Print Page | Close Window

Трамвај Скопје ( Лесна железница / LRT )

Printed From: build.mk
Category: Главни теми
Forum Name: Јавен превоз
Forum Discription: Автобуски, трамвај, ЛРТ, метро, тролејбус...
URL: http://www.build.mk/forum/forum_posts.asp?TID=50
Printed Date: 28-Mar-2024 at 19:27


Topic: Трамвај Скопје ( Лесна железница / LRT )
Posted By: pbanks
Subject: Трамвај Скопје ( Лесна железница / LRT )
Date Posted: 03-Oct-2007 at 18:22
...



Replies:
Posted By: pbanks
Date Posted: 03-Oct-2007 at 18:26

Скопјани со трамвај ќе се возат за 10 години

Бугарското претпријатие “Градски електротранспорт-Софија“ и македонската компанија “МАК 2000“, кои го добија тендерот за изработка на физибилити студија за шински сообраќај (брз трамбвај) во Скопје, денеска го претставија планот за сообраќање на трамвај низ главнит град на четирии линии со вкупна должина од 56 километри, за што конечната верзија со пресметани трошоци ќе биде завршена на 20-ти овој месец. По конечните пресметки, како што најавија од Град Скопје, финансиски средства ќе бидат побарани од фондовите на Европската унија, а откако ќе се добијат парите, следува изградба на пругите во главниот град, но за тоа ќе бидат потребни најмалку 10 години.

Јован Христовски, раководител на секторот за сообраќај при град Скопје, објасни дека изградба на пруга во должина од еден километар во просек трае од 5 до 6 години. Со оглед на тоа дека вкупната трамвајска линија во Македонија ќе изнесува 56 километри, за изградба на пругите ќе бидат потребни околу 10 години.

Според Физибилити сдудијата првата трамвајска линија во Скопје ќе почнува од мостот кај Сарај, продолжувајќи по булеварот “Партизански одреди“ и “Димитрие Чуповски“, кон булеварот “Јане Сандански“ до населбат Ново Лисиче, каде ќе свртува и се враќа назад по булеварот “АСНОМ“. Втората линија, според планот, ќе минува по јужен булевар со можност за поврзување со транспортниот центар, како трамвајот би се искористил и како воз кој ќе сообраќа по железничката пруга.

Третата линија, објасни Светлослав Станоев од “Градски електротранспорт-Софија“, ќе почнува од железничкаат станица кај ОХИС, по “Првомајска“ ќе продолжува кон улицата “Даме Груев“ до населбата Бутел.

Четвртата линија е предвидено да се протега од работничкиот универзитет “ Кочо Рацин“ преку Бит пазар, десно кон булеварот “Александар Македонски“ до населбата Ченто.

Од секторот за сообраќај при град Скопје, за утре организираат снимање на бројот на патници и превозници во јавниот градски превоз, а со цел утврдување на фрекфентноста и потербите од градскиот превоз, кои би се имплементирале во планот за трамвајскиот сообраќај. Освен снимање, граѓаните ќе се анкетираат во врска со нивното мислење за воведување трамвај во градскиот сообраќај.

 
Eve naucivme nesto novo deka 1km pruga se gradel 5-6 godini. Me interesira kako presmeta tipov 10 godini za 56km. I da mislel 5-6 meseci pak matematikata ne e na mesto.


Posted By: pbanks
Date Posted: 03-Oct-2007 at 18:49

i vekje pocna novinarskoto raznoglasie za nesto sto treba da bide precizna informacija

 

Првите четири трамвајски линии во Скопје ќе се изградат за најмногу шест години
Првите четири трамвајски линии во Скопје ќе се изградат за најмногу шест години.
 
Трасите се веќе определени, Скопје ќе биде кружно поврзано. Ако се оди според планот, од градот очекуваат изградбата да почне за две години. Консултантите го изработиле планот за инфраструктурата, останува да се направи уште деталната финансиска анализа. Првичните покажаа дека за проектот трамвај треба да се обезбедат околу 40 милиони евра. Поголем дел од парите ќе се бараат од европските фондови.



Posted By: Cloverstack
Date Posted: 03-Oct-2007 at 19:09
Originally posted by pbanks

Eve naucivme nesto novo deka 1km pruga se gradel 5-6 godini. Me interesira kako presmeta tipov 10 godini za 56km. I da mislel 5-6 meseci pak matematikata ne e na mesto.



Тоа е тоа друже... Кога изгубени новинари ќе ги пренесат изјавите на неспособните власти, резултатот е ваков. Тоа ни се случува веќе долго време во континуитет.

Мене ме загрижува суштината, т.е. дека линиите имаат одредени несовпаѓања со ГУП-от. Според мене најголем дел од несовпаѓањата се неоправдани и изгледаат како лоши импровизации (по обичај).
Највеќе ме загрижува неспоменувањето на тунелот под плоштадот и на бул. Крушевска Република, чии траси се клучни и за ефикасен ЛРТ систем. Исто така ме вади од кожа оној некаков си едносмерен кружен тек околу Аеродром (прво по бул. Јане Сандански, после по бул. АСНОМ). На Јане Сандански има доволно место да се спроведе двоен колосек по сите стандарди и тоа во средина на булеварот, со пешачки мостови и модерни станици (најефикасно и најсовремено решение). Мене лично повеќе би ми одговарало ова со АСНОМ зашто ми е многу поблиску, ама навистина не е добро решение. Ако до толку има потреба, нека направат дополнителна линија кога ќе дојде време...

Единствена светла точка ми е дека конечно се става крај на шпекулациите за тоа каков трамвај планираат. Очигледно се работи за ЛРТ концепт, кој би требало да се интегрира и со постоечката железничка мрежа. Барем нешто паметно во целава работа...


Posted By: Cloverstack
Date Posted: 03-Oct-2007 at 19:39
Еве нешто малце подетално од официјалниот сајт на градот. Пак во очи упаѓаат импровизациите. Место да се развива паралелно со примарната сообраќајна мрежа (која е потребна не само сама по себе, туку нејзините траси се исто неопходни за ефикасен трамвајски систем), тие ги заплеткале предложените траси низ постоечкиот хаос во Скопје. Каде што има гужва ќе направат уште повеќе гужва, а трамвајот ќе биде спор и неефикасен, вртејќи лево-десно и поминувајќи на скоро секоја закрчена крстосница низ градов.

Angry


http://www.skopje.gov.mk/ShowAnnouncements.aspx?ItemID=1355&mid=24&tabId=1&tabindex=0 - http://www.skopje.gov.mk/ShowAnnouncements.aspx?ItemID=1355&mid=24&tabId=1&tabindex=0



ФИЗИБИЛИТИ СТУДИЈАТА ЗА ВОВЕДУВАЊЕ ТРАМВАЈ НАСКОРО ГОТОВА

Фирмата „Мак 2000“ и нејзиниот партнер Столичен електро-транспорт од Софија, Р.Бугарија, кои беа избрани за најповолни понудувачи на јавниот повик кој Град Скопје го распиша за изработка на физибилити студија за воведување шински сообраќај во градот /брз трамвај/, денеска, ги презентираа досегашните резултати од изработката на студијата.
 
Светослав Станев, заменик директор на Столичен Електро-транспорт, истакна дека физибилити студијата за воведување шински сообраќај во Скопје ќе биде изработена еден месец пред истекот на рокот предвиден со јавниот повик.
 
- Определени се трасите на трамвајските линии, неколку алтернативи, како и локациите на кои треба да се наоѓаат трафостаниците кои ќе ја опслужуваат електричната мрежа на трамвајот. Определени се правците на трамвајските линии, како и стојалиштата. Останува уште да се изврши економска анализа за воведувањето трамвај во Скопје. Оваа анализа ќе зависи и од резултатите од снимањето на бројот на возила и на патници во јавниот градски превоз, која ќе се изврши утре од страна на ученици во Автосообраќајниот училишен центар “Боро Петрушевски“. Податоците од снимањето ќе се обработат најдоцна до 10 октомври, а студијата ќе биде завршена до 20-ти овој месец – објасни Станев.
Станев нагласи дека системот кој се предвидува за напојување со електрична енергија на трамвајската мрежа има капацитет да ги задоволи потребите и доколку дојде до надградба на мрежите со нови линии.
 
Предвидени се две депоа, согласно ГУП на Градот Скопје, едното до автобазата на ЈСП Скопје во Ѓорче Петров, а другото во Ново Лисиче.
 
Трасите, кои се предвидени во физибилити студијата се следниве:
 
ТРАСА НА ЛИНИЈА БРОЈ 1
 
 
СВРТУВАЛИШТЕ ВО БЛИЗИНА НА МОСТОТ КАЈ САРАЈ – СЕ ДВИЖИ ПО УЛИЦА ЃОРЧЕ ПЕТРОВ – БУЛЕВАР ПАРТИЗАНСКИ ОДРЕДИ – УЛИЦА ДАМЕ ГРУЕВ – УЛИЦА ДИМИТРИЕ ЧУПОВСКИ – УЛИЦА 11 ОКТОМВРИ - БУЛЕВАР КОЧО РАЦИН – ПОКРАЈ КОМПЛЕКС БАНКИ – ПОД ТРАНСПОРТЕН ЦЕНТАР - ПО БУЛЕВАР ЈАНЕ САНДАНСКИ – ДО НОВО ЛИСИЧЕ, УЛИЦА ФЕВРУАРСКИ ПОХОД (КАДЕ ШТО ЌЕ БИДЕ ВТОРОТО ТРАМВАЈСКО ДЕПО)
 
ПРВАТА ЛИНИЈА СЕ ВРАЌА ПО БУЛЕВАРОТ АСНОМ, СРБИЈА, ЈАНЕ САНДАНСКИ И ПО ТРАСАТА КОЈА Е ГОРЕНАВЕДЕНА ВО ПРАВЕЦ НА НАСЕЛБАТА ЃОРЧЕ ПЕТРОВ. 
 
АЛТЕРНАТИВНА ТРАСА НА ЛИНИЈА БРОЈ 1
 
ОД УЛИЦА ЃОРЧЕ ПЕТРОВ - ПО БУЛЕВАР ПАРТИЗАНСКИ ОДРЕДИ – УЛИЦА НИКОЛА ПАРАПУНОВ - ПО БУЛЕВАР ИЛИНДЕН - ПОКРАЈ ЗГРАДАТА НА ВЛАДАТА - ДЕСНО ПО УЛИЦАТА ДАМЕ ГРУЕВ - УЛИЦА ДИМИТРИЕ ЧУПОВСКИ – УЛИЦА 11 ОКТОМВРИ - БУЛЕВАР КОЧО РАЦИН – ПОКРАЈ КОМПЛЕКС БАНКИ – ПОД ТРАНСПОРТЕН ЦЕНТАР - ПО БУЛЕВАР ЈАНЕ САНДАНСКИ – ДО НОВО ЛИСИЧЕ, УЛИЦА ФЕВРУАРСКИ ПОХОД
 
 
ТРАСА НА ЛИНИЈА БРОЈ 2
 
 
ТРАСАТА НА ЛИНИЈАТА БРОЈ 2 Е ВО СОГЛАСНОСТ СО ОНАА ПРЕДВИДЕНА СО ГУП КОЈА ОДИ ПО ЈУЖНИОТ БУЛЕВАР, СО ДОПОЛНИТЕЛНИ ИЗМЕНИ ВО НАСОКА НА ПОВРЗУВАЊЕ НА ТРАМВАЈСКАТА ТРАСА СО ЖЕЛЕЗНИЧКАТА ПРУГА, СО ЦЕЛ ДА СЕ НАПРАВИ ЕДЕН КРУЖЕН ПРЕСТЕН ОКОЛУ ГРАДОТ, КОРИСТЕЈЌИ ГИ НОВИТЕ ТЕХНОЛОГИИ ЗА ИЗРАБОТКА НА ТРАМВАЈ, КОЈ ПОКРАЈ ПО ТРАМВАЈСКА МОЖЕ ДА СЕ ДВИЖИ И ПО ЖЕЛЕЗНИЧКА ПРУГА. СО ТОА БИ СЕ ДОБИЛА БРЗА ЖЕЛЕЗНИЦА ОКОЛУ ГРАДОТ.  
 
ТРАСА НА ЛИНИЈА БРОЈ 3
 
 
СВРТУВАЛИШТЕ ОД НАСЕЛБАТА КИСЕЛА ВОДА, КАЈ ФАБРИКАТА ОХИС - НИЗ ЦЕНТАРОТ НА ГРАДОТ – ПО БУЛЕВАР КОЧО РАЦИН – БУЛЕВАР КРСТЕ ПЕТКОВ МИСИРКОВ – ПО УЛИЦАТА ЦВЕТАН ДИМОВ- БУЛЕВАР БОСНА И ХЕРЦЕГОВИНА (ДО БУТЕЛ)
 
 
ТРАСА НА ЛИНИЈА БРОЈ 4
 
 
СЕ ДВИЖИ ПО БУЛЕВАР ПАРТИЗАНСКИ ОДРЕДИ – БУЛЕВАР КОЧО РАЦИН - БИТ ПАЗАР-БУЛЕВАР АЛЕКСАНДАР МАКЕДОНСКИ- ДО НАСЕЛБАТА ЧЕНТО – ОД КАДЕ ПО ИСТАТА ТРАСА СЕ ВРАЌА НАЗАД  
 
 
ЌЕ СЕ СНИМА БРОЈОТ НА ПАТНИЦИ И ВОЗИЛА ВО ЈАВНИОТ ГРАДСКИ ПРЕВОЗ  
 
  
Дваесет и шест ученици од Авто-сообраќајниот училишен центар “Боро Петрушевски“ во текот на утрешниот ден ќе вршат снимање на бројот на возила и патници во јавниот градски превоз.
 
Снимањето ќе се врши на 13 пункта во градот, во текот на целиот ден. Учениците ќе бидат поделени во 13 тимови и ќе вршат мерење во периодите од 7 до 9 часот, од 11 до 13 часот, од 14 до 17 часот и од 19 до 21 часот. 
 
Учениците ќе вршат и анкетирање на патниците кое се состои од 12 кратки прашања поврзани околу нивните потреби, сугестии и забелешки за јавниот градски превоз. Се очекува секој тим да изврши по 100 анкетирања. 




Posted By: dejan
Date Posted: 04-Oct-2007 at 00:44
Jas nikogash ne sum se vozel na tramvaj, nit sum videl vo zhivot, ama mene mi izgledat spori?? Kako da zafakjat mnogu mesto vo gradot...neznam

Eve od Utrinski

За почеток Скопје ќе има четири трамвајски линии

Денеска на 13 места ќе се снима протокот на луѓе и автобуси


Главната трамвајска линија преку „Партизанска“ ќе ги поврзе Сарај и Ново Лисиче

САЊА НАУМОВСКА

Четири трамвајски линии, од кои главната преку бул. „Партизански одреди“ ќе ги поврзе Сарај и Ново Лисиче, се предвидени во физибилити студијата за воведување шински превоз во Скопје, која ја изработува фирмата „Електротранспорт“ од Софија. Главната линија на трамвајот ќе поминува низ центарот на Скопје, по улицата „Димитрие Чуповски“, и ќе се движи од Народна банка кон булеварот „Јане Сандански“. Оваа линија има и алтернатива, да ја заобиколи „Партизанска“, на потегот од Карпош 4 до зградата на Владата, каде што може да се движи по „Илинденска“. Втората линија ќе се движи по Јужниот булевар до Транспортниот центар и ќе може да се поврзе со постојната железничка пруга која постои во северниот дел од градот. Оваа опција е прифатлива, бидејќи новите трамваи можат да се движат и по железничка пруга, со што практично, Скопје би добило обиколница со брз трамвајски превоз. Во физибилити студијата се предвидени уште две линии кои од основната ќе се издвојат кон Кисела Вода, потоа преку „Првомајска“ кон ОХИС и преку Бит-пазар, кон Чаир, Бутел и кон булеварот „Александар Македонски“. Ќе бидат изградени и две трамвајски депоа, во Ѓорче Петров и во Ново Лисиче, а е направена и шемата за трамвајските постојки. Според изработувачите на студијата, преостанува уште економската анализа за цената на целиот проект, која зависи од мерењето на протокот на возила, патници и автобуси низ сообраќајниците во градот, што ќе се изврши денеска. Градот Скопје студијата ќе ја добие на 20 октомври.

„Тринаесет тима од ученици од АСУЦ ’Боро Петрушевски’, денеска на 13 раскрсници ќе извршат мерење на протокот на луѓе и автобуси. Мерењата ќе се вршат во четири термини во текот на денот, а ќе биде направена и анкета меѓу скопјани каков превоз сакаат и колку се задоволни од постојниот“, соопшти Ѓорѓи Ѓурковиќ, еден од тимот за изработка на физибилити студијата. Резултатите ќе бидат обработени за неколку дена и ќе бидат основа за финансиската пресметка.

Според физибилити студијата, вкупната трамвајска мрежа во Скопје треба да биде долга 56 километри. Изградбата, според плановите на градските власти, ќе оди етапно и веројатно ќе започне со првата траса на „Партизанска“. Пари ќе се бараат во фондовите на ЕУ, бидејќи годишно може да се изградат до 7 километри пруга, а со поновите технологии и до 12 километри. Како што нагласи Светислав Станев од „Електротранспорт“, системот за напојувење со електрична енергија на мрежата е предвиден да може да издржи и приклучување и на нови линии во иднина. За предвидените мрежи не треба да се врши експропријација на земјиште, што дополнително би ја олеснило изведбата, а ако се обезбедат доволно финансии, трамвајската мрежа може да се гради и на повеќе локации истовремено.




Posted By: Cloverstack
Date Posted: 04-Oct-2007 at 01:11
Originally posted by dejan

Jas nikogash ne sum se vozel na tramvaj, nit sum videl vo zhivot, ama mene mi izgledat spori?? Kako da zafakjat mnogu mesto vo gradot...neznam



Дејане, не се работи за „старовремски“ трамвај туку за модерен LRT систем. Овие „трамваи“ се поголеми, побрзи, потивки, користат многу денивелирани траси (што помалку да доаѓаат во конфликт со уличниот сообраќај), може да се интегрираат и со постоечката железничка мрежа. Сето тоа носи квалитет и ефикасност скоро како подземно метро, а за многу помала цена. Ама прашање е колку квалитетно ќе се изведе проектот во Скопје... Некои решенија што се спомнуваат се крајно загрижувачки. А Скопје со своите карактеристики е скоро идеален град за изведба на одлична LRT мрежа. Да се надеваме дека нема да го прокоцкаат тоа...


Posted By: dejan
Date Posted: 04-Oct-2007 at 01:24
Aa ok razbiram sega. Cim ke go sluzi gradot na dobar nacin, se nadevam nema da napravat nekoja glupost vlastite.


Posted By: Cloverstack
Date Posted: 04-Oct-2007 at 01:45
Еве да илустрирам малце како би требало тоа да изгледа:

1
Bombardier Flexity, на класична железничка пруга
http://imageshack.us">

2
Подземна станица на денивелиран дел од траса. Во Скопје денивелација може да се изведе ефтино и ефикасно на голем дел од трасите.
http://imageshack.us">

3
Alstom Citadis на засебна траса
http://imageshack.us">

4
Може да послужи дури и за карго (а може и да да се зачува тревата, наместо трасите да бидат прекриени со вештачки материјали кои во лето се вжештуваат...)
http://imageshack.us">


Posted By: dejan
Date Posted: 04-Oct-2007 at 10:36
Tie se mnogu dobri, bash bi bilo dobro Skopje da dobie takvi tramvaj.


Posted By: pbanks
Date Posted: 16-Nov-2007 at 13:13
eve izgleda ja smenile onaa matematika deka 1 kilometar pruga se pravel 10 godini (post #2) pa sega do kraj na mandatot kje sme videle 2 kilometri Nuts
 
ГРАДОНАЧАЛНИКОТ ТРИФУН КОСТОВСКИ НАЈАВУВА
До крајот на мандатот ќе изградам два километра од трамвајот
Градоначалникот ветува дека ако ништо повеќе, барем ќе го почне проектот трамвај во Скопје, а неговиот наследник ќе треба да го доврши

Скопскиот градоначалник Трифун Костовски најави дека до крајот на неговиот мандат ќе изгради барем два километра од трамвајската линија во Скопје. Тој вели дека наскоро ќе формираат две екипи во Градот кои исклучително ќе работат на реализација на проектот за трамвај. Едната екипа ќе работи на обезбедување пари од фондовите на Европската унија, а другата, која ќе биде дел од градската администрација, ќе работи на обезбедување на потребните документи и проекти за изградба на трамвајот.
"Сакаме проектот за трамвајот да го внесеме во системот на финансирање на ЕУ. Длабоко сум убеден дека еден, два километра од трамвајската линија ќе успееме да направиме во мојот мандат. Сакам да го почнеме тој проект, а некои работи ќе мора да останат и за следниот градоначалник. Еве, тоа нека биде проектот трамвај, но другите работи што ќе ги почнеме, сакаме да ги довршиме", вели градоначалникот Костовски.
Јане Христовски, раководител на секторот за сообраќај во Градот, вели дека физибилити студијата, која ја изработи бугарската компанија "Столичен електротранспорт", е вратена кај проектантите за да се вметнат во неа забелешките кои ги дале нашите сообраќајни експерти. Тој објаснува дека во моментов се работи на финансиската конструкција за реализација на проектот и оти многу скоро треба да се распишат тендери за избор на проектанти на идејниот и главниот проект за изградба на трамвајската линија. (Е.А.)

 
Извор:  http://www.vest.com.mk/default.asp?id=143561&idg=7&idb=2223&rubrika=Skopje - Вест


Posted By: Cloverstack
Date Posted: 16-Nov-2007 at 16:19


Nuts Nuts Nuts

Или градоначалникот не лажеше кога не убедуваше колку кошта и колку долго се гради пруга за трамвај, или не лаже сега кога ветува ваква работа. Се плашам дека лаже и за двете.

И уште не ми е јасно како може да се прифати таква студија која е спротивна на важечкиот генерален урбанистички план.


Posted By: pbanks
Date Posted: 28-Nov-2007 at 17:51
Ohno

ИЗМЕНЕТО СООБРАЌАЈНОТО РЕШЕНИ ЗА ТРАМВАЈСКАТА ЛИНИЈА ОД ЃОРЧЕ ДО НОВО ЛИСИЧЕ
Трамвајот нема да минува под Плоштад
За изградба на две депоа и на трамвајската линија од Ѓорче до Ново Лисиче, за набавка на 38 трамваи и за поставување на четири трафостаници на Градот ќе му бидат потребни околу 100 милиони евра

Трамвајската линија од Ѓорче Петров до Ново Лисиче, која Градот најави дека ќе ја гради прва, со физибилити студијата која ја изработи бугарската компанија "Столичен електротранспорт", нема да минува под плоштад Македонија, како што е предвидено во Генералниот урбанистички план на Скопје. Наместо по неизградениот подземен коридор, трамвајот ќе минува низ "Рекорд", покрај Собрание и ќе врти кај Црвен крст, по линијата на автобусот број 5.
Јован Христовски, раководител на секторот за сообраќај во Градот, вели дека со студијата биле обработени четирите трамвајски линии, предвидени во ГУП, и дека најлесна за изведба е онаа од Ѓорче до Ново Лисиче. Тој објаснува дека во студијата привремено е изменета трасата на оваа трамвајска линија, бидејќи подземниот коридор под Плоштадот не е изграден.
"Таа ќе почнува од мостот во Сарај и, преку Ѓорче, ќе излезе на булевар Партизански одреди. Од Партизанска линијата ќе врти по булевар Климент Охридски, а потоа, преку улицата Димитрие Чуповски, ќе дојде во Центар, од каде што, преку булевар 11 Октомври, ќе дојде до Црвен крст и оттука, по линијата на автобусот 5, ќе оди до Транспортниот центар. Потоа, преку булевар Јане Сандански, ќе оди се до Ново Лисиче. Ова е привремена траса која ќе се користи додека се изгради подземниот коридор", вели Христовски.
Тој објаснува дека изградбата на оваа трамвајска линија ќе се одвива во неколку фази и оти, најверојатно, ќе почнат со делницата од Ново Лисиче до Народна банка.
"Тука нема да има големи застои во сообраќајот и оваа делница може да се изведе за една година. За изградба на целата линија од Ѓорче до Ново Лисиче, за да поставиме четири трафостаници, да уредиме две депоа и за да набавиме 38 трамваи ќе ни требаат околу 100 милиони евра. Не би можел да кажам кога ќе стартуваат градежните работи, но сега се работи на финансиската конструкција и се надеваме дека наскоро ќе распишеме тендери за изработка на идеен и главен проект", вели Христовски. (Е.А.)



Извор: http://www.vest.com.mk/default.asp?id=144091&idg=7&idb=2233&rubrika=Skopje - Вест


Posted By: Cloverstack
Date Posted: 29-Nov-2007 at 19:14


А пресметале ли колку ќе чини да се изгради таа привремена траса, па после улиците да се враќаат во првобитна ситуација (кога ќе се гради тунелот)... Тоа нема да биде воопшто ефтино... А во меѓувреме, ќе добиеме многу понеефикасен трамвај и воопшто таа траса ќе создаде големи проблеми за сообраќајот во центарот на Скопје.

Бидејќи се работи за прилично замашна сума (100 милиони евра само за оваа траса), ако навистина се турка овој проект, треба да се запне уште повеќе и да се најде начин да се гради и подземната врска под плоштадот. Сум наишол на цифра од 30 милиони евра за овој тунел. И да е повеќе, треба веќе еднаш да се тргне во некоја таква инвестиција. Ако ништо друго, таа е оправдана од нејзината брза исплатливост на многу нивоа. Не е научна фантастика, ниту технички, ниту финансиски. Само така ни се чини затоа што долго време сме тотално зачмаени.


Posted By: lslcrew
Date Posted: 16-Jan-2008 at 02:44
Глупости. Ја сум за метро!


Posted By: Cloverstack
Date Posted: 16-Jan-2008 at 02:48
Originally posted by lslcrew

Глупости. Ја сум за метро!


Па во Скопје релативно евтино може да се изгради извонредна ЛРТ (трамвајска) мрежа, која по карактеристиките ќе може да се носи со добрите страни на метрото. Метро би било многукратно поскапо и реално немаме можност да изградиме таква работа.


Posted By: lslcrew
Date Posted: 16-Jan-2008 at 02:59
Незнам зашто би немале такба можност ама трамвај е малце застарнена работа. Замисли се паркира некој на сред трамвајска лента. Автобус да е ке го заокружи, ама трамвај не.


Posted By: Cloverstack
Date Posted: 16-Jan-2008 at 03:06
Originally posted by lslcrew

Незнам зашто би немале такба можност ама трамвај е малце застарнена работа. Замисли се паркира некој на сред трамвајска лента. Автобус да е ке го заокружи, ама трамвај не.


Па не си читал баш внимателно што имам трубено до сега Big%20smile

Трамваите треба да бидат сепарирани, на сопствени додатни ленти, физички одвоени од сообрќајот. Направи малку research по интернет, ќе видиш какви елегантни и ефикасни решенија има по светот. Само треба воља и способни луѓе.

Предноста на Скопје е што вакво решение е изводливо на комплетната мрежа (ако се држиме до ГУП-от). Додатна предност на Скопје е што ефтино можеме да постигнеме денивелација во огромен дел од мрежата (да нема вкрстување со уличниот сообраќај). Трасите на урбаните автопати и тунелот под плоштадот го овозможуваат ова. За цена на LRT, би добиле квалитети на метро Yes


Posted By: lslcrew
Date Posted: 16-Jan-2008 at 10:26
Абе ја мислев нема да има сепарирани ленти. Вака е бољи, ама ја имак сум за метро


Posted By: pbanks
Date Posted: 16-Jan-2008 at 16:03


абе кој нејќе метро ама реално за Скопје барем во оваа фаза нема логика воопшто да се разговара за такво нешто. Барем така рекоа "експертите" кои ги правеа анализиве минативе години. А и нема потреба од некои специјални анализи, еве Загреб е за 50% поголем од Скопје некаде, има буџет 10 пати поголем од најоптимистичниот овогодишен Скопски буџет, се работи за прилично претенциозен град чии граѓани сакаат да веруваат дека се на ниво на една Виена.... И покрај сето тоа таму веќе со години се води дебата дали воопшто треба да има метро.

Да не спомнувам дека метро се копа меѓу другото под густо населени површини каде има страшна концентрација на луѓе за кои неможе да се направи ефикасен надземен транспортен систем. Пример за тоа е Солун кој дури лани почна да ја гради првата метро линија и каде метрото е единствен избор. Освен Чаир (кој е само 3.5 квадратни километри површина) и до некаде Центар Скопје е прилично простран град + ги има сите предиспозиции да се изгради надземна LRT мрежа која би била далеку поефтина а подеднакво ефикасна.

Дај боже да продолжиме да раснеме како град и да се створат предуслови Скопје да има потреба од метро.


Posted By: Feniks_m
Date Posted: 31-Jan-2008 at 17:19
Кој сепарирани ленти луѓе, Скопје нема место за обични коловозни ленти а не една да узурпира специјално за трамвај.Башка без сообраќајна култура, може да има многу сообраќајки кои и вака ги има, а замислете плус со трамвај?!



Posted By: lslcrew
Date Posted: 31-Jan-2008 at 17:24
Јас сум многу против тоа со сепарирани ленти. Еве извадете слики од будимпешта, целиот трамвај е на сепарирани ленти и точно е дека изгледа убаво, ама кај нас не се доволно широки улиците да си дозволиме таков луксуз.


Posted By: Supervisor
Date Posted: 31-Jan-2008 at 17:37

Ако се изгради, на сепарирани ленти ке оди само во Аеродром на средина по Јане Сандански, а на Партизанска ќе оди по третата лента каде денес се паркираат возила и со тоа само ќе се зголеми гужвата и поради фактот дека Скопје нема доволно паркинг места...



-------------
NewYork-London-Paris-Moscow-Tokyo-Skopje


Posted By: lslcrew
Date Posted: 31-Jan-2008 at 17:41
Абе каков трамвај, трифка си праи филмови. За Скопје само метро со инвеститор-концесионер ако треба и 20 години. еве сега има закон са приватно-јавно партнрство и ништо не е пречка.


Posted By: Cloverstack
Date Posted: 31-Jan-2008 at 17:49
Епа еве гледам навалија инвеститори, само чекаат да се објави тендер...

И гледам пак се вратил тој муабетот дека у 1997 некој као умирал од желба да ни изгради надземно метро, ама нашиве шупаци не давале па не давале... мислам стварно...

Мислам да бидеме малку реални и да не летаме во облаци... За нас во догледна иднина и ЛРТ е еден огромен залак кој стои под знак прашалник, а камо ли метро... Плус тоа рачунајте дека на метро станиците му се поодалечени една од друга, така да и кога би се градело, не би биле само поволности од него.


Posted By: kire85
Date Posted: 01-Feb-2008 at 12:00
Originally posted by Cloverstack

Епа еве гледам навалија инвеститори, само чекаат да се објави тендер...

И гледам пак се вратил тој муабетот дека у 1997 некој као умирал од желба да ни изгради надземно метро, ама нашиве шупаци не давале па не давале... мислам стварно...

Мислам да бидеме малку реални и да не летаме во облаци... За нас во догледна иднина и ЛРТ е еден огромен залак кој стои под знак прашалник, а камо ли метро... Плус тоа рачунајте дека на метро станиците му се поодалечени една од друга, така да и кога би се градело, не би биле само поволности од него.


Tokmu taka klover, bas i jas sakav da go spomenam toa...i baska vo sekoj golem grad kade sto ima metro mreza ima i LRT....barem jas dosega nemam slusnato eden grad da ima samo metro...


Posted By: pbanks
Date Posted: 02-Feb-2008 at 01:23
Ми се свиѓа трасата која ја зацртале како прва, реално таа е и најизводлива и послужила одлично за кршење мраз по однос на овој проект. Работата од Лисиче до Народна банка е прилично чиста така да не би требало да се плашиме дека ќе зезнат нешто. Подобро ова отколку да почнат од некој замрсен дел како центарот.

Трамвајот ќе чини 280 милиони евра


Во првата фаза од изградбата на трамвајските линии ќе се изгради линијата што го поврзува Ново Лисиче со Народна банка, во должина од 8 до 10 километри, во двата правцa

Во ревизијата на физибилити студијата се предвидуваат 45 милиони евра повеќе за изградба на депото

Сања Наумовска

Изградбата на трамвајската мрежа во Скопје ќе чини 100 милиони евра повеќе отколку што беше предвидено со изработената физибилити студија, предвидуваат германски стручњаци, кои деновиве активно работат на ревизија на документот со градскиот Сектор за сообраќај. Најголемиот дел од трошоците ќе се зголемат за изградбата на депото во Ново Лисиче, кое според пазарните цени што се актуелни во моментов во Европа, ќе чини од 45 до 50 милиони евра, а не само 5 милиони како што е пресметано во студијата. Повисоки цени се предвидуваат и за изградба на трите трамвајски линии што ќе ги поврзуваат Ѓорче Петров со Аеродром и со Ченто и Кисела Вода со Бутел.

Според новиот финансиски план, Градот Скопје ќе треба да бара 280 милиони евра наместо предвидените 180 милиони. За парите ќе се лобира во европските фондови, каде што, велат во Градот, може да се набават и до 85 проценти од потребните финансии.

„Со добро лобирање во одредени фондови, за кое имаме ветување од пријатели на Градот Скопје, можеме да го обезбедиме поголемиот дел од потребната сума. Остатокот ќе го плаќа Градот и тоа на рати и до 20 години“, вели Јован Христовски, раководител на Секторот за сообраќај.

Тој објаснува дека во новата сума што ќе се бара во фондовите на ЕУ, откако за целиот проект ќе добијат зелено светло од Советот на Скопје, има процент за „заштита“, односно повеќе пари од реално потребните, кои доколку не се искористат, можат да се вратат. Христовски информира дека барањето до фондовите ќе биде предадено веднаш по одлуката на Советот, а оттаму одговор ќе се чека во рок од 60 дена.

Во меѓувреме, Градот планира да нарача и изработка на проект за трамвајското депо, кое би се градело прво доколку се обезбедат парите. По депото, во првата фаза од изградбата на трамвајските линии ќе се изгради линијата која го поврзува Ново Лисиче со Народна банка, во должина од 8 до 10 километри, во двата правци. Дел од трасите на сите три линии, особено во центарот на градот, се преклопуваат.

Во новиот финансиски план не влегува четвртата трамвајска линија, која според градските власти ќе чини колку целиот проект, а предвидува заобиколување на Скопје со прстен од железница преку искористување на постојната железничка пруга низ градот и доизградба на оние делови каде што ја нема. Градските власти планираат со овој проект да ја запознаат и Владата, со оглед на тоа дека треба да се искористи веќе постојната стара железничка мрежа низ Скопје. Градот сака заедно со Владата и да аплицира во фондовите за обезбедување финансии.



Извор: http://www.utrinski.com.mk/?ItemID=681D853C69D1524898B4872AC36AD8A3 - Утрински весник


Posted By: Cloverstack
Date Posted: 02-Feb-2008 at 01:42
Го прочитав текстов прееска и за мене отвара многу повеќе прашања, одколку што дава одговори...

Инаку за трасата се слагам дека со нејзе треба да се почне затоа што (покрај тоа што е прометна) е најлесна, а на нејзе би стекнале и некакво искуство кое ќе им биде потребно за покомплицираните делови.  Ама ме буни она со народна банка... Според ГУП-от, воопшто не трба да поминува од таму, туку во продолжение на Бул. Јане Сандански да оди по Ул. Симеон Кавракиров, па зад новиот веро, па у тунел... Е сега на „Симеон К. “ ми изгледа многу проблематично со простор, па се прашувам како бил обмислен тој ДУП таму...

Во секој случај има многу да се збори на темата каде и како ќе се помине низ транспортниот центар, но да не шпекулирам со премногу непознати, ми останува да чекам повеќе инфомации.


Posted By: pbanks
Date Posted: 02-Feb-2008 at 01:48
аха, сеа го глеав ГУПот за јавен превоз. Таа улица за која зборуваш е онаа позади блоковите карши Скопјанка (накај Мичурин)? Многу чудно решение. Стварно не гледам каде таму би се протињал LRT освен ако не се употребува некоја lslcrew методологија LOL.
У воопшто пологично ми е да проаѓа на Видое Смилевски Бато и да има станица баш под железничка станица.


Posted By: Cloverstack
Date Posted: 02-Feb-2008 at 02:00


Па на улицата позади скопјанка у суштина се стари згради и куќи, па и некакво лимитирано рушење доаѓа у предвид. Ама тамо у суштина главниот проблем го прават две релативно нови градби и затоа се прашував околу ДУП-от.

Инаку кога викаш В.С.Бато, веројатно мислиш на К.Ј.Питу Smile

Таму е малце проблематично зашто на средина нема доволно простор. Па би требало некое порадикално решение за да се направи, ако трасата се префрли таму.

А за кај транспортен центар и ја би сакал да видам тунел (то ест веќе од тука да почнува тунелот за ЛРТ коридорот под плоштад). Исто така и на Партизанска да почнува пред Ул. Ленинова.


Posted By: pbanks
Date Posted: 02-Feb-2008 at 02:02
Originally posted by Cloverstack


Инаку кога викаш В.С.Бато, веројатно мислиш на К.Ј.Питу Smile





Posted By: pbanks
Date Posted: 11-Feb-2008 at 00:22
Mnogu opasna LRT fotka od Madrid, sakav samo da ja spodelam Cheers

@lslcrew metro e super rabota ama mora da priznaes deka e mnogu smekerski vakvi lepotani da ni krstarat po gradov




Posted By: La Linea
Date Posted: 11-Feb-2008 at 00:34
Previous Или вакви лепотани Crazy ...

-------------
Помогнете во Македонската Википедија - Слободна енциклопедија!


Posted By: gotsomekicks
Date Posted: 11-Feb-2008 at 09:46
 LOLLOLLOLLOLLOLLOL

Јас секогаш сум бил повеќе за таа опција (трамвај/ЛРТ) отколку за метро. Метрото е супер доколку стварно има потреба, али трамвајчиња да ти пичат по Партизанска, па тоа ќе биде Drool


Posted By: blejdsk
Date Posted: 11-Feb-2008 at 15:51
Tramvajov vo Skopje ke se zafrsi vo 2018,,,,:(


Posted By: mitatos
Date Posted: 11-Feb-2008 at 17:44
Za da ima Tramvaj vo Skopje, treba malku da go dosaduvame premierot barem kaj i da e da odvoi sekoja godina od budzetot po nekoj 30 miljona barem kaj i da e za edno 5-6 godini da zavrsi tramvajot ,mislam deka ako mu dosagame ke ni go izgradi posto toa mu e slaba tocka ,veruvajte ako piseme site po 5-6 mailovi vo adresa na vladata za tramvajot ke ima efekt
90 % sum siguren



-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: La Linea
Date Posted: 24-Mar-2008 at 00:07
http://ad.httpool.com/click.ng/site=mkvecer&targetsite=mkvecer&AdSize=468x60&PagePos=2 -


Економија


ОТКАКО ПОТПИША ДОГОВОР СО МИНИСТЕРСТВОТО ЗА ТРАНСПОРТ ЗА МОДЕРНИЗИРАЊЕ НА ДВЕ ЛОКОМОТИВИ


Хрватски Кончар сака да го прави и трамвајот во Скопје


Од Кончар уверуваат дека можат да работат на осигурување на трамвајот и на снабдување на трамвајска мрежа со електрична инсталација


Хрватски Кончар може да биде една од компаниите која ќе го направи трамвајот, што градските власти го најавуваат како најголем проект во Скопје. Ова тие го најавија откако деновиве во Министерството за транспорт и врски потпишаа договор за модернизација на две локомотиви на Македонски железници - Транспорт.

Од Кончар уверуваат дека не само што можат да работат на осигурување на трамвајот, туку и оти можат да ја снабдат целата трамвајска мрежа со електрична инсталација, и да вклучат македонски фирми во целиот проект. Од хрватската компанија велат дека во моментов, моделот на трамвајот на Кончар се наоѓа на пробно возење во Братислава, а заинтересираност за овој трамвај покажале и Букурешт, Софија како и Киев.

Договорот со Кончар за обнова за локомотивите ќе опфати пренамена на нивниот начин на работа од механички во електронски.

- Со модернизацијата, локомотивите би се прилагодиле на европските стандарди - велат од Македонски железници - Транспорт.
Инвестицијата изнесува 3,2 милиони евра и парите ќе се обезбедат со кредитот од Светска банка што е наменет за трансформација и модернизација на поранешното претпријатие Македонски железници.
Од купувањето на локомотивите, за прв пат се прави нивна модернизација.

- Оваа постапка ќе значи многу за компанијата во процесот на осовременување на домашната железница - нагласуваат од Македонски железници - Транспорт.

(С. Бл.)
http://www.vecer.com.mk/?ItemID=8C149265AF843344989D935192EAF447 - Vecher


-------------
Помогнете во Македонската Википедија - Слободна енциклопедија!


Posted By: Supervisor
Date Posted: 25-Mar-2008 at 00:16
Да да може и ќе го стигнеме нивото на Загреб или на Белград. Ќе се гради една линија во рок од 5 години па ќе биде пократна па не знам што се не ќе испадне. Немаме нит среќа нит кеш такада Скопје боље да тера без ЛРТ

-------------
NewYork-London-Paris-Moscow-Tokyo-Skopje


Posted By: ProMKD
Date Posted: 25-Mar-2008 at 00:33
И ја сум за без ЛРТ.. партизанска/центар ќе ги напрај за нигде за коли (многу полошо од сеа) башка скапо, башка градење 200 години. а што ќе се прави зимно време кога службите од МКД пат снегот ќе ги изненади, кога шините ќе бидат покриени? Џабе ќе трошиме амортизери и зглобови по дупки од шините. 


Posted By: Cloverstack
Date Posted: 25-Mar-2008 at 10:03
@Junkie & ProMKD

Сето ова што го кажувате не е по дифолт така, туку зависи од многу други работи. Ако се испланира како што треба и ако се гради квалитетно, проблемите што ги наведувате нема да постојат (освен високата цена, која сепак е оправдана со оглед на тоа за што се работи)

Мене највеќе ме плаши фактот што проектов е почнат во време на лош градоначалник и за основните работи се одлучува во негов мандат (плус поради нетранспарентноста немаме никакви информации за тоа како се оформува проектот)


Posted By: dejan
Date Posted: 25-Mar-2008 at 10:43
Originally posted by pbanks

Mnogu opasna LRT fotka od Madrid, sakav samo da ja spodelam Cheers

@lslcrew metro e super rabota ama mora da priznaes deka e mnogu smekerski vakvi lepotani da ni krstarat po gradov



E ovakvi 'tramvajovi' da se shetaat nis Skopje!Smile
Ama vo crvena i zholta boja

Inace jas se uste ne gi razbiram tramvajovite...dali ke gi zamenat avtobusite? Posto mozes sekade so avtobus da odis. Znam vo gradov moj edno vreme imase tramvaj ama gi 'izvadija' mislam posto avtobusite mnogu podobro sluzhea, imase planovi da se vratat nazat ama ke kupat eden vid na avtobusi koj se epten dolgo i mozat duplo lugje da sluzhat, koj samo niz centarot ke se vrtat...ne mi teknuva kako se vikaa ama mislam takvi avtobusi bi bilo podobro za Skopje, ke probam da gi najdam.


Posted By: dejan
Date Posted: 25-Mar-2008 at 11:14
Eve http://www.news.com.au/couriermail/story/0,23739,22061320-3102,00.html - super buses i spored taa stranica mozat da nosat 200 patnici. I http://video.aol.com/video-detail/queensland-lord-mayor-unveils-super-bus-plan/3744740075 - snimka so avtobusite za koj mislev, mozhebi takvi bi sluzhea podobro za Skopje? I po efteni se od gradenje bilo kakov tramvaj sistem, kako sto rece gradonacalnikot, 'too much romanticism with trams'


Posted By: Cloverstack
Date Posted: 25-Mar-2008 at 11:23
Originally posted by dejan


Inace jas se uste ne gi razbiram tramvajovite...dali ke gi zamenat avtobusite? Posto mozes sekade so avtobus da odis.


ЛРТ не може комплетно да ги замени автобусите. И едниот и другиот вид на превбоз си има свои предности и со добро планирање можат одлично да се надополнуваат.

ЛРТ пред се треба да донесе значително поголем капацитет, со многу помалку сообраќајно оптоварување и со многу поголема енергетска ефикасност. Има и многу други предности, ама овие би биле главните. ЛРТ би се приманил на неколку линии кои имаат услови за да се изгради, а имаат најголема потреба од голем капацитет.  Скопје има неколку такви линии и ако не прават импровизации би требало да имаме одлични резултати.

Како што реков, двата вида на превоз си имаат свои предности и недостатоци и не може генерализирано да се каже кој е подобар. Не знам какви се тие автобуси што ги спомнуваш, ама каков било автобус во голем број ситуации е инфериорен во однос на ЛРТ, така да не може едноставно да ги замениш.


Posted By: Cloverstack
Date Posted: 25-Mar-2008 at 11:32
Не го приметив вториот пост. Тие автобуси би биле тотален промашај тука. Како прво не знам какви стандарди имате во Австралија, ама таков автобус е далеку вон европските стандарди и не можеш да го примениш тука чисто ради неговата должина ако не друго. Плус тоа не знам што толку се добива со 50% зголемена должина на поединачен автобус, кога главниот проблем е самиот концепт на автобус. Скопски дупли автобус ионака у гужва можеби собира поише него тој австралиски (200 патници), ама не е тоа главната поента.

Разликите се концептуални и многубројни.

А тој вашиот градоначалнит нека не кажува многу приказни, ЛРТ не е воопшто романтичен или застарен концепт, туку се враќа на голема врата, особено во Европа. Smile


Posted By: dejan
Date Posted: 25-Mar-2008 at 12:00
Avstralija stalno kasni po svetot:p od novinite ovde i se toa dobivam oset deka LRT/tramvaj veke ne se tolku popularni. Samo znam deka vo Sidnej i Melburn ima tramvaj sistem, ama neznam sto pravat tamu so tramvajovi. Ama ke bide interesno da se vidi kako ke uspeat tie dolgi avtobusi.

Originally posted by Cloverstack

Originally posted by dejan


Inace jas se uste ne gi razbiram tramvajovite...dali ke gi zamenat avtobusite? Posto mozes sekade so avtobus da odis.


ЛРТ не може комплетно да ги замени автобусите. И едниот и другиот вид на превбоз си има свои предности и со добро планирање можат одлично да се надополнуваат.

ЛРТ пред се треба да донесе значително поголем капацитет, со многу помалку сообраќајно оптоварување и со многу поголема енергетска ефикасност. Има и многу други предности, ама овие би биле главните. ЛРТ би се приманил на неколку линии кои имаат услови за да се изгради, а имаат најголема потреба од голем капацитет.  Скопје има неколку такви линии и ако не прават импровизации био требало да имаме одлични резултати.

Како што реков, двата вида на превоз си имаат свои предности и недостатоци и не може генерализирано да се каже кој е подобар. Не знам какви се тие автобуси што ги спомнуваш, ама каков било автобус во голем број ситуации е инфериорен во однос на ЛРТ, така да не може едноставно да ги замениш.

Fala za odgovorot (mislam po ftor ili treti pat mi objasnuvas za ovie LRT) ama mnogu sakam da se vozam na tramvaj, da vidam sto tolku se dobri, posto celosno te razbiram, ama sepak ima nesto vo mene kade nemozam da svatam zosto se tolku dobri.


Posted By: Cloverstack
Date Posted: 25-Mar-2008 at 12:25
Originally posted by dejan

da vidam sto tolku se dobri, posto celosno te razbiram, ama sepak ima nesto vo mene kade nemozam da svatam zosto se tolku dobri.


Има некои работи каде јасно се гледаат предностите на ЛРТ, а има работи кои не се приметуваат на прв поглед, то ест немаат врска со искуството кое човек го има дур се вози со ЛРТ, туку има пошироко влијание.



Еве сепак да направам некаква компарација на неколку битни предности кои ги има ЛРТ над автобуси:

1. ЛРТ е скапа, но долгорочно поисплатлива инвестиција, затоа што изискува значително помалку инвестиции во одржување. Ова дефинитивно се однесува на превозните средства, а претпоставувам и на самата мрежа. Значи кога ќе се повлече линија после 20, 30, 40 години (да не збориме за повеќе), тогаш се добива вистинска слика за тоа кој е поскап концепт.

2. ЛРТ е енергетски многу поефикасен концепт.

3. Пруга има многу поголем капацитет од лента со жолта линија на пример. Ова уште повеќе ако зборуваме за значително денивелирана мрежата, каква што би требало да имаме во Скопје, освен ако нашиве не ја усерат работата.

4. Нема загадување и плус модерните „трамваи“ се неспоредливо потивки од автобуси, што е многу важно за урбани средини со голема фреквенција.


Како што кажав и автобусите имаат свои предности, пред се нивната флексибилност. Но таа предност никој не ја оспорува - тие би останале да бидат голем дел од јавниот превоз, пред се на сите оние места каде што ќе нема ЛРТ мрежа.


Posted By: dejan
Date Posted: 25-Mar-2008 at 12:33
Thumbs%20Up mi stanuva po jasno sega, gi citam odgovorite povtorno...mi stanuva jasno (mislam)


Posted By: Cloverstack
Date Posted: 25-Mar-2008 at 12:58
И јас ја прелистав нишкава од почеток и се присетив на некои уште постари информации... Доколку „планерите“ уште ја имаат истата визија и ги планираат истите импровизации како тогаш, ми останува само да се сложам дека ова за Скопје ќе биде лошо решение...

Се се сведува на тоа како ќе биде изведен проектот - во основа ЛРТ е концепт кој може одлично да функционира во Скопје, но има огромен потенцијал работите да излезат наопаку ако се работи фушерски (како што изгледа се работи).
Штознам, можеби навистина е подобро да чекаме подобри времиња, пред се добар градоначалник и способен и одговорен тим кој ќе го реализира проектот.




Posted By: dejan
Date Posted: 25-Mar-2008 at 13:02
Originally posted by Cloverstack

И јас ја прелистав нишкава од почеток и се присетив на некои уште постари информации... Доколку „планерите“ уште ја имаат истата визија и ги планираат истите импровизации како тогаш, ми останува само да се сложам дека ова за Скопје ќе биде лошо решение...

Се се сведува на тоа како ќе биде изведен проектот - во основа ЛРТ е концепт кој може одлично да функционира во Скопје, но има огромен потенцијал работите да излезат наопаку ако се работи фушерски (како што изгледа се работи).
Штознам, можеби навистина е подобро да чекаме подобри времиња, пред се добар градоначалник и способен и одговорен тим кој ќе го реализира проектот.



Mislam prvo da dojde podobar gradonacalnik koj ke znae sto da pravi i koj ke bide sposoben da vodi grad. Mislam Penov bese takov covek.


Posted By: Cloverstack
Date Posted: 25-Mar-2008 at 13:11
Originally posted by dejan


Mislam prvo da dojde podobar gradonacalnik koj ke znae sto da pravi i koj ke bide sposoben da vodi grad. Mislam Penov bese takov covek.


LOL

Ај не зезај сега, Пенов за инфраструктурни импровизации беше ист таков штетник каков што е Трифун.

Пенов беше релативно поактивен градоначалник за некои работи, ама ако треба да го оценам генерално, тој исто така беше лош градоначалник.


Posted By: dejan
Date Posted: 25-Mar-2008 at 13:23
Originally posted by Cloverstack

Originally posted by dejan


Mislam prvo da dojde podobar gradonacalnik koj ke znae sto da pravi i koj ke bide sposoben da vodi grad. Mislam Penov bese takov covek.


LOL

Ај не зезај сега, Пенов за инфраструктурни импровизации беше ист таков штетник каков што е Трифун.

Пенов беше релативно поактивен градоначалник за некои работи, ама ако треба да го оценам генерално, тој исто така беше лош градоначалник.

Paa i jas na toa mislevBig%20smile izgleda me izlazha toa sto otide za kandidat na 'world best mayor':p


Posted By: pbanks
Date Posted: 25-Mar-2008 at 13:53
Незнам зошто толку фрка дигате. АКо почне било што да се гради ќе почне Н.Лисиче-Народна банка. Таму скоро да нема простор да се згреши. Мислам дека е битно да почне да се копа... И да се развлече шансата дека ќе се доврши проектот така е поголема отколку воошто да не се почне. 


Posted By: Cloverstack
Date Posted: 25-Mar-2008 at 13:57


Од Ново Лисиче до Табако 2 навистина нема многу што можат да заебат, ама од Табако 2 до Народна Банка е веќе друга приказна.


Posted By: pbanks
Date Posted: 25-Mar-2008 at 14:38
Originally posted by Cloverstack



Од Ново Лисиче до Табако 2 навистина нема многу што можат да заебат, ама од Табако 2 до Народна Банка е веќе друга приказна.


абе друже ќе раскопаат 200 метри и ќе постават евентуално пруга 20 метри... тешко да се направи некоја штета. изборите се за година дена... јас сум скептик дека било што ќе се почне


Posted By: Cloverstack
Date Posted: 25-Mar-2008 at 14:41
Абе да, ама не мора да значи дека во блиска иднина ќе добиеме добар градоначалник кој квалитетно би истуркал еден ваков проект. А каде што веќе ќе се направи траса, многу тешко дека тоа ќе може радикално да се поправи, дури и во некои хипотетички убави времиња.

Едноставно се плашам дека од проект кој има потенцијал да го препороди Скопје и да донесе бројни поволности, со неквалитетно планирање и изведба ќе се претвори во проект кој во најголема мерка ќе креира нови проблеми. Плус тоа се работи за таков тип на проект каде грешките би било многу скапо и тешко (некаде дури невозможно) да се поправат.


Posted By: vardar
Date Posted: 25-Mar-2008 at 23:48
Originally posted by cloverstack

Не го приметив вториот пост. Тие автобуси би биле тотален промашај тука. Како прво не знам какви стандарди имате во Австралија, ама таков автобус е далеку вон европските стандарди и не можеш да го примениш тука чисто ради неговата должина ако не друго.
 
Лично сум за трамвај али овие автобуси ги има во 3-4 града во европа, сигурно дека на скопскиве улици ќе има проблеми али би можело на некои линии да се примени, иако се надевам на трамвај не би ме изненадило повторно да ги сменат сите планови и да добиеме ново оригинално решение. Crazy
Иначе еве малце инфо околу ова ако сакате  http://en.wikipedia.org/wiki/Bi-articulated_bus - bi-articulated bus
 
 


Posted By: Cloverstack
Date Posted: 26-Mar-2008 at 00:10
Кажи една линија каде што може да се применат Big%20smile

Ама пак викам, тоа нема врска, концептуалните разлики се сепак преголеми... Не е финтата само да го издолжиш автобусот...


Posted By: vardar
Date Posted: 26-Mar-2008 at 00:40

Која линија? Добро види сега ....... Shifty Shifty Shifty ............ на пример двојка Dunno 5/15 иако у центар би заглавиле негде сигурно мада и другите европски градови имаат тесни улици.....Глеј и ја сум за трамвај и свесен сум дека ова не е адекватна замена, али има и некои предности пред се финансиски (не се потребни големи вложувања во инфраструктура) и флексибилност на движење..... а и трамвајот си има свои предности кои ти ги имаш веќе наброено...  со оглед дека status quo sucks  било што би било подобрување....



Posted By: Cloverstack
Date Posted: 26-Mar-2008 at 00:45
5/15 сигурно не можат, а и за 2 веројатно треба да се прилагодува на некои места, барем да се рушат пешачки островца...

Ама во секој случај, со вакви автобуси се губи токму главната предност на автобусот пред ЛРТ, а тоа е флексибилноста.


Posted By: vardar
Date Posted: 26-Mar-2008 at 00:55

Look let me play devils advocate....колку што знам ( а не знам многу Big%20smile  способностите т.е круг на вртење итн... се исти или слични со веќе постоечките армоникаши.



Posted By: Cloverstack
Date Posted: 26-Mar-2008 at 00:59
Не знам, ама капацитетот им е ист кога ќе земеш во предвид колку накрцан може да биде скопски армоникаш LOL


Posted By: vardar
Date Posted: 26-Mar-2008 at 01:11

Ако е официјалниот капацитет 200, кај нас 50-100% повеќе ќе биде LOL. Шала на страна се надевам ќе биде ова со ЛРТ само ко по обичај остануваат еден куп неразјаснети прашања, конкретно која е конечната траса НИЗ ЦЕНТАРОТ, тунел под плоштад или ќе си вртат наоколу ко што збореше трифка едно време Ohno


Posted By: Cloverstack
Date Posted: 26-Mar-2008 at 10:23
Шала на страна се надевам ќе биде ова со ЛРТ само ко по обичај остануваат еден куп неразјаснети прашања, конкретно која е конечната траса НИЗ ЦЕНТАРОТ, тунел под плоштад или ќе си вртат наоколу ко што збореше трифка едно време Ohno


Нема информации во јавноста... Roll%20eyes

Ако е без тунел, дефинитивно подобро да не се прави... Но како што кажа pbanks, изјавија дека ќе се почне со Ново Лисиче - Народна Банка. На поголем дел од таа траса нема што да заебат, но од кај Скопјанка веќе е многу деликатно...

Генерално и јас сум подржувач (голем) на ЛРТ, но само доколку се прави како што треба и без импровизации. Ако не, навистина подобро да не се гради...




Posted By: blejdsk
Date Posted: 31-Mar-2008 at 01:22
Ama trifun izlea e resen da go pocne proektov do krajot na negoviot mandat a? I najverojatno ke go gradat uste 2-3 drugi gradonacalnici LaughLaughLaugh


Posted By: pbanks
Date Posted: 29-May-2008 at 15:28
Ете ти го... Трасата ќе била на десните ленти.... Па зошто е оној проклет средишен појас на Јане Сандански?? Има ли било каква аргументација за ова? Веројатно не... Bash

Сепак џабе се нервирам... Имале 1.5 милиони ЕУР а им требале 50 милиони ЕУР а биле оптимисти LOL

Уште еднаш.... BashBashBash

Ќе се гради трамвајска траса во Скопје

Скопје ќе добие трамвај до крајот на 2009-та. Според проценките на градските власти, градежните работи треба да започнат во декември и да траат една година. Но, се зависи кога и колку пари ќе се најдат.

Целиот проект чини околу 50 милиона евра. Градот има 1,5 милион, пари кои се доволни само за изведување на градежните работи. Останатите средства ќе ги бараат од Европските фондови за инфраструктура.

Од утре веќе се распишува тендер за изработка на проект за првата фаза од трамвајската траса, која ќе се протега од Лисиче до Центар.

„Водењето на трамвајската траса, односно на трамваите во една насока и на обратната насока е по крајните десни коловозни ленти. Тоа е онаа т.н. жолта трака, како што ја нарекуваме, жолта сообраќајна лента, наменета исклучиво за движење на возила на јавниот градски превоз“, рече Јани Христоски, раководител на сектор за сообраќај.

Ќе се гради и трамвајско депо во кое ќе има можност да се гаражираат и сервисираат околу 40 трамваи. Возилата ќе се купат од Чешка или Германија.

Во текот на следните фази, трамвајската траса треба да се продолжи се до Ѓорче Петров.



http://www.a1.com.mk/vesti/default.aspx?VestID=93519 - http://www.a1.com.mk/vesti/default.aspx?VestID=93519


Posted By: pbanks
Date Posted: 29-May-2008 at 15:32
На сајтот на Град Скопје има нормално бескорисни информации Bash Техничките спецификации и точниот план како и секогаш се кријат, само глупите говори на Трифун и сличните на него се објавуваат

http://www.skopje.gov.mk/ShowAnnouncements.aspx?ItemID=1868&mid=24&tabId=1&tabindex=0 - http://www.skopje.gov.mk/ShowAnnouncements.aspx?ItemID=1868&mid=24&tabId=1&tabindex=0


Posted By: La Linea
Date Posted: 29-May-2008 at 16:28
Значи трамвајската траса нема да биде денивелирана и сепак ќе останеме без една лента по улиците? Па тоа ќе биде катастрофа за сообраќајот во Скопје!

Поправете ме ако грешам.


-------------
Помогнете во Македонската Википедија - Слободна енциклопедија!


Posted By: Cloverstack
Date Posted: 29-May-2008 at 16:56


За жал не грешиш...  До кога со вакво неодговорно планирање? Ohno

Јас се плашев дека на Партизанска сакаат да одат на ваква изведба, каде што исто така би било огромна гешка и промашување. Ама еве дури и на место каде што не треба да има никакви дилеми (како што е Јане Сандански) тие смислиле како да ја заебат работата...

Џуро, не ти е џабе нервозата... Па сепак ова се планови кои тешко се менуваат... Моменталното немање пари за изведба не значи дека ваквото планирање нема да остави огромни, непоправливи и несогледливи последици врз развојот и функционирањето на Скопје. Ова воопшто не е преувеличување, затоа што зборуваме за клучните транспортни коридори кои во огромна мерка ги диктираат економските перформанси на градот и квалитетот на животот на граѓаните, како и цела низа други важни работи.

Оваа тема е суштинска и ќе се одрази и на бројни генерации понатака! Страшно е да се гледа со каква леснотија се прибегнува кон мизерни импровизации, особено кога ситуацијата на терен не бара никакви импровизации. Средишниот простор на Јане Сандански не е оставен за украс, за да сега Трифун прекопува постоечка лента на оптоварен булевар. Тунелот под плоштад не е планиран за чаламење па гореспомнатиот да ја заплетка ЛРТ трасата по веќе очајно закрчениот центар. Страничниот простор на Партизанска не е планирано оставен за диво паркирање, па да мора и таму да се прекопува постоечка лента и сето тоа додека прават жардињери на средина, за да сме станеле „метропола“ Nuts

Континуираното естетското касапење на Скопје е минорно во однос на инфраструктурното касапење кое ни се заканува. Неколку помали глупости веќе го најавија тој тренд, но изведба на лоша ЛРТ мрежа и заебанциите што се прават со урбаните автопати имаат потенцијал неповратно да го осакатат градов за којзнае колку децении натака.

Сето ова е уште пострашно кога ќе се земе во предвид дека сме прилично сиромашни и дека ова за нас е огромна инвестиција. Толку пари да дадеме за да си наштетиме и тоа долгорочно??? Се прашувам зошто надлежните туркаат такви концепти. Ваков Трамвај/ЛРТ подобро воопшто да не се гради! Подобро да си тераме исклучиво со автобуси.

И кој е сега овој Јани Христовски побогу??? Па нели раководителот на секторот за сообраќај се викаше Јован Христовски... Така имам прочитано повеќе пати до сега. Која е точната верзија?


Posted By: lslcrew
Date Posted: 29-May-2008 at 16:59
Што се нервирате бе?! Ништо нема да биде!!!!! Ја сум повеќе за метро, а сум многу против трамвајот!!!!


Posted By: Cloverstack
Date Posted: 29-May-2008 at 17:21
Претпоставувам под метро подразбираш подземна железница (технички не е исто).

Имаме веќе многу дебатирано на темата ЛРТ vs. подземна железница... Мислам дека е прилично јасно дека подземна железница е ем прескапа ем непотребнa и донекаде неприкладна за наши услови. И онака деловите на ЛРТ трасата кои е логично да се под земја се така планирани во ГУП-от кој очигледно никој не го почитува.

Само не сакам да ја ширам дискусијата на таа тема и да зборам за утопистички мегаломански проекти за кои нема ништо на маса. Моментално имаме конкретни случувања во врска со ЛРТ/трамвајот кои се крајно загрижувачки и мислам треба да се сконцентрираме на тоа. Сега да почнуваме муабети за подземна железница е буткање на главата во песок во однос на тоа што конкретно се случува.


Posted By: pbanks
Date Posted: 29-May-2008 at 17:45
Еве дополнителни информации Ohno Какви се овие ненормални траси кои се спомнуваат. Bash

Трамвајската траса во Скопје ќе чини 50 милиони евра
 
Градоначалникот на Скопје Трифун Костовски денеска го презентираше проектот за изведба на трамвајска траса во Скопје.
За реализација на првата фаза од проектот за изведба на трасата во должина од девет километри на подрачјето на градот Скопје на делот Ново Лисиче - Центар се потребни 45 до 50 милиони евра.
Доколку се обезбедат пари од фондовите на Европската унија, ИПА-фондовите и Европската банка, Скопје до крајот на 2009-та година ќе добие трамвај.
“Градот ќе издвои 15 милиони денари за проектирање на трасата, а 1,5 милиони денари за изведувањето на градежните работи. Ако се биде во ред, за неколку месеци планираме да почнеме со аплицирање за да добиеме средства од повеќе места за реализација на овој проект. Најоптимистичка варијанта е до крајот на годината да се обезбедат средствата и во декември да се започне со градба”, рече градоначалникот Трифун Костовски.
Тој истакна дека на Скопје му е потребен алтернативен сообраќај како што е трамвај кој е сигурен и исплатлив сообраќај, не прави бучава и не загадува.
Согласно генералниот урбанистички план трамвајската линија број 1 се протега од Ѓорче Петров и завршува во населбата Ново Лисиче. Трамвајската траса треба да се одвива по булеварите „Асном“, „Србија“, „Јане Сандански“, „Кузман Јосифовски Питу“, продолжува по „Кочо Рацин“ и „11 Октомври“. Предложена е изведба на трамвајска траса т.н. кружна траса која треба да поминува покрај хотелот „Холидеј Ин“ да заврти лево кон Градска болница по булеварот „11 Октомври“ и да се врати кон Аеродром. Должината на вкупната траса изнесува девет километри, единечна должина од 2,9 километри и двојна должина од 6,1 километар.
Водењето на трамваите во една насока и во обратната насока кога треба да се враќаат е по крајните десни коловозни ленти, тоа е т.н. жолта линија наменета за движење на возила на јавниот градски превоз. На овој потег кон коловозот ќе се постави заштитна ограда за одвојување на трамвајот од остатокот на коловозната површина. Вкупен број на стојалишта на оваа траса на трамвајот се 22, лоцирани на тротоарските површини.
Проектот опфаќа изработка на главно големо депо во населбата Ново Лисиче кај последната автобуска станица на „5“ и „15“ каде ќе има гаража, канал за сервисирање, линија за одржување на електричните контакти и надворешно миење на возилата. Проектот треба да опфати и сигнализација на една крстосница, набавка на светлосни семафорски уреди за водење на трамвајските возила по крстосниците, изградба на главна трафостаница и три дополнителни по должината на трасата на трамвајот.
(Toтал)


http://www.total.com.mk/ShowNewsAdv.aspx?ItemID=10754&mid=303&tabId=1&tabindex=0 - http://www.total.com.mk/ShowNewsAdv.aspx?ItemID=10754&mid=303&tabId=1&tabindex=0


Posted By: se_manda
Date Posted: 29-May-2008 at 17:46
vo dupovite na opstina aer za delovite so izleguvaat na jane sandanski jasno e nacrtano trasata da bide u sredina.neznam zaso sea vikaat na zoltata lenta da gi stavat.


Posted By: Cloverstack
Date Posted: 29-May-2008 at 17:48
Originally posted by pbanks

Какви се овие ненормални траси кои се спомнуваат. Bash


Wallbash Wallbash Wallbash

Wallbash Wallbash Wallbash

Wallbash Wallbash Wallbash
http://www.total.com.mk/ShowNewsAdv.aspx?ItemID=10754&mid=303&tabId=1&tabindex=0 -


Posted By: Cloverstack
Date Posted: 29-May-2008 at 17:50
Originally posted by se_manda

vo dupovite na opstina aer za delovite so izleguvaat na jane sandanski jasno e nacrtano trasata da bide u sredina.neznam zaso sea vikaat na zoltata lenta da gi stavat.


Искрено не сум видел ДУП-ови баш во тој дел, ама не ме чуди пошто кај нас ДУП-овите и ГУП-от имаат вредност оприлика на тоалетна хартија.


Posted By: lslcrew
Date Posted: 29-May-2008 at 17:54
А ако бидат у средина тогаш како ќе се симињаат луѓе, директно на улица?


Posted By: Cloverstack
Date Posted: 29-May-2008 at 17:55
Џуро, еве еден твој пост од пред два месеци...

Originally posted by pbanks

Незнам зошто толку фрка дигате. АКо почне било што да се гради ќе почне Н.Лисиче-Народна банка. Таму скоро да нема простор да се згреши.


Stern%20Smile


You were saying?

Брат, немој никогаш да ги потценуваш нивнте вештини за да заебат нешто Wallbash


Posted By: Cloverstack
Date Posted: 29-May-2008 at 18:01
Originally posted by lslcrew

А ако бидат у средина тогаш како ќе се симињаат луѓе, директно на улица?


Таму каде што има можност да се направи во средина, како на Јане Сандански, има простор се да се уреди максимално функционално без импровизации. Луѓето ќе се симнуваат на најнормални станици кои немаат врска со коловозот. Логично ќе има и пешачки премини (пожелно мостови или подземни) кои во исто време ќе служат и за станиците и за оние кои што сакаат да да го преминат булеварот а не се возат со ЛРТ.


Posted By: lslcrew
Date Posted: 29-May-2008 at 18:03
Ја имам едне предлог: Да се стават трамваите у десна лента, ама да се изгради уште по една лента во средина за коли!!!


Posted By: pbanks
Date Posted: 29-May-2008 at 18:04
Originally posted by lslcrew

Ја имам едне предлог: Да се стават трамваите у десна лента, ама да се изгради уште по една лента во средина за коли!!!


Размислував на таа варијанта (како единствен излез понатака ако ова чудо се реализира). Но тоа ти е дупол трошок. Уништуваш прекрасна готова лента за да напраиш пруга, и плус градиш нова лента скроз.


Posted By: Cloverstack
Date Posted: 29-May-2008 at 18:07
Originally posted by lslcrew

Ја имам едне предлог: Да се стават трамваите у десна лента, ама да се изгради уште по една лента во средина за коли!!!


Тоа би имало минимални недостатоци и минимални предности во однос на средишно поставување. Но на крајот на краиштата не е многу битно и се сведува на несуштинска работа. Важно е да не се закрчува дополнително како што наумиле овие!

ЕДИТ: а држи и ова што го кажува pbanks во однос на практичноста за изградба. Јас повеќе го потенцирав самиот концепт - средишно или странично.


Posted By: pbanks
Date Posted: 29-May-2008 at 18:44
Бидејќи се работи за многу сериозна работа да ги архивираме сите објави за полесно да ги исфилтрираме вистинските информации

Старт на првата фаза од трамвајската линија во Скопје

Градот Скопје започнува проект за првата фаза од трамвајската линија во Скопје со кој ќе бара средства од европските фондови во Брисел. За првата фаза, односно линијата од Ново Лисиче до Центар се потребни 40 до 50 милиони денари. По изборите градот пари ќе бара и од новата Влада. Доколку изградбата започне во декември, првиот дел од трамвајската линија во Скопје ќе биде завршен за една година. Градоначалникот Костовски вели дека има голема дилема дека проектот што тој ќе го почне новиот градоначалник нема да го заврши.

 

- Алтернативен сообраќај на Скопје му е неопходно потребен. Во случајов, тоа е трамвајот. И не би сакал да го почнеме проектот и после тоа да остане како една завештина на нечии идеи. Сакам вие со својата континуираност да инсистирате на овој проект до крај, изјави градоначалникот на Скопје, Трифун Костовски.

 

Изградбата ќе започне со трамвајското депо во населбата Ново Лисиче. Во него ќе се паркираат, сервисираат и чистат трамваите. Тие на улиците ќе се движат по крајната десна жолта лента, која ќе биде одвоена со ограда.

 

- Задолжително да се изведе заштитна ограда на потегот кон коловозната површина, заради заштита на пешаците, од непрописно поминување на пешаците преку коловозот во потегот на стојалиштата и се разбира одбрана од паркирање на возила на потегот на стојалиштата, изјави Јован Христовски, раководител на секторот за сообраќај во град Скопје.

 
Вкупниот број на трамвајски стојалишта во Скопје ќе биде 22. Линијата од Ново Лисиче преку Центар треба да заврши во населбата Ѓорче Петров. Градоначалникот Костовски уверува дека возилата што ќе се купат ќе бидат нови, а не дотраени. Од град Скопје велат дека со воведувањето на трамвајот ќе се направи промена на возниот ред на автобусите на ЈСП и тие ќе сообраќаат по нови делници.


http://www.kanal5.com.mk/ShowNews.aspx?ItemID=33737&mid=1500&tabId=1&tabindex=0


Posted By: Supervisor
Date Posted: 29-May-2008 at 20:15
Катастрофа невидена. Хаос уште поголем, џабе фрлени пари, и да не збориме за ѓубрето од Белград и од Загреб што ке заврши кај нас. И што ке биде ново, веројатно шините само. И да не зборуваме дека нема да оди на предвидените делови под земја. За трамвај пред се треба да се има патна инфраструктура. Во Скопје Јужен булевар не е завршен, Илинденска не е проширена, Крушевска Република не е направена. Кога ќе се изградат шините враќање назад за поправки барем кај нас нема да има.

-------------
NewYork-London-Paris-Moscow-Tokyo-Skopje


Posted By: shyes
Date Posted: 30-May-2008 at 08:33


....Еве некои вести за трамваи во Скопје


Ќе почне да се гради трамвајската траса во Скопје

Градоначалникот очекува голема финансиска помош од европските фондови


Трамваите ќе возат по крајните десни коловозни ленти одвоени од останатиот коловоз со безбедносна ограда

Деспина Трајковска

„Во декември очекуваме да почне да се гради првата делница од трамвајската траса во градов, од Ново Лисиче до Центар“, најави вчера со голем оптимизам градоначалникот Трифун Костовски. Предвидено е изведбата на оваа траса да трае една година, за што Градот ќе издвои 1,5 милиони евра од вкупно потребните околу 50 милиони, кои градските власти се надеваат дека ќе ги обезбедат од европските фондови.

На вчерашната презентација на проектот, градските власти информираа дека денеска ќе биде објавена јавната набавка за изведбен проект на првата фаза од трасата. Предвидено е од Ново Лисиче до Центар во сообраќај да се пуштат шест до осум трамваи, кои ќе возат по крајните десни коловозни ленти одвоени од коловозот со безбедносна ограда. За функционирање на првата делница и воопшто на целата трамвајска раса ќе биде неопходно да се изгради трамвајското депо кое е планирано да биде лоцирано во Ново Лисиче. Во него освен простор за сервисирање и гаражирање на трамваите, ќе се има и контролна соба за сигнализација и нивно управување. Проектот ќе треба да опфати и сигнализација на една раскрсница, набавка на соодветни светлосни семафорски уреди, а ќе се доизгради и булеварот „Видое Смилевски - Бато“ во должина од околу 600 метри и ќе се реконструира една раскрсница. Должината на вкупната траса во градов, која ќе се протега од Ново Лисиче до Ѓорче Петров, изнесува девет километри. Скопјани ќе се возат во нови трамваи, кои чинат од еден до три милиони.

На вчерашната презентација на проектот беше присутен и надворешниот консултант Франк Веиндорф, кој како што рече, има задача да дава препораки како проектот би одговарал на потребите за аплицирање кон фондовите на Европската унија. Свесен дека за изградба на целата трамвајска траса во Скопје ќе бидат потребни неколку години, Костовски неколкупати потенцираше дека не би сакал неговите наследници да го остават проектот како споменик на нечие време. „Трамвајот му е неопходен на Скопје“, рече градскиот татко.


Утрински

http://www.utrinski.com.mk/?ItemID=450494408AF63D43991EA909717BC58D



Posted By: pbanks
Date Posted: 30-May-2008 at 08:35
Originally posted by Cloverstack


Џуро, не ти е џабе нервозата... Па сепак ова се планови кои тешко се менуваат... Моменталното немање пари за изведба не значи дека ваквото планирање нема да остави огромни, непоправливи и несогледливи последици врз развојот и функционирањето на Скопје. Ова воопшто не е преувеличување, затоа што зборуваме за клучните транспортни коридори кои во огромна мерка ги диктираат економските перформанси на градот и квалитетот на животот на граѓаните, како и цела низа други важни работи.


добри поенти. Не е работава за цепидлачење туку за многу подалекусежни последици. И никој не го гледа тоа. Па и денеска ги плаќаме цеховите за вакви авантури. Некомплетираната сообраќајна инфраструктура ја плаќаме многукратко на основа на максимизирано трошење на бензин што се се пари во ветер кои ние ги плаќаме за увоз.

Сепак дури и да се изградат трасите на третата лента тоа не е крај на светот (како што рековме постојат решенија да се компензираа таа грешка). Но трасите кои се дефинирани се надвор од здрав разум. И повеќе ме потсеќаат на класичен трамвајски систем (повторно ми се врати стравот дека уствари такво нешто планираат) отколку модерен ЛРТ. Ако е така поентата е изгубена а штетата ќе биде голема.


Posted By: pbanks
Date Posted: 30-May-2008 at 08:37
Originally posted by Cloverstack


Тоа би имало минимални недостатоци и минимални предности во однос на средишно поставување.


можеш ли ова подетално да го елаборираш


Posted By: vardar
Date Posted: 30-May-2008 at 11:21
Originally posted by pbanks

Незнам зошто толку фрка дигате. АКо почне било што да се гради ќе почне Н.Лисиче-Народна банка. Таму скоро да нема простор да се згреши.


Извини пбанкс али....  RollinRollinRollin
 
 
Има многу верзии али во принцип ова кај нас важи 102.5%.....
 
If anything can go wrong it will
 
Whatever can go wrong, will go wrong
 
Whatever can go wrong will go wrong, and at the worst possible time, in the worst possible way
 
 
Ова последново е my favorite Thumbs%20Up
 
If there's more than one possible outcome of a job or task, and one of those outcomes will result in disaster or an undesirable consequence, then somebody will do it that way.


Posted By: Cloverstack
Date Posted: 30-May-2008 at 16:06
Originally posted by pbanks

Originally posted by Cloverstack


Тоа би имало минимални недостатоци и минимални предности во однос на средишно поставување.


можеш ли ова подетално да го елаборираш


Па тие работи што ми паѓаат на ум се прилично неважни во споредба со катастрофалните грешки што се токмат да ги направат и затоа не сакав да разглабам премногу околу тоа.

Еве на пример тоа што би се градело средина би било на „купче“ што очигледно значи побрза и поефтина изградба, а исто така полесно и поефтино одржување. Би значело и полесна изведба на денивелација (и сега, и доколку некогаш се прави дополнителна). Исто така пругите лесно би можеле да се поврзат на одредени интервали со што би се овозможило привремено да се помине на другата страна за да се заобиколи некој непрооден сегмент (расипан трамвај, незгода, оштетена пруга или електрична мрежа...). Од сообраќаен аспект има една точка на вкрстување наместо две што би било случај доколку е странично. И физичкото одвојување на средишно поставена траса од околниот простор и сообраќај е полесно изводливо и поубаво би изгледало. Плус тоа средишно поставување директно ќе не стимулира да изградиме повеќе подземни и надземни пешачки премини.

Странично поставување пак е пофлексибилно каде што мора малку да се импровизира за да се заштеди простор (станиците едноставно ги поставуваш на постоечки тротоар). Плус тоа не се замараш да преминуваш улица ако си на вистинската страна. Доколку мрежата воопшто би немала средишни сегменти и се би било поставено странично, би можеле да нарачаме трамваи со врати само од една страна (што има извесни предности)... Но и трамваи со врати од двете страни (гледам дека преовладуваат во огромен процент) би имале голема предност на средишна траса, со тоа што патниците би се качувале само од лева страна а би се симнувале само од десна страна, што е многу побрзо и застанувањата на станици би биле пократки.

Нормално зборам за дополнителен простор странично, не за поставување на веќе постоечка сообраќајна лента што е надвор од памет!

Кога се ќе се собере, дефинитивно преферирам средишна траса да се спроведе секаде каде што тоа е можно да се направи без воопшто или без големи импровизации. Но како што реков, сепак тоа е маргинално прашање во однос на самите траси, или одземањето на постоечки сообраќајни ленти.


Сепак дури и да се изградат трасите на третата лента тоа не е крај на светот (како што рековме постојат решенија да се компензираа таа грешка).


На Јане Сандански како што заклучивме може да се поправи, но таа „поправка“ како што објасни би не чинела доста повеќе него тоа да биде од почеток правилно испланирано и изградено.
Ама на Партизанска на пример доколку узурпираат постоечка лента,  нема простор за поправка затоа што просторот на средина е мал. На партизанска единствена поправка би било комплетно уништување на веќе изграденото и градење на ново... :(


Posted By: Cloverstack
Date Posted: 30-May-2008 at 23:05
Согласно генералниот урбанистички план трамвајската линија број 1 се протега од Ѓорче Петров и завршува во населбата Ново Лисиче. Трамвајската траса треба да се одвива по булеварите „Асном“, „Србија“, „Јане Сандански“, „Кузман Јосифовски Питу“, продолжува по „Кочо Рацин“ и „11 Октомври“. Предложена е изведба на трамвајска траса т.н. кружна траса која треба да поминува покрај хотелот „Холидеј Ин“ да заврти лево кон Градска болница по булеварот „11 Октомври“ и да се врати кон Аеродром.


Еве го делот од ГУП-от што се однесува на јавниот превоз, па оценете сами колку е вистинит горниот цитат.




Posted By: pbanks
Date Posted: 30-May-2008 at 23:24
Текстот спомнува една ОК вест... Дека сигурно ќе се купувале нови трамваи. Иако онаква провизорна реченица дека "германските и чешките трамваи биле најдобри" одма ми фрла сенка врз квалитетот и на останатите информации воопшто... Ме интересира за вас што повеќе се разбирате во сето ова (Кловер, Владимир П можеби?). Колку чини еден ЛРТ сет а колку еден сет за класичен трамвај? Ме интересира дали може да оцениме од бројкине кои ги има во текстот за цената на еден сет дали планираат ЛРТ или класичен трамвај т.е. дали е дебаклот комплетен или не е.

Првите трамваи ќе почнат да возат до 2010 година

Стручњаците го посочуваа трамвајот како неопходен алтеративен превоз со поголем капацитет

Деспина Трајковска

Проектот за трамвај во Скопје, кој како идеја потекна уште пред дваесетина години, но пропадна поради негативниот глас на скопјани на референдумот по тоа прашање, дефинитивно ќе стане јаве до 2010 година. Актуелната постава на градската власт, свесна дека на главниот град му е неопходен алтернативен превоз, од почетокот на мандатот системски работеше на проектот и сега оптимистички најавува дека изградбата на првата делница од трамвајската траса ќе почне да се гради кон крајот на годинава.

Трасата, којашто е предвидено да се изгради за една година, ќе биде долга девет километри и ќе почнува кај последната автобуска постојка на „5“ и „15“ во Ново Лисиче и ќе се движи до центарот. Од Ново Лисиче, трамваите, секој составен од два вагона, ќе продолжат да возат по булеварот АСНОМ паралелно со реката Вардар до семафорите кај мостот „Близнак“, од каде што ќе свртуваат лево и по булеварот „Србија“ ќе се движат до следната раскрсница, а од таму возејќи десно ќе се приклучат на булеварот „Јане Сандански“. По овој и по булеварот „Кузман Јосифовски-Питу“ трасата ќе води до Народна банка. Потоа таа ќе продолжува покрај кејот „13 Ноември“ се' до хотелот „Холидеј ин“, каде што ќе прави еден вид кружно движење. Потоа движејќи се лево од „Холидеј ин“ кон Градската болница, па кон зградата на Црвен крст, преку булеварот „Кочо Рацин“ трамваите ќе се враќаат назад кон Ново Лисиче по речиси истата траса која води кон центар. Единствено движејќи се кон Ново Лисиче кај приклучокот со булевар „Србија“ трамваите нема да вртат лево, туку до крајната станица ќе продолжат право по „Видое Смилевски-Бато“ и по „Февруарски поход“ до депото.

Според проектот, трамвајските шини ќе се градат на десните страни од коловозите и со заштитна метална ограда ќе бидат одвоени од остатокот од коловозот. На трасата ќе има 2,9 километри единечни и 6,1 километар двојни шини. Трамвајските станици ќе се наоѓаат на тротоарите и на првата траса ќе има вкупно 22 стојалишта. Градските власти процениле дека трасата ќе има капацитет за 45-50 возила, а во првата фаза по неа ќе сообраќаат од шест до осум возни единици. Засега е сигурно дека трамваите ќе бидат нови, но од кој производител и колку ќе чинат ќе зависи од јавната набавка. Од Градот информираа дека просечно една возна единица составена од два вагона чини од 1,8 до 3 милиони евра, а како најдобри, според упатените, се трамваите од чешко и од германско производство. Покрај градежните активности потребни за трасата, како и набавката на трамваите, за функционирање на трамвајскиот сообраќај ќе биде неопходно да се изгради главното депо во Ново Лисиче, кај почетната, односно последна станица од првата траса. Тоа, според надлежните, практично е приоритетниот дел од проектот, бидејќи во него освен простор за сервисирање и гаражирање на трамваите, ќе се наоѓа и контролна соба за сигнализација и нивно управување. Проектот ќе треба да опфати и сигнализација на една раскрсница, набавка на соодветни светлосни семафорски уреди, а неопходна ќе биде и доизградба на булеварот „Видое Смилевски-Бато“ во должина од околу 600 метри, како и реконструкција на една раскрсница.

Сето замислено ќе го чини Градот меѓу 45 до 50 милиони евра. Засега е сигурно дека од градската каса за таа намена со ребаланс на буџетот ќе бидат издвоени 1,5 милиони евра. Градоначалникот Трифун Костовски не е обесхрабрен во намерите за обезбедување на целосната финансиска конструкција. Според него, Градот нема долгови и има стабилна финансиска позиција, што е позитивно во обезбедување на кредитниот рејтинг и аплицирање до европските фондови.

Заради полесен пристап до фондовите на ЕУ, Градот за проектот го ангажира и германскиот консултант Френк Веиндорф. Според него, во Брисел постојат многу европски фондови и кредитни програми кои финансираат инфраструктурни проекти, особено во земјите од Источна Европа и Западен Балкан. Според Веиндорф, пресудно е проектот што аплицира за парични средства да е усогласен со стандардите на Европската унија и на програмите на фондовите. Од тие причини, консултантот Веиндорф започна да работи со тимот од Град Скопје на усогласување на физибилити студијата за трамвај со барањата на европските фондови. Истовремено, тој ќе врши надзор врз изработката на проектот, а по добивањето на кредитниот рејтинг на Градот, кој се очекува да биде готов до септември, заедно со градоначалникот Костовски ќе имаат неколку средби со претставници на европските фондовите во Брисел.

Инаку, воведувањето трамвај во Скопје, иако многумина го оспоруваат како скап и неоправдан проект, според стручни анализи е неопходно за главниот град. Неодамна, кога Костовски го актуализираше проектот, од Институтот за просторно планирање (ИНПУМА) посочија дека неговата реализација ќе го спаси јавниот градски превоз од колабирање. Стручните анализи покажале дека поради зголемениот сообраќај се заканува опасност главните градски сообраќајници тотално да бидат блокирани. Како пример експертите ги посочија булеварите „Партизански одреди“, „Кочо Рацин“, „Јане Сандански“ каде што во ударните термини за еден час поминувале по повеќе од 200 автобуси, а според сообраќајните стандарди, оптимална бројка е проток од 60 автобуси на час. Трамвајот треба да биде основа на јавниот превоз, а автобускиот да го надополнува на најфреквентните правци. Инаку, целиот проект за трамвај во Скопје предвидува изведба во четири фази од Ново Лисиче до Ѓорче Петров.



http://www.utrinski.com.mk/?ItemID=021187AF3B3273429FDB73D95D3305FC - http://www.utrinski.com.mk/?ItemID=021187AF3B3273429FDB73D95D3305FC


Posted By: pbanks
Date Posted: 30-May-2008 at 23:28
@Clover и јас така од прилике размислував за разликите помеѓу траса по средина или од страна. Но сепак сакав да прочитам што имаш да кажеш со оглед на тоа дека си најчесто доста постудиозен за овие прашања.

Инаку кога зборуваме за ова. Зошто и на Партизанска не се планирани во средина трасите (доколку заклучивме дека е тоа најдобра варијанта)?? Наместо да се гради трасата на сметка на тротоарот може да се гради во третата лента од двете страни а првата лента да се догради на сметка на тротоарот. Поскапо е но поентата ми е дека и таму има решение да се изведе средишна траса.


Posted By: pbanks
Date Posted: 30-May-2008 at 23:37
Уште нешто. Чисто гласно размислување. Дали е можно ова да биде некои "привремено решение" по скопски рецепт? Создавање на некој кружен тек кој би проаѓал блиску до центарот со оглед на тоа дека подземниот коридор не постои? Дали можеби делот Холидеј Ин-Градска Болница-Црвен Крст-Народна Банка понатаму би се отстранил при евентуалната конструкција на подземниот коридор?

Знам дека е фрлање на пари и дека не е едноставно трасава што ја спомнувам да се изгради па да се размонтира.... Но сепак...  


Posted By: Cloverstack
Date Posted: 31-May-2008 at 00:33
@ pbanks

Во врска со дилемата што ја имаш дали се планира ЛРТ или класичен трамвај, границата не е многу оштра, а плус тоа повеќе се однесува на инфраструктурата отколку на самите возила. Немам познавања околу цените, ама не би бил загрижен многу околу тоа... Мислам дека е повеќе од сигурно дека пругите ќе бидат 1,435m и тоа е далеку најпресудно според мене.

На Партизанска за средишно поставување проблемот сепак лежи во немањето простор на делот што гравитира накај центар. Веќе спомнав дека со странично поставување се заштедува простор бидејќи станиците се поставуваат на постоечки тротоар. За средишно поставување не е потребен простор само за пруга, туку и дополнителен простор за станици, кој на Партизанска го нема доволно.

Што се однесува до привременоста на решението во центар, би било добро да е така, но би било нормално да нагласат кога би било така. Сигурно тоа не е некоја воена тајна... Во секој случај поставување на пруги на постоечки ленти не оди во прилог на такво темелно и долгорочно планирање, туку зборува за импровизаторски однос кој има за цел набрзина да се направи некоја крпеница. Кога нормален човек би го земал тунелот во предвид, би испланирал средишно поставување во аеродром, од каде трасата ќе понира во еден тунел. Доколку е странично, макар и на дополнителна лента, ќе мора да се води преку коловози за да се спои или да се прават два влезни тунели.


Posted By: Cloverstack
Date Posted: 31-May-2008 at 01:00
Да додадам за Партизанска. Би можело без просторни проблеми да иде у средина доколку целиот потег од Рузвелтова до центар иде под земја, а за премостувањето на Вардар кај Влае се дадат прилично големи пари...


Posted By: pbanks
Date Posted: 31-May-2008 at 11:18
Originally posted by Cloverstack

@ pbanks

Во врска со дилемата што ја имаш дали се планира ЛРТ или класичен трамвај, границата не е многу оштра, а плус тоа повеќе се однесува на инфраструктурата отколку на самите возила. Немам познавања околу цените, ама не би бил загрижен многу околу тоа... Мислам дека е повеќе од сигурно дека пругите ќе бидат 1,435m и тоа е далеку најпресудно според мене.


Знам дека разликата е пред се во инфраструктурата но бидејќи никаде не спомнува колку ќе бидат пругите (и не ми е јасно зошто е повеќе од сигурно дека ќе бидат 1.435м после сите глупирања што ги прочитавме деновиве) мислев дека можеби тоа може да го добиеме преку споредби на цените на сетовите (доколку значајна разлика воопшто постои во цената помеѓу ЛРТ сет и класичен трамвај).


Posted By: Cloverstack
Date Posted: 31-May-2008 at 14:39
Уште на времето рекоа дека мрежата ќе ја поврзеле со постоечката железничка мрежа, така да 1,435m е сигурна работа. Е сега ширината на пругата не гарантира дека ќе се набават широки трамваи (мислам дека денеска преовладуваат 2,6m), ама мислам дека со споредба на цени ионака не можеме да дојдеме до некаков посигурен заклучок околу ова.


Posted By: pbanks
Date Posted: 10-Jun-2008 at 08:17
И после ние дискутираме дали ќе имало траси и станици во средина. А заборавивме дека тој простор е за жардинерии BashBashBash

Оградите на булеварите во Аеродром ќе се заменат со жардиниери
Бетонски жардиниери, освен на булеварите во Општина Аеродром, Град Скопје ќе постави и на булеварите Октомвриска револуција, Партизански одреди, Христијан Тодоровски - Карпош и Гоце Делчев

Бетонска жардиниера Град Скопје ќе постави на местото на заштитната ограда поставена во средишниот зелен појас на булеварите Кузман Ј. Питу и Јане Сандански во Општина Аеродром. Од одделението за односи со јавност на Град Скопје информираат дека тендерската постапка за избор на најповолен изведувач на бетонските жардиниери е во тек и, по нејзиното завршување, ќе се пристапи кон нивно поставување.
"Средствата за изградба и хортикултурно уредување на жардиниерите се предвидени во буџетот на Град Скопје. Во моментот се поставува жардиниера на булеварот Александар Македонски, веднаш потоа жардиниера ќе се постави и на булеварите Јане Сандански и Кузман Ј. Питу во Општина Аеродром, како и на булеварите Октомвриска револуција, Партизански одреди, Христијан Тодоровски - Карпош и Гоце Делчев", велат од Градот.
За разлика од градоначалникот на Општина Аеродром Кирил Тодоровски, кој неколку недели пред да биде притворен од полицијата поради примање поткуп од 100.000 евра, без одобрение од градските власти, оградата од бела ја пребојадиса во црвена и жолта боја, неговиот заменик Југослав Зиберовски рече дека ќе соработува со Градот и ќе помогне во поставувањето на жардиниерите.
"Оградата е во надлежност на Градот и Општината може само да помогне и ништо друго. Без разлика што градоначалникот Тодорвски на своја рака си ја пребојадиса оградата, јас ќе се вклучам во активностите на Градот", вели Зиберовски. (М.Ѓ.)



http://www.vest.com.mk/default.asp?id=152366&idg=8&idb=2390&rubrika=Skopje - http://www.vest.com.mk/default.asp?id=152366&idg=8&idb=2390&rubrika=Skopje


Posted By: lslcrew
Date Posted: 10-Jun-2008 at 09:24
pbanks што бара текстов у трамвај?! Ти си го испланира тој простор за трамвај и гајле немаш?!


Posted By: pbanks
Date Posted: 10-Jun-2008 at 09:39
Originally posted by lslcrew

pbanks што бара текстов у трамвај?! Ти си го испланира тој простор за трамвај и гајле немаш?!


тој простор го имаат испланирано многу постручни и попаметни луѓе од мене... само што години наназад некои дибеци сето тоа интензивно го деградираат (без акцент на некого посебно)


Posted By: Cloverstack
Date Posted: 10-Jun-2008 at 14:57
Originally posted by lslcrew

Ти си го испланира тој простор за трамвај и гајле немаш?!


Според ширината на тој простор, ја би рекол дека е испланиран тачно во случај да се гради трамвај. Ама тоа било во некои дамнешни времиња кога се гледало многу понапред. Сега не само што не гледаме ниту две-три години понапред, туку и тоа што ни е оставено го упропастуваме.
А ова со жардињериве како запнале веќе станува перверзија.


Posted By: pbanks
Date Posted: 10-Jun-2008 at 15:00
Originally posted by Cloverstack

Originally posted by lslcrew

Ти си го испланира тој простор за трамвај и гајле немаш?!


Според ширината на тој простор, ја би рекол дека е испланиран тачно во случај да се гради трамвај. Ама тоа било во некои дамнешни времиња кога се гледало многу понапред. Сега не само што не гледаме ниту две-три години понапред, туку и тоа што ни е оставено го упропастуваме.
А ова со жардињериве како запнале веќе станува перверзија.


барем да беа нешто... на некои пошироките булевари изгледаат комплетно без врска (на Партизанска на пример). Единствено на водњанска ми се до некаде логични. Јане Сандански ќе се унакази, тоа нема да биде жардинерија туку корито (2+ сообраќајни траки ширина)



Print Page | Close Window