Hearing loss

Decibel level - Sound

0 dB - Threshold of hearing
20-30 dB - Rustling leaves. whispered voice
40-60 dB - Refrigerator, clothes dryer, normal conversation
70-85 dB - Electric shaver, heavy traffic, train, alarm clock, vacuum cleaner, loud conversation, factory (light/medium work)
90-100 dB - Lawn mower, motorcycle, woodworking shop, subway train, thunder
110-120 dB - Chainsaw, snowmobile, sandblasting, loud stereo
130-140 dB - Live rock concert, firecrackers, gunshot, jet engine
140-190 dB - Space rocket at takeoff

Prevention 
Except in cases of accidental exposure, noise induced hearing loss (NIHL) is preventable! Use common sense A noise should be considered loud enough to produce damage if:

•  You have to shout over the noise to be heard,
•  You experience ringing in the ears;
•  You experience a period of "deafness" in which sounds seem muffled after leaving the sound exposure area;
• The sound 'hurts' your ears or causes a headache. 
  

If you experience any of these warning signs, either discontinue your exposure to the sound or wear adequate hearing protection. 
Hearing protection devices decrease the intensity of the sound that reaches the eardrum. The most common devices are earplugs and earmuffs. Earplugs are small inserts that fit into the outer ear canal. They are available in a variety of shapes and sizes and can be custom made. Earmuffs are held in place by an adjustable head-band and fit over the entire outer ear to form an air seal so the entire circumference of the ear canal is backed. 
Properly fitted earplugs or muffs reduce noise 15 to 30 dB. If worn together, sound can be further reduced by 10-15 dB. That may not seem to be a significant difference, but the decibel measurement of sound is logarithmic, which means that a 30 dB drop is actually a 1,000-percent reduction in sound. However, these devices must be worn continuously and must fit properly in order to effectively protect your ears. Be sure to read the instructions!

На најголем дел од жителите на Скопје им пречи вревата од градилиштата, помал број се вознемируваат од звуците на сообраќајот, а на трето место е вревата од кафулињата и од бучните соседи. Ова се резултатите од студијата која ја спровел Републичкиот завод за здравствена заштита меѓу скопјани, во врска со видот на вревата што кај нив предизвикува најголема вознемиреност и им го нарушува сонот и здравјето. Истражувањето е направено во пресрет на Светскиот ден на вревата, кој се одбележува месецов, а резултатите споредени со тие од другите држави покажале дека Скопје, иако се уште го нема достигнато милионскиот број на жители, по вревата веќе се вбројува во милионските градови. Анализата на податоците покажа дека кај речиси 34 проценти од испитаниците во градот постои умерен степен вознемиреност, кај 13 проценти е забележан висок степен вознемиреност, а кај 53 проценти не постои вознемиреност предизвикана од врева. Во однос на степенот на нарушување на спиењето кај речиси 18 проценти од испитаниците е регистриран умерен степен на нарушување на спиењето, осум проценти имаат големо нарушување, додека останатите имаат мирен сон. Скопје, израснувајќи во главен трговски, економски и деловен центар во Македонија, се соочи и со постојан пораст на комуналната врева. Тоа се должи на зголемениот број моторни возила во сообраќајот, но и на несоодветно урбанистичко планирање на станбените населби. Во градот последниве години се создаваат мешовити индустриско-населени зони со училишни објекти, се градат трговско-забавни центри во густонаселени станбени зони без заштита од ширењето на вревата, како и станбени, училишни и рекреациони објекти покрај фреквентни сообраќајници. - На одредени места се надминуваат граничните вредности и тие, споредени со вредностите на акустичните мапи во различни земји од светот направени до 1990 година, го класираат Скопје во градови со популација со повеќе од еден милион жители “ сметаат од РЗЗЗ. За контрола на вревата е неопходна легислатива, набљудување и мерки за нејзино намалување. Во Македонија прописите се наоѓаат во Законот за заштита од врева во животната средина и подзаконските акти кои се однесуваат на индикаторите на вревата, мерните места и мерните станици и условите кои треба да ги исполнуваат институциите за мерење на бучавата. Донесен е и Правилник за граничните вредности на нивото на бучавата во животната средина.

За пребучните 500 евра казна

Парична казна од петстотини евра мора да плати секој локал, дискотека или кафуле доколку градските инспектори утврдат дека од него се предизвикува врева што ја надминува границата на дозволеното. За раководителите на таквите објекти, казната изнесува околу двесте евра. Парични казни за нарушување на јавниот мир можат да заработат и сите приватни лица од чиишто домови се слуша врева и бучава која излегува од дозволените граници.

Граѓаните што живеат на улицата Македонија, во Дебар маало и во кулите на кејот на реката Вардар мака мачат со гласната музика која секојдневно ечи од кафулињата и од кафеаните кои таму се најмногубројни. Со слични проблеми се соочуваат и скопјани кои живеат во Лептокарија или во близината на ТЦ „Бисер“, но и во други делови од градот. Речиси на секој чекор има отворени тераси и поставени се маси и столчиња на јавните површини пред кафулињата. - Не се живее од вревата. Постојано музика свири од сите страни. Што е најлошо, секое кафуле пушта своја музика и се надгласуваат едно со друго. Ни дење човек не може да одмори, ниту навечер, кога бучавата достигнува кулминација. Вака е секое лето и никој ништо не презема &“8211; вели Елизабета која живее на улица Македонија. Надлежните од СВР Скопје, пак, велат дека секоја година, особено во летниот период, ги казнуваат сопствениците на кафулињата и на кафеаните за пуштање премногу гласна музика, но дека повторно има такви што не ги почитуваат законски предвидените мерки. - Полицијата речиси секојдневно казнува за прегласна музика. Со парична казна од петстотини евра се казнува секој локал, дискотека или кафуле доколку се утврди дека од него се предизвикува бучава што ја надминува границата на дозволеното. За раководителите на таквите објекти, поради тоа што несовесно си ја извршувале работата, казната изнесува околу двесте евра &“8211; објаснува Лиза Бендевска, портпаролка на СВР Скопје. Но освен СВР Скопје, должност да ја следат состојбата со бучавата, според законот, имаат и Град Скопје и општините. Од Градот велат дека Одделението за инспекција на животната средина ја извршува законската надлежност за мерење на бучавата од угостителските објекти и од летните тераси. - За мерење на бучавата, Град Скопје по пат на јавен повик ангажираше фирма за мерење на бучавата. Мерењето се врши по службена должност и по барање на граѓаните, за што се воспоставуваат дежурства од страна на овластената градска инспекција - објаснуваат од Одделението за односи со јавност на Град Скопје. Доколку постои сомневање дека од некој локал се создава преголема врева, надлежните инспектори поставуваат мерни инструменти на повеќе мерни места и на тој ја мерат бучавата. Доколку резултатите покажат дека граѓанинот кој пријавил навистина бил во право и неговото барање за мерење е оправдано, во тој случај трошоците, како и казната за направената штета си ја плаќа прекршителот. Во случај, пак, инспекторите да утврдат дека буката е во рамките на дозволените гранични вредности, тогаш граѓанинот е должен да плати за мерењето. Сепак, од надлежните не дознавме дали и колку локали се казнети за создавањето врева со пуштање прегласна музика. Барем на терен тоа лесно може да се провери. Една прошетка на инспекторите навечер по улицата Македонија веројатно ќе биде доволна за да се утврди дека ниедно кафуле не го почитува законот. За тоа не се потребни ни мерни инструменти, ниту, пак, пријави од граѓаните.

Лудница од гласна музика

На бучавата најчесто се жалеа станарите во строгиот центар на градот, околу Плоштадот и улицата Македонија или Кејот 13 Ноември, но во последно време се почести поплаки доаѓаат од населбите кои беа синоним за мирни места за живеење


Гласната музика од кафулињата, летните тераси и ноќните клубови им го ремети мирот на скопјани. На бучавата најчесто се жалеа станарите во строгиот центар на градот, околу Плоштадот и улицата Македонија или Кејот 13 Ноември, но во последно време се почести поплаки доаѓаат од населбите кои беа синоним за мирни места за живеење. Таква е сликата во Дебар Маало, на Чешма во Кисела Вода, на делови од Водњанска..., на местата каде последниве пет-шест години никнаа нови облакодери. Во новоградбите, по правило, приземјето и првиот кат се наменети за деловен простор, па угостителски објекти како најдоходовни локали никнуваат преку ноќ. Станарите организирани преку куќни совети ги користат сите средства да си го решат проблемот, разговараат со кафеанџиите, пријавуваат во полиција, се жалат во општините, но велат дека резултати нема.
- Права лудница! По цела ноќ трешти музика, а басот од вуферите ми чука во мозок. Спалната соба ми е над кафулето и не помага ни изолација, ни затворање на прозорците... Цела година откако сме вселени во новиот стан на работа одам ненаспана, нервозна. Една моја сосетка се отсели поради тоа - се пожали една станарка од новите згради во Дебар Маало кај слаткарницата Апче.
И жителите од солитерите во ГТЦ со години не знаат што е мирен сон. Се жалат дека од музиката и од силната бучава од кафулињата и летните тераси што се поредени во Трговскиот и на Кејот 13 Ноември не можат ни да спијат, ни да функционираат нормално.
- Неодамна ја мерев бучавата во мојата спална соба која е над едно од кафулињата и таа беше околу 82 децибели што е за двојно повисока од дозволената граница од 40 децибели. Имам несоница, а добив и повишен крвен притисок, сето тоа на нервна база - се жали жител од кулата број 2.
Одговорните од Град Скопје знаат дека бучавата од кафеаните, кафулињата или летните тераси или дискотеките е едан од најголемите проблеми во градов. Токму затоа, велат тие, деновиве почнала построга контрола и мерење на децибелите од угостителските објекти во различен период од денот. Најпрво ќе пишувале опомени а после ќе казнувале.
- Во изминативе шест месеци опомени добиле повеќе од 50 локали, а казнети се 10. Во следниот период ќе има редовни контроли на бучавата во угостителските објекти во различни периоди од денот. Мерењето ќе го врши Фарма хем, фирма која е избрана на тендер. Секој што ќе го повреди законот ќе биде казнет, без исклучок. Ќе се казни секој што ќе го наруши законот - информираат од Градот.
Граничните вредности за нивото на бучавата се прецизирани со Законот за бучава во животната средина со кој се предвидуваат и високи парични казни за прекршителите. Локалите каде градските инспектори ќе констатираат пречекорување на границата ќе се казнат со 500 евра и уште 300 евра за раководителот или вкупно 800 евра.



Бучавата го нарушува здравјето

Акустичен стрес - урбана болест


Експертите велат дека музиката од локалите не може да предизвика оштетување на слухот, но е погубна за нервниот систем. Докажано е дека гласната музика е значаен фактор за предизвикување на нервоза кај луѓето што според лекарите спаѓа меѓу водечките заболувања особено во градските средини. Според податоците од Светската здравствена организација повеќе од 25 отсто од населението во големите градови е изложено на бучава посилна од 65 децибели што сериозно го нарушува сонот и доведува до појава на психосоматски симптоми на акустичен стрес.

Граѓаните немаат сон од бучните кафеани

Вознемирувањето може да се пријави во Градот или во Министерството за животна средина

Сања Наумовска

Рестораните и кафулињата ги отворија летните тераси, а од тогаш скопјани немаат мир. Силна музика, бендови кои свират во живо, врева од гостите, се секојдневен кошмар на луѓето кои живеат во близина на овие објекти. Најстрашно е во Капиштец и во Дебар маало, велат жителите на овие две густо населени населби, каде што кафеанчиња и кафулиња има на секој чекор.

Минатиот викенд без сон останале жители на зграда во Капиштец, веднаш спроти кафеаната „Дуомо“. Признаваат дека живата свирка не траела подоцна од 1 часот по полноќ, но била толку гласна што не можеле око да затворат. Бидејќи многу им се вознемирило и бебето, тие се јавиле в полиција. Но, ни тоа не им помогнало многу.

„Полицаецот ни рече дека човекот вложил многу пари во кафеаната, и сега мора да си ги врати. За гласната музика ништо не преземаа, па ние и нашите деца не спиевме и едноставно чекавме сами да престанат. Тоа се повторува секој викенд, иако и ние и соседите постојано пријавуваме“, вели жител на Капиштец.

Единствено решение за ваквите проблеми, а на кое упатуваат надлежните институции, е пријава до Градот Скопје или, пак, до Министерството за животна средина. Инспекторите ќе излезат на терен и ќе ја измерат бучавата, а за пречекорувањето можат да изречат мандатна казна. Законот предвидува само 500 евра за правно лице и од 100 до 150 евра за физичко лице. Нашиот соговорник и неговите соседите, откако не добиле помош од полицијата, решиле да побараат мерење на бучавата. Но, не се убедени дека казната ќе ги мотивира кафеанџиите да ја стивнат музиката.

Во Министерството за животна средина, пак, информираат дека се казнува секоја бучава над 80 децибели, ако е направена ноќе и во урбана и населена средина. Условите не се толку ригорозни ако се работи за ден и за периферија на град или, пак, за ненаселено место. Мерењето, кое инспекторатот на Министерството го врши по барање на граѓани се спроведува во стан или некаде надвор во близина на локалот кој ја создава бучавата.

„Технологијата овозможува вредностите да се исчитаат веднаш, па казната може брзо да му се врачи на сопственикот на локалот“, информираат во Министерството за животна средина.

И градските власти, по службена должност или по барање на граѓаните, мерат бучава. За таа намена Градот ангажирал фирма која со специјална опрема излегува на терен кога е потребно да се утврди дали некој од локалите го пречекорува нивото на бучава пропишано со закон.

„Во текот на летните месеци, поради големиот број летни тераси и зголемената бучава, инспекторатот спроведува дежурства за мерење на бучавата. Во сите овие активности се соработува со инспекторатот во Министерството, како и со општинските инспектори“, информираат градските власти.

Имајќи го ова предвид може да се заклучи дека се' се сведува само на мерење на бучава. Казни, очигледно, нема, бидејќи ниту во Министерството за животна средина ниту, пак, во Градот одговорија на прашањето колку казни се изречени досега.

Ќе се казнува за гласна музика

Сериозните поплаки на скопјани на гласната музика од кафулињата, особено на станарите во строгиот центар на градот, околу Плоштадот и улицата Македонија, од Кејот 13 Ноември, но во последно време и од населбите кои негогаш важеа за мирни места како што е Дебар Маало, конечно ги разбудилја надлежните. Од Општина Центар информираат дека инспекцијата за животна средина почнала да спроведува редовна контрола на нивото на бучава од угостителските објекти на целата територија.
- За таа цел, ангажиравме овластена фирма да спроведува мерења на нивото на бучава во локалите. Најчесто мерењата се изведуваат во ноќните часови, кога има најголема посетеност на кафулињата и ноќните клубови, а мирот и ноќниот сон на граѓаните е нарушен - информираат одговорните од општината.

Оттаму апелираат до сите угостителски објекти да ги почитуваат пропишаните законски дозволени нивоа на бучава. За станбени реони тие изнесуваат 55 децибели за ден, а навечер на 45 децибели.

За сите прекршители на Законот за бучава се предвидени парични казни во износ од 500 евра на правно лице и уште глоба од 300 евра на одговорното лице во правното лице.
Надзорот во Општина Центар го врши овластен инспектор за животна средина.

(Е.А.)

http://www.vecer.com.mk/default.asp?ItemID=E5FAFECF21313B4188318D0B5CA1242E

Точ­ни­от из­нос на так­са­та сe уш­те не се знае, и ка­ко таа ќе се прес­ме­ту­ва, ќе од­лу­чат гра­до­на­чал­ни­ци­те на скоп­ски­те оп­шти­ни. За­ко­нот пред­ви­ду­ва об­врз­ни­кот да ја пла­ти так­са­та во рок од 15 де­на од де­нот на дос­та­ву­ва­ње на ре­ше­ни­е­то, во спро­тив­но, ќе тре­ба да пла­ти каз­на од 150.000 до 300.000 де­на­ри

Од 50 до 100 ев­ра го­диш­но ќе тре­ба да пла­тат ка­фе­ан­џи­и­те и газ­ди­те на ка­фу­ли­ња­та, ако са­ка­ат да пуш­та­ат му­зи­ка во нив­ни­те ло­ка­ли.
Рам­ка­та за ви­си­на­та на ко­му­нал­на­та так­са е ут­вр­де­на спо­ред За­ко­нот за ко­му­нал­на­та так­са, до­не­сен уш­те во 2004 го­ди­на. Во од­лу­ка­та стои са­мо де­ка си­те угос­ти­тел­ски об­јек­ти тре­ба да пла­ќа­ат так­са за пуш­та­ње му­зи­ка и ис­та­та ќе се дви­жи од 3.300 до 6.700 де­на­ри. Но не се об­јас­ну­ва од што ќе за­ви­си и ка­ко ќе се прес­ме­ту­ва кој ло­кал кол­ка­ва так­са ќе пла­ќа. Тоа ос­та­ну­ва да го од­ре­дат гра­до­на­чал­ни­кот на Град Скоп­је и гра­до­на­чал­ни­ци­те на дру­ги­те оп­шти­ни.
"Гра­до­на­чал­ни­ци­те на оп­шти­ни­те во Гра­дот Скоп­је и гра­до­на­чал­ни­кот на Гра­дот Скоп­је со ре­ше­ние ќе ја ут­вр­дат ви­си­на­та на так­са­та во го­ди­шен из­нос и ќе го за­дол­жат об­врз­ни­кот да ја пла­ти так­са­та во рок од 15 де­на од де­нот на дос­та­ву­ва­ње на ре­ше­ни­е­то. До­кол­ку тоа не го сто­ри во пред­ви­де­ни­от рок, каз­ни­те из­не­су­ва­ат од 150.000 до 300.000 де­на­ри", стои во од­ред­би­те на За­ко­нот за ко­му­нал­на­та так­са.
Спо­ред не­о­фи­ци­јал­ни ин­фор­ма­ции, во Гра­дот ве­ќе се ра­бо­ти на ут­вр­ду­ва­ње на ви­си­на­та на так­са­та и ка­ко таа ќе се прес­ме­ту­ва, оти на ова гле­да­ат ка­ко на до­бар на­чин за пол­не­ње на град­ска­та ка­са. Нас­ко­ро пред­лог - це­на­та ќе би­де ста­ве­на на дне­вен ред на сед­ни­ца на Со­ве­тот на Град Скоп­је.
Од ка­би­не­тот на гра­до­на­чал­ни­кот ги не­ги­ра­ат вак­ви­те ин­фор­ма­ции, твр­деј­ќи де­ка во мо­мен­тов не се раз­мис­лу­ва за спро­ве­ду­ва­ње на за­кон­ска­та об­вр­ска за так­са за му­зи­ка.
"Тоа бе­ше са­мо ед­на од пред­лог-точ­ки­те на гра­до­на­чал­ни­кот Тра­ја­нов­ски. Так­са­та не е не­го­ва иде­ја ту­ку об­вр­ска про­пи­ша­на со За­ко­нот. Во мо­мен­тов не се раз­мис­лу­ва за спро­ве­ду­ва­ње на так­са­та", ве­ли Не­дел­чо Крс­тев­ски, пор­тпа­рол на Град Скоп­је.
Из­ја­ва­та на гра­до­на­чал­ни­кот Ко­це Тра­ја­нов­ски пред де­се­ти­на де­на де­ка ка­фе­ан­џи­и­те ќе тре­ба да му пла­ќа­ат так­са на Гра­дот ако са­ка­ат да пуш­та­ат му­зи­ка, ка­фе­ан­џи­и­те ја до­че­каа на нож. Тие сме­та­ат де­ка уш­те ед­на да­вач­ка кон Гра­дот фи­нан­си­ски ќе ги униш­ти. Но ос­вен ка­фе­ан­џи­и­те, за спро­ве­ду­ва­ње­то на так­са­та ток­му во овој мо­мент не­го­ду­ва­ле и дел од гра­до­на­чал­ни­ци­те на Ко­ор­ди­на­тив­но­то те­ло на гра­до­на­чал­ни­ци кои на Тра­ја­нов­ски му су­ге­ри­ра­ле да го од­ло­жи во­ве­ду­ва­ње­то на му­зич­ка­та так­са. Нив­но­то об­раз­ло­же­ние би­ло тоа да не се пра­ви, оти не­о­дам­на се во­ве­де заб­ра­на­та за пу­ше­ње во ка­фу­ли­ња­та и во ка­фе­а­ни­те.
"Е па ај­де да во­ве­де­ме и так­са за воз­ду­хов што го ди­ше­ме. На угос­ти­те­ли­те им се на­не­се го­ле­ма ште­та со За­ко­нот про­тив пу­ше­ње, пла­ќа­ат фир­ма­ри­ни, а се­га, за не­кој ме­сец, и так­са за лет­ни те­ра­си. Уш­те ова им фа­ли. Јас, ако гра­до­на­чал­ни­кот Тра­ја­нов­ски ја ста­ви так­са­та за му­зи­ка на раз­гле­ду­ва­ње на след­на­та сред­ба на гра­до­на­чал­ни­ци­те, ќе би­дам про­тив неј­зи­но­то до­не­су­ва­ње", ве­ли гра­до­на­чал­ни­кот на Оп­шти­на Кар­пош Стев­че Ја­ки­мов­ски.

Градот ќе ќари 100.000 евра

По шпекулациите што се појавија во некои медиуми за наводното воведување комунална такса за пуштање музика во скопските кафулиња, Градот Скопје и градоначалникот Коце Трајановски демантираат дека се планира воведување на таква такса. Тоа беше само една од точките на средбата на Координативното тело на градоначалници на Градот Скопје и на скопските општини, на која што се дискутираа делови од законите за локална самоуправа.

Со ова сакаме да ја известиме јавноста дека Градот Скопје нема намера да воведе комунална такса за пуштање музика во скопските кафулиња и ресторани со што и дополнително би се оптовариле фирмите што вршат угостителска дејност.

Муштериите бегаат од прегласна музика

Инспекторите од Општина Центар лани, од септември до декември, поради бучава казниле осум локали со по 800 евра

Поради прегласната музика во објектите, граѓаните не можат на раат да се напијат кафе или да вечераат ниту, пак, да пазаруваат. Иако Законот за заштитата од бучава е во сила две и пол години, градските и општинските инспектори слабо казнуваат за прегласната музика, па сопствениците на локалите и на дуќаните си продолжуваат по старо.

- Со син ми, кој има една и пол година, не можам да влезам во некои бутици да пазарувам. Иако во нив има и детски оддели, музиката е толку гласна што сметам дека и на тинејџерите им е тешко. Не знам која е поентата во бутик да се пушта музика како да е дискотека. Да не мислат газдите така да ги зашеметат купувачите, па тие да не внимаваат добро што купуваат и колку плаќаат? Не гледам друга причина и затоа таму и не купувам - вели една револтирана скопјанка.

Граѓаните што истрпеле тортура од прегласна музика велат дека особено навечер во некои ресторани е невозможно да се јаде.

- Тоа што не' затече во еден ресторан беше незамисливо! Со пријателите седевме на мала маса, во ресторан на кејот на Вардар. Ај што на масата одвај чиниите ги собра, туку на келнерот цело време моравме да му нарачуваме со викање. За комуникација меѓусебе си читавме од усни. Кога конечно по еден час го напуштивме ресторанот, бевме засипнати од викање, а седевме едни до други. Ушите ни беа затнати, а дома цела ноќ не заспав од тахикардија - вели скопјанецот Д.Т.

Општина Центар, каде што граѓаните најмногу се жалат на гласна музика и прекумерна бучава, велат дека лани спровеле неколку контроли.

- Во периодот од септември заклучно со 31 декември, казнети се осум локали за бучава. Казните се 800 евра вкупно, односно 500 евра за правното лице и 300 евра за раководното лице. Мерењето го врши овластена консултантска куќа, од каде што извештајот го доставуваат на општинската инспекција за животна средина, а потоа инспекторите го доставуваат на сопственикот на локалот, со налог за казна - вели портпаролот на Општина Центар, Јовица Ацковски.

Од Министерството за животна средина велат дека најчести поплаки за зголемена бучава се однесуваат на гласната музика од кафулињата.

- Според Националниот правилник за бучава во животната средина, граничната вредност во затворени простории како што се и рестораните, треба да изнесува 55 децибели. Тоа е интензитет на бучава што овозможува разбирливост на говорот и не предизвикува вознемиреност кај луѓето. Основно во реакцијата од зголемено ниво на бучава е стимулацијата на автономниот нервен систем, што може да предизвика и зголемување на крвниот притисок. Во секој случај, интензитетот на бучавата не смее да биде повисок од 85 децибели, за да не предизвика оштетување на слухот. Честопати им се случува на луѓето при неколкучасовен престој во просторија со гласна музика да почувствуваат таканаречен слушен замор, односно дупло слушање, ѕунење во ушите. Останува констатацијата дека кај нас не се почитуваат овие гранични вредности, па реагирањето на граѓаните поради нивната вознемиреност, раздразливост, агресивност и склоност кон влегување во конфликт е оправдано - вели Гордана Ристовска, доктор во Републичкиот завод за здравствена заштита.

Од Градот Скопје велат дека нивните инспектори мерат бучава по службена должност или на барање од граѓаните.

- За таа намена и Градот ангажира фирма, која со специјална опрема излегува на терен. Ако по барање на граѓани инспекторите излезат по рестораните и кафулињата и ако утврдат дека е пуштена прегласна музика, односно ако барањето на граѓанинот за мерење е оправдано, во тој случај трошоците и казната си ја плаќа прекршителот. Во случај инспекторите да утврдат дека бучавата е во рамките на дозволените гранични вредности, тогаш граѓанинот е должен да плати за мерењето - велат во Одделението за односи со јавноста на Градот.

Апаратите со кои се мери бучавата овозможуваат вредностите да се прочитаат веднаш, па казната може брзо да му се врачи на сопственикот на локалот.

Марија Тасев

Соседите мора да внимаваат колку се бучни

Со Законот за заштитата од бучава се предвидени казни и за граѓаните, ако премногу им бучат апаратите за домаќинство како оние за чистење, перење и за приготвување храна.

Од Министерството за животна средина велат дека граѓанин ќе може да пријави во Инспекторатот ако на соседот многу му бучи правосмукалката или ако миксерот се слуша и во соседниот стан, па соседот ќе мора апаратите да ги замени со нови, кои помалку бучат или да ги приспособи старите.

Набавен апарат за мерење бучава

Кој стаса крева врева

Инспекторите не се сеќаваат дека казниле некого, иако Законот за бучавата постојано го нарушуваат и граѓани и фирми

Скопје е бучен град. Сообраќајниот метеж, кафулињата, фабричките погони, изведувачите на градежни работи се најчестите вреваџии. Според Законот за бучавата, прекршителите се соочуваат со парични казни од 500 до 2.400 евра, но

инспекторите од неколку скопски општини не се сеќаваат дека казниле некого. Ова, меѓу другото и поради недостигот на валидни апарати за мерење на овој загадувач на животната околина. Тоа го користат несовесни граѓани, но и фирми, кои на штета на здравјето на сограѓаните, не почитувајќи го законски дозволениот максимум. Градат и реконструираат куќи и станови и надвор од дозволениот временски термин за градежни работи - меѓу 7 и 19 часот.

Законот ја третира бучавата што ја создаваат возилата, но ниту еден инспектор не мерел други типови врева што ги вознемируваат граѓаните.

- Според Законот за бучавата, градежните работи во станот можат да траат 8 часа, во периодот од 7 до 19 часот, плус-минус два часа. Кога треба да се интервенира во некој станбен објект, задолжително инвеститорот или тој што ќе создава бучава при работата треба да се договори со куќниот совет за времетраењето на зафатот и задолжително да одреди еден час мирување - вели Сашо Младеновски, инспектор за животна средина во Град Скопје.

Лекарите предупредуваат дека вревата влијае врз менталната состојба на граѓаните која се манифестира со немирен сон и замор. Луѓето изложени на бучава се вознемирени и нервозни.

- Веќе цела недела сум без сон. Ме измори бучавата од околината. Живеам во населбата Аеродром, навикнати сме на потивка животна средина, со многу паркови, на што особено внимаваме кога купувавме стан. Но деновиве сум без нерви, откако соседот од утро до мрак го преуредува станот. Немам ништо против тоа да си го уреди станот, ама неиздржлив е звукот од бор-машините. Ќе морам со мали деца да шетам надвор додека соседот не се заврши, зашто дома не се седи. Не сум пријавила во ниедна инспекција оти не сакам да му наштетам, сепак сме соседи. Но ако потрае, ќе мора да земам апчиња за спиење и за смирување - вели една вознемирена скопјанка, која поради добрососедските односи не се претстави.

Законот предвидува во зона во која има станбени објекти да е дозволена бучава до 50 децибели, што е неколкупати помалку од бучавата што се создава при работа на разни дупчалки, апарати за домаќинство или косилки за трева.

Досега во Општина Аеродром, освен еден исклучок, немало други пријави или поплаки во однос на зголемена бучава од која било причина, велат во општината.

Косат трева, го косат и законот

Дел од граѓаните чии станови се блиску до големи зелени површини се нервозни што косачите на трева уште во раните утрински часови, во 5 часот, прават голема бучава, па им го кршат сонот на скопјани.

Од Градот велат дека работното време на ЈП „Паркови и зеленило“ почнува во 7 часот наутро и демантираат дека нивните работници го кршат Законот за бучавата.

Поради топлото време работниците се на терен порано од вообичаеното, признаваат во Општина Аеродром.

- Сезонските работници, во координација со вработените од ЈП „Паркови и зеленило“, во текот на овие два месеца ги косат зелените површини во раните утрински часови од причина што подоцна надворешната температура расте, маслото се загрева и машините не можат да работат.

http://dnevnik.com.mk/?ItemID=0F30B1C02A98224E957752141D738A7D

Бучавата се мери со невалиден апарат

Според Трајановски, со апаратот што е набавен годинава не можат да им мерат гласност на кафеанџиите и да ги казнуваат, но смета дека сепак има ефект од него, зашто „угостителите не знаеле дека не е валиден“

Градската власт има апарат за мерење на бучавата. Тој е набавен годинава, но не е меродавен за казнување, кажа градоначалникот Коце Трајановски на седница на Советот. Запрашан зошто не се употребува за казнување на кафеанџиите што скопјани ги оставаат без сон, Трајановски рече дека можеби не можат да им покажуваат сила со парични казни, но сепак има ефект, затоа што „угостителите не знаеле дека не е валиден“.

- Најмеродавен апарат за бучава е само тој на Министерството за внатрешни работи - соопшти тој.

Според неговите објаснувања, Градот ќе врши мерења само во индустриските зони, урбаните средини и покрај сообраќајниците, но со цел изработка на карти од кои би се добивале информации. Не работат на повик.

По неговото признание дека со новиот градски апарат не се мери гласноста на музиката од кафулињата, кои на граѓаните им ги кинат нервите секоја вечер и ги оставаат без спиење, членот на Советот, Ѓорѓи Савов од СДСМ, го запраша градоначалникот:

- Состојбата со бучавата е неиздржлива и со години е исто. Во два и пол наутро, кај Зоолошката градина, не се спие ни со затворени прозорци. Напатени сме како граѓани. Како следниот ден да бидеме работоспособни кога како граѓани сме малтретирани со милиони оправдувања - рече Савов. Тој предложи под итно да се изработи програма, која потоа ќе биде образложена на Советот, со цел да се надмине овој проблем.

Трајановски се согласи со обвинувањата на негова сметка, велејќи дека „уште многу треба да се работи за да се доведе во ред бучавата во градот“. Го прифати предлогот да се изработи програма на кој начин во иднина Градот ќе се справува со бучавата и да се вработат повеќе инспектори што ќе ја следат состојбата на терен.

Проблемот со апаратот, пак, на МВР е тоа што доколку граѓаните ги повикаат надлежните да измерат, а притоа се покаже дека нема пречекорување на гласноста, тогаш трошокот паѓа на грб на тој што пријавил.

- Имајќи го тоа предвид, луѓето се решаваат да трпат - потенцираше членот на Советот, Савов.

Од Општина Центар велат дека неколкупати мереле бучава во ноќните часови во Дебар маало. На локалите што го надминувале максимално дозволеното ниво по 23 часот, им врачиле налог за наплата на глоба, која изнесува 500 евра за правно лице, плус 300 евра за одговорно лице во фирмата.

Бучавата е еден од најголемите нерешени проблеми во метрополата. Податоците од Републичкиот завод за здравствена заштита велат дека од континуирани мерења на 14 мерни места, дозволеното ниво на бучава редовно се пречекорува за повеќе од десет децибели. Најголема е бучавата во центарот на градот поради фреквенцијата на возила, на раскрсниците, во индустриските зони и во урбаните средини со кафулиња, ресторани и дискотеки.

Јорданка Ивановска