Print Page | Close Window

Комплекс Гранд спроти Холидеј Ин-Центар

Printed From: build.mk
Category: Главни теми
Forum Name: Проекти
Forum Discription: Административни, станбени, резиденцијални...
URL: http://www.build.mk/forum/forum_posts.asp?TID=3988
Printed Date: 17-Jan-2022 at 17:23


Topic: Комплекс Гранд спроти Холидеј Ин-Центар
Posted By: stef4o
Subject: Комплекс Гранд спроти Холидеј Ин-Центар
Date Posted: 02-Nov-2018 at 16:58
Се уриваат бараките кај Дрво Декор (фото)

Бараките кај Дрво Декор во моментов се уриваат. Овие бараки се сопственост на АД за стопанисување со станбен и деловен простор на РМ и во нив досега под кирија беа сместени “Јаца инженеринг”, Такси “ИН” и кафеаната “Македонска куќа”.
Кираџиите рекоа дека решението за исселување им било дадено минатата среда со рок да ги исчистат просториите во рок од 8 дена, што тие тоа го сториле заклучно со вчера, по што денеска започна уривањето.

Тие велат дека просторот со бараките и паркингот, АД за стопанисување со станбен и деловен простор на РМ го продале на “Фешн груп” кој тука, од пролет, ќе почне да ги гради висококатниците.
Од уривање, сега-засега се спасија киосците од левата страна на улицата со калдрма спроти Дрво Декор. И тие ќе бидат урнати напролет.





%20 - https://skopjeinfo.mk/se-urivaat-barakite-kaj-drvo-dekor-foto



Replies:
Posted By: Glava
Date Posted: 17-Nov-2018 at 11:51
Се борува дека плацот кај паркингот кај Холидеј Ин во центарот на Скопје е веќе купен од Балфин Груп (Нептун т.е. истиот албанец што го гради Skopje East Gate).
Дека веќе е договорено изградба на 4 згради од по 25 ката.

https://lider.com.mk/skopje/bogdanovikj-nema-da-se-gradi-zgrada-na-parkingot-sproti-holidej-in/

https://vecer.press/%D1%81%D0%BF%D1%80%D0%BE%D1%82%D0%B8-%D1%85%D0%BE%D0%BB%D0%B8%D0%B4%D0%B5%D1%98-%D0%B8%D0%BD-%D1%9C%D0%B5-%D1%81%D0%B5-%D0%B3%D1%80%D0%B0%D0%B4%D0%B0%D1%82-%D0%B7%D0%B3%D1%80%D0%B0%D0%B4%D0%B8-%D0%BD/


Posted By: IN_MOTION
Date Posted: 17-Nov-2018 at 16:23
Според катастар, земијиштето гласи на Фешн груп.


Posted By: Cloverstack
Date Posted: 17-Nov-2018 at 16:45
Значи сепак е Самир Мане, обете се негови фирми.


Posted By: alexsend
Date Posted: 17-Nov-2018 at 17:44
Во Фешн нели треба да е и Ален Теранова и Камчев

-------------
Јас Скопје никогаш не сум го замислувал вака.


Posted By: Џоле
Date Posted: 17-Nov-2018 at 18:12
Тука веќе урнаа некои бараки (мислам дека беа на една такси компанија), отстранети се рампите и сега не се плаќа за паркирање, веројатно ќе го заградат просторот деновиве.

-------------
За сè има вторпат


Posted By: stef4o
Date Posted: 17-Nov-2018 at 18:17

Вчера поминував оттука,паркингот веќе не се наплаќа,бараките кај дрводекор ги урнаа уште пред 10-тина дена инаку таму беа сместени In Taxi.Само мислам дека ќе се јави голем недостиг на паркинг простор бидејќи овој постоечкиов кој сакаат да го претворат во градежна парцела има капацитет од околу 500 возила.


Posted By: stef4o
Date Posted: 20-Dec-2019 at 17:45
Кај Дрводекор се прават испитувања,тука беа најавени 60-катниците но деталниот отиде на ревизија ќе видиме што одлучиле...



https://www.facebook.com/centarsakadadishe/


Posted By: alexsend
Date Posted: 22-Dec-2019 at 12:24
Од нереалните 60 на 40

-------------
Јас Скопје никогаш не сум го замислувал вака.


Posted By: Staro Skopje
Date Posted: 15-Feb-2020 at 19:49
Originally posted by xnx

https://www.slobodenpecat.mk/metropola/po-initsijativata-na-sloboden-pechat-prostorot-sproti-holidej-da-stane-zelena-oaza-se-oglasi-investitorot/

06-Dec-2018

Ова го вели Зоран Антиќ, во чија сопственост е просторот спроти „Холидеј ин“, на кој сега има паркиралиште и многу супстандардни објекти. Ексклузивно за „Слободен печат“, весникот што поведе иницијатива на овој простор да никне парк, Антиќ организираше мала презентација на своите градителски намери за овој простор. Засега, станува збор само за негови идеи, кои за три до четири месеци странски архитекти ќе ги преточат во конкретен идеен проект.

Што бидна со ова?

-------------
Градот убав никна, но го откорнаа


Posted By: stef4o
Date Posted: 15-Feb-2020 at 21:39

Seušte nema ništo novo. Ovoj del e pod moratorium i najverojatno ke se realizira proektot no so pomala katnost (ako voopšto toa e celta na moratoriumot). Mislam deka ne treba mnogu da se odolgovlekuva procesot na urbanizacija na ovoj del osobeno na delot od Novo Maalo okolu Tikveš kade ima mnogu poluraspadnati kuki i kal do kolena srede centar...


Posted By: stef4o
Date Posted: 10-Apr-2021 at 17:19
Висококатници ќе се градат кај „Холидеј Ин“ – преовлада интересот на инвеститорите

Фамозната локација кај „Холидеј Ин“ конечно ќе добие некаква разрешница. Се најавуваа облакодери, а овде сè уште функционира паркинг просторот.

За колку долго – сè уште не се знае. Информациите се дека инвеститорите уплатиле одредена сума за комуналии и дека овде сепак ќе никнат бетонски чудовишта.

Наспроти реакциите на јавноста дека под ударот на градежната механизација ќе се изгуби и последниот слободен простор во центарот на градот, реагираат и архитектите. Висококатници овде можат да донесат проблеми и предизвици за понатамошното градско функционирање.

[tube]7xdGv2wnNcQ[/tube]

%20 - https://telma.com.mk/2021/04/10/висококатници-ќе-се-градат-кај-холиде/


Posted By: stef4o
Date Posted: 11-Apr-2021 at 11:34
Онлајн петиција: НЕ за изградба на нехумано голем објект на паркингот пред „Холидеј Ин“

Низ социјалните мрежи почна да се шири онлајн петиција против изградба на висококатници на парцелата спроти хотелот „Холидеј ин“ во централното градско подрачја на Скопје.

Во петицијата стои дека проектот е предвидено да се реализира во три фази. Во првата фаза изградба на станбен објект со 20 ката и височина од 80 метри, на парцелата на МПЦ. Во втората фаза изградба на станбено-деловен објект со 22 ката и височина од 15 и 88 метри. Во третата фаза – изградба на трговски центар од затворен тип со височина од 15 метри и деловна зграда – кула со 16 ката и височина од 76,5 метри.

„Планот за оваа локација не предвидува зелен простор од 20 отсто во парцела согласно Законот за урбано зеленило, а несоодветно е решено и движењето на пешаците. Не се знае како ќе се обезбеди заштита на кејот на рекава Вардар односно отвореноста на реката кон просторот. Нејасно е како ќе се обезбеди движење на огромниот број возила по постојните сообраќајници. Се отвораат и прашањата како ќе се зачува јавниот простор и зеленилото? Дали за жителите во истата градска четврт ќе може се обезбедат пристојни услови за живот? Дали комуналните и други јавни сервиси ќе можат да ги издржат новите градби?…. Паркингот ќе стане еден од најгусто населените делови од светот. По одлуката на Уставниот суд за укинување на мораториумот во Центар и очекуваната уплата на комуналиите, практично останува уште добивањето градежна дозвола, по што ќе започне изградбата на висококатници спроти хотелот ‘Холидеј Ин’“, стои во петицијата.

На потегот кај огромниот паркинг спроти хотелот, во ДУП „Градска четврт Ц 08 – Ново Маало 2“ првично беа нацртани три 60-катници, поврзани со 20-катници.

„Иако е неспорен јавен интерес, надлежните сега јавно не соопштуваат што точно ќе се гради и како треба да изгледа овој дел на градот. За оваа локација се поврзува и скандалозниот предлог од планерската куќа „Билд урбан“, кој како што пишуваше „Сакам да кажам“ предвидувал изградба на градинка под земја, што децата осум часа би ги оставил без свеж воздух, а инвеститорот би добил повеќе простор за згради и деловни објекти. Според оваа верзија, на локацијата би се граделе шест кули со висина од 25 до 30 катови. ДУП за градска четврт Ц 08 до последната одлука на Уставниот суд беше ставен под мораториум. ДУП-от не е усогласен со повисокиот Генерален урбанистички план на Град Скопје, донесен на 4.12.2012 година со важност до 2022 година. Според направени пресметки, овој ДУП за 8,8 пати ги надминува параметрите на ГУП-от во однос на површината за домување и бројот на жители. Планот предвидува 200.000 квадратни метри развиена површина за трите парцели, а според она што е замислено за домување, таму би имало најмалку 11.000 жители“, се вели во петицијата.

https://skopjeinfo.mk/onlajn-peticija-ne-za-izgradba-na-nehumano-golem-objekt-na-parkingot-pred-holidej


Posted By: stef4o
Date Posted: 12-Apr-2021 at 11:40
МГ Фешн: Кај Холидеј Ин ќе се гради модерен комплекс со многу зеленило, а не 60 катни облакодери

рбан и зелен комплекс и објекти со тројно намалена катност се проектира за просторот кај Холидеј Ин, јавна презентација на проектот се планира следната недела, визуелизациите кои се споделуваат на интернет се неточни, реагираат од компанијата МГ Фешн, откако на социјалните мрежи почна да кружи онлајн петиција против израдба на висококатници во центарот на Скопје.

Во продолжение информацијата од МГ Фешн интегрално:

„Со оглед на фактот што во медиумите во континуитет се споделуваат макети – разни визуелизации на проектот кој е предвиден да се гради на парцелата спроти Холидеј Ин, а дополнително на социјалните мрежи почна да циркулира онлајн „Петиција против изградба на висококатници на парцелата спроти Холидеј Ин“ сакаме да ја информираме јавноста дека работиме на подготовка на презентација на проектот кој во текот на следната недела ќе го претставиме на организиран настан со медиумите.

На презентацијата точно, вистинито и целосно транспарентно ќе информираме за отпочнување на процесот на изградба на комплексот. Визуелизациите кои се споделуваат на интернет и со кои се подгрева отпор кон проектот ни одблиску не кореспондираат со реалниот проект, неговата вистинска слика и вредност.

Сосема спротивно на она што се споделува, станува збор за модерен, целосно еколошки и енергетско ефикасен проект, изработен според највисоки еко стандарди и согласно сите законски прописи во земјата.

Наспроти 60-катните бетонски облакодери за кои претходно се информираше во јавноста, а кои воедно ги дозволува актуелниот ДУП за Градска Четврт Ц08, предвиден е урбан комплекс со многу јавно зеленило и објекти со тројно намалена катност од дозволената, каде ќе се применат најсовремени материјали и дизајн, достоен за 21 век.

Остануваме достапни и целосно отворени за соработка со медиумите. Во интерес на фактите и вистината, да ја информираме јавноста за комплексот онаков каков што тој навистина ќе биде“, се вели во соопштението од МГ Фешн.

%20 - https://plusinfo.mk/mg-feshn-ka-holide-in-e-se-gradi-moderen-kompleks-so-mnogu-zelenilo-a-ne-60-katni-oblakoderi/


Posted By: stef4o
Date Posted: 12-Apr-2021 at 14:37
АКО ЗГРАДИТЕ СЕ СПОРЕД ДЕТАЛЕН ПЛАН И ЗАКОН СЕКОЈ ТРЕБА ДА ДОБИЕ ДОЗВОЛА ЗА ГРАДБА, РЕЧЕ ЗАЕВ ЗА 20-КАТНИЦИТЕ КАЈ „ХОЛИДЕЈ ИН“ ВО СРЦЕТО НА СКОПЈЕ

Премиерот Зоран Заев смета дека трите згради од 15, 20 и 25 ката во најстрогиот центар на Скопје, на паркингот кај хотелот „Холидеј ин“, треба да се градат ако се предвидени со Детален урбанистички план (ДУП) и се согласно законите. Заев, одговарајќи на новинарско прашање во однос на реакциите на граѓаните за најавената градба на 20-катници од фирмата „МГ Фешн“ и Македонската православна црква, рече дека инвеститорот има право да добие дозвола за градба.

„Секоја реакција на граѓаните е вредна за размислување, но и почитувањето на законот и Уставот е вредно за почитување и размислување. Ако наш сограѓанин добил одобрение за градба треба да се види дали решението е согласно Деталниот урбанистички план и Генералниот урбанистички план, како и според одредбите на Законот за градба и Законот за урбанистичко планирање. Ако се нарушени одредбите од овие закони не треба да се дава одобрение за градба, но ако се исполнети секако дека треба секој да го искористи уставното и законското право да добие дозвола за градење“, рече Заев на прес-конференцијата во Собранието за партиските преговори за Законот за државјанство.

Заев кажа дека оваа Влада, со цел да се намалат мегаломанските градби, донела нов Закон за урбанистичко планирање со кој паркирањето мора да е во рамките на парцелата и во неа треба да се обезбеди најмалку 20 отсто зеленило.

„Градоначалникот Богдановиќ ме информираше дека предвидено е двојно повеќе зеленило од она што го пропишува законот. Ако сакаат поголема катност треба да копаат повеќе од три нивоа под земја. Тоа на никого не му се исплати и затоа сега немаме мегаломански градби за што реагираа граѓаните“, додаде Заев.

Инвеститорите, фирмата „МГ Фешн“ и Македонската православна црква преку фирмата „Обновители“, платија комуналии во висина од 150 милиони денари или 2,43 милиони евра и тоа 60 отсто на Град Скопје (1,4 милиони евра) и 40 отсто на Општина Центар (1 милиони евра). Претходно, Општина Центар им го одобри идејниот проект за објектите. Со тоа, сега останува уште инвеститорите да поднесат барање за добивање градежна дозвола и потоа слободно можат да градат на овој последен слободен простор во центарот на Скопје, што е на околу 200 метри од Собранието.

Инвесторите ќе немаат никакви пречки да добијат градежна дозвола бидејќи веќе на сила не е мораториумот, и тие барањето ќе го достават врз основа на стариот Детален урбанистички план (ДУП), кој дозволува на овој простор да се градат 60-катници.

Сопствениците на просторот кај „Холидеј ин“, фирмата „МГ Фешн“ и Македонската православна црква преку фирмата „Обновители“, најпрво располагаа со површина од 4.605 метри квадртани кои ги купија од физички лица и со тоа се стекнаа со 30 проценти од градежната парцела. Потоа во 2018, кога на сила беше мораториумот за градба, од Министерството за транспорт и врски кога министер беше Горан Сугерески од СДСМ, го купуваат државното земјиште на овој простор со површина од 9.048 метри квадратни метри по цена од 312 евра за квадрат. Со тоа му се даде можност на инвеститорот да поседува поголем дел од просторот и наместо тоа да биде државно земјиште со кое Општината можеше да прави што сака, сега е приватно и на него ќе се градат три згради.

%20 - https://sdk.mk/index.php/naslovna/ako-zgradite-se-spored-detalen-plan-i-zakon-sekoj-treba-da-dobie-dozvola-za-gradba-reche-zaev-za-20-katnitsite-kaj-holidej-in-vo-srtseto-na-skopje/


Posted By: Џоле
Date Posted: 12-Apr-2021 at 19:58
Предлагам да се отвори нова нишка, бидејќи проектов најверојатно ќе биде изграден

Во Топ Тема презентирана фотографијата со изгледот на зградите кај „Холидеј Ин“



Изгледот на зградите кај хотелот Холидеј Ин за прв пат беше презентиран преку фотографија во Топ Тема на Телма.

Архитектот Мартин Пановски рече дека во зградата се предвидени 400 станови, во кои би требало да живеат 1.200 до 1.300 луѓе.

Граѓаните претходно започнаа петиција со која бараат стопирање на изградбата на висококатниците спроти хотелот Холидеј Ин, а дел од архитектите обвинија дека ќе биде изградено бетонско чудовиште.

Ахритектот Пановски тврди дека проектот е со пешачко движење, отворена комуникација кон плоштад и зеленило.

https://telma.com.mk/2021/04/12/%D0%B2%D0%BE-%D1%82%D0%BE%D0%BF-%D1%82%D0%B5%D0%BC%D0%B0-%D0%BF%D1%80%D0%B5%D0%B7%D0%B5%D0%BD%D1%82%D0%B8%D1%80%D0%B0%D0%BD%D0%B0-%D1%84%D0%BE%D1%82%D0%BE%D0%B3%D1%80%D0%B0%D1%84%D0%B8%D1%98%D0%B0/

-------------
За сè има вторпат


Posted By: IN_MOTION
Date Posted: 12-Apr-2021 at 20:01
Да и јас на тоа помислив. Зградиве се далеку од облакодери, а исто така пожелно би било да видиме и рендери без зеленилото односно како реално би изгледале зградите.


Posted By: MKDSTRUGA
Date Posted: 12-Apr-2021 at 20:03
Ako krajniot izgled e navistina vakov toa bi bilo odlicno za gradot skopje. TOa sto me plasi e sto namesto office se gradat rezidencijalni zgradi vo centarot na gradot... Sepak imam custvo deka ovie 3 zgradi najaveni od koj najgolemata 25sprata ja nema na renderot ke bidat solidni za toj del od gradot od vizuelen aspekt. No isto taka ke bidat samo 50% od se toa sto na krajot ke se izgradi tamu.


Posted By: alexsend
Date Posted: 12-Apr-2021 at 20:37
Ако изгледа вака ја сум за

-------------
Јас Скопје никогаш не сум го замислувал вака.


Posted By: doncho
Date Posted: 12-Apr-2021 at 21:26
Какви се очекувањата на народот? Парк да направат во најстрог центар? Има парк на 100м, жена парк. Според мене ова се би требало да се бизнис згради и нормално ао културно фино зеленило помеѓу итн.


Posted By: fichot
Date Posted: 13-Apr-2021 at 06:21
Градов го наполнија со неугледни „голубарници“ едни преку други, па сега се вреска и на нешто што бар просторно фино изгледа.

Мислам екстра ќе беше ако предвидеа и пешачки мост-спојка кон ГТЦ али веројатно не можат јер не е плански, а општинариве толку ги бива за да им текне на тоа.

edit: сега гледам во дупот дека е предвиден некаков надземен пешачки премин кон ГТЦ па можда и би го поврзале со новиот комплекс.


Posted By: doncho
Date Posted: 13-Apr-2021 at 07:26
Тоа си во право, за голубарниците. Особено како ова што изгледа, требаше да изгледа исто така цело Маџир Маало. Со ~20 катници интересен дизајн и повеќето деловни објекти. Фали модерен деловен парк.


Posted By: MKDSTRUGA
Date Posted: 13-Apr-2021 at 08:57
Originally posted by fichot

Градов го наполнија со неугледни „голубарници“ едни преку други, па сега се вреска и на нешто што бар просторно фино изгледа.

Мислам екстра ќе беше ако предвидеа и пешачки мост-спојка кон ГТЦ али веројатно не можат јер не е плански, а општинариве толку ги бива за да им текне на тоа.


Ma kakov most druze odma tuka pagja guskanje na gtc i slicni ceremonii. Mada ovie kompleksi tuka ke go spasat gtc koj seriozno zaostanuva so ponuda vo odnos na novite mallovi koj nadoagaat.


Posted By: doncho
Date Posted: 13-Apr-2021 at 09:42
На ГТЦ спас му е само да се реновира и да се претвори во стартап центар.


Posted By: MKDSTRUGA
Date Posted: 13-Apr-2021 at 11:03
Originally posted by doncho

На ГТЦ спас му е само да се реновира и да се претвори во стартап центар.


Ne e losa idea start-up centar plus biblioteki za studenti i del edukativen centar. Kako studentsko katche vo centarot na gradot plus noramlo moze del da ostane za komercijalna namena. I moja zelba a veruvam i na site Skopjani celiot krov da bide zelen ne samo terasiceto


Posted By: skopskodete
Date Posted: 13-Apr-2021 at 11:26
Еден зелен кров на ГТЦ и ете огромен парк во центарот на градот, а и таа идеја што тука на форумот беше изложена, за пазар, е исто така супер. Дури може пола парк, пола пазар, пак ќе биде супер.


Posted By: stef4o
Date Posted: 13-Apr-2021 at 11:41
АМАН ПОМОГНЕТЕ, НЕ МОЖЕ ОПШТИНА ЦЕНТАР САМА ДА СЕ БОРИ ПРОТИВ ЗГРАДИТЕ КАЈ ХОЛИДЕЈ ИН, ВЕЛИ ГРАДОНАЧАЛНИКОТ САША БОГДАНОВИЌ

Ако сите институции и судски органи си ја вршат работата за која земаат плата, многу работи ќе беа поинакви и немаше да се реализираат планови кои се спротивни на Генералниот урбанистички план, вели градоначалникот на Општина Центар Саша Богдановиќ по повод локацијата кај „Холидеј ин“ во најстрогиот центар на Скопје, каде што се предвидени три висококатници. Тој денеска побара помош од претседателската на Антикорупциската комисија Билјана Ивановска во спроведување на предмети поврзани со донесување на деталните планови, за кои Општината има почнато постапки, но со години никој не постапува по нив.

„Ако многу од тие предмети се решат во корист на Општината значително ќе се измени ситуацијата на одредени локации. Ако се докаже дека имало спорна продажба на земјиште, може да ја укинеме таа градба и просторот да се врати во првобитна состојба. За жал, цел овој период никој не мрдна за да се направи нешто. Од 2012 ние сме единствени кои нешто правиме. И другите институции да реагираа, многу работи ќе се сменеа. Ама еве, завршете си ја работата за која земате плата, за тоа што сносите одговорност. Ние покренуваме постапки, донесовме мораториум два пати. Јавно кажувам – аман за аман, преземете нешто. Значи имаме неусогласен план, ама ако некој не ги фати за гуша тие што го направиле и одобриле планот џабе расправаме сега“, рече Богдановиќ.

Во однос на парцелата кај хотелот „Холидеј ин“, каде се предвидува изградба на три згради од 15, 20 и 25 ката, Богдановиќ вели дека по укинувањето на мораториумот нема начин како да се стопира градење оти законот вели дека додека не се донесе нов план, на сила е стариот и по него мора да се постапува.

„Ние сме ги завршиле работите во рамките на нашите надлежности, сега мора да се вклучат и другите ако сакаат да ни помогнат. Во одлуката на Уставен суд стои дека новиот Закон за урбанистичко планирање е причина за укинување на мораториумот. Сега кој ќе понесе одговорност за тоа. Сите тие што се фалат дека учествувале во изготвување на законот денеска треба да си ја лупнат главата во ѕид и да кажат тоа што донеле нов закон, денеска не смее да имаме мораториум“, рече Богдановиќ.

Инвеститорите, фирмата „МГ Фешн“ и Македонската православна црква преку фирмата „Обновители“, платија комуналии во висина од 150 милиони денари или 2,43 милиони евра и тоа 60 отсто на Град Скопје (1,4 милиони евра) и 40 отсто на Општина Центар (1 милиони евра). Претходно, Општина Центар им го одобри идејниот проект за објектите. Со тоа, сега останува уште инвеститорите да поднесат барање за добивање градежна дозвола и потоа слободно можат да градат на овој последен слободен простор во центарот на Скопје, што е на околу 200 метри од Собранието.

Инвесторите ќе немаат никакви пречки да добијат градежна дозвола бидејќи веќе на сила не е мораториумот, и тие барањето ќе го достават врз основа на стариот Детален урбанистички план (ДУП), кој дозволува на овој простор да се градат 60-катници.

Сопствениците на просторот кај „Холидеј ин“, фирмата „МГ Фешн“ и Македонската православна црква преку фирмата „Обновители“, најпрво располагаа со површина од 4.605 метри квадртани кои ги купија од физички лица и со тоа се стекнаа со 30 проценти од градежната парцела. Потоа во 2018, кога на сила беше мораториумот за градба, од Министерството за транспорт и врски кога министер беше Горан Сугерески од СДСМ, го купуваат државното земјиште на овој простор со површина од 9.048 метри квадратни метри по цена од 312 евра за квадрат. Со тоа му се даде можност на инвеститорот да поседува поголем дел од просторот и наместо тоа да биде државно земјиште со кое Општината можеше да прави што сака, сега е приватно и на него ќе се градат три згради.

%20 - https://sdk.mk/index.php/naslovna/aman-pomognete-ne-mozhe-opshtina-tsentar-sama-da-se-bori-protiv-zgradite-kaj-holidej-in-veli-gradonachalnikot-sasha-bogdanovik/


Posted By: stef4o
Date Posted: 13-Apr-2021 at 11:47
Жителите од Ново Маало ја подржуваат изградбата кај „Холидеј ин“

По многуте реакции во јавноста за проектот кој е предвиден да се гради на парцелата спроти „Холидеј Ин“, се огласија и жителите на Ново Маало, потсетувајќи дека со децении живеат во нехумани услови и затоа даваат целосна поддршка на проектот, со надеж дека со негова реализација ќе им се решат проблемите.

– Повеќе децении многу семејства живеат во услови кои не ги задоволуваат стандардите на хумано домување, дотрајани куќи, нерешено греење, калдрма и кал до колена, место за одложување на отпад на сите што ќе навратат во центарот на градот. Изразуваме жалење што голем дел од јавноста не го разбира ова бидејќи е лесно е да се зборува од комфорни станови. Посочуваме дека, со овој проект ќе се реши проблемот на многу семејства кои, за воља на вистината, сé уште живеат во супстандардни услови како да е 19 век или биле приморани да ги напуштат своите куќи – вели Игор Стојанов, во име на жителите од Ново Маало.

Тој објаснува дека со компензацијата која ја добиваат и реализација на овој проект кој многу години беше заглавен во институционалните лавиринти, ново маалчани конечно ќе имаат можност да добијат живеалишта достојни за 21 век.

– Откако ќе се реализира проектот, овој дел на Скопје ќе има многу повеќе зеленило отколку што на оваа локација имало во последните 50 години. Скопје е главен град и репрезент на нашата држава кој мора да се развива по примерот на светските метрополи – вели Стојанов.

Според него, кога јавноста кога ќе го види целиот проект во најголема мера и ќе го одобри, онака како што го одобруваат и луѓето од Ново Маало, едно од најстарите скопски маала, а кое за жал иако е во срцето на градот претставува грда слика за една метропола.

%20 - https://www.slobodenpecat.mk/zhitelite-od-novo-maalo-ja-podrzhuvaat-izgradbata-kaj-holidej-in/


Posted By: stef4o
Date Posted: 13-Apr-2021 at 11:51
Кучињата лаат, а карванот си врви
од Божидар Миљовски

Последниве денови сме сведоци на повеќе написи, коментари и протести од граѓаните за локацијата кај хотелот „Холидеј ин“ во центарот на Скопје. На пример: Градските власти ќе добијат 2,4 милиони евра, Нема спас за просторот кај „Холидеј ин“, Инвеститорот уплатил 2,4 милиони итн. Од предлагачот на овој проект слушнавме бомбастични изјави како дошол до 30 проценти за контрола на локацијата, згради од 25-35 ката, демек и Македонија заслужува да има центар како Њујорк, Лос Анџелес… со други зборови и ние да се вклучиме во светските метрополи. Јас на 12 декември 2018 година објавив во „Слободен печат“ колумна, со анализа и визија за капацитетот и за можностите што ги дава таа локација за општината, градот и за Македонија. Што губи, а што добива државата? Ги слушам изјавите на одговорните од Општина Центар: „Не можеме ништо, Уставниот суд пресуди“. Мислам дека Општината може, ако сака, да направи многу до доделувањето на градежната дозвола. Министерството за транспорт и врски, исто така, може да оспори давање градежна дозвола, а постојат и многу други можности.

Ако го анализираме „цунамито“ на урбаната мафија во последните 10-15 години, Скопје 2014, кампањата за катни гаражи, хотелот „Мериот“ и зградата на Самсоненко, доаѓаме до заклучок дека е направен урбанистички хаос. Остана неначната единствената локација кај „Холидеј ин“, и неа Македонија и градот Скопје мора да ја гледаат со визија за развој на бизнисот и на репрезентативните институции за следните 20-30 години. Јас би ја прогласил за НАЦИОНАЛНА ЛОКАЦИЈА, која не смееме така лесно да ја раскрчмиме. Да ги наброиме последиците од раскрчмувањето:

– Се губи концентриран простор за сместување на Светската банка, Монетарниот фонд, Европската банка, Обединетите нации, Европската Унија, Регионалната берза и другите интернационалните институции.

– Се нарушува предлогот за спојување на Градскиот трговски центар со топла врска во еден центар, како и со подземните гаражи.

– Се забораваат основните барања за оваа локација: изградба на 4.500 паркинг-гаражи, подземна сообраќајница на „Кеј 13 ноември“, подземна бензинска пумпа, отворање на кејот за повеќе национални ресторани и друго. Сево ова Градот и Републиката мора да го реализираат преку „Национална локација“, со детален урбанистички план, со јавен конкурс и со јавна дебата. Така треба да се решат содржините на оваа локација – со надворешен план локацијата да се вклопи во сообраќајните текови. Во овој правец неодамна објави колумна професор од Архитектонскиот факултет во Скопје.

Големи можности
Малку наивно звучи приодот на предлагачот да се гради сѐ што е слободно во првата фаза (не кажува што е првата фаза), а во втората и третата фаза да се градат помали објекти, но треба да се решаваат имотно-правните односи на стотина сопственици на куќи и локации. Овој потег (трик) може да го оптовари градот со милионски суми за експропријација на земјиштето и за рушење на малите куќи. Во „Слободен печат“ на 6 декември 2018 година, имаше наслов на насловната страница: „Ви ветувам, ќе изградиме најубав и најзелен градски центар на Балканот“. Читајќи го, се најдов поттикнат на граѓаните на град Скопје да им ја покажам и другата страна на приказната за локацијата кај хотел „Холидеј ин“.

Како еден од најстарите активни инженери со искуство од 30 години во Македонија, во Југославија и 30 години во САД, изработив повеќе студии за урбаниот простор на Скопје, а една од нив ја опфаќа и оваа локација. Ќе го задржам вашето внимание со претставувањето на оваа локација со сите елементи и можности.

Таа не е обична локација, таа е последната најголема локација во центарот на градот, простор помеѓу улиците и булеварите Мирче Ацев (210 м.), Кеј 13 Ноември – Река Вардар (360 м.), булевар Кочо Рацин (400 м.) и Филип Втори Македонски (150 м). Овој простор има површина од приближно 110.000 квадратни метри. Со проектот за подземната сообраќајница (изработив шест варијанти), Кејот 13 Ноември оди под земја, што го сметаме за многу корисно. Во почетокот на оваа година изработив идејно решение до мостот кај „Холидеј ин“- од две ленти го прошируваме на четири и може да кажеме дека имаме чиста локација од 110.000 квадратни метри од Вардар до булеварот М. Ацев и од Ф. В. Македонски до К. Рацин со пристап од двете страни со по четири сообраќајни ленти.

Ова значи дека Општина Центар, градот Скопје и Македонија добиваат една многу атрактивна локација во центарот на градот и тука треба да изникне новиот бизнис-центар на Скопје и на Македонија. Да ги презентирам можностите на една ваква атрактивна локација според мојата префизибилити студија: Од мостот кај хотелот до мостот на булевар Кочо Рацин со димензии 300х90 би се формирало вештачко езеро. Просторот од 110.000 метри квадратни затворен со четири бетонитски дијафрагми овозможува градење три ката под земја, од кои на првиот кат се дуќани и сервиси, а двата други се паркинг од вкупно 4.500 места поврзан со тунел со паркингот во ГТЦ. Кејот помеѓу двата моста ќе се искористи за 15 ресторани во национален стил, а истурени кон вештачкото езеро. Приземниот дел се користи за дуќани, кои со првиот кат под земја се спојуваат во функција на двокатни дуќани, кафулиња и шоу студија. Целиот простор помеѓу булеварите Ф. Втори и К. Рацин е со следните содржини: по должината од страната на Ф. Втори ќе се лоцираат три стоковни куќи од 4 до 6 ката поврзани со мост со ГТЦ; по должината на К. Рацин лоциран е систем на кули и sидови (како Градскиот sид и кулите на Кензо Танге), со повеќе хотели и станбени објекти. Одејќи кон средината, се редат деловни згради, банки, берза, оф шор компании, претставништва, бизнис-канцеларии… и доаѓаме до центарот на локацијата каде што има воздушен покриен простор со водоскоци по целата должина од М. Ацев до рестораните покрај Вардар. Во првиот подземен кат се сместени автобуска станица, бензинска пумпа и други сервисни содржини за целиот комплекс.

Огромна штета
Од дадениот преглед на можни содржини се гледа дека оваа необична локација го донесува и го претставува новиот бизнис-центар на Скопје и на Македонија. Не смееме да дозволиме овој простор да го крчмат според стариот начин од претходната влада, со спрега помеѓу Владата, олигарсите и урбаната мафија, со менување на деталните урбанистички планови. Со таква игра му е направена огромна штета на градот, со тоа што најатрактивните локации кај Беко, кај Железничката станица, кај Домот на синдикатите се издадени за гаражи. (Урбаниот простор си има цена, најскап е за ексклузивни канцеларии, потоа за претставништвата, на трето место е станбениот простор, на четврто дуќаните, а на петто место се гаражите). Овој најскап простор урбаната мафија го издаваше за најниско платената позиција – гаражи.

Ова го кажувам за да не се повторува старата стратегија, зашто во времето на градоначалникот А. Жерновски Општина Центар нарачала урбанистички проект за дел од оваа локација, но под сомнителни околности нарачката е одземена, со изговор: „Имаме други планови“. Тие намери испливаа на површина подоцна, со бомбата за „најубав и најзелен градски центар“. Урбаната мафија го подготвила предлогот, затоа што дел од локацијата е оформена на спекулативен начин во комбинација со Црквата. Тие не постигнале ниту 20 отсто од локацијата, па како сакаат со ваков процент да ја крчмат целата локација, а на градот ќе му го остават расчистувањето на сите мали објекти? Овој трик не може да пројде. Сметам дека една ваква атрактивна локација треба да оди на јавен конкурс, за целисходно решение за градот, за бизнисот и за граѓаните. Сметам дека мојата визија може да се реализира и Скопје и Македонија ќе го добијат нов бизнис-центар.

Да не бидеме утописти, тој центар ќе чини повеќе од 700 милиони евра и ќе се гради повеќе од 10 години. Од 2001 до 2005 година во САД изработив седум визионерски префизибилити студии за развој на Скопје: за подземната сообраќајница шест варијанти, за тунелот под Кале две, потоа за користење на подземниот урбан простор во комерцијални цели, изработив решение за паркинг кај Државната болница, во центар, кај фудбалски стадион, решение за сообраќајот во градот, препораки и решенија за загадувањето и друго.

%20 - https://www.slobodenpecat.mk/kuchinata-laat-a-karvanot-si-vrvi/


Posted By: kiriOK
Date Posted: 13-Apr-2021 at 12:11
Планираната висококатница кај „Холидеј ин“ како близначка на „Зелената кула“ во Грац

Архитектот Мартин Пановски вели дека во светот се моментален тренд згради со вертикално зеленило
Една од висококатниците, која е планирана на паркингот кај „Холидеј ин“, а чиј изглед вчера беше презентиран во „Топ тема“ на ТВ Телма, според надворешниот изглед, е речиси идентична на „Зелената кула“ која беше најавена во Грац, Австрија.

Архитектот Мартин Пановски во изјава за „360 степени“ не негира дека неговиот проект наликува на тој во Грац – решение на бирото на познатиот архитект Томас Пучер.

„Во светот е моментален тренд на згради со вертикално зеленило. Можам да ви посочам уште многу други примери“,

ни изјави Пановски.
Тој синоќа во гостувањето на Телма ТВ, кога беше презентиран планираниот изглед, рече дека во зградата е предвидено да има 400 стана во кои би живееле 1 200-1 300 луѓе. Тој тврдеше дека проектот е со пешачко движење, отворена комуникација кон плоштад и зеленило.



Речиси е идентична „Зелената кула“ која се гради во Грац, Австрија. Од архитектонското биро на Томас Пучер, автор на проектот, минатата година во јули на социјалните мрежи објавиле фотографија и информација дека е дадена дозвола за изградба на кулата во Грац.



Информации за овој проект може да се пронајдат и на интернет-страницата „Green4Cities“, каде што пишува дека „Зелената кула“ е еден од најзначајните објекти што се градат во поранешна индустриска зона на Грац, која треба да се трансформира во атрактивен кварт за живеење, работа и рекреација. На цеб-страницата пишува и дека „Зелената кула“ е 19-катница со зелен покрив и фасада и е прва од ваков тип во Австрија.

Во продолжение погледнете фотографии од проектот за „Зелената кула“ во Грац.





%20 - https://360stepeni.mk/planiranata-visokokatnitsa-kaj-holidej-in-kako-bliznachka-na-zelenata-kula-vo-grats/



Posted By: Tooold
Date Posted: 13-Apr-2021 at 14:57
Требаше 60 катници. Шо е ова 20 Драчево право


Posted By: doncho
Date Posted: 13-Apr-2021 at 15:18
Originally posted by MKDSTRUGA

Originally posted by doncho

На ГТЦ спас му е само да се реновира и да се претвори во стартап центар.


Ne e losa idea start-up centar plus biblioteki za studenti i del edukativen centar. Kako studentsko katche vo centarot na gradot plus noramlo moze del da ostane za komercijalna namena. I moja zelba a veruvam i na site Skopjani celiot krov da bide zelen ne samo terasiceto


Апсолутно да, мада јас би го форсирал накај стартап и едукативен центар, секако и парк на кров, млади луѓе, жена парк е блиску итн итн.

А за новиов проект, личи модерно, не знам зошто сите се бунат, на крај ќе донесат максимална висина 30-40 метра и ќе добиеме уште 5-6 "наполитанки"?


Posted By: stef4o
Date Posted: 13-Apr-2021 at 16:11
Утре ќе биде објавено како ќе изгледа проектот кај „Холидеј Ин“

Општина Центар сама не може да го спречи градењето на висококатниците на паркингот спроти ГТЦ. Градоначалникот Богдановиќ тврди дека другите институции не си ја работат работата за која се платени.

-Сите предмети ги доставуваме до надлежните институции. Аман – заман, преземете нешто. Направете, значи имаме неусогласен план, кажа претседателката, стручни комисии го докажале тоа. Постапуваме по тоа, но ако некој не го фати за гуша тој што направил план во 2012, тој што го одобрил, џабе ние расправаме сега, вели градоначалникот Саша Богдановиќ.

Антикорупциска смета дека недоволната транспарентност во работата на општините резултирала со донесување ДУП-ови кои не се усогласени со Генералните планови. ДКСК се сомнева во ризици за корупција и влијание од страна на сопствениците врз планерите. Поради правни недоречености ДУП-от се уште не е суспендиран.

-Го охрабрувам градоначалникот пред да ја донесе одлуката за давање дозвола за планот да ги испита сите можности за да го стави планот под суспензија и да не донесува дозвола за градење кој што не е во согласност со Генералниот урбанистички план, вели претседателката на ДКСК, Билјана Ивановска.

Од друга страна, жителите на Ново Маало бараат час посокоро да почне изградбата на висококатниците. Велат дека во моментот тие не смеат ниту шајка да променат на нивните куќи и живеат во супстандардни услови во строгиот центар на Скопје.

-Ова маало доаѓа како ѓубриште на поголемите објекти во околината. Доаѓа едно ѓубриште, едно нецивилизирано место, неуредено, и самите гледате. Живеење во септички јами, без одвод, значи буквално 19 век.

-Ние сакаме да се изгради ова. Сигурно ќе добиеме повеќе од ова што го имаме, нормално е тоа, и ќе живееме како луѓе. Нема да одиме во кенефи во 21 век. Нема да ни паѓаат жициве па да немаме струја по ден-два.

Паркингот е на чекор до конечно бетонирање откако инвеститорот, фирмата „Обновители“ ги плати комуналиите во висина од околу 2,5 милиони евра. Токму таа постапка е последна пред конечно добивање дозвола за градба. На ова место треба да никнат три згради со околу 400 станови.

Досега над 7.000 граѓани ја потпишаа иницијативата која е против изградба на објектите спроти Холидеј Ин.

https://sitel.com.mk/utre-kje-bide-objaveno-kako-kje-izgleda-proektot-kaj-holidej


Posted By: stef4o
Date Posted: 13-Apr-2021 at 16:15


дали ќе биде така и со овој проект е често прашање по фб





Posted By: JovanOdGjorche
Date Posted: 13-Apr-2021 at 16:19
Тешко разочарување ќе биде проектов. Читам неколкумина од вас велат дека нема потреба од висококатници во градот, но според мене има потреба од еден нормален деловен па дури и деловно-станбен простор во центарот на главниот град. Една шанса се пропушти со изградба на Мериот и другите два објекта, наместо да се оставеше тој дел исто да се оформи во модерен стил. Вака со овие висококатници нема ништо да се постигне. Постојано зборуваме за „симбол“ за „модерно урбано живеење“ а ќе добиеме нешто слично ко она во Бутел или кај СитиМол. Само да не им текне да изградат уште еден деформиран „Флатирон“, е тек тогаш ќе му мислиме.

-------------
And something, somewhere was lost in 1938...


Posted By: stef4o
Date Posted: 13-Apr-2021 at 16:49
Читам по порталиве новомаалци го поддржувале проектот тоа значи дека излегува од рамките на паркингот кон куќарките или грешка сум??
Всушност ќе видиме утре на презентацијата што ќе биде објавено.



Posted By: doncho
Date Posted: 13-Apr-2021 at 17:10
Јас колку што сфатив се работи за цела парцела таму, сосе куќарките распаднати.


Posted By: stef4o
Date Posted: 13-Apr-2021 at 17:14
Малку ми дојде чудно,пошто куќарките сеуште се вселени,некои се одамна напуштени но ќе видиме...можеби ќе спаѓаат во некоја подоцнежна фаза од проектот.Веројатно најпрво ќе почнат на паркингот каде им е почиста ситуацијата.


Posted By: stef4o
Date Posted: 13-Apr-2021 at 17:19
Жителите на Ново Маало – Имаме право на нормални услови за живот како сите граѓани на Скопје

Овој проект го решава деценискиот проблем на преку 200 жители на Ново Маало и обезбедува многу зеленило и јавен простор. Силно ќе се спротивставиме на сите обиди да се запре овој проект кој за нас значи нормални услови за живот.











https://vecer.mk/makedonija/zhitelite-na-novo-maalo-imame-pravo-na-normalni-uslovi-za-zhivot-kako-site-gragjani-na-skopje/


Posted By: stef4o
Date Posted: 13-Apr-2021 at 17:29
Архитектот Мартин Пановски за Канал 5 го открива изгледот на комплексот кај Холидеј Ин

[tube]dyeTcWOKzIE&t[/tube]

https://kanal5.com.mk/arhitektot-martin-panovski-za-kanal-5-go-otkriva-izgledot-na-kompleksot-kaj-holidej-in/a470039


Posted By: Шарла
Date Posted: 13-Apr-2021 at 18:20
Значи градот ќе го изгуби најатрактивниот простор за 15 катница,20 катница и 25 катница.
Да не е тажно би било смешно.

Вон сериски глупости,кој како дојде си менува дуп/гуп,неверојатно,што ќе изгубеше градот ако се изградеа 60 катниците? Вака излегува дека целиот циркуз е кој да лапне процент од "прокетов".


Posted By: user8642
Date Posted: 13-Apr-2021 at 18:35
Да не бидам и јас сега offtopic grammar-police, ама пак македонското новинарство на мегдан се брука.

Thomas Pucher на германски јазик не се чита Томас Пучер. Ако е на латиница, не значи дека е на англиски.


Posted By: гитардемон
Date Posted: 13-Apr-2021 at 18:39

На ум ми доаѓа прво „КСИ ЏИНПИНГ“ или пак многу грчки имиња. Не се овие новинари, овие се детишта кои „разбираат од компјутер и разбираат англиски“ па си нашле работа во некој портал.

-------------
Arguing on the internet is like running at the special olympics. Even if you win, you're still retarded.


Posted By: user8642
Date Posted: 13-Apr-2021 at 18:41
две поенти:

1. Архитектот во мини-интервјуто за ТВ21 кажа една нова кованица што јас досега не сум ја слушнал. "Шопинг јавни површини!" Јас незнам како изгледа тоа, нека објасни некој. Ако мисли на отворен трговски како ГТЦ, не го објасни тогаш така.

2. Микрофонот од Ал-Џезира индицира потекло на капиталот кој стои позади трговскиот. Кој е инвеститор официјално?


Posted By: doncho
Date Posted: 14-Apr-2021 at 08:52
Originally posted by stef4o



дали ќе биде така и со овој проект е често прашање по фб





Ова може да биде одржливо само ако е деловна зграда.


Posted By: гитардемон
Date Posted: 14-Apr-2021 at 08:52

Al Jazeera Balkans покрива многу вести од Македонија. Нема никакво скриено потекло. Дека се ѓубре исламистичко, факт е, ама кај нас имаат некаква новинарка од Прилеп со лош српско-хрватски која од време на време прави по некоја статија за да тера на босанските вести.

-------------
Arguing on the internet is like running at the special olympics. Even if you win, you're still retarded.


Posted By: stef4o
Date Posted: 14-Apr-2021 at 12:00
[tube]ziUo1GCspaM[/tube]

https://mk.tv21.tv


Posted By: stef4o
Date Posted: 14-Apr-2021 at 12:11
Во живо се одвива презентацијата

https://www.facebook.com/tv21hd/videos/457455192033484/

....


















Posted By: Шарла
Date Posted: 14-Apr-2021 at 12:26
Мизерија...


Posted By: stef4o
Date Posted: 14-Apr-2021 at 12:41
Инвеститор е МГ Фешн а проектанти се Радиус Архитекти во поглед на зеленило многу ја зборуваа зградата на Про Кредит банка(дека имало многу зеленило на терасите)кога се вклучив на презентацијата што не е баш за споредба бидејќи ова ќе биде претежно станбено.
И презентацијава некако мизерна испадна ништо корисно,подобро само рендери да пуштеа и толку.



Posted By: stef4o
Date Posted: 14-Apr-2021 at 12:53
Парцелата 1.4 кај куќарките колку што разбрав била со намена за плоштад или некаков си јавен простор нешто така спомнаа и рекоа дека тоа си е надлежност на општински и градски власти





Posted By: Шарла
Date Posted: 14-Apr-2021 at 13:17
Срамота е бе онаква зграда како онаа најлево да извадиш за во јадро на главен град. Ајде плагијатот со зеленило(?) ќе помине,таа деловната не се ни гледа ама ете хипотетички ако е стакло,ако нема балкони и ако доловува таков ефект навечер кога има по некое светло уклучено ајде да речеме и таа да помине..ама онаа најлево е тежок тумор,срање од типот на зграда за во "Београд на води"најверојатно од таму им е инспирацијата...пресиромашно,прегрдо,како социјалната зграда во Бутел што ја градат изгледа.

Таа најлево мора да се запре или да се смени комплетно изгледот. За остатокот од просторот не коментирам затоа што нема поента на долги патеки,со оглед на тоа дека очекувам и се надевам на 60 катници во центарот на градот.


Posted By: Théoden
Date Posted: 14-Apr-2021 at 14:15
Наполитанки, ама од тие долгите.


Posted By: MKDSTRUGA
Date Posted: 14-Apr-2021 at 14:17
Kako so gledam ima use edna cela parcela kaj so se kukite koja ne e spomnata tamu ke sletaat 60 katnicite. Sega mackaat oci poso protiv 60 katnici se bunea so ovie. Posle ke se bunat zaso nema 60 katnici pa ke gi zalepat tie Inace da ovaa najlevo neznam so im trebala. Bitno ke ide 1700 eur m2... Nez koj ke im gi kupi samo stanovite.


Posted By: MJ
Date Posted: 14-Apr-2021 at 15:00
Ова е презентација за Г.П. 1.1, а се знае нешто за Г.П. 1.2 и 1.3? Дали и таму се истите инвеститори или има други?


Posted By: Marxentric
Date Posted: 14-Apr-2021 at 16:11
Абе какви 60 катници и деловни згради, остајте го просторот каков што си е. Ајде да ја подржиме општина Центар за да го сочува единственото место во Скопје кое се уште нуди бесплатно мочање, серење, фрлање отпад и евтин паркинг...
Која ограниченост мајке ми, еднаш во живот им се укажува шанса да направат нешто барем малку што ќе го заличи главниот град и веднаш се јавуваат противници, гушкачи, екологисти, а конкретното место за кое станува збор да ти било една касаба со бараки и ѓубре во сред центар. Одете гушкајте ја Шутка штом толку сакате да вршите конзервација на вакви автентични населби...


Posted By: stef4o
Date Posted: 14-Apr-2021 at 16:58
МГ ФЕШН ЗА ПРОЕКТОТ „ГРАНД СКОПЈЕ“: Зелен и урбан комплекс по врвни светски еколошки стандарди!





По денешната онлајн прес-конференција, на која компанијата МГ ФЕШН, која е инвеститор на комплексот на парцелата 1.1 спроти хотелот „Холидеј Ин“ јавно го презентираше проектот „Гранд“ а и еколошки стандарди по кои ќе се градат објектите, компанијата се огласи и со соопштение во кое детално го образложи проектот.

Со оглед на големиот јавен интерес за овој проект и полемичните тонови во досегашната дебата, сопштението го објавуваме во целост:

Како што истакнаа од МГ ФЕШН, целта на прес-конференцијата беше точно, вистинито и транспарентно да се информира јавноста за отпочнувањето на градба на комплексот, како одговор на големиот број оспорувања во јавноста, но и визуелните прикази кои циркулираа, а воопшто не кореспондираат со неговата вистинска слика и вредност.

Архитектот и управител на МГ ФЕШН, Илија Божиновски, објасни дека станува збор за станбено-деловен, зелен и урбан комплекс по врвни светски еколошки стандарди со многу зеленило, многу јавни содржини и истиот целосно ќе го модернизира срцето на Центар. „Идејата е овој комплекс да претставува ново обележје на градот, нов, модерен и зелен центар на Скопје, кој ќе биде гордост на скопјани“, истакна Божиновски и воедно изрази благодарност до жителите на Ново Маало кои даваат полна поддршка за реализација на проектот.

На прес-конференцијата се обратија и архитектите Јана Гугуловска-Ѓорѓевиќ и Мартин Пановски од архитектонското студио „Радиус Архитекти“, чии идејни решенија ќе се реализираат во проектот „Гранд“ Скопје.

Тие ги презентираа деталите на комплексот и објаснија дека се работи за модерни објекти кои ќе се градат во 3 фази: во првата фаза еден станбено-деловен објект од 20 ката; во втората уште еден станбено-деловен од 22 ката, а во третата фаза деловен и комерцијален простор од 16 ката. Воедно, ги претставија и урбанистичките параметри на проектот наспроти она што го дозволува важечкиот Детален урбанистички план.

Имено, согласно идејниот коцепт вкупната површина за градба е 9.165 м2, а бруто развиена површина е 89.627 м2, наспроти 13.654 м2 површина за градба и 200.000 м2 бруто развиена површина, колку што дозволува ДУП-от. Максималната височина на планирана градба изнесува 81.20м, иако согласно зададените урбанистички параметри во актуелниот ДУП истата изнесува 180 м.

Во контекст на ова, архитектата Гугуловска-Ѓорѓевиќ потенцираше дека во комплексот тројно е намалена катноста, односно максималната планирана катност е 22 ката, наспроти 60-те ката кои ги дозволува ДУП-от, и додаде дека ќе бидат обезбедени 969 паркинг места, наспроти потребите 957 според ДУП-от и 30 паркинг места за лица со посебни потреби.

Архитектот Пановски, пак, во своето излагање даде одговор на најчесто изнесуваните невистини во јавноста во врска со бетонизацијата на Скопје и објасни дека проектот значително го надминува законскиот минимум од 20% зеленило од парцелата и во истиот се предвидени 6.520 м2 зелени површини, каде не се вкалкулирани вертикалните градини кои се дел од идејните решенија.

Проектот ги следи светските трендови на објекти со т.н. архитектонски биодиверзитет, фокусирајќи се не само на луѓето како живи битија, туку и на нивниот однос со останатите живи организми. „Гранд Скопје“ не само што е целосно еколошки и енергетско ефикасен проект за заштита на животната средина, изработен според високи еко стандарди и согласно Законот за урбано зеленило и Правилникот на Општина Центар, туку ќе претставува вистинска зелена оаза во центарот на Скопје, комплекс целосно отворен за граѓаните“, рече тој.

Според идејните решенија, зеленилото во парцелата е сочинето од партерно зеленило (мешано зеленило – ниско со високо), високо зеленило – дрвореди, зелени кровни градини и зелени вертикални градини, кои се градат за прв пат кај нас, ќе бидат проектирани по светски стандарди, со посебен систем за одржување и наводнување, истовремено овозможувајќи им на жителите чувство на пријатност и приватност во урбаната средина и концепт.



На крајот, Божиновски се осврна и на нивната визија за иден развој и инвестиции кои компанијата ги планира во интерес на граѓаните и заедницата. Тој објасни дека МГ ФЕШН нуди соработка на Општина Центар и е подготвена на парцелата 1.4 да инвестира во урбан јавен простор на површина од 7.332 м2 (приближно колку Плоштад Македонија), со разновидно парковско зеленило налик на светските уредени урбани паркови и простори оплеменети со современа фонтана и урбана „смарт“ опрема. Дополнително, МГ ФЕШН преку соработка со Град Скопје, Шумарски Факултет, зелени организации е подготвена да изготви решение и да инвестира во обновување на делот од Кејот 13 Ноември кој се протега по должината на локацијата.

За компанијата:

МГ ФЕШН е македонска компанија основана од 2007 која работи како франшизер на повеќе светски модни брендови и како со-сопственик на групацијата Фешн Груп каде се вработени 280 лица. МГ ФЕШН делува и во градежниот сектор. За транспарентноста како и посветеноста на квалитетот на работата на МГ ФЕШН сведочат не само многуте успешно реализирани проекти, туку и локалните и светски-реномираните соработници како EBRD, Комерцијална Банка, Chapman Taylor, Laguarda Low и многу други.

Еден од позначајните проекти на компанијата во сегментот развој на недвижнини е и Скопје Сити Мол (СЦМ), инвестиција вредна 100 милиони евра, со годишен промет од 130 милиони евра од кои во државниот буџет на годишно ниво се слеваат 30 милиони евра по основ на даноци. СЦМ вработува 2,800 лица. СЦМ е идеален пример за трансформативната моќ на внимателно планираниот урбан развој, кој на општина Карпош и даде една нова димензија на општествено функционирање. МГ ФЕШН планира искуството од овој проект да го примени во разубавување на Центарот на метрополата.

Замислата за Проектот „ГРАНД“ СКОПЈЕ е во истиот дух, да го претвори запоставениот, руиниран простор во центарот на градот во нов “downtown”, урбан, зелен и модерен комплекс кој е еколошки и енергетско ефикасен.

%20 - https://plusinfo.mk/mg-feshn-za-proektot-grand-skop-e-zelen-i-urban-kompleks-po-vrvni-svetski-ekoloshki-standardi/


Posted By: stef4o
Date Posted: 14-Apr-2021 at 17:01
ЌЕ ИЗГРАДИМЕ ГОРДОСТ НА СКОПЈЕ, СЕКОЈ МОЖЕ ДА ОТВОРИ ПРИВАТНА ГРАДИНКА ВО ДЕЛОВНИОТ ПРОСТОР, РЕЧЕ ИНВЕСТИТОРОТ НА 20-КАТНИЦИТЕ КАЈ „ХОЛИДЕЈ ИН“

Просторот на паркингот кај „Холидеј ин“ ќе стане модерен центар со многу јавни површини, зеленило и ќе биде гордост на Скопје, кажаа инвеститорите од фирмата „МГ Фешн“ на денешната презентација на проектот и изгледот на три згради од 15, 20 и 22 ката на само една од трите градежни парцели. Проектот го презентираа управителот на „МГ Фешн“ Илија Божиновски и архитектите кои го изработија Мартин Пановски и Јана Гугуловска.

Архитектите Гугуловска и Пановски кажаа дека површината за градба ќе биде 9.165 метри квадратни, а вкупната изградена површина 89.627 метри квадратни што е помалку од она што го дозволува Деталниот урбанистички план (ДУП). Ќе се градат две станбени згради и една деловна зграда. Станбените згради ќе бидат од 20 и 22 ката, со 400 станови и во нив ќе живеат околу 1.200 луѓе, а деловната зграда ќе биде со приземје и 16 ката. Станбените згради ќе гледаат кон Кеј 13 Ноември оти како што кажаа архитектите тоа е помирен дел и ќе бидат продолжение на кулите од Градскиот трговски центар (ГТЦ). Паркирањето како што кажаа архитектите ќе биде решено подземно во парцелата иако ДУП-от дозволува тоа да се реши и во катната каража отспротива. Зградите ќе имаат подземни паркинзи три нивоа под земја или вкупно 969 паркинг места.

„Воизлата се под земја за да се ослободи просторот за пешачко движење не само за жителите во зградите туку и на граѓаните“, кажа Пановски.

Влез и излез на возилата е предвидено да има подземно преку улицата Мирче Ацев, која би требало да прерасне во булевар со 4 ленти, а излезот ќе има и на улицата до кејот на реката Вардар, која сега е еднонасочна и е калдрма. Меѓу зградите ќе биде изградена нова пешачка улица која како што кажа Пановски ќе стане едно ново место, една Чаршија и со неа ќе се поврзе движењето од ГТЦ и од кејот и која ќе води кон плоштадот кој се надева ќе стане парк.

„На оваа локација според Генералниот урбанистички план е предвидена подземна сообраќајница под кејот, а постоечката улица со калдрма намената и е да биде сервисна улица за жителите на овие згради“, рече Гугуловска.

„Не можеме ние да знаеме дали некој ќе прави нешто таму или не. Ако е така тогаш ништо не треба да се прави. Ние проектираме врз основа на тоа што е предвидено со ГУП-от и што и каква инфраструктура треба да изведе Град Скопје“, додаде Пановски.

Во рамките на парцелата е предвидено 6.520 метри квадратни зеленило кое е многу повеќе од она што е предвидено со законот и во оваа површина не влегува зеленилото на терасите на зградите. Божиновски рече дека бараат од Општина Центар да им дозволи плоштадот со фонтана кој е предвиден со ДУП-от, да се пренамени во парк и тие би известирале тоа да стане зелена оаза налик на светските метрополи. Кажаа дека Кејот во овој дел ќе остане нечепнат, но се спремни да инвестираат тој да добие нов, урбан и зелен изглед.

На парцелата број 1 која денес бее презентирана, но и на останатите две градежни парцели со Деталниот план не се предвидени локации за градинка и училиште.

„Во радиус од 100 метри имате две школи и две градинки. Ако некој сака може да отвори приватно школо или градинка во деловниот простор, проектот тоа го дозволува“, кажа Божиновски од „МГ Фешн“.

„Моја претпоставка е дека во секој од објектите ќе имате градинка бидејќи домувањето е на едно повисоко ниво, значи не станува збор за социјално домување, станува збор за објекти кои ќе имаат тековно одржување. Во центар на град е сосема нормално да се стави градинка во приземје или мезанин. За училиште ние побаравме податоци колку деца учат во околните училишта, но никој од надлежните не ни даде таква бројка“, додаде Пановски.

Во однос на петицијата на граѓани и архитекти да се стопира градењето на зградите и да се распише меѓународен конкурст за изгледот на цела парцела и содржините во неа, Гугуловска рече дека таа петиција била врз основа на лажен и нереален проект и дека јавноста била изманипулирана со макета од огромни згради што не е реалната слика на просторот и е спротивна на решението кое тие го нудат.

%20 - https://sdk.mk/index.php/dopisna-mrezha/ke-izgradime-gordost-na-skopje-sekoj-mozhe-da-otvori-privatna-gradinka-vo-delovniot-prostor-reche-investitorot-na-20-katnitsite-kaj-holidej-in/


Posted By: stef4o
Date Posted: 14-Apr-2021 at 17:10
Каков е всушност проектот „Гранд“ спроти Холидеј Ин: Највисоката кула ќе има 22 ката, а зеленило од над 6.000 квадрати





Нема да е бетонско чудовиште туку урбан комплекс со многу јавно зеленило - инвеститорите денеска го презентираа проектот наречен „Гранд“ кој е планирано да се гради на парцелата 1.1 на локацијата спроти скопскиот хотел Холидеј Ин.

Највисоката од трите кули ќе биде висока нешто над 81 метар, односно катноста е планирана на приземје плус 22 ката, што е многу помалку од дозволеното со Деталниот урбанистички план. Според идејниот проект обезбедени се околу 1000 паркинг места и зелена површина односно партерно зеленило на точно 6.520 метри квадратни. Дополнително ќе има зеленило и на мезанините на зградите и на балконите на висококатниците.
Инаку компанијата „МГ Фешн“, дел од „Фешн Груп“, во овој проект ќе вложи околу 60 милиони евра. Како што истакна директорот на „МГ Фешн“, Илија Божиновски, во портфолиото на ова компанија има повеќе објекти, а најзначаен е „Скопје Сити Мол“, инвестиција вредна 100 милиони евра.

„На парцелата 1.1. ќе никне нов станбено-деловен комплекс, нов скопски даунтаун, со многу јавни површини и многу зеленило. Станува збор за модерно остварување, за оплеменување на просторот, за добивање на зелена површина над законскиот минимум и за добивање на дел од центарот на Скопје кој ќе стане привлечен и за прошетки со поврзаноста со кејот на Вардар, ГТЦ и паркот, рече Божиновски, изразувајќи благодарност за поддршката од граѓаните на скопско Ново Маало.

Архитектата Гугуловска-Ѓорѓевиќ потенцираше дека во комплексот тројно е намалена катноста, односно максималната планирана катност е 22 ката, наспроти 60-те ката кои ги дозволува ДУП-от, и додаде дека ќе бидат обезбедени 969 паркинг места, наспроти потребите 957 според ДУП-от и 30 паркинг места за лица со посебни потреби.

Архитектот Пановски, пак, во своето излагање даде одговор на најчесто изнесуваните невистини во јавноста во врска со бетонизацијата на Скопје и објасни дека проектот значително го надминува законскиот минимум од 20 отсто зеленило од парцелата и во истиот се предвидени 6.520 метри квадратни зелени површини, каде не се вкалкулирани вертикалните градини кои се дел од идејните решенија.

„Проектот ги следи светските трендови на објекти со т.н. архитектонски биодиверзитет, фокусирајќи се не само на луѓето како живи битија, туку и на нивниот однос со останатите живи организми. „Гранд Скопје“не само што е целосно еколошки и енергетско ефикасен проект за заштита на животната средина, изработен според високи еко стандарди и согласно Законот за урбано зеленило и Правилникот на Општина Центар, туку ќе претставува вистинска зелена оаза во центарот на Скопје, комплекс целосно отворен за граѓаните“, рече тој.

Според идејните решенија, зеленилото во парцелата е сочинето од партерно зеленило (мешано зеленило – ниско со високо), високо зеленило – дрвореди, зелени кровни градини и зелени вертикални градини, кои се градат за прв пат кај нас, ќе бидат проектирани по светски стандарди, со посебен систем за одржување и наводнување, истовремено овозможувајќи им на жителите чувство на пријатност и приватност во урбаната средина и концепт.

Според инвеститорот, во трите предвидени згради ќе има 400 станови во кои се очекува да живеат околу 1.200 жители, како и локали и канцеларии. Објектот ќе биде поврзан со надземни пешачки патеки до ГТЦ, но не се знае сега колку ќе чини еден стан таму.

МГ Фешн инаку и предлага на општина Центар соработка за парцелата 1.4 која е со вкупна површина од 7.322 квадратни метри односно како плоштадот Македонија. Тоа би значело да инвестира во разновидно парковско зеленило како во светските уредни паркови. Да има современа фонтана и урбана парк опрема. Сопствениците на приватните парцели од парцелата 1.4 би биле обештетени со истиот сооднос како и останатите сопственици чии парцели се опфатени со новите објекти.

На прашањето како ја коментираат петицијата на граѓани против изградба на овој голем комплекс, беше одговорено дека петицијата се однесува на „монструм" згради, и дека затоа не се однесува на нивниот проект, кој како што нагласија, го оплеменува запустениот простор со модерни и убави градби и други содржини. За иницијативата на општина Центар пред Министерството за транспорт и врски за суспензија на проектот, како и за претставката кон Државната комисија за антикопрупција, компанијата вели дека немаат известувања или информации.

https://faktor.mk/kakov-e-vsushnost-proektot-grand-sproti-holidej-in-najvisokata-kula-kje-ima-22-kata-a-zelenilo-od-nad-6000-kvadrati


Posted By: alexsend
Date Posted: 14-Apr-2021 at 17:19
Кој што сака нека збори ама ова лични многу пристојно за локацијата!
Од вчера имаат еден поддржувач плус

-------------
Јас Скопје никогаш не сум го замислувал вака.


Posted By: stef4o
Date Posted: 14-Apr-2021 at 17:30
На увид проектот за згради кај „Холидеј Ин“ – граѓаните поделени во ставовите

[tube]XKbBxiCXi_I&t[/tube]

%20 - https://telma.com.mk/2021/04/14/на-увид-проектот-за-згради-кај-холид/


Posted By: stef4o
Date Posted: 14-Apr-2021 at 17:37
Кулата во средина ми е ок,онаа лево не е нешто посебно(слично ко оние во планот на Дајмонд и Београд на води) а деловната неможам баш да ја проценам дали ќе биде целосно во стакло рендерот не ја доловува баш најдобро.
Ме интересира зошто толку новомаалци го бранат и поддржуваат проектот,очигледно имаат некаков интерес сигурно не судат по рендери или нешто слично,во многу вести и портали фокус се става на делот со куќарките а проектов колку што сфаќам не ги опфаќа.

Еве уште една таква вест

-------------------------------------------

Жителите на Ново Маало бараат општината да даде согласност за реализација на проектот на „МГ Фешн”

Жителите на населбата Ново Маало во Центар даваат целосна поддршка на денешната презентација на инвеститорот „МГ Фешн” за проектот кој е предвиден да се гради на парцелата спроти „Холидеј ин”. Бараат општината да даде согласност за реализација на овој проект.

– По денешната јавна презенатација на планот од страна на инвеститорот, ние жителите на Ново Маало ја информираме јавноста дека целосно го поддржуваме презентираното. Драго ни е што инвеститорот најави целосно реализирање на сите обврски кон нас и очекуваме реализацијата на овој проект да почне во најбрз рок, посочуваат тие.

Од она што денеска беше презентирано, додаваат, може да се заклучи дека просторот целосно се уредува, а посебно, како што велат, е за поздавување најавата за изградба на голема зелена површина со фонтана во средината на паркингот со големина колку плоштад „Македонија”.

Ова ќе значи ново зеленило и уреден јавен простор, практично уште еден плоштад, но со многу зеленило, нагласуваат жителите на Ново Маало.

Ги осудуваат најавите и барањата на некои невладини организации за стопирање на проектот.

– Тие немаат право да одлучуваат за тоа како ние ќе живееме и заради неразумни барања да останеме да живееме во услови од 19 век. Овој план е добар, има многу јавен простор и места кои ќе бидат на сите граѓани, потенцираат во соопштението.

За утре најавуваат прес-конференција во 14 часот на паркингот кај „Холидеј Ин“.

%20 - https://www.slobodenpecat.mk/zhitelite-na-novo-maalo-baraat-opshtinata-da-dade-soglasnost-za-realizaczija-na-proektot-na-mg-feshn/


Posted By: FT
Date Posted: 14-Apr-2021 at 17:49
Београд на води од Али експрес(иако и нивниот е со сомнително потекло ), ваљда и зградите ќе испаднат со подпросечен квалитет исто како и во Белград.
Дефинитивно треба неколку згради на овој простор ама згради и урбанизам од 21ви век.


Posted By: Staro Skopje
Date Posted: 14-Apr-2021 at 18:16
Левата зграда е слаба

Значи ова е само за 1.1, а 1.4 треба да биде плоштад/зеленило. Сега само да не им текне 1.2. и 1.3. да ги претворат во П+7+Пк брбушки зашто seese katnici se strasni11!!11 па да добиеме уште едно Маџир Маало. На 1.2. (до кејот) има простор за 2 деловни и 1 станбена зграда од 20-25 ката, плус градинка, а 1.3. (до Мирче Ацев) има простор за понизок хотел или деловна зграда, катна гаража и парк. И Веро треба да добие кула од ~20 ката.

Многу побитно е да се регулира изгледот на зградите преку задолжување верност со рендерот (и недавање употребна дозвола доколку ја нема), со што би добиле квалитетни објекти со вертикално зеленило наместо мачканици.

Паралела со Лимак баш и не може да има зашто над подземната сообраќајница, која е под кејот, не би требало да има објекти.


-------------
Градот убав никна, но го откорнаа


Posted By: <Fresno>
Date Posted: 14-Apr-2021 at 18:51
Во презентацијата (која беше очајна и од луѓе кои не се способни за ПР) имаше одлична понуда од инвеститорот до општината и градот да финансираат уредување на кејот и на плоштадот на 1.4. Треба да го искористат тоа, наместо пред избори пак да мачкаат очи со некакви правни процедури.

Во планов за парцелава не ми е јасно зашто мораше буквално на тротоар да излегуваат двете згради и не е добро што минимално потребното зеленило не е задоволено на 0 ниво, туку со покривните површини. Како и да е, не е инвеститорот за тоа крив, туку ДУП-от и законот дозволуваат такво изигрување.


Posted By: stratus
Date Posted: 14-Apr-2021 at 19:07
Не е лошо, ама е многу лошо за таа локација. Веќе видена архитектура во Македонија. Од досегашното искуство сите знаеме дека ќе изгледа многу досадно и обично кога ќе го нема зеленилото од рендерите.

Две години мораториум за на крај да се гради по истиот ДУП? Што ако на сред градба на инвеститорот му текне да го прошири објектот или да додаде уште 5-6 ката, ДУП-от му го дозволува тоа.

Контра тезата дека таа локација треба да се искористи за парк или плоштад е исто така несоодветна. Во околината има неколку плоштади: Македонија, Карпошово Востание, Пела, Плоштадот кај Св. Богородица, мини плоштад пред Веро-центар. Класичен парк исто така не е решение, со оглед на големата атрактивност и проодност на граѓани. Едноставно тоа е нереализирана дупка во најстрогиот центар на градот.

Едноставно на таа локација треба да се гради. Мора да се поништи стариот ДУП, да се донесе нов според ГУП, што ќе биде соодветен за максималниот потенцијал, за корисници (станари, деловен простор, паркинг..) на овој простор.

Со оглед на тоа што оваа е најатрактивното земјиште во Скопје што значи и во државата (можеби на атрактивно второ место е парцелата кај поранешна Треска), мора да се пристапи кон сериозно урбанистичко и архитектонско планирање на овој простор што ќе даде и дополнителна додадена вредност на квалитетот на градот и државата од повеќе аспекти.

Како мислам дека ова треба да се реши.
1. Итно стопирање на овој ДУП.
2. Носење на нов ДУП согласно ГУП-от и дополнителна сериозна дополнитена анализа.
3. Меѓународен конкурс, добро платен од град Скопје, со што меѓународни конкурентни компании би аплицирале со свои понуди. Кога можел Кензо Танге да работи на мастер планот на Скопје во пред 60 гоини, може некоја светски реномирана архитектонско студио да работи на проект во овој дел.
4. Нудење на целиот тој простор како една парцела, а не расцепкан како сега. Далеку повеќе би бил задоволен со две 60-катници отколку 6 20катници.
5. Целосно употреба на објектите за деловна (можеби хотелска) намена. Како овде станари на таа локација, па потоа да рентаат станови за фирми. Глупост.
6. Сериозен голем број на паркинг места, не само за потребата на овој комплекс.

И за крај, на делот од парцелата на која е сопственик инвеститорот на овој проектникој нема во принцип да му забрани да гради и да прави профит. Нека го прави тоа, но по јасно пропишани правила. А за тие малкуте фамилии што живеат во тоа суп-стандардно маало и сакаат преку ноќ да се стегнат со огромна квадратура на станбен простор, немам зборови.



Posted By: user8642
Date Posted: 14-Apr-2021 at 19:20
Една работа ќе кажам, која и не е до толку мое залагање, туку е повеќе обсервирање на реалната ситуација и можности што се нудат. На оваа локација како и да гледаме на работите, колку и да чекаме, што и да се залагаме, пак на крајот и после 20 30 години ќе дојде нешто од оваков тип на проект. Ова и не изгледа толку лошо и треба да се зграби шансата. Зашто ако се опструира сега и се сруши и ова институционално и со јавен приситок и бамборење кој стигне, на крајот ќе добиеме уште едно Маџир-Маало исход и пак ништо. Можда не е најдоброто, ама мислам дека во иднина само полошо може да дојде на репертоар. Јас стварно ниакде не разбрав во целава оваа галама, од круговите кои се против ова, што реално е проблематично во ДУП-от, што е проблематично во проектот, зашто оваа галама?! Некако малку го следам овој случај, ама стварно не знам што треба да се очекува на овој простор?


Posted By: ehrlich
Date Posted: 14-Apr-2021 at 19:36
Па според мене најпроблематично е најпрвин како државата со Сугарески тогаш на чело на Министерството за транспорт и врски така произволно му го продала земјиштето за да го окрупни. Тука е првата сомнителна работа.

Мене проектот не ми се допаѓа, левата кула е како градбата на Фиат Цаноски во Центар, „зелената“ кула нема да биде зелена (но е барем доста подобра од првата), а деловната ми личи на повисока зграда од таа на салонот на Мерцедес кај ФОН. Во суштина многу потпросечен проект.

Инаку, јас сум ЗА изградба на високатници (облакодери) тука, но да се високи и тесни/витки (како да се изразам).


Posted By: <Fresno>
Date Posted: 14-Apr-2021 at 19:37

Барем нешто што архитектонски ќе го збогати градот. Има Скопје повеќе добри примери од 1963 навака, нема зашто сега да се задоволуваме со обични згради за оваа локација. Кога веќе се прават споредби со Белград, ваков тип на објект (без оглед на висина) во комбинација со пониски објекти и содржини ќе беше соодветно за овој потег. А ова што ќе го добиеме ќе биде само ок и ништо повеќе.



Posted By: Marxentric
Date Posted: 14-Apr-2021 at 20:39
Дефинитивно подобро една 60 катница, наместо овие трите обични по 20. Да има нешто импозантно по што би се препознавал градот и од далеку кога ќе го види странец да добие впечаток на метропола.
Ама изгледа толку им е капацитетот на овие, пола катност од Џеваир, со "квалитетните" материјали кои планираат да ги користат изгледа тоа е максимумот, повеќе од тоа веројатно е ризик да се сруши зградата.
А овие што трубат дека со висината се опструира просторот навистина не ги сфаќам, божем ова е Њујорк кој има 300 облакодери над 50 ката, или Хонг Конг со 500, па едвај небото се гледа.
Зарем не сфатија дека брбушките го заземаа веќе просторот, а висококатниците се на некој начин спас од уништувањето на останатото зеленило, ако се проектира како што треба нормално. Ограничени луѓе прават ограничено Скопје, па еден ден можеби ќе се учат овие глупави потези и на универзитетите, кој знае.


Posted By: user8642
Date Posted: 14-Apr-2021 at 20:57
Originally posted by Marxentric

... и од далеку кога ќе го види странец да добие впечаток на метропола....
Ако има нешто поограничено од оваков начин на размислување.....

Правиме град за себе да ни биде убаво и удобно во него, или потемкиново село за дојам пред странци?!


Posted By: Staro Skopje
Date Posted: 14-Apr-2021 at 21:25
Наместо трубење дека висококатници се страшни (небаре Маџир Маало кој ретко кој го спомнува е Париз, Дебар Маало Прага, а Тафталиџе Копенхаген), подобро Скопје треба да се бара преку мораториум од најмалку 1 година на СИТЕ ДУП-ови во Скопје, а и Македонија (со што оние во рурални и приградски места каде што има куќи би се решиле во тој период, а поголемите како центарот, Дебар Маало и сл. би барале повеќе време), во кој период би се донел нов закон за Урбанистичко планирање и сите сродни закони и подзаконски акти, а потоа би се донел ГУП и нови ДУП-ови, со цел:
1. Зголемување на зеленилото
- 15-50% од ДУП-от и 10-50% од парцелите би морале да бидат зелени, во зависност од локацијата, моменталната и планираната состојба;
- постоечките дрјва би требало да останат, ако тоа не е можно да се пресадат (потребни се уште машини за пресадување), а ако ни тоа не е можно да не надоместат 2-10 кратно, во зависност од апсолутниот број, нивниот вид и вредноста и габаритот на објектот што се гради (со што минимум 25% би морале да бидат во близина, а останатите каде било во општината, освен за о. Центар);

2. Подобрување на паркингот
- Најмалку 1.8 паркинг места по стан за станбени згради и слична одредба за нестанбени, со што паркинг местото би морало да биде во склоп на зградата или непосредно до неа. Најмалку 1 паркинг место мора да биде новосоздадено, било во/под зградата, било на нов паркинг или катна гаража во непосредна близина, а не повеќе од 0.8 може да се преземат од веќе постоечки паркинзи доколку и колку со ДУП-от е предвидено (во зависност од тоа колку згради се планираат и каква е искористеноста на паркингот);

3. Здрав разум во урбанизмот
- Ѕид со прозорци да мора да биде најмалку 6 метри оддалечен од друг ѕид;
- Минимум 10 метри растојание од булевар;
- Усогласување на димензиите на згради кои се залепени една за друга (со што би биле дозволени и поголеми отстапки доколку тоа изгледа добро);
- Други правила со кои би се избегнале сегашни глупости (со што би добиле, на пример, вистински блокови, наместо долга зграда со прозорци од сите 4 страни, и на 6 метри до неа друга зграда со прозорци од сите 4 страни);

4. Подобрување на квалитетот на зградите
- Секој објект од одредена категорија (административни, деловни, поголеми станбени) или во зона од високо или средно значење да мора да приложи рендер при барањето дозвола за градба; промени би одобрувала само општината. Нема употребна дозвола ако објектот не соодветствува на рендерот (минимални отстапки би биле дозволени);
- Минимум стандарди за енергетска ефикасност и употреба на материјали;
- Одобрување на материјалите кај објекти од одредена категорија или во одредени зони;
- Повластувања за објекти со вертикално зеленило, зелен кров, самоодржливост и сл.

5. Нови институции и процедури
- Градско архитектонско биро во склоп на или при секоја општина кое би се грижело за горните работи, а особено одобрување рендери. Може да биде интерно тело кое би го бирало градоначалникот/советот или главниот архитект да се бира на избори и истиот да биде независен од општинските органи;
- Поголема улога на јавноста при носење ГУП и ДУП-ови, можеби и со онлајн референдуми;

6. Средување на веќе настанатиот хаос
- Со секој нов ДУП би се правела и кратко, средно и долгорочна стратегија за барем малку да се санираат веќе настанатите проблеми;

7. Промена на начинот на финансирање на општините
- Вистинска децентрализација со што поголем општински буџет;
- Уделот на комуналии за градба да биде што помал.

И уште многу други работи, дел начнати горе, како зонирање на градот (со што паркингот пред Холидеј Ин би се третитал како воглавно деловна зона со кластер високи згради, а согласно своите карактеристики би бил зона од многу високо значење, со што би се барал поголем квалитет на изграденото и поголема развојна компонента), повеќе меѓународни конкурси за битни зони и објекти, подобрување на образованието...

Фокусот треба да биде кон Треска (една станбена 30-катница со зеленило околу неа би било супер) и Алумина (4 станбени 20-катници и една деловна).


-------------
Градот убав никна, но го откорнаа


Posted By: my Macedonia
Date Posted: 14-Apr-2021 at 21:28
Originally posted by stratus

Не е лошо, ама е многу лошо за таа локација. Веќе видена архитектура во Македонија. Од досегашното искуство сите знаеме дека ќе изгледа многу досадно и обично кога ќе го нема зеленилото од рендерите.

Две години мораториум за на крај да се гради по истиот ДУП? Што ако на сред градба на инвеститорот му текне да го прошири објектот или да додаде уште 5-6 ката, ДУП-от му го дозволува тоа.

Контра тезата дека таа локација треба да се искористи за парк или плоштад е исто така несоодветна. Во околината има неколку плоштади: Македонија, Карпошово Востание, Пела, Плоштадот кај Св. Богородица, мини плоштад пред Веро-центар. Класичен парк исто така не е решение, со оглед на големата атрактивност и проодност на граѓани. Едноставно тоа е нереализирана дупка во најстрогиот центар на градот.

Едноставно на таа локација треба да се гради. Мора да се поништи стариот ДУП, да се донесе нов според ГУП, што ќе биде соодветен за максималниот потенцијал, за корисници (станари, деловен простор, паркинг..) на овој простор.

Со оглед на тоа што оваа е најатрактивното земјиште во Скопје што значи и во државата (можеби на атрактивно второ место е парцелата кај поранешна Треска), мора да се пристапи кон сериозно урбанистичко и архитектонско планирање на овој простор што ќе даде и дополнителна додадена вредност на квалитетот на градот и државата од повеќе аспекти.

Како мислам дека ова треба да се реши.
1. Итно стопирање на овој ДУП.
2. Носење на нов ДУП согласно ГУП-от и дополнителна сериозна дополнитена анализа.
3. Меѓународен конкурс, добро платен од град Скопје, со што меѓународни конкурентни компании би аплицирале со свои понуди. Кога можел Кензо Танге да работи на мастер планот на Скопје во пред 60 гоини, може некоја светски реномирана архитектонско студио да работи на проект во овој дел.
4. Нудење на целиот тој простор како една парцела, а не расцепкан како сега. Далеку повеќе би бил задоволен со две 60-катници отколку 6 20катници.
5. Целосно употреба на објектите за деловна (можеби хотелска) намена. Како овде станари на таа локација, па потоа да рентаат станови за фирми. Глупост.
6. Сериозен голем број на паркинг места, не само за потребата на овој комплекс.

И за крај, на делот од парцелата на која е сопственик инвеститорот на овој проектникој нема во принцип да му забрани да гради и да прави профит. Нека го прави тоа, но по јасно пропишани правила. А за тие малкуте фамилии што живеат во тоа суп-стандардно маало и сакаат преку ноќ да се стегнат со огромна квадратура на станбен простор, немам зборови.


Баш во иста линија сме!


Posted By: stef4o
Date Posted: 15-Apr-2021 at 12:27
Малку да извлечам некои црти од вчерашната презентација што ми останаа нејасни и плус некои дополнителни мои прашања

1.Се спомнува дека ул.Мирче Ацев треба да стане булевар(дали тоа значи некакво продолжение на Трета Македонска позади Корчагин па да се спојат на бул.Кочо Рацин или грешам...ако е така тоа е пак препуштено на градот и реализацијата којзнае дали ќе се случи.

2.Се спомна дека ако има недостиг на паркинг да се користи катната пред ССМ што е изградена,но прашањето ми е каде ќе одат сите тие возила од сегашниот паркинг спроти Холидеј Ин кој вон пандемиските услови беше преполн.

3.Куќарките се очигледно изоставени од проектов и ќе чекаат некоја си следна прилика што е многу глупо и мизерно а како што сфатив инвеститориве збореа само за парцела 1.1(ако може некој да нацрта на постоечкиот паркинг каде би стоеле зградиве од проектот бидејќи малку сум збунет?)

4.Не се спомнати никакви рокови на почеток на работите ниту како би оделе фазите на градба.

5.Дали и што е предвидено на делот кај што ги срушија бараките на Ин Такси?

6.Се спомна и некаков мост од Кеј 13 кон Плоштад пресвета богородица но прашање е дали ќе се гради рекоа дека е општинска надлежност?


Posted By: stef4o
Date Posted: 15-Apr-2021 at 12:30
Холидеј Ин: Будењето на бетонскиот џин

Од едната страна се слуша „да го спречиме бетонското чудовиште“, од другата – „погледнете, не е чудовиште“, а од трета – „помогнете, не можеме ништо да сториме сами“. Дебатата за паркингот спроти хотелот Холидеј Ин дополнително се вжешти денес, откако сопствениците претставија што сакаат да градат таму, а активисти бараат да не се гради за да се заштити јавниот интерес и животната средина.

Ова парче асфалт во центарот на Скопје повторно влезе во јавниот фокус откако се објави дека инвеститорите ги уплатиле комуналиите од речиси два и пол милиони евра и веќе се на чекор до добивање градежна дозвола, а со тоа и до почетокот на градбата. Од пред една недела се собираат потписи на онлајн-петиција против проектот, а денеска 29 граѓански организации испратија отворено писмо до премиерот Зоран Заев, за тој да го спречи градењето.

Во обид да ја поправи лошата репутација што проектот ја стекна уште на невидено, фирмата-инвеститор МГ Фешн детално претстави што точно ќе гради – две станбени згради од 22 односно 20 ката плус поткровје и една деловна 16-катница, сето тоа поврзано со трговски и деловен простор на два ката, со зеленило на терасите и во околниот простор итн.

Сликата ја комплетира градоначалникот Саша Богдановиќ, кој со денови по медиумите објаснува дека не може самиот да го спречи градењето бидејќи има законски обврски, и ги моли другите институции за помош.

Љубопитни погледи нагоре

Идејата дојде уште во меденaта фаза на првата влада на Никола Груевски, во февруари 2007 година, кога на владина седница беше донесена одлука да се создадат услови за изградба на три облакодери во блокот спроти хотелот Холидеј Ин.

Тоа значи на целиот простор од хотелот до булеварот Кочо Рацин, спроти Олимпискиот базен, што ги опфаќа паркингот и куќите од Ново маало, кои во голем дел се во распаѓање поради што се сметаше дека го нагрдуваат центарот на градот. Тогаш се образложуваше дека Владата само ќе создаде услови, и се надева дека ќе се најдат инвеститори да ги градат зградите.

Во јуни 2007 се донесе првиот ДУП за т.н. „скопски Менхетн“. Се предвиде, според образложението на општината Центар, модерен комплекс кој, повторно, ќе го опфаќа целиот блок, не само паркингот, и во кој треба да има и училишта, градинки, ресторани, станбени и деловни простори, паркинзи, сали, галерии, кина – практично да функционира како град во градот.

Во време кога на Скопје се уште не му беше смачено од градење, кога се немаа случено трансформациите на Стар Аеродром, Маџир маало, Тафталиџе, Водно и многу други делови од градот, а Скопје 2014 се уште беше само нечија неизговорена желба, оваа владина одлука поттикна размислувања за проекти што се нарекуваа „скопски Менхетн“.

Во таа и во следната година се појавија и најавите за висококатници во Аеродром, бизнисменот Бојо Андревски сакаше да прави 50-катница врз Европскиот униврзитет, а неколку згради од по триесетина ката беа предвидени во Карпош.

Новото Скопје беше замислено како град на облакодери. Како што е познато, подоцна се претвори во град на имитации на барок, неокласицизам и рококо и на десеткатници збиени една до друга како коцки, со игнорирање на стандардите за хуман урбан развој.

Овие најави во јавноста не предизвикаа некое негодување. Реакциите повеќе се сведоа на љубопитност какви спектакуларни проекти се замислени, скептичност дека тие воопшто може да се остварат, и сомнеж дали е можно да се направат облакодери од сто ката на подрачје подложно на земјотреси.

Медиумите тогаш не трчаа по реакции од урбанисти, екологисти или активисти за хуман животен простор, туку по експерти од ИЗИИС, кои стручно објаснуваа дека постојат технологии со чија помош воопшто не е проблем да се направат толкави згради во Скопје, и ги посочуваа Токио и Тајван како примери.

Ништо од тоа не се случи, со исклучок на изградбата на кулите Џеваир во Аеродром. Другите проекти, како 25-катницата кај Европски универзитет и три 30-катници во Карпош се уште „спијат“ во ДУП-овите. Така беше и со идејата за оригиналниот „скопски Менхетн“.

Остварливи и неостварливи облакодери

Полуразурнати објекти ќе го опкружуваат новиот модерен комплекс



Во 2012, кога истече петгодишниот рок на важење на ДУП-от за просторот меѓу Холидеј Ин и Олимпискиот базен, се донесе нов, со кој висината на зградите се намали од сто на 60 ката. Но, се уште ниту еден инвеститор не беше заинтересиран.

Во тој план, изработен од компанијата Билд , просторот е поделен на три засебни градежни парцели, со можност на секоја од нив да се изгради по една 60-катница со по две згради од по 20 ката од страните, со цел да се спојат во триаголник, како што предвидуваат повеќе визуелизации. Едната парцела беше врз паркингот, а другите две врз старите трошни куќи од Ново маало.

Во 2012 се донесе нов Генерален урбанистички план, со кој овој ДУП не беше усогласен. Од 2013 Општина Центар е во рацете на опозицијата, со Андреј Жерновски како градоначалник, но ништо не се смени на овој простор, иако општината имаше обврскаа да го усогласи планот. Плацот спроти Холидеј Ин функционираше како паркинг со наплата.

Ново маало остана еден од малкуте простори во поширокото централно подрачје во кој не се случуваше градежна експанзија. За разлика од другите делови на градот каде што индивидуални сопственици или заедници на станари можеа да бараат и наоѓаа инвеститори да им го надградат само нивното парче земја, тука требаше да се најде инвеститор за облакодер, кој ќе откупи 40-50 ситно расцепкани имоти за едниот и уште толку за другиот облакодер.

На некои од нив има по седум-осум заеднички сопственици, па ниту еден инвеститор не се реши да се заплетка во сложена процедура во која ќе треба да се спогоди со неколку стотини луѓе за да може да почне да гради.

Само една од парцелите немаше таков проблем – на самиот паркинг спроти хотелот Холидеј Ин. Таму поголемиот дел од просторот беше јавен, а помал дел и припаѓаше на Македонската православна црква, добиен со денационализација бидејќи на тоа место се наоѓала поранешната црква Свети Константин и Елена (која требаше да се обнови на плоштадот, па се изгради кај Домот на АРМ). Токму таа парцела ја докупи фирмата Обновители ДОО, во заедничка сопственост на МГ Фешн и на МПЦ, преку т.н. процес на окрупнување.

Идејата за трансформација на целиот блок во некаков заокружен, самоодржлив комплекс со станови, деловен простор и јавни услуги (училиште, градинка), иако и самата по себе контроверзна, практично се напушта. Бидејќи инвеститорот гради една третина од блокот, може да ги игнорира потребите за јавни објекти и да остави тие да се решат во другите два блока, каде што изгледите за градење се минимални. Ќе остане контрастот меѓу куќите во распаѓање во Ново маало и бетонскиот џин до нив.

Нови врзани раце

Во 2017, кога на чело на општината дојде сегашниот градоначалник Саша Богдановиќ и кога советот изглада мораториум на спроведувањето на урбанистичките планови, се уште стоеја трите шеесеткатници во блокот спроти Холидеј Ин. Како и многу други планови, и тој отиде на ревизија, која не се изведе.

Планот го ревидираше истата фирма што го нацрта првичниот. Таа стигна само до 14-от од 20 чекори за ревизија и поради недоразбирања меѓу планерот и општината, се раскина договорот, и обидот за ревидирање пропадна.

Бидејќи законот налага дека додека не се донесе нов ДУП стариот останува да важи, на инвеститорите им било овозможено да си уплатат комуналии и да побараат градежна дозвола. Особено откако во 2020 година, по барање на двајца анонимни граѓани на Охрид, Уставниот суд го укина мораториумот во општина Центар и ги тргна пречките за барање градежни дозволи.

Општината тогаш најави дека за спорните планови ќе побара суспензија од Министерството за транспорт и врски (како што дозволува најновата верзија на Законот за просторно и урбанистичко планирање), но ниту тоа не се случи.

„Ние побаравме суспензија, но за да се случи тоа треба да се почне нова постапка. А тоа не можеме да го направиме бидејќи чекаме тарифник“, објасни градоначалникот Богдановиќ.

На овој начин повторно профункционира принципот „врзани раце“ во односите меѓу локалните власти и градежните инвеститори, во кои властите не можат да го спречат остварувањето на приватниот интерес без разлика какви штетни ефекти тој може да има врз општото добро.

Богдановиќ вели дека се уште не се откажал, и испитува дали има можности да се спречи градбата, па бара помош од Антикорупциската комисија и од други институции.

Факт е дека практично ништо не се случуваше цели десет години додека овој бетонски џин спиеше, а кога се разбуди, можеше само да се констатира дека надлежните не можат повторно да го успијат.

https://prizma.mk/holidej-in-budeneto-na-betonskiot-dhin/


Posted By: stef4o
Date Posted: 15-Apr-2021 at 12:43
ТРИТЕ КУЛИ КАЈ „ХОЛИДЕЈ ИН“ СЕ НА САМО ЕДНА ПАРЦЕЛА, ВО ПЛАНОТ НА ВМРО-ДМПНЕ КОЈ СДСМ НЕ ГО СМЕНИ, ИМА ПРЕДВИДЕНО 60-КАТНИЦИ НА УШТЕ ДВЕ ПАРЦЕЛИ



Трите згради од 16, 20 и 22 ката за 1.200 жители во срцето на Скопје кои вчера ги презентираше инвеститорот „МГ Фешн“ се наоѓаат само на една градежна парцела од вкупно три кои ги предвидува Деталниот урбанистички план (ДУП). Според ДУП-от донесен во 2012 во времето на ВМРО-ДПМНЕ и кој не е усогласен со Генаралниот урбанистички план (ГУП), просторот е поделен на четири парцели, од кои три се градежни и една е со намена плоштад со фонтана. Трите згради кои вчера беа презентирани ќе се градат на парцелата број 1.1. која е всушност државното земјиште кое му беше продадено на инвеститорот и земјиштето на Македонската православна црква (МПЦ-ОА).

На овој простор не се наоѓаат куќите на жителите на Ново Маало, кои испратија писмо со кое го поддржуваат проектот. Куќи има на парцелата за плоштадот, како и парцелите 1.2 и 1.3. Тоа значи во моментов инвеститорот не треба да обештетува граѓани и ниту една од куќите кои беа прикажани во презентација со лоши и супстандардни услови за живот, засега нема да се урне.

На презентацијата беше кажано дека идејниот проект се однесува само за првата парцела, а градбите во неа би се реализирале во три фази. Прво ќе се гради зградата од 20 ката која се наоѓа на земјиштето на МПЦ-ОА и всушност ја попречува отвореноста на плоштадот кон кејот. Такму за оваа зграда се уплатени комуналии во висина од 2.4 милиони евра на Град Скопје и Општина Центар. Потоа би се градела станбената зграда од 22 ката, со зеленило на терасите и на крај деловниот центар од 16 ката. За овие два објекти дополнително ќе се платат комуналии, а за секоја Градот и Општината ќе наплатат приближно колку висината на комуналиите за првата зграда.

На презентацијата не беше кажано што ќе биде со останатите две градежни парцели, дали инвеститорот планира да гради и таму. Управителот на МГ „Фешн“ Илија Божиновски кажа само дека нудат соработка на Општина Центар наместо плоштад четвртата парцела да прерасне во парк налик светските метрополи. Тие би биле инвеститори за негово подигнување и соодветно би ги обештетиле сопствениците кои имаат куќи во таа парцела, иако не е градежна.

Сите содржини што сега се планираат се всушност според стариот Детален план, кој дозволува по 200.000 метри квадратни изградена површина на трите парцели, или вкупно 600.000 метри квадратни и 5.000 жители. Генералниот урбанистички план кој е акт од повисок ранг дозволува на сите три парцели да живеат 1.250 граѓани или 347 семејства, а сега само во првата парцела се предвидени 1.200 жители.

Такму поради тоа Деталниот план е во спротивност на Генералниот план и тој воопшто не требал да биде одобрен од тогашниот градоначалник на Град Скопје Коце Трајановски и министерот за транспрот и врски Миле Јанакиески. Тоа значи дека сега инвеститорот ќе гради спротивно на ГУП-от, односно согласно ДУП во кој не биле запазени параметрите од повисок орган.

СДСМ која четири години е на власт во општина Центар и во град Скопје, а ја има и централната власт не успеа да спречи во срцето на главниот град да се гради според лош и неусогласен со ГУП-от план, иако пред да дојдат на власт остро ги критикуваа плановите на власта на ВМРО-ДПМНЕ велејќи дека со нив се бетонизира Скопје и ветуваа промена на урбанистичките политики.

Не само што не ја смени урбанистичката политика на ВМРО-ДПМНЕ, туку за време на оваа власт беше направено дооформување на парцелата со продажба на државно земјиште. Во 2018, кога на сила беше мораториумот за градба во Центар, од Министерството за транспорт и врски кога министер беше Горан Сугарески од СДСМ, инвеститорите го купуваат државното земјиште на овој простор со површина од 9.048 метри квадратни метри по цена од 312 евра за квадрат. Со тоа му се даде можност на инвеститорот да поседува поголем дел од просторот и наместо тоа да биде државно земјиште со кое Општината можеше да прави што сака, сега ќе мора да се пазари за содржини од јавен интерес, како што се градинки, паркови, школи и слично.

Вчера архитекти и граѓански организации испратија писмо до премиерот Зоран Заев во кое бараат да се суспендира планот и на таа локација ништо да не се гради додека не се распише конкурс за изгледот и содржините на целиот простор заедно.

%20 - https://sdk.mk/index.php/naslovna/trite-kuli-kaj-holidej-in-se-na-samo-edna-partsela-vo-planot-na-vmro-dmpne-koj-sdsm-ne-go-smeni-ima-predvideno-60-katnitsi-na-ushte-dve-partseli/


Posted By: Џоле
Date Posted: 15-Apr-2021 at 15:34
Еве еден рендер на кој се гледаат сите три кули...

(го имало и на претходната страница, нема врска, нека седи тука)



-------------
За сè има вторпат


Posted By: stef4o
Date Posted: 15-Apr-2021 at 16:44
ИНВЕСТИТОРОТ НИ РЕЧЕ ЌЕ ГРАДИ КУЛИ И НА НАШИТЕ ПАРЦЕЛИ, ВЕЌЕ ПРЕГОВАРАМЕ И БАРАМЕ ПРОЕКТОТ ДА ПРОДОЛЖИ, ВЕЛАТ ЖИТЕЛИТЕ НА НОВО МААЛО

Жителите на Ново Маало кои се дел од останатите две градежни парцели 1,2 и 1.3 на просторот кај „Холидеј ин“, велат велат дека се во преговори со инвеститорот „МГ Фешн“ висококатници да се градат и на местото на нивните куќи. Тие денеска организираа прес-конференција за да дадат поддршка на презентираниот проект за парцелата 1.1. која не опфаќа ниту една куќа, туку е Ппредвиден само за продаденото државното земјиште и парцелата на Македонската православна црква (МПЦ-ОА).

Тие побараа премиерот Зоран Заев и Општина Центар да не го есапат барањето на архитектите и граѓанските организации да се стопира Деталниот урбанистички план (ДУП) и да се спречат овие градби, туку да ги послуша нив и да дозволи нивните куќи да се урнат и да се изградат згради со што би имале нормални услови за живот.

На прашање на новинарите дали знаат дека проектот кој беше презентиран во средата не ги опфаќа нивните парцели тие рекоа дека се свесни за тоа, но очекуваат дека откако ќе стартува градбата на првата парцела, проектот ќе се прошири и ќе се гради и на нивните парцели.

„Живееме во супстандарди услови. Долги години пропуштаме инвеститори, не смееме да го пропуштиме и овој. Тоа нема да го дозволиме. Убаво го видовме проектот, тој има и зеленило и кога тој ќе почне да се гради ќе можеме и ние да го решиме нашето прашање. Сме се гледале со инвеститорот, ни беше покажано што ќе се гради и сме во фаза на преговори и на нашите парцели да се градат згради, а за возврат да добиеме станови“, вели Игор Стојанов жител на Ново Маало.

Жителите кажаа дека на двете парцели кои не се опфатени со презентацијата живеат околу 2.000 жители. Тие велат дека проектот за кулите е модерен, светски и доликува за оваа атрактивна локација.

На презентацијата на идејниот проект за парцелата 1.1. беше кажано дека проектот опфаќа три згради од 16, 20 и 22 ката. Прво ќе се гради зградата од 20 ката која се наоѓа на земјиштето на МПЦ-ОА и всушност ја попречува отвореноста на плоштадот кон кејот. Такму за оваа зграда се уплатени комуналии во висина од 2.4 милиони евра на Град Скопје и Општина Центар. Потоа би се градела станбената зграда од 22 ката, со зеленило на терасите и на крај деловниот центар од 16 ката. За овие два објекти дополнително ќе се платат комуналии, а за секоја Градот и Општината ќе наплатат приближно колку висината на комуналиите за првата зграда.

На презентацијата не беше кажано што ќе биде со останатите две градежни парцели, дали инвеститорот планира да гради и таму. Управителот на МГ „Фешн“ Илија Божиновски кажа само дека нудат соработка на Општина Центар наместо плоштад четвртата парцела да прерасне во парк налик светските метрополи. Тие би биле инвеститори за негово подигнување и соодветно би ги обештетиле сопствениците кои имаат куќи во таа парцела, иако не е градежна.

%20 - https://sdk.mk/index.php/dopisna-mrezha/investitorot-ni-reche-ke-gradi-kuli-i-na-nashite-partseli-veke-pregovarame-i-barame-proektot-da-prodolzhi-velat-zhitelite-na-novo-maalo/


Posted By: stef4o
Date Posted: 15-Apr-2021 at 16:48
ДВЕ ШЕЕСЕТКАТНИЦИ СЕ УШТЕ ОСТАНУВААТ ВПИШАНИ - АНТИЌ ЌЕ ГРАДИ САМО НА ЕДНА ГРАДЕЖНА ПАРЦЕЛА

[tube]HDe0gajNg-0[/tube]

%20 - https://24.mk/details/dve-sheesetkatnici-se-ushte-ostanuvaat-vpishani-antikj-kje-gradi-samo-na-edna-gradezhna-parcela


Posted By: stef4o
Date Posted: 15-Apr-2021 at 17:25
Снимка со дрон од просторот кај „Холидеј Ин“

[tube]tYQ-wtz5t7M[/tube]
..........
Се бара алиби за изградба на висококатниците кај „Холидеј Ин

Градоначалникот на Општина Центар, Саша Богдановиќ речиси четири месеци не постапува по задолжението на Советот на Општината за суспензија на спорниот детален урбанистички план за градската четврт Ц 08 – Ново Маало 2 според кој е предвидена изградба на висококатници на парцелата спроти „Холидеј Ин“.

И покрај тврдењата од Општина Центар дека барање за суспензија е испратено, од Министерството за транспорт и врски за „Само прашај“ велат дека до нив не е пристигнат никаков елаборат за суспензија, ниту за овој ДУП, ниту за другите спорни планови кои беа ставени под мораториум пред конечната одлука на Уставниот суд за укинување на оваа мерка.

„До овој момент до Министерството за транспорт и врски нема доставено елаборати за суспензија“, ни одговори Министерството.

Ќе извисат жителите на Ново Маало



Еден од клучните проблеми со ДУП-от за оваа локација е што со проектот за изградба на високатници спроти „Холидеј Ин“ ќе се акумулираат најголем дел од дозволените 1.250 жители со ГУП. Така што, во заблуда се донесени жителите на куќите во Ново маало кои сметаат дека со изградбата на високатниците ќе можат да градат станбени објекти на нивните парцели. На овој проблем вчера укажаа група граѓански организации и професори од повеќе факултети во јавниот повик до премиерот Зоран Заев и надлежните институции да се спречи ново урбанистичко дивеење.

„Ако целосно се искористи за домување таа би одговарала на 2.738 жители (стандард 32.5 м2/жител) и двојно би го надминала ГУП-от, а ако половина се искористи за домување, а половина за деловни и трговски дејности, само една парцела целосно би го акумулирала домувањето дозволено за целата четврт. Имајќи предвид дека изградбата на парцела 1.1. е целосно на територијата на паркингот, таа би привлекла нови жители, а жителите на Ново Маало (во остатокот од четвртта) би останале извисени. Ова од причина ако оваа парцела го исполни ограничувањето за жители на ГУП, на парцелите 1.2. и 1.3. ќе може да се реализираат само деловни и трговски намени според член 38 од ГУП 2012-2022. Со тоа, тие се ставени во многу незавидна положба и начелата за рамноправен третман на граѓаните се нарушени, a новите жители ќe имаат поголеми права на домување од староседелците.

И покрај тоа што ДУП-от за оваа локација очигледно има повеќе спорни моменти, наместо да се бара суспендирање и изработка на нов план, сега Општина Центар од неразумни причини е на чекор да дозволи изградба на мега станбено-деловен комплекс наречен „Гранд“ за кој идејниот проект е изработен со селективна примена на урбанистичките параметри, што лесно може да предизвика нов хаос во центарот на градот.

%20 - https://samoprasaj.mk


Posted By: doncho
Date Posted: 15-Apr-2021 at 18:59
Originally posted by <Fresno>


Барем нешто што архитектонски ќе го збогати градот. Има Скопје повеќе добри примери од 1963 навака, нема зашто сега да се задоволуваме со обични згради за оваа локација. Кога веќе се прават споредби со Белград, ваков тип на објект (без оглед на висина) во комбинација со пониски објекти и содржини ќе беше соодветно за овој потег. А ова што ќе го добиеме ќе биде само ок и ништо повеќе.



А колку би бил квадрат во ваква зграда? Кој би купил во МК по 3-3.5 илјади евра квадрат апартман од 100м2? Или деловен простор од 1000м2? Треба малце реално да се гледаат работите и според куповната моќ на граѓанинот.


Posted By: stef4o
Date Posted: 16-Apr-2021 at 13:13
ИНВЕСТИТОРИТЕ МПЦ И „МГ ФЕШН” ПОБАРАА ОД ОПШТИНА ЦЕНТАР ГРАДЕЖНА ДОЗВОЛА ЗА ДА ЈА ГРАДАТ ПРВАТА КУЛА КАЈ „ХОЛИДЕЈ ИН”

Инвеститорите „МГ Фешн” и Македонската православна црква поднеле барање за градежна дозвола за првата кула кај „Холидеј ин”. Градоначалникот на Општина Центар Саша Богдановиќ потврди дека во електронскиот систем на Општина Центар е поднесено барање од инвеститорите.

„Барањето сѐ уште не е потпишано, односно не е правосилно. Секој има право да поднесе барање бидејќи на сила не е мораториумот”, рече Богдановиќ одговорајќи на прашање на САКАМДАКАЖАМ.МК на отворањето на детско игралиште во Дебар Маало.

На нашето прашање дали ќе издаде градежна дозвола за првата кула од 20 ката на парцелата на МПЦ-ОА, Богдановиќ одбиваше директно да одговори, ама кажа дека нема законска можност да се спречи.

Дали Општината ќе го суспендира овој Детален урбанистички план како единствен начин да се спаси срцето на Скопје од градби кои се спротивни на Генералниот урбанистички план сѐ уште не се знае.

Седница на Советот на Општина Центар на која треба да се донесе таква одлука не е закажана, а градоначалникот Богдановиќ не знае ни кога ќе се закаже. Вели тој не одлучувал за тоа туку претседателката на Советот во консултација со советничките групи. Сепак градоначалникот има право да свика итна, вонредна седница.

Според презентираниот проект инвеститорите ќе градат на парцелата број 1.1. која е државното земјиште кое им беше продадено во 2018 кога министер за транспорт и врски беше Горан Сугарески од СДСМ и земјиштето на МПЦ-ОА. Прво ќе ја гради станбената 20-катница за која е побарана градежната дозвола и се платени комуналии од 2,4 милиони евра на Град Скопје и на Општина Центар. Потоа би се градела станбената зграда од 22 ката, со зеленило на терасите и на крај деловниот центар од 16 ката. За овие два објекти дополнително ќе се платат комуналии, а за секоја Градот и Општината ќе наплатат приближно колку висината на комуналиите за првата зграда.

Што и дали ќе гради на останатите две градежни парцели каде се куќите на жителите на Ново Маало инвеститорот „МГ Фешн“ не кажа.

%20 - https://sdk.mk/index.php/dopisna-mrezha/investitorite-mpts-i-mg-feshn-pobaraa-od-opshtina-tsentar-gradezhna-dozvola-za-da-ja-gradat-prvata-kula-kaj-holidej-in/


Posted By: stef4o
Date Posted: 16-Apr-2021 at 13:34
БОГДАНОВИЌ СЕ ПЛАШИ ДА ГО СУСПЕНДИРА ПЛАНОТ ЗА КУЛИТЕ КАЈ „ХОЛИДЕЈ ИН“ ОТИ МПЦ И „МГ ФЕШН“ МОЖАТ ДА ТУЖАТ

Градоначалникот на Општина Центар Саша Богдановиќ се плаши да се донесе одлука за суспензија на Деталниот урбанистички план за просторот кај „Холидеј ин“ оти инвеститорот би можел да ја тужи Општината. На денешната седница на Советот на Општина Центар воопшто немаше точка на дневен ред по која Советот ќе се произнесе дали да се суспендира планот, туку само информација околу процесот за ревидирање на ДУП-овите и можностите кои ги има Општината по укинување на мораториумот.

Градоначалникот Саша Богдановиќ половина час на советниците им ги објаснуваше сите постапки од почетокот на процесот на мораториум за градба до неговото укинување од Уставен суд лани во декември. Потоа продолжи со образложување на членот 23 од Законот за урбанистичко планирање според кој се нуди можност за суспензија на сите планови за кои постои стручен наод за непрофесионалност, незаконитост и нестручност.

Богдановиќ рече дека овој закон е лош, има низа недоречености поради кои Општината може да сноси последици. Кажа дека законот дозволува суспензија на плановите на 6 или 12 месеци, но исто така се дава можност по завршување на суспензијата оштетени лица од промената на планот да поднесат тужба.

„Прво сите знаеме какви се процедурите и дека е невозможно во рок од 12 месеци да се донесе нов план. Исто така јас како градоначалник на овој Совет морам да му кажам дека после суспензијата на планот некој може да тужи и тогаш кој ќе ја плати штетата. Со мораториумот и претходниот закон немаше таква одредба. Имало случаи кога лица тужеле бидејќи со измена на планот имале штети по приватната сопственост и сега тие се обесштетени од државата со околу 8 милиони евра. Нас ни се подготвени елаборатите, но што ако после суспензијата некој тужи“, рече Богдановиќ пред советниците објаснувајќи дека тие ја носат одлуката, а не тој.

На прашањето на САКАМДАКАЖАМ.МК каков е неговиот став како градоначалник кој го избрале граѓаните на Центар да ја води Општината и да носи одлуки и зошто откако ги предупреди советниците не им кажа дали тој смета дека треба да се донесе одлука за суспензија или не треба, Богдановиќ во неколку наврати избегнуваше дирекно да одговори.

„Мојот став е дека мора да продолжи ревидирањето на деталните планови“, ни рече Богдановиќ, но не сакаше да каже дали преку суспензија или преку редовна постапка. Разликата е во тоа што преку суспензија планот не може да се реализира 12 месеци и тоа значи дека никој не може да добие градежна дозвола, а преку редовна постапка додека трае менувањето Општината мора да издава дозволи за градба врз основа на стариот план.

На седницата на градоначалникот единствено му реплицираше советничката Јана Белчева-Андреевска која рече дека ваквото образложение остава впечаток дека Општината и градоначалникот не работат во интерес на граѓаните туку за затскриени интереси.

„Градоначалник ако нешто се сака, ќе се направи. Ако се сакаше досега можеше да се поднесат елаборатите за суспензија на плановите. Ме прашувате кој ќе ја плати таа штета, па истите тие граѓани кои изминативе години откако сте градоначалник го плаќаат кошаркарскиот клуб ‘Работнички‘ и за кого од парите на граѓаните дадовме 78 милиони денари. Здравјето и хуманото живеење на граѓаните треба да биде поважно од сè“, рече Белчева-Андреевска.

Потоа без да се донесе некаква одлука или заклучок претседателката на Советот Цветанка Симоновска ја прекина седницата бидејќи дебатите се вртеле во круг и велејќи дека медиумите погрешно пренеле дека Советот денеска треба да донесе одлука за суспензија. Рече дека тоа не било точно и на седницата само требало градоначалникот да им даде информација.

Инаку утрово министерот за транспорт и врски Благој Бочварски изјави дека имал средба со градоначалникот Богдановиќ и дека денеска Советот на Општина Центар треба да донесе одлука дали ќе се стопира планот кај „Холидеј ин“, по што тие ќе имаат рок од 15 дена да дадат мислење.

Не беше кажано дали ќе се закаже нова седница за носење на одлука за суспензија иако елаборатите се подготвени. Во меѓувреме инвеститорот „МГ Фешн“ и МПЦ-ОА можат секој ден да поднесат барање за дозвола за градба бидејќи веќе за една зграда проектот им е одобрен од Општината и се платени комуналии од 2,4 милиони евра на Град Скопје и Општина Центар.

%20 - https://sdk.mk/index.php/dopisna-mrezha/bogdanovik-se-plashi-da-go-suspendira-planot-za-kulite-kaj-holidej-in-oti-mpts-i-mg-feshn-mozhat-da-tuzhat/


Posted By: stef4o
Date Posted: 16-Apr-2021 at 16:38
Незивесно „одмотувањето“ на клопчето со комплексот висококатници кај „Холидеј Ин“

[tube]W_i0tHIb0Cw[/tube]

https://kanal5.com.mk/nezivesno-odmotuvanjeto-na-klopcheto-so-kompleksot-visokokatnici-kaj-holidej-in/a470590


Posted By: skopjesarajmatka
Date Posted: 16-Apr-2021 at 22:17


Posted By: user8642
Date Posted: 17-Apr-2021 at 12:38
Адвокатот и експерт за урбанизам Илија Илијовски: Определен ДУП не може да се суспендира
Објавено во: Македонија 17 Април, 2021


Адвокатот и еден од најголемите експерти за урбанизам Илија Илијовски побара од јавноста да не врѓи притисок врз градоначалникот на Општина Центар, Саша Богдановиќ, бидејќи како што вели тој за случајот со проектот кај „Холидеј ин“, определен ДУП не може да се суспендира или да се поништи.

„Тотално непознавање на закони и процедури. Некој како да сака смислено да останеме во мочуриштето од лажни вести и глупости кои се тресат околу изградбата на мега проектот за Скопски Менхетен. Разберете веќе еднаш, согласно Закон за просторно и урбанистичко планирање, определен ДУП не може да се суспендира, стави вон сила или поништи.

Тој што го донел, а во случајов општината, може само да го замени со нов ДУП или да го измени постоечкиот ДУП, за што исто така има законска процедура. Актуелниот ДУП за локалитет Ц 08, како и актуелниот ГУП во кој овој ДУП е целосно вклопен, се донесени во законски предвидени и пред се транспарентни постапки. Така би се носеле и евентуалните нивни измени“, искоментира експертот на Фејсбук.

Илијовски вели дека актуелните барања кои пристигнуваат на адреса но Богдановиќ се притисоци кои можат да доведат до кршење на законот.

https://faktor.mk/advokatot-i-ekspert-za-urbanizam-ilija-ilijovski-opredelen-dup-ne-moze-da-se-suspendira


Posted By: <Fresno>
Date Posted: 17-Apr-2021 at 13:37
Не го пратам во правни детали случајов, но доколку сакаа во овие 4 години нели можеа да донесат нов ДУП? Немаше ни одобренија за градба, ни платени комуналии. Мораториумите, постапки пред судови, уставен итн., ми изгледаат само како купување време за на крај ништо да не се смени. А и таму каде донесоа нови ДУП-ови имаме некои маркици со зголемена катност и ништо посебно променето во позитивна насока.


Posted By: stef4o
Date Posted: 17-Apr-2021 at 13:42
Новомаалци разочарани од соседите од Градски ѕид

Жителите на Ново Маало во чија близина е предвидена изградна на три висококатници на паркингот спрото „Холидеј ин“ ја осудија намерата на нивните соседи од Градски ѕид да тужат поради најавената градба. Нивното писмо до јавноста го пренесуваме во целост:

„Ние жителите на Ново Маало целосно сме разочарани од нашите сограѓани, нашите комшии кои живеат во Градски ѕид кои поднеле иницијатива за стопирање на градбата на Холидеј Ин. Тие директно сакаат да не спречат ние да го решиме нашиот долгогодишен проблем. Крајно несовесно е тие од удобноста на своите домови, кои патем исто така се наоѓаат во високи кули, да покренуваат постапки со кои ние не можеме да си го реализираме нашето загарантирано право. Сакаме да ги потсетиме дека кога нивните кули се градеа пред 50 години, тие доаѓаа кај нас да им помагаме, земаа вода и добиваа поддршка на секој начин.
Овој нивни гест на себичност е за секоја осуда. Нивното право на ниеден начин не се нарушува, но нашето да. Тие на ниеден начин нема да бидат оштетени, но ние да. Бараме итно да се повлечат од таа иницијатива и да покажат хуманост и доблест.
Понатаму, сакаме да ја информираме јавноста, дека во моментов собираме потписи за петиција која во понеделник ќе ја доставиме до сите надлежни институции. Ние имаме права како и сите други граѓани, а повеќе од 50 години не можеме да ги оствариме. Ние имаме право на живот во нормални услови, токму како оние кои секој ден се бунат против нас. Оваа битка ќе ја продолжиме до крај и со сите можни средства“, се вели во писмото потпишано од група граѓани, жители на Ново Маало.

%20 - https://www.slobodenpecat.mk/novomaalczi-razocharani-od-sosedite-od-gradski-zid/


Posted By: user8642
Date Posted: 17-Apr-2021 at 15:58
Морам да споделам една работа која сега ми текна. Некако овој проект страшно ме потсеќа на приказната со G-Mall кај поранешна Алумина од пред 10тина години. Мислам дека сега ова треба да е рециклирана верзија на идејата за G-Mall. Видете ја само сличноста на концептот, трговски со две кули. Логото со накосена буква G изгледа сосема исто, само малку изменета стилизација. Незнам кој стој во позадина на инвестицијата, ама мислам дека ова e "ехо од далечното минато", само се надевам дека овој пат нема да заврши исто приказната, ваљда сега ќе дочекаме и релација.

Во во прилог неколку рендери кои ги најдов по форумов од тоа што претходно сте архивирале. Споредете сами:

https://ibb.co/S3jGtrB">

https://ibb.co/hffZ9bg">

https://ibb.co/885z0XD">

https://ibb.co/3dJ8wGz">

https://ibb.co/9N46y5L">

https://imgbb.com/">

https://ibb.co/p3GxtvR">

https://ibb.co/Qc1nLn3">

https://500pxdownload.com/ - instagram video stealer


Posted By: skopskodete
Date Posted: 17-Apr-2021 at 15:58
А зошто не парцела 1.1 да биде парк со подземен паркинг, 1.2 и 1.3 згради (2-3 висококатници) и 1.4 плоштад? Зошто мора и парцелата 1.1 да биде со згради?


Posted By: Шарла
Date Posted: 17-Apr-2021 at 16:05
Зошто има парк на 100 метри од таму,доста со тие паркови,не се настава парк сегде.
Доволно е само најлево зградата да ја сменат од проектов,ете нека се инспирираат од Г-Малл неуспешниот проект,потоа и останатиот простор да почне да се гради,ова како за почеток со замена на левата зграда е сосема ОК


Posted By: stef4o
Date Posted: 17-Apr-2021 at 17:31
За сега немаат ниту фб ниту веб страна колку што знам,така да освен презентацијата што ја имаа пред неколку дена нема ништо друго.
Првите активности беа ноември 2018 кога ги срушија бараките кај Дрводекор(Ин такси и други компании беа сместени таму но тоа беше заради дооформување на парцелата потоа си остана пусто и полно со ѓубре)
Следно беше декември 2019 кога донесоа камион со справа за гео-механички испитувања или како и да се викаат.
Па дури април 2021 дојде на ред презентација на проектот.
Во меѓувреме имаше мораториум,прикажување на нереални скици и макети за масивните 60-катници,безвезни написи по портали и фб групи.
Мислам дека ќе се дозволи градба на парцелата само ќе биде проследено со уште доста написи и реакции од жители за и против но мислам проектот летово ќе почне да се реализира.Некако и општината полека крева раце од ингеренции,поништувања и слично со изговор за можни тужби и плаќање надоместоци кон инвеститорот(така слично беше и со ЗСФ кај Мајчин дом па ете зградата бидна-не е баш за споредба само го извадив како пример за постапките што се нижеа).
Интересен е делот со куќите од Ново Маало,многу се заангажирани жителите незнам дали нешто им е ветено од инвеститорот.Од друга страна недозволиво е до такви кули да стојат полураспаднати куќи.



Posted By: Џоле
Date Posted: 17-Apr-2021 at 19:01
Време е Скопје да добие нов даунтаун, но и нова пјаца и нов ковент гарден

Бранко Героски

Сакаме парк на просторот спроти „Холидеј Ин“, не сакаме згради! Ако не, ќе тужиме во Стразбур. Сакамееее! Ќе тужимееее!

Како поддршка на оваа кампања, деновиве на Фејсбук се лиферува и една „фотографија“ од некаков „архитектонски проект“, според која просторот на паркингот спроти „Холидеј Ин“ е уреден како допадлив парк, во форма на кружни леи исполнети со зеленило и со цвеќе. И сите воспалено коментираат – прекрасен проект, еве вака треба да изгледа оваа локација, само парк и ништо друго!

Малкумина знаат дека автори на овој „проект“ сме двајца уредници на „Слободен печат“. Јас (сега веќе поранешен уредник на весникот) сум идеен автор, јас ја пронајдов фотографијата на паркот и добив идеја да ја „насадам“ на паркинот спроти „Холидеј Ин“. Графичкиот дизајнер Златко Зец е одличен изведувач на „проектот“.

Значи, станува збор за фотомонтажа, а не за некаков архитектонски проект!

Со таа фотомонтажа, пред неколку години, „Слободен печат“ отвори јавна дебата за овој простор. При тоа, бевме свесни дека Деталниот урбанистички план предвидува „бетонски чудовишта“. Како што бевме свесни и за тоа дека ДУП-от е закон и како таков, како закон значи, може да се промени само со друг закон, односно со друг ДУП и – никако поинаку!

Исто така, знаевме дека локацијата не е државно земјиште и дека си има свои сопственици, при што начинот на стекнување на сопственоста не беше легално оспорен. Инвеститорот има стекнато права врз основа на сопственоста и врз основа на предиспозициите на локацијата што ги нуди ДУП-от. Имајќи го сето тоа предвид, целта на нашата иницијатива беше да отвориме не само јавна дебата, туку првенствено дебата со инвеститорот, во надеж дека тој, во идејниот проект за изградба на оваа локација, ќе го прифати предизвикот со кој го соочивме.

Дали успеавме во намерата? Да, јас тврдам дека успеавме. Уште тогаш успеавме. Бидејќи наидовме на паметни и разумни луѓе. Битката против „бетонските чудовишта“ беше добиена уште тогаш. Потоа фати мораториумот за градба во Центар и јавноста изгуби интерес за темата.

Но, за тоа малку подоцна… Да се вратиме сега на тезата „или парк или ништо друго“, што сега многу сериозно и многу воинствено се наметнува во јавниот дискурс.

Легитимни желби, но и легитимни ограничувања

Се надевам дека ви докажав дека не спорам со тоа дека желбата на дел од Скопјани е легитимна. Напротив, мислам дека нема разумен човек што не посакува во Скопје да имаме повеќе зеленило и поголеми, поубави и поуредени паркови. Не можеме баш да се пофалиме дека постоечките ни се такви, но сеедно…

Исто така, се надевам дека разумните луѓе можат да разберат дека и желбата на жителите на Ново Маало да добијат пристојна компензација за тоа што живеат во супстандардни услови, или воопшто не живеат во тоа керпич-маало и со децении не можат да ги искористат своите права од сопственоста. Пред многу години тие луѓе и нивните сега покојни предци гледале како во комшулукот никнат „бетонски чудовишта“, зградите од сегашниот Градски ѕид. И се надевале дека еден ден и тие ќе добијат шанса и дека некој и нивните желби ќе ги смета за легитимни.

Како и да е, ако навистина сакаме конкретната парцела 1.1. да биде само парк и зеленило, без никакви згради и деловни објекти, тогаш постои само еден легален и легитимен начин да дојдеме до целта – државата (општината, градот, републиката) мора да го купи земјиштето од приватните сопственици, да го промени Деталниот урбанистички план за таа парцела (исто како и за соседната парцела 1.4. да предвиди парк и фонтана евентуално, или некакво поинакво решение, според волјата на граѓаните) и потоа да изгради што сака.

Да повторам, конкретното земјиште си има свои газди и до сега барем, немам слушнато некој уверливо и со правни аргументи да го оспорил начинот на кој тие се стекнале со сопственоста. Да потсетам дека постои и урбанистички план, кој предвидува на оваа парцела да никнат имено „бетонски чудовишта“. И секако, приватните сопственици немаат интерес да инвестираат само во трева и во зеленило.

Идејата за „суспендирање“ на ДУП-от е правно неодржлива и штетна

Ако државата, значи, штитејќи го она што се смета за доминантен јавен интерес, одлучила дефинитивно да ги спречи плановите на инвеститорот, може да постапи на два начина.

Првиот начин веќе го спомнав и морам да кажам дека тој не е рационален. Државата сигурно нема толку пари да купува земјиште од приватни сопственици, плус и да ги обесштети. Освен тоа, дури и државата мора да се однесува рационално со парите на даночните обврзници и тешко ќе оправда толкав трошок само за трева и за зеленило. Да е државно неизградено земјиште, да е некоја ледина, да правиме муабет…

Вториот начин е она што сега се предлага од страна на некои граѓански организации – државата, во лицето на премиерот, на градоначалникот на Скопје, на градоначалникот на Центар или на некоја четврта инстанца, да го „суспендира“ Деталниот урбанистички план. Јас, како и некои експерти што веќе јавно се огласија, сметам дека идејата за „суспендирање“ е правно неодржлива. Но, дури и кога би била одржлива, ваквата постапка ќе предизвика големи материјални и финансиски штети и уште поголеми морални штети. Како утре ќе се убедуваат домашни и странски инвеститори да градат во Македонија? Инвеститорите бараат стабилност и предвидливост, а не државата да ги менува законите преку ноќ. А урбанистичките планови, да повторам уште еднаш, се прописи со карактер на закони, се надевам дека барем тоа на сите ни е јасно.

Има и трет начин да се постигне заедничката цел. Граѓаните, државата и инвеститорот треба заеднички да разговараат и да најдат компромисни решенија, во полза на јавниот интерес. Тоа е она што јас и „Слободен печат“ се обидовме да го постигнеме пред неколку години.

И затоа, пред неколку дена, кога беше најавена јавната презентација на проектот „Гранд“, на Фејсбук напишав дека сакам прво да го видам идејниот проект и да ги слушнам плановите на инвеститорот, за да дојдам до заклучок дали и колку граѓаните, државата и приватните инвеститори ги приближиле ставовите и дали на повидок имаме одржливо решение.

Имаме ли проект што ќе ги задоволи сите страни?

Прво, на парцелата 1.1. со ДУП-от е утврдена површина за градба од 13.654 квадрати. Според презентираниот идеен концепт, инвеститорот ќе гради на 9.165 квадрати.

Второ, максималната катност според ДУП-от е приземје плус 60 катови плус поткровје. Максималната катност во планот на инвеститорот е приземје плус 22 ката.

Трето, законската обврска е да се зазеленат 2.500 квадрати. Инвеститорот предвидува да зазеленат 6.250 квадрати и во тоа не се смета вертикалното зеленило на една од зградите.

Четврто, инвеститорот е спремен, на сопствен трошок, да подигне парк и фонтана на соседната парцела (1.4.), која во ДУП-от е предвидена токму за тоа, за парк. Станува збор за површина од 7.133 метри квадратни. Значи, кога ќе се собере, на просторот спроти „Холидеј Ин“ под зеленило би требало да добиеме скоро 13.500 квадрати. Тоа е површина колку два парка со големина на паркот Жена Борец. Два накај три можеби…

И петто, според мене исто така многу важно, центарот на градот ќе добие и некои други битни, иако незелени јавни површини – нов подземен паркинг за 1.000 автомобили, нови пешачки улици, проширување на улицата Мирче Ацев, нова урбана опрема и слично.


Нормално, доаѓаме до клучните прашања. Дали е ова доволно? Дали граѓаните можат да се успокојат и дури и да му се радуваат на новиот проект? Дали може да ѝ се поклони верба на една компанија која сака во овој проект да вложи 60 милиони евра (и да заработи, нормално), во ова време-невреме?

Никому нема да попувам. Никого нема да го убедувам што да мисли и што да му се допадне. За вкусовите не се расправа, а паметта е единствената работа на светот која е стопроцентно праведно распределена – никој не се жали дека му недостасува. Затоа, ќе си кажам само што мислам јас за плановите на инвеститорот и за тоа дали имаме на повидок добро решение, што ќе ги задоволи сите страни.

Да, мислам дека имаме идеен проект со таков потенцијал. Компромисот инвеститорот да добие 400 станови и многу деловен простор за продажба, засегнатите новомаалци компензација, а Скопје многу зеленило, но и убаво и модерно уредено катче во најстрогиот центар на градот, мене ми се чини многу разумен.

Еколозите ги среќавам во „Скопје сити мол“, гледам како се мачат и ги жалам

И пак ќе се вратам на почетокот, на повиците „или парк или ништо друго“. Ги сметам за легитимни, но не дозволувам некој со викотници да се обидува да го делегитимира и моето гледање на нештата. Особено зашто мислам дека не сум осамен, а и сигурно не сум лицемерен.

Не се продавам за некаков голем „еколог“. На пример, често го посетувам „Скопје сити мол“. Тој објект е дел од портфолиото на инвестиорот. Навраќам често и во „конзервата“ до Старата железничка, како што некогаш го нарекувавме молот „Рамстор“. И да ви кажам право, таму среќавам и многу „еколози“ и баш и не сум стекнал впечаток дека доаѓаат под принудеа и дека нешто посебно се измачуваат што се „затворени“ во тие „конзерви“. Напротив, шопингуваат, се шетаат на топло и на чисто и уживаат во кафетериите. Поточно, уживаа до вчера, до локдаунов…

Во иднина, сигурно ќе навраќам и во „Ист гејт“, бидејќи мислам дека и тоа ќе биде еден одличен и функционален комплекс, на место на сегашната руина „Скопски саем“. И да не ве изненадам, можеби ќе ме гледате и во кафетериите на новиот хотел „Лимак“ на улица Железничка, а утре и во другите објекти. Бидејќи објектите што се градат меѓу улиците Гологанов и Железничка, да бидам искрен, мене ми се допаѓаат. Иако гледам дека таму нема да има многу зеленило. Но, сигурно ќе биде многу подобро и поубаво од она грдо ништо што постоеше таму до вчера, на огромна површина во центарот на градот, во мојот комшилук.

И уште нешто. Не се палам на наративот „старо Скопје“. Не сум од оние што мислат дека во центарот на метрополата треба да имаме мали куќички со големи дворови, во кои ќе седиме под цреши и кајсии и на лето ќе си ги брчкаме нозете во легени. Скопје одамна не е град со 300.000 жители и со бавчи до Карпош на запад и до Мичурин на исток, град во кој до Матка се одело ко на одмор, со воз – Скопје Сарај Матка, релација кратка…

Се разбира, на сите ни недостасува повеќе зеленило, повеќе чист воздух, ливада, планина, река. Но, ги имаме ние и Водно и Скопска Црна Гора, Матка, Китка и Козјак, Треска и Вардар, ма чуда ние имаме. И сето тоа на дофат на Скопје, на 15 до 20 километри, не подалеку. Само, не ги цениме нашите убавини. Не сакаме да ги уредиме тие места, да бидат достапни и пријатни за престој. Не знаеме да ги чуваме и да ги сочуваме за идните генерации.

Уникатна шанса да се остави траен белег во архитектурата на Скопје

И затоа, баш и не им верувам на сите што запнале паркингот спроти „Холидеј Ин“, кој сега е само ругло на градот, да го направат онаков каков што јас и Зец го „нацртавме“ на нашата фотомонтажа. На некои им верувам, но не на сите. Особено не им верувам на луѓето кои водат отворена кампања против инвеститорот, а најмалку им верувам на оние кои своите нишански справи ги подесиле според своите преференции за кандидатите за следните локални избори.

Ете, тоа е моето скромно мислење за оваа работа. Бидејќи не сум ни архитект, ни урбанист – а сепак го смислив „најубавиот“ проект што најмногу ви се допадна, хаха! – зборот ќе им го препуштам на сите што имаат да кажат многу повеќе и многу попаметни работи од мене.

Само, сакам да предупредам дека дебатата треба да се води смирено, аргументирано, а не на нож и со подметнувања, како сега. Јас одамна се убедив дека инвеститорот собрал група од разумни, паметни и претприемчиви луѓе и дека нивната желба е да направат нешто со што навистина ќе се гордеат. Ретко човек има шанса да остави траен белег во архитектурата на својот град. Тие се свесни за тоа и не сакаат да се посрамотат.

Ете затоа, предлагам да дебатираме на начин што ќе им помогнеме не само на тие луѓе, туку и на градоначалниците Саша Богдановиќ и Петре Шилегов, ама да си помогнеме и себеси. Имам чувство дека ни треба помалку нервоза и повеќе добра волја заеднички да ги видиме големата слика и потенцијалот што го нуди овој прекрасен простор.

На тој простор јас очекувам да никнат и нови зелени површини, но и објекти со восхитувачки дизајн, задолжително калитетно решение за паркинг просторот и нови содржини кои ќе му дадат карактер на урбан и културен нуклеус, плоштад, собиралиште. Бидејќи Скопје нема своја агора, форум, пјаца, нема свој ковент гарден. Ги имаше можеби, но ги изгуби во „шумата“ од градби и споменици на проектот „Скопје 2014“. Време е да создадеме нови.

https://plusinfo.mk/vreme-e-skop-e-da-dobie-nov-dauntaun-no-i-nova-p-aca-i-nov-kovent-garden/


-------------
За сè има вторпат


Posted By: zabegan
Date Posted: 17-Apr-2021 at 21:39
кулите на страна, имаме трговски меѓу два трговски... freakin genious

-------------
Architects create dreams...politicians create nightmares


Posted By: Marxentric
Date Posted: 17-Apr-2021 at 22:54
Originally posted by user8642

Originally posted by Marxentric

... и од далеку кога ќе го види странец да добие впечаток на метропола....
Ако има нешто поограничено од оваков начин на размислување.....

Правиме град за себе да ни биде убаво и удобно во него, или потемкиново село за дојам пред странци?!

Брат мене Скопје ми делува на дупка секако, а облакодерите ги гледам како единствен излез да заличи на поубедлив град.
Е сега ако си сместен во една од гарсоњерите во Градски Ѕид, тогаш ти е оправдана фрустрацијата, но така не се гради град
Originally posted by doncho


А колку би бил квадрат во ваква зграда? Кој би купил во МК по 3-3.5 илјади евра квадрат апартман од 100м2? Или деловен простор од 1000м2? Треба малце реално да се гледаат работите и според куповната моќ на граѓанинот.

Зарем е битно колкава ќе е цената ако некој се нафатил да го изгради проектот? Во моментот таму има паркинг и Шутка, шутката ќе ја снема, а би се добило посреден паркинг, а и многу поатрактивна плаза со модерни згради.


Posted By: Cloverstack
Date Posted: 18-Apr-2021 at 00:48

Во малиот и големиот ринг направивме 20 плоштади и платоа, а единствен вистински парк е паркот Жена Борец. Единствена преостаната локација што е доволно голема и што реалистично може да прерасне во парк е парцелата 1.4 која во моменталниот ДУП е вцртана како плоштад со „фонтана со споменик и обележја“.

Апсолутно не е потребна уште една глупа поплочена површина, ниту мегаломанска фонтана со пречник од 50 метри. Оваа парцела дефинитивно треба да се трансформира во парковско зеленило!

Приказните за вертикално зеленило и зелени покриви на локацијава, дури и да се остварат во некоја посуштинска количина (а тоа е ептен голем прашалник), никако не можат да заменат површинско парковско зеленило на локација кадешто има природен проток на луѓе.





Originally posted by Шарла

Зошто има парк на 100 метри од таму,доста со тие паркови,не се настава парк сегде.

Да стварно, претеравме со пракови... сегде само паркови никнуваат, доста више со тие паркови


Не знам по кои мерила се водиш, ама еве неколку бенефити од паркови во градска средина, се надевам не мислиш дека се банални:

1. Почист воздух, помалку токсини, помалку ПМ честички.

2. Сузбивање на урбаните топлински острови, а и генерално попријатна микроклима, не само во паркот туку и во околината.

3. Намалување на опасност од поплави при поројни дождови (почвата ја апсорбира водата, за разлика од поплочени/асфалтирани/бетонирани површини).

4. Абсорпција на звучно загадување.

5. Одлично место за рекреација, за краток одмор, за оброк пауза од работа, за кулирање, за дружење...

6. Зеленилото позитивно влијае врз расположението и психата на луѓето.

Листава може да се продолжи...




Posted By: kiriOK
Date Posted: 18-Apr-2021 at 04:21
Originally posted by Џоле

Време е Скопје да добие нов даунтаун, но и нова пјаца и нов ковент гарден

Бранко Героскиhttps://plusinfo.mk/vreme-e-skop-e-da-dobie-nov-dauntaun-no-i-nova-p-aca-i-nov-kovent-garden/


Веќе неколку дена течат платени промоцијски текстови на владини портали за проектов, архитектот е сопруг на главната во Отворено Општество, а веќе чим и овој гмизавецов Героски пишува про, тоа е дефинитивен знак зошто проектов е компромитиран уште на старт.


Posted By: Шарла
Date Posted: 18-Apr-2021 at 06:10
Originally posted by Cloverstack


Не знам по кои мерила се водиш, ама еве неколку бенефити од паркови во градска средина, се надевам не мислиш дека се банални:

1. Почист воздух, помалку токсини, помалку ПМ честички.

2. Сузбивање на урбаните топлински острови, а и генерално попријатна микроклима, не само во паркот туку и во околината.

3. Намалување на опасност од поплави при поројни дождови (почвата ја апсорбира водата, за разлика од поплочени/асфалтирани/бетонирани површини).

4. Абсорпција на звучно загадување.

5. Одлично место за рекреација, за краток одмор, за оброк пауза од работа, за кулирање, за дружење...

6. Зеленилото позитивно влијае врз расположението и психата на луѓето.

Листава може да се продолжи...




Стварно,епа еве им идеја од мене,нека го срушат градски ѕид и на негово место нека направат огромен парк,огромен круг на зеленило место сив гол,грд бетон,како симбол на ново раѓање на градот,и негово излегување од 1967-ма година.


Posted By: doncho
Date Posted: 18-Apr-2021 at 07:03
Originally posted by Marxentric

Originally posted by user8642

Originally posted by Marxentric

... и од далеку кога ќе го види странец да добие впечаток на метропола....
Ако има нешто поограничено од оваков начин на размислување.....

Правиме град за себе да ни биде убаво и удобно во него, или потемкиново село за дојам пред странци?!

Брат мене Скопје ми делува на дупка секако, а облакодерите ги гледам како единствен излез да заличи на поубедлив град.
Е сега ако си сместен во една од гарсоњерите во Градски Ѕид, тогаш ти е оправдана фрустрацијата, но така не се гради град
Originally posted by doncho


А колку би бил квадрат во ваква зграда? Кој би купил во МК по 3-3.5 илјади евра квадрат апартман од 100м2? Или деловен простор од 1000м2? Треба малце реално да се гледаат работите и според куповната моќ на граѓанинот.

Зарем е битно колкава ќе е цената ако некој се нафатил да го изгради проектот? Во моментот таму има паркинг и Шутка, шутката ќе ја снема, а би се добило посреден паркинг, а и многу поатрактивна плаза со модерни згради.


Аекако дека е битно колку ќе е квадрат, некој треба да купи нели, а разни архитектонски финочи (од типот на зградата од сликата во Белград ако не се лажам) ја дигаат цената на квадратот. Како и да е, според мене ова што се нуди изгледа коректно и општината во овој момент треба само да инсистира строго да се запази зеленилото што е предвидено (и хоризонталното и вертикалното).

Btw зошто никој не се бунеше за пропуштената можност за парк позади рамстор? Таму се предвидени 4 20-катници плус други чуда пониски.


Posted By: <Fresno>
Date Posted: 18-Apr-2021 at 09:35

Ако навлегуваш во цена на квадрат или исплатливост на некој проект, лесно може да стигнеш до заклучок дека треба само социјални згради да се градат во градов. Истиот муабет е за секој полуксузен комплекс или мол (нема пари народот да купува итн.). Ако не им иде продажба по 2500, ке намалат цена. Нивен проблем. Цената ја дига инвеститорот зависно од пазарот, види го Cevahir Sky City како пример на ниски цени за домување со плус погодности од обичен стан. Во друг поразвиен град ќе имаше конкурси, борба на инвеститори за ова земјиште. Кај нас треба да се задоволиме со само „коректно“. И до менталниот склоп ќе да е.



Print Page | Close Window