нешто си истерале како им заповедале тоа ет навистина трагично од Христијански аршиН!

Простете за дигресииве, чисто ги пуштив ем за да си оправдам односно објаснам својата одлука да иако не се согласувам со ваквата реалност сепак требајќи ми документ уште пред година и кусур си обновив се' a сигурно многу сеуште тилтаат дали тоа да го сторат, што единствено ет разбирливо ко утеха дека и така понадвор особен аир нема да видат освен евентуално материјалистички но повторно доколку се спремни на робајла идеализам бидејќи ко нагости дури и да можеш да си праиш што сакаш каде сакаш пак ќе налеташ на некој малџија кој ако му се сони наопаку ќе те гламноса културно, но што велиме и огламник да ти клаат помалку боли негоако ет от својо!, евентуално не бев спремен на такво нешто доколку сум уценет со то нивната експериментална вакцинација!, но ај тука остани, та доколку има маса Асли Македонци би предложил бујрум топтан 100k 200k 300k повелеле сите в Русија бар таму ќе добиеме Регион па и Република Македонија ... та помирете се за сега со ваквата реалност наместо насила себе да се саботирате заради дадени уставни фрустрации!, бар не ги малтретирајте сите околу себе колку биле одродени зошто сервомаусдонски прифатиле да ги возат својте аги или от спунт нивните мецени!, треба едноставно да се разбере некогаш ко јужни пелазгијци сме биле на врво на тркалото а сега на дното, та што очекуете да ви биде норма в реалност каде римските внуци сега се клацкаат сеуште на постојнио цивилизациски врв!?, капак во нивни калап от нација сте се заглаиле ем в нивни преси бркате иднина!, та или помирете се со постојните околности или барајте другде поубо!, конечно доколку небесните идеали ви се императив во живот ќе ви бидне инстант јасно дека во Христијанство Мачеништво ет по дифолт норма чим си заглаил в неопаганска цивилизациско-политичка реалност!, баш ко и што ни имаат предочено многу Светители дека во последните времиња (исто ко и на почетокот) Христијаните а особено ако се Православни та држат цврсто до традицијата и не се спремни на глодализирачки компромиси дефакто ќе будат прогонувани!, та Трпете без никого да омразите, воисто време должни сте на ризиците да предупредите, но не и насила некого да го менувате!, просто делувајте Смиреноумно ...



Posted By: stef4o
Date Posted: 03-Jan-2024 at 19:22
Граѓаните се бесни оти со часови чекаат да се фотографираат за промена на лични документи

[tube]3yjspTugXHA[/tube]

Некој си земал гајба, друг си донел столче, трети си фатиле место на клупа, а сите останати ќе си бараат лек за болка во нозете, оти со часови чекале да се фотографираат за промена на лични документи.

И годинава, се повторува сценариото од претходната, пред полициската станица Пролет. Граѓаните се бесни што и денеска долго чекаат да си ги завршат обврските. Има и такви што утрово дошле да си фатат ред од 3 ипол часот.

Вратата се отвора на околу еден час, тврдат граѓаните.

Но редиците не завршуваат овде, откако ќе се фотографираат ќе мора да го поминат и редот за подигнување на готови документи. И пред овие шалтери уште во раните утрински часови се чекаше за подигнување на готовите документи.

Граѓаните се обврзани да ги сменат документите до февруари годинава. Од МВР се децидни дека ги преземале сите мерки за граѓаните навремено да ги добијат своите документи.

„Ве известуваме дека МВР ги користи сите капацитети за граѓаните да добијат документи, а доколку некои од граѓаните не ги променат документите нема да има казни за тоа. Министерството за внатрешни работи, подрачните единици за Управни работи имаат капацитет сите граѓани што имаат претходно закажан термин да ги услужат и да ги примат нивните барања за лични документи. Исто така и пунктот во ПС Пролет, каде граѓаните на Скопје без закажување на термин можат да се фотографираат за нови лични документи“, изјавија од МВР за Сител.

https://sitel.com.mk/gragjanite-se-besni-oti-so-chasovi-chekaat-da-se-fotografiraat-za-promena-na-lichni-dokumenti - https://sitel.com.mk/gragjanite-se-besni-oti-so-chasovi-chekaat-da-se-fotografiraat-za-promena-na-lichni-dokumenti

-------------
Carpe diem


Posted By: beTon
Date Posted: 03-Jan-2024 at 23:04

нек не падавичарат туку нек се радуваат што сеуште може ред да чекаат!, бидејќи другио крај на стапо е жигосани трајно та документо в глава да им ет!, на страна што сами си се криви зошто до последен миг чекале за документ да си обноват!, капак неблагодарни што не се казнети зошто во 5 до 12 прават гужви!, од овој аспект она што е логично сега да се стори ет да се има осет за Деца Стари и Немоќни Сограѓани та ним не столче на преклоп ами подома да одат да ги сликнат ако сакаат, а дека има за тоа технички услови во овој век има, но кој да му текне така да олабаи хистерија, нели тоа далеку поголеми гајрети правилно не се амортизираат кога ќе се појават (во постојнио каков таков функшнл дисфункшнл систем) а не пак ваков!

некоја добра пракса за во иднина би било ова некако општински да се регулира, пр. доколку се случи еВОС (вистински отворено општество), при што секоја општина ќе мора да издава Логин и Пасворд за Општински Институционални еФоруми, што логично за да не се случува калакурница ем да се изескивираат ризици од склет агитпроп инфилтрации таквите еФорумски Акредитиви би можело општинска подружница на МВР да ги издава, а така да се отвори простор за просторија за поднесување барања и фоткање за Лични Документи!, бонус би било што ето од спунт и МВР би било присутно по општинските анои, та може тогај ќе се потприберат општинари и посовесно ќе си ја работат својата работа!, бреј да можеш дури и официјално за неажурност или дрскост инстант така таму да пријавиш некој чалам од општинар та да имаш и три чисти од корпус деликти доколку се згнеш на Суд да бараш регулаторно гилотинска правда!, ех ако им е мила работа а за да не си губат време по судои таквите евентуални ризици од можеби терсене Сограѓани ќе мора да ги ресетираат со барање за официјално поставена државно баждарена камера во својта канцеларија, воедно добар начин и Суд да не си губи време ами од старт во некоја комисија да се провери основа на парница доколку постојат снимки од инстутиционални канцелариски камери!, па сетне да видиш кој ќе се нафати да работи несовесно и дали нема брзо да се ресетира административен нишај врата земја плата келепурлук!, конечно оној кој се одважил за Народ во Служба да влезе ова треба да му ет и потреба заради кураж за што поголема агилност!

но каде како кој да биде агилен кога ни колегијалност не ет на ниво, туку од разноразни ситнопаланечки сеири заради партиска подобност, мнозина иако колеги па се саботираат, онака културно развлекувајќи ја задолжителната соработка, а сигурно постојат и сиктер суетни гачки кои на ова влијаат!, та зато мора Свест дека еАлатка како затворен дел од Општински еФорум а заради внатреинституционална соработка мора да е норма!, како поинаку утре нововработен да превземе брзо одговорност а не ни може да воочи со какви гајлиња колегите му терале претходно, што доколку постои ваква алатка дефинитино како појава ќе бидат на ачик извадени во некој дел од внатре-институционална затворената категорија на Општинскио еФорум пр. во подфорум Технички Услови за Работи пуштена нишка за Канцелариско Осветлување каде пријавил гласно до сите некој вработен Ало Некој Глушец Оголил Жиците На Продолжнио Кабел, а што би било иснтант поука ето нововработенио да припази околу себе дека и такви работи таму се возможни, та нели со нозе ако не ракаици да проверува кабли мислам банализирам ама и такви нешта ќе им помогнат поефективни да бидат, а не пак подфорум Правни Парадокси каде пр. во нишка за Тродуплирани Институционални Ингеренции некој од сектор Паркови и Зеленило потпраша гласно Ало Некое Суво Дрво Не Може Со Месеци Да Се Исечи бидејќи не биле за таков потфат екипирани општинските хортикултурџии та морало Градо да се ангажира но кој каде кога тоа да го дочека!, имам лично таков фамилијарен проблем и што да кажам евен веќе 4-та година чинам пак не е излезено на терен а пријавено 10-тина пати значи два пати годишно во просек, ем уште во општина Аеродром имаме отиде неколку пати, и пак бе тежок келепурлук!, ги прашувам кого да тужам утре ако биднам потепан од некоја гранка, а тоа не знаеме ние не сме одговорни, небаре живејам ја на марс така!?, смешното што истиов гајрет го имаат и други Сограѓани та бар самите да можат тоа да го издебатираат на Општински еФорум јавно, додека во затворени дел нек си се договорат општинарите кој што ќе оправа и од таквите тродуплирани ингеренции ќе бара до власта јасно да зацрта подзаконски акти кој кога како мора да делува од службите за да се сервисираат основните проблеми во Општината навреме, ако не друго!


Posted By: PepiAn
Date Posted: 15-Jan-2024 at 14:10
Добар ден на сите членови!

Сакам да ве замолам за информација. Дали некој има информација дали може да се патува со стар македонски пасош во Фебруари, од ЕУ назад во Македонија?
од Амбасада велат дека најверојатно може но не повтрдуваат со сигурност

Ви Благодарам однапред на одговорот


Posted By: hcitrS
Date Posted: 11-Feb-2024 at 16:09
Originally posted by PepiAn

Добар ден на сите членови!

Сакам да ве замолам за информација. Дали некој има информација дали може да се патува со стар македонски пасош во Фебруари, од ЕУ назад во Македонија?
од Амбасада велат дека најверојатно може но не повтрдуваат со сигурност

Ви Благодарам однапред на одговорот



Јас како што разбрав од медиуми за враќање нема проблем за влез, ама за излез можи да е потешко. Се споменување некој документ од амбасада дека треба да се извади

-------------------------------------------


Патем и јас имам прашање ако веќе некој искусил: има ли реперкусии на граница за излегување од Македонија со странски пасош ако си МК државјанин?


Posted By: Џоле
Date Posted: 11-Feb-2024 at 19:02


Министерство за внатрешни работи

Соопштение

Министерството за внатрешни работи ги известува граѓаните дека од 00 часот на 13 февруари 2024 година, согласно веќе донесените законски измени, а во врска со Преспанскиот договор, престануваат да важат патните исправи со името Република Македонија и во важност ќе бидат само патните исправи со името Република Северна Македонија. Ги замолуваме граѓаните со стари патни исправи воопшто да не се обидуваат да излезат од нашата држава затоа што тоа нема да биде возможно. Граѓаните со двојно државјанство ќе можат непречено да ги користат патните исправи од другата држава. Исто така, потенцираме дека било кој граѓанин на Република Северна Македонија кој ќе дојде на граничен премин за влез во нашата држава, ќе биде примен без оглед на тоа со каква патна исправа доаѓа.

Што се однесува до личните карти, ги известуваме граѓаните дека тие ќе важат и по 13 февруари, без оглед дали се со името Република Македонија или Република Северна Македонија и граѓаните ќе можат да ги користат непречено на територијата на нашата држава. За излез, пак, од државата во земјите со кои имаме билатерални договори за патување со лична карта, граѓаните нема да бидат враќани од страна на нашите гранични полициски службеници доколку имаат лична карта со името Република Македонија, но не можеме да гарантираме дека ќе бидат примени од другите држави. Истото важи и за сообраќајните дозволи, како и за личните карти.

Околу возачките дозволи, ги известуваме граѓаните дека од 00 часот на 13 февруари 2024 година ќе важат само возачките дозволи со името Република Северна Македонија. Министерството за внатрешни работи ќе постапува согласно закон и затоа апелираме граѓаните да не управуваат возило доколку немаат валидна возачка дозвола со името Република Северна Македонија. Предупредуваме и дека во случај на настаната штета при евентуална сообраќајна несреќа, поради невалидната возачка дозвола, граѓаните кои немаат валидна возачка дозвола ќе мора да ги сносат последиците околу евентуалната штета.   

Во однос на налепниците НМК за регистерските таблички, повторуваме дека тие се комплетно бесплатни за граѓаните, а секоја евентуална злоупотреба односно било какво наплаќање ќе биде ригорозно санкционирано. Граѓаните можат во било која станица за технички преглед да отидат со возилото и сообраќајната дозвола и од страна на контролор од станицата за технички преглед ќе им бидат залепени налепниците на регистерските таблици.

https://www.facebook.com/mvr.gov.mk

-------------
За сè има вторпат


Posted By: hcitrS
Date Posted: 11-Feb-2024 at 22:24
Алал да ти е, браво! Фала!


секогаш заборавам дека ФБ е главен административен портал и алатк за државните институции



Print Page | Close Window