ВЕЛЕШАНИ СЕ ЖАЛАТ НА ЖЕЛЕЗНИЧКИОТ СООБРАЌАЈ

Повеќе патници, полоши возови

Бројот на патниците од Велес е зголемен за 20 отсто, а со тоа и турканиците во старите и бавни возови

Бројот на патниците во возовите се зголеми, но квалитетот на услугите се влоши. Од Велес со воз патуваат за 20 отсто повеќе граѓани во споредба со истиот период лани. Причина е поевтиниот превоз. Во изминатите 12 месеци имаме пораст на продадените билети за една петина. Најмногу од патниците, две третини, се возат до Скопје, следува Битола, а кон Гевгелија и Кочани е многу мал бројот - велат во железничката станица во Велес. Оваа станица е најфреквентна во земјавам со околу 1.200 продадени билети дневно.

ТУРКАНИЦИ ВО ВАГОНИТЕ

Но, патниците се жалат дека условите се катастрофални поради старите вагони, бавните возови и големите турканици. Најлошо е во понеделник наутро, кога им завидуваме дури и на сардините во конзервите. Толкава турканица е. Има многу патници, па може некој ден да се случи да почнеме да седиме на покривот како во Индија. Не може ни кондуктерот да помине за да ги прегледа билетите - вели Милан Ѓоргиев, кој работи во Скопје.Тој е еден од 400-те патници што користат месечен билет и со години патуваат на оваа релација. Особено е критично во првиот работен ден од неделата, кога во возот од Битола, полн со патници, треба да се качат уште 500 велешани, вработени, студенти и ученици. Тие се прашуваат како ќе биде кога за некоја недела ќе се зголемат температурите. Евроамбасадорот Ерван Фуере, кој во минатата недела патуваше со воз од Велес до Скопје, ги пофали „Македонски железници“ за редовноста, но се пожали на квалитетот на услугата. Возот со кој патував стигна навреме. Но, железничкиот сообраќај и инфраструктурата мора да се поправат бидејќи се особено важни за развојот на земјата - изјави тој.

МАЛКУ ВОЗОВИ

Патниците се жалат и на лошиот распоред на возниот ред бидејќи од осум до 12 часот нема ниту еден воз кон Скопје. Според нив, во тој термин многумина сакаат да тргнат кон главниот град. Велешани бараат и да се изгради санитарен јазол во железничката станица. Постојниот го затворила санитарно-здравствената инспекција во 1999 година. Во ЈП „Македонски железници“ изјавија дека знаат за поплаките од патниците, но не можело ништо да се промени бидејќи просечната старост на возовите била над 20 години. За жал, имаме ограничен број патнички вагони и локомотиви. Со нив треба да одржуваме триесетина линии во земјава, поради што е мошне тешко да ги задоволиме барањата на патниците - велат во МЖ.

Петар Печков

http://www.dnevnik.com.mk/?ItemID=58DE8504A8B68B4EA7EC1978188508CF - Dnevnik

Балтичкиот гигант во железничкиот сообраќај, Скинест Реил сака да инвестира во македонските пруги. Естонската компанија е заинтересирана да се вклучи во изградба на коридорите 8 и 10 како и модернизација на железничкиот парк. Ова на министерот за транспорт му го пренесе претседателот на бордот на Скинест Реил, Олег Осиновскиј:

- Таму каде што има транспорт на стоки секогаш има потенцијал за бизнис. Разбравме дека на железничкиот превоз овде му се потребни многу инвестиции. Ние ќе доставиме наша понуда кога ќе утврдиме што точно се бара од нас.

Вагони стари три декади, недоизградени пруги, милионски долгови, ова е македонската железница денес. Статистика покажува дека и во вакви услови бројот на патници се зголемува. Лани Македонски железници се подели на две претпријатија акционерско друштво транспорт и јавна инфраструктура. Владата ќе бара странски инвеститор само за транспортот.

http://www.netpress.com.mk/vestiimages/32831/zeleznic-grcki-logo.jpg">

Грчките железници се заинтересирани за влез во Македонски железници, дознава Нетпрес. Според нашите извори, грчките железници пројавиле интерес за транспортниот дел на железницата во Македонија.

Во македонските железнички компании досега за ваква опција ниту е разговарано, ниту пак стигнала некаква информација од грчка страна, објаснуваат од раководствата на двете компании од Македонски железници.

Но, освен за ова претпријатие, имало интерес и за купување на македонската шпедитерска компанија “Фершпед“, фирма која е добро позиционирана на Балканот со претставништва во речиси сите земји во регионов, но и пошироко како Бугарија, Србија, Германија и на Косово. Оваа шпедитерска компанија ја зајакнува својата позиција со зголемување на возниот парк.

Сепак, првиот човек на “Фершпед“, Штерјо Наков, во изјава за Нетпрес ги негираше ваквите информации и вели дека досега никој до нив не се обратил со ваква намера.

Во меѓувреме, во Грција под концесија се дава атинското пристаниште Пиреа. Концесијата е на 35 години на кинеска бродска компанија, што треба да изврши модернизација.

Кинеските оператори се во фаза на отворање на големата врата преку Атина-Скопје-Белград со цел да навлезат на европскиот пазар. Токму поради тоа кај кинеските оператори се јавува интерес за транзитниот транспорт на Македонија, а според информациите на Нетпрес веќе имало и состанок на инволвираните и заинтересираните страни во Солун, за да се разгледа ваквата опција.

Полска нуди 20 милиона евра за модернизација на Железничка

Полска сака да ја модернизира „Македонската Железница“. Нуди нови патнички, товарни вагони, шини и опрема во вредност од 20 милиони евра.

Станува збор за стоковен кредит кој Владата на Полска го нуди како одговор на апелот за помош за обнова на железницата, испратен од Македонија пред неколку месеци.

Кредитната понуда стасала денеска и неа треба да ја одобри Министерството за финансии. Во „Македонски Железници“ велат дека се работи за поволен кредит кој е со два до три пати пониски каматни стапки од комерцијалните кредити.

Тврдат дека новото задолжување ќе помогнело да се поднови инфраструктурата и машинеријата на железницата. Ќе се намалел недостигот на товарни вагони, а ќе се подобрела и сликата со застарените патнички вагони.

Во возниот парк и во инфраструктурата на „Македонската Железница“ не се вложува со децении, дефектите на пругите се честа појава, состојбите во овој сектор се далеку зад европското ниво.

Во МЖ велат дека освен до Полска, барања за техничка помош за модернизација се испратени и до железниците на други европски држави.

Катастрофална состојба на возовите

Купеа уништени со графити, вагони без парно греење со смет, тоалети без струја, запустени, нечисти, со изгубен лик. Ова е слика од возовите што се движат по македонските пруги.

„Би требало да се чистат повеќе, оти народ патува. Вагоните изгледаат како да се за стока, за животни. Дури не се ни опишува од што е мизерно. Во ходниците се пуши, немаше место каде да седиме, не можеш да дишеш“, рекоа граѓаните.

Возот е основно средство за превоз во Европа. Кај нас со воз патува оној што мора. Туристи, деловни луѓе - нема.

„Мора со воз, немам пари за автобус“, рече еден граѓанин.

Засега пак, власта нема намера да го обнови возниот парк за патниците. Ќе купи нови 100 вагони, но само за превоз на стока.

„За патничкиот сообраќај ќе видиме, потребно е она што е зацртано во програмата, тоа мора прво да го оствариме, а сето она друго тековно ќе го решаваме“, изјави Косана Мазнова, ВМРО -ДПМНЕ.

Во '90-тата со воз во Македонија патуваа пет милиони луѓе годишно. Пред три години бројот на патници бил пет пати помал.

Во последно време има благ раст, но патниците се жалат на катастрофалните услови кои се пресудни за бројот на патници.

За разлика од кај нас, светски тренд е премин од автомобилски на железнички транспорт, особено сега по поскапувањето на горивата.