Скопје технолошки парк
Printed From: build.mk
Category: Главни теми
Forum Name: Проекти
Forum Discription: Административни, станбени, резиденцијални...
URL: http://www.build.mk/forum/forum_posts.asp?TID=4353
Printed Date: 08-May-2024 at 14:46
Topic: Скопје технолошки парк
Posted By: stef4o
Subject: Скопје технолошки парк
Date Posted: 21-Aug-2020 at 15:37
SCIENCE AND TECHNOLOGY PARK – SKOPJE
https://studio-nonstop.com/science-and-technology-park-skopje/ |
Replies:
Posted By: stef4o
Date Posted: 21-Sep-2022 at 17:10
Истакнати уметници со отворено писмо до Владата да започне со реализација на „Стоунбриџ Студиос“
Најавата за основање на филмски и музички студија во Скопје т.н „Стоунбриџ Студиос“, кои би ги предводеле врвните холивудски ѕвезди Џон Малкович, Мат Дилон и Д.В.Мофет ги обедини 27 истакнати македонски, српски и балкански професори, театарски, филмски и музички уметници, да упатат отворено писмо до македонската Влада да започне со реализација на проектот „Скопје технолошки парк“ и преку него, реализација на филмскиот град. Меѓу потпишаните се и Драган Бјелогрлиќ, Мики Манојловиќ и Срџан Драгоевиќ. „Свесни дека од осамостојувањето до денес, оваа иницијатива претставува еден од највозбудливите и најперспективните предизвици за севкупен економски, културен и технолошки исчекор на македонското општество, сакаме да ја охрабриме Владата за брзо и неодложно остварување на проектот СТП. Ги ставаме во функција сите наши академски и професионални капацитети одлуката која ќе ја донесе за доделување на статус на стратешка инвестиција на СТП, да помогнеме да ја спроведеме во дело“ – стои во отвореното писмо до македонската Влада . „Мислам дека конечно е време да ни се случи и нешто убаво. Фактот дека тој проект ќе се реализира во Македонија и ќе биде поддржан од големи холивудски, светски ѕвезди значи буквално поместување од мртвата точка. Од друга страна, целиот квалитет што го носиме ние и како народ и како приказни што ги носиме во себе најверојатно ќе имаат шанса да се постават на филмското платно“ – вели Тони Михајловски. За важноста на овој проект уште кога беше најавен апелираа и Џон Малкович и Мат Дилон. За Иван Видаковиќ, кој е основач на „Скопје технолошки парк Капитал партнерс“ ваквото пролонгирање на постапката е несфатливо доколку се има предвид дека тие аплицирале на 27 јануари и колку што е тој запознаен процедурата би требало да трае 30 дена, во најлош случај не повеќе од два месеца, за потоа да се направи договор со Владата, да се донесе закон кој потоа треба да биде изгласан во Собрание, вели тој во телефонски разговор за Телма. „Во моментов проектот е во Министерството за транспорт и врски и имавме состанок со господинот Бочварски. Ми ветија дека тој прв чекор на преглед на документацијата која ја доставивме со понудата и бизнис планот ќе биде завршен. Се уште ја чекам повратната информација, а тоа требаше да биде уште минатата недела. И да оди на комитетот на министри кои би требало да ја донесат одлуката врзана за проектот и неговиот статус“ – вели Иван Видаковиќ од „СТП Капитал Партнерс“. Во наредниот период ќе се одржи состанок на Комисијата за стратешки инвестициски проекти, на кој ќе се разгледуваат повеќе проекти, вклучително и овој, велат од Владата. „Скопје технолошки парк“ е проект кој во моментов е во процедура за утврдување на статус на стратешки инвестициони проект за кои течат роковите за постапување согласно Законот. Процедурата и условите за добивање статус на стратешка инвестиција е иста за сите добиени барања за стратешки инвестиции. – тврдат од владата. Видаковиќ вели дека со овој проект Владата не ризикува ништо, но може многу да добие доколку се има предвид дека со добивањето статус на стратешка инвестиција„Стоунбриџ студиос “ ќе ја вброи Македонија на мапата на светската филмска индустрија. https://telma.com.mk/2022/09/21/istaknati-umetnici-so-otvoreno-pismo-do-vladata-da-zapochne-so-realizacija-na-stounbridzh-studios/ - https://telma.com.mk/2022/09/21/istaknati-umetnici-so-otvoreno-pismo-do-vladata-da-zapochne-so-realizacija-na-stounbridzh-studios/ ------------- Carpe diem |
Posted By: stef4o
Date Posted: 21-Sep-2022 at 17:17
Пример за потенцијална стратешка инвестиција
Технолошки парк Скопје“ е потенцијална стратешка инвестиција за која е поднесено барање да добие таков статус. Бизнис-планот упатува на инвестиција во распон меѓу 170 и 240 милиони евра. Врз основа на користење на мултипликатор на ММФ за вакви странски директни инвестиции од страна на подносителите на барањето, се проценува дека директните и индиректните нето-ефекти за македонскиот бруто-домашен производ и граѓаните ќе изнесуваат 528 милиони евра. Зад проектот стои група на компании и партнери главно лоцирани во САД. Се очекува групата странски инвеститори заедно со нивните домашни партнери (главно домашни градежни компании) да вложи околу 55 милиони евра, а преостанатиот износ да биде инвестиран од страна на странски компании и инвеститори кои потоа ќе бидат дел од реализацијата на проектот. Се проценува отворање на 850 работни места за ИТ-експерти. Технолошки парк Скопје“ е мултифункционален развоен проект. Тој вклучува повеќе работи. Најпрвин, она што е вообичаено за технолошки парк, како што се канцеларии за истражување и развој во селектирани технолошки и медиумски сектори како интернет на нештата (ИоТ), сајбер-безбедност, блокчејн технологии, роботика итн... Потоа вклучува креирање на едукативен центар како меѓународен кампус за светски познати универзитети за технолошки сектори. Во пошироката рамка на едукативниот центар е предвиден центар за култура кој опфаќа школи за филм и креативни уметности. Проектот вклучува и комплекс за туризам и угостителство со познати хотели и конференциски центар. Еден од клучните сегменти на проектот е изградба на студио за филм и музика. Ова треба да се развие на површина од 24 илјади метри квадратни за продукции со различна големина на буџети и технички потреби. Изградбата на вакво студио нема само да придонесе за развој на филмската индустрија на земјава, туку неа ќе ја позиционира како своевиден регионален центар за таа намена и технолошки исчекор во постпродукциската технологија. Во целина, со реализацијата на ваков проект земјава добива технолошки парк кој станува центар на технологијата, на иновациите, на уметноста. https://ekonomijaibiznis.mk/News.aspx?IdNews=26014&fbclid=IwAR0HQ8ohUfLGdTzyJCx9lmd1RUCMc1MEI5WbaZWfh06ta5LndKvoSIIqpRI - https://ekonomijaibiznis.mk/News.aspx?IdNews=26014&fbclid=IwAR0HQ8ohUfLGdTzyJCx9lmd1RUCMc1MEI5WbaZWfh06ta5LndKvoSIIqpRI ------------- Carpe diem |
Posted By: stef4o
Date Posted: 21-Sep-2022 at 17:20
|
Актерот Мет Дилон лобира за изградба на технолошки парк во Скопје
Отворено писмо од инвеститори до Владата за побрзо одобрување на одлуката за изградба на Технолошки парк во Скопје. Поддршка за проектот пристигна и од холивудската ѕвезда Мет Дилон кој што на МРТВ кажа дека инвеститорите бараат забрзување на процедурата, зашто секој ден е важен за проектот што треба да донесе развој на регионот. На почетокот на август, познатата американска филмска ѕвезда Џон Малкович најави дека во Скопје ќе се снимаат холивудски филмови, веднаш откако ќе се изградат повеќе филмски студија во околината на градот во рамки на проектот „Скопје технолошки парк“. -Би сакал да ги поздравам моите македонски пријатели и да ви кажам колку сум возбуден што ќе соработувам со своите колеги професионалци Д.В. Мафет и Мет Дилон на создавање филмско, музичко и медиумско студио од холивудски калибар, со сертификат за еколошка градба во Скопје. Прво студио од ваков тип на целиот Балкан, изјави Малкович за МРТ. Тој најави дека ќе го посети Скопје веднаш откако Владата ќе го одобри проектот „Скопје технолошки парк“. -Решивме да го наречеме проектот „Стоунбриџ студија“ во чест на богатата култура и неверојатната историја на македонскиот народ, истакна Малкович. Порача дека како балканец по потекло му придава специјално значење на овој проект. https://www.vecer.press/актерот-мет-дилон-лобира-за-изградба/ - https://www.vecer.press/актерот-мет-дилон-лобира-за-изградба/ ------------- Carpe diem |
Posted By: my Macedonia
Date Posted: 21-Sep-2022 at 17:39
| Звучи интересно, каде точно (Центар, карпош итн) би требало да се изгради акоо воопшто дојде до тоа? |
Posted By: Théoden
Date Posted: 21-Sep-2022 at 19:53
|
Ова на сликата е на Серава, до крајот на бул. Словенија. 
|
Posted By: skopskodete
Date Posted: 22-Sep-2022 at 00:11
| Е ова би било одлично за градот и државата. |
Posted By: Aowek
Date Posted: 22-Sep-2022 at 09:01
| Локацијава им е утка според мене. |
Posted By: MKDSTRUGA
Date Posted: 22-Sep-2022 at 09:20
|
Mislam deka lokacijata bas e dobra od povekje pricini.
1. Razvoj na toj del od gradot 2. Odlicno povrzana so obikolnica po izdignuvanje na jadranska magistrala na nivo na bulevar 3. Odlicno povrzana so vnatresna obikolnica (del od nea e i Ljubljanska) 4. Ima prostor za idno prosiruvanje i ponatamosen razvoj (za razlika od lokaciite niz centarot na gradot) 5. Relativno blisko do kompleksot tehnicki Fakulteti i lesna konekcija do Prirodno matematickiot fakultet 6. Bi se sprecilo sodziduvanje od Sanici i TrimLjumovci na toj del od gradot. |
Posted By: skopskodete
Date Posted: 22-Sep-2022 at 13:16
| Супер е локацијата (баш таму кадешто треба и да се шири градот), туку дали воопшто ќе се реализира идејава? |
Posted By: stef4o
Date Posted: 22-Sep-2022 at 17:15
|
Локацијата е супер градот и онака треба натаму да се развива но конкретно проектов не би ме чудело да остане само на најава,обично кај нас ваквите проекти не се поддржани,се нема став дали да се прави и слично.Мислам дека најавите се уште од 2019-та но еве до денес нема ништо конкретно.
Да беше планиран некој мол или некој станбен комплекс сигурно ќе го забрзаа процесот. ------------- Carpe diem |
Posted By: axel
Date Posted: 22-Sep-2022 at 19:41
|
Odnapred se izvinuvam za mesanje na politika ama neli artan ljepi pocna za se da se prasuva vo drzavava ne ocekuvajte nisto konkretno od proektov probuva da vkluci ili brani necii interesi na firmi od profilot na pucko petrol trim i ljum itn... |
Posted By: Aowek
Date Posted: 22-Sep-2022 at 20:32
| Све е јасно тука, затоа реков утната локација. |
Posted By: stef4o
Date Posted: 30-Sep-2022 at 12:30
|
(ВИДЕО) Кој и што стои зад најавата за изградба на холивудски студија во Скопје?
[tube]Y11jM10P5-c[/tube] 
Формално, групата инвеститори се обединети во субјектот „СТП Капитал Партнерс“.Тие велат дека нивниот примарен проект на Качанички пат е наречен „Скопје технолоџи парк“. Според нивниот бизнис предлог, 44% од просторот ќе биде изграден со деловни објекти, 29% со хотели, а 27% со станбени згради. Нема место за филмските студија што ги промовираа Малкович и Дилон. Тие се спореден проект, кој би се градел во слободната економска зона „ТИРЗ 3“, на земјиште од 10 хектари, во близина на скопскиот аеродром Оваа група на луѓе е група која не прави „мајмунски работи”. Тие се занимаваат со бизнис. Се согласувам дека има опортунисти и измамници, но, ве молам, видете ги биографиите на овие луѓе и кажете ми дали ќе дојдат во Македонија сега по сета стекната слава што ја имаат за да прават валкани бизниси, вели еден од главните протагонисти во проектот Иван Видаковиќ кого го прашавме – дали е можно инвестицијата, спакувана под атрактивно име, да се сведе на станбено-угостителски проект https://360stepeni.mk/video-koj-i-shto-stoi-zad-najavata-za-izgradba-na-holivudski-studija-vo-skopje/ - https://360stepeni.mk/video-koj-i-shto-stoi-zad-najavata-za-izgradba-na-holivudski-studija-vo-skopje/ ------------- Carpe diem |
Posted By: stef4o
Date Posted: 05-Oct-2022 at 17:07
|
Проектот “Филмскиот град на Џон Малкович“ ќе се разгледува во владата
[tube]7FhaLU-ZSIw[/tube] Изградба на филмски град во општина Карпош - проект на холивудскиот актер Џон Малкович. Проект анализата од министерството за транспорт и врски ќе биде адресирана до владата, уште утре. Таму ќе се донесе конечната одлука за ова веќе најавена инвестиција во индустрија која не е развиена кај нас. Министерсот Бочварски вели за да се остври проектот ќе биде потребна и логистика на локалната власт. Дали Холивуд ќе дојде во скопски Карпош градоначалникот Јакимовски вели дека поддржува инвестиции, но крајниот збор го кажува општинскиот совет, а во општина Карпош проблематично е екипирањето на мнозинството потребно за усвојување одлуки. Флимски град во Карпош идејата превизка бурни рекации во домашната јавност откако ултра позниот холивудски актер Џон Малкович најави дека во Скопје ќе се снимаат холивудски филмови веднаш откако ќе бидат изградени филмските студија. Малкович го најави својот план ова лето со надеж дека Владата ќе ја одбори Стоун бриџ студијата. Холивудскиот актер со балканско потекло препознава во Македонија земја со драгоцени културни и историски вредности. Дали земјава ќе стане уникатна дестинација за филмската студија на Малкович доправа ќе се одлучува. https://24.mk/details/proektot-filmskiot-grad-na-dzon-malkovich-kje-se-razgleduva-vo-vladata - https://24.mk/details/proektot-filmskiot-grad-na-dzon-malkovich-kje-se-razgleduva-vo-vladata ------------- Carpe diem |
Posted By: Влатко
Date Posted: 06-Oct-2022 at 07:07
| Како стојат работите, ова ќе биде "Новата фабрика за Ауди од 90те". На просторот покрај Јадранска магистрала, по мене лично е утка да се гради нешто вакво, а и сметам дека ѕверките веќе го меркаат за згради. Како и да е, навивам за ваков проект во Македонија па да видиме што ќе излезе на крајот. |
Posted By: FT
Date Posted: 06-Oct-2022 at 20:02
|
Филмскиот град како што знам ќе се гради на друга локација, во Скопје е планирана населба со згради, хотел, деловен простор и некако технолошки парк.
https://www.youtube.com/watch?v=xI6w2Xrzra4 |
Posted By: stef4o
Date Posted: 22-Oct-2022 at 08:48
|
Идејата на Џон Малкович заглави во македонската бирократија
[tube]xI6w2Xrzra4[/tube] https://telma.com.mk/2022/10/05/idejata-na-dzhon-malkovich-zaglavi-vo-makedonskata-birokratija - https://telma.com.mk/2022/10/05/idejata-na-dzhon-malkovich-zaglavi-vo-makedonskata-birokratija ------------- Carpe diem |
Posted By: stef4o
Date Posted: 30-Mar-2023 at 17:02
|
(ВИДЕО) Кој и што стои зад најавата за изградба на холивудски студија во Скопје?
[tube]Y11jM10P5-c[/tube] https://360stepeni.mk/video-koj-i-shto-stoi-zad-najavata-za-izgradba-na-holivudski-studija-vo-skopje/ - https://360stepeni.mk/video-koj-i-shto-stoi-zad-najavata-za-izgradba-na-holivudski-studija-vo-skopje/ ------------- Carpe diem |
Posted By: stef4o
Date Posted: 31-Mar-2023 at 06:48
|
За да има филмски град во Скопје, од компанијата на Малкович барале прво да градат станбени згради, вели Деспотовски
За да се реализира изградбата на филмски студија или т.н. филмски град во Скопје најавен од светската филмска ѕвезда Џон Малкович, прво од компанијата барале да им се дадат локации за изградба на станбени и деловни згради, кои тие потоа ќе ги продаваат. Ова го откри директорот на Дирекцијата за технолошки индустриски развојни зони Јован Деспотовски, во гостувањето во емисијата „Студио 10“ на ТВ 24. Дојдоа и до нас, ни се обратија, имавме еднаш, два пати средби со регионалните претставници на самата компанија. И во самата презентација на проектот има елементи кои не соодветствуваат… Проектот се состоеше од повеќе елементи. Филмскиот град беше само еден од нив. Имаше еден крупен сегмент кој подразбираше развој на комерцијални објекти, дел за домување, дел за деловни намени“,рече Деспотовски. Градежната дејност во однос на станбени и деловни згради, вели тој, кај нас е прилично развиена и нема зошто да се даваат привилегии на одредени инвеститори. Но, тоа, според неговите тврдења, било барано од компанијата на Малкович. Од страна на државата, пак, им било понудено веднаш да се почне со изградба на филмскиот град, дури тоа да го направат домашни компании, а тие само да дојдат, да донесат технологија и да почнат да снимаат. Меѓутоа, сакале прво да градат згради и да продаваат станови. Директорот рече дека не знае дали уште е во игра изградбата на филмски град и вели дека немале контакти со претставниците на компанијата повеќе месеци. https://360stepeni.mk/za-da-ima-filmski-grad-vo-skopje-od-kompanijata-na-malkovich-barale-prvo-da-gradat-stanbeni-zgradi-veli-despotovski/ - https://360stepeni.mk/za-da-ima-filmski-grad-vo-skopje-od-kompanijata-na-malkovich-barale-prvo-da-gradat-stanbeni-zgradi-veli-despotovski/ ------------- Carpe diem |
Posted By: stef4o
Date Posted: 31-Mar-2023 at 06:51
|
Од компанијата на Малкович со реакција за Деспотовски: Сакаме статус на стратешка инвестиција за филмските студија, а не да продаваме станови
Компанијата „СТП Капитал Партнерс Холдингс“ ДОО Скопје не сака прво да гради згради и да продава станови, туку сака најнапред да добие статус на стратешка инвестиција, да започне веднаш со изградба на филмските студија и останатите содржини, кои меѓу другите вклучуваат и екслузивни станови за сместување на филмските уметници по нивни вообичаени стандарди, на ИТ извршните директори и ИТ номади од целиот свет, како и станови за сместување на странските студенти кои би се образувале во горенаведениот универзитетски центар. Ова е дел од демантот испратен од компанијата „СТП Капитал Партнерс Холдингс“ ДОО Скопје, а кој се однесува на интервјуто на Јован Деспотовски, директор на Дирекцијата за ТИРЗ за „Студио 10“ на ТВ 24 во кое тој вели дека прво од компанијата барале да им се дадат локации за изградба на станбени и деловни згради. Од Компанијата велат дека локацијата за проектот „СТП“ е предложена од страна на Владата за компанијата „СТП Капитал Партнерс Холдингс“ да изготви бизнис план и достави барање за стратешка инвестиција. „Истото е направено. Бизнис планот е оценет од врвни домашни и странски експерти, професори и уметници како ‘единствен од овој вид на Балканот’, или ‘транзициски проект’ кој има можност да ја транзитира македонската економија во стопанство со индустрии кои носат повисока додадена вредност. Филмските и музички студија-Стонебриџ, не се предвидени за градба во центарот на Скопје, туку проектот СТП (технолошкиот парк), а делот за кој говори Деспотовски беше планиран за една од ТИРЗ-и. Технолошкиот парк- СТП е прилагоден согласно постоечкиот ДУП за соодветната област и за истата локација не се бараат бенефиции за градба, туку да се изнајми и последователно откупи земјиштето по важечките цени“,се навдува во демантот од компанијата. Оттаму велат дека Владата до ден денес, а ниту Дирекцијата за ТИРЗ, никогаш не доставила понуда за градба на филмските студија како што наведува директорот Деспотовски, ниту пак е добиена било каква писмена комуникација со која се дискутира статусот, или изградбата на овој проект. Имено, „СТП КПХС“ се уште, и по 14 месеци од доставеното барање, чека некаков одговор од Владата, велат од „СТП Капитал Партнерс Холдингс“. Од „СТП Капитал Партнерс Холдингс“ го прашуваат Деспотовски и другите одговорни лица во Владата дали се запрашале кои се бенефитите за македонската економија, буџетот и граѓаните од имплементацијата на проектот СТП. Од „СТП Капитал Партнерс Холдингс“ велат дека Владата, или некои одделни претставници кои во нејзино име даваат изјави, мора да се запраша дали кога се обидува да го претстави проектот СТП како, „проект за продажба на недвижнини (Real Estate )“, не прави со тоа големо промашување во проценките и дали на граѓаните не им одзема голема материјална основа за равој, врвно образование и културен исчекор од највисоки размери преку откажување од наведените фискални придобивки. https://360stepeni.mk/od-kompanijata-na-malkovich-so-reaktsija-za-despotovski-sakame-status-na-strateshka-investitsija-za-filmskite-studija-a-ne-da-prodavame-stanovi/ - https://360stepeni.mk/od-kompanijata-na-malkovich-so-reaktsija-za-despotovski-sakame-status-na-strateshka-investitsija-za-filmskite-studija-a-ne-da-prodavame-stanovi/ ------------- Carpe diem |
Posted By: FT
Date Posted: 31-Mar-2023 at 20:34
| Слободно избришете ја темата, ова секако ќе биде уште една од оние никогаш видени грандиозни инвестиции... |
Posted By: stef4o
Date Posted: 30-Jul-2023 at 16:57
(ВИДЕО) Џон Малкович од Скопје побара „бланко“ поддршка за филмскиот град, повторно без можност за новинарски прашања
Холивудскиот актер вечерва зборуваше дека проектот за филмски студија „Стоунбриџ“, во кој тој е еден од партнерите, ќе ја стави Македонија на глобалната сцена на филмската и музичката индустрија, ќе го сврти меѓународното внимание кон домашните таленти, но и ќе отвори илјадници работни места и ќе даде економска иднина како на земјава така и на регионот привлекувајќи странски инвестиции од Запад. Додека бараше поддршка за проектот, тој не одговори на ниту едно новинарско прашање ниту пак откри детали во која фаза е реализацијата Анализата на проектот која лани ја направи „360 степени“ покажа дека групата чиј дел е Малкович и која бара да стане стратешки инвеститор за да им бидат намалени многу од трошоците, всушност сака да гради и деловно-станбен комплекс на Качанички пат, веднаш до касарната „Илинден“. Пред неколку месеци, директорот на Технолошко-индустриските зони, Јован Деспотовски, изрази негативно мислење за проектот велејќи дека групата сака прво да продава станови, па да гради филмски студија По Охрид, Скопје е вториот град што холивудскиот актер Џон Малкович го посети за време на неговото прво патување во земјава. Во Охрид тој се претстави пред публиката на „Охридско лето“ со претставата „Пеколна комедија: Исповеди на сериски убиец“, а она за што ПР-службата на фестивалот не му дозволи да зборува таму, го кажа вечерва во Скопје. Малкович на македонската јавност преку видеопорака ѝ се обрати и лани давајќи и ветар во грб на целата оваа инвестиција. „360 степени“ степени тогаш се обиде да стапи во контакт со него и со останатите инволвирани, а меѓу оние што застанаа пред нашата камера беше српскиот бизнисмен Иван Видаковиќ кому американскиот актер вечерва му се заблагодари и го претстави како претседател на „Стоунбриџ студиос“. Тој тогаш сподели дека првите контакти ги оствариле во време кога премиер беше Зоран Заев и откри дека планот е да инвестираат меѓу 200 и 250 милиони евра. Додека Малкович вечерва зборуваше само за проектот „Стоунбриџ студиос“ без да навлегува ќ во детали, уште минатата година стана јасно дека оваа инвестиција не се состои само од градење на филмски град туку дел од неа е и технолошки парк за што инвеститорите бараа проектот да се прогласи за „стратешка инвестиција“ и да се стекне со бројни поволности. Од увидот во проектот што го имаше „360 степени“, замислата беше овој технолошки парк да се гради веднаш до касарната „Илинден“, покрај Качанички пат, на празна, но атрактивна парцела. Според бизнис-предлог, 44% од просторот ќе биде изграден со деловни објекти, 29% со хотели, а 27% со станбени згради. Јавноста неколку месеци остана лишена од информации до каде е проектот, сè додека кон крајот на март годинава директорот на Технолошките индустриски развојни зони Јован Деспотовски во гостување на ТВ 24 не обелодени дека интересот на инвеститорите бил прво да градат станбени згради, а дури потоа филмски студија за што тој рече дека не гледа зошто таков проект би требало да стане „стратешка инвестиција“. Со јавна реакција инвеститорите се јавија преку компанијата регистрирана во земјава „СТП Капитал Партнерс Холдинг“ одговарајќи му на Деспотовски оти не е точно дека сакаат прво да градат згради и да продаваат станови, туку дека целта е да добијат статус на „стратешка инвестиција“ за да започнат со изградба на филмските студија и останатите содржини. Меѓу тие останати содржини, како што река, има ексклузивни станови за сместување на филмските уметници по нивни вообичаени стандарди, на ИТ извршните директори и ИТ номади од целиот свет, како и станови за сместување на странските студенти кои би се образувале во горенаведениот универзитетски центар. https://360stepeni.mk/video-dhon-malkovich-pobara-blanko-poddrshka-za-filmskiot-grad-povtorno-bez-mozhnost-za-novinarski-prashana - https://360stepeni.mk/video-dhon-malkovich-pobara-blanko-poddrshka-za-filmskiot-grad-povtorno-bez-mozhnost-za-novinarski-prashana ------------- Carpe diem |
Posted By: <Fresno>
Date Posted: 31-Jul-2023 at 07:47
| Субрата / тетовски електрични коли вајб |
Posted By: Vire
Date Posted: 31-Jul-2023 at 10:59
Немој таке ова сигурно ќе се изградит,заедно со брзите пруги,пругата до аеродромот,гасификацијата,тунелите под кале,облакодерите на Ејпл,Гугл,Самсунг......................
|
Posted By: FT
Date Posted: 31-Jul-2023 at 21:34
| Земјиштето е премногу атрактивно и се наоѓа на друга територија, не знам браќата дали толку лесно ќе го дадат на некој глумец, пффф. Скопје требаше да се прошири наваму уште одамна. |
Posted By: Vire
Date Posted: 01-Aug-2023 at 05:51
| А оти не би се градел во Расадник пример ? |
Posted By: bitola33
Date Posted: 01-Aug-2023 at 14:42
|
Koja kompanija e to EJPL? |
Posted By: bitola33
Date Posted: 01-Aug-2023 at 14:43
Немој таке ова сигурно ќе се изградит,заедно со брзите пруги,пругата до
аеродромот,гасификацијата,тунелите под кале,облакодерите на
Ејпл,Гугл,Самсунг......................
 KOJA E TO KOMPANIJA eJPL??????? |
Posted By: Џоле
Date Posted: 01-Aug-2023 at 17:37
|
Текст на темава...
Да се биде Џон Малкович Ѕвездан Георгиевски Малку сум разочаран од изјавата на премиерот Димитар Ковачевски дека Владата и по година и пол сѐ уште не донела одлука дали таканаречените „филмски студија на Џон Малкович“ ќе бидат прогласени за стратешка инвестиција или нема. Не знам зошто, ама некако бев убеден дека овој проект веќе е одбиен за влегување на листата „стратешки инвестиции“. Вака излегува дека Владата го одложува решението за проектот (поднесен на 27 јануари минатата година) за предизборниот период. Веројатно тогаш ќе пресметаат дали за рејтингот ќе им се исплаќа да го прифатат или ќе го остават на евентуалната идна влада на Христијан Мицкоски, кој веќе му даде сесрдна поддршка на проектот. И потоа ќе го градат својот опозициски маркетинг врз уште еден „случај Субрата Рој“. Имено, според скудните податоци со кои располагаме, се чини дека не станува збор за ништо друго, туку токму за уште една измама по принципот АПП (ако помине – помине). Првото прашање кое се поставува е: зошто Џон Малкович би градел студија токму во Скопје? Зошто не, на пример, во Хрватска, земјата од каде што потекнува? Или зошто не во САД, неговата родна земја и земјата во којашто живее? Или зошто не каде било во светот? Затоа што Скопје има убава клима? Затоа што е инфраструктурно поврзан со светот? Затоа што Македонија има најпристапна даночна политика? Поради субвенциите што тука ќе ги добие? Зарем навистина мислите дека Џон Малкович седнал да прави компаративна анализа на климатските услови, сообраќајната инфраструктура и даночните политики во сите земји во светот, па Македонија ја избрал како земја со најмногу компаративни предности? Или дека платил некоја стручна агенција да му ја направи таа анализа? Се разбира дека не. И тоа од едноставна причина: проектот „студијата на Џон Малкович“ – не постои! И Џон Малкович ништо нема да инвестира. Тој е само „рекламно лице“ на една друга кампања за еден друг проект, каде што изградбата на филмски и музички студија се наведени само како спорадичен дел. И тоа, би рекле, само како форма преку која ќе можат да се ангажираат ѕвезди од калибарот на Малкович токму за постигнување високи маркетиншки ефекти. Проектот е таканаречениот „Скопски технолошки парк“ (Skopje Tehnology Park), поднесен од фирмата „СТП капитал партнерс“ (STP Capital Partners). Зад оваа фирма, формирана специјално за овој проект, стои името на извесен Иван Видаковиќ, кој веројатно живее и работи во Белград. Велиме „веројатно“ затоа што на интернет не можат да се најдат речиси никакви податоци за него и за неговото бизнис-портфолио. Единствениот релевантен податок што успеавме да го најдеме е дека е дел од тричлениот управен одбор на агенцијата „Артлинк“ од Белград, која го организира истоимениот фестивал на класична музика во Србија и која стои зад организацијата на гостувањата на Џон Малкович во регионот (минатата година, токму во рамките на фестивалот „Артлинк“, Џон Малкович гостуваше во Заечар, од каде што што прати видеопорака до „македонската јавност“ за значењето на студија „зад кои стои“). За сите други податоци мора да се потпреме на официјалната страница на „СТП Капитал партнерс“. Во тимот на оваа компанија се наброени 14 познати, помалку познати и воопшто непознати имиња. Главно од САД и главно банкари, инвеститори, консултанти, градежници… Меѓу нив не е Џон Малкович. Затоа, пак, има три имиња од Балканот, односно од Србија и од Македонија. Покрај споменатиот Иван Видаковиќ, наведен е и нишкиот адвокат Небојша Станковиќ, еден од актуелните кандидати од Србија за претставник во Судот за човекови права во Стразбур. Во неговиот богат животопис, поместен на неговата интернет-страница, наведени се по години многубројните негови достигнувања и ангажмани. „СТП Капитал партнерс“ никаде не се споменува. На листата се наоѓа и името на Неби Хоџа, претседател на Стопанската комора на северозападна Македонија. Интересно е дека од сите 14 членови на „тимот“, само кај Хоџа стои дека е член на бордот на компанијата. Другите имиња од бордот не се наведени. Останатите членови на „тимот“ главно се претставени како советници. Што се однесува до основачот на компанијата, Видаковиќ, во биографијата што самиот ја приложил, се вели дека потекнува од дисидентско семејство, кое во 1982 година морало да избега од тоталитарниот режим во Југославија и да бара (и да добие) политички азил во Кипар. Без да навлегуваме во веродостојноста на биографијата, само ќе констатираме дека се работи за период по смртта на Тито и пред доаѓањето на Слободан Милошевиќ на политичката сцена, како и тоа дека Кипар никогаш не бил познат како дестинација на југословенските политички дисиденти. Напротив, познат е како дестинација за некои други дејанија, главно врзани за перење пари и прикривање даноци. Видаковиќ наведува дека таму се занимавал со градежништво и во еден момент решил да се врати во татковината. Инаку, Видаковиќ, наводно, има двојно државјанство, македонско и српско. Имено, мајка му била Македонка, а татко му Црногорец. Се наведува уште дека семејството на мајка му имало земја во Скопје, односно во неговата околина, која била национализирана, па овој податок исто така се користи како адут во преговорите со Владата за „стратешката инвестиција“. Што се однесува до самиот проект „Skopje Tehnology Park“, тој за обичниот граѓанин опфаќа помпезни, но помалку познати термини, од типот на ИоТ хабови, центри за сајберсигурност, бизнис-инкубатори, центри за аплицирање грантови, регистрација на фирми, за вработување, мостови на поврзување на образовните центри од светот со овие од регионот итн. Меѓутоа, има и две ставки што се лесно препознатливи: изградба на резиденцијални објекти за домување, кои ќе вклучуваат ресторани, продавници, паркинзи… Како и два луксузни хотела, заедно со конференциски центар. За следната фаза на проектот: „Стоун бриџ студијата“, како што се именувани студијата на Малкович, на официјалната страница на компанијата нема никакви податоци, освен една компјутерски генерирана фотографија како тие би требало да изгледаат во екстериерот. И, повторуваме, името на Џон Малкович не е никаде спомнато. Од нешто попознатите холивудски „фаци“ во тимот се споменува актерот Д. В. Мофет, кај нас евентуално познат по некои телевизиски серии и хорор филмови. Она што уште може да се пронајде во некои новински написи за „студијата на Малкович“ е дека Мофет и Малкович се наводно добри пријатели. На официјалната страница не е наведена адресата на фирмата, но затоа е наведен телефонот со повикувачки број од Србија (+381). Страницата е направена 2018 година. Официјална поддршка на „студијата на Малкович“ досега дадоа најголемата опозициска партија ВМРО-ДПМНЕ и Јордан Плевнеш, односно Универзитетот Еуропа Прима (поранешната ЕСРА), кој потпиша протокол за соработка со „СТП Капитал партнерс“, а Џон Малкович го прогласи за почесен доктор на науки. Уште во септември минатата година проектот го поддржаа и 27 уметници од регионот, упатувајќи писмо со поддршка до македонската влада. Од попознатите имиња, медиумите ги наведуваат Драган Бјелогрлиќ, Мики Манојловиќ и Срѓан Драгојевиќ. Освен во споменатото писмо, барем овие тројца српски филмски работници никаде се немаат јавно изјаснето за споменатиот проект. Ова се податоците што за релативно кусо време може, во домашни услови, да се пронајдат за „Холивуд во Скопје“. Токму затоа е нејасно зошто на Владата ѝ се потребни 18 месеци за да соопшти дека „предметот уште се разгледува“. Инаку „стратешка инвестиција“ навистина подразбира низа олеснувања и погодности за инвеститорот, какви што впрочем доби и Субрата Рој. (Авторот е новинар) https://www.slobodenpecat.mk/da-se-bide-dzhon-malkovich/ ------------- За сè има вторпат |
Posted By: bitola33
Date Posted: 26-Sep-2023 at 15:42
|
A sto znaci to, mislam koja e to firma EJpl? |
Posted By: stef4o
Date Posted: 28-Jan-2024 at 19:56
|
(ВИДЕО) Раздор меѓу партнерите на Џон Малкович – втора шанса за холивудски студија во Скопје
Државата одби да му даде статус на стратешка инвестиција на претходниот проект, кој вклучуваше изградба на филмски и музички студија но само откако близу центарот на Скопје ќе се изгради комерцијално-станбен комплекс Сега, „од игра“ е исфрлен барем еден од локалните партнери кој најавува и правна разврска. Кој и да е останат во холивидската приказна, властите тврдат дека одново се преговара со нив [tube]tmpQ3t3a3jM[/tube] Со други зборови, власта препозна обид под плаштот на филмски студија, некој да изгради канцеларии, хотели и станови со државна помош. Но тоа, се чини, не го поколеба Џон Малковиќ и барем дел од луѓето околу него. Актерот и режисер дојде на Охридско лето 2023 година. На прес-конференција по повод неговото гостување, новинарите го прашаа, но протоколот на манифестацијата не му дозволи да одговори на новинарско прашање за изградбата на „Филмскиот град“. https://360stepeni.mk/video-razdor-megu-partnerite-na-dhon-malkovich-vtora-shansa-za-holivudski-studija-vo-skopje/ - https://360stepeni.mk/video-razdor-megu-partnerite-na-dhon-malkovich-vtora-shansa-za-holivudski-studija-vo-skopje/ ------------- Carpe diem |