Ако овде се носат опасни производи, тоа значи дека некој во синџирот на трговија помеѓу Кина и Македонија ги нарачал таквите производи за да заработи повеќе пари, вели Калио

Јука Калио, тим-лидер на проектот „Техничка помош за пазарен надзор“, во Македонија е од февруари годинава и се надева дека пред да замине во октомври ќе почне да функционира предвидениот специјален тим од инспектори кои ќе ја проверуваат безбедноста на производите кои се увезуваат и произведуваат во земјава. Калио бил директор во финското министерство за економија и учествувал во подготовката на националните стратегии за надзор на пазарот во Естонија, Хрватска и во Турција.

Тој смета дека во Македонија треба уште многу да се направи. Според него, легислативата е во ред, но недостасува вистинска имплементација на законите. Во овој проект соработуваме со Државниот пазарен инспекторат и со Министерството за економија, каде што организиравме обуки за инспекторите. Со знаењата што ги стекнаа тие ќе может да вршат контрола на пазарот на индустриски производи, како што се машини, електрична опрема, градежни производи. Инспекторите треба да соработуваат со производителите и со увозниците за да ги информираат за барањата за сообразност на производите со стандардите на ЕУ, кои се нови за Македонија.

Откако ќе ги разменат информациите, ќе треба да ги контролираат производите. Ние предложивме нов вид организација на Државниот пазарен инспекторат, каде треба да се формира посебна единица за безбедност на производи. Треба да се смени и начинот на организација на инспекторатот. Оваа промена е одобрена од Министерството во април, но поради политичката ситуација се' уште чекаме реализација. Се надевам дека оваа единица ќе профункционира пред да заминам од Македонија, иако е тешко да се случи тоа.

ПРЕДИЗВИК ЗА ИНСПЕКТОРИТЕ

* Пазарните инспектори често се критикуваат за неажурност и недоволно контролирање. Што треба да донесе новиот
начин на работа?

- Побаравме меѓународни експерти да ги извршат обуките. Потоа, со Инспекторатот подготвивме нови основни начела за однесување на инспекторите и за тоа како да ги воведат новите методи на работа. Еден од главните проблеми е финансирањето, кој се појавува во секоја земја бидејќи инспекторите не произведуваат, туку се финансираат од државниот буџет.

* Македонија треба да ги прифати европските стандарди.
Што предвидуваат тие?

- „Нов пристап“ е кодираното име за европската легислатива што ги уредува правилата на однесување и проверка на производите, нивната безбедност, влијанието врз здравјето. Значи не станува збор за национална легислатива, туку за заеднички директиви, кои важат за сите членки на ЕУ. Директивите во оваа област се лимитирани на најважните безбедносни потреби. Порано тие беа облигаторни и мораше да се применат, но сега се комплетно на доброволна основа.

Тоа се технички услови, кои треба да се исполнат при производство и трговијата за да се гарантира безбедноста на граѓаните. Постојат и стандарди и совети за производителите како да го подготват самиот процес и како да произведуваат според европски безбедносни стандарди, односно да ги применат во пракса условите од директивите. Стандардизацијата на производите е бескрајна приказна бидејќи правилата, а и условите на пазарот, постојано се менуваат и подобруваат. Некои компании секогаш ќе пробуваат да ги избегнат безбедносните правила што претставува предизвик за инспекторите.

* Дали тоа значи поголема бирократија или повеќе работа на терен?

- Точно е дека се зголемува бирократијата со толку многу нови правила, но во „Новиот пристап“ стандардите што треба да се исполнат се сведени на минимум. Се пробува да се намали степенот на бирократизација. Имаме искуство од над 25 години со овој т.н. „Нов пристап“, кој и не е така нов. Постои и „Глобален пристап“, кој е постар и има 700 страници безбедносни правила, кои се однесуваат само на тракторите. Затоа во „Новиот пристап“ им се посветени само неколку страни.

ПРОБЛЕМОТ НЕ Е ВО КИНА

* Во Македонија има огромен увоз на кинески производи, кои ретко се проверуваат колку се безбедни за користење. Како да се справиме со оваа појава која претставува глобален проблем?

- Мора контролите од националните институции да бидат поорганизирани. ...

http://www.dnevnik.com.mk/?itemID=314DFDF076343D47992B05E8201A9249&arc=1 - Дневник - Горан Ризаов - 09.09.2008

1. Вкупно надзори ................................................................ 31.618
2. Решенија во управна постапка ......................................... 5.247
 3. Барања до Прекршочна комисија ....................................... 217
 4. Барање до Комисија за посредување ................................... 27
 5. Барања за поведување на прекршочна постапка  ......... 5.040
 6. Одземени производи .............................................. 7.967.181
 7. Одземени пиратски производи-парчиња ....................... 64.420
 8. Поништени пиратски производи-парчиња .................... 10.800
 9. Преставки и пријави ......................................................... 1.632

За приготвување на традиционалните производи, доколку не се од млеко или од месо, нема да биде потребен ХАСАП-систем за безбедност на храната. Овие производи ќе се приготвуваат во услови на добра производствена практика. За оние, пак, од млеко и од месо сè уште не се знае. Иако примената на ХАСАП за нив треба да важи од септември идната година.

Од Дирекцијата за храна објаснуваат дека традиционалните производи не се ставени во Законот т.е. не се дефинирани. Во измените на правилникот со кој се одредуваат санитарно-хигиенските услови што треба да ги исполнуваат сите производители, трговци, угостители и занаетчии што на каков било начин се вклучени во производството и продажбата на храна и пијалаци се предвидело овие производи да се категоризираат како занаетчиски.

- За некои од овие производи ќе се бара добра хигиенска и производствена практика. За друг дел, во кои е и тавче-гравче, ќе се бараат системи базирани на ХАСАП, во согласност со упатствата од македонскиот кодекс за храна. Оние што ги приготвуваат мора да водат евиденција со која се потврдува примената на правилата и се оправдува целта за безбедност на храната – велат од Дирекцијата за храна.

Оттаму додаваат дека измената на правилникот чека потпис од министерот за здравство Бујар Османи. Тој се менува врз основа на владина одлука според која од 1 јануари надлежните инспекциски служби ќе почнат со засилена контрола за примената на ХАСАП-системот. До 1 мај наредната година ќе даваат само опомени за оние субјекти што не почнале со воведувањето на ХАСАП-принципите. Доколку по овој рок системот не биде целосно воведен, инспекторите ќе одредат казни во согласност со Законот, вклучувајќи и затворање на објектите.

Од Управата за ветеринарство, која е задолжена за производите од млеко и од месо, велат дека уште не одлучиле дали и кога ќе бараат ХАСАП за традиционалните производи.

- Во февруари очекуваме да дојдат експерти од Брисел, токму за ова прашање. Траба да ни помогнат да решиме како да се регулираат традиционалните производи. Дотогаш очекуваме Министерство за економија да направи листа на традиционални производи. Ова не е само наш проблем, и Хрватска бара решение како нас – вели Дејан Рунтевски, директор на Управата.

http://www.novamakedonija.com.mk/DesktopDefault.aspx?tabindex=2&tabid=2&fCat=1&EditionID=273&top=1&ArticleID=14435 - НМакедонија - Н.Б. - 25.12.2008

Купувачите треба да носат платнени торби, ранци за повеќекратна употреба или пластични ќеси што веќе ги имаат, а трговците кои нема да ја почитуваат наредбата, ќе добијат парична казна во висина од 6.000 евра

Од први јануари дефинитивно стартува забраната за користење на најлонски ќеси во маркетите и другите продавници, информираат од Министерството за животна средина. Купувачите треба да носат платнени торби, ранци за повеќекратна употреба или пластични ќеси што веќе ги имаат, а трговците кои нема да ја почитуваат наредбата, ќе добијат парична казна во висина од 6.000 евра. Исклучок се ќесите со носивост поголема од 5 килограми, кои ќе се наплатуваат.
- Забраната за употреба на пластични ќеси ја донесовме за да го надминеме проблемот со нивната прекумерна употреба и истовремено да го избегнеме понатамошното создавање на ваков вид отпад кој како неправилно одложен има несогледливо штетно влијание врз животната средина.

Имено, нивното распаѓање трае повеќе стотици години, а доколку се запалат, испуштаат канцерогени материи. Од друга страна, пак, зелените површини, како и езерските и речните крајбрежја се затрупани од пластични ќеси, што е причина за уништување на животинскиот свет, информираше Владо Каровски од Министерството за екологија одговорен за реализација на проектот. Тој појасни дека во изминатиов период оствариле повеќе координативни состаноци со сопствениците на трговските друштва, на маркетите, аптеките, како и со производителите и врз база на сите констатации изготвиле Упатство за начин на спроведување на Наредбата за забрана за употреба на ќеси изработени од пластични маси.
- Со Упатството производителите добија препорака да произведуваат или увезуваат еколошки биоразградливи ќеси, пластични ќеси кои се рециклираат, ќеси за повеќекратна употреба и платнени торби. Препораките за претставниците на трговијата се задолжително да ги наплаќаат пластичните ќеси, или платнените торби, корпите за повеќекратна употреба, како и ќесите од рециклирана хартија, или картонски кутии - додава Каровски.

Еколозите ја поддржуваат акцијата, но предупредуваат за ограничување на употребата на хартиените ќеси, кои иако се еколошки, за нивно производство се сечат дрвја.


Наредбата не се однесува на:
1. Пластични ќеси со капацитет на носење поголем од 5 кг, односно имаат дебелина еднаква на, или поголема од 14 микрони и можат да се употребуваат
повеќекратно и се ставаат во употреба на сметка на купувачите. Ова значи дека продавачите не смеат да даваат пластични ќеси бесплатно, туку мораат да ги наплатуваат, односно да ги даваат на сметка на купувачите. Износот што го наплатуваат продавачите треба да биде сразмерно на, или поголема од вредноста на ќесите. Продавачите не смеат да наплатуваат за ќесата што ја даваат, помала од сумата за којашто ја набавиле истата ќеса.

2. Пластични ќеси за транспорт на производи од текстил, техничка стока, мебел, санитарии, железарии, лекови и помошни медицински производи, садови за домаќинство, сите видови обувки, детски играчки, спортска опрема и слична габаритна стока која не е предмет на секојдневна општа потрошувачка.

3. Пакувања (амбалажа) на производи.

4. Ќеси кои се употребуваат за размерување и пакување на храна и прехранбени производи (зеленчук, овошје, месо, брашно и сличен производ кој на барање на купувачот се размерува и пакува во помала количина) со носивост до 5 килограми. Ако ќесата се користи за размерување и пакување на храна и прехранбени производи во количина поголема од 5 килограми и таа ќеса служи како средство за нивен транспорт, тогаш наредбата се применува и во овој случај.

http://www.vecer.com.mk/?ItemID=0FEBB4D3F3C16C4DA8DEEE420117A8F4 - Вечер - Елизабета АРСОСКА - 18.12.2008

За околу 200.000 граѓани во Македонија не се плаќаат придонеси за пензиско инвалидско и здравствено осигурување Овој податок произлегува од споредбата на податоците на Управата за јавни приходи, кои покажуваат дека се регистрирани околу 450.000 вработени, за кои треба да се платат придонеси и тие на Заводот за статистика, според кои вработени се 620.000 лица. Разликата покажува дека една третина работат во сивата економија. Повеќе извори потврдуваат дека токму вработувањата на црно се причина за разликата во бројките за евиденција на вработените меѓу Заводот за статистика и Фондовите за пензиско и за здравствено осигурување. Властите наведуваат дека со воведувањето на новиот систем на бруто-плата точно ќе се знае реалната бројка на вработени.

Заводот за статистика во своето последно соопштение вели дека бројот на вработени во третиот квартал од 2008 година изнесува околу 620.000 лица, што е 67 отсто од работоспособното население, а 33 отсто се невработени. Од друга страна, податоците на Фондот за ПИОМ, по кои се води Управата за јавни приходи при пресметката на бруто-платата, покажуваат дека се регистрирано околу 450.000 вработени за кои треба да се платат придонеси за пензиско и инвалидско осигурување. Според портпаролот на Министерството за финансии, Мартин Мартиновски, не се точни шпекулациите дека постои двојна евиденција за бројот на вработени лица.

- Едниот податок е административен, односно од Фондот за ПИОМ. Тој го покажува бројот на лицата за кои се плаќаат придонеси. Другиот податок е добиен преку Анкетата на работна сила на Заводот за статистика. Во неа е опфатен и нерегулираниот дел од економијата. Имено, според методологијата, која се користи во Анкетата на работна сила, а е заснована на меѓународни стандарди, за вработено се смета лице што претходната недела пред интервјуто работело барем 1 час за плата - објаснува Мартиновски.

Според него, со оваа реформа на платниот систем ќе се види реално колку фирми егзистираат во државата и за колку вработени се исплаќаат плати и придонеси.

- Претходно евиденцијата ја водеа повеќе институции што се јавуваа со различни бројки, како Управата за јавни приходи, Фондот за ПИОМ, Фондот за здравствено осигурување и Агенцијата за вработување. Сега се' ќе оди преку една институција, односно преку УЈП и ќе се воведе ред. Ќе се види колку фирми работат успешно и според законите - истакнува Мартиновски.

Со него се согласува и поранешниот-министер за економија, Стевче Јакимовски, кој вели дека Заводот за статистика како вработени ги вбројува и времените работници за кои не мора да значи дека се евидентирани, пријавени и дека за нив се плаќаат придонеси.

- Единствен валиден податок за бројот на реално вработените го има Фондот за ПИОМ - вели Јакимовски. Од Фондот за ПИОМ информираат дека досега се регистрирани околу 450.000 вработени за кои треба да се исплаќа придонеси за пензиско и инвалидско осигурување. Од нив, редовно им се исплаќаат овие давачки на околу 400.000 вработени. Весна Новаковиќ, портпарол на УЈП, вели дека, според податоците на Фондот за ПИОМ, евидентирани се 54.000 даночни обврзници, односно компании, кои треба да поднесат пресметки за над 400.000 осигуреници.

- Со реформата бруто-плата ќе се види колку вработени земаат плата и за колку се плаќаат придонеси. Повеќе нема да постојат разлики во цифрите и точно ќе се знае колку има даночни обврзници, колку пресметки треба да се поднесат, колку плати се исплатени, а колку не, колку средства добил од придонесите Фондот за ПИОМ, колку Фондот за здравствено осигурување, а колку Агенцијата за вработување - вели Новаковиќ.

Директорот на УЈП, Горан Трајковски, седум дена пред воведувањето на реформата на платниот систем излезе во јавноста со податок дека дури 70 илјади осигуреници во Фондот за пензиско и инвалидско осигурување ги нема во Фондот за здравствено осигурување. Разликата од 70.000 осигуреници, според директорот на Фондот за здравствено осигурување, Георги Тренкоски, се јавува поради тоа што повеќе фирми не уплатувале придонес во Фондот за пензиско и инвалидско осигурување за своите вработени, туку само здравствено осигурување. Оваа можност не постои со реформата бруто-плата.

http://www.dnevnik.com.mk/?itemID=703CD5547598F441BEFEFAE6182FDFBD&arc=1 - Дневник - Горан Ризаов - 16.02.2009

Европа вклучи црвено светло за влез на македонските камиони во нејзините зелени зони. Околу 1.300 транспортни возила или 70 отсто од нивниот вкупен број во државата, ќе мора да одат на поправка зашто се од пониската „еуро 3“ класа и испуштаат повеќе издувни гасови од европски дозволените стандарди. За нив не можат да се извадат зелени маркици без кои не можат да влезат во еколошките зони во развиените европски земји. Пристап е дозволен само под услов да платат казна од 40 евра дневно, а со оглед дека растоварот и товарот може да потраат неколку дена, пеналите што ги плаќаат транспортерите се големи.

За Европа да ја подигне рампата, независниот синдикатот на транспортерите „Макамтранс“ почнува акција за надградба на камионите во повисока класа „евро 4“. За таа цел бараат државата да го субвенционира надградувањето на постарите возила. Поправката на едно возило чини околу 5.000 евра, а државата да даде барем 2.000 евра на камион.

- Поради светската рецесија, ние се' помалку имаме работа и воопшто не сме моќни да купуваме возила од „евро 4 и 5“ класа со оглед на тоа дека тие се навистина скапи. Со ова возилата кои буквално не вредат, зашто едно „евро3“ возило сега на пазарот може да се најди за евтини пари, а и не може ни да се продаде, ќе се овозможи да работи како и повисоките класи - објаснува Љупчо Ѓоргиевски, потпретседател на синдикатот на транспортерите.

Официјално барање е испратено до Владата, но одговор се' уште не добиле. Транспортерите сметаат дека помошта би ја чинела државата околу 3 милиони евра. Велат тоа не е голем трошок зашто со нивната работа годишно во Македонија влегува девизен прилив од 60 милиони евра. Акцијата за надградување на возилата ќе се спроведува со помош од Машинскиот факултет за да се изработи соодветен документ за добивање зелена маркичкаа. По ова камионите без проблем ќе минуваат низ Европа.

- Со рецесијата многу ни е намалена работата што се гледа и на дело зашто секојдневно сите паркинзи се полни со камиони. Со надградување ќе ни се намалат и трошоците. Класата „евро 4“ плаќа во овој момент 2,1 цент по километар помалку патарина во однос на „евро 3“ класата. Од следната година тоа ќе биде 4,2 центи - додава Ѓоргиевски. Ваквите мерки европските земји ги преземаат за заштита на домашните транспортни фирми во услови на рецесија, но и за заштита на животната средина постапувајќи ригорозно кон возилата со поголема емисија на издувни гасови. Во Германија камионџиите добиваат парична помош од државата од 3.000 до 5.000 евра за возило.

Глобалната економска криза го намали обемот на работа на македонските транспортери за 70 отсто. Тие имаат и проблеми со наплатата на побарувањата од странство. Од соседните земји кои не се членки на ЕУ, нашите камионџии се први кои поведуваат иницијатива за ваква државана помош во транспортниот сектор.

http://www.dnevnik.com.mk/?itemID=AF8F055CB03F29458B2CCE8D7E7AF446&arc=1 - Дневник - Жанета Здравковска - 03.04.2009

иако за секое шише ќе се најде капаче и обратно, односно кавгата ќе биде избалансира, a се додека некој свиркач одвнатре не ја раскринка и оваа комисија, ко што е Едвард Сноуден за нса [ http://www.dw.de/xkeyscore-a-god-terminal-into-internet/a-16994780 - 1 ] или пак Јозеф Штиглиц за светска банка [ http://www.thebigsellout.org/stiglitz.html - 1

Codex has established safe EMRLs for some POPs and future sessions of the Codex Committee on Pesticide Residues will consider this matter further and eventually decide if these EMRLS are still needed [ http://www.codexalimentarius.org/faqs/specific-codex-work/en/ - 1 ]

~

http://www.activistpost.com/2013/07/codex-alimentarius-permits-wide-range.html - http://www.activistpost.com/2013/07/codex-alimentarius-permits-wide-range.html

[tube]WAk2blRHdNE[/tube]