Цената на една возачка книшка изнесува 100 денари. Издавањето на возачките книшки се врши во сите СВР, во Одделенијата за управни работи – и во ПС од општа надлежност – Надворешни канцеларии за управни работи (поранешни СВР и ОВР) при издавање на новите возачки дозволи. За оние возачи, пак, кои веќе имаат возачки дозволи, возачките книшки ќе се издаваат по сторен прекршок и изразена волја за впишување на негативни бодови, во горенаведените организациони единици.
Возачката книшка ќе се издава врз основа на лично поднесена пријава од возачот според местото на неговото живеалиште. Кон пријавата за издавање на возачка книшка се поднесува: возачка дозвола; две фотографии со димензии 3,5 х 4,5 цм; и лична карта.
Впишувањето на негативни бодови ќе се врши според местото на живеалиштето на сторителот на прекршокот по претходно пополнетиот Записник за сторен сообраќаен прекршок и регистрирање на негативни бодови.
Исто така МВР максимално ќе го испочитува правото на граѓанинот да избере или да ја плати глобата во законски определениот рок или да побара да му бидат регистрирани негативни бодови. Ако возачот за период од последните три години достигне или надмине 100 негативни бода во јавниот сообраќај, судот ќе изрече санкција – престанок на важење на возачката дозвола во категоријата на моторно возило во којашто се постигнати стоте негативни бодови.

http://www.autoplus.com.mk/index.php?pid=440 - Автоплус - 04.10.2008

http://www.vest.com.mk/default.asp?id=157343&idg=8&idb=2481&rubrika=Makedonija - Вест - С.К.Делевска - Е.Златков - 23.09.2008

Петгодишниот план на Републичкиот совет за безбедност во сообраќајот предвидува да нема деца-жртви во сообраќајки

Нови патишта, санирање на старите сообраќајници, елиминирање на „црните точки“ на автопатот, поефикасна медицинска помош и камери што ќе ловат несовесни возачи се дел од мерките предвидени со петгодишниот план на Републичкиот совет за безбедност во сообраќајот, со цел двојно да се намалат жртвите на патиштата и да нема деца-жртви во сообраќајки. Потребата од ваков план ја потврдува и фактот дека само во последните три дена на патиштата во Македонија имаше осуммина загинати и уште десетина повредени во сообраќајни несреќи. Алармантните податоци покажуваат дека лани во нашата земја имало 199 жртви, а дури 6.133 учесници во сообраќајот биле тешко повредени. Проценето е дека вкупната штета од овие сообраќајки надминува 200 милиони евра. Во Советот за безбедност во сообраќајот велат дека, според европските мерила, секоја жртва во сообраќајка е проценета на еден милион евра.

- Секој ден има по 51 сообраќајка, од кои во најмалку 11 несреќи има повредени. Бројките се алармантни и на долг рок се неприфатливи за нашето општество. Соочувајќи се со пораст на несреќите во последните пет години, донесовме одлука за изработка на Национална стратегија за периодот од 2009 до 2014 година - велат во Републичкиот совет.

ЌЕ СЕ ВОВЕДАТ ЗОНИ НА СМИРЕН СООБРАЌАЈ

Главните проблеми што ги лоцирал советот се патната инфраструктура, техничката исправност на возилата, несовесното и брзо возење, недостиг од безбедни технологии и ниската сообраќајна култура на населението. Проценето е дека ако се подобри патната инфраструктура ќе има 30 отсто помалку несреќи.

- Примената на стратегијата ќе придонесе за директни добивки од 200 милиони евра, со намален број на жртви и на повредени, намалување на трошоците за лекување на повредените, намалени штети на патот. Исто така, ќе има и индиректни придобивки од 300 милиони евра во заштита на човековата околина и во социјалната сфера - предвидуваат сообраќајните инженери.

Главен виновник за жртвите во дури 45 отсто од сообраќајките што се случиле во 2007 година била преголемата брзина на движење на возилата. Токму затоа, најголемо внимание во стратегијата му е посветено на тој проблем. Како решение на проблемот се предлагаат зајакнати сообраќајни контроли, построги казни, медиумска кампања, но и воведување мерки како што е зонскиот сообраќај. Тоа подразбира воведување зони во кои ќе има таканаречен смирен сообраќај, со драстично ограничување на брзината. Исто така, на многу места на кои досега имало двонасочен сообраќај, предвидени се еднонасочни улици. Засега не се откриваат детали од овој план, кој предвидува и зголемување на бројот на таканаречените лежечки полицајци.

ЗАДОЛЖИТЕЛНИ СЕДИШТА ЗА ДЕЦА

Една од новините е и поставувањето безбедносни камери, кои ќе ловат возачи што поминуваат на црвено светло. Вакви камери се предвидени на поголемите раскрсници. Исто така, ќе се поставуваат дополнителни електронски мерачи на брзината, кои веќе се поставени на неколку сообраќајници во Скопје.

Околу 70 отсто од возачите не користат сигурносен појас при управување на возило, со што се зголемува опасноста при несреќи. Според Републичкиот совет за безбедност во сообраќајот, со измени на законската регулатива се предвидува задолжителна употреба на детски седишта при превоз на деца. Експертите предвидуваат дека со употребата на вакви специјализирани седишта до 2014 година ќе се спасат во просек по шест животи годишно. За заштита на децата предвидено е „снимање“ на сите сообраќајници околу училиштата, за да се види каде има опасност од несреќи. Се планира и обновување на таканаречените училишни патроли, кои безбедно ќе ги пренесуваат децата преку улица.

На патиштата има 169 „црни точки“

На патиштата во Македонија има дури 169 црни точки на кои секоја година се случуваат по десетици сообраќајки, најчесто со фатални последици. Станува збор за тесни патишта, опасни тунели и кривини и други места што сеат смрт на патиштата. Националната стратегија предвидува „снимање“ на овие места за да се елиминираат црните точки. Предвидено е да се креираат раскрсници со кружен тек, да се отстранат билбордите што можат да бидат причина за несреќа, да се постави соодветно осветлување на патиштата и други безбедносни мерки. Основните вложувања во обезбедувањето побезбедна патна околина се многу високи, но враќањето на вложените средства преку намалување на сообраќајките и на последиците е за многу краток период. Со добро планирање, проектирање и одржување безбедна патна инфраструктура, може да се оствари 30 отсто намалување на сообраќајките - велат од Републичкиот совет.

ИНФО - Фатална е преголемата брзина

Алармантните податоци покажуваат дека лани во земјава имало 199 жртви, а дури 6.133 учесници во сообраќајот биле тешко повредени. Проценето е дека вкупната штета од овие сообраќајки надминува 200 милиони евра, бидејќи според европските мерила секоја жртва во сообраќајка е проценета на еден милион евра. Главен виновник за жртвите во дури 45 отсто од сообраќајките е преголемата брзина на движење на возилата.

http://www.dnevnik.com.mk/?itemID=E5B2A65BEDC6EF4B9376821BE3EFD229&arc=1 - Дневник - Александар Манасиев - 04.11.2008

На автомобилите што не се постари од осум години ќе им се прави технички преглед еднаш на две години. Ова се предвидува со новиот закон за возилата, кој Собранието го изгласа изминатава недела. Сопствениците на овие возила и понатаму имаат обврска да ги регистрираат секоја година. За возилата постари од осум години како и досега, технички преглед е потребен еднаш годишно. На возилата што превезуваат опасна материја, деца и патници, возилата од авто-школите и приклучната механизација по втората година на регистрација ќе им се врши технички преглед на шест месеци.

- Освен автобусите, на шест месеци ќе се проверува техничката исправност и на рентакар-возилата, пожарните камиони, амбулантните и возилата за придружба - велат во Министерството за економија. Во Министерството велат дека законот е во согласност со европската регулатива и било крајно време да се донесе и кај нас.

- Со овој закон се утврдуваат условите за пуштање на пазар и за почетокот на користење на возилата, регистрацијата и техничката исправност на возилата. Се регулираат условите за работа на службите за технички преглед и за регистрација на возилата - велат во Министерството. Според нив, целта на законот е да обезбеди висок степен на безбедност на сообраќајот на патиштата, а особено при изведување земјоделски и шумски работи, заштита на животот и здравјето на луѓето, заштита на животната средина и природата и енергетска ефикасност. Со новиот закон се зголемени кзните за непочитување на законските одредби и тие се движат од 100 до 3.000 евра.

Со законот, меѓу другото, се регулира административните одредби и општите технички услови за хомологација на сите нови возила, посебни технички единици наменети за новите возила полесно да се регистрираат и да се пуштат во продажба. Исто така, се утврдуваат одредби за продажба и за пуштање во употреба делови и опрема наменети за возилата.

http://dnevnik.com.mk/default.asp?itemID=2BA7BCB18D077947BA34167333DC9F10&arc=1 - Дневник - 08.11.2008

Капитал: Граѓаните често се жалат дека плаќаат високи давачки при регистрација на возилата. Колкав дел од тие трошоци всушност отпаѓа на задолжителното осигурување?
Османли: Осигурувањето не е социјална категорија. Во прашање е безбедноста на сообраќајот и заштита на животите на луѓето. Треба да се воведат европските стандарди во процесот на регистрација на возилата. Луѓето сметаат дека тоа се трошоците за осигурување, а всушност само еден дел се однесува за нив. Другиот дел оди за техничкиот преглед на возилото и за безбедност во сообраќајот, помош на пат и сл. Во Европа, новите возила освен првата регистрација, првите три години не се регистираат. Тоа ги намалува трошоците. Не постојат ни монополи во обезбедувањето услуга за технички преглед. Изборот каде ќе го направите техничкиот преглед и регистрација е проширен со многуте лиценцирани автосервиси.

Досега со просечна премија од 100 евра, осигурителните компании покриваа ризик кај лесни возила до 50.000 евра, а кај тешки до 250.000 евра. Со измените во законот, овие износи се зголемени пет пати. Сметам дека со волку мала премија компанииите во Македонија не можат да ги обезбедат гаранциите за такви исплати. Има компании каде 70-80% од портфолиото е автоодговорност. Не би сакала да помислам да се случи тие компании во еден момент да не можат да ги исплатат штетите и да отидат во стечај. Тогаш преостанатите компании ја покриваат штетата.

Се надевам дека граѓаните ќе станат посвесни и ќе прашуваат не само зошто 6000 денари премија, туку каде одат овие пари, дали се исплаќаат штетите, дали е квалитетно регулиран сообраќајот?

...
http://www.kapital.com.mk/DesktopDefault.aspx?tabindex=0&tabid=65&EditionID=465&ArticleID=9600 - Капитал - Игор Петровски - број 291

Ете, и тоа се случи, токму вечерва. Ми пукна „љунферот“.

Конечно почувствував на своја кожа како е да се биде лишен од слобода и приведен во полициска станица.

Пред избрзано да заклучите „самиот си го барал“, прочитајте ја приказната докрај, убаво размислете за околностите и аргументите, па дури потоа пресудете. Оти ова може да му се случи буквално секому.

Пред неколку часа, околу 1.50 по полноќ, упатен накај Карпош III, го сечев паркингот зад Технолошки факултет со намера да излезам кај Драмски Театар. Одеднаш, почувствував бел автомобил како застана зад мене. Од автомобилот зачув некој глас. Првин помислив дека возачот сака да праша за правец, или нешто друго, ама потоа убаво слушнав „полиција“. Застанав, и чекав да излезат од автомобилот.

Беа тројца, неинформирани. Едниот од нив - возачот - се приближи до мене и набрзина ми ја покажа значката. Му реков да ја задржи малку за да можам да го запомнам бројот. Беа нељубезни и неучтиви. Од службени лица очекувам да ми се обраќаат со г-дине. Овие веднаш почнаа со агресивни прашања: „Кај си тргнал?“, „Како се викаш?“, „На која улица живееш?“.

Веќе видена некултура. Разликата беше во тоа што овојпат не носев никаква легитимација. Сепак, како и претходните пати, ги запрашав која е причината зошто сум запрен и зошто ме легитимираат. Како и во претходните случаи, немаше конкретен одговор, и од тој момент започнуваа проблемите.

Прво ми побараа да извадам што имам во малата црвена торбичка што ја носев на рамото. Им кажав дека носам фотоапарат, и дека немам намера да го извадам. Само го подотворив патентот на торбичката и им го покажав.

Потоа ми наредија да извадам се што имам од џебовите. Им реков дека немам намера да го сторам тоа, освен ако не обезбедат налог за претрес.

Следната наредба беше да ги ставам рацете на хаубата и да ги раширам нозете. Еден од полицајците дојде зад грбот и почна да ме допира од нозете до главата.

Паметам дека ме прашаа зошто не носам лична карта - им кажав дека едноставно не носам, но дека ако сакаат можат да го утврдат идентитетот и на друг начин.

Следната наредба беше да влезам во автомобилот. Пред да влезам внатре иронично си помислив: „jasnesumjas уапсен заради утврдување на идентитетот“! Во колата ме прашаа зошто сум се однесувал така. Им кажав дека сум бранител на човекови права, и дека инсистирам на почитување на моите права во контакт со полиција. И дека сакам да знам зошто сум запрен. За две минути ме однесоа во ПС Карпош, и ми рекоа да застанам во чекалната. Чекав петнаесетина минути. Тогаш полицаецот што ми ја покажа легитимацијата зеде податоци од мене. Го прашав дали сум лишен од слобода. Одговори потврдно, и си замина.

По неколку минути размислување отидов до пријавницата и го прашав тамошниот полицаец да ми го каже мојот статус. Ми рече да почекам малку. Го прашав „Дали сум лишен од слобода?“. И тој ми одговори потврдно.

Тогаш погледнав на часовникот на мобилниот телефон, и побарав од полицаецот да запише дека сум пријавил точно во 2.28 минути дека сум бил лишен од слобода без да бидам запознаен со моите права. Тоа видно го вознемири, настана мала гужва, и за една минута се појави полицаец кој ме покани во просторијата на која пишуваше „прихват“.

Полицаецот го кажа своето име и почна да бара од мене основни податоци. Откако му ги кажав податоците, го прашав да ми каже врз основа на какво сомнение и за кое кривично дело сум бил лишен од слобода. Ми одговори дека сум бил лишен од слобода заради утврдување на идентитетот. Моето следно прашање беше врз основа на какво сомнение сум бил запрен и легитимиран, на што полицаецот ми одговори дека полицијата има право да легитимира и за сомнително движење, и дека во тој реон се имаат случено некои кривични дела.

Неговото следно прашање беше дали сакам адвокат. По две секунди размислување, реков дека сакам. „Дали имаш твој адвокат?“ - ме праша. Откако одговорив негативно, сврте телефон и побара адвокатски именик. Откако го доби книжето со имиња и адреси на адвокати, ми рече да си одберам некој.

Одбрав една адвокатка чие име и презиме ми беше познато од порано. Полицаецот и се јави на адвокатката, и по кусото објаснување на ситуацијата, ми ја подаде телефонската слушалка. Разговарав две минути со адвокатката која не сакаше да доаѓа во станица у три саат сабајле, за да не ми наплаќала за џабе. Ми рече дека можат да ме задржат најмногу 6 часа, и дека забелешките можам да ги внесам во записникот. Не ли е три часа најмногу за проверка на идентитет, потпрашав? Со апсолутно убеден тон, адвокатката рече - „шест часа“. (Не им верувајте на адвокатки кога се апсолутно убедени во нешто, особено во 3 часот наутро). Полицаецот цело време го слушаше мојот разговор.

Потоа ми беше приложен записник за пристап до адвокат, кој го потпишав.

Ме праша и дали сакам да се јавам на некој од најблиските, на што одговорив - „зависи од тоа колку ќе бидам лишен од слобода“ Ми одговори - десетина минути.

Потоа пополни една прекршочна пријава за неносење лична карта, ми даде да ја прочитам, и ми рече да ја потпишам. Му реков дека немам намера да ја потпишувам. Рече - „твое право, ќе ти ја пратиме по пошта“.

И вистина, по десетина минути ми кажаа дека сум слободен. Часовникот покажуваше 3.10. Тогаш им побарав записник за извршеното легитимирање и за престојот во станица. Рекоа дека не издаваат записници.

Потоа побарав да поднесам поплака против полицајците што ме приведоа и против нивната станица. Се натегавме две-три минути околу формуларот на поплаката, по што ми беше понудено да поднесам усна претставка.

Полицаецот се обиде да ме убеди со свој ракопис да го пополнам делот на кој пишуваше „усна претставка“, за да било поавтентично. Му реков дека е бесмислено јас да пишувам ако претставката е „усна“, по што љубезно се согласи да го парафразира она што ќе го кажам.

Го опишав настанот, потенцирајќи дека приговарам за непрофесионален однос, за противправен претрес и за незаконито лишување од слобода.

На крај му укажав на полицаецот дека поради неговата љубезност, нема да ставам во претставката дека пуши во просторија во која е забрането пушење, за што казните се многу построги од казната за неносење лична карта. (Казната за неносење на лична карта е глоба во висина од 30 евра, а казната за пушење во просторија каде што е забрането пушење е од 5.000 до 15.000 денари.)

Тогаш си помуабетивме малку со полицаецот, при што му цитирав еден дел од кодексот на полицијата. Рече - „ене го онде кодексот, покажи ми го тој дел“.

Му го покажав делот во кој пишува: „Полициската интервенција се заснова врз основано сомнение за извршено казниво дело.“

„Затоа прашав поради кое сомнение сум запрен и легитимиран“ - се обидов да му објаснам.

Одговорот на полицаецот беше изненадувачки и просветлувачки. „И неносењето на лична карта е казниво дело. Што сме ние виновни што Собранието донело таков закон?“

Полицаецот беше во право. Ако полицијата основано се сомнева дека некој не носи лична карта, тогаш има законска основа да побара лична карта во секој случај и во секоја ситуација. Практично, секое сомневање може да се докаже како основано и полициската интервенција - легитимирање, е во секој случај легитимна.

Не знам зошто, ама ваквата состојба ме наведува на заклучокот дека сме сеуште полициска држава. И тоа добро организирана. Што друго да се заклучи кога секој граѓанин може да биде легално запрен во секоја ситуација, и кога секој што не носи лична карта може да биде лишен од слобода заради утврдување на неговиот идентитет, без притоа да постои основано сомнение за сторено друго казниво дело - освен неносењето лична карта?

Тоа е лошата вест. Добрата вест е дека сепак има некаков напредок во односот на полицајците, и дека некои работи полека се менуваат. Сепак, на градење на достоинствен и професионален однос кон граѓаните, треба уште многу, многу да се работи.

Уште нешто. Го разбудија во мене задреманиот „борец“ за човекови права.

Не ми е жал само за изгубеното време и претрпената нервоза, туку и за ненадејно прекинатиот блогерски одмор.

http://jasnesumjas.blogspot.com/2007/07/blog-post_22.html - http://jasnesumjas.blogspot.com/2007/07/blog-post_22.html

МВР потсетува дека од 15 ноември до 15 март задолжително е носење зимска опрема во возилата и работните машини, кои учествуваат во сообраќајот.Казната за неносење зимска опрема е 500 денари.Според Законот за безбедноста на сообраќајот на патиштата, полицаецот може да му нареди на возачот да го прекине движењето со возилото доколку на патот има сообраќаен знак за задолжително носење и употреба на зимска опрема.

Полицаец може да му нареди на возачот да го прекине движењето и кога не постои сообраќаен знак, доколку зимските услови на патот не овозможуваат непречено и безбедно одвивање на сообраќајот односно задолжително да ја постави зимската опрема на возилото. Под пропишана зимска опрема се подразбира: пневматици за зимска употреба (М+С) на погонските тркала, пневматици со летен профил(чија длабочина на шарата изнесува 4 милиметри), синџири за погонски тркала и лопата за автобусите и товарните возила.

http://www.dnevnik.com.mk/default.asp?ItemID=8D2FF77E20343A479BCD0AA014A47B99 - Дневник - 20.11.2008

Брзото возење по градските сообраќајници, движењето на запрежните коли, непрописно паркирање и казните за сообраќајната некултура од било каков вид, се само дел од темите кои медиумите секојдневно треба да ги третираат и за кои треба да се изнесуваат податоци поткрепени со примери, доколку сакаме да влијаеме на подигање на свеста на граѓаните и намалување на сообраќајните незгоди. Во организација на Републичкиот совет за безбедност на сообраќајот на патиштата (РСБСП), вчера се одржа работилница на која медиумите се запознаа со голем дел од проблемите поврзани со сообраќајот, а кои треба да се актуелизираат во наредниот период.
-Колку почесто се отвора прашањето за културата на однесувањето на пешаците и учесниците на сообраќајот, толку побрзо ќе дојдеме до решение и намалување на бројот на загинати и повредени. Медиумите најчесто известуваат за последиците, иако нашата цел е да се влијае превентивно за да не мора да зборуваме за најлошото. Сметаме дека со "бомбардирањето" на јавноста со примери, казни и состојбата на сообраќајниците, ќе успееме да влијаеме не само на свеста на граѓаните туку и ќе предизвикаме сите надлежни институции да се заложат за решавање на проблемите, изјави вчера Тоше Јанев, портпарол на Републичкиот совет за безбедност во сообраќајот.

Според Љупчо Ставревски од РСБСП, веќе се преземаат низа активности во училиштата, со цел да се делува превентивно и кај најмладите. Во оваа насока веќе наредната недела ќе биде промовирана и националната стратегија за безбедност во собраќајот.
- Доколку правовремено и упорно се пишува за одреден проблем, ќе се спасат многу животи, додава Ставревски.

http://vecer.com.mk/?ItemID=DD78E13D903AF5438692AA4478C067D6

http://www.dnevnik.com.mk/?itemID=76AB920F0A34F54E918A33319DC20384&arc=1 - Флуоресцентните елеци не се задолжителни за возачите

- Според постојната законска регулатива и правилници, не е предвидена употребата на флуоресцентните елеци, кои во земјите во Западна Европа се задолжителни. Во тек е процедура со која ќе се регулираат определени подзаконски акти и правилници, а кои ќе се однесуваат и на поседувањето на овие елеци, кои во иднина, најверојатно, ќе бидат задолжителна опрема за возачите. Елеците може да се набават речиси на секоја раскрсница, на автопазарите, во големите маркети и во АМСМ.

- Слушнав дека елеците се задолжителни, па летоска купив два, едниот портокалов, другиот жолт, за двата автомобила, и ги ставив на клупата под задната шофершајбна, за да можат полицајците да видат дека ги имам. Елеците ги купив од еден голем маркет за алати и друга опрема по цена од 140 денари. Досега не ми се случило да ме запре полиција и да ми побара елек. Сум слушнал од пријатели на кои сообраќајци им се заканувале дека ќе им наплатат казни, но поминувале само со опомена и совет да си купат елек - вели скопјанката Билјана Здравковска (34).

Според полициските експерти, елеците, исто како и малите противпожарни апарати, кои исто така не се задолжителни за возачите на приватни автомобили, е корисно да се поседуваат поради безбедноста на возачите, но и на останатите учесници во сообраќајот. Во случај кога има дефект на возилото или поради други причини возачот мора да излезе од автомобилот, особено во ноќните часови или при слаба видливост, пожелно е да носи флуоресцентен елек бидејќи е поголема можноста останатите учесници во сообраќајот навреме да го забележат и да не го удрат.

Во развиените европски држави поседувањето флуоресцентни елеци не е задолжително само за возачот, туку и за сите патници во возилото. Граѓаните се во дилема и околу тоа дали треба да поседуваат противпожарни апарати во возилата.

- Мислев дека ми треба апарат за противпожарна заштита и си купив на автопазар. Во меѓувреме работев како таксист и апаратот ми стоеше во автомобилот. При контрола на автомобилот полицајците ми пишаа казна бидејќи апаратот што го имав не бил според стандардите, оти беше во пластично шише. Подоцна разбрав дека истите мора да бидат во метални шишиња и да се проверуваат на секои шест месеци - вели Александар Симоновски.

Од МВР велат дека овие апарати не се задолжителна опрема за приватните автомобили со кои не се врши јавен превоз.

МВР потсетува дека од 15 ноември до 15 март задолжително е носење зимска опрема во возилата и работните машини што учествуваат во сообраќајот. Казната за неносење зимска опрема е 500 денари. Според Законот за безбедноста на сообраќајот на патиштата, полицаецот може да му нареди на возачот да го прекине движењето со возилото доколку на патот има сообраќаен знак за задолжително носење и употреба на зимска опрема.

Полицаец може да му нареди на возачот да го прекине движењето и кога не постои сообраќаен знак, доколку зимските услови на патот не овозможуваат непречено и безбедно одвивање на сообраќајот, односно задолжително да ја постави зимската опрема на возилото. Под пропишана зимска опрема се подразбира: пневматици за зимска употреба (М+С) на погонските тркала, пневматици со летен профил чија длабочина на шарата изнесува 4 милиметри, синџири за погонски тркала и лопата за автобусите и за товарните возила.

ИНФО-Задолжителна зимска опрема

Според полициските експерти, елеците, исто како и малите противпожарни апарати, кои исто така не се задолжителни за возачите на приватни автомобили, е корисно да се поседуваат поради безбедноста на возачите. МВР потсетува дека од 15 ноември до 15 март задолжително е носење зимска опрема во возилата што учествуваат во сообраќајот.

Возачите најмногу несреќи предизвикале поради управување со возилата со поголема брзина од дозволената

Строгата казнена политика, големиот број извршени алкотестови и фактот дека четирипати е зголемен бројот на наплатените казни лани првпат по 2006 година го намали бројот на сообраќајките низ патиштата во Македонија. Ова го покажува анализата на Министерството за внатрешни работи за безбедноста во сообраќајот за 2008 година. Статистиката покажува дека лани имало 16.106 сообраќајки, а за споредба во 2007 имало 16.861 несреќи. Намален е и бројот на жртвите - во 2008 година имало 162 жртви, а во 2007 година загинале 173 учесници во сообраќајот. Овој тренд на намалување ги охрабрува сообраќајните експерти, кои ја креираа Националната стратегија за безбедност во сообраќајот, а која предвидува во периодот од 2009 до 2014 година да има двојно помалку жртви отколку во претходниот период.

- Примената на стратегијата ќе придонесе за директни добивки од 200 милиони евра, со намален број жртви и повредени, намалување на трошоците за лекување на повредените, намалени штети на патот. Исто така, ќе има и индиректни придобивки од 300 милиони евра во заштита на човековата околина и во социјалната сфера - предвидуваат сообраќајните инженери. Сообраќајната полиција во минатата година наплатила 24.646 казни од несовесни возачи, а колку за споредба во 2007 година наплатени се 6.304 казни.

- Во минатата година преземени се 334.495 превентивно репресивни мерки, а од нив 135.384 се барања за поведување прекршочна постапка, 24.646 се наплатени парични глоби. Во тој период од сообраќај се исклучени 17.284 возила и 14.582 возачи, а привремено се одземени 5.150 возачки дозволи. Лани се извршени и 71.000 алкотестирања - велат во МВР.

Анализата на безбедноста во сообраќајот покажува дека лани единствено има пораст на бројот на сообраќајки со потешки последици и бројот на тешко повредени, а од друга страна, пак, има помалку жртви. Алармантно е тоа што од вкупниот број сообраќајни несреќи со потешки последици, дури 99,3 отсто се предизвикани по вина на возачите. Пешаците биле виновни само за 5,7 отсто од несреќите.

Возачите најмногу несреќи предизвикале поради управување со возилата со поголема брзина од дозволената, потоа поради непочитување на правилата за првенство на минување, непрописно движење и свртување на пат и друго. Над 70 отсто од несреќите се случиле во градска средина. Најмногу несреќи со потешки последици се случиле на подрачјето на Скопје - 1.951, во Куманово има 375, Тетово - 312, Прилеп - 183, Битола - 179. Лани по 156 несреќи се случиле на подрачјето на Струмица и Охрид, во Гостивар имало 137 несреќи, Кавадарци - 113, Штип - 109, и Кичево - 105.

- Најчести жртви во сообраќајките се возачите. Од нив повредени се 3.072, а 81 загинале. Потоа следат сопатници од кои 29 загинале и 2.597 се повредени. На крајот се пешаците од кои 52 загинале, а биле повредени уште 1.055 - велат во МВР.

Како решение за намалување на бројот на сообраќајки се предлагаат зајакнати сообраќајни контроли, построги казни, медиумска кампања, но и воведување мерки како што е зонскиот сообраќај. Тоа подразбира воведување зони во кои ќе има таканаречен смирен сообраќај, со драстично ограничување на брзината. Исто така, на многу места на кои досега имало двонасочен сообраќај, предвидени се еднонасочни улици. Засега не се откриваат детали од овој план, кој предвидува и зголемување на бројот на таканаречените лежечки полицајци.

Понеделник - кобен за возачите

Анализата на сообраќајките направена според месеци покажува дека лете има речиси двојно повеќе несреќи отколку во зима. Според месеците, најмногу несреќи се случиле во мај - 469 и во август - 464, а најмалку во декември - 221 и во јануари - 244. Според денови, најмногу несреќи имало во понеделник - 659 и сабота, а најмал број на несреќи се случиле во неделите - 568. Најкритичен периодот од денот за сообраќајки е меѓу 16 и 18 часот.

http://www.dnevnik.com.mk/default.asp?ItemID=AB12E522CB25EF42B5D45C83B489F823 - Дневник - Александар Манасиев - 30.01.2008

Вчера околу пладне во строгиот центар на градот, на делот од улицата Димитрие Чуповски кај Рекорд, за само пет минути 13 граѓани непрописно ја поминаа улицата и направија прекршок, а четворица од нив за влакно избегнаа несреќа

Пешаците се најмасовната и најзагрозената категорија на учесници во сообраќајот, но воедно и најнедисциплираната. Вчера околу пладне во строгиот центар на градот, на делот од улицата Димитрие Чуповски кај Рекорд, за само пет минути 13 граѓани непрописно ја поминаа улицата и направија прекршок, а четворица од нив за влакно избегнаа несреќа. Сите "пешаци камикази" поминаа неказнето бидејќи во близина немаше сообраќајна полиција. Доколку беа фатени, на лице место требаше да платат глоба во висина од 25 евра во денарска противвредност.
- Во текот на минатата година сообраќајната полиција санкционираше 1169 пешаци што е за трипати повеќе во споредба со 2007 година кога имаме регистрирано 344 прекршоци. И од почетокот на годинава бројот на изречените казни е голем. Само во јануари се изречени 242 санкции. Најмногу казни се за преминување на коловоз на необележено место за што се изрекува глоба од 25 евра во денарска противвредност, но и за минување на црвено светло што се казнува со 35 евра. Оваа тенденција за поригорозни санкционирања се воведува како превентивна мерка за намалување на сообраќајните несреќи во кои страдаат пешаците - информираше Борче Пешевски од Секторот за односи со јавност во МВР.

Оваа статистика се потврдува и со истражувањата на Републичкиот совет за безбедност во сообраќајот - РСБПС и од тие причини оттаму се најавува голема медиумска кампања за едукација на пешаците од сите возрасти.
- Во соработка со медиумите и Сообраќајната полиција наскоро ќе започнеме голема кампања за подигање на сообраќајната култура на повисоко ниво. Ќе бидат подготвени плакати и екукативни флаери. Крајната цел е да се доведеме на едно ниво што е постигнато во Европа, вели Тоше Јанев портпарол на РСБПС.

Пешаците, пак, се жалат на ригорозните санкции бидејќи се спроведувале без претходно обезбедени услови. Реагираат што тротоарите најчесто се узурпирани со возила, па едноставно не можеш да поминеш ако не се симнеш на коловоз, а некаде воопшто нема обележено место за поминување.
-На мојата улица во должина од 150 метри нема ниту едно место обележено за пешаци. Да не зборувам дека на тротоарот редовно се паркирани по неколку автомобили. И како сега јас да плаќам глоба бидејќи не сум почитувал закон, а не ми обезбедиле услови!?-реагира жител на Капиштец. Борче Пешевски од МВР, вели дека во вакви случаи се санкционираат несовесните возачи кои ги паркираат возилата на напрописно место, а пешаците поминуваат само со предупредување.

Но, вели тој не се толерираат прескокнувањата преку огради на булеварите или минувања меѓу автомобили, на црвено светло и слично.


АНКЕТА:
Ги почитувате ли сообраќајните правила?

Иако е реткост да видите некој да пропешачи неколку метри подолу или погоре за да помине на зебра или пак да се чека зелено светло на семафор ако нема автомобили, поголемиот број од скопјани кои вчера ги анкетиравме рекоа дека ги почитуваат сообраќајните правила.


Владимир РАДЕВСКИ

Ги почитувам сообраќајните правила и како возач и како пешак. Секогаш поминувам на зебра, чекам црвено на семафор. Сметам дека сите заедно треба повеќе да внимаваме, но апелирам до надлежните да обезбедат подобри услови. Да ги остранат возилата од пешачките патеки.

Ленче СИМЈАНОВСКА

Секогаш поминувам на пешачки премин и не ги оправдувам оние кои тоа не го прават. Сметам дека казните од 25, 30 евра се премали бидејќи во опасност се доведува човечки живот, а тој нема цена. Правилата мора да се почитуваат. Само на тој начин ќе се намали бројот на сообраќајните несреќи.

Ратка БОЖИНОВСКА

Внимавам да не правам прекршоци. Најчесто минувам кај Зелен пазар и секогаш чекам да поминам на семафорот на крстосницата. Сообраќајните знаци треба да се почитуваат за да има некој ред. Поминувањата преку улица се опасни, секојдневно слушаме колку сообраќајки се прават.

Вангел БАРАКОВСКИ

Се разбира, особено кога во близина има полицаец! Минувам на зелено, на зебра, и тогаш кога не се брзам многу. Е, кога морам некаде да стигнам на време, тогаш заборавам на правилата. Се разбира свесен сум дека правам прекршок но, повторно внимателно за да не настрадам. Од кола или од полицаец, сеедно.

Многу ми е криво што не стигнав да изреагирам да го сликам тоа или барем да му ги забележам табличките

Алкохолот и сигурноста во сообраќајот

Продолжувањето на времето за реакција условено со страв се нарекува “секунда на стравот” и се движи обично помеѓу една и пол до две секунди. Помеѓу факторите кој влијаат на времето за реакција извонредно место завзема алкохолот. Рефлексната активност на пијаниот возач е најмалку три пати побавна кога, на пример, не се напил ниту капка.

За сообраќајните несреќи поопасни се послабите степени на алкохолизираност, отколку сосотојбата на видливо пијанство. Пијаниот човек ниту самиот со себе не може и не умее да управува и патниците од таков возач обично се тргаат на страна.

Алкохолизираноста и слабиот степен, а тоа зависи и од индивидуалната подносливост, доведува до успорување на брзината на движењата и регирањата, лабава прецизност во работата, го стеснува видното поле, ја ремети можноста да се воочи раздалеченоста, заморот побрзо настапува, а со тоа попушта и сигурноста во возењето.

Електро-енцефалографските истипувања покажуваат дека кај сите прегледани, со ниво нешто помало од половина грам, настануваат промени на активност на мозочните ќелии, всушност модификација на работењето на повисоките нервни центри, а тоа се одразува во низ понатамошни пречки при управувањето со возилото.

Така, на опасните места се преценуваат можностите, се ризикува претерано, внимателноста попушта - се до искажување на чувства на претерана сигурност. Несомнено е дека при тоа доаѓа и до слабеење на моторните автоматизми, што тешко ја загрозува безбедноста во уптавувањето со возилото.

Карактеристичен е примерот, на основа на еден експеримент направен во Манчестер, при кој еден мошне добар и вешт професионален возач, под дејство на само 17 центилитри виски, управувајќи автобусот широк 2,27 метри се обидел да помине низ премин широк само 2,08 метри.

http://reporter92.mk/index.php?option=com_content&view=article&id=56:2009-01-28-02-44-48&catid=36:tema&Itemid=75 - Репортер - 06.11.2008

http://www.dnevnik.com.mk/?itemID=4C0DA67602B8D04C899E39FD7752283D&arc=1 - Дневник - 04.03.2009

ова на стотројка ја вртеле рекламава  или можеби на равел!

Бројот на сообраќајни несреќи во првото тримесечје годинава е за 25 проценти намален во однос истиот период лани. Од Министерството за внатрешни работи велат дека ова зборува дека сообраќајната култура се зголемува бидејќи возачите и пешаците стануваат се посвесни за последиците од незгодите.
Според полициските податоци, во првите три месеци годинава, на патиштата во земјава се случиле вкупно 2.903 сообраќајни несреќи, од кои 646 биле со тешки последици, додека лани заклучно со март биле предизвикани 3.847 незгоди, од кои 638 потешки. За разлика од истиот период минатата година кога во сообраќајните несреќи загинале 23 луѓе, а 969 поминале со повреди, годинава загинале деветнаесетмина, а се повредени 1.031.
- Се надеваме дека ова намалување на бројот на сообраќајните незгоди се должи на тоа што јавноста почнува се повеќе да го почитува новиот Закон за полиција и одредбите за безбедност во сообраќајот. Казните се поригорозни, а можно е и тој пад да се должи на новите стандарди за обука на новите возачи “ вели Иво Котевски, портпаролот на МВР Според него, периодот е прекраток за да се направи прецизна анализа и да се види на што се должи намалувањето на сообраќајните несреќи. Котевски се надева дека и во иднина бројот на несреќите ќе се намалува, а сообраќајната култура ќе се зголемува.
Најчеста причина поради која се случуваат незгоди на патиштата е пребрзото возење, но и непочитување на правилата за првенство и непрописно држење правец и растојание меѓу возилата. Само 27 случаи оваа година биле поради возење во пијана состојба.
Новиот Закон за безбедноста во сообраќајот, што е во сила веќе половина година, пропишува казна од 400 евра за возење под дејство на алкохол, а со глоба од 300 евра се казнуваат возачите што ќе поминат на црвено, возат без возачка дозвола или нема да пропуштат пешак. За погрешно паркирање во близина на пешачки премин следува казна од 250 евра. Покрај глобите предодредени за потешките прекршоци, постојат парични казни или негативни поени и за поситните прекршоци. Кај овие прекршоци, возачот има можност да избере или да си ја плати глобата што се движи до 45 евра, или, пак, да добие негативни поени во возачката книшка. Во поситните прекршоци спаѓаат зборување на мобилен телефон додека се управува возилото, непрописно запирање или паркирање, пречекорување на дозволената брзина и слично.

Во битолското село Горно Оризари вчера загина пешак откако во него удрил автомобил, кој го управувал средовечен жител на село Крлино. Несреќата се случила на влезот на селото, а Димче Ш. од здобиените тешки телесни повреди починал на самото местото. Во 1.895 сообраќајни несреќи што се случиле во првата половина од оваа година животот го загубиле 61 граѓанин, а 2.873 биле повредени. Од полицијата информираат дека расте бројот на сообраќајните несреќи и дека од почетокот на годината се случиле за 11,7 проценти повеќе во споредба со истиот период минатата година. Од овој аспект најнебезбеден е скопскиот регион, каде што се регистрирани 912 несреќи во кои загинале 24 лица а 1.345 се повредени, а потоа се Тетово со 138 незгоди во кои двајца загинале и 247 биле повредени, додека, пак, во Куманово се случиле 132 сообраќајни несреќи во кои животот го загубиле двајца, а 194 граѓани биле повредени. Управување на возилата со поголема брзина од дозволената и со неприспособена брзина на условите на патот, според МВР било причина за најголем број несреќи на патиштата, дури 555 незгоди биле предизвикани на ваков начин. Граѓаните недоволно внимавале и на правилата за првенство на минување и на престигнување, а дел од несреќите се случиле и поради возење под дејство на алкохол. По седум незгоди се случиле поради техничка неисправност на возилата и неисправна состојба на патиштата и на патната сигнализација. Најмногу жртви имало при судир на возила.
Сообраќајната полиција во првите шест месеци поднела речиси 70.000 барања за поднесување прекршочна постапка, одзела околу 2.500 возачки дозволи, а алкотестот го употребила дури 37.000 пати

Вторник најцрн ден

Како најцрн ден во кој се случиле најмногу од несреќите на патиштата во полицијата е евидентиран вторник, а потоа се петоците. Речиси половината од сообраќајните несреќи се случиле во попладневните часови од денот и тоа во периодот од 16 до 18 часот, а најмалку во текот на ноќта. .

ПОЛЕСНИ ПРЕКРШОЦИ

- Користење мобилен телефон за време на возење: 45 евра или 25 негативни поени

- Неврзување сигурносни појаси: 20 евра или 10 негативни поени

- Непрописно запирање или паркирање: 45 евра или 25 негативни поени

- Возење без запалени светла: 35 евра или 20 негативни поени

- Непоседување или непокажување возачка дозвола: 20 евра или 10 негативни поени

- Непрописно движење по обележана сообраќајна лента: 20 евра или 10 негативни бода (рикверц, две ленти и полу-тротоар)

- Пречекорување дозволена брзина на движење од 10 до 30 км на час во населено место: 45 евра или 25 негативни поени

- Непријавување на промена на живеалиште од возач: 45 евра или 25 негативни бода

- Возење под дејство на алкохол: 400 евра

- Минување семафор на црвено светло: 300 евра 

- Возење без возачка дозвола: 300 евра

- Непропуштање на пешак: 300 евра

- Погрешно паркирање во близина на пешачки премин: 250 евра (истоварање сопатници, подзастанување за весник или цигари од трафика...)

http://www.utrinski.com.mk/?ItemID=A6AE505469D16D4990FB5B472EEBB6B9 - Утрински - Горан Адамовски - 04.11.2008

Една од работите што нас не разликува од земјите од развиениот западен свет е ниското ниво на сообраќајна култура што ја поседуваат учесниците во сообраќајот во земјава.
Додека на запад, ваквите слики на луѓе кои улицата ја поминуваат на место каде што нема одбележан пешачки премин е вистинска реткост, кај нас би рекле дека е секојдневие.

...

Од полицијата велат дека посветено работат на подигнување на свеста за почитување на пешаците во сообраќајот бидејќи токму тие се и најранливите учесници во него.
Полицијата апелира и до возачите и до пешаците да ги почитуваат сообраќајните знаци и правила бидејќи само така ќе придонесат за поголема безбедност на улиците.

http://sitel.com.mk/?ItemID=9596D1010C6E264D83BD1B70B058ACE9 - Сител - Александар Спасовски - 15.09.2009

Најголемиот број кривични дела од странските државјани во минатата година се однесуваат на фалсификувањето сообраќајни документи. Обично се преправа носивоста на товарното возило од помала во поголема или се продолжува важноста на зелените картони. Од вкупно 270 кривични дела, 47 извршиле странци, а дури во 33 се работи за фалсификат. Најчесто фалсификуваат државјаните од Турција, СЦГ и од Бугарија. Иако предвидените казни за фалсификат се од шест месеци до пет години затвор, зависно од стореното дело, обично се изрекуваат условни и парични казни. Во пресудата се изрекува најчесто и протерување на странец од државава за време од една до две години...

http://Дневник%20-%2018.08.2009 - Дневник - 18.08.2009

Скопјанецот минатата недела бил осуден на две години затвор бидејќи самиот го продолжил важењето на сообраќајна дозвола за автомобил. Кривичниот совет на Основниот суд Скопје 1 го прогласил виновен за кривично дело фалсификување исправа. Осудениот во моментов е недостапен за органите на прогонот. 

Судската истрага утврдила дека на 3 ноември 1997 година осудениот употребил лажна сообраќајна исправа, која самиот ја фалсификувал. Тој во сообраќајна дозвола за автомобил "ситроен дијана" ги сменил цифрите на датумот на истекувањето од 5 јануари 1997 година, во 5 септември 1998 година. Фалсификатот го открил полицаец во рутинска сообраќајна контрола.

http://star.dnevnik.com.mk/default.aspx?pBroj=1703&stID=6881 - Дневник - 15.11.2001

Сакале ние тоа да го признаеме или не, на сите ни е јасно дека сите сообраќајните незгоди што се случуваат по нашите улици и патишта (од кои, за жал, некои завршуваат и со катастрофални последици) настануваат како резултат на непочитување на сообраќајните правила и прописи 

Во непочитувањето на сообраќајните правила и прописи практично може да се вгради сé, почнувајќи од непочитувањето на сообраќајната и патната сигнализација, па сé до екстремните случаи на возење, како што, на пример, е возење под дејство на алкохол.

Гледајќи ја секојдневно состојбата на нашите улици во градските средини, па и на отворените патишта и автопати, некако сам по себе се наметнува впечатокот дека оваа појава е толку масовна што, по мислењето на авторот на овој текст, добива загрижувачки размери. Самото излегување од станбената зграда, погледот на раскрсницата помеѓу ул. Орце Николов и ул. Никола Тесла (на која безмалку секој втор ден има сообраќајни незгоди и тоа сите, без исклучок, поради непочитување на улицата со првенство на минување), па понатамошното управувањето со возилото по градските улици (дури и како пешак), секој ден претставува една нова сообраќајна авантура.

Ќе речеме - такво е времето и начинот на живеење. Сите и секогаш некаде брзаме мислејќи притоа дека со непочитување на сообраќајните знаци за ограничување на брзината, со „кратење“ преку еднонасочни улици по кои воопшто е забрането движењето, со свртување таму каде што ни е забрането, ќе стигнеме побрзо до нашата крајна цел. Безброј пати сме констатирале дека тоа не е така, за што кристално јасна асоцијација ни дава и онаа убава кампања што се води со посредство на билбордите во нашиот главен град: http://www.build.com.mk/forum/forum_posts.asp?TID=448&PID=39454#39454 - „Вози пребрзо - стигни прерано“ .

Можеби најмногу од сé загрижува податокот дека во ова непочитување на сообраќајните правила и прописи предничат оние што најмалку би требало да го прават тоа, а тоа се професионалните возачи и, пред сé, таксистите. Во овој наплив на голем број такси-возачи, што можеби е разбирливо со оглед на нашата тешка економска ситуација и огромниот број невработени работоспособни лица, впечатокот е дека токму тие во својата трка за патници и во борбата за профит пречесто го избегнуваат почитувањето на сообраќајната и на патната сигнализација. Секоја чест на исклучоците.

Каде е во целата приказна нашата сообраќајна полиција? Сигурно е дека сообраќајната полиција (барем во најголем дел) ефикасно и совесно си ја врши својата работа, но исто така, сигурно е и тоа дека полицајците задолжени за контрола на безбедноста во сообраќајот, сепак, ги нема во толкав број за да може да бидат присутни секогаш и секаде. Ние како возачи, знаејќи го тоа, често го злоупотребуваме тој факт и, свесно или несвесно, со секоја таква злоупотреба го загрозуваме безбедното одвивање во сообраќајот.

Значи, по сé, сепак најголемиот дел од ова останува кај нас, на нашата свест и совест или, ако сакате, на нашата сообраќајна, но и општа култура.

http://www.novamakedonija.com.mk/NewsDetal.asp?vest=91191439213&id=24&setIzdanie=21790 - www.novamakedonija.com.mk/NewsDetal.asp?vest=91191439213&id=24&setIzdanie=21790

Во целата приказна за почитување и непочитување на сообраќајните правила и прописи, која беше почната во прилогот Нома Интер Авто во минатиот двоброј, можеби и не е сицирц; така црно. Сé уште можат да се видат и такви возачи (или пак пешаци) кои ревносно ги следат сообраќајните знаци и редовно се однесуваат како што со овие знаци е сигнализирано


Впечатокот кој, кај авторот на овој текст се оформил во текот на многуте години учество во сообраќајот, всушност е дека и покрај неоспорниот факт за свесно прекршување на правилата, зададени со сообраќајната и патната сигнализација, во голем дел ова се случува и несвесно, поточно како резултат на незнаење.

Би рекле, ова е логична последица, односно нешто што не можеше да се избегне по огромната „либерализација“ на полето на возачките испити, за што бевме сведоци во текот на повеќето изминати години. Не е дека немаше исклучоци, но секако дека беше многу потешко да се стигне до возачка дозвола без да се стекнат потребните знаења и вештини во „оние времиња“ кога возачките испити се полагаа само и единствено пред „страшните“ комисии, кои доаѓаа исклучиво од Министерството за внатрешни работи.

„Либерализацијата“ во постапките на добивање возачки дозволи и во полагањето на потребните испити (секоја авто школа - свои комисии), неминовно го направи своето. Знаејќи го начинот на неофицијалното функционирање на работите кај нас воопшто, и во оваа сфера, која не можеше да биде исклучена од општите, се разбира, непишани правила, работите се одвиваат слично. До посакуваното парче хартија (или во последно време парче пластика), наречено возачка дозвола, дојдоа не мал број млади луѓе, далеку пред тоа да го заслужат и далеку пред да ги стекнат макар и основните познавања на сообраќајните правила и прописи, сообраќајната сигнализација и возачките вештини.

Значи, сакајќи некој да им направи добро (да им помогне да се стекнат со возачка дозвола, без оглед дали тие тоа го „заслужиле“ или не), им направил лошо. И не само ним, туку и на сите нас, кои секојдневно учествуваме во сообраќајот. И кога после се со оглед на ситуацијата и невработеноста, голем дел од овие „возачи“ се одлучиле да заработуваат возејќи такси, неподносливата ситуација на нашите улици и патишта не смее да нé зачудува, а уште помалку изненадува.

Од друга страна, според нашето однесување, неодминлив е впечатокот дека сите ние мислиме, поточно сме убедени, дека знаеме се а како резултат на тоа, логично, правиме грешки од секаков вид. Колку пати самоуверено сте си го поставиле прашањето: „од каде сега овој знак овде“или дури „кој беше тој толку паметен што на автопат ставил знак за ограничување на брзината на 80км/ч“ и слично.

Колку тоа за нас во моментот да изгледа нелогично, сигурно е дека сепак зад тие одлуки стојат сообраќајни инженери, односно стручни лица - авторитети во својата област, кои според својата стручност биле избрани да го направат тоа. Без оглед дали нивните решенија на дадените позиции нам ни се допаѓаат или не, сепак мора да бидеме свесни дека тие се направени врз основа на показатели и фактори за кои ние, како возачи не сме свесни и воопшто не размислуваме. Во тоа име сообраќајните знаци би требало да ги почитуваме такви какви што сé, пред сé затоа што тоа од нас го очекуваат не само органите задолжени за контрола, туку пред се другите учесници во сообраќајот.

Ако на една делница од автопатот има знак за ограничување на брзината од 80км/ч, верувајте им на стручните лица кои процениле дека тоа треба така да биде - возете со брзина 80км/ч. Ако не им верувате, тогаш повторно возете со 80км/ч. Ако не заради друго, барем поради фактот дека можеби зад следниот свиок ве очекуваат момците со „Крајслер“ со плаво-бели ознаки и со вперен радар. А ќе се сложите, казните не се баш за потценување (се разбира, ако морате да ја платите).

http://www.novamakedonija.com.mk/NewsDetal.asp?vest=91892051477&id=24&setIzdanie=21792 - www.novamakedonija.com.mk/NewsDetal.asp?vest=91892051477&id=24&setIzdanie=21792

Македонските возачи, пешаци и другите учесници во сообраќајот по воведувањето на строгите парични, но и прекршочни казни, станаа посовесни учесници во сообраќајот. За тоа најдобар сведок е бројот на сообраќајните несреќи и повредените и жртвите, кој во првите шест месеци од оваа година, во споредба со истиот период лани, во некои градови е од 40 до 70 проценти во намалување, а на државно ниво се намали речиси 15 проценти. Паричните казни од 150, 200 и од 300 евра, па и казните од судот, велат учесниците во сообраќајот, им помогнале да внимаваат на себеси и на сообраќајната околината повеќе од порано. - По себеси знам дека сега како возач ми е многу чудно дека штом ќе влезам во автомобилот го ставам сигурносниот појас од страв да не ме казнат, нешто што порано не го практикував. Сега внимавам на одбројувачот на семафорот, запирам на пешачки и на сообраќајни знаци. Гледам и помалку незгоди низ Скопје, казните си го направија своето. Една казна една плата, кој има нека ризикува и“вели Илија Петровски, таксист од Скопје.
Скопјани и понатаму се први на црната листа на сообраќајната полиција. Од вкупно 1.690 несреќи низ Македонија, половина се случиле во главниот град. Токму низ улиците на главниот град загинале 22 учесници во сообраќајот. По Скопје, шампион во сообраќајни трагедии е Охрид, кој по вторпат успеа да го задржи црното второ место. Најмалку несреќи, повредени и загинати МВР евидентирало во Македонски Брод, Крушево и во Кратово. - Сообраќајни незгоди во кои има и настрадани учесници во сообраќајот, возачи, совозачи или пешаци во првото полугодие од 2008 година се 1.600, што претставува намалување за 300 сообраќајни незгоди со настрадани. И понатаму најмногу незгоди се со меѓусебни судири на возила, на второ место повторно се удар на возило во пешак. По месеци најмногу незгоди се случиле во март, потоа во мај, а најмалку во август и“велат од републичката сообраќајна полиција. По денови, најмалер ден за учесниците во сообраќајот е вторник, кога во првото шестмесечје се регистрирани најмногу повредени или загинати, а најсреќен ден е токму последниот работен ден, петок. Најмногу несреќи се случуваат во периодот од 14 до 15 часот, а најмалку кога градовите се мирни од сообраќај, од 23 до 24 часот.

Елена Мачевска

Несовесните возачи, кои не ги пропуштат возилата на прва помош, на полиција и на противпожарната единица, и покрај тоа што имаат вклучено ротациски светла и сирени, многу често се причина за нивното доцнење и покрај тоа што од брзината зависат човечки животи. Од овие служби, сепак, велат дека не се сите возачи недисциплинирани и дека забележуваат извесно подобрување во сообраќајната култура во градот. Голем број скопјани веднаш реагираат на звукот на сирената и прават простор за возилата на итните служби да поминат.
За да не заглават во сообраќајниот хаос во Скопје, најчесто откако ќе добијат повик од граѓанин, тие ја известуваат сообраќајната полиција за правецот на движење низ улиците, која, како што велат, кога е во можност им го растоваруваат сообраќајот и им овозможува за кратко време да стигнат на критичното место.
- Состојбата со пропуштањето на возилата на противпожарната единица од година во година се подобрува, но, сепак, се уште има несовесни возачи, кои во никој случај не сакаат да ја ослободат лентата за да поминат нашите екипи - вели Благоја Менковски, командир на единицата за противпожарна заштита.Тој објаснува дека тоа е една од најчестите причини за доцнење на противпожарните единици до опожарениот објект.
Од Итната медицинска помош велат дека до пред три години, кога итните случаи ги превезувале со автомобили, возачите многу ретко, и покрај вклучените сирени, им правеле простор за да поминат.
- Откако купивме комбиња, кои се повисоки од автомобилите, со посилен звук на сирените и со поголеми ротациски светла, возачите можат да ги забележат на поголемо растојание и можат да им направат простор за да поминат - вели Маја Поповска од Итната медицинска помош.
И Лиза Бендевска, портпаролка на СВР Скопје, вели дека голем број граѓани не им даваат предност на нивните возила.
- Поголем дел од граѓаните се совесни возачи и кога ќе забележат дека сирената на некое наше возило е вклучена, даваат предност. Сепак, има и такви што не пропуштаат да помине возилото - тврди Бендевска.
Сепак, надлежните на овие институции, сметаат дека многу често се случува и возачите што сакаат да го пропуштат возилото на некоја од итните служби да не се во можност да го направат тоа поради сообраќајниот метеж во градот, особено во периодот од 8 до 10 часот наутро и од 15 до 18 часот попладне. Дополнителна проблем за овие единици се и паркираните возила на тротоарите, кои не им оставаат можност на другите учесници во сообраќајот да се тргнат од патот и да го пропуштат возилото со вклучени ротациски светла.

Не дека пијам кога возам ...ама ова ги поминува сите граници ...незнам дали има вакви случаи во другите држави ама стварно ова е претерано...да се симне границата на 0,1 стварно е некоректно и репресивно. Се согласувам да се стават повисоки казни за тие што имаат над 0,5 промили алкохол ...но ова!?!

ОЧЕКУВАМ СЛЕДНОТО ДА БИДЕ ... КАЗНА ЗА ВКЛУЧЕНО РАДИО ВО АВТОМОБИЛ 400 ЕВРА ...ццц

Без паника, полицијата ќе толерира алкохол до 0,5 промили

Одредбата за 0,1 промил важи само за професионалните возачи и за почетниците

Стравот кај возачите околу измените во Законот за безбедност во сообраќајот и патиштата, според кои, им се дозволува само 0,1 промил алкохол во крвта, се испостави дека е лажна паника. Од МВР укажуваат дека станува збор за погрешно толкување на Законот и дека спорната одредба важи единствено за професионалните возачи, додека кај обичните возачи и натаму ќе се толерираат до 0,5 промили. Со измените што минатата недела беа изгласани во Собранието, а кои почнуваат да важат од денес, се воведуваат и степени на казнувања во однос на нивото на алкохолизираност кај возачите.

„Измените во Законот важат само за професионалните возачи, односно вработени како возачи во фирми и организации, таксистите, возачите во јавниот превоз, шоферите на камиони и автобуси, лицата што обучуваат возачи, возачите почетници и слично. Кај нив нема да се толерира нивото на алкохол во крвта да биде повисоко од 0,1 промил“, ни изјави Кузман Дамчевски, виш полициски советник во Секторот за сообраќајни работи во МВР. Доколку кај ова категорија возачи бидат измерени од 0,1 до 0,5 промили - тогаш им следува парична казна од 200 евра и тримесечно одземање на возачката дозвола.

Дамчевски појаснува дека за возачите - аматери што имаат положено возачки испит од категорија Б, и натаму важат досегашните закони, со кои полицајците толерираат до 0,5 промили. Новина е и тоа што од денес ќе важат различни казни според степенот на алкохолизираност кај возачите.

„Возачите кај кои ќе бидат измерени од 0,51 до 0,99 промили, ќе бидат казнети со 250 евра и прекршочна пријава за одземање на возачката дозвола во период од три до шест месеци. За оние кај кои алкотестот покажува од 1 до 1,5 промили е предвидена казна од 300 евра и одземање на возачката дозвола од шест до девет месеци. Кај лицата со 1,51 - 1,99 промили следува казна од 350 евра и одземање на возачката дозвола од 9 до 12 месеци. Возачите што во себе имаат повеќе од 2 промила алкохол во крвта ќе бидат казнети со 400 евра и одземање на возачката дозвола на 12 месеци“, појаснува вишиот полициски советник.

Доколку се плати во рок од 8 дена, паричната казна ќе биде преполовена, но тоа воопшто не влијае врз одлуката на судијата за прекршоци на колку време ќе ви ја одземат возачката дозвола. Доколку возите, а возачката ви е одземена, следува уште една казна од 500 евра. Толкава казна е предвидена и за лицата што ќе одбијат да бидат алкотестирани, а згора и една година ќе бидат оставени без возачка дозвола. (Г.А.)

http://netpress.com.mk/vestiimages/69336/protivpozaren-aparat.jpg">

Противпожарниот апарат од денеска е задолжителна опрема во сите автомобили, автобуси и камиони, според правилникот за задолжителна опрема.

Според правилникот, објавен во Службен весник минатата недела, сите возила кои превезуваат патници треба да имаат противпожарен апарат за гасење на пожар поставен на видно место или на место лесно да дофат.

Патничките возила треба да имаат еден противпожарен апарат од два килограми наполнет со прашок АБЦ.

Возачите од денеска, задолжително во возилата мораат да имаат и сигурносен-рефлектирачки елек што треба да се облече кога во темнина се напушта возилото, кога на пат надвор од населено место или автопат врши некој работа покрај возилото.

http://www.lisica.mk/statija/7224 - http://www.lisica.mk/statija/7224

Како што посочуваат од Министерството за транспорт и врски, со спроведувањето на овој јавен оглас, ќе се овозможи создавање подобри услови за превозниците, а особено во делот на нивната заштита во патниот сообраќај, подобрување на безбедноста во сообраќајот, спречување на нелојалната конкуренција, спречување на пречекорувањето на максималното неделно работно време со цел правилата за работно време и одморите на возачите да бидат целосно и правилно применети.

http://www.dnevnik.com.mk/?ItemID=7B34B2238AF1AC4B9A8FAC20EDB6088D - http://www.dnevnik.com.mk/?ItemID=7B34B2238AF1AC4B9A8FAC20EDB6088D

Многу е опасно да се тргне со замаглени стакла и потребно е да одвоите некоја минута и да ги осигурате добрите услови за безбедна видливостСо првиот утрински мраз и студеното време почнуваат и проблемите во возењето. Моторот потешко се стартува, што е особено изразено кај постарите и неисправни возила. Во северните делови од земјата и на повисоките места наутро н` дочекува роса или лед на предното ветробранското стакло. Општ тренд е поради намалување на потрошувачката на гориво и загадувањето на човековата околина да не се препорачува загревање на возилото во место. Пред да го стартувате моторот, темелно исчистете ги сите стакла и трепкачите. Многу е опасно да се тргне со замаглени стакла и потребно е да одвоите некоја минута и да ги осигурате добрите услови за безбедна видливост.Во системот за миење на шофершајбната треба да има пропишана течност која одговара на овој период од годината, но ледот и росата треба да се отстрануваат со стругалка, а не со бришачите. Ако на тоа не се внимава лесно може да ги оштетите (изгребете) гумените метлици на бришачите. Немојте да заборавите да ги исчистите и надворешните ретровизори бидејќи од нивната чистота зависи и видливоста од страничните делови на автомобилот. За неколку минути моторот веќе ќе биде загреан и воздухот низ системот за вентилација почнува да ја суши влагата во внатрешноста и од стаклата. Важно е при рака секогаш да имате мека крпа, со која по потреба може да се избрише внатрешната страна на стаклата. На почеток возете претпазливо и без брзање, бидејќи треба да се причека за да може моторот потполно да се загрее, а вентилацијата да почне да работи со целосен интензитет.

Внимателност е потребна поради ладните гуми, кои на студениот асфалт може лошо да се држат и го зголемуваат ризикот од пролизгување, при сопирање и брзо возење во свиоците. Проблемот е особено изразен ако на така лизгава подлога возите со летни гуми. Според законските одредби од 15 ноември сте обврзани да имате зимска опрема во возилото, а шарата на гумата да не биде помала од 4 мм.Првите мразеви се најопасни, бидејќи може да се случи зимската служба со сол и песок да посипе само одредени делници, а возачите се уште не се подготвени. Поледица се јавува најчесто на надвозници, во осојничави места, на влез во тунел и предели што ретко се изложени на сонце. Наидување на лед со брзина што не е прилагодена според условите значи и сигурно излетување од патот, што тешко може да го спречи и најискусен возач. Ако температурата се спушти под нула степени, треба да се биде внимателен, дури и ако коловозот е сув, бидејќи тогаш гумата има лош контакт со подлогата. Управувањето станува отежнато, а секое свртување или сопирање е опасно. Добри зимски гуми вредат повеќе од било што, и на нив не треба да се штеди. Не се добри стари зимски гуми, особено ако длабината на шарата е помала од 4 мм. Купување на квалитетни гуми е најисплатлива инвестиција.ЛЕДОТ ЧИСТЕТЕ ГО ВНИМАТЕЛНОСтругањето на ледот станува секојдневна рутина и притоа треба да се биде внимателен. Користете квалитетни стругалки, кои можат да се купат во продавниците за авто опрема, а избегнувајте ги рекламните, изработени од тврда пластика, кои се нудат како подарок. Ледот стругајте го со одмерен притисок, за да не се избразди стаклото. Внимавајте со стругалката кога минувате преку стаклото да не ги оштетите страничните кедери, односно гумените делови. Ледот треба да се отстрани темелно, бидејќи заостанатите делови, топчиња и други делови се прилепуваат за стаклото, можат да ја оштетат гумената метлица на бришачот. Никако не треба да се користи топла вода за отстранување на ледот, бидејќи може многу лесно стаклото да пукне.

ВО ПОЧЕТОК БЕЗ ТУРИРАЊЕБез проблеми може да тргнете и со ладен мотор, но додека не се загрее не претерувајте со вртежите. Тоа е особено важно за моторите со турбополначи. Во почетокот во повисок степен на пренос префрлете веќе при 2.000 вртежи, а кога моторот ќе се загрее вртежите постепено зголемувајте ги. Ако веќе во првите метри од тргнувањето треба да совладате некоја нагорнина, поминете го додека возите во прв степен при ниски вртежи, а дури на врвот префрлете во втора брзина. Но, дури и кога моторот целосно ќе се загрее, заради штедење на гориво, кај дизелските агрегати не треба да се минува преку 3.000 вртежи во минута, а кај бензинците преку 4.000 вртежи. Маслото во менувачот се загрева потешко, од она во моторот, па пред да почнете со менување во прва или рикверц, препорачливо е прво менувачот да го ставите во трета па во четврта, па дури тогаш да тргнете.ВНИМАТЕЛНО ВО РИКВЕРЦПри стартување на автомобилот, грејачот на задното стакло не стигнува во целост да ја оттргне влагата, па затоа е потребно попретпазливо маневрирање при возење во рикверц. Проблемот го влошуваат и страничните ретровизори, кои и после чистењето лесно се замаглуваат. Особено незгодно е вклучување во сообраќај при излегување од паркинг во рикверц, бидејќи отежнува лошата видливост низ страничните прозорци и го зголемува ризикот при излегување на улица. Тогаш лесно може да дојде до налетување на друго возило и сообраќајна несреќа. Голема корист ќе има ако на кратко се отвори задното стакло во автомобилот. Уште подобра видливост ќе се добие ако на паркинг местото се влезе во рикверц па наутро полесно ќе излезете.

Горан Антевски - http://www.dnevnik.com.mk/?ItemID=0DA663B3CE0C0A429C49AC65708B9B05 - http://www.dnevnik.com.mk/?ItemID=0DA663B3CE0C0A429C49AC65708B9B05

По изборите денски фарови само во зима

Законот за денско возење со вклучени светла ќе претрпи корекции по изборите и ќе важи само во зимските месеци, дознаваме од доброинформирани извори

• Do not mix sizes. All four tires must be branded with the same tire size.
• Do not mix radial and bias-ply tires. All four must be either radial or bias-ply.
• Be sure that the outside circumference of all four tires is within 1.5” of each other.
• Do not mix tread patterns, such as all-terrain and all-season.

Can I replace the tires on my car with a lower speed-rated tire?When replacing speed-rated tires, you must use replacement tires with ratings equal to or greater than those of the original equipment tires, if the speed capability of the vehicle is to be maintained. The handling of a performance vehicle may be different when the replacement tires are not the same speed rating. Refer to the vehicle owners manual to identify any tire speed rating restriction that could affect operation of the vehicle.

Do I have to replace my present tires with the same size tires?Never choose a tire that is smaller in size or has less load-carrying capacity than the tire that came with the vehicle. Tires should always be replaced with the same size designation — or approved options — as recommended by the vehicle or tire manufacturer. The correct tire size can be found on the door placard of the vehicle or by consulting your local authorized Michelin retailer.Your current tires’ size can be found by reading the markings on the sidewall. How to read a sidewallWhere do I install new tires if I only buy two?If you’re replacing only two tires, be sure to have the new tires installed on your vehicle’s rear axle. Here’s why:

• New tires will provide better wet grip than your half-worn tires.
• When new tires are installed on the rear, it helps reduce the potential for your vehicle to fishtail or hydroplane in wet conditions.

www.michelinman.com/tire-care/tire-saving-tips/replacement-questions

Други информации кои можат да бидат напишани на ѕидот на гумата:

C – со повеќе платна, за комбиња и лесни товарни возила 
RF и XL – знаци за појачани гуми, со поголем индекс на носивост.
M+S – знак за зимски гуми (Кал и Снег)

Притисок во гумите
Повеќето оштетувања на гуми се резултат на погрешниот притисок на гумите. Контролирајте го притисокот секои 2 недели, како и притисокот во резервната гума. 
Погрешниот притисок влијае негативно врз управувањето со возилото. Повеќето возила имаат табела за правилниот притисок која се наоѓа кај капакот за гориво или во вратите.

Полнење на гумите со азот. Предноста на таквото полнење со азот е во тоа што азотот го намалува триењето внатре во гумата, а со тоа го продолжува векот на траење на гумата и ја намалува потрошувачката на гориво.
Исто така азотното полнење го држи поконстантен притисокот на гумите, така што притисокот на гумите во ваков случај се контролираат на 2 месеци.

Длабочина на газната површина
Експертите докажаа дека на мокар пат гума со 1,6 мм длабочина на газната површина има два пати подолг пат на запирање од гума со 8мм длабочина на газната површина. Покрај продолжениот пат на запирање, се зголемува и опасноста од аквапланинг. 
Најдобро:
Летни гуми со помала длабочина од 3мм да се заменат.
Зимски гуми со помала длабочина од 4мм да се заменат.
Контролирајте ја длабочината секои 4 недели.

Ротација на гумите
Гумите кои се наоѓаат на погонската осовина се абат повеќе. Затоа треба тркалата по препорака од производителот на возилото да се ротираат за да се постигне еднакво абење (трошење) на гумите.

Век на траење на гумите 
На ѕидот на секоја гума е ставен знакот DOT, кој дава информација за година на производство на гумата.
Првите два броја даваат информација за неделата а вторите два на годината на производство. На пример (0107) = прва недела 2007 година.

Кога треба гумата да не се вози повеќе? 
Со добро лагерување гума до 5 години стара може да се продава како нова гума.Резервните гуми постари од 6 години можат да се употребуваат само ограничен број на километри (до првиот вулканизер).Гуми постари од 10 години не се употребуваат повеќе и преставуваат опасност.

Нови гуми Зошто нови, а не користени/обновени гуми?

Не само што оптички новите гуми се подобри. Со поголемата длабочина на газната површина се зголемува сигурноста и комфортот како и се намалува бучавоста.
Новите гуми се проверени од производителите и е издадена гаранција. 
Кај користените/обновените гуми сепак не знаете како е гумата возена пред да биде обновена на пример дали е оштетена на виталните места кои не можат да се поправат, со што може да дојде до експлозија на гумата за време на управувањето.    
http://www.stop-go.com.mk/_leksikon/

покрај постојните  (произволни) стандарди како all-season или http://svmagazin.mk/archives/3553 - M&S(mud+snow) од 2012 ќе има нов но задолжителен стандард за обележување на гуми во еу http://www.bridgestone.eu/tyres/tyre-advice/eu-tyre-labeling - http://www.bridgestone.eu/tyres/tyre-advice/eu-tyre-labeling    

ме интересира до сега немам користено  кит за гуми [ http://en.wikipedia.org/wiki/Flat_tire#Motor_vehicles - 1 ][ http://www.daciaforum.in.rs/index.php?topic=1518.0 - 2 ] или поскапата опција RFT гуми [ http://en.wikipedia.org/wiki/Run-flat_tire - 1 ][ http://www.ak-bmw.com/forum/showthread.php/7392-RFT-gume-prednosti-i-mane - 2 ] има ли некој искуство да препорача што е подобра опција него обична гума...

[tube]JlqidQepL6I[/tube]

[tube]mxHwrMh76tE[/tube]

.

Патната безбедност зависи од безбедните возачи, безбедните патишта и безбедните возила. Е-Безбедноста се однесува на технологиите во возилата кои можат да му помогнат на возачот во итни случаи преку обезбедување витални информации и предупредувања со кои би се избегнало настанувањето на ситуацијата.

Овие системи имаат влијание врз безбедноста на патниците со тоа што му асистираат на возачот да донесе правилни одлуки и да ја задржи контролата врз возилото, а тоа го прават преку информирање, советување и алармирање за опасните ситуации. Електронската контрола на стабилноста (ESC), како и системот за предупредување и итно сопирање ја проценуваат ситуацијата во која се наоѓа возачот и преземаат акција за избегнување или минимизирање на последиците од незгодата. Другите системи, како на пример, мониторингот на мртва точка, предупредувачот за брзина и системот за одржување правец следат кога возачот се наоѓа во потенцијално опасна ситуација и обезбедуваат инстантно предупредување.

Е–Безбедносните системи се наоѓаат на пазарот веќе неколку години и се очекува да придонесат за значителни намалувања на жртвите на патиштата. Само системот за електронска контрола на стабилноста (ESC) може да спаси 4.000 животи во Европа и да спречи 100.000 повреди. Е–Безбедносната опрема во новите возила варира од модел до модел, од бренд до бренд, па дури и од држава до држава. Токму поради тоа е значајно корисниците да бидат информирани за овие технологии кои спасуваат живот и да инсистираат овие уреди да бидат вградени во возилата што ги купуваат.

„Употребата на интелигентни автомобилски технологии ќе ги направи возилата побезбедни од кога било. Сега е моментот за корисниците да извлечат корист од овие е-Безбедносни системи кои спасуваат живот“. Жан Тот, претседател, eSafetyAware

• Електронската контрола на стабилноста (ESC) овозможува избегнување на сообраќајна незгода преку значајно намалување на ризикот од пролизгување на возилото во момент на ненадеен маневар, како на пример, избегнување на некој предмет, животно и слично. ESC рано го идентификува ризикот и го стабилизира возилото преку индивидуално сопирање на тркалата.

• Мониторингот на мртвите точки (Blind Spot Monitoring) асистира за избегнување на незгода со возила кои се наоѓаат во соседната сообраќајна лента преку континуирано следење на мртвите точки од двете страни на вашето возило.

• Системот за одржување правец може да асистира и да ве предупреди кога ненамерно ја напуштате сообраќајната лента или кога менувате сообраќајна лента без вклучен индикатор. Некогаш само момент на невнимание е доволен за возилото да застрани од својата лента. Додека системот за напуштање на лентата ве предупредува кога возилото ненамерно застранува од лентата, системот за одржување правец ви помага да го коригирате курсот на движење на вашето возило. 

• Предупредувачот за брзина помага да се одржи соодветната брзина и да се избегнат сообраќајни незгоди предизвикани од брзо возење. Предупредувачот ве информира за ограничувањата на брзината и ви кажува кога ги пречекорувате.

• Системот за предупредување и итно сопирање рано ја детектира опасноста од судир со возилото пред вас. Во случај на потенцијална колизија ве предупредува за опасноста и кога ќе регистрира дека нема реакција во однос на предупредувањето, технологијата ги активира сопирачките заедно со системите за безбедносните појаси со цел да се избегне или минимизира незгодата.
  

• Адаптивни фарови, опремени со напредни извори на светло како ксенон или LED, нудат оптимизирано осветлување на патот при ноќно возење.
  Системот континуирано го прилагодува на зракот на светлото, така што целата сцена е осветлена според ситуација на возење (градско светло, автопат, неповолни временски услови, соборено светло). Дури и на нагорнини и на заоблени криви, системот ја зголемува видливоста, овозможувајќи порано детектирање на опасностите и побрза реакција.
  

http://amsmklubmobiliti.mk/vest.asp?recordid=1787 - http://amsmklubmobiliti.mk/vest.asp?recordid=1787

Во Словенија под 1 јули стапи на сила нов закон за сообраќај, со кој се предвидени построги казни за прекршителите на сообраќајните правила.

Посебно се ригорозни казните за возење под дејство на алкохол, за зголемена брзина и за неисправност на автомобилот.

Предвидено е одземање на возачката дозвола, парична казна од најмалку 1.200 евра и впишување на 18 казнени поени ако се вози 30 километри на час повеќе од пропишаната брзина на патиштата и повеќе од 50 километри на час во населени места.

Истата казна е ако кај алкотестот покаже дека возачот има 0,52 промили алкохол во крвта. Новиот закон предвидува програми за рехабилитација за возачите кои возеле под дејство на алкохол.
http://svmagazin.mk/archives/5996 - http://svmagazin.mk/archives/5996

Vozači koji su pogrešno skrenuli i vozili u suprotnom smeru na autoputu, do sada su plaćali 2.000 do 5.000 kuna (270 do 676 evra), dok će takvu vožnju policija sada kažnjavati novčano od 5.000 do 15.000 kuna (676 do 2.029 evra), a zakon prvi put omogućava i zatvor do 60 dana.

Nepoštovanje prednosti prolaska ubuduće će se plaćati 3.000 kuna (406 evra), a jednako će se sankcionisati i nepropisno preticanje.

Na autoputevima je zabranjeno preticanje desnom trakom za zaustavljanje u nuždi, a kažnjivo je i nedržanje razmaka, ili požurivanje vozila ispred sebe davanjem svetlosnih ili zvučnih signala.

Za svaki od tih prekršaja policija može da "rebne" vozača s 2.000 kuna (270 evra).

Za vozače kod kojih policija izmeri alkohol od 0,5 do 1,0 promila, kazne su od 3.000 do 5.000 kuna (406 do 676 evra), a oni s više od promila u krvi mogu očekivati sankcije i do 15.000 kuna (2.029 evra).

Bajkeri koji dolaze u Hrvatsku treba da znaju da šlemovi odsad treba da odgovaraju propisima, a da šlem za vreme vožnje obavezno moraju nositi vozači bicikla mlađi od 16 godina.

Za nepoštovanje je propisana kazna u iznosu od 300 kuna (40,6 evra).
http://www.rtv.rs/sr_lat/region/hrvatska:-kazne-za-prekrsaje-u-saobracaju-tri-puta-vece_262435.html - http://www.rtv.rs/sr_lat/region/hrvatska:-kazne-za-prekrsaje-u-saobracaju-tri-puta-vece_262435.html

Какви се законите надвор од нашите граници и на што треба да внимавате. Која е дозволената брзина на движење, колку алкохол е дозволено да консумирате додека возите, каде да користите светла преку ден, каде можете да зборувате на мобилен додека возите.

http://www.vecer.com.mk/default.asp?ItemID=8D9E99A27867064686DA6EA3C8E7F868 - http://www.vecer.com.mk/default.asp?ItemID=8D9E99A27867064686DA6EA3C8E7F868

“Исто така МВР во рамки на превентивните активности започна изработка на проект со министерството за информатичко општество, андроид aпликација која што ќе може да биде симната на мобилните телефони на возачите и која што ќе ги предупредува кога ќе се доближуваат на местото каде што има радарска контрола“, нагласи Котевски. http://www.mtv.com.mk/mk/vesti/23403/policijata_so_niza_merki_za_podobruvanje_na_bezbednosta_vo_soobrakjajot.aspx - http://www.mtv.com.mk/mk/vesti/23403/policijata_so_niza_merki_za_podobruvanje_na_bezbednosta_vo_soobrakjajot.aspx

Со последните промени на Законот за безбедноста во сообраќајот, казната за брзо возење е 300 евра или 150 евра ако се плати во рок од осум дена. Фреквентноста на возилата, сега, во летниот период е неколкукратно зголемена. Особено на патиштата кои водат до туристичките места во Македонија. Поради тоа е зголемено и присуството на полицијата на патиштата и засилени се радарските контроли. Во Македонија се познати 30-ина места на кои задолжително стои полицијата и лови со радар, но со почетокот на летната сезона такви полициски точки има речиси двојно повеќе

За одбивање алкотест – 30.000 денари

Конкретно, измените предвидуваат возачот што ќе одбие да биде алкотестиран, да плати глоба од 500 евра, а ќе добие и прекршочна казна забрана за управување со моторно возило од една година. Граѓаните што возат без важечка сообраќајна дозвола, наместо досегашните 300 ќе плаќаат 400 евра. Толкава е казната и за оние што управуваат трактор без дозвола. Од 300 на 500 евра ќе биде зголемена казната за лицата што ќе бидат фатени додека возат, а имаат забрана за управување на возила, бидејќи поради прекршок им била одземена возачката дозвола. Осигурителните компании, пак, доколку не издадат европски извештај ќе платат глоба од 1.350 до 2.350 евра. 

На автопат смеат да запираат само полициски коли со сини коцки

Од пред извесно време на автопатиштата запираат и вршат радарска контрола посебно обележени полициски “крајслери“, кои се обележени со сини коцки, залепени на автомобилот. Тие се дел од автопатската сообраќајна единица на МВР. Според најновите правила на полицијата, само тие се задолжени за контрола и патролирање на автопатиштата и само тие можат да запрат возачи на автопат. Надвор од автопатиштата, во овој период кога фрекфенцијата на возила е зголемена, на “крајслерите“ им помагаат и полицајци на скутери кои претежно патролираат во руралните и во урбаните средини. 

Најголемата глоба за сообраќаен прекршок 500 евра

За големите сообраќајни прекршоци глобите се движат од 120 до 500 евра, и за нив не постои можност да се заменат со казнени поени кои се пишуваат во возачката книшка. Освен паричната казна, во оваа категорија глоби задолжително следува и прекршочна пријава за возачот, со која од судот се бара одземање на возачката дозвола на одредено време.

За помалите прекршоци возачите плаќаат глоби од 15 до 45 евра кои треба да се платат во рок од 8 дена од издавањето на налогот за наплата. Овие глоби може да се заменат со негативни поени кои, во зависност од прекршокот, може да бидат 10 или 25 негативни поени.
http://www.moi.gov.mk/ShowAnnouncements.aspx?ItemID=8789&mid=1289&tabId=235&tabindex=0 - http://www.moi.gov.mk/ShowAnnouncements.aspx?ItemID=8789&mid=1289&tabId=235&tabindex=0

Vehicle Identification
 Integrating WIM, RFID and video license plate recognition techniques. Identification of violating vehicles.

ова со  мобилниве радарски контроли  веќе нема да им треба, со оглед дека на пат се нови контролни  мерки како РФИД чипови за идентификација на возила http://www.build.mk/forum/forum_posts.asp?TID=448&PID=108279#108279 - #77 прашање  на време е кога и кај нас ќе  ги има по регистарските таблички( http://en.wikipedia.org/wiki/Radio-frequency_identification#Passports - засега ги имаме по пасоши и л.к. ), во еу сега идејата е во експериментална фаза[ http://www.project-asset.com/details.php?lan=en - 1 ], а во англија веќе е на сила[ http://en.wikipedia.org/wiki/Police-enforced_ANPR_in_the_UK - 2 ] во овој случај казнени поени и прекршочни сметки одат по пошта наместо  на лице место 

http://www.project-asset.com/systemconcept.php?lan=en - http://www.project-asset.com/systemconcept.php?lan=en