Print Page | Close Window

Јавен превоз во Скопје (линии и возен ред)

Printed From: build.mk
Category: Главни теми
Forum Name: Јавен превоз
Forum Discription: Автобуски, трамвај, ЛРТ, метро, тролејбус...
URL: http://www.build.mk/forum/forum_posts.asp?TID=460
Printed Date: 29-Mar-2024 at 07:36


Topic: Јавен превоз во Скопје (линии и возен ред)
Posted By: Cloverstack
Subject: Јавен превоз во Скопје (линии и возен ред)
Date Posted: 12-Nov-2007 at 18:59
http://www.utrinski.com.mk/?ItemID=F7583218C3E9F2409EC0F7173779DCA7 - http://www.utrinski.com.mk/?ItemID=F7583218C3E9F2409EC0F7173779DCA7


Автобусот број „13“ од денеска ќе вози цел ден

Во шпицовите автобусите ќе сообраќаат на 25 минути, а во остатокот од денот на 40 минути


Линијата на бројот „13“ останува иста, од Кисела Вода до Железарница

Автобусот со број „13“, кој сообраќа од Кисела Вода до Железарница, од денеска ќе вози преку цел ден. По барањата на граѓаните, на дел од советниците во Градскиот совет, а најмногу на студентите, овој автобус кој досега сообраќаше само двапати во денот во иднина ќе ги опслужува граѓаните постојано. Во време на шпицовите, односно од 6 до 9 часот наутро и од 14 до 17 часот попладне, автобусите ќе сообраќаат во интервал од 25 минути, додека, пак, во остатокот на денот на 40 минути. Во Јавното сообраќајно претпријатие „Скопје“ информираат дека линијата останува иста, значи од почетната станица во Кисела Вода до населбата Железарница, со тоа што ќе бидат вклучени поголем број возила. Линијата со број „13“ се движи по улиците „Христо Татарчев“ и „Првомајска“, булеварите „Србија“ и „Александар Македонски“ и по улицата „Коце Металец“.

Од ЈСП се надеваат дека со оваа промена на редовноста на „13“-ката ќе им излезат во пресрет на граѓаните, а особено на студентите од населбите Кисела Вода и Јане Сандански низ кои поминува линијата и кои ќе го користат овој автобус да стигнат до Шумарскиот факултет, Факултетот за ветеринарна медицина и до Природно-математичкиот факултет. Автобусите шест дена седмично ќе сообраќаат преку цел ден, додека во неделите линијата ќе биде редуцирана. Според директорот на ЈСП Орце Георгиевски, засега не може да се претпостави дали линијата ќе биде рентабилна, но, сепак, се надева дека ќе ги задоволува потребите на жителите на неколку поголеми скопски населби. (В.Д.)





Replies:
Posted By: lslcrew
Date Posted: 18-Apr-2008 at 16:52
Абе да ве прашам нешто! Ме интересира кој ги одредува трасите на градските линии и кој ги одредува броеви?! И зашто има броеви за којшто нема линни како 1,6 и други?! Ја се мислам дека линиите се одрдуваат според ГУП, зашто линијата 13 што иде од автокоманда до киселса вода, планирано е да иде по продолжетокот на бул србија којшто сега се прави. Мислам дека оние линии како 1 и 6 се испланирани ама ќе се возат кога ќе се изградат улиците за коишто се планирани! Ај ако знае некој точно како иде оваа работа нека објасни!


Posted By: гитардемон
Date Posted: 18-Apr-2008 at 20:24
Во Солун нема единица (демек нешто прва линија да нема привилегирана), нема тринаесетка (демек малер), и некои други датуми од некои мрачни настани за нив. Значи некое суеверие.


-------------
Arguing on the internet is like running at the special olympics. Even if you win, you're still retarded.


Posted By: pbanks
Date Posted: 20-Jun-2008 at 10:55
Кај им текнува на вакви оригинални решенија LOL

Убаво за трудот но има многу поедноставни, поефикасни и постандардни начини за презентација на линиите

http://www.jsp.com.mk/gradskil.php?idJazik=1 - http://www.jsp.com.mk/gradskil.php?idJazik=1


Posted By: evolutionary
Date Posted: 12-Oct-2008 at 23:07
Pred 5-6 godini Skopje imase nokni avtobusi na gradski prevoz megutoa deneska tie ne postojat. Ne znam koja bese pricinata JSP da gi ukine megutoa smetam deka deneska postoi potreba za niv no me interesira i vaseto mislenje dali se potrebni i dokolku e taka kako bi mozele da se vratat na skopskite ulici.

-------------
Knowledge Reigns Supreme Over Nearly Everyone


Posted By: zabegan
Date Posted: 13-Oct-2008 at 16:05
мислам дека е потребно, бидејќи скопје е секогаш активно најмалку до 1:00, ако ништо друго барем преку викенди нека има ваков термин


-------------
Architects create dreams...politicians create nightmares


Posted By: гитардемон
Date Posted: 19-Oct-2008 at 21:26
веројатно го знаете но како и да мора да го пофалам:
http://www.jsp.com.mk/gradskil.php - http://www.jsp.com.mk/gradskil.php

интересно и корисно

-------------
Arguing on the internet is like running at the special olympics. Even if you win, you're still retarded.


Posted By: Andrej_LJ
Date Posted: 20-Oct-2008 at 18:51
Здраво дечки, јас сум нов на форумов, живеам во Словенија ама многу ме интересира како напредува нашата државичка.
Темава за градскиот превоз ми е особено интересна, но неможам да се изначудам на некомпетентноста и несериозноста на одговорните лица.
Би сакал да укажам на целосната нефункционалност на целиот систем за градски транспорт во Скопје и ке направам споредба со 3 пати помалата Љубљана каде и студирам.

1. Распоредот на линии во Скопје е целосно застарен и не одговара на денешните потреби на патниците (подрачјето околу Стара Жел. Ст. кое интензивно се развива го опслужува само линијата 9 која вози кон Чаир. Каде се тука врските со Аеродром, Карпош или Автокоманда? Потоа големи и важни за градот улици како Илинденска, Рузвелтова, Даме Груев, Орце Николов, 8ми Септември и многу други се оставени без линии или со по една нередовна.) Огромен дел од линиите возат по главните патни артерии на градот притоа оставајки цели населби без соодветна поврзаност (ако учиш во гимн. Орце Николов и живееш во Центар како јас треба да пешачиш 10 мин од Партизанска до Илинденска).

2) Доста од линиите се дуплираат по својата траса а нема главни станици за трансфер на линиите. На пример во Љубљана постојат 2 т.н. трансферни каде што се вкрстуваат сите можни градски линии. Се разбира кај нас би биле потребни најмалку 5, но не постоечките кои ионака го оптоваруваат централното подрачје а не те оставаат блиску до голем дел од центарот.
Еве шема на градскиот превоз во Љубљана да се разјаснат работите
http://www.jh-lj.si/upload/lpp/MPP/shema_MPP.pdf

3) Треба да размислиме за воведуванје на т.н. Експресни линии. Да речеме Ѓорче Петров --- Ново Лисиче. На крајните станици на линијата би имало  P + R (Park and Ride) центри каде што луѓето кои доаѓаат од двата влеза на градот ги оставаат колите и се возат со градски транспорт. Линијата би застанувала само на главните 5-8 станици и би била исклучително примамлива (нпр тука со купување на карта за паркинг добиваш гратис повратна карта за градски автобус).

4) Воведување на повеќе зглобни автобуси во сообраќај (особено на тие линии каде што токот на патници е голем и оние кои сообраќаат по големите булевари како 15, 5, 50, 2 итн). Кратките автобуси би ги распоредил по линиите кои (би) сообраќаат по улиците и тесните делови на градот. Тука 90% од автобусите се зглобни и вршат одлична работа.

5) За тие двоспратни автобуси воопшто и не ми се зборува мислам дека на сите ни е јасно дека тоа е чиста глупост и ке му донесе само штета како на градот така и на ЈСП.

Толку за сега, кога ке ми каже некој како се постираат слики, ќе го надополнам мислењево со примери од тукашниот транспорт. Ме интересира што мислите за идеите кои ги дадов горе. Поздрав до сите...Smile



Posted By: lslcrew
Date Posted: 20-Oct-2008 at 19:05
Андреј Љ добредојде на форумов. Драго ми е што имаме прв член од словенија. Твоите ставови се прилично аргументирани, а и доста внесоа ново во дискусијава која во последно време се врти само околу двокатните автобуси. Добра ти е идејава со П+Р. Тука мислам дека добро може да се искористат гаражите на ЈСП (кои се по периферните населби), преку ден се празни додека голем број од автобусите се на терен!

Еве ти упатство за постирање http://www.build.com.mk/forum/forum_posts.asp?TID=181 - http://www.build.com.mk/forum/forum_posts.asp?TID=181


Posted By: Cloverstack
Date Posted: 20-Oct-2008 at 19:19
Андреј, добредојде и од мене. Анализава и поентите што си ги направил и те како држат вода. Би додал само дека реално фалат некои клучни алки во примарната сообраќајна мрежа во Скопје (планирани а неизградени) за да може уште порадикално да се пристапи кон поефикасна реорганизација на јавниот автобуски сообраќај, но и без нив може да се пристапи кон точките 1 и 2 според моменталната ситуација на терен, а точките 3,4 и 5 ги тангира уште помалку.

Но моменталната ситуација очигледно е резултат на тоа дека недостасува издржана и опсежна студија на ова поле, а одлуките и концептите се донесуваат во голема мерка паушално. Таквиот пристап еве го крунисавме со оваа будалаштина за двокатните автобуси.




Posted By: pbanks
Date Posted: 20-Oct-2008 at 19:27
Андреј здраво и од мене Cheers Одличен прв пост на кој што нема многу што да се додаде.

1. Супер поента. Бидејќи како помлад и не бев преголем љубител на пешачењето што гледам да го сменам денеска, раздалеченоста од автобуските постројки до голем дел од точките на зоните кои треба да ги опслужуваат секогаш била една од поважните причини зошто сум избегнувал јавен градски превоз. Ако на ова се надоврзе цената за такси во Скопје која во тоа време беше и 5 + 10/км изборот е јасен. Дефинитивно би било добро да се направи една сеопфатна анализа и се ова да се редефинира од корен.

2. Повторно се сложувам но за креирање на главниот јазол не гледам можност пред да се изгради тунелот под Плоштад Македонија со подземната постројка за автобуси и ЛРТ. Еден од јазлите дефинитивно треба да биде и транспортниот центар, поголемиот дел од линии што гравитираат низ центарот треба да проаѓаат од очигледни причини.

3. Особено ми се допаѓа оваа точка, стварно супер идеја, одличен концепт.

4 и 5 се веќе доста дискутирани на форумов и тука немам што да дополнам.

Cheers

Originally posted by lslcrew

Андреј Љ добредојде на форумов. Драго ми е што имаме прв член од словенија.


КамаЗ е од Словенија Poke


Posted By: beTon
Date Posted: 21-Oct-2008 at 13:50
Originally posted by Andrej_LJ

1. Распоредот на линии во Скопје е целосно застарен и не одговара на денешните потреби на патниците (подрачјето околу Стара Жел. Ст. кое интензивно се развива го опслужува само линијата 9 која вози кон Чаир. Каде се тука врските со Аеродром, Карпош или Автокоманда?

Андреј твоите ставови во исто време се издржани, но може и да се гледаат како порозни, еве нешто контрапункт на твојата мелодија.
 
дека распоредот на линиите во СК е аут сите од прва ќе се согласиме но европските експерти го демантираат тоа, па после малку анализа излегува сепак дека на развојот на јавниот сообраќај кај се работело и се работи, а и јсп колку што ми е познато редовно ја мери потребата од некоја линија, па онаму каде автобусите се вишак прво се пуштаат комбиња а после ако и тие се вишок се исклучуваат но во исто време се остава простор по барање на општината(граѓаните) некој правец да се реактивира или смени, ова предсе се јавува како последица на преголемата употреба на автомобили, па затоа и некои линии се тотално нерентабилни, поготово сега кога општините се задолжени да обезбедат организиран превоз за учениците. а што е до пешачењето и сам знаеш како е во европа каде дефинитивно на секој чекор нема автобуска...
Originally posted by Andrej_LJ

2) Доста од линиите се дуплираат по својата траса а нема главни станици за трансфер на линиите. На пример во Љубљана постојат 2 т.н. трансферни каде што се вкрстуваат сите можни градски линии. Се разбира кај нас би биле потребни најмалку 5

ниедна линија не е дуплирана од ЈСП, туку пред се од Слобода Превоз кои нормално како и во цел свет заради конкуренција фаќаат правци кои се рентабилни. ако убаво с погледне СК има такви 4 чвора: железничка, битпазар, рекорд и партизанска кои прилично добро функционираат само што информативниот дел изостанува т.е. тајмингот. инаку да има потенцијал скопје да формира попроточни трансферни точки но тоа е врзано со директно со инфраструктурата, пр. кога ќе се среди детелината на битбазар, или кога рекорд ќе стане пешачка зона а тунелот под плоштад ќе избие на партизанска, или јужен булевар кога ќе се пробие кај тутунски...
Originally posted by Andrej_LJ

3) Треба да размислиме за воведуванје на т.н. Експресни линии. Да речеме Ѓорче Петров --- Ново Лисиче. На крајните станици на линијата би имало P + R (Park and Ride)

ова држи но без да се ограничи пристапот во центарот(мал ринг) со такса како congestion charging истиов муабет нема да има ефект, исклучоци се службите за тревожење, таксистите и еко/хибридни автомобили имаат попуст, но сите останати треба ем оваа дневна такса да ја платат и плус паркинг место да најдат до своето одредиште, е во таков случај овој систем ќе има ефект, како што има и по цела европа па и во љубљана.
Originally posted by Andrej_LJ

4) Воведување на повеќе зглобни автобуси во сообраќај (особено на тие линии каде што токот на патници е голем и оние кои сообраќаат по големите булевари како 15, 5, 50, 2 итн). Кратките автобуси би ги распоредил по линиите кои (би) сообраќаат по улиците и тесните делови на градот. Тука 90% од автобусите се зглобни и вршат одлична работа.
5) За тие двоспратни автобуси воопшто и не ми се зборува мислам дека на сите ни е јасно дека тоа е чиста глупост и ке му донесе само штета како на градот така и на ЈСП.

да во LJ можеби се е зглобно но не е волку навалица колку што е во СК, инаку и во СК дневно има 170000 возила но сите крстарат низ градот, па е невозможно за единечните да се пробиваат а камо ли зглобните, затоа истите во СК ќе ја затнат мрежата па уште кога трамваи ќе се закачат на неа зглобните ќе бидат супер оптеретување. во таков случај двоспратните ќе се покажат како екстра решение и сообраќајно и безбедносно, а и естетски.



Posted By: Cloverstack
Date Posted: 21-Oct-2008 at 14:20
Originally posted by beTon

а и јсп колку што ми е познато редовно ја мери потребата од некоја линија, па онаму каде автобусите се вишак прво се пуштаат комбиња а после ако и тие се вишок се исклучуваат
Верувам дека Андреј не зборуваше до толку за фреквенцијата на постоечките линии, колку за потребата од модификација на некои постоечки или воведување нови. Но мислам би се сложиле генерално дека до изградбата на неколку клучни сообраќајници, вистинско темелно преуредување кое ќе вроди со голем плод не може да има.


Originally posted by beTon

да во LJ можеби се е зглобно но не е волку навалица колку што е во СК, инаку и во СК дневно има 170000 возила но сите крстарат низ градот, па е невозможно за единечните да се пробиваат а камо ли зглобните, затоа истите во СК ќе ја затнат мрежата па уште кога трамваи ќе се закачат на неа зглобните ќе бидат супер оптеретување. во таков случај двоспратните ќе се покажат како екстра решение и сообраќајно и безбедносно, а и естетски.
Двоспратните во пракса ќе имаат ист капацитет како единечните, така да тој горен кат нема да служи никаква корисна функција туку само ќе креира редица проблеми кои меѓудругото силно ќе се одразат и на ефикасноста на јавниот превоз (помала коменрцијална брзина) и финансиите на јавното претпријатие (поголем трошок за ист/послаб ефект). Ако сообраќајната гужва е проблемот, тогаш низ закрчените делови нека се обраќаат единечни едноспратни автобуси, а артикулирани нека се користат таму каде што не би создавале проблеми. Во таа равенка нема место за двоспратни (освен евентуално неколку примероци за „имиџ“)


Posted By: pbanks
Date Posted: 21-Oct-2008 at 14:52
Бетон и ти ставаш добри поенти на маса

Точки 1, 2 и 3 во твојата реплика се тесно поврзани и може да се резимира дека

- изградба на инфраструктурата која недостасува е императив
- потребна е поголема стимулација на користење на јавниот превоз и дестимулација на користење на коли и ова важи посебно за централното градско подрачје и тоа не мал туку голем ринг
- потребно е редефинирање на линиската мрежа и на главните јазли
- потребнао е дефинирање на P & R јазли

Веројатно овие проблеми треба и да се решат по овој редослед.

4. Воопшто не ти е констатацијата на место, Љубљана има многу поголема навалица на сообраќај од Скопје а ако го изземеме прстенот инфраструктурно стои доста послабо од Скопје. Словенците имаат култура да живеат во помали места а да работат во поголемите така да дневната миграција кон/од Љубљана е огромна и голем дел од овие луѓе мораат да патуваат со автомобил. Ако на тоа се придодаде фактот дека во Словенија се продаваа ~80.000 нови возила годишна (во споредба со ~8.000 во Македонија) по последните ХХ години сликата е јасна.

Така да во тој контектс двокатните автобуси не менуваат ништо (другите аргументи против нив се повеќепати кажани).




Posted By: beTon
Date Posted: 21-Oct-2008 at 14:53
@pbanks

за бројот на возила во СК знам само дека во 1998 имало 120000 па сега види за 10год. колку може да рипне, а за 170 проекцијата е дека таа бројка ќе биде сега на почетокот од следната декада, земи во предвид дека цела Македонија влегува и излегува од СК како институционално така и економски...




Posted By: lslcrew
Date Posted: 21-Oct-2008 at 16:44
Мене цело време ме мучи една друга работа. Еве дури и ќе се организира јавна расправа за автобусиве. Јас незнам што ќе се деси со таа јавна расправа. Вероватно пак ќе ја упропастат истите тие што мафтаа со икони, сега ќе мафтаат со слики од старо Скопје.

Дали некој се запрашал сиве овие години дали е потребна темелна ревизија и создавање на стратегија за јавен превоз. Дали некој го разгледал јавниот превоз во глобала. Сме се запрашале ли некогаш или дали па сме проучиле некогаш колку такси, колку автобуси и колку трамваи и слично му е потребно на Скопје. Па да составиме една стратегија за јавен превоз и во тој правец да се движиме. Сите бројки во јавниот превоз се паушални, број на таксисти е паушален, трасите на линиите не соодветствуваат со денешната состојба него со состојба од пред десетици години. Никој редовно не ги согледува тие проблеми. И како да се сите овие проблеми што ги набројав решени па сега како перверзија доаќаат 300 двокатни автобуси, кои ни мање ни више ќе се грижат за туристичкиот аспект, како да е тоа последен проблем што го има во Скопје.


Posted By: pbanks
Date Posted: 21-Oct-2008 at 16:51

Мене цело време ме мучи една друга работа. Еве дури и ќе се организира јавна расправа за автобусиве. Јас незнам што ќе се деси со таа јавна расправа. Вероватно пак ќе ја упропастат истите тие што мафтаа со икони, сега ќе мафтаат со слики од старо Скопје.


Тоа е само резултат на политизацијата на нашето општество и во тие сфери каде треба да постои само стручен збор. Секако ова не е нова појава и не почнува од сегашнава гарнитура но дефинитивно добива на сила. Сепак ќе прекратам бидејќи дискусијата не е за тука.


Дали некој се запрашал сиве овие години дали е потребна темелна ревизија и создавање на стратегија за јавен превоз. Дали некој го разгледал јавниот превоз во глобала. Сме се запрашале ли некогаш или дали па сме проучиле некогаш колку такси, колку автобуси и колку трамваи и слично му е потребно на Скопје. Па да составиме една стратегија за јавен превоз и во тој правец да се движиме. Сите бројки во јавниот превоз се паушални, број на таксисти е паушален, трасите на линиите не соодветствуваат со денешната состојба него со состојба од пред десетици години. Никој редовно не ги согледува тие проблеми. И како да се сите овие проблеми што ги набројав решени па сега како перверзија доаќаат 300 двокатни автобуси, кои ни мање ни више ќе се грижат за туристичкиот аспект, како да е тоа последен проблем што го има во Скопје.


Можеби вакво нешто постои но пристапот до тие информации е крајно нетранспарентен а истите воопшто не се земаат во предвид при влечењето потези. И тука се враќаме на претходната точка, политизација на општеството.


Posted By: Andrej_LJ
Date Posted: 02-Nov-2008 at 22:16
НОЌНИ АВТОБУСКИ ЛИНИИ:
Дојде време и Скопје како сите нормални големи балански градови да помисли и на ова прашање. Неможе толкав град, притоа главен да си дозволи граѓаните данемаат колку-толку 24 часовен јавен превоз. Еве го мојот предлог: Да има 6 ноќни линии кои биги спојувале главните населби на градот со центарот. Линиите би функционирале од 1 или  2 часот после полноќ до 5 наутро кога и почнува дневниот возен ред. Сите би трнувале на половина саат од Рекорд кон населбите и обратно. Би им дал диференциани бројки (да речеме 100-105) чисто заради разликување.
Линија 100: Рекорд-бул Партизанска-Порта Влае (и обратно). Таа ги опфаќа Карпош 1-4 и Влае.
Линија 101: Рекорд-ул. Митропполит Теодосиј Гологанов-Ѓорче Петров (и обратно). Опфаќа Капиштец, Тафталиџе, Влае како и два студентски дома (мислам дека Кузман и Г. Делчев). Тоа е особено важно бидејки главните корисници на ноќните линии се токму младите и студентите.
Линија 102: Рекорд-Гл. Жел. Ст.-бул Јане Сандански-Ново Лисиче (и обратно). Кон неа гравитира огромен дел на Скопје плус транспортниот центар (знаете возови и автобуси има 24 чаца во денот).
Линија 103: Рекорд-Стара Рампа-Кисела Вода-Расадник (и обратно).
Линија 104: Рекорд-Бит Пазар-ул. Цветан Димов-Чаир (и обратно). Главните северни квартови на градот плус сообраќаен јазол Бит Пазар.
Линија 105: Рекорд-Бит Пазар-бул. Александар Македонски-Автокоманда (и обратно). Повторно големи населби и студентски домови.
Сите автобуси би тргале наеднаш од Рекорд (на полн и половина саат) каде што стојат најмалку 5 минути да има време за трансфер. Мислам дека со подновување на возилата ке го снема комплексот наречен Јас никогаш во автобус и младината место да фрла пари на такси ќе се превезува со автобус, како секаде низ светот. Штом една Љубљана има ноќни линии (кои се преполни) мислам дека и Скопје има потреба. Плус по 2 автобуси на линија се сосема доволно значи вкупно 12 возила не е некој трошок за ЈСП.
Cheers


Posted By: Cloverstack
Date Posted: 02-Nov-2008 at 22:25
Thumbs%20Up


Замерка ми е истовременото постоење на 100 и 101 што мислам дека е преголем луксуз и дека подобро би било од нив да се искова само една линија.

105 би ја продолжил накај Маџари, па полукружно преку Ченто пак накај центар.


Posted By: Andrej_LJ
Date Posted: 02-Nov-2008 at 22:33
Да до некаде се сложувам ама проблемот (и на дневната шема на линии) е дека цело Западно Скопје се опслужува главно од линиите на Партизанска (исклучок прават 5, 8 и 57). А тоа не би требало да биде така, го дискутиравме погоре во темава. Некој што треба да пешачи 15 минути до автобуската станица ќе фати такси. Затоа предложив две паралелни линии. А за Маџари, па незнам доста даелку е, не е густо населено и незнам дали постигнува автобус во еден саат да ги извози двата правци. Но ако добро се осмисли тоа нема да биде лошо. А знае ли некој, имало ли било кога ноќни линии?


Posted By: Cloverstack
Date Posted: 02-Nov-2008 at 22:36
Имаше некои чудни комбинирани... Не можам добро да се сетам па да не лупам сега. Но секако беа помалце од твоиве Laugh
Затоа и ми беше зборот да не забегуваме во луксузни филмови - дај боже за западниот дел на градотт да се почне со една, па ако ситуацијата налага и дозволува, никој не брани да се воведе и втора.


Posted By: pbanks
Date Posted: 02-Nov-2008 at 22:42
Originally posted by Andrej_LJ

Да до некаде се сложувам ама проблемот (и на дневната шема на линии) е дека цело Западно Скопје се опслужува главно од линиите на Партизанска (исклучок прават 5, 8 и 57). А тоа не би требало да биде така, го дискутиравме погоре во темава. Некој што треба да пешачи 15 минути до автобуската станица ќе фати такси. Затоа предложив две паралелни линии. А за Маџари, па незнам доста даелку е, не е густо населено и незнам дали постигнува автобус во еден саат да ги извози двата правци. Но ако добро се осмисли тоа нема да биде лошо. А знае ли некој, имало ли било кога ноќни линии?


Во моите средношколски денови имаше некакви ноќни линии но незнам ни колку ниту на кои дестинации бидејќи ги немам користено. Само низ магла имам запамтено дека имаше автобуси околу 2 и околу 4.


Posted By: BOJAN
Date Posted: 03-Nov-2008 at 12:16
Мислам дека Скопје имаше ноќни автобуски линии до пред неколку години, и тоа комбинирани 2-ка со 50-ка и слично. Нема да биде лошо повторно да воведат, ама мислам дека тоа би требало да биде само за денови за викендот и во петок. Кога бев во Виена ме предупредија дека последното метро и автобус за враќање кон хотелот ми е во 24 часот, а потоа си плаќаш такси, така што не би рекол дека сите градови во светот имаат линии 24/7. Во Париз, на пример, RER железницата сообраќа до 1 часот по полноќ.


Posted By: se_manda
Date Posted: 03-Nov-2008 at 14:34
denes u vest mislam pisuva za noknive linii.kao neso sakale pak da gi vovedat...koj ne go mrzi neka pastira...


Posted By: Andrej_LJ
Date Posted: 03-Nov-2008 at 21:37
Да навистина метроата секаде низ светот престануваат околу 12-1 часот по полноќ, но бидејќи тоа не е единствениот начин на транспорт во градот. Кај нас автобусите немаат алтернатива. Скопје е доволно голем град за ноќни линии. Софија, Белград, Загреб, Љубљана...имаат ноќни линии. И јас сум за секој ден ноќни линии затоа што не само младите скопјани имаат потреба од тоа туку и вработените и луѓето од внатрешноста (кои често преку викенд не се во Скопје).


Posted By: evolutionary
Date Posted: 03-Nov-2008 at 22:10
СО РЕВИЗИЈА НА ВОЗНИТЕ РЕДОВИ НА ЈАВНИОТ ПРЕВОЗ
ЈСП ќе ги враќа ноќните автобуси
Освен враќање на ноќните, раководството на ЈСП најавува дека ќе скрати или ќе укине дел од нерентабилните автобуски линии кон приградските населби

ЈСП "Скопје" размислува да ги врати ноќните линии. Екипи од претпријатието, како што вели директорот Александар Бошковиќ, во моментов прават ревизија на сите возни редови на автобусите и, најверојатно, ќе ги вратат ноќните линии. Тој објаснува дека ревизијата на возните редови треба да покаже кои линии се рентабилни, а кои не и, врз основа на тие податоци, да се определи кои автобуси ќе се укинат, а каде има потреба од додавање нови.
Ноќните линии, односно автобусите со број 2, 7, 41 и 57, кои се движеа низ Скопје во два, три и во четири часот по полноќ, ЈСП ги укина пред околу пет години бидејќи тогашното раководство на претпријатието оцени дека се нерентабилни.
Пред повеќе од една година, дел од овие линии беа вратени, но само половично. Пуштени беа автобуси на линиите 2, 7 и 41 во четири часот наутро, но само во еден правец. Така беа пуштени двојката, која во 4 часот наутро поаѓа од село Глумово во Општина Сарај и се движи кон Автокоманда, потоа автобусот број 7 кој поаѓа од улица Островска и завршува во автобазата на ЈСП во Ѓорче Петров, и линијата 41, која поаѓа од село Драчево и оди до крајната станица кај "Југодрво".
На овие линии сега последните автобуси поаѓаат 15 минути по полноќ, и тие се последни ноќни автобуси за цело Скопје.
"Ревизијата очекуваме да заврши до крајот на неделата и новиот возен ред да го дадеме на одобрување во Градот", вели директорот Бошковиќ.
(Е.А.)

http://vest.com.mk/default.asp?id=159084&idg=8&idb=2514&rubrika=Skopje


-------------
Knowledge Reigns Supreme Over Nearly Everyone


Posted By: evolutionary
Date Posted: 03-Nov-2008 at 22:43
Novolisicanecot se kaci vo 7, Zelezarecot, Madzarot i Centovecot se kacija vo 2, Topanecot i Sutoorizarecot vo 57 i po simnuvanjeto na poslednata stanica dostoinstveno pesaceja nakaj svoite domovi vo 4 casot nautro, svesni deka se ziteli na prigradski naselbi (prevedeno na jazikot na svesnite: gragani od vtor red).

-------------
Knowledge Reigns Supreme Over Nearly Everyone


Posted By: lslcrew
Date Posted: 03-Nov-2008 at 22:51
Originally posted by evolutionary

Novolisicanecot se kaci vo 7, zelezarecot, Madzarot i Centovecot se kacija vo 2, Topanecot i Sutoorizarecot vo 57 i po simnuvanjeto na poslednata stanica dostoinstveno pesaceja nakaj svoite domovi vo 4 casot nautro, svesni deka se ziteli na prigradski naselbi (prevedeno na jazikot na svesnite: gragani od vtor red).


Еволушнреи не се слагам со тебе. Нема тука граѓани од прв и втор ред! Неможе ЈСП да работи у загуба зашто некој живее на 20 км од центар и сака да се врати у 3 саат сабајле за 30 денари! Ако има интерес ќе има и автобус, ако нема ништо. Очигледно се јавил интерес и затоа се воведуваат. Порано ги имаше едно време па ги укинаа отприлика кога се деси една несреќна ситуација на плоштад па се донесе некој закон за ограничено движење после 1 часот. Тоа беше страшен удар по ноќниот живот во Скопје што прилично се преточи и врз интересот за градски превоз навечер. Сега очигледно тој интерес за вечерни линии е повторно присутен и затоа се враќаат. ЈСП не се глупи да воведат линии ако знаат дека на нив нема кој да се вози! Ако мисли градот дека треба да го субвенционира ноќниот живот во Скопје тогаш незнам што да искоментирам. Ако е побитна социолошката димензија од економската димензија, тогаш ОК нека има субвенциониран вечерен превоз. Велам субвенциониран пошто не гледам дека во скопје може да успее од почетокот па дури и да биде профитабилен.


Posted By: Andrej_LJ
Date Posted: 03-Nov-2008 at 23:06
Апсолутна будалаштина од страна на ЈСП во поглед на планирање. Навечер нема зашто да е Сарај сврзан со Скопје. Доволно е Ѓорче Петров до Пазарот или најмногу до Општина Ѓ.П. Потоа 41-Драчево. Не е населба со 100 000 жители па да се поврзува, доволно е Кисела Вода. Истото се однесуваи за 57-Радишани. Плус би било пожелно сите линии да се сечат и тргнуваат од една станица. И се согласувам дека неможе секоја населба да биде поврзана навечер, едноставно нема ваква потреба, тие не се доволно големи. Но за дневен превоз ЈСП е ДОЛЖЕН да опслужува и нерентабилни линии пошто е ЈАВНО претприатије за што и добива СУБВЕНЦИИ!


Posted By: evolutionary
Date Posted: 03-Nov-2008 at 23:21
Topansko, Sutka, Zelezara, Madzari i Cento se 20 km od Centar?

-------------
Knowledge Reigns Supreme Over Nearly Everyone


Posted By: pbanks
Date Posted: 12-Nov-2008 at 14:33
Стартуваат ноќните линии на автобусите на ЈСП

http://www.netpress.com.mk/vestiimages/43975/avtobusi-jsp.jpg">

Јавното сообраќајно претпријатие Скопје од петок воведува ноќни линии на автобусите со броевите 2, 5, 7, 41, 45, 50 и 57.

Автобусите на тие релации ќе сообраќаат од 24 часот до 5 часот наутро и тоа во работните денови, сабота, недела и државен празник.



http://www.netpress.com.mk/vest.asp?id=43975&kategorija=1


Posted By: evolutionary
Date Posted: 12-Nov-2008 at 15:08
45 drzavna ne sum znael deka ima.

-------------
Knowledge Reigns Supreme Over Nearly Everyone


Posted By: Cloverstack
Date Posted: 12-Nov-2008 at 18:26
Подетално за стартот на ноќниве од skopje.gov.mk

СТАРТУВААТ НОЌНИТЕ ЛИНИИ НА АВТОБУСИТЕ НА ЈСП

Јавното сообраќајно претпријатие „Скопје“ од петок /14.11.2008 година/ ќе ги пушти во сообраќај ноќните линии на автобусите со броевите 2, 5, 7, 41, 45, 50 и 57, во периодот од 24 до 05 часот наутро, според утврдениот возен ред:

41 и 5 (ноќна линија)

00.15 од Плоштад до Драчево
00.45 од Драчево до Плоштад
01.15 од Плоштад до Ново Лисиче
01.40 од Ново Лисиче до Плоштад
02.05 од Плоштад до Драчево
02.30 од Драчево до Плоштад
02.55 од Плоштад до Ново Лисиче
03.20 од Ново Лисиче до Плоштад
03.40 од Плоштад до с.Драчево
04.00 од с.Драчево до Југодрво

Линијата сообраќа во делник, сабота, недела и државен празник

57 (ноќна линија)

00.15 од Плоштад до Радишани
00.45 од Радишани до Козле
01.30 од Козле до Радишани
02.15 од Радишани до Козле
03.00 од Козле до Радишани
03.35 од Радишани до Козле
04.05 од Козле до гаража Ѓорче Петров

Линијата сообраќа во делник, сабота, недела и државен празник

2 и 45 (ноќна линија)


00.15 од Автокоманда до Сарај
00.45 од Сарај до М.А.Ченто
01.40 од М.А.Ченто до Сарај
02.30 од Сарај до М.А.Ченто
03.20 од М.А.Ченто до Сарај (с.Глумово)
04.00 од Сарај (с.Глумово) до Автокоманда

Линијата сообраќа во делник, сабота, недела и државен празник

7 и 50 (ноќна линија)


00.15 од Плоштад до нас. Лисиче
00.35 од нас. Лисиче до Плоштад
01.00 од Плоштад до Маџари
01.25 од Маџари до Плоштад
01.50 од Плоштад до нас. Лисиче
02.15 од нас. Лисиче до Плоштад
02.40 од Плоштад до Маџари
03.15 од Маџари до Плоштад
03.40 од Плоштад до нас. Островска
04.00 од нас. Островска до гаража Ѓорче Петров

Линијата сообраќа во делник, сабота, недела и државен празник

Напомена:

  • Кога сообраќа кон насeлба Лисиче, се движи по следнава траса: од Центар – по бул. Кочо Рацин – бул. К.Ј.Питу – бул. Јане Сандански – бул. Србија – бул. 12 Македонска Бригада – до нас. Лисиче. Во обратна насока се движи по истата траса.


http://www.skopje.gov.mk/ShowAnnouncements.aspx?ItemID=2215&mid=24&tabId=1&tabindex=0


Posted By: vardar
Date Posted: 21-Nov-2008 at 07:37
 

САМО ПО ЕДНА НЕДЕЛА ЈСП Е ПИШМАН ШТО ПУШТИ НОЌНИ ЛИНИИ


Младите сакаат такси комоција, а не стари автобуси


ВО ЈСП напоменуваат дека се разгледува можноста од седум пуштени ноќни линии, единствено автобусите 5 и 41 да бидат оставени и понатаму како линии за кои има поголема заинтересираност


Јавното сообраќајно претпријатие ЈСП-Скопје, само една недела по пуштањето на ноќните линии се покаја. Според Александар Бошковиќ, генерален директор на ЈСП, искористеноста на овие автобуси кои сообраќаат од полноќ до 5 часот наутро, е катастрофален и носи само загуби на претпријатието. Од тие причини можно е линиите кои беа воведени минатиот петок да функционираат само до први декември, односно уште десетина дена и потоа повторно да бидат укинати или пак, да биде извршена нивната редукција?!

-Прво мислевме дека граѓаните не се известени доволно, но имавме допис до сите медиуми кои информираа за пуштање на линиите. Бидејќи тие се воведени главно за младите кои подоцна остануваат во градот и за оние кои работат до доцните вечерни часови, сепак се покажа дека пуштањето на линиите е економски неоправдано. Младите очигледно повеќе ја сакаат комоцијата на такси превозот отколку автобусите. Според сознанијата што и ние ги имаме најчесто се групираат и се возат со такси, а нашите автобуси возат само за двајца, вели Бошковиќ.
Според него во случајот, функционирањето на сите ноќни линии кои беа пуштени, односно линиите 41, 5, 2, 45, 57, 7 и број 50, е луксузирање, со оглед дека со средствата што се добиваат од билетите во овој период, не може да се плати ниту за маслото на автобусот, а не и за горивото. Од друга страна и трошоците за ноќните дневници на возачите се 35 отсто поголеми.

Инаку, последните ноќни линии во Скопје сообраќаа 2004 година кога поради економска неисплатливост се укинати. Бошковиќ сепак, напоменува дека во моментот се разгледува можноста автобусите 5 и 41 да бидат оставени како линии за кои има поголема заинтересираност.

Даниела ТРАЈКОВСКА

http://www.vecer.com.mk/?ItemID=EB7C60BAFDA2BF4FA07547F75D663378 - vecer


Posted By: lslcrew
Date Posted: 21-Nov-2008 at 07:44
Добро, овие од ЈСП очекуваат одма невиден инетрес за ноќни автобуси. Свесни ли се оние дека работат во време кајшто треба да зависиат од интересот. Кој ги тераше да ги укинат ноќните линии па цел град да се пре-навикне на такси. Сега неможе за една недела да се вратат сите патници. Ова барем неколку месеци ќе треба.


Posted By: pbanks
Date Posted: 21-Nov-2008 at 12:49


Не е само тоа проблемот. Таксито е преевтино и предостапно. Тоа не треба да биде така бидејќи го дестимулира јавниот превоз. На овие цени и не е чудно тоа дека луѓето ќе одберат такси пред автобус.

Со дигање на стандардите во такси превозот, десеткување на флотата која е преголема а супстандардна работите би дошле на место. Но бидејќи кај нас такси компаниите се уствари социјални установи ништо од ова не очекувам да се смени набргу.


Posted By: BOJAN
Date Posted: 22-Nov-2008 at 18:41
Се согласувам со pbanks, на кратки и средни релации доколку се возите со 3 или 4 четворица во такси ќе ве фати поевтино отколку автобус, а и побрзо ќе стигнете. Скопје ја има таа привилегија на евтин такси-превоз. Што се однесува до ЈСП, јас пак мислам дека само дел од ноќните линии треба да сообраќаат и тоа само во петок, сабота и неработни денови, кога младите излегуваат во центарот на градот.


Posted By: zabegan
Date Posted: 29-Nov-2008 at 20:13
мислам дека во скопје може да има линија која ќе ги поврзува Ново лисиче и Карпош, ама оваа да поминува по Гоце Делчев, па потоа или по Илинденска или Партизанска да продолжи до Карпош.



Posted By: lslcrew
Date Posted: 29-Nov-2008 at 20:18
Originally posted by zabegan

мислам дека во скопје може да има линија која ќе ги поврзува Ново лисиче и Карпош, ама оваа да поминува по Гоце Делчев, па потоа или по Илинденска или Партизанска да продолжи до Карпош.



5/15/7 се тука сега за сега. Но не ти е лоша идејата во однос на тоа што може да пренесува граѓани кои сакаат да го избегнат центарот.


Posted By: beTon
Date Posted: 30-Nov-2008 at 00:48
па нема логика така повеќе би држело вода преку автокоманда преку саем или битпазар кон карпош да тера, вака ептен е некако нерационално, не верувам дека многу во брзина ќе се добие во шпицот кај судска и мавровка автобус во шпицот тешко се пробива, тоа сега е блокирано камо ли ако има редовна линија...


Posted By: BOJAN
Date Posted: 30-Nov-2008 at 01:45
Навистина треба да се оформат нови линии, постојните се недоволни па мора некои наши граѓани да се менуваат по два па дури и три линии за да стигнат на работа. Тоа е големо мачење, јас би направил ревизија на сите линии, некои би ги укинал, ама би вовел многу нови.


Posted By: BOJAN
Date Posted: 08-Dec-2008 at 16:22
Еве ви свежа информација од сабота 6 декември е продолжена линијата број 2 на ЈСП во насока на Сарај за уште две станици, па така наместо на почетокот на селото, од сега ќе застанува кај супермаркетот во центарот на Сарај на местото на поранешната последна станица на 12. Ова ќе биде прекрасна вест за жителите на Сарај, веќе се возев и има заинтересираност за нејзе!


Posted By: Cloverstack
Date Posted: 23-Jan-2009 at 23:22
Изменет возен ред на две линии

ЈСП „Скопје“ воведе измени во режимот на сообраќај на автобусите со број 7-б и 17. Градската автобуска линија 7-б е скратена и сообраќа до фабриката „Хемтекс“, наместо до улицата Вардарска. Изменета е и трасата на линијата со број 17, која сега води преку населбата Ново Лисиче. Јавното претпријатие воведе и нова автобуска линија со број 3-а, која оди од ЕТУЦ „Михајло Пупин“ до Клиничка центар.



http://www.vreme.com.mk/DesktopDefault.aspx?tabindex=2&tabid=1&EditionID=1604&ArticleID=106131


Posted By: lslcrew
Date Posted: 25-Feb-2009 at 00:28

Активирана линијата на автобусот број 26

На барање на граѓаните од населбата Бутел 2, кои останаа без град ски превоз, Општина Бутел во соработка со ЈСП повторно ја воведе линијата на автобусот број 26.По прекин од неколку години, автобусот повторно ќе сообраќа од населбата Железарница, преку Бутел 2, Чаир, Центар и булеварот Партизански одреди до населбата Карпош 3.


Оваа линија ќе вози во две утрински и две попладневни тури, од 6.50 и 8.10 часот, како и од 14.30 и 15.30 на појдовна постојка во Бутел 2. Стартот од автобуската станица во Карпош 3, кај спортската сала „Партизан“, ќе биде од 7.30 и 8.50 часот и попладне од 15.30 и од 16.30 часот.

http://www.dnevnik.com.mk/?ItemID=08318C2B48447B4382129E1A1497D408


Posted By: Cloverstack
Date Posted: 03-Jun-2009 at 10:05

Жителите од Визбегово бараат автобуска линија

Општина Бутел доставила барање до ЈСП за воведување нова автобуска линија до Визбегово

По барање на жители на населеното место Визбегово, Општина Бутел преку Секторот за сообраќај во Градот побарала од ЈСП да воведе нова автобуска линија што ќе ги поврзе со другите делови на општината. Автобусот би требало да сообраќа по траса од почетната станица во населбата Скопје-Север, преку булеварот „Словенија“ и Момин Поток до крајната станица во Визбегово. Ова населено место брои околу 3.000 жители кои сметаат дека им е неопходна врска со другите населени места од општината на која територијално припаѓаат.

Од Градот потврдуваат дека барањето на Бутел е доставено до ЈСП и моментно се врши анализа на исплатливоста на линијата. Во рамките на оваа анализа, надлежните служби на ЈСП ќе извршат и увид на терен, а ќе ги анкетираат и жителите на целиот потег на кој би требало да сообраќа линијата. Доколку ЈСП утврди дека има потреба од воведување на оваа линија, ќе достави барање до Секторот за сообраќај на Град Скопје, по што барањето ќе го разгледуваат надлежните служби во Градот. Конечната одлука за воведување нова автобуска линија ќе ја донесе Советот на Скопје. Но, во ЈСП велат дека до вчера не добиле вакво барање.

„Доколку го добиеме, студиозно ќе ја опсервираме потребата за нова автобуска линија за жителите од Визбегово и ќе ја утврдиме и нејзината економска исплатливост. Ќе утврдиме колкава е должината на линијата и колку патници би опслужувала. Доколку се покаже дека барањето е издржано, расположени сме да им излеземе во пресрет на граѓаните“, вели Иле Георгиевски, технички директор во ЈСП „Скопје“. (Сн.К.)



http://www.utrinski.com.mk/?ItemID=2430A113CC77634F8B257B3734B2C267


Posted By: vardar
Date Posted: 06-Jul-2009 at 05:37
 

СТАРАТА МРЕЖА НА АВТОБУСКИ ЛИНИИ НЕ ГИ ЗАДОВОЛУВА ПОТРЕБИТЕ

Се бара автобус од Сарај до Клинички



Мрежата на автобуски линии е стара над 20 години и одамна не ги задоволува потребите на граѓаните, а најизразен е проблемот со непостоење автобуска врска што би ги поврзала населбите долж булеварот Партизански одреди со Клиничкиот центар. До клиниките има директни автобуски линии од Хиподром, Ново Лисиче и од Топанско Поле, а стотици илјади жители од западниот дел на градот мора да се снаоѓаат за да стасаат до најголемиот здравствен центар во земјава.

- Многу граѓани што живеат на потегот од Сарај до Карпош одат на работа во клиниките, многу ученици и студенти се на настава во Средното медицинско училиште и на Медицинскиот факултет, голем број болни таму одат на специјалистички и редовни прегледи, а исто така, стотици граѓани секојдневно одат во посета на роднини и на пријатели што се на болничко лекување во Клиничкиот центар. Затоа ни е неопходно воспоставување на оваа автобуска линија - потенцираат жители од овој дел на градот.

Тие, за да стасаат до клиниките или мора да одат пеш од „Партизанска“ или да користат такси. Револтирани се што градските власти со години не ја преиспитале можноста од воведување нови автобуски линии, кои ќе бидат приспособени на реалните потреби на граѓаните.

- Веќе подолго се обидуваме да ги поврземе институциите кои би требало да го решат нашиот проблем, а тоа се Општините, ЈСП и Секторот за сообраќај во Градот. Од Општините ни одговараат „ние не сме одговорни“, одете во Градот. Во ЈСП велат дека треба да поднесеме барање до Градот, а градските власти само нудат оправдувања за нерешавање на проблемот - се жалат граѓаните и прашуваат што уште треба да преземат за да го реализираат своето барање.Од Општината Сарај велат дека има потреба од воспоставување линија од Сарај до Клинички, но и на други.

- Има потреба за повеќе нови линии, а на граѓаните им е проблем и тоа што градските автобуси не возат ноќни смени. Затоа сме принудени ова да го решиме на локално ниво, со вклучување комбиња за патниците од околните села - вели Бекир Мухамети, шеф на кабинетот на градоначалникот на Сарај, Блерим Беџети.И Општина Ѓорче Петров е заинтересирана за воспоставување линија до клиниките.

- На тој начин жителите нема да мора да менуваат неколку автобуси за да одат на преглед или на работа - вели Момо Николовски, портпарол во Ѓорче Петров.Портпаролката на Карпош, Виолета Цветковска, вели дека во Општината има пристигнати барања од граѓаните за оваа линија, но од Градот ги одбиле со образложение дека ќе има проблеми при вртењето на автобусите на последната станица кај училиштето „Кочо Рацин“.

- Имаме барања и за две нови линии од Злокуќани кон центарот и од Момин Поток кон центарот - вели Цветковска.И Ленин Јовановски, директор на Приватното претпријатие за јавен превоз „Слобода превоз“, вели дека има голема потреба од нови автобуски линии.

- Мрежата мора да се промени поради демографските и урбанистичките промени во градот. Но, очигледно е дека Градот не е заинтересиран за тоа, иако не се потребни ниту многу пари, ниту време - вели Јовановски. И покрај важноста на новата линија и големата потреба на многу граѓани, од Градот велат дека ќе почекаат да биде изработена сообраќајната, односно транспортната студија за Град Скопје. Во рамките на студијата ќе се направат анкети со жителите во поширокиот Скопски регион за нивната потреба од автобуски превоз до одредени дестинации.

- Студијата треба да биде изработена во рок од 15 месеци. Во неа ќе има и предлог за нова мрежа за јавниот градски превоз - велат во одделението за односи со јавност во ГрадотСпоред одговорните во Секторот за сообраќај во Градот, последната измена на мрежата на автобуските линии е извршена со донесување на ГУП во 2002 година, но генерално, мрежата е стара повеќе од 20 години.

Анела Петрова

 
http://www.dnevnik.com.mk/?ItemID=DCCA56F0C703454EAF4F0F4E43D07063 - Dnevnik
 


Posted By: vardar
Date Posted: 06-Jul-2009 at 06:04
Стварно неможам да разберам кога некој ќе рече мора да има директна врска од сарај или драчево до некоја специфична локација во градот ... мислам дека ако живееш по периферија многу поважно е да има фрекфентна врска со центарот. Стварно не е тешко да се смени еден автобус или 10-15 минути да пешачи човек (ова е сосема нормална работа по цел свет).
 
 
Не дека мрежата е совршена, се разбира дека некои линии треба да се поместат или нови да се воведат али треба да биде врз основа на демографски и урбанистички промени , а не зш на некој од незнам каде не му се менувало автобус Roll%20eyes .
 
 


Posted By: pbanks
Date Posted: 11-Sep-2009 at 14:35
Допополнета градската линија број Сарај - Матка

http://www.netpress.com.mk/vestiimages/61499/GRAD_SKOPJE.jpg">

Градот Скопје со цел подобрување на пристапноста на туристичкиот локалитет Матка за граѓаните го дополни постојниот возен ред на автобуската линија со број 60 на делницата Сарај – Матка, кој важи за неделите и за државните празници, соопштуваат од прес службата на градот.

Поаѓањето од Сарај за Матка е во следниве термини: 8; 12.30; 14.00; 15.10 и 18.40 часот.

Поаѓањето од Матка за Сарај е во следниве термини: 8.30; 13.30; 14.30; 15.30 и 19.10 часот.


http://www.netpress.com.mk/vest.asp?id=61499&kategorija=1



Posted By: Cloverstack
Date Posted: 05-Oct-2009 at 15:08

ЈСП реши да вози од Ѓорче до Клинички

На барање на граѓаните градските власти одлучија да ја воведат линијата „22а“, која ќе сообраќа од населбата Даме Груев до клиниките на „Водњанска“

Жителите од Ѓорче Петров и од Карпош конечно добија автобуска линија која ќе ги поврзе со Клиничкиот центар. Градските власти одлучија да ја воведат линијата „22а“, која ќе сообраќа од населбата Даме Груев, попозната како Новоселски Пат, до клиниките на „Водњанска“. До клиниките е воведена и линијата „3б“, која ќе ги опслужува жителите во реонот на Кванташки пазар. За потребите на граѓаните од Карпош измени има и во возниот ред на линијата „59“, која сообраќа до гробиштата во Бутел. Овие линии ќе ги опслужува Јавното сообраќајно претпријатие „Скопје“.

До клиниките има директни автобуски линии од Хиподром, Ново Лисиче и од Топанско Поле, а стотици илјади жители од западниот дел на градот со години останаа без можност дотаму да стасаат директно со автобус. Тие со години писмено бараа од ЈСП и од градските власти да воведат линија која од булеварот Партизански одреди ќе вози до „Водњанска“. Молбите не им беа прифатени и покрај нивните аргументи дека линијата им е потребна на болните, на студенти, на учениците и на вработените. Едно од објаснувањата зошто не се воведува ваква линија беше дека кај училиштето „Кочо Рацин“ во близина на клиниките, каде што е последната станица на линиите „3“, „9“ и „50“, нема доволно место за вртење и стоење на возила за уште една линија. Поради тоа, жителите од западниот дел на Скопје беа принудени или да менуваат два автобуса, да платат такси или да одат пеш од „Партизански одреди“ до Клинички центар.

- Досега беше многу тешко патувањето од Ѓорче Петров до Клинички центар за задоволување на социјалните, едукативните и медицинските потреби на граѓаните - признаваат од Градот.

Оттаму велат дека воспоставувањето на новите линии и измените на постојните се резултат на следење на промената на демографскиот потенцијал во градот и на барањата на граѓаните.

Освен овие две линии, новина во јавниот превоз е и промената на трасата на линијата „59“, која оди до гробиштата во Бутел.

- Во утринските часови, кога поголем број патници имаат цел да стигнат до гробиштата во Бутел, линијата „59“ ќе се движи од Карпош 4, преку „Партизански одреди“, центарот, „Боца Иванова“ и „Гвадалахара“, се' до Кучевишка Бара и обратно. По 16.30 часот, кога патниците повеќе имаат потреба од централното подрачје, трасата ќе биде изменета и ќе се движи од Карпош 4, преку улицата кај пазарот во Бутел, до Кучевишка Бара - објаснуваат градските власти.

Во однос на приватната линија „23а“, која вози од Дом на печат до Кванташки пазар, допрва ќе се наоѓа соодветно решение. Таа долго не функционира, а од Градот информираат дека на барање на граѓаните се бара начин за нејзино реактивирање.

- Приватните превозници укажуваат дека не постојат сообраќајно-технички услови за одржување на линијата. Како предлог потенцираат дека може да ја променат трасата во кружна линија, што би довело до совпаѓање со многу линии на ЈСП, кои се движат по булеварот „Александар Македонски“. ЈСП може да ја опслужува Месната заедница кај Кванташки пазар, но со одвојување на одреден број возила од линијата „3“, кои би биле обележани со „3б“. На тој начин би добиле линија што се разгранува, со цел да се согледаат првичните ефекти од превозот на патници. По потреба или на барање на граѓаните може да се зголеми бројот на возилата - образложуваат градските власти.

Распоредот на линиите на ЈСП не беше променет 20 години.

Јорданка Ивановска



http://dnevnik.com.mk/?ItemID=E24B96C96B5B8D44985C54DE43457EA0


Posted By: Cloverstack
Date Posted: 24-Oct-2009 at 14:08

ЈСП со нови линии

Јавното сообраќајно претпријатие „Скопје“ од понеделник ќе воведе нови линии. Од Клинички центар до Кванташки пазар ќе сообраќа линијата „3Б“, а линијата „22А“ од Клинички центар кон населба Даме Груев. Линијата со број „59“, која сообраќа од Карпош 3 до Градските гробишта во Бутел, ќе го задржи постојниот возен ред на трасата се' до 18,30 часот. По овој термин наместо по улиците „Боца Иванова“ и „Гвадалахара“ автобусот ќе вози по „Александар Урдаревски“ преку пазарчето во Бутел 1.

Возниот ред на новите автобуски линии веќе е истакнат на веб-страницата на претпријатието www.jsp.com.mk. (Сн.К.)



http://www.utrinski.com.mk/?ItemID=51432E20BCCD3D44AAC394E4BE922D00


Posted By: Cloverstack
Date Posted: 08-Nov-2009 at 17:59
Малку статистика за некои од градските линии на ЈСП

Извор:
УРБАН ШИНСКИ СООБРАЌАЈ НА ГРАДОТ СКОПЈЕ
м-р Гордан Стојиќ, дипл. сооб. инж.
http://www.ekosvest.com.mk/publikacii/urban_sinski.pdf - http://www.ekosvest.com.mk/publikacii/urban_sinski.pdf



Posted By: lslcrew
Date Posted: 09-Jan-2010 at 06:36

Граѓаните окапаа чекајќи „4“ и „24“

ЈСП го прави возниот ред врз основа на бројот на патници и редовноста на поаѓање на возилата

Снежана Калабакова


Жителите од Кисела Вода и на Расадник мака мачат со јавниот градски превоз, бидејќи со центарот, од кој се оддалечени два-три километри, се поврзани единствено со автобусите со број „4“ и „24“. Со години не е променет возниот ред на ЈСП за овие линии кои сообраќаат од Кисела Вода до Тафталиџе и до Хром. Автобусот број „4“ сообраќа на секои 20 минути и тоа во шпицовите, а во подоцнежните часови дури на 40 минути, додека „24“ до Кисела Вода и Сопиште на 11 односно 17 минути. Секое доцнење значи чекање повеќе од половина час.

Граѓаните се жалат дека откако по измачувачкото чекање конечно ќе се качат во автобус, наидуваат на страшна турканица во која имаат впечаток дека некој им стои над глава. Патниците тврдат дека често се случува по речиси 50- минутно чекање да видат како одеднаш доаѓаат по две „24“. Оние што секојдневно чекаат автобус во центар на „Рекорд“ велат дека гледаат како додека упорно ја чекаат „24“, поминуваат најмалку по три „57“ или „ 50“ и по неколку „5“, „3“, „23“ и „22“.

Одговорните од ЈСП тврдат дека возниот ред го прават врз основа на испитувања, како што е бројот на патници и редовноста на поаѓање на возилата, што е многу важен фактор, бидејќи неостварено поаѓање повлекува доцнење на автобусите. Од претпријатието признаваат дека имаат поплаки што се однесуваат на редовноста на автобусите и на односот на возачите.

„Не дај боже некој од оние што чекаат автобус да ви каже дека тукушто поминала ’24‘. Тогаш веднаш подгответе се за најмалку 40-минутно дружење со другите граѓани што стојат на автобуската станица. Да не зборуваме за односот на возачите, кој е претерано груб, а ако реагирате зошто толку сте чекале, ве очекува силно развикување. Јас неколку пати сум се јавувала во ЈСП со цел да реагирам за ваквите проблеми, но оттаму некоја од секретарките ќе ми одговори ’Бадијала ќе ги пријавите, ние ги казнуваме и пак се непоправливи‘. Што да очекувам по ова‘, вели Наташа Николова, жителка на Кисела Вода.

Таа прашува зошто нема приватна конкуренција на линијата број „24“?

Смета дека така најдобро ќе се решат маките на граѓаните, кои иако живеат речиси во центарот на Скопје, се малтретираат како да се од најпоследното и најзафрлено село во државава.

„Жителка сум на Кисела Вода веќе неколку години. Бидејќи немам автомобил, принудена сум да го користам јавниот градски превоз. И можам слободно да кажам дека е вистинска катастрофа, а ние како граѓани на Скопје воопшто не го заслужуваме ова што ни го приредува ЈСП. Единствениот автобус што оди во мојата населба Расадник е фамозната ’24‘. Кога си одам од работа, некаде во 5 или 5,15 часот попладне, секој ден доживувам вистинска голгота чекајќи го овој автобус. Ако го дочекате за 20 минути, сте имале среќа, но тоа се ретки моменти, бидејќи најчесто го чекате од половина час до 40 или дури 50 минути“, објаснува Ангелина Трајчевска, исто така, жителка на Кисела Вода.

Аце Стојановски, технички директор во ЈСП, вели дека на секои четири до пет месеци претпријатието врши ново испитување на линиите и според тоа го прави возниот ред. Новиот систем за автоматска локација на возилата ќе реши многу од досегашните проблеми.

http://utrinski.com.mk/?ItemID=FD87DA814DF9F04F85ADFA6B42917F66



Posted By: lslcrew
Date Posted: 15-Jan-2010 at 13:39

Приватните автобусчии возат како што им е ќеф

Иако овие превозници, за да добијат лиценца за работа од Градот, треба да обезбедат редовен превоз за граѓаните, тие не се редовни ниту во работните денови, но ситуацијата е најалармантна во неработните денови, кога приватен автобус се чека и по два-три часа

Приватните автобуси за време на викендите и на празници никаде ги нема. За да стасаат до саканата дестинација, граѓаните чекаат и по еден -два часа, а има денови кога автобус не доаѓа и по два-три саати.
Иако приватните превозници, за да добијат лиценца за работа од Градот, треба да обезбедат редовен превоз за граѓаните, тие не се придржуваат на возниот ред. Скопјани се жалат дека приватните автобуси не се редовни ниту во работните денови, но ситуацијата е најалармантна во неработните денови.
"Најчесто се возам со 9-ка и 19-ка. За време на викендите и на празниците, приватните автобуси како да не возат. Со саати дремам на автобиските постојки. Имам извадено месечна карта за приватните автобуси, ама морам дополнително да плаќам за автобусите на ЈСП 'Скопје' оти немам друг начин да стигнам на работа", вели 36-годишен скопјанец од населбата Чаир.
Од Град Скопје велат дека доколку добијат писмана поплака од граѓани, нивните инспектори ќе излезат на терен да проверат дали приватните превозници се придржуваат кон возниот ред одреден од Градот. Без забелешка, инспекторите не излегуваат да извршат проверка.
"Логично е тој што ја издава лиценцата и да проверува дали тоа што е пропишано со нејзиното добивање и се почитува. Ако ништо друго, можат барем еднаш на два месеца да ги исконтролираат дали возат по возен ред или си возат по своја процена, кога сакаат", револтирано коментираат граѓаните.
Во Градот објаснуваат дека во работни денови или на празници и за приватните автобусчии важи одреден возен ред.
"Приватните автобуси треба да се придржуваат кон возниот ред утврден од 2001 години, и тој, во секој случај, предвидува чести линии и за време на викендите и за празниците. Не смеат приватните превозници самите да си одредуваат колку ќе работат и кога. Иако во неработните денови нема многу патници, тие, сепак, се од јавен интерес за граѓаните, и треба да сообраќаат според утврдениот возен ред", велат од Град Скопје.
Од приватните автопревозни претпријатија велат дека автобусите во неработните денови ги има на 15 минути.
"Можно е некој од сопствениците на автобусите да не излегол самоиницијативно за време на празник, па затоа автобусите да се толку ретки. Ние ќе ги засилиме нашите контроли, да провериме дали се почитува предвидениот возен ред", вели Милорад Димитриевски, директор на "Макекспрес".

http://vest.com.mk/?ItemID=E92F50E6EE703546A5A88B61EF4CF349


Posted By: lslcrew
Date Posted: 27-Jan-2010 at 02:29

„Четворката“ е многу ретка, но со чести дефекти

Само во последните два месеца „4“ четири пати ги остави граѓаните на половина пат

Снежана Калабакова


Нема крај на проблемите на скопјани со градските автобуси, а особено кога наутро ќе се расипат и ќе ги остават на полпат. Нервози, доцнење на работа, на часови, пропуштен закажан лекарски преглед или не дај боже закажан термин во МВР за вадење лична карта или пасош. Ваквите дефекти многу често се случуваат на автобусите на ЈСП на линијата број „4“, кои сообраќаат од 11 Октомври до Хром. Само во последните два месеца „четворката“ четири пати ги остави граѓаните на половина пат.

Последен пат, пред неколку дена, тоа се случи на „Партизанска“ спроти „Симпо“. На автобусот му изгоре ламелата, па откако почна да мириса на изгорено, возачот ги замоли патниците да се симнат. Тие, оставени на раскрсницата на „Партизански одреди“ со „Рузвелтова“, револтирани побараа од возачот да го запре првиот автобус на ЈСП што наиде за да може да се качат и со него да дојдат барем до центар. Бидејќи немаше никаков резон да се чека следната „4“, оти таа сообраќа на 20 минути до половина час, граѓаните беа решени со друг автобус да дојдат до центар, а оттаму, оние што требаше да продолжат до Кисела Вода, ќе чекаа друг автобус, или евентуално ќе продолжеа пеш.

Од ЈСП признаваат дека им се случува и вакво нешто, бидејќи возниот парк е многу стар. Само 80 автобуси се стари по 12 години, додека сите други се возат повеќе од две децении. Одговорните се надеваат дека проблемот со старите возила наскоро ќе се реши. Но, освен дотраените автобуси, очигледно има проблем и со возниот ред, кој воопшто не се менува, иако има постојани реакции од граѓаните.

Така, возниот ред на градската линија број „4“, кој на времето бил „кроен“ според работното време на фабриките, не е променет со години. Автобусите сообраќаат на секои 20 минути и со секое доцнење, особено кога врне дожд или снег, на патниците кои чекаат по постојките им се трошат по четириесетина минути. Граѓаните се револтирани, бидејќи, како што велат денес, динамиката на животот е сосем поразлична од времето кога е правен распоредот на возење, поради што бараат промена на возниот ред, како и воведување конкуренција со приватни превозници. Истовремено, инсистираат и на вакви градски линии да не се пуштаат толку стари возила кои брзо се расипуваат.

„Секојдневно морам да патувам од Влае до 11 Октомври и многу често се случува ’четворката‘ да ме остави на полпат. Што можам да направам освен да користам два автобуса и на работа да доаѓам со задоцнување. Не можам постојано да се оправдувам поради неодговорното однесување на ЈСП. А, не можам да си дозволам постојано да користам такси. Се прашувам, мислат ли тие во ЈСП да преземат нешто, бидејќи сигурна сум дека проблем нема само со ’четворка‘, туку и со другите линии“, вели Билјана Илиевска.

Мишко Николов, генерален директор на ЈСП „Скопје“, признава дека возниот парк на претпријатието е во лоша состојба. Тој вели дека постојано се казнуваат и механичарите што ги потпишале налозите за исправност на возилото, а се покажало дека тоа не е така.

„Возниот парк навистина е во лоша состојба, иако резервните делови не се проблем. Секако, треба да се преиспита и возниот ред, бидејќи луѓето веќе не работат од 7 до 15 часот. Даден е налог за негова ревизија и тоа на сите линии. Проблемот со старите возила се надевам ќе заврши до крајов на годинава, кога треба да пристигнат новите 84 автобуси. Откако ќе го потпишеме договорот со министерот за транспорт и украинската фирма, од април би требало да пристигнат првите 12 возила“, објасни Николов.

http://utrinski.com.mk/?ItemID=F224A0A93BA5244DB419CE192056BC6C


Posted By: lslcrew
Date Posted: 09-Feb-2010 at 05:50

Нов возен ред на „4“, „8“ и „59“

Јавното сообраќајно претпријатие направи измени на возните редови на броевите „4“, „8“ и „59“ со кои автобусите на овие линии од вчера по 16 часот сообраќаат многу почесто. Од претпријатието велат измените се направени по барање на граѓаните и најавуваат дека деновиве ќе направат измени и на други линии.

„Четворката“ сега во терминот од 16 до 17 часот сообраќа на 20 наместо на 40 минути. И во возниот ред на линијата број „8“ има измени во истиот термин. Ако претходно во периодот од 16 до 17 часот немало автобус, сега од Влае „осумка“ ќе тргнува во 16,30 часот. Во периодот помеѓу 19 и 20 часот, односно точно во 19, 40 и во 19,55 часот по еден автобус ќе тргнува и од Љуботенски Пат кон Влае. Од оваа населба кон Љуботенски Пат линијата со број „8“ ќе сообраќа и во 20,20 часот, а во спротивен правец во 21 и 21,40 часот. Во 22,20 часот ќе сообраќаат последните автобуси од двете населби. Измени се направени и во термините на линијата „59“, која сега ќе ја има многу почесто. Првиот автобус ќе тргнува во 7,50 часот, а последниот во 22,40 часот.

Сите измени и точните термини на поаѓање на овие линии веќе се внесени во возниот ред истакнат на веб-страницата на претпријатието www.jsp.com.mk.

http://utrinski.com.mk/?ItemID=7304BF441638504D891F082047F85160


Posted By: La Linea
Date Posted: 18-Feb-2010 at 01:48

Анализи за подобар возен ред на ЈСП

Јавното сообраќајно претпријатие преку месечни анализи за процентот на остварување на возниот ред ќе ја подобрува редовноста на автобусите и ќе презема активности за приближно остварување на планираното. Анализата за јануари покажала дека 1.131 таканаречен полуобрт од почетната до крајната дестинација на одредени линии биле изгубени, односно толку автобуси не поминале на постојките да соберат патници. Во еден правец претпријатието имало испланирано 83.187 вакви полуобрти, а остварило 82.046, што значи дека не биле остварени 1,36 проценти од планираното.

Директорот на ЈСП, Мишко Николов, смета дека ова е успех за претпријатието што располага со многу стар возен ред, но дека ќе се прават напори да не се дозволува патниците да остануваат на постојките. Според него, загубите кај нас се значително помали отколку во Белград, чие претпријатие губи три отсто од планираното сообраќање на автобусите во еден правец од почетната до крајната дестинација. (Сн.К.)


http://www.utrinski.com.mk/?ItemID=6BC2D38AD470CA40838932BC81E98EA9


-------------
Помогнете во Македонската Википедија - Слободна енциклопедија!


Posted By: Max
Date Posted: 22-Feb-2010 at 05:23
Нова веб-страница на ЈСП
ЈСП „Скопје“ наскоро ќе има нова веб-страница на која корисниците ќе може да се пожалат на работењето на претпријатието. Според директорот Мишо Николов, со новите и корисни содржини сакаат да бидат што поблиску до своите корисници.

- На новата веб-страница првпат ќе ги има и нашите финансиски извештаи, но исто така граѓаните ќе имаат можност да ги пријават проблемите со кои се соочуваат, на што ние ќе одговориме. Досега најчесто се жалеле на лошото однесување на возачите кон нив и на тоа што честопати автобусите застанувале на несоодветни места, пооддалечени од автобуските станици - вели Николов.

Тој додаде дека подоцна на страницата http://www.jsp.com.mk - www.jsp.com.mk ќе биде истакнат и планер на патување, кој ќе биде наменет пред се' за тие што доаѓаат од другите градови, а користат јавен градски превоз.

Николов се пофали дека веб-страницата на Јавното сообраќајно претпријатие „Скопје“ го држи 48-то место на листата со читаност во Македонија, а најчитан е возниот ред.

- Интернет-страницата на ЈСП е почитана и од страницата на Градот Скопје, која е 190 по ред, па и од онаа на Владата, која е 90 на листата, како и од страницата на МВР - нагласи Николов.

Од планирани 83.177 претпријатието во јануари остварило 82.046 полуобрти, односно возења по возни редови само во еден правец. Тоа значи дека се остварени 58,6 отсто од планираниот возен ред. Ова го покажала анализата на реализацијата на возниот ред, која првпат се спроведува.

Во јануари 1.131 автобус не поминале по автобуските постојки за да соберат патници од најразлични причини - бидејќи се расипал или имало метеж.

http://www.dnevnik.com.mk/default-mk.asp?itemID=DD32D3BAB980714A9AE8544E589FEF31&arc=1 - http://www.dnevnik.com.mk/default-mk.asp?itemID=DD32D3BAB980714A9AE8544E589FEF31&arc=1



Posted By: Cloverstack
Date Posted: 08-Mar-2010 at 20:43
Автобусот со број „7“ заминува во историјата
 
Наместо „седмица“ ќе возат две линии „7а“ и „7б“, но, не од населба Лисиче до Карпош 3, туку само од Дом на печат до село Лисиче и до Вардариште  
 
%20  
Линијата број „7“, што цели 42 години ги поврзуваше населбите Лисиче и Карпош 3, наскоро ќе „замине“ во пензија. Според директорот на Јавното сообраќајно претпријатие „Скопје“ (ЈСП), Мишо Николов, на овој чекор се решиле за да им излезат во пресрет на жителите од село Лисиче. Наместо линијата „7“, во иднина од село Лисиче до Дом на печат ќе вози „7а“, а од Вардариште до Дом на печат „7б“. За одговорните од ЈСП е поисплатливо и автобусите со број „15“ да возат на секои 10 минути, со што ќе се компензира укинувањето на „седмицата“.

- Селото и населбата Лисиче со центарот на градот, како и со населбите Карпош, сега се поврзани со три линии „7“, „7а“ и „7б“. „Седмицата“ сообраќа на секои 20 минути, „7а“ од село Лисиче до Дом на печат вози на час и 20 минути, а „7б“ од Вардариште до Дом на печат на секои 50 минути. Со цел жителите од село Лисиче да не чекаат автобус час и половина, се планира укинување на линијата „7“, а продолжување на „7а“ од населбата до селото Лисиче. Во план е на линијата „7б“, повеќе да не возат автобуси, туку минибуси. Со тоа бројот на автобуси на линијата „7а“ ќе се зголеми и тие ќе возат почесто - вели Николов.

Тој објасни и дека автобусите од „7“ ќе се ќе се преориентираа на други релации.

- Бидејќи со укинувањето на „7“, жителите на населбите Карпош ќе останат само со една автобуска линија до центарот и до Лисиче, се планира линијата „15“, да е пофреквентна. Сега „15“ на релација Ново Лисиче-Карпош 4 сообраќа на 15 до 20 минути, а во иднина треба да вози на секои пет до 10 минути - појаснува Николов.

Тој додаде и дека до село Визбегово освен линијата број „18“, сега вози и „9а“, а превозот е организиран со комбиња и минибуси. Исто така, продолжена е трасата на линијата „21“, која наместо до Бардовци сега вози до Хавзи пашините конаци.

Николов најави и дека откако ќе стасаат новите укранински автобуси во јуни, ќе ги заменат 20 и повеќе години старите „Раба“ возила.



До Трнодол и Жданец со минибуси

Жителите на Трнодол и Жданец наскоро до своите населби ќе се возат со минибуси, вели директорот на ЈСП, Мишо Николов.

- Идејата овие населби да добијат јавни минибус линии е навистина добра и за кратко време ќе се реализира. Овие жители до најблиската автобуска станица треба да пешачат дури еден километар. Како што е познато населбите се високо на рид, па качувањето и симнувањето пеш не е пријатно ни за помладите, а камоли за постарите жители. До крајот на месецов Министерството за транспорт и врски треба да распише тендер за набавка на 16 нови минибуси, наменети за сообраќање до Трнодол и Жданец, како и до Вардариште, Визбегово и другите подалечни населби - вели Николов.




Десет нови панели

До 20 март ќе бидат пуштени во функција уште девет панели кои ќе покажуваат за колку време треба да пристигне автобусот на постојката. Директорот Мишо Николов вели дека сега работи само еден и тоа во населбата Ѓорче Петров.

- Панелите, кои чинат 4.000 евра, ќе бидат поставени на повеќе локации, на „Рекорд“, во населбата Карпош 3, Буњаковец, Комплекс банки, во населбата Јане Сандански и на Бит-пазар. На другите места панели ќе поставуваат фирмите кои ќе го добијат рекламниот простор на новите унифицирани автобуски постојки - вели Николов
.
 
   
Автор: Бојана Стојчевска
http://www.novamakedonija.com.mk/NewsDetal.asp?vest=38101045459&id=14&prilog=0&setIzdanie=21928


Posted By: гитардемон
Date Posted: 08-Mar-2010 at 21:09
До крајот на месецов Министерството за транспорт и врски треба да распише тендер за набавка на 16 нови минибуси, наменети за сообраќање до Трнодол и Жданец, како и до Вардариште, Визбегово и другите подалечни населби - вели Николов.


Ете ми конечно одговор

До 20 март ќе бидат пуштени во функција уште девет панели кои ќе покажуваат за колку време треба да пристигне автобусот на постојката.


А другите што ги поставија демек работат, па овие се плус? Или на тие старите се мисли?


-------------
Arguing on the internet is like running at the special olympics. Even if you win, you're still retarded.


Posted By: BOJAN
Date Posted: 14-Mar-2010 at 14:47
Мислам дека укинувањето на линијата број 7 е потег без размислување од ЈСП, затоа што многу работници од Карпош ќе ги остави без превоз до своето работно место. Има голем број на индустриски погони и претпријатија во близина на депото Лисиче и е глупаво да бидат поврзани со единствена линија што поаѓа од центарот на градот.

Солуција, паралелно да возат 7, 7а и 7б.


Posted By: Cloverstack
Date Posted: 30-Mar-2010 at 21:42
ЈСП се мисли дали да нема „7“ или „7а“


 
 
 
%20  
По најавите објавени во „Нова Македонија“ за укинување на автобуската линија со бројот „7“ и нејзина замена со „7а“ и „7б“, управата на јавното сообраќајно претпријатие „Скопје“ (ЈСП), реши прво да се анализира профитабилноста на линијата „7а“, заедно со забелешките на скопјани, за полесно да оцени која линија ќе се укине.

- Најважни се забелешките на оние што се возат со автобусите. Секојдневно се читаат коментарите во дневните весници, се прават анкети меѓу скопјани, за полесно да се дознае која линија е попотребна. Првичната одлука беше да се укине линијата „7“, а сега се разгледува можноста тоа да биде „7а“, бидејќи таа сообраќа само на половина од трасата на автобусот „7“ - вели Мишо Николов, директор на ЈСП „Скопје“.

Скопјани, пак, имаат поделени мислења за тоа дали и која линија треба да се укине. Според едни, тоа треба да биде линијата „7а“, бидејќи вози само до центарот на градот, а другите, пак, дека треба да биде „7“, бидејќи нејзината крајна дестинација е населбата, а не селото Лисиче.

- Повеќе од четири децении ние, жителите на Карпош, се возиме со „седмицата“. Со нејзиното укинување прво губиме една солидна врска до центарот на градот, како и до Лисиче, а второ тука се учениците од средните училишта „Димитар Влахов“, „Владо Тасевски“ и „Марија Кири-Склодовска“. За да стигнат до училиште тие ќе треба да се возат со „15“ до Аеродром или „22“ до Транспортниот центар, па оттаму пеш. Но, од друга страна, пак, ако линијата „15“ биде почеста отсега, како што се најави, тогаш нема да имаме никаков проблем ако линијата „7“ се пензионира - вели Славе Трајковски, жител на населбата Карпош 3.

Жителите, пак, на селото Лисиче велат дека е подобро да се укине линијата „7“, бидејќи на нив, особено на повозрасните, повеќе им одговара „7а“, чија последна станица е кај Домот на печатот, во непосредна близина на клиниките.

- Последна станица на автобусот „7а“ е во селото Лисиче, што повеќе ни одговара, отколку да се симнуваме во населбата, па оттаму да пешачиме. Единствено проблем ни е што овој автобус сообраќа на секој час и половина. Но ако се зголеми бројот на возила, како што се најавува, тогаш нема да ни пречи укинувањето на „7“ - вели Зоран од Лисиче.
http://www.novamakedonija.com.mk/NewsDetal.asp?vest=330101048252&id=14&prilog=0&setIzdanie=21947


Posted By: axel
Date Posted: 05-Apr-2010 at 23:05

ЈСП ја смени трасата на „четворката“

Автобусот нема да вози по „Партизанска“, туку по „Митрополит Теодосиј Гологанов“

„Четворката“ на ЈСП ќе ја смени трасата и во иднина нема да вози по „Партизанска“, туку ќе се пренасочи на „Митрополит Теодисие Гологанов“. Претпријатието ќе воведе и нова линија „4-А“, која ќе сообраќа од Хром до населбата Усје. Се продолжува трасата на линијата број „7“ кон селото Лисиче и на „22-А“ кон Волково. По барање на жителите на Општина Бутел, ЈСП воведува и нова линија „18-А“ со која ќе се скрати патувањето од Визбегово кон Општина Чаир и центарот на градот.

Измените ги потврди и Советот на Скопје на последната седница, а ќе почнат да се применуваат наскоро откако одлуката ќе се објави во Службен гласник.

Според новиот план, од Ѓорче Петров кон Кисела Вода „4“ сега ќе се движи преку „Воин Драшковиќ“, „Ѓорче Петров“ и „Партизанска“, но до Архивот на Македонија, каде што ќе врти кон улицата „Московска“, па кај студентскиот дом „Гоце Делчев“ ќе продолжи по „Гологанов“, „Димитрие Чуповски“ и кон „11 Октомври“. Линијата „4-А“, пак, ќе се движи по истата траса, со таа разлика што по „Првомајска“ ќе продолжи до Усје.

Новата траса на „7“, сега ќе почнува на улицата „Лисец“ од каде што преку „Горно Лисиче” и булеварот „12 Македонска бригада“ ќе продолжи како и досега кон населбата Карпош 3. Линијата „22-А“ од Клиничкиот центар преку „Водњанска“ по „Свети Климент Охридски“ и „Партизанска“ ќе оди кон улицата „Лука Геров“ во Волково. Новата линија „18-А“ ќе сообраќа по улиците „3“ и „Шуто Оризари“ во правец на Чаир.

„Основната причина за менување на постојните траси е да се зголеми атрактивноста на патувањето, како и да се задоволат барањата за дневните миграции на патниците. Со воведување на новите возни редови би се намалиле нерентабилните возења“ информираат во ЈСП. (С.Н.)                                                                                                                                                        http://www.utrinski.com.mk/?ItemID=4A940B28EFBAD2468F85B22A2ED11994 



Posted By: axel
Date Posted: 13-Apr-2010 at 10:40
УСВОЕН ПРЕДЛОГОТ
Ќе има автобус до аеродром

Скопје, конечно, ќе добие автобуска линија до аеродромот „Александар Велики“, со што ќе се реши долгогодишниот проблем на главниот град кој со години не нуди јавен градски превоз кон тој правец. Ваква одлука донесе Советот, по иницијатива на ЛДП, која бараше Градот да воведе редовна автобуска линија од центарот до аеродромот и обратно. Според нив, линијата би сообраќала неколку пати во денот и би била рентабилна поради тоа што аеродромот има доволен број летови.

 
 http://www.vreme.com.mk/DesktopDefault.aspx?tabindex=0&tabid=1&EditionID=1994&ArticleID=138432


Posted By: гитардемон
Date Posted: 13-Apr-2010 at 17:07
Веројатно мислат ЈСП да вози. Само со која крнтија ќе вози, тоа не ми е јасно. Инаку не мислам дека мора линијата да биде рентабилна. Ете нека се договорат да има 10-тина пати денот, ТАВ да ја субвенционира линијата. На крајот на краиштата, и Владата е должна да фрли некој денар, од национален интерес е оваа работа.

-------------
Arguing on the internet is like running at the special olympics. Even if you win, you're still retarded.


Posted By: axel
Date Posted: 19-Apr-2010 at 14:17
ТЕНДЕР ЗА НОВИ ВОЗИЛА ДО ПРИГРАДСКИТЕ НАСЕЛБИ

Минибуси до скопските села

Постојните комбиња се премалку за нормално функционирање на сите линии

Наместо со градски автобус, наскоро до селата во Скопје граѓаните ќе се превезуваат со минибуси. Министерството за транспорт и врски минатата недела објави тендер за набавка на 16 возила кои ќе возат единствено до приградските населби.
Новите мали автобуси ќе имаат цел да ги поврзат со центарот на градот руралните места, кои со години се исклучени од градскиот превоз. До нив сега се пуштени само неколку автобуски линии кои и онака минуваат многу ретко.
Директорот на ЈСП "Скопје" Мишо Николов вели дека наменските автобуси ќе го решат проблемот со превозот на малкутемина жителите во оддалечените места, како Трнодол, Бардовци, Љубин и многу други кои, поради слабата населеност, се оставени без автобуски превоз.
"Огласот е објавен деновиве и многу е рано да кажеме кој ќе ги произведува овие возила. Во тек е целата постапка, и се надеваме дека наскоро ќе се реши овој долгогодишен проблем", вели директорот Николов.
До овие населби автобусите поминуваат само двапати на ден, и еднаш во неделите и на државни празници. (М.Ѓ.)

http://www.vest.com.mk/?ItemID=61460841ADB41643810C36340AD53846


Posted By: BOJAN
Date Posted: 20-Apr-2010 at 11:20
А да се сетеше некој од одговорниве во градот да испрати допис за тоа каде ќе вози автобусот со број 8, по затворањето на Илинденска. Сепак, се работи за линија што во текот на денот привлекува голем број на патници.


Posted By: se_manda
Date Posted: 20-Apr-2010 at 18:03
ide po partizanska...barem delot so e do simpo, za nataka ne znam...


Posted By: Djole88
Date Posted: 20-Apr-2010 at 18:28
Соопштение од официјална страна:

Се известуват корисниците на јавен превоз дека во периодот од 19.04.2010 год. до 01.06.2010 год. дел од бул.„Илинден“ ќе биде затворен за сообраќај. Поради тоа трасата на линија број „8“ ќе претрпи измени:
           - во правец Бутел – Влае од мостот Гоце Делчев ќе продолжи право по бул.„Партизански одреди“, десно по ул.„Рузвелтова“ и продолжува по својата траса.
           -во правец Влае – Бутел од раскрсницата со ул.„Рузвелтова“ врти десно по истата, лево по бул.„Партизански одреди“ и после Пошта ׀ продолжува по својата траса.


http://jsp.com.mk/sodrzina.php?id=1110&idJazik=1 - извор


Posted By: Djole88
Date Posted: 01-May-2010 at 16:49
Матка преплавена со туристи, автобуси ни за лек

Има околу 50 вработени жители што секој ден се соочуваат со проблеми околу јавниот превоз. Некој тргнува пеш, некој автостоп. Истиот проблем е и за време на викендот

Матка, како едно од малкуте места во близината на Скопје што изобилува со природни богатства и убавини каде што скопјани може да се одморат од градската врева доколку немаат сопствен автомобил, останува недостапна за обичните смртници од едноставна причина - нема јавен превоз. За време на викендот, возилата на јавното сообраќајно претпријатие „Скопје“ возат по редуциран возен ред, па во најголемиот шпиц на денот не постои апсолутно ни еден автобус што сообраќа во регионот. Тамошните жители, како и посетителите, се жалат дека не можат да стигнат до саканата дестинација во двете насоки. Доколку некој посака да стигне до Матка, треба да се качи во автобусот, односно миникомбето, со редниот број „60“, кој тргнува од населбата Дексион. А, ако сака поголемиот дел од денот да го помине на Матка, последна шанса да стигне до таму е да се качи во автобусот во 11.40 часот, а доколку посака да се врати, тоа мора да биде најрано во 17.35 часот, што значи дека точно шест часа не постои никаков превоз.

- Превозот во Матка е катастрофа. Има околу 50 вработени жители што секој ден се соочуваат со овој проблем. Некој тргнува пеш, некој автостоп. Од сабајле има автобус во 7.40 часот, а потоа дури во 11.10 часот. Покрај вработените, постојат и студенти, кои треба да патуваат токму во тој период. Истиот проблем настанува и за време на викендот - Матка, како рекреативно место, е преплавена со посетители. Дури изгледа трагикомично кога ќе ги видите со нивните големи ранци на грбот како подзинуваат со устите кога ќе им кажеме дека нема превоз. Како да е малку тоа што тие едвај се снаоѓаат да стигнат до тука, па уште кога дознаваат дека немаат превоз за назад остануваат шокирани. Вакви работи нема во Европа. Повеќепати се имаме обратено до ЈСП, меѓутоа тие остануваат глуви на нашите молби и тврдат дека толку е нивниот возен капацитет - раскажува Весна С. од Матка.

Од јавното сообраќајно претпријатие го потврдуваат токму истото - дека навистина е редуциран бројот на автобуси и дека тоа е така поради премалиот капацитет на возила со кои располагаат.

- Најголем проблем е тоа што немаме доволно автобуси, едноставно, немаме толку голем капацитет. Вистина е дека ни се доставени повеќе барања, меѓутоа проблем нема само кај нив, туку и во другите помали населени места- вели Мишо Николов, директорот на ЈСП „Скопје“.

Тамошните угостители, исто така, се жалат дека бројот на туристи би бил поголем доколку се подобри јавниот превоз.

- Местово е преполно со туристи, особено во сабота, недела и за време на празниците. Со оглед на тоа дека постои голема заинтересираност за Матка, како туристичко место, сметам дека треба да се зголеми бројот на автобуси затоа што се многу ретки. Доколку се поредовни, верувам дека посетеноста ќе биде уште поголема, особено затоа што местово изобилува со природни убавини. Така, неодамна пештерата Врело беше сериозен кандидат за да биде прогласена за светско чудо на природата и светот одеднаш се заинтересира за нас. Жално е тоа што туристите не можат да стигнат до тука само поради немањето превоз, а уште пожално е што не може да се најде слободно место за паркинг. Доколку гостите доаѓаат со автобуси, нема да се соочуваат со вакви проблеми - вели еден од сопствениците на тамошниот ресторан „Манастирска пештера“, популарно познат како „Мечкина дупка“.

Од ЈСП велат дека ќе се соочат со овие проблеми во најкраток можен рок.

- Мислам дека со летниот возен ред, кој почнува од 10 јуни, ќе може да се пуштат поголем број автобуси кон Матка, особено за време на викендите. Верувам дека проблемите ќе се решат кога ќе добиеме нови автобуси од септември. Возниот ред за време на викендите тврдам дека ќе го решиме за најкратко време, ако не од овој викенд, тогаш уште од наредниот - додава Николов.

На официјалниот интернет-сајт на ЈСП „Скопје“ стои дека автобусот со број „60“, во саботите и неделите сообраќа речиси на секој час, меѓутоа жителите на Матка велат дека или се работи за стар возен распоред или, пак, се работи за некои сé уште нереализирани новитети.     

- vest=430101030436&id=14&setIzdanie=21972 - извор

Ова е навистина болен проблем за Скопје. Превозот до најголемото природно богатство во Скопска околина е ужас. Се случувало да имам странци на гости и кога ќе прашаат како да стигнат, нема начин.Се надевам дека со тие мини бусови ќе се регулира и превозот до оваа важна туристичка локација


Posted By: axel
Date Posted: 03-May-2010 at 14:13
ЈСП воведува нови линии

http://www.netpress.com.mk/vestiimages/71527/JSP%201.jpg">

Јавното сообраќајно претпријатие “Скопје“ од среда пети мај воведува две нови линии. 4А и 7, 7А, 7Б и 17. Отаму информираат дека линиите се воведуваат  поради задоволување на потребите на граѓаните и зголемување на достапноста на јавниот превоз во градот.
 
Автобусот со број 4А – воведување на линија ќе се обраќа по улица Митрополит Теодосиј Гологанов. Линија број 7, 7А, 7Б, 17 – промена на трасата на линија број 7 и тоа: почетна станица наместо населба Лисиче ќе биде село Горно Лисиче и возилата ќе се обраќаат до Карпош III. Возилата кои до сега работеа на линија 7А ќе бидат префрлени на линија број 7 и ќе се обраќаат до Карпош три. Истовремено, линијата 7Б се засилува со уште едно возило.
http://www.netpress.com.mk/vest.asp?id=71527&kategorija=1


Posted By: гитардемон
Date Posted: 05-May-2010 at 01:16

Нови линии во јавниот превоз

Јавното сообраќајно претпријатие „Скопје“ воведе нови линии и изврши промена на трасите на некои од постојните линии. Новините во работењето на претпријатието почнуваат од денеска.

Воведена е линијата број „7А“, која ќе сообраќа по улицата Митрополит Теодосиј Гологанов. Како што информираат од ЈСП, оваа линија се разгранува од првичната, а терминалот, односно почетна и крајна станица ќе биде во Усје.

Извршена е промена на трасата на линијата број „7“, со тоа што почетната станица наместо населба Лисиче, ќе биде селото Горно Лисиче, а автобусите ќе сообраќаат до Карпош 3.

- Возилата што досега работеа на линијата „7А“ ќе бидат префрлени на линијата број „7“ и ќе сообраќаат до Карпош 3. Истовремено, на линијата „7Б“ ќе се вклучи уште едно возило - соопштуваат од ЈСП.

Исто така, ќе се продолжи трасата на постојната линија број „22А“, со тоа што терминалот од населбата Даме Груев ќе се дислоцира во Волково.

Ќе се воведе и нова линија број „18А“ за да се намали времето на патување на граѓаните од месната заедница Визбегово, во Општина Бутел, кои гравитираат кон Општина Шуто Оризари или Општина Чаир. Оваа линија свечено ќе биде пуштена во употреба денеска во 14.15 часот во Визбегово.

- Дефинирањето нови линии во јавниот превоз и промената на трасите се извршени со цел да се задоволат потребите на граѓаните и да се зголеми достапноста на јавниот превоз - велат од ЈСП.

Од Јавното сообраќајно претпријатие „Скопје“ информираат за уште една новина во работењето. Автобуското стојалиште кај продавницата на „Југодрво“, ќе биде преместено стотина метри подолу, пред Олимпискиот базен. Оваа промена е воведена на барање на граѓаните, но и поради подобра искористеност на просторот на автобуското стојалиште.


http://dnevnik.mk/?ItemID=9374531A254C0A45A278C74A2CA22D61 - http://dnevnik.mk/?ItemID=9374531A254C0A45A278C74A2CA22D61



-------------
Arguing on the internet is like running at the special olympics. Even if you win, you're still retarded.


Posted By: BOJAN
Date Posted: 19-May-2010 at 15:46
Со завршувањето на Илинденска, мислам дека е редно да се пушти уште една градска линија по таа улица.

Мислам дека би било добро по Илинденска да поминува линијата 12, која што сега оди од Саем до Езеро Треска. Мој предлог би било да врти по новиот мост кај Саем да оди по улицата кај Народна банка, Олимписки базен, Рекорд и преку главната пошта и владата да се вклучува по Илинденска.

На тој начин, граѓаните што живеат на Илинденска би добиле нова линија кон Ѓорче и Центар, а и линиите 2 и 12 не би ја возеле истата траса.


Posted By: гитардемон
Date Posted: 22-May-2010 at 15:03
Абе пред една недела видов автобус (меѓуградски, висок) од некојси Пеце Транс, Ѓоко Шпед или Јошка Туризам (или некое такво бош име), кој имаше табла TAV и пишуваше Skopje - Skopje Airport. Можно е ТАВ да почнал некоја линија до аеродромот, или ова бил само слободен превоз (случаен превоз както казват българите Laugh) до аеродромот за некоја организирана делегација на ТАВ? Има некој нешто видено? Сепак имаше ознака TAV напред, и нивното лого. 


Posted By: BOJAN
Date Posted: 27-May-2010 at 09:15
Има организиран автобуски превоз до скопскиот аеродром уште пред неколку години, го имам видено на релација Сарај-Аеродром Скопје, мислам дека компанијата се вика Интернешнл Трејд или Транс, со тоа што се работи за високотуристички автобуси.

Она за кое зборуваме е Скопје да добие една линија воспоставена од ЈСП, која би требала да има сопствен возен ред, број на линијата и цената на картите која би била до 30-40 денари во еден правец, како и сите приградски линии.


Posted By: Sale SK
Date Posted: 28-May-2010 at 23:17
Овој автобус за кој што зборувате е за превоз вработените на Аеродром А.М.,а не за обични патници.За патници превоз сеуште нема.


Posted By: Cifra
Date Posted: 21-Jun-2010 at 22:38
Originally posted by BOJAN

Со завршувањето на Илинденска, мислам дека е редно да се пушти уште една градска линија по таа улица.

Мислам дека би било добро по Илинденска да поминува линијата 12, која што сега оди од Саем до Езеро Треска. Мој предлог би било да врти по новиот мост кај Саем да оди по улицата кај Народна банка, Олимписки базен, Рекорд и преку главната пошта и владата да се вклучува по Илинденска.

На тој начин, граѓаните што живеат на Илинденска би добиле нова линија кон Ѓорче и Центар, а и линиите 2 и 12 не би ја возеле истата траса.

Бојан идејата ти е одлична  Applause
Да се собереме да испратиме нешто официјално до јсп, можда ќе ја разгледаат идејата


Posted By: axel
Date Posted: 16-Aug-2010 at 15:03

Следната недела ќе се одлучува за линија Скопје-аеродром „Александар Велики“

Автор: http://www.makfax.com.mk/_user/361/profile - Бојана Стојчевска
16 август 2010, 15:16
Извор: Макфакс

Директорот на Јавното сообраќајно претпријатие „Скопје“ (ЈСП), Мишо Николов, следната недела ќе се сретне со претставници на турската фирма „ТАВ“, која го зема под концесија аеродромот „Александар Велики“ за да се договорат дали патниците до него ќе ги превезува „ТАВ“ или ЈСП.

Николов вели дека ако турски ТАВ одлучи дека не им е исплатливо да воведат автобуска линија, ЈСП тоа ќе го направи.

„Сакам на нашите граѓани кои немаат сопствени возила да им се олесни пристапот до аеродромот. Според пресметките за да се воведе оваа линија потребни ни се два автобуси и тоа едниот ќе се вклучува само попладне кога бројот на летовите е зголемен. Планирано е да има неколку станици во Скопје, поточно една во центарот на градот и пред секој поголем хотел како на пример „Александар Палас“. Но, и во случај ТАВ да одлучи да не воведе ваква линија, ние тоа ќе го направиме“, рече Николов.

Тој додаде и дека средбата изминативе месеци се одложувала поради летните одмори, иако беше најавено дека по ова прашање ќе се договараат уште во март годинава.

Иницијатива за воведување на автобуска линија од Скопје до аеродромот „Алексндар Велики“ во март годинава поднесе градскиот советник од ЛДП, Зоран Шапуриќ, кој тогаш напомена дека оваа линија ќе биде доста рентабилна кога би се имал предвид бројот на летови и патници на кои им треба превоз. Тој тогаш рече и дека Скопје е еден од ретките, ако не и единствен главен град во Европа што нема никаков облик на јавен превоз до аеродромот.

http://www.makfax.com.mk/_home/home#114044


Posted By: lslcrew
Date Posted: 16-Aug-2010 at 17:47
Може попуштиле ѕидините на тие што го држат намерно доле транспортот во сите форими и сите дестинации. Кога еднаш ќе се пробие идејава после послено и ќе се отвори вратата за железничка врска.


Posted By: BOJAN
Date Posted: 05-Nov-2010 at 13:26
Дали ЈСП воопшто информира некого при промена на возните редови на автобускиот превоз. Очигледно дека не, бидејќи често користам неколку автобуси што сообраќаат кон Сарај. Поаѓањата на автобусот со број 12 и 32 речиси целосно ги укинаа, а кога сакав да одам на Матка со автобусот број 60 непријатно бев изненаден од промената на временските поаѓања.

Би било упатно ЈСП да пушти соопштение во медиумите дека се воведуваат промени во возниот ред.


Posted By: гитардемон
Date Posted: 05-Nov-2010 at 14:31
На сајтот (барем досега) сум начекал прилично многу известувања. Провери на jsp.com.mk?

-------------
Arguing on the internet is like running at the special olympics. Even if you win, you're still retarded.


Posted By: Cloverstack
Date Posted: 03-Dec-2010 at 04:36
СО ОДЛУКА НА ГРАДОТ
Пуштен автобус 57 А

Нова автобуска линија 57А ќе се воведе на релација од Радишани до зградата на поранешниот Дом на печат и во обратната насока. Одлуката се усвои на последната седница на Советот на Град Скопје, а, според образложението, линијата се воведува на барање на група граѓани, кои живеат на подрачјето на новоизградената улица 18, во населбата Радишани. Од ЈСП „Скопје“ информираат дека постојната линија 57 ја минува релацијата од црквата во Радишани до населбата Козле.

http://vreme.com.mk/DesktopDefault.aspx?tabindex=0&tabid=1&EditionID=2183&ArticleID=152636
http://vreme.com.mk/DesktopDefault.aspx?tabindex=0&tabid=1&EditionID=2183&ArticleID=152636 -


Posted By: BOJAN
Date Posted: 15-Dec-2010 at 10:38
Јас имам еден предлог, наместо да ги збунуваат граѓаните и да воведуваат 57а, 2а, 7б... мислам дека би било подобро да се воведат целосно нови линии, на пример наместо автобусот 2а од Сарај до Железара, истата линија да се пренумерира во 1, линијата 7б да се пренумерира во 6-ка и слично.

Многу лица што патуваат со автобус ја гледаат само бројката, а не е сеедно дали ќе се симнете кај Дом на печат или во Козле или на пример, во Железара или во Автокоманда.


Posted By: mitatos
Date Posted: 15-Dec-2010 at 13:29
Во право си за ова Бојан свакати част =) тотално те подржувам.
и ја сум имал збунки на времето кога идев во школо хехе


-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: FoSsiL
Date Posted: 15-Dec-2010 at 14:41
И јас се согласувам. Неколку пати ми се има случено ова. Од сабајле за на школо божем порано да одам да се напијам кафе. И дојдов со 5 на Рекорд. Идеше една 7б, а мене ми се виде како 7, па сум брзал од Дом на Печат до Соборна. И ништо од кафето.

После во 3б се имам зезнато, јас дека живеам во аеродром близу мзт салата, често пати наместо да се симнам од 3 кај бисер, продолжувам до пред зграда. Ама ова 3б врти десно на раскрсницата кај мостот близнак, па еднаш се враќав од негде после самолонот на Мак ауто стар до дома. За глупости.

Ако ништо друго нека ги направат позабележителни.


-------------
Македонија - Земја на чудата!


Posted By: Cloverstack
Date Posted: 15-Dec-2010 at 14:56
И јас се согласувам со Бојан, таков систем повеќе ми фаќа око. Но сепак не губете од вид дека ако конечно се воведат електронски дисплеи со стандардизирана содржина, ќе бидат многу повидливи и почитливи од разноразните шперплочи и картони на кои досега ги читаме броевите на автобусот.



Posted By: BOJAN
Date Posted: 15-Dec-2010 at 18:37
Убави искуства, мене еднаш ми се има случено ваква случка со линијата 2а, за среќа немав многу за пешачење низ Автокоманда.


Posted By: Djole88
Date Posted: 16-Dec-2010 at 21:19
Одличен предлог, мислам дека може и официјално писмо да испратат некои од администраторите на форумот. Може да се пушти тоа писмо и да се каже дека ние како форум кој го следи вклучително и градскиот превоз, сме дале таков предлог. Само проблем би било учењето на „новите бројки“ односно новите линии


Posted By: Cloverstack
Date Posted: 10-Jan-2011 at 14:59

Нова линија до Злокуќани

По барање на вработените од приватната болница „Систина“, Јавното сообраќајно претпријатие „Скопје“ планира да пушти нова автобуска линија. Најверојатно, таа ќе биде со број 21а и ќе сообраќа од Транспортен центар до Злокуќани. Попатно линијата ќе поминува низ централното градско подрачје и потоа ќе поминува покрај „Систина“, па ќе продолжи до Злокуќани. Предлогот за пуштање на оваа нова автобуска линија се' уште не е поминат пред Советот на Градот и најверојатно пред советниците ќе се најде уште на првата наредна седница, вели Мишо Николов, директорот на ЈСП. (Сн.К.)

http://www.utrinski.com.mk/?ItemID=12D43937C029CB48A8DA6EB70DB9ED54 - http://www.utrinski.com.mk/?ItemID=12D43937C029CB48A8DA6EB70DB9ED54


Posted By: pbanks
Date Posted: 10-Jan-2011 at 15:28


Имаше ли до сега било каков јавен превоз до Злокуќани? Таму живеат не така малку луѓе...


Posted By: Cifra
Date Posted: 11-Jan-2011 at 01:08
Мислам автобус број 21 оди до таму, ама преку Влае. А не сум сигурен ама мислам порано имаше и линија број 18 која имаше последна станица баш некаде кај систина.


Posted By: BOJAN
Date Posted: 11-Jan-2011 at 14:56
До Злокуќани сообраќа автобусот 21, ама преку Влае, а не преку Систина. Во близина на Систина сообраќа автобусот 18 кој оди до Визбегово. Всушност, ќе биде голема грешка ако го пуштат 21а кон Злокуќани, а не кон новата индустриска зона позади Зајчев рид бидејќи ниеден автобус не сообраќа натаму, а има голем број на граѓани што таму работат.


Posted By: axel
Date Posted: 04-Feb-2011 at 18:46
Од понеделник нова автобуска линија 21-А во Скопје

петок, 04 февруари 2011
 
ЈСП-Скопје од понеделник воведува нова автобуска линија со број 21-А, што ќе оди од Транспортниот центар до селото Злокуќани и обратно
 

 
 
Како што соопшти Град Скопје, автобусите на ЈСП-Скопје ќе сообраќаат по трасата - од булеварот „Кузман Јосифовски - Питу“, булеварот „Кочо Рацин“, улиците „11 Октомври“, „Димитрие Чуповски“,„Даме Груев“, булеварот „Партизански одреди“, булеварот „8-ми Септември“ и улицата „Скупи“. Во обратна насока, возилата ќе се движат по истата траса.

Граѓаните возниот ред можат да го погледнат на веб-страницата на ЈСП-Скопје www.jsp.com.mk.

http://www.kirilica.com.mk/vest.asp?id=62703


Posted By: BOJAN
Date Posted: 04-Feb-2011 at 23:24
Би било убаво ЈСП да својата страница да објави каков е исходот од воведувањето на новите линии: 4а, 18а, 22а и др., мене ми се чини дека поголем дел од овие линии се нискорентабилни, барем според бројот на патници што се вози во нив, со исклучок на линијата 2а. 


Posted By: lslcrew
Date Posted: 15-Mar-2011 at 15:48

http://www.kurir.mk/republika/skopje/22474-JSP-so-nova-linija-na-relacija-Novo-Lisice-%E2%80%93-Karpos-4 - ЈСП со нова линија на релација Ново Лисиче – Карпош 4

 

Новата автобуска линија 15 А од утре ќе почне да сообраќа на релацијата Ново Лисиче - Карпош 4, соопшти Јавното сообраќајно претпријатие - Скопје.

jsp-240
Новата автобуска линија ќе сообраќа по булеварите „Јане Сандански“, „Кочо Рацин“, улиците „Димитрија Чуповски“ и „Даме Груев“, булеварите „ВМРО“ и „Илинден“, улицата  „Манапо“ во населбата Карпош 3, по булеварот „Партизански одреди“ и улицата „Љубљанска“.

http://www.kurir.mk/republika/skopje/22474-JSP-so-nova-linija-na-relacija-Novo-Lisice-%E2%80%93-Karpos-4


Posted By: FoSsiL
Date Posted: 15-Mar-2011 at 15:51
Најс. Се надевам дека со неа ќе се зголеми бројот на автобуси кои сообраќаат натаму. Дали била 15, или 15а, мене не ми прави проблем. Само нека ги има почесто. Се надевам дека поради новава линија 15ката нема да изгуби од возниот парк.

Дали била Партизанска или Илинденска, Карев и така се наоѓа во измеѓу.


-------------
Македонија - Земја на чудата!


Posted By: FoSsiL
Date Posted: 15-Mar-2011 at 15:55
Од ЈСП:

ЈСП СКОПЈЕ ги известува своите корисници дека од (вторник) 15.03.2011 год. дел од автобусите од редовната линија 15 ќе возат со ознака 15А по бул. Илинден.
Трасата на движење е следнава: од почетна станица во Ново Лисиче до плоштад Рекорд автобусите ќе сообраќаат како и линија бр. 15, потоа продолжуваат десно по ул. Даме Груев и бул. ВМРО(Пошта 1), лево по бул. Илинден, ул.Манапо (Карпош 3), бул. Партизански Одреди и ул. Љубљанска (терминал на лин. 15 и 19 во Карпош 4).
Во обратна насока ќе се движат по ул. Љубљанска, бул. Илинден, бул. ВМРО, ул Даме Груев, ул. Димитрие Чуповски, а од Плоштад Рекорд продолжува коко и линија бр.15 до Ново Лисиче.


Толку од надежда дека ќе има повеќе автобуси.

Туку можеби најдобро би било веќе кога пуштаат нова линија, освен новина дека ќе вози по Илинденска, нека направат да вози и по Авној па после кај Мајчин дом да се приклучува на Јане Сандански.



-------------
Македонија - Земја на чудата!


Posted By: Тркало
Date Posted: 15-Mar-2011 at 17:58
Ова по би изгледало како редуцирање на линијата


Posted By: Sykes
Date Posted: 15-Mar-2011 at 18:18
Броевите на линиите мора веќе еднаш да се средат. Еден “мал“ пример со линијата 65:

65 обична, обраќа на 2-3 часа, релација Т.Центар-Раштак.
65в, Стајковци, на околку 10 минути.
65в, Инџиково. Нема врска со Стајковци. Оваа линија е отприлика на час и половина.
65в, Црешево, поминува низ Стајковци, и обично се разликува по тоа што носи напред едно картонче на кое со пенкало пишува ЦРЕШЕВО. Обично врти на секој час.
65А, Страчинци. 4 пати дневно.
65Б, Смиљковци/Виниче.

А автобусиве едноставно ни изобилуваат со информации...


Posted By: se_manda
Date Posted: 16-Mar-2011 at 12:04
непотребна глупост е ова со 15а... наместо да го зголемат бројот на возила за време на шпицови они пуштаат нова линија. исто мора да престанат да ставаат букви на броевите. што им фали нов број да воведат? или олд скул таблите се преголем трошок Roll%20eyes


Posted By: lslcrew
Date Posted: 16-Mar-2011 at 15:58

Шапуриќ - Скопје е единствена метропола во Европа без јавен превоз до аеродром

Скопје, 16. март 2011 (ИНПРЕС)
извор: Инпрес фото: архива

Воведувањето на автобуски превоз до „Александар Велики“ би им го олеснило превозот на граѓаните до аеродромот, смета  Зоран Шапуриќ, координатор на советничката група на ЛДП во Советот на град Скопје.

Шапуриќ вели дека Скопје е единствената метропола во Европа која нема јавен превоз до аеродромот.

- Градоначалникот и претставниците на ЈСП посочија дека е потребно да се разгледаат повеќе варијанти за реализирање на автобускиот превоз, да се добијат дозволи од Министерството за транспорт и врски и да се испита дали постои интерес кај операторот на аеродромот „Александар Велики“, турската компанија ТАВ, за воведување на автобуска линија. Досега е јасно дека ТАВ не е заинтересиран за овој предлог, поради што автобуската линија би можела да завршува пред паркингот на аеродромот, што е на само педесетина метри од зградата на аеродромот“, вели Шапуриќ.

Според него, превозот до аеродромот би можел да се организира комбинирано со автобуска линија преку автопатот или со приградска линија, или пак, во двете варијанти. Превозот до аеродромот, вели Шапуриќ, не би му носела загуби на ЈСП, туку напротив би била рентабилана особено ако се има предвид постојаното зголемување на бројот на патниците на аеродромот „Александар Велики“.
http://www.inpress.com.mk/default.asp?ItemID=2066CFDF267B434B8897DCDCC3A5143D



Print Page | Close Window