Директорот на АМС ја најави и изградбата на девет олимписки базени во Македонија, а проектот ќе почне во втората половина на годинава. Изградбата на базените ќе чини околу 30 милиони евра и тие ќе се градат во следните неколку години. Владата размислува базените да им ги даде во сопственост на општините каде што ќе се градат, бидејќи општините досега се покажале како добри домаќини. Поголемиот дел од локациите веќе се најдени, а според планот нови базени ќе се градат во Скопје, Штип, Битола, Тетово, Куманово, Охрид, Струмица, Прилеп и во Гостивар. Ќе бидат со димензии 25 на 50 метри и ќе имаат трибини за 500 гледачи, со помошни базени, соларни колектори, деловен простор... Георгиевски најави дека еден од базените ќе се гради и во скопската населба Аеродром, кај спортската сала „МЗТ“.

http://www.vreme.com.mk/DesktopDefault.aspx?tabindex=5&tabid=1&EditionID=1296&ArticleID=83355 - Време - 08.01.2008

Агенцијата за млади и за спорт во втората половина од годинава ќе почне со изградба на олимписки базени во девет града низ земјава, со кои ќе раководат општините, а ќе ги одржуваат од издавање на деловен простор и од билети од посетителите. Дел од раководителите на постојните базени во Скопје тврди дека одржувањето на базените е многу поскапо од нивното градење и затоа поголем дел од постојните базени не функционираат.
- За одржување на Олимпискиот базен потребни се 360.000 евра годишно, од кои третина ги даваме за струја. Базените, за разлика од спортските сали, мора постојано да се одржуваат и за тоа се потребни од 15 до 20 вработени, од техничари и спасувачи до чувари – објаснува Мијалчо Маневски, директор на Олимпискиот базен.
Тој тврди дека поголем дел од олимписките базени во Европа ги одржуваат самите градски власти. Како пример го посочуваат базенот во Ниш, каде што градот ги плаќа струјата и греењето на базенот.
Засега како затворен базен во Скопје функционира само базенот „Младост“ во населбата Карпош. Олимпискиот базен, поради финансиски загуби и недоразбирање со Јавното претпријатие за стопанисување со спортски објекти, не работи, а повеќе од 20 години базенот во Топаанско Поле се користи како магацин. Иста судбина има и базенот во Струга.
Димитар Поповски-Шкипер, кој има 45-годишно искуство како тренер на македонските пливачи, ја поддржува одлуката за градење нови базени, но тврди дека градењето на објектите е едно, а нивното функционирање е друго.
- Откако ќе ги изгради, Агенцијата мора да има и сериозна конструкција за нивно одржување. Треба да се утврдат можностите на општините да раководат со објектите за тие да функционираат и да не завршат како магацински простор – тврди Поповски.
Нови базени ќе се градат во Битола, Прилеп, Охрид, Штип, Струга, Гостивар, Тетово, Куманово и во Скопје. Во Скопје базенот ќе се гради во населбата Аеродром, до спортската сала МЗТ. Деталниот план за објектите е во изработка, а првичните процени се дека за нивната изградба се потребни околу 30 милиони евра.
Ивица Ѓорѓиевски, директор на Агенцијата за млади и за спорт, тврди дека базените ќе ги исполнуваат олимписките стандарди и нема да бидат премногу големи за да не се троши многу за нивно одржување.
Со објектите ќе раководат општините, но во постојана соработка со Агенцијата. Ѓорѓиевски тврди дека нема да дозволат општините да го злоупотребат правото за издавање на деловниот простор во објектите и со тек на време базените ќе можат самостојно да функционираат.

http://www.spic.com.mk/DesktopDefault.aspx?tabindex=6&tabid=1&EditionID=448&ArticleID=17526 - Шпиц - Дејан Ристовски - 09.01.2008

Веќе е познато дека македонската ватерполо репрезентација обезбеди учество на ЕП во Малага. Но, тоа не е единствената цел за развојот на ватерполото и пливачките спортови во Македонија. Историскиот успех на ватерполо репрезентацијата на Македонија, придонесе Владата на Р.Македонија, односно Агенцијата за смлади и спорт, да го промовира проектот - изградба на девет олимписки базени. Еден ќе се гради и во Штип.
За овој базен во Штип се создадени сите предуслови за изградба. За него се споменуваат локации во непосредна близина на салата во изградба на населбата Сењак, па во идниот студентски град и на крајот во близина на бањата Кежовица. Која локација ќе биде избрана, времето ќе покаже. Но, од АМС најавуваат дека изградбата на олимписките базени ќе почнат во втората половина од оваа година, а ќе бидат завршени за две години.
...
Што се однесува за идејата новите пливачки базени во Македонија да се затоплуваат со сончева енергија, истата е прифатлива. Во месец октомври минатата година, штипското претпријатие “Еко Солар” ја достави понудата за затоплување пливачките базени со сончеви колектори. Во понудата од Штип, покрај другото, стои дека базените би требало да работат 24 часови и да бидат со олимписки димензии. Анализите на Еко Солар од Штип, како што вели раководителот, Зоран Трајков, покажале дека сончевите колектори можат да ги затоплуваат базените од 65% од енергијата. Плановите се базените да работат непрекинато преку целата година.

http://74.125.39.104/search?q=cache:VP86isgZjKEJ:www.novamakedonija.com.mk/DesktopDefault.aspx%3Ftabindex%3D2%26tabid%3D1%26EditionID%3D910%26ArticleID%3D47584+%D0%B4%D0%B5%D0%B2%D0%B5%D1%82+%D0%BE%D0%BB%D0%B8%D0%BC%D0%BF%D0%B8%D1%81%D0%BA%D0%B8+%D0%B1%D0%B0%D0%B7%D0%B5%D0%BD%D0%B8&hl=mk&ct=clnk&cd=16 - Нова Македонија - К. Манев - 12.01.2008

Базенот „Младост“ прејде во сопственост на Општината Карпош. Објектот мина од државни во рацете на локалната власт со делбениот биланс кој беше обврска по донесување на Законот за децентрализацијата. Во минатата недела, велат од Општината, била формирана комисија за примопредавање на објектот. Од Карпош најавуваат дека наредната недела ќе одржат состанок на кој ќе се разговара за статусот на базенот. Се' уште не е познато дали со него ќе раководи некое јавно претпријатие или пак Општината.

Базенот „Младост“ со години беше во надлежност на ЈП за стопанисување со спортски објекти, а со него досега стопанисуваше „Технометал Вардар“. Со години не работеше поради партиски престрелки, штетни договори за закупнина и тужби. Општина Карпош, со цел развивање на спортскиот дух кај младите, годинава воведе бесплатни часови по пливање за основците што учат на нејзина територија. Минатиот градоначалник Андреј Петров најавуваше дека Општината има намера кога ќе го добие базенот во своја сопственост, да го реновира однадвор и однатре.

http://www.dnevnik.com.mk/?itemID=B86ED7A624A32B40A16C10CF8AE08273&arc=1 - Дневник - 29.10.2008

Општина Карпош е новиот концесионер на затворениот базен „Младост“, единствен кој во последниве години работеше и зиме. Со одлука на Советот на Карпош, од 1 октомври општината ќе се грижи за нормално работење на базенот и во иднина ќе обезбедува средства за негово функционирање преку цела година.

Според зборовите на менаџерот на базенот, Зоран Михајлов, за одржување на објектот се потребни прилично големи суми. Така, само за парно греење во текот на зимскиот период треба да се одделат 550 илјади денари, плус околу 220 илјади за електрична енергија и уште околу 100 илјади денари за други трошоци. Во лето, кога не се користи парно, трошоците се помали.

Базенот „Младост“ беше изграден во 1979 година со средства од самопридонес на граѓаните на Скопје. Долго време со него управуваше Јавното претпријатие за спортски објекти и Здружението на граѓани за спортски активности „Младост“ од Карпош. Со одлука на Владата, до јули 2006 година базенот со децентрализацијата премина во надлежност на Општина Карпош, која склучи договор со фирмата „Технометал-Вардар“ за негово одржување и финансирање за период од 30 години. Така, последниве години со објектот успешно концесионираше фирмата „Технометал-Вардар“, која обезбеди повеќе средства не само за негово одржување туку и за реновирање на машинскиот дел и за функционирање на целиот внатрешен базенски дел и платформата околу базенот.

Но, поради големи трошоци, неопходни за добро функционирање на базенот преку цела година, фирмата се откажа од концесијата на сметка на општината. По раскинување на договорот, советниците од Карпош заедно со в.д. градоначалникот Сашо Димиќ донесоа едногласна одлука да го преземат одржувањето и финансирањето на овој, засега, единствен зимски пливачки објект.

Инаку, во „Младост“ тренираат пливачи од 11 клуба. Го користат и студентите на ФОН, Факултетот за физичка култура, Универзитетот од Тетово, но и припадниците на специјалните единици на МВР и на Министерството за одбрана.

Во иднина базенот ќе биде отворен за граѓаните од 9 до 16 часот, а од 16 до 22 часот ќе го користат активните пливачи и ватерполисти. За рекреативците ќе има и ноќно пливање - од 22 до 24 часот. Цената на влезниците изнесува 200 денари, а учениците и студентите ќе плаќаат по 100 денари.

http://www.utrinski.com.mk/default.asp?ItemID=3356369649248B4595896E55AE52BEBE - Утрински - 29.10.2008

Republic of Macedonia men's national water polo team

From Wikipedia, the free encyclopedia

The Republic of Macedonia men's national water polo team was formed in 1991, following the http://en.wikipedia.org/wiki/Republic_of_Macedonia - Republic of Macedonia 's declaration of independence. Before 1991, the Republic of Macedonia was part of Yugoslavia, and its players participated in the http://en.wikipedia.org/wiki/Yugoslavia_national_water_polo_team - Yugoslavia national water polo team .

The first major event that the team qualified for was the http://en.wikipedia.org/wiki/2008_Mens_European_Water_Polo_Championship - 2008 Men's European Water Polo Championship , finishing in 8th place.

ФОТО ВЕСТ: Капитални инвестиции

Базенот „Младост“ пред распаѓање

Родители и граѓани апелираат државата да најде пари за децата, младинците, рекреативците за да можат нормално да спортуваат во единствениот базен во Скопје

Не ми се испраќа детето на пливање во базенот во Карпош. Тоалетите се толку стари, валкани, смрдливи и руинирани што не верувам дека може да се доведат во нормална состојба. Очајни се и кабините, тушевите, кадите...Таму владее тажна слика и тмурна атмосфера. Објектот е пред распаѓање, како внатрешно, така и надворешно. Персоналот е одличен, но џабе. Апелирам државата да преземе нешто, бидејќи ова е единствениот базен во Скопје во кој нашите деца одат со радост, вели Александра Симоновска, мајка на дете кое тренира во еден од пливачките клубови.

Таа не е единствената со вакво мислење. Оваа слика ја имаат и многумина рекреативци кои се откажале од пливање токму поради катастрофалната состојба во која се наоѓа базенот. Од пред два месеца, со базенот „Младост“, кој со години е единствен во употреба, стопанисува државното претпријатие „Борис Трајковски“. Директорот Борис Змејковски вели дека на базенот нема да му се стави клуч, но во 2009 нема да се вложува во него. Причината за тоа е што државата не одвоила средства за базенот за оваа година. Не е отфрлена можноста да се издвојат пари со ребаланс на буџетот, но тоа е нешто што сега засега е под прашалник.

- Ако базенот го преземевме лани, можеби годинава нешто ќе беше обновено. Во моментов вложуваме средства и напори единствено да функционира нормално. Ова не е профитабилен објект, напротив работи со загуби. Сметките за парно се енормно високи - изјави директорот Змејковски.Тој објасни дека пред обновата на објектот, која начелно се очекува наредната година, ќе биде изработен проект. Базенот треба да се реновира и одватре и однадвор.

- Со проектот планираме реновирање на подрумските простории, односно системот на базенот за вода, кој сега е стар и тешко се одржува. Предвидуваме изградба на сопствена котларница за затоплување, имајќи предвид дека сега многу пари одат на сметки за парно. Придобивка од тоа ќе биде што базенот ќе биде затоплен постојано, за разлика од досега -објасни Змејковски. Базенот „Младост“ во 1996 година со децентрализацијата премина во сопственост на Општината Карпош. Официјално трансферот е направен пред неколку месеци, но неодамна в.д. градоначалникот Саша Димиќ го врати повторно под државна капа. Станува збор за единствен базен во Скопје, кој е достапен за спортување на професионалните пливачи и поретко и на обичните граѓани, само во одредени денови и термини, и тоа поради зафатеноста на термините од спортистите.

Вториот покриен базен во Скопје, Олимпискиот, не функционира со години. Базенот „Младост“ е изграден во 1979 година со средства од самопридонес на граѓаните на Скопје. Последнава деценија тој се наоѓа во очајна состојба поради неодговорното работење со него, како последица на штетни договори на некогашниот газда, Јавното претпријатие за стопанисување со спортски објекти. Ова претпријатие склучи договори со неколку фирми за многу мали суми. Базенот беше вратен во државна сопственост по многу години и судски процеси, со цел да се поништат штетните договори.

Во Карпош 3 ќе се гради нов летен базен

Со проектот за реконструкција на базенот „Младост“, која е планирана за наредната година, директорот Борис Змејковски рече дека е предвидена и изградба на нов базен. Тој би се наоѓал веднаш до постојниот и би бил отворен летен базен. Предвидено е да се изгради според сите професионални стандарди.

Стари и исчкртани соблекувалници, смрдливи тоалети со искршени врати и прокиснати тавани, се истата грда слика поради која со години двата базени во градот, „Олимпискиот базен“ и „Младост“, ги губат посетителите. Рекреативците велат дека во базенот „Младост“ биле принудени да си ја остават облеката во стари, искинати и валкани торби. Во нив завршуваат и личните предмети, како паричникот и мобилниот телефон, што, и покрај тоа што на објектот стои натпис дека тој е обезбеден, тие стравуваат дека лесно може да останат без нив. - Вратите од соблекувалниците и од тоалетите, од кои ниту една не се затвора како што треба, иако се по неколку пати пребојадисувани, за кратко време пак се исчкртани. Во тоалетите и во кабините за туширање смрди, а подот плива во вода “ револтирано објаснува Ели, која вели дека се кае што решила денот да го помине на базен. Поредовните посетители, пак, се разочарани и од тоа што водата во базенот не е чиста како порано. Греењето во минатите два месеци изостана, и покрај свежото и врнежливо време. Но, затоа рекреативците неколку пати мораа да пливаат на дожд поради дупките на стариот покрив од кој протекува вода. Раководителите признаваат дека објектите, кои се уште работат со загуба, и однадвор и однатре покажуваат дека ништо не е инвестирано во нив откога се изградени. Директорот на спортската сала „Борис Трајковски“, во чијашто сопственост од пролетта е базенот во населбата Карпош 3, не најавува инвестиции за годинава, туку само изработка на проект за негова реконструкција. - За жал, сите што стопанисувале со базенот во последните триесетина години ни шајка не ставиле во него. Објектот се уште работи по стар систем, па секој ден треба да влечкаме буриња хлор од „ОХИС“. Затоа не сакаме да се зафатиме со мали поправки и да импровизираме, туку од корен треба да се направи реконструкција на базенот и да се воведе нова технологија во неговата работа “ вели Борис Змејковски, директор на јавното претпријатие „Борис Трајковски“. Според него, проектот до крајот на годината треба да се достави до Владата, но, поради економската криза, не е оптимист дека веднаш ќе се одобрат средства. Дотогаш ветува дека во базенот ќе се постават нови панични светла, неопходни кога ќе снема струја, за кои се чека да заврши тендерот за избор на фирма-набавувач. Сликата не е ништо подобра и во „Олимпискиот базен“, во кој, за разлика од „Младост“, во зимските месеци работи само малото корито поради високите сметки за греење и за одржување. Летово базенот работи со полн капацитет, но, сепак, посетеност нема. - Поради врнежливото време, посетата е слаба. Пред почетокот на сезоната ги бојадисавме соблекувалниците и кабините за туширање, полиравме, ги сменивме скршените плочки, ставивме нов песок за филтрите, а на терасата се поставени лежалките со чадори и шанк, на кој се служат пијалаци и сладоледи “ велат од базенот и додаваат дека цената на билетот е 200 денари и важи за цел ден.

Шут и ѓубре, место вода во базенот во Струга

Инвентарот на базенот е украден, крадци ја имаат откорнато и однесено дури и покривната конструкција, соблекувалните се искршени, тушовите и плочките ги нема, а и од прозорците не останало речиси ништо

На базенот „Младост“ му треба повеќе од површинска шминка

Објектот стар повеќе од три децении ќе чека подобри времиња за реконструкција

Базенот во Карпош не работи, па во прашање е доведено играњето на мечот Македонија - Грција на 16 март

Во Македонија ватерполото е спорт на апсурди. Македонската ватерполо репрезентација се наоѓа меѓу осумте најдобри селекции во Европа, а во земјава моментно нема ниеден покриен базен што работи. Тоа веројатно е единствен случај во Европа и во светот. Од неодамна базенот Младост веќе не се грее и водата е испуштена, откако стигнала сметката од „Топлификација“ дека треба да се плати 20.000 евра само за еден месец. Така и овој базен, покрај Олимпискиот во центарот на Скопје е вон функција, токму во моменти кога репрезентацијата се подготвува за претстојните дуели во Светската лига и за квалификациите за ЕП-2010, во Хрватска.

Репрезентацијата на Македонија игра со Хрватска во следното коло, на 23 февруари како гостин. Пред оваа средба Македонија во Хрватска ќе има неколку контроли со клубови од оваа земја. Но, играњето на средбата која сите ја очекуваат, против Грција, во рамките на Светската лига на 16 март е во прашање, затоа што тогаш базенот ќе биде празен. Покрај тоа и подготовките на националниот тим кој кон крајот на март во Грција ќе игра во квалификации за ЕП 2010, се доведени во прашање.

- Моравме да ја испуштиме водата од базенот затоа што сметките ни се астрономски. Последната сметка што ни стигна е 20.000 евра, што е за два и пол пати повеќе од она што досега го плаќавме. Едноставно не можеме да го издржиме тој притисок, па ја испуштивме водата од базенот. Така сега ватерполото, а и пливачките клубови се на суво. Во преговори сме со Пливачката федерација на Македонија да го наполниме базенот на две недели пред мечот со Грција за да може да се загрее и да се игра средбата. Но и тоа не е сигурно. Ако тоа го направиме, ќе чини околу 6.500 евра - ни рече Филип Хаџиевски, раководител на базенот Младост. Како што дознаваме покачувањето на цената на греењето е поради тоа што базенот сега веќе нема статус на привилегиран потрошувач. Не успеавме да го добиеме ставот на Пливачката федерација околу проблемот со базенот.

ПРОЕКТ ВО ВОДА

Македонија игра во Светската лига од сезонава и досега изигра три средби во групата. Во Скопје загубивме од Хрватска и од Русија, а во Грција загубивме од домаќинот. Целиот настап во Светската лига е замислен како подготовка на Македонија за главниот настан, квалификациите за ЕП, кои се играат во Грција, а во групата покрај нас и домаќинот, се и Франција и Словенија. Оценките беа дека имаме добри шанси да го освоиме второто место во групата што би ни овозможило настап на завршницата од ЕП, во Загреб. Тоа би бил втор настап на Македонија на едно ЕП, по она во Малага 2008 година, кога бевме осми. Со оваа состојба во базенот Младост целиот проект може многу лесно да падне во вода.

- Многу несериозен потег од Топлификација. Со ваквото зголемување на цените многу ватерполисти и пливачи останаа на суво - изјави Саше Поповски некогашниот капитен на ватерполо репрезентацијата.

„ВИСИ“ И ВК РАБОТНИЧКИ

Со престанокот на работа на базенот Младост во вода може да падне и учеството на ВК Работнички во Првата Б-српска ватерполо лига. Работнички сезонава прва година учествува во натпреварите во Првата Б српска лига, каде од 10 екипи е на солидното петто место. Во состојба кога базенот не работи и настапите на овој клуб во оваа лига висат затоа што нема каде да ги игра натпреварите како домаќини.

- Домашните натпревари во оваа лига Работнички најверојатно ќе ги доигра како гостин. Тоа ни е единственото решение за да ја завршиме лигата. Што се однесува до репрезентацијата, многу не' сопира тоа што нема да имаме терен за подготовки за квалификациите. Што се однесува до мечот со Грција во рамките на Светската лига, тоа сега е неизвесно. Федерацијата мора да најде решение за да се одигра мечот. Бидејќи сме домаќини мора да се игра кај нас. Единствени базени кои одговараат за тоа се Младост и Олимпискиот базен во Скопје. Ќе видиме што ќе биде - вели Боби Кузмановски, помошник селектор во репрезентацијата. (Б.Г.)

Крај на пливањето во Македонија?

Во Младост тренираат и 15-тина пливачки клубови со над 400 пливачи. Сега сите тие се на суво. Малото корито на Олимпискиот базен, кое пливачите го нарекуваат „леген“ нема ни оддалеку капацитет да ги прими сите оние кои по затворањето на Младост останаа на суво. Ова значи ново тонење на пливањето како спорт, откако тоа почна по затворањето на големото корито од Олимписки за време на зимскиот дел од сезоната, пред неколку години. Ако не се најде решение за Младост, тоа ќе значи веројатно крај на пливањето како спорт во Македонија. Исто така Македонија ќе стане земја која ќе нема ниеден јавен базен во функција во текот на целата година.

http://www.dnevnik.com.mk/default-mk.asp?ItemID=71FAD4CAEB3FDA4CAC83EC36D6C7107F&arc=1 - http://www.dnevnik.com.mk/default-mk.asp?ItemID=71FAD4CAEB3FDA4CAC83EC36D6C7107F&arc=1

- Од септември 2002 до овој момент никој нема ништо преземено за затворениот пливачки базен во Струга. Спортот во светот оди напред, се развиваат сите методи на тренинг, а ние, наместо тоа да го следиме и да чекориме напред, со времето се вративме во 1980 година, кога немавме базен. Државата троши толку многу пари, кампањи за борба против дрога, аклохол, цигари, а ние децата ги оставаме на улица поради тоа што се трошат пари само за реклами, а не се презема ништо конкретно - завршува Докоски.

http://www.dnevnik.com.mk/default-mk.asp?ItemID=92D316CCDEE5814785D73137B8770AE7&arc=1 - http://www.dnevnik.com.mk/default-mk.asp?ItemID=92D316CCDEE5814785D73137B8770AE7&arc=1

Аква парк во Македонија

БАЗЕН "МЛАДОСТ" ВО КАРПОШ 3

Реконструкција по светски стандарди

Првата фаза која е започната е менување на фасадата со цел да се добие нов лик идентичен на оној на спортскиот центар, втората која ќе започне по Нова година е менување на внатрешноста на базенот, кој е најбитниот дел бидејќи ќе се менува целиот систем за греење, филтрацијата на водата и менување на целиот ентериер. Третата завршна фаза е да се добие комплетно нов лик на летната тераса на која ќе бидат поставени лежалки за сончање, чадори, маси и столови

Повеќе од две недели интензивно се врши реконструкција на базенот "Младост" во скопската населба Карпош 3. Базенот "Младост" до лето ќе биде затворен за капење. Исто така базенот ќе се ребрендира во пливачка арена.

Како што информира менаџментот на спортскиот центар, во јули ќе имаме еден базен со сосема нов лик. Според нив, реновирањето на базенот ќе ги содржи сите светски стандарди, со што ќе се исполнат сите услови за одржување меѓународни натпревари во ватерполо.

Директорот на спортскиот центар "Борис Трајковски", Ратко Капушевски истакна дека реновирањето на базенот ќе се одвива во три фази.
- Првата фаза која е започната е менување на фасадата со цел да се добие нов лик идентичен на оној на спортскиот центар, втората која ќе започне по Нова година е менување на внатрешноста на базенот, кој е најбитниот дел бидејќи ќе се менува целиот систем за греење, филтрацијата на водата и менување на целиот ентериер. Третата завршна фаза е да се добие комплетно нов лик на летната тераса на која ќе бидат поставени лежалки за сончање, чадори, маси и столови, вели директорот Капушевски.

Тој додаде дека ќе се менува и начинот на загревање на базенот, а тоа би значело во голема мера заштеда на пари.
- Ќе поставиме котларница на гас и нафта. Со отпочнување на летната сезона 2011 со нов базен за градов, покрај можноста за одржување на тренинзи за ватерполо и пливање, во базенот ќе функционира и школа за спасување, вели Капушевски.

Според направените пресметки, комплетното реновирање на базенот ќе чини околу половина милион евра.

http://vecer.com.mk/?ItemID=BC5C750FA1B7F64E9CD07B9A99FD0A48