• Gradnja I. in II. etape hitre ceste skozi Maribor oz. hitre ceste Maribor - Tezno, dolžine 2,7 kilometra, je potekala med leti 1978 in 1979 ter 1980 in 1985; 
• Gradnja III. etape hitre ceste skozi Maribor oz. hitre ceste Pesnica - Maribor, dolžine 4,6 kilometra, je potekala med leti 1987 in 1989, ko je bil odsek predan prometu;
• Zadnji, 2,6 km dolg odsek - t.i. 2B etapa - hitre ceste skozi Maribor, so izvajalci gradili med leti 2000 in 2001. S predajo prometu tudi zadnjega odseka je bila dokončana celotna hitra cesta skozi Maribor.

Трајановски: Булеварот „Македонија“ мора да се гради

И покрај негодувањата на СДСМ за измена на Деталниот урбанистички план за Стара Железничка станица, според кој треба да се изгради долго најавуваниот булевар „Македонија“, скопскиот градоначалник Коце Трајановски цврсто стои на ставот дека тој треба да се изгради.

„Нема да дозволам да не се изгради булеварот „Македонија“. Тој треба да биде шест метри под земја и над него ќе има објекти. За неговата изградба нема да имаме никакви трошоци, бидејќи него ќе го градат инвеститорите кои над него ќе изведуваат други објекти. Тој ќе биде од голема корист за решавањето на сообраќајниот хаос низ градот, а потребни ни се и инвеститори и за делот од објектот на поранешна „Нова Македонија“ кон Карпош“, рече градоначалникот Трајановски.

На вчерашната седница во општината Центар, советниците на СДСМ остро се спротивставија на овој план кој на крајот беше усвоен.

Меѓу оние кои имаа најмногу забелешки беше советникот Јован Тагасовски.

Ју­жниот бу­ле­вар под зем­ја, над не­го згра­ди и тр­гов­ски цен­три

Јуж­ни­от бу­ле­вар ќе се гра­ди пет мет­ри под зем­ја, а на мес­то­то на се­гаш­на­та ули­ца ќе се гра­дат два­е­сет­кат­ни­ци. Оваа про­ме­на е пред­ви­де­на со но­ви­от де­та­лен ур­ба­нис­тич­ки план "Ста­ра же­лез­нич­ка", кој го ус­во­и­ја со­вет­ни­ци­те во Оп­шти­на Цен­тар, по втор пат от­ка­ко пад­на на Ус­та­вен суд, оти бе­ше до­не­сен по скра­те­на пос­тап­ка.

Под­зем­на­та ули­ца тре­ба да ја гра­ди ин­вес­ти­тор, кој за воз­врат ќе го до­бие зем­јиш­те­то над со­об­ра­ќај­ни­ца­та. Град Скоп­је тре­ба да го нај­де ин­вес­ти­то­рот, кој ќе до­бие по­вр­ши­на за град­ба од 213.000 квад­рат­ни мет­ри, ка­де што ќе мо­же да гра­ди стан­бе­ни об­јек­ти, тр­гов­ски и де­лов­ни цен­три. Мак­си­мал­на­та ви­си­на на об­јек­ти­те е 20 ка­та плус при­зем­је, што е ду­ри за 18 ка­та по­ве­ќе од пр­вич­ни­от план, кој пад­на на Ус­та­вен.
За прис­тап до Јуж­ни­от бу­ле­вар ќе се гра­дат и три круж­ни те­ка, и тоа два кај пос­тој­ни­от под­воз­ник на ули­ца­та Би­хаќ­ска и еден на крс­тос­ни­ца­та на Вод­њан­ска со ули­ци­те Же­лез­нич­ка и На­ро­ден фронт.

Пла­нот пред­ви­ду­ва и из­град­ба на тр­гов­ски цен­тар на пар­кин­гот ме­ѓу Му­зе­јот на Град Скоп­је и ТЦ "Рам­стор". Тој тре­ба да би­де со фа­са­да и ви­си­на ка­ко што из­гле­да Ста­ра­та же­лез­нич­ка ста­ни­ца, ко­ја, пак, е пред­ви­де­но да се рес­тав­ри­ра. Пок­рај тр­гов­ски­ цен­тар, из­ме­ни­те на пла­нот пред­ви­ду­ва­ат и из­град­ба на кат­на га­ра­жа зад "Рам­стор". (А.А.)

Облакодери ќе го сардисаат „Јужен булевар“

Потенцијалниот инвеститор ќе има обврска прво да ја изгради подземната сообраќајница

а потоа да гради над неа на отстапените парцели

Комерцијално-деловни објекти, во должина од еден километар, високи дури до 20 ката, ќе се вивнат над „Јужен булевар“ зад Старата железничка станица, на делот што беше предвиден да биде подземна сообраќајница. Ќе се бара инвеститор што ќе биде обврзан прво да го изгради подземниот булевар, а за возврат ќе ги добие парцелите за градба што се над него.

Оваа замисла на општинарите од Центар и дефинитивно доби зелено светло од мнозинството на Советот. Советниците, всушност, по вторпат дадоа виза за планот откако по првата верзија тој беше укинат од Уставниот суд поради скратената постапка на усвојување, иако законските норми кога тој се донесе не го дозволуваа тоа. Сега, Советот дури ја одобри зголемената катност на објектите над булеварот, кои во првичната верзија беа планирани со 16 метри висина и дозволени два ката.

Тоа е, всушност, единствената разлика од првата варијанта на ДУП-от. Со последната усвоена промена, се потврдуваат трите ротонди во реонот на Стара железницка станица. Два помали кружни тека треба да го „негираат“ надвозникот кон Црниче, со едниот ќе се врзат улиците „Мито Хаџивасилев-Јасмин“ и „Кочо Рацин“, а со другиот „Железничка“ и „Бихаќска“. На другата страна на комплексот, пак, сообраќајното решение на планот предвидува да се изгради голема ротонда, која ќе го регулира сообраќајот на раскрсницата на улиците „Јасмин“ и „Железничка“ со „Свети Климент Охридски“, „Водњанска“ и „Васил Ѓоргов“.

И со оваа верзија на планот се предвидува изградба на трговски центар на паркингот помеѓу Музејот на Град Скопје и ТЦ „Рамстор“, чијшто инвеститор ќе има обврска да ја преслика фасадата и висината на Железничката станица, во согласност со конзерваторската основа за дел од реонот. Планот дава можност и за обнова и развој на разрушениот дел на Старата железничка станица, кој практично е испланиран да биде влез во новиот деловно-административен комплекс. (Дс.Т.)

Ако се гради Јужниот булевар во Кисела Вода, ќе мора да се урнат околу 420 ку­ќи и две згради, што е многу ризично и речиси невозможно да се из­ве­де, рече градоначалникот на Кисела Вода Марјан Ѓорчев. Тој тврди дека предвидениот булевар ја кочи Општината во реализација на деталните урбанистички планови и во легализација на диви објекти во на­сел­би­те Градинар и 11 Октомври - бараки.

"Гра­дот мора конечно да покаже проект за овој булевар во нашата Оп­шти­на, за да знаеме што и како е предвидено. Каде ќе поминува, ќе има ли надвозник, премини и кружни текови, и каде? Згора на сe, како што е пред­ви­де­но со Генералниот урбанистички план на Град Скопје, тој ќе урне ку­ќи и згради. Каде ќе им се градат нови станови на тие луѓе? Според мои про­цен­ки, изградбата ќе чини 50 милиони евра, а плус ќе треба да се ре­ша­ва­ат и имотно-правни проблеми што, според мене, многу тешко ќе се слу­чи", вели Ѓорчев.
Од Град Скопје велат дека работат на промена на ГУП-от, а општините кои имаат забелешки, може да ги достават во Градот на разгледување.

Јужен булевар ќе почнува и ќе завршува со кружен тек

mailto:s.jovanova@kapital.com.mk - Соња Јованова

ПОТПИШАН ДОГОВОРОТ ЗА ПОДЗЕМНА СООБРАЌАЈНИЦА КАЈ СТАРАТА ЖЕЛЕЗНИЧКА СТАНИЦА
http://www.skopje.gov.mk/images/Image/Potpisuvanje%20za%20izgradba%20na%20podzemna%20soobrakajnica%20%281%29.JPG"> Градот Скопје денеска /12.03.2012 година/ склучи договор со компанијата „Лимак“ од Република Турција со којшто се уредуваат односите за изградба на подземната сообраќајница во согласност со Деталниот урбанистички план „Стара железничка станица“. Во име на Градот Скопје договорот го потпиша градоначалникот Коце Трајановски, а во име на фирмата „Лимак“ договорот го потпиша Халдун Фират Коктурк, одговорен за Балканот во оваа компанија. http://www.skopje.gov.mk/images/Image/Potpisuvanje%20za%20izgradba%20na%20podzemna%20soobrakajnica%20%282%29.JPG"> -  Компанијата „Лимак“ ќе ја изгради новата сообраќајница под земја, на длабочина од 6 метри. Булеварот ќе биде долг 800 метри и ќе има по три коловозни ленти во секоја насока. Се очекува градежните работи на подземната сообраќајница да почнат за една година. Прво ќе се гради булеварот, а потоа и објектите што ќе никнат над него – објекти за колективно домување, трговски и деловни центри и хотели. Со овој договор практично почнува реализацијата на проектот за Јужен булевар во Скопје. Градот Скопје во наредниов периодот ќе почне да прави проекти за продолженијата на подземната сообраќајница и нејзиното поврзување со булеварот Митрополит Теодосиј Гологанов – рече градоначалникот Трајановски на потпишувањето на договорот. http://www.skopje.gov.mk/images/Image/Potpisuvanje%20za%20izgradba%20na%20podzemna%20soobrakajnica%20%283%29.JPG"> Претставникот на „Лимак“, Халдун Коктурк, објасни дека ова е прв проект на компанијата во Република Македонија. - Компанијата „Лимак“ е еден од најголемите инвеститори во Република Турција, којашто од 1976 година работи со инвестиции во градежништвото, туризмот и енергетиката. Скопје е еден од најкултуролошките градови на Балканот и ние сме сигурни дека со нашата заложба градот уште повеќе ќе се изгради – нагласи Коктурк. Компанијата „Лимак“, според договорот, откако ќе ја изгради подземната сообраќајница има обврска да ја предаде во владение на Градот Скопје.

http://www.skopje.gov.mk/ShowAnnouncements.aspx?ItemID=4877&mid=482&tabId=1&tabindex=0

„Ние имаме помодерни и попрактични решенија за тоа како да го решиме проблемот со сообраќајот во нашата општина, а притоа да не го оштетиме или, пак, да го забавиме развојот во Кисела Вода.“

Ќе го замолам господинот Марјан да не просветли кои се тие решенија.

Можеби треба во друга тема, но не најдов посебна, па еве ја информацијата поврзана со Јужен булевар

ИЗГРАДБАТА НА ПОДЗЕМНА УЛИЦА ЌЕ ГО ИЗМЕНИ СООБРАЌАЈНИОТ РЕЖИМ

Јужен булевар ќе се затвори, а ќе се вози по други улици

Јорданка Ивановска

Откако турскиот инвеститор „Лимак“ ќе ја почне изградбата на трговски центар и хотел, но и на подземна улица зад Музејот на Скопје, во овој дел од градот ќе стапи во сила ново и изменето сообраќајно решение за движење на возилата. Сегашниот Јужен булевар, кој е врска на центарот на метрополата со Kисела Вода и со Аеродром, и обратно кон Kарпош, е предвидено да понира под земја, а тоа значи дека оваа траса за време на реализацијата целосно ќе биде затворена. Поради тоа, очекувано, сообраќајот ќе биде пренасочен по други алтернативни патишта, како што се „Свети Kирил и Методиј“ (поранешна „Јасмин“) и „Јордан Мијалков“ (поранешна „Железничка“).

Од Градот не посочуваат кога точно ќе почнат работите, но лани во март, при потпишување на договорот со „Лимак“, беше кажано дека подземната улица ќе почне да се гради една година по официјализирање на документацијата. Дека почетокот е извесен потврдуваат и неодамнешните настани - претпријатието „Градски паркинг“ доби допис од „Лимак“ да ги тргне рампите од паркиралиштата кај Музејот на Скопје и да го ослободи теренот, поради нивната најава за градење на замисленото. Што се однесува до самиот терен, тој е расчистен уште лани.

Од градското одделение за односи со јавноста потврдија дека Јужен булевар ќе биде затворен додека се гради тунелот и појаснија дека за изработка на проектот за изменет режим е задолжена турската компанија. Тврдат дека с` уште не добиле барање за проект за нов режим од компанијата.

- Сообраќајот во тој дел ќе биде решен со привремен режим, откако ќе почнат градежните активности на инвеститорот. Тој мора да биде одобрен од Градот и од сообраќајната полиција. Инвеститорот „Лимак“ до Градот треба да достави барање со проект за сообраќаен режим на посочената локација, кое ќе биде разгледано од надлежните служби од градската администрација и полиција - објаснија од Градот.

За потсетување, „Лимак“, лани, на јавно наддавање купи државни парцела од 31.929 метри квадратни за околу 201 милион денари. Локациите кај Музејот зафаќаат дел и од постојната надземна улица, која турската компанија на свој трошок има обврска да ја изведе под земја, а потоа да му ја предаде на Градот.

Наши извори од Градот појаснуваат дека движењето по улиците најверојатно ќе се адаптира на градежните работи, па наместо еднонасочен режим, како што е сега, ќе биде востановен двонасочен. Kако сето тоа ќе се одвива на терен и дали постојните профили ќе имаат доволно капацитет да го соберат целиот сообраќај кон Kарпош и Kисела Вода и обратно ќе решат надлежните градски власти.

Подземната улица зад Музејот ќе биде долга 800 метри, со три коловозни ленти во секој правец. Под земја ќе понира шест метри. Според урбанистичкиот план, „Лимак“на купените парцели може да гради хотелски комплекси, комерцијални и деловни простории, ресторани и трговски центри, во висина и до 70 метри.

Во Скопје, освен оваа улица, наскоро се очекува почеток на работите и на втора подземна сообраќајница, и тоа од мостот „Гоце Делчев“ до комплекс банки. Инвеститори се Градот и Владата, а зафатот ќе чини 32 милиона евра. По реализација на овие два проекта, градската власт очекува значително растоварување на метежот во центарот на Скопје.