Видео камери ќе ги снимаат скопските раскрсници

МВР и Градот Скопје подготвуваат проект за поставување 37 камери на најфреквентните раскрсници

ГОРАН АДАМОВСКИ

Видеокамери ќе ги чуваат скопските раскрсници. Министерството за внатрешни работи и Градот Скопје подготвуваат проект, според кој, најфреквентните раскрсници, булевари, црни точки, како и трите излези и влезови во градот ќе бидат снимани од видеокамери. Реализацијата на проектот е предвидена за крајот на летото, а по Скопје, на ред би требало да дојдат и другите градови во земјава. Колку ќе чини овој потфат засега не е познато, имајќи предвид дека се' уште не е утврдено колку точно камери ќе треба да бидат поставени.

„Проектот е иницијатива на еден од граѓаните, кој учествуваше на неодамнешниот ‘Ден на идеи‘, организиран од Владата. Ние како Министерство го разгледавме, по што оценивме дека станува збор за добар проект, кој, успешно функционира во земјите што го имаат применето“, вели Иво Котевски, помошник-министер за односи со јавноста во МВР.

Проектот е речиси готов и доколку работите продолжат да се одвиваат со предвидената динамика, камерите ќе може да ги гледаме кон крајот на летото. Првично ќе бидат поставени 37 камери на најфреквентните места, популарните црни точки, улици, булевари, како и на трите излези и влезови во градот, односно кај Ѓорче Петров, Автокоманда и кај Блаце. По Скопје, на ред ќе дојдат и другите градови во Републиката.

„Овој проект ќе биде повеќе наменски. Според искуствата од другите земји, тој пред се' ќе дејствува превентивно, особено при минувањето на црвено светло, бидејќи, кога возачите знаат дека се снимани, многу ретко или воопшто не ризикуваат да поминат на црвено. На крајот на краиштата, преку камерите ќе имаме автентични докази при сторените сообраќајни прекршоци или несреќи“, смета Котевски.

Камерите ќе бидат мрежно контролирани во Центарот за автоматско управување со безбедноста и проточноста на патниот сообраќај, кој допрва треба да биде формиран од членови на МВР и на Градот Скопје. Центарот би требало да биде сместен во просториите на Транзитниот центар.

„Проектот многу би помогнал при проточноста на сообраќајот, односно преку Центарот лесно ќе можеме да управуваме и со семафорите, на некој начин би работеле на избегнувањето на сообраќајниот метеж“, смета Јован Христовски, раководител на Секторот за сообраќај на Градот Скопје.

Колку точно ќе чини овој проект се' уште не е прецизирано, бидејќи од МВР очекуваат поддршка и од локалната власт.

„Очекуваме и Градот да излезе со процена каде и на колку места да се постават камерите, а веројатно, и тие ќе треба да учествуваат во реализацијата со некој денар. Според нашите процени, станува збор за исплатлив проект“, велат во МВР, а слично размислуваат и во Градот Скопје. Само за пример, во Софија каде има поставено камери, само од возачи кои поминуваат на црвено светло, а подоцна платиле казни, инвестицијата била исплатена за седум месеци.

Со компјутери против сообраќајниот метеж

Центарот треба да го контролира оптоварувањето на улиците, да ја зголеми безбедноста и да го спречи создавањето тесни грла

Контролата на сообраќајот сега се врши со стари семафори

Проблемите со големиот метеж на скопските раскрсници ќе ги решава центар за управување и контрола на сообраќајот. Тој треба да биде формиран и опремен со компјутерска мрежа во наредниве четири години. За таа цел градските власти, според планот до 2011 година, ќе одвојат 1,7 милион евра. Центарот треба да ги намали трошоците за одржување на светлосната сигнализација, да го регулира сообраќајот според оптоварувањето на улиците, да го намали загадувањето, да ја зголеми безбедноста и да го спречи создавањето на таканаречените тесни грла.

Сегашната контрола и водење на сообраќајот се врши со стари семафори, чии можности за приспособување се ограничени. Во Градскиот комитет за сообраќај објаснуваат дека идниот центар ќе биде опремен со техника која ќе ги диктира сигналните планови - должината на црвените и зелените сигнали ќе зависи од сообраќајно оптоварување на секоја крстосница и тоа во таканаречено „реално време“ преку броење на возилата.

Ваквиот начин на работа треба да ја зголеми пропусната моќ на раскрсниците, да ги намали колоните возила, времето на чекање и другите последици од тоа. Центарот ќе ги контролира и ќе ги поврзува сите раскрсници и ќе им овозможи приоритет на возилата на јавниот градски превоз. Тоа значи дека штом автобус или трамвај ќе се доближи до некоја раскрсница, детекторски уред „ќе му јави“ на контролниот, а тој веднаш ќе го пропушти автобусот. Тоа важи и за возилата на Брза помош, противпожарните, возилата на Армијата и на други служби. Центарот треба да биде целосно готов во 2012 година, но од Градот не ја исклучуваат можноста дотогаш да профункционираат одделни сегменти од него, ако се изработи проект за триесетина раскрсници во централното подрачје.Новата институција би била сместена кај новата меѓуградската автобуска станица, во неискористените простории на галеријата на станичниот објект.

Во зависност од сообраќајното побарување и обемот на сообраќај, како и бројот на возилата, ќе се активираат посебни сигнални планови

Градските власти најавуваат нов, модерен, начин за регулирање на сообраќајниот метеж во метрополата. 50 најфреквентни крстосници ќе се поврзат со оптички кабел и ќе бидат управувани од единствен Центар за контрола на сообраќајот, од каде ќе се следи фреквенцијата, обемот на сообраќај и видот на возилата. Добиентите резултати ќе бидат параметар за времетраењето на зеленото светло.
- Со овој проект ќе добиеме еден флексибилен систем кој ќе овозможува брз проток на возилата на сите тесни грла во градов. Во зависност од сообраќајното побарување и обемот на сообраќај, како и бројот на возилата, ќе се активираат посебни сигнални планови. Всушност, софтверот го регистрира бројот на возилата, памети и за следниот ден го подготвува планот во кој период треба да биде вклучено зелено светло во траење, да речеме од 30 секунди. Семафорите нема да бидат со фиксни програми како досега туку, времетраењето на зеленото светло ќе биде во зависност од тоа колку има сообраќај во дадениот период. Ако, пак, од сите страни има зелено светло, тогаш автоматски се презема стандардниот план - информира раководителот на секторот за сообраќај на Град Скопје, Јован Христовски. Тој информираше дека вакво сообраќајно решение имаат воведено сите поголеми градови во Европа, најмногу оние метрополи каде што нема можност за проширување на постојната сообраќајна мрежа.

Во градскиот буџет има пари за подобрување на сообраќајот

Во тек е реализацијата на проектот за центар за управување со сообраќај

Кастрењето на градскиот буџет не го погоди проектот за следење и управување со сообраќајот. Предвидените 30 милиони денари ќе бидат обезбедени за формирање на Центар за управување со сообраќај, кој ќе се наоѓа под Транспортниот центар. Преку него ќе се собираат и ќе се анализираат сите податоци за сообраќајот на најфреквентните булевари. Центарот ќе следи се' што се случува на улиците и во зависност од обемот и од потребата ќе го регулира сообраќајот преку управување со семафорите. Тоа значи дека траењето на црвеното и на зеленото светло нема да биде фиксно и со исто времетраење на секој семафор и во секој период од денот.

Од Градот информираат дека веќе е набавен и софтверот за управување со сообраќајот, а моментно почнуваат постапки за јавни набавки на останатите компоненти од овој комплексен проект. Исто така, велат од Градот, веќе се работи на инсталирањето на контролерите, со кои ќе бидат опремени 30 раскрсници во градот.

„Деновиве се распишува тендер за набавка на ’интелигентни‘ уреди за централно управување на контролерите. Исто така, се работи и да се започне со постапката за поврзување со оптички кабли на 30 раскрсници на кои се поставуваат контролери. Со ребалансот на буџетот се обезбедени средства за сите набавки и останува и понатаму актуелна идејата контролниот центар да биде сместен во Транспортниот центар“, истакнуваат од Градот.

За овој проект, дел од парите во износ од 328.000 евра беа обезбедени и од проектот „Ренесанс“, финансиран од Европската унија. (С.Н.)

Ка­ме­ри на се­ма­фо­ри­те во Скоп­је

Пр­ви­те ка­ме­ри се пос­та­ве­ни на се­ма­фо­ри­те на ули­ца­та Мит­ро­по­лит Те­о­до­си­ја Го­ло­га­нов кај фаб­ри­ка­та Алу­ми­на

Камери ќе се постават и на дру­ги скоп­ски рас­крс­ни­ци и во дру­ги гра­до­ви низ Ма­ке­до­ни­ја

Долги колони возила, нервозни возачи, лути пешаци, небезбедни мотоциклисти, велосипедисти, гласни сирени, мрсни пцости... вака им започнува и завршува работниот ден на граѓаните кои редовно ја минуваат крстосницата меѓу булеварите Октомвриска револуција и Илинденска

Долги колони возила, нервозни возачи, лути пешаци, небезбедни мотоциклисти, велосипедисти, гласни сирени, мрсни пцости... вака им започнува и завршува работниот ден на граѓаните кои редовно ја минуваат крстосницата меѓу булеварите Октомвриска револуција и Илинденска. Тие се жалат дека во сообраќаен хаос секојдневно заглавуваат по половина час.
- Не дај боже да треба некаде итно да стигнеш! Гужва има преку цел ден, ама во шпицот од 7 до 9 часот и од 15 до 17 часот е лудница. Семафорите траат многу кратко, околу десетина секунди така што реално можат да поминат само три-четири возила. Додека дојдеш на ред треба да го чекаш петтото, шестото палење на зелено светло - се жалат скопјани кои секојдневно ја минуваат оваа крстосница.

Сообраќајниот метеж е редовна слика и на останатите крстосници во градов. Градските власти велат дека интензивно работат на надминување на овој проблем. Во моментов се работи на проширување на неколку сообраќајници, на пробивање на нови коловозни ленти и уште на неколку различни проекти. Еден од нив е воведување на зелен бран на 50 најфреквентни крстосници кои ќе се поврзат со оптички кабел и ќе бидат управувани од единствен Центар за контрола на сообраќајот. Од таму ќе се следи фреквенцијата, обемот на сообраќај и видот на возилата и добиените резултати ќе бидат параметар за времетраењето на зеленото светло.
- Со овој проект треба да се добие флексибилен систем кој ќе овозможува брз проток на возилата на сите тесни грла во градов. Во зависност од сообраќајното побарување и обемот на сообраќај, како и бројот на возилата, ќе се активираат посебни сигнални планови. Семафорите нема да бидат со фиксни програми како досега туку, времетраењето на зеленото светло ќе биде во зависност од тоа колку има сообраќај во дадениот период - информираат од градскиот сектор за сообраќај.

Јулијана Ивановска

Оперативниот центар за електронското набљудување со камери на најпрометните скопски сообраќајници, слично како во големите европски метрополи, кои се поставуваат со забрзано темпо, ќе биде под капа на полицијата. Таа не само што ќе има дигитална снимка за секоја сообраќајна несреќа и за тоа кој е виновникот, туку ќе може навреме да ја активира Итната медицинска помош за да пристигне и да им помогне на повредените. - Со камерите ќе добиеме и можност да забележиме евентуален напад на крстосница, грабеж или бегство на некои возила со што точно ќе знаеме каде да ја насочиме потрагата - велат од полицијата. Од полицијата велат дека со камерите ќе можат без проблем да реагираат и за брзо решавање на најголемиот проблем на Скопје, сообраќајниот хаос што се случува во периодот од денот од 7.30 до 8.30 и 16.30 и 17.30 часот. Камерите ќе регистрираат неправилности во сообраќајот, но можат да послужат и како доказен материјал за други видови прекршоци или кривични дела, кои не се поврзани со сообраќајот. - Овој проект ќе помогне во намалување на сообраќајните несреќи и прекршоци. Направен е според европски методи и во европските градови се практикува веќе со години - вели Иво Котевски, портпаролот за внатрешни работи. Сообраќајниот хаос во главниот град Скопје е веќе епска тема и мора да се најде соодветно решение. - Правилата и прописите во сообраќајот не се практикуваат. Затоа кога би прашале странец што доаѓа во Скопје што мисли тој за сообраќајот, тој, едноставно, ќе ви каже дека не му е јасно како функционира - велат од полицијата. На крстосниците каде што се поставуваат камерите се случуваат најголемите прекршоци каде што секојдневно се игнорираат сите правила и прописи и се прави преголемата нервоза кај возачите, велат од полицијата. Првите знаци на подобрување веќе се покажале. На крстосницата кај „Алумина“ порано процентот на сообраќајни несреќи бил многу голем, но откако е поставена првата ваква камера на оваа крстосницата, бројот на сообраќајни несреќи е драстично намален. - Откако забележав дека има камери, искрено речено, возам повнимателно, знам дека сега полицијата ќе има можност да забележи ако се престројувам непрописно и лесно ќе и биде да ме казни - вели скопјанецот Ангел Мичев.

Зелен бран кај комплексот банки

За десетина дена треба да профункционира зелен бран на семафорите од Комплексот банки до ТЦ „Скопјанка“. Екипите на ЈП „Улици и патишта“ забрзано работат на поставувањето оптички кабел кај Железничка станица со кој треба да се поврзат семафоризираните раскрсници меѓу општините Центар и Аеродром. Доколку дозволат временските услови, работите ќе завршат за седум дена.

Од градската канцеларија за информирање тврдат дека работите околу воспоставување на зелениот бран се во напредна фаза и најголемиот дел од магистралните сообраќајници веќе се физички поврзани.

Останува делот од улицата во Ѓорче Петров да се доповрзе со булевар „Партизански одреди“ и уште неколку помали магистрални краци. Зелениот бран веќе функционира на дел од „Партизанска“, „Илинденска“, „Јане Сандански“, „Гоце Делчев“, „Коцо Рацин“ и „Димитрие Чуповски“.

Сменети се контролорите кои се физички поврзани за инсталирањето на зелениот бран. Поставени се и нови одбројувачи, замените се сите семафори со нови лед диоди, а целиот проект ќе добие на тежина со ставањето во функција на Центарот за управување и контрола на сообраќајот. (Сн.К.)

Семафорите ќе работат на копче

Покрај менување на светлото на семафорите, од овој центар ќе се обезбедува и видеонадзор на колоните возила, а ќе се постават и уреди кои ќе бројат колку возила минуваат по одредени сообраќајници во одреден дел од денот

Камерите нека снимаат, ама казни да не пишуваат

Судот за прекршоци не ги смета видеоснимките како доказ, освен ако не издал налог

ЈП "УЛИЦИ И ПАТИШТА"

Контрола на семафоризирани крстосници во градот

Центарот за управување и контрола на сообраќајот обезбедува  управување и контролата на сообраќајот  преку  собирање на податоци во реално време.

Цели / Иновативни аспекти

Главна цел на оваа мерка е помош во намалување на тешкото загадување и густина на сообраќајот во центарот на Скопје преку формирање на Центар за управѕжување и контрола на сообраќајот.

Мерка
Во моментот постојат слаби протоколи на интеграција и комуникација помеѓу Центарот за управување со сообраќајот и Јавниот превоз. генерално, центарот треба да ги менаџира  VMS, достап до LTZ, да обезбеди централизација на семафори и паркирање, додека PT операторот ги раководи / следи автобусите. Исто така, услугите за патниците подразбираат соодветен систем на пренасочување , систем за телематика и контрола на брзината во зони кои не се безбедни . 
Главна цел на оваа мерка е исто така и намалување на загадувањето и на густината на сообраќајит во центарот на градот. 

Статус на воведување

Оваа мерка ќе се остварува преку: 

    * Фаза на истражување и развој - ревизија на искуството од другите градови, собирање на податоци и анализа, дефинирање и избор на технологијата  опрема, програми и комуникација. 
    * Фазата на имплементација ќе вклучува формирање на Центарот за управување и контрола на сообраќајот, дефинирање на стратегија за контрола на сообраќајот, воведување на контрола во сообраќајот, ставање во функција на опремата, програмите во функција.

- Евалуација - центарот за управување и контрола на сообраќајот и стратегијата мора да бидат тестирани и одобрени. 
- Обука и дисеминација за оперативност на центарот.

(Очекувани) Резултати

Очекуваните резултати со воведување на оваа мерка се: 

    * Намалување на густина на сообраќај
    * Намалување на загадување на воздухот
    * Намалување на потребната ебергија
    * Обезбедување на приоритет на автобусите од јавниот транспорт или на оној кој протежира еколошки возила и начини на транспорт ( велосипеди)

Очекувани цели:

    * Намалување на времето на патување во центарот на градот
    * Зголемување на нивото на услуги кај раскрсниците во центарот на градот 
    * Намалување на емисии на CO, CO2, SO2, NMVOC и SP
    * Намалување на потрошувачката на гориво

http://www.civitas-renaissance.eu/skopje/Intelligent-traffic-management-and-control-in-the-city-centre.html