ОХРИД - Во тек се активности од првата фаза на проектот за санација на пристаништето кај манастирскиот комплекс „Свети Наум“ на Охридско Езеро. Градежните зафати на овој дел се реализираат по пауза од 18 години.

Механизација на скопската фирма „Спидер платиниум“, која го доби тендерот за реализација на овој зафат вреден два милиона и 988 илјади денари, почна со работа за санација на брегот на пристаништето.

Станува збор за расчистување на подводните наноси во делот од пристаништето наменет за прифаќање бродови во должина од околу сто метри. Во идните фази од зафатот е предвидено зајакнување на бетонскиот дел од пристаништето, како и негово осветлување.

Со заокружувањето на проектот, пристаништето кај Свети Наум ќе ги обезбеди законските норми за безбедно одвивање на сообраќајот на тој дел од охридското крајбрежје. (МИА)

http://utrinski.com.mk/?ItemID=4A8C8DF3D5418A499F56C1F51517EEFA

„Тука се влеваат Билјанините извори, но наместо од прва категорија, водата во каналот, кој поради сушата е на минимална кота, сега е од 5 категорија што ќе предизвика несогледливи последици врз рибниот фонд кој со векови се мрести на овој простор“, вели Радован Димитриевски од спортско риболовното друштво Св Апостол Петар.

Причина за загадувањето според спортските риболовци се големиот број пловни објекти со силни мотори кои ја корнат ресата и испуштаат горивио и масла во водата. Затоа спортските риболовци бараат под најитно да се забрани управување на пловилата со вклучени мотори во каналот и таму да се излегува и влегува само со весла. Риболовците исто така најавија дека ќе поведат иницијатива со која од владата ќе побараат каналот да им биде даден под концесија. Половина од средствата ќе ги уплаќаме на буџетска сметка а останатите ќе се користат за одржување и чистење на каналот кој сега е запуштен и загаден, ни иајави Димитриевски.

Спортските риболовци од Охрид најостро се спротиставуваат и на идејата за изградба на марина или бензинска пумпа кај каналот или во трската. Идејата е да се даде овој вносен бизнис на локални моќници но тоа никако не смее да биде на сметка на загадување на езерото бидејќи трската е негов природен филтер кој не смее да се уништи, вели Димитриевски. Според спортските риболовци марината во Охрид треба да се изгради помеѓу двете пристаништа или на друга отворена локација.

http://www.netpress.com.mk/vestiimages/43090/Ohridsko_.jpg">

Владата по предлог на Министерството за транспорт и врски, донесе одлука за ограничување на пловидбата на одделни пловни објекти со моторен погон во Охридското Езеро.

Како  што информираа од министерството за транспорт и врски ограничувањето е со цел на спречување на неконтролиран риболов и заштита водите и рибниот фонд во езерото, а пред сé на автохтониот вид Охридска пастрмка.

Согласно Одлуката, се ограничува пловидбата на сите пловни објекти во сопственост на правни и физички лица во две одделни годишни сезони. Имено, истите не смеат да пловат во Охридското Езеро од 21 часот до 5 часот во периодот од 1-ви мај до 31-август секоја тековна година.

Исто така во временскиот период од 1-ви септември до 30-ти април се ограничува пловидбата на чамците од 18 до 7 часот. За патнички бродови во текот на летниот период, од 10-ти јули до 20-ти август, забрането е пловење во период од 1 часот до 6 часот утрото. Одлуката за ограничување на пловидбата на одделни пловни објекти со моторен погон во Охридското Езеро не се однесува на пловните објекти кои се во сопственост на Армијата на Република Македонија, Министерството за внатрешни работи и Министерството за земјоделство, шумарство и водостопанство.

Изградба на ново пристаниште и комплетна обнова на постојните, вети министерот за транспорт и врски Миле Јанакиевски завчера, во Охрид. За проблемот со паркирањето на пловните објекти на Охридско Езеро се разговараше на трибината на која присуствуваа граѓани и владини претставници.

- Предвидена е и изградба на бензинска пумпа, со стандарди што веќе ги има на повеќе езера низ светот. Така сопствениците на пловни објекти нема да користат канти за полнење со гориво на моторните чамци и глисерите - изјави Јанакиевски. Тој кажа дека во првата половина од 2009 година би се подготвиле проекти за реконструкција на пристаништата и за изградба на ново, а во втората половина на следната година би биле распишани огласи.

http://dnevnik.com.mk/?ItemID=695263A110E5694E8F41D4883EAD0A1F

Министрите за транспорт и врски на Македонија и на Албанија, Миле Јанакиески и Сокол Олдаши, денеска во Охрид потпишаа Спогодба за соработка во полето на поштенските и електронските комуникации, како дел од европската агенда на двете држави.

Бомба на Билјанини Извори

Сопствениците на јахтите и глисерите што се закотвени во каналот Студенчишта нафтата и бензинот и ова лето ги точат од канти со обично гумено црево, па дел од горивото истекува во водата што може да предизвика огромна експлозија

Македонскиот џет-сет не плаќа ни денар за паркирање на пловните објекти во каналот. Сопствениците се само обврзани еднаш годишно на Охридската капетанија да и платат за технички преглед на глисерите и јахтите

И ова лето јахтите и глисерите кои се закотвени во каналот Студенчишта кај Билјанини Извори и чиј број е речиси дупло поголем од лани, резервоарите ги полнат од канти. Охриѓани се плашат дека водата во каналот е потенцијална бомба оти дел од горивото истекува директно во каналот.
"Само со фрлање на едно догорче од цигара во водата може да се запали нафтата и бензинот и да се предизвика експлозија со огромни последици", велат рибарите што секој ден се сведоци на преточувањето на горивото.
Сопствениците на овие брзи и скапи пловни објекти ги полнат резервоарите со обични канти и гумено црево.
Вчера, остро реагираше и Спортското риболовно друштво "Свети Апостол Петар", кое алармираше дека постојано се уништува флората и фауната во Билјанини Извори.
"По којзнае кој пат апелираме до надлежните институции под итно, без одлагање, да се преземат мерки со кои ќе се спречи невидениот масакр над целокупната флора и фауна од страна на македонскиот џет-сет, затоа што над седумдесет отсто од водата во каналот е уништена. Последиците од нанесената штета не ќе можеме со десетици години да ги отстраниме", стои во реакцијата на охридските риболовци. Тие сметаат дека веќе е доцна за превентивни мерки, туку треба да се направи проект за спас на каналот Студенчишта, исто како за Студенчишкото блато.
"Наш предлог е во каналот да се забрани да влегуваат пловни објекти на моторен погон, а наместо нив тука да пловат само охридски чунови", вели Радован Димитриевски, претседател на СРК "Свети Апостол Петар".
Капетанот на Капетанијата во Охрид Љупчо Настоски отфрла секаква одговорност за состојбите во каналот, напоменувајќи дека тамошните проблеми треба да се решаваат во соработка со Министерството за екологија.
"Ние не можеме да се грижиме за сe, за безбедност на плажите, за езерскиот сообраќај. Знаеме дека кај Билјанини Извори се полнат резервоарите на пловните објекти со гориво, но ние тука немаме никаква надлежност. Не постои пропис според кој ние би можеле да го запреме полнењето на глисерите и јахтите со гориво во каналот. За тоа треба да побарате одговор од Министерството за екологија", вели Љупчо Настоски, капетан на Капетанијата во Охрид. Тој додава дека не знае и не слушнал летово во каналот да истекло гориво.
За закотвување на пловните објекти во каналот на Билјанини Извори не се наплаќа. Тука пловниот објект може да го остави кој сака. Во каналот се закотвени и пловните објекти на АРМ и на МВР.
Вчера, никој не сакаше да ја преземе одговорноста за каналот кај Билјанини Извори. Во охридската полиција упатија на одговор во централата во Скопје, а од таму ветија одговор за денес. Во Министерството за одбрана одговорните не беа достапни за изјава.
Капетанијата во Охрид врши само технички преглед за секој пловен објект пред да влезе во Езерото. За кајче се плаќаат 250 денари, а за глисери до 2.500 денари во зависност од кубикажата на моторот.  (Д.Ч.)

ДРЖАВНИТЕ ЕКОЛОШКИ ИНСПЕКТОРИ ТВРДАТ

Нема опасност од експлозија на каналот во Охрид

Еколошките инспектори при Министерството за животна средина тврдат дека нема опасност од експлозија во каналот кај Билјанини извори, бидејќи немало нафта и бензин во водата. Игор Трајковски, државен инспектор за заштита на животната средина со седиште во Охрид, вели дека направил увид на каналот, но дека при увидот не успеал да фати никој што претура нафта. Тој објаснува дека согласно ингеренциите што ги има може да ги казни загадувачите само ако ги фати на самото место додека истураат од нафтата или бензинот. Трајковски тврди дека од направениот увид не констатирал некое големо загадување на водата, односно дека во водата нема ниту нафта ниту бензин.
"Нема опасност од експлозија, како што некои тврдат. Не е направена анализа на водата, но од она што е видливо се гледа дека нема ниту бензин, ниту нафта", вели Тајковски.
Еколошките инспектори ваквите загадувачи можат да ги казнат согласно Законот за отпад, според кој е одредена парижна казна од 200 евра во денарска противредност.

Скутерите непожелни во Охридското езеро

Нина Кепеска	http://a1.com.mk/vesti/default.aspx?VestID=112049#komentari - Коментари (17)

Поради опасност од инциденти и поголема безбедност на капачите во Охридското Езеро, капетанијата на пристаништата во Охрид сака во времето од 11 до 18 часот, да ја забрани пловидбата на скутерите до крајот на летната туристичка сезона.

„При излегување и влегување на скутерите од самите плажи се подигаат големи бранови и безбедноста на капачите е намалена“, вели Љупчо Настоски, капетан на капетанијата на пристаништа на Р.М.

Во Охридската капетанија се регистрирани 170-тина скутери, од кои најголемиот број се во Охридското Езеро, нив често ги возат малолетници и тие пловат под дозволените 250 метри од брегот, со што ги вознемируваат, плашат и ставаат во опасност капачите на плажите.

Летово досега имаше два инциденти со скутери, кои беа чести и минатите години.

„Лично мене ми го загрозуваат животов секој ден, бидејќи јас работам во езеро, а за капачите е ептен опасно. По плажите беснеат“, рече Ѓорѓи Радески, возач на кајче за туристи.

Од капетанијата велат дека секојдневно изрекувале по пет-шест мандатни казни од 200 евра, а има и прекршочни пријави против несовесните скутерџии.

По давењето на двајцата охриѓани кај Парк, кои паднаа од педалинка, се уште виси во воздух прашањето кој ќе ја понесе одговорноста за тоа.

Меѓу охриѓани владее убедување дека во хаосот со пловидбата на околу три илјади пловни објекти на Охридското Езеро, капачите може да ги дочува само Господ.

Ќе платиме закотвување, изградете марина

Има план сегашното градско пристаниште да се прошири и да се претвори во марина со прописна бензинска пумпа, но реализацијата зависи од Министерството за транспорт и вски

Сопс­тве­ни­ци­те, чии јахти и глисери се закотвени во каналот Студенчишта кај Билјанини Извори во Охрид, бараат државата и локалните власти итно да најдат решение за изградба на марина, ако сакаат да го заштитат езе­ро­то од горивото со кое се полнат резервоарите на нивните пловни об­јек­ти. Во недостиг на бензинска пумпа покрај каналот, тие сега на им­про­ви­зи­ран начин, со канти и црева ги полнат со гориво резервоарите на скапите плов­ни објекти, па дел од горивото се излева директно во езе­ро­то.
"Штом сме дале толку пари за глисери и јахти, можеме да си платиме и за­кот­ву­ва­ње, но бараме државата да ни направи марина или да дозволи не­кој концесионер да ја изгради по примерот на оние во познатите ту­рис­тич­ки места. Во овој проект треба да се вклучи и локалната власт бидејќи тој ќе биде од големо значење и за развој на туризмот", вели сопственик на гли­сер.
Гра­до­на­чал­ни­кот на Охрид Александар Петрески изјави дека локалната власт нема никакви ингеренции во однос на Езерото и крајбрежјето и оти со овој простор управува државата, односно Министерството за тран­спорт и врски.
"Ние не можеме да изградиме марина, оти не сме сопственици на зем­јиш­те­то, а таква потреба имаме. Имаме инвеститори што ни најавуваат дека мо­жат да почнат ја градат уште во септември. Во овој момент државата из­ра­бо­ту­ва урбанистички планови со кои се предвидува каде ќе се градат ма­ри­ни. Една марина е предвидена кај старото игралиште кај Грашница, а има план сегашното Градско пристаниште да се прошири и да се претвори во марина. За брзо време сметам дека марина ќе има и во каналот Бил­ја­ни­ни Извори, но сето тоа го работи државата", вели Петрески.
Тој нагласи дека Билјанини Извори навистина станаа еколошка бом­ба поради претурувањето со канти на нафтата и бензинот во плов­ни­те објекти. "Тоа е точно, но за тоа е надлежна централната власт", вели Пет­ре­ски.
Од Министерството за транспорт, чиј министер Миле Јанакиески уште пред една година најави дека ќе се прави марина на крај­бреж­јето во Охрид, велат дека ништо не можат да направат сe додека локалните власти не до­не­сат детален урбанистички план во кој е предвиден ваков објект.
"Со последните измени на Генералниот урбанистички план на Охрид не е предвидена изградба на марина. Откако Советот на Општина Охрид ќе направи измени на ДУП-от, ние може да почнеме да размислуваме на ка­ков начин ќе се реши проблемот со марината", вели Драган Симоноски, пор­тпа­рол на Министерството за транспорт и врски.
Од СРК "Свети Апостол Петар", кои се најгласни во реагирањето за еко­лош­ка­та бомба кај Билјанини Извори за која минатата недела пишуваше "Вест", предлагаат две локации за изградба на марина. Радован Ди­мит­ри­е­ски, претседател на клубот, вели дека треба да се направи летна марина, ко­ја би се формирала со спојување на двете постојни пристаништа, и една зим­ска за чување на скапите пловни објекти преку цела година на прос­то­рот кај Подмоље, во близина на Охридскиот аеродром каде што има и бен­зин­ска пумпа.

Потонатите кајчиња држат место за 150 глисери

Пловењето по каналот е како игра на среќа, бидејќи потребно е мало невнимание за да се поткачат крнтиите кои се во водата, велат газдите на јахтите и глисерите и бараат од државата акција за чистење

Јас незнам кој им е критериумот на нашиве новинари, па брод од 28 метри им е џиновски

Паднато дрво 10 дена го блокира каналот Билјанини Извори

Заплови најголем брод во Охридското Езеро

Бродот "Александрија - 2" е долг око­лу 28 метри, а широк 6 метри, и е за неколку метри по­долг и по­ши­рок од бродовите кои досега пловеле во Охридското Езеро

Сопствениците на бродовите "Кристина" и "Александрија" сами ќе ги креваат пловните објекти со автодигалка кај каналот. Ќе се креваат на два пати, најпрвин задниот дел, па предниот. Сето тоа на сопствен ризик од несакани последици или евентуални оштетувања на 30-тонските пловила

Ќе остане ли Охридското Езеро и оваа сезона без бродови? По повеќемесечната забрана за пловење и немањето услови да се исполнат барањата на овластената компанија "Биро Веритас" за технички преглед на пловните објекти, охридските бродари ќе понудат решение за надминување на кризата. Сопствениците на бродовите "Кристина" и "Александрија" сами ќе ги креваат пловните објекти со автодигалка кај каналот. Ќе се креваат на два пати, најпрвин задниот дел, па предниот. Сето тоа на сопствен ризик од несакани последици или евентуални оштетувања на 30-тонските пловила. Потоа ќе ги повикаат претставниците на "Биро Веритас" да извршат технички преглед, по што конечно ќе отпочне постапката за добивање сертификат за исправност на бродовите за пловидба.
-Сега ние ќе направиме еден обид на два пати да ги крениме бродовите "Кристина" и "Александрија" со тоа што сакаме да успееме тие да извршат целосен преглед од долната страна. Но, доколку временските прилики не го дозволуваат тоа, наредниве денови ова би го одложиле за следната недела - вели сопственикот на бродот "Александрија", Зоран Гилески.
Според него, овластената "Биро Веритас" поставила барање да може да го види бродот на суво, а ова било единствениот начин да се реализира тоа со оглед на условите кои ги има Охрид. Нив, како што вели Гилески, начинот на кревање не ги интересира.

Останатите сопственици на бродовите пак, не пројавиле интерес .Според Гилески, секој посебно си бара начин да си го реши проблемот.
-Целата оваа работа што ја правиме во овие студени зимски денови е нешто да се фати од следнава сезона. Секој посебно си бара начин да си го реши својот проблем. Секој сопственик си знае што сака и што има намера да направи, дали му се исплатува, или не. Тоа е индивидуална работа - смета Гилески.

Сепак и покрај ваквите напори, проблемот на бродарите и понатаму останува актуелен. Инфраструктура на Охридското Езеро за вадење на бродовите, нема. Бродарите остануваат на своите барања законот да се промени со што ќе се зголеми конкуренцијата на компаниите кои би вршеле преглед на бродовите, како и изградба на соодветно место за технички преглед.
-Ние едноставно сакаме во иднина да може и други класификациони куќи да бидат присутни тука и да се изгради инфраструктура. Сега ќе ги подигнеме бродовите на ваков начин, но има и потешки и поголеми бродови кои не можат да се креваат. Доколку државата сака да има бродови на езерото, ќе мора да има и инфраструктура. Ако пак, решат дека не треба, тогаш нека кажат - вели Гилески

Од друга страна, проблем за бродарите е и набавување на опремата пропишана според европските директиви која е многу скапа, но и тешко достапна.

http://vecer.com.mk/?ItemID=1E440BFC90DDFF43BD3C1BFF46ECA69F