Според премиерот Груевски, со поголемата понуда на станови на пазарот на недвижности, како и со директниот ефект од намалената даночна стапка треба да се намали вкупната цена на станбениот простор што ќе им помогне на граѓаните да го решат станбеното прашање

За 20 месеци во општина Аеродром ќе никне станбен комплекс со пет згради во кои ќе има 152 комерцијални станови. Камен-темелникот на новиот станбен комплекс го постави премиерот Никола Груевски.
- Цената на овие станови ќе претставува една од најповолните понуди на пазарот, со што директно се овозможува поголем број на семејства полесно да дојдат до сопствен стан. Преку реализацијата на овој проект обезбедуваме сигурност, квалитет и поволни услови за секој граѓанин во обезбедувањето на својот сопствен дом - рече премиерот Груевски.

Тој истакна дека паралелно со овие проекти, пред два дена Владата донесе одлука со која се намалува ДДВ на продажбата на становите од 18 на пет отсто.
- Во услови на глобалната економска криза преку оваа мерка и нашите планови за инвестиции во оваа дејност ќе се стимулира изградбата на станови од страна на градежните компании, со што ќе се помогне да се дојде до заживување на градежништвото и на стопанските гранки поврзани со станбената изградба, а воедно се очекува и заживување на пазарот на недвижностите кој е еден од двигателите на економскиот развој во секоја земја-додаде Груевски.

Според Груевски, со поголемата понуда на станови на пазарот на недвижности, како и со директниот ефект од намалената даночна стапка треба да се намали вкупната цена на станбениот простор што ќе им помогне на граѓаните да го решат станбеното прашање.
- Со интензивна изградба на станбените објекти продолжуваме во текот на оваа година, но и во 2010 и 2011 година, истакна премиерот и најави дека до крајот на оваа година во општина Аеродром ќе започне изградба на уште еден ваков станбен комплекс со дополнителни 154 станови за комерцијална продажба.

Во Општината Аеродром

Компанијата "ЕН-СА-ИНГ" ќе гради станбени згради

Од Министерството за транспорт и врски информираат дека вчера се одржа јавно наддавање за отуѓување на градежно неизградено земјиште сопственост на РМ кое се наоѓа во Општина Аеродром и е наменето за изградба на објекти за семејно домување во станбени згради, мали комерцијални и деловни дејности.
- Вкупната површина на парцелата изнесува 2.996 квадратни метри, а почетната цена изнесуваше 4.600 денари по квадратен метар, а како најповолен понудувач на јавното наддавање е компанијата ЕН-СА-ИНГ" д.о.о. увоз-извоз од Скопје. Оваа компанија понуди највисока цена на јавното наддавање од вкупно 55.426.000 денари, односно 18.500 денари по квадратен метар, велат од Министерството.

Оттаму додаваат дека најповолниот понудувач е должен во рок од 15 дена од приемот на писменото известување кое Комисијата го издава по завршувањето на јавното наддавање да ги уплати средствата во согласнсот со крајната постигната цена од наддавањето. Доколку најповолниот понудувач не ги уплати средства во утврдениот рок, ќе се смета дека градежното земјиште не е отуѓено, нема да се пристапи кон склучување на договор за отуѓување и депонираните средства на најповолниот понудувач нема да му бидат вратени.

По извршената уплата во утврдениот рок се склучува договор со најповолниот понудувач за отуѓување на градежното земјиште, а со договорот најповолниот понудувач се обврзува дека во рок од 9 месеци од солемнизирање на истиот, ќе обезбеди одобрение за градба на предвидениот објект, а истиот ќе го изгради во рокот предвиден со одредбите од Законот за градење. Доколку објектот не се изгради во определниот рок, договорот ќе се раскине.

Три парцели во Аеродром продадени за 300 евра од квадрат

• Објавено: пред 43 минути |
• Прочитано: 111 |
• http://www.plusinfo.mk/print/Tri-parceli-vo-Aerodrom-prodadeni-za-300-evra-od-kvadrat - Печати |

По пат на електронско наддавање, Министерството за транспорт и врски продаде три градежни државни парцели за изградба на станбени згради и мали комерцијални и деловни објекти во општина Аеродром, при што е постигната цена од околу 18.000 денари по метар квадратен или приближно четири пати повисока од почетната цена од 4.600 денари.
Од Министерството за транспорт и врски информираа дека на јавното наддавање што се одржало во петокот биле отуѓени парцели со површина од 1.648, 2.270 и 2.250 метри квадратни. Најповолен понудувач за првата парцела била компанијата „Флорастат“ ДООЕЛ Скопје, која понудила вкупно 30,1 милион денари. Втората парцела ја купи „Настел“ ДООЕЛ Скопје за вкупно 39,6 милиони денари. А третата ја купил „Инвест билдинг“ за вкупно 40,5 милиони денари.
Во рок од 15 дена, од денот на наддавањето, најповолните понудувачи се должни да ги уплатат парите, бидејќи во спротивно ќе се смета дека земјиштето не е продадено и нема да се склучи договор за продажба. Со тоа е донесена одлука, депонираните средства да не бидат вратени на најповолниот понудувач и тој нема да може да учествува на секое идно јавно наддавање за предметната градежна парцела.